رواية تحملت كثير يا قلبي -59
قامت وشالت عبد العزيز وراحت غرفتها وقفلت الباب .. جلست تشوف ولدها وتذكرت حمد وجلست تصييييييييييح ..
لولو : اشتقتلك والله .. وينك عني تجي تشوفني من بعدك .. والله حياة بدونك مابيها .. وينك تشوف ولدك يكبر وانت مو جنبه .. آآآآآآآه يا حمد .. احس اني بعدك وحيده مالي اي قيمه ولا هدف بهالدنيا غير اربي ولدي .. الله يرحمك يا قلبي الله يرحمك ..
جاها ولدها وحاول يوقف مسك طرف بنطلون امه وسحبه وقام وقف قدامها وجلس يضحك ويهز .. لولو شالته وضمته وجلست تبوسه .. ( بدت تغني ) .. الأماكن كلها مشتاقة لك والعيون اللي انرسم فيها خيالك والحنين إلي سرى بروحي وجالك ما هو بس أنا حبيبي الأماكن كلها مشتاقة لك ,, كل شي حولي يذكرني بشي حتى صوتي وضحكتي لك فيها شي لو تغيب الدنيا عمرك ما تغيب شوف حالي آه من تطري علي الأماكن كلها مشتاقة لك ,, الأماكن إلي مريت أنت فيها عايشه بروحي وأبيها بس لكن ما لقيتك .. جيت قبل العطر يبرد قبل حتى يذوب في صمت الكلام وأحتريتك كنت أظن الريح جابت عطرك يسلم علي كنت أظن الشوق جابك تجلس بجنبي شوي كنت أظن .. وكنت أظن وخاب ظني وما بقى بالعمر شي وأحتريتك الأماكن كلها مشتاقه لك ,, المشاعر في غيابك ذاب فيها كل صوت والليالي من عذابك عذبت فيني السكوت وصرت خايف لا تجيني لحظة يذبل فيها قلبي وكل أوراقي تموت ,, آه لو تدري حبيبي كيف أيامي بدونك تسرق العمر وتفوت ,, الأمان وين الأمان وأنا قلبي من رحلت ما عرف طعم الأمان ,, ليش كل ما جيت اسأل هالمكان اسمع الماضي يقول ما هو بس أنا حبيبي الأماكن كلها مشتاقة لك ,,
جلست تصيح بعدين لفت على عبد العزيز ..
لولو : فديييييييييت عزوزي .. حبيبي جوعان يا روحي ..
عبد العزيز : اممممم .. اممممممممم ..
لولو : حياتي انت ..
شالته وراحت غسلت وجهها ونزلت تحت للمطبخ .. جلست تسوي له اكل بعدين جلست توكله وتسولف مع نعيمه ..
? عــنـد .. مشاري وفهد ?
كانوا جالسين بكوفي وكل واحد يفضفض للثاني ..
مشاري : ياربيه يا فهد .. ليه يصير معنا كذا ..
فهد : آآآآآآآآآهـ .. انا خلاص تعبت ماعاد اقدر ..
مشاري : بس لاتنسى انك تحبها ..
فهد : اي حب ياشيخ .. هي خلت فيها حب ..
مشاري : طيب اللي ابي اعرفه .. منهي اللي دقت عليك ..
فهد : ياخي الله يستر عليها ..
مشاري : من طيب ..
فهد : بيان ..
مشاري انصدم وكنه واحد معطيه كف على وجهه : بيــــان بنت عمـــي ابراهيـــم ..
فهد : ايه ..
مشاري : بس بيان متزوجه ..
فهد : وهذا الي انا منجن منه .. واللي مخليني ما اقدر اسوي شي .. ولا اقول لاحد .. ان زوجها خال جوري .. يعني بتصير مشكله مره كبيره لو احد درى انها هي اللي داقه ..
مشاري : ياخي ذي وش فيها .. مريضه نفسيا ..
فهد : على قولتها ماقدرت تحب طلال لانها تحبني ..
مشاري : ايوا يا معذب قلوب العذارى ..
فهد : مشاري مو وقتك ..
مشاري : ياخي وش نسوي .. مالنا غير السكوت ..
فهد : الله يعين على هالدنيا ياشيخ ..
مشاري : والله لو تشوف شكل لميا يوم جيت بطلع من البيت وربي يتقطع قلبك عليها ..
فهد : ياربيه بس ياخي معليش اسمحلي .. لاعمي ولا ابوها ماعندهم قلب .. دام يدرون ان شراكتهم بتنفك ليه يزوجونكم زواج مصلحه ..
مشاري يتطنز : لا يعيني عشان تتطور العلاقه وتطول فترة الشراكه ..
فهد : ياشيخ والله لو منك لا آخذها واسافر فيها اذا هدت النفوس رجعت ولو ايش ماصار ما يقدرون يسوون شي .. وحتى لو ماهدت النفوس ماراح ارجع ..
مشاري : تصدق فكره ..
فهد : هههههههههههه الحين يقول فهد مدشرني ومخليني انحاش ..
مشاري : ههههههههههه لا والله جد .. محد له حكم عليها الا انا .. يعني اقدر اسرقها وانتحاش ..
فهد : ايوا يا مافيا انت .. تسرقها ..
مشاري : وش اسوي مافيه الا هالحل ..
فهد : من جدك تحبها انت ..
مشاري : ليه مو مصدق .. ماعندي قلب يحب ..
فهد : لا والله مو قصدي بس ماتوقعتك تخاطر عشانها ..
مشاري : عشانها عوضتني عن كل اللي فقدته .. حسستني ان الدنيا لين الحين ماشيه .. حببتني فيها غصب ..
فهد : ياشيخ وربي فرحتني .. دام كذا .. انطلق .. انحاش انت وياها وانا بتستر عليك .. خخخخخخخخخ ..
مشاري : ههههههههههه تستهبل انت وذا الخشه ..
فهد : ههههههههههههههههههه .. ياخي عادي وش فيها .. تعااال ..
مشاري : وشو ..
فهد : عندك مسج حلو .. برسله لجوري ..
مشاري : عندي ..
فهد : هات ..
ارسل له مشاري مسج .. قراه فهد .. بعدين ارسله لجوري ..
(( فيني ألم غربه مع فرقا أعز الناس .. سفينه تايهه تبحث عن موانيها
ذكرتك يوم ودعتك وضاقت فيني الأنفاس .. بكت عيني على فرقاك لكن..من يواسيها؟
حرام أشوف أفراحي بأقدام الألم تنداس .. أداري دمعة هلت ومالي ..غير أداريها!! ))
قرتها جوري وارسلت له ..
(( الناس في بسمة المجروح منخدعه !! كم بسمه من وراها النار بأنفاسي ؟؟
بعض المواجع لها ما تنفع الفزعه !! وبعض المواجع وجعها من وجع ناسي !!
عودت نفسي على الصدمات و الفجعه !! ولو دست جمر الزمن ما ينحني رأسي !!! ))
فهد : وش قصدها يعني .. ياربيه انا وش سويت عشان اجرحها ..
مشاري : وش فيك ..
رمى الجوال على طاوله : خذ اقرى وش مرسله ..
اخذ مشاري الجوال وقرى ..
مشاري : متأكد انت انك ماسويت شي ..
فهد : مشاري لاتقعد تسوي كذا ..
مشاري : خلاص قم نطلع ..
قاموا الاثنين وطلعوا .. بالسياره كانوا ساكتين .. قام فهد وارسل لها ..
(( ليت لي قلب على فرقاك يقوى .. كان ودعتك وعجلت الخطاوي
لكن اللي بالحشالك شي اقوى .. من رحيل ماوراه الا البلاوي
ياحبيــبي تدري ان الحب بلوى .. وانت روحي ياجروحي والمداوي )) ..
ارسلت له ..
(( أنتهينا مابقى شيٍ نقوله .. لايضيع الوقت في كثر الكلام
كل منّا بان للثاني ميوله .. الصراحه ما اعتقد فيها ملام
ساعة الفرقى على اللقيا عجوله .. أنتهينا وانتهى ذاك الغرام
فرحتي من خلقت الدنيا خجوله .. الامل فيها تلاشى في السلام
خلّ يبقى حبنا باجمل فصوله .. الفراق المنتظر مسك الختام )) ..
انقهر مره من المسج .. قام ارسل لها ..
(( احبك يلي عني ماسألت .. ولافكرت فيني ولادريت
احبك يلي عني تغليت .. ولاعرفت وش فيني ولاحسيت
يادنيا تعبت من الي انافيه .. تعبت من الي حبيته موت
ماأغليت احد عليه ولاحبيت .. ولاأحد مثله بعيني شافت
لو وين اروح مثله مالقيت .. ولامثل ريحته شميت
أحبه وأحبه وأحبه .. وبيقى قلبي له مثل البيت )) ..
ارسلت له ..
(( بعد الخيانة انتهت رغبتي فيك .. وان كنت تذكرنا ترنا نسيناك
يشهد على الله لاحل طاريك .. يروق قلبي لكن اذكر سواياك ))
فهد : ياربيييييييييه .. قلبي خلاص ماعاد اتحمل ياناس بموت .. وش ذا الحاله اللي انا فيها .. ليه تسوي كذا لييييييه ..
مشاري : بسم الله عليك .. شفيك ..
فهد : ياخي احبها وربببببببي احبها .. بس ماتبيني ..
مشاري : من باعك برخيص بيعه بتراب ..
فهد : هالكلام ماينقال لجوري يا مشاري ..
مشاري : طيب .. من باعك بيعه ..
فهد : افففففففففف تكفى اسكت .. ودني بيت اهلي ..
وصل مشاري فهد وراح بيتهم ..
!??ٍ??? فبيتـ عبد العزيز ??????
دخل فهد ماكان فيه احد قايم .. رقى غرفته وحط راسه يبي ينام بس ما قدر .. قام وفتح الدرج بيحط جواله لقى البوم صور .. طلعه .. لقى صور حمد .. جلس يطالعه ويبتسم ..
فهد : وينك يا خوي .. ليتني انا اللي رحت مو انت .. والله تعبت من هالدنيا اللي عايش فيها ..
صكر الالبوم وحطه على الكمدينه ونام ..
العصر .. قام عبد العزيز وراح يصلي ورجع دخل وجلس مع عياله سلطان ورغد بالصاله .. جلس يسولف معهم .. جت هدى وحطت القهوه والشاهي وجلسوا يسولفون .. شوي نزل عليهم فهد ببجامته ..
فهد : سلاااااام ..
الكل : وعليكم السلام ..
هدى : من وين طالع ..
فهد : من المصباح .. من وين يمه بعد الله يهديك .. من غرفتي .. ابي آكل جوعان ماتغديت ..
هدى : جوري معاك ..
فهد : لا ..
هدى : وليه ماتغديت ..
فهد : ماحصل لي الشرف ..
هدى ابتسمت : الحين اخليه يحصل لك ..
قامت هدى للمطبخ وقامت معها رغد ..
عبد العزيز : ورى وجهك كذا ..
فهد : ولا شي توني قايم من النوم ..
عبد العزيز : حتى لو توك قام من النوم .. منتب طبيعي ..
فهد : تهاوشت مع جوري ..
عبد العزيز : لا حول ولا قوة الا بالله .. وليه ..
فهد : سالفه طويله .. شالت اغراضها وراحت بيت اهلها ..
عبد العزيز : الله يهديكم .. يلا خلها ببيت اهلها فتره وبترجعون احسن من اول ..
فهد : ماظنتي يبه هالمره كبيره .. وطالبه الطلاق ..
هدى : منهي اللي طالبه الطلاق الله يكافينا الشر ..
فهد : جوري ..
هدى حطت الصنيه : جـــــوري .. ليه وش صاير ..
فهد بدى يآكل : تهاوشنا وشالت اغراضها وراحت بيت اهلها ..
هدى : بس كذا من الباب للطاقه ..
فهد : لا فيه سبب ..
هدى : طيب حاولوا تحلون هالمشكله .. الطلاق مو حل ..
فهد : والله يا اميمتي انا رحت لها بيت اهلها وكلمتها بس البنت معنده انا وش اسوي .. براحتها تبي تتطلق بطلقها ..
عبد العزيز : فهد وش هالكلام ..
هدى : هذي جوري يا فهد اللي انهبلت تبي تآخذها .. الحين جاي تقول اذا تبي الطلاق بطلقها .. صاير لك شي .. احد لاعب بعقلك ..
فهد : يمه تكفين محد لاعب بعقلي .. بس خلاص انا مليت تعبت .. ماعاد استحمل .
هدى : فهودي يا قلبي انت .. روق شوي حاولوا تتفاهون ..
فهد : وين اروق يمه اله يهديك .. انتي بس لو تقرين المسجات اللي ارسلتها تقولين مستحيل ترجع ..
هدى : الله يهديكم بس .. الله يصلحكم .. اتركها الحين فتره ببيت اهلها .. بتفكر وبتهدى اعصابها بعدين تفاهموا ..
فهد : الله يعين بس .. الحمد لله ..
هدى : ما اكلت ..
فهد : خلاص مابي انسدت نفسي ..
هدى : يا عمري يا فهد كلك لو شوي ..
فهد : والله يمه خلاص مابي .. سلطان .. وش اخبار الدراسه ..
سلطان ابتسم : الحمد لله ماشيه عال العال ..
فهد : كفو والله اخو اخوك .. وانتي رغوده ..
رغد : تسلم عليك ..
فهد : افاااااااا .. فالتها العمه ...
رغد : هههههههههه لا اقصد انها ماشيه تمام ..
فهد ابتسم : ايوا كذا ابيك .. خوفتيني .. اقول يمه .. وين عزوزي ماشفته من زمان ..
عبد العزيز ابتسم : افاااااا مامليت عينك ..
فهد : هههههههههههههه اقصد عزوزي ولد حمد الله يحمه ..
هدى : الله يرحمه .. ماجوا اليوم ..
فهد : والله ياني مشتاق له الدب .. فديت روحك ..
عبد العزيز : بنروح يوم الاربعاء لبيت امي بنتغدى ونتعشى عندها ..
فهد : ليه وش السالفه ..
عبد العزيز : لا سالفه ولا شي بس كذا ..
فهد : اهااااااا .. الا اقول يبه .. وش صار على سالفة مشاري ..
عبد العزيز : والله يابوي اني مدري .. بس الله يهدي عمك ملزم انه يطلقها ..
فهد ابتسم : اعوذ بالله من الشيطان الرجيم وش هالطاري ..
هدى بنظره : علم نفسك ..
فهد : هههههههههههههههه .. داري وربي داري بتقولين كذا .. بس يمه انا ماودي يصير هالشي بس هي تبي .. وش اسوي فيها ..
هدى : الله يعقلكم ..
فهد : امين ..
!??ٍ??? فبيتـ حصه ??????
عبير : يعني شلوووون ..
اميره : هههههههههههههههههههههههه .. مافيه احد يدافع عنك الحين يا حلوه .. مافيه يلا انقلعي برى ..
عبير : اميره يرحم اهلك تكفين ابي اشوف الله يعافيك ..
اميره : اقولك اطلعي برى بسرعه بكمل الفلم ..
عبير : اميره عيوني انتي .. حبيبتي .. حياتي .. روحي .. قلبي ..
ماهر دخل عليهم : هـه هـه هـه .. هالغزل كله فمين .. وانا وين رحت ..
عبير : ماهر حبيبي .. شفها مو راضيه تخليني اشوف الفلم معاها ..
ماهر : لاتهمك .. تعالي معاي انا وياك نسوي فلم ..
عبير حمرة خدودها : بس ابي اشوف اللي معها ..
راح ماهر للـDVD .. طلع الـCD واخذه وابتسم لاميره اللي جالسه ومتنحه من حركته .. طلع ماهر وعبير جلست تطلع لسانه لاميره ولحقت ماهر .. دخلت القسم وسكرت الباب ..
اميره : لااااااااااااااا .. خير وش ذا النجاسه ..
راحت وطقت عليهم الباب بقوه .. وطلع عليها ماهر ..
ماهر : خير خير خير زلزال ..
اميره : هات الـCD حقي بسرعه ..
ماهر : سوري جالسين نطالعه ..
اميره : بجي اشوف معكم ..
ماهر : مايصلح فيه لقطات للمتزوجين فقط .. يلا برى لو سمحتي ..
اميره : ماهر بلا سخافه يا جيبوه خلونا نطالعه برى ولا دخلوني اطالعه معكم ..
ماهر يبتسم : ماحزرتي حياتي لاهذا ولا هذا .. والـCD اصلا انا غبيته لاانتي بتشوفينه ولاهي .. الا طبعا انا معكم .. بس مو الحين لاني دايخ بنام ..
اميره ابتسمت : ايه كذا حلو .. فديتك والله انك تجنن .. ياحبيلك .. اخوي انت تجنن ..
ماهر : بدت تقردن .. طسي بس طسي ..
جا بيسكر الباب قامت ودفت الباب ..
اميره : وين وين ..
ماهر : بنام ..
اميره : عبير وينها خل تطلع ..
ماهر : ما ابي ما اعرف انام من غير زوجتي ..
اميره : يالله .. يا رومنسي انت .. طلعها بس عندنا موضوع بنتشاور فيه ..
ماهر : عبير .. عبييير ..
عبير : سم ..
ماهر : تبيك اميره ..
عبير وقفت جنب الباب وطلعت راسها : خير ..
اميره : تعالي ابيك ..
عبير : ليه وشو ..
اميره غمزت لها : عشان اللي خبري خبرك .. الللللللـ ..
عبير تذكرت : آآآآآآآآ صح .. احم معليش حبيبي ..
ماهر : خير وش تسوون من وراي ..
عبير تبتسم : كل خير فديتك ..
ماهر : متأكده ..
عبير : ولووووو ..
ماهر : طيب .. يلا بنام .. مابي ازعاج .. ( قرب لعبير وباسها ودخل ) .. اذا جيتي بتدخلين شوي شوي ..
عبير حمرت خدودها ومره استحت ..
اميره : مو وقت الحيا الحين امشي غرفتي ..
عبير : طيب لاتسحبين بتقطعين يدي ..
اميره : طيب نسييييييييييت سوري يالرقيقه ..
عبير : عن الطنازه لو سمحتي ..
اميره : المهم .. وش بنسوي ..
عبير : نعزمه بمطعم ..
اميره : قديمه الحركه .. نبيها بالبيت .. نطلع امي ونسويها له مفاجأه .. لان تعرفين ماشاء الله الوالده ما تحب اعياد الميلاد ..
عبير : اوكي خلاص .. بس وين نسويها .. هو اربع وعشرين ساعه داخل وطالع كيف بنجهز ..
اميره : نسويها بالقبو .. ولا بالملحق ..
عبير : لا بالملحق ..
اميره : اوكي .. اجل بكرى نروح نشتري الاغراض ..
عبير : ياحليلك .. ميلاده يوم السبت الجاي ليه مستعجله ..
اميره : طيب ..
عبير : انا خربطت وعدلت بجدولي على اساس يوم السبت حطيت OFF ..
اميره : زين والله . احلى شي .. خلاص اجل ..
!??ٍ??? فبيتـ ليلى ??????
كانوا جالسين بالصاله وكان منصور يحاول يستفز ليلى بأي طريقه .. هي اصلا جالسه معاه وتسمعه وهي مقهوره بس ماتبي تبين له ..
منصور : اييييييييييه وش بعد .. ايه اقولك .. تدرين لو مارجع جسمك بعد ماتولدين بالسلامه .. مثل ماكان .. يشبه جسم ننوسي .. تدرين وش بسوي ..
ليلى : وش بتسوي ..
منصور : امممممممممم يمكن اروح ادور وحده ثانيه جسمها مثل ننوسي .. بالله بالله مو جسمها خطير ويخقق ..
ليلى : ماعليه حلو ..
منصور : اي حلو يا بنت الحلال .. الا يطير العقل ..
ليلى : ايه صح عليك ..
منصور : اييييه .. وابي عيونها زرق .. وشعرها اششششششققققررررررر .. وطبعا الجسم مثل جسم ننووستي بالضضضضضبط ..
ليلى : اوكي .. بس ماقلت لي تبيها قصيره ولا طويله ..
منصور : لا طبعا ابيها طويله .. بسم الله علي اخذ قصيره .. بس ما ابيها اطول مني .. يعني يكون طولها مثل طول ننوسي ..
ليلى : لاعاد انت من بيوصل طولك ماشاء الله ..
منصور : ايه الحمد لله .. الطول عز ..
ليلى : ايه صح ..
منصور : ايه عاد اقولك .. ابيها ....
ليلى قاطعته : بيضا وحلوه وخشمها سلة سيف وعيونها كبار ومكحله ووشعرها طويل وفمها لوزها ومشيتها رزه .. ومن حلاتها يقول لها القمر تعالي اجلسي محلي .. وصوتها تغريد بلبل ..
منصور : لاعاد مو تغريد بلبل .. ابي صوتها مثل صوت ننوسي لما تغني ..
ليلى قامت : ماتحس انك زودتها انت وننوستك ..
منصور : شفيك جالسين نتناقش حنا .. اجلسي اجلسي باقي ماقلت لك وش ابي اسمها ..
ليلى رمت عليه الخداديه : لا والله هذا اللي ناقص ..
منصور : يابنت الحلال اسمعي طيب .. ابي اسمها نانسي ..
ليلى صرخت : آآآآآآآآآآآآآآ ..
جت بتروح هو جالس ومسكها مع يدها وفيه الضحكه : وين على الله مابعد كملنا حكينا ..
ليلى : اتركني اتــــــــركني ..
فكت يده وراحت الغرفه وصبخت بالباب .. هو هنا مات من الضحك .. قام وراح لها الغرفه .. ولقاها منسدحه ومعطيته ظهرها وتهز .. راح وباسها على راسها ..
منصور : ماكنت ابي اخليك تعصبين ..
ليلى : ماعصبت خلني بحالي لو سمحت ..
منصور : طيب بس ابقولك ابي شعرها طويل مو قصير تقريبا مثل شعر نانسي ..
ليلى لفت عليه وصرخت ومست المخده وحطتها على وجهه .. وهو جلس يضحك ماقدر يسكت .. اخر شي وخرت عنه هو جلس يضحك ويتنفس بسرعه ..
منصور : ههههههههههههههه الحين بغيتي تذبحيني ..
ليلى : احسن ..
منصور : عشان يقولون من ضحايا الزوجات اللي يغارون من نانسي .. ايواااااا الحين فهمتك ..
ليلى : منصور قم اطلع برى مابي افجرك ..
منصور : هههههههههههههههههههههههههههههههه ..
قام لها منصور ومسكها وضمها .. هي خنقتها العبره ..
ليلى : منصور جد تبي وحده زي نانسي .
منصور : لو تجيني نانسي بكبرها ما ابدلها فيك .. انتي نور عيوني ..
ليلى : طيب ليه تقولي كذا ..
منصور : هههههههههههههههه بشوف وش بتسوين ..
ليلى : يعني تلعب بأعصابي ..
منصور يغمز لها : شوي ..
ليلى : انت خليت فيها شوي ..
منصور : ههههههههههه يازينك اذا عصبتي ..
????…¤_¤… يوم الاربعآء …¤_¤…????
!??ٍ??? فبيتـ عايشهـ ??????
الظهر الكل رجع من دوامه .. نايف رجع من المدرسه دخل البيت ورمى كتبه بالصاله وراح المطبخ حط له اكل وتغدى بالمطبخ وطلع رقى غرفته ونام << ماعنده وقت يبي يشبع نوم .. اما هيفا مابعد رجعت من الجامعه .. البنات كلهم رجعوا مابقى غيرها .. كانت تنقل محاظره من وحده من صديقاتها كانت غايبه فيها ..دق جوالها وردت ..
هيفا : مشكوره حنين .. اردها لك بالافراح ..
حنين : العفو حبيبتي .. يلا باي سواقنا برى ..
هيفا : مع السلامه .. الوو ..
بدر : هلا وغلا .. سلميلي على حنين صوتها عجبني .. ولاتنسين عطيها رقمي ..
هيفا : وصل .. وش تبي ..
بدر : مابي شي بسولف ..
هيفا : طيب بعد شوي دق .. بدق على سواقنا يجي ..
بدر : مابعد رجعتي من الجامعه ..
هيفا : لا ..
بدر : طيب هيوفتي .. تحبيني ..
هيفا : وش هالسؤال ..
بدر : بس سألتك جاوبيني ..
هيفا : اول قلي ليش السؤال .؟.
بدر : يعني ماتحبيني ..
هيفا : سبحان الله .. شلون تدري باللي بقلبي .. لايكون مخاوي بس ..
بدر : هيفااااااا ..
هيفا : نعم ..
بدر : اصلا داري انك ماتحبيني .. يلا يلا باي ..
هيفا : لحظه بدر ..
بدر : نعم ..
هيفا : شفيك ..
بدر : اول قولي تحبيني ولا لا ..
هيفا : ايه احبك .. بس ليه ..
بدر : طيب لو طلبت منك طلب بترديني ..
هيفا : على حسب الطلب ..
بدر : صدقيني طلب مره سهل يعني ما يكلف ..
هيفا : طيب يلا قل ..
بدر : يعني بتوافقين ..
هيفا : ايه بوافق ..
بدر : قولي والله اوافق ..
هيفا : والله اوافق ..
بدر : تراك حلفتي ..
هيفا : اوكي يلا .. حرقت اعصابي .. وشو ..
بدر : بمر الجامعه آخذك ..
هيفا انصدمت : نـــعـــم . صاحي انت ولا ايش .. لا يكون شارب بس ..
بدر : هيفا تراك حلفتي انك توافقين ..
هيفا : لاني حماره .. انسى .. اصوم ولا تجي تآخذني ..
بدر : هيوفتي .. بجيب غيدا معاي بس خلني اجيك ..
هيفا : لا ..
بدر : يلا عاد ..
هيفا : قلت لك لا يعني لا ..
بدر : هيفوووووه .. قلت لك بمرك يعني بمرك .. لاتخليني اعصب ..
هيفا : ياشيخ تكفى عصب .. وش بتسوي يعني ..
بدر : لاتخليني اوريك وش بسوي اذا عصبت ..
هيفا : تكفى خفت .. اللي ماتواصله بيدك واصله برجولك .. وركبه معاك ماراح اركب ..
بدر : قلتلك بتركبين يعني بتركبين .. وكلمتي ما اثنيها يا هيفا .. والله ثم والله يا هيفا شوفيني حلفت .. يميناً بالله لو دقيتي على السواق يجيك .. لا يصير لك شي مو زين .. وتدرين ان بدر اذا قال شي يسويه .. يلا باي ..
سكر بوجهها وهي جلست مقهوووووووووووره وخانقتها العبره .. بعد ربع ساعه دقت عليها غيدا وقالت لها انهم عند الباب .. لبست عبايتها وركبت السياره ..
هيفا : السلام ..
غيدا وبدر : وعليكم السلام ..
بدر : هلا وغلا ومرحبا .. تو مانورت السياره ..
هيفا : تسلم ..
بدر : افا .. يعني مافيه منوره بوجودك .. النور نورك شي من هنا من هناك يجبر الخاطر ..
هيفا : سوري ما اعرف اجامل ..
بدر : يؤ يؤ يؤ قويه .. ماعليه ..
غيدا : هيوفه ..
هيفا : سمي ..
غيدا : سم الله عدوك .. فديتك ليه ماتروحين معنا البيت نروح مع بعض بيت جدتي ..
بدر : يازينك يا غيدا عليك افكار عجيبه ..
هيفا طالعته بالمرايه اللي كان حاطها عليها : معليش مره ثانيه ..
غيدا : افااااا ليه طيب ..
هيفا : اليوم تعبانه .. وماراح اجي الا المغرب ..
غيدا : سلامتك يا قلبي ماتشوفين شر ..
هيفا : الله يسلمك ..
دق جوال غيدا وكان رائد ..
غيدا : مابعد رجعت ..
رائد : وينك طيب ..
غيدا : بالسياره ..
رائد : مع بدر ..
غيدا : ايه ..
رائد : اوكي عطيني اياه ..
غيدا مدت الجوال لبدر : رائد يبيك ..
بدر : هلا وغلا .. هلا بالنسيب ..
رائد : هلا هلا .. هلا حـبـييييييـبـيييييييي ..
بدر : ههههههههههههه وراك شي اخلص ..
رائد : ههههههههههههه يافاهمني ..
بدر : وشو ..
رائد : نخيتك مانخيت رخوم يا ابو فيصل ..
بدر : نخيت رجال يا ابو فارس .. تم يالغالي ..
رائد : ههههههههههه فديتك والله .. ابي اشوفك بآخذ غيدا ..
بدر لمعت فكره براسه وابتسم : ماقلت لك تم .. وين بس ..
رائد : عند السيفوي حق الجامعه ..
بدر : اووووووووكي .. يلا دقايق ..
رائد : تسلم لي والله ..
سكر بدر وعطى غيدا الجوال وابتسم ..
غيدا : وش يبي ..
بدر : بعدين اقولك ..
راح السيفوي ووقف بعدين جا رائد ونزل له .. طبعا السياره مكتمه فمايدري من موجود بالسياره ..
رائد : يالبى قلبك ..
بدر : هذي جبناها لعندك ..
راح بدر وفتح لها الباب : انزلي يلا ..
غيدا : ليه ..
بدر : ما اركب متزوجات بسيارتي يلا انزلي .. روحي مع زوجك ..
غيدا من الوناسه نست ان هيفا بالسياره .. على طول نزلت وراحت ركبت مع رائد << ماصدقت خبر .. بدر استانس وعلى طول حرك .. اول ما راحوا عن بعض .. وقف بدر على جنب ..
بدر : انزلي اركبي قدام ..
هيفا : بدر ودني البيت .. بسرعه ..
بدر : قلت لك انزلي اركبي .. ماتسمعين ..
هيفا : لا ما اسمع .. وش بتسوي ..
بدر : بسوي كثير .. هيفا انزلي بالطيب احسن لك .. ترى خلقه معصب منك ..
هيفا : بدر لو سمحت .. بلا حركات مراهقه ..
بدر : انا توه يبدى عندي سن المراهقه .. قومي بسرعه انزلي احسن لك .. ترى بديت اعصب ..
هيفا خافت .. نزلت وركبت قدام .. يوم سكرت الباب طالعها وابتسم ومشى ..
بدر : هلا وغلا .. هلا بالزين كله ..
هيفا : ............
بدر : ليه ساكته .. اللي ابيه وصار .. بس تدرين ان مالي يد فيه .. رائد دق وقال بآخذ غيدا ..
هيفا : بس تقدر تقوله ان هيفا معنا مايصلح اخليها تروح معاي بلحالها نوصلها بعدين خذ غيدا براحتك ..
بدر : بس هم مساكين من زمان ماشافوا بعض خل يوسعون صدورهم وش فيها ..
هيفا : بدر ودني البيت على طول ..
بدر : اول شي بنروح نتغدى بعدين تروحين بيتكم .. يا عسل ..
هيفا خنقتها العبره : بدر لو سمحت ..
بدر : شفيك يا شيخه .. انا جوعان ما افطرت .. خلينا نمر ونآكل لنا شي بعدين اوديك بيتكم .. ماراح اسوي لك شي لاتخافين ..
هيفا صاحت : ودني بيتنا ..
بدر انصدم اول مره تصيح قدامه .. دخل جوى الحاره ووقف على جنب والتفت عليها ..
بدر : حبيبتي هيفا .. خلاص وربي بوديك بس لاتصيحن .. خلاص حياتي انتي ..
هيفا : اذا جد تحبني ودني البيت الحين ..
بدر : وربي بوديك .. بس لاتصيحين .. عمري انتي ..
وخر يدينها عن وجهها ونزل الطرحه واخذ منديل ومسح وجهها ..
بدر : حرام هالعيون تنزل دموعها .. فديت قلبك .. خلاص وربي بوديك .. بس لاتخافين ترى لو فكرت بس اسوي فيك شي يضرك بذبح روحي ..
هيفا : ابي اروح البيت ..
بدر : خلاص ان شاء الله .. الحين اوديك بس لاتصيحن ..
هيفا : طيب .. يلا ..
بدر : اول ابتسمي ..
هيفا ابتسمت : خلاص ..
بدر : ههههههههههههه ايوا كذا انتي اوكي .. بس قبل لا اوديك لازم اجيب لك شي تآكلينه ما يصير ..
هيفا : بدر يرحم اهلك ودني .. تكفى ..
بدر : هههههههههههه فاست فود طيب على السريع ..
راح بدر ووقف عند برجر كنج .. واخذ له واخذ لها وجبه وراح يوم قرب للحاره وقف على جنب نزلت وركبت ورى ومشى .. وصلها بيتهم واول مادخلت اشرت له وراح .. على طول رقت غرفتها وسكرت الباب .. توها بتفصخ العبايه الا دق عليها ..
هيفا : بسم الله اخذ نفس طيب ..
بدر : ههههههههههههههههههههه .. يلا شهييييييق .. زفيييييييييير ..
هيفا : ههههههههه تتطنز حظرتك .. انا داخله البيت ميته رعب وانت تتطنز ..
بدر : عادي حياتي .. هاه وش رايك بالطلعه .. كل يوم بمرك صبح ومساء ..
هيفا : لاعاد هالمره اول مره واخر مره توبه يا بدر لو ركبت معاك حتى لو امي وابوي طلبوا مني ..
بدر : هههههههههههههه ليه ان شاء الله وش مسوي فيك انا .. اخذتك سليمه ورجعتك سليمه ..
هيفا : بس الرعب اللي كنت عايشه فيه غير ..
بدر : هههههههههههههههه يلا تعيشين وتآكلين غيرها ..
هيفا : سخيف .. يلا باي بروح اغير ملابسي ..
بدر : بعدين تغدي .. تسمعين مو تخلينه بالثلاجه .. ترى ما احب العصلا انا .. احب الرويانه ..
هيفا : لا انا بشوف وش تبي وبسوي .. انا عاجبني جسمي مابي اسمن ..
بدر : من زين جسمك هالكه اعوذ بالله ..
هيفا : بس حلو ..
بدر : لا يع .. احب الدبدوبه ام خدود ..
هيفا : رح دور لك وحده دبدوبه ولها خدود ليه مضيع وقتك معاي ..
بدر: المشكله ودي بس خلاص راحت علي .. اخذتي قلبي يا هيفا ما اقدر ارجعه .. المهم اخليك الحين .. تغدي وارتاحي ..
هيفا : اوكي ..
بدر : تعالي تعالي .. نسيت اسألك .. شلون امتحانك ..
هيفا : يجنننننننن ..
بدر : حبيبتي انتي .. دوم ان شاء الله خلك دافوره زيي .. يلا عيوني ادق عليك وقت ثاني ..
هيفا : اوكي .. باي ..
سكر منها وشغل المسجل على اغنية يعشقني ليوسف العماني ورفع على اععععععععععلى صوت ..
(( والله احبك احبك يشهد الله علي لما اشوفك ابتسم صدقني ماهو بيدي لا حاسد يقدر يبعدنا انا وانت لو شوي ياالله احفظ حبي لي ياالله ربي يا قوي مافي غيره سكن روحي حبيبي وانا واحبه لو قالو تمنى اتمنى عمري قربه .. يعشقني ,, يعشقني وعذبني مرمرني وانا مالي سواه ،، يعشقني ،، يعشقني ،، يعشقني من قلبه وقال انا ادري يحبني بس اشوي اتغلى عليه وغلاتي وغلاتي يا عمري تعال لو يطلب عمري كله والله عمري بين ايديه .. يفهمني ،، يفهمني ،، يفهمني من نظرة كلمة وانا بيدي دواه يفهمني يفهمني وانا بيدي دواه هذا الي احبه احبه ومن قلبي ابيه حبيبي حبيبي حبيبي وكل عمري معاها لو كل العواذل تفرق ماتقدر عليه مافي غيره سكن روحي حبيبي وانا احبه ))
الجــ ــ ــ ــ ــ27ــ ــ ــ ــ ــزء
!??ٍ??? فبيتـ الجدهـ ??????
الساعه ½,3 كانوا توهم مخلصين غداهم .. قاموا الرجال وراحوا المسجد عشان صلاة العصر .. اما عند الحريم .. الجده دخلت تنام والحريم جالسين بالصاله مع البنات ..
عايشه : اعوذ بالله يا حصه .. كم صار لنا ماشفنا اميره ..
حصه : والله وش اسوي فيها ..
شيخه : تدرين من متى ماشفتها اللي ماتستحي على وجهها ..
حصه : هههههه متى ..
شيخه : من عقب عزى ابوي الله يرحمه ..
حصه : يؤ ..
شيخه : ايه عشان تدرين انها قاطعه ..
حصه : لا ان شاء الله بجيبها اليوم غصبن عنها ..
ولاء : اشتقت لها وربي لها فقده ..
هيفا : حتى انا .. ياربيييه من زمان عنها .. تدرين حتى الجامعه ماعاد صارت تجي .. واذا جت تمتحن وبس .. مدري وش سالفتها ..
ولاء : زين يعني تشوفونها بالجامعه ..
هيفا : لا والله ولا الجامعه تروح المعيده تمتحن عندها وتروح ..
تهاني : انا شاكه فيها حولت انتساب ..
ساره : تسويها .. مايندرى وش اللي ببالها ..
تهاني : جوووووووووود يع ..
هيفا : يع من بعيد .. قومي لها اكفخيها ..
تهاني : بنتي ماتنضرب ..
هيفا : تكفين ياالليدي ديانا ماتنضرب .. الا تنضرب ونص ..
قامت هيفا لها تركض وقامت وراها تهاني .. شالتها هيفا وصارت تدور فيها وتهاني تلحقها .. والكل يضحك عليهم ..
تهاني : هيفا جيبيهاااااا ..
هيفا : لا لا لا .. اذا داخت واغمى عليها جبتها ..
تهاني : بلا سخافه جيبي ..
هيفا بحركه تقهر وتهز راسها : لا ..
التفتت ساره على ليلى : ام كرش ..
ليلى : سمي ..
ساره : فديتك .. لميا وينها ..
ليلى : اسكتي ماتدرين ..
ساره : لا والله وشو ..
ليلى : اذا قمنا عن الحريم قلت لك ..
اخذت تهاني جود من هيفا ورقت فوق ..
هيفا : بنات خلونا نروح فوق .. ( تغمز لهم وبصوت واطي ) عشان نآخذ راحتنا ..
قاموا البنات كلهم ورقوا فوق ..
غيدا : ساره وين بيان ..
ساره : مدري ..
ولاء : بالبيت ..
غيدا : ليه ماجت ..
ولاء : متهاوشه مع زوجها وجايه عندنا مدري وش عندها ..
جوري التفتت عليها : متهاوشه مع خالي ..
ولاء : ايه ليه ماتدرين .. صار لها اربع ايام عندنا ..
جوري : لا والله توني ادري .. امس شايفه خالي ماقال لنا شي ..
ولاء : لا جايه تصيح بعد ..
جوري : تستهبلين ..
لولو : وش فيهم العالم كل وحده تتهاوش مع زوجها .. لا يكون صاير موضه هالايام ..
عطت جوري نظره وجوري فهمت وش تقصد ونزلت راسها ..
ساره : ليه كفى الله الشر من غير بيان ..
جوري قامت وراحت نزلت تحت ..
لولو : هاللي قامت قدامك قبل شوي ..
ابرار : من جد ..
لولو : والله ..
هيفا : ليه حرام يحبون بعض ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك