رواية تحملت كثير يا قلبي -55
اي تيار ..
قام وقفل بوجهها الجوال ووقف عند الاتصالات وطلع له شريحه جديده .. وشرى له جوال .. وركبها فيه .. راح لمحل نقل له كل الاسماء والرسايل اللي بالشريحه الاولى وحطها بالثانيه .. قام وارسل رقمه الجديد لكل اللي عنده .. على طول دق عليه فهد ..
فهد : مرحبا ..
مشاري : اهلين ..
فهد : من الاخ ..
مشاري : انا مشاري ..
فهد : مااعرف واحد بهالاسم .. شكلك غلطان يالاخو ..
مشاري : بلا استهبال ..
فهد : ياخي جد اتكلم وش فيك انت ..
مشاري : فهيد ...
فهد : فهيد .. لا لا جد شكلك غلطان ..
مشاري : يلا يلا باي ..
فهد : لحظه لحظه .. شفيك مشاري ورى صوتك كذا .
مشاري : رجعت الذاكره ..
فهد : هههههههههههه .. المهم ورى صوتك كذا عسى ماشر ..
مشاري : عادي .. مافيه شي ..
فهد : طيب ليه غيرت رقمك ..
مشاري : بس كذا .. حياة جديده وجوال جديد ..
فهد : وبيت جديد وسياره جديده .. الله يستر لا يصير بعد مشاري جديد ..
مشاري : لا ان شاء الله مشاري هو هو ما يتغير .. مثل طعم البحر ما يتغير ..
فهد : عسى دوم ..
مشاري : الله يسلمك حبيب قلبي ..
!??ٍ??? فبيتـ عبد العزيز ??????
كانت لولو توها قايمه من النوم .. يوم التفتت مالقت حمد قامت ودقت على جواله ..
حمد : هــلا ..
لولو : هلا حبيبي .. وينك ..
حمد : انا جالس تحت بالحوش .. انزلي ..
لولو : من فيه ..
حمد : ماعندي احد .. امي بالمطبخ وابوي راح يفتح الباب لسواق الجيران .. يلا قلبي انزلي افطري ..
لولو : اوكي حياتي يلا دقايق بس .. ولا اقولك تعال تعال ابيك شوي بس وننزل مع بعض ..
حمد : اوكي يلا جايك ..
قام حمد الا على جيت عبد العزيز ..
عبد العزيز : وين ..
حمد : برقى بشوف لولو تبيني ..
عبد العزيز : ورى ما تنزل ..
حمد : بتنزل بس تبيني اطلع لها شوي ..
عبد العزيز : دلع .. يلا يلا اطلع لا تزعل عليك بنت عمتك ..
حمد : هههههههههههه ..
راح حمد وهو يضحك .. جت هدى ومعاها القهوه وحلا قهوه وكيك توفي .. حطت الصنيه وجلست معاه ..
هدى : وين حمد .. مو قالي يبي كيك ..
عبد العزيز : لولو تبيه فوق .. رقى لها ..
هدى : قامت ..
عبد العزيز : ايه اجل تقوله ابيك وهي نايمه الله يهديك .. وين عيالك ..
هدى : خميس ونايمين ..
عبد العزيز : الله يعين عليهم .. صبي صبي قهوه ..
هدى وهي تصب القهوه : الله ياعبد العزيز كبرت ..
عبد العزيز : ماكبرت بلحالي ..
هدى : هههههههههه وش قصدك ..
عبد العزيز : اللي سمعتيه .. الا تعالي امك وشلونها ..
هدى : والله يا حياتي هي على حطت ايدك ..
? عــنـد .. حمد ولولو ?
حمد : بس انا ماودي ..
لولو : بس انا ودي ..
حمد : طيب مو حلو اللون يا شيخه مره غامق ..
لولو : حمودي فديتك احب هاللون ..
حمد : ياشيخه غااااااااااااامق ..
لولو : التركواز صار غامق ..
حمد يبتسم : ايه ..
لولو ابتسمت : طيب ابي لون سكري ..
حمد : لا فاتح بقوه ..
لولو : يوووووووووووه ..
حمد : هههههههههههههه .. خلاص خلاص بحط تفاحي فاتح وليموني شرايك ..
لولو : حلو ..
حمد : فديتني ذوق ..
لولو : لا تآخذ مقلب ..
حمد : لو مو ذوق كان ما خذيتك ..
لولو : بهذي صدقت لو مو ذوق كان ما خذيتني .. يعني هذا اكبر دليل ينم عن ذوقك الرفيع ..
حمد : ههههههههههههه لا والله ..
لولو : ايه والله ..
مسكها حمد وشالها وجلس يدور فيها ..
لولو : حمد ترى بدوخ يكفي الدوخه الي تجيني ..
حمد وقف : اية دوخه ..
لولو : تصدق امس انخفض عندي الضغط وبغيت ادوخ ..
حمد : متى ..
لولو : بالجامعه ..
حمد : وليه ماقلتيلي ولا دقيتي علي اجي اخذك ..
لولو : اصلا كان نهاية الدوام وانت جيت ..
حمد : طيب ليه ماقلتي لي عشان اوديك المستشفى ..
لولو : يوه بدينا حركات مسلسلات .. نزلني نزلني ..
حمد كان لين الحين شايلها : مابي ..
مشى فيها لين وصل باب القسم ..
لولو : خير وين ..
حمد : بننزل تحت ..
لولو : طيب نزلني عندي رجلين بمشي ..
حمد : لا مافيه ..
فتح الباب وطلع وكانت رغد توها طالعه من غرفتها يوم شافتهم ضحكت ..
حمد : رغوده خذي الشال من الصاله وصكي الباب ..
لولو : حمد بلا هبال نزلني ..
حمد : اششششششششششش ..
مشى وكان شايلها وهي تحاول تنزل بس ما قدرت كان ماسكها بقوه .. نزل فيها الدرج ..
حمد : لا تتحركين عشان ما نطيح اعقلي ..
لولو : حمد لا يشوفونا نزلني يلا ..
حمد : اشششششششش ..
انفتح باب البيت ودخلت هدى رفعت راسها وشافت حمد شايل لولو ورغد وراهم معها الشال حق لولو ماسكته ..
هدى : لا تطيح الحرمه يا حمد ..
حمد : لا تخافين يمه ..
دخلت هدى المطبخ وهي تضحك . لولو مره استحت وحمر وجهها ولفت وجهها ودسته بحظن حمد ..
لولو : احرجتنييييييييي .. نزلني يلا نزلني لا يدخل عمي ..
حمد : هههههههههههههههههههه .. اششششششششش .. رغوده افتحي الباب .. وشوفي اذا ابوي جالس ولا لا ..
فتحت رغد الباب وطلت مالقت احد جالس بالزوليه ..
رغد : مافيه احد امان ..
طلع حمد وهو مازال شايلها لين وصلوا الزوليه بعدين نزلها ..
لولو : شكرا على التوصيله بس ياويلك لو تسويها مره ثانيه ..
جاهم عبد العزيز : هاه نزلتوا ..
لولو : صباح الخير عمي ..
قربت وباست راسه ..
عبد العزيز : صباح النور والسرور .. هذا كيكك يا حمد ..
حمد : فديت ماما ..
لولو : انا مسويته ترى ..
حمد : تغارين من امي ..
لولو : لا .. بس يعني عشان اقولك ..
حمد : زين .. امممممممم يجنن .. فديت امي انا ..
لولو : ايه والله فديت خالتي .. يا حبيلها ..
عبد العزيز : تغزلي برجلك وهو يتغزل فيك خلو زوجتي بحالها ..
لولو حمرت خدودها وحمد يطالعها ويضحك ..
عبد العزيز : رغودتي قايمه بدري ..
رغد : والله قايمه من زمان ..
عبد العزيز : وليه مانزلتي ..
رغد : كنت اتحمم ..
عبد العزيز : نعيييما ..
رغد : الله ينعم عليك ..
!??ٍ??? فبيتـ مشاعل ??????
كان بدر توه مقفل من هيفا وتهاوش معها على سالفة شذى .. كان مره معصب قام وطلع من البيت وراح جلس بكوفي .. اما بغرفة غيدا .. كانت نايمه بالعسل تكلم رائد .. ومشاعل كانت مع جيرانها طبعا ..
غيدا : يعني كيف ..
رائد : يعني مدري ..
غيدا : طيب انت وش رايك بفستاني ..
رائد : وانا لحقت اشوف شي .. على طول دخلتي ..
غيدا : هههههههههههه والله خفت احد يجي ويشوفني ..
رائد : طيب وين الصوره ..
غيدا : ياخي مابعد طلعت بتطلع اليوم العصر ..
رائد : ترى لي نسخه تسمعين ..
غيدا : يصير خير ..
دخلت مشاعل على غيدا وارتبكت غيدا مره ..
غيدا : أ أ أ .. يلا باي اكلمك بعدين ماما تبيني ..
رائد : حرام عليك خليك شوي ..
غيدا : معليش فروووحه امي عندي تبيني .. يلا اكلمك بعدين ..
رائد : اوكي اوكي يلا باي ..
سكرت منه وحطت الجوال تحتها وجلست تطالع امها ..
مشاعل : شفيك ..
غيدا : ولا شي .. انتي اللي شفيك ..
مشاعل : مافيني شي .. بس بقولك ..
غيدا : وشو ..
مشاعل : ترى امس وحده بالعرس كلمتني عنك تبيك لولدها ..
غيدا : مابي ..
مشاعل : طيب انتي اعرفي مين ويصير خير بعدين تكلمي ..
غيدا : بغض النظر مين .. مابي ..
مشاعل : على العموم هي ام سلطان وولدها اسمه عمر متخرج من بريطانيا دكتور جراح بيسكنك ببيت الحالك واطلبي اللي تبينه يوصل لك .. والصراحه راعي فلوس وعز .. وعلى شغلته يمكن العمليه الوحده تجيب له قيمة سياره ..
غيدا : يمه ماهمني كل هذا انا مابي دكتور وخلاص وحتى لو كان مو دكتور ما ابيه ..
مشاعل : الرجال ما ييتفوت بيعيشك بنعيم وعز ..
غيدا : الحمد لله يمه عايشه بخير ابوي ومو ناقصني شي ..
مشاعل : بس خير ابوك على قولتك ماراح يدوم لك ..
غيدا : يمه تكفين قفلي الموضوع ..
مشاعل : ماراح اقفله ..
غيدا خلاص خنقتها العبره : يمه تكفين ..
مشاعل : وليه ماتبينه يعني وش شايفه فيه ..
غيدا صاحت : مو شايفه شي بس ما ابي ماااا ابييييي .. افهميني يمه ..
مشاعل : خلاص خلاص .. براحتك .. بس برجع افتح الموضوع فكري فيه ..
طلعت مشاعل ودقت غيدا على بدر وهي تصيح ..
بدر : هلا ..
غيدا : بدر وينك ..
بدر : وشفيك ..
غيدا : تعال البيت ..
بدر : وش صاير فيكم شي ..
غيدا : لا .. بس تعال ..
بدر : طيب يلا جاي ..
طلع بدر من الكوفي وراح البيت على طول رقى غرفة غيدا وطق البا فتحت له وضمته وهي تصيح ..
دخلها بدر جوى الغرفه وجلسها وجلس يسكتها .
بدر : وش فييييك .. ليه دايم تخرعيني ..
غيدا : امي تبيني اتزوج غصب ..
بدر : غـــصــــب .. وليه ان شاء الله ..
غيدا : بس كذا .. عشانه دكتور وغني وعنده فلوس ..
بدر : ليه انتي ناقصك شي هنا ..
غيدا : انا قلت لها .. بس مدري ليه تبيني اخذه ..
بدر : طيب هدي اعصابك انتي تبينه ..
غيدا : الحين تشوفني اصيح وحالتي حاله وتقولي تبينه .. بلا ذكاااء ..
بدر : هههههههههه خلاص طيب ماراح تآخذينه ..
غيدا : بس شكلها عاجبها وتبيه ..
بدر : اسمعي .. ترى حتى انا خويي جاني امس وقالي انه بيجي يخطبك بس يبي يعرف رايك ..
غيدا زادت صياح : ماااااااااااابي ..
بدر : بسم الله عليك .. خلاص طيب لا تصيرين كذا .. وش تبين طيب بالضبط ..
غيدا رفعت راسها وجلست تطالعه : انت تدري من ابي ..
بدر ابتسم : رائد ..
غيدا : ايه ..
بدر : بس لين الحين ماتكلم ..
غيدا : استنوا عليه شوي ..
بدر : بس مالي شغل لو ابوي اعجبه واحد من الاثنين وقال الا تتزوجينه ..
غيدا : ترى بنتحر ..
طقها بدر على راسها : خير وش هالكلام ..
غيدا : انا قلت لك ..
بدر : اوكي خلاص بروح الحين وانتي هدي اعصابك كل شي بيكون اوكي ان شاء الله ..
قام بدر وطلع من غرفتها وراح غرفته ودق على رائد ..
رائد : هلا وغلا والله ..
بدر : هلا فيك حبيب البي .. كيف الحال ..
رائد : ماشي الحال .. وانت كيفك ..
بدر : دوم ان شاء الله انا بخير الحمد لله .. شف بجيك من النهايه .
رائد : وش السالفه .. صاير شي ..
بدر : اسمع .. ترى غيدا خاطبينها اثنين وكل واحد احسن من الثاني .. وابوي لين الحين ما يدري بولا واحد فيهم .. بس حبيت اقولك يعني اذا كان عندك نية شي يعني تتقدم .. ولا البنت تشوف نصيبها ..
رائد : لا بدر شدعوى ما هقيتها منك .. اكيد ابيها ولو تبي نجي اليوم نخطبها ..
بدر ابتسم : لا بس يعني حبيت اقولك لانها قبل شوي داقه علي تصيح تقول ان امها تبيها تآخذ واحد منهم بالغصب ..
رائد عصب : خير فوضى هي تآخذ واحد غصب عنها .. لا خلاص ان شاء الله كل شي بيصير بأسرع وقت ..
بدر جلس يدق رقبه : اوكي خلاص .. الله يوفقكم .. مبروك مقدما ..
رائد ابتسم : الله يبارك فيك .. يلا بروح اكلم امي .. باي ..
سكر منه .. وبدر جلس يضحك ..
بدر : كذا يسوي الحب .. والله اكثر شف وش مسويه فيني العله هيفا ..
شوي جاه مسج فتحه وكان وسائط ومن هيفا .. كانت حاطه اغنية اسيل عمران التزم حدك ..
(( حبيبي التزم حدك مدام ان كلامك جد حبيبي التزم حدك تهددني تبي تبعد ابعد الله لا يردك تري بيني وبينك حد ومن هاليوم انا ضدك تهددني وانا اهدد وخلي ينفعك صدك حبيبي التزم حدك تري بيني وبيك حد ومن هاليوم انا ضدك تهددني وانا اهدد وخلي ينفعك صدك اذا تخطي بيجيك الرد ولاني ميته في بعدك واذا تجرحني متعمد ابجرح كيفي وش عندك حبيبي التزم حدك مدام انك نسيت الود ابنسى حبك وودك وخذ مني الكلام الجد روح العب على قدك حبيبي التزم حدك مدام ان كلامك جد تهددني تبي تبعد ابعد الله لا يردك ))
واخر شي كاتبه ..
(( والله اني من فرقاك .. ما بكيت .. من زينها دنياك .. عشان ابكي عليها )) ..
جلس يسمع الاغنيه لين النهايه .. مره انننننقهر ..
بدر : طيب يا هيفا انا اوريك ..
قام وارسل لها مسج ..
(( لاتكثر بحكيك تري دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لا يفلت لسانك على شخص رباك
انا بنيتك وماني عاجز اهدمك ))
هيفا اول ما فتحت المسج وقرته جلست تصرخ ..
هيفا : حقيييييييييييييييييير .. كلب حماااااااااااااار حيوااااااااااان .. اكرهه ..
قامت ارسلت له رساله ..
(( لاتنصدم لا قلت انا اليوم ما ابيك
القلب عافك وانتها اليوم دورك
اعميتني بحبك عسي الله يعميك
ورميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك ))
بدر اول ماوصله المسج جلس يضحك ..
بدر : ههههههههههههههههههههههه تحبني تحبني .. طيب يا هيفوه اوريك ..
(( خلقت لي شموخ وهامه
ماطالها طويلين الانفاس
وكونت لي عرش رفيع مقامه
مايوصله جن ولا يوصله ناس
ورفعت نفسي فوق هام الغمامه
اشوف زلات البشر وارفع الراس
واليوم كلن خصني بإحترامه
واللي معاديني بالاقدام ينداس .. داري تحبيني اصلا غصبن عليك يا هيفوه ))
هيفا : مااااااااااااااالت عليييييييييييييييك بلا ماااااااااااالت عليك ..
ارسلت له
(( تحسبني ميت عليك؟
صدقني تراك غلطان..
احبك انا قلتها صحيح!
بس ترا وش كثرها بهاالزمان..
هي كلمه زيها زي غيرها عند الناس صارت دايم تنقال..
اي نعم مني سمعتها!
بس تراني مااعتبرها الا زلة
لســـــان!!! .. ))
بدر : ههههههههههههههههههههههه مقهوره مقهووووره ..
ارسل لها ..
(( وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك ومشكور )) ..
هيفا : ما اقول الا .. آآآآآآآآآآآآآآآآه مدري وش اقول قاهرني الحيوان مره ..
قامت دقت عليه .. هو اول ماشاف رقمها مات من الضحك ..
بدر : هههههههههههه نعم ..
هيفا : ضحكت بلا سنون ان شاء الله ..
بدر : حرام لا تدعين علي ..
هيفا : من زينك خير ان شاء الله وش هالمسجات اللي زي وجهك ..
بدر : اكيد حلوه وتهبل بعد ..
هيفا : لا والله تحوم الكبد ماقلت لك زي وجهك ..
بدر : طيب طيب هدي اعصابك شوي شوي لا ينطلق لك عرق تموتين علينا .. بعدين انا من اتهاوش معاه الله يعافيك ..
هيفا : بسم الله علي ان شاء الله اللي يكرهوني يارب ..
بدر : وش قصدك ..
هيفا : انت فاهم ..
بدر : طيب بعرف ليه داقه الحين مو خلاص قلنا انتهينا ..
هيفا : بس بقولك ان مسجات زي وجهك خايسه ..
بدر : ههههههههههههههههههههههههههههههههههه ..
هيفا انقهرت منه بقوه وصرخت : بــــــــــــــــدر ..
بدر : هههههههههههههههه هلا ..
هيفا : لاتجلس تضحك ماانكت انا ..
بدر : طيب وش اسوي فيك .. عصبيه الله يهديك .
هيفا : الحمد لله والشكر ..
بدر : تدرين هيفوه ..
هيفا : اسمي هيفا لو سمحت ..
بدر : اوكي هيفا ..
هيفا : خير وش تبي ..
بدر : تدرين انك عذاب لما تعصبين ..
هيفا تنحت تبي تبتسم تبي تصرخ تبي تهاوش تبي تسوي كل شي بس مو قادره لسانها انربط ..
بدر : ههههههههههههههه وين رحتي ..
هيفا : تدري انت ايش ..
بدر : ايش ..
هيفا : انت اتفه انسان شفته بالدنيا كلها ..
بدر : ههههههههههههههههههههههههههههه ..
هيفا انقهرت : هي انت خير ..
بدر : الخير بوجهك .. يلا يلا مو قلنا انتهينا يلا فمان الله وروحي دقي على شذى هاه لاتنسين .. وقبل لا تسكرين بوسيها لا تزعل وقوليلها انك تحبينها لاتقعد تتشنج على اهلها ولا ييصير فيها شي ..
هيفا : مــــآآآآآآلـــــك شـــــــغـــــــــل ..
سكرت بوجهه ورمت الجوال .. بدر اول ما قفلت مات من الضحك .. لدرجة انسدح على السرير وجلس يضحك . دخلت عليه غيدا وهو يضحك واستغربت من شكله ..
بدر : هههههههههههههههههههههههههههههههههههههههههههههههههه ..
غيدا : بسم الله عليك بدر شفيك ..
بدر لف عليها : هههههههههههه هلا والله ..
غيدا : شفيك ..
بدر : عادي اضحك حرام ..
غيدا : دوم هالضحكه يارب ..
بدر : امين بس مو على نفس السالفه والموقف ..
غيدا : ليه وش صاير ..
بدر : مالك شغل .. قومي اطلعي برى بنام ..
غيدا : طيب انا طفشانه ..
بدر : روحي ارسمي ..
غيدا : افففففففففففف ..
قامت وطلعت من الغرفه وراحت غرفتها .. بدر حط جواله على التسريحه ونام ..
????…¤_¤… بعد اربع ايام …¤_¤…????
!??ٍ??? فبيتـ عبد العزيز ??????
كان حمد نايم مو بالعاده .. ولولو صاحيه وتقومه تبي يوديها الجامعه ..
لولو : يلا حمودي تأخرت ..
حمد : هممممممممم .. مابي اقوم ..
لولو : يلا عاد ..
حمد : افففففففففف .. يلا طيب ..
قام وتروش بعدين طلع يوديها وبالطريق مروا ستار بكس وافطروا بعدين وداها الجامعه ..
!??ٍ??? فبيتـ فهد ??????
فهد : خلاص يكفي وربي حللللللوه ..
جوري : ادري حياتي اني حلوه بس لازم شوي كذا ..
فهد : طيب خلاص يكفي .. يلا نمشي وراي دوام ..
جوري : يلا بس تعال انت اليوم بتتأخر وانا من بيجيبني ..
فهد : ماعليك انا بجيبك ..
جوري : متأكد ..
فهد : هههههههههه ونص بعد يلا اطلعي ..
طلعت جوري ووراها فهد فتح لها باب السياره وراح يركب .. ووداها الجامعه ..
!??ٍ??? فبيتـ فارس ??????
امل : خلاص ردوا امس ..
رائد يبتسم : اكيد موافقين ..
امل : طبعا ..
رائد : فديتني محد يردني .. متى الملكه ان شاء الله ..
فارس : هههههههههههههههههههههههههههههه .. شوي شوي على عمرك ..
رائد : الله يهديك يبه خلاص بكمل نص ديني ..
فارس : بتكمله بإذن الله بس لاتستعجل ..
ريان : يلا بروح تبون شي .
الكل : سلامتك ..
فارس : ريانوه مابي يدقون علي المدرسه يقولون ولدك منحاش تسمع ..
ريان : ان شاء الله .. يلا باي ..
طلع .. وعقبه قام رائد وطلع راح الدوام ..
+""+..+""+..+""+..+""+..+""+..+""+
الظهر الكل رجع من دوامه ..
+..+""+..+""+..+""+..+""+..+""+..+
!??ٍ??? فبيتـ حصه ??????
ماهر : ايه خلاص انت كلمه ..
حمد : زين يلا فمان الله سلم على عمتي ..
ماهر : يوصل .. سلم على منصور هاه ..
حمد : اوكي .. يلا فمان الله ..
سكر ماهر وجلس يطالع الجوال .. جته اميره وجلست جنبه ..
ماهر : اميروه شفيك ..
اميره : مافيني شي ليه وشو ..
ماهر : مره وجهك اصفر .. وشكلك تعبانه ..
اميره : لا عادي مع الرجيم ..
ماهر : لا بارك الله بهالرجيم قومي كلي لك شي يعدل لون وجهك ..
اميره : مابي .. مو مشتهيه .. الا تعال تقول امي انك حددت زواجكم ..
ماهر : ان شاء الله بعد رمضان ثالث يوم العيد ..
اميره : احلااااااااااا مبرووووووووووك .. بتصير معرس وبنفتك من خشتك .. يوه صح نسيت بتسكن عندنا عله على قلوبنا ..
ماهر : ايه علتين مو عله ..
اميره : انت عله وعبير عله ..
ماهر : وانتي العله الكبيره ..
اميره : ههههههههههههههههههه ..
ماهر : اميروه .. قومي بشوف جسمك .
قامت اميره وصارت تدور ..
ماهر : حسبي الله على بليسك .. وش هالرجيم اللي سوى فيك كذا ..
اميره : تدريي البنات عقب عزيمة ليلى ما شافوني ..
ماهر : ايه صح ملكة مشاري مارحتي لها ..
اميره : ايه ..
ماهر : طيب تعالي كم نزلتي من كيلو ..
اميره : نزلت الله يسلمك 30كيلو ..
ماهر : اوف اووف اووف .. وكم صار وزنك الحين ..
اميره : احم احم صار وزني الله يسلمك 62 كيلوا ..
ماهر : ما اصدق من من 92 الى 62 .. واااو ..
اميره : شفت ان عندي اراده قويه ..
ماهر : مو منك من عملية التحويل اللي سويتيها ..
اميره : تدري هذا احسن شي سويته بحياتي ..
ماهر : بس والله شي مره خطير ..
اميره : كل هذا عشاني مصره اني انحف .. وفديتك لو لا الله ثم انت .. كان ماصرت كذا ..
ماهر : اهم شي سعادة اختي مابي غيرها ..
اميره : فديتك يا ماهر الله يخليك لي يا رب .. يلا يلا بروح اجهز اغراضي عشان الحق اروح النادي ..
راحت اميره تجهز اغراضها .. كانت مسويه عملية تحويل وكانت مره مصره انها تنحف .. وسجلها ماهر بنادي عشان تنشَد مع النحف .. وطلع جسمها الحين مره خطير .. وملامحها احلوت اكثر وطلعت انوثتها .. وصارت مثل القمر .. بس بخدود ..
!??ٍ??? فبيتـ عبد العزيز ??????
كان حمد ولولو منسدحين بينامون ..
حمد : خلاص اليوم بيركبون اخر شي اللي هو الملحق بعدين تقدرين تشرفين وتسكنين ببيتك ..
لولو : الله يا حمد وربي ودي اروح من زمان .. هالبيت بنيناه واخترنا كل شي انا وياك وبس . يعني هالبيت حقي انا وياك محد يشاركنا فيه ..
حمد : لاتنسين عيالك ..
لولو : ان شاء الله ..
حمد : تبين نروح العصر نشوفه ..
لولو : ياليييييت ..
حمد : اووووكيك .. خلاص ..
ناموا الاثنين .. وعلى العصر قاموا .. طلع حمد يصلي مع ابوه ولولو لبست وتجهزت وجلست بالصاله .. دق عليها حمد وقالها طلع ليي شغل وبنروح المغرب .. ماقالت شي جلست مع خالتها بعدين راحوا بيت الجد ..
? عــنـد .. ليلى ومنصور.. بدبي ?
كانوا يجهزون اغراضهم عشان اليوم سفرتهم للصين ..
منصور : متأكده مانسيتي شي بعدين ترى ماعاد فيه رجعه ..
ليلى : خلاص والله مانسيت ..
منصور : زين فديتك .. يلا ..
ليلى : منصور اصبر رحلتنا الساعه 7 ليه من الحين نروح .. تونا الساعه 4 ..
منصور : قلبي عشان الجوزات وحاله وحوسه ..
ليلى : طيب بس اجييب عبايتي اجل ..
راحت ليلى تجيب عبايتها .. ودق جوال منصور ..
منصور : سم ..
.........: السلام عليكم ..
منصور : وعليكم السلااام ورحمة الله ..
.........: الاخ منصور ..
دخلت ليلى عليه وهو يكلم وجلست عنده على ما يخلص ..
منصور : ايه اخوي معاك منصور .. من ومعاي ..
.........: معاك النقيب عبد الله ..
منصور : هلا والله ونعم ..
النقيب : هلا فيك .. اخوي اقدر اشوفك ..
منصور : خير صاير شي ..
النقيب .. انت تعرف واحد اسمه ....
ليلى : يلا منصور خلصت ..
منصور اشر لها " اصبري" : ايه اعرفه .. ليه ..
النقيب : اذا حظرت بتعرف ..
منصور : والله يا طويل العمر انا مو بالسعوديه الحين .. انا برى ..
النقيب : اهاااا .. طيب ما تعرف رقم واحد من اهله ..
منصور : الا اعرف .. ليه صاير شي ..
منصور كان يسمع ومو قادر يستوعب اللي جالس يقوله النقيب .. كانت عيونه بدت تحمر ليلى قامت تطالع فيه وخافت اول مره تشوفه كذا .. سكر من النقييب وحط الجوال على الكرسي وجلس .. بدت عيونه تدمع .. ليلى انفجعت ..
ليلى : منصور وش فيك وش صاير ..
منصور وخانقته العبره : لا حول ولا قوة الا بالله .. لا حول ولا قوة الا بالله .. انا لله وانا اليه راجعون ..
ليلى : منصوووووووور ..
منصور : ليلى دقي على الفندق يحجزون لنا على اقرب رحله للرياض بسرعه ..
راحت ليلى ودقت ومن حسن حظهم ان الرحله كانت بعد ربع ساعه .. اخذوا اغراضهم وراحوا المطار وطول الطريق ليلى تسأله وش فيك ولا جاوبها بس يترحم .. وصلوا المطار وكانوا اخر ناس يركبون الطياره .. وبعد مده كانت حيل طويله على منصور وصلوا .. راحوا لبيتهم وحطوا اغراضهم ..
ليلى مسكت منصور : ماراح اخليك لين تقولي وش صاير ..
!??ٍ??? فبيتـ الجد ??????
كانو كلهم مجتمعين والشباب جالسين بالحوش .. دق جوال مشاري وكان منصور
منصور : مرحبا ..
مشاري : هلا وغلا مراحب .. رجعتوا ..
منصور : ايه ..
مشاري : امداكم .. مو على اساس الييوم بتروحون CHINA ..
منصور : لا فديتك هونا .. مشاري وينك فيه ..
مشاري : جالس مع عيال عماني ببيت جدتي ..
منصور : طيب اهلك وينهم ..
مشاري : مو جودين كلهم هنا عماتي وعماني .. ليه تسأل ..
منصور : لا بس حبينا نمر نسلم .. يلا شوي وجايين ..
سكر من مشاري : الله يعينني شلون بقولهم ..
ليلى بين دموعها : مو قادره اتحمل .. مابي اروح رجعني البيت ..
منصور مسك يدها : خلك قويه فديت قلبك ..
سكتوا الاثنين .. وبعد خمس دقايق وصلوا بيت الجد .. دخلت ليلى جوى عند الحريم وكانت عيونها منفخه وحمرا انفجعوا يوم شافوها ..
خلود : ليلى حياتي بسم الله عليك شفيك ..
ليلى يوم شافت امها راحت لها وضمتها وانفجرت صياح .. محد يدري وش فيها يحسبونها متطاقه مع منصور ..
منصور دخل عند الرجال وسلم عليهم كان وجهه منقلب والكل ملاحظ ..
الجد : منصور يا ابوي شفيه وجهك تعبان ..
منصور : لا يبه بس يمكن عشان السفر ..
دخل عبد العزيز مع سلطان ولده وكانوا توهم جايين من عند النخل يشوفون التمر ..
الجد : هاه لقيت الزين ..
عبد العزيز : واله يا بوي ماعرفت له .. شوي بس لين يجي حمد ويطلع لنا الزين ..
الجد : ايه مايعرف له غير ولدي حمد ..
منصور خلاص ماعاد قدر يستحمل : مادق عليكم احد ..
فهد : احد مثل مين يعني ..
منصور : يعني من هنا من هناك ..
فهد : لا ليه ..
منصور : تعال ابيك برى شوي ..
طلع فهد ومنصور برى ووقفوا منصور ساكت مايدري وش يقول ..
فهد : خير منصور وش عندك .. لييه وجهك كذا ..
منصور دمعة عيونه .. فهد يوم شافه انصدم ..
مسكه فهد مع كتوفه : منصور شفيك لاتخوفني ..
منصور ماقدر يمسك روحه سحب فهد له وضمه الا على طلعة مشاري من المجلس وشافهم ..
مشاري : الله الله على الحب ..
فهد : مشاري مو وقتك .. منصور تكلم شفيك الله يهديك ..
منصور : .............
مشاري : شفيكم ..
الجزء 25 ..
!??ٍ??? فبيتـ الجد ??????
كانو كلهم مجتمعين والشباب جالسين بالحوش .. دق جوال مشاري وكان منصور
منصور : مرحبا ..
مشاري : هلا وغلا مراحب .. رجعتوا ..
منصور : ايه ..
مشاري : امداكم .. مو على اساس الييوم بتروحون china ..
منصور : لا فديتك هونا .. مشاري وينك فيه ..
مشاري : جالس مع عيال عماني ببيت جدتي ..
منصور : طيب اهلك وينهم ..
مشاري : مو جودين كلهم هنا عماتي وعماني .. ليه تسأل ..
منصور : لا بس حبينا نمر نسلم .. يلا شوي وجايين ..
سكر من مشاري : الله يعينني شلون بقولهم ..
ليلى بين دموعها : مو قادره اتحمل .. مابي اروح رجعني البيت ..
منصور مسك يدها : خلك قويه فديت قلبك ..
سكتوا الاثنين .. وبعد خمس دقايق وصلوا بيت الجد .. دخلت ليلى جوى عند الحريم وكانت عيونها منفخه وحمرا انفجعوا يوم شافوها ..
خلود : ليلى حياتي بسم الله عليك شفيك ..
ليلى يوم شافت امها راحت لها وضمتها وانفجرت صياح .. محد يدري وش فيها يحسبونها متطاقه مع منصور ..
منصور دخل عند الرجال وسلم عليهم كان وجهه منقلب والكل ملاحظ ..
الجد : منصور يا ابوي شفيه وجهك تعبان ..
منصور : لا يبه بس يمكن عشان السفر ..
دخل عبد العزيز مع سلطان ولده وكانوا توهم جايين من عند النخل يشوفون التمر ..
الجد : هاه لقيت الزين ..
عبد العزيز : واله يا بوي ماعرفت له .. شوي بس لين يجي حمد ويطلع لنا الزين ..
الجد : ايه مايعرف له غير ولدي حمد ..
منصور خلاص ماعاد قدر يستحمل : مادق عليكم احد ..
فهد : احد مثل مين يعني ..
منصور : يعني من هنا من هناك ..
فهد : لا ليه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك