رواية تحملت كثير يا قلبي -51
الجـــــــــــــــ((*22*))ـــــــــــــــــــزء
!??ٍ??? فبيتـ حصه ??????
كانت اميره جالسه بغرفتها لاشغل ولا مشغله عقب ما قدمت اعتذار الجامعه .. اصلا مع اعتذار الجامعه قررت قرار خطير بالنسبه لها .. وكانت مره مصره عليه وبدت تطبقه .. دخل عليها ماهر ..
ماهر : السلام ..
اميره : وعليكم السلام ..
ماهر : حلو كذا ..
اميره : تجنن .. على وين ..
ماهر : بروح بيت عمي ..
ايمره : ايوا ايوا .. عشان عبيروووه ..
ماهر رماها بالشباصه : خير ان شاء الله وشي عبيروه هذي .. لو سمحتي حسني الفاظاك ..
اميره : مالت عليك .. من الحين تدافع عنها ..
ماهر : خلاص بحسبة زوجتي ..
اميره : مابعد صارت ..
ماهر : لا صارت ..
اميره : طيب طيب صارت ..
ماهر : اميره ..
اميره : هلا ..
ماهر : ماتحسين انك متغيره شوي ..
اميره : متغيره من اي ناحيه ..
راح وجلس قدامها : يعني الجامعه قدمتي اعتذار وجلستي .. جمعات بنات الجيران ماعاد تروحين .. ابتهال اللي اربع وعشرين ساعه تكلمينها الحين ماعاد ترفعون السماعه على بعض .. كل بسبب الخطبه ولا وش السالفه ..
اميره : ..............
ماهر : اميره .. انتي تقدم لك ناس كثير ما وقفت على ياسر .. صحيح خويي وعزيز علي وولد جيراننا .. بس سعادتك تهمني ماكنت ابي اضغط عليك عشان توافقين انتي مو موافقه من قرارة نفسك خلاص براحتك .. بس مابي هالشي يأثر فيك .. ابي اشوف اختي الفرفوشه اللي البيت شايلته كله بشطانتها .. ابيك ترجعين اميره اللي اعرفها .. مابي هذي .. صايره ساكته ما تتكلمين ماتضحكين ماتسولفين .. يعني مو بس انا مضايقني هالشي .. حتى امي وابوي .. كل هذا بسبب ياسر ولا ايش ..
اميره : لا من قال ..
ماهر : لا تقولين من قال .. انتي ماتغيرتي الا من بعد خطبة ياسر لك .. اقدر اعرف وش السبب اللي خلاك ترفضينه ..
اميره : ...........
ماهر : اميره انتي سامعه عنه شي ..
اميره : لا ..
ماهر : اجل .. يعني انا اعرفه واعرف اخلاقه لو مو مضبوط صدقيني راح ارفض بدون ما اقولك اساسا انه خطبك .. ابي اعرف السبب .. ممكن ..
اميره : مدري وش اقولك ..
ماهر : قولي كل اللي بقلبك ..
قالت له اميره السبب وهي خانقتها العبره : وانا وربي مو نقص فيه رفضته .. بس ما اصلح له ..
ماهر : يعني لو كنتي غير كان وافقتي ..
اميره : ايه ..
ماهر : ههههههههههههههه هبلا ..
اميره : مايضحك ..
ماهر : تدرين اميره .. لو كنت احب وحده ونفس مواصفاتك وعيت تآخذني عشان هالسبب راح احقد عليها طول عمري .. بالعكس تدرين ان اخف دم بالعالم هم الدبدوبين .. يعني انتي وحده منهم اخاف لو نحفتي تصيرين كريهه وماتنطاقين ..
اميره : مسوي ترفع معنوياتي ..
ماهر : ههههههههههههههههههه .. طيب ليه ماتسوين رجيم ..
اميره : المشكله ما اقدر اقاوم ...
ماهر : شدي حيلك وتقدرين وانا بساعدك .. هذا لو كنتي جاده ..
اميره : يصير خير .. يلا يلا قم تأخرت على الحبيبه ..
ماهر : ايه صح .. يلا باي ..
قبصها مع خدها وطلع ..
!??ٍ??? فبيتـ فهد ??????
كان جالس بغرفته بعد مارجع من صلاة المغرب .. طفش قام وطلع من الغرفه وراح الصاله فتح التلفزيون وجلس يقلب .. طلعت جوري من الغرفه وراحت المطبخ وطنشته وهو بعد طنشها جلست بالمطبخ بعدين طلعت .. رن التلفون وراحت له . فهد يوم شافها رايحه للتلفون راح ورفع السماعه .. هي جلست تطالع فيه ..
فهد : مرحبا ..
ولاء : السلام عليكم ..
فهد : وعليكم السلام ..
ولاء : كيفك ..
فهد : الحمد لله بخير .. شخبارك انتي ..
ولاء : الحمد لله بخير .. جوري موجوده ..
فهد : دوم ان شاء الله .. ايه دقيقه .. " مد لها السماعه " ولاء ..
جت واخذت السماعه وعطته ظهرها .. طالع فيها بعدين رجع مكانه يطالع التلفزيون .. بس ماكان يطالع التلفزيون كان يطالع جوري ..
جوري : هلا والله ..
ولاء : اهلين .. شخبارك ..
جوري : الحمد لله تمام ..
ولاء : شفيه فهد ..
جوري : مافيه شي ليه ..
ولاء : الا اليوم دق علي معصب ويهاوش ويقول خلي اختك تبعد عن طريقي ومدري ايش ..
جوري : متى هالكلام ..
ولاء : عقب ماطلعتوا ..
جوري : ايوا وانتي وش قلتي لها ..
ولاء : منهي .. ؟ ..
جوري : بلا دلاخه ..
ولاء : ايه ايه استوعبت .. ماقلت شي عطيته ساره ..
جوري : وماتدرين وش قالت ..
ولاء : لا .. تدرين جوري ..
جوري : وشو ..
ولاء : ساره سقطت ..
جوري شهقت : قولي والله ..
ولاء : والله .. رجعت معنا البيت وطلعت ورى بيان والله كنت اسمع اصواتهم بس ماقلت لامي وابوي .. بعدها قامت تنادي امي يوم رقينا لها لقيناها طايحه وتصيح .. وديناها المستشفى قالوا سقطت ..
جوري : طيب ناصر يدري ..
ولاء : ايه .. والله لو تشوفين شكله يوم قالت له الدكتوره كنك معطيته كف وانتي حاقده عليه وتوك مطلعه يدك من ثلج تكون متجمده والكف قوي ..
جوري : ياحيااااتي .. طيب شخبارها الحين ..
ولاء : مدري .. بس قالت الدكتوره انها اليوم بتطلع يعني ماله داعي نجلس عندها .. رحنا وكان ناصر عندها بس مدري اذا طلعت الحين ولا لاء ..
جوري : طيب اذا طلعت من المستشفى ماتدرين بتجي عندكم ولا بتروح بيتها ..
ولاء : امي ماراح تخليها تروح .. بتجيبها هنا اكيد ..
جوري : ياعمري هي .. الحمد لله على سلامتها ..
ولاء : صح النوم ساعه احتريك تقولينها ..
جوري : وجع .. احمدي ربك قلتها ماكنت ناويه اقولها ..
ولاء : بخيييييله ..
جوري : كيفي .. اقول ولاء ..
ولاء : هلا ..
جوري : امممممممم .. ولا خلاص خلاص ..
ولاء : قولي قولي ..
جوري : امممممممم ماتدرين وش صار ..
ولاء : وش صار بايش ..
جوري : بين ساره وووو..
ولاء : وبيان ..
جوري : ايه ..
ولاء : لا والله مدري بس وربي هذي صايره كلبه ..
جوري : اففففففففف ..
ولاء : ليه ..
جوري : بس كذا .. خلاص يلا باي ..
ولاء : يووووووه جالسه بلحالي تكفين لاتسكرين ..
جوري : بدق على ساره ..
ولاء : لا مو الحين اذا جت بقولك انها جت عشان تكلمينها ..
جوري : اوكي يلا باي ..
ولاء : يختي طفشاااانه ..
جوري : ولاء تكفين احس متضايقه يلا باي ..
ولاء : اوكي .. باي ..
سكرت وقامت راحت غرفتها ..
فهد : شفيها ..
قام وراح وراها ..
فهد : جوري ..
جوري : نعم ..
فهد : شفيها ساره ..
جوري : سقطت ..
فهد : نـــــعــــــــم .. متى ..
جوري : اليوم متى بالضبط مدري ..
فهد : شلون طيب ..
جوري : اللي فهمته من ولاء انها كانت فوق تتكلم مع بيان بعدين نادتهم وكانت طايحه ..
فهد : حسبي الله ونعم الوكيل .. وش ذا الانسانه ..
راح وطلع برى راح ودق على ولاء .
فهد : الو ولاء ..
ولاء : هلا ..
فهد : عطيني رقم ساره اختك ..
ولاء : ليه ..
فهد : ياشين اللقافه ..
ولاء : طيب لاتدف .. *******055 ..
فهد : شكرا يلا باي ..
سكر منها ودق على ساره ..
فهد : الووو ..
ساره : نعم ..
فهد : مرحبا .
ساره : مرحبتين ..
فهد : انا فهد ..
ساره : اهلين هلا فهد ..
فهد : الحمد لله على السلامه ..
ساره : الله يسلمك ..
فهد : الله يعوضك خير منه ويقومك بالسلامه ..
ساره : امين .. تسلم والله ..
فهد : ساره اذا كان بسبب السالفه اللي قلت لك عليها وربي اسف ..
ساره : انت مالك شغل بس بيان الله يهديها ..
فهد : يعني من بيان ..
ساره : ايه .. دفتني وطحت ..
فهد : ياربيه هالانسانه ما ادري كيف تفكيرها .. وربي احس بالذنب ..
ساره : خلاص فهد كتبت ربك .. مقدر ومكتوب ..
فهد : ونعم بالله .. يلا على العموم .. ماتشوفين شر والله يقومك بالسلامه .. ويعوضك خير ان شاء الله ..
ساره : امين .. تسلم مشكور على اتصالك ..
فهد : ولو يابنت العم .. يلا تبين شي ..
ساره : سلامتك ..
فهد : اوكي فمان الله وسلمي على ناصر ..
ساره : يوصل ..
سكر منها والتفت لقى جوري واقفه وراه وتطالع فيه ..
فهد : تبين تتأكدين انها ساره عيدي الرقم ..
جوري : وليه دقيت عليها ..
فهد : لان كل هذا بسببي ..
جوري : وانت وش عليك ..
فهد : كلمتها عن بيان وراحت تكلمها ودفتها وطاحت ..
جوري : اهااا .. وليش تكلمها عن بيان ..
فهد : يعني عاجبك الوضع اللي حنا فيه بسببها ..
جوري : مااادري ..
فهد : هـه .. اجل من اللي يدري ..
جوري : ..........
فهد : ابي اعرف يعني الحين هذا ايش شك ولا غيره ولا وشو بالضبط ..
جوري : لا هذا ولا هذاك .. بعدين ليه اغار ..
فهد : مو زوجك ..
جوري : ايه صح .. بس عادي عندي ..
فهد : هـه لو عادي كان ماسويتي كل هذا ..
جوري : رد فعل ..
فهد رفع حاجب : يعني ..
جوري : انت افهمها ..
تركته ودخلت الغرفه وسكرت الباب .. فهد عصب منها بس ماحب يروح لها .. قام وطلع .. وعلى الساعه 1 رجع .. دخل البيت وكان مرررررره هاااااادي .. راح المطبخ شرب مويه بعدين راح غرفة جوري .. فتحها مالقى ااحد ..
فهد : هـه وين راحت هذي ..
راح دورها بالبيت كله مالقاها .. يوم دخل غرفته لقاها جالسه على السرير ومعطيته ظهرها .. دخل فهد ومافيه اي تعبير على وجهه .. سوى نفسه ماشافها ودخل غرفة الملابس غير ملابسه وطلع .. راح وانسدح وعطاها ظهره .. جوري جلست تطالعه بعدين انسدحت على الطرف وعطته ظهرها .. فهد كان يفكر بحالته " لين متى يعني على هالحاله وربي طفشت " .. بعدين سمع صوت برى التفت لقى جوري نايمه .. قام وطلع دور الصوت ولقى جوال جوري تحت الكنبه ويرن .. طلعه وشاف الرقم كان هيفا ..
فهد : الوو ..
هيفا : السلام عليكم ..
فهد : وعليكم السلام ..
هيفا : اسفه .. داريه ازعاج .
فهد : لاعادي بس خوفتيني ..
هيفا : سوري ..
فهد : حصل خير .. تبين جوري ..
هيفا : ياليت ..
فهد : بس هي نايمه الحين ..
هيفا : اوكي بس حبيت اسألها اذا امرها بكرى الصباح ولا هونت ..
فهد : ليه ..
هيفا : لانها دقت علي قبل ساعه تقريبا وقالت مري علي الصباح ..
فهد : اهاااااا .. لا لا خلاص انا بجيبها ..
هيفا : اوكي خلاص ..
فهد : حتى لو قالت الظهر برجع معاك قولي لا .. انا بجي آخذها ..
هيفا : اوكي بصير شريره عشان تتصالحون ..
فهد : ماظنتي ..
هيفا : بداية كل زواج مشاكل بعدين تصيرون زي العسل ..
فهد : الله يعين ..
هيفا : اوكي طولت عليك .. يلا تصبح علي خير ..
فهد : وانتِ من اهله ..
سكر منها و قام يطالع الجوال .. جاب جواله ودق على جوالها .. وطلع الرقم مسجل بإسم (( فهد )) ..
فهد : يؤ يؤ يؤ قويه حتى لقب ماحطت .. الله يهديك ويحنن قلبك ..
سكر ورجع الجوال وقفله وراح ينام ..
? ? اليـــومـ .. الـليـ .. بعـــــدهـ .. ? ?
!??ٍ??? فبيتـ سليمان ??????
كان مشاري ومنصور متفقين ان منصور يودي ليلى اليوم الجامعه .. وهو بيآخذ سيارة منصور ومنصور بياخذ سيارته ..
مشاري : ليلوه يلا ..
ليلى : يلا يلا جايه .. اف عله .. وش الطاري انت بتوديني اليوم ..
مشاري : والله طرت على بالي يلا يلا اطلعي .. انا برى انتظرك ..
طلع مشاري وراح لقى منصور يستناه ..
منصور : هاه ..
مشاري : يلا يلا اركب .. ولاتبين انه انت ..
اخذ منصور مفتاح مشاري وركب ونزل راسه ونزل الشماغ .. ومشاري اخذ سيارت منصور وراح .. طلعت ليلى .. راحت للسياره وفتحت الباب بقوه وركبت ..
ليلى : ياربيه بس .. قسم بالله انك عله .. ياخي ماخليتني افطر زين ومحاظرتي مو الحين باقي عليها ساعه ونص مدري ليش منقزني ..
منصور قفل البيبان ومشى : دام باقي ساعه ونص وما افطرتي .. نروح نفطر ..
ليى يوم سمعة صوته تجمدت ماكانت تبي تصدق .. بس للأسف هذا الواقع يوم التفتت لقته منصور ..
منصور : صباح الفل ..
ليلى : .................. ..
منصور : بسم الله عليك شفيك ..
ليلى بصوت واطي : صباح النور ..
منصور : هههههههههههههه .. وين الصوت اللي قبل شوي ..
ليلى : سوري ..
منصور : عادي قلبو .. وين تبين تفطرين ..
ليلى : بالجامعه ..
منصور : لا لا .. الحين جاي اخذك عشان نفطر وتبين تفطرين بالجامعه ..
ليلى : متأخره ..
منصور التفت عليها وغمز : نصابه .. توك تقولين بعد ساعه ونص محاظرتك ..
ليلى : امزح ..
منصور : هههههههههههههه .. مافيه .. يلا وين نروح ..
ليلى : مدري ..
راح ووداها ( د.كيف ) طريق الملك عبد الله .. دخلوا وطلب وهي ساااااكته ماقالت شي بس جالسه تتوعد مشاري وتتحلف فيه .
ليلى " طيب يا حيوان وربي ما اخليك مردووووده " ..
منصور : ليلى ..
ليلى : سم ..
منصور : سم الله عدوك .. وين رحتي ..
ليلى : معاك مارحت مكان ..
منصور : اوكي معاي معاي .
ليلى : احــم بسأل سؤال ..
منصور : سمي ..
ليلى : زواجنا يوم الاربعاء الجاي ليه توك تستوعب اننا نطلع ..
منصور : كذا بس طرت على بالي .. ابي اشوفك قبل الزواج .. بعدين ابي اشوف كيف تتكشخين للجامعه .. بس تصدقين طالعه قمر ..
ليلى حمرة خدودها ماتدري وش تسوي نزلت راسها ومنصور جلس يضحك ..
!??ٍ??? فبيتـ فهد ??????
قامت جوري وجهزت الفطور بعدين لبست وجلست تستنى هيفا تدق ولا دقت .. قامت هي دقت عليها ولقت جوالها مقفل ..
جوري : افففففففففف .. ياربيه منك يا هيفا ..
طلع فهد من الغرفه وراح جلس على الطاوله وقام يفطر ويوم خلص وقف بيروح ..
فهد : ماراح تروحين ..
جوري : بتمرني هيفا ..
فهد : متأكده ..
جوري : ايه ..
فهد : بس هيفا ماراح تمر ..
جوري : انا قلت لها امس ..
فهد : ادري .. دقت وقلت لها انا بوديك .. يلا ..
جوري : ومن قالك ابي اروح معاك ..
فهد : جوري امشي انا خلقه متأخر بعدين عصّبي .. يلا ..
جوري : مابي ..
فهد : جوري وراك محاظرات لاتفوتك ..
جوري : عادي ماراح اروح مولازم ..
فهد : بلاعنااد يلا ..
جوري : غصب هو مابي ..
فهد : براحتك ماراح اقعد احاول فيك تركبين لاني متأخر .. يلا فمان الله وانتبهي لايطلع لك ثعبان ثاني ..
لف عنها وابتسم ومشى ..
جوري : فهد لحظه ..
فهد لف عليها : نعم ..
جوري : بروح ..
فهد : اخيرا .. يلا امشي ..
طلعوا وصلها الجامعه وراح دوامه ..
? فــيـ .. الجامعهـ ?
عند البنات .. كانت هيفا جالسه وخايف جوري تعصب عليها .. جتهم جوري ..
جوري : السلام ..
الكل : وعليكم السلام ..
هيفا : صباح الورد ..
جوري ماردت عليها .. قامت هيفا وراحت جلست جنبها وباستها ..
هيفا : قسم بالله مو انا .. دقيت عليك رد علي فهد وقال انا اللي بجيبها ..
جوري : كان قلتي له اني قايله لك انتي تمريني ..
هيفا : قلت له وربي ..
جوري : سخيفه ..
هيفا : آآآآآآسفه والله والله آآآآآآآآآآآسفه ..
تهاني : السلاااااااااام علييييييييكم ..
البنات : وعليكم السلااااااااااام ..
هيفا وجوري : الحمد لله على السلامه ..
تهاني : الله يسلمكم .. وين سوير ..
جوري : ماراح تجي ..
تهاني : ليه ..
جوري : ياقلبي هي سقطت ..
البنات : كذااااابه ..
جوري : وربي ..
? فــيـ .. مدرسة نايفـ وريانـ ?
كانوا المدرسين مفرقينهم كل واحد بفصل .. ريان ونايف ماعجبهم الوضع .. صاروا كل يوم كل واحد منهم يحضر شوي عند الثاني ..
راكان : والله احسها مدرسة ابوكم ..
نايف : اهليه مايقدرون يقولون شي ..
ريان : ابدق على رائد وربي طفشت ..
نايف : لا يرحم اهلك .. رائد بيعقدها ..
ريان : طيب يلا حلها لازم ولي امر ..
نايف : اصبر انا ادبرها ..
طلع نايف جواله ودق على مشعل وكان جواله مقفل .. قام دق على وليد ..
وليد : هلا ..
نايف : هلا ومرحبا .. كيف الحال .
وليد : الحمد لله بخير .. انت شخبارك ..
نايف : تمام والله ..
وليد : دوم ان شاء الله .. مارحت المدرسه ..
نايف : الا انا الحين بالمدرسه ..
وليد : وليش داق طيب ..
نايف : ابي منك خدمه ..
وليد : لاتقول طلعني مو اليوم خلها يوم ثاني ..
نايف : لا لا مو كذا .. بس ابيك تجي ..
وليد : ليه وش صاير ..
نايف : مفرقيننا انا وريان ولد خالي ابيك تقولهم يحطوننا بفصل واحد ..
وليد : حركات والله .. اممم ليش طيب ..
نايف : بس كذا لعانه .
وليد : اوكي يلا بجي بس وين المدرسه ..
وصف له نايف المدرسه وجا .. واستقبله نايف وريان عند الباب ..
وليد : السلام ..
ريان ونايف : وعليكم السلام ..
وليد : اكيد انكم مهبلين بالعالم عشان كذا مفرقينكم ..
نايف : نبي نعيش حياتنا ..
وليد : تدري كنت زيك .. بس يلا على قولتك .. عش حياتك .. وين الاداره ..
نايف : ياولد عليك .. من هناك .. هالله هالله بالكلام السنع ..
وليد : من عيوني .. يلا برب ..
نايف : هههههههههه تيت ..
راح وليد وجلس عند الاداره يتكلم معاهم ..ونايف وريان يستنونه يطلع .. طلع وليد من الكتب يبتسم ووراه المدير وغمز لنايف ..
المدير : مايصير خاطرك الا طيب ..
وليد : مشكور ماتقصر .. يلا فمان الله ..
المدير : الله معاك ..
راح وليد ولحقوه نايف وريان ..
نايف : وش صار ..
وليد : رح له لا يهون ..
نايف : مشكووووووووور ..
وليد : العفووو .. ولو .. يلاا فمان الله ..
طلع وليد وجاهم المدير وطلعوا فوق .. واخذ نايف من الفصل اللي نقله له ورجعه فصله .. وجلسه جنب ريان بعد .. طلع المدير ووراه المدرس ..
عبد الله : ولكمووووووووو ..
نايف : خخخخخخخخخ يسلموووووو ..
فايز : نورت .. اخيرا رجعت ..
نايف : قايلكم ماراح اطول ..
زيد : واسطه قويه اجل .. راجع وجنب ريان بعد ..
ريان : ايه مانلعب حنا ..
نايف : اموت واعرف وش قاله وليد ..
عمر : من وليد ..
نايف : ولد عمي ..
عمر : جايب ولد عمك ..
نايف : ايه تخيل اجيب ابوي .. والله يطلعني من المدرسه كلها ..
زيد : والله ولد عمك فله ..
نايف : لأول مره بالحياة ياحبيله ..
دخل المدرس : هاه رجعت يا نايف ..
نايف : تو مانور الفصل يا استاذ ..
المدرس : نكمل ..
نايف بصوت واطي : من ماسكك ..
ريان : مالي خلق ..
نايف : حتى انا ..
سكتوا شوي بعدين نايف قام يتألم ..
ريان : شفيك ..
نايف : جنبي جنبي يعورني ..
ريان : استاذ ..
المدرس : وش فيه ..
ريان : يقول تعبان .. خلني انزله تحت ..
المدرس : لا يكون لعبه ..
نايف ووجه اصفر وبدى يعرق : آآآآي .. احد يلعب بالمرض ..
المدرس : اوكي اوكي يلا قم ..
قام نايف وقام معاه ريان وعبد الله ونزلوه تحت .. اخذوا له اذن وطلعوا يودونه المستشفى لانه كان يتألم .. طلعوا معاه الثلاثه .. وصلوا سيارة ريان ..
ريان : عبد الله امسكه خلني افتح السياره ..
نايف : ماله داعي اركبوا بس خلونا نفقع ..
عبد الله : ههههههههههههههههههههههههههه .. ياحمار خفت عليك ..
نايف : هههههههههههه تمثيل يلايلا ..
ركبوا السياره ومشوا .
ريان : وربي البيت على بالي جد . وجهك تغير ..
نايف : هههههههههه عشان تعرفون شلون ..
عبد الله : طيب وشلون بنرجع ..
نايف : ماراح نرجع بنخلي الشناط بالمدرسه .. بكرى بنجي ..
عبد الله : كفو والله ..
ريان : التحليه ..
نايف : يلا ..
? فــيـ .. مدرسة البناتـ ?
المدرسه : ولاااااء ..
ولاء : سمي ..
المدرسه ابتسمت : سم الله عدوك .. قومي واقفه ..
ولاء : وش سويت ..
المدرسه : يعني لازم توقفين اذا مسويه شي .. قومي اشوف ..
ولاء : بتشوفين طولي .. مايحتاج قزما ..
المدرسه : ههههههه قومي اقول ..
ولاء : طيب قمت ..
المدرسه : عرفي الحالب الخضراء ..
ولاء : أ أ أ أ أ .. اعرف الحمراء ..
المدرسه : اللهم طولك يا روح .. ولاء وبعدين ..
ولاء بصوت واطي : لله يا محسنين الجواب ..
نقلتها المنقذه فرح ..
المدرسه : كان جاوبتي من زمان مو تجلسين تتفلسفين ..
ولاء : لازم يا استاذه .. عشان احس اني بثالث ..
المدرسه ابتسمت : طيب اجلسي ..
لينا : استاذه صفرت ..
المدرسه : سمعتها .. عليكم حصتين احياء ..
البنات : لااااااااااااااااااااا ..
المدرسه : بـــــــس .. وشو لا ..
ولاء : ما اتحملنا طحلب واحد نتحمل طحلبين ..
البنات : ههههههههههههههه ..
المدرسه : يلا نكمل بسوي نفسي ماسمعت ..
ولاء بصوت واطي : لاتكفين ..
لينا : ههههههههههه ..
المدرسه : لينا وبعدين ..
لينا : خلاص توبه ..
ولاء : مسويه شده ..
حصه : ههههههههههههههه ..
المدرسه : حتى انتي يا حصه خربوك ..
ولاء بصوت واطي : وش تبي ذي وش قصدها ..
حصه : خلاص وربي اسفه ..
رجعت المدرسه تكمل الدرس وولاء بس تعلق لين وصلت رمي الاوراق .. صارت تحطهم بطرف المسطره وتعفطا بعدين ترميها .. لين بالغلط رمت وحده كبيره وجت على راس الاستاذه ..
المدرسه : اكثر من كذا قلة حيا ماشفت .. من اللي رمت الورقه ..
البنات : ............
المدرسه بصراخ : مين بسرعه ..
ولاء : شوي شوي .. انا اللي رميتها . بس كنت ناويتها بهديل مو فيك .. وش اسوي حتى الورق يحبك .. زي ما حنا نحبك ..
المدرسه : وبعدين مع حركات العيال هذي .
ولاء : افاااااااااا .. عيال مره وحده .. عاد يا استاذه تصدقين ان ما عندي اخوان الصراحه كان ودي بأخو بس مالله كتب .. بس يلا اخواني بالاسلام كثير .. ربك عوظني ..
لينا بصوت واطي : طقتها سوالف ..
فرح : اسكتي تضيع السالفه ..
المدرسه : ماشاء الله بتصرفاتك مايحتاج ولد ..
ولاء : افا والله وش تقصدين يعني انا ولد .. ماهقيتها والله " بصوت واطي " ماهقييييت ان البراااقع يفتنني ..
البنات : ههههههههههههههههههههه ..
المدرسه : ولاء برى .
ولاء : لا لا ما اتفقنا كذا .. شدعوى خلينا حبايب جوى الفصل ..
المدرسه : ولاء برى يلا ..
ولاء : بس ما اقدر اطلع برى .. لازم احظر الدرس . تبيني ارسب ..
المدرسه : على حالك هذا اكيد بترسبين ..
ولاء : يؤ يؤ .. يا كبرها .. تتفاولين علي ..
المدرسه : وبعديييييييييييين ..
ولاء ابتسمت : ولاأبليييين ..
المدرسه جتها الضحكه على شكلها : ولاء حبيبتي اعقلي ..
ولاء : من عيوووووووووني .. كم ابلا دولي عندنا ..
المدرسه : ههههههههه ابلا ايش ..
ولاء : دولي .. اسمك دلال لازم ندللك ..
المدرسه : هههههههههههههههه طيب اجلسي الله يصلحك ..
ولاء : يالبى قلبك والله ..
جلست ولاء ورجعت المدرسه تكمل الدرس وولاء ماتابت جلست ترمي اوراق لين وصلت المدرسه مره ثانيه .. التفتت بعصبيه ..
ولاء : شفتي ماقلت لك حتى الاوراق تحبك ..
المدرسه : طفح الكيل ..
ولاء : حطي بمكيال ثاني ..
البنات : ههههههههههههههههههههههههههههههه ..
المدرسه : برى بسرعه .. بـــــــــــــــرى ..
ولاء قامت : ان شاء الله بس شوي شوي اخاف على حبالك الصوتيه ترى ..
راحت ولاء وطلعت برى ووقفت عند الباب ورجعت الابلا تشرح .. ولاء تسوي نفسها متحمسه والابلا تسأل سؤال ..
ولاء : انا انا بجاوب ..
قامت المدرسه سكرت الباب .. قامت ولاء تطل عليها من القزازه وترفع اصبعها ..
فتحت الباب وطلعت راسها : بجاوب ..
المدرسه : ولاااااء ..
ولاء : خلاص توبه ..
طلعت وسكرت الباب .. وراحت تتمشى بالسيب .. وراحت فصل نوره ومالقتهم .. راحت فصل ثاني وطقت الباب ..
ولاء : استاذه ممكن مرام ..
المدرسه : عندها درس ..
ولاء : ادري . ابيها شوي بس .. مره ضروري ..
المدرسه : مرام .. روحي بس لاتطولين ..
طلعت مرام ووقفت مع ولاء عند الباب ..
مرام : وشو .
ولاء تقلدها : وشو .. طفشانه مطروده من الفصل ونسيني ..
مرام : هههههههههههه فضاوه ..
ولاء : تدرين انك بقره بهالمواقف ..
مرام : ادري بروح الدرس مهم ..
ولاء : طسي مالت عليك وعلى اللي يطلعك ..
دخلت مرام ودخلت ولاء راسها ..
ولاء : استاذه لاعاد تطلعينها تراها لعابه ..
ضحكوا علها البنات طلعت وسكرت الباب ..
صفرت وكانت فسحه طلعوا كلهم واجمعوا الشله .. وجتهم وحده ..
شذى : ولاء .. ممكن شوي ..
ولاء : ممكنات .. بس خير ..
شذى : سلامتك .. بس ابي اسألك عن شي تعالي شوي ..
ولاء قامت وراحت معها : خير ..
شذى : الخير بوجهك .. بنت عمتك وش اسمها ..
ولاء ابتسمت : هيفا .. ليه ..
شذى : لا بس اسأل .. طيب الحين هي تخرجت صح ..
ولاء : ايه ..
شذى : اهاا .. طيب ممكن تعطيني رقمها ..
ولاء : والله ما ادري اذا ترضى ولا لا .. بس وش تبين فيها ..
شذى : ابي اكلمها ..
ولاء : ادري اجل بتحنطين الرقم ..
شذى بنعومه زايده تقرفت منها ولاء : ههههههههههه ..
ولاء : بسألها وارد لك خبر ..
شذى : طيب لاتطولين علي ..
ولاء : طيب ..
راحت ولاء ورجعت عند البنات ..
لنيا : وش تبي ذي ..
ولاء : يامصلهاااااااااااااااااااااا ..
مروه : ياكرهي لها ..
ولاء : تبي رقم هيفا ..
اثير : لا لا لا تعطينها ..
ولاء : ليه ..
اثير : مابي اغار ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك