رواية تحياتي لمن دمر حياتي -4
ووصلوا النادي ..نورة و هند راحوا يتمشون ..وهند كانت مواعدة وحدة من ربيعاتها اللي تعرفهم بالمســـــــــن ..
و راحاو يلسوا وياها .. (بعد ما طلعوا من الحمام) ..و عقب شوي هي روحت ..فردوا لداخل النادي ..و تموا يسولفون ..
و راحوا مكان بعيد شوي واتمشوا هناك ..
نورة كانت حاسة بالذنب من اللي صار يوم سافرت .. كان صارلها فترة تفكر بالموضوع .. ما يصير تخبي أي شي على هند دامها تبي العلاقة تتطور أكثر واكثر .. لانها كانت أكثر شي تكرهه ..الجذب والخيانة !!
نورة:هند أنا بقولج شي ..
هند: قولي أكيد ..
نورة: يوم سافرنا صارت أشياء واايد ..
و حكتلها القصة ..
هند: نوووووورة ؟؟ ليش سويتي جيه ؟؟ بعد كل اللي صار بينا ؟؟
نورة: ما كان قصدي .. والله العظيم ..بعدين الموضوع مب بأيدي ..
هند (زعلانه) : هيه كلكم تقولون نفس الكلام
نورة: أنا لو ما أحبج ليش قلتلج ؟؟
هند(سكتت ) : ................. اوكي خلااص ..بعتبره موضوع وانتهى ..
نورة: اووكي .. و اوعدج ما بعيدها ..
و تموا يالسين عدال بعض و شابكين ايدهينهم بايدين بعض .. و الجو كان وااااااااااايد رومنسي ..
نورة: حبيبي مستانسة وياي ؟؟
هند: هيه الجو واايد حلو
نورة: لاا أنا أقصد علاقتنا ..يعني مستانسة بعلاقتنا ؟؟
هند: أكيد ..هذا سؤال يعني ؟؟ انا من عرفتج وانا حياتي تغيرت ..كل شي فيها حلو
نورة قربت على هند ...و قربت أكثر ..و فجأة يت مريووووم .. و قطعت عليهم اليلسة .. كانت الساعة 11:30 ... يعني خلااص لازم يروحون .. و تمت هند تدق على ابوها عشان يوصلهم.. و هو ما يرد ..و نورة مستانسة على الوضع تبي تقعد معاها أكثر ..
بعد شوي لقته يدق لها و يقولها انه برع .. و ساروا البيت
نورة كانت مستانسة بس بنفس الوقت مقهووووورة .. كانت تبي تقعد مع هند اكثر .. تسولف وياها ..تحس بحنانها ..تعوض كل شي صار بحياتها ..
مرت فترة ..كان الوضع فيها عادي ..يعني الكل حايس بالعيد وتجهيزاته ..الكل ما عدا نورة واهلها .. هالشي مب غريب لأنه يدهم ما صار له فترة متوفي و هذا أول عيد يمر ..كانت الأوضاع صعبة ..أمها و خالاتها كله يصيحون ..
و مر أول يوم عيد ..كان مأساه بكل معنى الكلمة .. نورة نقطة ضعفها تشوف احد يصيح ..و الكل كان يصيح ..
راحت غرفتها لأنه أعصابها كانت منهاارة من كثر ما شافت الناس تصيح .. خذت فونها و دقت على هند ..و رمستها ..كانت تبي تهرب من هالوضع المأساوي و الممل ..سوالف هند خففت عليها شوي ..
هي ما قالت شي زيادة ولا غير عن الباجي .. بس الحب يعمي الانسان عن كل شي ..
مرت أيام العيد على هالحال .. بكاء و دموع و حزن .. و خلصت اجازة العيد و ردوا للمدارس ..
صارت المدرسة هي المتنفس الوحيد لنورة عشان تشوف هند لأنها ما كانت تقدر تطلع واايد .. و كل طلعه تموت و تعيش عشان تروحها ..
مر أكثر من 3 شهور على طلعتهم على النادي .. يعني صارلها مدة طوييييييييييييلة ما شافتها عدل و يلست وياها ..
اقترحت فطوم انهم يسيرون المشرف (حديقة خاصة بالنساء و يتجمعون أغلب البويات و البنات فيها ) ..
نورة كلمت أهلها ووافقوا (بعد عناء طويل طبعا ً ) ..و كانت تعد الأيام و الساعات عشان تيي الاجازة و يطلعوون .. و تشوفهاا !!و كالعادة الوقت يمر بطيء ..على مهله ..لين ياه اليوم المنشود .. يوم الخميس ..
قامت من الصبح و تعدلت و يلست تتريا على ما يصير الوقت ..و فعلا وصلها ابوها و سيدااااااا الحمام عشان تتعدل فيه ..
و بدوا ربيعاتها ييون وحدة ورا الثانية ..الا هند ..و تدقلها و ما يشبك ..نوووورة عصبت خلاااااص لأنها تأخرت واااايد ..
فطوم : نورة اهدي شوي أكيد في مشكلة بالاتصالاات ..الحين تلقينها واقفة هني
مريم: أو يمكن ما تدري وين نحن و يالسة تدور علينا
نورة: اوكي ..بنشووف ..
الجو كان واااااااايد برد .. و الكل لابس ملاابس شتوية و ثقيييلة ..(الاا كم وحدة اللي يالسة حركاات << تدرون) ..
فجأة .. يت وحدة و صكت عيون نورة..
نورة: منوو ؟؟
هند : أفااا نسيتيني ؟؟
لفت نورة و لقت هند جدامها ..و لاابسة تنورة قصيرة و قميص كت !!
نورة تمت تطالعها مستغربة ..(هذي مب بردانه ؟؟) ..
نورة: هنوود ..اقول انتي مب بردانه ؟؟
هند: هههه أكيد لأ .. أنا ما أبرد بسرعه
نورة: بس والله بتمرضين ..
هند: لااحياتو لاا تحاتين مب اول مرة ..
تمشوا كلهم ويا بعض ..بس نورة ما كان عايبنها الوضع ..تبيها حقها و بس !! تمت تحايل فيهم لين بعدوا عنهم و صاروا بروحهم ..
نورة: أخيرا نحن ويا بعض بروحنا ؟؟!
هند :.........(ابتسمت)
نورة: ما تدرين شكثر ولهاانه عليج .. و محتاجتلج ..
هند: فديت روحج أنا ..
نورة حست نفسها حرااااانه (أكيد يالسة ويا الحب !!) ..فصخت الجاكيت اللي لاابسته و تمت باقميص الكت ..
هند مدت يدها .. و تمت حاطتها على خصرنورة .. و يلستها عدالها ..و تموا يسولفون ويا بعض ..
فطوم: انتوا هني وصارلنا ساعه ندور ؟؟؟
هند: .........................(ساكته)
نورة: هيه ..امم ..قلنا نيلس شوي تعبنا
فطوم: انزين يالله تعالوا ..
يت نورة تقوم و فجأة صرخت : آآآآآآآآآييي
هند لفت و هي خايفة : شفيج نوااري ؟؟
نورة: ااااه ..ما أدري ..ظهري يعورني
فطوم: نورة سلاامتج ..شصاااير الحين ما كان فيج شي ؟؟
نورة: ما ادري ..أااااي
مسكوها هم الثنتين ..و مشوا وياها عند سيارتهم ..
وصلت نورة على البيت .. وهي خلااااص مب قادرة تستحمل الألم اللي ياها ..
أمها : نورة شفيج ليش تمشين جيه؟؟
نورة: يما ظهري يعورني ما ادري شفيه
امها : سلاامتج ..سيري يلسي في ماي حار يمكن من البرد يعورج
راحت و سوت اللي قالت عليه امها .. ما شي نتيجه ..لين قرر ابوها يوديها المستشفى ..
دشت المستشفى و أبوها ساندها ..لأنه ما تقدر تمشي من الألم .. ..الساعه كانت 12 في الليل ..يلسوا يتريوووون 4 ساعات لأنه ما شي دكتور مداوم الحين ..
أبوها : حسبي الله عليكم من مشتسفى ..مستشفى خاص و ما عندكم دكتور مداوم ؟؟
أبووي بعده يعورج ؟؟
نورة: هيه يبه ..
أخيرا ياه الدكتور ..و سوولها تحاليل وفحوصات ..و خبروهم بالنتيجه ..طلع عندها فايروس بالكلى ..و ضرب عليها بسبة البرد ..
نورة برغم الألم كانت مستانسة ..تشوف اهتمام .. الكل محتاج اهتمام طبعا ..و خصوصا اللي عانوا حرمان الحنان و هم صغار ..
ردوا البيت بعد ما صرفولها الدوآ ..الحين أخف شوي لأنه عطوها ابرة مسكنه ..
رقدت لين ثاني يوم العصر ..و نشت على صوت تلفونها ..
نورة: ألوو ..
فطوم: ها نواري ..شحالج؟؟
نورةك أنا بخير والله
فطوم: سرتي المستشفى صح ؟؟
نورة: هيه ..يقولون فايرس في الكلى و من البرد و ما ادري شو
فطوم : يالله سلامات حبيبتي ..
نورة: الله يسلمج ..
فطوم: بااااي
و صكت عنها ..كانت تفكر في هند .. :( يا ترى ليش بعدها ما دقت تتطمن علي ) ..(غريبة ..توقعتها اول وحدة تدق علي ..بس بعده الدنيا العصر ..ما فات الوقت)
تمت راقدة .. ما تبي تشوف أحد ..خابت آمالها ..كانت متوقعة اهتمام و مسجات بس ولا كأنه احد هني ..
( بعد شوي ..)
دق تلفون نورة و هي سرحانه ..شافت الرقم و ابتسمت ابتسامه عووووووووودة
نورة: هلاا بغلااي و حبي وحياتي
هند: ههههههه هلا فيج ..
نورة: ليش تضحكين ؟؟
هند: لاا بس مستانسة من كلامج
نورة: فديتج يا أحل وحدة بهالكوون ..
هند: شحالج الحين ؟؟
نورة: دامني سمعت صووتج أكيد بخير ..
هند: فديتج انا ..عيل بتم على الفوون عشان تصيرين أحسن ..
نورة: لاا حرام تتعبين ..
هند: المهم انتي ..انا خلني أولي
نورة: وين تولين يا بنت الناس ..انا ما صدقت لقيتج
هند: لاا تحاتين ..بتم وياج العمر كله
نورة: ان شاء الله ..
هند :يالله غلااي بروح ..تبين شي ؟؟
نورة: لاا انتبهي على عمرج بس
هند: اوكي ..بااي
نورة: باي
بدت حالة نورة تتحسن شوي شوي ..و ردت مثل أول تمشي و تناقز و كله تمام ..
و خلص الويكند على خير ..بعد المعاناه اللي مرت فيها شخصيتنا ..و داومت يوم الأحد طبيعي ..
كانوا يالسين هي و ربيعاتها ..
فطوم: أقوول نوااري ليش مداومة فكينا منج شوي
مريووم: هيه والله ..على الأقل نرتااااااح
نورة: مالت عليج انتي وهي ..أصلا انا لو تلفون الدنيا كلها ما تلاقون مثلي
هند: هيه ..وااااااااااضح
فطوم+مريوم: ههههههههههههههه
نورة: نعم نعم ما سمعت !! شو تقولين؟؟
هند:لاا أقول يعني الصراحة انتي ما شي مثلج ..فديتج انا
فطوم: هههههه يما الخوف
نورة: هيه ..أتحرى شي ثاني
يتهم بنية بسرعه و هي تصارخ :
فطوووووم ..هندووووووو قوموا يالله مس عبير الرياضة تبيكم ..
فطوم: خير شو تبا المس ؟؟
البنت: تبي تشوف بتروحون ويا المرشدات ولا لأ
فطوم: أنا مرشدة أصلا بس هندوو مسجلة اسمها وياي
هند:قومي قومي خل نشوفها
و ساروا حق المس ..و نورة كانت يالسة ومستغربة من الوضع ..( ليش ما قالولي ..غريبة الصراحة) .. وبدت نورة تعصب ..لأنه اللي سووه فيها حركة واااااااااايد خايسة ..أصلا لولاها ما كانوا يعرفون بعض الحين ..مسكت أعصابها .. وسارت حق المس ..
نورة: مس عبير ..
المس: هلا نورة شو تريدين ؟؟
نورة: مس أقدر اسجل اسمي الحين ؟؟
المس: ما أعرف والله ..بشوف البنات اللي ما بيروحون و بقولج
نورة: مشكوورة مس
ردت حق صفها وهي معصبة خلااااص ..و في الطريج صادفت بنية و ربيعتها ,,
البنية : آآآآآآآخ بس .. حمدوو شوفيها كيف تمشي وتطالع في البنات ..بس لو ترمسني ..والله لأسوي كل اللي تباه ..
ربيعتها : خلها ..الا ايي اليوم اللي تلاحظج فيه و ترمسج ..
نورة : (مااالت عليها ..شو تبي هذي الحين .. أنا مب من هالنوع ..هم فاهمين غلط ..الكل يحسبني غبية وشايفة عمري ..أمووت وأعرف ليش ..)
و دشت نورة صفها ..وهي فبالها شي ثاااني ..قررت أن هند تكون حقها هي وبس ..و بتسوي هالشي لو على جثتها ..
يلست ورا في آخر الصف ..و بعدها هند دشت تدورها ..
هند: حبيبي ليش يالسة هني ..صارلنا ساعة ندورج..
نورة(ببروود) : لاا ما شي
هند:شفيج ليش تردين جيه؟؟
نورة: والله ما شي ..ما تصدقيني يعني ؟؟
(تررررررررررررررررررن)
نورة: يالله روحي صفج ..أشوفج عقب
هند: أوكي
هند كانت حاسة انها متضايقة منها .. بس ما حبت تبين لها ..
و قعدوا يجهزون حق الرحلة .. و يسولفون عن الأماكن اللي بيروحونها هناك ..و نورة من داخلها ميته قهر بس تتصرف عاااااااادي ..
و مر عليها الاسبووع من سيء لأسوأ ..(يعني الحين هي بترووح ويا أموون وفطيم و بيستانسوون ..و بتنسى شي اسمه نوورة..)
هند ما حاولت حتى تسألها ليش زعلانه ..غريبة احوال الناس ..بسرعه ينقلبوون ..
::::::::::::::::::::::::::::::::::::
خلااص قرب يوم اليمعه ..نورة بعدها مقهوورة ولا قادرة تنسى اللي صار ..بس كانت تصبر نفسها شوي ..على ما تسوي اللي براسها
وراحوا للرحلة .. وتركوها تعاني الوحدة .. مب الوحدة المادية..الوحدة المعنوية ..انها تكون ويا كل الناس وتحس عمرها بروحها ..
{ بغيبتكـ حاير ..وضايق ..ومفجوووع }
:::::::::::::::::::::
مر اليوم بخيره وشره ..و لقتها ثاني يوم داقه لها من الصبح ..
نورة: اففففف..شو تبي بعد ؟؟ يعني مب كافي اللي سوته بعد داقة علي ..
ردت دقت لها مرة ثانية ..
هند:ألو
نورة:صباح الخير ..
هند(مصدومه من هالرد الباارد) :صباحج حلو حبيبتي
نورة: ....................
هند: أقوول نواري كان خاطري أشووفج..
نورة: (تسمع بس)............
هند: تعاليلي اليوم ..
نورة: لاا سوري ما اقدر
هند: ليش ؟؟يالله حاولي ..
نورة: بشوف
هند: بليييييييييييز من زمان ما شفتج
نورة:ان شاء الله
نورة كانت زعلانه من الخاطر ..و ما كانت تبي تشوفها ..راحت كلمت امها :
نورة:يما بسير حق هند اليوم
امها: أنا ما يخصني سألي ابووج
نورة:اووووووووووووف ..ما أدري شو تفرق يعني
كانت فاقدة الأمل بموافقته ..هي دوووم جيه ..سلبية قبل لاا تحااول ..
بس سارت حق أبوها وهي تدري انه بيرفض ..
نورة: يبه
أبوها: نعم نوووورة
نورة: يبه بسير حق هند ربيعتي اليووم ..
أبوها: اوكي أي ساعه
نورة: يعني 8 ..
ابوها:اوكي ..
نورة:بس يبه ..هي عيد ميلادها الاسبوع الياي بعد ..
ابوها:انزين ..روحي اليوم والاسبوع الياي ..زين ؟؟
نورة: مشكوووووووووور يبه
كااانت صدمه بالنسبه لها ..ما توقعت يوافق بهالسرعه ..كانت الساعه 11 ونص ..باااجي وقــــــــــــــــت على الموعد ..
حاولت تتناسى الموعد شوي وتبدى بخطتها اليديدة ..
على الساعه 5 بدت تتجهز حق موعدها ..لبست وكشخت ..صح هي بعدها زعلانه ..بس تحبها وما تقدرعلى فراقها !!
وصلت عندها على 8:30 ..وهند كانت كاشخة و متعدله ..كان شكلها وايد حلو ..دشت نورة الصالة ..و يلست تترياها شوي
نزلت وهي مستانسة بشوفتها ..و على طول خذتها دارها ..و (صالحتها) هناك ..طبعا مب هي مزعلتنها ؟؟
نورة رضت بسرعة ..كانت تموت على كل شي فيها ..بس شي واحد اللي كانت تحس فيه من فترة ..كانت تحس انها بحاجه ريال يوقف عدالها و يساندها ..إجازة الصيف غيرت فيها اشياء وااااايد ..خلتها تنقلب 180 درجة ..ودرت عنها حركات البويات و ستايلهم ..بس المصيبة انها كانت تبي هند تصير بوية !!
رمستها في هل الموضوع ..و هند كان ما عندها مانع على شرط واحد ..انها تكون بوية معاها هي بس ..بعدين عادي ..
كلمتها شوي عن الرحلة ..وعن اللي صار هناك
هند: تدرين اني عزمت اموون على عيد ميلادي الأسبوع الياي ؟؟
نورة من سمعت هالاسم وكأنه حد صب عليها ماي بااااااااارد
نورة:شووووووووووو؟
هند:ليش حبيبتي ما تبينها ؟؟
نورة:لاا مب جيه ..بس ......
هند:بس شووو ؟؟ من شو متضايقة؟؟
نورة: ما شي (ولفت ويهها)
هند:حبيبتي بليز كلميني ..
نورة: أغااااااااار !! انتي حقي انا و بس
هند: ما احد بياخذني منج
(و دق تلفون هند) .
هند: ألو ..هلا هناادي ..بخير وانتي ؟؟ ههههههههه هيه والله ..أقوول تعالي حفلتي الاسبوع الياي .. أنا مشغولة شوي الحين ..اوكي خلاص ..بااااي
نورة: منوو ترمسين؟؟
هند:هذي وحدة ربيعتي
( طالعتها نورة بنظرة ..)
نورة: والله ؟؟ شو تتحرين ما عندي عيوون ؟؟اللي يشوفج ترمسينها يقووول حبيبتها من زمااااااااان
هند: اوكي ..هي كانت حبيبتي ..بس ما شي تغير ..أنا وياج الحين و بس
نورة كانت متضايقة من الخاطر ..كل اللي تشوفه جدامها بنت حلوة و شعرها طويل (اللي هي هنادي) ..
روحت من عندها وهي تتمنى انها تموت بعد اللي سمعته ..داومت ثاني يوم وهي مب طايقة احد ولا طايقة عمرها ..كانت بتمووت من الغيرة من هذي اللي اسمها هنادي
يلست ويا ربيعاتها بس كانت ايد مب وياهم
هند:فطوم نسيت أعطي نورو هديتها البارحة ..يبت لج شي حلو من هناك ..
نورة: هنوود ..أقوول هنادي حلوة ؟؟
هند: شو يخص هنادي الحين ؟؟
نورة:بس سؤال
هند:هنادي بوية ..وشخصيتها روعه ..و حلوة بعد
نورة نست كل شي و ركزت على كلمة بوية ..
نورة يعني هي مب طويلة وحلوة وشعرها طويل ؟؟
هند:نورو شفيج حبي ؟؟ مريضة ؟؟
نورة: لااا لاااا ما في شي ..
و قااامت ..
كان جدامها اكثر من شي تفكر فيه الحين ..هنادي وأموون والشلة اللي لازم تفرقها ..كان في بنية اسمها فاطمة واايد تكرهها في الشلة ..قررت انها تبتدي فيها ..
شوي شوي ..كانت تسحب هند من الشلة وتيلس وياها بروحهم..قدرت تخرب العلاقة مع أكثر من بنية في الشلة ..بس كانت تبي فطوم اتم وياهم ..لأنها ربيعتهم من زمان وهي تحبها واايد ..
مر الأسبوع بسرعة ونورة كانت محتارة شو تلبس و شو تييب لها هدية ..بس حصلت لها وقت انها تروح تشتري لبس يديد ..
حضرت عمرها عدل حق الحفلة ..لبسها حلو و شعرها رووعه و الميكب بسيــــــــــــط ..كانت طالعة حلوة وااااايد ..
وصلها ابوها الحفلة قبل الموعد بشوي ..لازم تشوفها اول وحدة و تقعد معاها ..
لاحظت انه في ضيفه عند خواتها ..وهم كانوا بعدهم يتجهزون ..وحدة من خواتها كانت وايد مغترة بعمرها و تطالعها باحتقاار ..نورة حست بالاحراج ..يعني وجودها ماله دااعي من الأساس ..بس هند خذتها ونزلوا الصاله ..كانت الصالة وايد مرتية و زينتها حلوة ..هند فصخت نورة عباتها ..و صرخت :وااااااااااااااااااااااا� �ااااااااااااااااو !!
بالمختصر المفيد نورة كانت موووووووووووووووززززززة !! روووووعه و لبسها كان واايد ضيق ومفتووح على الآخر !! نورة كانت مستحية واايد ..هند مسكتها من ورآ وحظنتها ..و همست بأذنها : أحبــــــــــــــج !!
قطع عليهم صوت الباب و هو يدق ..بدوا ربيعاتها ييون ..و الصالة انترست بنااات ..و يت اموون هي و مي بعد ..
بدوا البنات يرقصون و يسولفون ..و سارت نوورة حق مي وهي تقوولها : يالله ميوو بنرقص dirty
مي : ههههههههه يالله
نورة وقفت ..مسكتها مي من ورآ ..و قالت: عاادي اتعمق ؟؟
نورة كانت ترمس ويا بنية ثانية وما اتنبهت شو قالت مي ..
نورة: هيه عادي
و مسكتها من مكان غلط !! هند شافت الموقف كله ..
نورة ما حطت فبالها لأنها أصلا ما انتبهت شو استوى ..
بعد شوي قعدت على الكرسي تنافخ من التعب و يلست تطالع بهند ..هند عطتها نظرة و لفت!!
لاحظت انه اموون كل شوي تتعمد تيلس عدال هند وتحضنها و ما أدري شوو .. وهند عاااااااااااااادي ما في أي مشكله ..
حست انه في شي غلط ..
نورة ما استوعبت شصااار و راحت عندها وتمت تسألها شصاار ..
نورة:حبيبتي قولي شفيج ؟؟
هند:انتي تدرين شو فيني ..
نورة:والله ما ادري ..شو سويت ؟؟
هند:سألي مي ..و خلااص اناشفت الخيانه بعيني
نورة:أي خيـــــــــــــــــــــــ ــانه ؟؟ لاا تعصبيني بليييييييييز
هند: الحركة اللي سوتها مي من شوي ..شو اتسمينها ؟؟حطت ايدها عليج ..و أونه تقولين لي انتي حقي و بس ..ليش سويتي جيه ؟؟ حراام عليج
نورة بدت الدنيا تلف فيها ..مب مستوعبه أي شي ..بعدها فهمت كل شي ..و راحت تتأسفلها ..و ما رضت !!
راحت نورة الحجرة و هي تصيح (أنا غبية ..دووم أخرب كل شي ..غبية غبية غبية ) دشت هند و سمعتها تصيح ..راحت حظنتها و قالت: نووورة حبي لا تسوين بعمرج جيه ..خلااص سامحتج و ..............
نزلت حق البنات بعد اللي صار بالحجرة ..كانت أموون بتسير البيت فطلبت من هند انهم يتصورووون ..
و يلست تمسكها وتسوي حركاات وهند استغلت الموقف عشان تقهر نورة
نورة كتمت في قلبها ..ما تبي تخرب فرحة البنية ..(خليها بتفاهم وياها بعدين) ..طالعت الساعه و لقت الوقت تاخر ..دقت على ابوها ياخذها ..وسلمت على هند والبنات وطلعت ..
سارت البيت وهي مقهووورة من كل شي ..من نفسها ومن هند ومن أمووون ..راحت حجرتها وصكت الباب و رقدت لين الصبح ..تبي تنسى هاليوم المأساوي ..
اليوم اللي بعده كان بعد ماساوي .. بدت الشكوك تحاصرها من كل مكان ..حركاتها مع أماني ..و هنادي اللي طلعت في حياتهم فجأة ..الأسرار اللي صارت تتخبى عليها فجأة ..هند و نورة كانوا كل شي بالنسبة لبعض ..الخوات والحبايب والاصحاب ..حســــــــــت انها النهاية ..أكيد النهاية
نورة(تكلم عمرها) : أكيد بتهدني عشان اموون .. أنا مب حلوة ..أنا ما فيني شي غير عن الكل ..أكيد هي تحبها ..و دخلت بنوبة بكاء ..
ثاني يوم الصبح ..كانت مضطرة انها تواجه الموضوع ..لأنها بتروح الدوااام غصب ولا طيب ..مب لأنه أهلها يجبرونها ..لأ ..لنها هي دحيحة و لو غابت يوم يصير فيها هستيريا ..و تحول تفهم كل اللي فاتها << أدري غريبة أنها دحيحة ولها حركات بس هذا الجمال في شخصيتنا ..
من دشت من باب المدرسة وهي سيدا راحت الصف ..و البنات ما استغربوا وايد لأنها جيه كل يوم حالتها تقطع القلب..
كانت أول مرة ما تروحلها صفها وتعطيها بوسة الصبح ..حتى هند توقعت انها غايبة و ما سألت عنها ..
في الفسحة طلعت نورة وقررت انها تواجهها لو شو ما صار..بالصدفة لقتها واقفة مع أماني و يسولفون ..هني خلااااص فعلا بدت تعصب و عطت أموون بنظرة ..
أموون:أوكي هنوود ..اشوفج عقب
نورة: ...........(ساكتة و تطالع بس)
هند: ها حبيبي اشوف داومتي
نورة:ليش من قالج اني كنت غايبة
هند: لاا ما ييتي الصبح فقلت انج غايبة
نورة:لاا كنت في الصف ..وما احد كلف خاطره يسأل عني
(مرت بنية و سلمت عليها )
البينة:هااي هنووود حبيبتي شحاالج
هند:بخير الحمدلله
و راحت البنية..
نورة:هاا أشوووف الكل عايبنه الوضع هنوود و حبيبتي ..بالله عليج تروحينلها
هند:انتي شو فيج معصبة اليوم ؟؟
نورة:واللي يعافيج بس يكفي ..خلاص قولي و ريحيني
هند: ما عندي شي أقوووله
نورة مشت وهي معصبه خلاااااااص اتقهرت ..
ور احت على صفها ..
الحصة الرابعة كان عليهم علوم ..و الحصة كان فراغ عشان جيه راحوا النادي العلمي هي و منوو عشان يخلصون بروجكت حق مس العلوم ..
كان في بنية تحبها موجودة بس برع الغرفة اللي كانت فيها نورة..و منوو ملت وراحت وتمت نورة تشتغل بروحها ..
قربت غزلان ناحيتها وصارت تسولف وياها و نورة مب طاايقة ولا معطتنها فيس ..فجأة نورة غيرت رايها ..حبت تسوي أكشن ..وتنتقم بنفس الوقت ..
نورة:غزوول تعالي شوي
غزلان: (غزووول ؟؟ الله تدلعني ) ..اوكي يايه
و راحوا الغرفة اللي كانت تشتغل فيها نورةبآخر النادي العلمي ..
دشت و رمستها عادي ..بعدها سارت صوب الباب ..ووقفت وراه .. و صارت تغازلها شوي شوي ..و غزلان مصدقة عمرها ..و قربت عليها ...لصقت فيها وااايد ..و قربت صوب شفايفها ..و بسرعة لفت على صوب وهمست في اذونها: يالله تعالي نطلع ما نبي يفهمون غلط ..
غزلان كانت ميته حياا ..توقعت شي ثاااااني ..طلعت نورة و هي وراها ..و راحت الصف ..
دقايق والخبر كله منتشر بالسكوول ....
ردت نورة البيت وضميرها مأنبها ..كان لازم تتصرف بطريقة أذكى شوي ..بس هذي مباحات الحب والحرب ..نست السالفة كلها و عادي
ثاني يوم وهي واقفة في الطابور يتلها مس عبير الرياضة ..و طلعتها هي وكم بنية و خبرتهم ييون لها بعد الطابور ..
راحت لها نورة هي والبنات ...الكل كان مستغرب ..
مس عبير : الحين انا اخترتكم عشان عرض ازياء راقي بيسوونه في ....... و يبون بنات طوال واجسامهم عدله ..شو تبون ولا لا
وحدة من البنات: اوكي مس بس متى
المس:معاكم تدريب 3 أيام و اليوم بتروحون حق الملابس ..
نورة:اوكي مس ..ان شاء الله
و ردت الصف و الكل يسأل شصاير وخبرتهم ..استانسوا عشانها لأنه واايد حلو بيكون ..
نورة كانت من برع مستانسة بس من داخل 1000 نار ونار شابة في قلبها ..حبيبتها ما ترمسها ..زعلانه عليها ..مع انها هي اللي زعلانه بس ما تدري كيف انقلب الموضوع و زعلت عليها
مر اليوم مميت بدوناه ..كانت هند كل حياتها ..هند بعد كانت متضايقة << ميانين يحبون بعض وجيه!!
المهم ..
نورة ردت البيت و بسرعه تغدت ولبست عشان لا تتأخر عن الموعد ويا البنات
كانت وايد تعبانه وعليها دراسة و متضايقة واايد بس تحملت على عمرها و تمت صامدة وتتظاهر بالقوة لأنها ما تحب تبين الضعف ..
خذوا القياس مالهم و ردوا البيت .. وباجر التدريبات ..ردت البيت ودرست شوي و سيدا رقدت..
مر يومين وهم حايسين بالتدريبات و العرض ..و هند بعدها زعلاانه ..بس صارت مفاجأة ما توقعتها نورة..اللي صار في غرفة العلوم وصل لها ..عن طريق ابنات ..و سارت وهي مب شايفة جدامها..سارت تتضارب وياها ..لأنها من وجهة نظرها غلطااااااااانه بس هي ماتعرف عمرها شو سوت ..
هند: نوورة ليش جيه ؟؟خياااانه وخنتيني شو تبين مني بعد
نورة: الحين صارلج 3 ايام ما تكلميني و يايه تتضاربين وياي بعد؟؟
هند: يعني لي هالدرجة انا مب تارسة عينج ؟؟ شسوي يعني
نورةك انتي ما تدرين عمرج شو مسوية ..حركات اموون و هنادي ما مرت علي ..
هند:أي حركااااااااات ؟؟
نورة:سمعيني ..أنا ما لي خلق أتكلم الحين ..باي
و رااحت ..
يومهم كان كريـــــــــــــه هواش وضرابات من أوله ..و كان يوم عرض الأزياء ..ونورة كانت نفسيتها زفـــــــــــــت ..بس سارت وكملت يومها و تناست السالفة .. هند كانت دووم على بالها ..
خلصوا شعورهم و الميكب و كل شي ..و بدا العرض ..نورة كانت حاسة عمرها بتطيـــــــــح يوم تطلع و قعدت تدعي ربها مليوووون مرة انها ما تطيح ..
وهي يايه بتطلع ..علق الثوب بكعبها ..بس البنات كانوا اسرع منها ومسكوها و ما احد شااف ..و خلص العرض على خير ..
سارت البيت على الساعه 12 ..و كانت تعبااانه ..على طوول دشت و فصخت ثيابها وعلى النووووووووووم
الصبح نشت على صوت فونها ..كانت هند..عرفت انها بعد غايبة ..ردت عليها
نورة:ألوو
هند:صباح الخير
نورة:صباح النور
هند: أنا تولهت عليج مووووت و ما اقدر اعيش من غيرج
نورة:وانا بعد ..سامحيني هنوود ..ما كنت أقصد
هند:خاص ما ببطل أي موضوع ..
نورة:حياتي انتي ..بس جيه ما ينفع ..لأنه عندي مليوون شي براسي و يمكن يكونون غلط ..
أخرتها تفاهموا على كل شي ..و كل شي كان اوكي ..
كان الاسبوع اللي بعده ذكرى بداية حبهم ..نورة كانت تحضر حق هاليوم ..
راحت واشترت هدية حق هند و جهزت كل شي ..و هند بعد ..كانت تتظاهر انها ناسية بس جهزت كل شي ..
كان يوم الأثنين هو يوم أحلى ذكرى فحياتهم ..الصبح نورة دشت من الباب و كانت تبي تفاجأهند بس هند سبقتها و يتلها الصف ..
هند:كل عام وانتي بخير !!!!
نورة: فديــــــــــــــــــــــ ـتج تذكرتي !!
هند: حد ينسى اليوم اللي ردت له فيه الحياه ؟؟ أحلى يوم فحياته
نورة: الله لا يفرقنا يا رب
هند: آميييييييين..حبي ..أبيج يوم اليمعه تيين عندي
نورة:ليش ؟؟
هند:بنحتفل ..ليش بعد ؟؟
نورة:اوكي
كانت تتريا يوم اليمعه على أحر من الجمر ..كانت حاسه انه بيكون يوم حلـــــــــــــــــــو .....
و كالعادة مر الأسبوع على أبطئ شي ..بس مر ..اليوم يوم اليمعه ..كانوا متفقين تروحلها الساعه 6 ..
كل الظروف ملائمة اليوم ..أمها سايرة حفلة وخواتها بيظهرون ويا ربيعاتهم ..ممتاااز ..اللي خططتله بينجح
وصلت نورة عندها و سيدا طلعوا الحجرة ..
و عطو الهدايا حق بعض ..نورة كانت يايبه لها بوكس أحمر و فيه شموع و قلب عووووووووود أما هند فيابت وردة حمرا رووووووووووووووووووعه و عطر حلو ..يلسوا شوي وشربوا عصير ..بعدها راحت هند و صكت الليتات ...و ...............***
نورة كانت وايد مستانسة ,,كانت أحلى ليلة فحياتها ..أهم شي انها ويا حبيبتها ..
ردت البيت وهي تتذكر تفاصيل هالليلة ..كل شي انطبع في ذاكرتها..دقتلها يوم ردت و رمستها ..و تكلموا عن اللي صار ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك