رواية تحملت كثير يا قلبي -47
تهاني : بتتأخر ..
مشعل : عادي ابوي ماراح يقول شي .. يلا البسي وارجعي كملي فطورك ..
تهاني : اوكي يلا ..
قامت ولبست وتكشخت وجت له ..
مشعل يصفر : ياسلاااام .. وش هالحلاوه ..
تهاني : طول عمري حلوه ..
مشعل : هههههههههههههه مآخذه مقلب ..
تهاني : انت قلت اني حلوه ..
مشعل : بهذي صدقت .. بعدين تعالي كل هالكشخه للجامعه وانا مالي شي ..
تهاني : يكفيك انا ..
مشعل : هذي احسن كلمه قلتيها .. ايه والله تكفيني انتي .. يلا اجلسي افطري ..
جلست تفطر وكل مارفعت عينها لقته يطالعها ..
تهاني : مشعاال ..
مشعل : ههههههههههههههه وش اسوي فيك طالعه حلوه طيب ..
تهاني : عاد مو لدرجه تخليك تتنح ..
مشعل : شفتي .. اخذتي عقلي ..
تهاني حمر وجهها ..
مشعل : ههههههههههههههه امووت انا على الحيا .. يلا فديتك نمشي ..
تهاني : يلا ..
قامت ولبست عبايتها وطلعوا .. وصلها الجامعه وراح لدوامه .. اول ما دخلت راحت لـساره واميره ..
تهاني : صباح الخيييييييييييييييير ..
ساره واميره : صباح النووووووووووور ..
اميره : وش هالنشاط ..
تهاني : دايم نشيطه انا .. وين البنات محد جا ..
ساره : لا ..
اميره : انا مستغربه ان ساره جايه بدري .. بالعاده ناصر يعطلها ..
ساره : لا اليوم مدري وش عنده كان مستعجل ..
اميره : اهااااااا .. وانتي هي وش سر النشاط ..
تهاني : بنات مشعل متغير مرررررررره ..
ساره : شلون يعني ..
تهاني : مدري .. بس كلامه معاي مره متغير ..
اميره : يعني شلون بس يهزئك ..
تهاني : كلي تبن انتي ..
ساره : ههههههههههههههههههههههه على طول الجفاسه راعية مصارعه ذي ..
اميره : هههههههههههههه مدري عنها تقول متغير ..
تهاني : مدري بس صاير يقول كلام حلو ..
ساره تغمز لها : يمكن بدى يحبك ..
اميره : ليه هو اول ماكان يقول ..
تهاني : لا .. كان يكلم اخوياه بطريقه احلى من ما يكلمني ..
ساره : ياحياااااااااتي بعذرك منصدمه ..
تهاني : تلوموني ..
ساره : لا والله ..
اميره : آآآآآهـ .. مدري وش جايبني بدري .. محاظرتي الساعه 9 ..
تهاني : قرادتك والله ..
ساره : اميره بقولك ..
اميره : وشو ..
ساره : يختي ليه رافضه ياسر والله انه يبيك ..
اميره : الحين وش جاب الموضوع ببالك .. وش جاب طاريه ..
ساره : مدري .. بس امس ناصر كلمني قالي قولي لبنت عمتك ليه رافضته ..
اميره : بس كذا . يختي ما اناسب له .. شفيكم ..
تهاني : شلون ما تناسبينه ..
اميره : بإختصار وبدون لف ولا دوران .. هو احلى مني بكثير .. انا مو حلوه زيه .. وهو جسمه يجنن .. انا مره دبه عنده ..
تهاني : ليييييييييييييييييه ليه تقولين كذا .. حرام عليك .. وربي فيك نعومة ملامح عمري ماشفتها باحد ..
ساره : الجمال مو جمال الشكل ولا الجسم .. الجمال جمال الروح يا اميره .. وانتي اكثر وحده فينا طيبه يكفي انك تحبين تشوفين كل من حولك مبسوط وسعيد .. هذا مو مقياس ابد ..
اميره : بس انا مابي ..
تهاني : ليه ماتبين .. بالعكس دام الرجال شاريك ..
اميره : مابي .. خلاص قفلوا الموضوع ..
ساره : بنقفله بس انتي فكري ..
اميره : اوكي ..
ساره : توعديني انك تفكرين .. على فكره .. تراه كان يبيك من قبل لانتزوج انا وناصر ..
اميره : ادري ..
تهاني وساره : تدريييييييييييييييييين ..
ساره : وليه رافضه طيب ..
اميره : قلت لكم ..
تهاني : هذا مو مبرر . فكري .. يا اميره لا تطيرينه من يدك ..
اميره : بفكر .. اقول بنات ..
البنات : هاه ..
اميره : افكر اعتذر هالترم ..
تهاني وساره : لييييييه يا غبيييييييييييييه ..
اميره : بس .. خلاص قررت ..
ساره : بلا هبال ..
اميره : خلاص اقولك قررت .. بكرى بروح اقدم الاعتذار ..
تهاني : منتب صاحيه ...
اميره : كيفي ..
! ??ٍ??? فبيتـ فهد ??????
قامت جوري وجهزت الفطور وفهد توه نايم مابعد قام .. صارت الساعه ½,8 وهو مابعد قام .. وهي تأخرت على الجامعه .. راحت له بالغرفه وطقت الباب مع انه كان مفتوح ..
فهد : نعم ..
جوري : يلا قم تأخرت ..
فهد يوم شاف وجهها ابتسم : صباح الورد ..
جوري : صباح النور يلا قم ..
لفت عنه وراحت ..
فهد : افففففففففف .. يالله صباح خير ..
قام وتروش ولبس ونزل .. ولقاها لابسه عبايتها وجالسه ..
فهد : يلا ..
جوري : ماتبي تفطر ..
فهد : ما اشتهي ..
جوري : لو لقمه وحده ..
فهد : يهمك اذا افطرت ولا لاء..
جوري : براحتك يلا تأخرت ..
فهد : اوكي يلا ..
ركبوا السياره وشغل المسجل على شريط الشريم سورة النساء .. جوري يوم سمعته حست انها مررررره مرتاحه .. وجلست بس مبتسمه .. وصلها الجامعه ..
فهد : جوري .
جوري : هلا ..
فهد : متى تبيني اجي اخذك ..
جوري : مدري يمكن ارجع مع هيفا ..
فهد : على العموم دقي علي ..
جوري : اوكي .. يلا مع السلامه ..
فهد : الله يحفظك ..
نزلت وسكرت الباب ووقف شوي بعدين مشى .. وهي دخلت وكانوا البنات متجمعين .
جوري : صباح الخييييييييييير ..
الكل : صباح النووووووووور ..
هيفا : صبااااااح الوورد ..
جوري : قديمه غيرها ..
رهف تغمز لها : ليه فيه احد صبحك فيها اليوم ..
جوري ابتسمت : ايه .. يلا غيرها ..
البنات : ههههههههههههههههههههههه ..
هيفا : صبااح المسك ..
جوري : لا هذي جديده .. فديتك .. صباح العسل ..
جلست معهم وجلسوا يسولفون شوي بعدين كل وحده دخلت محاظرتها ..
? فــيـ .. الشركهـ ?
كان فهد يكلم حمد بالجوال ..
فهد : ياخي وربي مدري وش السالفه ..
حمد : طيب تفاهموا ..
فهد : حاااااولت حااولت ماقدرت .. كل ما بديت اتكلم معها قامت وتركتني ..
حمد : لاحول ولا قوة الا بالله .. طيب تبي اخلي لولو تسالها ..
فهد : ياليت تسوي فيني خير .. وربي تعبت ..
حمد : خلاص اكلمها اليوم ..
فهد : خلاص اجل اشوفك ببيت اهلي ..
حمد : ليه بتروح تتغدى هناك اليوم ..
فهد : مدري يمكن .. بدق على امي اقولها ..
حمد : اوكي خلاص .. يلا اجل اخليك وراي شغل ..
فهد : اوكي .. يلا فمان الله ..
سكر منه وكل واحد لهى بشغله ..
? فــيـ .. المدرسهـ ?
كانوا جالسين بين الحصتين الثالثه والرابعه .. عند الباب كالعاده ..
ولاء : والله يا انا مالي خلق حصة الكيميا ..
حصه : ياويلك منها لو انحشتي ..
ولاء : اخر ما افكر فيه هذي .. بعدين الله يعافيك اهم شي وناستي .. ابنحاش بس ..
دانه : وانا بعد ..
افنان : وانا وانا ..
لينا : وانا بعد ..
ولاء : وش رايكم كل الفصل ونتركها تشرح للطاولات وشناطنا ..
لينا : انا بروح الدكتوره ..
افنان : وانا بروح المشرفه ..
دانه : وانا بروح المساعده ..
ولاء : وانا بتسكع ..
حصه : دلاخه .. والدرس ..
ولاء : خلك يالدافوره بعدين اشرحي لنا اياه .. جواهر ماتبين تجين ..
جواهر : لا ..
ولاء : مصاله ليه ..
جواهر : مابي اخاف ..
ولاء : ياشيخه قوي قلبك يلا يلا امشي لا تخافين انا معاك ..
حصه : اتركيها لاتخربينها ..
ولاء : بكيفها .. بروح اطلع نوير .. يلا تشاو ..
راحت ولاء لفصل نوره .. طقت الباب وفتحته ..
ولاء : السلام عليكم ..
المدرسه : وعليكم السلام ..
ولاء : استاذه ممكن نوره ..
المدرسه : لكن عندها درس ..
ولاء : لازم تطلع ضروووووري بقوه ..
المدرسه : ليه فيه حاقه ..
ولاء : لا مافيش اصل مامتها تعبانه ولازم تكلمها بالتلفون ..
المدرسه : اوكي مش مشكله ..
ولاء : نوير قومي بسرعه ..
قامت نوره مرتاعه وطلعت وسكرت ولاء الباب وسحبتها وهي تركض .. وطلعوا برى الساحه الخارجيه .
نوره : شفيها امي ..
ولاء : هههههههههههههههه صدقتي ..
نوره : حسبي الله علييييييييك .. حماره .. خوفتيني .. بس تصدقين وربي مالي خلق الحصه اشوى انك طلعتيني ..
ولاء : شفتي اني خطيره بهالمواقف ..
نوره : ايه فديتك .. وين جواهر ..
ولاء : العنز عيت تجي ..
نوره : هذي الدفاره مو حنا الله يخلف ..
وهم جالسين جتهم لينا وافنان ودانه وهبلوهم ..
ولاء : حسبي الله عليييييييكم .. وجع .. احسبكم ناديه المساعده ..
لينا : خلصوا البشر تخافين من هذي ..
افنان : وهي الصادقه .. بس شكل على الفاضي ..
دانه : بنات احس اني بدوخ ..
نوره : بسم الله عليك شفيك ..
دانه : مدري ..
مسكت لينا لانها جنبها ..
لينا : بسم الله عليك دانه شفيك ..
دانه : راسي يدوووووور ..
ولاء : حاااااامل .. كللولولولولولولوش ..
البنات : هههههههههههه ..
نوره : مو وقت استهبالك الحين ..
دانه : ودوني الدكتوره راسي يعورني ..
اخذوها البنات وودوها الدكتوره ..
الدكتوره : انتي فاطره ..
ولاء : ليه حنا برمضان ..
البنات : هههههههههههه ..
الدكتوره : بأصد اكلت شي أبل ماتيجي المدرسه ..
ولاء : اها يعني حليب وبيض وجبن وحركات دوافير ..
دانه : لا ..
الدكتوره : طيب مايصحش تاخدي اي حاقه من غير ما تفطري ..
ولاء : يلا يا لينا .. مثل البنوته الشطوره الاموره المو مغروره طيري جيبي لها طفحه .. ويلا على حسابي عشان ماتموتين .. يخلص مصروفك بعدين تبلشيننا ..
لينا : كلي تبن شايفتني بخيله .. لا بجيب لها من فلوسي . مالت عليك ..
راحت لينا وضحكت ولاء : هههههههههههههههههه ياحبيلها ..
دانه : وانا بعد يا حبيلي ..
ولاء : انتي اذا طبتي يصير خير .. يلا الحين خلك زي الاسد عشان قايله لابوي يجيب لنا من ستار بكس ..
دانه : قولي قسم بالله ..
ولاء : خخخخخخخخخخ وربي ..
نوره : فدييييييييت عمي ياناس ..
افنان : والله انا مو مصدقه انكم بنات عم لين الحين ..
ولاء : ليه مانشبه بعض ..
افنان : ابدا ..
ولاء : طبعا انا الاحلى لأن عندي غمازه ..
نوره : الحمد لله والشكر ..
ولاء : ايه انتي عصلا وطويله كنك عصى مكنسه ..
الكل : هههههههههههههههههه ..
نوره : الجمال جمال الروح ..
ولاء : ايه طيب ..
الدكتوره : انتوا ماعندكمش مزاكره ..
ولاء : الا اكيد عندنا ..
الدكتوره : امال ايه هربانين ..
ولاء : افكوووووورس هربانين ..
الدكتوره : ليه كل دا ..
ولاء : والله طفش الحصه لازم نوسع صدورنا .. بعدين تعالي الله لا يهينك .. نبي اوراق على شان ندخل الفصل ..
الدكتوره : مأدرش ..
ولاء : لا تأدريش .. عطينا الله يصلحك ..
الدكتوره : مأدرش واللهِ ..
ولاء : إادري هالمره .. عشان دندونه تعبانه وحنا جبناها عندك .. يلا عاد لاتصيرين بايخه ..
نوره : ههههههههههههههه طقيتي الميانه اشوف ..
ولاء : ماعليك انا وياها نتفاهم .. هاه وش قلتي ..
الدكتوره : المرّادي وخلاص ..
ولاء : اوووووكييييييي .. يالبى المصريين ..
دخلت لينا وعطتها الفطور . وكتبت لهم الدكتوره الاوراق وطلعوا فصولهم .. وولاء كانت ماسكه دانه وتنكت عليها وهي ميته ضحك .. رجعت نوره فصلها .. ورجعوا البنات للفصل ..
المدرسه : الحين عرفنا ولاء كانت مع الدكتوره .. انتم وين كنتوا ..
افنان : انا كنت عند المشرفه وربي ..
المدرسه : وانتي لينا ..
لينا : كنت وربي عند المساعده بعدين شفت دانه ورحت لها ووديناها انا وولاء الدكتوره ..
المدرسه : طيب يلا كل وحده مكانها ..
ولاء : استاذه بجلس جنبها .. تعبانه مسكينه ..
المدرسه : طيب بس بدون اي صوت ..
ولاء : اكييييييد ..
ابتسمت دانه وجلست جنبها ولاء .. حطت دانه راسها على الطاوله وجلست تسولف وولاء معها .. كم مره هاوشتهم الاستاذه بس لاحياة لمن تنادي .. لين قومت ولاء ورجعتها مكانها ..
ولاء : الله يهديك يا استاذه ..
المدرسه : قلت ولا كلمه مو سولفوا ..
ولاء : طيب البنت تعبانه تبي توسع صدرها ..
المدرسه : ياسلام توسع صدرها بحصتي يعني ..
ولاء : يا استاذه ادري انك حبوبه .. ورهييييييييبه .. خلينا شوي بس عشان ماتصير تعبانه مره ثانيه ..
المدرسه : ولاء ..
ولاء : عيونها ..
المدرسه ابتسمت : بلا استهبال اجلسي محلك .. خليني اكمل لصديقاتك الدرس يلا ..
ولاء : طيب على شانك بس بجلس جنب دانه وبنسولف شوي وشوي ..
المدرسه : وش قلت انا ..
ولاء : يالبى قلبك .. خلاص بشوي شوي ..
جلست ولاء جنب دانه وصاروا يسولفون بالاووراق .. لين انتهت الحصه وطلعوا يتفسحون ..
نوره : هزأتني الكلبه ..
افنان : حتى حنا ..
مروه : ياشيخه خوفتينا على بالنا جد امها مريضه ..
ولاء : وش بسوي لو قلت ابيها بسولف قالت لاء اخرقي برى ..
البنات : ههههههههههههههه ..
جت الفراشه : ولاء ..
ولاء : هلا ..
الفراشه : ابوك عند الباب ..
البنات : لااااااااااااااااا لاتورحين ..
ولاء : متأكده ابوي ..
الفراشه : ايه ..
ولاء قامت : الله يستر ..
راحت عند الباب وكان جايب لها من ستار بكس .. قامت تضحك .. دخلت ونادت لينا ونوره يشيلون معها .. شالوا الفطور وحطوه عند البنات وجلسوا يفطرون ..
فرح : فديت قلبك والله انك سنعه ..
ولاء : ياحبيلي .. بنات تراني جايبه جوالي ..
البنات : هههههههههههه ..
نوره : وش تبين .. امس اقولك اجيب جوالي تقولين لا ..
ولاء : طرت علي .. قومي بكلم هيفا ..
اثير : ابي ابي ..
ولاء : ههههههههه يلا لا تموتين ..
راحوا ودخلوا الحمامات ودقوا ..
? بــ .. الجامعهـ ?
هيفا : هذي ولاء ..
ساره : ماراحت اليوم ..
هيفا : مدري ... الووو ..
ولاء : اهليييييييين ..
هيفا : وينك ..
ولاء : بحمام المدرسه ..
هيفا : ههههههههههههههه كفو مآخذه الجوال ..
ولاء : ايه ..
هيفا : تتفسحون الحين ..
ولاء : ايه .. ابوي جايب لنا من ستار بكس ..
هيفا : كوووووووووووووشخه ..
ولاء : ياحليلك اجل ثانويه عامه ليه الا عشان الدلع ..
هيفا : طيب .. شخبار البنات ..
ولاء : عندي اثير غثتني تبي تكلمك ..
هيفا : فديتها .. هاتيها ..
اثير : هيووووووووف ..
هيفا : اهليييييييييين .. هلا وغلا .. يا حبيلك يا بنتي ..
اثير : وينك يا ماما وحشتيني ..
هيفا : ماتشوفيش وحش .. بالجامعه وين بكون ..
اثير : هيفا تعالي اليوم المدرسه طلبتك ..
هيفا : والله ليه لا ..
اثير : قولي والله ..
هيفا : والله .. جوري تروحين معاي ..
جوري : ايه ..
هيفا : خلاص بجي انا وجوري ..
اثير قامت تصرخ وتنطط : ونااااااسااااااااااه ..
اخذت منها ولاء الجوال : فضحتينا .. هيفا بتجين ..
هيفا : ان شاء الله .. بدق على امي الحين وبقولها ..
ولاء : اوكي طيب .. دقي على امي وقوليها انك بترجعيني انا وجواهر ونوره ..
هيفا : اوكي ..
ولاء : يلا باي صفرت ..
هيفا : باي ..
سكرت منها ..
تهاني : بتروحين ..
هيفا : ايه ..
دقت على امها وقالت لها وبعدين دقت على خالتها وحريم خوالها ..
هيفا : جوري دقي على فهد وقوليله انك بترجعين معاي ..
جوري : قايله له الصبح ..
هيفا : معليش دقي وش بيصير فيك يعني ..
جوري : اففففففف .. " دقت عليه " .. الوووو ..
فهد : هلا ..
جوري قامت : السلام عليكم ..
فهد : وعليكم السلام ..
جوري : أ أ برجع مع هيفا ترى ..
فهد : اوكي ..
جوري : وبنروح لولاء بالمدرسه ..
فهد : اوكي اوكي مو مشكله ..
جوري انقهرت : يلا باي ..
فهد : الله معاك ..
سكرت الجوال : مالت علي الي دقيت عليك .. المفروض ارسلك مسج .. افففف ..
رجعت وجلست معهم ..
تهاني : شفييييييييك ..
جوري : سخيف ولد خالك هذا ..
تهاني : ليه وش سوى ..
جوري : ماعطاني وجه بس انا اوريه ...
هيفا : هههههههههههههههههه الله يعينك يا ولد خالي ..
جوري : ماعليك كله منك اصلا ..
? فــيـ .. الشركهـ ?
عند فهد .. كان عنده رجال وكانوا يتكلمون بالشغل يوم دقت جوري .. اول ما طلع جلس يشتغل شوي بعدين دق عليها وماردت عليه ..
فهد : اففففففف اكيد زعلت ..
رجع يدق لييين ردت ..
جوري : ........
فهد : الوو ..
جوري : نعم ..
فهد : ليه ماتردين ..
جوري : هذاني رديت ..
فهد : قلبي وربي آسف بس كان عندي رجال ماقدرت اتكلم زين ..
جوري : ...............
فهد : حياتي .. جوووري .
جوري : هلا ..
فهد : متى بترجعين البيت .. عشان بنروح نتغدى عند اهلي ..
جوري : ليه ماقلت لي من الصبح ..
فهد : مدري بس طرت علي ودقيت على امي وقلتلها ..
جوري : بس انا برجع مع هيفا ..
فهد : خليها مره ثانيه ..
جوري : امممم . اوكي طيب ..
فهد : فديت روحك انا .. خلاص متى ماخلصتي دقي اجي اخذك ..
جوري : اوكي .. يلا بقفل ..
فهد : وين بدري ..
جوري : عندي محاظره الحين ..
فهد : اوكي عيوني يلا اجل .. باي ..
جوري : باي ..
سكرت منه ورجعت للبنات ..
جوري : ماراح اروح ..
هيفا : ليييييييييييه ..
جوري : فهد يقول خليها وقت ثاني ..
هيفا : يا مصله ..
جوري : وش اسوي طيب .. ترى حتى انا ودي اروح .. بس هو دق على خالتي هدى وقالها بنجي نتغدى عندكم ..
هيفا : اهااااااااا قولي كذا من اول .. يلا مره ثانيه ان شاء الله ..
دخلت كل وحده محاظرتها .. وعقب ماخلصوا كل وحده طلعت .. هيفا طلعت وراحت المدرسه .. ساره واميره راحوا مع السواق حق حصه .. تهاني دقت على مشعل قال شوي وجايك .. وجوري دقت على فهد يجيها .. راحوا البنات مابقى غير جوري وتهاني ..
تهاني : ياربيه بطني يعورني .. كله من الساندوتش اللي اكلته ..
جوري : الله يعينك لا يصير تسمم بس ..
تهاني : اسكتي فال الله ولا فالك ..
جوري : هههههههههههه
تهاني : شخبار ولد خالي اكيد مبسوط ..
جوري : الحمد لله ..
تهاني : شفيك يختي حاسه منتي طبيعيه ..
جوري : ههههههههه لا عادي ..
تهاني : زين .. هـه مابغى يجي .. يلا باي ..
جوري : باي ..
لبست عبايتها وطلعت .. جوري انطقت ماجاها الا بعد نص ساعه .. اول ماركبت كانت معصبه ..
جوري : السلام ..
فهد : وعليكم السلام والرحمه .. تأخرت ..
جوري : مدري عنك ..
فهد : طيب آسف مسكني عمي ابراهيم ماقدرت اطلع ..
جوري : بس انا انطقيت بالشمس .. والدنيا حر موووت ..
فهد : وربي آسف خلاص .. مو بيدي ..
جوري : خلاص طيب ..
فهد : نروح البيت ولا على طول بيت اهلي .
جوري : لا بروح ابدل ملابسي ..
فهد : اوكي ..
راحوا البيت وبدلت ملابسها وراحوا بيت اهله .. دخلوا وكان حمد ولولو جالسين ..
فهد وجوري : السلام عليكم ..
الكل : وعليكم السلام ..
قام حمد وراح الصاله الثانيه مع فهد ولولو وهدى وجوري جلسوا بالصاله ..
حمد : هاه ..
فهد ابتسم : وشو هاه ..
حمد : مافيه شي جديد ..
فهد : للأسف ..
حمد : يلا ان شاء الله كل شي ينحل ..
فهد : ان شاء الله ..
قامت هدى وراحت المطبخ ..
لولو : وش صاير شفيه وجهك كذا ..
جوري : مافيني شي عادي ..
لولو : علي انا .. اكيد صاير بينك وبين فهد شي ..
جوري : اسكتي تكفين ..
مسكتها لولو وراحوا غرفة الجلوس وجلست تتكلم .. وجوري تسمع وساكته ..
جوري : خلصتي ..
لولو : آآآآآآآآهـ كل هالكلام اللي قلت ولا يعني لك شي ..
جوري : قفلي الموضوع انا مو طايقه اتكلم فيه ..
لولو : بس انتي ماكنتي كذا ..
جوري : خلاص تكفين مابي اتكلم ..
رغد : يلا بنات الغدا ..
لولو : يلا قلبي جينا ..
طلعت رغد ..
لولو : لاتقعدين تخربين حياتك بيدك .. ترى انتي الخسرانه ماراح تلقين احد يحبك كثر فهد .. وكلن يدري بهالشي .. صدقيني راح يمل من تصرفاتك معاه ويدور وحده ثانيه غيرك ..
جوري : خل يروح .. الله يساعده ولو يبي انا اخطبها خطبتها ..
لولو : انتي اكبر مجنونه شفتها بحياتي ..
قامت لولو وتركتها .. جلست جوري لين جتها رغد وقاموا ييتغدون .. عقب الغدا جالسين بالصاله ..
عبد العزيز : فهد .. تعبان ..
فهد : ايه والله مانمت زين ..
هدى : قم حبيبي اطلع فوق نم انت وزوجتك بغرفتك ..
فهد ابتسم : اوووووو والله ياني مشتاق لغرفتي ..
حمد : هذاك اول غرفتك .. خلاص بيآخذها سلطان ..
فهد : مافيه احد يآخذها .. هذي غرفتي .. يمه جد ..
هدى : مدري فكرنا فيها ..
فهد : لا يمه يرحم اهلك .. خلو غرفتي بحالها ..
حمد : خلاص طلعت انت ..
فهد : حتى لو .. هـه جينا وبننام هنا وين اروح ..
حمد : بالملحق ..
فهد : الملحق مخليه لك ..
حمد : ههههههههههههههه ..
قام عبد العزيز وهدى يرتاحون .. وحمد ولولو طلعوا غرفتهم ..
فهد : بروح انام فوق بتجين ..
جوري : تبيني اجلس بلحالي ..
فهد : هههههههههههههه اوكي قلبي تعالي ..
طلعوا فوق غرفته هو من التعب اللي فيه انسدح على السرير وغمض عيونه .. بس مانام .. جوري كانت واقفه ورى الباب ماتدري تروح تنام ولا تجلس ..
جوري " ياربيه انا تعباااانه ابي انااااام " ..
التفت عليها فهد : ماراح تنامين ..
جوري : ودي بس ....
فهد قام وجلس : جوري .. كان تبيني اقوم اطلع برى الغرفه عشان تآخذين راحتك طلعت ..
جوري نزلت راسها : ...................
فهد : تراني زوجك مو احد غريب .. تعالي نامي شكلك تعبانه ..
قدمت جوري شوي بعدين وقفت ..
فهد : اطلع ..
جوري : لا خلاص مو لازم ..
فهد ابتسم : طيب تعالي ..
جت جوري وانسدحت على طرف السرير وعطته ظهرها ..
فهد " اهم شي معاي وغيره على شو شوي يجي .. فديت قلبها انا " ..
رجع انسدح ونام .. جوري ماجاها النوم .. لفت عليه ولقته نايم جلست تطالع فوجهه .. وتفكر بكلام لولو ..
جوري " معقوله يروح يدور وحده ثانيه .. بس هو يحبني .. لكن اكيد بتصرفاتي راح يكرهني .. ما اظن .. فهد يحبني وييموت فيني " .. غمضت عيونها ونامت .. اذن العصر .. ودق المنبه حق جوال فهد وقام على طول وسكره .. التفت على جوري كانت نايمه جمبه كنها القمر .. نزل راسه لها وباسها وقام .. دخل الحمام وتوضى وطلع .. نزل وراح مع ابوه واخوانه للمسجد .. وبعد الصلاة رجعو البيت اول ما دخل .. لقى بالحديقه وردة جوري . قطعها واخذها ورقى غرفته .. دخل ولقاها بعدها نايمه .. راح وجلس جنبها على السرير وصار يمرر الورده على خدودها وخشمها .. هي بحركته قامت ..
فهد ابتسم : مساء الورد ..
جوري يوم شافت الورده ابتسمت : مساء النور ..
فهد : يلا قلبي قومي صلي ..
جوري : ان شاء الله ..
قامت ودخلت الحمام توظت ولبست عبايتها وصلت .. جلست على الكنبه وجالها فهد ومعاه الورده ..
فهد : ماتبينها ..
جوري : يعني قطفتها لي ..
فهد : اكيد .. الورد مايليق له الا الورد ..
جوري اخذتها : من وين ..
فهد : من بيتنا ..
جوري تشمها : شكرا ..
فهد : العفو حبي .. يلا عيوني نمشي ..
جوري : وين ..
فهد : نروح ..
جوري : البيت ..
فهد : ايه ..
جوري : اوكي ..
قاموا ونزلوا تحت .. فهد نزل مبتسم ما يدري ليه ..
فهد : يلا حنا رايحين ..
هدى : وين بدري ..
فهد : عندي اشغال وبروح ..
عبد العزيز : الله معاك .. بس بكرى مانبي تأخير انا بداوم عندكم ..
حمد : وحنا يبه ..
عبد العزيز : بيجي عمك سليمان ..
فهد : ليه ..
عبد العزيز : بس كذا ..
فهد : اها .. يلا اجل تبون شي ..
الكل : سلامتك ..
فهد : اوكي فمان الله ..
طلع فهد وجوري ولحقه حمد .. فتح فهد السياره لجوري وركب وهو وقف يكلم حمد ..
حمد : وش سر هالابتسامه تسوي دعاية معجون اسنان ..
فهد : وربي مدري بس حاس اني مبسوط .. شكلي كل يوم بنام هنا ..
حمد : هههههههههههه ليه وش صار ..
فهد : ياخي مدري بس كانت رايقه شوي ..
حمد : يلا بداية خير ..
فهد : ان شاء الله .. يلا يلا .. فمان الله ..
حمد : هههههههههه مع السلامه ..
ركب فهد السياره ومشوا ..
فهد : هاه على وين ..
جوري : مو تبي نروح البيت .. وعندك شغل ..
فهد : لا ماعندي شغل .. واذا تبين البيت رحنا ..
جوري : لا مابي .. خل نتمشى شوي ..
فهد انبسط : من عيوني .. بس على وين ..
جوري : مدري اي مكان ..
فهد : اوووووووكي ..
اخذها وراحوا كوفي مره حلو .. دخلو وجلسوا كان الجو مره هادي .. طلب لهم وجلسوا ساكتين .. فهد يطالعها وهي كانت منزله راسها وتلعب بأصابعها .. مد يده ومسك يدها .
فهد : فيك شي ..
جوري : لا ..
فهد : ليه ساكته تكلميي طيب ..
جوري : ماعندي شي اقوله ..
فهد : اوكي انا عندي ..
جوري : وشو ..
فهد : الاربعاء بسافر ..
جوري : وين ..
فهد : جده ..
جوري : متى بترجع طيب ..
فهد : يمكن نفس اليوم ويمكن من بكرى ..
جوري : يعني ماراح تطول ..
فهد : لا ..
جوري : اهاااا ..
فهد : لو طولت راح تشتاقين لي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك