رواية تحملت كثير يا قلبي -42
فهد : والله الصراحه كله بفضل الله ثم رائد .. عطاني قصة بندر وخالد .. قريتها والصراحه ما اتحمل يصير فيني كذا .. هالشي صار بين صديق وصديقه .. مابي يصير بيني وبين اخوي ..
حمد : عطني اقراها ..
ارسلها له فهد : بس مو الحين ..
حمد : ليه ..
فهد : بس خلاص .. آآآآآآآهـ قهر .. كله منك ..
حمد : ليه وش سويت ..
فهد : والله انك اخ ما حِلو ..
حمد : ليه ..
فهد : بسبتك ماخليتني اكمل الحلا حق جوري ..
حمد : هههههههههههههههههههههههههههههههههه .. انقلع بس ..
فهد : اففف اسكت بحقد عليك ليوم الدين .. وصخ ..
نهاية الجزء الـ18
الجزء (( 19 ))
! ??ٍ??? فبيتـ شيخه ( ام ابرار ) ??????
كانت ابراربغرفتها توها راجعه من المستشفى .. وكانت تكلم سعود .. دخلت عليها لولو ..
لولو : اففففففففففف انتم ماتشبعون من بعض خلاص طفش ..
ابرار : لحظه حبيييييييييييـبـيييييييييي ..
سعود : الله حبيبي اول مره .. لحظات يا قلبي لحظات ..
ابرار : هههههههه ..... اففففف غيرانه ..
لولو : الحمد لله والشكر ليه اغار ..
ابرار : ماتقدرين تكلمين حمد ..
لولو : لا اقدر ..
ابرار : يلا هناك بس .. وش تبين ..
لولو : ابي ارووووووووووح ..
ابرار : وين ..
لولو : ابي اروح للحديقه اللي جنب بيتنا ..
ابرار : فضاوه قسم بالله ..
لولو : انا بروح انا ونعيمه تروحين ..
ابرار : لا ..
لولو : انتي الخسرانه .. يلا باي ..
ابرار : قولي لامي ..
لولو : ادري خلك بالحبييييييييب ..
طلعت وسكرت الباب وراحت قالت لامها وماقالت شي راحت وقالت لجواهر تروحين وقالت مابي اروح .. قالت لنعيمه تطلع معها وراحوا على رجلينهم لان الحديقه قدام البيت على طول .. فرشت زوليه وجلست عليها هي ونعيمه وقامت تسولف معها ..
نعيمه : الله يوفقك معاه ..
لولو : تدرين يانعيمه .. هذا اول انسان افكر فيه يعني اول واحد احس اني اذا شفته يصير فيني شي يعني ابدى ارتجف (تبتسم) كذا شي مره حلو ..
نعيمه : انتي طيبه يالولو وتستاهلين كل خير .. وهذات اللي يقولون عنه الحب ..
لولو : آآآهـ .. مره يجنن وانتي اكيد تعرفينه ..
نعيمه : ايه اعرفه الله يحفظه .. ماشاء الله يعني لو تدورين احسن منه ماتلقين ..
لولو : من جد ..
جت كوره وصقعت لولو التفت لولو على الولد ..
الولد : والله آآسف ماكنت اقصد ..
لولو : تبيها ..
الولد : ايه ..
لولو : تعال خذها ..
الولد : بس ماتسوين لي شي ..
لولو : ههههههههههه تعال حبيبي تعال ..
الولد ابتسم يوم سمعها تضحك وجالها ووقف عندها .. هي مسكت يده وجلسته .. هو قام يطالعها ويبتسم ..
الولد : عطيني الكوره ..
لولو : اول شي وش اسمك ..
الولد : اسمي محمد ..
لولو : ونــــعــــم .. عايشت الاسامي يا حمودي ..
محمد : عاشت ايامك ..
لولو : طيب صف كم انت ..
محمد : بصف رابع ..
لولو : بطل .. اكيد شاطر ..
محمد ابتسم : لا مو مره ..
لولو : لا لا انت مبين من شكلك انك شطور ..
محمد استحى : هههههه يعني ..
لولو : هههههههههههههه يازينك .. تبي كيك يا قلبي ..
محمد : لا عادي ..
لولو : مو على كيفك .. خلاص انت صرت صديقي .. يلا خذ كيكه ..
حطت له لولو الكيكه بمنديل وعطته اياها .. محمد ابتسم لها .. هي قربت خده وباسته وعطته الكوره وراح ..
لولو : ياحللللللللوه ..
نعيمه : ههههههههههه شفتيه استحى ..
لولو : يازينه شكله حياوي بقوه .. خاف مني ..
نعيمه : يحسبك بتهاوشينه ..
لولو : هههههه بس الله يصلحه طقني بالكوره طقه جامده ..
نعيمه : تعورك ..
لولو : لا لا عادي ..
شوي جتهم وحده شكلها صغيره ووقفت عند لولو وماسكه يد محمد .. رفعت لولو راسها وقامت تطالع فيها ..
محمد : هذي اختي ..
وقفت لها لولو : اهلن ..
البنت : هلا فيك ..
لولو : تفضلي اجلسي ..
البنت : مشكوره بس حبيت استسمح منك على اللي سواه محمد وبعد حبيت اشكرك ..
لولو : ولوووووو تشكريني على ايش .. اصلا خلاص حمودي صار صديقي .. صح حماااده ..
محمد يضحك ببراءه : ههههههه ايه ..
لولو تقبصه مع خده : فديتك .. اجلسي خلينا نتعرف ..
جلست البنت وتعرفوا على بعض وكل وحده عطت الثانيه رقمها .. وعلى صلاة المغرب كل وحده رجعت بيتهم ..
ابرار : ليه طولتي .. ؟ ..
لولو : الله مره استانست ..
ابرار : بلحالكم ..
لولو جلست وتربعت على الكنبه وبدت تسولف بحماس ,, وابرار تطالعها وودها تضحك بس ساكته ..
لولو : تخيلي كنا جالسين انا ونعيمه وجا حمودي وطقني بالكوره .. هذا الولد يا ابرار لو تشوفينه تقولين براءة الدنيا كلها فيه .. مره يخقق .. المهم مسكته وجلسته عندي وجلست اسولف معاه .. بعدين قام وراح .. بعدين جاني مع اخته وجلست معها مرررررررررررررررررره عسسسسسسسسسسل .. مره تحفه .. اسمها بدور بس ماشفت وجهها .. ان شاء الله اعزمها عندنا تشوفينها قسم بالله استانااااااااست معها ..
ابرار : ياحليلك تتعرفين ..
لولو : ايه تعرفت عليها ..
ابرار بنظره ورافعه حواجبها : حركات ..
لولو بنظره يعني وش تبين : خير وش تحسين فيه تسلكين لي ولا تآخذيني على قد عقلي ..
ابرار : ههههههههههههههههههههههه الثنتين ..
لولو : تدرين مو منك من اللي يعطيك وجه انا الغلطانه اللي جايه اسولف معاك .. يعني الحين انا جايه مبسوطه وابي اسولف معاك كذا تسوين ..
ابرار : ههههههههههههههههههههههههههه ليه عصبتي ..
لولو : بعد تضحكين ..
ابرار : ههههههههههههه ياربي بطني ..
قامت لولو بتطقها بالمخده وابرار قامت على طول وطلعت برى بالحوش ولولو وراها يتلاحقون ..
لولو : ابرار يا حمااااره .. اوريك ..
ابرار : مدري من العصبي الحين انا ولا انتي ..
لولو : انتـــــــــــــــــــي ..
ابرار : هههههههههههههههههههههه طيب انا ..
جلست بالارض بدون سابق انذار كان شكلها يضحك ..
ابرار : خلاص تعبت ..
لولو قربت منها وعطتها بالمخده على راسها : كلبه ..
ابرار هنا انسدحت على الارض من الضحك : ههههههههههههههههههههههههههههه ..
لولو جلست تطالع فيها بعدين جلست معها الارض وقاموا يضحكون ..
ابرار : ههههههههههههههههههه بسألك ..
لولو : نعم ..
ابرار : ليه نضحك ..
ابرار يوم شافت تعابير وجه لولو ماتت من الضحك ..
ابرار : ههههههههههههههههههههههههههههههههه ..
لولو : سخيفه ... " فجأه " .. ههههههههههههههههههههههههههه ..
شيخه كانت فوق بغرفتها وتطالعهم مع الشباك ومعها جواهر كانت تصور اشكالهم بالكاميرا ..
شيخه : خلاص انتي لو يدرون عنك ياويلك ..
جواهر : اول مره اشوف الحاله الهستيريه الي هم فيها ..
شيخه : ههههههههههههههه يلا دخلو لا يجون يشوفون الكاميرا معاك ياويلك ..
سكرت شيخه الشباك وجلست على كنبتها وجواهر معها ..
جواهر : يمه شفيك ..
شيخه تبتسم : ولاشي ..
جواهر : الا يمه ..
شيخه : خواتك بيتزوجون وانتي بعدهم وانا ببقى بهالبيت انا وابوك بلحالنا ..
جواهر : يمااااااااااه حبيبتي .. انا بجي انا وزوجي نسكن عندكم ..
شيخه : لا والله مابيكم ..
جواهر : اجل ليه يضيق صدرك يمه ..
شيخه : يعني كل ام يضيق صدرها لما بناتها يتزوجون ويبعدون عنها بس اكيد تفرح ان ربك عطاهم نصيب الكل يتمناه ..
جواهر : يعني راح تفرحين اذا تزوجت ولا راح تزعلين ..
شيخه : اكيد راح افرح ..
جواهر : يعني تبين الفكه ..
شيخه : ههههههههههههههه ياقلبي انتي لا .. بس اكيد راح افرح لانك راح تكونين مع زوجك ..
جواهر : يمه استحي ..
شيخه : ههههههههههههههههههههههههه توه يطلع الحيا .. توك تناقشين ..
جواهر : بس بعد استحي ..
شيخه : فديتك والله ..
ابرار داخله : وانا يمه وانا ..
لولو : لا فديت امي بس تتفداني انا .. صح ماما ..
راحت لولو وجلست جنب امها وضمتها وابرار واقفه وحاطه يدينها على خصرها ..
ابرار : يا سلام لولو يمين وجواهر يسار .. وابرار بنت البطه السودا ..
جواهر : تدرين ذكرتيني بفهد ..
شيخه : يا حبيله هالانسان .. الله يخليه لاهله ..
الكل : امين ..
جواهر : الله يعينهم على بعض ..
شيخه : مين ..
جواهر : فهد وجوري ..
شيخه : ليه ..
جواهر : بس جوري ماتبي فهد وهو غصب عنها خطبها ..
جواهر عضت شفايفها لانها فضحت كل شي .. ابرار ولولو قاموا يطالعونها بعصبيه ..
ابرار : ومن قالك ..
جواهر : مدري اتوقع ..
لولو : لاتتوقعين مره ثانيه .. هبلا ..
شيخه : صدق هالكلام ..
جواهر : مدري يمه بس اتوقع ..
ابرار : تدرين انهم يحبون بعض ..
شيخه ابتسمت : ندري ان فهد يحب جوري .. بس بعد جوري تحبه ..
لولو : ايه يمه شفتي .. روميو وجولييت بيتزوجون واخيرا ..
شيخه : يلا الله يهنيهم ويسعدهم ..
! ??ٍ??? فبيتـ مشعل ( زوج تهاني ) ??????
كان جالس بغرفته على الاب توب ودخلت عليها العنود وجلست جنبه .. سكر الاب توب ولف لها وابتسم ..
مشعل : هلا عنوده .. تبين شي ..
العنود : لا بس ودي اسولف معاك ..
مشعل : يلا سولفي ..
العنود : عن تهاني ..
مشعل : اهااااااا .. ابوي مرسلك ولا امي ولا مين بالضبط ..
العنود : وربي محد ..
مشعل : اجل ..
العنود : بس كذا .. يعني انتم خلاص تعتبرون زوجين .. يعني لازم تحاكيها بالجوال وترسل لها مسجات وتحسسها انك مهتم فيها ..
مشعل : لاحقين على هالشغلات .. بعد الزواج ان شاء الله .. يكفي بروح لها بكرى غصبن علي .. كله من ورى راس ابوك الله يهديه ..
العنود : لا يا مشعل .. كل بنت تبي تتمتع بفترة الملكه .. يعني تطلع معها تكلمها بالجوال .. يعني من هالاشياء وانت ادرى ..
مشعل : العنود يكفي اني مغصوب عليها .. وانا متأكد ميه بالميه انها هي بعد مغصوبه علي ..
العنود : وش دراك .. اصلا عمي مستحيل يغصب بناته على شي ما يبونه ..
مشعل : شدراني انا .. بس حسيت ..
العنود : طيب كلمها ..
مشعل : مابي .. وبعدين لو كلمتها ماعندي رقمها ..
العنود ابتسمت ومدت له ورقه : انا كتبته لك ..
مشعل : ههههههههههههه يعني مجهزه كل شي ..
العنود : وربي يا مشعل يهمني مره اشوفك سعيد بحياتك .. وماظنتي مراح تكون مبسوط مع تهاني بالعكس .. ترى مرررررررره حبوبه ..
مشعل : الله يعين .. الله الله .. رقم مميز بعد .. كشخه ..
العنود : هههههههههه عشان تعرف من تهاني ..
مشعل : يعني مين ؟؟؟ بنت عمي عبد الله ..
العنود : مشعاااااال ,,
مشعل : ههههههههههههههه خلاص خلاص ..
العنود : يلا انا بخليك الحين ..
مشعل : لحظه .. وليد تحت ..
العنود : لا طالع ..
مشعل : طيب من فيه تحت ..
العنود : مافيه الا انا والهنوف وملاك ..
مشعل : امي وابوي ومهند وينهم ..
العنود : امي وابوي طالعين عند جدتي .. ومهند مدري ..
مشعل : اها .. طيب خلاص ..
طلعت العنود ونزلت تجلس مع خواتها تحت .. ومشعل قام وتحمم ولبس وتكشخ ونزلهم ..
مشعل : مرحبا .
البنات : اهلييييين ..
ملاك : يخزي العين يخزي العين .. شو هيدا .. تؤبرني شو حلووو ..
مشعل : تؤبشيني تسلميلي حبيبة البي .. كلو من زوئك ..
الهنوف : وين على الله بهالكشخه ..
مشعل : والله نازل اشوف خواتي حبيباتي مايبون يطلعون يتمشون ويتعشون برى ..
ملاك : الللللللللللله الا الا نبي ..
الهنوف : انا ما اقدر رَجْلِي بيجي الحين ..
مشعل : اها .. طيب العنود ملاك تبون تطلعون يلا بسرعه تجهزو ..
العنود : هوى ..
طلعوا الثنتين يلبسون ومشعل جلس جنب اخته ..
مشعل : شخبار ام محمد ..
الهنوف : فديتك بخير .. انت شخبارك ..
مشعل : والله بخير ..
الهنوف : الله يسعدك يارب ..
مشعل ابتسم لها : وياك يالغلا .. بطوطتي وينها ..
الهنوف : راحت مع امي ..
مشعل : فديت قلبها ماشفتها اليوم .. وحشتني ..
الهنوف : ايه سألنا عنك قالو نايم .. عاد راحت مع امي ..
مشعل : يالبى قلبها .. حلالها كان جت تقومني ..
الهنوف : مره ثانيه ..
مشعل : المهم .. حمود ولدك وينه ..
الهنوف : رايح مع مهند ..
مشعل : هههههههههههههه مشردين عيالك كل واحد بجهه ..
الهنوف : بسم الله عليهم وجع ..
مشعل : طيب وش اخبار البيبي ..
الهنوف : تعب هلاك ..
مشعل : يلا الله يسهل عليك .. متى بتولدين قبل زواجي ولا بعد ..
الهنوف : لا بعد زواجك .. توني بالخامس ..
مشعل : يلا الله يتمم عليك بخير وتقومين لنا بالسلامه .. وهاه لو جاك ولد سميع على خاله مشعل ..
الهنوف : هههههههههههه يصير خير ..
ملاك والعنود : يلا ..
مشعل وقف لهم : يلا .. هاه الهنوف ماغيرتي رايك ..
الهنوف : لا فديتك بالعافيه ..
مشعل : الله يعافيك .. يلا ..
طلعوا كلهم وراحوا يدورون شوي بالتحليه بعدين دخلو تشيليز ..
! ??ٍ??? فبيتـ عايشه ( ام نايف ) ??????
كانوا تهاني وليلى وهيفا بالمطبخ .. ليلى تعلم تهاني وهيفا تطالعهم وتتطنز ..
هيفا : ياخزيااااااااااااه .. والله يااااااااااخزيااااااااااه ..
تهاني : خلاص عاد قرفتيني ترى ..
هيفا : احد ما يعرف يسوي حلا ..
تهاني : تعالي اشوف سوي ..
هيفا : لا انا ما اسوي الا ذبايح ..
ليلى : هههههههههههههههههههههههههههههههههههههههههههههه ..
هيفا : ليش تضحكين .. اتكلم جد ترى .. يعني اعرف اسوي مفاطيح .. وكبسات .. ووووو رز مندي وكل انواع الرزوز ..
ليلى : ههههههههههههههههههههههه بس يرحم امك .. بموت ضحك ..
هيفا : ايه .. مستخفه بقدراتي ..
ليلى : ههههههههههههههه لا بسم الله عليك .. بتغلبينهم بالتغذيه ..
هيفا : اكيد لازم اطلع الاولى على دفعتي .. يعني كل هالسناعه ولا اطلع الاولى ..
ليلى : هههههههههههههه الحمد لله والشكر ..
حطت ليلى لمساتها الاخير ودخلوه الحلا الثلاجه ..
ليلى : وبس خلاص ..
تهاني : الللللله مره سهل ..
هيفا : الله يرحمك يا ولد عمي .. من الحين كاسر خاطري ..
تهاني : تكفييييييييييين .. من زينه يحمد ربه انه بيآخذني ..
هيفا : ههههههههههههههه انتي احمدي ربك اللي وافق عليك ..
تهاني : هيفـــــآآآآآآآ ..
هيفا : ههههههههههههه نعاااااااااااااام ..
تهاني : نعااااااااامه ترفسك ..
هيفا : يؤ يؤ يؤ ..
تهاني : بقره ..
هيفا : من هي اختي ..
تهاني : اففففففففففففففف ... تعالي ليلى بس تعالي ..
سحبت ليلى وطلعوا برى وجلسوا بالصاله .. جتهم هيفا وعطتهم نظره وجلست على الكرسي واخذت التلفون بتكلم ..
ليلى بصوت واطي : هههههه ياحبيلها تجنن ..
تهاني : بس ترفع الضغط احيانا ..
هيفا : خير ..
تهاني : من كلمك الحين ..
هيفا : مدري بس احسكم تحشون ..
تهاني : ايه .. خلك بتلفونك ..
هيفا : مالت .. الوووو ..
رائد : هلا ..
هيفا : السلام عليكم ..
رائد : وعليكم السلام ورحمة الله ..
هيفا " يع وش يبي ذا " : ممكن جوري ..
رائد : والله جوري طالعه .. من اقولها ..
هيفا : خلاص بدق على جوالها .. شكرا ..
رائد : براحتك .. العفو ..
سكرت منه ودقت على جوري جوال وكان مقفل ..
هيفا : يووووووه ... من ادق عليه الحين .. اممممممممم .. ايه ..
دقت على ولاء ..
هيفا : الوووو ..
بيان : نعم ..
هيفا " وجع " : مرحبا ..
بيان : مرحبتين ..
هيفا : ولاء موجوده ..
بيان : مين ..
هيفا : هيفـــــــآ ..
بيان " ياشينه من صوت مالت والله " : والله ولاء موقريبه ..
هيفا : طيب ناديها ..
بيان : مالي خلق ..
هيفا : لو سمحتي ناديها ..
بيان : اففففففف طيب .. ولاااااااااااااء .. ولااااااااء ..
ساره : خير ..
بيان رمت السماعه على الارض : هيفا تبي ولاء حاكيها ..
ساره : لاحول ولا قوة الا بالله .. هلا هيفا ..
هيفا : هلا وغلا بهالصووووووووووت ..
ساره : اهلييين .. ياربيه استحيت ..
هيفا : هههههههههه لايكبر راسك بس .. شخبارك ..
ساره : والله بخير .. انتي شخبارك ..
هيفا : تماااااام التمام .. اتمم شي بالعالم ..
ساره : ههههههههههه دوم يارب ..
هيفا : تسلمين .. تدرين من عندنا ..
ساره : لا والله مين ..
هيفا : ليلى ..
ساره : حركااااااااااات ..
هيفا : شفتي مانلعب ..
ساره : وناسه يعني ..
هيفا : لا ضيقة خلق ..
ساره : ههههههههههههههه ليه ..
هيفا : بس .. كذا .. وين ولاء ..
ساره : ولاء نايمه ..
هيفا : احد ينام الحين ..
ساره : والله اليوم طلعت مع امي للمخازن الكبرى ورجعت دايخه ونامت ..
هيفا : ياااااحيااااااتي ..
ساره : شفتي ..
هيفا : اوكي اجل ..
ساره : ياربيه يلا يلا باي ..
هيفا : ليه ..
ساره : بس جت اوبرا بروح اشوفها ..
هيفا : ياااااااااااع .. العبده .. مسويه خفيفة دم ..
ساره : ورب البيت تجننننن .. طسي يلا ..
هيفا : مالت عليك وعلى اللي يدق عليك .. الخلا ..
ساره : هههههههههههههه .. باي ..
سكرت منها ..
هيفا : امممممممممممم من ادق عليه .. ليلى ..
ليلى : هاه ..
هيفا : نوير اختك بالبيت ..
ليلى : لا عند خوالي وجوالها خرب .
هيفا : انا اليوم منحووووووووووووسه ..
تهاني : الا قولي دوم مو يوم ..
هيفا : اففففففف على تراب بس .. مالي غير غيدا حبييييييييبة الللللللللبي ..
ليلى وتهاني : من متىىىىىىىىى ..
هيفا : يوووووووووووه منذ مبطي بقوه ..
تهاني : اخبرك ماتشتهينها وش اللي غير الاحوال ..
هيفا : مدري خلاص لايكثر بكلم البنت اشششش ..
دقت على غيدا وردت مشاعل ..
هيفا : الووو ..
مشاعل : هلا ..
هيفا : السلام عليكم ..
مشاعل : وعليكم السلام ..
هيفا : شخبارك خالتي ..
مشاعل : الحمد لله بخير من .. هيفا ..
هيفا : ايه ..
مشاعل : اهلين .. شخبار امك ..
هيفا : الحمد لله تزقح ..
مشاعل : دوم ان شاء الله .. تبين غيدا ..
هيفا " لا ابيك انتي .. استغفر الله .. الله لايقوله " : ايه والله ياليت ..
مشاعل : ابناديها لك عشاني بطلع الحين .. يلا سلمي على امك ..
هيفا : ان شاء الله .. الله يسلمك ..
حطت مشاعل السماعه على الطاوله .. وكان بدر بيطلع فوق ..
مشاعل : بدر .. ناد اختك ترفع السماعه .. هيفا تبيها ..
بدر ابتسم : ان شاء الله ..
هيفا : انتم ليه ماتروحون تشوفون الحلا .. ابي اكل ..
تهاني : لا انتي خلك بتلفونك حنا بنروح الحوش ..
هيفا : يكون احسن ..
طلعوا الثنتين برى وهيفا جالسه تستنى غيدا وتغني .. بدر اول ماشاف مشاعل طالعه من باب البيت على طووووووول على التلفون رفع السماعه وجلس ساكته ..
هيفا : الله يهديها .. راحت ونستني ..
بدر : احم ..
هيفا : غيداااا ..
بدر : لا اخو غيداااا ..
هيفا : لا حوووووووووول وين غيدا ..
بدر : طيب سلمي .. اسالي عني شخبارك وش علومك شي شيات مو كذا .. اهون عليك ..
هيفا : ومن انت عشان اسال عنك ..
بدر : انا بدر يا هيفا .. بدر .. تبيني اعلمك مين بدر ..
هيفا : لاعارفه .. يلا وين غيدا ..
بدر : واللي يقولك ماراح انادي غيدا وش بتسوين ..
هيفا : عادي اقفل بوجهك وادق على جوالها ..
بدر : تدرين لو تسوينها وش بيصير فيك ..؟..
هيفا : وش بيصير يعني .. بتذبحني ..
بدر : شويه بذبحك ..
هيفا : يمه خفت ..
بدر : ههههههههههههههه .. هيفا ليه انتي كذا ..
هيفا : ليه وش فيني ..
بدر : تجننين ..
هيفا استحت بقوه : أ أ أ وين غيدا بسرعه ..
بدر : ماتبين اخو غيدا طيب ..
هيفا : لا شكرا ..
بدر : ليه طيب ترى عادي ما اقول لاحد ..
هيفا : لووووووووو سمححححت ويييييين غيييييييدا .. بسرعه ..
بدر : هههههههههههه عصبتي قلبو ..
هيفا فيها الضحكه : ايه .. عطني غيدا بسرعه ..
بدر : مابي ..
هيفا : افففففففففف .. بدر بلا سخافه ..
بدر : يازيييييييييييين اسمي منك .. قولي اسمي مره ثانيه ..
هيفا : ياشيييييييييييييييينك ..
بدر : ههههههههههههههههههههه ..
هيفا : لو سمحت عطني اياها ..
بدر : لو تبين اعطيك اياها .. قولي بدوري عطني غيدا لو سمحت .. وربي اروح انا بنفسي واناديها لك ..
هيفا : ماراح اقول وخلاص مابي اكلمها ..
بدر : هيفا يلا يلا قولي ..
هيفا : مااااااااابي .. يلا باي ..
بدر : لا لا خلاص ..
هيفا : نادها لي بسرعه ..
بدر : طيب قولي ..
هيفا بيأس واستسلام : بدوووووووورييييييييييي .. ممكن اكلم غيدا الله لا يهينك ..
بدر تشقق : ابببببشري .. من عيووووووووووني .. ثواني بس .. انتظري ..
قام بدر ورقى غرفة غيدا طق عليها الباب ..
غيدا : هلا ..
بدر : انزلي هيفا تبيك ..
غيدا : هيفا ..
بدر : ايه ..
نزلت غيدا ونزل بدر وراها قامت تدور بالصاله ..
غيدا : وينها ..
بدر : هههههههههههههههه على التلفون ..
غيدا : سخيف كان قلتلي على بالي جايه هنا البيت ..
بدر : وش دراني ان اختي هبلا لازم سبوره عشان تفهم ..
غيدا : سخييييييييف .. كان خليتني ارفعها من غرفتي ..
بدر : لا يلا كلميها ..
راحت للتلفون : مرحبا ..
هيفا " اخيرا " : هلا وغلا ومرررررررررررررحبا .. وينك ..
غيدا : موجوده ..
هيفا : كيف الحال ..
غيدا : والله بخير الحمد لله .. انتي كيفك ..
هيفا : نحمدو ..
غيدا : دووم ان شاء الله .. لحظه .. بدر تبي شي ..
بدر ابتسم : لاء ..
غيدا : طيب ابي اكلم ..
بدر : كلمي من ماسكك ..
غيدا : طيب قم رح ..
بدر : اسرار يعني ..
غيدا ابتسمت : ايه ..
بدر يستعطفها : ابي اجلس ماعندي احد ..
غيدا : ههههههههههههههه يعني برحمك الحين ..
بدر : هههههه يمكن .. بس ادري قلبك كبير وحنونه بتخليني جالس هنا ..
غيدا : لا هالمره خاب ظنك .. يلا البنت على الخط ..
بدر : واذا يعني .. " يرفع صوته " راس مالها هيفا ..
هيفا : طيب يا بدير اوريك ..
غيدا : هههههههههههههههههههههههه ..
بدر : ليش تضحكين خير ..
غيدا : ولا شي .. يلا رح ..
بدر : لا اذا ماقلتي ليه تضحكين ماراح اروح ..
هيفا : قوليه قوليله وش بيسوي يعني ..
غيدا : متأكده اقول ..
هيفا : قولي قولي ..
غيدا : تقولك ..
بدر : ايييييوا ..
غيدا : تقول اوريك يا بدير .. يلا عاد الحين قم ..
بدر اخذ منها السماعه : منهو بدير منهو ..
هيفا : انت يعني مين ..
بدر : لا وبعد تعترف ..
هيفا : ليه يعني خايفه منك ..
بدر : شف بعد طولة لسان ..
هيفا : وين غيدا ...
بدر : غيدا راحت ..
غيدا : كذاب انا هنا .. بدر هات التلفون بلا سخافه ..
بدر : لا لما تتأدب اعطيك ..
هيفا : الحمد لله مؤدبه ..
بدر : ههههههههههههههههههه نتكتين انتي ولا وش سالفتك ..
هيفا : قلة حيا ..
بدر : نـــــــعــــــم ..
هيفا : ولا شي .. يلا باي ..
بدر : على بالي بعد .. اوكي موم لازم تكلمين غيدا .. يلا باي ..
هيفا : احسن .. باي ..
قفلة بوجهه وجلست معصبه ..
بدر : ههههههههههههههههه قفلت ..
غيدا : بــــــــــدر .. لييييييييه ..
بدر : احسن .. احب ارفع ضغطها ..
غيدا : ييييوووووه .. اكيد الحين معصبه .. ابعد ..
اخذت منه السماعه ورجعت دقت عليها ..
غيدا : الووو ..
هيفا : هلا ..
غيدا : والله آسفه ..
هيفا تبتسم : لا عادي ..
غيدا : لاتزعلين تكفين وربي آسفه ..
هيفا : خلاص قلت لك عادي ..
غيدا : يالبى قلبك والله ..
بدر يأشر لها : رضت ..
غيدا تهز راسها : ايه ..
بدر ابتسم واخذ من غيدا السماعه بالغصب : الو هيفا ..
هيفا تسوي نفسها معصبه : خير ..
بدر : لاتقولين زعلانه ..
هيفا : ايه زعلانه ..
بدر ابتسم : احسن ..
هيفا انقهرت : سخيف ..
بدر : ههههههههههههههههه امزح وربي امزح آسف ..
هيفا جتها الضحكه : خلاص اوكي .. وين غيدا ..
بدر : رضيتي ..
هيفا : ايه خلاص ..
بدر : بعد اشوفك ماترضين انتي وذا الخشه ..
هيفا : ماقد قلت لك انك سخيييييييييييف ..
بدر : ههههههههههههههههههه خلاص لاتعصبين طيب قلنا لك اسف يوه ..
هيفا : طيب وين غيدا ياربيه بس ..
بدر : ان شاء الله هذي غيدا ..
غيدا : الووو ..
هيفا : هلا ..
غيدا : ههههههههههههههههههههههههه والله كنكم توم وجيري ..
هيفا : اخوك لازم يرفع ضغطي يعني ..
غيدا : ههههههههههههه مدري .. بس لاتزعلين منه ..
هيفا : خلاص مو زعلانه تأسف اصلا ..
غيدا : يا حبيلك والله .. " غمزت غيدا لبدر " ..
بدر بصوت واطي : يالبى قلبها .. يلا فمان الله ..
طلع بدر من البيت وغيدا تكلم هيفا .. جا مشاري واخذ ليلى من بيت عايشه ..
مشاري : خلاص ..
ليلى تبتسم : ايه خلاص ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك