رواية توصي شي انا بكره مسافر -3
أم خالد تحضن سمر : خلاص حبيبتي اسكتي
سمر : ماما سحر الدبى ضربتني وااااااااااااع
فجر : تحطين عقلك بعقلها .. هذي صغيرة
سحر : خربت الأرواج حقتي وخلصت العطر من كثر ما تبخ فيه وتقولين ما أضربها والله لأكسر راسها
أم خالد : هدي يا بنتي خلاص من عيوني أشتري لك غيرها
فجر: ما يصير يا سحر يا حبيبتي هذي صغيرة بعدين المفروض تحاولين تحلين المشكلة بطريقة أحسن من
الضرب صدقيني كذا بتعاند أكثر
سحر : أو هوه علينا وراك ما دخلتي علم نفس مو أحسن أف
فجر : الله يهديها يمه ما يصير اللي تسويه سحر
أم خالد : ما عليه يا بنتي هذي في سن المراهقة بعدين لما تكبر راح تعرف إنها على خطأ
عند محطة الخنيني .........
أبو فراس : يالله مشينا
أبو إياد : يالله
فراس : لحظة بأنزل السوبر ماركت دقيقتين وأجيكم
أبو فراس : يالله بسرعة
فراس : هاني وش تبغى
هاني بيبسي
فراس : سديم ولميس وش تبغون
سديم : عصير داناو بالخوخ والمشمش
لميس : حمضيات
فراس : بس ما تبغون شي ثاني
هاني + سديم + لميس : لا
في السوبر ماركت ...
فراس ها إياد شريت للأهل
إياد : إيه
فراس : يالله مشينا
أبو فراس : ها خلصتوا
فراس : خذ يبه هذا لكم
أبو فراس : مشكور يالله توكلنا على الله
استراحة .....
حين ترتشف فنجان قهوة تذكر أن تستغل وقتك بالعطلة الصيفية وأن تجعلها ذا فائدة وليست مجرد تسلية وراحة
^_^ الجزء الثالث ^_^
فارسي لا غبت عني ما رضيت .. مهرتك تبكي على ميدانها .. دلتك في مجلسك منها خذيت .. في
يميني حاضنة فنجانها .. يا وجودي كان طولت وبطيت .. وجد منهي تنتخي بإخوانها .. (( نوف الميموني ))
في سيارة فراس .....
لميس : والله ملل خلونا نغير الجو هذا يا ساكتين يا تتكلمون بالشركات والمشاريع
سديم : صح وهي صادقة إحنا ما نفهم شي باللي تقولونه
فراس : وش تبغون نسوي ,, نرقص يعني
هاني : أنا عندي فكرة وش رايكم نسوي مساجلة شعرية
لميس : الفكرة مو بطالة بس إحنا ما نقدر على فراس وسديم
فراس : هههههه ما دام إنكم تعرفون ليش تبغون تلعبونها
سديم : ههههه انسحبوا من الحين نصيحة
هاني : أنا ببدأ
فراس : هههههه يالله تفضل
هاني : حبيبي الدنيا ما تسوى تنام وخاطرك زعلان ,, ولا به شي يستاهل يخلي قلبك يعاني
لميس : يوووه ما لقيت إلا حرف الياء ما أعررررف
هاني : الله يفشلك
سديم : هههههه ,, يكفيني إني كل ما هبت على صدري هبوب ,, تحن عيني للجنوب وتلتفت بلحالها
فراس : أنت منت اللي عشقته أنت أكيد إنسان ثاني ,, ليه صرت بهالبرود وبهالاحاسيس البليدة ؟
هاني : هذي دفا صوتٍ مـن البـرد مخنـوق ,, هذي سـؤالٍ نصـف عمـري جوابـه
لميس : هذي هي اللي عرّفتني علـى الشـوق ,, هذي قدر .. ماكنـت حاسـب حسابـه
سديم : هقيتك صاين العشره وتجزا بالمثل معطيك .. مثل ماصنت فى عشقك ولاخليت انا الزلـه
فراس : هنت قدرك يوم حبي لك نهيته ,, وأصبحت ذكراك تدريه الذواري
هاني : يا بعد خيري أنا مليت خيرك ,, آآآآآآآآآ وسلااااامتكم
الكل : ههههههههههه
لميس : يا بعد خيري أنا مليت خيرك ,, معك أنا جوي تعكر ما صفا
سديم : إن كنت تهواني وتذكر عطاياي ,, ليه الصدود وليه كثرة تغليك
فراس : كفي بكفك وأن عيني لغيرك ,, ما هي خيانة كثر ما هي وفا
هاني : أموت وأعرف بس يا كل رجواي ,, وشلون تجفاني وأنا ميت فيك
لميس : كاف .. كاف .. لااااااااااااااا ..... للمخدرات
الكل : هههههههههههه
فراس : برررررررررى
لميس : لييييييييييييه
فراس : لك فرصتين بس
سديم : كانت أشواقي على جنحان طيرك ,, ترتقي قمة وصالك للجفا
فراس : أبكتب إحساسي على صفحة الياس ,, مأساة شاعر حطمته الليــــالي
هاني : يا عمري الأول ويا عمري الجاي ,, هاني يحبك يقول لا تتركينه
فراس : هاني بررررى تستخف بدمك
هاني : هههههههه أغير جو
سديم : قال أيش .. هاني يحبك يقول لا تتركينه
الكل : ههههههههههههه
هاني : أوكيه كملي البيت ينتهي بحرف الكاف
سديم : كم كنت محتاجك تجـي كنّـك رقـاد ,, تمطر من كفوفـك صـلاة وعناقيـد
فراس : أمممممممممم ما أعرف
سديم : ههههههههه ولا أنا
ترن .. ترن .. ترن ..
فراس : هلا يبه
أبو فراس : وقفوا عندالمحطة عشان نصلي المغرب
فراس : ابشر يالغالي
أبو فراس : يالله مع السلامة
فراس : مع السلامة
هاني : وش يبغى أبوي
فراس : نوقف عند المحطة عشان نصلي
هاني : هذي هي قدامنا
سديم : يا ربيه والله إني ما أحب هالإستراحات الخايسة ,, ليه ما نسوي حمام بالسيارة بالله مو أحسن
هاني : تكفين يرحممممم أبوك محنا ناقصين
سديم : كل تبن
فراس + هاني + لميس : هههههههههههههههههههه
سديم : وجع الشرهه مو عليكم على اللي يسولف معكم
فراس : ههههه طيب يالله انزلوا
سديم تفتح الباب : وخري إنتي الثانية جالسة على عباتي ما كن في مكان وخري هناااااك
لميس : يمه منك تاكل الواحد بقشوره
هاني : لا عصبت لا حد يتكلم معها
سديم : أصصصصصصص إنت آخر من يتكلم فاااااااهم
هاني يتصنع الخوف : خلاص والله ما أعيدها سامحيني
فراس : خلاص انزلوا فضحتونا الناس تطالع
غلا + ليان : سلاااااااااام
سديم + لميس : وعليكم السلام
غلا : وراك معصبه
سديم : من الزفت هاني
غلا + ليان + لميس : هههههههه
ليان : أوكيه خل نصلي عشان ندخل السوبر ماركت ناخذ لنا شي ناكله
بعد الصلاة
في السوبر ماركت ...
سديم : ليه إن شاء الله السنيكرز 3 ريال وش ذا النصب
الهندي : هذا كذا سعر
سديم ترمي الكيس : خذ كيسك خلاص ما نبغاه يالله مشينا
الهندي : خلاص مدام خذ كيس إنت كم يبغى سعر
سديم : ريالين
الهندي : خلاص خذ
سديم بابتسامة : و إلا أقول بريال ونص
الهندي : لا مدام كيف هذا أنا واجد خساره
سديم : أجل خل الكيس لك
الهندي : خلاص خذ (( والله مسكين يكسر الخاطر )) ^_^
سديم : إيه إنتوا كذا ما تجون إلا بالعين الحمراء
الهندي معصب : ?? ????? ???? ??, ????? ??? ?????????? ?? Oguetlha ????? ???
(( هذا بنت مجنون بس يعصب أنا يبغى يذبح)) ^_^
سديم : وش تقووووووول
الهندي : هااا لا أنا أقول إنت واجد كويس
سديم : يالله مشينا
غلا + ليان + لميس : هههههههههه والله مسكين
غلا : حرام عليك يا سديم أكلتي الرجال شوي ويذبحك
سديم : هههههههههه والله وناسة صدق إنه مفهي
ليان : بيدعي عليك هالمسكين
سديم : ههههههه بكيفه
فراس : يالله تحركوا ساااااعة
غلا :أوكيه بنات بااي نتقابل في الرياض
سديم + لميس : أوكيه
في سيارة فراس ...
فراس : ساعة بالسوبر ماركت وش تسون
هاني : يعني ما تعرف خواتك الله المستعان
سديم : أقول أحمدوا ربكم إني جبت لكم بس شكلكم ما تستاهلون
لميس : والله فاتكم لو شفتوا وش سوت هذي الممهبولة
فراس + هاني : وش سوت
لميس : أول ما دخلنا السوبر ماركت ......................
فراس + هاني : ههههههههه صدق إنك قحيطيه
سديم : هههههه أعجبكم
استراحة .....
حين ترتشف فنجان قهوة تذكر أن تعطي فرصة للآخرين لتحقيق ذاته لأنه سيأتي يوم تحتاج من
يعطيك فرصة لتحقيق ذاتك ...
في الرياااااااااض العاصمة
وتحديدا في بيت أبو خالد ....
أم خالد : حيا الله من جانا والله تو ما نورت الرياض
أم فراس + أم إياد + البنات : منوره بوجودك
أم فراس : كيفكم يا بنات
فجر + سحر : تمام الحمد لله
فجر : وش رايكم بنات نطلع فوق غرفتي ..
سديم : وأخيرا من أول وأنا أنتظرك تقولينها
غلا : أبد ما فيه حيا ما كن توها جايه البنت هذي وجهها مغسول بمرق
البنات : هههههههههههه
سديم : والله بنت عمي ونمون على بعض صح فجوره
فجر : صحين
ليان :عطشانة أبي مويه
فجر : لحظة بأروح أجيب لك
ليان : لا حبيبتي إنتوا اسبقوني على الغرفة وأنا بألحقكم
سديم : إيه خل نروح ترى ما هي بغريبة
فجر : أوكيه ليان البراده بالمطبخ
ليان : إيه عارفة
في المطبخ ..........
ليان : غريبة وين الشغالات وين اذلفوا
خالد ماسك ليان : بوووووووو
ليان تصرخ : يممممممممممممممه
خالد مرتبك : آسف والله فكرتك فجر اعذريني يا بنت عمي
ليان تصيح : ........
خالدلف وجهه : صدقيني ما كنت أدري إنك هنا أنا جيت آخذ القهوة من المطبخ وفكرتك فجر
ليان تصيح : خلاص خالد روح أنا مو زعلانة بس خفت لأنك خرعتني
خالد : أنا آسف
ليان : مسموح يا ولد عمي خلاص أنا بأجهز القهوة وإنت تعال خذها
عند الرجال ......
خالد سرحان : ما شاء الله عليها كاملة والكامل الله بس إني ما أعرف هذي أي وحدة من بنات
أعمامي
أبو خالد : خالد وراك يا ولدي ما جبت القهوة
خالد : ها إيه يبه شوي وتجهز الحين بأروح آخذها
في المطبخ .....
ليان حطت حرتها بالشغالة : إنتي وينك فيه هاااه
ريتا : أنا ينزل أغراض من السيارة مع ميري وسيتي
ليان : ساعة تنزلون الأغراض والله إني عارفة إنكم داقين حنك خذي القهوة وعطيها خالد إذا جا
ريتا : أوكيه
ليان تمسح دموعها : الله يهديك يا خالد
في غرفة البنات .....
ليان : وش تسون
فجر : وراك تأخرتي
ليان :لأني جلست أجهز قهوة الرجال يبونها
فجر : يعطيك العافية
سحر : وينها مدينة وش فايدتها
البنات : هههههههه مدينه هههههههههه
سديم : كفك هههههههه
سحر : وأنا صادقة
لميس : وراه خشمك أحمر تقولين معجون طماطم
ليان : هههههههه شكلي زكمت
سمر : ساحاااار ..
سحر : نعمممممممم وبعدين أنا كم مرة أقول لك ما تناديني بهذي الطريقة
سمر تمد لسانها : أنا كيفي بعدين خالد يقول خلي سحر تجي أبغاها
سحر : طيب .. خلاص روحي ألعبي هناك يالله
ليان تكلم نفسها : غريبة وش يبغى لا يكون يعلم لا لا ما أتوقع خالد يعلم أصلا وش مصلحته
غلا : ليان وش فيك مسرحة
ليان : هااه أي قاعدة أفكر بالسفرة
سديم : متحمسه الأخت باقي نفلها بالرياض بعدين نفكر بالسفرة
لميس : وش رايكم نلعب
فجر: من جدك
لميس : إيه عادي وش المانع
سديم : عادي فجوره مو يعني كبرنا ما نلعب
فجر : هههههههه طيب وش ودكم تلعبون
غلا + سديم + لميس + ليان : غمايه
فجر : هههههههه طيب وراكم تحمستوا
سديم ترفع حاجبها : لعبتنا المفضلة
فجر : أوكيه يالله أجل نطلع الحديقة
في المطبخ ....
خالد : سحر عطيني جيك مويه
سحر : وليش ما ناديت فجر وش معنى أنا
خالد : طيب فكينا المره الثانية يا أخت سحر بأنادي فجر بس أعطيني الموية
سحر تبوسه على خده : فديت هالوجه عساني ما أنحرم منك
خالد يبتسم : ولا منك يالغلا مشكوره
سحر تغمز له : آخر مرة طلبات فاهم
خالد : ههههههههه بااااااي
البنات نازلات مع الدرج ...
سحر : وين على الله
سديم : بنطلع الحديقة
سحر : وش الطاري
سديم : نلعب غماية
سحر : واوو وناسة يالله بسرعة
في الحديقة ....
سديم : أنا بأعد
البنات : أوكيه
سديم : حقرى بقرة قلي عمي عد العشرة
فجر : ههههههههه والله اللي يشوفنا يقول بزران هذا وأنا مدرسة وش كبري
سديم : هههه انطمي يالله حقرى بقرة قلي عمي عد العشرة ,, واحد .. اثنين ,, ثلاثة
بعد ما خلصت سديم العد ...
سديم : غلا عليك الدور
غلا : أوكيه تخبوا
غلا تدور : يا ربي وين راحوا الحديقة كبيرة وين أدورهم أكيد راحوا من الجهة الخلفية
فراس واقف عند الشجر : ها راكان كيف الشغل ماشي تمام
راكان : إيه طال عمرك كل شي تمام بس فيه أوراق يلزمها توقيعك .. رفعتها لما ترجع
فراس : زين سويت أقول راكان
راكان : سم
فراس : سم الله عدوك إنت تعرف إنك ساعدنا الأيمن وإننا نثق فيك فأنا أبغى منك خدمة
راكان : آآآمر
فراس : ما يامر عليك عدو بس أبغاك تاخذ حذرك من حمد أوكيه
راكان : ابشر
غلا تصرخ : مسكتك
فجــــــــــــــــــأة ....
أبغى توقعاتكم .. وش تتوقعون بيصير ..
وهل راح يعدي هذا اليوم على خير
تحياتي للجميع ,,
محبتكم دائما ودوما : $ بسمة ألم $
غلا تصرخ : مسكتك
فراس يسكر الجوال : فكيني أنا فراس
غلا : فراااااااس
فراس : استغفر الله العظيم
غلا تصيح : بس أنا ما أدري فكرتك وحدة من البنات
فراس معصب : أول شي مين قال لك تجين قسم الرجال ثاني شي يعني ما ادري وش أقول وش كبرك
طول بعرض وتلعبين صدق لا قالوا الطول طول نخلة والعقل عقل سخلة
غلا تصيح : ..........
فراس يصرخ : خلاص روحي عن وجهي ولا أشوفك هنا مرة ثانية
البنات : غلا .. غلااااا .. غلا
غلا تروح للبنات : وين كنتم تعبت وأنا أدور وين اختفيتوا
سديم رفعت حاجبها : ساعة تدورين هاااااه وراك تصيحين
غلا : مين قاااال
سديم : أنا أقول
غلا تصيح وتغطي وجهها بإيدها : خلاص اتركوني لحالي ما أبغى ألعب
ليان : بسم الله عليك حبيبتي وش فيك
غلا : قلت خلاص ما فيني شي تعبانة أبغى أنام
فجر : خلاص يا قلبي روحي بغرفتي ونامي
غلا : مشكورة فجر
جلسوا البنات على الزرع ....
لميس : يا ربي غريبة وش فيها مو من عوايدها
سحر : أنا أحس إن صار لها شي
فجر : يمكن خافت من شي
سديم : وش دعوة عاد ما هي بصغيرة تخاف
ليان : إذا هدت بتقول وش فيها
سحر : ودي نسبح بالمسبح
فجر : لا مو الحين
سحر : طيب متى
لميس : خليه بكره أحسن
فجر : خلاص إن شاء الله بكره نسبح
سديم : أنا بأروح أشرب موية وأجي
لميس : جيبي لي معك
سديم : عندك رجلين تقدرين تقومين بنفسك
لميس ترسل بوسة بالهوا : تكفين سدومه
سديم : هههههه طيب .. وإنتوا تبغون شي
البنات : لا ااا
في غرفة فجر ...
سديم تفتح الباب : غلو .. غلا حبيبتي نمتي
غلا : ........
سديم ترفع الغطا : ليه تصيحين
غلا تصيح : وش جابك روحي للبنات لا يلحقونك
سديم : قلت لهم إني بأروح أشرب مويه
غلا : .........
سديم : غلا حبيبتي والله ما يسوى زعلك هذا علميني وش صار
غلا تصيح وتحضن سديم : فرااااااااس
سديم : وش فيه فراس
غلا : لما كنت أدور عليكم كان فراس واقف عند الشجر بس ما كنت أدري ومسكته على بالي وحده
من البنات وهاوشني وقال لي لا عاد أشوفك
سديم : ياكل تراب الحمار أنا أوريه .. بس شكلك خرعتيه ^_^
غلا : خرعته .. ههههههههههههه إيه كان يكلم بالجوال
سديم : ههههههه إيه كذا أضحكي والله مو حلو شكلك وإنتي زعلانة وفراس أنا أوريه شغله معي
غلا : ما عليك منه خلاص اتركيه
سديم : طيب يالله تنزلين معي
غلا : لا بأنام أحس إني تعبانه من السفر
سديم : أوكيه براحتك يالله باااي
غلا : صكي النور
سديم : طيب
في الصالة ......
أم خالد : وين البنات يا سديم
سديم : جالسين بالحديقة
أم خالد : روحي ناديهم قولي العشا جاهز
سديم : ابشري من عيوني كم عندنا أم خالد
أم خالد : هههههههه وحده
البنات : يا سلاااااااااااام
سحر : يالكذابة تقولين بأشرب موية وأجي .. وأثاريك هنا داقة حنك
سديم : ههههههه
لميس : وأنا بالله ما طلبتك موية طيب أوريك
فجر + ليان : ههههههههه
أم خالد : يالله خلاص اجلسوا الحين بيجهز العشا
سحر : وينها سمر ما تنشاف
أم خالد : بالمجلس عند أعمامها
سحر : أنا شاكة إنها بنت ,,, هذي كل جلستها مع الرجال
أم خالد : وش ذا الكلام الله يصلحك
سحر : وأنا صادقة
البنات : ههههههههههه
أم فراس : كيف التدريس معك يا فجر
فجر : الحمد لله بس تعرفين يتعب شوي يا عمتي
أم إياد : خاصة هالأطفال سواليفهم ما تخلص
فجر : ههههه وإنتي صادقة ما يمديني أقول كلمتين على بعضها إلا تطلع لي الوحدة مية سالفة
عند الرجال .....
سمر : المهم وجت سحر تلحقني تبغى تضربني عشان كتبت في دفترها وتطيح على وجهها
الكل : ههههههههههه
خالد :ههههههه الله يفشلك ما خليتي شي ما قلتيه يا ويلك من سحر
سمر : أحسن تستاهل وإلا مرة جات عندي قالت تكفين سموره أعطيني جلكسي
قلت لها ما فيه ...بعدين قالت يالله تكفين
هاني : هههههه أعطيتيها
سمر : لا إنت أصبر وراك مستعجل
عبد الله : هههههه ما شاء الله على أختك يا خالد عليها لسان
خالد : والله إنها فضيحة ما خلت حد ما علمته
سمر : إذا ما سكتوا ما راح أكمل
باسل : لا خلاص كملي ههههه
سمر : المهم قلت لها بأعطيك بس بشرط ... قالت أنا موافقة .. قلت لها اطلعي وانزلي مع الدرج وقولي أنا حمار
مرتين
الكل : ههههههههههههههه
سمر : عاد سحوره تحب الجالكسي
فراس : ههههههه سوتها
سمر تغمز : إيه سوتها ولما خلصت لقتني أكلت الجالكسي كله وما بقيت لها شي هههههههه
الكل : ههههههههه خطيره
خالد : والله إنها ذاك اليوم أكلت من سحر ضرب مو صاحي أبو ي بنفسه قام يفرع بينهم
هاني : والله ما أصدق هذي السوسة تسوي كذا صدق لا قالوا ياما تحت السواهي دواهي
فراس : عماني مندمجين بالسوالف
خالد : في غير هالشركات والمشاريع
إياد : السلام عليكم
فراس : هلا والله ليه تأخرت
إياد : معليش كان عندي مكالمة
سمر : والله فاتتك السوالف تستاهل ما حد قالك تروح
إياد : هههههه خلاص بأخليك تقولينها مره ثانية
سمر : معصي .. مع السلامة بأروح أتعشى
إياد : أما أختك هذي عليها لسان ..
أبو خالد : يالله يا عيال العشى
خالد : يالله تفضلوا الله يحيكم
الكل : الله يبقيك
في الشرقية وتحديدا في بيت أبو عبد الله .......
طلال : ليه حبيبي ما نمت للحين
عبد الله : أنا ما أبغى أنام بعدين ميمي قالت تلعب معي
أم طلال : وراك يا ولدي ما تتجوز
طلال : عبود حبيبي روح العب بليستيشن
عبد الله : بابا أنا طفثت خلاث كل ثويه بليثتيثن (( بابا أنا طفشت خلاص كل شوية بلستيشن ))
طلال : ما عليه حبيبي روح إلعب الحين وبكره أوديك الملاهي
عبد الله فرحان : ملاهي .. ملاهي .. خلاث أنا الحين أروح ألعب
طلال : أنا وش قلت يالغلا ,, ما قلت لا تفتحين معي سالفة الزواج مره ثانية
أم طلال : و أنا صادقة يا ولدي ولدك يبي له وحده تهتم فيه أنا ما أدري كم باقي من عمري
وأختك مها لا جا نصيبها بتروح
مها : إيه يا خوي كلام أمي صحيح وش اللي يمنعك من الزواج منت أول واحد ولا آخر واحد
طلا ل يفكر : ........
باسل : طيب عندك أولاد
طلال : إيه بس واحد عمره 3 سنوات
هاني : بس ولدك صغير ويحتاج لأم تربيه وتعطف عليه
طلال : جبت له مربيه وأمي وأختي ساكنين عندي بالبيت
باسل : حتى ولو أختك ما راح تجلس طول عمرها عندك أكيد بتتزوج وأمك الله يحفظها ما تدري كم باقي لها من عمرها
هاني : صح باسل صادق
طلال : عارف بس أخاف أتزوج وما تتحمل ولدي
هاني : الله يكون في عونك ما عليك يا ولد الحلال ربي بيفرجها من عنده
طلال : ونعم بالله يالله تغدوا
أم طلال : وراك سكت يا ولدي
طلال : خلاص يمه خليني أفكر
أم طلال تصيح من الفرح : يا عسى عيني ما تبكيك
طلال : وشو له تصيحين يا تاج راسي
أم طلال : فرحانه يا ولدي الله يفرح قلبك مثل ما فرحتني
طلال بابتسامة : خلاص ولا يهمك قريب إن شاء الله نروح أنا وياك ونخطب
مها بفرح : يعني في بالك أحد
طلال : لا ،، كل شي بوقته حلو .. جهزوا نفسكم بكرة بنروح البحر
مها تسلم عليه : الله لا يحرمني منك يا أحلى أخ بالدنيا
طلال بابتسامة : ولا منك يالغلا ,, سارونه ما كلمت
مها : إلا أمس مكلمه تسلم عليك
طلال : كيفها وكيف عيالها
مها : كلهم بخير الحمد لله
طلال : أوكيه أنا طالع مشوار توصون على شي
أم طلال + مها : لا سلامتك
نرجع للرياض العاصمة ....
أم خالد : وينها غلا فيه نادوها تتعشى
سديم قامت : خلاص أنا بأروح أناديها يا عمة
في غرفة فجر .....
سديم : غلو حبيبتي
غلا : همممم
سديم : قومي تعشي يالله
غلا : مالي نفس أبغى أنام
سديم : ما يصير يا غلا انزلي تعشي وبعدين نطلع كلنا الملحق وننام
غلا تشيل عنها المفرش : طيب هذا أنا قمت أنزلي وبألحقك
سديم : أوكيه لا تتأخرين العشاء على السفرة
غلا : إن شاء الله
في الصالة ....
أم إياد : ما قامت
سديم : إلا الحين بتجي
غلا : سلاااام يا حلوين
الكل : وعليكم السلام
غلا : آآآسفة تأخرت عليكم
أم خالد : تعالي أجلسي يا بنتي وتعشي
فجر : كيف النوم بغرفتي
غلا : نومة ولا أروع مع إني ما طولت بس ارتحت فيها
سمر : مامااا أبغى عصييييير
أم خالد : صبي لها يا سحر
سحر : وش تبغين عصير
سمر : أممم مانجو .. لا لا أبغى كوكتيل أمممم لا لا
سحر عصبت : إختاري بسرعة لا ألفعك الحين بالكاسه
سمر : تدرين أعطيني عصير فراولة يمدحونه
الكل : ههههههههههههههههه
سديم : إخس يالقويه هههههههه
سمر تغمز : أعجبك
سديم : أفكوووورس
سحر : يمه إنتي متأكده إن هذي عمرها خمس سنوات .. شكلك ما عرفتي تحسبين عمرها صح
أم خالد : بسم الله على بنتي وشلون ما أعرف عمرها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك