رواية تحملت كثير يا قلبي -30
لولو : ولا شي .. بروح البيت ..
غيدا : لووووولوووو ..
لولو : مابي ابروح ..
سحبتها غيدا ومشوا عنهم : تكفين خلاص ..
لولو : وش تبي هذي .. وين عايشه بتروح تتعشى معاه ..
غيدا : تغارين ..
لولو : غيدوه .. ولد عمها هذا مو اخوها ..
غيدا : تغارين ..
لولو : غيداااا ..
غيدا : هههههههه والله تغارين ..
لولو : ايه اغاااار ..
غيدا : فديتك .. خلاص خليها بزر ..
لولو : غيدا .. تدرين لو حبته ولاء والله انا اللي بروح فيها ..
غيدا : لاتفكرين كذا .. بعدين انتي تدرين فولاء هذي حركاتها مع عيال خوالي كلهم يعني مو شي جديد ..
لولو : ما دري بس احس حمد عندها غير ..
غيدا : لا لا تفكرين كذا .. يمكن تحسه مثل اخوها ومطيحه الميانه بينهم لان ما عندها اخوان.. ولا وربي ترى مابينهم شي واذا تبين تتأكدين انا الحين ابين لك ..
لولو : لا مو الحين اخاف تشك ..
غيدا : ههههههههههه يعني لين الحين ما شكت ..
لولو : غيدووووه ..
غيدا : ههههههههههههه خلاص والله خلاص ..
رجعوا ووقفوا مع البنات ..
ساره : يلا خلاص .. طفشت من الوقفه .. خلونا نروح نتمشى ..
ليلى : ايه والله يلا ..
اميره : انا ملاحظه فيه ثنتين من اول ما جينا مالهم حس اكيد يخططون على شي ..
هيفا : وش تبينا نسوي يعني .. تبينا نزاعق ونضحك بصوت عالي مثلكم الله يفشلكم ..
اميره : هههههههه اعصابك طيب ..
جوري : ابي اروح اشتري بجامه من ايتام ..
هيفا : يلا تعالي ..
راحوا هيفا وجوري بلحالهم .. بعد ماجوا نوره وفهد .. راحوا جواهر ونوره وولاء بلحالهم .. وابرار وساره وليلى واميره مع بعض .. وغيدا ولولو بلحال .. والشباب راحوا للمطاعم فوق .. وعلى الساعه 11 .. الكل رجع لبيته ..
????…¤_¤… من بعد اسبوع …¤_¤…????
????…¤_¤… يوم ملكة ابرار …¤_¤…????
الصباح قامت ابرار وقومت لولو غصب وجلست معها يسولفون لين دخلت عليهم امهم وجلست معهم .. وبعدين .. على الظهر راحوا تغدوا بعدين طلعت شيخه عشان تريح ..
لولو : ابرار متى بنروح القاعه ..
ابرار : مدري .. بس لازم نروح بدري ..
لولو : متى العصر يعني ..
ابرار : ايه .. افففف احس اني خايفه ..
لولو : ههههههههههههه ترى ملكه مو زواج .. عادي ..
ابرار : حتى لو خايفه ..
لولو : طيب طيب ..
ابرار : يلا يلا قومي .. ابي اروق شوي ..
دق جوالها : هلا والله وغلا .. يلا تعالي ..
رنا : هههههههههههه هلا فيكي .. دحين اجي ..
ابرار : ايه الحين ليه لا ..
رنا : لا ما ابغى .. ايش يجيبني دحين .. لو زواجك كان جيت دحين بس هدي ملكه عادي ..
ابرار : بلا سخافه يلا تعالي بس ..
رنا : استني .. مهند توديني عند صاحبتي دحين ..
مهند : العالم نايمه ايش يوديكي ..
رنا : انا ايش اسوي فيها هادي ابرار تبغاني اجيها دحين ..
مهند : هي اللي ملكتها اليوم ...
رنا : ايوا هيه ..
مهند : اوكي مش مشكله يلا قومي اوديكي ..
رنا : دحين ..
مهند : ايوا ..
رنا : لا شويه مو دحين ..
مهند : اوكي متى ما تغبي انا جاهز .. تلقيني فغرفتي ..
رنا : طيب .. ابرار ..
ابرار : هلا ..
رنا : سمعتيه ..
ابرار : ايه .. وه بس يا زينه .. خلاص يلا تجهزي وتعالي .. الكوافيره من عندي ..
رنا : امممممممم انا اسوي قبلك ..
ابرار : هههههههههههه اوكي بس يلا ..
رنا : يلا اجل لازم اقفل .. ورايه شغل كتير .. دوبي ابغى اتحمم بعدين اجهز الفستان والاكسسوارات وكل حاجه بعدين اروح لمهند اذا لقيتو كمان .. لانو يمكن ينهبل مني يروح ويتركني ..
ابرار : لا لا لا.. يلا يلا روحي ..
قفلت ابرار بوجه رنا ..
رنا : هههههههههههههههه انا اوريكي ..
!??ٍ??? فبيتـ عايشه ( ام نايف ) ??????
العصر .. كانت تهاني جالسه بغرفتها واقفه على الشباك وتطالع تحت الحديقه .. دخلت عليها هيفا .. وتهاني ما انتبهت لها .. راحت هيفا ووقفت وراها وصرخت ..
هيفا : آآآآآآآ ..
تهاني لفت بسرعه : وجع انشااااااااء الله ..
هيفا : ههههههههههههههه .. بسم الله عليك .. فزيتي ..
تهاني : شرايك يعني .. هبلا .. بكفخك ترى لو عدتيها ..
هيفا : كل يوم بتكفخيني ولا تسوين شي .. عادي ..
تهاني : وش تبين ..
هيفا : وش تفكرين فيه ..
تهاني : ولا شي ..
هيفا : كذابه .. لو ما تفكرين كان حسيتي فيني يوم دخلت ..
تهاني : يختي مدري ..
هيفا : وشو .. لا يكون بعريس الغفله ولد عمي ..
تهاني : ايه الله يقطع بليس ..
هيفا : تصدقين ما شفته من يمكن 5 سنوات غير لما جا يشوفك .. ياربيه طالع حلو ..
تهاني : هي انتي عييب ..
هيفا تغمز لها : تغاااااارييييين ..
تهاني : وع من زينه اغار عليه ..
هيفا : مره .. المهم .. وش تفكرين فيه ..
تهاني : مدري فحياتي معاه ..
هيفا : الله يسعدك يارب .. انتي ما ارتحتي يوم شفتيه ..
تهاني : عادي .. تعرفين الشعور اللي عادي بقوه .. كنك شايفه واحد من اهلك كل يوم تشوفينه .. يعني ما خفت ولا شي .. يوم جيت ابدخل صح كنت مره مرتبكه وخايفه بس يوم دخلت بغيت اضحك على نفسي يعني من جد ليه خايفه ماراح يخطفني ..
هيفا : هذا اكبر دليل انك ارتحتي له .. يعني لو انك ما ارتحتي له كان جاك شعور ثاني ..
تهاني : تهقين ..
هيفا : هذا اللي حسيته من كلامك ..
تهاني نزلت عينها : ومشاري .. انا احب مشاري ما ابي مشعل ..
هيفا : تهاني حياتي .. خلاص هذا نصيبك انك تآخذين العله مشعل .. وش تسوين تقدرين تمنعين القدر .. ماتقدرين طبعا .. لازم ترضين بالواقع ..
تهاني : بس احبه ..
هيفا : انا ادري انك تحبينه .. وهو بعد يموت فيك .. بس وش بإيدينا نسوي .. خلاص انسي ..
تهاني : لاتقولين انسي .. مستحيل انسى مشاري لو يصير اللي يصير ..
هيفا : تهاني .. بس انتي لو فكرتي فيه وانتي على ذمة رجال صدقيني بتكون خيانه له ..
تهاني : هذا تفكير بس ..
هيفا : حتى .. تجرحينه كذا .. تهاني قلبي .. خلاص اللي صار صار .. هذا نصيبكم .. وان شاء الله انها خيره لك وله .. يمكن لو سويتوا الفحص الطبي ما يصلح تتزوجون انتي ومشعل ..
تهاني : اتمنى والله .. آآآهـ لو يصير جد ما نتطابق انا وياه .. وناسه .. بسوي لك اللي تبينه ..
هيفا : اجل ياليييييييييييييييييييييييييت ما تتطابقون .. آآهـ بتدلع اجل ..
تهاني ابتسمت : والله بتتدلعين دلع مو صاحي ..
هيفا : وناسه .. يارب يفشل الفحص الطبي .. متى بتطلع النتيجه ..
تهاني : بكرى ..
هيفا : ياربي تحقق اللي فبالنا .. يلا خلينا نروح نتجهز عشان الملكه ..
كل وحده راحت تتجهز وبعدها راحوا الكوافيره ..
????…¤_¤… المغرب …¤_¤…????
الكل كان جاهز .. وابرار واهلها راحوا الفندق عشان يكونون اول من يوصل وطبعا رنا كانت معاهم .. وبعدهم جت الجده وجلست معاهم .. وبعدين جو الباقين كلهم .. وبعد صلاة العشا بدوا العالم يجون .. ابرار كانت مبسوطه بس مو مبينه فرحتها .. وطبعا محد كشفها غير رنا ..
رنا : ههههههههههههههههه يعني بتوهميني انك مو مبسوطه ..
ابرار : اسكتي تكفين ..
رنا : وربي انك مبسوطه ومن قلب كمان .. اخيرا حتتزوجي حبيب القلب ..
ابرار لاشعوري : شفتي رنو اخيرا ..
رنا : هههههههههههههههههههههه يعني تحبيه ..
ابرار حمرت خدودها : خلاص اركدي ..
رنا : ياحلوك وانت مكسوفه ..
ابرار : رنااااااااااا ..
رنا : ههههههههههههههههههه خلاص خلاص ..
جتهم جواهر : رنا امي تقول انزلي ابغاك ..
رنا : اوكي دحين جايتها .. تلوميني فأمك لما احبها ..
ابرار : يلا روحي بس ..
نزلت رنا مع جواهر وراحت لشيخه ..
رنا : ايوا خاله اأمري ..
شيخه : فديت روحك .. بس تشوفين الكيكه بصالة الاكل ماشفتها ولولو مره مشغوله ..
رنا : اوكي دحين اروح ..
شيخه : طيب خذي معاك شي تغطي فيه يمكن فيه رجال ..
رنا : ان شاء الله ..
راحت رنا واخذت من جواهر شالها ودخلت صالة الاكل وكانوا يحطون الكيكه كانت مره كبييره 3 ادوار وكانت توريهم وين يحطونها .. فجأه واحد دخل ومعاه باقة ورد مره كبيره ورنا ما انتبهت له راح وحطها على الكرسي ورنا بترجع وهو بيمر وطت على فستانها وبغت تطيح هو على طول مسكها هي طاح الشال منها وهو جلس يطالع فيها ماقدر يشيل عينه منها ابتسم لها ونزل اخذ الشال واخذه وحطه على كتوفها وغطاها وهي مره مصدومه ..
سامي : الله يا دكتوره رنا وش هالحلاوه .. يلا غطي روحك مو حلو احد يشوف هالجمال كله ..
رنا " قليل حيا " : اش جابك انت هنا ..
سامي : ملكة اخوي ولا اجي .. وين تصير فيه هذي ..
رنا : ملكة اخووووك .. يعني الدكتور سعود اخوك ..
سامي يبتسم : علييييييك نوووووووووور .. اخوي من امي وابوي ..
لف سامي واشر على الورد : هذي عطيها مرت اخوي قوليلها من اخوي بس لا تتركينها لان فيها شي ثمين ..
رنا : طيب مو انت تعلمني شغلي ..
سامي : بعد عصبيه .. اوكي طيب سوري .. بس فيها الماس لا تتركينها عشان ماتنسرق ..
رنا : طيب ممكن تطلع عشان انا كمان طالعه ما ابغى اشوف رجال هنا ..
سامي : وهذولا وش يسوون هنا ..
رنا : انت اش عليك .. جايين يحطوا الكيكه ويطلعوا ..
سامي : لا بجلس لين يطلعون ..
رنا : افففففففف .. هـه .. يلا طلعوا .. وراهم لو سمحت ..
سامي : هههههههههههههههههه قويه والله .. يلا باي ..
طلع سامي وسكر الباب اول ما طلع ابتسمت وقامت تطالع يدينها ..
رنا : قليل حييا مسكني .. طيب يا سامي انا حوريك شغلك .. راعي حركات والله ..
لولو : بسم الله عليك وش فيك تحاكين روحك ..
رنا : آآآهـ يا ربييه اش فيكم انتوا عليا اليوم يعني لازم تطيروا لي عقلي .. اش هادا .. لازم اموت يعني ..
لولو : ههههههههههههههههههههه شفيك ..
رنا : دوبوا هادا قليل الحيا طلع من هنا .
لولو : مين ..
رنا : اخو العريس مره غبي ..
لولو : لييه وش سوى ..
رنا : قولي ايش ماسوى .. بس مو دحين احكيكي بعدين لانوا مافي وقت .. يلا شيلي معايا هادا ..
لولو : الله مره حلو .. من وين ..
رنا : من الحبيب للحبيبه ..
لولو : هههههههههههههههههه من سعود لأبرار ..
رنا : ايوا في غيرهم حبايب .. يلا شيلي .. هاداك الشي يقولي ما تتركيه وتروحي في شي تمين ..
لولو : وشو الشي الثمين ..
رنا : يقول فيه الماس واللهُ اعلم يمكن يخرط عليّا ..
لولو : هههههههههههه اشوف ..
قامت لولو تطالع جوا الورد كانت فيه علبه قزاز وفيها شي يلمع مره حلو ..
لولو : شكله جد .. شوفي ..
رنا : الله مره حلو .. حتى اللون اللي تحبوا اختك ..
لولو : من جد تموت على الفيروزي ..
رنا : يلا انتي لا تهرجي كتيير ابغى اروح لها ..
شالوا الورد وطلعوه على الكوشه وحطوه بمكان بارز طلع مره ييخقق .. رقت لولو مع رنا عند ابرار ويوم دخلوا لقوا البنات كلهم عندها ..
رنا : مرحباااااااااا ..
البنات : اهليييييييييين ..
سلمت عليهم رنا لانها ماسلمت اول ما جوا ..
رنا : كيفكم ان شاء الله بخير ..
البنات : الحمد لله ..
رنا : دوم ان شاء الله .. ابرار فاتك نص عمرك ..
ابرار : وشو ..
رنا : الحبيب جايب باقة ورد مره كبيره وجنااااااااان .. وفيها سلسال فيه الماسه مره حلوه .. اتخيلي اش لونها ..
ابرار : وش لونها ..
رنا : اللون اللي تحبيه ..
ابرار : فيرووووزي ..
رنا : ههههههههههههههه ايوا فيروزي ..
ابرار : فدييييييييييييييييييته ..
البنات : هههههههههههههههههههههههههههههههه ..
انطق الباب وراحت جواهر تفتح ولقت ريان معاه الدفتر عشان توقع ..
جواهر : بنات ريان جايب الدفتر ..
جوري : انا بجيبه ..
راحت له : هلا ريان ..
ريان : اهلين .. يلا خليها توقع زوجها يقول بسرعه توقع لا تقعد تقرى ..
جوري : ههههههههههههه مستعجل يعني ..
ريان : ههههههههههههه مدري شكله .. بس اول مره ادري انه حلو .. ما تخيلته كذا ..
جوري : وش تخيلته طيب ..
ريان : تخيلته دب واسمر وقصير وشين ..
جوري : هههههههههههههههههههههههه مره ثانيه لا تتخيل ..
ريان : هههههههههههه طيب ودي لها الدفتر يلا ..
اخذت منه الدفتر وحطته قدام ابرار ..
رنا : جاك الموووت يا تارك الصلاااااة .. يلا اللحظه الحاسمه .. وقعي ..
ابرار : طلعوها برى بسرعه .. لا تخوفيييييييينييييييي ..
البنات : ههههههههههههههههههههه ..
رنا : دحين انا اطلع برى .. طيب انا اوريكي .. مردوده .. يلا وقعي .. رقبتك بتصير بيدو .. الله يعينك .. اتذكري ايش كان يسوي فيكي بالمستشفى .. كان اكثر واحد يكرهك وانتي كنتي اكثر وحده تكرهيه ..
هيفا : رنا حرااااام ..
ساره : اقوى انواع الحب تجي بعد كره ..
رنا : ههههههههههههههههههه لاتهونوا عليها .. يكرهها يكرهها ..
ابرار : اطلعي برى ..
رنا : ههههههههههههههههههههههههههههههههههههه .. بطلع بس اتذكري كويس ..
راحت رنا عند الباب وفتحته ..
ابرار : رنااااااااااااااا
رنا : نعم ..
ابرار : لا تروحين .
رنا : ما ابغى ابطلع .. مو اخوفك ..
ابرار : ماراح اوقع اجل .. احسن ذنب الرجال برقبتك ..
رنا : هههههههههههههه خلاص اوقع بدالك .. وانا اتزوجوا ..
ابرار : انقلعي بس ..
رنا : هههههههههههههههههههه يلا وقعي ..
ابرار مسكت القلم ووقعت .. البنات قاموا يصفقون لها وهيفا وولاء قاموا يصفرون .. رنا على طول طلعت .. ولقت ريان واقف برى يستنى .. حطت الشاله عليها ووقفت تطالعه ..
رنا : انت ريان ..
ريان : ايه ..
رنا : اخيرا شفتك ..
ريان : ليه تعرفيني ..
رنا : وهل يخفى القمر ..
ريان استغرب منهي هذي ..
طلعت جوري عليهم ومعها الدفتر : وش تسوين مع اخوي ..
رنا : يوووه قطعتي الجو حقنا ..
جوري : هههههههههههههه ..
ريان : وقعت .؟.
جوري : ايه خلاص .. يلا ..
ريان : اوكي خلي جوالك معاك ..
جوري : اوكي ..
اخذ ريان الدفتر ومشى يوم جا بيطلع ..
رنا : باي ريااانو ..
ريان التفت لها وابتسم : باي ..
طلع وسكر الباب ..
جوري : وش بينكم ..
رنا : ههههههههههههههههههه انتي خليتي يصير بيننا حاجه .. دوبي سألته انت ريان .. الا طلعتي لنا ..
جوري : ايه اشوى ..
رنا : لا والله ..
جوري : هههههههههههههههه ..
رنا : ابغى اخلي اخوك يتعرف على اخوي ..
جوري : وناسه .. وش اسم اخوك ..
رنا : اسموا فواز ..
جوري : كم عمره .؟.
رنا : عمروا مو كبير يعني ثالث ثانوي ..
جوري : اكبر من ريان بسنه ..
رنا : ايوا اعرف ..
جوري : وش دراك ..
رنا : وهادي بنت عمتك تخلي شي فبطنها .. كل شي تقولوا ..
راحوا الثنتين ودخلوا عندهم وشغلوا المسجل وقاموا يرقصون كلهم .. وانواع الفله ..
? عــنـد .. الرجالـ.. ?
كانو سعود واقف مع اخوانه وابوه .. وكان مره مبسوط .. وسامي كل شوي يتطنز عليه .. اما عند الشباب كانوا واقفين وقالبينها تنكيت وضحك .. جاهم نايف ومعها اثنين ..
نايف : السلام عليكم ..
الشباب : وعليكم السلام ..
نايف : هذا مشعل ولد عمي .. خطيب اختي تهاني .. وهذا اخوه وليد ..
الشباب قاموا يطالعون مشاري .. ومشاري ابتسم ابتسامه ما توقعوها ابدا ..
مشاري : اهلا .. ونعم والله ..
راح له وسلم .. وعقبه جو الشباب يسلمون عليه ..
مشعل : اله يسلمك .. بخير ونعمه .. انتم كيفكم ..
الشباب : الحمد لله ..
جاهم فارس ووقف معهم وجلسوا يسولفون .. مشاري انسحب بهدووء وراح عنهم وجلس بعيد شوي .. شافه فهد وراح له ..
فهد : مشمش .. شفيك ..
مشاري : ولا شي .. استنى واحد يدق علي بس ..
فهد : بااااس ..
مشاري : ايه بس ..
فهد : طيب .. صدقتك .. المهم .. تعال اجلس معنا ..
مشاري : مابي ..
فهد : عشان مشعل يعني ..
مشاري : وش دخله ..
فهد : ماشفت شكلك يوم جا ..
مشاري : لا عادي ..
فهد : مره عادي .. ترى لا حظناك .. لا تغبي ..
مشاري : عشان ابين لك انه عادي قم قم ..
قاموا الاثنين وراحوا جلسوا معه .. فهد جلس جنب رائد ومشاري جنب حمد ..
فهد بصوت واطيب : رائد فيك شي ..
رائد : لا ..
فهد : شكلك مو مضبوط ..
رائد : لا والله عادي ..
فهد مسك يده : يدك شوي حاره ..
رائد : ايه شوي .. ابروح اخذ بندول من السياره ..
فهد : لا اجلس انا ابجيب لك .. هات المفتاح ..
عطاه المفتاح وراح للسياره وفتحها يوم فتح الدرج طاحت منه صوره .. اخذها ولقى فيها جوري وريان ابتسم يوم شافها ..
فهد : اوريك يا رائد .. حاط صورة حبيبتي بدرج سيارتك ..
اخذ البندول وقفل الدرج وقفل السياره ورجع لهم .. ومعاه البندول والمويه .. وعطاهم رائد وجلس جنبه ..
فهد : انت ما تستحي على وجهك ..
رائد : ليه وش سويت ..
فهد : احد يحط صورت اخته بالدرج .. لو انسرقت السياره لا سمح الله وش بتسوي ..
رائد : ههههههههههههههه .. وانت وش دراك ..
فهد : اول ما فتحت الدرج طاحت ..
رائد : ومن عطاك الحق تشوف الصوره ..
فهد : اقولك طاحت .. غصب بشوفها مو بيدي ..
رائد : طيب لاتصيح ..
فهد : انقلع بس .. الصوره لا يكون اشوفها مره ثانيه بالدرج .. ترى بكرى بفتش ..
رائد : ههههههههههههههههههه طيب ..
ماهر : لا تتمصع شوي شوي ..
رائد
: ههههههههه وش اسوي فهد ما سكها علي استظراف ..
ماهر : ههههههههههههههههه ..
فهد : الحين انا استظرف ..
رائد : ههههههههههههههه ايه ..
فهد : طيب نشوف من اللي بيمسكها بكرى حالة استظراف ..
رائد : الله يعينني عليك .. خلاص والله بشيلها ..
فهد : بعد .. اولاد ما يجون الا بالعين الحمرا ..
الشباب : ههههههههههههههههههه ..
رائد : لو سمعتك امي لولو بذبحك .. بتمسكها ماصدقنا نستها ..
فهد : اوريك لو ماشلتها بكرى .. بروح اقولها .. يمه شفتي الولد رائد وش سوى ..
رائد : ههههههههههههههههههههه تسويها ..
حمد : وش اللي يشيله ..
فهد : يشيل غرض بالسياره ..
حمد : وش هالغرض ..
فهد : أ أ أ أ .. غرض وبس .. لا تدقق ..
ماهر : هذا بلوى مو غرض ..
فهد : كلن وتفكيره عاد ..
ماهر : ههههههههههههه وش قصدك ..
فهد : يعني تسوي نفسك مافهمت ..
ماهر : لا مافهمت قل ..
فهد : لا يا قلبي خلني ساكت ..
مشاري : هههههههههههه صرت منحرف التفكير يا ماهر ..
ماهر : هههههههههههههههههه انا فاهم بس ابيه يقول ..
فهد : يا زين اللي يعرف نفسه ..
ماهر : ليه شايفني فهد وانامدري ..
فهد : يؤ .. رائد يسبني وانا ساكت ..
رائد : ماهر ما اسمح لك ..
فهد : ياحظي هذا اللي قدرت عليه .. نم بس نم ..
الشباب : هههههههههههههههههههههههههههههه ..
مشاري : لاتطلب فزعات مره ثانيه ..
فهد : احسب عندي رجال بيفزعون لي واثر مافيه الا رخوم ..
رائد : هي هي هي انت وشو رخوم .. لو سمحت ترى ما اسمح لك .. بتشوف شي مو زين ..
فهد : توه يطلع لسانك .. وينه يوم سبني ماهر قبل شوي ..
رائد : ههههههههههههه مو رايق اتهاوش عشان شي ما يسوى ..
فهد : لا لا لا هذي الصراحه قويه .. وش جاكم اليوم علي .. يعني عشاني حبوب وعاقل كلكم صرتوا علي .. والله اني مسكين ..
حمد : انت مسكين .. تقتل القتيل وتمشي بجنازته ..
فهد : ياربيييه .. حتى اخوي علي .. وش ذا الحاله .. انا بروح انتحر ..
حمد : يارقيق المشاعر انت .. جرحناك ..
فهد : ايه ..
مشاري وحمد وماهر : يااااقلبييييييييييييييي ..
الكل : هههههههههههههههههه ..
جاهم ريان : شباب يقول عمي عبد العزيز تعالوا اجلسوا مع الرجال ..
حمد وقف : يلا شباب ..
قاموا كلهم وراحوا عندهم ..
الجد : العقبى لكم شباب ..
فهد : يلا قريب ان شاء الله ..
عبد العزيز : انا اغسل يدي اخطب لك ..
فهد : ليه يبه .. تتخلى عني ..
عبد العزيز : لما تقولي من اللي فبالك الحين بخطبها لك ..
الشباب : يلا قله ..
فهد : لا لا استحي ..
الكل : ههههههههههههههههههههههههههههه ..
رائد : خلاص انا بعد مو موافق ..
فهد : ليه يارائد يا حبيبي انت ..
رائد : كذا لعانه ..
فهد : ادري ان فيك لعانه بس عاد مو لهالدرجه ..
حمد : ترى بيموت يا رائد ..
فهد : سمعت وش قالك ..
رائد : لا لا ..
فهد : تدري عاد .. مو على كيفك ..
ماهر : هههههههههه خربت اخلاقه ..
مشاري : رائد ترحم على روحك ..
رائد : هههههههههههه .. على كيف مين اجل ..
فهد : على كيف ابوها .. انت مالك شغل ..
رائد : وانا أ...... ايه صح ..
فهد عطاه نظره .. والشباب بغوا يضحكون بس يوم شافوا فهد سكتوا .. :/
عبد العزيز : وانت ايش ..
فهد : هو .. هو ولد عمي ..
رائد : ايه صح ولد عمك ولي الحق اني ارفض زواجك ..
فهد : يووووووووه .. اسكت اسكت ..
الشباب : ههههههههههههههه ..
? .. جوى القاعه .. ?
كانوا البنات جالسين على طاوله وحده وكل شوي يرقصون .. ومسوين جو مره رهييييييييب .. جت الساعه 12 وجت الزفه .. شغلوا موسيقى بعدين بدت اغنية محمد عبده .. (تصدقين) .. ونزلت عليها ابرار وكانت احلى من الحلاة .. ويوم وصلت اخر درجه .. طلع لها سعود من الباب الثاني كانت مره حركه .. مسكها مع يدها وانزفوا مع بعض .. كانت اشكالهم جناااان .. وصلوا الكوشه ولبسها شبكتها .. وباسها على راسها وهي مره استحت .. وجلسوا على الكرسي .. لف عليها وابتسم لها .. وهي مره استحت .. وطول ماهم ينزفون البنات تصفير وتصفيق .. واول ما باسها على راسها بعد قاموا يصفقون ويصفرون وانواع الصراخ .. شيخه يوم شافت بنتها قامت تصيح .. ولولو راحت لها وصاحت معها .. جو عايشه ومشاعل اخذوا شيخه وجلسوها .. والبنات اخذوا لولو ..
ساره : الله يهديك .. راح ترجع معكم ..
لولو : ادري ..
غيدا : اجل ليه الصياح ..
لولو : اتخيل زواجها ..
الكل : ههههههههههههه ..
اميره : من الحين بتصيحين ..
لولو : ايه ..
هيفا : اجل لو تزوجت انا وش بتسوين .
لولو : بموت ضحك ..
البنات : ههههههههههههههههههههههههه ..
هيفا عصبت : ليه طايحه من عينك ..
لولو : لا بس منهو المقرود اللي بيآخذك ..
هيفا : يحب راسي ويحب يده وجه وقفى ويسجد كل يوم سجدة شكر .. ويتصدق كل يوم .. اللي وافقت عليه ..
لولو : اخاف انتي اللي تحبين راسه ..
هيفا : ايه هين ..
ليلى : عاد خلاص الحين الخطاطيب بيكبون عليكم .. تهاني فتحت لك مجال ..
تهاني طالعت فليلى وليلى ابتسمت لها ولفت وجها .. تهاني عطتها نظره مره جمدتها .. رفعت راسها بغرور ومشت عنهم ..
ساره : تهاني .. تعالي ..
تهاني : بروح اجلس عند امي ..
راحت وتركتهم ..
توتر الجو عندهم .. رنا تدري وش السالفه وكانت تبي تغير جو .. قامت غطت وجهها بيدينها وسوت نفسها تصيح .. البنات التفتوا عليها وانصدموا منها ..
لولو : شفيييييييييييييك ..
رنا : لا تروح ابرار ..
اميره : الله يهديك انتي تشوفينها اكثر مننا ..
رنا : لا بس هادا حيآخدها مني .. انا حروح اقولوا انها اختوا من الرضاع ..
البنات : هههههههههههههههههه ..
لولو : تستهبلين ..
رنا : لا ..
لولو : لا تصيحين ترى بصيح معاك ..
وخرت رنا يدينها وابتسمت بقوه : تخيلي اصيح واخرب مكياجي ..
البنات : هههههههههههههههههههههههههههههه ..
لولو : خفت ..
رنا : كلكم حمير .. ليه ضيقتوا صدري .. يلا ابعدوا ابغى ارقص ..
ساره : وين ترقصين ..
رنا تطلع لسانها : برقص عند ابرار وسعود ..
اميره : هههههههههههههههههه عشان ما تلقين نفسك الا والكعب بعينك ..
رنا : ههههههههههههههههه اذا مو فقبري كمان .. يلا بنات سوو دائره وظللوا علي ابغى ارقص على هدي الاغنيه ..
لولو : لا استني بعدها مصري ارقصي عليه ..
رنا : والله ..
جواهر : ايه .. لولو اللي مسويه السيدي ..
رنا : احبك يالولو ..
لولو : هههههههههههه حتى انا ..
بدت الاغنيه المصريه والبنات تجمعوا على رنا وهي فصخت الطرحه وربطتها على خصرها وقامت ترقص والبنات صراخ وتصفيق .. وانواع الهبال .. مسوين جو .. بعدها جت اغنيه .. قامت اخت سعود ومسكت ابرار وخلتها ترقص معها .. سعود وقف وصار يبتسم لأبرار وهي ترقص .. وابرار ميته فشيله .. خلصت الاغنيه ونزلوا من الكوشه وراحوا صالة العشا يقطعون الكيكه وبعدها بيرقون فوق عشان يصورون .. على الساعه 1 دخلوا العشا بعدين راحوا الناس البعيدين .. ومابقى غير الاهل .. ورنا .. رنا كانت بتطلع بس عيوا عليها البنات وابرار ..
ابرار : رنا هذي فرحتي خليك معاي ..
رنا : مهند انصرع علي يقولي اطلعي دحين .. انا اش اسوي وماما طلعت من بعد العشا على طول ..
لولو : تكفين ..
رنا : حبيبتي لولو هادا الآدمي مره غلس حيسفل فييني لما اطلع ..
ابرار : قوليله عشان ابرار ..
رنا : هههههههههههههه عشان يقول عمرييييينها ما تزوجت ..
ابرار : لا اجل اطلعي اطلعي ..
رنا : ههههههههههههههههه دحين اطلعي هاه ..
ابرار : يختي قولي الله يتمم علي مو كذا ..
رنا ضمتها : تلوميني لو حبيتك .. هو شوي ويجي بس لازم البس عبايتي ..
ابرار : رنو حياتي دقي عليه قولي بس شوي ..
رنا : راح ادق بس والله لو هزأني بعطيك السماعه ..
ابرار : اوكي ..
دقت رنا على اخوها : ايوا مهند ..
مهند : اهلين رنا ..
رنا : معليه حبيبي شوي ابغى اجلس مع صاحبتي ..
مهند : اوكي اساسا الطريق زحمه فيه حادث مره قوي ..
رنا : لا ياشيخ .. حادث ايش ..
مهند : حادث طياره .. حادث ايش يعني .. حادث سياره ..
رنا : هههههههههههههه طيب لا تسوي خفيف دم .. ايش السيارات ..
مهند : شاحنه كبيره .. وسيارة مطعم اظن .. ايوا ايوا سيارة مطعم .. حق ماريز .. حسافة الاكل والله ..
رنا : همك بطنك انت .. اش الكلام هادا .. يلا روح شوف العالم .. وادا فيه اي شي دق علي اقولك ايش تعمل ..
مهند : اوكي دكتوره .. باي ..
اول ما سكرت ..
البنات : وشي السيارات ..
رنا : بسم الله عليكم .. ايش فيكم اتفجعتوا كدا .. سيارة مطعم .. وشاحنه ..
ساره : اشوى ..
رنا : ابرار دوبني ادري انك نحيسه .. شفتي .. يوم ملكتك صار حادث .. الله يستر اش بيصير يوم زواجك .. بنات كل وحده تستعد لآخرتها ..
البنات : ههههههههههههههههههههههههههه ..
ابرار : وصخه ..
رنا : هادي حق تقفيلة الخط بوجهي يا حماره ..
ابرار : الله الله الله .. مانسيتيها ..
رنا : لا كانت اكبر اهانه لي ..
ابرار : تعيشين وتآكلين غيرها ..
اميره : بنات .. دق ماهر يقول ان الشباب يبون يدخلون ..
ابرار : قولي والله ..
اميره : والله .. وش اقوله ..
ابرار : امممممممممم .. عادي خل يدخلون حنا بنتغطى ..
اميره : طيب ..
راحوا البنات ولبسوا عباياتهم وقالوا للحريم ان العيال بيدخلون والعجوز كانت جالسه فوق على الكوشه راحت ولاء على طول عند الاستريوا وشغلت اغنية عزآه .. على دخلت الشباب .. الشباب اول ما سمعوها انخرشوا كان الصوت مره مره عالي .. << قاعه وش تبون يكون الصوت :/ ..
قاموا يرقصون وهم بالطريق ..
( حمد ومشاري وفهد ورائد وبدر وماهر ونايف وسلطان وريان ) مره كانوا منخرشين عليها ..
نوره وولاء وجواهر كانوا واقفين ويصفقون لهم .. والجده طبعا ..
اول ما خلصت الاغنيه وقف فهد عند الطقاقه ..
فهد : ابي اغنيه حلوه ..
الطقاقه : آمر .. اللي تبيه ..
فهد : احم ابيي اغنية راشد الحب خالد ..
الطقاقه : من عيوني ..
قامت تطق وبعدين بدتها صار فهد يرقص عليها .. وسحب مشاري .. وقاموا اثنيناتهم يرقصون .. حمد يطالع مشاري ..
حمد : مجروح من قلب ..
ماهر : الله لا يلومه .. يحبها من يوم كانوا صغار .. اللي سمعته من اميره ان تهاني ماتبي ولد عمها بس ابوها غصبها ..
حمد : ياخي والله حرام عليه .. الاثنين يبون بعض ..
ماهر : وش بيدينهم يسوون .. هذا نصيبهم ..
حمد : الله يعينه ويصبر قلبه ..
ماهر : آمين .. وش شعورك لبعد بكرى ..
حمد : اسكت يرحم والديك .. انواع الخوف والتوتر ..
ماهر : كل شي بيكون تمام .. محمد خويي بيروح معنا ..
حمد : مين محمد ..
ماهر : واحد معاي من الثنويه .. قلت له اني بسافر علاج .. وقلت له السالفه وحلف يروح معنا .. يقول اخوه كان مسوي نفس العمليه ويعرف دكاتره مره شاطرين هناك وزي كذا .. يقول بروح معكم ..
حمد : جزاه الله خير ..
يوم خلصت .. جوا ووقفوا عند الجده ..
مشاري : يمه وش تبينها تغني عشان ترقصين ..
الجده : مابي ارقص ابي اروح انام ..
مشاري : خلاص انا بوديك ...
الجده : لا اجلس بيوديني فهد ..
فهد : يمه طيب اجلسي شوي وبوديك ..
الجده : مافيك خير انت .. يلا يا مشاري ..
مشاري : امممممممم ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك