رواية اضمك وين من حسادي واحميك -28
حاتم :. ماعندها شي
ناصر :. ياريال اصبرك المرة ماهي طايرة ..(.. ياريال .. اي يا رجال بالسعودي )
حاتم :. اخلص منهم تجي انتا كمانت
حمد :.ههههههههههههههه الله يعينك
زياد :. جاالك الفرج يلاا ياشباب كل واحد على سيارته
حاتم :. اخــــيرااا
زياد :. حموود الله لا يهينك بعد الزفه وصل العيال للفندق وقلهم راح اجي لهم على الساعه 6 ان شالله .
احمد :. خلاص صار ولا يهمك ..
..
ركبت اسراء السيارة بالمقعده الثانيه وجمبها حاتم واللي يسوق فيهم زياد .. وقبل سيارة زياد كان احمد وراه اصحابهم مسوين لهم زفه ..
وصلو الفندق .. حاتم جلس تحت يسلم على ناصر وحمد وبعد ماراحو راح ياكد على الطلب العشا وقالهم يطلعو بعد ربع ساعه.. وزياد طلع مع اسراء .
..
زياد :. اسراء تبغي شي قبل لا اروح
اسراء اللي كانت فكتها دموع من يوم ماسلمت على امها والبنات وماخرجت الا بعد ماهدوها البنات .. وماحبت تتكلم مع زياد عشان لا يسمع صوتها ويعرف انها كانت تبكي
اسراء اشرت انها ماتبغي شي
زياد قرب منها وسلم على راسها :. سرو حبيتي مالها داعي الدموع والله حاتم ماافي منه ولا تخربي اللحظات الحلوة بالدلع اسالي مجرب امال فكتها بكى غيرت المودي وبعدها نتدمي
اسراء ابتسمت وعيونها مليانه دموع :. لا خلاص ماراح ابكي
زياد :.اي لا تبكي عشان اجبك حلاوة بكرة ههههههههههههه
اسراء :. مالت هههههه
حاتم دخل وقف عند باب الغرفه :. زيااد انتا مارحت
زياد هو يوقف عنده :. لا ابغى اجلس عندكم لين الفجر اصلي بالحرم مرة وحده بعدها اورح للعيال اوصلهم للمطار
حاتم :. نعم نعم ايش قلت
زياد :. اللي سمعته بس يلا مااراح ازعجكم راح انام بالصاله لين مااياذن
حاتم :. من جدك زياد
زيادهو رايح جه الباب :.هههههههههههههههههه بس لا تبكي علينا انا رايح دحين وخلي بالك على اسراء وتبغى شي انا بالخدمه لين 6 ونص بعدها لا اشوفك
حاتم هو يمشي معااه :. هههههههههههههه لا سلاامتك ياحبيبي عقبال ماتفرح بميلاف
زياد :. في حياااتك ان شالله .. يلاا سلاام ..
بعد ماخرج زياد رجع حاتم الغرفه ولقى اسراء نفس جلسة وحتى مافسخت العبايه ..
حاتم :. سرو حبيبتي قومي غيري ملابسك قبل لا يجي العشاء
اسراء :. لا شبعانه الحمد الله
حاتم عارف انها ماكلت شي :. طيب قومي غيري ملابسك والاكل خلي بوقتو نهرج عنو واناطالع دحين بالصاله عشان تاخذي راحتك ..
خرج حاتم وقفل الباب وراه.. قامت اسراء وفسخت العبايه وبعدها الفستان وراحت لبست قميص ناعم طويل فوقه قطعه من التل مطرزه .. وبعدها مسحت المكياج وفكت التسريحه ..
ووحطت قلوس وكحل وطلعت عند حاتم ..
حاتم كان منسدح بالكنب اللي بالصاله لما سمع الباب اتفتح قام وجلس .. جات تجلس اسراء بالكنب البعيد عنه ..
حاتم :. لالا تعاااالي هنااا
جلست اسراء عنده.. حاتم :. مبروك عليكي انا هههه واخيرا ماابغيتي تجي
اسراء :. الله يبارك فيك
حاتم :. ول مافي ليا كلمه مبروك ولا انا انا مااستاهل
اسراء طلت في حاتم تبغى تشوف ملامحه .. حاتم لما شاف ردت فعلها فكها ضحك
حاتم :. هههههههه سرو اشبك انا حاااتم
اسراء :.هههه مافيا شي
حاتم :. حياتي عارفه انك مستحيه وانها حياة جديده عليكي ومسوليه وكمانت خايفه من وسكت شويه .. وبعدها كمل .. شوفي سرو اوعدك مايصير شي لين مانتعود وناخذ على بعض اكثر وعارف السنه والنص فترة الشبكه اتعودنا على بعض بس كلها الزيارات كانت ساعه وسااعتين مو زي دحين طول العمر ..
اسراء ارتاحت من كلام حااتم ... حاتم حس من ملامح اسراء اتغيرت والخوف خف منها .. واندق الباب ..
حاتم :. وصل بوقفه ميييت جوع
دخل حاتم الاكل .. شوفي دلع بنات مااعندي زي ماقلت ميت جوع وعلى فطوري مع امي اذا اكلتي اكلت واذا وقفتي وقفت
اسراء فكتها :. خلاص راح اكل عشاانك ماعني ماني مشتهيه شي دحين
جلسو ياكلو وعلى ماخلصو اذن الفجر ..
حاتم :. ايش رايك نتهور
اسراء :.هههههه ايش نسوي
حاتم :. نروح الحرم نصلي الفجر .. عارف مافي عريس يخرج في يوم زواجه بس يلا نكون متمزين شوي
اسراء عجبتها الفكرة :. نكون مميزين ليش لا
حاتم قرب منها وباسها من خدها :. فديــــتك بس قومي يلااا اتجهزي
راحت لبست اسراء بنطلون جنز وبلوزة عريان .. وحاتم كان لابس الثوب ماغيرة .. ونزلو تحت هما ماسكين يد بعض
حاتم فرحان لانه اسراء معااه وقال فكرة الحرم من باب التهور مااتوقعها توافق اتوقع منها تقول تعبانه ويخليها ليوم ثاني ..
وصلو الحرم كان قريب من الفندق بالمررة .. وقالها اذا خلصت الصلاة تستنى بمكان معين..
بالفعل بعد الصلاة كان حاتم واقف يستنى اسراء ماطول هو يستنى على طول جات اسراء
حاتم :. تقبل الله منك يااحلى عروسه
اسراء :. منا ومنك يااحلى عريس
حاتم :.هههههههههه حلووة
وصلو الفندق حاتم غير لبسه ولبس بجامه وانسدح على السرير .. واسراء جلست محتارة ايش تلبس فقررت ترجع تلبس القميص اللي كان عليها اول من غير التل ..
ورجعت وانسدحت فوق السرير بس بالطرق
حاتم كان مغمض عيونه لما حس فيها فتح وشافها بعيده :. هههههههه والله مافيا جرب ليش بعيده مررة
اسراء :.ههههههه مرتاحه
حاتم :. قربي بس شوي وتتطيحي
قربت اسراء بس شوي ..حاتم :. دحين قال اتحركتي
اسراء :. ايوااا
حاتم :. لا قربي كمانت
قربت خطوة .. حاتم :. هههههه لالا كمانت شوي
اسراء :.هههههه فين تبغاني اروح لنص السرير يعني
حاتم :.ههههههههههههههههههههه لا بس اتنتي قربي كمانت حبه بس كبيرها شوي
اسراء :. خلاص ماني متحركه كدا مكاني مناسب
حاتم .. قرب منها ولين ماصار نص السرير ومسك يدها وقربها عنده مررة :. ايــواا كدا تمااام
اسراء حاسه نفسها تبغى تموت من الخجل وهيا قريبه كل هذا القرب من حاتم :. حاتم تضايق كدا خليني اوخر شوي عنك
حاتم اللي فاهم قصدها :. هههههه لالا ماااااافي كدا تماااام وبعدين لا تروحي فيها من الخجل .. صلح اسراء خلى ظهرها على صدره ..
حاتم :. كدا تمااااام ماتشوفي وجهي وانام انا مرتاح وبعدين من اليوم وراااايح مانفي نوم غير كدا
اسراء .. ماااردت ..
حاتم كان هلكااااان ماطول على طول نااام ...اما اسراء .. كانت ميته تعب ومانامت والمكان اتغير عليها وقرب حاتم من اول يوم مو مخليها تنام وخايفه تتحرك ويصحى حاتم جلست تقريبا ساعه من بعد مانام حاتم نامت ..
*
*
نسيب العرسان نايمين ...
*
رجعو الشباب للقصر من بعد الزفه شافو ايش في وماافي وبعدين كل مين رجع اللبيت وناام الا زياد ..
امال :. زياد منك نايم
زياد:. لا بروح اخذ دوش اتصحح شوي وبروح للعيال اوديهم للمطار وبعدها اجي انام مرة وحده
امال :. طيب تعبان انتا خلي السواق يوديهم واعتذر منهم واكيد يعذروك
زياد :. لالا صعبه خلاص دحين الساعه5 ونص شوي اروح لهم
امال :. متى طيارتهم
زياد :. ناصر 6 ونص وحمد 7
امال :. اهااا الله يعين
زياد :.خلاص ناامي انتي لا تستني اكيد تعبانه من الرقص ههههههه
امال :. وغير الرقص الشغل
زياد :. الله يعطيكي العاافيه ..
خرج زياد وصلهم للمطار ورجع البيت الساعه 7 ونص وصل مهدوود حيله اول مادخل الغرفه نااااااااااااااااااام حتى ماغير ملابسه ..
*
*
اليوم الثاني من بعد فرح العرسان ..في بيت محمد ..
ام ياسر :. والله البيت ماله حس من غير اسراء
ابو ياسر:. من جد الله يسعدها ياااارب ويرزقها الذريه الصالحه
ام يااسر :. امـــين .. فضى البيت علينا كل شوي واحد من عيالنا اتزوج
ابوياسر :. هذي سنه الحياة
ام ياسر :. منك مسوي لهم اليوم عشاء
ابوياسر :. لا بدري على العشاء خليهم مع بعض اليوم
ام ياسر :. لا مو بدري اليوم اكيد تجي
ابو ياسر :. ماااتوقع تجي ولا تجبريها على شي متى ماجات جات
ام ياسر :. لو ماجات اليوم رحت لها بكرة
ابو ياسر :.هههههههههههههه ماعندك وقت
ام ياسر :. ابغى اطمن عن بنتي
يااسر :. السلاااااااام عليكم
ام يااسر :. وعليكم السلااام هااوين النااااس
ياسر :. العاااالم نااااايمه لسى ماقامت عندي
ام ياسر:.ههههه عاد امس ماقصرو
ابو ياسر :. حتى زياد ماشفتو اليوم مرة اخر حدي في اليوم بالقصر لما رجع من عند حاتم
ياسر :. تلااقي ناايم
ابو ياسر :. اماا نـايم لين دحين صلينا العصر من زمان
ياسر :. مدري لما كنا بالقصر قال ميت يبغى يناام قاله حازم خلاص روح نام ماوراك شي قاله لا العيال بيسافرو بروح يوصلهم ومن كلامه عرفت راح يرجع البيت 7 او 7 ونص اكيد يحطها نوومه لين مايشبع
ابو ياسر:. الله يهدي لو خلي واحد من السواقين يوصلهم الحمد الله ربي ستر ماصار له شر هو سايق هو نعسان
ام ياسر :. الحمد الله
بعد ساعه جلسو ياسر مع امو وابو هرج يدخل عليهم زياد عيونو منفخه من النوم ومعاه ميلاف بنته
سلم عليهم وجلس عندهم
ام ياسر:. صح النوم
زياد :. صح بدنك وربي مااجيت اصحى بس ميلاف لعب فوق راسي وقمت
ام ياسر :. احسن خلاص كفايه نوم عشان تنام بالليل
زياد:. ماكلمت اسراء
ام ياسر :. لا مستحيه اكلمها يمكن تكون نايمه
زياد :. ههههه الخااينه نسيتك من يوم ماشافت حاتم دحين اكلهم وازعجهم
ابو ياسر:. اعقل واتركها في حالها هيا لو شافت وقت مناسب راح تكلم
ياسر :. عاااد دلوعته محد يقدر يقول شي
دق جوال ابو ياسر فرد :. هلا والله .. بخير الحمد الله .. متى اليوم .. خلاص ان شالله .. لالا لا تكلمهم دحين هما عندي انا اقولهم .. ان شالله مع السلامه
ام ياسر :. ايش في
ابو ياسر :. ابويا اليوم مسوي عشاء لحاتم
زياد :. هههههههههههه الله يهدي جدي ماعنده وقت لو صبر لبكرة
ابو ياسر:. بعد المغرب تروحو عندو يمكن يحتاج شي وكمانت قولو لي حريمكم هما معزومين
*
*
نـــرجع للعرسان ..
*
*
صحيت اسراء على الساعه 2 الظهر .. قامت وشافت حاتم جمبها وقربها من حاتم خلاها تقوم بسرعه ...على ماقامت اسراء حس فيها حاتم وصحى من النوم ..
حاتم :.آآآآآآآآآآآه الحمد الله مو حلم
ورجع غمض عينه لين ماسراء تتطلع من الحمام ..بعد ربع ساعه خرجت اسراء ..
حاتم :. نعيمااا يااعسل
اسراء :. الله ينعم عليك
حاتم :. الساعه كم
اسراء :. تقريبا 2 ونص
حاتم :. اهاااا وقام من السرير وقرب من اسراء وبااسها من خدها ودخل الحمام ياخذ دوش
وعبال ماياخذ دوش حاتم قامت وصلت الظهر وجهزت ملابسها اللي راح تلبسها وقامت تجعد شعرها .. وخرج حاتم ولبس بنطلون جنز ازرق وبلوزة كروهات ازرق وابيض
وخرج برا يصلي الظهر عشان اسراء تاخذ راحتها ..
خرج حاتم من هنا اسراء قفلت الباب منها وجلست تزبط
لبست فستان فووشي فوق الركبه وماحطت مكياج بس حطت كحل وقلوس وردي .. طبعا شعرها طويل زي ماهو بس قصرت من طوله شي بسيط وسوت مدرج..
وخرجت لحاتم برا وكان يستانها على الغداء
اسراء :. اهليين
حاتم اللي انعجب بشكل اسراء :. ياااهلاا والله هلاااا بزينه البناااات
اسراء :. ههههههههههه عاد لا تبالغ
حاتم :. هههههههههههههههه وربي ماااابااالغ قمر قمر قمر وقرب وبااسها
اسراء تضيع السالفه :. ههههههه يلا خلينا ناكل
حاتم :. ههههههههههههه طيب يلا
وبعد الغدا حاتم طلب عصير ببسي وجلسو يشربو وفتح جواله :. يووووووووووه
اسراء :. اشبك ؟!
حاتم :. جدي مااايعيش من غير عزااايم
اسراء :.هههههههههههههههه ليش
حاتم :. مرسل احمد ليا رساله يقولي مسوي اليوم ابويا عشاء على شرفك واعطني رنه اذا قريت الرساله ولا تخاف ماارح ازعجك بس ابغى اطمن انها وصلتك
اسراء :. هههههههههه طيب اعطي رنه
حاتم :. لالا يرجني
اسرا ء:. لاآآ حراام
حاتم :. هههههههههههههههه خلاص عشانك اعطي رنه واقفل جوالي
اسراء:. لو رحنا اليوم متى نروح
حاتم :. بعد العشاء بس اصبري اكلهم يرسلو ليا سيارتي
حاتم كلم زياد ..
زياد :. هلااا والله بالمعرس
حاتم :. هلاا فيك
زياد :.هااا نقول مبروك
حاتم :.ههههههههههههه مالك شغل
زياد :. هههههههههههههههههههههههه وربي انك مفضوح هههههه
حاتم :.ههههههههههههه الله يرجك اسمعني
زياد :. هلااا
حاتم :. ابغى سيارتي عشان اقدر اروح بيت جدي
زياد :. خلاص امر عليك ونروح سوى وبعدين تاخذها من عند بيت جدي
حاتم :. هههههههههه لا يااشيخ ابغى سيارتي بروح مع مرتي لي وحدنا
زياد :. ههههههههه مالت عليك خلاص شويه بروح اجيب اغراض مع احمد اجي بسيارك وارجع مع احمد يصير
حاتم :. اللي تشوفو بس ياليت ماتجلس ههههههههههه
زياد :. عارف وجهك مو وجه ضياافه هههههههههه وبعدين اذا قربت انزل انتا يصير توقفها بالمكان اللي يعجبك
حاتم :. خلاص صار ..
*
*
وبعد كل مغرب دق زياد على حاتم ونزل حااتم ..وماطول عشر دقايق هو طالع..
*
اسراء لبست فستان أحــــمر توب وقصير لين تحت الركبه وجزمه انتو والكرامه سوداء والاكسسوار احمر والمكياج احمر بس هادي واستشورت شعرها وحطت ورده حمراء بشعرها ..
دخل حاتم عليها ويا تسوي المسات الاخير ..
حاتم جلس يصفر :. لاآآآ ماافي روووحه كدا
اسراء :. لــــــــــيش
حاتم :. لالا انا رحت فيها كيف هما
اسراء :.هههههههه عااتي ماراح يصير فيهم شي
حاتم :. امااا مايصير فيهم شي ماعندهم عيوون يشوفو
اسراء :. ترااك تبااالغ مررررة
حاتم جاء وحضنها من وراا وجلس يكلمها بصوت وااطي وخلى جسم يتقشعر :.. وربي وربي انك تهبلي وهلوستي مخي لو مالعزومه اليوم كان جبت العيد
اسراء وحاولت تفك نفسها من حاتم .. وفكت نفسها واعطت وجها حاتم الي اتقلب احمر وماقدرت تحط عيونها في وجه حاتم وحطته على صدرة اللي هو مسوى عيونها :.
اسراء:. احــم مو تروح تلبس قبل لا نتاخر
حاتم رفع وجها يبدو بصوت كله رومنسيه :. واذ نتاخر عآآآآآآآآدي وانا مااابهمني غيييرك وبااااسهااا
حاتم حس على نفسه :. يلاا حبيبي خمس دقائق واخلص
جات تخرج من الغرفه :. سرو وين
اسراء :. اخرج برا عبال ماتخلص
حاتم :. لا اجلسي هناااا
وجلست اسراء فوق السرير وهو لبس الثوب والغترة وكان شكله جناااااااااااااااااااااان واسراء سرحت وهيا تتطل في
حاتم :.ههههههه سرو اجنن صح
اسراء اللي صحت على صوت حاتم:. مرررة
حاتم :. مدام عجبك داااائما اللبس كدا
اسراء :.هههههههههههههههه
حااتم :. يلا
اسراء :. يلا
راحت تلبس العبايه لما قربت من المرايا شاافت اثر وراحت تزود من البورده حاتم كان يلبس الجزمه لما شافها جلس يضحك
حاتم :. سرو خلصتي ولا لسى
اسراء :. لا خلاااص خلصت
مسكت يدها وراحو لبيت جدهم
قراءة ممتعه
البارت 48
اهلين حبايبي ..
عارفه طولت عليكم .. بس ايش اسوي رحت شهر عسل مع زوجي حبيبي حتوومي ..
وآآآآآآآآآآآو وربي وناااااااااااسه مرررة شهر مر وماحسيت في رحنا ماليزيا..طيبعه وجو خياااالي ..
خليني اقولكم ايش صار .. الطيارة كانت الساعه 8 الصباح جاء زياد الساعه 7 ونص واخذنا ورحنا المطار حاتم قاله يروح . وبالفعل راح
انا جلست هااديه مو من طبعي ..
*
*
حاتم :. سرو اشبك خايفه من الطيارة
اسراء :.هههه لا وين اخاااف
حاتم :. اجــل اشبك
اسراء :. لا بس اذكرت خبالنا انا وشهد لما كنا نسافر مو بعض
حاتم :. ليش ايش كنتو تسو ؟!
اسراء :. هههه ابد من يوم ماندخل من الباب وبعد التفيش والحركات هذي نروح ندور اكل تقول جالسين في مجاعه او راحين في مجاعه ونرجع عندهم وضحك وتريقه ياافيهم او خلق ربي
ولما نركب الطيارة زمان كنا نضارب الااجمب بعض بس بعدين اتعودو يحطونا جمب بعض من غير مانتكلم .. بس من جد ايااام خطيرة
حاتم :.هههههههههه طيب يلا امشي قومي
اسراء:. على وين
حاتم :. نسوي العااده حقتك انتي وشهد
اسراء :.هههههههههه لا مااني جيعانه دوبي فاطرة
*
*
انا متعوده اذا ركبت الطيارة اجلس هرج يامعا شهد او اذا كانو قدامي عهد وحنين او اي احد اجلس اهرج اهرج لين مايدخو وينامو وانا اجلس يمكن بس اخذ غطه لااني مااحب اناام ..
*
ونسيت نفسي وجلست اهرج مغ حاااتم احس المسكين صدع من كثر مايسمع و يهرج معايا .. اخر شي حسيت على دمي وسكت ..
*
*
حاتم من جد او ل مرة اسافر بواانااسه زي كدا دائما شي روتين واذا هرجت قليل وخلاص .. بس اسراء خطيرة راح الوقت وانا ماحسيت واستغربت انها سكتت
حاتم :. حبي اشبك تعبتي ؟ اجبلك شي ؟!
اسراء استغرب سواله ولما شفت شكله وشفت الخووف اللي في فكيتها ضحك :.ههههههههههههههههههههه لا مافيا شي
حاتم :. ؟!؟! في وجه
حاتم :. اسراء ترى اهرج من جدي
اسراء :. وربي مافيا شي ليش تسال
حاتم :. شفتك سكتي فجاءة قلت يمكن تعتبي
اسراء :. لا الحمد الله ماتعبت ولا شي بس احس صدعت راسك قلت اسكت
حاتم :. اشـــوى .. وين صدعتي راسك وربي اول مرة اسافر بهذي الوناااسهـ
اسراء :.هههههههههههههههه لا دااعي
حاتم :. ههههههههههههههههههههه
*
*
وصلنا ماليزيا على خير والحمد الله على سلامنتا ههههههههه .. وجلسنا احلى واجمل وافل شهر في حيانتا ...
*
*
بعــد روجع حاتم واسراء من السفر باسبوع..
(..في بيت اساامهـ..)
حنين:. سرو شدي الهمه وجيبي لي حاتم ولد
اسراء رفعت حاجب :. لا يااشيخه بدري بدري
حنان :. وين بدري تعجزي وتقولي بدري
اسراء:. ههههه مااالت لسى عروووسه تقولي عجوز ..
حنان :. الا وين ام اروى كلمتيها ياحنين
حنين:. ايوا كلمتها قالت بتروح عند امها
اسراء :. قهر كان جات سوينا حمله ضدكم
حنين:.ههههههههههه خلاص اصبري دحين تجي شهد وسوي
شهد :. كاااني والله اعلم سامعه اسمي
حنان :. من زين اسمك عااد
شهد :. حنوو خليك مااشيه مزبوط ترى بس ضربه على بطنك وانتي بكشك الولاده
حنان :. اجل اســـفهـ
شهد :. اي خليك كدا ... انتي يااحرمه كيفك
اسراء:. لا بالله مابقي غير تقولي عجوز
شهد :. هههههههههه لالا اذا شفت عيالك ابشري ماراح اقصر
اسراء :. مااالت اجل ماارح اخلف
حاتم اللي دخل على كلمتها :.. ههههههه مين اللي خلاكي تحرمي الخلفه امووتو
اسراء :. ههههههههههههه لا خليك ماابغى ايتم عيالي قبل لا يجو
شهد :. مالت عليكي شوفتي زوجك قلبتي عليا
اسراء :. اجل تقولي عليا عجوز
شهد :. بناااات ترى الاربعاء راحين المزرعه
اسراء :. مــــن جد مين قال
شهد :. اليوم ابويا يقول بكلم جدي وعماني من زمان ماطلعنا وغير كدا الجو حلو مايتفوت
حنان :. من جد الجو خيااااالي
حنين:. لاآآ قهر يمكن مااروح
اسراء :. وليش ؟!
حنين:. يمكن اطلع جده
اسراء:. اذا كانت تمشيه خليها الاسبوع الجاي وهذا الاسبوع روحي معانا وبكذا انتي الكسبانه اسبوعين واتني بدشرة
حنين :. يبغالي اكلم عبد الله عشان لا ياخذها الاسبوع هذا الاجازة
حاتم :. هيا عهد ماعندها احد يجبها اروح اجيبها
حنين:. لا ماهي جايه
حاتم :. مو عشان كذا اسال زوجها مسافر
شهد قامت تحرك حواجبها :. واليوم يرجع وتسوي له حركات بركات
حنان رمت عليها المخده :. يااابنت استحي
شهد :. هــو انا قلت شي
اسراء :. هو انتي ماااقلتي بس على وشك تقولي وتجيبي العيد كمانت هههههههه
شهد :. صح نسيت اقولك ..
اسراء :. ايــش
شهد :. وانتي مسافرة طحت بهيفاء مضااااربه
حنين:. فضحتينا زي البزوة كل ماشفتو بعض مضاربه
اسراء :. يــــس تعجبيني قووولي شو صااار
....جلست شهد تحكي .. واسراء متحمسه .....
حنان :.اسراء خلاص انتي اتزوجتي بلاااش مضاربه
اسراء :. امــا اتزوجت بلاش مضاربه لا يااحبتي لو قالت كلمه رديتها لها اما اسكت عن حقي لي اتزوجت
حنان :. بس العيون عليكي مو زي اول
اسراء :.مااعليا
شهد :. اي خليكي كذا كنت ابغى اسمع ردك لو سمعت غير هذا الكلام كنت بقوم واضربك
حاتم :. لا بالله
شهد :. انتا ساكت ساكت ماغير توزع ابتسامات واخر شي تقول لا بالله
حاتم :. لانك تتكلمي عن اسراء وانا ماارضى عليها
شهد :. يااااعييني حضنا تعبااان
اسراء :. روحي المستشفى طيب ههههههههههه
جلسو البنااات هرج وضحك لين الساعه 2 جاء زوج حنين وراحت البيت وراحت معاها شهد عشان توصلها بطريقها ..
واسراء وحاتم رجعو بيتهم ..
*
اسراء :. تصدق راح الوقت من غير مانحس
حاتم :. من جد شــهد خطييرة
اسراء انسدحت جمبو :. هييييي لا تمدح احد غيري ترى اغاااار
حاتم :.وي فدييييييييت اللي يغااارو .. وبااسها و ,, .و,, و ,, >>,, ,, ,, ,, وبس مالكم شغل فيهم خلينا نروح مكان ثاني نشوف ايش صار .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك