رواية تحملت كثير يا قلبي -23
الجده :وراك مانمت يا بعدي ..
فهد : يمه ظهري يعورني ما قدرت انام على الارض .. مره متعب ..
الجده :ايه ماتعودت .. متعود على السرير .. والسفنج .. والقطن وريش النعام .. والحرير .. ما تعودت على الارض والحصير والحصيان ..
فهد : هههههههههههههههههههههههه اي ريش نعام .. واي حصيان يمه .. لا وحصير بعد ..
عبد العزيز : يمه وين عايشين حصير وحصيان .. حتى اللي بالقرى ما ينامون على كذا ..
الجده : وانت وش دراك .
عبد العزيز : الله يهديك يمه .. هذاك اول ..
الجده : حتى لو نروح ونرجع نفس الموضوع ماتعودت على نومت الارض .. الطفل المدلل ..
فهد وعبد العزيز : هههههههههههههههههههههههههههههههههههههههه ..
فهد : صرت طفل مدلل بعد ..
الجده : ايه ..
هدى جت وحطت الصنيه قدام عبد العزيز وفهد ..
هدى : سموا ..
جلسوا يفطرون ونزل سلطان ..
سلطان : يلا يبه ..
فهد : انا بوديك ..
سلطان : طيب ..
قام فهد وراح غسل ولبس وطلع مع سلطان وراحوا المستشفى .. الكل قام ماعدا البنات .. الحريم جلسوا جوا بالغرفه .. والرجال مع امهم بالصاله .. والشباب بالملحق .. جا فهد وسلطان على الساعه ½,11 .. دخل فهد الملحق وجلس جنب رائد وحط راسه على كتفه .. جلس رائد يمسح على راس فهد .. وفهد يبتسم .. دخل سلطان ومعه كيس الادويه ..
حمد : وين كنتوا ..
فهد : بالمستشفى ..
حمد : خير عسى ما شر .. شفيك سلطان ..
سلطان : نزله معويه ..
الشباب : سلامات ..
سلطان : الله يسلمكم ..
دق جوال فهد : رح لامي يا سلطان هذا هي تدق .. هلا يمه .. ايه جينا .. نزله .. لا ما فيه الا العافيه .. هذاهو جاك .. ان شاء الله .. معه علاجاته .. خلاص ان شاء الله .. هلا والله مع السلامه ..
حمد : من متى قايم انت ..
فهد : من الساعه 7 وربع تقريبا ..
حمد : وش مقومك ..
فهد : ياخي ما عرفت انام .. نومة الارض مره متعبه .. شكلي اليوم بنام بالكنب حق الصاله ..
رائد : ايه والله حتى انا تأذيت .. شي مو طبيعي ..
ماهر : الله لا يلومكم .. من زين الفرش اللي معنا ..
حمد : مدري احس عادي ..
مشاري : حتى انا احس عادي لا متعب ولا شي ..
ماهر : انتم راعين بران متعودين ..
مشاري : ايه هذي فايدة البر ..
فهد : ماعليكم شرهه طعوووووس ..
حمد : كلن يتكلم عن نفسه ..
فهد : انا عشاني نعوم ظهري عروني من الارض .. وانت وياه يالضبان .. تقولون عاااااااااااادي ..
ماهر : هههههههه ..
فهد : وش يضحكك ..
ماهر : تذكرت اميره ..
فهد : ليه وش فيها ..
ماهر : مافيها شي .. بس معلقه على عاادي ..
مشاري : ياشيخ خل تعيش دنيتها .. تذكرون يوم اعلق على كلمة خير ..
حمد : هههههههههههههههههههه الله يرجك .. يووووه حامت كبدي من الكلمه ..
فهد : ههههههههههههه يع كانت ايام سووووووودا ..
مشاري : هههههههههههههههههه خير تحصلونها انتم ..
رائد : تكفى يكفي ذيك الفتره من جد كرهت الكلمه ..
ماهر : ههههههههه الحمد لله .. ماعاصرتكم فيها ..
فهد : ايه اذكر كنت مسافر مدري وش عندك .. اهم شي انك ماكنت فيه .. والله لو كنت فيه .. كان بيطلع براسك نخله من كثر ما يقولها ..
ماهر : هههههههههههههههه ..
جلسوا يسولفون ويضحكون لين جا وقت صلاة الظهر .. قاموا كلهم وصلوا مع الرجال صلاة جماعه .. بعدين اجتمعوا بالصاله .. مع الجده والعمات .. والحريم بالصاله الفوقيه .. والبنات بعضهم معهم وبعضهم بالغرفه ..
? عــنـد .. البناتـ .. بالغرفهـ .. ?
كانت ابرار منسدحه ومتغطيه وتكلم رنا بالجوال .. وجوري وولاء يشوفون فلم .. وبيان جالسه تقرى روايه طابعتها من الكمبيوتر .. وغيدا توري لولو صورة اخوها بالجوال ..
لولو : ماشاء الله .. كم عمره ..
غيدا : عمره 26 سنه ..
لولو : ولين الحين يدرس ..
غيدا : لا خلص .. بس يحضر ماجستير ..
لولو : ماشاء الله عليه .. شكله شاطر ..
غيدا : ايه مره شاطر ..
لولو : اي قسم ..
غيدا : هندسه ..
لولو : كشخه والله ..
غيدا : بس يقول مره متعب ..
لولو : ايه معروفه الهندسه متعبه حيل .. بس تدرين ادعي له ان الله يوفقه ..
غيدا : آميـــن الله يوفقه انشاااااااء الله ..
لولو : ههههههههههه تقولينها بظمييييييييير ..
غيدا : هههههههه ايه لاني فاقدته ..
لولو : الله يخليه لك .. متى بيرجع طيب ..
غيدا : لين الحين .. كل ما سألته قال اذا ربك سهل ..
لولو : الله يرجعه لكم بالسلامه ..
دخلت عليهم امل : وش تسوون ..
جوري : ولاشي يمه جالسين ..
امل : طيب يلا انزلوا تغدوا ..
قاموا البنات ونزلوا وبقت ابرار .. جلست خمس دقايق بعدين لحقتهم .. تغدوا وخلصوا وطلعوا البنات برى عند البحر .. والحريم جلسوا يتقهوون برى بالحديقه .. والرجال مع الشباب بالملحق ..
? عــنـد .. البناتـ .. ?
كانوا يلعبون بالمويه وكل وحده ترش الثانيه .. الا بيان كانت جالسه وتطالع فيهم .. وخصوصا غيدا .. كانت مره منسجمه معهم .. اول مره تحس باحساس انها محتاجه لغيدا .. بالعاده غيدا هي اللي تلحقها والحين لا راحت ولا سألت فيها ولقت لها احد غيرها .. مره انقهرت وقامت .. راحت ومسكت رغد وقالت لها تنادي ابوها .. نادته رغد .. وجا واخذ بنته ودخلوا جوى ..
ابراهيم : هاه حبيبتي ..
بيان : يبه ابي ارجع الرياض ..
ابراهيم : وليه ان شاء الله ..
بيان : بس ما ابي اجلس هنا ..
ابراهيم : ليه وش اللي مضايقك ..
بيان : يبه انا ما انسجم مع بنات عماني .. ابي اروح لخوالي ..
ابراهيم : وليه ماتنسجمين معهم .. هذا خواتك منسجمين معهم .. وانتي وش زودك عنهم ..
بيان : يبه ما ابي اجلس ابي ارجع ..
ابراهيم : ومن بيرجعك ان شاء الله .. لا مافيه ..
بيان : يبه تكفى الله يعافيك ..
ابراهيم : بيان وبعدين .. وش اقولك انا .. انا منب راجع عشانك الرياض ..
بيان : يعني ما اهمك ..
ابراهيم : لا مو قصدي كذا .. بس ما ابي اخرب الروحه على امك وخواتك ..
بيان : خالي سعود موجود بجده ابرجع معاه ..
ابراهيم : ومن قالك انه بجده ..
بيان : امس كلمني .. ابي ارجع يبه تكفى ..
ابراهيم : ما ادري اشوف عن امك ..
بيان :انا كلمت امي هي تقول بشوف ابوك .. حتى اليوم بعد الغدى قلت لها برجع مع خالي سعود .. قالت انا ماعندي مانع دامه مع خالك بس شوفي ابوك .. يبه تكفى ..
ابراهيم : الله يهديك يا بيان .. ودي اعرف ليه انتي غير عن خواتك ..
بيان : كذا ربي خلقني غير .. يبه اذا تحبني وتبي وناستي ابرجع ..
ابراهيم : وغيدا ..
بيان : غيدا عندها من تجلس معاه اصلا من امس ما احاكيها ولا تحاكيني .. ..
ابراهيم : آآهــآآ عشان كذا ضايق صدرك وتبين ترجعين ..
بيان : لا اصلا ماتهمني ..
ابراهيم : بيـــآن ..
بيان : ما ابي هي خلتني ما ابيها بكيفها ماراح الحقها ..
ابراهيم قام : مهمى كان بنت عمتك هذي .. اذا مو عشانها ولا عشان القرابه والعشره اللي بينكم .. عشاني وعشان عمتك ..
قامت بيان وحبت راس ابوها : آسفه .. هاه يبه ارجع ..
ابراهيم : كلمي خالك وقوليله اذا مستعد يآخذك روحي ..
بيان : ايه اصلا قلت له امس يمكن ارجع معاك ..
ابراهيم : ههههههههه وطابختها بعد .. " مسح على راسها " .. اذا تبين خلاص روحي ماعندي مانع ..
راح ابراهيم وانبسطت بيان مره شوي وتصرخ من الوناسه .. راحت ودقت على خالها ..
بيان : مرحبااااااا ..
سعود : مرحبا ملاااااييييين .. هلا قلبي ..
بيان : هلا وغلا ..
سعود : ههههههههه مبسوطه ..
بيان : فيه احد بيرجع مع احلى سعود ولا ينبسط ..
سعود : اووووووو وافق ابوك ..
بيان : ايه توه قايل لي ان ماعنده مانع ..
سعود : زين اللي قلتي لي .. انا كنت بروح احجز ..
بيان : اوكي وانا معاك ترى لاتنساني ..
سعود : اكييييييييد .. والله بينبسطون البنات مره ..
بيان : ايه ادري .. وناسه .. لاتقولهم انت خلها سربرايز ..
سعود : اوكيشن ..
بيان : متى طيب بنمشي ..
سعود : بنطلع المغرب زين ..
بيان : اوكي خلاص .. انا بروح اجهز شنطتي ..
سعود : هههههههههههههههه مو الحين باقي كثير ..
بيان : طيب وش اسوي من الحماس ..
سعود : لاحقه عليهم .. انبسطي هنا الحين ..
بيان : ما ابي ..
سعود : وش اخبار غيدا .. ان شاء الله مبسوطه ..
بيان : الحمد لله .. خلاص خالي لا تسأل عنها اغار ..
سعود : هههههههههه وش اسوي طيب غصبن علي ..
بيان : اوكي .. هي تمام وبخير ..
سعود : دوم وكل يوم ان شاء الله ..
بيان : اوكيك يلا باي الحين ..
سعود : شرايك اجي آخذك الحين ..
بيان : ياليييييييييييت .. لاني مره طفشانه ..
سعود : ههههههههههههه ماصدقتي خبر انتي .. لا خلاص بجيك المغرب ..
بيان : لا ما ابي الحين الحين ..
سعود : يا دلوووعه .. خلاص قلت لك المغرب ..
بيان : ما ابي الحين ..
سعود : بيان ..
بيان : الحين ..
سعود : لا حووووووووول .. اوكي خلاص .. بس وين شاليهاتكم ..
بيان : شاليهات الـ....
سعود : اوكي خلاص .. شوي وادق عليك واطلعي ..
بيان : فدييييييييييييييتك ..
سعود : ماعندي اغلى منك .. يلا باي ..
بيان : فديتك والله .. باي ..
سكرت منه وعلى طول طلعت الغرفه ترتب شنطتها .. ودخلت عليها غيدا وشافتها .. هي طالعتها ورجعت تكمل .. قربت منها غيدا وجلست عند الشنطه ..
غيدا : ليش ترتبين اغراضك ..
بيان : برجع الرياض مع خالي سعود ..
غيدا : اليوم ..
بيان : ايه ..
غيدا مره تضايقت بس كتمت نفسها وبتوريها انها عادي جلستها وروحتها زي بعض ..
غيدا ابتسمت لها : تبيني ارتب معاك اغراضك طيب ..
بيان طالعتها : يعني عادي عندك لو اروح ..
غيدا وهي ترتب معها : انا ماقلت لك روحي وانتي اساسا كارهه الروحه من قبل .. فاللي يريحك سويه محد راح يغصبك ..
سحبت منها بيان البلوزه : طيب مشكوره ما ابي احد يرتب معاي .. لو سمحتي اطلعي برى وخليني ارتب اغراضي براحتي ..
غيدا وهي تقوم بكل ثقه : اوكي بس ترى انتي الخسرانه ..
بيان : لا صدقيني مو انا الخسرانه .. مشكوره ..
غيدا ابتسمت بكل كبر عشان تقهرها : اوكي .. باي بنزل مع البنات يستنوني ..
طلعت غيدا بعد ما عطتها ابتسامه خلتها تشب من القهر .. قامت ترمي اغراضها بالشنطه بدون ترتيب .. غيدا طلعت من الغرفه وسكرت الباب وتسندت على الباب " الله يوصلك بالسلامه يالغلا " .. نزلت مع البنات وجلست معهم مسوين حلقه ويلعبون لعبة الاوامره .. اللي تطلع عليها راس القاروره هي اللي تأمر واللي تطلع عليها القاعده هي المأموره .. بيان خلصت ونزلت هي وشنطتها تحت .. وحطتها بالصاله وطلعت عند الحريم ..
بيان : يمه بروح ..
فوزيه : وين ..
بيان : الرياض ..
فوزيه : متى ومع مين ..
بيان : قلت لك مع خالي سعود .. وبعد شوي بيجي يآخذني ..
شيخه : وليه بترجعين ما عجبتك الجلسه هنا ..
بيان : عادي .. بس بنات خوالي كلهم مجتمعين وما ابي افوت جمعتهم ..
عايشه : وحتى هنا كل البنات مو جودين ..
بيان : بس عند خوالي غير ..
فوزيه : بيان ..
مشاعل : وغيدا تدري ..
بيان : ايه .. حتى كانت بترتب معاي شنطتي ..
مشاعل : شكلها تضايقت ..
بيان : لا مو مبين انها متضايقه .. حتى راحت عند البنات ما جلست معاي ..
فوزيه تغير السالفه : ومتى بيجي ..
بيان : قالي بدق عليك ..
فوزيه : زين اذا جا ابشوفه من زمان عنه ..
بيان : ابقوله امي تبيك .. لا تخافين ..
جو البنات وجلسو معهم ..
شيخه : قوموا تروشوا وش هالقرف ..
جواهر : لا يمه بنرجع بس جينا نتقهوى ..
عايشه : الله يقطع بليسكم .. قوموا خيستوا الفرشه .. قوموا ..
قاموا البنات وجلسوا على الثيل .. دق جوال بيان وكان سعود .. قالت له ان امها تبي تشوفه ..
سعود : فشيله وين ادخل ..
بيان : اوكي خلاص تنتظرك ..
سعود : بيانوه وش تخرفين منب داخل ..
بيان : عادي تجيك جوى .. يلا باي ..
سعود : بياااااااان .... طوط طوط .. اوريها ..
نزل سعود وشاف رقم الشاليه وطق الباب وفتح له سلطان ..
سعود : مرحبا يا بطل ..
سلطان : هلا والله مراحب ..
سعود : هذا شاليه الـ.... ..
سلطان : ايه وصلت ..
سعود : حلو .. بيان موجوده ..
سلطان انصدم .. وش هالبجاحه جاي يطق الشاليه ويبي يبان بعد .. دخل وراح قال لفهد بإذنه وطلع فهد مع سلطان ..
فهد : هلا اخوي ..
سعود : هلابك .. مو هذا شاليه الـ.... ..
فهد : ايه هذا .. تآمرني بشي ..
سعود : مايآمر عليك عدوا .. بس بغيت بيان ..
فهد : ومن تكون يالحبيب ..
سعود : خالها سعود ..
فهد يطق جبهته بطريقه تضحك : اوبس .. سوري ما كنت ادري .. هلا وغلا .. تفضل حياك ..
سعود : هههههههه لا عادي .. مستعجل الله يعافيك بآخذها وامشي ..
فهد : لا ما يصير لازم تدخل ..
دخل فهد ودخل معاه سعود .. وراحوا الملحق وقاموا له كلهم يسلمون .. وجلس جنب ابراهيم ..
ابراهيم : حيالله سعود .. عاش من شافك ..
سعود : الله يحييك يا ابو ساره .. عاشت ايامك ..
ابراهيم : وين الغيبات .. ماتنشاف ..
سعود : تدري اللي يشتغل فسفاره وش يصير فيه .. هلاك ..
ابراهيم : الله يعينك .. هاه متى الطياره ..
سعود : المغرب ..
ابراهيم : ومن الحين جاي تآخذها ..
سعود : ايه .. اذا تبونها ارجع اخذها بعدين ..
ابراهيم : اكيد نبيها .. بس خلاص دام جيت ما نقدر نرجعك بدونها بتموتنا ..
راح سلطان وقال لبيان ان خالها جا عشان تطلع ..
ولاء : خالي سعووود ..
سلطان : ايه ..
ولاء : وش جابه .. أأأقصد .. مدري مدري .. ايه وش جابه ..
البنات : هههههههههههههههههههه ..
بيان : جا يآخذني ..
ولاء بصوت واطي : للأبد ان شاء الله .. وليه جا يآخذك ..
بيان : ياشين اللقافه ..
ولاء : يمه ليش جاي يآآخذها ..
فوزيه : بترجع الرياض ..
ولاء : وليه ..
فوزيه : هذا هي قدامك اسأليها ..
ولاء : ايه اكيد ملت .. احسن لك روحي .. بنات خوالي مجتمعين ونسيهم ويونسونك .. نفس الطينه كلكم ..
بيان : الحمد لله والشكر .. من زين الجلسه معاك انتي عاد ..
ولاء : لا انا اذا رحتي بتطقني الغلقه بروح فيها ما اقدر اتحمل الجلسه بدونك .. رحتي ولا جلستي .. وجودك وعدمك واحد ..
قامت ولاء ودخلت جوى .. وقامت معها نوره وجواهر .. بيان مره انقهرت منها ..
بيان : يمه ان ما ادبتيها انا بأدبها بطريقتي ..
فوزيه : خلاص مو وقته الحين .. ولا ترى بهون عن الروحه ..
بيان : لا تكفين كلش ولا تهونين .. ماصدقت توافقين .. بس هي شغلها بعدين ..
قامت وراحت دخلت جوى وشافت ولاء مع نوره يسولفون ويضحكون وجواهر كانت تجيب كيك من المطبخ .. عطتهم نظره وراحت اخذت الشنطه .......... عند البنات بالحديقه ..
ساره : تبوني اوريكم خالي ..
هيفا : ياليت لو تقدرين ..
ساره : اوكي خلاص تعالو بخليه يدخل بسلم عليه وشوفوه ..
دخلوا البنات جوى وراحوا يدورون مكان بس مالقوا .. راحوا ورقوا فوق وقاموا يطلون من الدريشه .. قرب سعود عشان يسلم على اخته وبناتها وكانوا يشوفونه بوضوووح ..
فوزيه : هلا وغلا .. وينك يا بعدي ما تنشاف ..
سعود : معليه يالغاليه .. مشاغل وانتي ادرى ..
فوزيه : الله يوفقك يارب ..
سعود : امين .. اجمعين .. هاه بنات كيفكم ..
البنات : تمام ..
ساره : انت كيفك خالي ان شاء الله بخير ..
سعود : والله تمااام .. نسأل عنكم ..
ولاء : لو من جد تسال عنا .. كان سألت ..
سعود : والله اني اسأل .. حتى اسألي بيان .. دايم اقولها شلون خواتك وسلميلي عليهم .. ولا ما يوصلكم ..
ولاء : ههههااااااي دام عطيت بيان السلام اعرف انه ما راح يوصل ..
بيان : وليه ان شاء الله ..
ولاء : علمي نفسك ..
بيان : ما ابي ابرر ليش ما اوصل لكم سلامه ..
سعود : يعني فيه سبب ما يخليك توصلين السلام ..
بيان : ايه .. وكبير بعد ..
سعود : وشو طيب ..
بيان : دايم يتهاوشون معاي .. مايحبوني ..
سعود : افاااااااااااااااااا لاعاد كله ولا بيان .. هذي الغاليه .. دلوعتي انا ..
ابتسمت بيان وحمرة خدودها ..
فوزيه : لا تكبر راسها .. طالع خدودها كيف .. ههههههههههههه ..
سعود يقبصها : ههههههههه فديتها انا ياناس ..
بيان : خااااااالي والله استحي خلاص ..
سعود : يا زين الحيا عليك انتي ..
فوزيه : محد كبر راسها غيرك انت وابوها .. صايره دلوعه ..
بيان : اذا انا ما تدلعت يمه من اللي يتدلع ..
ولاء : طبعا انا ..
بيان : من زينك ..
سعود : لا تقعدون تتطاقون قداي .. يلا بيان ..
بيان : انا جاهزه يلا ..
سعود : وين شنطتك ..
بيان : الحين بجيبها ..
راحت بيان ودخلت جوى .. اخذت الشنطة وجت بتطلع .. نزلت غيدا تركض من الدرج ..
غيدا : بيان ..
التفتت عليها بيان وجت بتمشي .. ومسكتها غيدا ..
غيدا بإبتسامه تذوب : ماتبين تودعيني قبل لا تروحين ..
بيان : باي ..
غيدا : باي .. هذا اللي قدرتي عليه ..
بيان : وش تبيني اقولك يعني ..
غيدا : ولا شي .. انا اللي بقولك ..
بيان : تفضلي ..
غيدا سكتت شوي وهي تطالع بيان : .......... الله يوصلكم بالسلامه ..
ضمتها بخفيف وراحت عنها فوق .. وقفت بيان تطالعها وهي ترقى الدرج بسرعه مثل ما نزلته ..
بيان : بايخه ..
سحبت شنطتها وطلعت .. اخذ منها سعود الشنطه وطلع .. وكان فيه رائد وفهد عند الباب واقفين ..
سعود : يلا فمان الله ..
فهد : بدري .. وش معجلك .. جالسين ..
سعود : ورانا طياره ..
فهد : يلا الله يوصلك بالسلامه .. شكل بيان ماعجبها الجو هنا .. تحب جو الصحاري ..
سعود : ايه فديتها على خالها ماتطيق الرطوبه ..
فهد : يلا زين اول مره ادري انها تشبه احد ..
سعود : اي بيون فريده من نوعها ..
فهد : كشخه .. مايوجد مثلها اجل ..
سعود : ههههههههههه لا مافيه ولا تدور ..
فهد : هههههههههه ..
سعود : يلا فمان الله ..
فهد ورائد : مع السلامه الله معاك ..
فهد : توصلون بالسلامه ..
سعود : الله يسلمك ..
ركب سعود السياره مع بيان .. وفهد ورائد دخلوا ..
رائد : ماهضمته .. شكله يقهر ..
فهد : بس حلو ..
رائد : قمر مو حلو وبس .. بس قاهرني ودي اجلده ..
فهد : ههههههههههههههه ليه وش مسوي لك ..
رائد : هههههههههههههههههه ماسوى شي بس ما ادري ما ارتحت له .. ما هضمته اقولك .. مانزل من حلقي .. ما قدرت ابلعه .. افهم ..
فهد : هههههههههههههههههههه فاهم فاهم ..
? .. بـــ سيارة سعود .. ?
سعود : من اللي مع فهد هذا ..
بيان : هذا رائد .. حلو صح ..
سعود : يذبح ..
بيان : هههههههههههه ..
سعود : بس تدرين .. ما عجبني ..
بيان : ليه طيب ..
سعود : مدري .. بس ما عجبني كذا ..
بيان : طيب شرايك باللي معاه ..
سعود : مين فهد ..
بيان : ايه .. حبوب صح ..
سعود : مره رهيب .. يوسع الصدر .. تدرين ..
بيان : وشو ؟؟
سعود : بغى يذبحني يوم جيت وقلت ابي بيان ..
بيان انبسطت : والله ..
سعود : ايه تخيلي .. قلت ابي بيان .. قال من يبيها يالحبيب .. شوي ويطقني ..
بيان : قل والله ..
سعود : لا اكذب عليك انا .. وبعدين عادي ..
بيان : وليه عادي ..
سعود : عادي بنت عمته واكيد بيسوي كذا ..
بيان : لا مو عادي عندي ..
سعود : بيانوه .. لا يكووووووووون ..
بيان : مدري مدري ..؟
سعود : انتبهي يا بيان .. لا تتعلقين فأحد .. انتي متأكده انه ماراح يكون لك يوم من الايام ..
بيان : هذا انت .. تبي غيدا وهي مو معطيتك وجه ..
سعود : غيدا شي ثاااااااااني .. غيدا من شفتها تغيرت حياتي كلها .. هالانسانه غيرتي 180 درجه .. مدري ليه اول ما شفتها حسيت بشعور غريب ..
بيان : خالي .. انت تحبها ..
سعود : مدري .. بس يمكن ..
بيان : لا مو يمكن الا اكيد ..
ابتسم لها سعود ورجع يطالع طريقه : يعني يبين كذا ..
بيان : ايه ..
سعود : اوكي احبها ..
بيان " آه يا خالي لو تدري انها ما حطتك فبالها اساسا وش بتسوي .. الله يعينك " ..
سعود : شفيك .. ليش سكتي مره وحده ..
بيان : ولا شي .. بس ترى غيدا ما تناسب لك .
سعود : ليه طيب ..
بيان : اولا انت اكبر منها بكثير .. ثانيا هي اساسا ماحطتك براسها ..
سعود التفت عليها : شلون يعني ..
بيان : يعني شكلها تحب واحد ثاني وانت مافكرت فيك ..
سعود : بيان من جدك تتكلمين ..
بيان : ايه من جدي ..
سعود : ومن هالواحد ..
بيان : مدري .. ما اعرفه ..
سعود : مو معقوله ماتعرفينه تكلمي قولي مين ..
بيان : رائد .. رائد ولد عمي فارس ..
التفت عليها سعود : اللي قبل شوي موقف مع فهد عند الباب ..
بيان تهز راسها : ايه ..
سعود : يووووووووه .. ياربيييييييييييييييه .. ليه كذا طيب ..
بيان : انا قلت لك عشان ما ابيك تحط فيها امل ..
سعود : تدرين انك حطمتيني ..
بيان : فيه اللي احسن منها ..
سعود : عمري ما شفت احلى واحسن منها ..
بيان : مايحتاج تشوف الحين بتشوف بعدين ..
سعود ضرب على الدركسون : اففففففف قهر .. قايل لك ما حبيته .. والحين اكرهه من كل قلبي ..
? فــيـ .. الشاليهـ .. ?
كانوا الكل يتجهز عشان بيطلعون بعد ماقالهم عبد العزيز انهم بيروحون الشلال .. على الساعه 6 طلعوا وركبواالسيارات .. وحركوا وراحوا الشلال .. الحريم جلسوا بمكان .. والرجال كل واحد اخذ حرمته وراحوا يتمشون .. والشباب راحوا واخذوا معهم البنات .. وراحوا يلعبون .. ركبوا كل شي وانبسطوا ونايف وولاء كل شوي مطاقات وهي تنحاش عنه وريان بس يضحك عليهم .. ومشاري لقى له فرصه وتكلم مع تهاني شوي وطلع شوي من اللي بقلبه لها .. كانوا نوره وجواهر يتمشون بلحالهم ورى ريان ونايف وماهر وحمد .. وباقي البنات .. مع رائد وفهد ومشاري ..
تهاني : ياربي يا زين مشيته وضحكته ..
ساره : والله غثيتيني فيه ..
تهاني : عادي .. حلو وربي اللي خلقني حلو ..
ساره : ادري انه حلو ويطير العقل بس اركدي ..
اميره : الحمد لله والشكر .. وشفيك انتي اركدي شوي .. جتنا فهد الثاني ..
فهد سمع اسمعه : خير ان شاء الله وش فيه فهد ..
اميره : مافيه الا العافيه .. ونعم والله ..
فهد : وش كنتوا تحشون فيني .. بسرعه اعترفوا ..
اميره : والله ما حشينا فيك .. بسم الله اصلا اول ما قلت فهد نطيت فيني ..
فهد : ههههههه ايه بعد ابترك لك مجال تحشين لا الله يعافيك دوري غيري ..
مشاري : اردى لك .. خل تحش من اليوم لبكرى .. حسنات ياخي حسنات ..
فهد : اييييييييه صح .. حشي اميره حشي ..
الكل : هههههههههههههههه ..
رائد : الله من الدلاخه ..
فهد : شفيك انت محتر ..
رائد : من مين .. عسى منك ..
فهد : ايه اكيد مني ..
رائد : اييييييييييه مره مره ..
فهد : ياقلبي عادي عادي هذي سنة الحياة ..
غيدا تكلم لولو : ابي اشتري لي مويه ..
لولو : شوفي هنا فيه .. بس لاتتأخرين ياويلك منهم .. بيسوون فيك مثل هيفا وولاء ..
غيدا : طيب خلك معاي .. تكفين ..
لولو : اصبري .. شباب ..
الشباب : هلا ..
لولو : دقايق .. غيدا تبي مويه ..
فهد : اوكي انا اجيب .. استنوني ..
رائد : اقعد .. انا بجيب ..
راح رائد وجاب كم حبه وعطاهم ..
رائد : يلا .. وين حمد ..
فهد : مدري عنه .. مع ماهر ..
مشاري : ايه معه نوره وجواهر ونايف وسلطان وريان .. ولاء معنا ..؟؟..
ولاء : ايه موجوده ..
مشاري : غريبه مارحتي معهم ..
ولاء : ابي اجلس مع جوري وهيفا ..
مشاري : غريبه ..
ولاء : مالغريب الا الشيطان ..
مشاري : بعد غريبه ..
فهد : خلاص مشاري قالت لك مالغريب الا الشيطان .. وفيه الضحكه .. شفيك انت ماتفهم ..
مشاري : افهم والله افهم ..
رائد : هـــه هذا حمد .. ..... هلا وغلا وين ماهر والباقين ..
حمد : مدري راحوا مدري وش يجيبون .. وانا شفتكم من بعيد قلت اجيكم .. طفشوني ..
مشاري : حياتي والله طفشت ..
حمد يتدلع : ايه ..
مشاري : فديتهم ياناس الدلوعين ..
حمد : هههههههههههههههههههه ترى بصدق ..
مشاري : ههههههه صدق صدق .. ماعندي اغلى منك .. الا ناس ..
حمد : بعااد صاروا اغلى مني ..
مشاري : وش نسوي .. القلب وعمايله ..
حمد : الله يخلي لنا هالقلب ..
مشاري : فديتك والله تقدر الضروف ..
رائد وفهد : هههههههههههههههه ..
رائد : ياخي ليه دايم ينشك فيكم انتم ..
مشاري : ليه ان شاء الله ..
رائد : مدري .. بس كذا ..
فهد : دايم تتغزلون فبعض ياخي استحوا على وجيهكم .. راعوا شعورنا ..
مشاري : اسكت بس ..
عند البنات ..
ليلى : طفشوني .. ابي اروح العب ..
اميره : حتى انا حامت كبدي ..
ابرار : تعالو نسحب عليهم ونروح .
ساره : لاتكفين بيسوون فينا هوايل ..
اميره بصوت شوي عالي عشان يسمعونها : اففففففففففففففففففففف ..
مشاري : من هذي اللي تتافف ..
اميره : انـــآآآ ..
مشاري : شعندك ..
اميره : تبون الصراحه طفشتونا .. نبي نروح نلعب .. وانتم بس تقرقون ..
فهد : ياسلام عليكم ..
اميره : ايه .. بنروح ترى وانتم بكيفكم ..
ابرار : خلاص انتم اجلسوا سولفو على كيفكم .. وحنا بنروح نلعب ..
حمد : مع مين طيب ..
ابرار : مع بعض ..
حمد : لا تتفرقون طيب ..
ابرار : طيب ..
حمد : خلاص روحوا واذا دقينا عليكم تعالوا .. زين ..
اميره : ان شاء الله ..
راحوا البنات .. والشباب راحوا يتمشون ..
? عــنـد .. ماهر .. ?
ماهر : خلصتوا طيب ..
نايف : ايه ..
ماهر : بنات ..
نوره وجواهر : ايه خلاص ..
ماهر : يلا طيب ..
نوره : ماهر .. شفه عيا يعطيني ذاك الدبدوب ..
ماهر : اي واحد تبين .
نوره : هذاك البني ..
ماهر : جيب هذا محمد ..
الهندي : لا هدا مافيه قد هو يجيب .. هزا بنت يجيب قد هزا دبدوب .. هزي مافيه يجيب ..
ماهر : اوكي انا بعطيك زياده بس جيبه ..
الهندي : اوكي اوكي مافيه مشكل ..
عطاه ماهر زياده 20 ريال وعطاه الدبدوب .. كان مره خطيييييييير .. عطاه نوره ..
ماهر ابتسم لها : خلاص كذا ..
نوره : مشكور ماكان له داعي تدفع خلاص مو لازم ..
ماهر : ولو .. نوره تبيه ولا نجيبه .. يلا امشوا ..
مشى ماهر قدامهم وهو ماسك يد سلطان ويسولف معاه ويضحك .. وريان ونايف ورا معهم ..
ريان : الله الله من قدها جابلها الدبدوب ..
نوره : وش تبي انت ..
ريان : ابي الدبدوب ..
نوره : لا تحلم فيه ... ابعد بس ..
نايف : ليه ما جت ولاء معكم ..
ريان : ترى بضحك ..
نايف : اضحك ..
ريان : مو الحين بعد شوي .. ههههههههههه ..
جواهر : يوم درت انك معنا قالت منب جايه ..
نايف : اوريها ..
جواهر : احسن ..
نايف : من زينها ومن زين خشتها ..
ريان : حرام لا تسبها وانا موجود ما ارضى قسم بالله ..
نايف : انا حلال اسب .. ماعلييك ..
ريان : مره مره حلال ..
وصلوا عند الشباب ..
حمد : هلا ..
ماهر : هلا مليون ..
سلطان : حمد .. ابوي دق علي .. يقول يدق على جوالك مقفل ..
حمد طلع جواله : والله .. ايه والله مقفل .. يوه يمكن مافيه شحن ...... لا والله مليان .. شفيه قفل اجل .. يلا انا بروح اشوفه واجيكم ..
مشاري : حنا بنروح نتمشى انت الحقنا ..
جواهر : نبي نروح للحريم ..
فهد : روحوا مع حمد .. حمد خذهم ..
حمد : يلا ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك