رواية تحياتي لمن دمر حياتي -15
{ و تمت تسولف عن الدراسة والمدارس والبنات ......لين صدمتها بجملة قالتها }
حمدة:تدرين من أكثر وحدة اشتقت لها ...أمووووون
نورة: والله ؟؟ ما اعرف عنها شي والله
حمدة: أها...لو كلمتيها سلمي عليها ..
نورة: أسمع صوت عندج !!!
حمدة: هيه أشوف مسلسل ....
نورة: أهاااا .سوري لأني عطلتج ..روحي كملي .....
حمدة: خلاص اوكي ... مشكورة على التلفون ...
نورة: اوكي ..بااااااااااي ....
سكرت عنها ..... و كرهت عمرها !!
حتى حمدة صارت نفس باقي الناس ..ونستها ......
و قررت قرار .....انها ما تكلمها أبدا ً بعد هالمرة ....
لانه شكلها البنية ما تباها .....
و حست بالفشل والاحبااااط .....ما توقعت انه حمدة تتخلى عنها بهالبساطـــــــــه...
بس هي تعودت على هالشي ...كلهم يروحون عنها بالآخر ......
تذكرتهم كلهم ... كل اللي راحوا عنها ....بدت الجروح تنفتح من أول ويديد ....
و غرقت باحزانها و آلامها لبقية اليوم ....
ثاني يوم كانت شابكة نت من أول ما قامت ....تفتح مواقع من زمان ما فتحتها و تشيك في المنتدى و ترد على المواضيع ..... و يوم كانت فاتحة صفحة الفيس بوك شافت صورة هند و التوبيك اللي كاتبته والردود اللي عليه و تقرا ... و كملت باجي الصفحة و نزلت للتزبيك اللي تحته و قرت شو كاتبه شما ........
بس فجاة ردت حق صورة هند وتمت تطالع فيها باستغراااب !!!!
نورة ما حست بولا شي يوم شافتها .. حتى وهي تقرا البلاوي اللي كاتبينها كانت عاااادي وملامحها عادية .... حطت ايدها على قلبها ... ما عاد يدق بسرعة كل ما شافتها ولا عرفت عنها شي !!
ما تحس بطعم المرارة اللي كانت تحس فيه قبل ....
و هذا يعني شي واحد ..
انه نووووورة أخيــــــــــــــــرا ً نستها !!!
نستها !!
نستها !!
قامت وهي فرحااااااااااااانه و تبتسم .. رفعت كفوفها وهي تحمد الله سبحانه وتعالى .. { الحمد لك يا رب .... هذا أحلى شي صارلي من فترة طويــــــــــله !! }
وقفت لحظة ...حاولت تستوعب الموضوع بشكل حسن .. ردت حق اللاب و شافت الصورة ... قتحت فونها و طالعت بالرقم .... فعلا ما تحس بشي .. كنها تشوف شمووه ولا منووه ......
أتوقع الكل كان يتريا هالنهاية السعيدة صح ..؟؟
بس ترى ما تعودنا ..لازم شي يخرب الموضوع .....
كملوا قراءة ....
مر عليها قريب الاسبوعين وهي في البيت ما طلعت أي مكان بس من النت للتلفزيون و تروح ترقد عقب ...و كانت وااايد تكلم شموه وميروه بنت خالتها لأنه فعلا ً صارلها زمان ما شافتها ... و تقولها عن آخر الأخبار و الحركات تدرون يعني ..
و خصوصا ً انه كان عندهم ضيوف و ميرووه مقهووورة منهم و باطين جبدها فكل يوم ترمس نورة و تشكي لها و تنوح و هذيك تضحك عليها ...
اليوم يوم مشؤووم ... ليش يا ترى ؟؟ ...حتى نورة نفسها حاسة انه يوم نحس .مب معقولة هالفترة تمر على خيـــــر ..لازم يكون في مصيبه يديدة بعد نسيان هند ....
صارلها فترة تشتكي من راسها اللي واااايــــــــــــد يعورها .. و صارله سنين على هالحال وما احد من الدكاترة يدري شو السالفة ..قالولها انه صداع نصفي ووصفولها كم نوع دوا (واللي ما ينفعون على فكرة ) بس كانت تضحك على عمرها وتقول انه الصداع رااح ..يروح فترة و يرد ... و تبدا تبلع بهالأدوية ....
[ في غرفة نورة ] ....
نورة راقدة في سريرها و تتلوى من الألم ....و تصااااارخ ...... مسكت اللحاف و صارت تعض عليه عشان ما تقوم أحد من أهلها ......
{ يا ربي ... آآآآخ ....ارجوك يا رب ساعدني ..خلي هالصداع يوقف ....أرجوك يا رب ....آآآآآآآآآآآآآآآآآآآآآآآ آآآآآآآآآآآآآآآآآآآه !!!! }
دخلت عليها امها فجأة بعد ما حست انه في صوت بالبيت .....: نورة يما شو فيج ....نوووورة ردي علي ...
نورة (وهي تمسح دموعها ): ما شي يمه بس راسي يعورني ......
امها : (خافت من شكلها ) قومي على المستشفى بسرعة ...يالله بسرعة
نورة: يما الساعه 4 الفير !!!
أمها: ما يهمني شي ...المهم انتي ...يالله بسرعه أنا بروح بقوم أبوج و ألبس عباتي ....
نورة: ان شاء الله ,,
سحبت عمرها شوي شوي من على السرير .... و حاولت تقوم .... بس حست انه في احد قاعد يشدها لتحت ....ما قاومت ..... و طاحت على الأرض ...
قامت على صوت الأجهزة في المستشفى .... مب قادرة تميز أي شي وما تشوف الا خيالاات .... سمعت صوت أمها تصيح من برع الغرفة .... و الدكتور يفحصها ....
{ يا ربي شصاير ؟؟ انا مب من النوع الفافي اللي يطيح على أقل سبب !! الله يستر بس شكلها مصيبه .... يمكن الله سبحانه و تعالى أخيرا ً بيريحني من هالدنيا ..... } ....
الدكتور: هاا نورة قمتي ؟؟ الحمدلله على السلامة ..
نورة: الله يسلمك دكتور .... بس أنا شفيني ؟؟
الدكتور: بعدنا ما خلصنا تحاليل يوم تطلع النتايج بنخبرج ....
نورة: انزين ليش أهلي برع ؟؟
الدكتور: لااا يبه تدرين الأم دووم تخاف على عيالها وتكبر السالفة ما فيج الا العافية ان شاء الله ...
شافتهم يطلعون برع وأهلها يمشون من جدام باب غرفتها ......كانت حاسة انها مريضة بمرض خطيـــــر ... و من زمان حاسة أصلا ً بس كانت مجرد شكوك لا أكثر ولا اقل ...
تمت تصيــــح .. وتحاول تخفي دموعها ..لقت العايلة كلها تجمعت في غرفتها وهي مب فاهمة شصاير .. كلهم يبتسمون بس في ويوههم نظرة حزن .....تبي تفهم كل شي ما تحب اللعب بالأعصاب ....
شوي ولا دشت أمها وهي ميته من الصياح ..والدكتور يهديها ...و أبوها كسته نظرة حزيـــــنه .... شكوكها تأكدت .... تتريا الدكتور يرمي هالقنبلة ..... يمكن الدنيا ابتسمت لها أخيرا ً و تحقق اللي تبيه !!!
الدكتور: لو سمحتوا ابي أكلم نورة على انفراد شوي ....
و لقت عمرها هي والدكتور في الغرفة العودة بروحهم ... ويحاول يشرح لها .... وهي تتماسك وما تصيح ...
الدكتور: للأسف يا نورة اكتشفنا انج مريضة وفي أخر مراحل المرض ... والأدوية اللي عطوج اياها ساهمت انه المرض يتطور أكثر .... عندج ورم في الدماغ .....
وقفت الدنيا فجأة ..... ما تشوف الا سواااااااااااد .. تسمع صوت الدكتور بس مب قادرة تركز .... تسمع اصوات الناس كلها في وقت وااحد .. أمها وخواتها ..عمتها ....مب فاهمة شي .. بس صياح و ناس تصارخ ...و دموووع وألم ..
الدكتور: نوووورة ... سامعتني شقول ؟؟ العلاج السبوع الياي يبدا ..عندج جلسة في 26 .......
نورة (حست انه وعت فجأة على الدنيا ....... ) لحظة شوي ..!! أنا ما أبي أي علاج ..
الدكتور: يا بنتي شو تقولين ؟؟
نورة: أنا ما بتعالج .. ما في فايدة .. صار المرض على الآخر و أي علاج بيسبب لي تعب أكثر ... خليني اعيش آخر فترة من عمري واعوض كل اللي راح ...
الدكتور: على العموم انتي قاصر و ما يصير تقررين بروحج .. نشوف أهلج و نقرر كلنا .....
طلع الدكتور وهي تمت قاعدة بروحها وتفكر ... ربيعاتها اللي ما بتشوفهم ..وعيال اختها اللي تموت فيهم .. والوقت اللي ضيعته بالحزن اللي تملكها وعاش فيها ...
بدت الناس تدخل غرفتها وهي تجاملهم بالغصب .. ما لها خلق تشوف أحد
لأنها فعلا ً مصدومة ومنهارة ... نفسيتها زفت وما احد حاسس فيها ..كله يحكي عن مآسيـــــه ... حتى أمها مب على بعضها .... لين ياه الدكتور وخبرهم انه يتركون نورة بروحها عشان ترتاح ...
ردت نورة لأفكارها وذكرياتها الحزينه .. ما تبي تفارق اللي تحبهم بس هذا قدرها ولازم ترضى فيه مهما كان .... مسكت فونها وتشوف الصور .. و تتذكر يوم كانوا طالعين المكان الفلاني .. ويوم استهبلوا على المس الفلانية ..كلها ذكريات كانت حزينة بس فجأة تحولت للأحلى أشياء صارت بحياتها ....كل النكد والزعل والكآبة ...فعلا ً وقتها ضاع على الفاضي
لفت على الساعه ةلقتها 3 الفير ...{ ويـــــــــــــه خذاني الوقت ..... } .... قامت صلت ركعتين تدعي فيهم رب العالمين انه يخفف عليها و يساعدها { يا رب لا تحرمني من عيال اختي ولا من كل اللي أحبهم ... ارجوك يا رب .. اغفرلي كل شي سويته .. وساعدني ..اللهم اني لا أسألك رد القضاء ولكن أسألك اللطف فيه .... } و ضاعت بين دموعها .. لأنه المرحلة الياية ما بتكون سهله أبدا ً !! ,,
::::::::::::::::::::::
ليلتها ما رقدت ... كله دمووع وصياح .... راسها بدى يعورها أكثر وأكثر ....فكرت تتراجع عن موقفها بموضوع العلاج .... و ترددت مليوم مرة قبل لا تقرر ... بس قرارها كان انه ما بتتعالج .. وما بترجع فيه أبــــــــــــد ..
أبوها و أمها وكل خواتها عارضوا قرارها ... بس ما سمحت لأحد يتدخل في قرارها ....
أبوها: نورة ما يصير عشان مصلحتج !!
نورة: يبه ما شي فايدة من العلاج ..الأدوية بتتعبني أكثر .... و انت تدري أنه حتى لو شفيت بس يرد المرض بعد سنه ولا سنتين ..
أمها: بس يا بنتي ....(و صارت تصيح )
نورة ( انهارت يوم تشوف امها تصيح ) : يمه هذا قدري ولازم ما نعترض عليه ..
أبوها: انزين والألم كيف بتستحملينه ؟؟
نورة:مسكنات !!
أبوها(يتنهد) : آآآآآآه يا بنتي ... خلااص انتي حرة باللي تبينه ....
:::::::::::::::::::::::
مرت عليهم الفترة هذي حزيــــنه وكئيبة ... ما احد راضي يعبر عن حزنه كله حامل الهم وراضي فيه ... الكل درى بالسالفة حتى ربيعاتها ...و طبعا ً زعلوا عليها وااااااااااايد .. كل فترة يتطمنون عليها .. وطبعا ً عارضوها في القرار بس هي كانت أقوى من الكل .. ظاهريا ً طبعا ً بس من الداخل كانت ضعيفه و مب قادرة تستحمل أي شي ...حتى كلام ما تتكلم وكله بروحها ... كل ما تقول مليت من الوحدة وتحاول تطلع وتشوف الدنيا تنصدم ..وتحس انها تشوف الدنيا لأول مرة ..و ترد لوحدتها مرة ثانية
{ ان قلت هانت خيب الوقت ظني ,,
و ان قلت زانت عاجلتني البلاوي }
\\//
المفروض انه شمووه بتسافر بعد 20 يوم و نورة كانت زعلانة ..لأنه شموه هي اللي تسليها كل يوم على المسن و بعدين بتبعد عنها شهر و ما تعودت انه ما تشوفها كل يوم و تسمع أخبارها ....ووعدتها انه تشوفها ويتلاقون .. وتعرف آخر الأخبار عن أسوم و تحاول تساعدها ...بس كالعادة لازم ينحط بدربها مليووون حفرة وحفرة .. عمرها ما تهنت بشي سوته .....
نورة: شمووه اليوم بنتلاقى في باسكن روبنز اللي مجابل بيتنا ..
شما: خلاص اوكي..بس أي ساعه ؟؟
نورة: على الخمس تقريبا ً ...ماشي ؟؟
شما: اوكيــــــك ..
و قعدت على النت لين صارت الساعه 5 الا ربع ...و على طوول قامت تلبس عشان تطلع قبل لا ايي سعيد من الدوام و يبدى التفلسف ماله ..... و قبل ما تطلع ب 3 دقايق ...سمعت صوت المفتاح ودرت انه سعيد دش البيت .....{ اوووووووووف يا ربي وقته هذا ؟؟؟؟ ...... خل أدق على شمووه واقولها ما بايي } ....
و تمت العشرين يوم على هالحال ..كل ما تبي تشوفها وحدة منهم يصير لها شي وما تقدر تطلع و ما يشوفون بعض آخر شي ....
كانت حاسة انه لو ماشفت شموووه الحين ما بتشوفها يوم ترد من السفر ...ما تدري ليش كان هالاحساس ممتليها كل ما كلمتها في الفون أو على النت ...
و ما تبيها تزعل منها لأنه ما قدرت تشوفها بس شو تسوي ؟؟
واليوم سفر شموووه .... ثنتينهم كانوا زعلانين لانه بيبعدون عن بعض شهر وأكثر شوي ...بس ما عليه أكيد بيتصلون فبعضهم ويتطمنون على بعض ..
[ قبل موعد سفرها بساعه دقت لها نورة .....]
نورة: والله يا شمووه ان سمعت انه فيج شي ولا مرضتي ولا شي لراويج ..
شمووه: هههههه ..خلاص ولا يهمج
نورة: وانتبهي على عمرج عدل ....
شمووه: وانتي بعد يالدبة ...بشتاق لج ..
نورة)دمعت) : وأنا أكثر ....يالله سلاااام ..
شموه:سلام ..
و سكرت عنها وهي شبه تصيح ... ومتأثرة .. ما تدري شو بتسوي لو ربيعاتها ابتعدوا عنها ...راسها بدى يعورها كعادته يوم تزعل أو تعصب ...... راحت و انسدحت على السرير .... واستسلمت لنوم عميق
//\\
و مرت فترة طويلـــــــــــة عليها وهي عايشة هالدنيا بالطول والعرض ... تطلع وتروح وتيي بس مب واايد .. يعني كانت تحاول انها تستانس ...أو تضيع وقت بلأحرى .. يعني كل اللي تبيه من هالدنيا انه تمر أيامها .. وغير جيه هي خلاص فقدت الأمل ...
كانت كل يوم تصلي قيام ليل وتدعي ربها عسى انه يستجيب لهــــــــا ....
و يفكها من سعيد لأنها تكرهه ...
الحزن و الكآبة كانوا محتلين مساحه كبيرة من حياتها و تعابير ويهها ...
حتى أهلها ملاحظين هالشي فقرروا انه يسوون لها مفاجأة ......
:::::::::::::
قامت ثاني يوم على صوت أمها اللي تقومها ......
نورة: يمه شفيج شصاير؟؟
أمها: قومي بنروح بيت خالتج ...
نورة: الحين ؟؟
أمها: اها ..يالله قومي بسرعه ...
نورة: يــــــــــــــــــــــــ ـــــس !!!
و قامت ركض عشان تغسل و تجهز أغراضها ....و فعلا ً ربع ساعه وكل شي كان جاهز .... و تلاقوا كلهم عند الباب و تحركوا صوب العين .....
و هم في الطريق ... والكل مستانس ..وحدة فيهم كان تفكيرها بعيـــــد شوي ... سرحت بذكرياتها مع المناطق اللي يمرون عليها كل شوي ......
{ ههههههههههه نورة شو تسويـــــــن ؟؟؟ كيفي أرقص !! ههااااااااااي يبيلج أحد يصورج الحين ههههههههههههه ... جب انتوا الثنتين والله لراويكم يعني انتوا ترقصون أحسن ؟؟..}
ردت لحاضرها بسبب دمعه حارة نزلت على خدودها ... أصعب شعور في العالم يوم نعرف بفراقنا لحد نحبه و تعلقنا فيه .... يلست تصور كل شي حواليها عشان تحتفظ بهالذكريات ...حست انها آخر مرة بتشوف هالمكان ......
و أخيرا ً و بعد ساعتين مروا طوااااال عليها وصلوا لبيت خالتها و نزلت ركض عشان توصل لدانه و ميرا بسرعه .... صارلها شهر ما شافتهم !!
نورة: دانووووووووه يالدبه اشتقت لج !!!!
دانه: هههههههه آآآآي عورتيني
ميرا: والله كلنا اشتقنالج (وحظنتها )
نورة: يالله بسرعه أبي اعرف آخر الأخبار
ميرا: توج وصلتي !! صبري لبعد الغدا بنيلس يلسة الحش بالناس
نورة: خلااااااص انزين ,,
و راحوا للغرفة و تموا يسولفون و حتى يوم جهز الغدا تغدوا في المطبخ بروحهم و كله ضحك وسوالف و يخوفون نورة باللحم (لأنها ما تاكله ) و ميرا بعد وياها و دانه تضحك عليهم ....
نورة: أقووووول انتي يالحماااارة بدال ما تخوفينا أكلي أحسنلج
دانه: لااا لاا تخافين علي انا باكل عقب ما تخلصون ...
نورة: لااا والله !! لاا حبيبتي بتقعدون معاي أبي اعرف كل شي يالله ما يخصني ....
نورة+دانه: الحمدلله شبعنا .... نورة: أما خالتي عليها اكل ..يهبــــــــــل !!
دانه: خخخخ صحتين ... انتي هي حتى طباخ أمج حلو ..
نورة: أدري !!
ميروه: انزين يالله خلونا نطلع الغرفة ..
دانه: صــــــــــــح ابي اعرف كل شي عن سالفة هذي البنت اللي بمدرستكم
ميرا: أي بنت ؟؟
دانه: تحيدين يوم سرنا عند نورة بروحنا ؟؟ شهر 3 على ما أعتقد
قالتلنا على سالفة بنية معجبة فيها في المدرسة
ميرا: هيـــــــــــه تذكرت ..(و شدتها من إيدها ) يالله بسرعه بعرف كل شي
وطلعوا كلهم فوق ..و بدت نورة تحكي لهم عن كل اللي صار وياها ....
.............
دانه: انزين ليش انتي ما كنتي تبينها ؟؟
نورة: الشغلة واضحة ..موزة قاعدة تلعب ..وأنا مليت من دور الضحية واللي ينلعب عليها خلاااااص
دانه: صح معاج حق ... مب حلوة يعني
ميرا: بعدين كل البنات بيقولون انج انتي اللي رحتي لها و ما أدري شوو ..و مب أي أحد تثقين فيه و مبين من حركاتها انها تلعب ......
نورة كانت سارحة ومصدومة من كلام ميرا !! ما توقعت انه ميرا عقلها كبير وتفهم ..يعني هي كانت تعاملها عادي و كانت مع دانه أكثر و سوالف و كل شي يقولون حق بعض بس ما توقعت انه ميراتكون جيـــــــه ,,
ميرا: حتى في بوية معجبة بدانه ...
نورة: حلفيــــــــــ !!!!
دانه: ههههههههه والله ..هي في صف ميرا
نورة: قولي شو صااااار ؟؟
دانه: لا يعني هي كانت تلمح و حركات تدرين كيف ..وابتسامات على صوب ...بس أنا عادي معاها
نورة: ليش حتى هي تلعب؟؟
دانه: أكيـــــــــــد !! و رسايلها و كل شي عندي بس نفس ما قلتلج ..عادي يعني !!
ميرا: حتى آخر يوم صارت تصيح و الكل يطالع فيها ....بعدين مسكتها من إيدها و ووديتها حق دانه خخخخخخخخخ
نورة: بوية وتصيح ؟؟
دانه: أصلا ً حركاتها مصطنعه .. وملامحها بريـــــئة وصغيرة بس تقعد تسوي حركات
نورة: اهاااااااا ......
::::::::::::::::::::
و قضوا كل اليوم وهم يسولفون و يضحكون و لعب ..مع انهم ما راحوا مكان بس فعلا ً كانت أكثر مرة استانسوا فيها !!
صارت الساعه 12 والكل راحوا يرقدون الا الثلاثي المرح ... نورة كانت تبي تعرف أكثر عن ميرا لأنها بالنسبة لها شي غامض وما تحب تتعامل مع الأشياء الغامضة ... بس ما تعرف كيف تسألها و لا تعرف عنها شي .....
قعدوا كلهم في المطبخ و بطلوا التلفزيون و تموا يشوفون أفلام ومسلسلات و طبعا ً ما سكتوا ولا دقيقة ..كله يتكلمون عن السكول والمسات والمواقف اللي كانت تصير و البنات و حركاتهم و بويات المدرســـــــة و هالأشياء
ميرا : نوورة بسوي أيس كريم تبين ؟؟
نورة: خخخخخخخ تعرفين وجعي انتي ...
دانه: أنا أبي سويلي بليـــــــــــز
ميرا: اوكي بسوي لكم اثنتين
نورة: ما أدري ليش يوم أشوفكم تنفتح نفسي وأتم أكل !!
دانه: كلنا يالحلوة ....
ميرا: هاج الصحن مالج ..(وعطت نورة ) ..
دانه: ثااانكس ميرووووه ....
نروة: وااااااو طعمها حلو !! ثاانكس ميرووووه
ميرا: ع راســـــــــــي
دانه: إيه ابن عمي .....
نورة: هههههههههههاااااااااااااا اااااييييييييي حلفوا بس !!
دانه: ههه نصور باب الحارة ..
نورة: أنا ماشفت الجزء الثالث.. سخيف ومغيرين الممثلين فاختصرت على عمري وما تابعته
و فجأة ,,
دانه: ويــــــــــــــــه !!
ميرا: شو فيج خرعتيني ؟؟
دانه: الساعه صارت 4 ..والله لو أحد قام الحين بيعلقنا من ريولنا !!
نوووورة : بســـــــرعه خل نطلع الغرفة ... يالله !!!
و طلعوا الغرفة ركــــــــــــــــــض ,,
ميرا (تنافخ): اوووووف ..افف تعبت !!
نورة : ااااه سكتي كلنا تعبنا ....
دانه: يالله تعالي نورة وحطي الفراش مالج ...
نورة: اوكي .. بعدها بروح بتوضى عشان اذن الفيــــــــــر ..
ميرا: انزين .. يالله بساعدج ..
[ و بعد ما خلصوا و صلت نورة ]
دانه: يالله الحين بدت السهرة ..
نورة: لاااا تعباااانه برقــــــــــد ..
ميرا: انزين بنسولف شوي ولا تعبتي رقدي ...
نورة: انزين ... المهم كملولي عن ربيعتكم الحقيرة ...
ميرا: اوكي .... شوفي ..أكثر من مرة مسوية لنا مشاكل ويا البنات وتنقل كلام و تستهبل علينا وتقول مب أنا ..حتى يوم دانه سألتها تحلف أيمان انه مب هي مع انه نحن ندري .................... (و تموا يسولفون )
نورة (تأشر حق ميرا) : ششششششششش !! ترا دانه ناااامت !!
ميرا: ههههههههه مب هي اللي قايلة ما برقد وما برقد خخخخخخخخخخ
نورة: ههههههه باجر بنقهرها ..المهم الحين ..أبي أعرف عنج انتي ..انتي صدق ما عندج حركات ولا تمثلين انه ما عندج حركااات ؟؟
ميرا: هههه شو هالسؤال ؟؟؟
نورة: هههههاااااااي ....والله العظيم ...ترا ما عمري سمعت انج سويتي شي ولا نفس حركات البنات ....طبيعية انتي نفسنا ؟؟!!
ميرا: لا انا ما عندي حركات .. ما أدري أحسها سخاافة وما منها فايدة ....
نورة: اوووكي .. غووووووود .. الحين عرفت كل شي .......المهم يالله رقدي ترا واايد تعباانه ....
ميرا: انزين .. يالله تصبحين على خيـــــــــر ....
//\\
ثاني يوم قامت نورة على صوت فونها ولا هو أبوها : هلااا يبه ..؟؟!!
أبوها: هلاا فيج .. أقول نورو يالله حبيبتي تجهزي بنرد البيت ...
نورة (حست باحباط) : امممم .. اوكي ...
وراحت بدون صوت لبست وجهزت أغراضها و حبت ميرا ودانه وهم راقدين و نزلت تحت ...
نورة :صباح الخيــــــــر ...
خالتهاوامها: هلا صباح النور ...
نورة: يمه كل شي جاهز ؟؟ لأنه شوي و أبوي بيي
خالتها: شفتي عااد ؟؟ معقولة تردون هالحزة ؟؟
أمها: لا يختي ما نبي نثقل عليكم .. خلاص شفناكم واطمنا عليكم ...
[ و دق فون نورة و عرفت انه أبوها] ..: يالله يبا نازلين ...
و لفت صوب خالتها وودعتها : يالله مع السلامه ..
خالتها: الله وياكم ....
نورة: اوعديني انه تيون عندنا ؟؟!
خالتها: ان شاء الله فديتج .....
أمها: يالله نشوفكم على خير ...
خالتها: الله وياكــــــــم ....
و ساروا فدربهم للبيت ,,
:::::::::::::::::::::::::::::
نورة كانت وايد زعلانه لأنها ما قعدت وايد معاهم و كان خاطرها تشوفهم أكثر بس يالله ما علـــــــــيه .. المهم انه كان يوم حلــــــــــو بحياتها ....
قطع عليها أفكارها صوت أمهاوهي تقول : من عيد ميلاده بعــــــــــد يومين ؟؟
نورة : أنــــــــــــــــــا !!
و تذكرت ( صح اليوم شمووه ترد من السفر !!!! وناســــــــــــــــه )
نورة: يمه ترا حنوون عازمتني على مطعم عشان تحتفل بعيد ميلادي ... وانتي بعد ويانا ...
أمها: والله .. أي مطعم؟؟
نورة: مطعم في سوق بين الجسرين ....
أمها: خلااص اوكي ...
و يوم وصلوا البيت تغدوا وراحوا أهلها يرقدون .. وتمت هي تطالع تلفزيون و تطرش مسجات لشموووه تشوفها وصلت ولا بعدها ....
شوي ولا تدق لها شمووووووه !!!
نورة طااااااااارت من الفرحة على طووول كلمتها ...: حياااااااااااااااااااتي !!!
شما: ههههههههههههه
نورة: اشتقت لج واااااااااااااايد !!
شما: والله وأنا أكثر ..شخبارج ؟؟
نورة: بخيــــــــر ..وانتي شو كانت سفرتج ؟؟
شما: روعه والله ..ونااسة بشكل مب طبيعي ...
نورة: الحمدلله ...
................. و تموا يسولفون فترة و بعدها نورة خلت شما عشان ترتاح ....
و هي بعد راحت وانسدحت علىسريرها ..... كان في براسها شي من زمان لازم تسويه .... مسكت فونها و دورت رقم هند وحمدة و مسحتهم .. للأبــــــــــــد !!!
صحيح انه رقم هند مستحيل تنساه ..بس هذي خطوة كبيـــــــــرة لها ....
يعني انها فعلا نستها ...
و في الليل يوم شبكت مسن ... و كلمت شمووووه قالت لها عن كل اللي صار .. وكيف انها مسحت رقمهم ..طبعا ً شما استغربت واااااااااايد بس استانست من قرارها و هنأتها على هالخطوة ......
في مشكلة الحين ..انه شما ما تعرف شي عن مكان اسوم.. ولا طرشت لها ايميل و شي عالمسن ..و صارت تضرب اخماس بأسداس و الأفكار توديها يمين و يسار ...
أكيد تركتها ولقت وحدة غيرها ..يمكن سافرت ... يمكن رد ت لطللوووول ....
أكيد حولت بنووتـــــــــه ..... اوووووووووووف !!!!!
ترا السالفة عووووووووودة و شمووه منهارة تقريبا ً و كل شوي تصيـــــح ..
نورة واايد عز عليها تشوف شما بهالحالة ..بس شو تسوي ..ما بيدها شي ..
حسبي الله على اللي كان السبب في عذابها بــــــس ....حسبي الله عليــــــــه ..
قامت نورة على الساعه ثمان الصبح وهي تطفي ألارم الموبايل .....
{ ليش ربطته على الساعه ثمان ؟؟ غريبــــه بالعادة أحطة وقت الصلاة }...
ردت انسدحت مرة ثاانية ....و تمت تفكر بأشياء وااااايد وناس وناس ...
بس فجأة قامت مرة وحدة و تذكرت ..... اليوم عيد ميلادها !!!!!
قامت من السرير ...ووقفت جدام الدريشة .....و سوت لحظة حداد على الأروا ح الضايعه نفس ما تسميها ....أو بالاحرى لحظة حدادعلى هالتاريج بالذات لنه يت فيها على هالدنيـــــــــا ..
و ردت رقدت مرة ثانيـــــــــــه ...
كانت تدري انه بيكون يوم نفسه نفس غيره يعني ما شي أي يديد هالسنة ... بس الحظ هالمرة حالفها لأول مرة بحياتها ...
و على الساعه 2 تقريبا ً راحت أمها قومتها عشان بيطلعون يتغدون برع على شرف نورة خخخخخخخ
و فعلا ً قامت ولبست وتجهزت ... كانت واايد فرحانه ما تدري ليـــــــش ..
راحوا لمطعم كانت تحبه واااايد ولهم فيه ذكريات حلوة من زماااااااان ..
كل ذكرى وعيد يقضونه في هالمكان بالذات ...
يلست عدال الدريشة في المطعم وتمت تطالع برع و تتذكر ... هني كنا يوم عيد الأضحى من سنتين .. ويوم عيد زواج امي وأبوي ... و يوم راس السنه ..
ياااااااااااه اشتقت لهالمكان واااااااايد ......
يت الويترس عشان يطلبون ..وبعد ما طلبوا وخلصوا
نورة: u know that today is my birthday ??
الويترس: really !!! happy birthday …
نورة: thnxxxx !!
وردت نورة تكلم أهلها وتصور أخوهاا ..حست انها بتفقد كل شي عن قريب ... وحست بالحزن ... هي كانت مصممة انها ما تذكر أي شي هاليوم ..لازم يكون يوم حلو على الاقل ....
شوي ولا تسمع صوت أغاني اعياد الميلاد ... و شافت كل الفلبينيين في المحل يايين وبايدينهم بالونات و شمعه ..
نورة : yeaaaaaaaaaaah !!!
الفلبينيين : happy birhdaaaaaay !!!
نورة: thank u !!
وولعوا لها الشمعه اليتيمة بولاعه ..و طفتها !!
كانت فعلا ً مستانسة وخذت البالونات وحطتهم عدالها ومنعت أي أحد يقرب صوبهــــــم ...
حست بشعور اللي يسوون له حفلة ..فعلا الواحد يكون مستانس ... صح انها ولا مرة بيكون لها حفلة خاصة فيها و تستانس بس ما عليه ...حتى لو الشياء اتيي متأخرة وناقصة في حياتها ..بس اتيي بالأخيــــــر !!
مرت فترة الغدا هادية ..يعني سوالف وضحك وهالأشياء بس الكل كان مشغول بعمره .. وأصوات المسجات اللي ما وقفت من أول ما قامت من النوم .. خالاتها و بنات خالتها وربيعاتها و خواتها ..... وناســـــــــــه !!
و بعد ما خلصوا الغدا قاموا عشان صار لازم يردون البيت ويلحقون على صلاة العصــــــر .. ونورة لازم تجهز عمرها حق طلعه الليل ...
ردوا البيت وهي دشت تسبحت بعد ما خاسوا فهالجو الروووعـــــــه ..على قولتها { حاسة عمري فباريــــــس } ..
دقت عليها ميرا وتمت تكلمها .... و خبرتها انه يبونها تروح لهم وتقعد عندهم كم يوم .... ووعدتها انه بتيي ان شاء الله ....
و يوم سكرت عنها ميرا ... طفت الليت ...و راحت حق زاويتها .. ويلست و تمت تقلب بالدفاتر ..... ما تدور على شي بس تبي تمحي إحساس الحزن اللي غامرها من ورآ ذكرى هاليوم ... من سنتين كانت تمضي هاليوم ويا هند .....وكانت تتجهز لشوفتها ..... تذكرت هديتها اللي رمتها فالزبالة بلحظة نسيان .... قامت ..ما تبي تتذكر أكثر ..أكيد هند الحين طالعه ولا مسافرة ولا تدري عن نورة أصلا ً ....شبكت مسن شوي ... تحاول تضيع وقت على ما ايي موعد طلعتهم مع خواتها اللي كانت متأكدة انها بتستانس فيها وااايد ....
وعلى الساعه 7:30 قومت أمها ولبست وكشخت وحطت شوية ميكب و تمت تتريا أمها على ما تجهز ....
وطلعوا باتجاه بين الجسرين .. كانوا اربعتهم في السيارة و طبعا ً سوالف وضحك .... و نورة كل شوي تنكت و يضحكون على خبالها ..بس الحقيقة انها ما كانت وايد مستانسة ..هالوقت من الليل يخليها تحس بكآبة ...وتذكرت يوم اللي خلصت فيه امتحانات وراحوا نفس هالمكان ..و تضخمت باحساسها بالوحدة ..هالاحساس اللي ينط لها كل ما نوت ولا فكرت تستانس شوي ....
وصلوا المطعم ويلسوا وطلبوا وكل شي كان تمام ... وفي واحد يشتغل بالمحل تم يطالع فيها ويتعمد ايي طاولتهم وهي تضحك عليـــــه ..ما بيتوبون عن هالحركات ...
طالعت الساعه ولقتها 11 تقريبا .. كانت زعلانه لأنه واحد من أحلى أيام حياتها قرب ينتهي ..وهي تدري انه ما بيتكرر ..هذا لو كانت وياهم السنه اليـــايه .... هالكلمة دمرتها من قبل ..وكل ما تتذكر تتدمر أكثر وأكثر ..لازم تنهي هالحزن اللي تسطر في صفحات حياتها بأي طريقة !!!
نرجع لشلة المرح ...راحوا تصوروا و ما خلوا مكان ولا شي ما تصوروا عنده ..حتى كلمة toilet صوروها ..
أمها: حنووون يالله تأخر الوقت ..بتتأخرين على بيتج
مريم: هيه والله حتى أنا لازم اسير البيت ..
نورة: عيل يالله مشينا .....
وردوا البيت وهم مستانسين واايد من طلعتهم ...وودعت أحلى ذكرى ميلاد مرت عليها ....
\\//
على الساعه 1:30 تقريبا ً لقت فونها يدق برنـــــــــــه ميرا ودانه ..وعلى طووووول ردت : هااااااااااااااي !!!!
ميرا: هلاا والله ,,,
نورة: اشتقت لج دبوووووووووه
ميرا: خخخخخخ وأنا أكثر ,,المهم كيف كان يومج
نورة: نايس والله ..الحمدلله
ميرا: زين ..باجر بتيين لنا اوكي
نورة: هااااااااا ؟؟ شو باجر ..؟؟
ميرا: لااا بس كلمي أهلج و ما عليـــــــج إنتي ..
نورة: خلاص بشوف ...
ميرا: انزين ياالله طيري قاعدة أشوف فلم
نورة: مااااااااااااااالت !! يالله سيري ..
ميرا: باااااي
وطيرااااااااااان لعند اأمهاااا
نورة: يمه ميرووه تقولي اروح لهم بااجر عشان أرقد هناك كم يووووم
أمها: ما أدري ..شوفي ابووج
و طيران مرة ثانية حق أبوها : يبه يبه ..ميروه دقت علي وقالت لي اروح لهم باجر ..و بنرقد كم يوووووم ...
ابوها: انتي ومن ؟؟
نورة: أنا وعلي ..
ابوها: (سكت شوي ) ما أدري شوفي امج ...
نورة: يبه توني قلت لها !!
ما رد عليها ورجع للأخبار .....
نورة تكلم علي : شفت كيف ..لازم ما يردون فورا ً ...أووووووف !!!
علي :(بصوت واطي ) يالله عااااااااد نروح ولا ما نرووووح
نورة : اصبر برد أسأله ..... (ولفت على أبوها ) ها يبه نروح ولا ؟؟
أبوها (تنهد ) : اوكي رووحوا ... باجر بوصلكم
نورة : ثااانكس يبـــــــــــــــــــه !!!
و ركض هي وعلي على الغرفــــــــــــة ... وعل طوووول كلمت ميرا و قالتلها انهم باجر بييون ..عشان علي بعد بيقعد مع منصور إخو ميرا ودانه
ثاني يوم على الساعه 4 تقريبا ً كانوا مجهزين كل شي و يتريون أبوهم على ما يحمي السيارة واييبها تحت البيت على طول ..ثنينهم كانوا مستانسين لانه بيغيرون جو على الاقل ... و القعدة مع ميرا ودانه ما تتفوت بصرااحـــــــــــــــه !!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك