رواية تحياتي لمن دمر حياتي -11
صكت الخط و هي تفكر باللي سمعته ... طبعا نورة فهمت كل شي و عرفت شو الأشياء بس كانت تستهبل عليها تبيها هي تقولها .... صدمها اللي قالته .. لهالدرجة تبي تفتك منها ؟؟ مسكت تلفونها ... شدت عليه أكثر .... ضمته لقلبها و صااحت ,,,,هذا هو الشي الوحيد اللي يربطها فيها الحين ... كم مليووون مرة قالت انه لازم ما تتصل فيها ولا تزعجها .. بس يا ليت تقدر .. ما يمر شهر الا وهي داقة عليها ولا مطرشة مسج ...
:::::::::::::
اليوم اللي بعده كان مأساوي ..ليش يا ترى ؟؟!!! خلونا نشوف ,,
قامت من الرقاد وهي مالها خلق .. بعدها متأثرة من دوامة الحزن اللي صارت البارحة ..
عدلت بشعرها حسب الستايل اليديد .. حطت شباصات صغيرة حمرا و سودا بشعرها و حملت الشنطة وطلعت من الباب ...
وصلت للمدرسة وهي بعدها ضاربة بووووز طويل عريض ..أبد مب بالموود و ما تبي تكلم أحد ولا تشوف أحد ..دخلت و سلمت على فطوم و يلست مكانها بهدوووووء ....
كل اللي تفكر فيه هو هند .. ليش سوت جيه ؟؟ ليش هدتها بالأصل ؟؟ مليوم سؤال يدور براسها و بعدها ما لقت جواب .. فطوم لاحظت انه نورة مب طبيعية بس ما تكلمت لأنها كانت مشغولة بالمذاكرة لانهم ما يلحقون يخلصون شي في البيت ..
مرت الحصص الخايسة حصة ورا حصة .. عهود ضحكتها شوي الصبح و تعدل مزاجها و تمت نورة تطالع بعهود نظرات حب و هيام و تستهبل عليها و هذيك تتنرفز و تصارخ عليها ..و هي ميته ضحك ..
خلصت الحصص وصار وقت البريك .. نزلت نورة تتمشى بس شرطت عليهم ما يمشون بالنص لنه زحمة وينات و بويات و نورة ما تحب الزحمة والأصوات ..
تموا يتمشون على الطرف بس نورة بعيونها تدور موزة لو داومت ولا لأ ..و شافتها تمشي هي و عايشة و عاطيه نورة طااف على كيف كيفكم ..
حبت نورة تغير جو الكآبة خصوصا ً انه الكل مكتأب و مب طايقين أعمارهم
فمسحت بعيونها الساحه مسحة سريعه و حددت مكان عهود و راحت هي والبنات لها ..و تمت تطالعها و تعطيها بوسات على الطاير ..
عهود: بسج خلاص !!!
نورة : كيفي كيفي ما يخصج !!
و راحت عندها و يلست تسوي حركات بشعرها و تقول : هاي عهوودي ..شخبااارج ؟؟(وتتدلع )
رفعت عيونها و التقت بعيون وحدة .. أكيد عرفتوا مين ...موزة طبعا .. و طالعتها بنظرات (تدرون كيف )
نورة شالت بعضها و مشت هي والبنات ... و بعدوا شوي بس فطوم انتبهت انه موزة وراهم ...قربت عليهم واااااايد بعدين لفت من مكان ثااااني ...
نورة : افففف ..زين انها راحت ..
فطوم: أخيرا شافت حركات الدلع !!(تحرك بحواجبها )
نورة : ماااااااالت عليج !! والله مب قصدي
منووه: ندري ,,بس سكتي يالله ..
فطوم: نورة تذكرت ..!!! بروح حق مس الآي تي ..
نورة : تعالي يالله
راحوا لمس و فطوم خلصت اللي تبيه منها و يت بتروح ولا المس تنادي نورة ....
المس: نورة تعالي بكلمج ...
و طردت كل البنات من الصف و صكت الباب ..
المس: نورة البنات قالولي عن اللي سويتوه بالامتحان يوم طلعت ..و قالوا انج مغيره حق وحدة من البنات
نورة (ويهها احمــــــــــــــــــــــ ـــــــر ) لا مس ما غيرت .. أنا بس قلت لها تشل الزيادة
المس: انتي ليش كلمتيها اصلا ؟؟؟ تدرين أنا وايد مصدومة وزعلانه ..
نورة : سوري مس ..
المس: لاا مب بس منج .. من الكل ..ما توقعت ... بس انا الحق علي ..
نورة ساكته ما قالت ولا كلمة ......
المس: خلاص تقدرين تروحين ....
طلعت نورة من الغرفة وهي قالبة ويهها و معصبه .. ما توقعت انه البنات اطفال لي هالدرجة !!!!
راحت و خبرت فطوم كل شي و تمت ترمس البنات و يتساءلون بينهم و بين بعض و اعرفوا منو اللي قايلة ...
كانت فعلا صدمة !! لأنه البنت نفسها مغيرة شغلات عندها وعند البنات !!!
تمت كل اليوم ما ترمس احد و تطالع بالبنية نظرات حقااااااااااااااااااااااا ااااااااااارة لين آخر الدوام .. سبحان الله اليوم من اوله لآخره نكــــــــــــــد !!!!
\\//
بنفس اليوم ردت البيت و رقدت لأنه أعصابها كانت منهارة ... ما تدري ليش تنصدم بكل شي .. وكل الناس اللي تحسبهم اوكي و تثق فيهم يسوون البلاوي !!!
صح انها كانت متضاربة ويا البنية بس نورة نست كل شي وعاملتها عادي ... لحظة .. هي مخبرة على وايد بنات مب بس عليها ..يعني الشي مب شخصي ..
رمت الأفكار كلها عن راسها ,, راحت كلمت شما شوي اللي خذت عنها آخر المستجدات خبرتها انه بتروح الحفلة ... و قعدوا ينسقون لبسها وجيه ...
ويوم صكت عنها كانت الساعه 8:30 .. لازم تفتح كتابها شوي لنه باجر عليهم رياضيات و أكيد المس يتسوي لهم كويز ولا شي كالعادة ....
ثاني يوم الصبح قامت من الرقاد و كالعادة يلست نص ساعه تعدل بشعرها و هالأشياء .... بس تبي موزة تعرف انها من يومها كشخه و تهتم بعمرها .. و قررت تكمل مقرر التنطيش اللي كانت حاطته براسها ... طلعت من غرفتها وهي ماسكة شنطتها وخلاص بتروح المدرسة ... و صادفت اخوها سعيد عند الباب ...
سعيد : صبااحج نوورة
نورة : هلا ....
و مشت عنه لأنه فعلا خانقها ..(الله ياخذك ... أخيس شوفة على هالصبح ) ..
دشت المدرسة الصبح و شافت الشلة قاعدة عدال المقصف فراحت ورمت الشنطة و ردت لهم على طووول ..
أماني : هلاااا نوااااارة .. نورتي الحته والله
منووه: اشتقت لج يالدبه تدرين
نوره : هههههههه فديتني والله
فطوم: نورة محلوة اليوم تدرين ؟؟
نوره: حبيبتي والله .. تسلمين ...
شافت البنت الحقيرة اللي مخبرة عنهم و عطتها نظرة خلتها تكره عمرها ..
فطوم: كليتي البنت !!
نورة : الحقيرة .. والله لو حطيتها براسي بخليها تندم على اليوم اللي انولدت فيه .
و في هالأثناء دشت موزة وسارة وراها ..
نورة لمحتها بطرف عينها لأنها اصلا لها مشية مميزة (برووووود و مشية ووحدة مب مهتمة بحد جدامها ولا شايفه احد أصلا )
نورة : فطوم يسارج يسارج شوفيلي لو طالعت...
فطوم: امممم ... لفت راسها بسرعه ما لحقت أشووف ..
نورة : اوكيـــــــــــــك ..ثاانكس فطيم
بعدها بشوي الكل كان ساكت و اماني و منووه راحوا فتمت نورة تطالع بالساحه و يلست تشوف البنات ... ولا تلمح سارة و عايشة يالسين مجابلها و سارة تطالعها ...
لفت راسها و كلمت فطوم و قالتلها عن سارة و عايشة ..... كانت مستغربة لأنه موزة مب معاهم بس قالت يمكن بالصف ..ولأنه عدالهم في عمود فما كانت شايفة عدل ... و تمت على هالقعدة فترة و هي مب قادرة تشوف و ما تبي تطالع بطريقة واضحة !!! وصت فطوم انه تشوفلها شو السالفة و ليش تطالع ..... وحتى فطوم ما قدرت تشوف شي ..راحت نورة و عدلت يلستها شوي ولا تشوف على الطرف الثاني فيه موووزة عدالهم !!!!!!!
نورة ويهها احمر لأنه طلعت موزة يالسة بويهها !!!!!! أبدا ما توقعت انه تسوي هالحركة .. انصدمت بس بنفس الوقت استانست على الحركة يعني هي في الآخر بنت و البنات يموتون عل الاهتمام !!... لفت نورة ويهها بعد اهتمام و سوت عمرها ما شافت شي ...
يوم قاموا و بعدوا شوي عنهم صارت تناقز و تقول: فطووووووووم فطوووووم شفتي شسوت !!!!!!!!
فطوم: هههههههههههههه خبلوووو بسج !!
نورة : والله اني ما اتوهم هالمرة .. والله انه صج !!!
فطوم: ههههههههه أدري حتى أنا شفت ....
مرت الحصص ..حصة ورا الثانية .... يوم الخميس والحصص تغث فعلا بس يالله لازم يتملون ما بايدينهم شي ..
حصة الرياضيات كان الكل يكرهها ..مع انه المس تضحك و جيه بس ملل من الخااااطر !!
نورة كل شوي تدعي ربها انه الحصة تخلص و فطوم شبه رااقدة على الكرسي .. و عهود مسكينه تسمع صراخ المس لأنها يالسة أول وحدة ...
اخيرا ياه الفرج و طلعت المس برع ...يت عهود ركـــــــــــض : حرمــــــــــــت أيلس أول وحدة .. راسي عورني من صوتها !!!
فطوم: ههههههههههههههههههههههههه هههههههههههههه
نورة : الله يعينج والله ...اقوول فطيم يالله بننزل ..باااي عهوود
عهود : أنا بعد رايحة حق الربع ..
نورة : يالله عيل ننزل كلنا ويا بعض
نزلوا ولقوا منووه بالدرب و أماني يت وياهم .... كل الفسحة قعدوا يتمشون و يستهبلون على أماني اللي تذاكر ... لاحظت نورة انه موزة تروح و ترد من جدامهم أكثر من مرة ... بس ما عطت فيس و كملت ويا ربيعاتها عادي ...
بعد شوي مسكت فطوم و شدتها صوبها وقالت : شفتي اللي انا شفته ...؟؟
فطوم: واااضح هالمرة ..
أماني : بسكم يا خي ما درست شي !!!
نورة :أماني خلاص يكفي ..يكفي ..يكفي (يلست تحن فوق راسها ) و تمت تحن و هم بعدهم ماشيين و بالصدفه ( يا محاسن الصدف) كانوا شلتنا وشلة موزة مجابل بعضهم .. فنورة اتعمدت تحط عينها بكتاب اماني و تمت تحن فوق راسها ( يعني تصرف الموقف بس ) ..و أماني طالعت في موزة و لحقتها بعيونها لين مرت عنهم ..
نورة :( تعرف شصار بس تبي تتأكد) شو فيج ؟؟
أماني : تطالع !!!
نورة : هههههههه خليها شو تبين فيها ؟؟
فطوم: أقول تعالوا نمشي شوي في النص على ما يدق الجرس ...
الكل: اوكي ..
ور احوا وراها ...
تمشوا شوي بس نورة ما قدرت تصبر على ما تقول حق روضوو عن اللي صار (هي كانت تبيها تقولها كل شي بالتفاصيل لأنها تبي نورة تلعب على موزة لأنها قاهرتها من زمااااااان)
راحت بسرعه وقالت حق فطوم: أنا بروح شوي ..لو دق الجرس واتأخرت عن الحصة قولي اني عند النيرس ..
فطوم: خلاص صار ..
راحت ركض حق روضة اللي كانت عدال الصف و خذتها و مشت وياها شوي ..
نورة :روضة سوري لأني أزعجتج بس لازم أقولج الحين ..
روضة : أنا كلي لج حبيبتي ..
نورة : فديتج .. أحلى ياللي تغازلوووون !!!
روضة : هههههههههههههههههههه,,,,, حلوة منج ..يالله قولي شصار ؟؟
نورة : الموضوع ما خلص بالنسبة لموزة لنها سوت واايد أشياء اليوم و حتى قبل فترة ..
روضة : انزين ..أنا حسيت انها تطالع بس ما كنت متأكدة ..
نورة : الحين الحركات واضحة
روضة : أنا أبيج تسوين شي ..طالعي بعيونها ..اضربي فيها مثلا و قولي سوري بصوت واطي ,,يعني .....
نورة : ما اقدر مستحيل
روضة : والله بقطج من الدريشة ..الا تقدرين وغصبا عنج بتقدرين ..
روحي صفها مثلا و يلسي على الديسك مالها و لو يت قومي و بدلع قولي سووووري ..!!! أو اووووبس ..اي شي
نورة : لاا ..أنا عندي فكرة أحسن .. الحركة اللي تقولين عليها بتبين مقصودة ..أنا بروح واوقف جدام صف نيود .. و بس .. هي ما بتعرف أنا واقفه عشانها ولا عشان نيود ... بلعب بأعصابها شوي ..
روضة : خلاص اوكي .. فكرتج أحسن
نورة : بس صبري على كم يوم اوكي ...مب من اولها ..
روضة : ان شاء الله ..يالله حبي بوصلج الصف عشان لا اتأخرين
و راحوا ويا بعض حق صف نورة ..
و في الصف قالت كل شي حق فطوم بس خبرتها انه مب يوم الأحد بتنفذ الخطة.. بتنطر عليها كم يووووم ..تلعب باعصابها بس ..
وقت الرواح كانت نورة واقفة على الباب اللي يطلعون منه البنات وتتريا ربيعاتها .. فشافت شلة الأنس (موزة و سارة و عايشة ) و هم يمشون و في معهم وحدة رابعه بس ما كانت مبينه عدل ..نورة كانت تطالع بالفيس وجدام الكل فالتقت عينها بعين سارة (برج المراقبه ) وابتسمت نورة .. و لفت ويهها .. بعدها بشوي اتضحت الصورة شوي .. البنت الرابعه هي وحدة في صف موزة اسمها أمل ..كانت موزة شابكة ايدها بايدين أمل و تمشي جدام البنات .. السالفة وااااااااااضحة !! تبي تقهر نورة .. بس نورة كانت أذكى و تداركت الموقف و لفت ويهها على طووووووول .. و مشت هي و ربيعاتها ...
ردت البيت وهي روحها قربت تطلع ..عليهم ضغط مب طبيعي بس خلاص باجي بس أسبوع على المدرسة و عقب إجازة الامتحانات ...و حركة موزة اللي قهرتها صح !!!!! والله مب حاله ..
المفروض انه تطلع شوي وتغير جو بس للأسف ما احد قادر يستوعب هالشي ..نورة طول عمرها تحت ضغط و تعودت على هالشي ..بس الانسان عنده طاقه تحمل و ينفجر عقبها ...
درست كل اللي عليها و خلصت كل شي وخلت الفيزياء حق بعدين ..أصلا هي دارسة من الاسبوع اللي طاف .. الله يعينهم الأحد عندهم امتحان فيزياء ..ولازم هالمرة اتييب علامة كاملة لأنها فعلا تدرس من قلب ...
بالصدفة رن تلفونها و كانت أختها عالخط :هاااي نووووري
نورة : هلا والله
مريم: شخبااااااااار ؟؟
نورة : تمام والله ..وانتي ؟
مريم: تمام .. أقول شرايج نطلع باجر ؟؟
نورة : ما اقدر عندي امتحان الأحد
مريم: يالله عاااااااااااد ما بيصير فيج شي لو طلعتي
نورة : اوووووووف ....والله ما أقدر
مريم: ما يخصني
نورة :خلاص اوكي .. على الخمس اوكي ؟
مريم: انزين .. بمرج أنا او حنون ..
نورة : ان شاء الله ..باااااي
ردت حق الكتب ولا شمووه تدق لها ....
ردت عليها ,,
نورة: ألوووووووو
شما : نواارة ....(بصوت حزين)
نورة : شما شفيج ؟؟؟؟؟؟؟
شما: تهاوشت ويا أسووم و ما بروح الحفلة ..
نورة : ليش شصار ؟؟
نورة : كانت حاطة توبيك(فديت دلوول) فسألتها منو دلوول و قالت انها وحدة تعرفها
نورة : و بعدين ..
شما: قلت لها انا رايحة و طلعت من المسن (و صارت تصيح)
نورة : شموووه ..شما بسج حبيبتي ..بليز ..عشاني لا تصيحين ..
شما: خلاص (شهقت ) بس أنا تعبت يا نورة ..
نورة : أدري تعبتي ..كلنا تعبانين ..خليها على الله ..
شما: سوري لأني ازعجتج ..
نورة: ما فيها ازعاج حبي ..
شما: فديتج .. يالله انا بروح ..باااي
نورة : باااي
فعلا مسكينه .. كل وحدة فيهم حظها أخيس عن الثانية ...بس شو يسوون ..هذا النصيب
:::::::::::::::::::::::
ثاني يوم على الخمس بالضبط كان جاهزة ومخلصة كل شي فمرتها مريوم وراحوا على واحد من هالمولات ولحقتهم حنون بعد
و قضوها شوبينج .. و هم واقفين في واحد من المحلات .. نورة كانت تنطر خواتها على ما يخلصون فواقفة على صوب و ترمس عهوود اللي خلتها تكلم نص بنات اعمامها و نورة مستانسة عليهم واايد كيووت .. و فجأة شافت جدامها منظر خلاها تموت ضحك ...
3 بويات صغار نوعا ً ما واقفين و يشوفون لهم لبس .. و الجينزات و الكونفرس و شعر قصير هالحركات كلها تحت العبي ...
وقفت وحدة منهم تشوف جينز و نورة متابعه معاها بكل جوارحها ..يوم قرب عليها اللي يشتغل و سألها : فيني أسااعدك ؟؟؟
طالعت فيه بكل حقارة و لفت عنه و كملت اللي تسويه ..
اهني نوورة ماتت ضحك عليه ...ضحكت لين قالت بس !!! حركتها فشلته من الخااااااااطر و هو ما سوى شي الا انه ابتسم و راح ....
خلصوا خواتها و ركبوا في السيارة عشان يرورحون وهي كل ما تتذكر اللي صار ترد تضحك من أول و يديد بس بدون لا احد يحس عليها ...
يوم ردت البيت .. غيرت ثيابها و قاست الغراض والثياب اليديدة اللي شاريتهم ..
و تروح واتيي وتتمشى في الغرفة ...بعديت تذكرت شي مهم .. لازم تتدرب على تعابير ويهها والنظرة اللي لازم تكون يوم تطالع موزة ..
يلست أكثر من ساعتين وهي تجرب وتحاول لين ما أخيرا ً ظبطت معاها ...
و تأكدت من انها أتقنت الحركة خلاص ..راحت عشان تكمل المذاكرة لأنها تدري باجر ما بتلحق ...
:::::::::::::::::::::::::::::::
دشت صفها الصبح وهي ميته من التعب ... ما كانت تبي تداوم بس الامتحان واايد مهم ولازم تحضر الحصة اليوم ... أول ما حطت شنطتها دخلت عليهم منى و اقترحت انه يروحون عدال المقصف و يذاكرون هناك ...
نزلوا تحت و قعدوا على الكرسي اللي من حسن حظهم كان فاضي ..
منوه: انتوا الثنتين ..ما أبي أسمع ولا كلمة ..بذاكر
نورة : ان شاء الله عمتي منوووه
و قعدوا في فترة صمت كلهم يذاكرون و يحاولون يفكون هالطلاسم اللي جدامهم ...
و لا مرة وحدة نورة تصارخ : ياااا خي شو هااااااااااا ؟؟؟؟ أحد منكم فاهم شي ؟؟
منوه: لأ !!
نورة :ولا أنا
منوه: يا ليت أفهم ربع اللي انتي فاهمته و بنجح
نورة : ههههههههههه من قص عليج وقالج اني فاهمة ؟؟
فطوم: جب خلوني أركز ,,
نورة : خلاص سكتنا ...
و كملوا المهمة المستحيله ماااااالتهم ..و يوم نورة اقتنعت انه خلاص ما في فايدة لأنها درست مليوووووووون مرة ..راحت رمت الكتاب عدال فطوم و تمت يالسة ساكته ...
شوي ولا شله الأنس داشة ومعاهم مي بعد ... نورة حطت راسها في الأرض .. حاولت تطالع أكثر من مرة بس ما قدرت ... نزلت راسها و قالت في نفسها ( يالله شوي و بتروح صفها)
مرت فترة وهي منزلة راسها وساكته .. مع انها كانت تطالع بطرف عينها و تدري انه موزة تطالعها ..( المفروض تكون الحين راحت ) فرفعت نورة راسها ولقتها بعدها تمشي شوي شوي و تطالع فيها !!!! فشلـــــــــــــــــــــه !!! ردت و لفت ويهها صوب فطوم على ما تطلع الدري و تروح صفها الإخت ..
تريت نورة شوي و لفت تشوفها موجودة ولا راحت ..لقتها واقفة عند الدري و تطالع فيها من تحت لي تحت ...... و طلعت شوي شوي و نورة عينها عليها و يوم يت تلف التقت عينها بعيون نورة !!! و شافتها تطالعها ..... نورة ويهها تلون بألوان الطيف من الفشلة ..صارلها 3 أسابيع تثقل عليها و ما أدري شو وبالأخير شافتها تطالعها !!!!!!!!!!
نورة : سمعوا بروح شوي للصف اوكي ؟؟
فطوم و منووه هزوا براسهم انه اوكي ..
شالت بعضها و راحت للصف بروحها ... و هي مب قادرة تشل اللي صار من راسها .. الحين بتحسب انها قاطة عمرها عليها و هي اصلا ما تبيها .. كلهم نفس الشي ..باختلاف الأشكال والأطباع بس بهالشي كلهم متفقين .. ما يصدقون يشوفون بنية طالعتهم و يغترون بعمرهم ... بس نورة كانت مصرة تجيب راسها لو شو ما صار ... و بتنفذ عن قريـــــــــــب ....
في الحصة الثانية ....
فطوم كتبت شي بالدفتر حق نورة و حطته عندها ...و كان مكتوب فيه : ( نواري يوم مس الانجلش تطلع اركضي و خلنا نوصل لها الأغراض اوكي )
هزت لها براسها ..و ما مر شوية وقت حتى رن الجرس و حسب الاتفاق نطت ورة بسرعــــــــــــــــه و خذت أغراض المس و قالت : مس أوديهم الغرفة ؟؟؟
المس: ايه ..شكرا ً نورة
نورة : فطوم تعالي شلي وياي ...
و حملت كل وحدة فيهم شي و راحوا الغرفة .. و في الطريق صار بينهم الحوارالتالي ...
فطوم: نورة بسألج سؤال بس لا تزعلين اوكي ؟؟
نورة : أكيد ..
فطوم: انتي ليش دوم ما تقولين اللي تحسين فيه ؟؟
نورة : كيف يعني ؟؟
فطوم: يعني انتي تبين موزة بس تقولين العكس ..وتقولين انج ما تحبينها
نورة: انا ما ابي موزة لأنها موزة ..ابي اهتمام وحركات وأكشنات بس ..
فطوم: يعني للحين ما حبيتيها ؟؟
نورة: نووو .. هذي أول مرة تصير ... بالعادة أنا على طول أحب اللي يهتم فيني ..
فطوم: انزين شو اللي فرق هالمرة يعني ؟؟
نورة : لأنه قلبي ويا حد ثاني ...
فطوم: اها ...
حطوا الأغراض وردوا الصف استعداداً للنكد مرة ثانية ..
في الفسحة نزلوا البنات تحت و نورة كانت تدور موزة كالعادة بس ما كانت موجودة (تعرفون ليش طبعا ) يعني تلعب بأعصاب نورة لا أكثر ولا أقل (كالعادة )
نورة كانت مصرة تنفذ خطتها ..تعنت وخططت على الفاضي .. طبعا لأ .. بس كانت تتريا تشوف التغيرات اللي صايرة بسبب اللي صار الصبح .. وطبعا اللي كانت حاسة فيه صار .. نزلت موزة على آخر 5 دقايق و هي مب عاطية فيس ..
نورة مسكت فطوم و راحوا يتمشون بعيد ....
فطوم: شفيها موزة مب عاطية فيس ؟؟
نورة: لأنه اليوم شافتني أطالعها و خلاص ...الحين هي تحسب عمرها شي ..بس انا حلفت لأجيب راسها و بنفذ !!!! باجر ان شاء الله بنوقف عند صف هجور و بسوي اللي قلت لج عليه
اليوم كمل عادي .. يعني حصص ودراسة وبس ..
::::::::::::::::::::::::::
اليوم اللي بعده غير أحداث القصة واايد ..أكيد خاطركم تعرفون ليش ...
تعالوا نشوف ...
كانوا البنات في الصف و نورة تعدل عمرها و تحط عطر و فطوم واقفة تترياها عشان ينزلون .. ولا فجأة تدش هجوور ...نورة من شافتها ضحكت ..
هجور: ليش تضحكين ؟؟
نورة : لانج خربتي كل الخطة ..
فطوم: بس عادي ناخذها ونروح كلنا ..
مرت عليهم منووه بعد و نزلوا كلهم ...
هاجر : بالله قولولي شصاير ؟؟؟
منووه: شوي بتعرفين
نورة : بنوقف عند صفج بس ..
هاجر: اوكي .. بحاول أصدق انه بس وقفة
نورة : ههههههههههه هالبنت ما ينضحك عليها ..شوفي انا بتريا موزة بس ..بشوف شو ردة الفعل
بالفعل وقفوا و تموا يسولفون .. و بعد شوي لاحظت نورة انه الكل سكت !! و يطالعون وراها ..
فطوم: بنات وسعوا حق البنت ..
كانت مريم واقفة و تبيهم يسوعون لها مكان تدش ..
و يوم دشت بدا الصراخ و التموا البنات عليها ..
نورة : شصاير ؟؟
هاجر: صارلها اسبوع غايبة كانت في العمرة ..
من سمعوا كلمة عمرة مااااااااااااااااتوا ضحك عليها
نورة : ههههههههههههههه هذي أشكال عمرة ؟؟؟ ههههههههههه
هاجر: حرام عليكم البنية زينه
منوه: ما نقصد انها مب زينه بس بوية كيف تروح عمرة ؟؟
لاحظوا انه مريم تطالع فيهم نظرة تعجب ..نفس اللي يشوف احد لأول مرة ..يمكن لأنها شافتهم كيووووت و دمهم خفيف ....
فجأة نورة لمحت خيال موزة ,,, على طوول سكتت .. وهي اللي أصرت انهم يسولفون وجيه عادي يعني بس سكتت والكل سكت معاها
موزة وقفت تتريا سارة وعقب مشوا بدون ما تلف ولا تقول شي ..
نورة من داخلها ولعـــــــــــــــــت بس تمت ماسكة أعصابها ....
هي من النوع اللي يوم أحد يطنشها تشله من راسها فورا !! و شكلها بتشل موزة من راسها ....
لفت على فطوم وقالت : في ناس ناوية على خراب عشها !!!
فطوم: امممممممم والله ما احد يدري .. انا مب فاهمة شي أصلا !
نزلت نورة بكل خيبه أمـــــــــل .. يالله !! بعد في عندها أمل ؟؟ اللي مر عليه الأشياء اللي شافتها نورة كانت بيموت من زمااااااااااااااااااااان ...
مرت حصة ,,حصتين ... و خلصت الثالثة ... نورة كانت محبطة لدرجة انها ما كانت تبي تنزل ويا البنات ..بس أصروا انها اتيي معاهم ...
حطت أحزانها على جنب ..ولبست واحد من اٌلأقنعة اللي صارت ما تفارقها ..من يوم ما راحت هند وهي متغيرة ..ردت لورا مليوووووووون خطوة بفراقها عن هند
{ غيرتني ما عدت أنا ,,
بين على وجهي العنا ,,
و صارت تعابية الحزن تمحي تعابير الهنآ ,, }
لفوا البنات شوي في الساحه و خذوا لهم ماي ..طلعوا عشان يمرون على عنودي صارلهم زمان مب شايفينها ..بس حلفتهم ما يدشون الصف عندها لأنها خافت موزة تكون هناك ....
مروا الصفوف كلها يدورون بس ما لقوا احد .. لفت نظرهم مس عايشة و خلود .. كانوا عند موزة وسارة و عايشة في الصف ... و يالسين يسولفون و يضحكون ... و شلتنا راحت عند أول الممر ووقفوا هناك .. شوي ولا المس و خلود طالعين و صار لازم شلتنا بعد يمشون لأنه الجرس دق ... مروا من عدال صف موزة بس نورة اتعمدت تلف ويهها بعيد ... و هم يمرون لقوا موزة واقفة عدال الباب و يوم مروا صكت الباب بويههم بقوة ....
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هالحركة كانت القاضية !!! نورة عندها كل شي ولا احد يقلل من احترامها !!! كل شي ولا يقللون من احترامها ..
دقيقتين و موزة كانت برع حيااة نورة وتفكيرها ..لأنه نورة لا شلت الحد من راسها ما في غير الله وهي يقدرون يغيرون هالفكرة ...
مر باقي الوقت عادي .. ما تكلمت في السالفة بس خبرت فطوم انه موزة خلاص صارت بره تفكيرها الحين .. و السبب كان معروف لأنه فطوم كانت حاضرة و شافت كل شي
يوم نزلوا وقت الرواح ..كانوا منى ,نورة و فطوم يمشون ويا بعض .. و لحقتهم هجوور ... نورة كانت شايفة انه موزة عدالهم و تطالعها بس ولا حتى التفتت ..لاا قالت شي خلاص يتنفذ ...فطوم قربت عليها و قالت بصوت واطي : موزة تطالع ..
نورة : والله ,,؟؟(بعدم اهتمام )
فطوم: هيه تكلم ربيعتها بس مادة راسها وعينها عليج
نورة : خلها تولي .. ما احد يهينني انا ..اللي بيذلني الله ما خلقه
و كملوا لين وصلوا للباب و راحت كل وحدة في طريجها ....
نورة كانت تحاول كل جهدها لأنه هذا آخر اسبوع .. بس بعد الحركة اللي صارت عطتها طاااف معتبر ..تمر ونورة ما تطالع .. ما تلتفت لها ولا شي ..
:::::::::::::::::::
مر عليهم الثلاث الأيام الأخيرة جيه .. نورة ما كانت زعلانه عليها لانها ما تهمها اصلا .. زعلت من عمرها لانها نزلت لهالمستوى
كانت تحسبها راقية وكشخه بس طلعت العكس تماما ً !! اللي يشوفها يقول شي واللي يتعامل معاها يكتشف شي ثااااااااااني ....
آخر يوم البنات سوا حفلة صغيرة قعدوا ويا بعض واستانسوا و قالوا حق بعض انطباعاتهم أول السنه و كيف تغيرت .. الكل طبع كان يكره نورة بس اكتشفوا عنها أشياء زينه .. حتى هي صارت تحبهم واااااايد ..
ووصلتها هدية روعه من وحدة ربيعتها .. buges bunny كبيــــــــــــر !! نورة مااتت عليه لأنه من هالبنية بالذااااات .. وطول الحصص حاطته عدالها ..و صورت الهدية اللي وصلت لفطوم بعد و صوروا الصف و ضحكوا على اعمارهم .. تمشت ويا عهود و استانست استهبلوا على مساتهم شوي وودعوهم .. فعلا كان يوم حلـــــــــــو
\\\\////
بنفس اليوم تذكرت وحدة ما كلمتها من زمااااان ...دورت في تلفونها لين ما لقته ..
ترددت تتصل ولا ما تتصل ؟؟ بس قالت حق عمرها انه عيب لازم تسأل عن البنية ....
رنه رنتين ,,ثلاث ...سمعت صوت على الطرف الثاني ..
حمدة:ألو ؟؟
نورة : السلام عليكم
حمدة: عليكم السلام ..
نورة :: ممكن حمدة ؟؟
حمدة: أنا حمدة !!!!
نورة (تفشلت شوي ) : اهااا ..سوري بس صوتج متغير !!
حمدة: لأني مريضة ...
نورة: سلامات ..
حمدة: الله يسلمج ..شخبارج شو مسوية ؟؟
نورة : الحمدلله ..وانتي ؟؟
حمدة: بخير والله .. وشو استعدادج حق الامتحانات ؟؟
نورة : خليها على ربج بس ....
حمدة: الجدول الصراحة كريــــــــه و حاطين لنا عربي عقب فيزياء و ...............
نورة : أقوول حمدوو اخذي رقمي اوكي ********
حمدة: لاا تتعبين عمرج لأني ما احفظ !!!!
هالرد صدم نورة واااااااااااااااااااايد وااااااااااااااايد .. ما توقعت انه حمدة تتغير نفس كل الناس اللي عرفتها بحياتها ...
تموا يسولفون عن المدارس والمذاكرة .. أو عفوا ً .. حمدة تتكلم و نورة تسمع وهي متمللة !!! بس تبي هالحوار السخيف يخلص !!
وأخيرا ً و بعد جهد جهيد قدرت انه تسكر الخط وياها بعد ما ودعتها ووصتها تنتبه على عمرها ....
حطت راسها على المخدة وهي مستغربة من اللي صار .. هذي حمدة اللي كانت من تشوفني ولا تسمع صوتي تناقز من الفرح ؟؟!!
والله دنيا غريبه ....
كانت فعلا متضايقة بس طنشت و قامت يمكن تعرف تذاكر شوي ....
\\//
مروا أسبوعين وهي من النت للتلفزيون للطلعات ..ما خلت شي ما سوته .. مب لاقية شي تدرسه لأنها مخلصة دراسة من زماااااااان ..كل ما تحاول تمسك الكتاب يصير شي ولا اييون ناس و تنسى أبو الدراسة ..
:::::::::::::
قربت تخلص المعاناه و أيام النكد والدراسة ..اليوم أول يوم امتحانات ..و للأسف بيبدون بفيزياء ..الكل متوتر و خايف من الامتحان اللي يجيب المرض .. هذا غير الحر و الرطوبة ...
شلتنا كانت ماخذة الموضوع طبيعي ..منهم اللي تذاكر و منهم اللي بس قاعدة ساكته و تطالع بهالبنات .....
دق الجرس وطلعوا البنات على لجانهم ..و كان في مفاجأة غير سارة لنورة أبدا ً
لقت مس الجيولوجيا واقفة عليهم مراقبه .... لفت ويهها ولا طالعتها و دشت عشان تيلس مكانها ....( السبب في اللي سوته نورة انه المس من فترة تعاملها غيـــــــــــــر و تحاول أنه تطنشها في الحصص .. ومن فترة كانت مسوية لهم محاضرة والكل لاحظ انه المس تعامل نورة بطريقه مب حلوة ) نورة ما تدري الغرض من اللي قاعدة تسويه المس بس هي أي احد يطنشها على طووووووول تحطة في البلاك ليست ...
وصلت أوراق الامتحان والكل انشغل بالحل ... و فك الطلاسم !!
و نورة من كثر التوتر كل شوي يطيح لها شي عن الأرض ..و يوم تييبه تشوف المس اللي تطالعها بنظرة .. نورة طنشتها و ما عطتها فيس و كملت حل بالامتحان .... و يوم خلصت .. رفعت راسها عشان ترتاح شوي من الحل والتفكير ولا لقت المس تطالعها بنظرة تمعن أنها تحلل شخصيتها !!!!!
اهني نورة خافت صدق و قامت بسرعه سلمت الورقة وطلعت .....
التقت بفطوم و منى عند الباب و نزلوا مع بعض .... طبعا ً الكل محصور في منطقة معينه لأنه في لجان بعدها تمتحن ... الأدبي كله في الساحه بعد ما خلصوا امتحانهم اللي كان سهل .....
فطوم: انا ما أدري ليش حاقدين علينا وحاطين لنا المواد العلمية كلها ورا بعض !!
نورة: شو نسوي يعني ..الله يعين ..
فطوم: هيه والله ....( و لفت وأشرت على مكان ) شوفي هناك متجمعه شله الأنس ..
نورة : ماااااااااااااالت عليهم !!!!!!
فطوم:انتي صدق شلتيها من راسج .. تحريتج تمزحين
نورة : أنا ما أمزح ....
فطوم: والله زين سويتي
نورة : طالعت فيها نظرة وحدة خذت في نفسها مقلب .... حاااالااااات
فطوم: ههههههههههههههههههههههه
مرت روضة من عدالهم فسلمت عليها نورة بدلع قهر كل اللي حوالينهم ....
فطوم: تصدقين اني كنت أتحراها كريهة ؟؟ ما توقعت تكون كيووت
نورة : روضو من زمان كيوت والله
فطوم: اهااا .. الحين صدقتج يوم كنتي تقولين
نورة : نسيت اقولج عن اللي صار اليوم !!! مس الجيولوجيا ما ادري شفيها علي كله تطالعني بنظرات !!
فطوم: خليها شو تبين فيها
نورة: والله كنت رافعة راسي ولا أشوفها تتأملني !! والله اني خفت
فطوم: هههههههههههههههههههههههه
قعدوا ويا بعض شوي ودق الجرس و راحوا بيوتهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك