رواية تحياتي لمن دمر حياتي -11
لو المسات جيه البنات شو بيكونون ؟؟؟؟؟
الله يعين بس
ثاني يوم الصبح كانوا يالسين كلهم و يسولفون و يضحكون .. وأماني معاهم و تستهبل كالعادة ...
دشت موزة و ما طالعت فيها أبد .. كانت ترمس مي اللي في صفها و طلعت الصف سيدااااااااا ...
هالحركة قهرت نورة واايد بس ما بينت لهم شي و تموا نفس ما هم على سوالف و ضحك و بنات يسلمون على أماني لين ما دق الجرس و طلعوا صفوفهم ..
نورة كانت مب على بعضها أبدا و مب منتبهة ويا المسات .. بس مقهورة وضاربة بووووووووز .... (انزين انا ما احبها ,,, ليش مقهورة عيل ؟؟؟ مالت عليها اوووكييي ... يا ربيي والله ارسي يعورني من هالسالفة ..... )
كتبت حق فطوم على الدفتر (تصدقين فطيم أنا وايد تعبانه من اللي صاير )
ردت عليها : ( لا تحطين ببالج ... الحين انتبهي لأنه الدرس مهم و طلعيها من راسج ما تستاهل ) ,,
وهذي التكملة لعيون المتابعين
خلصت الحصص و نورة كانت واقفة جدام صفهم فوووق و ما لها خلق تنزل تحت بس طلعت لهم هجوور وهي مصرة انه ينزلون كلهم تحت ... و هم نازلين التقوا بأمااني و الكل صارخ : أماااااااااااااااااااااان يييييييييي
هالبنت مستحيل احد يشوفها و ما يحبها ,,قلبها أبيض و تحب الكل و دمها خفيف ..
نورة : أموون تعالي معانا ..
أماني : وين رايحين ؟؟
فطوم: نحوط في الساحه ...
مشت معاهم و ضحك و هبل و نورة نست السالفة و قررت تستانس لأنه اللي فيهم كافيهم و مب ناقصين نكد ...
فجأة فطوم تقول : بنات بطلع أشوف أوراق امتحان الفيزياء
نورة : ليش صلحتهم ؟؟
منووه: هيه اليوم قالت اللي تبي اتيي عندي و تشوف درجتها
نوره : بليز شوفي ورقتي اوكي ..
فطوم: اوكي ,,هجوور تعالي معاي ..
طلعت فطوم و كملوا مشيهم ... و هم مارين كانت موزة و ربيعاتها يمشون وراهم و يلفون بس بحركة مب مبينه انهم يلاحقون نورة .. و هي مطنشة ولا حتى تطالع .. موزة ما كانت تطالع بس نورة حاسة اها حاطة صفوي و مي و سارة عشان ينقلون لها كل شي عن نورة ...
يوم مروا عدال مي و صفاء سلمت مي على اماني و قالت : ها نورة اهني ؟
نورة ما سمعتها أصلا بس يوم سمعت اسمها طالعت فيها و رفعت حاجبها و قالت : سوري ما سمعت عيدي ؟؟
مي: لاا ولا شي ...
و مشت و نورة بعدها مستغربة من اللي صار .. مي كيف تعرف اسمها ؟؟؟
كملت مشي ويا أماني و منى لين يت فطوم و رمت القنبلة : نووووورة يبتي 36 من 40
نورة : شوووووووووووووووووووووووو ووو ؟؟؟؟؟ حلفي
فطوم: و أنا يبت 36 ...
نورة : shit shit shit والله لتهزأني تهزيء ما صار و لا احد سمع عنه ..!!!!
فطوم ابتسمت بخبث و قالت : أمزح ويااا يبتي 39
نورة هني ماااااتت من القهر وصارخت فيها : فطووووووووووووووووووووووو ووووووم !!!!!!!!!!!!
و فطوم تضحك ... و لفت نورة على الشلة لقت موزة تطالع و هي وراهم ...لفت نورة راسها و راحت مع الشلة اللي بعدها تمشي .. و نورة تطالع فطوم من طرف عيونها ....
فطوم: شفيج كليتيني بقشوووري
نورة : ماااااالت عليج انزين !!!
فطوم: ههههههههه خفتي صح ؟؟
نورة : (طالعت فيها بنص عين ) ....تدرين انه موزة سمعتني أصارخ ؟؟ ما أدري ليش اتيي على الأوقات اللي أصارخ فيها ...
فطوم: ههههههههههه خلها تعرف الحقيقة حرام ..
نورة : فطوووووووووووووووم !!!! بس !!
و تدرين شو الأحقر ؟؟ انها محطيه مي و صفوي و سارة عشان ينقلون كل شي عني
فطوم: معقولة ؟؟
نورة : انا ما استغرب أي شي ...
مرت الأيام عادية و ما فيها شي يديد .. بس كانت وايد محتارة ..مب فاهمة شي من اللي قاعد يصير ..و لا عارفة كيف تتصرف ..يوم تسوي حركات ويومين لأ ..
نورة المفروض انها تلعب عليها بطلب من ربيعتها رووضه ( وحدة بويه في عاشر و تعرفها من زمااااااان ووايد كلوز ويا بعض ) و تبيها تلعب على موزة و تسوي شويه حركاات .. حتى انها تمشت ويها في الفسحة بس عشات تقهر موزة ..راحت نورة عندها الصف و خذتها روضة و مشوا في نص الساحة ... وروضة مصرة انه نورة تطالع فيها بنص عينها و تراويها الشغل العدل ....
يت روضة تمر من عدال موزة عشان نورة بعد تمر من عدالها ...
نورة : بليز لأ بليز لأ !!!
روضة : انتي ليش مستحية ؟؟ شوفي البنات كيف يطالعونج نورة .. شفتهم بعيني
نورة : روضة محد يطالع فيني (مع اها توها شايفة بنية ابتسمت لها )
روضة : ليش انتي مب واثقة من عمرج ؟؟ شعرج حلو و عيونج تخبل و طولج رووعه و جسمج بعد ...
نورة : مب المهم اللي ناس تشوفه ..المهم انا شو أحس ..
روضة : صح معاج حق ..بس انتي مب ناقصج شي ..
طبعا البنات ما يعرفون نورة بس يعرفون روضه عدل .. والكل اتحرى انهم حبايب يوم شافوهم .. حتى موزة كانت موجودة ذاك اليوم في الساحه و تتمشى و شافهم بعد ... و طالعت بروضه نظرة كره ...
نورة استانست من نظرتها و حست بانتصااااار ..اخيرا ردت لأيام أول يوم الكل يكلمها و يبون يتعرفون عليها ...
بس كعادة هالدنيا ,,ما في شي يكمل ...وهذا اللي صار مع نورة ..
من يوم ما تمشت ويا رووووضو و موزة مطنشة و ما تسوي شي .. هذا اللي أحبط نورة بزيادة و تأكدت انه كل اللي قاعد يصير هو لعب مب أكثر ولا أقل ....وانقهرت زيادة .. و قررت انه ما تييب سيرة لحد من الشلة عن موزة خلاص ..هي ما تبيها ووقفت حركات واتهى الموضوع !!!
أسبوع كامل وهي موقفة الحركات و نورة تأكدت انه فعلا الموضوع انتهى بالنسبه لموزة .. مب نفس أول يعني بس ثقل لاا هالمرة صج ..
كانت نورة تحسبها انها فعلا ثقيلة وما تعطي أحد فيس و كشخة ومن هالكلام ...
مر هالأسبوع و صار يوم الخميس .. والمفروض انه باجر عندهم حفلة استقبال بمناسبة زواج ولد عمها ..
بس هي فعلا ما كانت رايقة عشان تروح و تشوف ناس ..ما كانت زعلانه على سالفة موزة خلاص هي اتعودت و صار عندها مناعه ..بس هذا حظها من الدنيا ..انه كل اللي يعرفونها يتركونها بيوم من الأيام ..
بهاليوم كانت موزة غايبة .. وأصلا نورة ما تبي تشوفها خلاص ..هي ما تعرفها ولا لها علاقة فيها ..
كانوا نازلين من حصة الكيمياء في المختبر و نزلوا من الدري اللي عدال المقصف
و هي عادي تكلم فطوم و فجأة لفت عيونها و لقت عايشة ربيعة موزة واقفة عند المقصف و .........تطالعها بنظرة غيرة !!!!!!!!!!
نورة بسرعه لفت عنها عشان ما تشوفها بس فعلا شي غريب !! ليش تطالعها نظرة غيرة ؟؟؟
تمت تفكر واااايد بالموضوع .. و تحاول تتذكر النظرة ... ما في غيرها هالنظرة .. نظرة غيرة .. كأنها تقولها يا حظج ....
فطوم كانت تكلمها وهي ما ترد
فطوم: وين وصلتي ؟؟؟
نورة : ولا مكان ..(سكتت ) ,,فطوم انتبهتي عل نظرة البنت اللي تمشي مع موزة ؟؟
فطوم: أي وحدة ..ما شفت شي
نورة : كانت تطالعني بنظرة غيرة !!!!!!!!
فطوم: غيرة ؟؟ من شوووو ؟
نورة : ما أدري والله ..انا اقول انها تحبها !! والله فطوم شفتي كيف تمسكها و تعاملها ؟؟ يمكن البنية تحب موزة و تغار لأنها كانت تسويلي حركات
فطوم: كلامج معقوول ..الله أعلم باجر بنعرف كل شي ..اليوم عندج حفلة صح ؟؟
نورة : لاا باجر ..
فطوم : يالله استانسي ..
نورة : ان شاء الله ...
ردت نورة البيت و تغدت ورقدت شوي لأنها كانت وايد تعبانه ...و بعد لازم تقوم و تذاكر شوي لأنه أكيد باجر ما بتفتح ولا كتاب ..
قامت الساعه سبع و نص و هي فعلا تعباااانه و ما لها خلق أحد ...شوي ولا تدخل عليها امها : هاا نوارة قمتي من النوم؟؟؟؟ زين لأني بقولج شي
نورة :قولي يمه
امها: باجر عندنا عرس حق مديرة اخوج و عزمتنا و قالت لازم تيون العرس ..
نورة : بس باجر الحفلة يمه !!!!
أمها: عادي الحفلة بتخلص 10 و العرس بيكون توه بدى ..بتروحين معانا ؟؟
نورة : اممم .. لأ ما أبي ..
امها: ليش بتستانسين ..
نورة: لاا ما لي خلق احد ..
امها: كيفج ....
و طلعت برع ...
نورة قامت و درست شوي ..و شات تلفزيون وردت رقدت ...
و ثاني قامت من الصبح كملت اللي عليها و يت عندهم اختها مريم و قعدوا يسولوفن و جهزوا أعمارهم حق الحفلة و كان فعلا وناسة ...
على الساعه 7:30 تقريبا راحوا على الصاله اللي مسويين فيها الاستقبال و كانت العروس هناك و الناس كلهم واصلين ....
قعدوا شوي هي وخواتها و رقصوا شوي ..كانوا وايد مقهورين من اللي قاعد يصير
نورة : شوفيها كيف تمشي وتطالع ..يا ربي قهر !!
مريم: مالت عليها من زود الحلا ...
حنوون: بسكم حش في الناس ....
نورة كانت تطالع زوجه ولد عمها و هي مقهورة منها ..مصدقة عمرها وايد الإخت ..يا شين الثقة الزايدة بس ..!!!
طلعت وحدة من قريباتهم فوق الطاولة و يلست تهز .. ولا يت العروس وهي غيرانه و طلعت تقلدها ..فجأة فقدت توازنها وطاحت !!!!!!!
و انكب الماي على الطاولة و على فستانها
نورة وخواتها ماتوا ضحك عليهااااااااااا لنها مغترة بعمرها على ولا شي و الحين تفشلـــــــــــــــــــــ ــــــــــــت !!!!!
:::::::::::::
بعد ما خلصت الحفلة ياه ريل اختها عشان يودي امها ومريم العرس وهي روحت مع حنووون ...
سارت البيت و يلست على النت شوي لين ما صارت الساعه 1 .. ولا تسمع صوت الباب ينفتح و تدخل امها وهي مستااانسة آخر وناسة ...
نورة :هلا يمه .. رادة مبجر !!
امها: هيه ..خلاص الساعه وحدة ما يصير أتاخر أكثر .. احزري مين شفنا ؟؟
نورة : ؟؟؟؟؟؟؟؟؟؟؟؟؟؟ظ
امها: هند واختها !! و تسلم عليج
نورة : والله ..الله يسلمها
وراحت عشان تشوف ابوها ..
ابوها: هلا والله .. رديتوا مبجر اليوم ؟؟
امها: هيه ..عيب نتأخر أكثر خلاص يكفي ...
أبوها : ان شاء الله استانستوا ؟؟
امها: العرس روووعه والعروس تينن و الكوشه حلوة ..و شفنا هند ربيعه نورة
ابوها: والله ؟؟ من زمان ما سمعنا عنها البنية ..
و بعيد عنهم بحوالي 5 أمتار كانت نورة يالسة ...
وهي تسمع (هند ربيعه نورة ...هند ربيعه نورة) تم الصوت يتردد براسها وهي من داخلها تصاااارخ ....(بس يما بس !!! كافي خلاص !!! )
و دشت الغرفة وهي تصيح صياح يقطع القلووووب ....
( لو تبيني كانت اتصلت ... لو فعلا تسلم علي كات كلمتني ..آآآآآآآآآآه بس متى أنساج واعيش حياتي ......)
::::::::
بدا أسبوع يديد واليوم يوم الأحد ..
تلاقت نورة مع شما الصبح و مشت معاها على ما يوصلون الصف ..
شما : ها نورة كيف كانت الإجازة ؟؟
نورة: عادية ..الحمدلله ..وانتي ؟؟
شما : الإجازة كانت مأساوية ..
نورة: بسم الله ..ليش ؟؟
شما : حمود كانت رايحة حق إيمان يوم الخميس فما ادري شو صار و سوا حادث السايق و الحين هي في المستشفى ...و في غيبوبه بعد .
نورة: ويــــــــــــــــــــه !!! حرام ما تستاهل المسكينه
شما: والدكتور يقول انه يمكن ما تمشي مرة ثانية
نورة: الصراحة زعلتيني عليها ..الله يشافيها و يعافيها يا رب
شما : واللي يقهر أكثر انه ايمان تسوي عمرها ما سوت شي و تصيح و ما ادري شووو ..
نورة: أصلا هي ما تستاهل حمود .. بس يالله ..
شما : هيه والله .. المهم ..يالله أشوفج اوكي
نورة: اوكيك ..سلام
و طلعت صفها ..
نورة : هاااي فطيم ..
فطوم: هلا والله
نورة : يالسة تسوين المشروع الحين ؟؟
فطوم : اها .. أصلا تأخرنا بقول حق المس تأجل لين باجر
نورة: خلاص اوكي .. شو تبيني أسوي وياج
فطوم: امسكي الريشة و لوني معاي
و قعدوا يلونون ويا بعض و قالت لها كل شي صار بالحفلة و يضحكون على طيحه العروس ....
و يوم خلصوا رفعت نورة الفلينه و قالت : فطيم بالله عليج شوفي ...
كانوا ملونينها بأزرق وأحمر والنص أبيض ... يعني طلعن نفس علبه البيبسي ..فطوم شافتها وماتوا ضحك الثنتين ....
و نورة تقلد الاعلان و تقول ( أغنيلك ؟؟ واكثر )
فطوم: لاا تقنعيني انه هذا اللي بنسلمه حق المس
نورة: لا بنعطيها الأصفر هذا ما ينفع ..(و راحت رمته في الزبالة )
أقووول فطوم ,, تعالي نقعد تحت مع هجور و منى
و نزلوا الثنتين ......
و تمشوا لين وصلوا عندهم .. راحت نورة لفت على شباك الصف اللي قاعدة وراه خلود و قالت : آآآآآآآآآآآخ هالاسمر المزيون لو يعطينا فيس ( و تضحــــــــــــــك )
فطوم: عادي روحي كلميها ...
نورة: أخاف تفشلني ما أبي
ووصلوا عندهم ..
هجوور : هلا والله ......
نورة: هلا فيج ..شخباااااااااار ؟؟
منوه: تمام ...
نورة : أقوول منووه احد يدبرلي واسطة اتكلم مع هالمزيون .. (وأشرت على شباكها )
منوه : ما لج أمل .. مس عايشة الرياضيات تتضارب هي والبنات عليها ..
فطوم: شوووووووو ؟؟ ههههههههههههههههههههههههه هههه
نورة: وانا أقول ليش كل يوم تناديها و تمشي وياها .......راحت علي والله
هجور : مسات هالمدرسة حالات بصراحة ..
نورة : شفتوا فطوم و انا شسوينا اليوم ؟؟ لونا الصدع مال الجيولوجيا نفس علبه البيبسي
منوه: ههههههههه ليش ما راويتونا ياه ؟؟
نورة : سر المهنه ..ما نبي أحد يسرق شغلنا ..
منوه: مااااااااالت انتي وهي .. الا شخبار موزوو ؟؟
نورة : شيابها على بالج الحين ؟؟
منوه: لاا بس صارلج فترة ما كلمتينا عنها
نورة : موزووو طاارت ...
منوه: ليش شصار ؟؟
نورة : ما شي ..
منوه: و شو المشكله ؟؟
نورة : ما هذي هي المشكله .. انه ما صار شي ..انا أموت وأعرف شو صار بين صفوف أدبي
منوه: الحين الكل صار يعرفج من ورا هالسالفة
نورة : تخسي !!! من يومي مشهوورة انا ..
منوه: خخخخخخخ يا شين الثقة بس ... أنا اعرف شصار
نورة : نورينا ..هاتي اللي عندج
منوه: يوم طلبت رقمج و انتي رفضتي ..هي قالت خلاص (يعني اللي ما يبانا ما نباه ) .. عشان جيه وقفت الحركات ..
نورة : اهاااا .. اوكي ..والله العظيم انها خبلة و ما تعرف شي ..هذا اسمه تغلي و ثقل .... بس صج طلعت ما تعرف شي نفس ما حسبتها
قطع عليهم صوت الجرس وهو يرن .. قاموا كلهم و صاروا يمشون عشان يوصلون للساحه و يوقفون للطابور ....
مرت الحصص وحدة ور الثانية ... و بعد الحصة الثالية طلعت برع تشم هوا قبل لا ينزلون للساحه .. ياتها منووه ركض : نوااااااااااااارة لحيقيني لحقيني !!
نورة : شصااااير ؟؟؟؟؟
منوه: رن تلفوني في الحصة !!!!
نورة : نـــــــــــــــــــعــــ ـــــــــــــــــــــم ؟؟؟؟؟؟؟؟ شو تقولين انتي ؟؟
منوه: كنا في الحصة و سمعنا صوت موسيقى والكل يطالع ..طالعت عدالي ولا الصوت من شنطتي !!!
نورة : هههههههههههههههههاااااااا ااااااااااااااااااااااااا اااي
منوه: لا والصوت قوي بعـــــــــــــــــــــــ ـد !!!
نورة : المس شو سوت ؟؟
منوه: خذته مني و قالت بتخليها عنده بس ما بتخبر الإدارة ....
نورة : اففففف ..زين .. والله كنتي يتروحين فيها
نورة تنادي من برع : فطيــــــــــــــــــــــ م وينج ؟؟؟
فطوم: روحوا بلحقكم ..
نزلوا تحت و فطوم نزلت بعدهم ..... كانوا يتريونها تحت ..
منوه: سمعتي انه بيوزعون شهايد على الضعاف في المواد ؟؟
نورة : والله ؟؟ الله يستر بس لا يعطونا شهاادة
منوه: انتي مستحيل ,,انا ممكن
نورة : لاا ما أعتقد .. بيوزعونها اليوم يعني ؟؟
منى : اهااا ...
في هالأثناء فطوم نزلت لهم ..فلفت عليها نورة و كلمتها ..
نورة : أقول فطيم خلينا نسير حق مس الجيولوجيا نقولها
فطوم: اوكي
منووه: بس عدلي عمرج قبل
نورة : لاا توصين حريص يا قلبي ..ههههههههههه
و طلعوا حق المس فوق ...
طقت نورة الباب و دشت .. كانت يالسة ويا مس عايشة و يسولفون بصوت واطي ..
نورة : السلام عليكم مس ..
المس: هلا والله ..عليكم السلام ..
نورة : مس بقولج شي ..نحن تأخرنا عن موعد تسليم المشروع و بنسلمه باجر بعد اذنج طبعا
المس لفت على مس عايشة اللي كانت تطالع نورة بابتسامه و قالت : ها شو رايج ؟؟
ردت عليها : اوكي ..
راحت مس الجيولوجيا قالت : خلاص اوكي
نورة انصدمت من الحركة .. يعني لو مس عايشة قالت لأ ما كانت بتسامحهم ؟؟؟
والله هالمدرسة غريبه واللي فيها أغرب ..
طلعت من الغرفة و لفت على فطوم وقالت : شفتي اللي أان شفته ؟؟؟؟
فطوم: غريبه هالمس ... الله يعين بس ..
بعدها لقوا خلود البوية طالعه على الدري و مرت من عدالهم وراحت غرفة مس مريم (بس طبعا ما لقتها لأنها عند مس الجيولوجيا ) .. فوقفت تترياها ...
نورة و فطوم نزلوا حق منوه مرة ثانية و تمشوا وياها و حكولها عن اللي صار ....
خلصت الفسحة وردوا حق صفوفهم و كان عليهم انجليزي ..كانوا يتعمدون يروحون يودون أغراض المس بس عشان يتمشون بين الحصص .. و يروحون عند أدبي طبعا ً !!! بس هالمرة اغراض المس كانت في الصف اللي عدالهم ... يابوها للمس و بدت الحصة ...
كانت المس تكتب العنوان والتاريخ على السبورة
فقالت عهود : today is 12 th of april
نطت فطوم و قالت : لاا اليوم 12 (بالعربي )
نور لفت على فطوم و قالت : حلفي !!!!!
و كل الصف نقع ضحك ....
نورة : ما أدري اليوم شو فيكم ..من الصبح تطلع وياكم حركات عجيـــــــــــبه !!!
فطوم: هههه والله ما شربت شي اليوم ....
نورة : الحين يوم تطلع المس اخذي أغراضها بسرعه اوكي .. وانا بودي اغراضج للدين ..
و فعلا بس دق الجرس نطت فطوم وودت أغراض المس للغرفة و مرت من عند أدبي ...
و يوم ردت لغرفة الديــــن ....يلست في مكانها عدال نورة و قالت لها : احزري شو صار ؟؟
نورة : قولي شوو ؟؟
فطوم: طلعت موزة بويهي و تمت تطالع تشوف لو انتي وياي ولا لأ ..
نورة : خخخخخخخخخخخخخ ...ما قدرت تقاوم جمالي الفتاك اعذريها
فجأة تشوف بنات صف موزة رايحين للإدارة و لحتقهم هي وعايشة .. أشرت لفطوم بعيونها عليهم .....و يوم ردوا عرفت انهم راحوا ياخذون الشهايد ...
فطوم: يا حراااااام ..ههههههههههههههه
نورة : أقول لا تتشمتين أحسن ما تييج وحدة مثلها
فطوم: هيه والله .. مب ناقصة أنا ...
و رن الجرس و ساروا بيوتهم ...
::::::::::::::::::::::::
ثاني يوم كان عليهم امتحان دين ..فيلسوا عدال صفوف علمي يدرسون .. والبنات يمرون و ضحك و لعب مايقدرون يذاكرون عدل ..بس نورة ما رضت يقومون عشان يلحقون يخلصون شوي ...و هم يالسين مرت بويه كانت معاهم في السكول الجديمة .. و هي تمشي بثقة زيادة عن اللزوم و تطالع فطوم .... بس راحت نورة ماااتت من الضحك ..: شو سالفتها هذي ...قولي (تحرك بحواجبها )
فطوم: ولا شي ..من الصيف وهي تسوي حركات بس ما في شي للحين ..
نورة : أكشنااااااااااااااااااااا اات يا فطيـــــــــــــــــم !!!! عااااشت فطووم والله وانتي ما سويتي شي ؟؟
فطوم: لااا طبعا ...
نورة : بس انتي اهتمي بالموضوع اوكي ..
و قاموا عشان ييلسون في مكان أهدى شوي و راحوا عند العلم ...
نورة : (رمت الكتاب بعيــــــــــــــــــــد ) خلاص ياخي مب حاله !!! ما بذاكر أكثر ...
فطوم: كيفج بس انا ما درست شي
يلست تطالع في الأرض و هي ماسكة الكتاب .... و انتبهي على دخلة موزة وهي تطالعها ..بس نورة ما رفعت راسها ولا سم واحد ...
نورة : فطوم موزة طالعت ...
فطوم: والله ؟؟ ما شفتها
نورة : أدري كنتي تذاكرين
فطوم:هالبنت حيرتني والله .. تبيج ولا ما تبيج ؟؟
نورة : و حيرتني أكثر منج ....
قاموا وهي محتارة و حالتها حاله أكثر من الأول ,, يعني شو ها اسبوع تبي واسبوع ما تبي ؟؟؟؟ بس حطت براسها انها تتوهم وانه محد طالعها سمعت الكلام اللي قالوه لها البنات .. أصلا هي ما كانت شايفة عدل يعني يمكن ما طالعتها ...اوووووهووووووووووو والله حاله !!!!!!
في الفسحة نزلوا يتمشون شوي .. وكانت معاهم وحدة ربيعه منى .. فتمت تسولف هي و نورة و يتكلمون عادي فجأة سألتها عن سارة ربيعه موزة ....
نورة : انتي كنتي وياها السنه اللي طافت صح ؟؟
هبة : أها .. يعني البنت عادية .. ماشي حالها ..
..فجأة طلعت بويههم موزة و عايشة .. و موزة عطت نورة نظرة عالسريع و كملت مشيها ..
نورة : لو قايلة مليووون درهم (بصوت واطي حق فطوم) ...
منووه: عن منو ترمسوووووووون ؟؟
نورة: اششششششش يلعن شكلج بتفضحينا !!
بعدت عنهم موزة شوي ..فطوم و نورة طالعوا ببعض وهم ساكتين .. لأنه حتى فطوم شافت ..يعني نورة ما تتوهم !! .. بس نورة ما قالت ولا كلمة وكملوا مشيهم لين ما وصلوا لممر عواشر ...وقفوا شوي عشان مناوي كانت تسلم على بنات و جيه .. وبعدها يت أماني تسلم عليهم بعد و هم تموا واقفين ويسولفون و جيه ...
فجأة رفعت عيونها لقت موزة واقفة عند ربيعاتها اللي يالسين على الكرسي المجابل لهم و لافه ناحيتها وتطالع و تضحك ....
نورة : بنات بليز اتحركوا بسرعه ....
مشوا البنات وهم مب فاهمين شصاير بس نفذوا كلامها ...
راحت فطوم و سحبتها من ايدها و خذتها بعيد شوي : شصااير قولي ؟؟
نورة : موزة ..
فطوم: شفيها هذي بعد ؟؟
نورة : الموضوع ما انتهى نفس ما حسبت .. انا قلت لكم امشوا لأنها واقفة قبالي و خفت تحسب اني واقفة عمدا ! ..
فطوم: الحين امشي و لاتقولين حق احد شي اوكي ؟؟
نورة : اوكي
لفوا من ورا صوب عواشر و تمشوا هناك و يوم رن الجرس ردوا للصف ..
و طبعا كالعادة نورة و فطوم يسولفون كل الحصة بس على الورق ..
و تحاول نورة تستوعب اللي يصير ..يوم تبيها و يوم طاااااااف ...و فطوم تفكر لها بشي تسويه مع انها مب مقتنعه انه موزة فعلا طالعت نورة ....
ولا انتبهوا على ولا كامة من اللي قالته المس ....
خلصت الحصة و نورة نزلت اتييب ماي من تحت و على أساس انها رادة الصف بس خذت راحتها لأنه عليهم انجليزي و المس ما بتقول شي ....
و هي رادة شافت فطوم نازلة و حاملة دفاتر وااااايد فقربت صوبها وكلمتها : فطيم وين سايرة ؟؟
فطوم: بروح حق مس الدين ,,تعالي وياي ..
نورة : أخاف تعصب المس
فطوم: لا عاااااادي .. يالله مشينا
راحوا حق غرفة الدين و أصوات السوالف و الضحك واصلة لآخر الساحة ....
دقت فطوم الباب و دشت ... كان صف أدبي 1 عليهم حصة (صف مريم وهجوور) و على طوول هجور نادت حق نوورة و أشرتلها
بعدين يت المس و تمت تكلم نورة لأنه فطوم راحت تحط الدفاتر داخل ...
يوم مريم شافتهم صارت تستهبل و تضخم صوتها : مس تجميع الدفاتر اليوم ؟؟؟
المس: هيه
مريم: نسيته في البيت !!
المس: شو يسوي في البيت ؟؟؟
مريم: خلاص مس باجر أييبه ..
المس: اوكيه ..
فطوم: يالله مس تبين شي منا ؟؟
مس : لا سلامتج ..
نورة : مع السلامة مس ..
و طلعوا و مشوا حق الصف ...
نورة : بتهزأ من المس ...ياااااربي
فطوم: بقولها انج كنتي تساعديني ..
نورة : انزين ,,,,, شفتي مريم و هي تتكلم ؟؟؟ ههههههههههههههه
فطوم: تتعمد تضخم صوتها ..
نورة : لاا حتى يوم تتكلم عادي صوتها جيه ....
فطوم: الصراحة أنا أخاف منها ..ملامحها تخرع ّّّ!!
نورة : والله معاج حق ....
وصلوا للصف و دخلوا لقوا الكل هدووء و يحلون بورق ....
طالعت نورة ولا هو ورق امتحان !!!!
المس: نورة وين كنتي ؟؟؟ تأخرتي على الامتحان
نورة: ما كنت أدري مس ..خلاص باخذ ورقة و بحل ...
و بدت تحل بالامتحان .... الكلمات كانت وايد صعبه و مشتقاتها علمية يعني ما احد فهم ولا شي !!! بس نورة ما استسلمت و وقفت حل .. راحت طلعت القاموس من الديسك و بدت تشوف المعاني ...غش عيني عينك !! و المس مب شايفة شي .. و تمت على هالحال لين ما خلصت كل شي و تأكدت منهم بعد ...
و بعد ما خلصت الحصة يات فطوم عندها ركض : نوووووورة ليش ما غششتيني ؟؟؟؟؟
نورة : ما طلبتي مني !!! ههههههههههههه
فطوم: بس الصراحة عليج أفكار رهيبه !!! يخرب ام عقلج
نورة : لاا أستحي ,,!!
رمت عليها القلم بس صدته بحركة سريعه .... و تجهزوا حق الحصص القاتلة اللي بقت عليهم ..
و هم طالعين لقت شمووه تترياها,,..
نورة : هاااي شموووه ..شحالج قلبي ؟؟
شما: بخيــــر الحمدلله ..تدرين اشتقت لج ؟؟
نورة : هههههههه وينج يا أســــــــــوم !!! وانا أكثر والله
شما : ههههههههه خلي أسوم بحالها .. أقوول عندي لج خبر روووعه
نورة : هاا بشرينا ؟؟
شما: حموود قامت من الغيبوبة و بيسوون لها حفلة يوم الخميس !!!!
نورة : والله !! الحمدلله على سلامتها
شما: الله يسلمج ... أسوم تبني أروح وياها الحفلة .. بس انا ما ابي
نورة : ليش ؟؟؟
شما: ما اعرف احد ..
نورة : ايمانوه بتروح .. خلاص يكفي ..
شما : لااا .. أنا أبيج انتي تيين وياي
نورة : شووووووووووه ؟؟ مستحيل
شما: بلـــــــــــــــــــــــ ــــــيز !!!!
نورة : ما اعرف احد و ما يخصني في الحفلة كلها أصلا ً ..
شما : ما أبي أروح بروحي
نورة : انتي الصقي فأسوم و لا تبعدين عنها
شما: ههههههههههههه حقي هالكلام .. أنا لو سلمت عليها بايدي يكون وااايد
نورة : ههههههههههههههههههههههه
شما : باجر بتوصلج الأخبار .. يالله باااي
في مكان بعيد عن أجواء المدرســـــة ....
كانت يالسة على الكرسي و فاتحة الكتاب و تحاول تذاكر ...تذاكر كلمة و تنزل دموعها و تصيح ربع ساعه .... هالفترة ضغوطات وايد ... تبي احد ترمي عليه همومها ..يخفف عنها .. بس من وين يا حظها الردي ....
{ خلني أعاني وحدتي مو مشكلة ,,,
من متى يعني وقف جمبي أحد ,, ؟؟ } ...
تذكرت أحد صارله فترة غايب عن بالها ..و لها فترة ما اتصلت ولا سألت ... ( آآآآآآآآآه يا هند ,, ما احد غيرج كان يفهمني ... يا ترى وينج الحين ...؟؟)
مسكت تلفونها واتصلت فيها .. رنه رنتين و بعدها شالته ...
هند: ألووو ..
نورة : هاي
هند: هلا والله ,,شخباارج ؟؟
نورة : بخير وانتي ؟؟
هند: تماام الحمدلله ..يا رب ما أكون أزعجتج ..
هند: لاا والله ما فيها ازعاااج ...
و تموا يسولفون شوي ...وفجأة هند قالت : تدرين اني حلمت فيج اليوم ؟؟
نورة : والله .. شو حلمتي
هند: حلمت انه كنا في السكيت و انتي كنتي لابسة فستان أسود روعه و صارت بعد أشياء وايد
نورة : حلمج وايد غريب ..بس ما قلتي شو هالأشياء ..؟؟
هند: لاا لاااا ما بقول ...
نورة : على راحتج ....
هند: اوكي .. و شوو بعد ..صح ليش ما ييتي العرس ؟؟
نورة : (تستهبل ) أي عرس ؟؟
هند: عرس فاطمة الأسبوع اللي طاف ..
نورة: اها ... كان عندنا حفلة فما قدرت ايي
هند: اهاا .. كان خاطري أشوفج .. شفت مريوم هناك و سلمت عليها وامج بعد
نورة : هيه قالت لي
هند: اها ... و شو مخططه للويك اند ؟؟
نورة : تدرين معزومة يوم الخميس على حفلة بس ما لي خلق أروح
هند: روحي بتستانين
نورة : لاا حفلة بويات و ما اعرف احد ..
هند: روحي يمكن تتعرفين على بوية و تصيرين وياها
نورة : (انصدمت بس اخفت الموضوع بضحكة ) ما احد بيطالعني هناك
هند: ليش انتي مب ناقصج شي ..
نورة : (بدت دموعها تنزل ) ..... اوكي ... بحاول اروح ..يالله لازم أروح تبين شي ؟؟
هند : سلامتج
نورة : باي
.............................
صكت الخط و هي تفكر باللي سمعته ... طبعا نورة فهمت كل شي و عرفت شو الأشياء بس كانت تستهبل عليها تبيها هي تقولها .... صدمها اللي قالته .. لهالدرجة تبي تفتك منها ؟؟ مسكت تلفونها ... شدت عليه أكثر .... ضمته لقلبها و صااحت ,,,,هذا هو الشي الوحيد اللي يربطها فيها الحين ... كم مليووون مرة قالت انه لازم ما تتصل فيها ولا تزعجها .. بس يا ليت تقدر .. ما يمر شهر الا وهي داقة عليها ولا مطرشة مسج ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك