رواية تحياتي لمن دمر حياتي -10
يدد ..و عندها عهود اللي ذابحتها ..كل شوي تطالعها و تسوي حركااات و نوورة تضحك من حركاتها ..يعني هي تعرفها من زماااااااان وعلاقتها فيها صداقة و بس !!!
وقرب يخلص رمضاان و هم على هالحال ..نكد و ملل ودراسة
بس الشي الحلو وقتها انه عندهم إجازة اسبوعين !!! وبعدها بتبدى المشاريع والتقارير وهالأشياء الزفت ,,,
و مرت لإجازة عادية ,, يعني طلعوا شوي و جيه بس الجو بعده حاار يعني ما شي عوامل مساعدة أبدا ..تواصلت ويا ربيعاتها القدامى و يطرشون مسجات حق بعض و جيه ..
طلعت شوي مع خواتها و غيرت جو ..كان اللي شاغل بالها شغلات وايد..
أول شي وضعها في المدرسة ..الحين صارلها شهر وهي بعدها ما أتأقلمت ..وهالشي مستحييييييييل ..مب نورة اللي جيه .. نورة من أول يوم في المدرسة الكل يعرفها وهالحركات ..و ثاني شي هند ...البنت ما تبيها و يالسة تكلمها مجاملة عشان ما تكسر بخاطرها بس ما تدق عليها ولا تطرش مسجات ولا شي ...
وحمدة اللي ما اتصلت ولا سألت ولا احد يدري عنها ..اختفت عن وجه الأرض ..قالولها انها راحت دبي للأبد ....يعني مب اول احد تخسره بس فعلا زعلت على حمدة لأنها شخص ما يتعوض ...
نورة كانت تبي حل لأنها فعلا ملت من هالوضع ...شكلها هالسنة بتكون أسوأ سنه بحياتها ...
\\//
خلصت الإجازة
ردوا حق المدرسة و الهم و القرف .. كلها هالفترة امتحانات و ضغوط و المسات مالهم خلق أحد والحصص مملة و الفسحة مملة أكثر ..حتى انهم دلوا مكان ورا المدرسة مجابل صفوف 12 علمي و صاروا يقعدون فيه عشان يشوفون أقل عدد من البنات ..تعرفوا على الصف كله و حبووه .. وعلاقتها ويا فطوم اتحسنت و صاروا best friends الحين الشلة مكونة من 4 بنات ..فطوم, نورة ,منووه و هجوور و دووم يشكون حق بعض من البنات اللي مب متقبلينهم ...
منووه : تدرون بنات ..حتى بنات عمتي ما عندهم ربيعات واايد ..
نورة : حتى البنات يوم يسلمون على وحدة يعرفونها يسلمون عليها هي بس والباجي طاااااااااااااااف
فطوم: بس صفنا اوكيه يعني ..حبوبات البنات
هجوورة : والله حتى صفي البنات كيوووت
نورة : تدرون عنوودي حولت أدبي ؟؟
منووه : يحقلها الصراحة ..علمي عوار راااس
فطوم: هيه والله ..
و بالصدفة لقوا عنود مارة ويا وحدة تقربها من بنات المدرسة حبووبه واايد اسمها نوف ...
هجور : هلااا والله عنود
عنود: هلا فيكم ..شخباركم ؟؟
منووه: تمام والله وانتي ؟؟
عنود: الحمدلله ,,
نورة : شخبارج ويا أدبي ؟؟؟
عنود: يعني ..انا احب علمي وايد بس ما رضوا ينقلوني صف وحدة منكم فحولت أدبي ..
هجوور : افتكي من الدراسة شو تبين بعوار الراس ؟؟
نورة : هههههههههه والله ما احد فاهم غير هجوور مسكينه كل يوم يالسة ويانا ونحن نذاكر ..
و تمشوا وياها شوي و عقب راحوا الصف
اتعرفت على وايد بنات .. و على وحدة اسمها شما ..هي ربيعتها من زمان بس العلاقة وياها ما كانت وايد ...
كان كل كلامهم عن بويات المدرسة و البويات بشكل عام و جيه ...كله يحاولون يعرفون بويات المدرسة ...
و يتحزرون أسمائهم و يتابعون نشاطاتهم عن كثب .. بس حسوا انه هالبويات غيــــــر ..ما يعطوون فيس و لا يطالعون ولا شي ..كأنه ما احد موجوود وهالشي كان يقهر نوووووووووووووورة !!!!!
و يوم العيد الوطني .. كان في فقرة يولة آخر شي و البويات طبعا ماخذين راحتهم و يرقصوون و كله يروحون
::::::صوب أدبي لأنه البنات يطلعون أصوات وجيه .. قامت نورة صارت تصفر و تطلع أصوات فراحوا صوب صفها ..
كان اليوم ممل من الخاطر .. البويات تموا تحت ويا حبيباتهم و حاطين أغاني و يهدون حق بعض و المسات عادي والإداراة كلها دااخل و هم ماخذين راحتهم !!!!
في بوية كانوا نورة و شما ما يعرفون اسمها و يسمونها زينب و دوم يسولوفون عنهم و كل كلامهم عن البنات القرف و شو لازم يسوون لأنه الوضع مب طبيعي !!!
\\//
و على عيد الأضحى عطوهم بعد إجازة أسبوعين ..و اختها بتسافر و بتخلي عيالها عندهم .. فكان شوي fun بس انه ما بيطلعون مكان و بيكون ملل ...
و بأول يوم اتصلوا فيها دانووه و ميرووه و ياو عندها و كاان ونااااااسه .. طلعوا شوي على حديقة قريبه منهم و استانسوا .. و قالتلهم عن هند انها اتصلت فيها اليوم وعيدت عليها ... و دانه مستغربة ليش تتصل فيها وهي أصلا ما تبيها !!!
و لعبت ويا ميرووه و تمشوا و الجو حلو .. بعدها ردوا البيت عشان يروحون دانه و ميرا بيتهم ..
مرت الأيام بسرعة وخلصت الإجازة و الكسل .. كان باجي بس أسبوع على المدرسة و يخلصون و يفتكون ...
و طبعا وضعهم في المدرسة على ما هو عليه ..بس طوفوا لأنهم السنه الياية ناويين ينتقلون من هالمدرسة الكريهه
زادت علاقتهم ويا بعض لأن ما شي غيرهم ..حتى ربيعاتهم اللي كانوا وياهم زمان تغيروا و صاروا نفس بنات المدرسة ..سلام ما يسلمون عليهم ...يا حسافة الصداقة بس !!
خلص الفصل الأول بمعاناه و تعب .. و بدت الامتحانات ..اللي كانت طبعا ماساويه بدورها .. كان وايد برد وضباب فسووه الامتحانات الساعه 10 بدال 8 فصار عندهم وقت أكبر يقضونه ويا ربيعاتهم ..
و يوم امتحان العربي كانت تتمشى هي و فطوم و شما و مها ربيعتهم و يذاكرون عربي ..
لفوا من ورا و لقوا بوية اسمها مريم يالسة ويا الليديات و يستهبلون و جيه .. فنوورة تمزح ويا ربيعاتها و تسمع لهم بحور الشعر و فعولن و فاعل و يضحكووون و لا يوم يلفون من جدامهم تقول وحدة من الليديات : بناات ..فعولن ورايي ههههههههههههههههههههههههه هههههههههههههههههه( بمياعه)
نورة هني انصدمت ... انه ليش سوت هالحركة هي ما قربت على احد و لا كلمت أحد .. حست عمرها بترووح و تعطيها كــــــــــــــــــــف بس سكتت و مشت عادي .. انقهرت وتمت تقوول حق ربيعاتها عن اللي صااار ...
حركة هالبنية كانت وايد حقيرة .. خصوصا انه نورة ما سوت لها شي ..من متى هي تسمح لحد يستهبل عليها و تسكت له ؟؟؟
لازم تصير أقوى ..حب هند ضعفها وااااايد ..خلاهامكسوورة و تبي بس تنساها ..
لازم تبين لهم انه هي شي .. لنه فعلا هي شي ..
كل البويات يحسبون أعمارهم شغلة وهم ولا شي ,,, بس مشكله الثقة الزايدة ...
::::::::::::::
قبل كم يوم من نهاية الامتحانات كانوا نورة وربعها يالسين يدقوون و يرقصووون ,, وهي مصرة تتعلم كيف ترقص امعلاية بس شوي شوي بتتلعم ..
يات بنت ربيعتهم (اماني ) هذي تعرف كل السكووووووووووووووول و ربع ويا الكل ..و بدت تدق وياهم .. و يت بوية اسمها نورة من مدرستهم الجديمة و صارت تهز شوي و هم يضحكوون و فجأة بدوا البنات اييون و ما لقوا غير نص المدرسة متجمعه عليهم
و يطالعون و شويه بنات يهزون و نوورة اللي تدق
بعدين يت شمووه و ووقفت معاهم و ربيعات هجوور بعد و جيه بعدين نورة وقفت وراحت ويا ربيعاتها وهي مستانسة انها لمت البنااات ..يعني هذي أول مرة تصير !!!
شافتها مها فقالت : كنت عارفة انه انتي يا نوورة ..هاي حركاتك ..
نورة : خخخخخخخخخ خل أعلمهم منو نورة !!!
و راحوا والبنات يطالعونهم باعجااب ..تخيلوا انه ما احد في المدرسة يسوي هالأشياء غيرهم !! فاشلييييييييييييييييييييي ييين
و بأخر يوم عقب الامتحان راحوا حق لجنة فاضية وتمو يرقصون و يعلمون البنات ,,اللي تهز مصري و اللي تهز دقني و هالحركااااااااات و يعلموون نورة بعد ووعدتهم بعد الاجازة بتيي وهي تعرف تهز ...
عقب رد الجرس و وودعوا بعض و راحوا ,,
///\\\
مرت الأيام الاجازة حلوة ..شتاء والجو بارد و يطلعون كل يووم ..ياو قرايبينهم من ألمانيا فتونسوا وياهم شوي ...
نورة طلعت الأولى على صفها و طبعا ما كانت متوقعة أبدا !!
يعني مدرسة يديدة و الظروف صعبة بس ما تراجعت ..حمدت ربها واااايد على التوفيق ,,أكيد لأنها زينه و ما تأذي الناس ..
و راحوا حق بيت خالتها و تلاقت ويا دانه وميرا و تونست شوي ,,كانوا بالنسبه لها أعز من خواتها و تقدر تقول كل شي حقهم ...
بس اللي خرب عليهم كان موضوع هند .. اللي صارت حالفة مليوم مرة انه ما تطرش لها مسجات و لاتكلمها ....... بس ويـــــــــن مستحيل تقدر ...
و كالعادة ..أيام الفرح تمشي بسرعه و لحظات الوناسة ما تدووم ...و الحين بيردون المدرسة حق النص الثاني ..كانوا كلهم يصبرون عمرهم على هالكم شهر ..ويعدون اليوم عشان تخلص المدارس بسرعه لأنهم فعلا ملوا .. و اكتشفوا انه حتى الأدبي ملانين أكثر منهم .. كان الوضع فعلا غريب يعني بعمرهم ما شافوا ملل هالكثر و بنات كريهات بهالطريقة ..كانت نورة تعتقد انها فعلا ما بتصير من البنات المعروفات في المدرسة لانهم ما يعطون أحد فيس ..
هل فعلا توقعها صح ؟؟؟ خلونا نشوف ,,
تلاقت ويا البنات أول يوم و تموا يسولفون لانه عندهم أخبار وااايد ..و فجأة يت منووه بالصدمة : بنات تعرفون انه مس الجيولوجيا بوية ؟؟؟
الكل : شووووووووووووووو ؟؟؟ مستحييييييييييييل
منووه: والله فطوم بنت عمتي قالت لي (فطوم بعد بويه وياهم في السكول )
نورة : وانا اقول ليش ما تكشخ وتتصرف نفس المسات الثانيات ..
فطوم: بس صدمة بصراحـــــــة !!!
منووه: و مس عايشة الرياضيات ليدي
هجوووووور : حتى هي ؟؟
فطوم: منو مس عايشة ؟؟
نورة : القصيرة اللي تدرس رياضيات حق 3 أدبي
فطوم: عرفتهاااااااااااااااا .....
نورة : منوه صدمتينا الصراحة ..اوفر اوفر
و ضحكوا وراحوا ..
وهم ماشيين نورة التفتت حق المنظر الغريب اللي شافته !!! أول مرة تشووف احد ستاايل في هالمدرسة ...
بووية يديدة منتقلة مدرستهم .. كشخة .. و شعرها قصيييييير أسود و فيه شويه أشقر .. ماسكة بنتين كل وحدة من صوووب
نورة : الحمدلله يا ربي الحمدلله ... أخيرا شفت حد كشخة في هالمدرسة
فطيم: ههههههههههههههههه
منوه: شكلها يديدة ....بنادي أمووون بشوف شو تعرف عنها
اللي اعرفوه انها منقوله عشان حبيبتها اهني .. و انها نوعا ما دحيحة ..و أول سنه تكون بوية .. وعلمي !!!!!!!!!!!
هذا اللي صدمهم أكثر شي ..مع انه بنت عم منووه علمي بس خلوود (البوية اليديدة ) ما كان مبين عليها أبــــــــــــــــــــد !!
و اللي يقهر انه المسات ما يكلمون أحد يوم يشوفون أوضاع مشينه في نص الساحه !!! مشكله والله
نورة خاطرها تتعرف على هالبوية لأنه شكلها غير عن الباجي ..مبين عليها حبوبة ... بس للأسف اول ما وصل احتوتها شله البويات الجديمة و صارت منهم و مثلهم .... حساافه والله ..لو انها تعرفت ببنات اوكي كانت ما تغيرت لي هالدرجة ...
::::::::::
بعد فترة ..بدوا شوي يتأقلمون و ييلسون برع ويا البنات ..و يشوفون أنواع الاستهبال ..خصوصي ايام المطر تشوفون البويات يدفون البنات على الماي و تتبهدل أشكال البنات ..
نورة وفطوم وعهود كانوا وايد ييلسون ويا بعض ..و عهود عطت سرها حق نورة و نورة انصدمت !! كانت تتحراها راعية بنات و جيه بس طلع العكس ..و بطلت حركاتها ويا نورة و صارت تثق فيها وايد و تحكيلها كل شي ..
علاقة نورة و شما في تحسن كبير ...شمووه كانت مخبية سر كبير ... بس نورة قدرت تخليها انها تقولها كل شي ... كان شكلها ضايعة وتبي الحل .. و أكيد بطلتنا تعرف هالاحساس و مجربته مليووم مرة حتى انه صارت تقدر تقراه في عيون الناس .... شما على علاقه ببوية من مدرستهم الجديمة اسمها اسووم .. و نورة انصدمت مليووووووووووون مرة لنها ما كانت تتوقع شما من هالنوع ... حكتلها كل شي و فضفضت لها عن كل التعقيدات في علاقتهم .. مشكلتها انه في بنية اسمها ايمان متحكمة بكل شي ..لنه أسوم تكلمها عن طريق ايمان ..و شما تحاول تطلعها من الموضوع بس ما تقدر لأنها ربيعتها .. حاولت نورة تساعدها و تفكر لها بحلول بس هي هالفترة فعلا تعبانه من موضوع هند اللي مخليها ما تعرف تنام ولا تاكل ولا تسوي شي ....
////\\\\
مر عليهم كم يوم هاديين بدون امتحانات ولا شي .. و صارت تقدر تيلس مع بنات صفها و ربيعاتها اللي في الصف ..بس أكثر شي عهود و فطوم اللي كانت معاهم ...
عهود مصرة تخلي نورة تقص شعرها قصه فكتوريا بيكهام (اللي من جدام اطول من ورا ) و نورة ما تبي لأنه ما ينفع شعرها كيرلي و ما لها خلق تسشوره كل يوم ..بس هي شعرها مدرج و خطر على بالها فكرة حلوة ...
ثاني يوم استشورت شعرها و دخلته داخل القميص فطلع جزء منه و بين نفس قصة فكتوريا ..و راحا السكول و تفاجأوا البنات لأنه اتحروها قاصة شعرها ..كانت فعلا رووعه و شكلها جذااااب ..لقتها أماني بالدرب و خذتها تمشي وياها هي وفطوم ..و كانت نورة ماسكة كتاب الرياضيات و تدرس ولا مس زينب بترميها برع الصف ..كل يوم تسأل البنات و كويزات و اشياء ..وامتحان الرياضيات والفيزياء بالنسبه لهم تعب أعصاب ..
وبينما هي ماشية و تكلم اماني .. فطوم ومنى كانوا وراهم ..كانت شايفة زينب تمشي على عكسهم و بينهم تقريبا 4 أمتار بس ما طالعت فيها لأنه شو تبي فيها ما تعرفها ..
و بعد شوي رفعت راسها و لقت زينب تطالعها بنظرة و ابتسامه على صووب ...نورة لفت ويها و بعد ما مروا طالعت بفطوم وضربت عينها على زينب لقتها طالعتها بعد مرة و قربت حق ربيعتها و همست لها بشي ...
أماني : شفتي موزة كيف طالعت ؟؟
نورة: منو موزة ؟؟
أماني : هذي اللي شعرها أشقر اللي طالعت فيج
نورة : هذي اسمها موزة ؟؟ تحريت اسمها زينب
أماني : لاا موزة..
نورة : يعني انتي شفتي اللي شفته
أماني : يس يس ,, شفتها تطالع بالعين بعد ...
نورة كانت مستانسة لأنه طالعتها ..أخيرا بتعود لمجدها القديم !!! و بيعرفونها البنات ..
خبرت فطوم و سألتها عن رايها ولو شافتها ولا لأ ,,حتى فطوم فرحت لها لأنه نورة اصلا جذابه والكل يتعرفون عليها ويكلمونها ...و بعدين مغامرات أحسن من هالملل !!
فطوم: يعني شو فهمتي من نظرتها ؟؟
نورة : امممم ,, انه هي انتبهت اني غيرت اللوك مالي ..
و سكتت شوي ....
يعني هم يشوفونا و يعرفونا و حافظين أشكالنا بس يسوون أعمارهم ما يشوفون و يستهبلون علينا !!!!!!!
فطوم: صح والله ,, معقولة معاهم من 4 شهور و ما يلاحظون وجودنا ؟؟ كلامج صح على فكرة ..
و كملوا مشيهم صوب الصف و شافت شما بالصدفة ..
نورة : شمووه تعالي عندي لج خبر
شما : شووو قولي ؟؟
نورة : أول شي البنية اللي كنا نتحرى اسمها زينب طلع اسمها موزة !!! وثاني شي طالعت فيني اليوووووووووم !!!!!!
شما : حلفي !!!
نورة: ههههههه والله ,, نظرة انه اللوك مالج حلو اليوم ..و تعرفين نظرات البويات كيف
شما : عدنا لأيام المجد يعني ؟؟
نورة : أي مجد و أي خرابيط .. بس طالعت فيني البنية !!
شما : اوكييييك ,, بس استغلي الوضع
نورة : ان شاء الله .. أقوول شصار ويا أسووم ؟؟ بعدها على حركاتها ؟؟
شما : اهاا .. و انا مقهورة ..أنه علاقتنا للحين محدودة وايمان اللي توصل كل شي ..
نورة : لاا تسمحين لها تسوي جيه !!!
شما : مب انا يا نورة ..انا لو ما قلتلها تروح أسوم و تقولها !!
نورة : أصلا انا ما كنت أتوقع ايمان من هالنوع اللي يحب بويات و يرابعهم و جيه ..
شما : هي ما تحب اسوم بس تقهرني ..
نورة : بفكر لج بالسالفة واقولج بعدين ..
فطوم :يالله بنروح الصف الحين المس دشت و بنتهزأ
وراحوا حق حصة الكيمياء ..
ثاني يوم بعد حصة الفيزياء راحت تودي أشياء المس والأوراق فوق ..والحين فسحة و كل البنات برع و جيه فراحت ودتهم وخلصت كل شي نزلت عشان تلحق تشوف شلتها و هي نازلة على الدري يلست وحدة من البنات اللي تعرفهم تكلمها و نورة لافة عليها و تضحك و شافت مس الرياضيات تحت تناديها كانت تبي منها شي و نورة بوزت لأنها تعبانه و ما لها خلق أحد فنزلت تشوفها و لا فجأة تطلع بويهها موزة و 3 من ربيعاتها و كلهم يطالعون فيها !!!!
نورة انصدمت من منظرهم (ليش يطالعون فيني ؟؟ الحمدلله والشكر )
وراحت حق فطوم و منووه و هجور .....
موزة من يومها وقفت الحركات وصارت نفس أول لا تطالع و شي و تسوي عمرها باردة و careless و هالشي قهر نورة واااااااايد ..أصلا هي من زمان مقهورة منهم كلهم يعني ليش يسوون أعمارهم شي وهم ولا شي !!!
::::::::::::
سمعوا البنات انه في مسابقة حق الأوائل على الصفوف في كل المواد ..
و طبعا يه لا احم ولا دستور نادوا في الطابور انه باجر صفها والصف اللي عدالهم بيتسابقون و قسموا المواد بينهم عشا كل وحدة تدرس شوي ...هذا غير الضغط اللي عليهم ..قعدت نورة تذاكر لين الساعه 2 في الليل وهي فعلا خلاص مقفلة !!
و خسروا بفارق نص درجة ,, يعني بعد كل هالتعب ما فازوا !!
و بطلتنا متعودة على هالشي طبيعي ..صار الخسارة والفوز كله واحد ..بس بنات الصف كانوا فخورين فيهم لأنه أصلا الأسئلة اللي جاوبوها ولا واحد منهم في الكتاب ..على عكس الفريق الثاني
طلعت من المسابقة وهي محبطة فعلا ..و ما لها خلق أحد ..لقت شما بويهها فراحت و كلمتها على طووول ..
شما : نوووورة بشري شصار ؟؟
نورة : خسرنا بنص درجة
شما : حرااااااااااااااااااااااا ااااااااااااااااااااااااا اااام !! والله ظلم ..نفس الشي المسات كانوا حاطين على بنات صفنا ما أدري ليش ..
بس تعالي عندي لج خبر فريش !!
نورة : (تحمست ) قولي شصااير ؟؟
شما : من فترة صارت منافسة بين اسوم ووحدة ربيعتها من المدرسة اليديدة اسمها حمود .. و ما قدروا يخلصونها فاقترحت عليهم وحدة يروحون البولينغ و يتنافسون هناك ..
و هم يلعبون اسوم سمعت صوت ضحكة رقاصات فلفت عليها ولا هي ايمان !!!
راحت سيدا و سلمت عليها هي و حمود و لاحظت ايمان انه حمود تطالع واااايد
حتى انها صارخت على واحد كان ياي يرقمها و طردته و تهاوشت ويااه !!!
نورة رفعت حاجبها مستغربة من اللي يالة تسمعه !!! ايمان ما فيها شي يخلي حمود تموت عليها !!!!
نورة : اوكي وبعدين ..
شما : خذت رقمها وهي تكلمها الحين .... وهم حبايب !!
نورة : و اسوم بعدها تكلم ايمان بنص الليل ؟؟
شما : لاا ..اونه حمود ما تبيها تكلمها ..بس بالمناسبات
نورة : حبيبتي هذا من جدام حمود .. من وراها الله يستر ..
شما : لأ أنا أثق فأسووم ..
نورة : خلج جيه .. كيفج ..يالله بروح أشتري شي آكله ..سلام
:::::::::::::::::::::::
بيوم من الأيام كانت شلتنا رايحة صوب المقصف عشان يشترون و عقب يلفون من ورا و يتمشون هناك ..
نورة طالعت بطرف عينها على مريم وخلود اللي كانوا يالسين على طرف العلم و تشوف مريم تطالعهم !! نورة ما التفتت ولا شي بس أشرت حق فطوم بعيونها (انه شوفي ) ,, لفوا البنات و ردوا من الدرب اللي ياو منه و ما علقوا على أي شي لأنه أكيد ما كانت تقصد ولا شي
حتى اليوم اللي بعده راحوا حق عنودي وشلتها اللي كانوا عند عواشر ,, وهم مارين عشان يسلمون عليهم شافت مريم تطالعهم بالفيــــــــــــــس !!! يعني صج غريبه .. اللي طالعوا فيهم صاروا 2 من أصل 4 .. الله يستر من باجر ....
\\//
اليوم هو يوم عادي للكل ,, يعني نص الأسبوع و ما شي يديد و دراسة و امتحانات كالعادة ..بس هاليوم بيغير مسار الأحداث شوي ..
مس الكيمياء عندها اجتماع ضروووري فبدلت الحصة ويا مس الرياضة و خذتهم الأولى رياضة ..
الصالة الرياضية كان فيها اعمال صيانه عشان المكيفات اختربت و المكان كله ماي
دخلوا بنات الصف على الصاله الرياضية وانصدموا من منظر الشلالات الطبيعية اللي تنزل من السقف .. و نووورة دشت ركض عان ما تخترب قصتها من الماي ..
بعد ما انتشروا البنات في الصاله طلعت عهود فوق و قعدت ترش على البنات ماي المكيف و البنات يصارخون و نورة وياهم .. و لاحظوا انه صف عنودي دخل وياهم فراحت تسلم على البنات ... و بالصدفة طلع صف عنود هو نفسه صف موزة !!! نورة ما كانت تعرف انهم ويا بعض بس ما عطتها اهتمام ولا طالعت ولا شي
وراحت قعدت هي و عهود و فطيم على طرف الصاله واتسندت على الطوفة ....
قعدوا يسولوفن والوضع عادي بس نورة لاحظت شي غريب ..موزة كانت ماسكة بنية و ماشية وياها بس بنفس الوقت كل شوي تطالع نورة .. و نورة تطالعها من طرف عينها و موزة مب منتبهه عليها ولا شافتها .. و مر فترة و موزة تطالعها و تقرب صوبهم شوي شوي ..لين نورة نادت وحدة من البنات اللي كانوا ويا موزة و سلمت عليها
نورة : هاي هيفااااااااا !!!
صفاء : هلا والله ..انتي هيفا مب انا
نورة : هههههههه هيه صح انا هيفاء (هالحركة كانت تسويها السنه اللي طافت تقلد هيفاء وهبي )
فطيم: صفووي شخبارج ؟؟
صفاء : تمام
و ما لقت غير موزة صارت واقفة بويهها !!! و تاكل غالاكسي و ماسكة البنية و تسمع !!
نورة ما طالعت فيها أبد أبد ..كانت تلف راسها صوب فطوم يوم تكلمها و ترد تلفه عند عهوود و هذيك واقفة جدامها ..ما بين على نورة التوتر أبدا .. اللي يشوفها يقول انه كل شي تمام بس من داخلها ترتجف !!! تمت تكلم عهود عادي و بعدها قالت حق عهود تقومها و راحت تمشت وياها و تركت موزة واقفة مكانها .. ما تدري من وين يات لها قوة الأعصاب و ما طالعت فيها .. كيف قدرت تخبي توترها ؟؟؟؟ الظاهر انه بعدها تمتلك skills !!! و ما نست كل شي نفس ما كانت تعتقد ....
تمت تتمشى ويا عهود و تروح و تيي و موزة راحت حق ربيعاتها اللي يطبلون و يغنون بس بعدها عينها على نورة
نورة و عهود ما عطوها فيس ولا شي ..و يتكلمون عن الزواج التقليدي و عهود تشكي لها خوفها من انه يغصبونها تتزوج ولد عمها
نورة :انزين و فيه ولد عمج عشان كارهتنه لي هالدرجة ؟؟
عهود: حقير .. وصخ .. كل شي فيه كريه .. نظراته ..حركاته ..
نورة : تقصدين انه يطالعج بنظرات ....... (و ما كملت جملتها و تركت عهود تفهمها بروحها )
عهود: ما فهمت ؟؟ ( خيـــــــــــــــــــــــ ـبه !! )
نورة : يعني نظرات غلط !!
و انتبهت انه صوتها عالي و شافت موزة تلف عليها و تطالعها !!!!
نورة : ويـــــــــــــــــــــــ ـــــــــــــــه !!!! الحين بتفكر اني اتكلم عنها
عهود: عطيها طااف ..
و كملوا كلامهم و طلعوا فوق عند الكراسي ..
نورة : ويه المكان كله مااي ..
عهود: ماااالت على الرقة !!
نورة : ههههههههههههههههههههههه ..حلوة !!!
أقول تعالي نستهبل على البنات ؟؟
عهود: اوكي ...شو بتسوين ؟؟
نورة : شوفيني ..
و قعدت تسوي نفس ملكات الجمال و تاشر لهم و تحرك ايدها نفس الأميرات يوم يحيوون الشعب ..
و نادت من بعيد : فطووووووووووووووم ..فطيييييم !!!
فطوم: هااااااااااااااااا ؟؟
نورة : كل يوم أحد و خميس في جلسة تصوية و توقيع
فطوم: ههههههههههااااااااااااااا ااااااااااااااااااااااااا اي حلووووووووووووووووووووة !!!!
نورة : هههههههههههههههههههههه
و تاشر حق ربعها أنه بتوقع لهم اوتوجراف و عهود تضحك عليها ...
راحاو عشان ينزلون من الصوب الثاني لقوه مسكر فردوا مشوا من المكان اللي ياو منه ...
فشافت وحدة من بنات الصف تدق و تغني فنادت عليها : مجووووووووود ..يالله دقني دقني (ومالت على صوبع هوود) ..
و الكل يضحك على خبالهم
و هي تنزل شافت موزة و صفاء يايين صوبهم بس ما اهتمت قالت يمكن يتمشون عادي ...
نزلوا ولقواهم على الصوب الثاني من الباب يبون يدشون .. و كعادة نورة خلت عهود تمشي قبلها و هي يايه بتطلع نطت موزة في ويهها و سدت الباب ...
و صارت نورة داخل و موزة و صفاء برع .....نورة استحت شوي بس ما بين عليها ...
موزة : أقوووولج .....
نورة : نعم
موزة : ارقصي دقني ..
نورة : ما اعرف ..!!
موزة طالعت في صفاء و ابتسموا ثنيناتهم ..و ردت قالت : لاا والله ( بنبرة رجاء) ... يالله ارقصي ...
نورة : والله ما اعرف !!!
ردت موزة طالعت بصفاء و تموا يطالعون بعض و نورة واقفة !!
عقب قالت : ممكن أمر ؟؟
بعدت لها موزة و طلعت و راحت حق عهود اللي كانت تطالع ....
نورة : عهودو يالكلبة ليش ما ييتي ؟؟
عهود: ما أدري كنت اكلم ربيعتي و لفيت شفتج واقفة وياهم ..الا شو قالتلج؟؟
نورة : تبيني ارقص لها دقني ..
عهود: شووووووو ؟ ههههههههههههه ,,,, و ليش ما رقصتي ؟؟
نورة : لاا والله !!
و راحت سيدا حق فطيم و يلست بحركة سريعه و تقول : فطييييييييييم موزة كلمتني !!!!
فطوم: والله شو قالت ؟؟؟
نورة قالت لها كل شي ...و تمت يالسة معاها و تسولف ويا البنات و تضحك .. و موزة كل شوي تمر من جدامهم و تتمشى عمدا .. و اختنا في الله طاااااف ولا كنها شايفة شي ... و خلصت الحصة و قاموا عشان يردون الصف ... طلعت موزة من باب الصاله و بعدين وراهم نورة و ربعها .. و قبل لا تلف على الممر اللي بيوصلها صفهم طالعتها بنظرة و راحت ..عنود و زينب ما فوتوا على اعمارهم هالأكشنات اللي صايرة راحوا سيدا حق نورة و قعدوا يسألونها شصار .. عنوود: نويرة قولي شو صار ؟؟؟
نورة : ماشي بس وقفت جدامي و تقولي ارقصي دقني
زينب : عااااشت نوووورة ...
عنود: هي سألت عن اسمج و لو عندج حبيبه ولا لأ
نورة : اها وشو قلتي لها ؟؟
عنود: قلت لأ .. و تبي رقمج بعد
نورة : لأ لا تعطيها
زينب : ليش ؟؟
نورة : ترا ما أعرفها !! وبعدين كل ها حركات بويات ولعب و بس ..
عنود: كيفج .. والله موزو ما في منها
نورة : الله يخليها لكم ان شاء الله ..يالله باي تأخرت عن الحصة ..
و طلعت و هي مستاااانسة .. أخيرا احد لاحظها !!!
دشت الصف و فطوم يلست تحن فوق راسها قوليلي وقوليلي و هي من الوناسة ما تبي تكلم احد ولا تسمع أحد ...
راحت استاذنت و طلعت الحمام ...
وهي نازلة كله مبتسمة و تغني و من داخل ترقص و تناقز من الفرح ..
عدلت عمرها و ردت الصف وهي بتمووت من الوناسة ..
و في الفسحة راحت ركض تقول حق منووووه كل شي بالتفاصيل .....
و تمشوا ورا شوي هي وفطوم قبل لا تيي هجوور ..
منوه: وانتي شو ناوية تسوين ..
نورة : ولا شي .. ما أبيها
منى : ليش ؟؟ العبي فيها ما احد يقولج حبيها
نورة : ما لي خلق و ما ابيها تسويلي الحركات اللي تسويها حق ربيعتها هذيك ..
منى : بس بتصيرين مشهورة والكل يعرفج ..يعني بتصيرين شي
نورة : وانا الحين شوو ؟؟ مب شي ؟؟
منى : لااا ..
نورة كا همها الكلام لنها تعرف عمرها عدل ... فمشت و هي ساكته و خلتهم يتكلمون ...
انتشر الخبر بسرعة البرق .. حتى انه نورة يوم نزلت في الفسحة الكل كان يطالعها و يتهامسون .. و ربيعات موزة نادوها عشان يكلمونها و يسألونها عن عنود و زينب ...
الكل كان يطالع الا موزة .. بس ما همها ..أكيد ما بتطالع الحين و بتسوي عمرها شي و تثقل وهالحركاات ...
عنوود: أول سؤال سألتني ياه عندها حركات ولا لأ ؟؟
منووه: ههههههههه بويه ما تنلام ..
نورة : بس أنا بعرفها اهي منوو .. ما بعطي فيس ..(و مشت بحركة مغروروة )
فطوووم: ( تصفر بصوت عااااااالي ) عااااااشت نواااارة
نورة : صدقيني .. نوارة الحين تغيرت ...
منووه و البنات قعدوا يضحكون عليها ..
نورة : شوو ؟؟
منوه: شوفي عمرج كيف تتكلمين ,, اوووووفر
نورة سكتت ... و كلامهم و ضحكهم أحبطهااا وااايد ...ما تدري ليش مع انها ما تهتم لكلام الناس بس هالمرة تاثرت صدق ..
مشت عنهم شوي لأنها شافت شمووه وأماني .. وراحت تقولهم اللي صار معاها ..
أماني : أكشناااااااات من ورانا هااا ؟؟ بس انتبهي نورة ترا موزو تلعب على البنات ..
نورة : ههههههههههههههه ,, لااا يختشي ... لا تخافين أنا نوووورة مو حياالله
شما : بس والله اللي صاير معاج غريب ..
نورة : يس يس أدري
و ردت حق شلتها هي و فطووم و بعده الاحساس بالاحباط ماليها ... حتى انها سكتت وما قامت تسولف نفس قبل ..و بين على ويهها انه في شي ..
فطوم تريت لين خلصت الفسحة وراحت عشان تسألها شصاير ... و نورة رافضة تقول أي شي لأنها تدري انه محد بيفهمها ...و تمت على هالحال لين آخر الدوام ..
ثاني يوم كان عادي بالنسبه للكل ...امتحانات و هم ..الله يعين ..
بس في وحدة كانت مستغله الوضع على اكمل وجه .. موزووه بدت حركاتها تطلع للعيان ..كله تطالع نورة بس يعني تطالع بثقل ..مسكينه ما تدري انه نورة بتجيب راسها وراس ابوها بعد لاا نوت ..بس المشكله انه نورة ما تبيها !! و هذه سابقة من نوعها ..يمكن لأنه قلبها ويا وحدة بس ...
كانت موزة كل يوم تطالع نورة من تحت لي تحت ..و تتعمد تمر من عدالها يوم تكون ويا ربعها .. بس نورة كانت اذكى منها و تدش بالنص على طوووووول ..
اسبوعين كاملين وهي على هالحركااات ..يوم تكون يالسة على الكرسي اللي عدال غرفة الدين اتم تطالع فيها ..حتى يوم تدخل المدرسة الصبح على طوول تلف تشوفها يالسة ولا لأ ...
:::::::::
بعد كم يوم ..نورة وفطوم كانوا يالسين على الكرسي اللي عدال غرفة الدين ويسولفون ,, الكل كان خايف من نتايج امتحان الفيزياء ..الامتحان ما كان صعب و كل شي من الكتاب بس صعبة يذاكرون كل الأسئلة مالت الوحدة ...و يشكون حق بعض همومهم و الدراسة والبنات ....
نورة ذاك اليوم ما شافت موزة الصبح لأنها كانت في صفها و تدرس هي و فطوم حق امتحان الجيولوجيا .. أصلا هي ما تبي تشوفها بس حلوة الأكشناااات صح ؟؟
المهم و هم قاعدين مرت نحلة كبييييرة من عدالهم ووقفت على جهة نورة .(اللي تموت رعب من الحشرات ).و لا الثانية تصارخ بأعلى صووووت و تروووح ركض ورا فطوووووم ...
و بين كل هالخوف و الصراخ رفعت نورة عيونها و لقت موزة تطالعها و مبتسمة !!!!! هني حست روحها تفشلت صـــــــــح فردت و يلست مكانها
لفت ويهها عشان ما تشوفها ..فعلا كانت مب قادرة تطالع فيها ..يمكن لأنه موزة وااايد حلوة .. أو لأنه نورة فعلا ما تبيها .....
تمت فطوم تسولف و تتكلم و تضحك ..و نورة تسولف معاها بس مب واايد يعني هي كانت تسمع أكثر ..و لا تيي موزة و سارة و عايشة و بنت رابعه ويوقفون عدالهم بالضبط ... و ما يحتاي اقولكم عن النظرات والابتسامات اللي من تحت لين تحت ...
و كل شوي تقرب عليهم و تسوي عمرها بتروح لهم و بعدها ترجع فجأة ..نوورة ميته رعب ..ما تبيها تكلمها ولا شي ولا حتى تيي عدالها و كانت تدعي من دااااخل (بليز يا رب لا تخليها اتيي بليز بليز ) و متوترة بس من برع كل شي طبيعي واللي يشوف ابدا مايشك !!!
فجأة ياه الانقاذ و رن الجرس و مسكتها فطوم عشان يرورحون الصف ....
نورة : الحمد لك يااااااارب ..الحمدلله
فطوم:ههههههه هالكثر خايفة منها ؟؟
نورة : مب انه خايفة بس ما أبيها اتيي عدالي ولا تكلمني ..
فطوم: ليش ؟؟؟؟؟؟؟؟
نورة : ما أدري والله أنا نفسي مستغربة بس ما ابيها تكلمني وبس ... ما ابيها تلعب فيني لني مليت من هالدوور ...
فطوم: نورة انتي ليش دوم تخبين اللي داخلج .. يعني انتي تبينها تسوي حركات واليوم اللي ما تطالعج فيه تزعلين و ما أدري شو ..بس بنفس الوقت ما تبينها ؟؟؟؟!!!!!
نورة : السالفة مب جيه .. والله اني ما أبيها ..ليش محد راضي يصدقني ؟؟؟
فطوم: كيفج ....
و طلعوا الصف ....
خذوا كتبهم و نزلوا حق الجيولوجيا ... فطوم و نورة ملاحظين انه المس تغازل ببنات الصف عيني عينك و كل ما تقول شي نورة تضرب فطوم مت تحت الكرسي و يضحكون ....
و تدلع فاطمة وتقولها فطوم ووحدة في الصف بعد تناديها دندونتي !!
لو المسات جيه البنات شو بيكونون ؟؟؟؟؟
الله يعين بس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك