رواية الجو بارد وابي حبك يدفيني -9
العنود نزلت على الدرج بكل ثقه وانوثه
الضيوف انبهرو بالعنود ولفتت انتبههم بنوثتها الطاغيه
هدى حست بغرور وفخر بالعنود وهي تشوف الانظار كلها عليها
جواهر قربت للعنود:وش هالحلا
العنود:تسلمين ياحياتي
هدى قربت لهم:العنود تعالي في ضيوف حابين يسلمون عليكم
العنود ببتسامه:انشالله ومشت
هدى:هذي مره طارق يام عبدالله
ام عبدالله:مشالله الله يحفظك كامله والكامل الله
العنود:تسلمين
هدى:عن اذنكم
وراحت هي والعنود
وقفت عند مجموعه حريم
سلمت العنود عليهم
ام فيصل:مشالله على طارق عرف يختار
انتصار:ايه مشالله
العنود:تسلمون وشافت اهلها:عن اذنكم
وراحت لاهلها
حضنت امها بفرح:ماما وحشتيني
ام ناصر:ياروح امك البيت من بعدك مايسوا
امجاد:العنود وش هالجمال
العنود ابعدت عن امها وحضنتها:وحشتيني
امجاد:وانتي كمان
هيام:ابعدي جاء دوري
ابعدت امجاد وحضنتها هيام:العنود وربي متغيره
العنود:وش تغير فيني
هيام:لبسك ذوقك وصرتي احلى
العنود:انا حلوه من الاساس
امجاد:ياثقه
ام ناصر:يحق لها
باست امها العنود:فديتك يمه
هيام:القصر كبير ويتوه
العنود:لا وغرفتي بالدور الثالث ماأوصل الا منكسر ظهري
امجاد:اوف الثالث
ناظرت العنود وشافت
وعمتها وحنين
راحت لهم وباست عمتها:وحشتيني عمتو
ام نواف:فديتك ياقلب عمتك وحشتينا
حنين:العنود ليش ماتسلمين
العنود:سورى ياقلبي من شوقي لعمتي نسيتك
وسلمت على حنين
حنين ناظرت بالالماس اللي لبسته العنود وحست بغيره وقهر ان العنود عايشه بهالقصر وتلبس الماس
حنين:اخبارك العنود
العنود ببتسامه واستغربت ان حنين تسال عنها:بخير مشكوره
ام نواف:بنطول واقفين
العنود:اوه سامحيني عمتي من فرحتي نسيت تفضلو
ودخلو
وجلستهم العنود عند اهلها
امجاد:اجلسي معنا العنود
العنود:بجلس بس بنات عمي وعمتي ام احمد مابيجون
امجاد:امبله
العنود التفت على صوت جواهر:العنود
العنود مشت لها:هلا
جواهر تمسك ايدها:بعرفك على صديقاتي
العنود:طيب
وجلست تسلم عليهم العنود وتسولف وكلهم حبوها وعطوها ارقامهم
العنود التفتت وشافت بنات عمها استاذنت
وراحت لهم
اشواق على طول حضنتها:وحشتيني ياحياتي
العنود:وانتي اكثر ياقلبي
اشواق ناظرتها:وش هالحلا وربي ماعرفتج
العنود:شدعوه يابكاشه
اشواق:هههه فديتك
سلمت العنود على ام احمد
وعلى ديانا
ورنيم
رنيم:واو لابسه الماس بس بجد روعه طالع عليج طارق شراه لج وتغمز لها
العنود باحراج:تعالو اجلسكم عند اهلي
رنيم:صرفي صرفي
اشواق+ديانا جلسو يضحكون
ودخلتهم العنود
ونادتها هدى وجلست تعرفها على الضيوف
بالكويت
فجر لبست بنطلون جنز
وبلوزه حمراء
وخلت شعرها اللي طال شوي مفتوح
وحطت روج بس
وطلعت
ودقت باب شقه
فتح وليد ومن شافها ابتسم
وفجر نظرته لابس برموده وبلوزه خضراء ومجعد شعره
عجبها حيل ابتسمت
ومسك ايدها وليد وطلعو
راحو للملاهي
اول ماوصلو
اشترو فشار وجلسو يتمشون
فجر شافت دبدوب احمر وجنت عليه:وليد العب هالعبه واكسب الدبدوب
وليد:من عيوني
وراحو للعبه
اخذ الكوره ومطلوب منها يدخلهم بالفتحات
رمي اول كوره مادخلت
فجر:وليد ركز
وليد:طيب حياتي
ومسك الكوره الثانيه ورماها ودخلت
وطارت من الفرحه فجر وباست خده
وليد:يابنت اركدي
فجر:ههههه طيب
ورمى وليد الثلاث رميات الباقيه ودخلهم
فجر حضنته بفرح :واو فديتك
ضحك وليد واخذ الدبدوب وعطاها اياه
وراحو يلعبون لعبو القطار
وكل لعبه فجر خلت وليد يلعب معاها
<<<<<<<<
نرجع لقصر طارق
حان وقت العشاء
دخل جميع الضيوف لغرفه العشاء
البنات مارحو العشاء جلسو يسولفون
رنيم:بصراحه العنود اهله كيف يعملونج
العنود:عادي
رنيم:كيف يعنى عادي طارق نفس معامله عمته واخته حسيتهم حيل حليلين معاج
العنود:ايه هم حيل طيبين وبخاطرها:الا هو وعمته
اشواق:الله يسعدج ياقلبي
العنود:امين
هيام:طفشت
امجاد:لانك ماتعودتي على هالحفلات
هيام صفقتها على راسها:اسكتي بس
جواهر وهي جايه للبنات:شكنتو تقولون
رنيم:القافه
ديانا:رنيم
جواهر:هههه لا عادي انا احب المزح وابيكم تعتبروني اختكم عادي
هيام:تسلمين وانتي اخت واكثر
جواهر:تسلمين وهمست للعنود:شكلك تعبانه
العنود ببتسامه:اي والله
جواهر:بعد العشاء يطلعون لضيوف واطلع ارتاحي
ابتسمت العنود
وجلسو يسولفون
شوي خرج الضيوف
وبعد نص ساعه الكل طلع
والعنود سلمت على اهلها وطلعت لغرفتها على طول
رمت نفسها على السرير بتعب
وقفت وراحت التوليت اخذت دش وطلعت بروبها وقفت عند المرايا وفتحت الفوطه اللي على راسها
ومشت للباب
عشان تقفله مسكت الباب وانفتح
وحست برجفه من شافت طارق
دخل طارق
وقفل الباب وابتسم
وقرب لها مسك خصرها
وو+__^
<<<<<<<<<<
ببيت ابو ناصر
ام ناصر دخلت غرفتها
شافته مانام
جلست جنبه
ابو ناصر:شخبارها
ام ناصر:بخير لاتحاتيها
ابو ناصر:كانت مبسوطه
ام ناصر:حيل بس بقوم ابدل واقولك كل شي
قامت وبدلت
ورجعت جلست جنبه وجلست تسولف له
.....
بغرفه امجاد وهيام
امجاد انسدحت جنب هيام:هيوم شفتي حنين بس تسولف مع العنود وتضحك حسيت براسها شي
هيام:لامو لهدرجه
امجاد:يعني مستغربتي عمر حنين ماسولفت معنا
هيام:استغربت بس عادي
امجاد سكتت
هيام مسكت لابها وفتحته
وفتحت ايميلها ولقت اضافه
ماقبلتها
وفتحت المنتدي
وسجلت دخلوها
حصلت رسالتين فتحتهم
حصلتهم من"جريح الايام"
قرتهم وفقعت ضحك
امجاد:شفيك
هيام:تخيلي مشاركتي ميه بس و صاحب المنتدي حطني مراقبه عامه
امجاد:اوخص
هيام:بس حاسه ان وراه شي
امجاد:مثل شنو يعني
هيام:مادري
امجاد:انتي لتعطينه وجه بس
هيام:اكيد مبعطيه وجه
قفلت المنتدي والاب
وانسدحت
<<<<<<<
ببيت ابو احمد
بغرفه رنوم وديون وشوقه
اشواق:فديتها والله حيل كانت وحشتني العنود
ديانا:ايه والله وحيل صايره حلوه
رنيم:ايه الله يحفظها بس انا استغربت من حنين اللي بس تسولف مع العنود
اشواق:حتى انا
ديانا:عاتي يمكن الله هداها
رنيم:ماتوقع وحنين وراها شي
اشواق:ياخبر اليوم بفلوس بكرا ببلاش
ديانا:خلونا ننام بس
رنيم:حدي دايخه
اشواق طفت الضوء وانسدحت جنب خواتها
......
بغرفه تركي
انسدح بسريره
واخذ جواله واتصل بغرور
غرور:الو
تركي:فديت هالالو
غرور استحت وسكتت
تركي:اشتقت لك
غرور:وانا بعد
تركي:انتي بعد شنو
غرور بدلع:اشتقت لك
تركي:ماقدر على هالدلع انا ارفقي بي
غرور ضحكت بنعومه:تروكي
تركي:قلب تروكك
غرور:اممم تكلم لي شوي عن نفسك
تركي:انتي شنو حابه تعرفين عني
غرور:كل شي
تركي:طيب انا قلت لك اني ادرس اداره اعمال احب الرياضه وركوب الخيل واحبك انتي
غرور بخجل:وبعد
تركي:بس
غرور:شنو الوانك المفضله
تركي:ابيض واسود وازرق وانتي
غرور:انا نفسك باضافه الاحمر والاورنج
تركي:طيب ابي اعرف كل شي عنك
غرور:انا مادرس يعنى ابوي خلني ماكمل كليه
تركي:ليش
غرور:بعدين اقولك
تركي:طيب
وجلسو يسولفون
<<<<<<<<
ببيت ام نواف
ام نواف دخلت غرفتها ونامت
..........
بغرفه حنين
مقهوره من العز اللي عايشه فيه العنود
وميته غيره
وبنفس الوقت
فرحانه انه خطت الخطوة الاولى مع العنود
وشوي شوي بتقوي علاقتها معاها وتنتقم من طارق وتخرب بينهم
...........
بغرفه نور ونواف
نور:حبيبي بشنو تفكر
نواف:محمد اخوي
نور:شفيه
نواف:اتصلت فيه من شوي واسمع صوت رقص واغاني
وحسيته يتكلم بشكل مع طبيعي
نور:شلون
نواف انسدح:انا لازم اكلمه بكرا واعرف شفيه
نور انسدحت على صدره:انشالله
<<<<<<<<
بالكويت
عند فجر ووليد
بعد ماتعبو من كثر العب بالملاهي
رجعو البيت
وكل واحد دخل غرفته
ورمى نفسه على السرير
ونامو
<<<<<
انتهى البارات
توقعاتكم
لتركي وحبه لغرور هل بيدوم هل بيتحقق؟
العنود وطارق ؟
فهد هل بيقدر ينسي رنيم؟
الباراااااات الثاني عشر
بالكويت
ببيت ام وليد
صحت مشاعل ولبست فستان قصير
وفكت شعرها وتعطرت
ومرت على امها بالغرفه:ماما انا طالعه
ام وليد:وين انشالله
مشاعل بروح السوق مع سجى
ام وليد:لاتطولين
مشاعل:انشالله
وطلعت
ركبت مع سجى وراحو السوق
وجلسو يتسوقون
سجى:مشاعل بصراحه لبسج وايد مايصلح
مشاعل:ياشيخه عادي
سجى:براحتك
مشاعل شافت واحد عجبها حيل
مرت من جنبه وحطت ورقه بجيبه
ولفت وابتسمت وكملت تمشي
..........
عند فجر ووليد
بالشقه
فجر جهزت عشان بيطلعون السوق
نزلت تحت شافت وليد ينتظرها بالسياره
ركبت وببتسامه:تاخرت عليك
وليد:عادي انتظرك حياتي كلها
فجر:الله لايحرمني منك
وليد مسك ايدها وباسها:ولامنك
وحرك السياره
<<<<<<<<
بالسعوديه بقصر طارق
صحت العنود وناظرت بالغرفه وماحصلت طارق تذكرت امس وحست بخجل
وقامت واخذت دش
ولبست فستان وردي
وخلت شعرها مفتوح بس مسكته بمسكه صغيره
وحطت روج وردي وكحلت عيونها وحطت عطر
وطلعت
نزلت تحت
وشافت طارق جالس عند عمته
دخلت:السلام عليكم
طارق+هدى:وعليكم السلام
العنود تحاول انها ماتناظر بطارق تحس انها مستحيه منه
هدى:اخبارك اليوم يالعنود
العنود:بخير ياخالتي
وقف طارق:انا تاخرت لازم اروح لشركه
هدى:الله معاك
طارق ناظر بالعنود ومشي
حست بنظراته العنود بس ماحبت تعطي نظراته اي اهميه هدى:بيضتي وجهي بالحفله امس يالعنود
العنود ببتسامه:ماسويت الا الواجب
هدى ابتسمت وطلعت غرفتها
العنود راحت عند المسبح
وجلست تتمشي وتفكر"الى متى بتظل علاقتي معاك كذا ياطارق الى متى بتعاملني كذا وبهالغرور
تعبت يارب مالي اسبوع متزوجه وماحسيت اني متزوجه ولابفرحه اي بنت لاتزوجت ولاحتى فكر ياخذني شهر عسل
انا شجالسه اقول اي شهر عسل وهي ماخذني عشان اجيب له ولد "وظلت تتمشي وتفكر
<<<<<<<<<
ببيت ابو ناصر
امجاد جالسه تذاكر
ماباقي الا اسبوع على اختباراتهم
هيام طبعا اختباراتها خلصت بس باقي ماطلعت نتيجتها
ضاري جالس يذاكر لانه باقي له ماده وحده
....
بغرفه فهد
خلص مذاكره
وطلع ركب سيارته
وحرك جلس يفرفر يحس انه مكتوم
شغل المسجل
اغنيه "ببعد عنك" لماجد المهندس
حط صوت المسجل على اخر شي
"خلاص ببعد عنك خلاص ابرحل خلاص ماجاء القلب منك يكفيه"
"حب من طرف واحد لابد يذبل"
"وشلون وردي يعيش من دون ساقي"
"يااللي وصالك مر هجرنك اجمل"
"ان قلت احبك قلت هالحب مابيه"
"القلب قال اللي بالاول تحول"
"منت هذاك اللي انا كنت اغليك"
"لاتظن انا في يوم منك ابزعل"
"لصرت قلبي خاينه وانت غاليه"
"الحين ابرحل عنك وابعد ولاأسال"
"قلبي تعب من قلب مات الغلا فيه"
"خلاص ببعد عنك خلاص ابرحل خلاص ماجاء القلب منك يكفيه"
وجلس يبكي بدون شعور
وزاد سرعه السياره
وفجاه وقف
وحط راسه على الدركسون ويبكي"حاولت انساك يارنيم حاولت بس ما قدرت ماقدرت
تعبت يارب ارحمني يارب تعبت اداري حزني" ويبكي
وحس باللي دق الشباك عليه
رفع راسه وشاف رجال شايب وبنته معاه
فتح الشباك:امر ياعم
الشايب:نبي نمر ياوليدي وانت واقف بطريقنا
مسح دموعه فهد:وين بيتك ياعم
الشايب:هذاك هو
فهد ناظر وشاف بيت من طين
اركب اوصلكم ياعم
الشايب:تسلم ياولدي
ركبو وحرك وقفهم عند بيتهم
ونزلو
الشايب:انزل اتقهوى عندنا
فهد:تسلم ياعم
الشايب:تفضل ياولدي
نزل فهد ودخل
ولف وطاحت عينه بعين البنت
وحس بشي غريب وصد
ودخل عند الشايب
تقهوى وطلع
ركب سيارته ورجع البيت
<<<<<<
ببيت ابو احمد
رنيم جالسه تذاكر
وديون وشوقه
نفسها
وتريك جالس يراسل غرور
واحمد جالس مع ابوه
يتكلمون عن الشغل
<<<<<<
ببيت ام نواف
جالسه ام نواف مع اميره الى جتها الصباح هي وعيالها
اميره:حنين ومحمد لمتى بيتمون كذا يمه
ام نواف:شتبيني اسوي لهم كافيني ابوك
اميره:بس يمه كلمي نواف لانه بيقدر يخليهم يتادبون
ام نواف:لا نواف لا
اميره:ليش يمه
ام نواف:تعرفين اخوك عصبي ومابي اضايقه
اميره:مهما كان يمه لازم يحط لهم حد
ام نواف:انا بتفاهم معاهم بطريقتي الخاصه
دخل نواف ونور:السلام
اميره وام نواف:وعليكم السلام
نور باست اميره:لك وحشه
اميره:وانتي كمان
نواف:نورتي البيت ياميره
اميره:نورك ياخوي
اسماء راحت لامها:ماما
اميره:نعم
اسماء:ابي كذا وتاشر على الساري اللي لابسته نور
جلسو يضحكون عليها
نور:انا مو بكيفي وناظرت بنواف محكوم علي
اميره:فديت زوجي مخليني على كيفي
نواف وهي يحضن نور:حتى انا زوجتي على كيفها
ام نواف:هذا اللي تبيه
الكل ضحك
دخل محمد من امس توه
رجع ويروح يمين يسار
نور اخذت عبايه اميره ورمتها على نفسها
ام نواف ونواف واميره وقفو مصدومين من منظره
نواف عقد حواجبه:محمد
محمد وهو يترنح:نعم
نواف:من وين جاي
محمد يحرك بصبعه:وانت شعليك انا عمري سالتك من وين جاي
ام نواف:محمد تكلم عدل
محمد:اوه علينا تكلمت العجوز الحين شيسكتها
وماحس الا بكف قوي
طاح على الارض والكل شهق
وو انتهى البارات
البارات الثالث عشر
ببيت ام نواف
جالسه ام نواف مع اميره الى جتها الصباح هي وعيالها
اميره:حنين ومحمد لمتى بيتمون كذا يمه
ام نواف:شتبيني اسوي لهم كافيني ابوك
اميره:بس يمه كلمي نواف لانه بيقدر يخليهم يتادبون
ام نواف:لا نواف لا
اميره:ليش يمه
ام نواف:تعرفين اخوك عصبي ومابي اضايقه
اميره:مهما كان يمه لازم يحط لهم حد
ام نواف:انا بتفاهم معاهم بطريقتي الخاصه
دخل نواف ونور:السلام
اميره وام نواف:وعليكم السلام
نور باست اميره:لك وحشه
اميره:وانتي كمان
نواف:نورتي البيت ياميره
اميره:نورك ياخوي
اسماء راحت لامها:ماما
اميره:نعم
اسماء:ابي كذا وتاشر على الساري اللي لابسته نور
جلسو يضحكون عليها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك