رواية اضحك وانا في داخلي مجروح -8
يلست ع السرير وانا اتأفف مايااني رقااد بطلت الابجوره وتساندت ع السرير ويلست افكر ... افكر ف كل شي ف حيااتي ف سالفه ميره وف ريموو وف احمد وفـ خالد الله يرحمه ...
ف حركاات هزاع السبال .. فـكل شـي اخر شـي طحت ع السرير وتلحفت وبندت اللييت ويلست اتجلب وشويه وغصت ف عـآآلم الاحلام
الصبح نـشيت وانا فييني رقااد خذتلي شور عسب اصحصح ولبست مريوولي وعدلت شعري وتجحلت ع الخفيف وحطيت عطر ولبست جوتي وسرت تحت جفت امي يالسه واحمد والريم يتريقون
امل : صباآح الخـير
: صباح النور
امايه: تعالي تريقي فديتج
امل : لا ماابا بس ابا حليب
صبيتلي كوب حليب ويلست وعقب سرت وداني احمد وقلتله برجع ف الباص
دخلت المدرسه جفت وايد بنات اعرفهم سلمت عليهم وسرت صوب صفي ودشيت جفت نووف
امل : صبااح الخـير
نوف : صباح النوووووووووووور امول فدييتج محلووه
امل : احم احم عنونج الحلوه الغلا
وعقب سولفت وياها شويه ورن الجرس يت الابله وف الفسحه سرت خذتلي كتب ودرسنا لين نهاايه الدوام
.................................................. ...........
المكان : بيت بو احمد
الساعه : 3 الظهر
الريم
.................................................. ...........
دشيت البيت وانا مهدوود حيلي من التعب سرت صوب الصاله الي فوق جفت امول يالسه
الريم : هاه امول شو سويتي اول يوم
امل : ماشي كله درااسه
الريم : ههههه شدي حيلج هالسنه نبا نسبه
امل : افاا عليج
الريم : غريبه مارقدتي
امل : عسب ارقد من وقت حق باجر
الريم : هههههههههههههههههههه والله اشك انج هبله ولاغبيه
امل : بسم الله عليج جي انا شو قلت
الريم : باجر الجمعه يالهبله
امل : احـلفيييي اويييه عاد الحين مابقى شي مابرقد ؟
الريم : هيه بعد اليوم بنسير بيت يدووه تعـرفين
امل : هيييييـه ادري
الريم : اوكي عيل بسير ابدل ورتاح شويه
نهايه البـآرت
توقعاتكم ..
.................................................. .............
المكان : بيت بو احمد
الساعه :4 ونـص
احمـد
.................................................. ...............
نشيت من الرقااد ع صوت الفون وانا خاطري اهزب الي متـصل ... رديت بدون ماجووووف الرقد
احمد : نـعم
خليفه : نعاامه ترفسك
احمد : اوه خلووف شو تبا
خليفه : انت راقد
احمد : هيه يلا باي
خليفه : يلا نش صل العصر وقم بنظهر
احمد : جي الساااعه كـم؟
خليفه : 4 ونص
احمد: اوكي خلاص بصلي وبتصل فيك
خليفه : اوكي باي
بندت عنه وسرت الحمام خذتلي شور عالسريع وصليت
لبست كندوورتي وتسفرت ونزلت تحت جفت امول منسدحه ع الغنفه ومغمضه عيونها شكلها ماحست بي سرت صوبها وصرخت ف اذنها
امل : أأأأأأأأأأأأأأأأأأأأأأأأأأأأأأأأأأأأأأأأأ
احمد : هههههههههههههههههههههههههههههههههههههـ
امل : يالهرم ماتجووفني غافله
احمد : هههههه محد قالجـ ...
سمعنا صوت ريمو ع الدري
الريم : اموووووووووووووووول
امل : هااااااااااااااه شو تبين .؟
الريم: قومي تجهزي بنطلع
امل : اوكي
احمد : وين بتسيرون
امل : بنسير بيت قوم يدوه
احمد : اها اوكي عيل اانا بظهر
طلعت من البيت ولبست نظارتي الشمسيه وركبت سيارتي وانا اتصل ف خلوف
خليفه : هلا
احمد : اهلين انت وين؟
خليفه: ف البيت بتمر عليه ولا امر عليك ؟
احمد : لا لا بمر عـليك يلا تراني الحين طالع من البيت
خليفه : اوكي باي
احمد : باي
بندت عنه ومريت الدكان خذتلي بيبسي ورد بول وجلكسي وسرت صوب بيت قوم خليفه اصلا نحنا بيوتنا كلها جريبه من بعض مريت عليه وسرنا صوب الممزر نتمشى
.................................................. ...............
المـكان : بيت بو حميد
الساعه: 4:55
مـيره
نزلت من ع الدري وانا اركض ركبت السيااره وسرنا بيت يدوه هناك جفت امول وريمو يلسنا نسوولف عن الدرااسه وهالسوالف وؤجـي وعقـب يت هند وبعد ربشتنا ويا سوالفها
وامول يايبه الكام تراوينا الـصوؤر صورنا يوم العيد وصورها وصور ريمووو وعبوود اخوها وووايد اشيااء وعقب ملينا ماعرف وعقب قلنا بنتمشى ف الحوي طلعنا نتمشى ونسوولف وعقب ع الساعه 9 ونص ردينا البيت سرت خذتلي شور ووفتحت الاب توب والمسن ويلست اسولف وياربيعاتي
.................................................. ...............
المكان : بيت بو احمـد
الساعه: 10 ونص
امـل
.................................................. ...............
رديت البيت وانا تعباانه فيني رقاد سرت اتسبحت ولبست بجامه وطحت ع السرير بتعب غمضت عيـوني ابـأ ارقـد
مايـآني رقـاد استغربت مع اني كنت تعباانه يلست اتجلب ف الفرااش لين ماياني رقاد ورقدت
الصـبح نشـيت ع الساعه 9 الصبح خذتلي شور وطلعت من الغرفه جفت الصاله فاضيه سرت صوب الصاله الي تـحت جفت التفزيون يشتغل قـلت اكيد حد واعي يلست ابدل ف القنوات جفت اخويه احمد داخل الصاله
احمد : صبااح الخـير
امل : هلا صباح النور
احمد : غريبه ناشه من وقت ولا مواصله؟
امل : لا امس رقدت من وقت واليوم نشيت من وقت
احمد : اهااا وجي يعني
امل : احمـد متى بتعرس ؟
احمد : ههههه شو ياب طاري العرس الحين
امل : مادري خاطري يستوي عندنا عرس
احمد : امم انا مقرر ابا اخطب ان شاء الله
امل : والله زين عـيل
احمد: هههههه
امل : امممممممممممـ شهر 12 بتدخل الكمـ؟
احمد : بدخل 21
امل : ماتحس انك صغير ع العرس؟
احمد : اممم صح اني صغير بس عادي يعني قولي لين العرس بيكون عمري 22
امل : اهااآ الله يوفقك
شويه ونـزلت امايه من غرفتها وابويه يلسنا وتريقنا وعقب سرت وعييت ريمو ونزلت الصاله وسارو الرياييل يتجهزون حق الصلاه .
.................................................. ...............
المكان : بيت بو احمد
الساعه: 1 الا ربع
الريم
.................................................. ...............
سرت غرفتي وصليت الظهر وقريت سورة الكهف وعقب سـرت تحـت يلست ويا قـوم ابويه وعـقب سرنا نتغدا ونحنا يالسيين نتغدا سمعنا صوت وشوي دخل علينا جسووم
جاسم: السلاااااااااام عليكم
: عليكم السلام
امايه : حيالله جاسم تعال ابويه تغدا ويانا
جااسم: شو غدااكم؟
اماايه : برياني ربياان
جاسم: اوكي الحين ياي
ويلسنا ويا جسووووووووووم وتغدينا وعقب الغدا يلسنا نسولف وياه وعقب ترخـص بيسير الدوام رديت حجرتي وطحت ع السرير اريح ظهري شويه يلست افكر ف حميد سبحان الله هالاياام وايد مواقف تستويلي ويااه هههه بس والله فضيحه اخر مره ماشاء الله عليه كاان كااشخ ...سمعت حد يدق الباب
الريم : تفضل
دخلت امول الحجره
امل: مشغووله
الريم : ماشاء الله من متى الادب
امل : جب جب وبعدين انا من زمان مؤدبه
الريم : ههههه اوكي تعالي
دشت ويلست ع السرير حذالي
امل : ههه اقوول ريموووو شحاله حميد
ويهي احمر من ياابت طااري هاي مشكلتي دووم من ايبووون بس طااريه ويهي يحمـر
الريم : همممممممم
امل : دام السالفه فيها تفكير اكيد مستوي شي
الريم :ههههههه هيه
امل : يلا عيل قوولي
الريم : اوكي بقولج تعرفين يوم العيد يوم تمينا بيت يدووه
امل : هيه شو استوى
الريم : يوم كنت ساايره ايبلي ماي يوم رديت سمعت صوت التلفزيون ف الميلس تحريت ان الريااييل ناسيينه سرت ببنده دخلت وانا يالسه اغني ومستانسه بندت التلفزيون ويوم صديت اجوف حمييد ميلس عاد انا فجيت عيني وشردت
امل : ههههههههههههههههههههههههههههه هبله انتي ماتجوفين جداامج ولا بعد الاخت مكيفه تغني
الريم : هههههههه
امل : شحالها ميره
الريم : تماام الحمدالله
امل : وشحال محمد
انشلت حواسي وانا اسمع الاسم ماصدقت قلت يمكن مغلطه ولا يتراوالي
الريم : منووو
امل : محمد شحاله ؟
انصدمت بسم الله هاي شدارها
الريم : اي محمد
امل : ههههههه محمد بعد اي محمد
قلت خلني استغبى عليها
الريم : محمد ماعرف حد بهالاسم
امل : انتي ماتعرفين بس ميره تعرف
الريم :ميره شخصها
امل : ماشي فديتج خلاص انسي
الريم : شو انسى قولي شو الساالفه
امل : لا لا ماشي خلاص انسي
ونشيت وطلعت من الحجره انصدمت بصراحه حسيت انها مب مصدقتني بس كيييييييييييف عرفت اففف اخبر ميروه ولا لا
لاا خلاص مابخبرها مافيني ع المشاكل قمت سرت اتوضى واصلي العصر
.................................................. ...............
المكان : غرفة احمد
الساعه: 3:44
احمد
.................................................. ...............
طايح اتجلب ف الفراش افكر .. انا افكر اخطب اليازيه بس بصرااحه متردد يعني اخاف اني اندم عقب ... بس البنت حشيم وبنت عرب وناس وماعليها زود يعني اوكي بس مادري بصراحه بس البنت شكلها صاادقه وانا قبل حاولت واايد اني اطرشلها ناس بس البنت تردهم يعني خلاص خلني اتوكل ع الله واخطبها همم بعد شهرين بدخل 21 وعشرين احس اني صغير وهييه بعد يعني صغيره بس انا اخاف اطير من ايدي يعني خل اخطبها وعقب كم شهر املج وعقب يعني 6 شهور ولا بدخل 22 وعشرين بعرس عادي اممم زين بحاول ارمس الوالده عقب
سمعت صوت الاذاان سرت توضيييت وسرت المسييد
.................................................. ...............
المكان : بيت بوحميد
الساعه : 5 ونص
حمـيـد
.................................................. ...............
كنت يالس اطاالع فـلم وبصراحه اناا مول مب وياه لاني سرحاان بفكااري افكر بصرااحه اعرس احس اني خلاص كبرت وماشاء الله يعني انا اشتغل وريال وماعليه زود وخلاص يعني انا الحين عمـري 22 وبعد كم سبوع بدش 23 يعني انسب سن للزوااج وانا دخلـت بخااطري ريــم بنت عمـي خلاص بتوكل ع الله ومابلاقي احسن من بنات عمي سلطان .. قمت من مكااني وانا معزم ارمس الواالده نزلت تحت ف الصااله سمعتها ترمس ف الفون
ام حميد : حياج الله حبيبتي والبيت بييتج
....................
ام حميد : ان شاء الله الغاليه اترياج
..................
ام حميد : يلا عيل فمان الله
حميد : امي منو بي ؟
ام حميد : هاي حرمه يرانا اليدااد الي ساكنييين السنه الي طاافت
حميد : انزين امي اباج بموضووع
ام حميد : اصبر حميد الحين انا مشغوله بسير اجهز الحرمه بتي
حميد : اوكي خلاص بعدين بقولج
ام حميد : اوكـي عـيل
قمت عنها وسرت فوق دخلت حجرتي وبدلت ثيابي وشليت مفتاحي وبوكي وفوني وسرت تحت ركبت سيارتي وطلعت من البيت
.................................................. ...............
المكان : بيت بو احمد
الساعه : 9 ونص
امل
.................................................. ...............
كنت انا وريمو وامايه يالسين ف الصاله نسولف عن الاسكول
امايه : عاد امول شدي حيلج انتي علمي
امل : افااا عليج امايه بنتج دحيحه
امايه : بتحسديييين عمرج
الريم : هييه بس حق املوو الكلام والدعاوي واناا حليلي
امل : هههههه تغاارييييين
الريم : هه هه ماشي شغل اغاار منج
اماايه : بسكم عااد الا ريموو ماقلتلي انتي اي تخصص
الريم : هههههههه it
امايه : هيه مال الكمبيووتر
الريم : هيه
امايه : زيين شدي حـيلج
الريم : ان شاء الله
شويه ودش ابوويه ويلسنا نسولف وياه
امل : امايه شو مسوين عشا ؟
اماايه : مسوووين معكرونه بالباشميل وورق عنب
امل : انزييين عيل انا بسير صوب المطبخ اجوف
ابويه: البسي شيلتج لان خليفه بـرع ويااحمد
امل : ان شاء الله
سرت لبست شيله وسرت برع صوب المطبـخ دخلت المطبخ يلست اطالع الاكل وطلعت من المطبخ وانا سايره صوب البيت جفت خلوووف طاالع من الميلس كان يطالعني بطريقه غريبه الصراحه مب اول مره اجوف هالنظره ابتسملي جان ابتسمله عقب قالي : هلا والله ببنت العم
امل : هلا خلوووووف
خليفه : لالا كم مره قايللج قووولي خليييفه
امل : ههههه اوكي شحالك ؟
خليفه : تمااام وانتي شحالج ؟
امل : بخـير يلا اسمحلي بدش دااخل
خليفه : مسمووحه وتيك كير
امل : يو توو باي
دخلت دااخل سرت الصااله ويلست وياهم حطوو العشا وابويه ساار يتعشى ويا قووووم احمد وعقب العشا سر حجرتي شليت تلفون البيت واتصلت ف نوف ربيعتي سولفت وياهآ شويه وعقب بندت عنها وسرت بدلت ثيابي ولبست بجاامتي ورقـدت
.................................................. ...............
المكان : بيت بو حميد
الساعه: 10 ونص
مــــيــــره
.................................................. ...............
كنت يالسه ملااانه طلعت فالصاله الي فوق جفتها فااضيه سمعت اصوات تحت وفقت اول الدري سمعت صووت حميد اخويه يقول
حميد : بصراحه يا امايه اناا ودي اكمل نص ديني واعرس
امايه : والله هاي الساعه المبااركه باجر بدورلك احسن بنت ف الشااارجهـ
حميد : لا لا امايه انا ابغي وحده معينه
امايه : منو هاي الي تباها؟
حميد : ابا الريم بنت عمـي سـلطاااااااان
اماايه : والله زيين ماخترت يااحميد ادب واخلاق وجماال
حميد : زين ياامي متى بترمسينهم ؟
امايه : اصـبر باجر برمس ابوك وبخلييييه يـرمس عمـك
حميد : اوكي
قمت ركضت صووب غرفتي وصكييت الباب ههههه مستاانسه حق ريمووو فديتها والله صبرت وناالت الله يوفقها ويوفق حميد
سرت خذتلي شور ولبست بجامه ورقدت
بدايه البارت
.................................................. ...............
المكان : بيت بو حميد
الساعه: 10 ونص
مــــيــــره
.................................................. ...............
كنت يالسه ملااانه طلعت فالصاله الي فوق جفتها فااضيه سمعت اصوات تحت وفقت اول الدري سمعت صووت حميد اخويه يقول
حميد : بصراحه يا امايه اناا ودي اكمل نص ديني واعرس
امايه : والله هاي الساعه المبااركه باجر بدورلك احسن بنت ف الشااارجهـ
حميد : لا لا امايه انا ابغي وحده معينه
امايه : منو هاي الي تباها؟
حميد : ابا الريم بنت عمـي سـلطاااااااان
اماايه : والله زيين ماخترت يااحميد ادب واخلاق وجماال
حميد : زين ياامي متى بترمسينهم ؟
امايه : اصـبر باجر برمس ابوك وبخلييييه يـرمس عمـك
حميد : اوكي
قمت ركضت صووب غرفتي وصكييت الباب ههههه مستاانسه حق ريمووو فديتها والله صبرت وناالت الله يوفقها ويوفق حميد
سرت خذتلي شور ولبست بجامه ورقدت
.................................................. ...............
المكان : بيت بواحـمد
الساعه: 11 الظهر
امـل
.................................................. ...............
نشيت ع صووت ريمـو وهييه توعيني
الريم : امووووووووووووووول يلا نشي بنسيييير المكتبه
امل : افف اوكي انزيين
الريم: يلا نشي عاد
امل : اوكي اوكي
نشيت وسرت الحماام وعقب بدلت ثيابي لبست برموده جنز وبدي احمـر عادي ولبست فووقه عبااتي المسكره ولبست شيلتي وشليت شنطتي وسرت تحت جفت امايه يالسه
امل : صبااح الخــيـر
امايه: صباح النور
امل : اماايه متى بنسير ؟
اماايه : الحين بتي ريمو وبنسير
يلست اتحرطم ع ريمو توعيني وحاشرتني وهيه الي تتأخر
يلست شويه اتريأ وعقـب يت ريموو وياها احمد
امل: احمدد انت الي بتودييناآ
احمد : هييه يلا بسـرعه لاني ابا ارد من وقت معزووم ع غدا
امل : اوكي
سرنا كلنا السيااره وسرنا المكتبه دشييت ومااخلييت شي ماشترييته وعقب ظهرنا من المكتبه وحنييييت ع احمد الا يودييينا بااسكن وعقب ردينا البيت دخلت غرفتي فريت الاجياس مال المكتبه ع السرير وعـقـب سـرت صوب الحمام اتسبح
طــلعت من الحمااام وعـٌقب نشفت شعـري ولبست مخوره وتجحلت ع الاخفيف وحطييت مرطب ..سرت صوب غرفه امايه ودقيييييت البااب سمعت صووت اماايه دخلت داخل
امل : السلام عليكم
امايه: هلا وعليكم السلامـ..
امل : شو تسوين اماايه
امايه : ولا شي ياالسه
امل : انزين اماايه متى بتحطووون الغدى يوعانه
امايه :بعد شويه بي ابووج وبنحطه
امل : اوكــيه
يـلست اسولف وياها شويه وعـقب شويه دخل ابويه سلمت عليه وطلعت من الغرفهـ سـرت صووووب الصاالـهـ و يلست اطااااااالع التلفزيووون وشويه يت اماايه وسرت وياها تحت ووحطو الغدا ويا احمد وريموو وعبووووود يلسنا وتغديينا وعقب الغدى يلسنا نسولف وساار ابوويه ايطيح شويه وعقب اماايه بعد ساارت واحمد انا بعد سرت فووق حجرتي فتحت الاب وفتحت المسن وعقب شغلت اغنيه وحطييت الاب ع السرير سرت يبت شنطتي مال الاسكول وطلعت كتبي يلست اجلدهم واغني اتكـسر ظهـري من الخااطــر
.................................................. .............
المكان : بيت بواحمد
الساعه: 3
الـريم ...
.................................................. ...............
عقب الغدا ركبت فوق غرفتي شليت فوني ورمست مـيرهـ
: هلا هلا وغلا
الريم : اهـليين وسهليييين شحااالج ؟
ميره: تـمآم وانتـي عـلوووومـج ؟
الريم : والله بخـير الله يسلمج
يلست اسوولف وياها شويه وعقب بندت عنها يلست اتحوط ف حجرتي ملاانه كنت بدق حق امووون بس الحين بيأذن العـصر
سـرت فتحت الثلاجه الي ف غرفتي طلعتلي بيبسي وجلكسي يسلت اكل شويه واشرب وانا سرحاانه شويه وسمعت صوت الاذاان قمت توضييت وصليت العـصر ونزلـت تحـت
.................................................. .............
المكان : بيت بو احمد
الساعه: 5 ونص العـًصر
امـل
.................................................. ..............
كنت فااتحه الاب يالسه ع المسن ارمس ميره بنت عمـي
كاان نكي
*بصراحة كنت متعود أعيد هالسنة عيدين ولكن هالحين.. فراقك صاثالث اعيــــادي :
وهيه كان نكها
نار الموده وسط قلبي سعاير و حبيبي سالي مادرى عن عذابي...
بصراحة كنت متعود أعيد هالسنة عيدين ولكن هالحين.. فراقك صاثالث اعيــــادي : ميروووه ملل
نار الموده وسط قلبي سعاير و حبيبي سالي مادرى عن عذابي...
...: هيييه وااييد ملل ع الاقل انتي عندج اختج بس انا برووووحي اهئ اهئ
بصراحة كنت متعود أعيد هالسنة عيدين ولكن هالحين.. فراقك صاثالث اعيــــادي : تعاالي بيتنا ميروه
نار الموده وسط قلبي سعاير و حبيبي سالي مادرى عن عذابي...
متى اليوووووم ؟؟
بصراحة كنت متعود أعيد هالسنة عيدين ولكن هالحين.. فراقك صاثالث اعيــــادي : هييه تعااالي اليووم اناا ملاانه
نار الموده وسط قلبي سعاير و حبيبي سالي مادرى عن عذابي...
حتي انا بجوووف مامي وبرد عليج خبر
بصراحة كنت متعود أعيد هالسنة عيدين ولكن هالحين.. فراقك صارثالث اعيــــادي : سيري الحين اسـأليها
نار الموده وسط قلبي سعاير و حبيبي سالي مادرى عن عذابي...
اوكي برب
بصراحة كنت متعود أعيد هالسنة عيدين ولكن هالحين.. فراقك صاثالث اعيــــادي : تيييت
شويه وردت
نار الموده وسط قلبي سعاير و حبيبي سالي مادرى عن عذابي...: باك
بصراحة كنت متعود أعيد هالسنة عيدين ولكن هالحين.. فراقك صاثالث اعيــــادي :ولكموووو شو قالت؟
نار الموده وسط قلبي سعاير و حبيبي سالي مادرى عن عذابي...:
واافقت اقوولج انا الحييين بظهر بسير اجوف حميد عسب ايبني
بصراحة كنت متعود أعيد هالسنة عيدين ولكن هالحين.. فراقك صاثالث اعيــــادي : اوكي نتريااج باي
نار الموده وسط قلبي سعاير و حبيبي سالي مادرى عن عذابي...
باي
بندت عنها وسرت برع صووب حجرت ريموو دقيييت الباااب ودخلت
امل : ريموووووو
الريم : هاااه شو تبيييين ؟
امل : توني رمست ميروه ع المسن وقالت بتي بييتنا
الريم : والله ؟
امل : هييييه يلا انا بسير اقول حق مااما
الريم : اوكييييييييي
طلعت وسرت قلت حق ماما وقالتلي حياها الله سرت بدلت ثياابي ولبست بنطلوون اسود وقميص اسوود فيه رسوومات وفيساات
ربطت شعري جفته قصير جان اقول بخلييه مفتووح هوه قصير خلييته ولبست تاج اسود وتعطرت وطلعت من غرفتي جفت ريمووو لابسه بنطلون جنز اورف غامج وقيص ابيض فيه كتابات بالسلفر وفوقه جاكيت كت اصـفر ورافعه شعرها بتووكه وشكلها كاان كيووت نزلت وياها تحت ويلسنا ف الصااله شويه واتصلت ف ريموووو وطلعتلها برع
.................................................. .................................
المكااان : بيت بو حميد
السااعه : 6
مـيره
.................................................. .................................
اتصلت ف ريمو وقتلها اني عند الباب نزلت من السيااره ونزل حميد وياايه عسب يسلم ع عمي جفت الباب انفتح دخلت ودخل حميد وراايه جفت ريمو واقفه ف البداايه ماجافت حميد لاني اول وحده دخلت
الريم : هلا و
جاافت حميييد جان تركض داخل عاد هني نقعت من الضحك الهبله طالعه بدوون شيله مووول ماتووووب
حميد : شو يضحك الحين
ميره : هههههههههههههههههههههه لا لا مااشي انت دش الميلس بقول حق ريمو تزقر عـمي ..
حمـيد : هاي ريم
ميره : هههه اونك ماتعرف
حميد : شعرفني
ميره : اوكي اوكي باي
سرت عنه ودخـلت بيت عمـي دخلت الصااله جفت ريمو يالسه عالغنفه ومحمره
الريم : يالسبااله ليش ماقلتيلي اخوووج وياج
ميره : والله انا ماكنت ادري انج انتي الي فاتحه الباب وبعدييين محد قالج ماتلبسيييين شييله
يتني امول وسلمت علييييها
ميره :امل فدييتج سيري ازقري عمي ولا احمد حميد ف الميلس
امل : اوكي ابويه مــ ح ـد بزقرله احمد
ساارت اموول فوووق ويلست اسولف ويا ريمووو شويه ونزلت اموووول وياهاا احمد
احمد : السلام عليكم
: عليكم السلام
احمد : شحااالج ميره ؟
ميره : بخـير الله يسلمك وانت شحالك ؟
احمد : بخيـير
وساار احمد بـــرع عند حمييد يلست اسوولف وياهم وعقب سرت فوق حجرة ريمووو صليناا المغرب ويلسناا كلنا ف غرفة ريمو
وعـقب تعشييينا وردييت البيييت لان باجر دوامات
.................................................. .............................
المكان : بيت بو حميد
الساعه : 10 ونـص
حمـيد
.................................................. ............................
ردييييت البييييت وسرت غرفة امايه دقيت البااب ودخلت جفتها تصلي ترييتها لين تخلص بستها ع راسها
حميد :شحالج الغاليه
ام حميد : بخيــير الغالي وانت علوومك اليوم
حميد : بخـير المهم الغااليه رمستي ابوويه ؟؟
ام حميد : هيييـه رمسته وقال بيرمس عمـك بـآجر
حمـيد : والله زيـن عـيل اماايه يوم بيردوون عليج قوليلي
ام حميد : ان شاء الله
حميد :يلا عيل تصبحيين ع خـير
ام حميد : وانت من اهله
طلعت من غرفتها وانا مستاانس وف نفس الوقت متوتر اخاف ترفض بس ليش ترفض مافيني شي عسب ترفضني اففف خل هالافكاار ان شاء الله بتوافق واذا شي نصيب سرت غيرت ثياابي ورقدت
.................................................. ................................
المـكان : بيـت بـو احمـد
السـاعه : 10
احمــــد
.................................................. .........................
دخلت حجرتي وبدلت ملابسي وسـٍرت فتحت الاب توب وفتحت جاات ويلست اسووولف واستهـبل عليهم شويه ورن فووني كانت الياازيـهـ رديت عليها
: مرحباا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك