رواية اضحك وانا في داخلي مجروح -5
نشيت اليوم وانا نشيطهـ لاني رقدت من وقت امس سرت تسبحت ولبست جلابيه وسرت تحت جفت اميه وابويه يقرا الجريده
امل : السلام عليكم صباح الخير
امي وابويه : عليكم السلام صباح النووووؤر
امل : شحالك ابويه شو مسويه
ابويه : بخير حبيبتي انتي شحالج ؟
امل : بخير دااااااااااامك بخير
امايه: هييييه بس ابوج تسألين عنه
امل : لا افا عليج انتي الخير والبركه
امايه :هييه قصي عليه انتي
امل : محشوومه فديتج
ابويه : فديتج نشي وعي اخوانج خل يتجهزون حق الصلاه
امل : ان شاء الله عبود هني؟
امايه : هيه
امل : مابغا اي
امايه : شو تبييبه انتي سيري وعي اخوانج انتي
سرت وعيت اخواني حق الصلاه وسرت سويت دخون وسرت صوب الصاله حطيت دخون ويلست ادخن البيت وسرت فوق دخنت غرفتي وانا طالعه جفت ابويه ف الصاله لابس
ابويه : وعيتي اخوانج ؟
امل : هييه فديتك
ابويه : زين تعالي دخنيني
امل : صبر بحطي عود
سرت حجرتي حطيت عود ف المدخن وسرت الصاله دخنت ابويه وشوي يأ احمد وعبود ودخنتهم وسارو يصلون
سرت حجرت ريمو وعيتها صليت ونزلت تحت جفت امايه يالسه
امل : امايه خلي حد اييب عباتي انا وريمو لانهم خلصوو
امايه : باجر بخلي احمد يمر ايييبهم
امل : خلييييه اليوم
امايه : لا اليوم بنسير راس الخيمه بنفطر هناكي
امل : اهااا زين زين
وشوي ونزلت ريمو
الريم : صبااح الخير
نحنا: صبااح النور
الريم : ها شو اخباركم؟
امايه :بخير
امل : اقول ريمو ترانا اليوم بنسير راك
الريم : زين زين
امل : زين عيل انا بسير فوق بقرا قران شويه وبيلس ع النت
امايه :الله يهديكمـ...
سرت وانا مبتسمه من دعاوي امايه الله يخليها ....
.................................................. ..............
المكان: المسيد
الساعه : 1 الا ربع
احمد
.................................................. ...............
توني طالع من المسيد جفت هناكي عمي وحميد لان بيتهم جريب وسرت البيت قالتلي امايه ان بنسير راك وقلتلها توعيني حق صلاه العصر سرت ارقد لاني امس مارقدت الا عقب الفجر توني راقد سمعت صوت مباايلي افف انقهرت من الخاطر شليته وانا ناوي اهزب المتصل جان اجوف رقم يزووي استااانست ورديت
احمد : الو
اليازيه : احلى الو
احمد : هلا وغلا
اليازيه : اهلين شحالك ؟
احمد : بخير يعلج الخير وانتي
اليازيه : بخير دامك بخير
احمد : رجعوولج الفون ؟
اليازيه: هييييه اليوم رجعه اخوي
احمد : والله زين
اليازيه : هييييه يلست احن عليهم لين ماعطوني اياه
احمد : اهااا
اليازيه : شو تسوي انت
احمد : لا ماشي كنت طايح برقد
اليازيه : عيل اخلييك الحين
احمد : لاا عاادي
اليازيه : لا لا انا بعد بسير اصلي واقرا قران
احمد : اوك عيل تقبل الله
اليازيه : منا ومنكم
احمد : مع السلامه
اليازيه : فمان الله
سكرت عنها وطحت ورقدت
.................................................. ...............
المكان: بيت بو حميد
الساعه : 2 الظهر
ميره
كنت يالسه ملانه لا شغله ولا مشغله ماعرف شو اسوي قلت خلني اقوم اسوي شي سويت ولا شي سرت المطبخ وسويت كيكه وسرت تسبحت ويلست اقرا قران وعقب دخلت المسن
جفت محمد اون لاين استانست موووت احم احم
نكي كان كنت أنا ويـــــــاك صحرى مع مزون لو عطشت القلب مــــــن دمعه رواك
وهوه كان نكه سبحان الله اني كنت من الظالميين
بديت انا ارمسه عسب اتحمدالله بالسلامه
كنت أنا ويـــــــاك صحرى مع مزون لو عطشت القلب مــــــن دمعه رواك:
مرحبااااا الساع
سبحان الله اني كنت من الظالميين:
مرحبتيين ...
كنت أنا ويـــــــاك صحرى مع مزون لو عطشت القلب مــــــن دمعه رواك:
الحمدالله ع السلامهـ ...
سبحان الله اني كنت من الظالميين :
الله يسلمج غناتي ...
كنت أنا ويـــــــاك صحرى مع مزون لو عطشت القلب مــــــن دمعه رواك:
شحالك الحين ؟
سبحان الله اني كنت من الظالميين :
بخير ربي يسلمج عقب شهر بيشلون الحديده وانتي علومج الغلاآ...
كنت أنا ويـــــــاك صحرى مع مزون لو عطشت القلب مــــــن دمعه رواك:
انا بخير دامكـ بخير
سبحان الله اني كنت من الظالميين :
فديتج خل يشلون الحديده بي بخطبج ..
كنت أنا ويـــــــاك صحرى مع مزون لو عطشت القلب مــــــن دمعه رواك:
بس احس بسرعه اصبر شويه احس بعدني صغيره..
سبحان الله اني كنت من الظالميين:
لا فديتج مااقدر اصبر ازيد بعدين خلاص انا الحين عمري 23وانتي عمرج 20 يعني اوكي وبعد وخلاص يعني
كنت أنا ويـــــــاك صحرى مع مزون لو عطشت القلب مــــــن دمعه رواك:
اوكي بجوف
ويلست اسولف وياه وعقب طلعت وعقب بندت عنه
بصراحه احس عمري هب مستعده يخطبني بس ماودي اكسر بخاطره وبعد صح كلامه يعني اوك سنه لين متى بيصر انا الحين من متى اقوله اصبر وهو صبر مسكين
.................................................. .........
المكان:بيت بو احمد
الساعه : 4: 10
الريم
.................................................. ...........
طلعت من غرفتي سرت غرفه امل جفتها يالسه ع الاب توب
الريم : امول شو تسوين
امل : اصمم..
الريم :حق العيد
امل : هيه عسب افتك لاني احس اني بكون بزي هالاسبووع
الريم: اهاا اوكي
امل : اليوم ابا اسير السفير مال راس الخميه
الريم : هيه حتى انا اباا اسير لايف ستايل
امل : بنخلي خالو مهره تودينا وبنشل خولو ويانا
الريم:اوكي انا بسير اتجهز لان بعد شويه يمكن نسير
امل : اوك حتى انا بعد بتجهز
الريم : بعد سيري وعي احمد
امل : اوك
طلعت من حجره امل سرت غرفتي طلعتلي بدله تنوره ورديه ويابدي لبست لبست اكسسوارات ولفيت شعري بتوكه واجحلت ع الخفيف وحطيت مرطب ولبست نعال سطاحي وردي وطلعتلي عباه فيها وردي جفت الساعه كانت بعدها خمس الاربع قلت بعده وقت قمت يبت الفون يلست ارمس امون
.................................................. ...............
المكان : بيت بو احمد
الساعه : 4:15 العصر
احمد
.................................................. ...............
كنت يالس اقرا قران سمعت حد يدق الباااااب
احمد : تفضل..
امل : هلا حمود انت واعي ؟
احمد : لا راقد شو تجوفين جدامج
امل : بسم الله بلاك كلتني
احمد : لا ماشي
امل : انت بتسير ويانا راك ؟
احمد : هيييه بسير وياكم
امل : ف سيارتك ولا ؟
احمد : فسيارتي لاني برد من وقت
امل : اها ودنا وياك
احمد :لا مابا انا مب متفيج حق حشرتكم
امل : لا لا والله مابنسوي حشـرهـ...
احمد : اوكي خلاص انا بعد شويه بسير سيري اتجهزي وقولي حق اختـج
امل : اوكي خلاص باي
احمد : باآي
طلعت عني رديت اقرآ قرااااان ورن فوووني
احمد : الو
خليفه : مرحببباااا السااع بالقااطع
احمد : مرحبتيييييييين واللله
خليفه : شحاااالك؟ ربك الا بخير
احمد : بخير ربي يعافيك علوومك ؟
خليفه : تمام وينك من يوميين مالك حس
احمد: والله موجوود
خليفه : بتظهر ويايييه اليوم
احمد :مادري بجوف انا بسير راك اليوم اذا ظهرت من وقت بمر عليك
خليفه : اوكيييك رد عليه عقب ..
احمد : خلاص برد عليك خلاف
خليفه : اوكي عيل برايك
احمد: اوك فمان الله..
بندت عنه وسرت اخذلي شور واتلبس
.................................................. ...............
المكان : بيت بو احمد
الساعه: 4:38
امل
.................................................. ...............
عقب ماطلعت عن احمد مريت على ريم وقلتلها ان بنسير ويا احمد وسرت غرفتي بدلت ثيابي لبست تنوره سوده فيها وردي وبلوزه ورديه فيها اسود ولبست اكسسورات وحطتلي حجال وغلوس وردي وطلعتلي عباه ساده واسكاارف فيه وردي و طلعت من غرفتي سرت عند ريمو دخلت عليها كانت ترمس امون قلتلها خل تعطيني ارمسها
امل : مرحبا ملايين ولايسدن ف ذمتيه
امون : مرحبتييين الغلا آ ...
امل : شحالج امونه .؟
امون : تمامووووؤوؤو وانتي ؟
امل : بخير الحمدللله شو تسوين ؟
امون : والله ماشي متفيزره
امل : ههههههه من زمان ماجفناااج تعالي بيتنا ؟
امون : انتوو تعالوو بيتنا من متى انا اقولكمـ..
امل : بجوف انتي اول تعالي
امون : خلاص عقب بشاور امايه وبجوف
امل : اوكيييه ياكييييك
امون : هع امووول قرب عيد ميلادنا
امل : هيييييييه الجمعة الياي
امون : هيييه 18.9
امل : عاد محد بيسويلنا سالفه رمضان
امون : خههههه صدقج والله
امل : انزين الغلا عيل ماطول عليج تامريني بشي ؟
امون: لا سلامتج انا بعد بسير اتسبح
امل : الله يسلمج وسلمي ع امج وخواتج
امون : اوكي الغلا وسلمي ع ريم
امل : يوصل فمان الله
امون : الله يحفظج
بندت عنها وصديت صوب ريمو جفتها سرحاانه
امل : ريمو
ريم : هاه شو تبين ؟
امل : تفكرين فيه ؟
ريم: همممممـ هييه
امل : تصدقين يوم يا بيتنا المره الي طافت اجوفه يطالعج غير
الريم : كيف يعني غير
امل : ماعرف واالله
الرريم : مادري والله
دش احمد الحجره جان يقول
احمد : خمس دقاايق اذا ماجفتكم ف السياره برووح عنكمـ..
قمنا نتراابع انا سرت حجرتي لبست عباتي والشيله وشليت شنطتي ونظارتي الشمسيه ومريت غرفه امايه قلتلها انا بنسير ويا احمد وركبت السيااره ورا جفت ريمو جدام واحمد بعده ماياا يلست اتحرطم هوه يقولنا خمس ددقاايق وهو برووحه لين الحين مايا شويه ويا حميد وتحركنا صوب شارع الامارات...
.................................................. ...............
المكان : سياره حميد
الساعه : 5 العصر
حميد
.................................................. ...............
توني طالع من الحلاق متحلق ركبت سيارتي ورن تلفووني شليته جفت الاسم جان اكشر واع هاي شو تبا من زمان ماتصلت
حميد : الووو
غاليه بدلع ماصخ : فديييت الالوو انا
حميد : نعـم .. ؟ منوويايه ؟
غاليه : افاا حبيبي نسيتني انا غاليه
حميد : خير شو تبين ؟
غاليه : ماشي حبيبي بسولف وياك
حميد : انا مشغول وياليت ماتتصلين مره ثانيه ..
غاليه : ليش حبيبي انا مشتاقتلك
حميد : اقول لاتتصلين ماتفهمين انا بعرس
غاليه: حبيبي وانا تراني احبك
حميد : وانا ماحبج ياليت مااتتصلين مره ثانيه يلا باي
بندت ف ويها وانا منقهر هاي بلاها افف ماتفهم بس ليش مارمستها مادري بس احس شي ف داخلي يمنعني احس اني بديت اميل حق الريم بس ياربي انا مابا احبها لاني احس انس ماقدر اففف يالله مب قادر افهم عمري يمكن عادي مجرد اعجاااب وبعدين انا بعدني صغير وعلى هالافكار وصلت البيت
ونزلت من سيارتي جفت امايه توها طالعه من المطبخ سرت بستها ع راسها
حميد : شحالج الغلا؟
ام حميد : بخير حبيبي وانت شحالك شو مسوي ؟
حميد: والله يسرج
ام حميد : يلا عيل انا بسير اتسبح بعد شويه بيأذن
حميد : انزين عيل انا بسير اقرا شويه قران بعد
سرت فوق وقبل لااسير حجرتي جفت زيودد اخوي الصغير عمره 3 سنوات يطالع توم وجيري ف الصاله سرت شلييته وبسته وهوه يخوزني يبا يطالع توم وجيري يلسته مكانه وسرت وانا طايف جفت غرفت ميره دقيت الباب محد رد عليه دخلت جفت المكيف يشتغل والمسجل محطوط ع قرآن ومحد ف الحجره قلت يمكن ف الحمام طلعت وسرت غرفتي اتسبح واقرا قران شويه لين الاذان
.................................................. ...........
المكان : شارع الامارات
الساعه: :10:5
الريـم .
.................................................. ...............
كنت يالسه اطاالع الشارع وسرحانه افكر فيه افكر فالي هب حاس فسه بالي اخذ قلبي بدون استأذان يالله معقوله ف يوم من الاايام بيحس فيني .. ماتوقع شو الي بيخليه يحس وهو مايعرف اني احبه انا احبه من زمان من مراهقتي يعني من خمس سنين
امممم بس انا ماباه يحبني لاني احبه انا ابا هوه الي يبدا بصراحه ماعرف شو اقول
امل : ريمووووو
نقزت من الزيغه ..
ريم :هاه بلاج شوي شوي نقزتيني
امل : انا ماقلت شي انتي الي سرحااانه
ريم : انزيين كم باقي عن نوصل
احمد: يممكن ربع سااعه
امل : احمدو اسرع
ريم: لا لا شو يسرع خلك جي
امل : بالعكس كشخه اسـرع
احمد : بس عاد تراكم حشرتووني
الريم : انزيين عيل تبانا صاخين اربع وعشرين ساعه
احمد : انتو ماتتعبون الرمسه وواونكم صايمين بعد
امل : صايمين عيل شو
الريم : احمد اتصل ف امايه جوفهم طلعو ولا
احمد: انزين
اتصلت احمد ف اماايه ..
امايه: الو
احمد :هلا امايه .
امايه : اهلين احمد
احمد :طلعتو ولا بعدكم
امايه : تونا طالعيين عند شيشة البتروول
احمد : اوك عيل درب السلامه
امايه : الله يسلمك فمان الله
احمد : باي
امل : توه طالعين؟
احمد :هيه
الريم: عيل زين يوم سرنا وياك ولا كنا بنخيس ف ونحنا نترياهم
احمد : عيل انا الغبي الا خذتكم صدعتولي راسي من الرمسه
امل : الله كشخه جوفي ريمو شويه وبندخل رااااااااااك
الريم : هييه
احمد : انزين سكتوو عاد
سكتنا انا وريمو ويلسنا نسولف بصوت خفيف عقب ربع ساعه وصلنا بيت يدوه ونزلنا جفنا قوم خالو فاطمه ياييين سلمنا عليهم ويلسنا نسولف ويا خوووول عقب نص ساعه سو قوم امايه وكان ماباقي ع الاذان الا تقريبا عشر دقاايق كلنا تيمعنا حول السفره
.................................................. ..........
المكان : بيت بو حميد
الساعه : 6 ونص
ميره
.................................................. ..........
يالسه اركض الدري لان شويه وبيأذن وصلت تحت وانا اتنفس بقوه
ميره : حشى ماشي لياقه
حميد : منسدحات اربع وعشرين ساعه بعد من وين بتيكم الياااقه
ميره : هع هع عادي
بو حميد :يلا تعالو افطرو اذن
سمينا بالله وفطرنا وعقب قوم ابويه وحميد سارو يصلون وانا وامايه بعد سرنا نصلي وعقب يلسنا ف الصاله
ميره : امي ابا اسير اييب عباتي وبعد ابا اسير الدو
امايه : انزين اليوم انا بسير المستشفى عند وحده مربيه باجر ان شاء الله بنسير
ميره : اوكي عيل
شوي ودخلو قوم ابويه قامت امي تحطي الفطور وعقب يلسنا نكمل فطوورنا وزيوود ينااقز ف الصااله
.................................................. .......
المكان : راس الخيمه
الساعه : 7 المغرب
امل
.................................................. ........
كنت طالعه سايره صوب المطبخ خالو مطرشتني ايب شي وانا وااقفه حذال الطاوله يـأ هزاع ولد خالو اففف يقهر جي يدخل المطبخ لا احم ولا دستور يعني الحمدالله اني ماخده شيلي وياايه ولا بعد يأ وقف حذالي اونه يبا ياخذ شي
هزاع : شحالج بنت خالتيه.؟
امل : تمام وانت ؟
هزاع : بخير دامج بخير الغلا
هاييييج السااعه بغيت اصفعه بالصحن هوه منو ابويه ولا خويه ولا خالي ولا عمي يقولي الغلا صدق يقهرررر اففف مادري هاذا كيف طلع ولد خالتي اففف طلعت من المطبخ وسرت داخل عطيت خالو الي تبا وسرت حجرت خالو مهره ويلست ع السرير هيه كانت ترمس ف الفون يوم خلصت لفت عليه
خالو مهره : بلاج امول ؟
امل : لا ماشي
خالو مهره : لا فيج شي
امل : مقهوووره من هالعنز
خالو مهره: منووو العنز ؟
امل: هاذا هزااعوو
خالو مهره : هزااع ؟هزااع ولد خالتج ؟
امل : هيه
خالو مهره : ليش بلاه ؟
امل : اقولج انا كنت فالمطبخ يأ ودخل ووقف حذالي انزين وعقب اونه شحالج قلتله تمام وانت قالي بخير دامج بخير الغلا بغيت اصفعه بالصحن
خالو مهره : ههههههههههههههـ خليه عنج
امل : والله بس قهر يعني شو اخته ولا حرمته وانا مادري
خالو مهره تغمزلي : يمكن ف المستقبل
امل : يهبي والله لو اخر ريال ف العالم
خالو مهره : ههههههه
امل : خالو طلعينا نبا نسير سفير مول اليديد وابا اسير لايف ستايل
خالو : قولي حق امج وعقب بجوف
امل : اوكي
سرت قلت حق قوم ريمو وسرنا خبرنا قوم امايه ووافقو سرنا وقلنا حق خالو نحنا لبسنا عبينا وركبنا السياره ويت خالو
خالو مهره : يلا قولولي وين تبون تيسرون اول؟
الريم : خلل نسير السفير وعقب ونحنا رادين نسير لايف ستايل
خالومهره : اوكيه ..
سرنا صوب السفير نزلنا واستانسنا واستهبلنا وعقب يلسنا ف الكوفي الي فوق وعقب ردينا سرنا لايف ستايل ونزلنا هم دخلو لايف ستايل انا اشتريت الي ابااه ومليت وانا اتريااهم يخلصون قلت حق خالو انا بسير سبلاش شويه قالتلي اوكي وعادي اصلا لانهم نفس المكان المهم وانا طالعه جفت واحد جدامي بغيت ادعمه بس الحمدالله مادعمته سرت انا الصوب الثاني جفته هناك بس قلت يمكن صدفه وعقب كل ماسير مكان اجوفه وراي اتغشيت عنه وطلعت سرت صوب قوم خالو مهره
خالو مهره : بلاج اتخشيتي
امل : واحد سخيف يالس يلاحقني افف يقهر
خالو مهره : ماجوف حد يمكن روح
امل : زييييييييين احسن
عقيت غشاوتي ويلست وياهم خلصو وعقب ردينا البيت يلسنا شويه وعقب ردينا البيت لان ورنا درب وعاد احمدو من زمان ساير عقب الفطور ...
.................................................. ............
المكان : شارع الامارات
الساعه : 7 ونص
احمد .................................................. ...............
توني طالع من راس الخيمه اتصلت ف خليفه اجوفه وين عسب اطلع وياه
خليفه : مرحباااااااااااا
احمد : مرااحب
خليفه : شحالك؟
احمدد :تمام وانت؟
خليفه : بخير ربي يسلمك
احمد : وين انت ؟
خليفه :بتي ؟
احمد :هييه وينك
خليفه: انا ويا حميد فالكوفي الي فجميرا
احمد : الي دوم نيلس فيه ؟
خليفه: هييه انت وين الحين
احمد : توني طالع من راس الخيمه
خليفه : اوكي هالله هالله ف الدرب وعن السرعه
احمد : اوك انا بخليك الحين
خليفه : اوك باي
احمد : باي وسلم
خليفه : اوكي باي
بندت عنه واتصلت ف يزووووي ردت عليه من ثاني رنه
احمد :مرااااااااااااااااااااااااحب
اليازيه : شحالك الغالي ؟
احمد : بخير فديتج وانتي ؟
اليازيه : بخير دامكـ بخيـر
احمد : انتي وييين اسمع حشره عندج
اليازيه : ف العيااده
احمد : ايوااااااآإ مشغوله .
اليازيه : لا لا عادي
احمد : فديتج صدق هب مشغوله عادي
اليازيه : هييه صدق
يلست اسوووووووووولف وياها شويه لين ماوصل دبي جميرآ بالتحدييد وبندت عنها آ
.................................................. ...............
المكان: جميرا
الساعه : 8 ونص
حميد
.................................................. .............
كنا يالسيين نسوولف ونتريآ احمد
خليفه : هب جنه احمد تأخر
انا كنت اجوف احمد ورا خليفه وهو يأشرلي اني اسكت
احمد : بوووووووووووو
خليفه : بسم الله من وين طلعت
احمد : من بطن امي هع
سلم علينا ويلسنا نسولف شويه
حميد : يلا قومو مليت من اليلسه خل نسير نتمشى
قمنا وركبنا كلنا سييارة خليفه الانفنتي ويلسنا نتمشى ونلعق ع خلق اللله
عقب ردينا صوب سياره احمد وانا ركبت وياه لاني ياي ويا خليفه وبيتنا اجرب من بيت احمد فسرت وياه
.................................................. ...............
المكان: بيت بو احمد
الساعه: 12
. امل
.................................................. ............
تونا واصلين البيت دخلت هلكااااااااانه سرت اتسبح وعقب سرت طحت ع شبريتي ورقـدت لاني تعباااانهـ..
.................................................. .....
المكان : بيت بو احمد
الساعه : 12 :10
الريم
.................................................. ....
دخلت اسبح وعقب يلست ملانه مافيني رقاد يبت الاب توب وفتحت المسن جفت ربيعتي من ايام المدرسه ويلست ارمسها واسولف وياهااااا لين سمعت صوب باب الصاله بنتدت عنها وسرت تحت جفت احمد توه ياااي
الريم : حموووووووووووووووود
احمد : اووووص اسكتي النااس رقوود
الريم : انزيييييين انا يوعاانه
احمد : شو اسويلج انا
الريم : ماعرف
احمد : انا تعباان وبسير ارقد
الريم : لا لا تعال وياايه من المطبخ بسوي اندومي
احمد: هب متفيجلج
الريم : بليييييييييييييييز والله يوعاانه
احمد : سيري بروحج
الريم : لا لا اخاف
احمد : افف اوكي انزين يلا سيري
سرنا صوب المطبخ فتحت اليتاات ويلست اسوي اندوومي و يوم خلصت يلست جداامه ويلست اكل
احمد وهو يثاوب ويطالع ساعته :يلا سيري كلي داخل
الريم : خلنا هني احسن انتا ماتبا
احمد : لا ماحبه هالسم وبعد تعالي داخل ولا يلسي برووحج انا ورااي دواام
الريم : هههه حتى انا انزين وراي كولج
احمد : انزين يلا قومي
الريم : خلاص خلصت اصبر شويه
كملت كم خاشووقه وسرت وياه فوق حطيت راسي ورقدت
اليوووم الي عقبهـ قمت وسرت الكوولج ويوم رديت الظهر قالتلي امايه انهم اليوم بيظهرووون بيسيروون السوق قلتلها توعيني يوم يـأذن المغرب وسرت رقدت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك