رواية آه يالدنيا عيال عم ولا يتعارفون -44
حمد:سمعو صدقة شو هالرمسة إلى قلتوها؟؟؟؟؟؟ نحن نمزح ونسولف عاد إلى يسمع تقول جتل حد منكم..عنبوه هذا ولد عمكم مب غريب..وبعدين لا تخلوني اتكلم..خلوني ساكت ...
سعيد:ليش شو عندك؟؟؟؟؟؟قول عادي اليوم ظهرو كل إلى فخواطركم ...
حمد يطالع محمد: محمد مب انت من خمس شهور متكلم على بنت عمك ؟؟؟؟؟؟؟
محمد..نزل راسة :...........................
سعيد:هيه بنت عمي منصور نورة ليش شو دخل هالسالفة في هاي؟؟؟؟؟؟؟؟
حمد: محمد تكلم خبر أخوك شو دخل هالسالفة بالثانية ............
محمد:...............................
حمدان..مايريد يزيد المشاكل: أنا ساير أريد أرقد ...........
سعيد:والله ما تقوم لين ما يتكلم ..وعرف شسالفة ...............
حمدان:مافي داعي ..
سعيد.إييييييييييييه تكلم شفيك؟؟؟؟؟؟؟؟؟؟؟ليش ساكت ؟؟؟؟؟؟؟؟؟؟؟
حمد:أنا بقولك ..........سار عند أمايا شيخة وقال ما يباها ......أونة يبا ياخذ وحدة ثانية ..ماتقربلنا ولا من مواخيذنا..
سعيد مععععععععععععععصب: صدق هالرمسة ؟؟؟؟؟؟؟؟؟؟؟؟؟؟؟؟؟؟؟؟؟؟؟
محمد:هيه صدق.............
سعيد:تخسي وتخسي هيه ..جان تبا تاخذ وحدة خاااااامة وتبديها على بنت عمك .....
محمد:سعيد مب كيفك أنا إلى بزوجها مب انت ...
سعيد:وأنا أخوك أكبر عنك ..وقولك جان فيك خير هظلها البيت ولا زوجهاوالله لكسر البيت على روسكم فهمت ولا لا؟؟؟؟؟؟
محمد:سعيد يوم بوية ما قال شىء انت بتي وبتقول هالرمسة ؟؟؟؟؟
سعيد....:سمع رمسة توصلك وتتعداك ....جان فيك خير ييبها البيت والله لكسره على راسك والعرس ما حظرة ولا انت أخوي ولا عرفك
(من سمعت هالرمسة نورة ما رامت تستحمل..جان تقوم وسارت عندهم..كيف يتها الجرأه ما تعرف بس المشكلة صارت كبيرة عيال العم تظاربو بسبت عرس)
كلهم تفاجأو يوم شافو نورة متبادية صوبهم...سكتو كأنهم ما كانو يظاربون ...
نورة تأشر على المكان إلى كانن يالسات فيه :نحن كنا يالسات هناك وسمعنا كل شىء ...
كلهم فجو عيونهم :شوووو؟؟؟؟؟؟؟؟؟
نورة :مب مهم..بس حبيت أقول لمحمد أنا ما كنت موافقة على هالخطوبة....وبوية كان بقولك بس عاد ما كان وقت عشان يقولك.. (طالع سعيد).. ماريدكم تظاربون على شىء مار وماريد أكون السبب..وأنتو عيال عم شو بقولون عنا الناس..والله إلا بيتشمتون علينا..نحن ما صدقنا من الله أنا نرد ونكون مع بعض فكيف تبون تبتعدون مرة ثانية؟؟؟؟؟؟..وهذا نصيب وكل شىء مكتوب لا بإيدي ولا بإيد حد بإيد رب العاليمن..(دمعن عيونها).. السموحة منكم (وسارت)
..................................................
..................................................
..................................................
دام السكوت في الصالة .......
سعيد سار غرفتة وكل واحد سار غرفتة
البنات كل وحدة تطالع الثانية وصيح على إلى إستوا وكل وحدة تتندم على إلى سوته حتى لو أنها ما لها خص في شىء ..وبعد كل وحدة سارت غرفتها .......
الساعة 7:30.........
دخل غرفتة ولقا أم خالد تتعدل عشان بتظهر عند قوم أم سالم .
بو خالد:الطيارة بطير الساعة 1 .
أم خالد..وعلامات الإستفهام على ويها: أي طيارة ؟؟؟؟؟؟
بو خالد:طيارتنا..
أم خالد:ليش؟؟؟؟؟؟؟؟
بوخالد:ظهر شغل ولازم أرد البلاد بسرعة ..وما أقدر أجله .
أم خالد:بس ما عطيتنا خبر من قبل ...
بو خالد:ماشىء وقت لمو أغراضكم ...
أم خالد:بس....
بو خالد..قطعها في رمستها:أم خالد ..أدري إنصدمتى وماشىء وقت بس عاد مش بإيدي .....سيري عند موضي وقوليلها ولمو أغراضكم وأنا بطلع وبخلص كم شغلة وياي البيت ويوم برد أريدكم مخلصين ....
أم خالد...:إن شاءالله .....
ظهر بو خالد..وأم خالد سارت عند موضي وخبرتها وموضي إنصدمت من هالخبر ويلست تصيح ما تريد ترد البلاد تبا تيلس لين يوم اليمعة بس عاد مش بإيد حد..ويلست موضي تلم أغراضها وأغراض أختها..ودقت أم خالد لقوم أم سالم وخبرتهم وتعذرت مابسير عندهم على العشا..وقالت بسلم عليهم يوم بتظهر ...
الساعة ......7:30......
سعيد يدور على أي شىء لفه على إيدة لأنة يوم دخل الغرفتة من الضيجة ضرب الطاولة فنكسرت وفطرت إيده..وصب الدم..ولا أهتم منة لأن إلى قلبة يعورة أكثر من إيده فشاف الدم ولا إهتم منة سار الحمام وخلا إيده تحت فوز الماي ودم خيس الحمام بعدين ظهر وسار الكبت وشل قميص وربط إيده وسار عند الدريشة..ونزلت دمعة من عينة..
ليش أنا سويت جيه ؟؟؟؟..أنا شو ياني؟؟..ليش ما إنتبه لكلام بس الح أعق الرمسة ولا منها..الحين كل هليا يقولون عني مغازلجي وراعي مغازل ليش ياربي؟؟..الحين شو سويت بين عيال عمي ..كنا نلعب ونسولف وما فينا شىء..من يلسنا شبينا الضو؟؟؟؟..أنا ليش كلمت حمدان بهاي الطريقة؟؟؟؟..حمدان عمرة ما جرح حد ولا سب حد ولا طرا حد بالشين ليش سمعته كلام جارح ؟؟؟..أنا ليش سويت جيه ؟؟؟؟..الله يغربل الشيطان إلى ما خلا فيني ذهن..الحين فرقت بين عيال عمي ..وبستفيد ؟؟..والله حياتي تغيرت يوم عرفت هليا زين..الحين شو بستفيد من هالمشاكل ؟؟..ياليتني لو الوقت يرد..يارب تستر..يارب..يالله برحمتك يارب..نحن رادين عشان حمد يريد ييلس ويا هليه لين عمليته..(يوم ذكر حمد)..حمد لاااااااااا..لاااااااا.. حمد مريض وما يتحمل هالمشاكل..وينة؟؟ يارب تخلي إلى في بالي يظهر غلط
ويظهر من غرفتة يربع لحجرت حمد فج الباب لقا حمد يكح وماسك صدرة وإيدة اليسرى وويه احمر..وطايح تحت..
يربع عنده..رفع ويه: حمد..حمد دخيلك حمد ..رد علية ...كلت دواك ؟؟؟؟...حمد..حممممد..(ويصيح)..حمد دخيلك رد علية دواك كلته ؟؟؟..
حمد مايروم يتكلم من شدة الكحة..وصدرة وإيده اليسرى تعورة..لأن فيه الذبحة الصدرية: حمد أشر بإيدك كلت الدوا؟؟؟؟؟...
بعد صعوبة يأشر أنة ما كل دواه..يربع سعيد المطبخ ويشل الماي ويرد الحجرة ويفج كل الشنط ويفر الملابس يمين ويسار يدور على دواه ....وبعدين لقاه ويربع عندة وعطاه الدوا..
سعيد: حمد إسمعني تنفس..تنفس زين..شوفني حمد ...تنفس زين ..
بعد 10 دقايق خفت الكحة..بس ويه حمد بعد أحمر من الحكة..أشر على سعيد يقولة طلع برى ..
سعيد إنصدم منه: حمد ليش؟؟؟؟؟؟؟؟؟..
حمد بصوت تعبان: طلع برى .......
سعيد:ماقدر أخليت وأنت تعبان ....
حمد..مارد علية ....لف ويه منالصوب الثاني:...................
سعيد..يلس جدامة :حمد ..ورفجة ورفجة ..شوفيك ؟؟؟؟؟؟؟؟؟
حمد:............................ماشىء....كح كح كح كح كح كح كح كح كح كح
سعيد:حمد أطلب الإسعاف؟؟؟؟؟؟؟
حمد:لااااااااااااااااا.....مافيني شىء ماريد شىء أريد أرقد بس.....
سعيد:حمد ........والله شكلك تعبان وايد خلني إنزين أوديك المستشفى..
حمد:أنا مرضي مب مستشفى ....أنا مريض من المشاكل...كح كح كح..سعيد ليش سويت جيه؟؟؟...أنت أول واحد تعرف أني مريض وياي من لندن بس عشان أيلس ويا هليا وستانس وياهم ليش سويت جيه ؟؟؟؟؟؟ ليش ياسعيد؟؟؟؟...أنا أحب أهليا واااايد واااايد يا سعيد وأنا أشكر ربي أنة جمع ما بينا كيف الحين تسير وتضارب ويا عيال عمك كيف؟؟؟؟...ماعندك قلب ؟؟؟؟..ماعندك؟؟؟؟؟... ما بسامحك يا سعيد ما بسامحك ..
سعيد ..دموعة فعيونة: حمد ..لااااااااااااااااا تعذبني والله مب قاصد والله ..صدقني الحن بروح وبستسمح منهم كلهم بس دخيلك أنت ماروم أزعل عليك ولا ريدك تزعل مني دخيلك حمد..
حمد.:سعيد والله العظيم أموووووووووت ألف مرة ولا شوف هليا مرة ثانية متفرقين ..(بصوت عالي) أللللللللللف مرة ألف ...
سعيد:أدري ....أدري..والله غلطان والله والحين بسير أستسمح منهم ..........
ظهر سعيد ..من حجرت حمد وسيدة سار عند حمدان..بس لقاه يالس يقرا كتاب (حمدان يوم يعصب يقرا كتاب عشان ما ينفعل ويغلط على حد هاي عادته من كان صغير) سار عنده وباسة على خدة.....
سعيد: إسمحلي حمدان والله مب قاصد ..إسمحلي يا ولد عمي..
حمدان ..بإبتسامة رضى:ياااااااااااا ولد عمي .......(يمسكة من خدة )أنا مب زعلان أنت سمحلي على كلامي..وأنا ما شل على حد ..قلبي صافي ..
سعيد...حضن حمدان: يعل لساني القطع ولا سمعك هالكلام إلى سمعتة مني...
حمدان:ههههههههههه لو لسانك إنقطع منو بسمعني قصيد؟؟؟؟؟؟؟؟؟
سعيد.:ههههههههههههه ....مشكووووور يا حمدان ..
حمدان:ماسويت شىء وأنت مل خوية وأكثر والله يشهد .....
سعيد:تعال نسير عند حمد............
وسارو عند حمد ويوم شاف حمدان وسعيد يظحكون ...إبتسم..
حمد:غلامين وين محمد؟؟؟؟؟؟؟
سعيد:بسير عنده...
سار عند محمد .......لقاه فوق الشبرية ...سار عنده .....وتأسسف منه وظهر محمد وتأسف من حمدان وحمد...ويلسو يسولفون ويظحكون ...
الساعة 7:31....
إصيح وضامة ريولها على صدرها ..والمطر يظرب عليها..هي في البلكونة يالسة..تصيح من هالدنيا ومن فيها..ليش يارب ما موت والله لو الموت الحين بييني برحب فيه الحياه ماااااريدها والله ماريدها..بايعتنها بثمن التراب..من سنين وأنا أتريا الموت والموت ما ياني أنا في كل ثانية وكل دقيقة ألعن هالدنيا ..ماريدها مااااااااريدها.."اللهم إن كانت الحياه خير لي فأحيني وإن كان الممات خير لي فأمتني".....كل المشاكل إلى تستوي أنا أكون السبب لهاي المشاكل ..ليش ياربي ليش؟؟؟؟؟؟؟؟؟؟...أنا ليش يدخلوني في مشاكلهم ؟؟؟؟؟؟؟..ليش ياربي؟؟..فعمري ماسمعت كلمة طيبة عمري ما سمعت حد بس يقول فديت سلامي..بويا بويا في البيت ما ييلس كلة ظاهر برى أمايا بس تعرف تقول أم لسانين وراعية المشاكل..أنا شو سويت؟؟؟..ليش ما يحبوني..أنا حبيت الناس ليش
ما يحبوني شو فيني غلط؟؟؟...عيال عمي تظاربو عشاني..ماحد يباني..حد ماحد يريد يزوجني..خواني يطنزون علية..حتى أمايا شيخة تهد علية...
وصيييييييييييييييح .....وضامة ريولها ..
موزوه كانت في غرفتها ..بعدين ذكرت سلامي جان سير عندها لأن سلامي واااااايد متأثرة بإلي إستوا وموزه ماتعرف الدنيا بلا سلامي..
سارت غرفتها دقت الباب ما فجت الباب..دخلت..لفت بعيونها مالقتها شافت الستارة طايرة والماي داخل شوي في الغرفة..يعني سلامي هي فاجة البلكونة.. سارت عند البلكونة لقتها يالسة وضامة ريولها على صدرها وصيح ومخترسة ماي لأن برى مطر قوي.....
موزه:سلامي حبيبتي بتمرضين قومي داخل
سلامي صيح:مااااااريد يا موزه ماااااريد..خليني يمكن بمرض وبموت من هالدنيا وبفتك منها وبيفتكون مني ...
موزه:سلامي لا صيحين ...شهالكلام ؟؟؟؟؟؟؟قولي الله يهديج قومي...
سلامي:ماريد خليني فحالي خلني ماريد أدخل ....ماهتم مرضت مت ....يااااااااليت لو أموت ياليت ....على الأقل ما بتيكم المشاكل....
موزه..صاحت:سلامي ......منو يقول جيه؟؟؟؟؟؟؟..سلامي أنا ماعرف الدنيا بلاج ...حرام عليج ..والله أحبج .
سلامي:موزه إنتى تحبيني وأنا أحبج بس الحين بتعرسين..وبسيرين عند ريلج وبتيبين عيال وبتنسيني..أنا ماحد حتى يباني..بس يعرفون أني راعية مشاكل..
موزه:منو ما يباج؟؟؟؟؟؟
سلامي:لا ظحكيني ...أخوج ودرني ...وبويا..بويا ماشوفة غير في الأسبوع خمس ولا 6 مرات أمايا بس يوم تبا تهد على حد تعرف درب غرفتي تهد علية وتظهر امايا شيخة نفس الشىء..وإخواني..إإإإإإإإخواني يطنزون علية..أونة بسون إعلان ....ليش أنا لهاي الدرجة مش مرغوبة فيها ؟؟؟؟؟؟؟
موزه:سلامي يمزحون....
سلامي:لا ما يمزحون مش أول مرة يقولونها دوم يقولونها ....
موزه:سلامي ....
سلامي:ظهري برى ..........ماريد حد ..(وصييييييييح)...مااااريد حد ..أتريا الموت بس ..أتريا الموت ....
كلام سلامي كان يقطع القلب وكانت موزه تصيح من كلامها ..وااااايد زعلانة منهم ليش جيه يقولون عنها ؟؟..والله لو يدرون في هالدنيا كلها ما بحصلون وحدة أحسن عنها ...
ظهرت موزه من عندها ..وسارت عند حمدان أخوها..دقت الباب مال صالتهم..وبعدين دخلت..يوم شافها سار حمدان عندها..
موزه ..تصيح:حمدان قول حق سعيد سلامي يالسة برى فالبلكونة والمطر برى وبرد بتموض ماطاعت تدخل داخل وصيح ...
حمدان:شووووووووووو؟؟؟؟؟؟؟؟؟ليش؟؟؟؟؟؟؟؟
موزه:مادري............
سار حمدان عند سعيد وخبره بكلام موزه..سار يربع سعيد عند سلامي ..زاغ ليكون سوي شىء بعمرها..
أول مادخل غرفتها ...مشى شوي شوي..ووقف عند البلكونة وشافها..يلس عدالها.. فهم ليش زعلانة سعيد لو يغايضها بس سلامي أقرب وحدة بعد حمد..سعيد يعرف بكل شىء عن سلامي ويعرف حركاتها كلها لو أنها زعلانة ما تتكلم بس نظرت عيونها تخبره بكل شىء عنها وشو فخاطرها...
سعيد:سلامي ..تذكرين ...يوم أخلي الضفدع ورى كندورتج؟؟؟؟؟؟؟....وصيحين ما تحبين الضفادع؟؟؟؟؟؟..
سلامي...سلامي منزلة راسي عند ريولها ما يشوف وويها بس يوم قالها جيه إبتسمت :...............
سعيد:وسيرين عند بويا وكان في الميلس وييني بويا بعقال وشردت عنة ..وحليلى ما تغديت كلة منج؟؟.....
سلامي....تظحك عليه.....:......................................
سعيد..:سلامي تذكرين يوم كنا في الروضة نندس في سيارة بويا ويوم ينزل الدوام ننزل وياه ويوم شوفنا يشلنا يردنا المدرسة؟؟؟
سلامي..بصوت شوي عالي: ..ههههههههههههههه أذكر ...
سعيد:ههههههههههههههههههه....تذكرين الأبلة إلى فلعتيها بالحصاه؟؟؟؟؟؟
سلامي:وأنت أول ماكنت تتعلم تسوق السيارة دعم سيارة الإستاذ.........
سعيد:ههههههههههههه....أذكر بويا هد علية ...
سلامي:........................
سعيد:تعرفين يا سلامتي ..أني ما عرف الدنيا بدونج؟؟؟؟؟؟؟؟؟؟؟وأني ماصبر عنج وعنحركاتج وسوالفج ؟؟؟؟؟؟؟؟؟..
سلامي .....تصيح.......:...................
سعيد:سلامي.....يوم كنت في لندن ...دوم أذكر مواقفج وظحك ....وقول فخاطري متى برد عندهم عشان أسولف وياها وغايضها.....
سلامي:.......................
سعيد:والله يا سلامي مستحيل أوافق على حد لين ما عرف أنة صدق يستاهلج..لأنج والله ماااااحد في هالدنيا يستاهل والله..إنتي ما تعرفين شكثر غلاج عندي ولا شكثر أنا أحبج ..... (يبا يغايضها) بس احب مى أكثر ههههههههههههههههههههه...
جان صيح وتظحك وسار وحضنها ..
سعيد:سلامي لا تخلين في بالج أني في يوم ولا في دقيقة ولا ثانية أني أكرهج ولا ماحبج..سلامي إنتى إختي..الوحيدة ..ماعندي غيرج..وربيعتي إلى دوم تشاركني في معاركي.....
سلامي:ههههههههههههههه ....معاركك؟؟؟؟؟؟
سعيد:وماتذكرين يوم صبين دم ولد يرانا وحليل خاطو راسة ؟؟؟؟؟
سلامي:أنا ولا أنت قتلي روشي بالحصا؟؟؟؟؟؟
سعيد:ههههههههههههه..يالله ندخل داخل بتمضين المطر قوي ............ودخلو داخل ........
سعيد:أنا الحين بظهر سيري وتسبحي بماي حار وجان تبين ترقدين رقدي بس بفوتج فلم القراصنة إلى وعدتج أراويج إياه (يغمزلها)...
سلامي:صدق والله!!!!!!!!!!!!
سعيد:هيه نعم يالله سيري......
سلامي:أوكية .......
وظهر سعيد من عند سلامي ..وسار عند قوم حمد ......
وكانت موزه في غرفتها ..تدعي الله أن ما يزاعلون عيال عمها وكل شىء يرد مثل لول..كان يالسة فوق شبريتها.......بعدين يتها فكرة..إستانست عليها وعزمت سويها ..وبتخبر سلامي..بعدين ذكرت مى..جان تنقز من شبريتها وسارت غرفة مى..دقت الباب ولقتها تصيح....
موزه:اللللللللللللللللللهم طولج ياروح ..ليش صيحين بعد إنتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مى:عشان عيال عمي.........
موزه:شوفيهم؟؟؟؟؟؟؟؟؟؟؟
مى:مزاعلين......
موزه:لا توني كنت سايرة عندهم كانو يضحكون ويسولفون مافيهم شىء......
مى:صدق والله!!!!!
موزه:هيه والله ...........
مى: يااااااااااااااااااي الحمد لله ...تحسبتهم مزاعلين ......
موزه:إييييه الدبة تعالي نسير عند نورة ختج ....
مى:نورة يوم تعصب ماحب أسير عندها....
موزه:تعالي ماعليج............
وسارن غرفتها..بس لقنها تسبح .....يولسن يترينها لين ما تظهر من الحمام..يوم ظهرت الحبيبة تغني ومستاااااااااااانسة ....
موزه:اللهم سكنهم في مساكنهم.
نورة:بسم الله شفيج؟؟؟؟؟؟؟؟
مى:منو كان يصيح؟؟؟؟؟؟؟
نورة:هييييييييييييه..كنت أصيح عشان عيال عمي وظرابتهم بس الحين مستانسة خلاص ردو سمنه على عسل ..
موزه فاجة عيونها:شدراج؟؟؟؟؟؟؟؟؟؟؟؟؟
نورة:هههههههههههههههههه..يوم كنت في الصالة يوم أنتن منزربات في غرفتكن ....فسمعت ضحكهم..فعرفت أنهم تراضو .....
مى:بسم الله ينية ..............
نورة:وبعد عشان شىء ثاني.......
موزه:شو؟؟؟؟؟؟؟
نورة:ههههههههههههههههه....عرفت أن محمد مايباني وأنا حرة ..كنت أخاف يباني وأنا ماباه بس الحمد لله مااااااااايباني يااااااااي والله بطير من الفرحة .....
مى:هههههههههههههههههههههه.....الله يعيني من خبالكن ...
الساعة 8:30....
يوهم قوم خالد..وعاد من عرفن البنات أن موضي بترد البلاد يلسن يصيييييييحن عشان بسير عنهن ...وأم خالد بعد صاحت..وتوادعو وحليلهم أهل خالد ردو البلاد اللليلة..وعاد أم سالم..تتريا متى بيخطف باجر وبترد البلاد..وسارو قوم أهل خالد وماحد بقا غير قوم أم سالم..وهم بعد بقى يوم واحد وبردون البلاد..تعشو وارحو يرقدون..
أما قوم سلامي والبنات شافن فلم القراصنة...وبالنسبة للشباب كانو بسابع نومهم تعبانين فرقدو وماكان حد غير البنات سهرانات ..ويوم خلص الفلم رقدن ....الحمد لله ردت المياه لمجاريها...
اليوم اليمعة..
آخر يوم بكون لرحلة لندن ..9/1...
الساعة 7..
قامت تمسحت بعدين صلت ولفت شعرها وسارت المطبخ ويابت نسكافيه وردت غرفتها ويابت لاب توب ويلست تكتب فيه..وفي الطرف الثاني من البيت كانن الحريم يتقهوين ويا أم سالم ..وعاد أم سالم مستانسة لأن فليل بسافرون ....
أم سالم:يالله أني فرحانة أني برد عند بيتي ...
أم موزه:يعله دوم عمتية ..
أم سالم:إشتقت للهوش....والبقر...
أم نورة:حتى أنا شتقت للبلاد ...غير بلادك .
أم سالم:فديت دار بو خليفة وريحتها
وكلهن فرحانات أخيرا برد البلاد..أما الشواب إلى هم علي ومنصور عيال أم سالم ..راقدين بعدهم وحتى الشباب بس الوحيد إلى قام من نومة حمد.. والحين هو يمشى على الشاطى..حمد من عرف بمرضة ما إييه الرقاد ولا يعرفة..دومة يفكر..وعاد اليوم أهلة بردون البلاد وهو برد لندن وبتكون العملية اليوم الثاني..
على الساعة 8:30..
تفج الباب بقو ....وتثاوب جدامة ........
سلامي:شو سوين ؟؟؟؟؟؟؟؟؟؟؟؟؟؟؟
موزه رفعت راسها: ماشىء....
سلامي:شو داشة النت ؟؟؟؟؟؟؟
موزه:لاااااااااا أكتب....
سلامي:شو تكتبين ؟؟؟؟؟....عنبوه ببجامتج شو تحلمين كنتي؟
موزه:أنا ما صدقت أيي الصبح عشان أكتبها ..
سلامي:إنزين الدبة شو تكتبين خبريني.....
موزه......مسكت إيدينها الثنتين :أنا أكتب رواية ..
سلامي:رواية!!!!!!!!!!!!
موزه:هههههههههههه هيه ليش مستغربة ؟؟؟؟؟
سلامي:ماحيدج تعرفين تكتبين شىء كيف تكتبين رواية ؟؟؟؟؟؟؟؟
موزه:ههههههههههههههههه...ماعليج أعرف ..
سلامي:وعن شو تكتبين ؟؟
موزه:ههههههههه ...حزر فزر
سلامي :ويا ويهج يالله ماروم أفكر توني قايمة من الراقد ......
موزه:بكتب رواية وعنوانها "آآآه يا الدنيا عيال عم ولا يتعارفون "...
سلامي:شوووووووووووو؟؟؟؟؟؟من وين يبتي هالعنوان ؟؟؟
موزه:حبيبتي بكتب قصة حياتنا قصة عيال عمي قصة كيف الله يمعهم برحلة لندن..قصة كيف عرفو معنا الحياه ومعنا العايلة..قصة كيف حبينا بعض..آآآآه سلامي والله هاي بتكون أحلى قصة بالنسبة لي..قصة واقعية مب خيالة قصة عشناها لو الناس ما صدق إلى بتقراه بس هذا موجود في حياتنا نعيشة بس كل واحد طريقتة
سلامي:أحم أحم ..عيبتني الفكرة .....صدق أنج راعية أفكار ..بس عاد ذكرتي أسمي ؟؟
موزه:هههههههههههههه...إنتى الناس بحبون شخصيتج ..إنتى وحركاتج ومواقفج ..
سلامي:صدق والله!!!!!
موزه:هيه على ضمانتي...
سلامي:بس شو النهاية؟؟؟؟؟؟؟
موزه:النهاية بتعرفينها إن شاءالله جريبة .......
سلامي:عيل أنا بساعدج إلى شىء تبينة أنا تحت أمرج بس عاد كثري من مواقفي....
موزه:ههههههههههههههههه..فالج طيب........
سلامي:الحين وين وصلتي؟؟؟؟؟؟؟؟
موزه:وصلت الله يسلمج ...يوم تظاربين ويا سلطان ..
سلامي:الله ينطبج الشين لا تذكرينة بس الزين ذكريه عشان يحبوني يوم يقرون الرواية ....
موزه...تغمزلها :إنتى بتكونين أول وحدة تقرا روايتي ولا زعلين بوقع عليها ...
سلامي:هههههههههههههه...يالله أنا بسير أسبح .....وبييج ....
موزه:أوكية حياتي
يلست موزه تكمل روايتها ويوم تكتب مرة تصيح ومرة تظحك ..
الساعة 9.......
العايلة الكريمة كلها قامت وكل واحد يالس يرتب قشارة ..وإلى يبا ياخذه وياه ..لان فليل بتكون طيارتهم على الساعة 10 لازم يكونون في المطار......
علي:حمد ماشوفك تزهب قشارك ........؟
حمد:بويا بعدين مب الحين ...
أم سالم:أنا من غبشة مخلصة كل شىء
منصور:أمايا أنتي من يومين مخلصة كل شىء ..
أم سالم:أنا ودي ماطيحها بريولي إلا عاد إبتليت ..
ويلسو يسولفون عن ردة البلاد..وأم سالم ماعندها سالفة غير هوشها بقرها .....وبيتها ...
الساعة 11................
حمد يشوف الساعة..لقاها 11 .....سار غرفة سعيد ..........
حمد يمط اللحاف:بسك الله وكبر .....
سعيد:شعندك خلني ارقد........
حمد:بسك الله ينطبك تعال ....بقولك ......
سعيد ..يرد اللحاف:ها شعندك ؟؟؟؟؟؟؟
حمد..يلس عدالة :أسمع ..الحين شو منقول لقوم أمايا ليش ما منسير وياهم؟؟؟
سعيد ...ظهر راسة من للحاف:وليش وين يبون يسيرون؟؟؟؟؟؟
حمد:ماتعرف اليوم الساعة10 الطيارة بطير....
سعيد من سمع هالرمسة فر اللحاف:يعلة فذمتك؟؟؟؟؟؟
حمد:هيه شفيك؟؟؟؟؟؟
سعيد:حرااااااام عليكم .......ما وحالي أشوف مى ولا أكلمهاا ..شو هالحالة ؟؟؟؟؟؟..حرام عليكم ...............
حمد...مفول بصفعة :أنت بعقلك؟؟؟؟؟؟؟؟؟
سعيد:اللللللللللله ينطب هالحالة صدق يعني بسافرون اليوم؟؟؟؟؟؟؟
حمد:هيه .......
سعيد:وليش ما وعيتني الساعة 7 ...
حمد:سعيد؟؟؟....شفيك الحين شو منقول لقوم أمايا ليش ما منسير وياهم ..تعال حل هالمشكلة مب مى ومادري شو ؟....
سعيد:أوووووووووووووه ....صح الحين شو منقولهم؟؟؟؟؟؟؟؟؟؟؟
حمد:شدراني؟؟؟؟؟؟؟؟
سعيد:أأأأأأأأأأأأأأأأأأأأأأأأف ...أنا مليت من هالسالفة .........أقولك بسير أسبح ...وبفكر فشىء وأنت فكر ..........
حمد:أصفعك ....؟؟؟؟؟؟؟.......
سعيد:شفيك ؟؟؟؟؟؟؟؟؟ أقولك بدور لحل صبر بسبح وبصلي تريا شو .....
حمد:زوووووووووول ....
حمد سار الصالة .....يفكر شو بقولهم..ولا شوي موزه ماسكة كوب نسكافيه ومندمجة طالع تحت وتمشي بسرعة وسايرة صوب قسمهم .....
حمد....هاي شفيها؟.....لف حمد يمين يسار ما شاف حد..........
حمد:موزه ........موزه....
موزه تلف يمين يسار وين هالصوت لا يكون أتخيل صوت حمد في كل مكان؟: .........
حمد يأشر بإيده:أنا هنيه شفيج؟؟؟؟؟؟؟؟؟؟؟
موزه وقفت مكانها..وإبتسمت:مرحباااااا....
حمد:تعالي أبا أقولج شىء.........
موزه .......مستحية منه ..تتقرب شوي شوي: أمممممم شو تبا؟؟؟؟؟؟
حمد مد إيده :من الصبح أقول للبشكارة تيب كوب نسكافيه وما يابته..زين يوم شفتج عطيني إياه..(جذب ماقال للبشكارة ولا يحزنون)
موزه علامات إستفهام:بتبطي ماريد.....
حمد:ويا ويهج حمدي ربج بعد بشرب من كوبج....
موزه ..ويها أحمررررررر:عنلاتك ..........
حمد:هههههههههههههههههههه...ليش سبين؟؟؟؟
موزه:ماشىء .......... (وردت لورى بسير عنة)...
من شافها بسير عنة سار ووقف جدامها ...
حمد :إنتى مب كل ما تشوفيني تشردين..الحين ما بسيرين مكان ...
موزه ..قلبهابطيح ..نزلت ويها تحت :....................
حمد:موزه ............شفيج؟؟؟؟؟؟؟...........
موزه..إبتسمت :ماشىء ........
حمد:إنزين يعني سمعتي كل الكلام إلى قلناه أمس صح ؟؟؟؟؟
موزه تمنت تنشق الدنيا وتاكلها ....اللللللللللللله ينطبك يا حمد مقواك :.......... ......
حمد:شو ........؟؟؟؟...ما جاوبتي؟؟؟؟؟؟؟.....
موزه:..................أنا بسير عندي شغل......
حمد:ما بسيرين مكان قتلج مب كل مرة تشردين..أريد أسمع رايج ....والحين بعد........
موزه .......يااااربي الحين شو أقوله؟؟؟؟؟؟؟؟؟؟........:....................
حمد...بصوت شوي عالي :موزه.
موزه من سمعت نبرة صوتة شوي علت :هااااااااااا..
حمد:أكلمج ..........شو رايج؟؟؟؟
موزه:..................................حمد عندي شغل.....
حمد:قتلج لااااااااااا....
موزه..رفعت ويها وبتسامة خبث:بخبر بويا عليك......
حمد...نفس إبتسامتها :عادي ما بقول شىء لريل بنته.....
موزه إحمرررررررررة :باي بسير...........
حمد:قلت لاااااااااااااا......
موزه .......:.......................
حمد..:يوم أنج تحبيني ليش تكابرين؟؟؟؟؟؟؟؟؟؟؟....شو تحسبيني ماعرف؟؟؟؟؟؟
موزه:.....................
حمد:قوليها ........موزه إنتى وااااايد تكابرين ........بس انا مش مثلج وخبرتج بمشاعري بس إنتى صديتيني وإعترفتي بالعكس..
موزه:..........................
حمد:موزه أنا أحبج والله..إنتى حياتي إنتى كل شىء بالنسبة لي ..أنا ما بلف ولا بدور .....أنا من عرفج عرف الدنيا والحياه موزه ما أتخيل أيلس في يوم بلاج ..موزه محتاجلج ...دخيلج لا صديني....
موزه ......فاجة عيونها وثمها........والله أنا أحلم مستحيل كل هذا حقيقي: ..................
حمد:موزه ...ريحيني وخبريني دخيلج .........لأن باجر بكون..............جان يقطع كلامه ....
موزه إنتبهت أنه كان يبا يقول شىء وما كمله رفعت ويها بسرعة :حمد شو فيه باجر......
حمد.....الحين شو بقولها ....بجذب عليها :ماشىء بس باجر منكون في البلاد إن شاءالله..
بس من عيونة عرفت أنة يجذب وفي شىء ما قالة ...عيونة كانن يلمعن بشكل غريب ..كانن يخبرنها عن إلى في داخلة ..إنسان محتاي للحنان وخايف من شىء: حمد ليش تجذب علية ؟؟؟؟؟؟؟؟؟؟....فيك شىء خبرني.....
حمد:لاااااااااا مافيني شىء...
موزه...معصبة ليش دوم يجذب علية ؟؟؟؟؟؟؟ليش؟؟؟؟يوم أنة يحبني ويعترف بالهشىء ليش ما يثق فيني ويخبرني عن كل إلى فخاطرة ؟؟؟؟: حمد لو إكتشفت أنك تجذب علية دقني ماااااااااااااابسامحك ..والله مااااااااااااااا سامحك .....
حمد:لااااااااااااااا موزه شو هالكلام ؟؟؟؟؟؟
موزه:يعني في شىء؟؟؟؟؟؟
حمد:لا قتلج لا..مافي شىء........
موزه:ريحتني الحين بسير عنك........
حمد:بس ما جاوبتيني؟؟؟..
موزه إبتسمت:...........................باي........
حمد.......شل الكوب من إيدها:هههههههههههه....يعني ما بتقولينها بس فهمتها ......
موزه .......وهي تمشي تكلمه: باي ..............
الحين لو عرفت أني بسوي عملية وما خبرتها بتزعل ..بس والله أخاف عليها أخاف أنها تيلس تحاتيني ..ماريد أعذبها ..ما حب أشوف الدموع فعيونها ....والله من كثر ما حبها حتى أخاف عليها من النسيم ..كيف أخليها تصيح عشاني؟؟؟؟؟؟؟؟؟...
سار غرفة سعيد .
الساعة 11:59.......
دخلت موزه فرحااااااااااااااااااانة .....شافت سلامي ونورة ومى..نورة ومى توهن قايمات..سارت عندهن ونسدحت وخلت راسها على ريول سلامي........
سلامي:شفيج مستانسة؟؟؟؟؟؟؟؟؟؟؟؟؟؟
موزه تنسدح وتخلي إيدها على راسها:أأأأأأأأأأأأأأأأأأأأأأي أخيرا إعترف انة يحبني..........سلامي يحبني واللللللللله يحبني..
سلامي:قولي والله!!!!!!
موزه:واللللللللللللللله..................
وقامت وباست سلامي وبعدين ردت إنسدحت وخلت إيدينها على خدودها وتظحك ....
مى ..سوي بإيدها مالت :مااااااااااالت علية ...........فحياتة ما قالها لي..بس فالح يغايض ويزعلني..أقولج حمد ما عنده إخوان متأكدين خلاص بكنسل سعيد ماريد أريد واحد مثل حمد..
موزه:هههههههههههههههه..لا حبيبتي حمد فريد من نوعة وبس وااحد في الدنيا بس لي ...لي انا بروووووووحي..
نورة:ههههههههههههههههه..عقبالنا..........
سلامي:أنا بس في خاطري واحد وبس ..ماريد مثل حمد ولا غير حمد..أريد ذيبي وبس........
مى:هههههههههههههههههه..ذكرتيني بمسلسل رقية وسبيجة .....هههههههه كل شوي تقول ذيبي وذيبي.....
سلامي:يعلني بلاج بسم الله على ذيببي ....ذياب أحلى عن هذاك الشيفة ....
موزه.:أنا بسير اكمل روايتي........
نورة:أي رواية؟؟؟؟؟؟؟
موزه:ههههههههههههههه..سلامي خبريهن ..........بسير أنا باي.........
مى: شسالفتها ؟؟؟؟وأي رواية؟؟؟؟؟؟؟؟.........
خبرتهن سلامي عن الرواية ............
مى:صدق والله!!!!!!!!! زين .
نورة:نسير عندها هالدبة ............
سارن عندها عشان يقرنها ويشوفن شو كتبت عن كل وحدة ....
الساعة 12:30..................
حمد ......:شو خلصت ؟؟؟؟؟؟
سعيد:أنا بقولك .......
حمد:الله يعينا ..شو ؟؟؟؟؟
سعيد:منخبر عمي علي ومنثصور ..والشباب بس ..
حمد:بويااااااااا؟؟؟؟؟؟؟؟؟سعيد ماقدر أخبره أبويا فيه الضغط ماريد ..
سعيد:ماشىء حل غير هذا ....
حمد:ما قدر أشوف ردت فعلة ....سعيد والله ما قدر....
سعيد:أنت لا تتكلم أنا بتكلم ........
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك