رواية اضحك وانا في داخلي مجروح -36
يلست اطالع وياه استعراضات وسباقات وهالسوالف
عقب اذن المغرب نشيت عنه سرت الصاله جفت ريم نشت
امل: نشيتي ؟
الريم: هيه ليش ماوعيتيني؟
امل: عسب تترتاحين
الريم: عقب مابرقد فليل
امل: بترقدين ماعليه
عقب روحت عنها سرت صليت ونزلت تحت يلست وياا امايه وريم كانت ويانا يأ الدكان ياب الاغراض..
يلست اكل الشيتوس
امايه: مب ماكله شي اليوم وتاكلين هالسم
امل:ماعليه امايه ماعليه شـر
عقب سمعت امايــه.. تقولي انه حرمة يرانا بتي بيتنآ
سرت فوق بدلت ثياابي ولبست مخوره .. ونزلت ..
يت سلمنا عليها ويلسنا نسولف عقب روحت ..
اذن العشى سرنا نصليــ.. وعقب الصلا ه..
روحت غرفة ريم جفتها يالسه جدام كرسي التسريحه وحاطه ايدها
ع بطنها وتصيح
امل: رييييـمو شو فيج..
الريم: ماشي ماعليه
امل: قوولي شوفيج اذا تعبانه بزقرلج امايه
الريم: لا عادي عوار بسيط وبيروح
امل: متأكده عادي؟
الريم: هييه عادي..
امل: خلاص عيل
الريم: يلا تعالي بننزل تحت
امل: اوكيه
مرر الوقت بسرعه عقب حطو العشى وروحت انا فوق قلت برقد
طحت ع السريـــــــــر..
شليت فوني من تحت المخده .. جفت كم مس كول
وجفت وايدين مرمسيني ف البيبي مسن.. اول شي سويته سويت دليت حق عليآآآ خل تولي .. وعقب فريت الفون ورقدت..
عقــــب تقريبا 6 ساعات نشيت .. شبعانه مافيني رقاد مادري الساعه كم الحين..
شليت الفون جفتها الساعه 4 الحين بيأذن الفجرـ..
تميت اتجلب اتريا الاذان .. شويه وسمعت الاذان خاصه وانا مب
نشيت توضيت وصليت طلعت من غرفتــي.. سرت عند ريم..
جفت الليتات مسكره سرت صوب سريرهاآ.. حسيت شي يهتز ع السرير بطلت الابجووره.. جفت ريم متسانده يعني مب طايحه .. يالسه .. وحاطه ايدها ع بطنهآ وتصييح ...
امل: ررـــيمووو شو فيج؟؟؟؟؟؟
الريم: امــل بمووووووت ..
امل: بسم الله عليج شوفيج
الريم: بطنييي يعووورني بموت
كانت تصيح بشكل فضيييييييع وتشاهق وحاطه ايديها ع بطنها
الريم: شوتترييييين زقري امااايه بمووووووووووت
كانت تصاارخ وانا اتناافض شويه واستوعبت
سرت صوب غرفة قوم امايه .. دقييت الباااب وشويه وطلعت امايه وهي لابسه شيلة الصلاه
امل: اماايه لحقي عليه
امايه: شو فيج بسم الله؟
امل: ريييم تصييح تعباانه
جفت امايه بسرعه سارت صوب غرفة ريم..
وانا وراهاآ .. وبروحي اتناافض احس عمري بطيح..
امايـه: امــــــــــــــــــل
امل: هاه ؟؟
امايه: قومي ساعديني اختج بتربي؟
امل: شووه؟؟
امايه:بسسرععه البنت تعبانـه..
جفت ريم وايد تعبانه اول مره جيه اجوفهاآ
امل: شو اسوي ؟
امايه: شغلي سياارتج
امل: امايه ماروم اسووق بروحي اتنافض
امايه: عيل شو نسوي ابوج واخوج محد ف البيت
الريم: اماااااااااايه بسرررررعه احس عمري بموت
امايه: تصرفيي بسسرعه اتصلي بريلج البنت بتربييي
ركضت بسسرعه حجرتي.. ادور فوني لقييته .. وايدي تتنافض
كل شويه الفون يطييح..
ياله ياله اتصلت ف سيف.. مايرد افففففف
شويه ورد عليه
سيف: الوه
امل: سييف الحق عليه..
سيف: شووفيج؟؟
امل: ريم بتربي وماعندنا حد ف البيت وانا ماروم اسووق ..
سيف: اوكي اتجهزو انا الحين يااي
امل: بسرعه
سيف: اوكي باي
بندت عنه ولبست عباتي وسرت عند امايه
امايه:ساعدي اختج تلبس عباتهاآ
ساعدت ريم وامايه سارت تلبس عباتهاآ..
يلست اعاون ريم تلبس عباتهاآ وعقب يت امايه
نزلناها شوي شوي من ع الدري يوم وصلنا عند البااب العود
اتصلي سيف طلعنا ساعدتها تركب السياره هيه وامايه ورا وانا جدام..
حرك سيف السيااره بسرعه
سيف: اي مستشفى؟
امايه: مستشفى الزهره
سيف يسرع شويه ويخف شويه اصلا الشارع فاضي
انا صاده ورا اجوف ريم ماسكه عمررها ياله ياله وامايه ميودتنهاآ
شـويه ووصلنآ المستشفى اصلا ف رقم قياسي .. يمكن ربع ساعه..
نزلت بسرعه وساعدت امايه تنزل ريم وع طول الطوواري من
جافوها بسرعه يابو النقاله وحطوها دخلوها غرفة الولاده ع ططول
امايه دخلت وياها بس انا تميت برع احاتيها ..
عقب يأ سيف
سيف: هاه وينهآ
امل: دخلووها افف والله احاتيها
سيف: ماعليها شر ان شاء الله
امل: اخاف يستوي عليها شي..
سيف يلس ع الكراسي بس انا ماقدرت اسير واارد اسير واارد..
احس راسي دار واتنافض .. طلعت فوني ويلست اتعبث فيـه
جفت سيف ياي صوبي
سيف: ليش ماتردين عليه يوم اتصل.
سكت عنه مب متفيجيتله..
سيف: ولاعندج حد مشغوله فيـه بعد
تونـــي برررد عليـــه ماحسيـــت بعمري ....
بـــعد فـتره..
فتحت عيني واجوف المكان ابيض.. رفعت راسي
سيف: استريحي استريحي.
امل: وين اناآ
سيف: ف المستشفى
هييه صح رييم
امل: ريييييم وييين؟؟
سيف: ريم بخير وربت
امل: والله شو يابت؟؟؟
سيف: يابت بنت..
امل: بقوم اجووفها
سيف: ارتاحي ماعليه
امل: سيف ابا اقووم ..
سيف: انزين صبـري خل يخلص المغذي
امل: انزين
طحت عالسرير استرجع الاحداث الي صارت .. ويوم طحت
اوييه ليكون طحت ع سيــف.. كان وراي..
امل: سيف شو استوى؟؟
سيف: ماشي طحتي عليه وزقرت النيرس شلوج وحطوج..
امل: ليش انا شو فيني؟
سيف: انتي مب ماكله شي ومن التوتر طحتي
امل: اهاآ
تمييت ساكته وجفت سيف طلع عني.. جفت فوني حذالي شليته
جفت الساعه 7 ونـص
امممـ .. رقدت وايد .. تميت اتريآآ..
كان باقي شويه وبيخلص المغذي دقيت الجرس
وشوي ويتني النيــرس..
النيرس: شو يرييد؟
امل : بطليه بيخلص؟؟!
النيرس: انتظري شويه بيخلص؟
امل: اوك..
خمس دقاايق وبعديين.. يت بطلته ..
عقب قمت شويه.. اوه توني استوعب .. مب لابسه عباتي ولا شيلتي
ههههه وافضييحتاه لابسه بجامه ... ههه سرت بسرعه ولبست عباتي ...
وعدلت شيلتي .. وتوني يايه بظهر من الغرفـه..
دخل سيف وكانت ف ايديه بـآآقــة ورد كبيـــرره..
سيف: خلصتي المغذي؟؟
امل: هييه. توه
سيف: انزين تعالي شويه ..
امل: شوه؟؟
يلسني ع السرير .. ويلس حذالي
سيف: السموحه حبيبتي اذا زعلتج ولا شي وهااي بوسه عسب ترضيين
يأ وبااسني ع خدي قففففطططططت من الخااطر وعقب عطاني الباقـه ووقف.. مدلي ايـديه .. ووقفني
سيف: يلا تعالي نطلع نسير عند ريم..
طلعنا من الغرفـه وسرنا صوب الغرفه الي نقلها ريم..
سيف كان ماسك ايدي ابا افج ايدي منه مب رايمــه..
دخلت غرفة ريم وهو تم بــرع ..
جفت ريم طايحه ع السريـر سرت بستها ع خدهاآ
امل: مبروووك حوووبي تتربى ف عزج
الريم: الله يبارك فيـج..
امل: حميد مايأ؟
الريم: لا اتصلت فيه اامايه قال الحين بي
امل: وين امايه؟
الريم: الحين بتي..
امل: سيف برع
الريم: عطيني شيلتي وخليه يدخل..
عطييتها شيلتهاآ وزقرت سيـف..
سيف: السلام عليكم..
الريم: عليكم السلام..
سيف: مبرووك ماياج ريم..
الريم: الله يبارك فيك .. واسمحلنا تعبناك ويانا
سيف: لا مـاعليه تعبكم راحـه.. يلا انا اترخص تامروني بشي.؟
الريم: سلامتك
امل: انا بسير وياك ودني البيت ببدل وبييج ريمو..
الريم: لا ماعليه انتي روحي البيت ارتاحي..
امل: لا مب مشكله برد انا يلا مع السلامه..
طلعنا من عندها ونحنا طالعين من الغرفه جفت امايه خبرتها
وعقب طلعنا ركبنا السياره ودانـي سيف البيت ..
دخلت البيت سرت فوق.. فصخت عباتي وسرت خذتلي شور..
طلعت من الحمام بدلت ثيااابي ونشفت شعري ..
احس ويهي مًصــفر يمكن من التعب. .. حطيت ع ويهي بودره
واتجحلت .. وحطيت غلووس.. جفت الباقه الي عطاني اياها
سيف ابتسمت ف خاطــري .. خخخ حركته اليوم غريبه ماتوقعتها
عقب لبست عباتي وشليت شنطتي وفوناتي .. ولبست عباتي
وسكاارفي.. ونزلت تحت ..
ركبت سياارتي .. وسرت صوب الممستشفى..
قبل لا اوصل المستشفى مريت محل خذت باقة ورد.. وسلة حلاوه
عقب .. مريت المحطه اشتريت ككوات وماي وعصير وهالسوالف
سرت المستشفى دخلت الغرفـه.. جفت امايه وريم راقده
امل: السلام عليكم..
امايه: عليكم السلام..
امل: هاه شحالها ريم؟
امايه: رقدت توه..
امل: هيه وحليلها ترتاح شويه
امايه: هيه
امل : امايه شرايج اوديج البيت ترييحين؟
امايه: لا خليني بتم وياهاآ
امل: براحتج..
عقـــب يوومـــيين
طلعت ريم من المستشفى هيه وبنتهاآآ حـــوور ..
سمتهاآ حـور .. طبعا احمد وابويه وحتى حميد يو..
كلهم وعفسه
يت ريم بيتنآ هالفـتره..
طبعا كل يوم حد ايينآ ماشاء الله البيت مايفضى ...
وانا وياها ع طوول اساعدها وفدييتها بنووووتتهاآ ياربي تهبببل
كيووت احب البيبين الي جيــه.. هع
عقــب اسـبووع
كنت يالسه ويا ريـم..
الريم: امول اليوم منو بيينا.؟
امل: سمعت امايه تقول انه قوم **** ..
الريم: زين زين
رن التلفون ف حظني .. شليته جفت الرقم كشررت افف
فاضي هاذا
الريم: ليش ماتردين؟
امل: بس مب متفيجيه
الريم: منو؟
امل: منو غيــره
الريم: سيف؟؟
امل: هييهـ
الريم: عيييييب علييج ياابنت الريال مايستاهل جيه تعاملينه عقب بيزعـل ..
امل: هه بيزعل يومين وبيرد يرضى من نفسـه
الريم: والله بتندميين ع هالرمسه الي تقوليينها
امل: مابندم اصلا هوه مايرووم يصبر عني
الريم: انتي مادري ع شوه متبطره ع الريال تراه مابيستحملج
امل: بيتحملني غصبا عنه واذا مايبا البلاد متروسه بنات..!
الريم: الله يهدييج بسـ
قمت عنها بسير فوق ابدل ثياابي ..
دخلت غرفتي .. وبدلت ثياابي .. يلست ع الكرسي مال التسريحه
بتعدل رن التلفون مره ثانـيـه
افففففففف عصبت من خااطري برووحي متنرفزه من ريمو
وهاذا كل دقييقـه يتصل شو يبا افف
امل: الووووه << وحده معصبه
سيف: هلا
امل: اهليين..
سيف : وينج ماتردين..
امل: مشغووله ..
سيف: شو تسوين؟
امل: افف ويا ريم
سيف: حبي شو فيج تتأففين.
امل: مـآِشي ..
سيف: انزين ليش جيه ترمسين..
امل: اوهووو بس عاد سيف تراني متنرفزه حدي ماله داعي هالكثر تتسأل
سيف: اووب انزين لييش معصبه شوي شوي
امل: يالله اقوول باي باي
بندت ف وييهه وفرررييت الفون ع السريير .. معصصبه من خاطري
شليت قلم الجحال بتجحل .. خربت الجحال .. روحت الحمام عزكم الله غسلت ويهي وردت مره ثانيه اتجحل ايدي تتنافض من العصبييه
انا يوم اعصب جييه اتنافض وماعرف اسوي شي
سرت يلست ع السرييرـ..اف الحين ناس بيونا
بطلعلهم وانا جيه معصبه ..
خلني اهدى شويه.. تميت استغفر لين حسيت عمري هديت
احس اني زودتها ويا سيف .. بس عادي مابيقول شي
نزلت تحت جفت الناس يــو يلست وياهـم...
اليوووم اليـ عقبهـه..
نشيت من وقت نزلت تحت الحديقه يلست اتمشى فيها
عقب سرت يلست ع الكرااسي ..
اليوم الجمعـه .. خاطري اطلع احس الاجازه بتخلص وانا ماطلعت
امممـ ماباقي شي عنها بس اسبوع..
ماعليه ان شاء الله بطلع ف هالاسبـوع
شليت تلفوني جفت سيف مطرشلي مسج امس
اتذكرت الي صار امس..
اتصل فيني ورمسني جنه ماستوى شي موووول ... هه اصلا كنت ادري انه مابيقول شي.. دومه جيه واحس شي فـيه ..
قررت اتصل فيـه ملانه ابا حد يسولف ويايـه..
اتصلت رن رن رن رن رن مارد ..
يمكن راقد برد اتصل ..رن رن رن رن عقب رد
سيف: الوه
شكله رااقد خخخ..
امل: صباح الخــيــر
سيف: هلا
امل: راقد.؟
سيف: هييه ليش؟
امل: لاماشي ملاانه اباك تسولف ويايـه ..
سيف: اممم انزين دقايق وبتصل فيـج..
امل: لاتطول اوكيه
سيف: اوكيه باي
بندت عنه وحليله راقد ههه خربت عليه.. احسن ّ>> وحده نذله
المهم عقب جيـه فتره اتصل..
امل: الو ..
سمعت اغنيـه ظحكت عليهـا
الو الو حبيب قلبي ياحلو .. الو الو فديت الي رد بالالو
مشتاقلك كثر البحر ......الخ..
امل: بس بس بند اليوم الجمعه مب زين..
سيف: ههههههههـ ها يزاي اهديج
امل: محد قالك
سيف: ابا اعرف شي واحد
امل: شو هو؟
سيف: انتي ليش جيه..مول ماتطلع منج كلمه حلـوه؟؟!
امل: انا هاذا اسلووبي
سيف: غيـرييه
امل: ماقدر..
سيف: انا بغيرلج اياه
امل: كآن غيــرك اشــطر..
سيف: شو قصدج؟
امل: ماشي
سيف: املــ انتي متى بتفهميــن اني احبــج..!!
انصدمت من كلمتــه اول مرــه يقووولهـآآآآ .. سيف يحبني؟
معقوله..؟؟ ليش معقوله انا ادري انه يحبني مزمان بس اول مره
يقولها .. مــاعرف ارد عليه
جفت ريم يايه من بعيــد...
امل: سيف بخليك ريم يت عندي
سيف: اوكيـه
امل: بآي
سيف: باي
بندت عنه ويت ريم حذالي يلست اسولف وياها وجيـه
...
مرــر الا سبووع بســرعه ماحسييت فــيـه طلعت مرتين جنه
وسيف مغصص فيني مادري ليش احس اني مب طايقتنه
.................................................. .................................
المكان: شارع الامارات..
الساعه: 11.الظهـر
امـــــــــــــ!ــــــــــل.
.................................................. .................................
كنا سايرين راك ف الدرب.. كنت سايره هالمره ويا قوم ابـويه بنسير بيت قوم خالو.. افف ان شاء الله ماجوووف هزاعوه..
هاذا سيفو بعد مسولي ازمـه .. لاتسوين جيه ولاتسرين هني.. افف منه.. اونه يوم قلتله بنسير بيت خالوه اونه لاتسيرين..
ع طاري بيت خالوه ريمو روحت عند ريلها امس.. ماطاعت اتم
اكثـر.. اونه تولهت ع بيتي وماعرف شو.. ورديت حق الملل انا
ورا باجر عندي كليـه بعد .. ارف وقسم احس اني ماشبعت من الاجازه.. واصلا منو يشبع من الاجازه ههه..
شويه ووصلنا بيت خالوه.. روحت فوق غرفة خوله يلست سلمت عليها وفصخت عباتي كنت لابسه مخوره .. هع ..
امل: انا بنزل تحت تعالي ويايه
خوله: روحي ودقاايق بلحقج..
امل: اوكــيه..
طلعت من غرفة خـوله وتوني صاكه البااب انفتح بااب غرفة هزاع .. موووولت طلع وهو يغني .. انا بسرعه دخلت قصتي ويايه بسير .. سمعته يزقرني
هزااع : امــل..
افف شو يبا هاذا...
امل: نـــعم...!
هزاع: انعم الله عليــج.. شحالج؟
امل: تمام
هزاع: صح نسيت اقولج مبروك..
امل: ع شوه؟
هزاع: لو انها متأخــره ع الملجـه..
امل: هيه الملجه ههه الله يبارك فييك وعقباالك..!
هزاع: ان شاء الله بــس صدقيني مابتتهنيين..
امل: الحمدالله لك يارب متهنيه ومستاانسه..
هزاع: مابيدوم هالفرح بتجوفيين..
امل: شو بتسوي يعني؟
هزاع: بتجووفين وانا هزااع ولد *** جان ماخربت عليج
امل: تعرف بقولك شي..
هزاع: قولي فديتج..
امل: اولأ تفدااك جني .. ثاانيآ: اعلى مافي خيلك اركبه ..
روحت عنه بسرعه ونزلت تحت .. دخلت الصاله ويلست وياهم..
شويه ودخل هــزآآأع.. اونه يهددد بعد هه ... مايروم يسوي شي..
اففف شقد اكرررههه هالانساان.. ماداانيــه .. عكثر المشاكل الي
تسببلي فيها مايستحي .. ولا بعد يلعوزني .. والله احس بغييض
ف قلبي وحرقه احس قلبي يحترق من القهــرررر.... ماقول غــير
حسبيـ الله عليــــه دنيا واخرـه ربي ياخذلي حقي منه.. ..
افف شقا يطالع يعل عيينه البط...
انا شـكلـي بتصــل ف سيـف بخليه اي ياخذني من هني .. لانه
هاذا شكله مطوول وانا مب متفيجـتله..
قمت من مكاني.. سمعت خالوه تقولي..
ام هزاع: وين بتسيرين امل؟
امل: بروح بتصل ف سيف شويه وبرد
ام هزاع: هييه الله بوفقكم
ابتسمتلها وروحت فوق ادري اني قهرت هزاع وهاذا المطلوب هع
المهم سرت فوق جفت خوله تتكلم ف التلفون شليت فوني واتصلت ف سيف ..
سيف: ياااهلا وغلااا
امل: اهلين وسهلين .. شحالك؟
سيف: تماام فديتج وانتي؟
امل: بخير انته فين؟
سيف: انا الله يسلمج فالدرب جريب
امل: ياي راك؟
سيف: هييه اكيـــد
امل: اوكيه تعال خذي بنتمشى ف راك..
سيف: خلاص انا عند البااب تعالي.
امل: مابتنزل .؟
سيف: بعدين يوم بنرد بنزل
امل: اوكيه باي
سيف: باي
بندت عنه وسرت لبست عباتي
خوله: ويين بتروحين؟
امل: بروح ويا سيف شويه
خوله: افا مايلسنا وياج..
امل: ماعليه فديتج بعدين ..
طلعت عنها وانا نازله من الدري..
كنت منزله راسي ارمس ربيعتي عالمسن..
سمعت ..
هزاع: عاااش بلاك بيري .. ممكن ياحلوه البن كود مالج..
رفعت راسي طالعته بكـــل احتقـآآآر وييت بمشي واقف ف النص ..
مب طايع يخووز عن ويهيـ..
امل: خووز
هزاع: مابخووز
رفعت راسي جفته يبتسملي.. افف واع واع وااع
امل: احسنلك خووز
هزاع: شو بتسوين يعني؟
امل: مره من المرات قلتلي شو بتسوين وصفعتك طراق ياابـطـل
وهالـــمرـــه... اذا تميت تتحداني جوف شو بسوي؟؟
هزاع: عادي حبيبتي الطراق برده بشي اقوى .. قوليلي هالمره شو بتسوين؟
امل: اولا حبتك القراده .. ثانيا اقــل شي بصرخ صرخه بلم البيت كامل ع رااسك وانت الخسران صدقني .. ثالثا: ريلي فديته يرياني برع ..
تعمدت اقول جيـه عسب اقهرره ..واع انا اتفدى سيف خخ مستحيل
هزاع : هه هالمره.. بخليج اطوفين .. كسرتي خاطري..
خاز عن الدرب وطفت عنه
امل: اصلا غصبا عنك مو برضاك..
هزاع: لسانج هاذا يباله قص ..عن طولة اللسان..
امل: هه قصهـ جان فيك خيــر..
هزاع: سلمي ع ريلج حوبي.
امل: ريلي مايقبل سلام اشكاالك ..
طلعت من البااب وسرت برع ركبت عند سيف
امل: السلاام عليكموووو
سيف: عليكم السلاموو
امل: كيفوو؟
سيف: منييح يادلبوو..
امل: هع صح هزاع ولد خالو يسلم عليك
خ خ خ خ قلتها بس عسب اقهرره خخ متسويه نذله هالايام انا هع
سيف: الله لا يسلمه ويين جفتيـه.؟؟!
امل: بعد ويين ف بيتهم..
سيف : انا مب قايللج لا ترمسينه.. شوقالج..؟؟!؟
امل: ماقالي شي .
كان يرمسني بعصبييه وانا ارسمه ببروووود فضيع
سيف: امل بالطييب رمسي شو قالج؟؟؟!
امل: ماقاالي شي اقولك
ماحسييت فييه الا ساحبني من جتفي صوبه
سيف: اقولج رمسي دام النفس عليج طيبـه..
صديت صووبه بكل عصبيه حطييت عيني بعينه حسيته ارتبك
اول مره اسوييها لول..
حطيت ايدي اليميين فووق ايده الي حاطنها ع جتفي اليسار..
ومسكت ايده بالقو انتفض من حركتي .. سحبت ايديه من ع جتفي وفريتها بعيد عني .. ويلست عدل..
امل: ثمـــن حركااتك لو سمــحت... والزم حدودك وياي ماسمحلك ترمسني بهالطريقه وثاني شي اطالع الدرب مب ناقصه اموت ف عز شباابي .. تبا تموت بروحك نزلني من السياره..
انصدم من رمستي وطريقتي ف الكلام.. اعرف اييب راسه السبال
هااه الي ناقص سيفو يستقوى عليه اناآ... هه..
جفته ســكــت عني .. ههه ساعات احسه مايحس مول...
اناا يعني كاش مبينتله انه ولاشي عندي .. وهو عادي عنده.. يبالي اسميه الرجل الفوولاذي مايحس مايتكلم مايجوف خخ
جفته وداني صوب الكرنيـــش... ووقف عند الكرنيش مسوين مطعم جيه شكله حلـوو ..
نزل هوه من السيااره وجفته وقف يترياني انزل شكله بيبطي ..
تم خمس دقايق ويأ فتح باابي..
سيف : تفضلي يا انسـه
امل: مابغي ..
سيف : ليش؟
امل: ردني البيت.
سيف : انزين ليش؟
امل: الي صار توه مب كفايـه..
سيف : انا مستحيل اردج البيت ..
امل: كيفك بس انا مابنزل..
كنت انا منزله راسي وارمسه .. كنت العب بالدبله الي ف ايدي .. ماحسيت الا هوه ساحب ايدي .. رفعت راسي..
جفته يلعب بالدبله ال ف ايدي خخ الحمدالله الشارع فاضي .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك