رواية آه يالدنيا عيال عم ولا يتعارفون -33
حمد:ماعرف.....بس إيه بشوفنا نطالعة ..نظهر ما فيني ..أسلم علية بعد إلى سواه....
سعيد:مادام تعرف عمر ....تزوووووووووووول.....
دق تيلفون حمد.......حمد رد بدون ما يقول ألو..
أم سالم:موزه ما حد يرد إلا جان دقيتي غلط....وعطت التلفون لموزة......
موزه:أشوف ليش ما يرد.....ألوووووووو...
حمد:ههههههههههه....
موزه:ألوووووووووو..
حمد:هلا والله بهصوت.....
موزه....إعتفس ويها:منو وياي؟؟؟
حمد: وحد ما يعرف حمد؟؟؟؟
موزه:..................
حمد:شحالج؟؟؟؟
موزه:بخير .....
حمد: قالتلج سلامي؟؟؟؟؟
موزه:هيه........
حمد:و........
موزه:سباااااااااااااااال ..ليش ما قلت من قبل؟؟؟
حمد:أنا سبال؟؟؟؟؟
موزه:لا........
أم سالم......محتشرة:منو تكلمين ؟؟؟؟؟
حمد:موزه ...
موزه:هلا...........
حمد كان يبى يقول شىء بعدين:ماشىء ..سلامتج....
موزه:.................
حمد:باي....
موزه:باي...وعطت أم سالم التيلفون.....
موزه صاخة ولا كلمة ...سلامي تتحرقص تبا تعرف شو قالها...
حمد:مرحباااااااااااااااا ملاييييييين ولا يسدهم بذمتية ..شحالج أمااااااياااااااااا..؟؟
أم سالم:عن اللواتة مسود الويه.......
حمد...يكلم سعيد:إلحق أميا شيخة معصبة........
سعيد:الشردة ما يخصنى......
حمد:تعال..........
سعيد:ما يخصنى ....
حمد:والله إلا بتشوف......
أم سالم:ألووووووووو...
ام سالم:ألووووووووو....
حمد:هلا أمايا وياج.......
أم سالم:وينك أنت؟؟؟؟؟؟؟؟؟؟؟؟
حمد:أنا في لندن.........
أم سالم:وشو تخدم هناك؟؟؟؟؟
حمد:أمايا الدكتور قال لازم أسير عندة عشان الفحوصات....
أم سالم:مسود ويه جم مرة قتلك خبرنا يوم سوي شىء...
حمد:أمايا كنتو رقاقدين قلت ما بغثكم......
أم سالم:ما بتغثنا.......ولا شىء ..إلا أنت مسود وية ..
حمد:هههههههه..أمايا خلاص ثاني مرة بقولج..
أم سالم:وين تقول؟؟؟؟؟؟؟؟....عطنى سعيد..عشان بهزبة ..
حمد:أمايا أخبرج عن سعيد.....
أم سالم:يالله شوفيه؟؟..لا يكون مريض؟؟؟؟
حمد:لا بوج طايع على وحدة ومن الصبح أقولة نسير نسير.ما طايح..
أم سالم:ياااااالله بتسر...وشو يباها؟؟؟؟؟؟؟؟....سود الله ويه...قولة سايرين تعالجون ولا سايرين تغازلون.؟؟؟
حمد:لا مب أنا هذا سعيد........
مى زعلت وبصيح..عست قلبها ضو وحمرة وسارت سيدة عنهم....وموزه وسلامي كل وحدة طالع الثانية .......وبعدين سارن عندها ويلست نورة عند يدتهن.....
الساعة..12:60........الظهر..........
بو حمد وبو خالد ومنصور وخالد ومحمد....في السيارة .....
بو حمد:شرايكم فيها ؟؟؟...
بو خالد:والله الصراحة عايبتني..........
بو حمد:ما دري.....أخاف اشتريها وبعدين أخسر....
منصور:أنا بشترك وياك....
بو خالد:وانا بعد........
بو حمد:إنزين صبرو ..خلونا بعد نتأكد ....
بو خالد:أوكية ..
الساعة 1:15...............
عند الدريشة ..شمة وسارة ...يطالعن الدبدوب.......
شمة:حمدان الدبدوب أخترب......
حمدان:ما علية بعدين ذياب بسويلج غيرة ...
ذياب:هيه أشتغل عندك وعند أختك............
حميد:دخيلك فكنا من صدعتها الحين أن قلت ما بسوي بتيلس تغرد..
ذياب:خلاص بسوي ...لا صيحين أوكية بس خلى المطر يخلص.....
شمة وسارة:هيه هيه ..
شمة ..سارت عند حمدان:أريد الصورة ..
حمدان:ذياب وين تيلفونك؟؟
ذياب:شتباه؟؟؟
حمدان:عط شمة تشوف الصورة ..
ذياب:لا والله ..
حميد:ذياب دخيلك عطها..
ذياب:إن شاء الله .....
عطا شمة التيلفون ..وسارت عند سارة تراويها الصورة ..ويلسن مستانسات على الصورة ..وهم داقين سوالف....وطفرتهم شمة كل شوي تيهم وبعدين كانت ماسكة عصير وبدون قصد جبتة على ذياب..
ذياب:أكتملت .....ماعندي قميص..
حمدان:أنا بييبلك...
ذياب:عادي بغسلة ....
حمدان:الجو بارد ما بينشف سرعة .......صبر بييب لك قميص.....
ذياب:أقول حمدان ليش ما توديهن عند أمهم ..والله راسي صدع من العيال..
شمة:لالالالالالالالالالالالالا..ماااااااااااااااريد..
حميد:خلهن ....يلعبن ..
ذياب:شوف ما خلن شىء ما لعبن فيه؟؟..إلا يطافن على المخدات ويناقزن....حشة من بوني أقول بيوزها ولى العهد الحين خلاص ماريدها........
حمدان:ههههههههههه..تراك تقول تحب اليهال.....
ذياب:حشة ..خلاص اريد..شمة عيفتنى العيال...يالس يكلمها أنتى شيطانة...
شمة:أنت بيست..
ذياب:حليلى..
شمة:ما حبك أحب هذا وتأشر على حميد..
ذياب: ماعلية ولا سويلج دب بالثلج..
شمة:ماريد....بقول لحمدان يسويلي...
ذياب:خلاص ....قوليلة ..
حمدان:هههههههههه..شمة بسج ...يالله نسير عند ماماه....سارة يالله..........
الساعة 12:50....الظهر...........
موضي في الغرفة .....ويالسة عند الدريشة ....تفكر بإلى إستوالها اليوم........تذكرت شكلة يوم كان يسوي الدب بالثلج وكيف كان يظحك ..ويلاعب اليهال...يا ربي شكلة رحيييييم....بس حسة انة ريال تعرفة من زمان ...وأنة طيب وقلبة صافي....بس عيونة فيهن شىء ..فيهن سر ..فيهن لمعة غريبة ..عيونة من شافتهن كأنها دخلت داخل حياتة..بس شىء فيه....ياها فضول تبا تعرف عنة أشياء وايد.....يلست تتأمل الكاب ماه..
دقت أماها الباب....
أم خالد:يمة ...ما تبين تتغدين؟؟؟؟؟
موضي دست الكاب ...وسارت تفج الباب:هلا يمة.....
أم خالد:ما تبين تتغدين؟؟؟
موضي:أبوية يا؟؟؟؟
أم خالد:لا ..اليوم كلهم بيتغدون عندنا ....
موضي:منو؟؟؟؟
أم خالد:أخوي اليوم عازم يرانا وربعهم على الغدا.....
موضي......إستانست ..بتشوف حمدان:أهااااااااا...
أم خالد:ما تبين تتغدين؟؟؟
موضي:ما مشتهية....
أم خالد:ليش يمة؟؟؟
موضي:ما دري بعدين بتغدا.....
أم خالد:على راحتج.......وسارت عنها.......وسكرت موضي الباب ...
الساعة 1:30.....لندن........
في المطبخ.....يتغدون..........
سعيد:والله أنك مسود ويه ..عنبوه ما خليت شىء ما خبرتها؟؟؟؟؟؟؟
حمد:ههههههههه..ماحد قالك.....
سعيد:ويظحك والله أنك تقهرني....ما علية ما رديتها........
حمد:هههههههه..حليلى ولد عمك........
سعيد:هيه ولد عم يفضح ما يستر.....
حمد:والله فعايلك إلى تفضحك....
سعيد:الله يعينى من العيوز أسميها بتفظحني.........
حمد:ما عليك ما بتقول شىء........
سعيد:الحمد لله .....
حمد:تصدق مالى خاطر أكل شىء......
سعيد:أشوفك من الصبح يالس تلعب ما تاكل..........
حمد.....قام..سار الثلاجة وشل بيبسي وكافي:يالله نروح الصالة ..نشوف فلم .....
سعيد:حاس الفلم إلى شتريته مب حلو ......
حمد:ما علية بتشوفة حلو..........
يلسو ....وحمد يالس يعابل الوايرات ........
سعيد:حمد ما كتبت قصيدة؟؟؟؟؟؟
حمد:اليوم شفيك على القصيد؟؟؟؟؟؟؟
سعيد:مادري في خاطري اليوم أكتب قصيدة ....
حمد:إنزين إكتب.......
سعيد:أنت كتبت شىء؟؟؟؟؟؟؟؟
حمد:...............
سعيد:إيه أكلمك........
حمد:صبر خلنى أخلص من هالوايرات .....
خلص ..وركب كل شىء...........
سعيد:ها شو كتبت قصيدة؟؟؟؟؟؟؟
حمد:هيه كتبت........
سعيد:شوفو السبال ولا يقولي....تعرف أحب أسمع شعرك..
حمد:ههههههه..وأنت ما كتبت شىء؟؟؟؟؟؟؟؟
سعيد:لا .......
حمد:صدق؟؟ ...
سعيد:هيه .........
حمد:غريبة ....
سعيد:إنزين قول ما لتك عشان نشوف الفلم......
حمد:أوكية ........
على هالليل تحوم نجوم سهرانـه تنادي بشوق للي ما غفـت عينـه
تصيح تون كأنه صـوت إنسانــــــه عجز منها الزمن ما رجعت دينـه
على وسع البحر كم صارخت دانه عجز غواصنـا يمسكهـا بايدينـه
ومع وجود الحبل والناس تعبانـه تريد تقول هذا الشخـص يعنينـه
وقف غواصنا وأشـر عميزانـــــــه وقال النوم في حضن البحر زينه
يا طول الليل كم عشنا مع أحزانه نقاسـي الهـم والأيـام تطوينـه
نغذي قلوبنـا بأوهـام عطشانـه حرام المـوت يقتلنـه ويمحينـه
سكت وتسارعت الحبال غرقانـه ياليت الموت قابلني على المينـه
وداعيـة يـا أول يـوم ملقـانـه وداعيـة قلـب وادع محبيـنـه
يا بنت العـم قلبـي مـل خلانـه ولا غيرج تـرى زادوا مضانينـه
حبيبة خاطري عمـري وأشجانـه عيوني والهوى والقلـب وسنينـه
ترى حمد يحبـج والعشـق بانـه ولـو مـات العمرأيامـج تزينـه
وسلامتك........
سعيد:الله يسلمك..الصراحة ..تججججججججججججججججنن...
حمد:وبس يالله نشوف الفلم....
سعيد:حمد يوم تحب بنت عمك ليش ما تخطبها؟؟؟؟
حمد:إن شاءالله خير....الفلم بدى...........
الساعة 1:60...............
مى في الصالة مفولة على إلى سمعتة من يدتها.........
موزه:الحلوة شو فبها؟؟؟؟؟؟؟؟؟؟
مى:ليش ماتعرف ليش؟؟؟؟
سلامي:مى لا تفكرين بشىء لين ما تتأكدين ...
مى:شو أتأكد وشو أفكر.؟؟
سلامي:صبري يمكن يمزحزن أنتى شدراج؟؟
مى:..............
موزه:مى..لازعلين ....يمكن حمد بس كان يمزح......؟؟؟؟
مى:أنا مب زعلانة....برايه هو حر بلى يسويه....وبعدين أنا مب خطيبتة ولا حرمتة .....
سلامي:مى ..
مى:مبببببببببببببببب زعلانة .............وسارت الغرفتها.......
سلامي:أأأأأأأأأأأأأأأف مليت ....لازم كل وحدة تزعل ..مستحيل ماحد يزعل..
موزه:ههههههههه..
الساعة 2:15.............
في الصالة ...نورة وأم سالم...........يلست تهد على سعيد وحمد..بعدين سارت غرفتها.....لين الغدا.......يلست نورة في الصالة تصفح المجلة ....بعدين دخل حمدان ..وياه شمة وسارة ..
حمدان:يلسن هنيه بسير أييب القميص وبرد أوكية ..
شمة:أوكية ..
سارن عند نورة ........
شمة تراوي نورة الصورة إلى في التلفون......
نورة:تيلفون منو هذا؟؟؟؟
شمة:مال ذياب.......
وقف قلبها....:أشوف.....
شمة:ذياب سوى الدبدوب وصورة ..
ين موزه وسلامي...........
سلامي:شسون؟؟؟؟؟؟؟
نورة:تعالن تيلفون ذايب....
موزه:كيف وصل هنيه؟؟؟؟؟؟؟؟؟؟
نورة:أصصصصصصصصص..عن إيي حمدان ويسمعكن .....
سلامي بصوت واطي:كيف وصل هنيه؟؟؟؟؟
نورة:شمة يابتة ..مصور الدبدوب إلى سواه...
سلامي وموزه:أشوووف.....
نورة:عطتهن التيلفون.........
موزه وسلامي:الللللللللله.....
سلامي:صبرن بشيك على التيلفون...
موزه:إيييييييييه عن اللقافة .........ما فينا على المشاكل...
سلامي:عادي.....صبري.......
بنات ولوهن تيلفون ريال ...ما خلن مسج ما قرنة ولا خلن رقم ما شافنة ..وشافن كل شىء ....بعدين ...
سلامي:ههههههههههه..نكتة هريال.......عاد هذا مال نورة؟؟؟؟
نورة تظربها:إييييييه عنلاتج بعد شو هذا مال نورة ....
سلامي:هههههههههه..أشوف البنت شكلها متغير........
موزه:إيه أسمع حد ياي........
وسيدة عطنة شمة أونهن حليلهن ما سون شىء.......
حمدان:شحالكن صبايا؟؟؟؟؟
موزه:بخير..شحالك أنت؟؟؟؟؟؟؟؟؟؟
حمدان:بخير..........يالله شمة سارة نروح....
وسارن عنده..وردن عند قوم ذياب ......ويوم دخلو عند قوم ذياب.
ذياب:هلااااااااااااااااااا بشمة .
شمة..ينتسم............
حمدان..عطاه القميص:يالله تلبس توه محمد داق تيلفون منروح عندهم ..
حميد:ليش؟؟؟؟؟؟
حمدان:ليش نسيت ..تراه خالد اليوم عازمنا على الغدا......
حميد:أوووووووه نسيت...........
سار ذياب يبدل ملابسة ........وظهر..وكانو قوم محمد وخالد عند الباب يتريونهم........
ذياب سار عند شمة :يالله عطيني التيلفون.......
شمة:راويت قوم موزه الصورة وقالن حلو الدبدوب.....
ذياب:صدق؟؟؟؟؟
شمة:هيه......
ذياب ظحك وبعدين..فج التيلفون ولقى كم من مسج مفجوج ..عرف أنهن فجن تيلفونة.. يا فضول البنات ............
حمدان عند الباب..شمة سارة ياللة ..تعالن بوديكن البيت ....وسارن عند حمدان .......ووداهن البيت وبعدين سارو عند قوم خالد...............
الساعة 3:30............لندن........
رتبو قشارهم...........وخلوهن في السيارة ............
حمد:يالله ..........
سعيد:يالله ..الحين منسير عند الشويبة وبعدين عند القلب........
حمد:يا لوتي..............
سعيد:يالله ..والله جنى غبت ما تقول يوم تقول سنة ...............
حمد:هههههههههههههه..الله يعين بنت عمي على جذبك.........
سعيد:ويا ويهك..أنا أجذب؟؟؟؟؟؟؟؟؟؟؟
حمد:هههههههه.لا من يقوووول؟؟....
وسارو أول الدختر عشان اليشوفون شو بقول الدكتور ...وبعدين بسيرون المزرعة .................
الدب اللي سواه ذياب لشمة
--------------
منتديات غرام
https://www.graaam.com
--------------
الجزء 34
الساعة 3:15..الظهر..
في غرفة الطعام ..موزه وسلامي ..يالسات يترين أمهاتهن لين ما إين من فوق .....
موزه...وحاطة راسها على الطاولة :أفففففففففف مليت ....
سلامي:مي تو....
موزة حطة إيدها على خدها:سلاااااااامي..والله مليت ...شو جيه كلة في البيت ما ظهرنا بقعة..
سلامي:يعني وين تبين تروحين؟؟؟...هنيه منطقة كلها مزارع ما فيها شىء إنترستنق...
موزه ..رفعت راسها:أقول سلامي ....أول أمس حمد وداني عند اليخت.
سلامي:يخت!!!!!!!!؟؟؟؟؟
موزه:هيه ..ماتعرفين أنهم عندهم يخت ؟؟؟
سلامي:لا والله مادري...
موزه:هههههه فاتج ...لو تشوفينة يخبل....
سلامي:ما يخصني بقول لمحمد ولا لسعيد يودوني عند اليخت ...
موزه:ههههههه وحليلج أنا سرت وشفتة حتى من داخل ...
سلامي:جذوووب...
موزه:والله ..هو حلو ....بس قالى حمد بس هم يسيرون في الأجازة ويا ربعهم....
سلامي:وونحن مالنا رب؟؟...
موزه:شدراني ؟؟..أقولج شو رايج بعد الغدا نسير المرسا ..والله لو تشوفين المكان حلو ......وبعد عدالة مطعم وقلعة كبيرة بس ما دخلناها لأنها كانت مسكرة ...شو رايج؟؟
سلامي:والله لو الشور شوري جان الحين سرت..بس تعرفين هالعيايز راسهم يابس...
موزه:ماعليج أنا بقنعهم ...وساعديني ..بس عاد كلنا منقولهن مب بس أنا وإنتي ..وين مى ؟؟ونورة ؟؟..
سلامي:هاي مى..يالسة صيح من الصبح ...ونورة مادري وينها.......يمكن تسبح...
موزه:الله يهداها مى..بعد هذا إخوج غير شكل ..عنبوه ماعندة مذهب ..
سلامي:أخوي معروف أنة أكبر مغازلجي في العيلة ...يعني يسري في دمة ..
موزه:لا والله يعني الحين لو عرس.شو بسوي؟؟؟؟؟؟؟؟..
سلامي:عاد هو وحرمة يتفاهمون ..
موزه:يحافظ........
سلامي:قومي خلينا نشوفها .....
موزه:أقولج وين قوم أمايا ماحد نزل .ما يبون غدا؟؟؟
سلامي:شدراني ..خلينا نسير عند مي...ونشوف شياهن ما نزلن للغدا.........
الساعة 3:30...الظهر....
عند باب المستشفى .................بخطوات بطيىء..حمد عدالة سعيد..ولا كلمة ولا نفس..يمشون لين السيارة ركبو السيارة ..
حمد ظرب بإيدة بقو السكان .....:.................
سعيد ..منزل راسة ....ما يعرف شو يقول ولا شو يسوي......
حمد..لف ويه صوب الدريشة ...وعيونة تغرغر بالدموع:شو ....شو ....شو هالحالة...والله بتخبل ..
سعيد:حمد إستهد بالله ..يمكن هذا الدكتور مخرف...
حمد:شو مخرف الله يهديك ....ليش قال انة كل شىء غلط ..شو يلعب وياي..والله لو ما مسكتني جان جتلته مسود ويه ..
سعيد:حمد شو بسوي مشاكل ..والله لو ما يعرفنا من زمان جان رفع عليك قضية ....
حمد..يزاعج:خلة يرفع أنا إلى برفع له .فقتة ..عنبوه كل يوم برمسة .دكتور هذااااااا؟ دكتور؟؟؟؟؟؟
سعيد:حمد ....حط الرحمن في صدرك .......
حمد......سكتت ...من الضيجة ..مايروم يتكلم ...........يلس ساكت ويفكر.........
سعيد...مضايق.......ومضايق صدقة حمد في كل كلمة قالها..عنبوه هالدكتور كل يوم برمسة ..مرة يقول هيه ومرة لا.....
حمد:إنسير البيت ..........
سعيد..مسك إيدة :حمد نزل من السيارة أنا بسوق.......
حمد:لا ماريييييد......
سعيد:ورفجة أنا بسوق ...حالتك ما ساعد.......
حمد:قلت ماااااااريد......
سعيد..سكتت عندة يعرفة يوم يكون مضايق يسوي أي شىء ..مايريد يزيدة ....
سارو البيت وكانو ساكتين طول الدرب..ولا كلمة..وسعيد كل شوي يطالعة ....وحمد ويه أحمممممممر ........ومضايق ....ما يتحمل أي شىء .. من الضيقة ....
دخل البيت ....وسكر الباب وراه بقو ...وسار الصاله ..ووراه سعيد....حمد عند الدريشة ...سعيد وقف ........
سعيد:تبا شىء من المطبخ؟؟؟؟؟؟
حمد:................................
سعيد سار المطبخ .....وحمد واقف ولا تحرك من الدريشة ....يفكر بإلى يستويلة ......
الساعة3:29 ...الظهر..........
في بيت قوم خالد..........في الصالة ...الشباب يالسين يسولفون ...بروحهم والشواب داقين سالفة عن شغلهم .........
خالد:حمد وسعيد بعدهم ما يو؟؟؟؟؟
محمد:لا والله بعدهم.......إلا ما خبرونا علومهم؟؟
حمدان ..مظهر تيلفونة :أنا بدق...لحمد....
سلطان :الحين بتلقاهم راقدين ........
حمدان:حمد ما يرد......
حميد:دق لسعيد........
حمدان .يدق لسعيد.........بعد سعيد ما يرد.......
سلطان:قتلك راقدين ......
خالد:عنبوه شرقادة لين الساعة 3 ......
ذياب:ههههههه.ماتعرف سعيد ..مادام ساير لندن تلقاه أمس راقد الفير.....
حميد:أكرمكم الله ....
خالد:وييييييييييين؟؟؟؟؟؟؟
حميد:منرد..البيت ........
حمدان:عنبوه يا حميد يلس ........شو متلاحق؟؟
ذياب:وايد يلسا عندكم ...والله الوالدة محتشرة ......
محمد:جيه أنتو مب يهال تحتشر..يلس ...
حميد:مشكوورين ..وكثر الله خيركم ...بس لازم نرد اليوم ...
ذياب:يالله ويهنا.......
وسلمو على الشواب....وظهرو برى ..وقوم حمدان ظهرو وياهم ..لين السيايير.......
ركب ذياب وحميد السيارة ..وقوم حمدان واقفين عندهم ....
ذياب:تامرونا بشىء؟؟؟؟؟
حمدان:سلامت راسك.......
ذياب:الله يسلمك....
حميد:يالله فمان الله ......وسلمو على حمد وسعيد ..وأنا إن شاء الله بدق لهم تيلفون ....
محمد:على خير إن شاء الله ....
خالد:ديرو بالكم على نفسكم وسوقو بذهن ..ترا الثلج هالسنة وايد ....ولا سرعون...
حميد:إن شاء الله ...
ذياب:حمدان ..سلم على شمة ..هاي المفعوصة ...
حمدان:ههههههههه..يبلغ.......
ذياب:فديتها والله ..ما بتعطوني إياها؟؟
حمدان:لا بنتنا ماتهون علينا نودرها....
ذياب:والله أنتو الخسرانين ...حمدو ربكم وحبو يديكم ويه وقفا ..يوم أنى بيوزها ولدي...
محمد:ههههههههه..أول شىء عرس وبعيد يصير خير....
ذياب:لا صدق ..هاي حاجزنها.......
حمدان:يصير خير........
حميد:لا صدقة لوتي كل ما يشوف بنت حجزها لولدة...
سلطان:هههههههه..عنبوه كم وحدة تبا تيوزة؟؟؟؟
ذياب:ههههههه..الشرع محلل أربع ..وعاد أنا أحجز وإلى وبعدين بخلية يتنقا الحلوات ...وعاد هو وراية .......
حمدان:عيل بتبطي..أيوزك أختي.مادام أنت أبوه ما بتشوفها لا أنت ولا ولدك.....
ذياب...رافع إيدة :والله أنت الخسران.....
سلطان:بسك من البطرة ........لو بعدة موجود منقول..عرس أول وبعدين يصير خير........
ذياب:دعولي .........
حمدان:تصدق ذياب ..بشكارتنا تبا تاخذ واحد مواطن ..شو رايك؟؟
كلهم ظحكو.......
ذياب:تهبببببببببي..مسودة الويه...وتهبي أنت وياها ..مادام هاي رمستك ..أبرك لي أسير..
حمدان:ههههههههههههه..طيع الشور ..حلوة ...ومن شافتك يالسة تقولي بابا حمدان هذا ريال وااااااجد حلو..
ذياب:الله يغربلها وين لقتنى ؟؟؟
حمدان:شدراني ......
حميد:ذياب بسك عاد ..يالله نروح.......
ذياب:يالله توكلنا......
الساعة 3:30..الظهر..........
في الصاله......موزه مغدفة كراعينها على الطاولة ...وسلامي فاجة مسجلها (تتكلم)وموزه يالسة تسمعها.......
موزه:سلاااااامى ...أقولج ......مب جنا ماحد عاطنا ويه ويالسات بروحها في الصاله؟؟؟
سلامي:هيه والله أشوف ....صدق نذاله........
موزه:نروح عند مى؟؟؟؟؟؟؟؟
سلامي:مادري بعدها صيح.....ياويل حالى عليها......هالبنات ما عندهم مونة إلا يغردن ..
موزه:ههههههه..عيل شو تبين يسون؟؟؟؟؟
سلامي:لو منها حقرتة ...مسود ويه .......إلا ماعرف هذا أخوي كيف يتخبل على البنات .......مستقطع....
موزه:الله يهديه......قومي خلينا نشوفها.....
سلامي:أقولج قوم أمايا ليش ما نزلن؟؟؟؟؟؟؟
موزه:شدراني بهن؟؟؟؟؟
سلامي:قومي خلينا نسير عند هاي الصياحة ....
سارن عندها ...ودخلن غرفتها ...........
سلامي .فاجة عيونا:إيه شو سوين؟؟؟؟؟؟؟
مى:إلى تشوفينة........يعنى شو أسوي؟؟؟؟
موزه:ليش حبيبتي؟؟؟؟؟؟
مى:بس كيفي ..ماريد أيلس مليت من بريطانيا الله يغربلها .......
سلامي:ومنو بردج؟؟؟؟
مى:بقول لبويا .....ماريد أيلس يوم واحد بعد......
موزه......سارت عندها:الله يهديج.....
مى:لااااااااااااااا تكلمنى ......خلاص برد يعني برد.........
سلامى:إإإإإإإإيه ..شفيج إنتى ؟؟؟؟؟؟؟؟؟
مى:إنتى جاااااااااب لا تكلمينى ....
سلامى ..تكلم موزه:خوزي عنى بدوس في بطنها مسودة ويه......
مى:تخسين ما ترومين.....
سلامى:والله ترانى بصفعج.......
مى:مااااااااااااااااااااتروووووووووممممممممممممييي يييييييييننننننننننننن....
موزه:بسسسسسسسسسسسسسسسسسسس.......عنبوه شعندكن؟؟؟؟؟؟؟
مى:ما تشوفينها هي وأخوها تقول مانين بالعرب بمنية ......
سلامى:كنت ألوم سعيد.....الحين والله أنى ما لومة .......
مى:وليش يعنى ؟؟؟؟؟؟؟؟؟...شو خادمتج أناااااااااا .؟؟؟؟
سلامى:أحسن لي أظهر.....
مى:أنا وايد إستحملتج وإستحملت كلامج ..بس من اليوم مالى كلام وياج فاهمة؟؟؟؟؟؟
سلامي:أبركها من ساعة ....
موزه:إيييييه ..شعندكن ..إستهدن بالله شو يهال؟؟؟؟؟؟؟؟؟
مى صاحت: كلكم تكرهوني..ماحد يحبنى في هالدنيا غير ابوية..أنا شو سويت لكم ؟؟؟.. والله ما كد هديت على حد..ولا حقدت على حد..هذا يزاي أني أحب الناس وأحب لهم الخير؟؟...أنا شو إلى سويتة غلط؟؟؟؟....خبرووني؟؟؟؟؟؟؟؟؟؟؟؟؟؟؟؟؟؟؟؟؟؟؟
سلامي..متلومة ..........لأنها كانت بس تمزح وياها...........موزه سكتت...يلست عدالها...
موزه:آآآآآسفين ..والله ما كان قصدنا إنضايقج.......
مى:لا إنتى وايد طيبة .....ياليت كل الناس مثلج.......ماكد غثيتيني بكلمة .....
سلامي......أحم أحم يعني الكلام لي:آسفة .....
مى:...................
سلامي............سارت عندها...:.....والله آسفة ..بس كنت أمزح وياج.............لازعلين ...
مى:أنا أصلا ما حب أزعل من حد ..ولا حد يزعل منى ..بس انا بروحي مضايقة وإنتى ياية تزيديني.........بدال ما تواسيني.........
سلامي:أسفة .....وعلى قولت المصريين حإك علية..
موزه:يالله قومى غسلي ويهج........ونسير نتغدا......
مى:ماريد غدا ......
سلامى:لا بتتغدين يالله .........
مى:والله ما مشتهية..........
موزه....وسلامى ....يمطنها من إيدها...........ظهرن من غرفتها ....
سلامى:أقول وين راعية الحب؟؟؟؟
موزه:ههههههههههههه..شدرانى بها ؟؟؟
مى:أحيدها سايرة تتسبح......
سلامى:يالله نسوي غزو عندها ؟؟؟؟
موزه:يالله ..........
ماشىء جيه داشات الغرفة ...صدق تقولن سايرات يظاربن ......
نورة كانت يالسة تسحي شعرها :بسم الله زيغتنى ..عنلاتكن ..عنبوه جيه دشن الغرف؟؟؟؟؟؟ما علموكن تدقن الباب؟؟؟؟
سلامي:لا هذا ماعندنا في اللستة ..
نورة:خير شعندكن شو تبن؟؟؟؟؟؟؟؟؟؟
موزه ..إنسدحت على الشبرية ......:ما خبرتكن ؟؟؟؟
مى..عرفتها تبا تغايض.....فيلست عدالها:لا شوووووووووووو؟؟؟؟
سلامي.......يالسة عدال الدريشة ..على الأرض:أفاااااااااا ..بنت عمرج ولا تخبريني؟؟؟؟
نورة.عرفتهن:عن الغلاسة لو سمحتن .......
موزه:ما تبين تسمعين عادي.......أنا بس بخبر ..إلى كبري.........سمعن يعلنى ما أخلا منكن...
مى:شو؟؟؟؟
موزه:الله يسلمكن .......تعرفن الضيوف إلى عندنااااا؟؟؟
نورة .....طالعها بنص عين .........
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك