رواية اشتاق لك شوق -26
صدقيني هذا موابني موابني كذابين يمه كذابين
لكن للاسف ماردت عليه خالد يصرخ:يمه انا خالد يمه ارجوك سامحيني يمه
لاتتركيني لحالي يمه سامحيني انا غلطت معك ادري يمه سامحيني
ليتني أموت ولا تنزل دمعه من عينك
يمه أحبك والله أحبك
أنتِ نور لطريقي
أنتِ دواء لقليبي
أنتِ أمل لحياتي
يمه أحبك والله أحبك
أنتِ الدفا لآذبحني برد الأحزان
أنتِ الوفاء لآفرقني أقرب الخلان
أنتِ العطاء لآبخل علي الزمان
أنتِ الملجاء لآفقدت الأمان
يمه أحبك والله أحبك
تفتح فاتن عيونها بتعب شديد وعيونها صفرا وتحرك يدها بحركه بطيئه وتحطها فوق يده وتمسح دموعه بيدها التانيه وهو يجلس يبوس يدها وراسها
خالد:يمه سامحيني يمه
تبعد فاتن الاكسجين عن فمها وتتكلم بتعب:انـ ــا عمـ ري ماازعل منك يانظر عيـ ني
واخذت نفس وبلعه ريقها عشان تقدر تكمل:وانت رجال والرجال مابيبكي امسح دموعك وخلي الدموع للاطفال
وكانت فاتن دموعها تنزل غصب عنها وهي حاسه انها تبي تفارق الدنيا
خالد:يمه تكفين لاتبكين ان شاء الله بترجعين مثل اول واحسن
دخل نايف على خالد وخرجه خالد وهو يصارخ:اتركني عند امي ابي اشوف امي
دخل عندها نايف ودخلوا ممرضين لمده 3ساعات ومافي خبر وبعد عشر دقايق خرج عليهم نايف الكل راح عنده
عبدالعزيز:ها يانايف بشر وش صار
رغد:وش فيها ماما ماما وش فيها
نايف والدموع محبوسه داخل عينه:والله مادري وش اقولكم؟
فيصل:ليه امي وش فيها وش صاير
نايف:ماقدر اقول الا عظم الله اجركم ونزلت دمعه حاره من عينه
تعالت الاصوات والازعاج داخل المستشفى
ندى:لااااااااااااااااااااااااااااااا مستحيل
ورغد ماسكه نايف:انت كذااااااااااااااااااااااب ماما مافيها شي انت كذاب
دخلت رهف المستشفى شافت اختها وقفت مكانها ماتحركت
رغد تروح عند رهف وتقولها:رهف ماما عايشه ماماتت كذاب صح
رهف اتكلمي ماما عايشه
عبدالعزيز حضن بناته ونزلت دموعه على حبيبته وزوجته وكل الدنيا كلها راحت
رغد وهي مبتسمه والدموع ماليه عيونها:بابا ماما عايشه صح
عبدالعزيز:عايشه بقلوبنا
خالد طلع يبكي ركب السياره مو عارف وين يروح امه راحت ماكانت امه بس اخته وصاحبته وكل شي كانت
هي الوحيده الي تفهمه
فهد:رهف
رهف:
راكان:ندى خلاص المفروض تكوني قويه
ندى:مو مصدقه
كانت ثلاثه ايام صعبه على الكل
++في بيت عبدالرحمن++
عبدالرحمن:كيف مرتك
فهد:من اول ماسمعت الخبر وهي مهي راضيه تتكلم ولاتاكل ولاتشرب ولاحتى تبكي
عبير:بطلع اكلمها
فهد:ايه والله ياليت
تطلع عبير عند رهف
عبير:رهف
رهف:
عبير:الله يخليكي حاولي تبكي عشان ترتاحي
رهف:
تدخل شروق تصرخ:رهـــــــــــف اصحي كافي
رهف:
شروق تكب مويا فوق رهف
رهف بدأت تصحى
شروق:حرام عليكي الي تسويه في نفسك
رهف تصرخ:ماااااااااااااااااااااااااااااماااااااااااااا اااااا
وتنزل دموعها ماما راحت ماحترجع محتاجتها كنت ابي اقولها اني انا حامل ابيها تفرح
طلع فهد وحضنها:حبيبتي ماما محتاجه منك تدعيلها لازم تكوني قويه
رهف:ابي اشوف رغد
++في بيت عبدالعزيز++
ندى:رغد يكفي
رغد:ماما ماماتت انتوا كلكم كذابين
فيصل:رغد حبيبي
تطلع رغد غرفه ابوها
رغد:بابا قوم لاتجلس زعلان ماما عايشه قوم هي ماتحب تشوفك زعلان
ندى:ياخوي مايصير الي تسويه في نفسك ثلاثه ايام مااكلت شي
عبدالعزيز:ومين له نفس ياكل
تروح رغد غرفه الشغاله تحصل ولد خالد تمسكه
رغد:انت الي قتلت ماما اطلع من بيتنا مابي اشوفك
الطفل كان يبكي ويقول: mam mam
فيصل:رغد حرام عليك هذا صغير
ندى:الاوين خالد
فيصل:والله مدري ماشفته من المستشفى وجواله مقفل
نزلوا الصاله
رهف:السلام عليكم
تقوم رغد وتحضن اختها
++في المستشفى++
طلال:دكتور بشرني
الدكتور:لاالحمد لله هي بدات تهدى شوي وتتكلم كمان
جنى:الحمد لله
الدكتور:هي صار لها صدمه عصبيه لازم تبعدوها عن الانفعالات
جواد:ان شاء الله
طلال:ومتى بتخرج من المستشفى
الدكتور:انصح انكم تخلوها يومين ثلاثه
++في بيت راكان++
ام راكان:كيف تخلي رغد بروحها
ندى:اختها رهف جات عندها
ام راكان:الله يصبرهم وجود وش صاير فيها؟
ندى:صارتلها صدمه عصبيه قويه الحين بتصل على جنى
تقوم ندى تروح عند التلفون وتتصل على جوال جنى
ندى:هلا جنى حبيبتي وش اخباركم وش تسوون
جنى وهي تبكي:عند جود بالمستشفى
ندى:ومتى بتطلع؟
جنى وهي تمسح دموعها:كماان يومين اوثلاثه
ندى:لو يصير اي شئ الله يرضى عليك طمنيني لاتخليني متوتره
جنى:ان شاء الله
قفلت ندى السماعه وهي تمسح دموعها
روان:الله يعينهم ويقوم جود بالسلامه
الكل:آآآمــيـــن
روان:يالله انا رايحه
ام راكان:تركي جاه
روان:ايوه ينتظر برى
ام راكان:الله يحفظك
++في بيت عبدالرحمن++
عبير:شروق وش فيكي حبيبي
شروق:تصدقي لو امي كانت في البيت ماسالتني هذا السؤال
عبير:يضايقك اذا سالت
شروق:بالعكس افرح
عبير:انتي تحبي تركي
شروق:وش عرفك
عبير:لاحظت نظراتك له
شروق:بس وش يفيد ه الحين متزوح وعندوا ولد
عبير:هو متزوج اخت راكان زوج ندى
شروق:ايوااااااا روان
عبير:ان شاء الله يجي الي احسن منه
تدخل شذى
شذى:السلام عليكم
الكل:وعليكم السلام
شذى:كيفكم
عبير:الحمد لله
شروق:كيف جود
شذى:الحمد لله بدات تتحسن الاوين ابوي
عبير:نايم
شذى:جواد يبي يسلم عليه
عبير:الحين بصحيه
مرت الشهور
خالد رجع البيت
عبدالعزيز:خالد
خالد حضن ابوه:يبه سامحني
عبدالعزيز شاف منظر ولده كان يرثى عليه
عبدالعزيز:خالد لاتبكي خليك رجال هذا امر الله وكلنا بنموت
رغد كانت كارهه خالد ودها تذبحه بس يوم شافته حزنت عليه وحضنته
خالد:انا عارف اني زعلتك يالدلوعه
رغد وهي تبكي:لاتقول كذا انا عمري ماازعل منك
عبدالعزيز:روح راضي مرتك
خالد:ان شاء الله
++في بيت طلال++
الخدامه تفتح لخالد الباب
طلال:روز مين
خالد:انا
طلال:نعم
خالد:كيفك عمي
طلال:الحمد الله
خالد:ابي اشوف جود
طلال:انتظر
خالد ماعجبته معامله طلال:طيب
طلع طلال غرفه جود
طلال:خالد تحت يبيك
جود:انا ماابيه
جواد:انا اوريه شغله
طلال:جواد
جواد مارد على ابوه
ونزل عند خالد
جواد بعصبيه ومو قادر يتحكم بااعصابه:نعم وش تبي بعد الي سويته
خالد:خلينا نتفاهم
جواد:ماعندي تفاهم اطلع برى
طلع خالد مو عارف وين يروح فقد امه وفقد جود صعبه مهو قادر يتحمل
اتصل على
خالد:انت وش سويتي
جيسكا:حبيتك ياخالد بس انت غدرت بي
خالد:انا مكذبت عليك وانتي عارفه
جيسكا:مثل ماانت عايش حياتك انا بعد بعيش حياتي
خالد:بتصرفك هذا امي ماتت ومرتي مهي راضيه ترجع
جيسكا:انا كلمتك من اول شي بس انت ماعطيت الامرا هميه
وقفلت الخط
رسل لجود
اشتاق لك شوق له الشوق يشتاق
شوق يشوق شايق الشوق شوقة
شوقي وشوق الشوق عشاق
وشوق ضرب شوق زايد اشواقة
وشوق المشتقي ذابح اشواق
اشتاق وشوق لي من البعد شاقة
أقول باختصار
((((مشتاقلك))))
جودمن اول ماشافتها بكيت وتذكرت ايامهم اول
قامت لبست عبايتها
جنى:على وين
جود:بتمشى تعبانه
جنى:اجي معك؟
جود:ابي اجلس لوحدي
جنى:على راحتك بس لاتتأخري
خرجت جود من البيت وركبت مع السواق وطلبت منه يوديها
وصلت جود وقالت لسواق يروح وجلست في طاوله جنب البحر
هذا هو احلى مكان تحبه
اكتر مكان جلست فيه معاه
اهدى واجمل مكان
وجلست تطالع بالبحر وتشكي هموها وتذكر احزن القصايد بااحزن الاوقات
أنا محدن بجابرني أساير معك هالمنوال
ترى لاني تبيع لك ولا ني باصغر عيالك
أنا جيت اعشقك نبض ومشاعر ما اعشقك (تمثال)0
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
وشوي صحت على احد يمسك كفوفها يد كلها حنان عرفته من يده
يجلس خالد جنبها:انا اسف
جود:ابعد عني مابيك انت اناني انت خاين لاتلمسني انا مااحبك اكرهك
خالد بكل حنيه وحب:جود
اول ماسمعته يناديها سكتت ذابت كأنها اول مره تسمع اسمها ونزلت دموع حب
وحنان
ودموع الم
وحسره
ودموع كبرياء
خالد:ارجوك لاتسكتي انتي كذا تعذبيني اكثر لاتسكتين
جود:وش اقول وانت اللي سويته قليل انت عذبتني عذبتني
خالد:مو اكثر من عذابي فرقاك والله اكبر عذاب
جود:مقدر اصدقك مااقدر مستحيل مستحيل تكون انت اللي حبيته
انت كذاااب انت تلعب بالحبلين والله اني وثقت فيك وياليتني ماوثقت
خالد:جود يكفي لاتزودين الجراح
جود:بحاول انساك وانت انساني بقول كلمه اول مره اقولها
(انا بحبك ندمااااانه)
خالد حس هالكلمتين كنها سيف طعنه بقلبه:والله ماعمري نسيتك ولاعمري فكرت اخونك بس بس موبيدي
جود قامت من الكرسي:خلاص مافي كلام نقوله لانك خاين خاين انت خاين
قبل لااروح تراني ماني مثل قلبك خاااااين وبصون حبك وكلمه احبك ماراح اقولها لغيرك
خالد يمسك يدينها:
انا آسف على ازعاجك رجيتك تقبل الاعذار
تجمّل بالذي يكتب حروف الشعر من دمّه
هداك الله لو تعرف غلاك وكم لك مقدار
تضيع بحب من حبّك وترمي حالتك يمّه
أنا مالي أحد غيرك أحبّه واكتب الأشعار
ولا غيرك سكن قلبي وخلآ الحال منسمّه
أنا من بعدك بغربه ولو الناس حولي كثار
لك الله ضقت من نفسي ولا ابغى الناس واللمه
ألا يافرحة الدنيا على دربك خفوقي سار
رجيتك يابعد عمري تكوني فيه مهتمه
أعيش بقربك بجنّه وفي بعدك أعيش بنار
أنا المهموم من همك وجالك يشتكي همّه
حياتي شاقني وصلك رجيتك داخلي منهار
على قلبي من غيابك هموم الكون ملتمّه
جود ماقدرت تستحمل اكثر اول مره تشوف حالته كذا وجهه الاصفر الشاحب وعيونه المنفوخه من كثر السهر
جود:تصدق هذا احلى مكاان عندي
خالد:وانتي احلى انسانه على قلبي
جود:وانت كماان
خالد:احلى انسانه
جود تبتسم وهي بين دموعها
خالد:ياله
جود:على وين
خالد:البيت ولاتحاولين تقولين لا
جود:واذا قلت
خالد:بخطفك
الحلقه الثلاثون
رجعت جود لبيت عبدالعزيز وهي فرحانه صحيح كانت الصدمه قويه بس كان الحب اللي يجمعهم اكبر من اي عوائق بس هل اذا كان احد في مكانها بيتصرف نفس تصرفها !!
دخلت غرفه مكتب زوجها الخاص تبي تنظفه لقت دفاتر وكتب مبعثره على الارض راحت عندها لمت الدفاتر والكتب ولفت انتباها دفتر وياليتها مافتحته لقت فيه يومياته او اهم يومياته قبل وبعد مايتزوج وفي كل صفحه تقرأ شروق
كيف هو حبها وحاول يخطبها وتزوج غيرها ومازال يحبها قفلت الدفتر بقوه ورجعته وخرجت من الغرفه لغرفتها جابت شنطه كبيره وحطت فيها اغراضها
وشوي دخل عليها مازن وهو يصرخ ماما وين بابا ابي اروح عند غنى يماما
حضنته وهي بين دموعها
مازن:يمه ليه تبكين طحتي ولانزل دم
ابتسمت لمازن وقالته بصوت مبحوح:طحت ياحبيبي ياله روح الحين بابا يجي
طلع مازن من الغرفه وطلعت ملابسها من الشنطه ماحبت تخرب بيتها بيدها
في بيت عبدالرحمن
يرن التلفون ترد عليه عبير
عبير:السلام عليكم
نوره:لاهلا ولاسهلا
عبير:من انتي
نوره:انا اللي انتي خربتي بيتها ياسحليه
عبير:عيب هذي الالفاظ لو سمحتي تانيا انا ماخربت بيت احد
نوره:جايه انتي اخر عمرك تعلميني العيب ياخرابه البيوت
عبير:شكله الكلام معك ضايع
وفصلت السماعه بوجهها
وكانت شروق نازله من درج
شروق:من هذي اللي الكلام معاها ضايع
عبير ماحبت تقولها انها امها لاتصغر بعينها:شكلها غلطانه سبيك منها
ترن ترن (دق التلفوون)
شروق:انا اللي برد
تاخذ شروق سماعه التلفوون
نوره:تفصلي السماعه بوجهي ياللي ماتستحين ياخرابه البيووت
شروق تنصدم يوم تسمع صوت امها وتسكت شوي وتقول:مااما عبير مو خرابه بيوووت انتي الخرابه وش تبين ليش متصله خلصت فلوسك ماعندنا فلوس لك روحي لاتتصلي تاني روحي
عبير:حبيبتي عيب هذي امك
شروق تكلم نوره:انتي مو امي مستحيل تكونين ام
نوره:حبيبتي اهدئي انا الحين طلبت الطلاق من زوجي وابي ارجع لكم
شروق:اكيد خلصتي فلووس وجايه تخلصين على بابا في شئ تاني يلا باي
وقفلت السماعه ودخل عبدالرحمن البيت وشروق تجري ع الدرج
عبدالرحمن:وش فيها شروق؟
عبير بحزن:كلمت امها
عبدالرحمن:انا اوريها نوير
عبير:هدي خليها في حالها واحنا بحالنا
عبدالرحمن:هي ماتفهم
نوره:الله يهديها
في بيت عبدالعزيز
دخل فيصل وعبدالعزيز البيت (راجعين من الشركه)
كانت شوق جالسه بالصاله قامت وسلمت على عمها وجلست
فيصل:تسلمين على ابوي وانا مو مالي عينك
شوق تطنشه:كيفك عمي تبنا نحط لك الغدا
عبدالعزيز:تسلمين بنيتي شبعان مابي شئ
شوق:لاياعمي حتى الفطور مافطرت مو خارج من البيت الا اذا اكلت شئ
عبدالعزيز:لو ابغى اكل اكلت شبعان
فيصل:يبه ليكوون مستحي مافي حد غريب
عبدالعزيز:ههههههههه وين رغد وجود وخالد
شوق:رغد بغرفتها ماتطلع منها ابدا والحمدالله خالد راضى جود ورجعها ومعاهم عزوز الصغيروون
عبدالعزيز:الله يحفظهم
الكل:اميـن
طلع عبدالعزيز غرفته ومر على غرفه خالد دق الباب
قام خالد وفتح الباب
مستغرب:يبه
عبدالعزيز:وش فيك ؟ ليكون ازعجتكم
خالد يبوس راس ابوه:لا بس استغربت تفضل تفضل
جود:منور تفضل تفضل
ياخذ عبدالعزيز عزوز ويبوسه:الله يحفظه ويخليه لكم
الكل:اميـن
عبدالعزيز:انا اليوم عندكم بكره مو موجود
خالد:لا تقول كدا الله يطول بعمرك ان شاء الله
عبدالعزيز:هذي الحقيقه والموت مايطق الباب وانتو لسه شباب قدامكم الحياه راح تشوفوا اشياء اكبر من اللي شوفتوه ومو كل ماصار شئ تزعلون وتطلقون وترجعوون ترى الطلاق والزواج مو لعبه
خالد:الله لايجيبه الطلاق
عبدالعزيز:امين وانتبهوا على عزوز ترى امانه برقبتكم حافظوا عليه
ويحط عزوز على الارض ويمسك يده :انا الحين بروح ارتاح وباخذه معاي
جود:خالو بيتعبك خليه معنا
عبدالعزيز:تعبه احلى راحه
واخذه وطلع ومر على غرفه رغد
دق باب الغرفه
رغد:يبه ادخل
عبدالعزيز:وش عرفك انه انا
رغد:ولاااو دقتك اميزها بين 100 دقه
عبدالعزيز:وش فيك مانزلتي تتغدي
رغد:مالي نفس ومن هذا اللي معك
عبدالعزيز:عزوز ولد خالد
رغد:ادري بس وش جابه معك
عبدالعزيز:ولد ولدي ماتبيني افرح فيه
تقوم رغد وتاخذه من ابوها وتطلعه بره الغرفه وتقفل الباب وهو يبكي بصوت واحد
عبدالعزيز:حرام عليك وش سويتي
ويروح يفتح الباب ويدخله
رغد:يبه هذا اللي قتل امي يبه هذا السبب هذا السبب
عبدالعزيز ودموعه على خده:هذا قضاء الله وقدره هو ماله ذنب يابنتي ماله ذنب
رغد:يبه لاتقوول كذا يبه هو قتلها انا ادري مااحبه
عبدالعزيز:انتي مؤمنه يابنتي وهذا قضا وقدر وانتي يومين وبتروحي بيت زوجك لاتخلين في قلبك شئ هو وش ذنبه هاللطفل؟
رغد تتأثر بكلام ابوها وتحضنه:يبه اشتقت لماما يبه
عبدالعزيز:يكفي يابنتي يكفي ادعيلها برحمه والمغفره لاتعذبيني وتعذبي نفسك
ويروح عبدالعزيز غرفته ومعاه عزوز
اما في بيت راكان
غنى:سفتي عزوز مره حلوو
غزل:حلو بس رامي احلى
غنى:مو حلو رامي مااحبه
غزل:ليه هو يحبك؟
غنى:مايحبني يحبك!
غزل:لا يحبني ويحبك
تدخل عليه ندى:وش تقوولوون ياحلوين
غنى:ماما سفتي عزوز حلوو
ندى:بنت عيب وانتي وش دخلك
غنى:ماما والله حلوو
غزل:لا رامي احلى
ندى:كلهم حلووين
ندى ياله ياحلوين الغدا برد ونحنا ننتظر
تروح ندى ويجوا وراها غنى وغزل لطاوله الطعام
ندى:تعرف بنااتك وش يقولون
راكان:وش؟
ندى:غنى تقول عزوز حلوو
راكان:يالبي قلبها تحب من صغرها
ندى:اي ماشاء الله شجعها
راكان يضحك:حرام عليك لساتهم صغار
نرجع لبيت تركي وش صار مع روان
قامت روان ورفعت الغدا مع الشغاله وحاولت تتجنبه
جلس بالصاله وفتح التلفزيون راحت عنده
روان:وش فيك مانمت
تركي:مافيني نوم ومو تعبان تعالي اجلسي هنا (جنبه)
راحت روان جلست جنبه
روان:تحبني
تركي وهو يضحك:اكيد احبك
روان:وهي؟
تركي انفجع:ومن هي؟
روان قامت من جنبه:شروق
تركي:وش دخل شروق
روان:تركي لاتضحك علي مو بزر عندك
كفايه السنين الي ضيعتها معاك وانت كذاب
انا شفت الدفاتر والاوراق وكل شي
هي حياتك كلها
ليه اتزوجتني ليه خليتني على الهامش في قلبك
تركي:انا صح اتزوجتك وماكنت احبك بس الحين صدقيني اموت فيكي والله
روان:يعني تحبها
تركي:كنت احبها
روان:والحين
تركي:احبها كاأخت
روان:كلامك مايقنع
عند رغد الجوال يتصل على نغمه كلاسيكيه
رغد:هلا نايف
نايف:هلابعمري وحياتي وكل دنيتي
رغد استحت:
نايف:تصدقي امنيتي اشوفك وانا اكلمك على الجوال
رغد:ليه
نايف:اشوف الحيا
رغد:ناااايف
نايف:عيونه
رغد:تحبني
نايف:لا
رغد تقاطعه:نعم
نايف:خليني اكمل مااحبك بس الااموت فيكي
رغد استحت:
نايف:مستعجل على الزواج ترى مافيني اتحمل اكثر
رغد استحت:
نايف:حنطول مع الحيا
رغد:انا اسفه نايف على تاخيري للزواج بس
نايف يقاطعها:ترى بزعل منك من هذا الكلام بس وش رايك اكلم ابوك نخليه بعد اسبوعين
رغد:مايمدي
نايف:دبري عمرك
رغد:هههه خلاص الي تشوفه
روان :اتزوجها
تركي:نعم
روان:الي سمعته
تركي:انتي اكيد انجنيتي
روان:لاوالله مو انا الي افرق بين حبيبين
تركي:وانتي
روان:عادي اذا ماتباني طلقني
مسك يدها بحنان
تركي:مااقدر استغني عنك
روان:طيب ازوجها وانا على ذمتك
تركي:لا
روان:صدقيني تركي انا مو زعلانه شروق صديقتي واحبها حتى وهي تحبك يوم عرفت انك خطبتني جات باركت لي ومابينت اي شي حتى كره ماكرهتني
مابي ادمرها
تركي:امها السبب مو انتي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك