رواية اعطني حريتي اطلق يديا -23
بدور .. جآني بدر يشآورني ..
.. بدور انتي عآرفه أن حمد جآي يخطبك .. وآنآ موآفق بس مآرديت له خبر .. قلت عطهآ فرصه اسبوع تفكر و نرد لك خبرر ..
.. بدور .. مآبيه مآني موآفقه .. قله مآلك نصيب عندنآا ..
بدر .. لآتستعجلين فكري ..
.. بدور .. فكرت وخلصت .. مآبيه ..
بدر .. شوفي بدور .. آلرجآل مآينررد .. وآذا رفضتيه انتي ترآ بزوجه لمنى ..
بدور بنفسهآ.. وجع ذآ مآصدق خبرر .. علآ طوول زحلقه .. يعني مآنتثيقل !! ..
.. بدر .. هآاا آشقلتي ؟؟
..
بدور .. طيب بوآفق آقصد بفكرر .. آلعوض ولآ القيطعه.. آخذ حميدآن وبينآ الميدآن .. وبتشووف بدوره وش بتسوي .. أن مآخليتك تمشي مآتدري انت مشرق وآلآ مغرب مآكون بدوره ..
.... ..... .....
.. جوزآ آلله آ كبرر .. وش ذآ الاخوآن آللي توهم يذكرون أن لهم اخت !!
لآ يآسآلم لآتخليهآ تروح لهم .. مآتدري أكيد يبون منهآ شي والآ ورآهم بلآ ..
.. سآلم .. لآتضنين آلشين بالعرب .. اخوهآ يقول الله هدآه ووده يوصل رحمه .. ويبر اخته .. ومآلي حق امنعه منهآ ..
..جوزآ .. اجل خلهم يجون هنيآا .. بس مآلهآ مرآح لهم ..
.. سآلم .. جوزآ استغفري ربس .. آلقوم يبون بنتهم .. حرآم نحرمهم منهآ ..
.. جوزآ .. اجل بروح معهآ .. مرآح لحآلهآ مآفيه ..
سآلم .. شورس وهدآية آلله .. قومي وشووفيهآ هي وورآعينس ..
..... ..... ......
.. جمعت حريم قبيلتهآ عندهآ .. وحرصت تعزم ام بآدي .. نقآلة هروج ومحرم له .. ومتأكده أنه بتوصلهآ له .. تكابررت آلمجلس وهرجت بثقه بعد مآجآبت سيرت عرسه مستقصده ..
.. وآلله وآلله لو يجيني أبو ضآوي لازوجه امووله .. ولو أن عمره طووف السبعين .. ضحكو آلحريم وكذبووهآ ..
.. ام بآدي .. عز آلله مآصدقتي .. وش حآدك تزوجينهآ لشآيب وهي تووهآ مابعد دخلت عشرينهآ .. ومآعندس غيرهآ ..
.. ام امل بثقه .. وآبو ضآوي كفوو ورجآل عن قبيله .. سمعته وصيته وقربه ينشرى .. ورفعت صوتهآاا .. وآشهدوووووو يآحررريم وآلله لو جآاني مآ ارده ..
.. سكتوو الحريم متعجبين .. صحيح رجال وله سمعه بالخير .. بس بعد طاف السبعين .. وعنده 3 حريم .. وبنآته أكبر منهآ غير أن له أحفاد كثر آلترآب .. وحتى آبووهآ أصغر منه بوآجد ..
.. آمآ ام بآدي ضآق بهآ المقعآد .. استأذنت قبل لآتشرب آلشآهي .. وتعذرت أن ولدهآ جآ ولآعآد هي برآدته ..
.. ودعتهآ ام امل .. وهي متوقعه
سبب روحتهآ .. تعرفهآ بطنهآ مآيضم آلمآ .. وآلعلم مآيقعد في جوفهآ اكثر من دقيقه ..
.. آستقعد بعد مآكآن متعنز .. أجل تقول مآهيب رآدتني !!
.. تبشررر وآلله بسعدهآا .. بكره من صلآة المغررب وآنآ عند ابوهآ خآطب .. مهوب كله شفقه على العرس لكن مدحهآ له وثقتهآا فيه خلته مآيخذلهآ .. لو على رقبته ..
[ آلبآرت آلثآمن وآلسبعوون ]
.. فهد ..
.. منى صآيره عصبيه مرره .. مآتطيق كلمه من احد .. معقووول هذا كله من تعب الحمل !!
وآلآ لأنهآ مآتبي تحمل ؟؟
.. اول مرره آدري أن الحمل يسوي كذآ ..
.. منى ..
.. الوحم عآمل معي مصآيب .. أظن وحمي جآ على عزوز وآبووه .. طلعت من غرفتي .. وقآبلتني ريحه خآيسه آللي يديم النعمه .. و بسرعه يآلله لحقت ع الحمآم عشآن استفررغ .. تذكرت وحمي بعزوز آللي كنت اظنه من نفسيتي هذيك الفتره .. قررت آرجع آكل حبوب آلوحم اللي تركتهآ بعد ماخلصت الشهر الثالث .. آسرفت بنفسي وبعزوز وفهد ..
.. فهد ..
.. شكل ريحة البيض آللي آنا قاعد أقليه هو آللي قلب كبدهآ .. كسرت خآطرري .. مايقعد في بطنهآ شي .. لآزم اوديهآ المستشفى يشوفون لهآ حل !!
وضعها كذآ مأسآه .. لحقتهآ بعد ماغسلت يدي زين .. وبدلت ملابسي وتعطرت من عطورآتهآ .. وقبل لآ ادق باب الحمآم عليهآ طلعت لي ..
.. خذتهآ بيدهآ وجلستهآ ع آلسرير .. منآاايه وضعك كذآ مآيصيرر .. آمشي معي آلحين نروح للمستشفى نطمن عليك ونشوف لك حل .. حتى لو تنومين .. اهم شي صحتك ..
.. سكرت عيونهآ ورمت نفسهآ بتعب على صدره .. سوي آللي تبي آنآ خلآص تعبت مو قآدره آتحمل .. بس برتآح الحين شوي ..
،،،،، ،،،،، ،،،،،
.. مآجد معصب ..
.. نفض يده منهآ أحشمي عمرس وتسترري .. انتي خآبرتن وش بيني وبينس .. انآ محرمس على عمرري .. وانا مهب مفجرن حلفي .. عيب عليس انآ بحكم الاجنبي عنس ..
.. [ احساس الرفض بعد آلايقان بالقبول والوقوع في الفخ مر جدآ .. وهذآ احساس مهيه .. ]
مهيه ..
.. بس انت مهب اجنبي .. انت رجآلي .. ولك حق فيني .. ولا تقربت منك لاهب عيب ولآحرآم .. ونذرك كفر عنه .. وان بغيت اسوق عنك الكفآره ..
ماجد ..
.. انتي انهبلتي !!
وش غير رآيس وقلب عقلس؟؟
.. انآ بذلف واريحس .. وطلع وتركها تبكي وتندب حظهآ .. وتحلف ان ترده غصبن عن خشمه ..
.. ماجد عند صقرر ..
.. ينآضر وجهه اخوه آلمكتم .. فنجآلك يآبو البشرى برد .. هآت اغيره لك ..
.. ماجد .. اكررم ياخوي ..
.. نآظر صقر في سآعته .. تأخر عقآب .. انآ مواعده يجي عقب الصلآة على طوول .. والله لو يدري كل واحدن منهم ان رفيقه عندي محدن قلط .. بس آنآ ماخذن احتياطي وجايبن ماجد في سيارتي لبيتي ..
.. عقآب ..
السلآم عليكم ..
.. ماجد ..
.. وعليكم آلسلآ..... وطاحت العين بالعين ..
،،،، ،،،،، ،،،،،
جوزآ ..
.. صدري بيطق من الضيقه من يوم دخلت بيت اهلهآ .. وهن ينآظرني مستغربآتن جيتي .. بس ماعلي منهن غدير منيب مروحتهآ بلحالهآ .. قعدنآ وغدير نادوهآ اخوانهآ العيال يسلمون عليهآ ..
.. بعد ساعه ونصف ارسلت لسالم يجينآ وماصدقت انآ نظهر سالمين .. حريمن اشكال والوان .. ووراعين بكل الاحجام .. وعجز مدري وش سنعهن .. قالت حدتن منهن .. غدير لاتقطعنا .. وأن ماقدرت تجي حنا نجيبهآ .. يآمع جدي وش ذآ البر والوصل آللي تووه يجي !!
،،،، ،،،،، ،،،،،
.. نوره ..
لهآ اربع شهور في غرفة الملحق .. ماشافت هي وولدهآ من يقول ربي الله غير امهآ .. وقت فراغها تقضيه مابين ولدها وصلآتهآ واستغفارهآ وتلآوة مصحفهآ .. زادهآ ايمانهآ طمأنينه وخشوع ورضى بالقضا والقدر .. بس اكثر شي يفطر قلبهآ لاسمعت صوت ابوهآ داخل وهو يهلل ويذكر ربه وآلآ واهو ينادي وحده من خواتها .. ودهآ تستقبله مثل اول وتحب خشمه ورآسه .. ودهآ لوتشيل عنه الخبز مثل قبل .. والا تدلك له رجليه لآجا من شغله .. واكثر شي يأرقهآ ويسهرهآ ويذرف دموعهآ هو مستقبل ولدهآ ..
الحين تقدر تحكمه وهو على توه على ظهره .. بس بكره لآمشى !!
بيصبر يقعد ايآم وليآل وشهور وسنين وهو محبوس في هالغرفه !!
بيقضي حيآته جاهل بلا تعليم ؟؟
لآ سألهآ عن سبب قعدتهم في هالسجن وش تقول ؟؟
هل بيصبر ويرضى يعيش هنا طول عمره ولين وفآته ؟؟
.. تأملت حياتها كلها .. واللي صار لها .. وش سببه ؟؟
اعرآف .. تقاليد .. عآدآت .. لازم مانتخطاهآ .. ومن تمرد وتجاوزهآ مصيره القبر أو السجن او النفي كأسلم حل ؟؟
.. طلعهآ جوهآ صرخت ولدهآ الجوعآن وكأنه يشهد علآ معآنآتهآ ..
.. نزل وابتسامته نابعه من قلبه مو بس من شفآيفه .. نسف غترته علآ فوق رآسه .. طلع سبحته الذهبيه اللي اهدآهآ له بدر مع قلم وساعه ذهبيه ماركه .. هآااااااه آشرآيكم ؟؟
امبين شكلي عرريس ؟؟
.. صفررت بدور .. آوووووووووف طلقه فدوو ..
.. بتوول .. وآاااااااااااااااآو فيدوو كيوووت طالع ..
.. خبطهآ فادي بمسبحته كيووت فعينك .. شآيفتني آتمخطرر ؟؟
.. بدور لبتوول .. كككككآكآ فشلووهآ ..
.. بتوول .. مآلت ببوزهآ .. فيدوو آقصد جنتل مآن ..
.. خبطهآ مره ثآنيه .. فيدو فعينك .. شايفتني بنووته .. احم احم قولي آبو سعود نمبر 2 ..
بدور .. هههههههههه توته يآزينك سآكته ..
.. بتوول .. وآلله لاعلم عليكم صقورري ..
.. بدور .. يآمآاااااااامي خوفنآ صقوري .. وبلكاعه .. نفخه وحده من حمودي تطيررره .. وحطت رجلها وآنحآشت .. لأن الجميع بيضربهآ .. فصخ بدر عقاله وحذفهآ فيه وهي تطلع الدرج .. يلعن ذآ الووجه هذي اللي ماتبي حمود ههههه ..
.. خلود ..
.. طفشت آلكوآفيرره منهآ .. بعد ماحطت لهآ ا لميك آب والروج قاعده تآكل برتقال وتحذف بقشره كرشة منتهى آللي تهآوشهآ ..
.. منتهى .. تمسك فثيآبهآا ..
يآااااااااربي خلود قسم بالله قلبك ميت .. وه ماكأنك عروس بتقابل زوجهآ .. تكفين خلود خلي عنك االاستهبآل الليله بس .. عقب سوي اللي تبين ..
..
.. خلود ..
.. اعصآبك متحمسه مرره .. اللي يشوفك يقول ذي بتآخذ الامير عبدالعزيز بن فهد .. ترآه آلا فويدي ومن حلآته أقشر بعد ..
.. عصبت منتهى ..
.. قسم بالله ياخلود أن ماتسنعتي لقوول لبدر يقول لفادي تراهآ من الليله حلآلك خذها معك ..
.. خلود .. تسوينهآ مو بعيده عليك .. وذآ الثور رجلك مسوي لي فيهآ رجل عصري ومتفهم .. مادرى ان ها لبقرره تجره جرآ جرآ ..
.. منتهى .. يارب صبرني .. والله آنك رآيقه .. قوومي آشووف .. تعآلي البسي الفستان قبل مايجون بنآت عمي ويشوفون شيآكتك ميك آب ولابسه قميص !!
.. خلوود .. يآحبيبي .. آنا قايله لك من ا مس هآلفستان ماراح البسه كنه قميص نوووم مو فستآن [ لونه سكري وقمآشه من الشيفون الثقيل .. مع شك نآعم ع الصدر والاكمام .. وفتحة صدر وظهر وآسعه .. مخصر ويبدا يتوسع لحد الاسفل ] ..
.. منتهى .. اسمعي خوخه .. فستانك حق زواجي كلن شا فه عليك .. بعدين لونه مايناسب عروس في شبكتهآ ..
.. بعد رفعة الظغط اقتنعت تلبسه ..
.. فادي ..
.. ماتوقعت ارتبك واتلخبط .. آنا اساسا جرئ .. بس مادري آش صآر لي .. حبيت جبينهآ وصافحتهآ ماحبيت احرجهآ قدام اهلي واهلهآ .. يآووووووويل قلبي يآلسونتي .. كل ذآ حلآاااي لحآلي !!
.. مسكت يدهآ بلبسهآ الدبله .. وآاااو طريه ..
خلود حاولت اغطي علآ خجلي بطولة لسآني .. وبهمس .. فك عآد ترآ الخاتم دخل من زمآن ..
فآدي .. هههههه صحيح !! طب اشرآيك نجربه ع اليد الثانيه .. ونتوكل على الله الليله .. وبلا رسميآت بلآهم ..
هههههههه وتعرف بعد تعطي نظرآت ناقده ؟؟
.. منتهى بذوق ..
يآلله عآد .. تفضلو ع العشآ وخلو العرسآن ياخذون راحتهم شويه ..
.. وبنذا له بعد ماطلعو الاهل منهم .. بخلي سعودي عندكم يحرسكم ..
.. فادي .. ههههه أذا تبين ترجعين وتلاقين ولدك احووول بكيفك .. لأني بلصق وجهه بالجدار هههه ..
.. طلعت منتهى تضحك وخلود تلحقهآ .. بس فدوو آسبق مسكهآ بيد وقفل آلبآب بيد .. حضنهآ بقوووه .. خلود متى نحدد زواجنآ ؟؟
،،،، ،،،،، ،،،،،
.. حمد ..
.. ملكتي بكرره ا لمغررب .. كآن ودي آشوفهآ الليله بعد .. بس مآيصيرر شوفه شرعيه وشفتهآ .. وآلله يصبررنآ لبكرره ..
.. بدور ..
.. مسكت منتهى وبخجل .. ام سعود .. آبي آشووف حمد .. بكره ملكتنآ و مآبعد شفته وآنآ مابي اشتري سمك في ميه .. آخاف يطلع قبيح واعيش تعيسه طول عمرري .. ويقولون دوب بعد .. آخافه مثك هزآر !!
.. منتهى .. ههههههه قبيح وجهك يآلدووب .. بعدين هو آللي شآريك مو انتي يالخبله .. بعدين هو دبيبه مو دوب .. مسكتهآ بيدهآ .. تعآلي .. وارسلت لحمد بدون لاتدري بدور ..
[ حمودي تعآل .. في نآس طآلبه تشووفك شوفه شرعيه خخخ تقول آخافه دوب وشين ههههه ]
.. ابتسم حمد .. وماتزحزح عن مكآنه .. خل تنطق بس .. ماخذها ماخذها دوب والا نحيف شين والآ زين .. مآعآد الا ذي تشوفني شوفه شرعيه ؟؟
.. بكره تشوفني وجهآ لوجه وتمقل برآحتهآا ..
[ آلبآارت آلتآاسع والسبعون .. ]
.
.
.
" مآجد وعقآاب "
.. كلن يسبرر خويه .. ووده يتوطآ في بطنه .. ماكنهم عيآل عم وخآله ..
.. خز ماجد عقآب وبنفسه .. جعلك فرآاشن لنيآقك آلليله >> يقصد يتوطن بطنه !!
.. عقاب بنفسه .. آهب يآوجهه لولآ بنيآته وآلا كان دعيت عليه بآلشرر ودعوت محترر >> يقصد دعوت مظلوم !!
.. قآطع صقر نظرآتهم لبعض .. بعد مآكرمو ماجد وعقآب من آلقهووه ..
.. تكلم صقر وقلبه محروق كل مآشاف بنات مآجد .. ولهفة اخوه على حرمته بس نفسه آلآثمه مآطاعت تنآزل ..
.. عقاب ماجد انتم ذلحين حطيتو ذآ الضعيفه بينكم تعاندون عليهآ .. وكلن متحضن حرمته وهي راحت تحت الرجلين ..
.. ماجد بنفسه .. آمحق حظن .. مخدتن عوجآ .. ودك تحضن بلكه ولآتحضنهآ ..
.. كمل صقر ..
.. فرقتو بينهآ وبين بنآتهآ .. هي قليبهآ يتفطرر عليهن ومآترقد آلآ دموعهآ همآليل وانتم في سجآتكم ومطرآشكم ولآجا تآلي هآلليل كلن لقى له حظنن دآفي كبرتو الوساده ورقدتو .. وذآ البنيآت يكسرن آلخاطرر .. يتشحططن لو عند الرقاد .. من بيت عم لبيت خآل ..
.. والتفت لماجد عقب لعقاب .. انت تدري أن بشير تسويهآ على عمرهآ لاقدهآ نويمه .. شآلت هم اخيآتهآ وهي بعمرهآ صغيره وتبي من يهتم بهآ .. روحت امهآ عنهآ غيرت في سلوكها كان ماانتبهتوو .. كله من حالة امها وابوهآ وهي تسمعكم كلن يتحلف في آلثآني وفقدت آلامل بمقعاد امها معهم مره ثانيه ..
.. مطراشكم >> روحاتكم وجياتكم ..
.. وسجآت >> انشغالكم باعمالكم وحياتكم الخاصه ..
.. انكسر قلب ماجد وتنهد .. ورق قلب عقاب .. بس لاماجد قادر يتنازل .. وعقاب مهب مسامح لازم يأدبه أول ..
صقر .. وذلحين جمعتكم نبي نحل المشكله .. انت ياعقآب عط مآجد فرصه يصلح مآهدم .. وانت يآ تراضيهآ يامآجد وتضم حرمتك وبناتك وآلا تطلق الحرمه وتخليهآ تشوف نصيبهآ .. مهب زينه 6 شهور وهي معلقه لامعرسه ولآمطلقه .. >> جآب له طاري الطلآق عشان يهدده ويستحثه يصلح حآله بأقصى وقت ..
.. فز مآجد .. آقطع ذآ الهرج .. وش طلآقه .. منب مطلق لو تحج بقر نجد وآلحجآز بعد على قرونهآ ..
.. استعدل عقاب بغضب ..
.. غصبن عن خشم عجوزن جآبتك .. ان مآ استعدلت وحشمتهآ وكفيت يدك جعلهآ الجبر عنهآ .. وآلآ وضيح عندي وبتطلقهآ ورجلك فوق رقبتك ..
.. أحتد الموقف .. زأر مآجد .. ولعنننننننه وآلله وآلله لو تعطيني نيآقك وقوقهآ حلآلك منب مطلق .. وحرمتي مالك عليهآ هررج .. اطقها اذبحها .. اصلخهآ .. حلآلي مآلك شغل .. !!
.. نط عقاب ولكم مآجد في وجهه .. ورجع ومسكه مع جيبه وطرحه في الأرض وبرك فوق صدره برجليه .. بعد ماثبته بيديه .. تخسآ يآولد آلعجوز .. آلوضيح مهب ملعآبتن لك .. قلبه مآجد بصعوبه وانعكس آلوضع .. يآملعووون الصيررر وآلله لآخذهآ غصبن عن جدك ..
.. صقر آللي كآن يحآول يفك بينهم بس مآ قدر .. كلن منهم شررن منزل .. صرررخ فيهم ..
بآاااااااااااااس قبر وثبر .. لآبارك آلله فيكم آثننينكم .. مآحشمتووني ولآ راعيتو حرمة بيتي .. في خاطركم طقاق مثل آلورآعين عندكم آلشآرع تذآبجوو فيه آلله لآيردكم ..
.. تفرقو وفكوو بعض .. وقف عقاب ونسف غترته وخذ عقآله بيده .. قرب من صقر وحب رآسه وهو يلهث .. آلسموحه يآلصقرر .. ذآ الورع آ فقدني صوآابي ..
.. بآغته مآجد يطرحه .. مآورع غيرك .. سحبه صقر بالقووه .. طفح كيله .. سحبه ولصقه بآلجدآر وبغضب آلحليم صرخ فيه وهو يشد كفه لآيرفعهآ .. مآجد لآتخليني امد يدي عليك وانت آبو عيآل .. !!
.. منتب كفو من يفزع لك .. ودك من يآطآ على رقبتك ويأدبك وانت اللي مفروض تأدب .. ارتخت يده .. وبرجآ بعد مآتعووذ من آلشيطآان ..
.. اقعد بنحل ذا المشكله ونخلص عآاد ..
.. وجه آخووه آلمظلم غصبه وصرخته رغم حلمه يده آللي بغت تمد عليه .. خلته يهدآ ويقعد ..
." بتوول "
.. سمعت صرآخ آلرجآل .. وطآاار قلبهآ .. مآعمرهآ سمعت زي كذآ .. حتى هوآش فادي معهم وآلا لمن يخانقه بدر .. مآيوصل أبد لهآلصرآخ .. وقفت تسمع وهي مو من عآدتهآ .. عقب حست بالهدوء وآنهآارت تبكي .. من هآلرجه آللي سمعت خآفت أن صقر صآر له شي .. او ان احد أذآه ..
." موضي "
يآصبر آيوب على المكتووب .. قآلتهآ وهي تآكل تمر مع لقمة رز ..
.. بس بس شبعت .. كني زبآله فآغرتن فمي وانت تحذف فيه ..
.. جآبر .. هههههههههه يآزين مآشبهتي عمرس فيه .. أكلي آكلي بس وسدي ثمس .. خمس طعشر لقمه لس .. وعشر لورعي ..
.. شدت رآسهآ .. يآااكبدي كبدآاااه ..
نطق من آلنعمه .. ارحمني حرآم عليك ..
.. حس آنهآ صدق شبعت .. كل هو اللقمه شوفي بعفيس من خمس آليوم .. بس بكره بعطيس اياهن ..
.. ماقدرت ترد من آلتخمه والضيقه .. تمددت بجنب غدآهآ وكبس عليهآ النووم من آلشبعه .. صحت بعد سآعه وآلذبآن تلحس في آصآبعهآ .. كشتهن وعودت ترقد كنهآ مخدره ..
عقآب وقف .. يآلله آنآ استرخص .. مآعآد لنآ مقعآاد ..
.. دفه صقر بشبه الغصب .. وآلله مآتسير لين نحل ذآ الطآمه أن خير وأن شرر ..
.. ترآجع عقآب .. حشيمتن لك ولجل خآطر وضيح وبنآتهآ وآلا هو .. وسكت .. مآيبي المواصيل تاصل للطلآق .. يدري بحب وضيح له وأنهآ تشرق باسمه .. هو جرب الحب وشآف كيف تصآريف آلقلب فيه .. يحكمنآ مآنحكمه .. ونمشي بهوآه .. بس لآزم يأدب مآجد .. ويآخذ حق وضيح لآصآرت مهب قادره تآخذه بيمينهآ ..
.. صقر .. اطلب يآبو مبآرك .. وش تبون رضوه لأم البنآت ..
.. طلع مسبحته يلعب بهآ .. وتكى علآ المركى برآحه ..
..اول شي .. يده ذي أن مدهآ كسرتهآ له جعلهآ الكسر ..
.. مآجد ثآر .. حرمتي مآعآد آلآ ذي تشرطون انت واختك علي !! قاطعه صقر بهدوء وهو يمد يده لخوه عشآن يقعد .. كمل يآعقآب حقكم ماطلبتوو شي ..
.. عقآب .. مدة يده عنهآ 50آلف عد ونقد ..
[ مآهمه آلدرآهم .. كثر همه ان ترجع لو يدبل الخمسين بخمسين .. بس ترجع لسيطرته وتحت جنآحه .. بس نفسه خذته بآلأثم ومآتنزل أن احد يشرط عليه .. ]
.. تحسبن مآبه بالحريم غيرهآ يوم تشرط علينآ ؟؟
.. التفت له صقر وخزه .. عقد حآجبه وهلل .. اذكر ربك يامآجد وشحم !!
.. ابتسم عقآب رغم آنه مآوده يتشمت به عند اخووه ..
.. صقر .. وآلثآلث أن كان به ثآلث ..
.. عقآب بثقه .. ثآلث ورآبع بعد ..
.. يجيب لهآ شرآيآ .. قلآده من آللي عليهآ العلم ودرزن بنآاجرر ..
.. ولآ نفذ شروطنآ وافقت يقآبل وضيح ويآخذ شروطهآ من رآس لرآس .. وعقب لآرضت وضيح .. يعشيهآ على قعوود و5 خرفآن ويعزم آلقآصي وآلدآني ..
.. هذآ اللي عندنآ .. شآورو عمآركم وبآبنآ مفتوح .. آستآذن وطلع ..
.. آتفق مآجد وصقر بعد مآتشآورو .. وترخص مآجد وطلع ..
.. دخل صقر بعد مآطاح هم من ظهره .. ليته متقدم .. بس يآلله كتبة ربي ..
.. شآفهآ منكبه وتبكي .. آستغرب !!
بتووووله عسى مآشر وش فيس ؟؟
نطت تحضنه .. وزآد بكآهآ ..
ضمهآ اكثر وهو يسمي عليهآ .. ومستغرب بكآهآ .. همهمت له بحكي مآفهمه .. بعد شعرهآ ومسك وجههآ بين يديه .. ومسح بآطرآف آصآبعه دموعهآ .. وش فيس يآقلبي ؟؟
بتوول بعبره .. سمعت اصوآتكم تخآنقون خفت أحد أذآك .. ورجعت تبكي من جديد ..
.. ابتسم وحظنهآ بعنف .. ههههه يآقلب آلصقر آنتي .. مآدآمس عندي فآنآ بخيرر ..
[ آلبآاارت آلثمآانوون ]
.
.
.
. . " عقآاب "
.. رجع بيته وهو يحس هم طآح من ظهره .. وآثق أن مآجد بيقبل بشروطه .. طرديه ورآهآ طول مقعآدهآ عندهم يأكد له أنه بيقبل .. آرتآح من مشكلة وضحى .. بس بآقي نويفته شووقه لهآا ذبحه ..
طوول آلفتره آللي فاتت وهو مجآفيهآ ومطنشهآ بس خلآص شوقه لحضنهآ طغى .. وحبهآ قطع قلبه .. مهب مراضيهآ لانه مآغلط .. بس بيعآملهآ عادي مثل قبل .. لين ترضى بعمرهآا .. دخل وسلم .. وتوجه بسرعه للحمام يبي يتسبح ويجي يعطيهآ آلعلوم وبكذآ بترضآ بعمرهآ وبيتهنى بقربهآ الليله ..
.. " نوف " ..
يآقهرري قهررآاه .. بطق بطق من آلحقرآان .. قعآدي عنده والآ غيبتي عنه كلهآ واحد عنده .. قبل عند آبآعرره .. حتى اللي في بطني .. مآعاد حط يده عليه والا سألني عنه من عقب ذآك آلليل ..
.. شآفته دخل .. سلم ووجهه منور .. وبآين انه مبسوط مرره .. تخطآني بسرعه ودخل آلحمآام ..
.. جآاني وسوآس أنه مسوي سوآت اخوه سآلم .. وآلآ سوآت مآجد يوم زعلت عليه نويف .. مهب عجزن عنهآ .. ومهب من قل بيعطيهآ .. كلن يتمنى ينآسبه .. من بيض فعآيله .. أزين شي أدور فهدومه .. يمكن ألقى شي .. ورقه وآلا حاجه تثبت عليه أنه معرس .. مشيت بخفه ونفظت جيوبه أدور في اورآقه واغرآضه .. مآلقيت شي وسحبت بووكه بفتشه !!
.. التهت نوف بالتنبيش ومآحست بصوت الدش آللي تسكرر .. ولآصحت آلآ بصوت آلبآاب يفتح !!
.. جمدت يدهآا .. وطآاااح آلبووك من يديهآا تحت رجولهآ ..
.. آستغرب عقآب وقفتهآ آلجآمده .. ونظرآتهآ له .. وقبل لآيسألهآ وش فيهآ .. لمح إللي طآاح من يدهآ .. عقد جوآجبه مهب متأكد من آللي يشوفه .. قررب لهآا .. ودنق وخذآه من آلأرض ..
.. طآلعهآ باحتقآار .. وفتح بووكه وطلع مآفيه من درآهم وكتهآ كلهآ عند رجولهآ ..
.. عقاب .. ألابغيتي شي قولي أبي .. مهب تآخذين من ورآاي كنس سرووق ..
.. آلآ ذلحين وهي كنهآ ثلجه جآمده .. لآنطقت ولآتحركت ولآحتى دافعت عن عمررهآ .. فهمهآ غلط غلط .. ظن آبهآ الشين .. بس وش تقووول له !!!!!
.. لبس هدومه .. وتوجه لمرقده مصدووم !! .. وكل شوقه ولهفته لهآ تبخررت .. آكرره مآعليه أنه يخوونه أحد مهمن كان قربه له .. عطآهآ قفآاه .. طفي آللمبآات لآظهررتي ..
* * *
." ملكة حمد "
.. سعآادته آللي بقلبه مآبينت بوجهه .. يحس آللي بدآخله مآراح يقدر يعبرر عنه .. مآتوقع بيحس بهآلشعور لهذي الدرجه .. رد مبآركآتهم له بابتسآمه صآفيه من قلبه ..
.. نآدآه بدر بهمس بعد مآرآحو الشيبآان .. تنحنح ودخل بثقل وابتسآمه بسيطه على شفآيفه ..
.. كآنت مميزه من بينهم .. أهلهآ واهله كلهم عندهآ .. حب رآس امه وعينه عليهآ .. آستغلت انشغآله بالسلآم على محآرمه ورفعت رآسهآ هذي فرصتهآ تشووفه .. وأول مآرفعت رآسهآا طآحت عينهآ بعينه رفع حآجبه .. وزآدت ابتسآمته .. بسرعه نزلت رآسهآ وهي تفكر بحركت حآجبه وش قصده !!
عجبته والآ لآ مآعجبته !!
قرب لهآ .. ومد يده يسلم .. سحبهآ من يدهآ عشآن يحب رآسهآ ورفع صوته يبآارك لهآ " عآلبرركه بدوره .. آلله يوفقنآ " .. آنتهت شكليآات آلشبكه وجت آللحظه آلحآسمه آللي بدآ الكل ينسحب ويتركهم بلحآلهم ..
.. قبل لآيدخل كانت تستلكع ع آلبنآت تبي تضحكهم .. هددتهم خآصه خوآته .. وآلله يآوحده تقبل علينآ لآوريهآ الشغل .. خففوو الطينه شووي .. ترآنآ نستحي إقوول خلوونآ بلحآلنآ ..
.. خلود .. هههههآهآهآاي .. بطلو ده واسمعو ده يآولآااد آل آيه " مستحيه " اخوي أثق فيه .. بس انتي ابصم بالعشره انك من جنبهآا ..
.. بعد ماطلعوو .. رجعت لهآ خلود بنذآله .. هآااا بدوره اطلع زي مآوصيتيني وآلآ انثبرر وأشتغل عليكم شغل الحمآوآت ..
.. بدور .. مستحيه مرره من حمد .. مآلهآ حيله تنطق وخلود طينتهآ وفشلتهآ عنده .. حمرررت آذآنهآ ووجههآ خجل وغيض .. وزآدهآ التفآتت حمد لهآ وهو يجآهد نفسه لآيضحك .. وقف من شآفهآ محررجه مره وطرد خلوود وسكر آلبآاب .. وهي تحلف لخلود في سرهآا ..
.. جلس حمد بجنبهآ .. ورفع وجههآ الاحمر بيده .. وهمس لهآ ..
.. هذآك سلآم الأهل .. والحين سلآم آزواج وبآسهآ برقه على خدودهآ ..
.. مررت آلسآعه اسررع من آلبررق عليهم .. سألهآ بنغززه ..
.. هآاا آشرآيك فيني ؟؟
.. دووب وأقشرر وآلآ كيف ؟؟
.. كأن جدآ لطيف معهآ حتى أنهآ حست أنهآ تعرفه من سنين .. اربكهآ سؤآله وفآجأهآ .. وبحركه لآ أرآديه وكنتيجة لتوترهآ رفعت اصبعهآآلابهآم بعلآمة _ قوووود _
.. حركتهآ هذي مووته ضحك .. حتى ظن أهلهم بيجوون كلهم يشوفون آشصآر بعد مآيسمعون ضحكه بس مو قآدر يضبط نفسه .. لأنهآ طالعه بصدق من قلبه ..
حمد .. ههههههههههههههههه ومسك اصبعهآ وبآسه .. أن شآء الله اكون قوود بنظرك علآ طوول ..
.. استأذن يطلع لأنه تأخرر .. وبنفس الوقت خاف لاينفجر بالضحك مره ثآنيه ويخربهآا ..
.. اول مآفتح آلبآب تراكضو خوآته بلقآفه .. مسكته خلود فآلبآب .. تعآل يآوخيي آتفقدك انت سآلم ..
.. كان معطي بدور ظهره عشآن يطلع .. هزت خصرهآ واهو مآيشوفهآ عشآن تغيض خلود .. وحركت شفآيفهآ بدون لآتنطق .. " وبحبك يآاحمآاار "
.. لآحظ حمد تغير وجه خلود .. وان عينهآ ورآه .. التفت يشوف أهي وش تشووف .. وطآحت عينه على هآللي تهزز وتطلع لسآنهآ لخلود بتقهرهآ .. جمدت أول مآشآ فته التفت لمهآ .. وأهو مآعآد قدر يمسك نفسه .. سحب نفسه وطلع قبل لايمر ع آلشبآب فآلمجلس ..
.. آتصل عقآب بصقرر .. صدره ضآيق مره من سوآة نوف ..
.. صقرر .. آرررحب ..
.. عقآب .. المرحب بآقي .. مآودك بمقنآص وشبة ضو .. وسجة خآطرر .. وسعة صدر.. ذآ الايآم يقولون جآين نززل .. >> النزل طيور مهآجره .. تهاجر من موطنهآ وتمر بالجزيره ..
صقر .. ومن يعآف خوة آلذيب .. اعزم وتوكل .. آتفقو علآ المكان والعزبه وجيبت السلآح والرصآص .. وعدة المله >> آلمله .. صيدهم يدفنونه بريشه وبدون تمليح في المله .. اللي هي الرمل الحار اللي يكون تحت الجمرر .. وبعضهم يملحه ويلفه بقصدير ويدفنه بالجمر .. وبعضهم يتفنن فيه يتبله مع البصل والطماط والبهارات ويلفه بقصدير .. ولآ نضج وفتحوه تلقآه متحمرر ومعه مرقه تشرق بحلآتهآ ..
.. صقر ضبط المقناص علآ انه تصفيه للنفوس خاصه ان جو البر يساعد علي هآذآ .. عزم مآجد اخوه .. وبدر نسيبه بعد مآقالت له أنه راعي قنص وكان حمد عنده وعزمه بعد .. حمد وبدر لقوهآ فرصه يغيرون جوو .. واتصل بعقآب يخبره بخويآه ..
صقر .. ترآ معي خويآ مثلك وشروآك ..
ماسأل عقاب منهم .. يآهلآبهم .. الذيب مآيخآوي آلآ ذيآبه ..
.. بدر ..
.. حآول في منتهى يوم الملكه يآخذهآ معه خآصه ان بكره تمآمهآ .. بس رفضت .. تبي تقعد اسبوع بعد .. انقهر منهآ .. ووافق على عرض صقر علآ طوول ..
.. بدور .. انتقمت من خلود شر انتقآم .. سآسرتهآ وكأنهإ نست إللي سوته فيهآ .. ومسكتهآ بيدهآ .. تعالي شوفي فضآيح عريسك في غرفته قبل مايشيلهآ .. فضولهآ خلآهآ تمشي معهآ .. حآسه أنهآ بتلقى مصآيب بغرفته .. خذت راحتهآ بالغرفه بعد ما تأكدت أنهآ فادي طالع برا مع خويآه .. استأذنت بدور .. بجيب شاهي وآجي .. أتصلت بفآدي ..
وبخبآاثه .. فدوو تبي مدامتك ترآهآ بغرفتك .. يآتلحق يآمآتلحق ..
.. طلع فآدي بجوآله من آلمجلس وهمس .. انتي صآدقه .. قولي وآلله مو مقلب .. ترآ بلعن خيرك ان طلع سخآفة بنآات .. خلآص خلآص شوفي لي طررريق ..
.. قلبت عآليهآ سآفلهآ تدور شي يدينه مآلقت غير بكت دخآان .. جت بتطلع وشآفت الكومدينه آللي عند رآسه فتشتهآ بسرعه قبل لآتجي بدور وتفضحهآ .. سكرت آلدرج بسرعه .. ورجعت فتحته .. ضررف !!!!
.. آكيد صور بنآات !!
فتحته وشهقت !!
* * *
.. عقاب وخويه جآبر اخوه بسيآرته .. ويتبعه صقر وبجنبه مآجد .. وحمد وبدر في سيآرتهم ..
.. وصلو ونزلو آلعزبه .. تنفذ بدر ونزل الحطب من سيآرة عقاب عشآن يشب الضوو ..
وجآبر يملآ بريق القهوه مآء من تآنكي سيآرة عقاب .. >> تانكي خزان صغير للمآء غالبا يركب بالشاص أو بالجيوب ..
.. مآجد وحمد نزلو البنآدق والرصآص .. وهآلمره رغم هوشتهم آخره مره آلا ان عقآب ومآجد مآكرهو طلعتهم مع بعض للقنص ..
.. رآج بدر ينزل بندقه .. ورصآصه ..
وطآرت عيون مآجد .. بكم شآري ذآ البندق ؟؟
.. بدر .. ب16 آلف ..
.. مآجد .. مرخصه ..
.. بدر .. لي 6 شهور مرخصهآ ..
.. مآجد .. تبيع !!
.. بدر بابتسآمه .. بكم تحدهآ >> تسومهآ ..
.. مآجد .. راحت علي بثمآنيه ..
.. ضحك بدر .. ههههه انت مآسومتهآ اللي عآرف طيب اصلهآ .. هذي برآزيليه ونآدر تصديرهآ .. وجيبتهآ لي بوسآيط .. فوق هذآ جديده مآلهآ سنه معي ..
.. مآجد .. بزيدك الفين ..
.. بدر .. مآلك لوآا ..
.. مآجد .. وفوقهآ الفين ..
.. بدر بسعة صدر .. مآيخآرجني ..
.. مآجد نفذ صبره .. ب 15 ومآعندي غيرهآ ..
.. بدر .. فلوسك عندك وبندقي عندي ..
.. آنقهر مآجد .. بشتريهآ برآس مآلهآ ..
.. بدر .. هههه لو بيعهآ برآس مآلهآ مآشريتهآ ..
.. مآجد .. سوومهآ انت .. كم يخارجك فيهآ ..
.. بدر .. وقف لوتدبل لي سعرهآ مرتين وآلآ ثلآث مآبعتهآ .. مآشريتهآ عشآن ابيعهآ ..
.. آنقهرر مآجد حس أنه يستخف به .. يعني يجآريه بالسووم وهو مآعنده نيه يبيع !!
.. نزل عقاب شماغه وتلطم به .. فيه ضحكه وشمآته بس مآيبي يخرب طلعتهم .. وخاصه عند الاجنآب ..
.. همس لصقر .. نسيبك ذآ مغير يهآيط .. شآري ذآ البندق جخ بس .. يآذآك آني قنآاص .. بس بوريك فيه آلحضيري .. أن مآخليته يلقط بندقه وجيبه ويتوكل !!
.. زل عقاب قهوته فآلدله .. وقرب آلقدوع وجمعهم يتقهوون ..
" على القهوه "
.. سأل ماجد بدر عن خبرته فآلصيد .. وجآوبه بدر بس مآصدقه مآجد .. قآل يتحدآاه ..
.. بحط لك شبح ذآ ا لفنجآل .. وأن صدته هذي مني .. قآلهآ وهو يفتح بوكه ويطلع 500 ولك 3 محآولآت وأن بغيت زدتهآ خمس بس ترمي ببندقي .. آستغرب بدر بس مآهمه .. طلع هو بعد 500 وحطهآ فوقهآ .. ان خسرت فهي لك .. وأن كسبت فهي لي ..
.. شبح >> يعني هدف ترميه ..
.. طلعوو الباقين صقر وعقاب وحمد وجآبر كل واحد منهم على 500 وانتظرو التحدي باستمتاع ..
.. رآح مآجد يحط الشبح .. وصرخ عليه بدر .. آبعددده .. لأنه كان مقربه .. بعده ماجد بخبث وفي نفسه وده يضحك من ذلحين .
.. رجع مآجد يقعد علآ الفرشه بابتسآمه .. وبدر قام عشآن يرمي .. وعقآب وصقر متحمسين ودهم يشوفون دقته بالصيد .. وحمد متحمس لولد عمه .. وبدر مشى بثقه .. جلس ورفع بنظآرته الشمسيه شعرره ..
.. ثبت .. عآاير .. اطلق ..
.. شق سكون آلبر ضحكت مآجد ههههههههه وبشمآته ولآحتى بحولهآ ..
.. عقد حوآجبه بدر مستغرب !!
.. كسر آلبندق يتأكد .. رجعهآ .. وانتبه لوزنة آلبندق !!
.. كان مآجد مغير وزنتهآ عشآن تميل الرصآصه عن الشبح ..
.. ابتسم بدر .. آلخبيث .. يلعبهآ علآ من !!
.. عطآهم ظهره .. ووآزنهآ بحيث لاطلعت الفشقه تصيب هدفه ..
.. التفت لمآجد بآقي محآولتين هآاا ..
.. مآجد بنفخه .. هههههه لك أربع بعد !!
.. رجع بدر .. يثبت .. يعآير .. قطرآلهدف ثم اطلق طلقه .. رفع رآسه بعد مآشآ ف آلسمآنه طآرت من آلشجره آللي آلشبح حولهآ .. واطلق الرميه الثآلثه وطيح السمآنه من عآلي سمآهآ ..
.. ابتسم بثقه .. وقف ونزل نظآرته .. شآل السمآنه بيد .. وخذ كسره حآده من آلفنجآل وقطع بهآ رآس آلسمآنه بس خلآه معلق بجسدهآ .. قرب لهم ورمى السمآنه وآلفنجآل بدمه عند رجول مآجد ..
.. انكمش وجه مآجد وأحمر وجهه ورد باعجآاب وهو يجمع الدراهم ويمدهآ له .. تستآهلهآ يآبو سعود .. كفو كفوو ..
.. تعالت اصوآتهم .. كفوو كفوو ..
.. واكثر واحد انبسط وكأنه هو آللي صآيدهآ .. حمد !!
مد يده وخذهآ .. سحب آل 500 حقته ورجع آلبآقي .. كلن يآخذ حلآله .. آخذ بندقه وابعد عنهم شوي يصيد ..
.. على السآعه 5 المغرب .. ضبط صقر القرص .. وحمد وعقآب الشوي .. وبدر ضبط الشآهي على كيفه .. ومآجد يعآون ذآ شوي وذآك شوي .. وصآر يهتم لبدر .. بعضهم يحكم على الرجآل من خوته في المقنآص ..
.. سمروو .. سوآلف وعلوم رجآل .. وشيلآت وسآمري .. وشيلآت استهبآل من جآبرر .. وفعلآ نفوس صفت وارتاحت ..
.. تفرقو الساعه 10 عشآن دوآمآتهم .. آلآ عقآب اللي بيمسي واجبر جآبر من غير وده على الممسى ..
.. صقر كآن بآله مشغول وهم فالطريق .. مآيدري امه وش سوت وآلآ قالت لبتوول هي حسآسه وامه صلفه وحآره .. جتهم الظهر لأنهآ بتمسي عنده الليله .. ومن رجعت بتول من المدرسه وهي عندهم !!
[ آلبآرت الحآادي وآلثمآنوون ]
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك