رواية اعطني حريتي اطلق يديا -19
خصوصيآاته بس أنا منيب حآاطه في ذمتي الآ وآنآ مالين يدي منه ..
.. وأنآ مثل ماقلت ردوه أول مره .. هالحين أقولكم وافقو وانتم مغمضين .. وخلود حسبت أختي وبنت عمي وما أبي لهآا الآ الخير ..
.. حك أبو حمد عارضه بحيره ..
.. هو مقتنع بعد ماحطه بدر في وجهه .. بس يخبرها مآاتبيه .. هي ردته أول مره خطبهآا ..
¤ ¤ ¤
" جآابرر "
.. له أيام متوتر .. وبآاله مشغول .. ودايم يسرح ..
موضي .. علآمك ذا اليومين منتب أخو شمآ >> تقصد منت طبيعي ..
.. جآابر .. ناظرها بتأمل .. عقب عقد حواجبه .. وحاكآها بجد ورسميه ..
.. موضي قدنا بنطوف الخمس شهور وانتي ماحملتي ..
.. أخآافس مثل جوزآ أختس ماتحملين !!
.. تحس صدرهآا بيطق من الضيق من حكيه ..
.. حذفت آلكتيب آللي بيدها عند رجوله .. وقفت بعصبيه .. وحاكته بنفس جديته وبزعل ..
.. ألآ ورآ مآتقول أن آلعقم منك أنت وأخوك ؟؟
.. كان بيقولها ذا سالم قد عنده ورعآان .. بس عطته مقفآها ودخلت الحمام وأنهارت تبكي ..
مهوب عشان الحمل لأ .. عشان موقفه من الحمل .. حست أنه مستعد يتخلى عنهآ وألا يعرس عليهآا مثل إخوه .. مقابل يجي له ولد !!
¤ ¤ ¤
.. العشا يأذن .. وهي حاطه عصاهآ في أبطهآا وتفتح آلباب بالمفتآاح آلثاني السبير آللي كان عندهآا وصقر يجهز بيته .. دخلت وصكته ورآهآ .. عدلت عصآها .. ومشت شوي شوي لاتطلع عصآها صوت .. بتسمع لحكيهم ..
.. بتول .. لآبسه برمودآ اسود مع بدي آحمرر وشبشب فرو أحمرر ..
.. آرتفعت ضحكآتها من قلب ..
.. حآضنهآ صقر من ورآ وشابك يدهآ عكس بعض ..
.. صقر .. ههههه مسكتس وآلله مآخليس لين تحبيني وتعتذرين ..
.. بتوول .. هههههههه نوو وي .. مستحيل انت آللي بديت وتستاهل ..
.. انثنى وشآالهآ بيوريهآ شغلهآ ..
.. وأول مآارفع ضهره طآاحت عينه بعين أمه .. تفاجأ .. و نزل بتول بهدوء .. و استحى منهآ ومن بتول على دخلتها المفاجئه ..
.. بس بتول مافكت رقبته ..
.. صقوري ونآاسه شيلني بعد ..
.. حط يدينه على يديها يبعد عنه .. وقال عشان ينبههآ بعد ما استوعب .. هلآ يام صقر حيآاس ..
.. لفت بدلع وأهي تقول .. هههههه ألعب غيررر ..... وقطعت باقي كلآمهآ .. طالعت فيهآ منصدمه .. بعدهآ حطت رجلهآا لغرفتها قبل لآتسلم عليهآ وأنهآارت تبكي على سريرهآا ..
¤ ¤ ¤
.. فهد ..
.. تمغط بكسل وابتسآامه رغم آلنعآاس آللي لآزال مسيطر عليه .. فتحت عين وحده عشان مايطير آلنوم .. شآاف الساعه 3 لسآ بدري .. ابتسم بخبث للي نايمه على طرف السرير ولولآ البرد كان ماقربت لسريره أبد .. زحف بجبنهآ .. وهو يتحلف فيهآا .. هين يآام عزوز ..
.. ومآ أمدآه يستآانس آلا وعزوز يدق بآاب غرفتهم يبكي ..
.. يبه أمي مالقيتهآ .. اطلع دورهآ ..
.. فزت بخووف .. ورمت بيده بعصبيه بعيد عنهآا وقامت تحآاكي ولدهآا ..
.. لأول مرره يعصب من ولده من عرفه ..
.. سحب المفتآاح من تحت مخدته وأهي تشووف ..
.. أنقهررت لهآا سآاعه تدور مآلقته .. آخرتها حآاطه تحت مخدته كنه عجوز ..
.. عزوز ببرآاءه .. بابا ليش مآاخذ أمي تنآام عندك وأنا لآ ؟؟
.. رغم برآءة سؤآله آلآ أن وجههآ انصبغ أحمرر ولسآانهآا أنربط .. ومآاعرفت ترد ..
.. نزل فهد لمستوآاه يحآاكيه ..
.. عزوز بابا .. انت الحين رجال تنام لحالك .. مو بزر تنام مع مآامآ ..
.. ومآامآا خلآص تنآام عند بآابآ ..
.. جاوبه عزوز ببرآءه أكثرر ..
طيب أنت بزر عشان مآاما تنام معك ..
.. ضحك باحررآاج .. وطالعهآ ..
شافها تبتسم بخجل ..
.. ولدك ذآ نشبه .. مدري من طالع عليه ؟؟
.. ردت بثقه .. أكيد على أبووه ..
.. قرص عينه فيهآ .. ومسكهآ بيدهآ وهو يشوفها تبي تطلع ..
.. وجه كلآمه لولده بدون لايلتفت لهآا ..
// البارت الحآادي والستوون //
." سآلم "
.. أشرطي وعيوني لس ..
." جوزآ "
.. أول شرط .. لي ليله ولهآ ليله ..
.. سالم : مع أنه مآاودي .. بس بأمرس ..
.. ثآني شررط .. آتعآالج .. بأكبر مستشفى لين أحمل ،، لو أسافر برآا .. أنا بريت حلفك علي أني مآتعالج من وراك .. بس يوم جالك ظنا آنا بعد أبي ..
.. فقد أعصآابه .. وبدون مايحس بنفسه وقف ورفع صوته عليهآا .. ذا السيره أقطعيهآا .. قلتلس مليون مره .. مافيس آلا العآافيه .. بس كثرة تفكيرس بالحمل هي آللي خلته مآايصيرر ..
.. قابلته وآقفه .. هآاه يوم جآا لك عيآال مآعاد هميتك أنا .. وقبل تنشب في حلقي عشان أعآالج .. هذي أنانيه يآاسآالم ..
.. والله والله آللي خلقني وخلقك أن ماوافقت على شرطي ذا .. ورحنا الصبح لمستشفى أتعالج والله أن ذآ آخر مآابيني وبينك .. انت في درب وأنا في درب ..
.. رجليه مآاشالته .. قعد على طرف السرير بثقله ..
.. خلآص آللي قدر يخشه عنهآا ست اسنين جآا اليوم اللي بينكشف فيه ..
.. نزل راسه .. وتغير لون وجهه .. ولمعت الدمعه في عينه .. واطرآافه بدت تهتز ابتوترر ..
.. لآحظت تبدل وضعه .. قعدت جنبه تعاتبه .. لذي الدرجه مآتبي مني صيب !!
.. لذي الدرجه ماودك أتعالج !!
.. ورآاك ؟؟
.. بلآك الدراهم وآلا الروحات وآلا وش قصدك ؟؟ أحترت معك ؟؟
.. جوزا انتي [ عآاقر .. عقيم .. مايجي لس عيآال ] .. كلمآاته حستها مطرقه على رآسهآا .. رنت بقوه فيه وافقدتها وعيهآا .. وخرت بين ايديه كنها خرقه يقلبهآا كيف مآايبي ..
¤ ¤ ¤
" نوره "
.. من طلعو من المستشفى وهو ساكت مانطق بحررف .. وحتى حمود ولده مآاناظر فيه ..
.. شآافته مسك الطريق السريع .. ومتوجه للريآاض .. طآارت من آلفرحه .. آكيد مسويهآا لها مفاجئه .. هي قايله له قبل خل نترك الديره وأهلك ونسكن بالرياض ..
.. ماسألته وين بيروحون .. ماتبي تخرب عليه مفاجئته .. وخفق قلبهآ أكثرر .. وحست برعشه في اطرافها وظهرهآا من شآافته يدخل حآارة أهلهآا .. معقول أبوي سامحني .. وقاله يجيبنني أتنفس عندهم ؟؟
.. قاطع تفكيرهآا .. نوره انزلي .. وذي ورقة طلآقك .. واللي بيني وبينك انتهى .. والولد خوذيه معك .. واعتبريني متنازل عنه ..
.. ذرفت دموع الحسره والحزن والندم والخوف ..
.. حست بغلطتها .. وحس بغلطته .. بس احساسهم تأخرر .. وتصحيح وضعهم تأخرر .. تأخرر كثيرر ..
.. طلع خسرآان من هآالخطيه .. بس هي خسرت أكثرر .. نفسها .. أهلها .. احترام الناس لها ..
.. ذلت نفسها وترجته ..
.. تكفى عبدالله .. أبوي بيذبحني أن شافني وبعد معي ولد ؟؟
.. وألا بيمووت من حسرته ..
.. رجعني .. وأوعدك ماأتمشكل مع أهلك لو يوكلوني التبن بس رجعني ..
.. جاوبها بكلمه " انزززلي " ..
.. رجعت ترجآاه .. طيب اعتبرني شغاله عندك .. وانت تزوج وسو اللي تبي بس لاترجعني لأهلي ..
.. مسح بكرآامتهآ الأرض .. ذلهآا .. وأهآنهآا .. ترجاه وتبوس يده .. وآخرتها صررخ فيهآا ..
.. تنزلين وألا اسحبك وارميك في الشاررع ..
.. نزلت براس منكس في الأرض .. و ذل ومهانه .. ودموع تصب بألم .. رآحت وحدها .. ورجعت بطفل معهآ .. دقت الباب بيد تنتفض خوف وخجل وحزن .. وصرير كفرات سيىرته صمت أذانهآا من سرعتهآا ..
[ ومن هآانت عليه نفسه .. هآان علآ آلنآاس ]
¤ ¤ ¤
.. دخل البيت حده تعبان وطفشان .. فاجئته .. وهي تعلق برقبته وتبوس خده .. دودي .. بداوم بكره .. التوجيه كلموني عشان آخذ خطاب المباشرره .. واروح لمندوبية الحصآاه ..
.. فرح لفرحتهآا .. مع أنه شآايل هم دوآمهآا أكثرر منهآا ..
.. صقر .. أحتار بين أمه وزوجته .. مآايبي يزعل زوجته .. ولآيقدر ينتقد أمه ويهآاوشهآا ..
.. الله يحيي أم صقر .. لو أنس معلمتنآا أنس ابتجين كآان ولمنآ قهوتس .. كآان يبي يحسسهآ بأن اللي سوته مآجاز له بدون لآيحرجها ..
.. ام صقر .. مدت رجليهآا وهي قاعده .. نسفت برقعها فوق راسهآا .. وتحآكت ..
.. أني داريتن يوم أن رجلك خفت عن جيتي أن الحضريه قالبتن رآسك .. اجل ذي هديمآات مسلمين ؟؟
.. وذي سوآيآ عرب .. شايلها كنهآ ورعن يرضع توه ؟؟
.. الله لايغضب علينا بس .. ويستر علينا .. الستر زين ..
.. انحررج صقرر .. يآميمتي أنا رجآلها .. ومآافيه باس لآلبست ذا اللبس وألا غيره قدامي .. وأنا ....
.. طنشت حكيه .. تسمع اللي تبي وتطنش اللي تبي .. ذلحين مهيب جايتن تسلم علي ؟؟
.. ضآاق صدره .. أكيد قاعده تبكي ذلحين ..
.. أفآا الأ بتجي تسلم .. بس بتغير ثيابها وتجي .. بقوم استعجلها ..
.. دافته راسها في المخده وتبكي .. انعصر قلبه .. يدري معها حق .. بس وضعه صعب .. لو أحد غير أمه كان علمه كيف الأدب .. بس أمه !!
.. تنهد .. ورفع رآسهآا ودفنه في صدره .. وزاد بكآهآ .. همس في أذنهآا بحررج ..
توته امسحيهآا في وجهي ذا المرره .. وقومي معي .. أمي تبي تسلم عليك .. تكفين لآتحرجيني .. قومي وبعدين نتفاهم ..
.. هدا بكآهآ بس مآاردت ..
بعدها عنه ورفع وجههآا بطرف اصبعه .. تدرين أنس شينه لابكيتي .. وشكلي أبخذ لي وحده ماتبكي عشان ماآتروع من وجههآ لاشفتهآ باكيه ..
.. بعدت يده .. وبلحظه وقفت دموعها وتوعدته .. سوهآ وشوف وش بسوي بك ..
.. ابتسم .. هآااه وش بتسوين يآخطيرره ..
.. رجعت دموعها تصب .. وجاوبته وهو تناشق .. ببكي بس !!
.. ضحك من قلب .. هههههههههههههههههههه .. وبس هذي جودآس ؟؟
.. يحب زعلهآا .. ويحب رضآاهآ ..
.. زعلها طفولي .. ورضآاها دلع ..
.. قرص خدها .. طيب قومي قبل لا أسويها وأخليس تبكين ههههههه ..
.. صوت ضحكهم وصل لام صقرر .. طلع هو .. وهي قامت تبدل وتحط ميك أب ..
.. وبعد ماطلعت لهم .. نغزتها ام صقر على تأخيرهآ .. جآاني الرقاد وأنا احتريس ..
¤ ¤ ¤
.. جابر ..
.. عآادة الرجل أذا اخطأ في حق زوجته مايعتذر بشكل مباشر .. يعتذر بطريقه عمليه .. وقليل من يتلفظ بالاعتذار بلسآانه ..
.. دخل وبيده طآاسة لبن وحافظت قرص جآايبهآ من أهله .. صوت لهآا ..
.. مضيييييووي .. مضييييووي .. مضوآا .. مضآااوي ..
.. من طريقته وهو يناديهآا عرفت أنه يبي يراضيهآا .. بس قررت ماترضا بسرعه .. خله يحس بخطآاه ..
.. جته تمشي بهوون .. وردت بثقل .. خير .. وش تبي ..
.. قرب لها وهو يهمس بمزح ولفظه جآاد عشان يطيح الحطب ..
خوذي .. جبت لي أنآ ويآس المنشط حق عقآاب .. نقحنه آلليله .. والصبح نروح نحلل .. وأتشوفين أن ماجا فيس تووم >> توأم ..
.. نست توعدها لنفسها بالثقل وأنهآا ماترضا بسرعه ..
موضي .. هههههههههه عز الله ماعين خير عقاب من عينك .. ياورعه ذا بيجي فيه سته وستين عله .. هذا أن كتب له ربي يثبت ومايتزحلق قبل حله من عيونك ..
.. نزل اللبن .. وفتح الحافظه وهي في يده .. خذ له لقمه .. ودسها في فمها .. بسم الله .. الحبه الأوله .. باقي الشراب >> يقصد الحليب ..
.. طاح الحطب .. وكلوو المنشط على قولته .. وارتاح بعد ماشافها مسفهله ..
// البارت الثاني والستوون //
" نوره "
.. فتحت لها الباب أختها الصغيره .. دخلت وهي منزله رآسهآا .. والولد بيدهآا .. وغطآها ماكشفته ..
.. رفعت طرفها بهدوء .. وجمدت مكانهآا من شآافت أمها وأبوهآ يتقهوون في الحوش .. .. تحس يديها صارت ثلجه .. شدت أكثرر على ولدهآا لايطيح منهآ ..
.. أقبلت أمها وهي ترفع طرف شيلتهآ وتغطي به فمهآ وخشمها .. أستغربت مظهرهآ .. عبايتها مهيب عباية شحاده .. جاوبتهآا ..
.. الله يعطينآ ويعطيك .. حآلنآا أردى من حآلك ..
.. همس أبوها في أذن امهآ بعد ماقرب لهم .. وهمسه خرق أذنهآ ..
.. لاتردين السائل يام منيره .. وطلع من بوكه 10 ريال ومدهآ لهآ ..
.. كلمته " أم منيره " جرحتها أكثر من أنهم يحسبونها شحاده .. نسوو نوره !!
.. خلاص .. صارو أبو منيره وأم منيره بعد ماكانو .. ابو نوره وأم نوره !!
.. خذلتها رجولهآ عن شيلهآ .. ويدهآ أرتخت .. جثت على ركبهآا تحت نظرهم .. ونزلت ولدها في الأرض .. وكشفت غطآهآا !! !!
¤ ¤ ¤
." خلود "
.. بالعآاده .. سعود وألا محمد أخوانهآ هم من يجيبونها من الجامعه .. وفي حالات نادره أبوهآ .. أذا كان عند أخوانهآ اختبارات ..
.. وقف عند باب البيت .. ومسكها أبو حمد قبل لاتنزل .. دق قلبها .. وزادت حرارة جسمها رغم برودة الجوو .. أحساسها يقول أنه عريس جديد ..
.. ابو حمد .. خلود انتي أكيد ماعندك شك بأن مافيه أعز وأغلى منك انت واخوانك على قلبي .. وأن أبي لكم تكونون أحسن الناس .. وابي لكم الزين ...
.. استغربت حكيه .. ماتدري وش منآسبته .. وودها يعجل بموضوعه ..
.. كمل .. بدر يوم خطب عندنا فادي قالنا ردوه لاتوافقون رغم أنه أخوه ويسفطه بالخيرر .. وأمس جآاني يخطب له بنفسه .. وحاطه في وجهه .. يقول لو أني ماشوفه كفو كان ماجيت أخطب له .. وأنا ....
.. قاطعته خلود .. انت عارف رأيي في فادي .. ولاني مغيرته أبد .. لو بعد مية سنه ..
.. ابو حمد مسك يدهآا .. ولو عشان خاطر أبووك ؟؟
.. أنا مآاقد طلبتك شي أبد .. وهذي طلبي الأول والأخير .. أن وافقتي كسبتي رضآاي وشريتي خاطر أبوك ..
.. وأن رفضتي حقك .. مآقدر اجبرك على شي .. وأنا من وانتم صغار ماقد غصبتكم على شي .. ومابي اجي بآاخر عمري اجبرركم ..
.. يدري أنهآا بعد حكيه ماراح ترفض .. هو يدري اساسا أنهآ مستحيل توافق عليه .. بس هو قرر يخيرها وبنفس الوقت يجبرها بدون لاتحس أنهآ مجبره .. بدليل أنه ترك لهآ الخيار .. وطلبه من ضمن الخيارات اللي متأكد أنهآ ماراح تررده .. قسا عليهآ .. وحصرهآ في دائره مغلقه .. بس كله لمصلحتها اللي في نظر أبوهآ قاصره عن معرفتهآ ..
.. هآاه وش قلتي ؟؟
.. خلود .. مسكها باليد اللي توجعهآ .. تشتري خاطرره بآلدنيآا ومآفيهآ ولو على سبيل تعاستهآ طول عمررهآ ..
.. هزت راسهآ .. موآفقه وخاطرك أحط روحي فدآ له .. تبي تحسسه أن موافقتها بتكون تعاسه لها لعله يتراجع ..
.. فهم قصدها أبوهآ وطنش .. وبآاس راسهآا .. هذي هقوتي فيك ..
.. طلع جواله يبلغ بدر بالموافقه .. ويعجلون بالملكه قبل ترآاجع ..
.. وهي نزلت وفي راسهآا نقطة أمل في أن الموضوع يتفرركش ..
.. جلست بعبايتها على السرير .. وفتحت شنطتهآ .. وقلبت عآليهآ سافلهآ وهي تكب أغرآضهآ عشان تطلع جوآلهآ ..
.. .. ارسلت رساله لمنتهى .. ارسلي رقم فادي ضروري ..
.. استغربت منتهى .. ارسلته وبعدهآ دقت عشان تشوف أشتبي فيه أختهآا .. بس عطتهآا مشغول .. وأهي أنشغلت ببدر آللي ضحكته من هنآ لهنآاك .. تبي تعرف سر هالبسطه المفاجئه ..
" فادي "
.. دقت رساله بجوآاله .. وقبل لآيفتحهآا جآاه أتصآال بدر وأهو يضحك ومتشقق .. ومنتهى بجنبه تحرقص تبي تعرف شسآالفه ..
.. بدر .. يآالله يآالدووب .. أيدك ع البشاره ..
.. فادي اللي مادرى عن روحة بدر لعمه .. ولآ درى أن يسعى في موضوعه .. ظنه نسآاه .. ومآجا في بآله سآلفة زواجه أبد .. لأنه مستبعدهآ .. سأله :
.. أبشرر والله .. نزلي وظيفه ؟؟
.. بدر .. ههههههههه .. أظنهآ بالنسبه لك فرحتهآ أكبرر من الوظيفه ..
.... كشر بوجهه يتذكرر .. وش عنده مهم .. وظيفته وزواجه بس ..
.. دق قلبه بأمل بسيط .. بس مآحب يطلع منكسر قدام بدر لو طلع مو هو اللي يفكرر فيه ..
.. سأله بقل صبرر .. بدر بلآحركآات بزارين .. قلي بسرعه .. طفشت ترآا ..
.. بدر .. هههههه من يومك عجوول .. والصبر بالشرق وانت بالغررب ..
.. صررخ فيه .. صبره نفذ .. وذآ قاعد يتفلسف عليه .. بدرررررر ورب البيت لاجيك ابيتك ألحين وتشوف الشغل .. بتقولي وألأ اشلوون ..
.. بدر بعد مآاحررق دمه ..
هههههه ام لسآان وافقت .. وبتملوون البيت ملآآاسين ..
.. شهق .. وافقت !!
.. أحلف أنك مآتكذب علي ..
.. بدر يتصنع الغضب .. أتخسى أنا ابشرك وانت تقول تكذب !!
.. الله يعينآا على الدرر آللي بتجيبوون .. يآالله تعال لبيتي .. ابوي ومحمد بيتغدون عندي عشان نتفق علآ كل شي ..
.. فادي .. فورريره .. طيران وأنا عندك .. سكرر منه .. واتصل بابوه يبي يبشرره ..
.. شاف الرساله .. وتذكر أنه نسا يفتحهآا ..
[ فادي كف شررك عني .. أنا وافقت عشان خاطر ابوي .. وانت ارفض وألا ترا بتندم بطين عيشتك .. وأقرفك في نفسك .. حذرتك تراا .. ]
المرسل : ام لسآان ..
.. باس الجوآال .. وردعليهآ ..
[ وآنآ بعد بوافق عشان خاطر عمي .. مو عشآانك .. مبروك لسونتي مقدمآا .. الله يرزقنا بالذريه الصآالحه على شاكلتي وشاكلتك ]
.. يدري الأمبيرر عندهآ الحين واصل حده .. عكسه هو .. آاخرر روقآان ..
.. رمت الجوآال بقهرر ..
زفت .. زفت .. أوريك أن مآخليتك تلآحق القطاوه بالشارع مآ أكون أم لسآان ..
.. دقت على جوال جابرر مقفل ..
.. وسالم تدري أنه اليوم عنده استلآم ..
.. دقت على عقاب .. وكان جوآله على الصآامت .. بس نوف آللي مابعد رقدت .. شآفته شآشته تشرر .. قربت ورفعته .. شافت اسم " ام بشرى " استغربت الساعه ذلحين 3 الفجرر !!
أكيد عندهآ علم !!
.. ردت وهي توطي صوتهآ لآيقوم عقآاب .. هلآ وضحى .. عسى مآشرر ؟؟ أربس بخيرر ؟؟
.. وضحى .. تكفين يانوف .. قومي عقاب يوديني المستشفى .. الطلق أشتد علي .. وماعآاد أقدر أتحمله .. وتعالي معه .. مآبي أمي تدري وترتاع ..
.. انخبص قلب نوف .. ماعمرهآ شافت أحد يطلق والا يتولد ..
صحت عقاب وطلعوو لوضحى ..
.. بعد صلآة .. دخل مآاجد على أمه .. حب راسهآ وقعد جنبهآا .. ابشرس ياام صقرر .. خطبت وعطوني .. وذا الليل ملآكي ..
ام صقرر .. على البرركه .. جعله سعيد ومبآارك .. وابشرر لك ببنيه ..
تبدل لون وجهه .. متى ؟؟
.. ام صقرر .. بشرتنا نوف اختك عقب صلآة الفجرر ..
.. ماجد بغضب .. الصبح ولآحدن قالي !!
.. توني أدري .. ولو أني مآا جيتس كان مآادريت ..
.. ام صقر .. كان راضيتهآ عشان تضف بنيآتك هالمهيتات لآ والي ولآ تالي .. لو أن خالتهن ماتنتبه لهن كان ماتدري وش جرآ لهن ..
.. رد أمهن .. واعررس .. محدن رادك ..
.. العصر بروح لها أزاورهآ وأشووف ..
// انتهى البارت //
// آلباارت الثآالث وآلستوون //
.. بتوول ..
.. رجعت تبكي بعد مآطلعت منهآا ام صقرر ،، صقرر كان بقمة احرآاجه وحيرته .. بأيش رآاح يرآاضيهآا ؟؟
.. بيقوول هذي آخرر مرره .. وهو يعرف أمه ومآيضمن تسويهآ مره ثآانيه .. وألآ بويش يرضيهآا ..
.. رفع رآاسهآ .. وسحب يديهآ اللي غطت فيهم وجههآ .. قلبي مدري كيف اعتذر لس .. بس هذي أمي مهمآ سوت .. مقدر انتقدهآ وأقولهآا لآتسوين كذآ مرتن ثآانيه .. وآلله لسآاني يعجز ينطقهآا .. وانتي خبرس في العجيزات عآاد .. أمسحيهآا بوجهي .. وتحمليهآا عشآان خآاطرري ..
.. رفعت خشمهآ بزعل .. ومسحت دموعهآ بقفى كفهآا ..
.. أوكي .. هآلمرره بعديهآا عشان خاطرك .. بس .. تغير كيلون آلباب ..
.. مو معقول تدخل علينا بأي وقت ومآندري آلا وأهي فوق روسنآا ..
.. تخيل لو دخلت علينآ وأنا بالشورت يرضيك !! !!
.. وآلا وأنآ مآخذين راحتنا بحركآتنآ !! ..
.. صقرر .. توت مآقدر أغير الكيلون وهي معهآ مفتاح .. شينه بحقهآا وحقي .. كني أقول لهآ لآعآاد تجين ..
.. لكن عندي لي لس رآي ..
.. حنآ مآعآد نقعد ألا وحنآ قافلين البآاب الداخلي حق البيت .. وبآب الحوش بكيفهآ تفتحه متى بغت .. وبكذآ مآتدخل علينآ ألآ وحنآ دآارين ..
.. مآلهآ ألآ ترضى بهآلحل .. وزادت غلآته بقلبهآ من شآفت احترآمه وتقديره لأمه رغم شدتهآا .. وقدرت له هآلشي .. ولو وحده غيرهآ شيشته على أمه ..
.. حبت تغير نفسيته آلمتكدره ..
.. قطت نفسهآا بدون سآابق أنذآر في حضنه .. وابتسمت له .. وآنآ مآ رآح أرضى ألآ لمن تعشيني برآ .. وغمزت له .. تخبرر توته مآاتحب تفوت حآاجه بدون لآتستفيد منهآ ..
.. مآاتدري ابتسآامتهآ وضحكتهآ وغمزتهآا آشسوت فيه .. بدلت نفسيته في ثوآني .. وقلبت مزآاجه .. ضحك ههههههه وشآلهآا ونزلهآ عند دولآبهم .. غيري ملآبسس يآلاستغلآليه وألحقيني على السيآاره ..
¤ ¤ ¤
.. آبو نوره ..
.. اطلعي برا بيتي .. اللي طلعت منه بدون شوري .. مآعاد لهآ قعده فيه .. اطلعي قبل مآ استاثم فيك وفي هآلبلوه آللي معك ..
.. تعرف حنان أبوهآ .. وقلبه الرحوم .. وأنه مهمآ قسآ فقلبه مايتحمل آلقسووه ..
.. نوره .. يبه أنا تزوجت بعقد شرعي .. والشيخ وكيلي .. وعبدالله طلقني .. وطردني أنا وولده ..
وين أروح بالشارع للي مآيخآاف ربه .. وولدي مامعي لو ريال اجيب له حفاظ .. ولآ حليب .. وأنآ هلكآانه من آلجووع .. والشيطان أغراني وأنا نآادمه .. تكفى يبه سآامحني .. سآامحني ..
.. عطاهآ قفآاه .. بعد مآاخذلته دمعته .. قلبه مآيسطي في بنيآاته مهمآا حآاول يدعي العكس ..
.. ام منيره .. خوذي بنتك ووديهآ للغرفه آللي بالملحق .. وأكلهآ وشربهآ ياصلهآ بمكآانهآ .. ووآلله وآلله أن شفتهآ هي وآلا ولدهآ مشبرين خطووه وحده برا الملحق لأفرغ الرشاش في روسهم اثنينهم .. تركهم ودخل غرفته يجرر أحزآانه وذله وكسرة نفسه ..
.. تحركت أم نوره آللي كآنت مثل آلصنم مآاتحركت ولآنطقت بحررف .. من عرفت أنهآ بنتهآ ..
.. ضمتهآا بقووه .. ودفنت رآس بنتهآ في صدرهآا .. وشآاهقت بالبكي .. مآحلمت بشوفتهآا .. كآان ودهآا تشوفهآ لو مره قبل مآاتمووت .. ولو من بعيد ..
.. نزلت وشآالت ولدهآ .. وتفطرر قلبهآ وهي تشوف يلآاحق خدهآ يبي يررضع .. جووعآان .. ولمآا يأس أنه يروي جوعه انفجرر يبكي .. ضمتهآا بقووه لصدرهآا .. وانفجرت مثله تبكي .. وشآاركتهم نوره آلبكي ..
.. سحبتهآا أمهآ للملحق .. خوذي رضعيه وبروح اجيب لك شي دآافي تآكلينه .. هزت رآسهآا .. الجوع ذبحهآا .. وبطنهآا بدآا يقرقرر ..
¤ ¤ ¤
" فآادي "
.. رفع ظهره وتقدم .. باعترآاض .. يبه وش الخميس آلجآاي !!
.. آخآاف يجي أحد يحسفهآ .. ويفرر رآسهآا ويغير رآيهآا ..
.. أيدوه محمد وبدر .. وقآلوو خير آلبرر عآاجله ..
.. أبو بدر .. خلآص بكلم أخوي وأشوف وش ينآاسبه .. وأن قال الخميس الخميس ..
.. بدر .. وانت حلل بكره تحاليل الزواج عشان تكون جاهزه لابغيت تملك ..
.. حك ذقنه باحرآج .. وتحاليلهآ !!
.. يعرفهآا نذله .. يمكن تستلكع وتعطل زوآجهم بحجة هآلتحآاليل ..
.. بدر .. تحآاليلهآ أزهلهآ .. بكره بآاخذهآ مع منتهى وتحلل .. والنيجه بدبرهآا تطلع بسرعه ..
.. وقف أبو بدر وهو يقول توكلنآ على الله .. لآتنسون قهوتنآ المغرب في بيت إخوي ..
¤ ¤ ¤
.. بدر ..
.. طلعوو أخوآنه وأبوه .. ودخل يشوفهآا .. قآلهآا بيجيب الغدآ من برآا عشان يريحهآا بس رفضت ..
.. متمدده ع الكنبه .. وتدلك آسفل ظهرهآا بيدهآا ..
.. شآافته واستعدلت جآلسه .. جلس بجنبهآ وأهو يطووقهآا .. بآاس رآسهآا .. يعطيك آلعآافيه على الغدو الحلووه .. وحط يده على بطنهآا .. عسى مآاتعبنآا سعودي وأمه ؟؟
." آلمرأه بكلمتين حلوين من الرجل كمشاركه وجدانيه لتعبهآ تنسيهآ التعب كله .. ويجدد نشآاطهآ " ..
.. ردت بدلع .. أشوويه .. وحطت يدهآا على يده .. بس الحين مآاعآاد فيه .. بس هآاه آليوم نآام بدري عشآن دوآامي بكرره ..
.. مآاجد .. دخل على وضحى .. طق البآاب وقآلو له خوآاتهآ ينتظر شوي لين يتغطون ..
.. لفت طرحتهآا مثلهم .. ولبست برقعهآا .. وخذت شرشفهآ وحطته على كتوفهآا .. أأذنو له ودخل ..
.. مآاجد سلم وهو دآاخل .. وسحب الكرسي وجلس قبآلهآا ..
.. على البركه .. الله يصلحهآ ويجعلهآا عبدتن صآالحه ..
.. مازادت عن قولهآا " الله يبارك فيك "
.. سحبهآ من جنب أمهآا وهو يقول سميتيهآا ؟؟
.. وضحى .. عقآاب آللي ودآاني يوم أظني وقلت له وآلله محدن يسميهآ غيررك .. وسمآاهآ نووف ..
.. هز رآسه موآفقهآا .. تستآاهل النوفي .. ونزل رآسه يبوسهآا في كل مكآان بوجههآ ويديهآ ..
.. بالرغم من شدته .. وأنه بيموت ويجي له ولد .. آلآ أنه يمووت في بنآاته ومآايدآاني عليهن شي .. وفي الموآليد خآاصه .. طآاح عقآله على وجه بنته وهو يبوسهآا .. بكت بشده .. وهو مآات ضحك عليهآا .. ههههههه يآقلب أبووهآا .. ضمهآ لصدره يسمي عليهآا ..
.. اوجعهآا قلبهآا .. من حنآانه لبنآاته .. وقسآاه عليهآا .. حتى أنهآا أحيآان لآبغت منه شي .. ترسل بنتهآا بشرى تطلبه منه .. لأنهآا عآارفه أنه مهوب رآدهآا ..
.. ودهآ تسأله عن بنيآتهآا بس عقآاب محذرهآ ومتوعدهآا أنهآ ماتسأله .. تاخذ أخبارهم من هوويآ أختهآا ..
.. انسحبوو خوآاتهآا وسكروآ البآاب ورآهم ..
.. أول مآسمع صفقة آلبآاب .. مسك يدهآا .. بنآاتس قطعوو قلبي يسألن عنس .. وكل ليله يبكن يبنس .. متى تعودين لبيتس وبنآاتس ؟؟
.. مآيبي يعلمهآا بعرسه لين تجي بيته .. عشان يرضيهآ وتقعد عن بنآاته ..
.. سحبت يدهآا من يده .. وقآالت له آللي وصآهآ عليه عقآاب أخووهآا ..
.. تفاهم مع عقآاب مهووب معي .. وآللي يقوله عقآاب بسويه ..
// آلبآارت آلرآابع وآلستوون //
.. .. مآنآامت .. شآايله هم دوآامهآا .. سشورت شعرهآا .. ولبست تنورة حمل سودآ مفتوحه من آلجوآنب .. مع بووت اسود لفوق الكعب بشوي .. وبلوزه بينك محدده عند قصة الصدر بشريطه من المخمل تربط من ورآا .. ضبطت قبعتهآا المخمل ولبست نظآارتهآ الشمسيه ووقفت قبآل المرآيه تشووف شكلهآا .. ابتسمت لنفسهآا بثقه .. وميلت كتفهآا بدلع .. تؤبررني هآلطلللي ..
.. ضحك بدر آللي كآان يرآقبهآا .. ههههه حلووه آلثقه على هآلصبآح ..
وونزل من السرير .. عشان يآخذ له شور ويصلي ..
.. شآالت آلقبعه .. ورفعت شعرهآ بنظآارتهآا .. تخصرت وميلت وقفتهآا .. خيرر آستآاذ بدر .. عندك شك !!
.. قرب لهآا وشآال نظآارتهآ وانتثرر شعرهآا .. أبدآ لو وآحد بالميه ..
.. احمرت خدودهآ .. وابتسمت بثقه أكبرر .. يكفيهآ شهآادته ..
.. لبس وتعطرر .. فتح دولآبه .. وطلع مسدسه الصغير من تحت ملآبسه وحطه بشرآبته .. أتصل بفآادي أخووه آللي كآان حاط عنده خبرر من أمس أنه يبيه يخاويه لمدرسة منتهى .. ديره مآايعرف عن أهلهآا شي .. لآزم يآاخذ احتيآاطآاته .. بدل جيبه بجيب عمه ..
.. سحب علبة الميك آب من يدهآا .. وآلله مآاتحطين لو كحل .. انقهررت منه .. فسرته أنه تحكم بخصوصيآاتهآ .. وأهو مآاهمه زعلهآ قد سلآمتهآا .. من يشوفهآا رآيحه لمكآان يشك أنهآ بتنحسد ..
.. عوذهآا ونفث عليهآا .. زفرت بطفش .. أوووف لآتفل علي ..
.. بدر .. هههههه آلله يسكنهم مسآكنهم .. معصبين علينآا الأجوآد ..
.. دفته عنهآ ورآحت تطلع سلة آلقهوه وآلشآي عشان يركبهآا ..
¤ ¤ ¤
" بتوول "
.. دخلت مع صقرر .. ومعهآا ورد وصينية شوكليت بآاتشي .. سلمت وبآاركت .. وآلتفتت تبآارك لأم صقرر .. وصقر بارك لمرت أخوه وأمه ..
.. ام صقرر .. وانت متى بنشووف ضنآاك .. وآلا الحضريه مآتبآ ذلحين .. وآلآ مآفيهآ نمى !!
.. انقلب وجه بتول فجأه .. وأحمررر ..
.. ورد صقرر .. يجيب الله خيرر يام صقرر .. وذي موضي وجابر سابقينآ ولآ بعد شفنآا شي ..
.. مآ أعجبهآا رده .. طنشته وقامت تستغفر باصآابعهآ ..
.. نآظرت وضحى في بتوول وشىفت لمعة آلدموع آللي تآاول تحبسهآا .. تنهدت .. وبخآاطرهآ .. آلله يعينس على شين بيجيس يآابتوول .. تووس وتو الخير مقبل .. مآبعد شفتي شي ..
.. انتهت الزيآاره وانهى عقاب اجرآءت خروج وضحى ..
.. في سيآارة عقآاب ..
.. وضحى ورى .. ونوف قدآام .. وبحضنهآا نووف الصغيرره .. مد يده ومسح على رآس الصغيره .. وتآاهت يده وهو يدور يدهآا من تحت مفرش البنيه .. وأول مآمسك طرف اصبعهآا الصغير سكر عليه في رآاحة يده .. حآاولت تسحبه مآاقدرت .. ناظرته تبي تنبهه لوضحى كانه نسآهآ .. طنش نظرآتهآ وهو يركز نظره لقدآم .. وتكلم ..
.. عقبال مآنطلعس نوويفتي عقب خمس شهور من هآلمستشفى وورعس بحظنس .. سكتت ماردت ..
.. وبداخلهآا أمنت بقلب .. أحساس الأمومه رهيب .. تمووت الأنثى وتجآاهد عشآان تحس فيه ..
¤ ¤ ¤
.. خلود .. يبه أنآ مشغووله مرره مقدر أروح .. لآفضيت جيت أقولك ..
.. أبوحمد .. منيب معطلك .. نص سآاعه وأرجعك .. ومآعطآهآ فرصه تعآارضه .. أنا في السيآاره أحترريك ..
.. لأنه أتفق مع أخوآنه أنه أول ماتطلع نتآايج التحليل يملكون ..
.. وبقهرر .. رجفت الطاوله الصغيره برجلهآا .. يآارب مآاتوآافق تحآاليلنآا .. هذآ آخرر آمل لهآا ..
¤ ¤ ¤
جآابرر .. موووضي .. مضووآااي ..
جت ترركض له .. وشآافت يديه فآاضيه .. نآاظرت حوله وحوآليه مآشآافت شي .. جعلك آلقووم .. جيتك فآازعه أحسبهآا طويست آلحليبه وآلقريص مثل أمس ..
جآابرر .. هههههههه .. آلقريص آلله لآيهينس قومي سويه .. وطويسة آلحليبه باتصل بعقآاب يرسلنآا .. ذبحته آلحليبه .. وقضى منهآ وش عآاد يبي بهآا ..
موضى .. ههههه أذكر ربك يآرجآال .. الظاهر آني بخش لقيمتي عنك لآقدني آكل عيشه ..
.. جآابرر .. هههههه يقولون آلرجآل مايعين حرمته وآلآ كان قدس شآات أمس >> يقصد ميته ..
¤ ¤ ¤
.. منى .. صدمه مآاتوقعتهآ .. المآده آللي مآخفت منهآ هي آللي رسبت فيهآا " نحوو " ؟؟
.. آنآ وآثقه من اجابتي ..
قالي فهد أنه بيراجعهم ويتأكد .. وهذآ اللي طمني ..
.. فهد .. تجاوزت صدمتهآا برسوبهآا .. وصدمتهآ مره ثآانيه بطلبي ..
.. منى آبي أخو وألآ أخت لعزوز .. آنآ صبررت بمآا فيه آلكفآايه .. وأظن طلبي منطقي .. مآادري ليش فضلت آلهرب بعد طلبي هذآ وطلعت من الشقه .. يمكن خفت تذكررني بالمآاضي .. وتجرحني ..
// آلبآارت آلخآامس وآلستوون //
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك