رواية عذبتني باسباب فرقاك -9
بصراخها المعتاد ألو .. مريوم .. وينج ياحماره .. عيزنا واحنا نتصللج
علي مبعد التلفون عن اذنه ومو قادر على صوتها وصراخها صباح الخير ..
ساره ................... (لاتعليق)
علي مستغرب من الهدوء المفاجئ ألو
ساره ...........................
علي ألو .. ألـــــو .. ألـــــــــــو
ساره متوهقة مو عارفة تسكت ولا تتكلم ألـــ ــــ ـــــو ..
علي هلا
ساره مسامحة .. شكلي مغلطة بالرقم
علي انتي من تبين ؟؟
ساره انا بصراحة متصلة في بنت عمي ........
علي مريم ؟؟
ساره مو فاهمة اي مريم
علي لا مو مغلطة هذا تلفون مريم
ساره وينها ؟؟ وانت من ؟؟ وليش ماردت علي ؟؟
علي اذا خلصوا اسألتج .. بعدين بجاوبج
ساره انحرجت خلصوا
علي انا الله يسلمج علي ..........
ساره علي من ؟؟
علي انتي خليني اكمل .. الله يهداج اخذي نفس شوي ... رغي رغي ورى بعض .. ما تخلين الواحد يتحجى
ساره هااا ........ زين كمل
علي انا السيكيورتي اللي يشتغل في بيتهم
ساره اهااا .. زين وينهي ؟؟
علي بنفاذ صبر لا حووول .. صبري يا بنت الناس
ساره زين .. قول تراك تتحجى بالبطيئ .. مو بيدي أصير ملقوفة
علي زين يالملقوفة ... مريم بالمستشفى.....
ساره بصراخ بالمستشفــــــــــــــــــى ؟؟؟؟؟؟؟؟؟؟؟؟؟؟؟؟؟ من متى ؟؟؟ وليش ؟؟؟ شصاير ؟؟
علي اص اص اص اص .. وحدة وحدة .. انتي على طول جذي مستعيله .. بطيتي اذني
ساره زين عاد .. قولي شفييها مريوم
علي ريلها مجروحة داعسة على جزاز شالوه منها وخيطوه لها والحين هي راقده
ساره يا قلبي يا مريوم حبيبتي اكيد صاحت وايد ..
علي وانتي هذا اللي هامج
ساره اكيد هذا اللي هامني .. بنت عمي وكاسره خاطري
علي زين يا بنت عمها .. اذا هي كاسره خاطرج يبي لها ثياب .. انا بالطوارئ
ساره اكيد بييب لها .. بس ما ادري شنو اييب ..
علي يعني انا اللي ادري .. بنت عمج وانتي ادرى فيها
ساره زين لا تعصب .. بجهز لها ثياب وبيي
علي زين .. يالله مع السلامة
ساره الله يسلمك
وسكرت التلفون وحمله معاه وهو رايح الكفتيريا يبي يشتري شي ياكله بس ما كان مشتهي اشترى اكل لمريم وعصير فرش ودخل يتمشى داخل المستشفى على راحته
وصل عند غرفتها وفتح الباب بهدوء كانت الغرفة شبه مظلمة قرب لها لقاها لافة ويهها الجهة الثانية ومغمضة عيونها وتتنفس بهدوء وفرجة فمها صغيرة وباين عليها التعب والنوم
قعد عند طرف السرير ومد يده وقربها من فمها تحسس انفاسها الصاخنه وعلى جوف يده
قلب يده على ظهرها ومررها على خدها الناعم وعيونه مليانه حنان عليها
وبعدها انتقل لخصلات شعرها النازلة على ويهها وصار يرفعها خصلة خصلة ويوديها ورى اذنها لحد ما خلصوا كل الخصلات ويده امتدت على شعرها قعد يلعب فيه ويمسح عليه بأصابع يدينه كان يرفع يده وشعراتها الحريرية تتطاير من بين فتحات أصابعه
كان شكلها ملائكي نايمة وراسها مايل على جنب ويدينها مفتوحين وحدة موصل فيها المغذي والثانية ماسكة فيها طرف للحاف
كان يحس بمشاعر واحاسيس حلوه يحب يقرب منها ويحب ريحتها ويحب شعرها ويحب نعومتها وجمال بشرتها يحب يدينه تلمس يدينها
بس مسرع ما تلاشت كل هالاحاسيس لما عبست مريم وهي نايمة تذكر كل اللي صار وبعد يده عنها بس ما امداه يقوم من على السرير
فتحت عيونها وغمضتها بسرعة ورجعت فتحتها مرة ثانية
ظلت ساكته من الخارج بس من الداخل كانت مصدومة وفرحانة معقولة صج لو احلم .. علي قاعد يمي .. معقولة غير رايه
مريم بفرح وهي تحاول تقعد بس مو قادره تضغط على ريلها
قابلها ومسكها من خصرها عشان يساعدها
مريم كانت مو مصدقة لما شافته يدينه وحده ورى ظهرها والثانية على خصرها تجدد فيها الامل مره ثانيه نزلت عيونها على يده اللي ماسك فيها خصرها ونزل معاها شعرها
علي تقشعر جسمه كامل لما نزلوا خصلات شعرها على ويهه
صارت أنفاسه سريعه وفمه مفتوح وعيونه في عيونها واطرافه متخدره
مريم كانت تبي تبعد شعرها عن ويهه قامت تمايل راسها يمين ويسار عشان تروح خصلاتها لورى
وبهذي الحركة بدل ما تهدي الوضع زادته عليه اتجنن من شاف شعرها يتطاير ويتمايل على ويهها
قعدها وهو ماعنده حواس طار عقله من حركاتها العفوية
مريم بابتسامة سحرته Thanks
علي للحين مو واعي للي يصير رد لها الابتسامة وفرحها اكثر
للحظه صحى على نفسه وقام عنها
هي مو فاهمة شي تلحقت يده ومسكتها وين رايح ؟؟ لا تبعد عني أكثر
علي سحب يده بالقوه عنها وعطاها ظهره مريم .. اكلي الاكل .. انتي من امس ما كليتي شي ونزفتي وايد ومحتاجة تعوضين
مريم مو هامها الاكل علي لا تسوي فيني جذي .. والله ما اتحمل
علي مسك راسه بيدينه خلاص مريم .. لاتفكرين في شي .. ابيج تاكلين
مريم اذا بتاكل معاي باكل
علي مريم لا تصعبين علي الموضوع اكثر .. انسي اللي صار .. واكلي اكلج
مريم عصبت من حركاته وجفاه وتصرفاته اللي معيشتها بحيره وخوف اخذت الاكل اللي على الطاولة ورفعته لبعيد وتنثر على الارض وانكب العصير
وقعدت تصرخ بقهر اطلع برى .. اطلع برى مابي اشوفك .. انت اناني وحقير ونذل وجبان .. اطلع برى مابي اشوفك .. برى .. برى
ودفنت راسها في المخده وذبحت عمرها صياح
علي عص على عيونه بضييق وراح لعند الباب يبي يطلع
مريم رفعت راسها ونادته بصوت باكي علي
علي وقف مكانه ما رد عليها
مريم وهي عاضة على اسنانها بحقد اكـــــــــــــــــــــــــــــــــرهـــــــــــــ ــــــــــك
فتح عيونه وكمل طريقه للباب
بس الباب انفتح قبل لا يوصل له
وصلت وهي في كامل اناقتها واستعجالها الدائم وبدون ما تطالع جدامها صدمته وصارت الصدمة على صدره مع انها طويله الا ان هو اطول منها
مريم شافت اللي صار وكانت مصدومة الدموع مغرقة عيونها وخدودها مثل الجمر وشفايفها متيبسة وملامح ويهها جامده من هول الموقف اللي صار ساره في حضن علي
الصدمه دامت لمدة ثواني بس بالنسبة لمريم ساعات وايام وسنين
ساره انحرجت وبعدت عنه بسرعة احم .. احم .. I'm So Sorry
علي كان في وضع ما يسمح له ان يرد على احد طلع من الغرفة وتركهم بروحهم وطلع لمعانته وعذابه النفسي
ساره راحت لمريم واخذتها في حضنها اسم الله عليج مريوم .. خلاص لاتصيحين كل هذا من الالم
مريم ارتاحت ان ساره فهمتها جذي حاولت تهدأ روحها عشان ما تشك فيها
ساره مريم هذا شنو .. يجنن .. كل شي فيه حلو .. ياريت كل يوم ادعمه جذي
مريم ماعجبتها السالفة وحبت تغير الموضوع انتي من قالج اني هني ؟؟
ساره اتصلت مليون مره وبالغصب رد علي هذا المزيون اللي برى .. وقالي انج هني
مريم بنفسها بعد صارت فيها تلفونات من وراي .. لحقت تشوف بنت عمي وتكلمها
ساره مريم .. مريم شفييج ما تسمعيني
مريم هلا .. شقلتي ما سمعتج
ساره ليش جذي الاكل منثر والحالة حالة
مريم تورطت انا .. ما عليج منه بالغلط .. شنو يايبه معاج؟؟
ساره اي والله نسيت يايبه معاي ثياب قومي بدلي
مريم ومن قاللج تييبين ثياب
ساره بعفوية الحلو اللي دعمته
مريم بدت تطفش اففففففف .. يالله يبي ثيابي بروح ابدل
ودخلت مريم الحمام وساعدتها ساره وما تدري ليش مو طايقة منها شي حتى مو طايقة تلمسها ولا تكلمها
لبست فستان اسود منقط بالابيض لتحت الركبة وفيه شريطة من ورى وكت فوق الصدر ولابسه جاكيت خفيف ابيض لنص الظهر ولمت شعرها وجدلته كله على جنب
قعدت على السرير تنتظر
ساره مريوم ابوي رجع البارحة
مريم زين .. انشالله يطول اسبوع
ساره لا خلاص ماخذ اجازه 3 شهور وبعدها بتكون رحلاته بس للخليج
مريم رافعة حاجبها زين .. زين
وبهالوقت انطق الباب ودخل علي وبيده كيس
ساره راحت ووقفت يمه خلاص تقدر تطلع الحين ؟؟ وشنو هذا اللي بيدك
مريم شوي وتنفجر بس مبينة الهدوء والسكينة
علي مارد على ساره راح لمريم وكانت حلوه كعادتها يالله يا مريم .. جهزوا ادويتج .. لازم تغيير الضماد كل 3 ايام .. بروح اييب الويل جير وبيي .. جهزي نفسج
ساره انا بوصلها
مريم لا ساره انا بروح البيت مع علي ابي انام صارلي يومين مو نايمة مشكورة
ساره اي بوصلج بيتكم
مريم بقهر لا بروح مع علي خلاص .. انتي روحي بيتكم وتعالي في الليل
لا ساره ولا علي انتبهوا لتصرفات مريم وإلحاحها كانت ماتبي ساره تروح معاهم البيت بعد اللي صار
ساره اوكي خلاص .. انا بروح وبييج في الليل مع بابا وفطوم
مريم زين
وطلع علي وطلعت وراه ساره وبهاللحظة مريم انقهرت أكثر ماتدري شنو بيصير برى الغرفة من وراها بعد
وقامت تنط على ريل وحده لحد ما وصلت لعند الباب وارتاحت لما شافت علي واقف يم كونتر الممرضات بروحه وساره مو معاه يعني راحت
رجعت مكانها وقعدت على السرير تنطره
دخل وهو جار الكرسي وراح قرب منها يالله .. خليني اساعدج
مريم بحدة لا تلمسني .. كفاني ما ياني منك .. خلني بروحي
علي ما ناقشها في الموضوع وحب يخليها على راحتها
قعدت مريم على الكرسي ودفعها علي بهدوء وطلعها برى المستشفى
وصل للسياره وفتح لها الباب ومريم قامت شوي شوي وقعدت على السيت وعلي سدحه لها مره ثانية وسكر الباب وراح داخل المستشفى عشان يرجع الكرسي طبعا
مريم داخل السياره وتحس ان قلبها محروق ومقهورة وتعبانة
شافته ياي يم السياره غمضت عيونها عنه عشان ما تكلمه
وهو احترم سكوتها وحرك السياره وطلعوا من المستشفى وظل الصمت سائد بينهم لحد ما وصلوا البيت دخل علي بالسياره لعند الباب الداخلي للفيلا ونزل فتح لها الباب
ابو مريم شاف سيارة مي ما اهتم كانوا عبالهم انها راقده عند مي وتوهم يايين
نزلت مريم من السياره وعلي نزل معاها
أم حميد طلعت لبرى تستقبلها كالعادة وانصفقت لما شافت ريلها عمييييييييييي محمد .. عمي محمد
ابو مريم طلع برى وانصدم لما شاف ريل مريم وانصدم أكثر لما شاف علي يسوق سيارة مي
راح لها وهو معصب بابا شنو هذا ؟؟ وشللي بريلج ؟؟ وليش علي معاج ؟؟ ومي وينها ؟؟
مريم كانت تبي تتكلم بس ما قدرت اسألة ابوها وايد والشكوك اللي بعيونه وريلها تعورها لانها ضاغطة وواقفة عليها ولونها صاير اصفر وشاحب من التعب
مريم مو قادره تصلب طولها صارت تتنحى يمين ويسار وجسمها يرجف يمكن من الخوف او الجوع او التعب او الالم او الجرح اللي في قلبها
صارت ترمش بعيونها على السريع وشهقت وطاحت على الارض
انتظر ردوووووودكم
الجزء الخامس عشر
وصل للسياره وفتح لها الباب ومريم قامت شوي شوي وقعدت على السيت وعلي سدحه لها مره ثانية وسكر الباب وراح داخل المستشفى عشان يرجع الكرسي طبعا
مريم داخل السياره وتحس ان قلبها محروق ومقهورة وتعبانة
شافته ياي يم السياره غمضت عيونها عنه عشان ما تكلمه
وهو احترم سكوتها وحرك السياره وطلعوا من المستشفى وظل الصمت سائد بينهم لحد ما وصلوا البيت دخل علي بالسياره لعند الباب الداخلي للفيلا ونزل فتح لها الباب
ابو مريم شاف سيارة مي ما اهتم كانوا عبالهم انها راقده عند مي وتوهم يايين
نزلت مريم من السياره وعلي نزل معاها
أم حميد طلعت لبرى تستقبلها كالعادة وانصفقت لما شافت ريلها عمييييييييييي محمد .. عمي محمد
ابو مريم طلع برى وانصدم لما شاف ريل مريم وانصدم أكثر لما شاف علي يسوق سيارة مي
راح لها وهو معصب بابا شنو هذا ؟؟ وشللي بريلج ؟؟ وليش علي معاج ؟؟ ومي وينها ؟؟
مريم كانت تبي تتكلم بس ما قدرت اسألة ابوها وايد والشكوك اللي بعيونه وريلها تعورها لانها ضاغطة وواقفة عليها ولونها صاير اصفر وشاحب من التعب
مريم مو قادره تصلب طولها صارت تتنحى يمين ويسار وجسمها يرجف يمكن من الخوف او الجوع او التعب او الالم او الجرح اللي في قلبها
صارت ترمش بعيونها على السريع وشهقت وطاحت على الارض
ابو مريم ركض لمكان ما بنته طايحة ومرمية على الارض وقعد على ركبه وقرب منها أكثر بابا .. بابا
ام مريم بصياح بنتي يا محمد .. بنتي شفيها ..
ابو مريم راح وجلسها نص جلسة وهو ضامها وصار يضرب على خدودها بهدوء مريم .. مريم اصحي يا بابا
ام مريم بهستيريا بنتي بتموووت .. بتروح من يدي .. انت السبب .. انت
ابو مريم مارد عليها كان همه في بنته مريووووم .. بابا .. يالله قومي ... لاتسوين فينا جذي
ام مريم البنت بتموت وانت السبب .. قلتلك خلنا نسوي العملية بس انت .. اذا صار في بنتي شي عمري ما بسامحك يا محمد
ابو مريم كبرى .. خلاص لاتزيدها علي .. هذي مو اول مره تطيح غشيانة ..
علي كان واقف ويسمع الحوار اللي يدور بين الام والابو واشلون يتهاونون بعلاج بنتهم وهي وحيدتهم وعندهم كل هالخير كان شكل مريم يصعب على الكافر طايحة بحضن ابوها ومو حاسة لشي من حولها
حملها ابوها وغابت عن انظاره
حملها لغرفتها ومددها على السرير
ابو مريم أم حميد واللي يرحم والديج .. فتحي الدرايش خلي الغرفة تتهوى .. واتصلي بعادل خليه ايي
ام حميد ان شاءالله
ابو مريم كبرى لحفيها بردانه ويبي الجهاز بقيس نبضها
ام مريم رفعت فراش مريم وغطتها وطلعت من الغرفة ونزلت تحت الصالة عشان تاخذ الجهاز
ابو مريم وعيونه على بنته بابا مريم . . قومي حبيبتي لا تفجعيني فيج .. انتي قوية وان شاءالله بتقومين
دخلت ام مريم وبيدها الجهاز وعطته ابو مريم وهو لفه على يد مريم بسرعة وبدى يشوف نبضها
ام مريم هاااا .. بشر ؟؟
ابو مريم مو منتظم ينزل ويرجع طبيعي ويرد ينزل ..
شاله من يدها بضييق الله يستر
دخل عليهم الدكتور سلامات يا بومريم .. شفيها البنوتة
ام مريم بصوت متقطع وخانقتها العبره طــ ـــاحت .. ومو راضية تصحى
راح الدكتور وقعد على طرف السرير قست لها نبضاتها يامحمد ؟؟
ابو مريم والله مو منتظم نازل واذا تاخذ نفسها يرجع طبيعي
دكتور عادل خلني اقيسه بنفسي
وحط يده على معصم مريم ورفع يده الثانية اللي فيها الساعة وبدى يعد
خلصت الدقيقة الاولى
والدقيقة الثانية
والدقيقة الثالثة
ابو مريم بخوف يالله يا عادل .. والله نشف دمي
عادل بحدة ويوم انك ماتبي دمك ينشف ليش ما سويتوا لها العملية .. عمرها تعدى الثمانتعش من سنتين .. كلما تكبر يزيد الخطر عليها أكثر
ابو مريم شسوي والله مو بيدي .. هي رافضة كل ما افتح لها الموضوع تقولي مو وقته .. وانا خايف اضغط عليها .. تعرفني عمري ما حسستها انها مريضة
عادل خلاص يا محمد .. ان شاءالله خير .. طلعوا برى شوي .. الحين بتصحى
ام مريم واشلون بتصحى ؟؟؟؟
عادل خلاص انتو طلعوا وخلوني اتصرف قبل لا تضعف أكثر
طلع ابو مريم وسحب معاه ام مريم غصب وخلو الدكتور مع مريم عشان يعالجها
ابو مريم طلع من شنطته حقنة وحقن مريم في ذراعها عشان يضبط نبضات قلبها
بعدها فتح عيونها وكشف عليهم ونزل يدينه لحلقها وصار يمرنها ببطئ يا لله يا مريم .. اصحي
صار يضرب على خدها مريم .. مريم
فتحت عيونها تدريجيا وشافت الدكتور قاعد يلم اغراضه عموا
دكتور عادل هلا حبيبتي .. اشلونج الحين ..
مريم هزت راسها على انها بخير احسن
دكتور عادل حابة تقولين لي شصار ؟؟
مريم هزت راسها بالنفي
دكتور عادل خلاص ارتاحي .. انا ماشي
مريم بضييق عموا عادل .. ابي انام مو قادرة انام عطني دوا خلني انام .. تعبانة الله يخليك
دكتور عادل ليش مو قادرة تنامين .. من ألم الجرح اللي بريلج ؟؟
مريم مو عارفة شتقول من كل شي .. ابي انام وارتاح
قعد مره ثانية على طرف السرير وفتح شنطته وطلع منها ابره جديدة فتحها وعباها من غرشة صغيره عنده
وضرب على الابره بأظافره يا لله حبيبتي .. عطيني ذراعج
مريم بخوف بنام الحين؟؟
الدكتور ان شاءالله حبيبتي كلها دقايق وبتنامين
حقنها بالابره وانتظر دقايق ومريم غمضت عيونها وسلمت امرها لربها ونامت
طلع الدكتور وهو محتار من حالة مريم وقلقها وقلة نومها والارق اللي هي فيه واغمائها سبب اغمائها محيره هذي الحالة ما اتييها الانادرا لما تزعل ويكون الزعل محتويها ومدمر نفسيتها
ابو مريم كان ينتظره شصار معاك تأخرت وايد
الدكتور عادل خلوها تبي تنام .. ورجاءاً محمد لا تسألها عن شي ولا تضغط عليها لانها مو حابة تقول شي .. ولا تسأل السيكيورتي اللي معاها لانها بتعرف .. وبصراحة كفاها ما ياها البنت مو ناقصة .. والعملية لازم تسويها بأسرع وقت قلبها قاعد يتعب وهي تجهد نفسها وايد
ابو مريم خلاص يا عادل .. طمني عليها .. انا والله اخترعت يوم شفت ريلها وشفت السيكيورتي معاها
الدكتور عادل هي الحمدلله بخير وبعد يومين بيي ابدل لها الضماد .. بس تعبانة تبي ترقد .. ومثل ما وصيتك لا تسأل عن شي لانها بتزعل .. وانا اعتقد انك ماتبي تخسر بنتك
ام مريم خلاص يا دكتور لا تشيل هم .. محد بيزعل بنتي
طلع الدكتور من بيت ابو مريم كان هذا دكتورها من اول ما نولدت هو رعاها وعالجها وعارف حالتها زين ومتابعنها من أول
علي كان محترق يبي يعرف شصار عليها بس مو قادر يتجرأ و يروح يسأل عنها
كان خايف ويلوم نفسه طول الوقت انت السبب .. انت .. اي محد غيرك .. بس مو هذا اللي كنت تبيه .. بس حرام هي شذنبها .. بس انا ؟؟ انت شنو ؟؟ حرام البنت مريضة .. ومرضها مو شوي .. ياربي ليش سويت بنفسي وببنت الناس جذي .. كانت مرتاحة ليش عفست حياتها فوق تحت .. اففففففففففف .. بس ليش ابوها ما عالجها .. شينطر بنته تموت .. الله يحفظج ويحميج يا مريم
عجز عن النوم وطلع الحديقة وظل يحوم حوالي غرفتها يشوف النور مطفي ويرد الملحق مره ثانية ويرجع يطلع مره ثانية ظل على هالحال لين طلع الصبح وهو النوم مجافيه ومفارق عيونه
بس بعد طول تفكير وتعذيب نفسي نام وهو جالس على سريره
مريم بمفعول الابره ما صحت الا العصر
مريم بصياح مااااااااااااابي .. ابي اتسبح ما اشتهي
ام حميد ماما .. انتي تعبانة خلي ريلج تطيب بعدين تسبحي براحتج
مريم لا .. ما اشتهي ابي اتسبح تصرفي نانا
ام حميد انتي اكلي غداج واذا خلصتي يصير خير
مريم نانا ابي اتسبح الحين .. الحين .. ولا مو ماكله شي
ام حميد زين انا بدخل معاج عشان ريلج ما يحيشها ماي
مريم وييييييييييه .. نانا صرت شكبري استحي
ام حميد يالله .. يالله شنو كبرتي .. كبرتي على غيري مو علي انا ..
مريم خلاص .. اهم شي اتسبح لايعة جبدي من روحي
ومر خيال علي على بالها وتذكرت اللي صار وانقهرت منه يمكن كرهته ماتدري تبي تتسبح وتتنظف وتنسى اللي صار وترجع لحياتها الطبيعية
دخلت معاها مربيتها وساعدتها وحممتها بماي دافي
طلعت من الحمام وراحت الدرسنغ روم ولبست بجامة من نعومي سروال واسع مقلم وردي وبنفسجي وازرق وبدي بنفسجي استرج علاقي على جتوفها بسيور زهرية متموجه
كانت لافة شعرها بالفوطه عشان ينشف وهي تعطر جسمها بكريماتها الخاصة وترش السبري على صدرها
يت وراها ام حميد وسحبت الفوطة من على راسها ونزل شعرها المبلل على ظهرها وارتعشت مريم بس الرعشة ما كانت بسبب شعرها لا كانت بسببه مو مفارق عقلها كل ما تحاول تنسى ترد من جديد كانت تحس بحضنته وبلمسته وبهمسته وبدقات قلبه وبحنانه وبجفاه لما وصلت لجفاه اعتصرت دمعتها من طرف عينها ومن غير ماتحس نزلت على خدها ونزلت وراها الدمعة الثانية
انتبهت لها ام حميد وهي تمشط شعرها ليش حبيبتي تصيحين .. خلاص ريلج بتصير احسن وبترجعين احسن من قبل ..
مريم ما كانت تسمعها كانت في عالم ثاني في اللي صار وتصرفات علي
قامت وقفت على طولها وام حميد بعد تمشط شعرها نانا .. خلاص انتي نزلي .. بيي وراج
ام حميد زين حبيبتي .. انا بحط لج الغدا
وباستها في خدها ومشت عنها
مريم من هاللحظة قررت تمحي كل اللي صار راحت على ريل وحده وقعدت على سريرها واول ما اتصلت ألو .. هلا سوسو ابيج تلمين كل الربع وتييوني البيت عازمتكم على باربيكيو
وسكرته من ساره ورجعت الدرسنغ روم غيرت ملابسها ولبست جنيز اسود لوو ويست لفوق الركبة بشبر وبدي احمر بألوان متداخلة مع الاسود وفيهم رسومات على شكل نجوم تلمع باللون الاسود ولبست سير احمر عريض على خصرها
لبست جوتي سبورت اسود وعليه صورة قطو من فصوص كريستال وجوارب حمره وربطت خيوطه بطريقة مرتبة
اما شعرها سوت فيه بف صغيير من جدام في قذلتها والباقي رفعته كامل مثل ذيل الحصان ووصل لنص الاخير من ظهرها
حطت لها مناكير أحمر وحواليه فصوص فضيه ناعمة وصغيره وطبعت داخل كل ظفر قطوه صغييره باللون الفضي
حطت مكياج خفيف بودر فونديشن وبلاش احمر مخملي تكحلت بشكل رهيب غطت عيونها وشوي من أهدابها بالاي لاينر الجاف وخلته مبين مثل الدخان حوالي عيونها الواسعة وكثرت من الماسكرا مع ان رموشها غلاظ بطبيعتهم بس هي حبت تعطيهم طول وكثافة أكثر وحطت روج مطفي باصبعها ووزعته بطريقة عشوائية على شفايفها المليانة وبينوا كأن لونهم طبيعي وحمارتهم خفيفه
تعطرت من اغلى وافخم العطور وطالعت نفسها بأكبر منظره في غرفتها وابتسمت وطلعت
نزلت شوي شوي وهي رافعة ريلها لقت ام حميد مجهزه لها سفره طويلة من كل ما لذ وطاب
مريم بضحكة وهي حاضنة ام حميد من وراها شنو هذا .. شنو هذا ؟؟ كل هالاكل لي بروحي
ام حميد وتاكلينه كله
مريم يعني انتي بتقعدين معاي تراقبيني ؟؟؟؟؟
ام حميد طبعا
مريم لا نانا .. قومي جهزوا الاكل عندي عزيمة الليلة
ام حميد مصدومة عزيمة شنو الليلة ؟؟؟ وانتي بهالحالة ؟؟ والحين صار المغرب ما يمدي
مريم بلامبالاه كالمعتاد نانا .. انتي قدها وقدود
ام حميد بقووم اشوف شغلي .. الله يهداج يا مريم
مريم قعدت تاكل اكلها على اقل من مهلها وتنطر البنات اييونها اتصلت لساره اول عشان اللي صار امس تبي تنسى وترجع مثل قبل وما تتحسس من بنت عمها وصديقة عمرها عشان واحد بنظرها ان ما يستاهلها ولا يستاهل دمعة وحدة من عيونها
خلصت اكلها واتصلت لمي ميوووو .. حبيبتي .. شلونج ؟؟؟
مي انا بخير .. من بعد اللي صار امس .. انتي شلونج ؟؟؟ صج اللي سمعته ؟؟
مريم وشنو سمعتي ؟؟
مي ريلج ؟ ما دري شفيها وسوو لج عمليه ؟؟ بس انا ما اذكر ان ريلج كانت مجروحة واحنا بالسياره
مريم انا زينة وما عليج ريلي بخير .. الحمدلله انها عدت على خير .. وما صار فينا شي
مي اي والله لو لا الله ثم هالسيكيورتي اللي يشتغل عندكم كنا رحنا بخبر كان
مريم صفنت من يابت مي سيرة علي وصارت عيونها على الباب الزجاجي اللي يطل على الملحق
ما تدري ليش راحت له وفتحت الباب ووقعدت على السور الحجري اللي لاصق على الباب
مي باح صوتها وهي تصرخ مريوووووووووووووووووووووم
مريم توها حاسه على نفسها هلا
مي وينج صارلي ساعة اناديج .. ما تسمعيني
مريم بلى اسمعج .. ميووون مو تقولين لاحد باللي صار امس
مي انتي مينونة .. تبينا نروح فيها
مريم اي وخصوصا ساره
مي لاتحاتين حبيبتي .. بعد شوي بتمرني ساره وبييج لان سيارتي عندكم
مريم من طرت مي سيرة السياره رجعت تذكرت اللي صار اي سيارتج هني
مي زين عشان برد فيها البيت لا ابوي يذبحني .. خذيتي السويج من علي ؟؟
مريم لا
مي وييييه مريوم روحي اخذيه
مريم مو رايحة اذا ييتي انتي روحي خذيه
مي لا مريوم واللي يسلم عمرج روحي انتي انا مالي ويه اشوفه بعد اللي صار
مريم مي ما ابي اروح
مي مريم عاااااااااااااد روحي خذيه .. انا استحي
مريم وانا اللي ما استحي يعني
مي انتي يشتغل عندكم عادي .. واذا ماتبين خلي احد من الحراس اييبه لج
مريم زين بخلي احد الحراس اييبه .. يالله بااااااي
مي باااااي
مريم وقفت تنادي عيسى .. عيسى
للاسف عيسى بعيد ما يسمعها
مريم اففففففففف مافي الا ادخل داخل واتصل بالكول هوم على غرفتهم يالله يسمعوني
دارت جسمها وهي تعرج وصلت للباب لقته انقفل من داخل
مريم وهي تطق الباب بقوه بس من اللي بيسمعها والخدم كلهم يشتغلون مع ام حميد للعزيمة داخل المطبخ اللي داخل على الجهة الثانية
طفشت من حالها ورجعت قعدت على السور اففففففففففففف .. شهالحالة انحبست برى الباب انقفل و مافيني قوه امشي للباب الثاني .. ريلي ما تساعدني
وراحت عيونها على الملحق كانت أنواره شاعلة بس مو مبين فيه احد يمكن قاعد مع الحراس
مريم قامت تنطط على راحة يالله احسن بروح هناك وبتصل على تلفون المطبخ خلهم يفتحون لي الباب وبالمره اخذ سويج ميووو
وبعد مجهود كبير وصلت لباب الملحق توها بتطق الباب الا تذكرت ان مافي احد فتحت الباب ودخلت وبنفسها حسبي الله على ابليسج يا ميووو ..
كانت عيونها على باب غرفته كان الباب مسكر فتحت ادراج الخزانات الصغيرة اللي بالصالة افففففففففف وين راح سويجج يا ميو .. وينه .. امبيه لا يطلع داخل الغرفة ..
راحت لباب الغرفة وفتحته وكانت الغرفة فاضية تنهدت براحة اشوى ما في احد
فتحت ادراج التسريحة تدور على المفتاح بس ما لقته اففففففففففففففففف مافي .. احسن شي اتصل يفتحون لي الباب
ومشت على ريل وحده كالمعتاد لين ما وصلت لقريب الباب
الا انفجعت بصوت باب الحمام ينفتح
شصااااااااار؟؟؟
الجزء السادس عشر
وراحت عيونها على الملحق كانت أنواره شاعلة بس مو مبين فيه احد يمكن قاعد مع الحراس
مريم قامت تنطط على راحة يالله احسن بروح هناك وبتصل على تلفون المطبخ خلهم يفتحون لي الباب وبالمره اخذ سويج ميووو
وبعد مجهود كبير وصلت لباب الملحق توها بتطق الباب الا تذكرت ان مافي احد فتحت الباب ودخلت وبنفسها حسبي الله على ابليسج يا ميووو ..
كانت عيونها على باب غرفته كان الباب مسكر فتحت ادراج الخزانات الصغيرة اللي بالصالة افففففففففف وين راح سويجج يا ميو .. وينه .. امبيه لا يطلع داخل الغرفة ..
راحت لباب الغرفة وفتحته وكانت الغرفة فاضية تنهدت براحة اشوى ما في احد
فتحت ادراج التسريحة تدور على المفتاح بس ما لقته اففففففففففففففففف مافي .. احسن شي اتصل يفتحون لي الباب
ومشت على ريل وحده كالمعتاد لين ما وصلت لقريب الباب
الا انفجعت بصوت باب الحمام ينفتح
وقفت مكانها متصنمة وعلى ريل وحده وعيونها على باب الحمام
طلع من الحمام لابس روب ابيض لتحت ركبته وحاط الفوطه الصغيره على جتفه ورافع فيها شعره وهو يصب ماي كان يفرك شعره بالفوطة اللي على جتفه
ما كان منتبه مشى داخل الغرفة لعند التسريحة وهو للحين يفرك شعره وينشفه نزل المنشفة على رقبته وقعد يطالع لحيته كان توه حالق لمحها من المنظره كانت واقفه وراه وهو مو منتبه لها غمض عيونه وفتحها أكثر من مره عباله ان يتخيل دار جسمه لها مريم !!!!!!!!!!!
مريم نطت نطة وحده ولفت له انا .. عبالي ما في احد
راح وقف قبالها وعيونه في عيونها اشلونج الحين ؟؟؟
مريم تذكرت الوعد اللي قطعته على نفسها مستحيل يا مريم تضعفين .. مستحيل خلج قوية
علي كان يشوفها سرحانه وفي عالم ثاني مسك يدها مريم .. مريم وين رحتي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك