رواية سميتك معشوقي -9
بنت خالت هيفا دخلت فجأه على تسنيم وهيفا بغرفتهم
ليلى : هاااااي
هيفا بفرحه : هلااااا
ليلى ضمت هيفا : الحمد لله على سلامتك هيفوووه
هيفا : الله يسلمك
ليلى سلمت على تسنيم : وانتي تسنيم وش اخبارك
تسنيم : الحمد لله .. تفضلي يالقاطعه
ليلى وهي تجلس : ههههههه ادري اني قاطعه بس وش اسوي ؟؟.. انا عندي وظيفه وماقدر اروح لاحد عشان دوامي متعب مررره
تسنيم : الله يكون بعونك
هيفا : اخيرا شفتك .. تصدقين اني اشتقت لك موووت .. ولهت على سواليفك
ليلى : حتى انا احس البيت من دونك صاير ممل .. افتقدنا رجتك
تسنيم : حتى في بيتكم مسويه ازعاج؟؟؟.. الله يعين زوجها اجل
ليلى : ههههههههههه
هيفا : لا والله؟؟؟... اشوفكم تحشون فيني وانا جنبكم .. وبعدين زوجي قابلني برجتي انتو وش يحركم؟
تسنيم : ابد الله يرزقك بالزوج الصالح
هيفا بحزن : من وين بيجيني زوج صالح وابوي كذا
تسنيم : هيفا لاتقلبين جلستنا نكد
هيفا : ايه وش عليك انتي؟؟.. انتي متزوجه وخلاص ضامنته
تسنيم ماقدرت ترد على اختها خاصه ان بنت خالتهم موجوده : هيفوووه من فضلك اسكتي وغيري الموضوع
صارو يسولفون مع بعض ويضحكون
سحر : خلاص سيف بيصير لي قريب
ايمان : الله يوفقك سحوره
سحر بفرحه : ياربي .. متى يملك علي متى؟؟.. ودي الوقت يمر بسرعه ويصير كل شي
ايمان : حبيبتي حاولي انك تخلينه يستعجل عشان مايطير من يدك
سحر : بس.... المشكله الحين ابوه .. هو رافضني من البدايه
ايمان : ماعليك من ابوه .. حتى لو يتزوجك بالسر مو مشكله .. اهم شي يكون لك حبيبتي
سحر : تظنين بيوافق يتزوجني من غير علم ابوه؟
ايمان : مو هو قال انه يحبك؟
سحر : ايه هو يقول كذا .. بس مادري اذا كان من قلبه والا لا
ايمان : بديتي توسوسين؟؟؟... لاتحاتين شكله يحبك .. وانتي حاولي تخلينه يتمسك فيك اكثر
سحر : يارب يتزوجني واقدر انتقم منه ومن الحقيره تسنيم
ايمان : سحر انتي تحبينه والا بس تبين تنتقمين؟
سحر : بصراحه كنت احبه .. لكن بعد مارفضني كرهته .. والحين العكس هو صار يميل لي ويحبني وانا حاقده عليه هو وابوه وامه وزوجته وناويه اطين عيشتهم ..ابي اعفس حياتهم
ايمان : سحر والله اني خايفه عليك من اللي انتي ناويته
سحر : اشوفك حن قلبك عليهم ؟؟؟.. هذولا مايرحمون ولا ينرحمون
ايمان : اوكي سحر انا مشغوله الحين اكلمك وقت ثاني
سحر : شفيك ايمان .. شكل كلامي مو عاجبك
ايمان : لا عادي .. بس مشغوله شوي
سحر : اوكي خوذي راحتك .. باي
__________________________
ناديه : طيب ياهند المشكله ابوي
هند : انا ماني بزر اخاف من ابوي
ناديه : ابوي مايهمه بزر والا كبير .. انتي تعرفينه يحب يسيطر وكلمته وحده
هند : انا بتفاهم معه ويصر اللي يصير
ناديه : انا ابي اعرف ابوي ليه صار يغيب عن البيت اوقات طويله .. ماكان كذا اول
هند : تلقينه سهر مع الصيع وشراب وعفسه
ناديه : يوووه استغفر الله .. يارب بعيد عنه هالاشياء
اتصلت تسنيم على هند
هند : هلا حبيبتي شخبارك؟
تسنيم : الحمد لله .. وش اخباركم انتو طمنوني عنكم
هند : احنا بخير الحمد لله
تسنيم : والله اني ولهت عليكم وعلى امي اتمنى اشوفها بس خايفه من ابوي
هند : طيب مو مشكله تعالي .. ولا تخافين من ابوي لان ابوي صار يسهر بره لفتره طويله مايجي الا متأخر
تسنيم : ودي بس هيفا رجلها للحين ماطابت .. بس الحين الحمد لله تمشي متكيه بعصا كنها طفل توه يخطي ههههههه
هند : ربي يشفيها
صارت هيفا تصارخ على تسنيم وترمي عليها الخداديات وتسنيم تضحك
هند : هههههههه والله انكم خبول ... للحين ماكبرتو؟؟؟؟
تسنيم : انا كبرت بس اختك اللي تصغر .. تراها ذبحتني .. هذا بعد ورجلها تألمها كيف لو مافيها شي متوحشه وربي >> صارت تصارخ وتضحك على اختها هيفا اللي مازالت ترمي عليها كل شي جنبها
تسنيم : هيفا عاد احترمي الضيفه ياخبله
هند : ضيفه؟
تسنيم : ايه ليلى بنت خالتي تسلم عليكم
هند : الله يسلمها .. مررره هالبنت ماتنشاف اتذكرخا يوم صغيره بس .. ليه ماينشافون كلش قاطعين
تسنيم : من اللي بيزورنا وابوي في البيت؟؟
هند : أي والله انك صادقه
تسنيم تبي تنرفز هيفا : تصدقين ؟؟... توني اكتشف ان هيفا ماتحب السلطات هههههههههه
هند : ليه ؟؟ بالعكس السلطات مفيده لها خاصه ان جسمها ضعيف
تسنيم : ايه حتى فيصل >> مامداها تكمل الا هيفا عصبت عليها >> وجع تسنيمووووه
هيفا : تسنيموووووه وربي انك تنرفزين .. زين اوريك .. والله بزعل عليك
تسنيم : ههههههه هند بكلمك بعد شوي .. بشوف حل مع الخبله اللي عندي .. يلله باي
ليلى : والله الجلسه معاكم ماتنمل .. الوقت تأخر واعذروني بروح البيت
هيفا : لاتروحين بدري خلك شوي
تسنيم : أي والله بدري .. ماشبعنا من شوفتك
ليلى : ودي بس ماقدرالوقت متاخر ولازم ارجع عشان ابوي مايعصب علي .. يلله عن اذنكم .. باي
سلمت عليهم وطلعت
هيفا بملل : ياربيي مليت من الجلسه ابي امشي تعبت ؟؟؟ تسنيم تكفين جيبي عصاتي بتمشى شوي شوي تعبت وانا على السرير
تسنيم : طيب تمشي بره على مهلك بس انتبهي تطيحين
خذت هيفا العصا عشان تتكي عليها وتساعدها عل المشي وطلعت تتمشى
اما تسنيم فكانت سرحانه باللي قال لها سيف ( معقوله ياسيف تتزوج سحر؟؟... معقوله تبي تعذبني؟؟.. آآآآآآخ بس .. متى يحن قلبك علي متى؟؟)
ناصر بمزح : ماتوقعت ولدك احلى منك
سيف : وش احلى مني؟؟.. اصلا ولدي طالع علي
ناصر : الا طالع على امه ملامحه مصريه
سيف : عشانه ابيض؟؟... ركز على ملامحه كله انا .. اللهم بشرته هي اللي تختلف
ناصر : يعني غصب تبي تصير حلو؟؟... ياخي مو احلى مني انت
سيف : هههههههه .. تكذب وتصدق كذبتك؟؟.. مادري من قاص عليك
ناصر : لو اني مو حلو ماقبلت فيني اختك
سيف : ماعندها نظر هههههههه .. اجل انت تنحب؟؟
ناصر : غيران؟؟؟؟.. يافديتني بس
سيف : الا غريبه ندى ماجات اليوم
ناصر : دايم تعبانه وتبي تنام .. علامات الحمل
سيف : الله يكون بعونها
ناصر سكت شوي لانه يبي يفاتح سيف بموضوع تسنيم لكنه خايف ان سيف يعصب لان هذا طبعه من احد يطري تسنيم تخترب اخلاقه
ناصر : سيف
سيف : هلا
ناصر : وش وضعكم انت وتسنيم الآن
سيف بضيق : واللي يرحم والديك سكر الموضوع قبل تبتديه
ناصر : لا ماراح اسكره .. انت قبل تكون صديقي اعتبرك اخوي واعز شخص اعرفه .. ويهمني سعادتك
سيف بسخريه : تهمك سعادتي؟
ناصر : سيف ليه تغيرت فجأه كذا؟؟.. كنت تقول لي انك تحبها والحين تحول حبك كره .. ليه ياسيف ليييييه؟
سيف بدا يعصب : لأني... >> ماكمل كلامه سكت
ناصر : لأنك ايش .. تكفا لاتخبي عني شي .. انت حاطنا بحيره وماندري وش في قلبك .. يمكن اقدر اساعدك
سيف : مادري وش اقول لك .. ناصر انا رافضها لاني مو بزر يختارون زوجتي .. لو ماستعجلو كان انا اللي طلبت الزواج منها
ناصر : معناها للحين انت تحبها ومعاند نفسك
سيف : احبها وودي اذبحها ودي اذبحححهااااا
ناصر : الله يهديك ياسيف ... انت كذا قاعد تعذب نفسك بعنادك
سيف : ابوي مايعتبرني رجال
ناصر : ابوك يبي يضمن البنت .. لو ماتزوجتها انت كان بياخذها ابوها .. وانت تدري ابوها ظالم ويمكن يزوجها لواحد ثاني وتخسرها انت .. أبي اعرف انت كيف تفكر؟؟... معقوله تكون بهالغبااااء؟
سيف : ناصر احترم نفسك تراك بديت تغلط علي اشوفك
ناصر : آسف ياسيف ماقصد .. بس وربي منجد انت تنرفز
سيف : ناصر أنا وعدت سحر اني بتزوجها
ناصر : وشوووو؟.. تتزوجها؟؟؟... انت تبي تورط نفسك مع هالبنت؟
قطع كلامهم فهد : بابا عاوز العب
سيف : طيب الحين بنوقف عند المراجيح والعبك
___________________
منيره : انت من جدك؟؟.. كيف تنفصلون بعد هالوقت؟
فيصل : يمه هي ماتحبني .. سمعتني كلام ماودي سمعته هالبنت ماعاد ابيها كرهتها اكثر مما كنت احبها
منيره : انتو تبون تذبحوني؟؟.. تبون تشمتون الناس فيني؟؟؟.. الناس تتكلم .. عيال عبد العزيز الـ.. يخطبون بنات خلق الله وينفصلون عنهم.. يافشيلتي
فيصل وهو متنرفز وواقف على طوله : انا قلت كلامي يما وماراح اغيره .. هالبنت خلاص طابت نفسي منها .. وكرامتي ماتسمح لي اتزوجها ومن بكرا ورقة طلاقها توصلها
كانت هيفا توها داخله وهي تمشي على راحتها وماسكه العصا اللي تتعكز عليها وسمعت الحوار وفيصل معصب ويصارخ على امه
فيصل : شوفي يما .. الحين تعطينهم خبر الحيييييييييييين ماراح اصبر اكثر من كـ........ لمح هيفا وسكت
هيفا انحرجت لانها دخلت الصاله وقطعت عليهم حديثهم ورجعت طلعت للحديقه مره ثانيه
فيصل طلع متوجه للحديقه : المهم يما .. كلميهم لاتنسين
وهو طالع شاف هيفا وكانت توها جلست على الكرسي وكانت لابسه عبايتها وحطت شيلتها على وجهها
فيصل : السلام عليكم
هيفا بارتباك .. وكانت متردده تقوم ترجع القصر والا تضل جالسه ومتوهقه عشان رجلها ماتقدر تتحرك بحريتها
هيفا بهمس : وعليكم السلام
فيصل : ممكن اجلس؟
هيفا وهي مستغربه من سؤاله (شفيه هذا .. شيبي يجلس جنبي ) : براحتك
جلس فيصل بعيد شوي : كنت ناوي اعتذر على اللي حصل لك بسببي
هيفا باحراج : حصل خير
فيصل : آنا آسف .. ذاك اليوم ماكنت قادر اسيطر على اعصابي .. عشان كذا ....
هيفا : معذوور اخوي .. عن اذنك
فيصل : وين؟؟... ماخلصت كلامي
هيفا : طيب تفضل قول اللي عندك
فيصل وهو فيه الضحكه : ادري ان اول موقف لك معاي كان محرج و انا بصراحه تفاجأت من الموقـ....
قاطعته هيفا : اذا تبي تعتذر عن كل المواقف اللي صارت أنا قابله عذرك مافي داعي تتعب نفسك
فيصل : ههههههه .. طيب ليه معصبه انتي الحين؟
هيفا حست بنفسها : هاه؟؟... لا مو معصبه ولا شي عادي
فيصل : طيب في شي بقوله لك
هيفا : وشو؟
فيصل : ممنوع أكل المطاعم .. وراح يكون أكلك سلطات عشان سالفة فقر الدم اللي عندك
هيفا : لااااا سلطه لااا
فيصل مات عليها ضحك : أجل وش تبين؟؟؟
هيفا باحراج : مابي شي : عن اذنك ... مسكت عصاتها وبدت تتجه لمدخل الصاله
فيصل : انتبهي لاتطيحين مره ثانيه ترا بنزيد كمية السلطات اذا انكسرتي مره ثانيه هههههههه
هيفا وهي تتحلطم : نذل .. يبي يكسرني مع وجهه ماكفاه اللي صار لي بسببه
___________________________________
في بيت سالم
سالم : سعاد
سعاد : لبيه
سالم : انا بطلع وماراح ارجع الا متأخر
سعاد : وانت من متى تجي بدري ؟؟.. كل يوم تجي آخر الليل
سالم : انا ماقلت برجع اليوم ... بجي بعد اسبوع
سعاد بصدمه : وشو؟؟.. اسبوع؟؟... وين بتروح؟
سالم وهو متشقق من الوناسه : الليله عرسي
مانتبه لهند اللي كانت واقفه وراه
سعاد بغصه : بعد هالعمر؟؟؟تتزوج علي؟
سالم : ايه .. ابي احس بالحياه .. مليت مقابل وجهك يالعجوز .. وخري عن وجهي بس مو ناقص اشوف دموع العجايز
سعاد صارت تبكي بقهر
هند : يما انتي ليه تبكين؟؟؟؟.... وانت يبا الله يوفقك وياها ويسعدك .. احنا بدونك بخير
سالم بصرخه : اكلي تبين ياللي ماتربيتي... وانا اقول زوجك ماطلقك من خير .. اثاري لسانك متبري منك
هند : ليه؟؟... تبيني اسكت اكثر مما سكت له؟؟؟.... انت وياه نفس الشي وجودكم وعدمه واحد
سعاد مقطعه نفسها من الصياح مع انه مايستاهل دمعه منها تطيح من عينها عليه
هند بسخريه : ههههه الحين انتي من جدك تصيحين يماا؟؟؟
سعاد وهي تبكي : واللي يخليك ياهند لاتزيدين همي
سالم بعدم مبالاه : لاتقعدون تسوون فيها فلم قدامي ... صياح ونياح وخرابيط .... وانتي ياهنوود .. لو ماتنطمين برميك بالشارع سمعتي؟؟؟
هند : مو غريبه يبا .. عارفتك تسويها..اصلا انت رميتنا من زمان .. وانتي يما بسك .. لاتبكين وتعذبين نفسك .. لانه مهما بكيتي ماراح يرق قلبه المتحجر
سالم : شوفي ياهنووود .. انا اليوم مستانس ومابي اعكر مزاجي واليوم عرسي .. شغلي معاك لرجعت ان شاء الله.. وطلع
__________________________________
عبد العزيز معصب : وش هالكلام؟؟؟... ماباقي شي على زواجكم تقول بننفصل؟؟
فيصل : يبا نوره ماتحترمني ابد .. ماتعدني رجاااااال
عبد العزيز : لانك مو رجال .. مقابلها كل يوم .. البنت هذي ماينفع معها الا واحد يسنعها .. لاترخي لها ولا تجيب لها مطالبها.. أي شي قالت لك ابيه رحت تركض تجيبه.. حسسها بقوتك .. وان عندك كلمه قدامها
فيصل بنرفزه : يعني هذا جزاي اللي اوفر لها كل شي؟
عبد العزيز : البنت مايكفيها اللي توفره لها .. تبي رجال شخصيته قويه عليها هو الآمر الناهي
فيصل : يبا نوره ماتناسبني .. خلاص مابيها ..ولا تحاول تقنعني .. ماقدر ابيع كرامتي عشان كلام الناس اللي خايفين منه
عبد العزيز : متأكد من قرارك؟؟.. والا بعدين تقول كله من ابوي مانصحني؟؟
فيصل : يبا انا قد كلمتي .. انا مابيها وانتهينا
عبد العزيز : شوف ياولدي ... ماودي اغصبك عليها لان كفايه اخوك سيف معذب بنت الناس معاه .. اختار البنت اللي تعجبك وان شاء الله ماراح اعارضك باللي تختارها
فيصل : يبا انا حاس ان هيفا هي اللي تناسبني
عبد العزيز باستغراب : هيفا؟؟؟؟؟
فيصل : ايه .. هالبنت من شفتها ومو راضيه تطلع من عقلي .. احسها مناسبتني حييل
عبد العزيز : فيصل .. هيفا لأ .. مستحيل راح تكون زوجتك
فيصل :ليه يبا.؟؟؟... مو انت قلت لي اختار البنت اللي مناسبه لك؟؟؟... انا اخترت هيفا اخت تسنيم
عبد العزيز : ياولدي اختر لك وحده غير هالبنت
فيصل : بس انا مابي الا هالبنت بالذات
عبد العزيز بعصبيه : تبي تنزل راس ابوك ؟؟؟؟
فيصل : ماعاش من ينزل راسك يبا
عبد العزيز : اجل شيل هالبنت من راسك >> طلع عبد العزيز وخلا ولده محتار ومقهور
____________________________
هيفا : هذا مايستحي جريء حددده
تسنيم باستغراب : شفيك تتحلطمين وش صاير؟؟
هيفا : فيصلوه اخو زوجك الموقر
تسنيم : شفيه؟
هيفا : بكل جراءه جلس جنبي وحظرته ماخذ راحته يبي يسولف
تسنيم : فيصل ماغيره؟؟؟
هيفا وهي تشدد في كلامها : ايه فيصل
تسنيم : ليه وش قالك هو؟
هيفا : مادري وش سالفته .. توه حظرته يعتذر لي عما سبق من غباء
تسنيم : هههههههه .. وش فيك عليه؟
هيفا : حظرته مسوي نفسه يمون علي وينكت بعد
تسنيم : غريبه فيصل ينكت
هيفا وهي تقلد فيصل : انتبهي لاتطيحين مره ثانيه ترا بنزيد كمية السلطات اذا انكسرتي مره ثانيه هه هه هه هه هه
تسنيم ماتت ضحك عليها : ههههههههههههه والله انكم تضحكون
هيفا : صحيح؟؟؟؟....شايفتني نكته تضحكين علي؟؟؟
تسنيم : هههههه .. طيب الرجال خايف عليك ويبي يعتذر .. وش فيها ..
هيفا : مافي شي .. انسي خلاص
__________________________
سيف : فهودي خلاص بنمشي .. انت ماتشبع لعب؟
فهد : بابا عايز العب كمان
سيف : طيب لك دقايق بس وبعدها بنرجع البيت اوكيه؟؟
فهد : طيب يابابا
ناصر : خل الولد ياخذ راحته شفيك عليه؟
سيف : حاس نفسي متضايق مالي خلق على شي ابد
ناصر : اكيد بتكون متضايق وانت دامر نفسك بنفسك
سيف : لاتزيد همي ويلله نرجع البيت
صاح جوال ناصر وكانت المتصله ندى
ناصر : هلا حبيبتي
ندى بتعب : هلا قلبي .. وينك فيه؟
ناصر : ههههههه شبعتي نوم؟
ندى : مليت وانا نايمه .. حاسه جسمي تكسر من كثر مانام
ناصر : جهزي نفسك بمرك انا وسيف الحين وبنروح للقصر
ندى : طيب قلبي انتظرك>> سكرت
ناصر : ههههههه أخيرا اختك شبعت نوم
سيف : لاتلومها .. هذا اول حمل لها
ناصر : الله يكون بعونها هذا بداية الحمل ولخبطها كذا .. اجل كيف بعدين؟
سيف : لا لاتحاتي بس في بداية الحمل بعدين تتحسن حالتها .. هي الحين تتوحم .. لين يصير لها كم شهر وبيصير الامر طبيعي
ناصر : وش السالفه يادكتور سيف ههههههههه .. وش هالمعلومات الخطيره؟؟... اثاريك داهيه
سيف : ههههههههه .. طبعا بيكون عندي معلومه .. لاتنسى اني كنت متزوج وعندي ولد .. وشفت مراحل الحمل اللي مرت بها زوجتي وانا بمصر
ناصر : أي صح كيف طافت علي ؟؟؟.. يلله مشينا ترا ندى تنتظرنا نمرها الحين
سيف : اوكي يلله .. خلني بس اجيب فهد وانت شغل السياره وبنلحقك
_______________________
فيصل : مرحبا تسنيم
تسنيم : هلا فيصل
فيصل : تسنيم ممكن اتكلم معاك شوي؟
تسنيم : خذ راحتك
فيصل : طيب ... ماقدر اتكلم وياك بالجوال .. ممكن تجين الصاله؟
تسنيم : ان شاء الله ثواني البس عبايتي واجي
فيصل : طيب .. استناك واتمنى ماتتأخرين علي لان الموضوع مهم
تسنيم : طيب يلله جايتك>> سكرت
هيفا : مين؟
تسنيم : فيصل
هيفا : شيبي؟
تسنيم : مادري عنه يقول يبي يكلمني بموضوع مهم
هيفا : طيب روحي شوفي وش يبي .. يمكن يبي يسوي مطعم خاص بالسلطات
تسنيم : هههههههههه .. المهم انا بروح اشوف وش يبي وارجع
لبست تسنيم عبايتها وشيلتها ونزلت الصاله وشافته جالس يستناها
تسنيم : السلام عليكم
فيصل : وعليكم السلام
تسنيم : عسا ماشر فيصل وش بغيت؟
فيصل : تسنيم .. انا ابي اتزوج هيفا
تسنيم منصدمه : تتزوج هيفا؟؟.... كيف؟؟... ونوره؟؟
فيصل : نوره ماتحبني .. وانا بكره برسل لها ورقة طلاقها
تسنيم : فيصل انا مالي دخل بحياتك .. واذا تبي هيفا كلم ابوك
فيصل : ابوي رافض اساسا
تسنيم : وانا ماقدر اساعدك
_________________________
منيره : شفيك عبد العزيز .. باين عليك خاطرك متكدر .. عسا ماشر
عبد العزيز : عيالك بيجننوني
منيره : ليه أحد قايل لك عنهم شي؟
عبد العزيز : ولدك فيصل .. يقول يبي يطلق نوره
منيره : هو قال لك؟؟
عبد العزيز باستغراب : ليه انتي تدرين وساكته؟؟
منيره : قال لي ويبيني اعطيك خبر وانا رفضت وقلت له يقول لك بنفسه
عبد العزيز : عيالك بيجننوني بتصرفاتهم
منيره : مادري من داعي علينا
عبد العزيز : منيره
منيره : لبيه
عبد العزيز : فيصل مو بس يبي يطلق نوره .. فيصل يبي يتزوج هيفا
منيره بصدمه : وشوووو؟؟
عبد العزيز : هيفا مايعيبها شي وحالها من حال اختها .. لكن ابوها متوعد فيني .. واذا كلمته عن هيفا بيتمادى .. وانا ماستحمل انتهازاته واساليبه القذره
منيره بعصبيه : يخسى الا هو
عبد العزيز : منيره ابيك تقنعين ولدك ينسى هالبنت
منيره : مادري وش اسوي بعيالك .. انا تعبت معهم .. كفايه اختي ام محمد زعلانه علي ومن تزوج سيف تسنيم وهي ماتكلمني .. وعيالك ماقصرو .. يحبون يحطونا بالمشاكل وهم يتبعدون
عبد العزيز : خلينا الحين نصبر لين تطيب هيفا وترجع بيت خالتها .. يمكن عشانها موجوده في القصر متعلق فيها
منيره : وانت صادق .. نصبر ولا نستعجل .. ان شاء الله ينساها ويرجع لعقله
_________________
فيصل : تسنيم انتي أملي الوحيد .. انتي اللي بتقدرين تساعديني ارجوووك
دخل سيف وسمع الجمله الاخيره : تساعدك في ايش ياخوي العزيز؟
فيصل : هلا سيف
سيف : اعتقد ان المدام متزوجه .. والمفروض ياأخ فيصل يامحترم تستأذن من الغبي اخوك عشان تكلم زوجته
تسنيم بشموخ : ليه؟؟... الاخ سيف شاك باخلاق زوجته؟؟؟
سيف : اعتقد ان السؤال موجه لاخوي مو لك .. انتي تنطمين لين اتفاهم معاه
فيصل : سيف أنا آسف مو قصدي اني اقلل من احترامك .. لكن في موضوع وحبيت اتناقش فيه مع تسنيم .. وتسنيم اعتبرها اختي لاتسيئ الظن
منيره وهي نازله من الدرج : وش فيكم صراخكم واصل لين غرفتي؟
سيف : فهد روح لجدتك .. بجي بعد شوي اوكي؟؟.. ولا تتشيطن خلك رجال
فهد : طيب يابابا
سيف : تسنيم
تسنيم بدون نفس : نعم
سيف : تعالي لي بالغرفه
تسنيم : ماني جايه
سيف : أنا زوجك واحترميني .. ماني بزر عندك
تسنيم : آسفه اللي عنده كلام لي يقوله هنا
سيف : المسأله عناد يعني
تسنيم : والله عاد افهمه زي ماتفهمه
عصب سيف ومسك يدها بقوه وسحبها غصب لين غرفته وقفل الباب وسحب منها الشيله والعبايه
_____________________________
في الصاله
دخلت ندى وسلمت على امها وفيصل وباست فهودي : وين سيف ؟؟... ناصر يستناه بره
منيره : سيف شكله معصب .. سحب تسنيم معاه مادري وش ناوي عليه
فيصل بخوف : كله مني ... انا اللي حطيتها بهالموقف
ندى : فيصلوووه وش صاير؟
فيصل : كنت اتكلم مع تسنيم بموضوع ابيها تساعدني فيه ودخل سيف وانا وياها ننتكلم
ندى : طيب وش صار بعدها؟
فيصل : شافنا مع بعض وشكله ماعجبه الوضع .. حاس ان سيف يبي يأذيها
منيره : وانت كيف تكلم البنت بدون علم زوجها؟؟... متى بتعرف السنع؟؟
ندى : يما لاتضغطين عليه ... فيصل انت وش كنت تبي من تسنيم؟؟
فيصل : كنت اقول لها اني ابي اتزوج هيفا اختها وابيها تساعدني لان ابوي مو راضي
ندى باستغراب :: تتزوج هيفا؟؟؟؟.... ونوره؟
فيصل بتضجر : ذبحتوني بنوره .. وربي مابيهاااا افهموني >> طلع من القصر بكبره
_________________________
تسنيم بصراخ : ابعد عني
سيف : ليه؟....منقرفه مني صح؟
تسنيم : دامك عارف انك مقرف لهالدرجه .. المفروض تبتعد من نفسك
سيف صار يقرب منها اكثر وهي تبتعد لين حدها الجدار : والحين احسن؟
تسنيم بقرف : ابعد عني
سيف : اهاااا .. لهالدرجه قربي ينرفزك؟
حاولت تبتعد عنه لكن هو محاصرها بيدينه
تسنيم : سيف تكفا ابعد عني .. خلني اطلع ..والله مابيني وبين اخوك أي شي
سيف : عارف .. وانا ماجبتك هنا عشان موضوع اخوي
تسنيم باستغراب : ؟؟؟؟؟؟
سيف : انا زوجك وحر باللي اسويه معاك
تسنيم : سيف تكفا .. خلني اطلع .. اتركني
كانت مرتبكه من قرب سيف لها وكانت تحاول بقد ماتقدر تبعده عنها لكن سيف قرب يفقد سيطرته على نفسه وماستحمل يصبر وصار يبوسها وهي تتوسله يبتعد
سيف : ماقدر امنع نفسي عنك اكثر .. وبدال اروح للحرام انتي حلالي
تسنيم : لااااااا مابيك وخر عني ياحقيييير
...........
((البـــارت الثالث عشر))
فجأه سمعو احد يطق باب الغرفه عليهم
سيف : مين؟
ندى تحسب ان سيف بيضرب تسنيم وخافت عليها : سيف افتح الباب .. حرام عليك لاتأذي البنت
سيف بضيق : اووووف .. هذا وقته؟؟؟
فتح سيف الباب ودخلت ندى
ندى ضمت تسنيم وسلمت عليها : عسا ماضرك بشي؟
تسنيم تهز براسها بمعنى لا وكانت تبكي من خوفها منه
ندى : بصراحه خفت عليك يوم قالو لي ان سيف معصب على تسنيم وفيصل يوم شافهم يتكلمون مع بعض
تسنيم : ماصار شي يلله نطلع
سيف : وين؟
ندى : سيف الكل ينتظرنا تحت
سيف (اثاري قربي منك ينرفزك هه .. طيب يازوجتي العزيزه) : تسنيم
تسنيم التفتت له : نعم
سيف : ادري هالوقت مو مناسب.. لكن لفضيتي ابك بموضوع مهم
تسنيم : طيب
سيف : مو تطنشين .. لو ماجيتي انتي انا اللي بجيبك برضاك او غصب عنك
تسنيم (ياربي هذا شيبي مني): طيب
ندى : المهم ناصر ينتظرك بالمجلس
سيف : ببدل ملابسي واروح له على طول
__________________________
......... : مرحبا
سالم : هلا .. مين معي؟؟
........ : انت سالم الـ..........
سالم : ايه انا سالم .. من انت؟
.........: معاك الظابط مشعل اللي ماسك قضية اختفاء بنتك هيفا
(الظابط مشعل عمره 42 سنه .. وسيم وشخصيته قويه والكل يحترمه في القسم)
سالم : ايوه ياحظرة الظابط ... طمني .. لقيتو بنتي؟
مشعل : بنتك جانا خبر عنها انها موجوده بالرياض
سالم : وشو؟؟؟؟... الرياض؟؟؟... وش وداها هناك؟؟؟
مشعل : هذا اللي قدرنا نعرفه .... وللحين احنا نبحث عن معلومات اكثر
سالم : طيب كيف عرفتو انها بالرياض؟
مشعل : هي صاير عليها حادث .. سياره داعمتها وتعالجت عند مستشفى الـ... بالرياض
سالم : عرفتو مين اللي دعمها؟
مشعل : راح نوصل لاسم اللي دعمها ونحقق معاه .. يمكن يعرف مكانها
سالم : الله يجاكم خير .. تكفون تلقونها
مشعل : لاتحاتي .. ان شاء الله بنلاقيها
سالم : شكرا ياحظرة الظابط
مشعل : العفو هذا واجبنا .. مع السلامه
سالم : آآآآخ بس لو القاك ياهيفوووووه .. الذبح قليل عليك
ريناد (زوجة سالم الجديده ) : حبيبي شفيك تتحلطم بروحك؟
سالم : هلا عمري ..لا مافيني شي .. يلله يارنودد دلعيني بدلعك فديتك والله
ريناد بضحكه : لا ياحبيبي انت اللي تدلعني .. لاتنسى اني كبر اصغر بناتك
سالم : آآآخ منك يارنوود .. انتي تستاهلين الدلع وابو الدلع
ريناد : حبيبي متى بتعرفني على بناتك؟
سالم تضايق من طلبها : لا حبيبتي انسي بناتي ولا تقربينهم
ريناد : ياحرام .. مالهم احد وانا بكون لحالي بالشقه لما تطلع انت .. ملل بصراحه
سالم : لا خليك بشقتك ولا لك شغل فيهم
ريناد : بس انت قلت لي ان امهم متوفيه ومالهم احد غيرك
سالم : رنووود قلت لك قفلي هالموضوع .. بناتي عايشين ومرتاحين ولا يبون احد يواسيهم انا مو مقصر عليهم بشي
ريناد بزعل : خلاص ماراح اطريهم .. دامك خايف عليهم مني
سالم : حياتي انا مابيك تحتكين فيهم عشان مايسممون عقلك بكلامهم عني
ريناد : ليه؟
سالم لطش كذبه : لانهم يعتقدون اني انا السبب بموت امهم
ريناد : ليه وش سبب موتها؟؟؟
سالم توهق مايدري وش يقول لها : المهم هي اصلا كانت مريضه وانا كنت بره البيت .. جيت متأخر وشفتها ميته بفراشها .. وشفت كم مكالمه كانت تدق علي وانا حاط جهازي على الصامت .. هذي هي السالفه
المهم حياتي .. لاتذكريني بحاجات تضيق خلقي
ريناد متأثره : مسكييينه ... الله يرحمها
_______________________
كانو متجمعين بالصاله وشاركتهم هيفا
هيفا : السلام عليكم
تسنيم ومنيره وندى : وعليكم السلام
هيفا بمزح : ممكن اشارك؟؟؟؟
ندى : هههههههه .. لايكون تحسبين نفسك مشاركه في برنامج!!!
هيفا : هههههههه ياحبي لك ياندووو
توجهت هيفا لمنيره وباست راسها .. شخبار الزعيم؟؟؟
منيره استغربت خفت دم هيفا : الحمد لله طيبه
هيفا : يارب دووم ... مليت من جلسة الغرفه قلت خلت انزل واجلس جنبهم .. وانتي ياتسنيموووه ماتتنزلين تعزميني على جلستكم النايس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك