رواية عذبتني باسباب فرقاك -8
فصخت عباتها وجوتيها ورفعت بنطلونها لركبتها ونزلت وراه وشعرها يتطاير أكثر منه وراحت وقعدت يمه
وعيونها عليه وهو عيونه على البحر علي .. ان تحب البحر ؟؟
صوت موج البحر كان طاغي والسما بدت تحمر والشمس تعلن بالشروق
علي غمض عيونه وكأنه يتنفس هوى البحر احبه موت .. ما ادري ليش
مريم حاطة يدينها الثنتين على راسها تحاول تلم خصلات شعرها اللي تتدافع مع نسمات البراد الهابة من جهة الشرق ليش يبتني هني .. مكان انت تحبه ؟؟
علي لف عيونه عليها عشان اكلمج يا مريم
مريم اي كلمني .. انا اسمعك
علي مريم انتي كاملة وحلوة وكل شي فيج يخلي الواحد ينجذب لج ويقرب منج
مريم ضحكت بهدوء ضحكة صافية
علي استغرب ليش تضحكين ؟؟
مريم اول مره احس احساس يديد وحاسه بفرح وشي غريب داخلي
وقعدت تأشر بأصابعها تحاول تفهمه بس مو عارفه اشلون يمكن خانها التعبير
علي ضحك على حركتها وليش حاسه هالاحساس
مريم هزت جتوفها بمعنى ما ادري ما ادري .. يمكن لانك الشخص الوحيد اللي قلتلي بالاول اني مو حلوه وبعدها غيرت رايك
علي انا بالاول كنت اشوفج عادية .. بس اليوم حسيتج حلوه
مريم اشلون ؟؟ شمعنى اليوم ؟؟
علي ما ادري يمكن لما شفت ضعفج ودموعج بان جمالج وحلاج
مريم يعني قبل شنو كنت
علي بصراحة مغروره وشايفة نفسج
مريم وقفت وهي تتنفس بصعوبة اناا ؟؟
علي ابتسم ومد يده لها وسحبها وقعدها يمه تعالي
مريم ما صدقت راحت وقعدت يمه علي
علي كانت عيونه على البحر همممممم
مالت براسها وبكل نعومة ممكن
لف عيونه عليها وابتسم بهدوء ممكن
حطت راسها على جتفه وهو حط راسه على راسها
وظلوا في لحظات صمت ينتظرون شروق الشمس
مريم علي
علي وعيونه على البحر نعم يا مريم
مريم ليش غيرت رايك فيني .. انت قبل قلت اني عادية
علي انا ما غيرت راي .. انت اللي يعرفج من داخل بيفهم انج بنت طيبة وروحج حلوه .. بس انتي تحاولين تثبتين العكس للعالم اللي حولج بغرورج وكبريائج
مريم مصدومة انا ااااااا ؟؟؟؟ انا جذي ؟؟؟
علي اي انتي جذي .. لما بان ضعفج بانت حقيقتج
مريم براحة ليش احس معاك بالامان ..
تنهد علي بقوه ورفع راسه وانا احس معاج بالراحة .. ودي احمييج على طول وأكون يمج
رفعها من على جتفه ومسك جتوفها وعيونه في عيونها ابي ادخلج داخل عيوني واغمض عليج .. انتي شي غالي وثمين عليّ يا مريم
ومسك يدها وقربها من صدره وخلاها على قلبه
نزلت دمعة حرقت عيونها تلقاها ومسحها بسرعة هذول ما ابي اشوفهم طول ما انا موجود
مريم تخدر جسمها وما حست الا وشفايفها تتحرك وقلبها صرخ أحـــــــــــــــبـــــــــــــــــك
لمعت عيونه ولمس أطراف أصابعها ولقاها ثلج حشرها بباطن يده عشان يدفيها ومريم كانت تراقب تصرفاته وعيونها مبتلة بالدموع وصافنه فيه
شبك أصابع يده مع أصابع يدها
ومريم حست ان جسمها كله ارتخى وتخدر لما اخذ راسها ودفنه داخل صدره وقريب من قلبه
لما سمعت دقات قلبه دفنت روحها اكثر وحضنته من خصره وهو بادلها الحضنه وقعد يمسح على شعرها
طلعت الشمس ونورت الدنيا تعلن ولادة يوم يديد مع ولادة حب يديد
نزلت دمعة مريم على قميص علي وحس بالدمعة لانها بللت قميصه رفع راس مريم عشان يمسح دمعتها
بس شكل مريم وعيونها وجمال بشرتها خلاه يقرب ويهه من ويهها ومريم كانت حاسه نفسها مقيده ومسيره قربت منه وفتحت فمها ولمسة شفايفها شفايفه وخصلات شعرها كانت يداعب ويهه
بعد عنها وصرخ لا .. مستحيل .. لا لا .. لا
مريم مو فاهمة شي علي شفييك ؟؟؟؟؟؟؟؟؟
علي وحاط يدينه الثنتين على راسه لا مريم اللي قاعد يصير غلط .. غلط
مريم شنو اللي غلط
علي غلط وخلاص خلينا نمشي
مريم علي فهمني شفييك .. وشنو اللي قلب حالك ؟؟
علي مريم انتي مو فاهمة شي .. انا وانتي .. لا ما يصير مستحيل
مريم بصراخ ونفاذ صبر وشنو اللي مستحيل .. فهمني
علي مريم انا ما اعرف شي عن نفسي ولا اذكر حتى اسمي ولا اهلي .. وانا موظف عند ابوج .. غلط اللي قاعد يصير غلط يامريم .. غلط
مريم شنو غلط .. وشنو موظف .. الحين لعبت فيني وفي مشاعري وقلبت من حال الى حال
علي مريم .. خلاص انسي .. واذا تبيني انا من اليوم مستقيل وطالع من بيتكم .. بس حب لا .. حب لا
مريم اشلون .. توك تقول بتحميني وبتظل معاي وما بتتركني
زادت شهقاتها وارتفع صوت صياحها الحين بتقتل حب للحين ما انولد حتى .. حرام عليك يا علي عشتني بلحظات حلوة وبدلتها لي وعكستها لهم نكد .. ليش يا علي
راحت وقعدت على الرمل وشعرها نازل على الارض انا كنت طول عمري خايفة من هاللحظة .. تعودت كل شي ابيه ألقاه جدامي .. بس كنت خايفة من الحب .. خايفة ألقاه وما احصله .. انا مابي شي مابي المال ولا الجمال بس لا تحرمني من السعادة .. لا يا علي لا
رفعت ويهها تطالع ردة فعل علي بس هو كان جامد وداير جسمه عنها
عصبت مريم وقامت وقفت على طولها وتشبثت بكم قميصه علي انا راضية بأي شي .. بس لا تسوي فيني جذي اخذني معاك وين ما تروح .. اذا بتطلع من بيتنا انا بطلع معاك .. بس لاتتركني
علي سحب يده بقوه عشان يفلت يدها يالله يا مريم تأخرنا خلينا نرد البيت أحسن
ومشى عنها وراح قعد في السياره يمسح دموعه بسرعة قبل ما تشوفها مريم وتعرف ضعفه وحنان قلبه اللي مو قادر يتحمل اللي صار عقله يقوله تحمل اللي صار خارج عن ارادتك وقلبه يقوله انزل من السياره واخذها بحضنك وامسح دموعها بيدك وابدأ معاها عالم يديد مليان حب وطيبة واحساس صادق وقلب حنون
عيونه كانت تراقبها ويشوف صياحها
قلبه تقطع عليها بس عقله يقوله انت اللي سويته هو الصح ومريم مردها بتفهم الصح والواقع
مريم انقهرت من بروده وركضت لجهة البحر
علي قاعد يطالعها مو مستوعب انها داخله البحر تركض
نزل من السياره ووقف يم الباب وفاتح عيونه وفمه يبي ينطق ويناديها مو قادر وكأنه لسانه انربط حزتها
مريم وصل الماي لركبتها وهي تركض وتصيح بأعلى ما عندها وكأنها تشتكي همها للبحر
مشى خطوات سريعة وقرب من البحر
ورجع وقف لما شافها طايحة على ركبها كان شكلها يقطع القلب
راح لها مريم .. يالله تأخرنا
مريم كانت عاطته ظهرها بعد عني .. روح خلني بروحي .. بعد .. آآآآآآآآآآآآآي ريلي
علي قلبه صار يدق بسرعة وتنفسه صعب مريم تصيح وتقول آآآآآآآآآي وهو واقف بعيد عنها
راح يركض لها بدون ما يفصخ جوتيه ولا يرفع بانطلونه مريم .. شفيييج
مريم بصيياح بعد عني لاتقرب .. بعد خلني في حالي
علي نزل لها ومسكها من جتوفها مريم ريلج شفييها .. ليش تصيحيييييييييين ؟؟؟؟؟
مريم تمايل جتوفها يمين ويسار وبهستيريا بعد عني .. لا تلمسني فااااااااااااهم
علي نزل على ركبه وضماها من وراها عشان يهديها خلاااااااااااااااص مريم .. خلاص هدي .. لا تصرخين .. اصصص .. هدي شوي
مريم اخذت نفس وحاولت تهدي اعصابها علي بعد عني .. نسيت انت سيكيورتي عند ابوي .. لا تلمسني
علي بعد ذراعه عنها خلاص بعدت عنج .. مريم شفيييج ليش تصيحين ريلج شفييها ... خرعتيني
مريم قعد تصيح بصمت وتون من ألم ريلها
علي انصدم لما شاف الماي تلون بالاحمر مريم .. هذا دمج .. مريم وريني ريلج
بس مريم معانده ومو راضية تطلع ريلها من الماي
علي بصراخ مريم مو وقت دلع وعناد .. انتي تنزفين .. شوفي ماي البحر تلون بدمج
مريم وانت ريلي تهمك وقلبي ما يهمك ؟؟ روح وخلني مكاني ما بي منك شي ولا ابيك تتشفق علي
علي مريم اذا ما تبيني اشيلج غصب .. وريني ريلج .. الحين
مريم مسحت دموعها بظهر يدها ما يحتاج .. ريلي ما فيها شي
علي بطولة بال زين اذا ما فيها شي .. قومي امشي جدامي خلينا نروح البيت
مريم تحاول ترضي غرورها وكبريائها اللي انجرحوا قامت وقفت على ريلها اليسار اما اليمين لما حاولت توقفها ما قدرت تتحمل الالم وصرخت آآآآآآآآآآآآآآآآآآآآآآآآآي ... ريلي .... آآآآآآآآآآآآي تعورني
وطاحت مره ثانية آآآآآآآآآآآي .. تعورني
نزل لها وحط ذراعه وحده تحت ظهرها والثانية تحت ركبها وحملها وطلعها من الماي لفوق الرمل وقعدها وقعد معاها زحف على ركبه وراح يشوف ريلها
انصدم من اللي شافه مـــــــــــــريــــــــــــم شنووووو هذاااااااااا ؟؟؟؟؟؟؟؟
شتتوقعون صار في مريم؟؟؟؟؟
انتظر الردووود واجوف الحمااااااااااس
الجزء الثالث عشر
علي انصدم لما شاف الماي تلون بالاحمر مريم .. هذا دمج .. مريم وريني ريلج
بس مريم معانده ومو راضية تطلع ريلها من الماي
علي بصراخ مريم مو وقت دلع وعناد .. انتي تنزفين .. شوفي ماي البحر تلون بدمج
مريم وانت ريلي تهمك وقلبي ما يهمك ؟؟ روح وخلني مكاني ما بي منك شي ولا ابيك تتشفق علي
علي مريم اذا ما تبيني اشيلج غصب .. وريني ريلج .. الحين
مريم مسحت دموعها بظهر يدها ما يحتاج .. ريلي ما فيها شي
علي بطولة بال زين اذا ما فيها شي .. قومي امشي جدامي خلينا نروح البيت
مريم تحاول ترضي غرورها وكبريائها اللي انجرحوا قامت وقفت على ريلها اليسار اما اليمين لما حاولت توقفها ما قدرت تتحمل الالم وصرخت آآآآآآآآآآآآآآآآآآآآآآآآآي ... ريلي .... آآآآآآآآآآآآي تعورني
وطاحت مره ثانية آآآآآآآآآآآي .. تعورني
نزل لها وحط ذراعه وحده تحت ظهرها والثانية تحت ركبها وحملها وطلعها من الماي لفوق الرمل وقعدها وقعد معاها زحف على ركبه وراح يشوف ريلها
انصدم من اللي شافه مـــــــــــــريــــــــــــم شنووووو هذاااااااااا ؟؟؟؟؟؟؟؟
مريم بصياح ودني البيت .. آآآآآآي
علي متبهذل ومو عارف يتصرف مريم ريلج منجرحة .. مشيتي على جزاز .. شوفي اكا داخل ريلج
مريم علي ودني البيت ... ريلي . ريلي .. ريلي تعورنيييييييييي
علي لحظه ثيابج مبللة بروح احط اي شي على السيت وبيي
مريم تصيح ما ردت عليه
علي راح للسياره وحط على اسياتها كفر طربال خاص فيها موجود بالصندوق
ورجع لمريم مريم .. انا بشيل الجزازه الكبيره .. بيعورج بس تحملي شوي
مريم تحرك ريلها يمين ويسار لا .. لا بيعورني .. خلها .. لا تشيلها .. ما ابيك تلمسني .. ودني البيت الحين .. الحين .. لا .. آآآآآآآآآآآآآي ياريلي .. آآآآآآآآآآآآآآآي
علي مسك أصابع ريلها بقوه مريم لا تتحركين ..
مريم بهستريا وتحرك ريلها ماتبيه يلمسها لالالالالالالالالالا .. لا تلمسني .. ما بيك تلمسني
علي مسك فكها بقوه وضغط عليه مريم .. صبري .. انا بشيل الجزازه .. وبهدج .. وما راح ألمسج مره ثانية .. اوعدج .. لازم اشيلها عشان ما تتألمين أكثر .. وبتنزفين وايد لين ما يخلص دمج
مريم لا تلمسها بتعورني ..
بس علي ما عطاها مجال تكمل حجيها سحبها مره وحده ومريم صرخت من شده ألم بقوه
علي فصخ قميصه الاسود وشقاه من النص وربط ريلها وضغط على الربطة بقوه عشان يوقف النزيف
مريم هدأت وصارت تشاهق بهدوء
علي قرب من ويهها وطالعها بنظره حزينه ومسك يده ولفها ورى رقبتها والثانية تحت ركبها وحملها
مريم دارت ويهها عنه ماتبي تكلمه
وهو راح وجلسها في السياره وسدح لها السيت ورفع ريلها بهدوء وراح ركب يمها وشغل السياره ومشى
كان الهدوء سيد الموقف
مريم عيونها على الشارع وكل شوي تمسح دموعها بظهر يدها
علي مركز في الشارع وكل شوي يتلفت لها ويشوفها دموعها وقلبه متوجع عليها بس طبعا مو مبين هالشي
.
.
.
.
.
.
.
.
.
.
مريم بصراخ وين يايبني .. ردني البيت الحين
علي مو بكيفج
مريم ردني البيت مابي منك شي ..
علي بركن السياره بمواقف الطوارئ ونزل وراح لها فتح باب السياره وهي دارت ويهها للجهة الثانية ما تبي تكلمه
علي نزل جسمه لها يا الله يامريم ..
مريم ساكته ولاردت عليه بكلمه
مد يدينه عشان يشيلها
بعدت يده عنها وهي للحين دايره ويهها Please don't touch me
علي بطولة بال مريم عن الدلع ريلج فيها جزاز صغار لازم يطلعونه ويخيطونها
مريم اقدر امشي ..
ضحك ضحكة صافيه يالله قومي .. وانا اوعدج ما بلمسج .. اذا قدرتي تمشين
مريم انقهرت منه واخذت نفس طويل تحاول فيه تستجمع كل قوتها وعدلت قعدتها عشان تقوم وخر عن الباب عشان اقووووم
علي ابتسم ورفع يدينه باستسلام ينتظرها تقوم
مريم جمعت قوتها على ريلها اليسار ورفعت اليمين المجروحة ووقفت وهي مغمضة عيونها بقوه وعاضة على شفايفها من شدة الالم
ومشت خطوتين لا أكثر على ريل وحده واختل توازنها ونزلت ريلها الثانية على الارض وصرخت ريليييييييييييييي .. آآآآآآآآآآآآآي ... بموووت
ولما سمع صرختها حملها غصب ودخل فيها قسم الطوارئ وهي كانت ساكته وتتوجع بصمت ومقهوره منه الوجع اللي بريلها مو هامها كثر الالم والوجع اللي سببه لها
دخلت غرفة الكشف والممرضة يت تعاينها واخذت منها عينة لتحليل دم وقاست حرارتها وضغطها
وحملت الملف وقبل ما تطلع راحت لعلي وعطته كرت لو سمحت اخذ زوجتك قسم الاشعة
علي صفن بكلمة الممرضة وسكت
مريم كانت عيونها على علي بس للاسف خيب املها
الممرضة لو سمحت .. ما سمعتني
مريم بحدة سمعج .. حبيبتي هذا مو زوجي .. هذا سيكيورتي يشتغل عندي .. انا بنت مو متزوجة
الممرضة آسفه شفتكم مع بعض عبالي زوجج
مريم ليش عشان ان كان حاملني .. لا يروح تفكيرج بعيد
علي ارتاح لردة فعل مريم وحسها رجعت لطبيعتها وغرورها المعتاد
طلعت الممرضة بعد ما يابت الويل جير لمريم وقعدتها فيه واخذتها بنفسها لقسم الاشعة
طال انتظارهم اكثر من ساعة ومريم بدت تطفش وتعصب افففففففففففففف ... مليت ردني البيت بسرعة
علي مسفه لها ولا كأنه يسمع
مريم انقهرت منه انت شفييك ما تسمح ياعلك الصمخ ان شاءالله .. ابي اروح البيت .. وين تلفوني .. روح ييب تلفوني بتصل لبابا ايي ياخذني .. من مستشفى الفقاره هذا
علي فتح عيونه وهو كاتم الضحكة ومسوي روحه منصدم وبنفسه بعد تدعي علي .. هههههههههههه
دار ويهه عنها ومريم بذيك اللحظة شوي وتنفجر من حركته كتمت غيضها تحقرني بعد .. بتشووف اللي ما يفنشك من شغلك ..
ما قدر يكتم الضحكة أكثر انفجر في ويهها هههههههههههههههههههههههه .. هههههههههههههههههههههه .. هههههههههههههههههههههههههههههههههههههااااااااااااا اااااااااااااااااااااااااااااااييييييييييييييييييي ييييييييييي
مريم خلاص ارتفع ضغطها ويهها تغير لونه وتوها بتتكلم الا والدكتور داخل عليهم
الدكتور وبيده الاشعة شلونج مريم؟؟
مريم من غير نفس شوفة عينك .. ريلي تعورني
الدكتور افااا ليش معصبة ؟؟؟
مريم صارلي ساعتين راقعيني عشان جزازه صغيره مو عارفيين تشيلونها
الدكتور هالجزازه الصغيره بتدخلج غرفة العمليات
مريم مصدومة شنووووو ؟؟ ليش ؟؟؟ لا مابي .. لا مابي طلعوني من هني .. ابي بابا .. اتصلوا لبابا
الدكتور هي عملية بسيطة ما تخوف بسحب الجزاز الصغار وبخيط مكانهم
مريم لا مستحيل .. لاتلمس ريلي ما بي .. ابي ابوي
الدكتور مستغرب عمرج 20 وتبين ابوج
مريم انقهرت لما شافت ابتسامة علي وهي طبعا فسرتها على انها ابتسامة شماته انا ما ابي عمليات .. بروح البيت
الدكتور خلاص اكتب في التقرير انج رافضة العلاج وردي بيتكم ونزف دم لين تموتين
مريم بضييق يكون احسن
علي لو سمحت دكتور ممكن اكلمك شوي
الدكتور اي تفضل
وطلع معاه برى الغرفة
علي انا اسف على كلامها معاك .. وانا ابيك بصراحة تكمل علاجها وما عليك من رفضها .. بس لو سمحت عندي لك سؤال
الدكتور تفضل
علي بتسوي ليها تخدير كامل ولا موضعي
الدكتور لا ما نحتاج لتخدير كامل .. موضعي في الجزء المتضرر
علي زين .. شوف شغلك
الدكتور باهتمام اي بس ليش سألت عن التخدير ؟؟
علي ها لا ولاشي .. بس اتوقع التخدير العام يضرها
الدكتور ليش يضرها .. صحتها ممتازة ما تعاني من مشاكل لا ادمان وانيميا ولا امراض بالقلب
علي هي اخر وحده .. عندها عيب خلقي بالقلب بس ما عرف شنو
الدكتور زين انك قلت لنا عشان المورفين اللي بتاخذه بعد الخياطة مناسب لحالات امراض القلب والادوية والمسكنات تكون كلها مناسبة لحالتها
علي شكرا على تفهمك دكتور .. واستحملوها بنت زواد مو متعوده تيي هني
الدكتور لا شكر على واجب .. وانا قريت اسمها وعرفت انها بنت رجل الاعمال محمدتقيأكبري .. الله يعينهم عليها ويعين اللي بياخذها ههههههههههههههههههه
علي آخر كلمة حركت فيه مشاعر داخلية بس من الخارج ضحك مع الدكتور لان فعلا دلع مريم شي مو طبيعي وطبعها صعب الواحد يقدر عليه
راح الدكتور ودخل علي الغرفة على مريم
قعد على كرسي كان بعيد عن مريم وعيونه على الباب
مريم بنفسها حتى ما يبي يطالعني .. يطالع العالم اللي برى وانا لا .. لهدرجة يا علي
ونزلت راسها والدمعة محبوسة داخل عيونها ما تبيها تنزل وتبين ضعفها وقلة حيلتها
وعلي مو قادر يلف عيونه ويشوفها قلبه كان حاس بسكوتها اكيد تصيح حتى بداخل قلبها
دخلت الممرضة وجابت معاها لبس العملية وعلي استحى وطلع عشان يخليها تاخذ راحتها وتغيير ثيابها
لبست لبس العملية وانسدحت على السرير تنتظر اييون ياخذونها
الستاره كانت مسكره ونزلت عيونها على الارض تبي تشوف ريله هل هو قاعد ولا لاء بس ما كان موجود
دارت على الجنب الثاني وبدت تدندن بحزن وتغني بهدوء أغاني تريح أصابها وتطلع شوي من الحزن اللي في قلبها
عذبتني باسباب فرقاك
ظالم وأنا في الحب مظلوم
قلبي جبرني امشي وياك
وش حيلتي والقلب مغروم
تجفي وتتغلى ونهواك
وتزيدنا حراة وسكون
وحنا شراة العين ندراك
تبخل علينا وانته تروم
راح الزمن وانا برجواك
وبدرب ودك صرت ملزوم
دنياي تتبسم بدنياك
وتروح مع طلعتك لهموم
كانت دمعاتها مورمين عيونها وخدودها مبتلين وكل شوي تمسحهم وتحاول تداري الالم اللي بصدرها
دارت جسمها واتفاجأت فيه واقف جدامها مسحت ويهها وعيونها بيدينها
مريم بارتباك انت من متى هنيي؟؟
علي يمسح ويهه بيده اليمين واليسار حاطها على قلبه خنقته العبره ما قدر يسمعها تغني بصوت باكي وشهقات خافته بس ما حب يضايقها ويقولها ان كان موجود وسمعها حاول يتصنع البرود والهدوء توني ياي .. يالله قعدي على الويل جير عشان نروح
مريم قامت شوي شوي وقعدت على الكرسي المتحرك والتزمت الصمت
وعلي كان يجرها ويجر ألمه معاه يحس بضييق وزعل وكأن هموم الدنيا تجمعت عليه من كل جهة مريم والحيرة الكبيرة بداخله والصراعات اللي قاعد يعيشها كان يكلم نفسه ويلوم ويعاتب نفسه ليش انا .. ليش .. معقولة يا مريم انا ظالم .. بس انا ما كنت اقصد .. بس ما اقدر اظلمج معاي .. الود ودي اخذتج ورحت معاج لبعيد بس وين .. لا يامريم كلها ايام وبتتجاوزين اللي صار وبتنسيني .. لاني ولا شي انتي قلتيها سيكيورتي فاقد الذاكره .. ويمكن انا استعجلت واللي صار كله غلط .. أكيد انا اتوهم مو معقوله .. مو معقولة اني احب ومن مريم ..
وغمض عينه بألم واعتصرت منها دمعة مسحها بطرف صبعه
ابتسم بشفافية يالله مريم وصلنا .. الله يكون معاج
مريم رفعت راسها وطالعته بنظرة مليانة زعل ولوم وتعب عورت قلبه أكثر وسكتت
سكوتها أثار الخوف في نفسه مو من عادتها تسكت ليش .. خاف تكون متألمة من شي ثاني غير ريلها بس ساكته
علي نزل جسمه لها وحط يده على يدها
مريم سحبت يدها وضمتها لصدرها وضاعت عينها بالفراغ
علي اوكي .. اذا ماتبيني ألمس يدك براحتج .. بس قوليلي اذا في شي ثاني يعورج غير ريلج .. لا تسكتين
مريم ما نطقت استمرت في السكوت لانها وصلت لنتيجة ان قلب علي حجر لو شنو تقوله ماراح يفهم ولا يغير تفكيره فيها ولا في حبها المذبوح بقلبه
علي تنهد بضييق برااااااااحتج .. استودعج عند الله
ويت الممرضة واستلمت مريم ودخلت غرفة العمليات وبدأ الدكتور يطلع الجزاز الصغيير والناعم من ريلها وهو يكلمها بس مريم في عالم ثاني كانت عيونها فوق مر عليها طيف علي وتذكرت اللي صار
مريم ما كانت حاسه بالالم لانه ريلها تحت تأثير البنج
كانت تحس للحظات ان علي تغير في آخر لحظة وتبتسم وتتفائل وتحس بالامل ومسرع ما تختفي الابتسامة لما تتذكر جفاه وسوء معاملته لها
برى غرفة العمليات وبالذات في قلب علي معتصر من الالم والخوف هي صح عملية بسيطة بس ما يدري ليش كل هالخوف ساكن قلبه وينتظر احد يطلع ويطمنه عليها كلما يحاول يهدأ يتجدد الشعور من جديد يمكن سكوت مريم ونظراتها هي اللي تحسس بهالاحساس والخوف وتخليه متوتر وقاعد على اعصابه ويعد الدقايق والثواني
مرت 45 دقيقة من دخلوا مريم وللحين محد طلع
واقف وعيونه على الباب لين ما لمح الدكتور طالع بنفسه
ركض ووقف عند الباب ينتظره يطلع
ولما طلع كانت كل علامات الجمود مرسومة على ويهه
علي بتوتر هااا .. بشر يا دكتور .. خلصتوا ؟؟؟ وين مريم ؟؟
الدكتور ................
شتتوقعون رد الدكتور ؟؟؟
الجزء الرابع عشر
برى غرفة العمليات وبذات في قلب علي معتصر من الالم والخوف هي صح عملية بسيطة بس ما يدري ليش كل هالخوف ساكن قلبه وينتظر احد يطلع ويطمنه عليها كلما يحاول يهدأ يتجدد الشعور من جديد يمكن سكوت مريم ونظراتها هي اللي تحسس بهالاحساس والخوف وتخليه متوتر وقاعد على اعصابه ويعد الدقايق والثواني
مرت 45 دقيقة من دخلوا مريم وللحين محد طلع
واقف وعيونه على الباب لين ما لمح الدكتور طالع بنفسه
ركض ووقف عند الباب ينتظره يطلع
ولما طلع كانت كل علامات الجمود مرسومة على ويهه
علي بتوتر هااا .. بشر يا دكتور .. خلصتوا ؟؟؟ وين مريم ؟؟
الدكتور ................
علي ينتظر اجابة من الدكتور وعيونه تتنقل بين باب غرفة العمليات وبين الدكتور
الدكتور هههههههههههه .. شفييك ما صارت عمليه بسيطة .. ليش كل هالخوف الحمدلله على سلامتها ..
علي تنهد براحة الحمدلله .. الله يسلمك .. دكتور ما تعبت وانت تسويلها العملية؟؟؟؟
الدكتور لا الحمدلله .. بس النبض كان مرتفع شوي وهذا طبيعي .. والحين ريلها بعدها تحت تأثير البنج .. وبعد 4 ساعات تقدر تاخذها .. وعطيتها مسكنات تناسب حالتها .. بس انا اقول ان من رايي لازم يشوفها طبيب مختص بأمراض القلب .. عشان يطمنك أكثر
علي أكيد ما بترضى .. وانا بصراحة مو عارف شنو العيب اللي بقلبها بالضبط ولا شنو مرضها بس اتوقع في احد الصمامات Valves يمكن يكون إلتواء أو انسداد بسيط في شريان البطين الايمن Right Ventricle يسرع من تدفق الدم على البطين الايسر Left Ventricle .. أو يمكن ثقب بالقلب بين البطينين Between Ventricles.. يعني عشان جذي النبض.........
الدكتور مستغرب وفاتح عيونه ورافع حواجبه انت دكتور ؟؟؟؟؟
علي ههههههههه .. ههههههههههه دكتور شنو .. لا انا سيكيورتي بس
الدكتور بس اللي توك تقوله .. تحليلك للحالة يعني .. هذا كلام دكاتره .. انت تقريبا عارف الامراض والعيوب الخلقية للقلب اللي ينصابون فيهم الاطفال من الولادة ويصاحبونهم لين يكبرون
علي هاااا .. لا اللي قلته عادي مافي شي .. يالله عن اذنك دكتور
وراح علي يشوف مريم وترك الدكتور للحين واقف مكانه ومرسومه على ويهه اكبر علامة تعجب
دخل عليها وفتح الباب بهدوء وهي كانت عيونها على الباب تنطره يدخل عليها
قرب منها وابتسم لها
ردت له الابتسامة
اخذ الكرسي وقعد يمها وحط يده على يدها اشلونج .. الحين
مريم عيونها على يده ما تدري ليش ما سحبت يدها وهاجمته دارت ويهها الجهة الثانية وسكتت ماتبي تكلمه زعلانه اي زعلانه منه ومستحيل ترضى .. اشلون يخليها تتقرب منه وتحبه وعطاها حنانه وأمانه ومنع عنها حبه وقلبه .. كانت تتذكر اللي صار لها واشلون رفعها للسما ورجع رماها على الارض بكل قسوه وجفاف
علي شال يده عنها خلاص اذا يدي تزعلج شلتها .. بس انا ابي اطمن عليج
مريم بحده تحاول تتدارك دمعاتها المتحجره بعيونها لفت ويهها له انا زينة طول ما انت بعيد عني
علي قام من مكانه وراح لقريب الباب عشان يطلع خلاص انا ببعد عنج .. ارتاحي شوي عشان نرجع البيت
مريم لفت ويهها عنه ابي انام .. خلني بروحي
طلع علي ومريم غمضت عيونها تحاول تنام وكلها دقايق وهي نايمة بمفعول الدوا اللي بالمغذي
راح السياره وقعد فيها وشغلها وسدح السيت
غمض عيونه وزفر بقوه يارب .. يارب ما اكون آذيتج يا مريم ..
وسكت وصار يلوم ويعاتب نفسه من داخل اشلون ما أذيتج وانا السبب باللي انتي فيه .. انا اللي وصلتج هني ويبيتج المستشفى بنفسي .. انا اكيد تسرعت البنت كانت محتاجة الامان وانا عطيتها .. بس مو لدرجة اني احبها انا وهي ما نصلح لبعض هي وين وانا وين .. يمكن هي بعد تسرعت مو معقولة حبتني بهالسرعة .. هي محتاجة لصدر حنون وحضن دافي ولقته عندي .. وانا المفروض ما كنت اطمع فيها واستغلها واصير اناني جذي ........
رن تلفون مريم وانقذه من الصراع اللي عايشه
شاف المتصل وكانت ساريتا تركه لين ما انقطع واتصلت مره ثانية وثالثة ورابعة بعد مارد ما حب يرد ويتجرأ
سكت التلفون رفعه شاف فيه 68 مس كول و10 مسجات كلها من ساريتا
ما حب يفتح المسجات ولا المس كولز
مرت نص ساعة والوضع في السياره كان هدوء
ومرت نص ساعة ثانية ونفس الشي لدرجة انه حس بثقل وتعب بجسمه لانه من امس مارقد
تكور على جسمه وقصر على بروده المكيف لانه لابس بدي خفيف أكمامه قصيره والقميص اللي كان عليه شقه من النص وربط فيه ريل مريم
حاول يرخي أعصابه ويسوي لنفسه مساج على عينه وحواجبه
بس تلفون مريم ما هدأ رد رن مره ثانية
جلس السيت وطالع التلفون بتعب بعد ساريتا .. شكلها شغالتهم ... اففففف شهالبلشة ارد ولا ما ارد
بعد تفكير قرر يرد
بصراخها المعتاد ألو .. مريوم .. وينج ياحماره .. عيزنا واحنا نتصللج
علي مبعد التلفون عن اذنه ومو قادر على صوتها وصراخها صباح الخير ..
ساره ................... (لاتعليق)
علي مستغرب من الهدوء المفاجئ ألو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك