رواية ياليتك ما كنت أخوي -7
مشاعل:راحت علينا يعني اليوم مافي ألا أكل الغذاء المحروق
ريم:أهىء أهىء ماأبي
أم وليد:يلا بنات بلا دلع
نوره:هذا الغذاء مانبيه أنا والهنوف شرينا أكل ألذذ من هذا
الكل:وينه؟؟
وجابت لهم وأكلوه كله ماخلوا ولا شيء
وجت الهنوف
الهنوف:وين غذاي؟؟
أم حمد:مالك ألا الغذاء المحروق
الهنوف:لا أنا شريت أكل من السوبر ماركت
أم حمد:توه بدري..أكلوه من زمان
الهنوف:هاااا..ليه أكلتوه عني أهىء أهىء
ريم:والله أكلنا وراح{وتأشر على بطنها}هنا..أحد قال لك تقرقرين بجوالك
الهنوف:يعني مافي ألا المحروق؟؟
أم حمد:أيوا
وتغذوا وخلصوا
نوف:ريووم
ريم:هلا
نوف:وين وعدك؟؟
ريم:أي وعد
نوف:نسيتي هااا
ريم:اوووه ذكرت تعالي
وطلعوا بره
ودقت ريم على سعود اللي هو خطيبها
سعود:هلا والله وغلا بقلبي وعمري وروحي وكل هلي وناسي
ريم:اهلين..أخبارك؟؟
سعود:دامك داقه أكيد بخير
ريم:ههههههه
سعود:فديت هالضحكه أنا
ريم:فجيت عليّ
سعود:وانتي بعد فجيتي عليّ..متى رح ترجعون؟؟
ريم:يمكن الأربعاء أو الخميس
سعود:وش يصبرني
ريم:سعود ممكن أسأل سؤال؟؟
سعود:اكيد تفضلي
ريم:قد ايش تحبني؟؟
سعود:أحبك..
احبــك لـو تـنـــزل دمـــوعي مـــطر
احبك اكثر من ما تحب النجوم السهر
احبــك لـو تـــنـزف جـــروحي دهــر
احبــك لـو اتــحدى هالنـــاس والقـدر
احبــك ليـــــن ينـــــهد حيـــلــي
احبــك ليـــــن تغمـــض عينـــي
احبك لين اشوف هالدنيــا سراب
احبك واطيح وخدي على التراب
ريم:وانا بعد..أحبك
سعود:من قلبك..!؟
ريم:أيه
سعود:يصير أجي لكم
ريم:أكيد يصير
سعود:لا بالأول أسألي عمي يمكن يرفض
ريم:لا عادي ما بيقول شيء
سعود:لا خبريه بالأول ودقي لي
ريم:أوكي..باي
سعود:باي قلبي
وسكروا
نوف:الله على الحب مقدر أنا
ريم:أسكتي..أنا خايفه
نوف:ليه!!
ريم:سعود بيجي أخاف من ردة فعل وليد
نوف:لا ماأتوقع يسوي شيء
وعلى الساعه 3{العصر}أجوا الرجال والشباب
عند البنات
ليلى:أجوا..أجوا
مشاعل:مين؟؟
ليلى:الشباب والرجال
ريم:هيّن..بنات كل وحده تفكر في انتقام للشباب أوكي
الكل:أوكي
عند الشباب
دانيال:شباب..شباب
الكل:نعم؟؟
دانيال:البنات ناوين علينا
مشاري:رحنا فيها
معاذ:لا أنا عندي ولد
حمد:مو خايف الا على ولده مالت عليك
طلال:لا أن شاء الله مابيسوا لنا شيء دام أنا موجود
علي:أشوف واثق حضرتك
حمد:وليه ما يوثق ماهو صديقي{ويأشر على طلال}هذا الشبل من صديقه الأسد
علي:أووف نشبه واقفين لي{ويأشر على حلقه}هنا في بلعومي
طلال:أسكت..أسكت لا تقلبها لنا حصة علوم
جواد:على طاري العلوم من وين لوين الأختبار يوم السبت{طبعاً يكلم علي لأنه معاه بنفس الفصل}
علي:من صفحه 1 إلى صفحه 1000000
جواد:لا عن جد
علي:أنقلع وش مدريني أنا..وش قالوا لك رشدوه أنا اللي يحفظ الأخضر واليابس{راشد طبعاً زميلهم في الدراسه}
حمد:خلاص أنطم أنت وياه
وليد:يعني وش بيسون البنات مثلاً؟؟
طلال:يحرقونا بأغراضنا
حمد:يشونا وياكلونا
محمد:يغرقونا
ريان:يهددونا بالأسلحه
سالم:يفجرونا ويشربون دمنا
وليد:بل..بل كل هذا يسونه اسرائيل مو بنات
معاذ:والله مساكين هالبنات
حمد:تحبهم!!
معاذ:أنا قلت كذا
طلال:لا قلت كذاك
مشاري:هذول حمد وطلال من جينا هنا وهم فيهم شيء في عقلهم
جواد:مو بس من أجينا اهم كل يوم يخرفون أكثر من اللي قبله
حمد:سخيف
سالم:أسكتوا مانبي هوشات ألحين
عند البنات
ليلى:تطلعين نتمشى
نوف:يلا
وطلعوا وجلسوا على طاوله قريبه من البحر
ليلى:عينك تقول أنك تبين تقولين شيء
نوف:أيه والله
ليلى:تكلمي
نوف:أبي أقول لعلي أنّي أحبه بس ماأعرف كيف
ليلى:تشجعي أنتي مو ضعيفه
نوف:أيه بس..{وسكتت}
ليلى:أسمعي..{وأجاء علي وراء ليلى ويسوي لنوف حركه يعني لا تتكلمي نوف خافت وش بيصير إذا تكلمت ليلى و وش بيصير إذا قالت لليلى إن علي وراها}
{{الجزء السادس}}
ليلى:أسمعي..{وأجاء علي وراء ليلى ويسوي لنوف حركه يعني لا تتكلمي نوف خافت وش بيصير إذا تكلمت ليلى و وش بيصير إذا قالت لليلى إن علي وراها}
ليلى:دامك..
نوف{تقاطعها}:لا
علي:زين لك كذا كنت بخرعها
نوف دمعت عينها ومشت
علي:وش فيها سويت شيء أنا؟؟
ليلى:هااا مدري..وبعدين أنت ليه تبي تخرعني؟؟
علي:هااا..بس كذا
ليلى:لا والله{ومشت}
علي:غريبه وش فيها نوف..!؟{ومشى}
عند الرجال
أبو جواد:صحيح سمعتوا عن أبو سليم يقولون صار له حادث
أبو ماجد:أيه على الهاي ويه
أبو معاذ:يقولون يتعاطى مخدرات
أبو ريان:صحيح ماسمعت
أبوطلال:سمعت بس قلت يمكن خبر مو صحيح
أبو وليد:الله يقومه بالسلامه ويهديه
أبو حمد:أن شاء الله
أبو معاذ:دق عليّ عيد يقول جايه بضاعه من ألمانيا وش رايكم ناخذها وألا لا
أبوماجد:أيه كلمني قلت ناخذ نصف وإذا مشت ناخذ الباقي
أبو ريان:أيه وأنا اقول كذا
وتدق ريم على أبو حمد
أبو حمد:هلا والله بريم...........وش عندك؟؟.............أيه حياه...............أكلمه ليه لا.................طيب ولا يهمك..................فمان الله.............
وسكروا
أبوحمد:أن شاء سعود بيجي
أبو طلال:سعود ولد جاسم؟؟
أبوحمد:أيه
أبو طلال:أمممممم
أبو وليد:وشلونه جاسم يقولون بالعنايه؟؟
أبو حمد:لا ألحين أحسن
أبو وليد:الحمد لله والله انه رجال طيب ومافيه منه
أبومعاذ:الله يقومه بالسلامه
أبو ماجد:الله يسمع منك
<<<ماأحب سوالفهم..لا ومسكين هذا أبو سليم بين الحياة والموت ويتكلمون عليه خخخخ>>>
عند البنات
مشاعل:ملل
ريم:حده
مرام:فكروا في شيء
مريم:بنات وش رايكم نلعب كورة قدم؟؟
الكل:موافقين
نوف:أنا ماأبي
الكل:هااا!!
ريم:ليه؟؟
نوف:مالي خلق
مشاعل:براحتك
وطلعوا وأنقسموا فريقين
الفريق الأول بقيادة ريم وهو مكون من:
شوق..مريم..دانه..نوره
الفريق الثاني بقيادة مشاعل وهو مكون من:
مرام..فرح..ليلى..الهنوف
وبدوا اللعب وعلت أصواتهم وسمعوهم الشباب وطلعوا
نروح لنوف
طلعت وجلست على البحر
نوف:جيت لك يا بحر أشكي همومي..متأمله أنك تدوي جروحي{وسكتت واخذت نفس}إلى متى وأنا كذا ليه ماأقول له أني احبه وأريح حالي
في المبارة لحد ألحين هدف لفريق ريم وصفر لفريق مشاعل
علي{في نفسه}:غريبه وين نوف معقوله أكون أنا السبب
سالم:علي وين رحت؟؟
علي:هااا معاك
سالم:شفت أختك كيف جابت الهدف؟؟
علي:أفا عليك تعليمي
سالم:والله أنك عرفت تعلم
علي:مصدق حالك هذا من كثر ماتشاهد مباريات
سالم:مثل أختي
علي:على الأقل عندك وحده أنا عندي 3 كأنهم ألف
سالم:ههههه الله يعينك
علي لمح نوف جالسه على البحر وراح لعندها
علي:عادي أجلس؟؟
نوف:أيه
علي:نوف..
أزعل الناس وأراضيك
وأبيـع الكون وأشـريك
كل شيء تبـيه بعطـيك
يا تــرى يرضـك..!؟
نوف:وش فيك ليه تقول كذا؟؟
علي:لا ولا شيء..نوف أبي أقول لك شيء
نوف:وشو؟؟
علي:أحس أنك تبين تقولين شيء
نوف:هااا لا ماأبي أقول شيء
علي:المهم إذا تبين تقولين شيء لحد لا تأخريه ماتدري الدنيا مو دايمه
نوف:علي وش فيك؟؟
علي:لأني حاس أنك تبين تكلمين حد عن موضوع بس مو قادره
نوف:غير الموضوع
علي:أوكي..حلو الغروب صح؟؟{وحط يده على يدها}
نوف:أيه{وقامت}
علي:لوين؟؟
نوف:لحظه شوي وجايه لا تتحرك
علي:طيب
وراحت نوف وجابت عدت الرسم حقتها
علي:بترسميني!!
نوف:أيه
علي:يلا بنشوف
نوف:كأنه مو عاجبك
علي:لا بس توني أدري انك فنانه
نوف:يلا لا تتحرك
وبعدت عنه شوي
في المباره
دانه طاحت وتعورت رجلها وأخذها أبوها المستشفى وأخذوا بدلها محمد
ريم:يلا حموود بسرعه لا تفشلنا
الهنوف:بجيب هدف عشان بنتي
ريم:بنشوف
عند الشباب
معاذ:والله بنات تحفه
وليد:لا ويتراهنوا بعد
حمد:انت ماشفت شيء لسا
وليد:يعني كل اللي غبته 3 شهور مداهم يتغيرون
حمد:يمديهم هذول جنيات
وليد{يكذب عليه كم كذبه}:بسم الله لا تجيب طاريهم ترى يسكنونك يخلونك تصير مهبول
حمد{وهو خايف}:صحيح؟؟
وليد:أيه وش مفكر
حمد:أجل بسكت
وليد{وهو في ضحكه بس مايبي يطلعها}:أيه أحسن لك
عند علي ونوف
علي:هاا ماخلصتي
نوف:باقي شوي
نوف رسمت البحر مع الغروب وعلي وكتبت في اللوحه من وراها شعر اللي هو:
-------------------
الشمس عيني في بحر الحنان تذوب
وتغنيك في كل أنحاء الدروب
أذكرني
كلما شاهدت عيني
أذكرني
كلما شاهدت الغروب
-------------------------------
وحطت توقيعها في اللوحه
نوف:يلا خلصت
وراح علي وشاف الرسمه
علي:متأكدة إن أنتي اللي راسمتها!!
نوف:أيه
علي:كذابه!!
نوف:تكذبني
علي:ليه أنا أقدر
نوف:أجل خذ هاللوحه هديه مني وخليها تجف وحطها في غرفتك
علي:شكراً{وباسها}
نوف وردت خدودها ومشت
طبعاً خلصت مبارة البنات بالتعادل
نوف دخلت عند البنات
ليلى:وينك أنتي؟؟
نوف:كنت أتمشى
ليلى:أممم..وش فيك شكلك متضايقه؟؟
نوف قامت تبكي
ليلى:نوف وش فيك؟؟
نوف{وأهي لسا تبكي}:خذيني لأمي
وودتها لأمها
أم ماجد:وش فيك حبيبتي ليه تبكي؟؟
نوف:ماما أنتي مابتتركيني وتروحي صح؟؟
أم ماجد:أكيد
نوف:ماما أنا أحبك
أم ماجد:حتى أنا ياقلبي..يلا أمسحي دموعك وتوضي وأستعدي لصلاة
نوف:طيب
وراحت عند البنات
نوف:هااي
طبعاً الكل أستغرب لأنها كانت توها تبكي وفجأه روقت
نوف:وش فيكم؟؟
ولا أحد تكلم
نوف:شايفين جني وأنا مدري
ليلى:لا بس..
نوف{تقاطعها}:أوووف
ليلى:وش فيك؟؟
نوف:أووه روحي خلاص
ليلى:نوف..
نوف{تقاطعها}:خلاص فهمت
ليلى:أنتي أصلاً وحده مزاجيه
نوف:وشو!!
ليلى:أنا رايحه
نوف:يكون أحسن
وراحت ليلى
ريم:وش فيك؟؟
نوف:أووه روحي أنتي بعد
ريم:والله صحيح اللي قالته ليلى{وطلعت}
عند علي وسالم
سالم:وش هاللوحه؟؟
علي:حلوه؟؟
سالم:أيه..توني أدري أنك فنان
علي:ومين قال أنا اللي راسمها أصلاً
سالم:أجل مين؟؟
علي:نوف
سالم:قول والله
علي:قسم
سالم:أوه..أوه أشوف في تطور بينكم
علي:لا عادي شيء طبيعي
سالم:أنت مشكلتك راسك يابس
علي:يعني أنت اللي راسك طري
سالم:خلاص خلاص أنسى الموضوع
ويدخل جواد
جواد:الله حلوه أكيد اللي راسمها سالم
سالم:وليه يعني أكيد؟؟
جواد:لأنه علووه مايعرف يرسم حتى خط
سالم:ههههه في ذمتك علي ماتعرف ترسم
علي:سالم ترى الأخ يتكلم عن حاله
جواد{يقلد عليه}:ترى الأخ يتكلم عن حاله..مالت عليك مسوي فيها الفنان ألحين
علي:أنقلع
جواد:ماقلتوا لي مين اللي راسمها؟؟
علي:مادخلك
جواد:أيه ألحين مادخلني هااا
علي:روح للربيان حقك
جواد:علي ليه أحنا نكره بعض؟؟
علي:مدري..بس المهم أنقلع
ويدخلوا عليهم طلال وحمد ووليد ومشاري ومعاذ
طلال:وع وش هالرسمه القبيحه
حمد:وع تفشل
مشاري:بالعكس تجنن مين راسمها؟؟
وليد:أيه حلوه مين اللي راسمها؟؟
معاذ:هو أكيد مو واحد منكم
علي:أنا اللي راسمها وش رايكم؟؟
حمد:أنا قلت تفشل أتاري هالخبه اللي راسمها
علي:أوووف أكرهك تدري{وأخذ اللوحه وطلع}
طلال:من متى علي حساس؟؟
حمد:مدري كذا طلع له الأحساس فجأه
مشاري:حرام عليك ليه تقول له كذا مو أخوك أهو؟؟
حمد:أنا وأخوي ننجاز وش دخلك
مشاري:الله يهديك
وراح علي لعند الرجال
علي:وش رايكم في اللوحه؟؟
أبو وليد:حلوه
أبو معاذ:مين راسمها؟؟
علي:أول قولوا رايكم
أبوماجد:حلوه
أبوحمد:زينه
علي:يعني مو حلوه!!
أبوحمد:مدري وش عرفني في هالخرابيط أنا
علي:ههههه
أبو طلال:ماقلت مين راسمها
أبو ماجد:نوف صح؟؟
علي:أيه كيف عرفت؟؟
أبوماجد:لأن توقيعها على اللوحه
علي:اممممم
وطلع وهو شاق الأبتسامه<<<حشا كأن أهو اللي راسمها
أبو معاذ:والله وعندنا فنانه في عيلتنا وحنا ماندري
أبو ماجد:أهي شغله حلوه لكنها كل يوم وطلبت علبة ألوان
أبو طلال:ودام أهي فنانه كذا ليه ماتخليها ترسم لوحات للشركة
أبو ماجد:قلت لها لكنها ماتبي
أبو طلال:أمممممم
وراح علي عند الحريم والبنات
علي:أحم..أحم
الكل:تفضل
ودخل
ريم:وش تبي؟؟
علي:وش رايكم في اللوحه؟؟
نوف كانت منزله راسها ولما سمعت كلمة لوحة رفعت راسها
نوره:حلوه
الهنوف:تجنن
مشاعل:تهبل
مرام:حلوه
ريم:لو أبيعها تطلع..فلوس
الكل ضحك عليها
مريم:ماقلت مين راسمها؟؟
نوف خافت أنه يقول أسمها وبعدين مايتركوها في حالها..علي حس لها أنها ماتبيه يقول فقال:واحد من الشباب
ساره:تلوع الكبد
علي:محد طلب رايك أنتي
دانه:حلوه خالوو
علي:أنتي الحلوه..نوف ماقلتي وش رايك؟؟
الهنوف:وش معنى نوف؟؟
علي:هاا..لأني سمعت أنها فنانه
نوف{واهي منزله راسها}:حلوه
علي:شكلها ماعجبتك
نوف قامت وطلعت
أم ماجد:وش فيها؟؟
أم طلال:ليلى قومي شوفيها
ليلى:سوري مشغوله
أم طلال:وش صاير؟؟
مريم:متهاوشين
أم ماجد:ليه أنتوا ما شاء الله عليكم صديقات من زمان وش اللي خلاكم تتهاوشون؟؟
ريم:نوف متغيره هالأيام
علي طلع وراح لنوف
علي:نوف..نوف
نوف:نعم
علي:وش فيك ليه متضايقه؟؟
نوف:مافيني شيء
علي:عليّ
نوف مشت
علي{مسك نوف من يدها}:لحظه
نوف:خلصني وش تبي
علي:وش اللي مضايقك؟؟
نوف:تهاوشت مع ليلى وريم..أرتحت
علي:أمممم..نوف أحبك تحبيني؟؟
نوف:مو وقته ألحين
علي:أجل متى وقته؟؟
نوف:مدري..أتركني
علي:جاوبيني أول
نوف:علي لا تخليني أصرخ وأخلي الكل يتجمع عليك
علي تركها ومشت
علي:والله العظيم أحبك
نوف{طبعاً سمعته وقالت}:وأنا بعد أحبك وأموت فيك{طبعاً قالت هالكلام في نفسها}
عند البنات
مرام:بنات وش رايكم نروح السوق؟؟
الكل:أيه موافقين
مرام:طيب كلموا الشباب عشان يودونا
ريم:مستحيل أكلم حمد مابيوافق
مريم:أنا بكلم مشاري وبشوف
ودقت على مشاري
مريم:هلا بأخوي حبيبي وش لونك؟؟
مشاري:أدري عندك شيء أخلصي
مريم:البنات يبون يروحون السوق
مشاري:ألكم عشر دقائق إذا ماجهزتوا بغير رايي
مريم:طيب..طيب باي
وسكروا
مريم:ماوافق
مشاعل:كذابه صدقوني
مريم:يلا بس عشر دقائق
عند الشباب
حمد:وليه وافقت حضرتك؟؟
مشاري:إذا ماوافقت بيقولون إلى أبوتهم وبنوافق غصباً عنا
حمد:أيه..أيه صح لكن بنروح معاهم
مشاري:عادي
وجهزوا البنات وطلعوا وصاروا البنات في سياره ويسوقهم حمد والشباب في سياره ويسوقهم مشاري
في سيارة الشباب
طلال:علي..علي..عليوي..علووه
علي:وعمى وش تبي؟؟
طلال:لا بس وين كنت مسافر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك