رواية عشاق الصمت في باريس -7
((الفصل الثامن والعشرين))
مرت ساعتين ووليد مادق على ميريام ولا طمنها
وميريام قلبها طايح وخايفة عليه وتدق على وليد لاكنه مايرد وبعدها قفل جواله حست ميريام ان فيه شي
حنين ونوف كانو عندها وحاولو يهدونها لاكن مافي فايدة
<<<
بباريس وبالتحديد بالمستشفى
الدكتور(بعد الترجمة):انا اسف لاكن حالة المريض صعبة جدا بالرغم مم العملية التي اجريناها الا انه مازال بمرحلة الخطر
وليد:دكتور ما الذي حصل هل سيعيش؟؟
الدكتور:الحقيقة انه بحاجة لكلية فورا لان كليته تضررت من الحادث وهو بحاجة اليها سريعا وكل ما اسرعنا بذلك زادت فرصة نجاته واستمراره بالحياة
وليد طاح على الكرسي اللي وراه مو عارف وش يسوي مسك جواله ودق على حنين
<<<
حنين كانت جالسة بسرير ميريام اللي ما صدقو وهي تنام بعد حفلة التوتر اللي عملتها
دق جوالها (نبض قلبي ودفاه) طلعت من الغرفة بهدوء :هلا وليد انت وينك؟؟
وليد تنهد: انا بالمستشفى
حنين دق قلبها ونسيت موضوع عمر: ليه وليد فيك شي قول وش فيك؟؟
وليد: مو انا يا قلبي عمر هو اللي تعبان
حنين: وش فيه وش صار له تكفى قول والله ميريام حالتها صعبة
وليد:عمر سوى حادث وحالته خطيرة
حنين لا شعوريا صرخت:حادث حادث ايش وكيفه الحين؟؟
وليد: صارله حادث وطاح بغيبوبة ويبي له كلية لان كليته اتضررت من الحادث
حنين: يا الله الله يقومه بالسلامة يارب بس وليد خليك معاه ولا تتركه ابد
وليد: حنو لا توصي حريص بس انتي خليكي جنب ميريام ولا تقوليلها شي ما نبيها تنهار
بهالحظة بدل لا يسمع صوت حنين جاه صوت ميريام اللي سحبت السماعة من حنين :وش اللي ماتبي تقوليه ياه ؟؟ وش فيه عمر قول وليد اسمعك؟؟
وليد قالها السالفة :ميريام الله يخليك اهدي ان شاء الله بيقوم بالسلامة
ميريام اعطت السماعة لحنين ورجعت للغرفة
وقالت لنوف بالسالفة وكامو نورة تكلم منصور يحجزلهم يروحو لباريس بسرعة وفعلا حجزلهم على اول طيارة( فايدة اولاد العز*_^)
<<<<<
وليد قرر انه يسوي فحوصات علشان يتبرع لعمر بكليته لاكن للاسف مافي تطابق يعني ما يقدر يتبرع له
باليوم الثاني بالمستشفى
جالس وليد قدام العناية المركزة سمع اصوات جاية لناحيته شاف الجروب جايين انبسط لشوفتهم وحس ان حمل ثقيل عن كتفه وانزاح لانه مايدري وش يسوي لحاله
جو كلهم ووقفوا عنده وسألوه عن عمر
جات حنين وجلست جنبه كان شكله مرررة تعبان عيونه حمراء ووجهه اصفر كان واضح انه ما اكل شي من يومين ولا نام
حنين حطت ايدها على كتفه:حبيبي شكلك مرة تعبان روح للشقة احنا هنا لا تشيل هم روح وارتاح
وليد ابتسم لها وانبسط لحنانها واهتمامها:لا ياقلبي مافيني شي وانا بجل سمعاكم
<<<<<
ميريام اول ما شافت وليد سلمت وتوجهت للعناية المركزة اللي فيها عمر
دخلت ووقفت عند الباب وهي تشوف عمر ممدود على سرير وموصلة فيه اجهزة كثير
طاحت دموعها وركضت لعنده مسكت يده وهي تبكي وتنزل دموعها على ايده
كانت تشاهق وتكلمه من بين دموعها :عمر انا ميريام تتكفى لا تتركني لوحدي اانا ما ابي حياة انت مو فيها ... تكفى يابعد قلبي لا تروح وتتركني (ومسحت دموعها وهي تبتسم )
تتذكر لمن قلتلي مرة ان اللي بغيبوبة يسمع اللي حوله انا قلتلك لا واصريت على رايي بس انا الحين متأكدة انك تسمعني
ورجعت تبكي وتشاهق:عمر انا احبك ولا اقدر اعيش بدونك انا نسيت كل شي والله نسيت وسامحتك وما ابي حتى اني افهم الموضوع بس ابيك تسامحني والله احبك وادري ما قلتها من قبل بس والله احبك لا تتركني وتروح تكفى
وحطت كف يده على وجهها وصارت تبكي لين ماجات الممرضة وطلعتها من الغرفة بالغصب
بعد ما طلعت شافت الجروب جالسين
ركضوا لها وسالوها عنه:ما ادري بس ما يتحرك (ولفت على نورة):نورة ليه مايتحرك ابيه يرد علي
نورة ضمتها وهي تبكي
هديت ميريام وراحت للدكتور المسؤل عن حالته
الدكتور( بعد الترجمة) :صدقيني يا انسة يجب ان تنقل اليه كلية وبسرعة
ميريام:حسنا دكتور واذا لم نسرع في ذلك؟؟
الدكتور:اخشى انه سيفقد حياته
ميريام خافت وقررت قرار خطير
<<<<<<<
((الفصل التاسع والعشرين))
كتبتك للشعر نبض ...
ونثرتك في الخيال شعور....
ورسمتك صورة في داخل عيوني معلقها....
ونسجت اسمك بقلبي ..
وانت حرفك من ذهب محفور...
وعطيتك ((كلمة)) لغيرك ما اقدر انطقها ((احبك)).............
راحت ميريام للمكان الي جالسين فيه بعد ما طلعت من عند الدكتور
انتبهت ان وليد وحنين مو موجودين
ميريام:شباب وين وليد وحنين؟؟
تركي:وليد طاح علينا وراحت حنين معاه
ميريام:ليه وش فيه؟؟
نوف:مافيه شي بس الظاهر انه مو ماكل من امس واغمى عليه من الارهاق
ميريام: وكيفه الحين؟؟
منصور:لا تمام مافيه الا العافية
نورة:لا تخافي حنين معاه ما بتخليه
نوف:انتي وين كنتي؟؟؟
ميريام :كنت عند الدكتور
<<<
نروح عند وليد وحنين
وليد: اااااه ااه راسي مررة يعورني
حنين:اكيد حياتي شي طبيعي من يومين ما انت ماكل شي بس يلا افتح فمك انا بأكلك (كانت ماسكة صينية وعليها اكل ومادة يدها تبي تأكله لقمة من الكروسان)
وليد وخر يدها:لا حنو مابي والله مالي نفس
حنين :يلا بلا دلع كل ولا والله ازعل عليك ( ومدت بوزها كأنها بزر)
وليد:فديتك الا زعلك يا لبى روحك
(ابتسمت حنين وحطت اللقمة بفمه)
اندق الباب ودخلت ميريام: هااي
وليد وحنين:اهلين
ميريام:سلامات وليد ما تشوف شر كيفك الحين؟؟
وليد: الله يسلمك الشر ما يجيك الحمد لله تمام دام حنو جنبي اكيد مافيني شي
ميريام: طيب ممكن اخذ حنو منك دقايق؟؟
وليد:ولو اني ما قدر بس يلا
حنين:خير ميريام في شي؟؟
ميريام:لا بس ابيك بسالفة
قامت حنين مع ميريام وتوجهو لباقي القروب
تركي :يا جماعة ترى بلغت اهله وبيجون من بريطانيا اليوم
ميريام: الله يقومه بالسلامة يارب ......نوف ..نورة ابيكم بسالفة
قامت نوف ونورة وراحوا لها هي وحنين
<<<<<<<
صرخت حنين بصوت عالي : مجنونة انتي؟؟؟
نوف: لا اكيد استخفيتي
نورة: انتي مجنونة تتخلي عن قطعة من جسمك بهالسهولة؟؟
ميريام امتلت عيونها دموع: ما اقدر اشوفه يموت واسكت افهموني يا بنات ... انا احبه ومستعدة افديه بروحي لو يبي بس لا يموت ويتركني
حنين: بس ميريام انتي...
قاطعتها ميريام: تكفون بنات انا قررت ولا راح ارجع عن قراري
نورة:دامك قررتي ليه تقولي لنا؟؟
ميريام : علشان لو قدر الله ومت تعرفون ليه
حنين حضنتها:والله لو صارلك شي امووت ... تكفين راجعي قرارك ولا تتهوري
ميريام:لا حنو خلاص انا قررت بس ابي منكم خدمة .. ما ابي احد من الشباب يدري لانهم بيقولو له بعد العملية وانا ما ابيه يدري تكفون لا تقولو لاحد
نوف: طيب وشلون بنبرر غيابك؟؟
ميريام: عادي الحين انتم اهل التصريف ما تعرفو تصرفو؟؟ قولو أي شي
حنين:طيب وخالك ما تبي تقوليله؟؟
ميريامك لا الا خالي انتبهي والله يقول لاهلي وانا ما ابيهم يدرون بشي
نورة: طيب كيف مارح يدري وهو دايما يدق عليك؟؟؟
ميريام: صرفوه مرة بالحمام .. مرة بالدوام .. مرة نايمة وبعدين لو قمت بالسلامة اقوله الزايدة وشلتها وخلاص
<<<<<
وصلوا هل عمر للمستشفى كان جاي ابوه واخوه كانو مررة متاثرين باللي صار وابوه كان ندمان انه قاطعه كل هالمده ولا رضي عنه لاكن الحين هو راضي عنه ويدعيله يقوم بالسلامة (ااامين *_*)
<<<<<<<
سوت ميريام الفحوصات وتطابقت وكل شي تمام وطلبت من الدكتور انه يقولهم فاعل خير بيتبرع بالكلية
جا وقت العملية
دخات ميريام غرفة العمليات وبعدها عمر
بدات العملية والشباب خايفين ويدعون من قلب لعمر وابنات حالتهم حالة خايفين على ميريام وعلى عمر بنفس الوقت
الشباب كانو منتبهين على غياب ميريام بس نورة قالت انها تعبانة وما تقدر تجي وانهم بيطمنوها بعدين
استمرت العملية وقت طويل والكل على اعصابه ورايحين جايين بالممر الى ان طلع الدكتور
الكل ركض له :اطمأنوا لقد تم نقل الكلية بنجاح والمريض بحالة جيدة
ابو عمر: الحمدلله يارب لك الحمد
والكل انبسط مشى الدكتور ولحقوه البنات وسالوه عن ميريام وطمنهم انها بخير بس تحت تأثير البنج
<<<<<<
باليوم الثاني صحا عمر من الغيبوبة وشاف الكل حوله حس كأنه كان بحلم ما يدري وش اللي صار
شاف ابوه جنبه ويبكي من الفرح انبسط ان ابوه رضي عنه يعني الحين بيوافق يخطبله حبيبة قلبه ميريام بس لحظة وحدة...........
كل الجروب هنا موجود ما عدا ميريام يعني هي للحين قلبها قاسي علي وما سامحتني؟؟
هالافكار كانت تدور بباله
قطع عليه هالافكار وليد:الحمد لله على السلامة
عمر: الله يسلمك يارب ( والتفت على ابوه) كيفك يبى؟؟
ابو عمر: انا بخير دامك بخيرر
عمر: يعني رضيت عني يالغالي؟؟
ابو عمر:الله يرضى عليك يا ولدي دنيا واخره
!<!<!
((الفصل الثلاثون والاااااااااااااااااخير))
ميريام على السرير الابيض بالعناية المركزة للحين ما صحيت
كانو البنات عند الدكتور وسألوه عن حالها
جاوبهم بكل برود:للاسف حالتها صعبة جسمها لم يتحمل بعد فقدان جزء منه انها في حالة خطيرة
حنين:انت وش تقول قول غير هالكلام (وصارت تبكي)
الدكتور:اسف انا لا افهمك
نورة: حسنا دكتور ما العمل الان؟؟
الدكتور:ليس هنالك أي شي نستطيع فعله سننتظر ربما تستيقظ وتستقر حالتها
طلعو البنات من عنده مضايقين وما يدرون وش يعملو
جلسوا على كراسي بالانتظار لان الدكتور مانع عنها الزيارة
جلست حنين وهي تتذكر المواقف اللي جمعتهم مع بعض
تذكرت موقف صارلهم(مرة بالجامعة كانت واقفة هي وميريام ينتظروا نورة ونوف
جاء اثنين شباب سعوديين ووقفوا قريب منهم
الشاب1:شوف هالزينات
الشاب 2:والله يطيحون الطير من السما
الشاب 1 بصوت عالي:فديت بنات بو متعب يا ناس
ميريام وحنين التفتو عليه
حنين قالت:اكيد وش زينا ما نحتاج شهادتك
الشاب 2: اشوف الزين عنده لسان
حين:اقول ورى ما تذلف انت واللي معاك
الشاب1: وان ما ذلفنا وش بتسوين؟؟
حنين عصبت:والله لو ماانقلعت من وجهي لا اجي وادوسك فاهم
الشاب2:يا مامي طلعت عربجية
حنين خلاص شمرت بتروح بتوريه شغله :عربجية يالخكري انا اوريك وش يعني عربجية
ميريام مسكتها قبل لا تتهور:حنو اتركيه خليه ما تشوفين شكله فكرني بشغالة عمتي سعاد الله يرحمها هههههههههههههههه
حنين: هههه ايه والله وانا قول وين شفته قبل هالمرة هههههههههههههه
الشاب 2:انا شغالة يالمتخلفة؟؟في احد يلبس حجاب بباريس والله ناس متخلفة
ميريام:والله ما المتخلف غيرك يالخكري اقول اذلف لا افلتها عليك وتخلي وجهك خرايط
الشاب الاول كان كان اعقل من الثاني او جبان بمعنى اخر*_*:اقول امشي خلنا نروح لا تسويها هالعربجية بجد (وسحب صديقه وراح)
ميريام اول ما راحو انفجرت ضحك
حنين عصبت: خير ضحكيني معاكي؟؟
ميريام:يقولك عربجية ههههههه تصدقين لايك عليك
حنين:انا عربجية طيب شوفي مين يكلمك
ولفت بترو ح لاكن ميريام حقتها وراضتها))
نزلت من عينها دمعة على ذكرياتهم الحلوة
التفتت على نورة:نورة احنا لازم نقوله
نورة/لا ميريام قالت ما نقول لاحد
نوف : بالعكس حنو معاها حق احنا لازم نقوله تركي قالي انه زعلان لانها ما زارته لمن صحى وانه خلاص مثل ماهي ما تبغاه هو كمان ما يبغاها
حنين:شفتي لازم نقوله علشان يسامحها انا خايفة اانها تمو...( وقطعت كلامها بالدموع اللي نزلت من مجرد التفكير بهالشي )
نورة:طيب احنا بالاول خلنا نقول للشباب (ومسكت الجوال ودقت على منصور)
<<<<<<<<<<<<<<<<<<<<<<<<<<<<<<<<
عند الشباب بغرفة عمر
كان الكل يسولف ومبسوط وعمر يسولف معاهم ومبين انه مبسوط من برى لاكنه متضايق ومخنوق من جوى (حشى دعاية زيت *_*)
دق جوال منصور: هلا نونو خير؟؟؟
نورة: منصور بغيناك انت والشباب بسالفة بس لا يحس عليكم عمر
منصور : خير في شي؟؟
نورة : انتم تعالو العناية المركزة وتعرفون كل شي
<<<<<<<<<<<<<<<<<<<<<<<<<<<<<<<<<<>>
منصور همس لتركي :تركي خلنا نطلع وناخذ وليد بشويش البنات يبغونا بس لا يحس علينا عمر
تركي استغرب: خير وش فيهم؟؟
منصور:علمي علمك جيب وليد خلنا نقوم
وقفوا السباب واستأذنو على انهم بيشوفو اشغالهم ويرجعو بعد شوي
وصلو الشباب للعناية المركزة شافو البنات جالسين هنالك
وليد : خير وش فيكم جالسين هنا؟؟(انتبه لحنين اللي تبكي)حنو وش فيك كنتي تبكي؟؟
راحلها وجلس جنبها ومسح دمعتها اللي نزلت:وش فيك قولي؟؟
تركي التفت على نوف اللي تطالعهم وتبكي بهدوء:وش صاير نوافة ومين اللي عندكم هنا؟؟
نورة:يا جماعة انتم لازم تعرفون شياحنا خبيناه عنكم
الشباب استغربوا
منصور:وش هالشي تكلمي؟؟
نورة:ميريام هي اللي تبرعت لعمر بكليتها!
وليد وقف وصرخ:نعم؟وهذي مجنونة ..ما تفكر كيف تعطيه كيف؟؟
حنين مسحت دمعتها:هي تبغى كذا ما تبغاه يموت وهي تقدر تساعده
تركي:وانا اقول من يوم العملية اسألكم عنها تقولون تعبانة ولا عند خالها
منصور:وهي وينها الحين؟؟
نورة نزلت دموعها :بالعناية المركزة وحالتها صعبة ادعولها
تركي: طيب ليه ما قلتولنا من اول؟؟
نوف:هي وصتنا ما نقولكم شي علشان لا تقولون لعمر لانها ما تبيه يدري لاكن الحين هي بين الحياة والموت وهو لازم يعرف بالموضوع
منصور:أي صح احنا لازم نقوله علشانه متضايق منها
نورة:بس كيف بنجيبه هنا وهو مايقدر يمشي؟؟
تركي:بسيطة نحطه على كرسي
<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<
راح منصور لابو عمر :عمي انت لازم تروح ترتاح خلاص عمر صحى بالسلامة وحنا جنبه روح ارتاح انت وسالم (اخو عمر)
ابو عمر:بس يا ولدي انا بجلس جنبه
منصور:يا عمي توكل على الله وروح ريح انت وسالم حنا جنبه لا تخاف ما بيصير الا الي ربي كاتبه
عمر: ايه يبى روح ارتاح
ابو عمر: اوكي ياولدي خلك جنبه يلا يا سالم خلنا نروح يلا في امان الله
عمر: الله معاك يبى
بعد ما طلع ابو عمر وسالم دخل تركي ووليد ومعاهم كرسي متحرك
عمر: خير لمين هالكرسي؟؟
منصور:لك انت
وليد: ايه بناخذك تشوف احد
عمر استغرب: اشوف مين؟؟
تركي: انت بس تعال خلنا نروح
عمر نزل من السرير وركب الكرسي
اخذوه الشباب للعناية المركزة
شاف البنات جالسين هنالك وواضح انهم كانو يبكون
سالهم: وش فيكم؟؟
وليد:عمر ابيك تفهمني عدل
عمر: اتفضل
وليد:انت تدري ان في شخص تبرعلك بكليته صح؟؟
عمر: اكيد وودي لو اشوفه واشكره على اللي سواه
تركي:بس اللي اعطاك الكليه محتاج لدعواتك هو بحالة خطيرة الحين وانت لازم تشوفها
عمر:اشوفها ؟؟ليه هي حرمة؟؟
منصور:أيه وتعرفها بعد
عمر انصدم وفتح عيونه على الاخر:لا تقولو مير...
وليد قاطعه: ايه
وفتحله باب العناية ودخله جوى
دخل عمر وشاف ميريام نايمة مثل الملاك على سرير ابيض ووجها اصفر شاحب وهالات داكنة حول عيونها وموصله فيها اجهزة العناية
طالع بوليد وكأنه مو مصدق وصله وليد لجنب السرير وطلع وقفل الباب وراه
عمر كان يتمنى ان اللي فيه الحين حلم مو حقيقة لانه ما يبي يشوفها بهالحالة
مسك يدها وطبع عليها بوسة تزامنت مع دمعة نزلت من عينه
عمر: ليه تسوين كدا؟؟ ليه؟؟ انا احبك وما ابيك تروحين مني ليه تضحي بعمرك علشاني؟؟
تكفين والله اسف احبك .. اعشقك..لا تتركيني ميريام لا تتركيني
ميريام كانت بهاللحظة بحلم مخلوط بالواقع كانت تشوف انها بحديقة وجال جنبها عمر وقاعد يقولها هالكلام
كانت تبي تشد على ايده بس مو قادر قواها منهارة وكأنها مخدرة
عمر ماسك يدها وقاعد يتأمل بوجهها اللي يجذبه حيل
فجاه حس بأيدها تضغط على يده طالع يدها وضغط عليها شافها تضغط على يده
بكا وضحك بنفس الوقت وبصوت عالي وكأنه مو مصدق اللي يشوفه:ميريام انتي تسمعيني؟؟اذا سامعتني اضغطي على يدي تكفييين
ضغطت على يده وصت بكاه وصراخه اللي سمعوه اللي برى
حنين: هذا صوت عمر
نورة: ياويلي ميريام صارلها شي
وركضوا كلهم للباب ودخلو
عمر ناظرهم وهو يضحك ويبكي: شوفوها سامعتني تضغط علي يدي شوفو ميريام اضغطي على يدي
وفعلا ضغطت على يده وسط دهشت الكل وفرحتهم
فتحت عيونها بشويش شافت الكل حولها ابتسمت كلهم كانو بجنبها وحولها انبسطت على اهتمامهم فيها وانبسطت اكثر بشوفتها عمر سالم قدامها نسيت كل شي وابتسمت له وقالت بصعوبة:ال..حم..د لله على سلامتك
عمر: يا بعد روحي ليه سويتي كدا ليه؟؟
ميريام بصوت خافت:احبك
عمر كان رح يقوم يرقص من الكرسي :وانا اموووت فيكي يا بعد قلبي والله
وليد: احم احم ترانا هنا
ميريام طالعت فيهم وضحكت: والله احبكم كلكم
عمر: بس ترى اغارعليك
كلهم ضحكوا على ميريام وعمر اللي ناسين انفسهم والدنيا اللي حولهم وعايشين حياتهم
!<!<!<!<!<!<!<!<!
بعد شهر
ميريام قاعدة بالحديقة على الكراسي تسمع بالايبود بعد يوم طويل
جاها عمر وجلس جنبها : هاي حياتي
ميريام ابتسمت : اهلين
عمر مسك يدها: ميريام من النهاية تتزوجينيي؟؟
ميريام نزلت عيونها وصار وجهها احمرررررر من هالموقف
عمر: ردي علي تكفين
ميريام هزت راسها يعني موافقة
عمر ما صدق نفسه:مواقفة؟؟
مييريام: ايه موافقه
عمر قام يصارخ ويناقز : وافقت يا ناس وافقت
كل اللي بالحديقة طالعوه حسبوه مجنون
ميريام تفشششلت منه ومبسوطة فيه: عمر اجلس فشلتنا
عمر جلس جنبها :احبك والله احبك
ميريام : وانا بعد
عمربخبث:وانتي ايش؟؟
ميريام انحرجت: احبك
عمر: طلبتك
ميريام : ااامر
عمر: بوسه على خدي
ميريام ضربته على كتفه : اقول بلا قله ادب
عمر: ههههههههههههههه لا من جد طلبتك
ميريام: لو زي اللي قبله انسى الموضوع
عمر: ابيك تغنيلي
ميريام: بس كدا ما طلبت
في اول الحكايات حكايتي معاك...
بقالي كتير واخدني هواك...
وجوه في قلبي ليك ايام ما بتتنسيش...
واخر الحكايات حكايتي معاك..
خلاص حبيت وانا اتحبيت..
وعايشة معاك كأني اول مرة اعيش...
احلف بايه اول مادق القلب دق ليك...
احلف بايه اول ما قلت احب كانت بين ايديك..
ايامي قبلك تسوى ايه..
وحياتي بعدك اعيشها ليه...
حكايتنا لو يا حبيبي حلم ياريت تسبني عايشة فيه.....
عمر : الله يخليك لي يابعد قلبي ولا يحرمني منك
ميريام:ولا يحرمني منك بعد
<<<<<<<<<<<<<<<<<<<<<<<<<<<<<<<<<<<<<<>
بعد سنتين من هالاحداث
ميريام:عمر حبيبي تكفى جيب لالماس حليب وانت راجع
عمر: من عيوني كم الماس عندي انا؟؟
ميريام مدت البوزكأنها بزر:بس الماس طيب وامها؟؟
عمر حضنها من ورى:اااه على امها اللي دوختني وراها اموووووووت عليها
ميريام:وانا بعد امووت فيك
<<<<<<<<<<<<<<<<<<<<<<<<<<
حنين حامل بالثامن
حنين:لودي حياتي وش نسميه لو ولد؟؟
وليد:امم ايش رايك نسميه خالد؟؟
حنين: اوكي ..طيب ولو بنت بسميها ليالي ايش رايك؟؟
وليد:اذا بتجي مثل امها هبلة وعربجية ما عندي مانع
حنين:وليد اهدى لا احوسك الحين
وليد انفجر من الضحك حنين ما تتغير ابدا ( يا لبى روحها يا ناس)
<<<<<<<<<<<<<<<<<<<<<<>
منصور ونورة:
منصور قرر يقعد مع نورة لين ما تخلص دراستها وهي اجلت العيال لبعد الدراسة
منصور:نون ويلا حياتي بنروح لا نتأخر
نورة:بلا حبيبي جيتك بس وين رايحين؟؟
منصور: مفاجأة طبعا وغمز لها ومسك يدها وطلعو
<<<<<<<<<<<<<<<<<<<<<<<<<<<<<<<<<<<<
نوف جابت ولد وسمته مشعل كا يجنن يا ناسو عليه
نوف: مشعل مامي يلا كل
مشعل يهز راسه بلا
تركي: وش فيه شعولي مايبي ياكل؟؟
نوف:ما ادري تعال شوفلك صرفة معاه واكله
!<<<<<<<<<<<<<
وهكذا انتهت روايتي الاولى اللتي اتمنى ان تكون قد اعجبتكم
كتبتها من قلبي واتمنى ان تكون قد وصلت لقلوبكم
الاحداث كانت من نسج خيالي والشخصيات بعضها حقيقي والاخر من الخيال ايضا
اتمنى ان تفيدوني بانتقاداتكم على روايتي وايضا اقتراحاتكم لروايتي القادمة
ملاحظة:
من يريد نقل الرواية يكتب اسم الكاتبة لاني مارح احلل أي شخص ينسبها لنفسه
انتظروني في روايتي القادمة
اختكم همس اشتياق
تجميع زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك