رواية سميتك معشوقي -7
ناصر : وش تبي هذي بعد؟؟؟.. انت وتزوجت
سيف : هي مو بس ترسل لي رسايل .. تتصل علي ولا ارد عليها .. وترسل لي رساله تقول دق علي ابيك بموضوع ضروري .. وانا بصراحه مايهمني .. دايم ترسل لي رسايل غرام .. هالبنت شكلها تحبني جد
ناصر : طيب ليه ماتتصل عليها وتشوف وش تبي
سيف : وانا ناقص مشاكل؟
ناصر : سيف انا اشور عليك انك تكلمها وتحط حد للي قاعد يصير .. مايصير تدق عليك وترسل لك رسايل وانت متزوج .. هذي ماتحس؟؟
سيف ببرود : مو الحين .. بعدين اتفاهم معها
ناصر : سيف
سيف : هلا
ناصر : مادري .. احس انك ظالم تسنيم معاك
سيف بعصبيه : انا ماظلمتها .. هي ظلمت نفسها ووقعت على زواجها مني وهي عارفه اني مابيها
ناصر : طيب انت حاول تصحح علاقتك معها .. خلاص هي الحين زوجتك وراح تعيش معاها عمر
سيف بضحكة استهزاء : هههههه ومن قال انها بتعيش معاي .. كلها وقت معين وراح اطلقها
ناصر تفاجأ : تطلقها؟؟؟؟.... سيف انت مجنون؟؟.. مستحيل ابوك يخليك تطلقها
سيف : انا وتسنيم لازم نفترق
ناصر : سيف ماتوقعتك بهالقسوه
سيف : ناصر المفروض ابوي ياخذ رأيي بشريكة حياتي والمفروض انا اللي اختارها مو هو ... تسنيم مو من اختياري .. ابوي اختارها وانا تزوجتها عشانه بس
ناصر : بس ابوك ماراح يخليك تطلقها
ناصر ماسك راسه : آآآآخ ياراااسي وربي بتجنني انت مع تقلباتك الفجائيه .. مره تحبها ومره تكرهها مادري وش قصتك مع هالبنت
سيف : انا ماحبها ولا ابي احبها .. كفايه انها ................ طمعانه فيني
ناصر: ومن قال انها طمعانه فيك؟؟... تراها مغصوبه عليك مثلك .. ويكون في علمك هي بعد رافضتك ماكانت تبيك .. انت الحل الوحيد اللي يبعدها عن ابوها .. هي مخيره بين انها توقع على عقد الزواج او ترجع لابوها القاسي
سيف بغضب : يعني هي كانت رافضتني من اساس؟؟؟؟
ناصر : ايه
سيف بضحكة سخريه : انا صاير لها منقذ الحين .. أجل انا ترفضني؟؟؟.... طيب ياتسنيمووه .. اذا ماخليتك ترجعين لعند ابوك ويذوقك انواع العذاب ماكون انا ولد ابوي
ناصر : سيف حرام عليك .. هالبنت فقيره ومسكينه وعلى نياتها .. المفروض يحن قلبك عليها
سيف صار يعصب اكثر : وبعدين معاك ؟؟.. لايكون انت معجب فيها؟؟
ناصر باستغراب : وش هالكلام ياسيف ؟؟.. ماهقيت ترد علي بهالاسلوب .. انا دافعت عنها عشان كسرت خاطري بس
ناصر : آسف ناصر طلعت مني كذا من دون قصد .. سامحني
ناصر: تكفا غير الموضوع ... شرايك نطلع نتمشى شوي؟؟
سيف : اوكيه .. بروح اغير ملابسي ونطلع
ــــــــــــــــــــــــــــــــــــــــــــــــــ ـــ
ندى : الحمد لله شبعت
تسنيم : فيه العافيه .. وانا بعد شبعت .. شرايك نروح نجلس بالصاله عند نوره وامي منيره؟؟
ندى : ووووع مالي خلق اجلس جنب هالمغروره
تسنيم : ههههههه ادري انه لايعه كبدك منها بس ابي اخرب عليها الجو
ندى : اهااااا .. الحين فهمت وش تقصدين .. اذا كان كذا مشينا ^_*
ندى وتسنيم راحو الصاله بس ماشافو نوره موجوده لانها طلعت وكانت منيره جالسه لحالها
دخل سيف عشان بيروح غرفته يغير ملابسه لفتت انتباهه تسنيم لانها كانت بكامل زينتها
سيف وهو يطالع تسنيم من فوق لتحت : السلام عليكم
منيره وندى وتسنيم : وعليكم السلام
سيف كمل طريقه وهو راقي الدرج : تسنيم تعالي ابيك
تسنيم باستغراب : انا؟؟؟؟؟
سيف : ايه انتي تعالي بسرعه الغرفه
لحقته لين الغرفه وكانت خايفه ومستغربه
سيف سكر باب الغرفه وبعصبيه : لايكون مصدقه نفسك انك زوجتي؟؟؟... ترا زواجنا كان بالغصب يعني مايعتبر زواج .. وهالحركات واللبس لاتحسبيني بنجذب نحوك .. تراك ماتهزين شعره فيني
تسنيم انقهرت من كلامه : ومن قال لك اني لابسه ومتشيكه عشانك؟
سيف : اجل عشان مين ياست الحسن والدلال؟؟؟
تسنيم ماقدرت تبقى على خوفها وضعفها وبكل جرأه : مو مهم تعرف لمين .. لان انت للحين مو زوجي ومو من حقك تسألني عن أي شي اسويه.. لاني حره بتصرفي.. واذا بستأذن احد فهو من ابوي وبس .. فتحت باب الغرفه وطلعت وخلته مذهول
......... مل من الانتظار وقرر انه يتصل عليه لانه تأخر عليه كثير
ناصر : سيف وينك ؟؟ .. ماصارت تبدل ملابسك!!
سيف كان يتنفس بسرعه : ثواني واكون عندك يلله باي .. وسكر بوجه ناصر
نزل من على الدرج وكان باين عليه معصب .. طلع ولا كلم احد
ندى باستغراب : تسنيم وش فيه سيف؟
تسنيم : وانا شدراني .. اسأليه هو
ندى : لايكون يبي شي وانتي ماعطيتيه وجه؟
تسنيم : وش يبي يعني؟
ندى : تسوين نفسك ماتفهمين؟؟
تسنيم : لا فاهمه قصدك .. لاتخافين مو اللي في بالك
____________________
ناصر باستهزاء : لا كان تأخرت بعد شوي
سيف : ناصر تكفا لاتعور راسي انت الثاني
ناصر : وانت كل يوم معصب؟؟؟.... طيب انا شذنبي تعصب علي كذا
سيف : لاتلومني نصور .. انا بجن ان جلست بهالقصر اكثر
ناصر : تعوذ من ابليس مافي داعي تعذب نفسك
رن جوال سيف
الو ..... هلا فيك ....... وشو؟؟؟؟؟؟..... مستحيل... متى صار الحادث؟؟؟؟..... وش صا رطيب عليهم؟؟؟
صار سيف يبكي بدون شعور وطاح الجوال من يده
ناصر بخوف : سيف وش صاير؟؟؟؟
سيف وهو يبكي : صار عليهم حادث
ناصر : على مين ياسيف ... مين اللي صار لهم حادث؟
وش السر اللي قاله سيف لناصر؟؟
تسنيم اكتشفت ان لها منافسات ويحبون سيف اللي هم نوره خطيبة فيصل وسحر .. كيف بتكون معاملها مع سيف؟؟
ياترى مين اللي صار لهم الحادث؟؟
((البـــارت العـــاشر))
سيف : زوجتي صار عليها حادث هي وولدي فهد
(( سيف كان متزوج يوم كان مسافر مصر وعنده ولد عمره 4 سنوات وسماه فهد على اسم اخوه .. ماكان احد يدري بزواجه الا ناصر بس))>> وهذا هو السر اللي خلاه يرفض الزواج لانه اساسا متزوج وعنده ولد وكان يحب زوجته ويعشقها موووت
ناصر : طيب وش صار لهم الحين؟؟... هم بخير؟؟
سيف : ماتت
ناصر : لاحول ولا قوة الا بالله .. طيب والولد؟؟
سيف : الولد بخير
ناصر : الحمد لله .. البقايه بحياتك .. ولا تبكي حاول تكون اقوى
سيف وهو يبكي : المشكله الحين ولدي .. من بيربيه؟؟؟
ناصر : جيبه عند اهلك ويربونه
سيف : بس انا مخبي عليهم سالفة زواجي .. ماحد يدري
ناصر : لازم تقول لابوك الحقيقه عشان يقبل ولدك في القصر
سيف : ياربي وش هالمصايب اللي توالت علي .. ناصر رجعني القصرواجهز اغراضي للسفر لازم اروح بكرا المطار واحجز على اقرب طياره
ناصر : طيب هد اعصابك وخلك طبيعي عشان ماحد يشك بالموضوع .. وهذاني برجع الحين للقصر وباخذ ندى معاي وانت ارتاح شوي لين بكره
___________________
تسنيم : المهم انا راسي مصدع ودي انام شوي
ندى : لا والله؟؟؟؟..... وانا جايه اقابل الجدران هنا؟؟؟؟
تسنيم : امي معاك
ندى : امي بتنام الحين .. من اجلس معه؟
تسنيم : ندى حاسه اني متضايقه
ندى : طيب فضفضي لي .. مو انا بمثابة اختك؟
تسنيم : انتي اكثر من اخت .. بســ........
ندى قاطعتها : تسنيم قولي اللي بخاطرك كله
تسنيم : اخوك مو متقبلني
ندى : كيف مو متقبلك؟
تسنيم : هو ناداني من شوي .. يقول لي لاتحاولين تغريني بلبسك وزينتك لاني ماراح انجذب لك
ندى : اهاااااا .. هذا معناها انه منجذب لك اصلا .. بس مايبي يبين لك .. كملي كملي
تسنيم : بصراحه كلامه نرفزني .. وقلت له اني حره باللي البسه دامه يقول ان زواجنا خطأ من اساس
ندى : تسنيم ..ممكن اسألك سؤال وتجاوبين عليه بكل صراحه؟
تسنيم : قولي
ندى : انتي تحبين سيف؟
تسنيم : اذا تبين الصراحه .. انا مو متأكده من مشاعري نحوه .. يعني اسلوبه يخليني اكرهه .. اصلا اخوك ماينحب .. وانا اشمئزيت منه ومن اسلوبه
ندى : طبعا بتكرهينه لان اسلوبه معاك جاف .. لكن لازم تعدلين معاملتك معاه .. يعني خلك دايم بكامل اناقتك وشياكتك واجذبيه اكثر لين ينفذ صبره وانتي ماشاء الله عليك حلوه
صارت ندى تعلم تسنيم عن طبع اخوها وخططت معها وتسنيم راح تبتدي تنفذ ^_^
تسنيم : اوكي انا بروح غرفتي بغير ملابسي.. تضايقت من اللي علي
ندى : اوكي انا بروح معاك لغرفتك ونكمل سواليفنا
تسنيم : بس خطر عليك ترقين الدرج وانتي توك حامل
ندى : لا عادي برقى على مهلي
تسنيم : اوكي يلله
تسنيم اول مافتحت باب الغرفه >> شهقت
ندى بخوف : شفيك؟؟؟؟؟
تسنيم بعصبيه : شوفي اخوك وش مسوي بالغرفه
ندى شافت المنظر : هههههههههههههههههههههه
تسنيم : أي وش عليك !!! هذا اللي تقدرين عليه تضحكين وبس
(( سيف قالب الغرفه فوق تحت من حركة تسنيم يوم ماعطته بال))
ندى : نرفزتيه انتي بحركاتك .. وهذا الدليل غرفتك لعب بحسبتها وقلبها عاليها سافلها هههه
تسنيم : الله يكون بعوني مع اخوك المجنون
ندى : هيييه !! ترا ماسمح لك تغلطين على اخوي تراني مارضى عليه
تسنيم رافعه حاجبها ومو عاجبها كلام ندى : لا والله؟؟.. مو توك تخططين معاي تروضين اخوك والحين ماترضين عليه؟؟
ندى : ايه بس انا ابي الخير لكم
تسنيم ( طيب ياسيفووه .. اذا مالعبت باعصابك ماكون تسنيم) : اوكي ندوو ابيك تنصحيني وش اسوي اذا جا اخوك ؟؟
ندى : امممممممممممم .. شوفي حبيبتي ... حاولي تلبسين لبس مغري .. وعاد انتي وشطارتك
تسنيم : اهااا فهمت
رن جوال ندى وكان المتصل ناصر زوجها ..ردت عليه وطلب منها انها تطلع لانهم بيروحون بيتهم
ندى وهي طالعه : لاوصيك سوي اللي قلت لك عليه
تسنيم : اوكي يام الخطط ههه
سيف دخل الغرفه وهو متضايق ولقا الغرفه مرتبه .. ولا شاف تسنيم موجوده
سيف : اووووف الحمد لله انها مو هنا
طلعت تسنيم من غرفة الملابس وتفاجأ سيف من لبس تسنيم وماكان مصدق اللي تشوفه عيونه
كانت لابسه
سيف اتجه نحوها : صج انك ماتستحين على وجهك ياقليلة الادب طرااااااخ >> عطاها كف
سيف : سمعيني زين انا طالع الحين وبرجع خلال خمس دقايق .. لو ماتغيرين السخافه اللي انتي لابستها صدقيني ماراح تشوفيني مني خير>> مايبي يفقد صبره
توه بيطلع من الغرفه الا نادته تسنيم وهي حاطه يدها على مكان الكف : سيف
سيف التفت لها : نعم
تسنيم وهي تستقوي عليه : اعتقد لين كذا كفايه .. اسمع .. اصلا انا منقرفه منك ولاتعتقد اني ممكن اغريك بلبسي .. هذا لبسي وماراح اغيره عاجبك والا دور لك مكان غير هالغرفه .. وانا ماراح اطلع من هالغرفه لان غرفتي ابوي سكرها والمفتاح عنده .. وانا متعوده على لبسي هذا .. يعني ياأخ سيف لاتتعب نفسك معاي.. توها بتصد عنه .. الا مسكها سيف من كتفها ولفها له وعطاها كف ثاني وبدون شعور صار يضربها وكانت هي تصرخ
سمع عبد العزيز صوت صراخ تسنيم وصار يضرب عليهم الباب
سيف فتح الباب وكان معصب : يبه انا مابيها..... بطلقها مابيها >> طلع من القصر
عبد العزيز ماكان فاهم وش اللي يصير بينهم : تسنيم غطي نفسك
تسنيم وهي تبكي وبكلام متقطع : يبا دقيقه بسـ.. اغير ... ملابسي
غيرت تسنيم ملابسها وأذنت له يدخل
تفاجأ عبد العزيز يوم شاف الكدمات اللي على وجه تسنيم
عبد العزيز بعصبيه : الحيواااان .. كيف يسوي فيك كذا؟؟
تسنيم : يبا كانت غلطتي انا نرفزته
عبد العزيز : ولو حتى لو نرفزتيه مو يمد يده .. والله ماسكت له .. خذ جواله ودق على سيف لكن سيف مارد
تسنيم : يبا اتركه خلاص .. يبا انا ......
عبد العزيز : أنا آسف ياتسنيم آسف اني زوجتك عديم الرحمه .. ماكنت متوقع انه بيعاملك كذا
تسنيم : يبا ... انا مستحيل اعيش معاه ماااابيه .. ابي اتطلق منه
تكملة البــارت العــاشر
عبد العزيز : وش هالكلام؟؟؟... مستحيل تتطلقين .. انتي بتظلين زوجته غصب عنه
تسنيم : يبا تكفا قل له يطلقني ماستحمل اعيش معاه ولا ثانيه وحده
عبد العزيز بحده : وترجعين لابوك الظالم؟؟؟... تسنيم لاتستعجلين في حكمك .. عطيه فرصه ثانيه.. وأنا بربيه من جديد
تسنيم ماقدرت تصبر وصارت تبكي : يبا ماقدر اظل معاه بغرفه وحده .. ماعاد اطيقه .. اكرهه اكرهه
عبد العزيز : يابنتي استحمليه عشاني .. يمكن يعدل من اسلوبه معاك
تسنيم : تكفا يبه مابي اكون معاه بغرفه وحده
عبد العزيز : خلاص انا بعطيك مفتاح غرفتك .. نامي فيها كم يوم لين تهدا اعصابه واعصابكك
ـــــــــــــــــــــــــــــــــــــــــ
.... كان متضايق مرررره لانه اول مره يرفع يده على بنت ..وكان يفكر وين بيودي ولده ومين بيربيه... أخذ جواله ودق على......
سيف : الو
سحر كانت ميته فرح اول ماشافت رقم سيف : هلا سيف
سيف : هلا فيك .. شلونك سحر؟
سحر : الحمد لله انا بخير .. وانت شلونك؟
سيف سكت فتره : الحمد لله على كل حال
سحر : باين عليك متضايق
سيف : فعلا .. انا متضايق شوي فقلت اطلع بره اتمشى وتذكرت انك راسله لي رساله وحبيت اعرف وش الكلام المهم اللي تبين تقولينه
سحر : سيف .. بصراحه انا .....اناااا ....... احبك
سيف باستغراب : تحبيني؟؟؟..... بس انا متزوج
سحر : ادري .. وهذا اللي محيرني .. بصراحه عمري مافكرت في يوم اني بتزوج غيرك
سيف : بس الحين ماينفع هالكلام .. انا تزوجت خلاص
سحر : انا متأكده ان زواجك كان غصب عنك وابوك اللي مختارها .. سيف لازم تواجه ابوك ليمتى يعاملك كنك طفل ويختار لك هو لعبتك؟؟ .. انت كبرت ومن حقك تقرر تعيش حياتك مع اللي تناسبك
سيف : صدقيني انا ماودي اتزوجها لكن مو بيدي .. ابوي ظالمني معاها
سحر استانست لان سيف صار يقول لها على اللي بقلبه : لازم تكون قوي قدامه .. واذا ماتبيها طلقها
سيف : ماقدر.. ابوي يدافع عنها ومستحيل بيسكت لو اطلقها .. اكيد بيطردني
سحر : طيب انا عندي لك خطه .. وصدقني بتنحاش من القصر وبترجع بيت ابوها
سيف : وش هي؟؟
سحر : تزوجني
سيف : وشو؟؟؟؟
سحر : ليه مستغرب ؟؟... تزوجني
سيف : وتسنيم؟؟
سحر : راح تكون على ذمتك .. وانا بكون الزوجه الثانيه لك وبطفشها
سيف : بس ابوي ماراح يرضى
سحر : انت لازم تصر انك تطلقها ولو رفض ابوك اشرط عليه انك تتزوج وحده ثانيه وتخليها على ذمتك
اكيد ابوك بيوافق
سيف : مادري .. خليني افكر بهالموضوع وبعدها يصير خير
سحر : فكر على مهلك حبيبي .. وانت لازم تواجه ابوك .. انت رضيته باللي اختارها هو لك .. والحين جا دورك ترضي نفسك باللي تختارها انت .. ماراح يقول لك شي صدقني
سيف اقتنع بكلامها : اوكي مو مشكله بشوف الاوضاع وبعطيك خبر .. باي
كان الوقت متأخر .. قرر سيف انه يرجع للقصر .. كان في هالوقت الكل نايم .. دخل غرفته وماشاف تسنيم
صار يدور بغرفة الملابس وبالحمام ولا شافها موجوده .. عرف انها راحت الغرفه الثانيه.. غير ملابسه وجهز ملابسه للسفر ونام
اما تسنيم فكانت تبكي على حالها ونامت ودموعها على خدها
الكل صحا الصباح وكالعاده يتجمعون ويفطرون مع بعض
صحت تسنيم تروشت وقابلت المرايه .. تفاجأت بشكل وجهها المليان كدمات .. قررت انها ماتنزل ولا شاركتهم بالفطور
رن جوالها وكانت المتصله ندى .. ردت عليها
تسنيم : هلا ندى
ندى : هلا فيك .. حبيبتي انا اليوم ماراح اجيكم لاني معزومه عند اهل زوجي .. متجمعين بمزرعتهم وماراح نرجع الا متأخرين .. ان شاء الله بجي بكرا
تسنيم : اوكي مو مشكله
ندى : اممممم .. وش صار البارح؟؟؟
تسنيم : ماصار شي
ندى : تخبين علي؟؟؟؟؟
تسنيم : صدقيني ندى ماصار شي
ندى : اوكي .. دام ماتبين تقولين لي مو مشكله .. يلله باي
تسنيم : باي
ندى : يعني عادي عندك ازعل؟؟؟
تسنيم : ندى تكفين مو رايقه وربي
ندى : تسنيم حالك مايطمن ... وش فيك؟
تسنيم : مافيني شي .. يلله عن اذنك بروح افطر
ندى : طيب .. بالعافيه .. باي
__________________
صحا من النوم .. تروش .. لبس وطلع من القصر.. فطر بره
صار يفكر بكلام سحر ... فجأه قطع تفكيره صوت جواله اللي يرن
سيف : هلا سحر
سحر : صباح الخير
سيف بابتسامه : صباح النور
سحر : وش اخبارك؟
سيف : ماشي الحال
سحر : تصدق مانمت من البارح!!... كنت احاتيك لانك متضايق
سيف : ليه تشغلين بالك علي .. الحمد لله انا بخير لاتحاتين علي وانتبهي لصحتك
سحر : وانا اقدر انام واللي احبه متضايق ويمكن بعد مانام البارح!!.. كنت بدق عليك الفجر بس خفت اسبب لك ازعاج
سيف : اصلا كنت نايم
سحر بشهقه : شفت؟؟.. انا احاتيك وانت ولا على بالك >>> اصلا شبعانه نوم بس عياره
سيف : سحر لاتتعبين نفسك عشاني .. حتى لو مانمت انا استحمل بس انتي لازم تهتمين بصحتك لان البنت ربي خلقها ضعيفه
سحر : عشان حبي راح استحمل .. وراح اذوق التعب اللي تذوقه واشاركك فيه
سيف : سحر انا آسف لاني مافهمتك زين .. ورفضت اني اتزوجك .. ماكنت ادري انك بهالحب وبهاالطيبه
سحر في قلبها ( والله لاوريك ثمن رفضك لي ياسافل ياحقير انت والحقيره تسنيم ) : لاياقلبي لاتتأسف .. انا من كثر ماحبك صبرت .. ماحبيت اسبب لك أي مشاكل مع اهلك .. واتمنى اني القى ثمرة صبري
سيف : سحر .. ودي افاتح ابوي بالموضوع .. بس انتظر الوقت المناسب
سحر : خذ راحتك ياقلبي >> حست انها قريبه من النصر لان سيف بدا يميل لها
سيف : اوكي عن اذنك .. انا الحين وصلت المطار
سحر : مطار؟؟؟... وين رايح؟؟
سيف : ابد .. بس مسافر عندي شغله وراجع
سحر : لايكون مثل اول تتأخر؟؟
سيف : لا .. كلها كم يوم وراجع .. وان طولت اسبوع
سحر : الله يحفظك ويرجعك لي بالسلامه
سيف : الله يسلمك .. يلله باي
سحر : لاتنسى تعطيني خبر لرجعت .. ودق علي وانت بره عشان اتطمن عليك
سيف : ان شاء الله .. باي
سحر : باي .... بعد ماسكرت
هه مصدق نفسه الغبي اني احبه .. خلني بس اضمن زواجي فيك وبعدها بتشوف وش اسوي
-----------------------------
كانت سعاد جالسه تتقوى مع جارتها اللي احيانا تجيها العصريات فجأه دخلت عليهم وحده متغطيه
باست راس سعاد وضمتها وصارت تبكي بقهر
سعاد باستغراب : من انتي؟؟؟؟
...........: انا هند يما (هند بنت سعاد الكبيره اللي عايشه بالجنوب .. طلقها زوجها وطردها .. وخلا عياله عند زوجته الثانيه .. اما هند رجعت لبيت ابوها وكلها يأس وحزن على حرمانها من عيالها .. عطفو عليها جيرانها ووصلوها بيت اهلها بالشرقيه)
سعاد : هلا بنتي شلونك ؟؟
هند : طلقني يما طلقني وخذ عيالي وصارت تبكي بقهر
سعاد حست ان كل الابواب تسكرت بوجهها : ليه طلقك؟؟.. وش صاربينكم؟؟
هند : مادري .. ماقصرت عنه .. قايمه ببيتي وعيالي .. تزوج وطلقني بدون سبب
سعاد بقهر : حسبي الله عليه وعلى ابوك اللي دمر حياتكم
صارت سعاد تهدي في بنتها وتخفف عليها
جارة سعاد : سمحي لي يام هند انا بروح بيتي ...اخليكم على راحتكم .. مع السلامه
سعاد : حياكي الله
هند بعد ماهدت : يما وين ابوي؟؟؟... وليه مايتصل علي .. من تزوجت ماشفته ولا حتى سمعت صوته.. ماغير انتي وخواتي بس تتطمنون علي وتكلموني ؟؟ وهو ماكن عنده بنت اسمها هند
سعاد : يابنتي اهم شي انا وخواتك نتطمن عليك ونسأل عنك .. اما ابوك حتى انا لو يصير فيني شي وانا في بيته مايدري عني .. كل همه فلوس بس
هند : الله يهديه يارب
سعاد : الا الله يستر منه
هند : ليه؟؟
سعاد : يابنتي ابوك وزوجك اثنينهم نفس الطينه .. طبعهم نفس الشي
هند : طيب لو درا اني متطلقه وش تتوقعين بيسوي؟؟
سعاد : الله يعلم .. انتي الحين روحي ارتاحي بغرفة هيفا وانا بتصرف مع ابوك لجا
هند : طيب هيفا للحين في بيت خالتي؟
سعاد : ايه .. الحمد لله ابوك ماسمعني يوم وانا اتكلم عنها انا وناديه وعرف مكانها .. كان وقتها سكران مو حاس بنفسه
هند باستغراب : يمه ابوي يسكر؟؟؟.... عقب هالعمر يشرب من هالخايس؟
سعاد بحزن : أي يابنتي .. انا متحمله عمايله .. كل يوم وهو بمصيبه جديده
هند : ياربي انا كيف احل مشكلتي وابوي كذا؟؟.. وعيالي كيف بشوفهم؟؟
سعاد : خلي رجاك لله .. ابوك ماراح يهتم .. الله يكون بعونك يابنتي
__________________
نزلت الطياره في اراضي مصر ونزل منها سيف
خذ تكسي وعلى طول توجه لبيت اهل زوجته .. طبعا اهل زوجته كانو من اثرياء مصر .. لكن كانو معارضين زواج بنتهم على سيف عشان كذا كانو رافضين الولد
اخذ ولده وحجز بفندق لمدة ثلاث ايام .. خلال هالوقت كان متوهق مع ولده لانه دايم يسأل عن امه >> مسكين بزر مايفهم معنى الموت
كل يوم يطلع مع ولده فهودي يمشيه الحدايق والملاهي .. يحاول يضيع الوقت عشان مايفتقد امه لكن مافي فايده .. الولد محتاج لأم .. لان الام هي اللي تفهم احتياجات الطفل
قرر انه يرجع باسرع وقت لانه مو قادر يتصرف .. حجز على اقرب رحله لشخصين على السعوديه
اتصل على ابوه
سيف : هلا يبا
عبد العزيز : وحطبه ان شاء الله
سيف : يبا افهمني
عبد العزيز بعصبيه : انت بأي حق تمد يدك على البنت جعل يدك الكسر
سيف : يبا ممكن تعطيني فرصه اتكلم؟
عبد العزيز : يعني شبتقول؟؟... انك معصب؟؟.. حتى لو انك معصب مو تمد يدك عليها
سيف : يبا هذا مو موضوعي .. تكفا اسمعني الحين
عبد العزيز : وش موضوعه؟؟؟... يلله قول وهذاني اسمعك
سيف : اول شي أنا آسف لاني مديت يدي عليها .. هي نرفزتني وماقدرت اتمالك اعصابي
عبد العزيز : وش الفايده ؟؟.. وش بتسوي كلمة آسف... الحين تجي وتتأسف لها
سيف : ان شاء الله يبا .. اوعدك بس اجي من مصر بجي رأسا لعندها واتأسف لها عشان خاطرك
عبد العزيز توه يستوعب : تعال الحين انت وش تسوي بمصر؟؟؟.. ومن متى وانت هناك؟
سيف : لي ثلاث ايام بمصر واليوم برجع .. بس قبل اجي القصر بعترف لك بحاجه
عبد العزيز : ليه وش مسوي بعد؟
سيف : يبا اناااا ........ انا متزوج مصريه
عبد العزيز بعصبيه : انت وش سالفتك؟؟.. تبي تذبحني بتصرفاتك ؟؟ .... اسمعني زين .. الحين تطلقها والا والله مايصير طيب
سيف : يبا .. انا متزوجها من زمان وهي الحين توفت بحادث
عبد العزيز : ؟؟؟؟؟؟؟؟
سيف : وانا اليوم برجع السعوديه ومعاي ولدي فهد
عبد العزيز : انت تمزح والا وش سالفتك؟؟؟
سيف : لا يبا .. انا اتكلم جد .. ولدي فهد عمره 4 سنوات
عبد العزيز من سمع اسم فهد على طول حن قلبه : وولدك هذا بتجيبه معك؟
سيف : ايه .. راح يسكن معنا على طول
عبد العزيز : طيب ليه ماقلت لنا انك متزوج من قبل؟؟.. وان عندك ولد
سيف : خفت اقول لكم وتعارضون .. كفايه اهلها مو راضيين على زواجنا وتبرو منها عشاني
عبد العزيز : اهاااا ... عشان كذا ماخذو الولد
سيف : تكفا ابوي .. الولد ماله احد غيري وغيركم .. انتو الحين اهله وابيكم تعاملونه مثل ماتعاملون اخوي فهد
عبد العزيز دمعت عينه وحن قلبه على الولد خاصه ان اسمه فهد على اسم ولده : خلاص ياولدي جيب ولدنا يتربى عند اهله
سيف بفرحه : الله يخليك لنا يبا ولا يحرمنا من عطفك
___________________________
فيصل كان عند خطيبته نوره
نوره بتضجر : اووووف انا مليت من جلسة البيت .. شرايك نطلع؟؟؟
فيصل : حبيبتي مو وقته الحين .. عندي شغل .. بكرا ان شاء الله امر عليك ونتمشى على راحتنا
نوره باشمئزاز : ياربي وش هالحظ ؟؟.. انا لاعت كبدي من حياتك الممله ... انت حياتك كلها شغل في شغل .. متى بتفضى لي حظرتك؟؟
فيصل : حبيبتي ماعليه استحملي كم يوم بس .. هالايام عندي ضغط بالشركه وماقدر أأجل اشغالي .. كلها فتره معينه واكون فاضي لك وناخذ راحتنا بكل شي
نوره : فيصل تبي الصراحه؟؟
فيصل : احلى شي الصراحه ياقلبي
نوره : تدري؟؟.. مو وقته .. بعدين اصارحك
فيصل : الا وقته ونص .. يلله قولي بس
نوره : بصراحه اللي اشوفه .. ان شخصيتك مهزوزه ... وسيف شخصيته احسن منك بكثير .. تعجبني شخصية سيف بقووه
فيصل باستغراب : نوره انتي بأي صفه تقولين لي هالكلام ؟؟.. هذا جزاي مقابلك اكثر وقتي وتارك كل شي وراي؟؟.. حتى اهلي ماشوفهم ولا اجلس وياهم كثر ماكون وياك .. كيف تقولين عني كذا؟؟.. وبعدين وش دراك بسيف وشخصيته؟؟... انتي عشتي معاه عشان تقولين سيف وسيف؟؟؟
نوره : اووووف ... تراك ممل لآخر حد .. تعبت اجامل .. لحد هنا ويكفي .. بصراحه انا عمري ماحبيتك ولا في قلبي ذرة حب لك
فيصل استغرب من كلامها وكل اللي قدر يسويه انه عطاها كف : انتي حقيره .. ولا تستاهلين حتى اعطف عليك
وبالنسبه لزواجي منك .. انسي اكون زوجك
نوره بعدم اهتمام : بالطقاق .. يعني انا اللي ميته عليك؟؟؟
فيصل : طيب يانوره .. بتعرفين قيمتي بعدين .. لكن بعد ماتخسريني
نوره باستهزاء وثقه : شوي شوي على نفسك .. واللي ماتطوله بيدك طوله برجولك
طلع فيصل من عندها وهو متكدر ومتفاجأ بالكلام اللي قالته نوره له ... على طول مر على الشركه وكان متوتر ومتضايق ...
___
تسنيم : اشوفك كلش مالك حس
هيفا : اووووف والله اني مقهوره ياتنسنيم
تسنيم : ليه حبيبتي وش اللي مكدر خاطرك؟.
هيفا : اختى هند
تسنيم : شفيها؟
هيفا : تطلقت والحين هي في بيت ابوي .. الله يستر لدرى ابوي وش بيسوي
تسنيم : يا الله .. وعيالها؟؟؟؟
هيفا : اخذهم منها الزفت زوجها .. جات لحالها مكسورة الخاطر
تسنيم : الله يكون بعون امي واختي على ابوي .. شكله بيسوي مصيبه
هيفا : شوفي انا الحين بجي عندك .. حاسه اني متضايقه مررره .. خاصه ان ابوي يدور علي ومعصب ويهدد انه بيذبحني
تسنيم : ليه بكيفه هو؟؟؟... المهم انتي ماعليك من ابوي ولا تفكرين فيه اصلا
هيفا : والله اني افكر بهند المسكينه بتبتلش مع ابوي كل يوم هواش ومطاقق
تسنيم : المهم انتي الحين وينك
هيفا : انا قريبه من القصر بينزلني السواق بره القصر لان بنت خالتي معاي انا بنزل وهي بتروح السوق
تسنيم : طيب خليها تجي معك القاطعه .. ماكني بنت خالتها
هيفا : قلت لها ومارضت ... تقول مره ثانيه .. المهم هذاني بنزل الحين وبجيك على طول يلله باي
نزلت هيفا على باب القصر .. وهي تمشي حست بشي ارتطم فيها بقوه
((البــارت الحـــادي عشر))
(فيصل طلع من الشركه وهو راجع للقصر ومتنرفز وكان سارح فجأه شاف بنت قدامه ومامداه يخفف من سرعته وصدمها على باب القصر)
هيفا كانت تصرخ من الالم .. نزل فيصل وتفاجأ باللي تبكي طايحه على الارض وتبكي
فيصل بخوف : انتي من وين طالعه لي؟؟؟؟
هيفا وهي تبكي وبألم : انت اللي من وين طالع .. حسبي الله عليك .. انت عمي ماتشوف؟؟؟؟
فيصل : قومي قومي اوديك المستشفى
هيفا وهي تبكي : ماقدر اتحرك .. جسمي يألمني
فيصل كان خايف يصير فيها شي وبدون تردد شالها وحطها بالسياره وعلى طول عالمستشفى
تسنيم : ياربي هذي شفيها تأخرت؟؟؟... توها تقول انها على باب القصر.. وين راحت هذي؟؟؟
اتصلت على اختها وماردت .. صارت تحاتي
تسنيم شهقت : لايكون شافها ابوي وأخذها معاه؟؟؟... الله يستر .. لازم اتصل عليها لين ترد
اتصلت مره ثانيه وثالثه واخيرا ردت
هيفا بألم : الووو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك