رواية سميتك معشوقي -6
ندى انتابها وسواس وصارت تطالع في نفسها : لايكون زاد وزني؟؟.. ياربـــــــي
رجعت لغرفة تسنيم اللي كانت تسولف مع هيفا ...دخلت ووجها متغير
تسنيم باستغراب : عسا ماشر ندى؟؟..وش في وجهك متغير؟؟
ندى وهي مبوزه : تسنيم امانه امانه .. تشوفين فيني شي متغير؟؟؟
تسنيم وعلى راسها علامة استفهام : لا مافي شي .. بالعكس طالعه تجننين
ندى : تسنيم تكفين لاتجامليني
تسنيم : والله العظيم اكلمك جد ..صايره روعه
ندى : طيب ماتلاحظين ان وزني زاد ؟؟
تسنيم : ههههه ندى لاتوسوسين .. توك وش زينك وطالعه منا واثقه والحين موسوسه ..وش قلب عقلك؟؟
ندى بعصبيه : اوريك يافيصلووه
تسنيم : هههههههههه اكيد هو منرفزك
ندى : اجل انا يقول لي فستانك بينشق عليك؟؟؟
تسنيم : ههههههههههه.. يمكن حب يمزح معاك ياخبله.... وانتي كذا على طول فسرتي الامور على كيفك؟؟؟
هيفا عابسه بوجهها : مادري يمكن.. بس يبشر ماراح امشيها له
وصلو المعازيم ونزلت ندى عشان تساعد امها ... اما هيفا ظلت عند تسنيم
هيفا : تسنيم وش فيك؟؟؟.. اللي يشوفك ماكن اليوم عرسك
تسنيم : مادري ... حاسه ان الامور ماراح تمر على خير
هيفا : حبيبتي لاتقولين كذا .. تفاءلي بالخير
تسنيم والدموع في عيونها : كيف اتفاءل بالخير وهالزواج بغير ارادتنا... هيفا سيف مجبور انه يتزوجني عشان اوامر ابوه
هيفا : من جدك انتي؟.. رجال ينغصب على الزواج؟؟
تسنيم : ايه ... واصلا هو اخذ عني فكره اني طمعانه بفلوسهم
هيفا : طيب انتي فهميه
تسنيم : انتي ماعرفتي سيف عدل .. احس لشافني كنه شايف الد أعداءه
هيفا : طيب وانتي ؟؟؟.. وش مشاعرك نحوه؟
تسنيم : هيفا .... انا اصبحت خاليه من المشاعر .. انا مثل البضاعه اللي يتاجرون فيها
هيفا باستغراب : استغفر الله ... تراك ماتدرين وش الله كاتبه لك .. يمكن هو يحبك بس يكابر
تسنيم بقهر : يكابر؟؟.. لا حبيبتي هو مايكابر .. هو حاقد علي
هيفا : طيب انتي حاولي تكسبين قلبه وحبه
تسنيم بابتسامه حزن : ماظن اقدر
هيفا : شدعوا ماتقدرين .. انتي حاولي وماراح تخسرين شي
تسنيم : والله مو عارفه وش اسوي .. حاسه تفكيري انشل وماعاد اقدر افكر
هيفا بحزن : تدرين؟؟...
تسنيم : ؟؟؟؟
هيفا : احس انتي اهون مني .. على الاقل عارفه مصيرك .. والا انا مادري وش بيسوي ابوي فيني لشافني.. حاسه انه بيذبحني
تسنيم ضمت اختها لانها حست بالمعاناه اللي بتمر فيها اختها متناسيه مصيرها مع سيف
ندى فتحت الباب عليهم : يلله ياعروستنا المزيونه انزلي .. الكل يبي يشوفك
زاد ارتباك تسنيم لكن لما شافت اختها تضغط على يدها تحاول تفهمها انها جنبها حست براحه اكثو ونزلو كلهم مع بعض
اول ماوصلو الدرج وهم نازلين
كانت تسنيم في المقدمه وندى وهيفا وراها وينثرون عليها الورد المجفف والحلويات وسط الزغاريط
مع ان الخوف والارتباك كان مسيطر عليها لكن وجود اختها خفف شوي من هالاحساس
كانت تمشي خطوات بطيئه والكل يناظرها وهي تمشي كأنها ملكة جمال واللي خلفها الوصيفات
بعد مانزلو الدرج .. باست تسنيم راس منيره اللي مو باين عليها انها فرحانه لانها اصلا مجبوره تجامل الناس عشان ماحد يتشمت فيهم .. وبعدها صارت المعازيم يسلمون عليها ويباركون لها وتسنيم كانت مبتسمه عكس اللي بقلبها من خوف وحزن على حالها
بدو البنات يرقصون بفرح امام تسنيم اللي جالسه على كرسيها المزين
فيصل معصب : وبعدين معاك ؟؟؟.. انا كم مره اقول لك خلك متواضعه .. ليمتى وانتي على هالطريقه؟؟.. تراني تعبت من تصرفاتك الغريبه
نوره : والله عاد انا كيفي .. انا كذا .. وهذا طبعي ولازم تتعود عليه
فيصل : نوره الاحظ تصرفاتك مرره متغيره .. فيك شي؟.. سامعه عني شي؟؟
نوره : لا الحمد للله مافيني شي .. بس مالي خلق على اهلك ...(وبدلع) وع احسهم غثيثيييين
(مع ان نوره ملامحها مررره عاديه لكنها مغروره بنفسها لان امها مدلعتها مررره عشان كذا منعكس على شخصيتها )
فيصل : نوره حبيبتي .... مو لازم تجين عشانهم .. عشان خاطري لازم تحظرين زواج اخوي .. الكل لاحظ عدم وجودك
نوره باستهزاء : يعني الحين زواج اخوك ماراح يصير الا اذا كنت موجوده؟؟؟
فيصل : نوره حبيبتي .. انتي تدرين وش قد معزتك عندي .. بس لاتفشليني قدام اهلي .. امي كل شوي وتسأل عنك.. على الاقل لو نص ساعه اسم انك حظرتي وبعدها اعتذري وروحي
نوره بدلع : سوري ياقلبي .. اعتذر انت بالنيابه عني وقول لهم اني تعبانه وماقدر احظر
فيصل وهو متضايق مرره : لاحول ولا قوة الا بالله .. طيب خلاص .. الظاهر انا ضيعت وقتي معاك على الفاضي
نوره : حبيبي والله مالي خلق .. كفايه امي حظرت .. بس ولا يهمك .. اوعدك بكره اروح لامك وابارك لها هي وعروسة اخوك
فيصل : براحتك ياقلبي .. يلله استأذن لاني مشغول
نوره : حبيبي انت زعلان مني؟؟؟
فيصل بابتسامه : وانا اقدر ازعل على قلبي؟؟
نوره : فديت قلبك وكلك ياقلبي
فيصل : ياربي من هالبنت .. تبي تذبحني .. المهم ياقلبي بكره اشوفك اوكي؟؟
نوره : اوكي فيصولي .. باي
ـــــــــــــــــــــــــــــــــــــــــــ
منيره : ندى تعالي ابيك
ندى : هلا يممه
منيره : دقي على سيف وقولي له يدخل عشان بيسلمون عليه عماته وخالاته
ندى : ان شاء الله يما
اتصلت ندى على سيف بس مارد .. وعادت الاتصال كذا مره ونفس الشي مايرد
اتصلت على ناصر زوجها : هلا حبيبي
ناصر : هلا حياتي .. اكيد مشتاقه لي
ندى : هههههه .. انا اشتاق لك في كل لحظه كل ثانيه كل دقيقه ماتروح عن بالي ابد ياقلبي >> أي هين فالتها رقص ووناسه ولا على بالها اصلا خخخخخخخ
ناصر : يابعد عمري فديتك والله
ندى : نصوري سيف جنبك؟
ناصر : أي جنبي ليه؟؟
ندى : شفيه مايرد على جواله .. من وين وانا اتصل عليه مايرد
ناصر : اهاااا ... وتقول مشتاقه لي بعد!!!
ندى : ههههه .. حبيبي لو بودي اكون جنبك على طول .. بس انت عارف الظروف
ناصر: طيب طيب .. الوعد بعد مايخلص زواج اخوك المدلع
ندى : هههههههه .. طيب وينه هو المدلع خله يكلمني
ناصر: طيب خوذيه معك
سيف : هلا ندى .. شبغيتي
ندى : هلا فيك .. سيوفي امي تقول تعال ادخل عشان عماتي وخالاتي يبون يسلمون عليك
سيف : لا ماراح ادخل
ندى : سيف مافي احد غريب .. مافي الا هم وبناتهم .. والحين بيحطون العشا وادخل انت يسلمون عليك وبعدها بكيفك
سيف : اوكي خلاص .. بعد ربع ساعه بدخل بس خلي جوالك عندك عشان اذا جيت ادخل اتصل عليك من جوال ناصر
ندى : اوكي بنتظرك .. باي
ـــــــــــــــــــــــــــــــــــــــــــ
تسنيم فجأه حست انها متضايقه : هيفا
هيفا: هلا
تسنيم : ودي اروح لغرفتي حاسه اني متضايقه
هيفا : طيب بروح معاك فوق بوصلك بس وارجع اجيب عشاك للغرفه
هيفا وصلت تسنيم لغرفتها
توها بتطلع من الغرفه الا شافتها ندى
ندى : على وين ياأموره
هيفا بابتسامه : ابد بس بروح اجيب عشا لتسنيم وراجعه
ندى : لا خلك انا بروح اجيب لها ولك بعد .. لاني عارفتها ماراح تاكل لحالها
هيفا : اوكي حياتي مشكوره
ندى : ثواني والعشا يكون عندكم
هيفا : اوكي نستناك
راحت تجيب لهم عشا وهي نازله من على الدرج حست بدوخه بسيطه بس ماهتمت وقالت في خاطرها يمكن من التعب
خذت عشا تسنيم واختها وودته لهم الغرفه وجلست معهم شوي يسولفون ويضحكون
فجأه حست ان الدوخه رجعت لها مره ثانيه ومسكت راسها بقوه
هيفا : ندى شفيك؟
ندى : لا مافي شي بس حسيت بدوخه .. يمكن من التعب
هيفا : طيب ارتاحي
ندى : هههه وين ارتاح .. الحين بيجي سيف عشان يسلم على خالاتي وعماتي
تسنيم من سمعت اسم سيف وهي حست بخوف : ...الحمد لله >> وقامت عن الاكل
ندى : تسنيم ... تراك توك ماكلتي الا لقمه بس ماسرع شبعتي؟؟.. حتى العصفور ماياكل كذا
هيفا : ههههههههههههههههه
تسنيم : اصلا انا ماحس بالجوع
هيفا بدفاشه : بس انا جوعانه .. اشوف بس ( تربعت وصارت تاكل بجنون وندى وتسنيم يضحكون عليها)
رن جوال ندى : اوه هذا سيف .. الوو
سيف : هلا ندى ... سوي لي طريق بدخل
ندى : طيب لحظه بجيك الحين
ماكان في احد بالصاله غير الخدم ينظفون المكان اما المعازيم كلهم دخلو يتعشون ..دخل سيف وراحت ندى تنادي خالاتها وعماتها وسلمو على سيف وعلى طول تجهزو عشان بيمشون
اما سيف راح على طول غرفته ونام ولا حتى شاف تسنيم
وهيفا راحت مع خالتها
اما عبد العزيز راح لتسنيم على طول وباس راسها .. حست تسنيم براحه لاتوصف لانها حصلت على اب حنون يحس فيها ويداريها مثل بنته
عبد العزيز : وين سيف؟؟
تسنيم : مــــــادري
عبد العزيز : ليه هو ماشافك ولا جلس معاك؟
تسنيم نزلت عيونها بالارض : .........
عبد العزيز : طيب تعالي معي
تسنيم : وين يبا؟
عبد العزيز : غرفة زوجك يعني وين؟؟
تسنيم بارتباك : لالا ... اناااا .. انا مرتاحه هنا
عبد العزيز : تسنيم هذا زوجك بالحلال .. يعني انتي الحين ملكه وبتكونون مع بعض في غرفه وحده .. اما غرفتك راح تتسكر اوكي؟؟
تسنيم : يبا تكفا مـــــــا ......
قاطعها عبد العزيز : تعالي بس ولا ابي اسمع منك ولا كلمه
مسكها من يدها وفتح الباب شافه مقفول ... صار يطق الباب بقوه
سيف وهو متضايق : هاااااه
عبد العزيز : افتح الباب ياسيف
سيف : طيب طيب
فتح الباب وشاف ابوه وهو ماسك تسنيم .. وكانت واقفه ورا ابوه لانها خايفه من ردة فعل سيف
عبد العزيز : وش هالتصرف ياسيف؟؟.. هالبنت امانه عندنا والحين هي زوجتك .. وهالغرفه بتكون لكم ثنينكم
انتو متزوجين وراح تتشاركون نفس الغرفه سامع؟؟
سيف وهو يطالع بتسنيم ببرود : ان شاء الله
فتح سيف باب الغرفه لآخره وباستهزاء : تفضلي ياعروس غرفتك
دخلت تسنيم الغرفه وعبد العزيز راح وتركهم لحالهم
تسنيم خافت لان سيف باين عليه معصب خاصه انه مركز عيونه عليها .......................
((البــــارت التـــاسع))
سيف بعدم اهتمام : انا بنام ومابي صوت طيب؟
تسنيم هزت راسها بمعني ايه :........
توهقت تسنيم .. الحين وش بتسوي؟؟... وين بتنام؟؟....
دخلت غرفة الملابس وغيرت ملابسها ... لبست بيجاما عاديه .. وتوهقت وين تنام؟؟؟...
صارت تسنيم تفكر وتفكر وقررت....................
ــــــــــــــــــــــــــــــــــــــــــــــــــ ـــ
منيره بتعب : آآآخ ياظهري
عبد العزيز : وش فيه ظهرك بعد؟
منيره : حاسه انه بينقص من النص
عبد العزيز : ايه هذا لانك شيبتي
منيره بنرفزه : شنووو؟؟.. انا شيبت؟؟... انا اصحى منك بالعكس شوفني شباب مو انت الشيب ترس شعرك؟؟
عبد العزيز : ههههههههههههههه ... طيب ليه عصبتي كذا؟؟... انا امزح معك لاتقلبينها هوشه
منيره : عشتوووو ... مسوي نفسك شباب مع مزحك الثقيل؟؟
عبد العزيز : ومن قال اني شايب ؟.. انا شباب وشحلاتي .. انتي لو تشوفين البنات كيف يطالعوني وانا امشي وخاقين علي كان ماقلتي هالكلام
منيره بعصبيه : عما بعيونهم .. هذولا مايستحون يحطون عينهم على واحد كبر ابوهم؟؟
عبد العزيز : ههههههههه.. منور حبيبتي .. تغارين؟؟؟؟
منيره متفشه : انا اغار؟؟... لا انا ماغار .. بس يعني مو زين البنت تطالع واحد بسن ابوها
عبد العزيز بابتسامه : الا تغارين .. لان اللي ماتغار على زوجها معناها ماتحبه
منيره بخجل : ايه اغار .. واحبك بعد .. ولا استحمل اشوف أي وحده تحط عينها عليك اذبحها
عبد العزيز : فديتك ياعمري .. اللي تحط عينها علي غيرك اعمي عيونها باصابعي
منيره بابتسامه : يابعد كلي انت .. ربي مايحرمني منك طول العمر
عبد العزيز : هاااه ؟.. اشوف صرنا احنا المعاريس مو عيالنا ههههههه
منيره : وش فيها؟؟... احنا في عز شبابنا وصحتنا الله يديمها علينا
عبد العزيز : آمين يارب ويخليك لي يالغاليه وتجيبين لي ولد ونسميه على اسم ابوك الله يرحمه ههههه
منيره وهي ترمي المخده عليه : استح .. بهالسن نجيب عيال؟؟...
عبد العزيز : هههههههههه
ــــــــــــــــــــــــــــــــــــــــــــــ
ناصر : انتي وش سالفتك طول الطريق وانتي ساكته
ندى : مادري ... راسي حاسه كنه بينفجر
ناصر : اوديك المستشفى؟
ندى بتعب : لا مافي داعي .. هذا لاني تعبت اليوم .. حبة بنادول وبصير احسن
ناصر : اكيد؟؟
ندى بابتسامه : أي اكيد .. بس اممممممم.... أبي باسكن روبنز ترا لي اسبوع وانا احن وازن عليك وانت مو مهتم
ناصر : اهااااا ... يعني كل هالعياره عشان اشتري لك باسكن روبنز؟؟.... بدينا نتصرف زي البزران؟؟؟
ندى : هههههههه..(ترمش بعيونها) ليه؟؟.. مايحق لي اتغلى واتدلع؟.. مو انا زوجتك؟؟
ناصر : احلى زوجه واحلى طفله مدللـه .. والحين وعشان عيونك ياقلبي اشتري لك المحل بكبره.. وش تبين بعد؟؟
ندى : لا مابي المحل كله .. يكفيني واحد بس
ناصر : يعني الحين انتي مصدقه اشتري لك المحل كله؟؟
ندى : نصااااااااب
ناصر : فديت اللي ماده بوزها شبرين ... لو مايكفيك الباسكن كليني كلي فدا لك
ندى : يصير خير
ناصر : ندو حبيبتي عندي لك مفاجأه
ندى : ؟؟؟؟؟؟؟؟
طلع ناصر علبه صغيره مغلفه : تفضلي ياأحلى ندو
خذت ندى العلبه وفتحتها وكان فيها سلسال ناعم ذهب ومعلق عليه حرفN ) )
ندى بصرخه : يجنن نصوري يجنن.. مشكور ياأغلى من روحي .. باسته على خده بجنون
ناصر : اول شي تراك خرعتيني بصرختك بغيت اصدم .. وثاني شي انتي تستاهلين اكثر ياقلبي .. مو احسن من الباسكن؟؟؟
ندى : ههههههههه أي والله احسن بكثير ... بس ماراح اتنازل عن الباسكن لان خاطري فيه
ناصر : ولا يهمك وهذا احنا قريبين منه
----------------------------------------
.............. وهو نايم .. توه بينقلب للجهه الثانيه الا حس ان في شي حده .. فتح عيونه الا شاف
تسنيم نايمه جنبه خخخخخخخخ >>>> مسكينه مالقت مكان تنام فيه وهي تعبانه تبي تنام باي طريقه والقنفات صغيره باللي بالغرفه
سيف مستغرب : الحين هذي وش جابها هنا؟؟؟... لاحووووول .. انا لازم اتصرف
بعد تفكير
سيف : زين ياتسنيمووه .. ماخذه راحتك مصدقه ان هالغرفه لك مثل ماقال ابوي .. طييييب
صار سيف يتظاهر انه نايم ويقرب جنبها وهي تبعد وهو يقرب لين طاحت بالارض من على السرير
تسنيم : اووووف .. شفيه هذا مايعرف ينام؟؟؟
صارت تطالع في سيف وهو نايم ... كان معاند متفشح على السرير كله عشان ماتنام جنبه .. وكانت عارفه انه مو نايم وكان معاندها
تسنيم : طييييييب ياسيف
شالت اللحاف وفرشته نصه بالارض والباقي تلحفت فيه
سيف : وانا وش اتلحف فيه؟؟؟
تسنيم ببرود : دبر نفسك .. تصبح على خير (كانت خايفه ان سيف يتصرف بقسوه معها لكن تجرأت غصب )
قام سيف................
وفتح الدولاب وطلع منه لحاف ورجع ينام>> ماله خلق يتهاوش هع
اما تسنيم استسلمت للنوم
ــــــــــــــــــــــــــــــــــــــــــــــــــ ــــــ
كانت نايمه بهدوء وسعاده فجأه
ندى : آآآآه وبسرعه قامت من السرير وعلى طول للحمام واستفرغت كل اللي ببطنها (الله يكرمكم )
ناصر بخوف : حبيبتي شفيك؟؟
ندى وهي تبكي : مادري بطني
ناصر : هذا الباسكن روبنز ومايسوي .. البسي عبايتك بوديك المستشفى الله يستر لايكون متسمم بس
ندى لبست عبايتها وراحو للمستشفى
ناصر : طمني يادكتور
الدكتور : انت زوجها؟
ناصر بخوف : ايه انا زوجها .. طمني
الدكتور بابتسامه : مبروك .. المدام حامل
ناصر بفرح : حامل؟؟؟
الدكتور : ايوه .. بس لازم تنتبه لحالها ولا ترقى درج كثير خاصه الشهور الاولى
ناصر : ومن قال اخليها تمشي حتى على الارض اصلا ههههههه
دخل عليها الغرفه : مبروك ياحبيبتي
ندى : الله يبارك فيك
ناصر وهو يضحك : انا لو ادري ان الباسكن بيسمعني هالخبر الحلو كان وديتك من زماان
ندى : هههههههههه
ناصر : من اليوم ورايح ماتمشين على الارض .. أي مكان تبين تروحينه قولي لي وانا اشيلك لين المكان اللي تبينه
ندى : لا والله؟؟... شايفني بزره تشيلني؟؟ ..والا اول وحده تحمل؟
يلله ياقلبي نروح البيت الحين والصباح ان شاء الله نبشر الكل
***********
في الشرقيه وقت الظهر
سالم وهو ينادي : سعاااد
سعاد : آمر
سالم : خلص الغدا والا لا؟
سعاد : ايه الغدا خالص من بدري .. تبي احط لك؟
سالم : لا مو الحين .. بيجيني رجال بعد شوي وبتغدى معه مره وحده
سعاد : رجال؟؟؟
سالم : ايه رجال روحي جهزي الشاي والقهوه
سعاد : ان شاء الله
راحت سعاد وجهزت كل شي حطتهم بالمجلس
سالم : جيبي كاسات وثلج
سعاد: وش له الكاسات والثلج ؟؟
سالم بعصبيه : انتي جيبي اللي قلت لك عليه بدون اسئله مثل وجهك
سعاد : ان شاء الله > وجابت اللي قال عليه
بعد دقايق وصل الرجال ودخل المجلس .. وبعد مرور الوقت
سعاد :وع وش هالريحه؟؟؟... صارت تدور بالبيت مصدر الريحه الكريهه لكن كل شي نظيف
قربت من المجلس .. لاحظت ان الريحه نابعه من المجلس
سعاد : ياربي وش هالريحه؟؟؟ >>> طبعا هذي الريحه هي ريحة مسكرات
حسبي الله ونعم الوكيل فيك ياسالم .. وصلت انك تجيب ناس يسكرون في بيتي وفي عز النهار بعد؟؟؟.. لاحول ولا قوة الا بالله.. الله يصبرني
رن جوال سعاد وكانت المتصله بنتها ناديه : الو
ناديه : هلا يما شخبارك؟
سعاد : الحمد لله انا زينه .. وانتي وش اخبارك يابنتي؟
ناديه : تمام .. يما كلمتي تسنيم؟
سعاد : أي كلمتها البارح وكانت عندها هيفا
ناديه : الحمد لله ان هيفا مرتاحه هناك احسن لها من نكد ابوي
سعاد : أي والله كلمتها وتقول انها مرتاحه وخالتها متقبلتها ومو مقصره معاها الله يجزاها خير
ناديه : كان ودي حظرت حفلتها بس زوجي كان تعبان وماحبيت اقول له.. كلمتها جوال
سعاد : أي يابنتي لاتقطعين خواتك .. انتي الوحيده اللي متواصله معهم والا خواتك الثانيات كل وحده وزوجها متحكم فيها ومذوقها الويل
تفاجأت سعاد باللي سحب من يدها الجوال
سالم بعصبيه : يالخسيسه تهربين بنتي وتقولين مادري عنها؟؟... وتمثلين علي انك خايفه عليها؟؟.. طيب اوريك يالعجوز >> وبدا يضربها وهو سكران
وكانت ناديه تسمع صرخات امها وماقدرت تصبر .. على طول جات هي وزوجها .. وشافت امها بحال يرثى لها
اما سالم بعد ماضرب سعاد صار يشرب المسكر بجنون لين فقد وعيه
ناديه : يما وش سوا فيك الظالم .. انتي لازم تروحين معاي مستحيل اخليك تعيشين معاه .. هذا ناوي يذبحك
سعاد : لا يابنتي .. اللي تترك بيتها وزوجها مافيها خير .. وانت شايفه حالة ابوك
ناديه بعصبيه : كل اللي سواه فيك وخايفه عليه؟؟؟.. هذا مايستحق حتى الشفقه
سعاد وهي تبكي : لا يابنتي انتي روحي مع زوجك ولا تحاتيني .. ابوك كان سكران مو في وعيه
ناديه : براحتك .. بس والله خفت عليك .. ابوي مايرحم وهو صاحي فكيف وهو سكران ومايحس باللي يسويه
سعاد : ماعليه يابنتي صار خير .. وخلاص روحي انتي وزوجك ولاتحاتوني
ناديه : طيب يمه.. انتبهي لنفسك ... باست راس امها وطلعت هي وزوجها
---------------------------------------------
الكل فرحان بخبر حمل ندى ويبارك لها
منيره : والله فرحت لك يابنتي .. ربي عطاكم على صبركم
ندى : الحمد لله
عبد العزيز : واخيرا بيجينا مولود
ندى : ههههههههه .. يبه تو الناس عليه باقي له سبع شهور
عبد العزيز : وخلال هالسبع شهور انتبهي للبيبي لاتلعوزينه
ندى : اخاف هو اللي يلعوزني
منيره : الله يسهل عليك يابنتي ويحفظك انتي والبيبي
ندى : آمين يالغاليه ... الا وين المعاريس؟؟؟.. كل هذا نوم؟
منيره : لا سيف طلع بدري
ندى : وتسنيم؟؟؟
منيره : يمكن بغرفتها
ندى : لهالحزه؟؟..انا بروح اشوفها
منيره : تعالي .. وين تروحين؟؟.. نسيتي نفسك انك حامل؟؟
ندى وهي واقفه : واذا يعني؟؟
عبد العزيز : دقي عليها جوال وتنزل لاترقين درج وانتي توك في بداية شهورك
ندى : طيب
اتصلت على تسنيم .. وردت عليها تسنيم
تسنيم : هلا ندويه
ندى : يام النوم ... ماصارت تزوجتي وصرتي كسوول
تسنيم : حرام عليك والله مانمت زين البارح
ندى وهي متعمده تبي تحرجها : يووه ..وش القصه ؟؟... علميني وش صار البارح.. اكيد سهرك اخوي وتعبك البارح هههههههههه
تسنيم باحراج : ماصار شي ... ياثقل دمك
ندى : هههههههههههههه ... المهم ... دريتي عن احلى خبر؟
تسنيم : أي خبر .. مادري عن شي
ندى : اجل شوفي في خبر بيفرحك بس ماراح اقوله لك لين تنزلين
تسنيم : وليه ماتجين انتي حظرتك ؟؟... لايكون متكبره علينا؟؟
ندى : لا حبيبتي احنا كلنا متجمعين .. انتي اللي متكبره ويلله نزلي بسرعه
تسنيم : اوكي دقايق واكون عندكم
خذت شور بسرعه وجففت شعرها والبست فستان ناعم
ونزلت وماكان في الا ندى ومنيره
ندى بجنون تصفق وتصفر : احلى يالعروووس .. تجننين
تسنيم صار وجهها احمر : من ذوقك
سلمت ندى على تسنيم بشرتها بخبر حملها وفرحت لها كثير وضمتها وباركت لها الحمل
________________________
في مجلس الرجال
ناصر : شفيه المعرس مكتم اليوم
سيف بضيق : تراكم صجيتوني من الصبح معرس ومعرس
ناصر : هههههههههههههه .. ليه متضايق ؟؟... انا اخبر الواحد يتمنى هاليوم اللي ينقال له معرس وانت تتضايق؟؟.
سيف : واللي يعافيك نصور ترا راسي مصدع مالي خلق شي
ناصر : سهرانين البارح... ماتنلامون جدد
سيف عصب عليه : ابي اعرف انت من وين تفهم؟؟
ناصر : خلاص ياخي فهمنا والله فهمنا .. بس ابي اعرف شي واحد .. انت فيك بلا .. في سر ومخبيه علينا
سيف : مافي شي
ناصر : الا فيه .. سيف انا قبل اكون زوج اختك كاتم اسرارك وصديقك .. مافي داعي تخبي علي
واذا في مشكله تحتاج لعلاج في اطباء يحلون مشكلتك
سيف استغرب من كلام ناصر : أي اطباء واي خرابيط .. الحمد لله انا مافيني شي من اللي في بالك .. الحمد لله طبيعي وماحتاج اتعالج
ناصر : اجل وش مشكلتك ياخي انت محيرني
سيف : ناصر
ناصر : آمر
سيف : انا بقول لك السر اللي خلاني ارفض الزواج بأي بنت
ناصر : وانا لك آذان صاغيه
سيف قال قصته لناصر كامله وكان ناصر مذهول بالكلام اللي قاله سيف>> طبعا السر بتعرفونه بعدين
ناصر : تبي الصراحه؟؟.... موقفك صعب .. بس ماكان المفروض انك تخبي عن ابوك .. كان علمته الحقيقه
سيف : ماقدر ... ابوي لو يدري راح يزعل على تصرفي
__________________________
ندى وتسنيم كانو مندمجين بالسوالف ومنيره كانت موجوده معهم وماخذه راحتها تتقهوى
.........دخلت عليهم وحده اول مره تشوفها تسنيم
نوره خطيبة فيصل : السلام عليكم
الكل : وعليكم السلام
نوره : شخبارك خالتي
منيره : الحمد لله .. شخبارك انتي مرت ولدي
نوره بدلع : والله الحمد لله طيبه
ندى بمرح : واخيرا شفناك يالقاطعه
نوره : اعذريني خالتي كنت تعبانه امس وماقدرت اجي
منيره : ايه عذرك معاك .. اهم شي انك جيتي اليوم على الاقل
نوره بكل جرأه : أي خالتي بعد فيصل هو اللي غصبني والا مو ناويه اجي اصلا
منيره : ؟؟؟؟؟؟؟
نوره وهي تأشر على تسنيم وبقرف : هذي مرت سيف؟
ندى : ايه هذي مرت احلى اخو بالدنيا
نوره وهي حاطه رجل على رجل وبغرور : بس ماشوف فيها ذاك الزود .. توقعتها احلى
ندى تبي تقهرها : ماظن بنلقى احلى من تسنيم زوجه لاخوي سيف
نوره بابتسامة سخريه : باين
منيره تبي تغير الموضوع : ماقلتي لي وش اخبار امك؟
نوره : امي طيبه ماعليها كلام .. وتسلم عليك
منيره : الله يسلمك وياها .. بس غريبه ماجات معاك
نوره : اصلا هي ماتدري اني جايه .. كفايه انها جات البارح
ندى مو عاجبها اسلوب نوره : تسنيم حبيبتي مرت اخوي ودي اوريك حاجه .. تعالي نتمشى شوي بالحديقه
نوره : لا ياحبيبتي .. خطيبي بره .. الله لايهينك اذا بتروحين الحديقه البسي عبايتك
تسنيم : لا ماراح نروح الحديقه .. تدرين اخاف سيف يهاوشني .. تدرين انه يغير علي ومايبي احد غيره يشوفني ويتمتع بجمالي
نوره بملامح تبين انها منقهره : خالتي اقنعي فيصل يأجل الزواج انا مو مستعجله بصراحه
منيره : ليه؟
نوره : بس .. مابي ادخل قفص الزوجيه الحين .. وحركات الغيره اللي تلوع الكبد >> تلمح لتسنيم
تسنيم فهمت قصدها وابتسمت : ندى حبيبتي يلله تعالي
دخلو غرفة فاضيه وصارو يسولفون على راحتهم تاركين نوره ومنيره
تسنيم : ندى وش سالفتها هذي .. فجأه حسيتها حاقده علي مع اني اول مره اشوفها
ندى : اخاف اعلمك السالفه وتكرهينها
تسنيم : لا علميني .. اصلا انا كرهتها قبل تعلميني .. يعني مايأثر .. قولي بس
ندى : هههههه ..... هذي الله يسلمك كانت تحب سيف .. بس سيف مابغاها .. اساسا كان رافض الزواج ونوره انقهرت منه لانه ماعطاها وجه مع انها حاولت ترميه بشباكها .. سيف سافر وهي فقدت الامل ... رجعت لفيصل .. بس للأسف فيصل عطاها وجه والظاهر انه حبها وطلب من امي يخطبها له وامي وافقت على طول لانها متفشله عشان سيف رفضها
تسنيم : اهااااا .. وانا اقوووول . اسلوبها معاي يدل عليها انها حاقده علي اثاريها تحب سيف .. طيب دامها بتتزوج فيصل ليه مانست سيف؟
ندى : هذا هو خوفي .. هي تبي تتزوج فيصل عشان تكون قريبه من سيف .. وابشرك بعد في منافسه ثانيه .. اسمها سحر بنت خالتي ام محمد
تسنيم : هههههههه والله وكملت .. طلعو لي منافسات
ندى : الله يكون بعونك .. سحر ونوره يحبونه بس اخوي مادري ليه مايبيهم مع انهم مملوحات
تسنيم : ندويه اسمحيلي اقول لك ان اخوك مغرور
ندى : بالعكس اخوي مو مغرور بس شكله يوحي كذا
تسنيم : طيب ليه رافض الزواج .. حتى انا كان رافضني .. اكيد في سر خلاه مايبي يتزوج
ندى : الله اعلم .. المهم تعالي نروح نتغدى تراني ميته جوع .. ترا كلهم متغديين الا احنا غدانا خاص هههه
تسنيم : يلله .. حتى انا جوعانه مررره
**************
في مجلس القصر
سيف سمع نغمة رساله بجواله فتحها وقراها : اوهوووو .. وش هالمصيبه هذي .. شكلها مو ناويه تتركني مع انها تدري اني تزوجت
ناصر : وش فيك؟... تتكلم عن مين؟
سيف : سحر
ناصر : وش تبي هذي بعد؟؟؟.. انت وتزوجت
سيف : هي مو بس ترسل لي رسايل .. تتصل علي ولا ارد عليها .. وترسل لي رساله تقول دق علي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك