رواية سميتك معشوقي -5
ندى باصرار : مافيه... تطلعين يعني تطلعين يلله قومي
غصبتها ندى وخذتها معها للغرفه ثانيه افخم .. وخلت الخدم ينقلون كل اغراضها بالغرفه الثانيه
ندى : شرايك بهالغرفه؟؟؟
تسنيم : حلوه ..بس....
ندى : بس وشو؟
تسنيم : مادري ... مو كنها كبيره حيل؟؟
ندى : ياحبيبتي هي صج كبيره بس مريحه واحسن من الغرفه اللي كنتي فيها.. وبعدين كل الغرف فوق ماعدا غرفتك تحت عشان.............
تسنيم : عشان ايش؟؟؟
ندى : لا ولا شي
تسنيم : ندى قولي .. عشان ايش؟؟.. لازم اعرف السبب
ندى بحزن : عشان فهد الله يرحمه كان يخاف يرقا الدرج
تسنيم غمضت عيونها كانت ودها تبكي :..........
ندى حبت تغير الموضوع وببشاشه : تسنيم شرايك نجيب اثاث جديد ونسوي تغيير كامل للغرفه
تسنيم : لا عادي مايحتاج
ندى : طيب حبيبتي انا مضطره اروح بيتي الحين وبكره العصر ان شاء الله راح اكون موجوده
تسنيم : بدري خلك معاي شوي
ندى : يابعد عمري .. والله حاسه فيك .. ادري انك تحسين بالوحده .. عشان كذا غيرت غرفتك
وعلى فكره تعالي اوريك شي قبل اروح
تسنيم :......
ندى سحبت تسنيم لين النافذه وفتحت الستاير : شوفي المنظر شلون..هذي الغرفه كانت غرفتي وتطل على حديقة القصر .. دايم لتضايقت اوقف عند النافذه واطالع الداخل والطالع
تسنيم : مررره حلو منظر الحديقه من هنا
ندى بعجله : طيب ياحبيبتي انتي خذي راحتك الحين .. والخدم راح ينقلون سريرك هنا .. ويلله باي لايعفسني نصووور له فتره ينتظرني ويتصل علي ياويلي منه ... باي
خذت شنطتها وعبايتها وطلعت بسرعه .. اما تسنيم مازالت واقفه تتأمل منظر الحديقه لانها اول مره تشوفها من بعيد .. ارتاحت نفسيتها لان ندى تذكرها باختها هيفا اللي كانت دايم معها بالبيت
سعاد : ليه تسوي في بناتك كذا حرام عليك ياللي ماتخاف من ربك
سالم وهو يصرخ عليها : انتي سكتي عني لاتخليني افرمك اليوم .. مو ناقصك يلله ذلفي عن وجهي
سعاد وهي تبكي : يالظالم ... الله ينتقم منك
سالم : روحي جيبي بنتك لا والله ادوس ببطنها
سعاد وهي تبكي : مالك شغل ببنتي .. خلها بحالها حرام عليك
سالم بعصبيه : زين اوريك فيها بنت الـ......طووط >>خخخخ
سعاد وهي تحاول تمنعه يروح لهيفا : سالم تكفا خل بنتي .. حرام عليك خلها
سالم وهو يصارخ : اقول لك طلعي ياحيوانه .. والله لو مافتحتي الباب لاكسره
هيفا وهي بالغرفه تبكي : اهئ اهئ اهئ .. يبا حرام عليك مابيه
سالم : ومن متى آخذ رايك تبينه والا لا؟؟ ... اقول لك افتحي الباب ... اجل انا تفشليني وتطلعين للرجال وتهينينه وجنبي بعد؟؟؟... وربي لاأأدبك اليوم
سعاد : سالم خلاص .. انا بقنعها عطني فرصه لو مره وحده بس
سالم : تقنعينها بشنو؟؟ .. الرجال انحاش تقولين اقنعها؟؟؟
هيفا وهي بالغرفه : يباحرام عليك .. لاتطقني
سالم وهو يحاول يكسر الباب : اوريك ياللي ماتربيتي
حاول يبي يكسر الباب ماقدر لانه كبير بالسن وماعنده قوه كفايه .. استسلم وطلع
راحت سعاد تتأكد انه مو موجود وطلبت من بنتها تفتح الباب وطمنتها ان سالم مو موجود
فتحت هيفا الباب وضمت امها وهي تبكي .. وسعاد تردد حسبي الله ونعم الوكيل عليك يالظالم
هيفا وهي تبكي : يممه انا مستحيل اقعد في هالبيت دقيقه وحده
سعاد : وش هالكلام يابنت ؟؟.. وين تبين تروحين؟
هيفا : بروح أي مكان بس ماجلس هنا عند ابوي .. مستحيل اجلس هنا .. ابوي يبي يبيعني
سعاد : الله يهديك يابنتي .. من لنا ؟؟... خواتك كل وحده في بيت زوجها ومو زين تقعدين عندهم
هيفا : بروح عند خالتي بالرياض ارحم لي
سعاد : وخالتك بعد صعبه تروحين عندها
هيفا : يمه خالتي ماعندها الا ولد واحد ومو ساكن وياهم .. يعني متزوج وساكن بره .. ولا في الا خالتي وبنتها وزوجها بس .. وانتي تدرين ان زوج خالتي بمثابة ابوي
سعاد : لا يابنتي احراج كذا
هيفا : احراج ولا يذبحني ابوي والا يحكم علي حالي حال خواتي .. مستحيل ارضى بظلمه مستحيل
سعاد والدنيا تدور بها من الحيره اللي هي فيها : تدرين؟؟.. راح اتصل على خالتك واقول لها انك بتجلسين عندهم شهر
هيفا بنفي : لا مو شهر .. راح اجلس عندهم على طول
سعاد : يابنتي احراج اقول لهم بنتي بتسكن عندكم .. انا بقول لهم شهر .. وان شاء الله ربي بيهدي ابوك ويمكن يتغير .. لاني ماراح اقول له انك عند خالتك ..
هيفا : طيب خلاص راح امشي على اللي تقولينه
سعاد بتردد : بس اخاف يبلغ الشرطه
هيفا : خليه يبلغ مايهمني .. وبعدين الشرطه مايدرون انا وين وماراح يحصلوني
سعاد : الله يستر .. يارب تمشي الامور على خير
اتصلت سعاد في بنتها ناديه وعلمتها باللي صار كله .. وناديه ماقصرت سهلت الامر على امها واختها وقررت انها هي اللي توديها مع زوجها لانها اساسا كانت بتروح الرياض عشان اهل زوجها .. وخططو مع بعض انهم يمشون بنص الليل عشان سالم يكون نايم ولا يدري عن شي
اتصلت سعاد على اختها بالرياض وفهمتها الموضوع .. ان هيفا راح تجي تجلس عندهم شهر كتغيير جو .. واختها فرحت بجيت بنات اختها سعاد لها
آخر الليل بعد مارجع سالم من بره .. على طول دخل غرفته ونام .. جات ناديه مع زوجها واتصلت على امها وقالت لها خلي هيفا تطلع لانهم على الباب .. طلعت هيفا ومشو بسلام لين وصلو الصباح
استقبلتهم خالتهم ورحبت فيهم
**************
--------: لا ياحبيبتي انا خلاص ضامنته ضامنته
ايمان : بس انتي اتفقتي معاه انه لفتره بس
سحر وهي تطالع باضافر يدها بغرور : انتي ماعرفتيني زين ..انا لبغيت الشي اجيبه يعني اجيبه
ايمان : سحر لاتلعبين بالنار ترا تحرق يدينك
سحر بقهر : النار حارقه قلبي قبل يديني .. مو حاس فيني ابد .. باذله كل جهدي عشان اخليه يحبني وهو يتصدد عني
والقهر اني لدقيت عليه مايرد
ايمان : اخبرك ام الخطط غريبه ماقدرتي عليه
سحر : انتي اصبري علي شوي وبتشوفين وش بسوي
ايمان : طيب يام الدواهي .. بنشوف وش بتسوين
سحر بضحكه مكر : راح ابتدي خطتي من بكره
ايمان : طيب قولي لي وش بتسويين
سحر : لا ياحبيبتي انا لنفذت اللي براسي قلت لك بعدين
ايمان : اوكي... بكره انتظر منك مكالمه .. والحين اعذريني لازم اروح البيت تأخرت
سحر : طيب سلمي لي على الوالده
ايمان : ان شاء الله .. يلله عن اذنك .. باي
طلعت ايمان .. وسحر رفعت جوالها وفتحت رساله جديده .. كتبت رساله ورسلتها لسيف
***************
صحا سالم الصباح وكان ناوي يطق هيفا .. دخل غرفتها مالقاها .. وابتدا يدور بكل شبر في البيت على امل انه يشوفها ويفرغ غضبه فيها لكن مافي فايده
سالم وهو يصرخ : سعاااد ..... سعاااد
سعاد وهي خايفه : نعم .. شفيك تصارخ
سالم : وين بنتك ؟؟
سعاد وهي تتلعثم من الخوف : بـ بـ بـ بنتي بـــ....غرفتها
سالم وعيونه حمر من الغيض : بنتك مو بغرفتها .. ولا بالبيت كله
سعاد وهي تمثل عليه انها ماتدري وتدور بالبيت : ماشوفها مادري وينها راحت
سالم : مو انتي امها؟؟.. كيف ماتدرين وين راحت؟؟. هاااه ؟؟
سعاد : انا مادري كنت نايمه ...يمكن ...........
سالم بصرخه : يمكن ايش؟
سعاد : يمكن .... هـ..ـربت
سالم يصرخ عليها : يعني شنو هربت؟؟؟.. انتو ناويين تفضحوني ؟؟... وش بيقولون الناس.؟؟
سعاد وهي تلطم خدها (ياربي وش هالمصيبه) : طيب خلنا نصبر يمكن تجي .. يمكن عند ناديه والا شمه والا ابتسام
سالم باستهزاء : لا والله؟؟؟ .. من متى حظرتها بنتك تسير على خواتها بدون علمي هاه؟؟
سعاد : مممممـ.....مادري
مثل ماتوقعت سعاد .. خذ سالم جواله واتصل على الشرطه وبلغ عن فقدان بنته
سالم وهو يلبس غترته : انا رايح لقسم الشرطه وان جيت وماشفتك تعرفين وش يصير لك
سعاد : انا شاء الله
**************
منيره بنرفزه : واختي ام محمد وش اقول لها؟؟؟؟.... عبد العزيز انت صاحي؟؟؟
عبد العزيز : انا اصحى منك ومن غيرك .... خلاص انا كلمتي وحده وماراح اغيرها
منيره : مستحيل .. انا وعدتها
عبد العزيز : مو مشكلتي .. هذي مشكلتك وانتي حليها بينك وبين اختك
منيره وهي متوهقه : ياربي وش اقول لها الحين .. الله يسامحك انت كذا حطيتني في موقف محرج
عبد العزيز : منيره لاتعورين راسي باختك .. خلاص حاولي تفهمينها الوضع
منيره : بصراحه انا ماراح اتكلم .. لاني عارفه ان اختي بتزعل
عبد العزيز مارد عليها : ............
طلعت منيره من غرفتها ونزلت الصاله وهي سرحانه بالموضوع اللي تكلمو فيه هي وعبد العزيز
منيره : لازم اشوف حل لهالورطه .. مافي الا حل واحد بس
اتجهت منيره وهي معصبه لغرفة تسنيم .. طقت الباب ودخلت .......
- عبد العزيز وعد سالم انه بيسلمه بنته تسنيم بعد شهر .. لكنه قال لندى ان تسنيم راح تبقى بالقصر على طول .. وش بيصير بعد شهر!! هل بترجع تسنيم لبيت ابوها او بتبقى بالقصر؟؟؟
- سحر رسلت رساله لسيف .. لكن وش كاتبه في هالرساله .. وش موقف سيف لما يقرا الرساله؟؟
- هيفا ساعدت ندى على هروبها من بيت ابوها .. والشي هذا خلا سالم يعصب ويبلغ الشرطه .. تتوقعون بيعرفون مكانها؟؟؟
- عبد العزيز ومنيره كانو يتكلمون عن موضوع مهم وهالموضوع متعلق بام محمد وبنتها سحر ياترى وش هالموضوع ؟؟
- منيره كانت معصبه ودخلت على تسنيم بغرفتها .. وش كانت تبي منها؟
((البـــارت الثــــامن))
استغربت تسنيم يوم شافت منيره داخله غرفتها : هلا يما تفضلي
منيره : انا مو جايه اتفضل .. بقول لك كلمتين وبمشي
تسنيم : .....
منيره : سمعيني زين .. صج انك تزوجتي فهد وانا ماعندي خبر وبلعتها وقلت ماعليه .. بتهتم فيه وبعتبرها كموظفه .. اما انك تحطين عينك على سيف هذا اللي ماراح اسمح لك فيه
تسنيم باستغراب : يما .. مافهمت ... وش السالفه؟؟
منيره بعصبيه : شوفي حبيبتي .. مو تسوين نفسك ماتدرين!!.. انا عارفه خططك واوراقك مكشوفه .. بس سمعيني زين
لو اعرف انك تخططين عشان تطيحين ولدي بشباكك ... صدقيني ماراح اسكت لك سامعه؟؟؟؟
تسنيم حست نفسها في دوامه ولا هي فاهمه شي من اللي تقوله منيره : ........
طلعت منيره من غرفة تسنيم ودخلت غرفتها
ــــــــــــــــــــــــــــــــــ
دخلت ندى القصر وشافت ابوها نازل من على الدرج سلمت عليه وباست راسه : يبه ابيك بموضوع
عبد العزيز بابتسامه : كثرت المواضيع هالايام .. شعندك؟؟
ندى : ههههههه ... لا عاد هالموضوع يخص تسنيم
عبد العزيز : شفيها؟
ندى : بصراحه اثاث غرفتها مو عاجبني ويبي له تغيير وانا حابه افاجأها بغرفة نوم على مستوى .. شرايك؟
عبد العزيز : فكره حلوه .. ومن اليوم اوصي عليها
ندى بابتسامه وبدلع : اممممممم .. بس انا سبقتك
عبد العزيز : كيف؟
ندى : الغرفه شريتها واليوم توصل
عبد العزيز : احسنتي يابنتي .. الله الله في تسنيم تراها مسكينه ومحتاجه للي يفرح قلبها ويوقف معاها
ندى : انا عارفه يبا وبصراحه انا محتاجه اخت والحمد لله ان الله جابها بهالقصر .. جد فرحت فيها
عبد العزيز : مااوصيك عليها
ندى : غرفة النوم بعد ساعه تقريبا راح توصل وانا عارفه انها بتزعل علي لاني ماعطيتها خبر
عبد العزيز بفخر لبنته : بالعكس ماظن راح تزعل .. راح تفرح لانك بتحسسينها ان في احد يهتم لها
ندى : انا اعتبرها اختي وصديقتي ولا ارتحت لغيرها واتمنى تكون معاي على طول ولا تروح لابوها
عبد العزيز : تطمني تسنيم بيتها هنا ماراح تروح لاي مكان
وصل اثاث غرفة تسنيم وراحت ندى لغرفتها وعلمتها ان اثاث غرفتها وصل .. طبعا تسنيم في البدايه زعلت .. لكن بعدها صار كل شي اوكيه وفرحت تسنيم بشكل غرفتها الجديد
تسنيم بفرح : مشكوره ندويه
ندى : سخيفه .... مابيننا شكر .. احنا خوات والا نسيتي؟؟
تسنيم : ههههه .. الله يخليكم لي ولا يحرمني منكم
ندى بثقه : لا من الناحيه هذي تطمني
ندى وتسنيم : هههههههه
مرت الايام وكانت تسنيم مبسوطه لان كل يوم تجيها ندى ويطلعون مع بعض
منيره كانت دايم تكلم اختها وتروح لها لكن بعد ماقال لها عبد العزيز انه مايبي ولده يتزوج سحر انحرجت من اختها وصارت تتهرب منها
عبد العزيز يخطط لحاجه يبي يسويها عشان يرتاح باله ويضمن وجود تسنيم بالقصر على طول وتكون فرد من العايله
فيصل كالعاده مايشوفونه الا نادر ودايم يكون يابالشركه او بره البيت ودايم متضايق
سيف من الشركه للبيت .. واحيانا يطلع مع ناصر يتمشون
تسنيم مرتاحه لان ندى دايم وياها وتدافع عنها
_____________________
بعد شهر من الاتفاق
كان سالم واقف عند باب قصر عبد العزيز لانه مانسا الموعد
طلعت له الخدامه وطلب منها تنادي عبد العزيز
دخل عبد العزيز للمجلس بكل ثقه ومعاه اثنين من رجاله : السلام عليكم
سالم وقف على طوله : وعليكم السلام
عبد العزيز : شتبي جاي؟؟
سالم باستغراب : جاي آخذ بنتي على حسب اتفاقنا .. والحين راح شهر بالتمام
عبد العزيز ببرود : اهااا .. انت جاي تبي تسنيم
سالم بابتسامه : طبعا .. هذي بنتي
عبد العزيز : واذا قلت لك ماعندنا لك بنت!!
سالم تغيرت معالم وجهه : بس احنا اتفقنا .. وفي اوراق تثبت ذلك ..
عبد العزيز : فعلا .. احنا وقعنا على الاوراق انك تستلمها بعد شهر بالتمام .. وانت جيت بنفس الموعد بالضبط .. وهذا يدل انك دقيق بالمواعيد .... تعجبني دقتك بالمواعيد
سالم فرحان مايدري وش السالفه : ايه طبعا .. انا دقيق بمواعيدي .. ومن صغري
عبد العزيز : سالم
سالم : آمر طال عمرك
عبد العزيز : بصراحه تسنيم مثل بنتي والكل تعود عليها بالقصر .. عشان كذا ابي يكون بيني وبينك اتفاق
سالم : ؟؟؟؟؟
عبد العزيز : انا طالب يد تسنيم لولدي سيف .. وش قلت؟؟
سالم بابتسامه ( هذي فرصتي ) : وانا موافق .. لكن عاد المهر غير
عبد العزيز : اهاااا ... طيب كم تبي مهرها؟
سالم : خمس ملايين عدا ونقدا
عبد العزيز : بس خمس ملايين كثيره
سالم بكل جبروت : شوف غير الخمس ملااين ماراح اقبل
عبد العزيز : واذا قلت لك بتملك على بنتك وببلاش بعد
سالم بضحكه استهزاء : مستحيل طبعا .. لان عندك خيارين .. يالخمس ملايين !!.. يااسحبها من شعرها الحين وعلى الشرقيه
عبد العزيز بحده : واذا رفضت اسلمها لك؟؟
سالم : والله عاد الاووراق عندي تثبت .. لاتنسى انت موقعها ... وبامكاني اوديها للشرطه ويعطوني بنتي غصب
عبد العزيز بنفس الحده : قبل تذكرني بتوقيعي .. ذكر نفسك بتوقيعك انت
عبد العزيز :عبد الله (عبد الله واحد من رجال عبد العزيز)
عبد الله : نعم طال عمرك
عبد العزيز : اقرا الورقه اللي بيد سالم حرف حرف
عبد الله : ان شاء الله طال عمرك
قرا الورقه كلها وكان سالم منصدم وهو يسمع الكلام المكتوب ولا قدر ينطق كلمه وحده
(انا سالم الـ... استلمت من المدعو عبد العزيز الـ.... شيك بمبلغ مئة الف ريال واستلمت ايضا تسع مئة الف ريال كاش واتفقنا بان أرجع كامل المبلغ (1000000) مليون ريال بعد شهر من تاريخ تحرير هذه الورقه بحظور شاهدين وهما عبد الله الـ.... التوقيع: &&& وراشد الـ...... التوقيع&&& :
توقيع سالم الـ..... : &&& توقيع عبد العزيز الـ.... : &&&
تاريخ تحرير الورقه : ////////
عبد العزيز باستهزاء : من شوي كنت انت تملي علي خيارات ... والحين انا اللي بخيرك ....
عندك خيارين ....ياتدفع لي مليون كاش والحين وتستلم بنتك!!!... او تملك على بنتك لولدي وببلاش بعد
واذا رفضت هالخيارين ... بتخيس بالسجن باقي عمرك ... هاه !!! .. وش قلت؟؟؟؟؟
سالم جمد في مكانه ولا قدر ينطق كلمه وحده
عبد العزيز : اشوفك ساكت!!.. هاه؟؟.. وش قررت خلصني؟؟
سالم وهو متفشل : اللي تشوفه طال عمرك
عبد العزيز : عبد الله
عبد الله : نعم طال عمرك
عبد العزيز : دق على المليك وخله يجي حالا
عبد الله : ان شاء الله
عبد العزيز : وانت ياراشد(من رجال عبد العزيز) خلك هنا وانتبه لايروح مكان
راشد : ان شاء الله
______________________________
طلع عبد العزيز من المجلس واتجه على طول لغرفة سيف
عبد العزيز : سيف اسمعني وانا ابوك
سيف: آمر يبا
عبد العزيز : الحين المليك جاي بالطريق
سيف : المليك؟؟؟؟
عبد العزيز : ايه ... ابيك تجهز نفسك لان اليوم ملكتك على تسنيم
سيف بصدمه : يبا وش قاعد تقول؟؟؟
عبد العزيز : اللي سمعته ياسيف .. اليوم بتملك على تسنيم
سيف بعصبيه : مستحيل يبا .. هذي الحقيره ماراح تكون زوجتي ابد .. مستحييييل
صرخ عبد العزيز في وجه ولده : بتكون زوجتك وغصب عنك سامع؟؟
سيف : يبا انت شقاعد تقول.. لو مايبقى بالدنيا بنت غيرها ماتزوجتها
عبد العزيز : سيف ... لو ماتتزوج تسنيم لانت ولدي ولا انا ابوك .. وتطلع من القصر ولا اشوف رقعه وجهك
سيف وهو منهار : ليه تعاملني كذا؟؟ ليه تعاملني كني طفل ؟؟.. يبا يحق لي اختار شريكة حياتي .. وانا ابي اتزوج سحر مابي تسنيم
عبد العزيز : عندك مهله ربع ساعه ..اختار فيها ... يا انك تطلع من القصر ولا ترجع مره ثانيه وتنسى اني ابوك ... او تجي المجلس وتوقع .. وهذاني الحين بنزل للمجلس
ترك عبد العزيز ولده وهو محتار وش يختار ..... هل يختار خساره اهله .. او يربط حياته بتسنيم
سيف : طيب ياتسنيم .. ان ماخليتك تكرهين نفسك ماكون سيف
نزل المجلس وشاف الكل يستناه .. قابله ابوه بابتسامه .. ووقع على الزواج وتم كل شي .. مابقى الا توقيعة تسنيم
اتجه عبد العزيز لغرفة تسنيم
عبد العزيز وبيده كتاب الزواج : تسنيم
تسنيم : هلا يبا
عبد العزيز : طلبتك ولاترديني
تسنيم : شدعوا يبا اللي تبيه انا حاظره بدون تطلبني
عبد العزيز : اكيد؟؟؟
تسنيم : اكيدين بعد مو بس وحده
عبد العزيز وهو يفتح الكتاب : ابيك توقعين هنا
تسنيم باستغراب : وش هذا؟
عبد العزيز : ملكتك على سيف
تسنيم ارتعبت من اللي قاله عبد العزيز : لا يبا لااا
عبد العزيز : ترديني؟؟؟. انا جاي طالبك وترديني؟؟
تسنيم : يبا مو على كذا .. بسسس......
عبد العزيز : تكفين يابنتي عشاني .. طالبك لاترديني
تسنيم وبدت تدمع عيونها : بس انت طلبت شي صعب .. وانا ماقدر
عبد العزيز : يعني مالي خاطر عندك؟؟؟
تسنيم : ........
عبد العزيز : تسنيم ... بتوقعين والا لا؟؟؟
خذت تسنيم القلم بحزن ووقعت وهي عارفه مصيرها مع سيف : ..........
عبد العزيز بابتسامه وهو ضام تسنيم : مبروك يابنتي مبروك
تسنيم كانت تبكي :............
نزل المجلس وهو مبتسم مبرووك ... تسنيم صارت زوجة سيف .. وزواجهم بعد اسبوع
طلع سيف من المجلس وهو معصب
ماكان احد فرحان بهالزواح الا ندى وعبد العزيز بس والباقي كانو معارضين
كانت تسنيم رافضه فكره الزواج من اساس .. وماهتمت لترتيبات الزواج ولا كن بعد اسبوع زواجها
راحت ندى السوق وشرت لها كل شي
ندى : تسنيم وبعدين معاك؟؟؟.... خلاص بكره زواجك وانتي ماسويتي شي
تسنيم بعدم اهتمام : قصدك بكره موتي
ندى : شدعوا ..تسنيم حبيبتي لا تحسسيني انه فعلا حزن مو فرح .. تكفين لاتزعلين ابوي عليك
تسنيم : ......
ندى : معقوله ياتسنيم؟؟؟... حتى فستانك ماشفتيه .. ولا تدرين عنه هو حلو والا مو حلو ..بعد الحمد لله ان مقاسك مثل مقاسي بالضبط والا كان توهقت
تسنيم : وش الفايده وقلوبنا متشتته .. لاأنا اطيقه ولا هو يطيقني
ندى : لاتقعدين توسوسين .. وتركي هالكلام .. كلها كم يوم وتتعودون على بعض
تسنيم : ندى واللي يعافيك لاتحاولين معاي انا عارفه مصيري مع سيف
ندى بعصبيه : اثنينكم .. كل واحد اعند من الثاني مادري وش نسوي معاكم ؟؟... المهم بس بكره جلسي من حينك عشان الكوافيره
تسنيم : .......
ندى : الله يكون في عوني .. ماحد بيبتلش فيكم الا انا وابوي
طلعت ندى وهي متضجره من حال تسنيم
هيفا : اخبارك يالعروس؟
تسنيم : الحمد لله .. شخبارك انتي طمنيني .. مالك حس ابد
هيفا : ههههه .. والله اني مبسوطه عند خالتي .. حاسه بالحياة .. افتكيت من ابوي ومشاكله ووجع الراس
تسنيم : الله يسعدك ... بس متى بترجعين؟
هيفا بحزن : تسنيم ... ماودي ارجع ابد .. مع اني حاسه اني ثقلت على خالتي وطولت عندهم
تسنيم : طيب تعالي عندي
هيفا : لا صعبه .. احراج اصلا .. شبيقولون عني؟؟
تسنيم : القصر كبير وغرفتي فاضيه مالها احد
هيفا : ولو .. بس هم بيتكلمون علي .. ولو يدري ابوي ذبحني
تسنيم : طيب مو مشكله بس لازم تجين بكره
هيفا : بكره لازم اكون موجوده بحفلة زواجك
تسنيم : صحيح؟؟ .. ياليت اشوفك على الاقل احس ان في احد من اهلي يوقف معي
هيفا : افا عليك بكره انا عندك
______________________
عبد العزيز : فيصل بكره خلك موجود بالبيت عشان التجهيزات لعرس اخوك
فيصل : انتو بتسوون حفله كبيره؟
عبد العزيز : لا .. هي حفله عائليه ...
فيصل : اوكي انا بكره ماعندي شي
عبد العزيز : فيصل ولدي .. شفيك متضايق؟؟
فيصل : ابد مافيني شي
عبد العزيز : لك شهر وحالك متغير .. صاير شي؟؟
فيصل : ابد مافي شي بس تعبان شوي من ضغط الشغل بالشركه
عبد العزيز : لاتضغط على نفسك بالشغل وانا ابوك .. ريح جسمك
فيصل : ان شاء الله يبا
يوم الحفله
جات الكوفيره وابتدت تزين تسنيم ... سوت لها تسريحه ناعمه ومكياج ناعم ولبست الفسان وكان عليها روووعه
اما ندى لبست فستان ناعم وخلت شعرها على طبيعته والمكياج ناعم
هيفا لبست فستان قصير ومكياجها ناعم وشعرها خلته مفتوح
جات هيفا القصر وكانت مبهوره بجماله وتصميمه وفخامته
هيفا : وين غرفة تسنيم؟؟
الخدامه : فوق على اليمين
هيفا متوهقه : طيب وديني لغرفتها انا اول مره اجي هنا
الخدامه : تيب ... نادت منيره الخدامه .. وراحت الخدامه وتركت هيفا محتاره
هيفا وهي تفكر : ياربي الحين وين اروح ؟؟.... مافي الا اطل على كل الغرف لين القاها
فتحت اول غرفه .. كانت مقفوله ..... الغرفه الثانيه شافتها مفتوحه .. سمعت صوت الماي داخل الحمام
هيفا : تسنيم .... تسنيم.......... شكلها ماسمعتني .. خلني افاجأها احسن
شالت عبايتها وشيلتها وصارت ترتب شعرها فجأه سمعت صوت باب الحمام ينفتح
هيفا قررت تخرع تسنيم وتفاجأها بوجودها .. قربت من باب الحمام مستعده لتخريعها
هيفا : هااااااااااااي تسـ...... آآآآآآآآآآآآآه(صرخت) .... وبسرعه سحبت عبايتها وشيلتها وطلعت مفزوعه من المنظر اللي شافته
تسنيم وندى سمعو الصرخه ... طلعت ندى وشافت هيفا ....خير وش صاي؟ من انتي؟؟؟؟؟؟
هيفا بخوف : اناااا .... انا هيفا .. اخـ....ـــت تسنيم .. ووو..وين تسنيم؟
ندى وهي ميته ضحك : ههههههههههههههههههههه تعالي تعالي هنا غرفة تسنيم .. سلمت عليها و
دخلو لغرفة تسنيم وهيفا كانت بهدوء غير طبيعي وشكلها باين عليها انها متخرعه .. سلمت على تسنيم وهي بالها باللي شافته في الغرفه الثانيه وضلت واقفه
ندى : هيفا شفيك ؟؟؟؟.... شكلك داخله على غرفة اخوي ... صح؟
هيفا تهز راسه بـ ايه
ندى : أي غرفه دخلتي؟
هيفا مازالت منصدمه :.........
تسنيم : هيفا أي غرفه دخلتيها؟
هيفا ومازالت منصدمه : ثاني وحده
ندى بشهقه : هذي غرفة فيصل
هيفا دمعت عيونها من الفشيله
تسنيم : ياخبله مكياجك لايخترب
هيفا : ..............
تسنيم : هيفا خلاص لاتخوفيني بسكوتك .. ترا ماصار شي
ندى : تعالي جلسي وخذي اشربي مويه ..(التفتت لتسنيم) تسنيم اختك شكلها منصدمه
تسنيم : هيفا قولي لي وش صاير؟ وش فيك؟؟.... فيصل غلط عليك؟
هيفا تهز راسه بـ لا : لا
تسنيم : اجل شفيك؟؟؟
هيفا بتردد : شفته...........
ندى وتسنيم : ؟؟؟؟؟؟
هيفا : طــ....ــالع من الحمام
تسنيم : وطالع من الحمام مافيها شي
هيفا مدت بوزها : ماعليه شي (فيصل اول ماشاف هيفا في وجهه ارتبك وطاحت المنشفه اللي لافها على جسمه)
ندى شهقت : ؟؟؟؟؟؟ ماعليه شي؟
هيفا سدت عيونها بيدينها : ايه
تسنيم : يابنت خلاص انسي انك شفتيه .. خلك طبيعيه لاتفشلينا
هيفا : طيب
طلعت ندى من غرفة تسنيم لانها لاحظت ان هيفا منحرجه من وجودها خاصه لما صار لها الموقف
شافت فيصل طالع من غرفته مبتسم
ندى : وش السالفه الاخ شاق الابتسامه .. لايكون انت المعرس واحنا ماندري
فيصل مازال مبتسم : اول شي قولي لي مين اللي هجمت علي بغرفتي؟؟ .. انا اول مره اشوف بنت تقتحم غرفة رجال وتخرعه بعد
ندى : ؟؟؟؟؟؟؟؟
فيصل : ههههههه خلاص روحي ادري انك مو فاهمه حاجه
ندى وهي رافعه حاجب : اول شي البنت اللي دخلت عليك وخرعتك على قولتك هذي اخت تسنيم .. وثاني شي انا افهم منك يافاهم .. وخلني اروح احسن لي
فيصل : اووه صايره حلوه اليوم بالفستان
ندى بدلع : اصلا انا محليته والا هو مو حلو
فيصل : ههههه.. يصير خير محليته .. الا يصيح ويقول ارحموني
ندى وحاطه يدينها على خصرها : شقصدك؟؟؟
فيصل : قصدي ... شوي شوي على الفستان لاينشق وهو عليك
ندى مبققه عيونها : ليه شايفني دبه؟؟؟؟
ابتسم فيصل ونزل من على الدرج ولا رد عليها
ندى انتابها وسواس وصارت تطالع في نفسها : لايكون زاد وزني؟؟.. ياربـــــــي
رجعت لغرفة تسنيم اللي كانت تسولف مع هيفا ...دخلت ووجها متغير
تسنيم باستغراب : عسا ماشر ندى؟؟..وش في وجهك متغير؟؟
ندى وهي مبوزه : تسنيم امانه امانه .. تشوفين فيني شي متغير؟؟؟
تسنيم وعلى راسها علامة استفهام : لا مافي شي .. بالعكس طالعه تجننين
ندى : تسنيم تكفين لاتجامليني
تسنيم : والله العظيم اكلمك جد ..صايره روعه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك