رواية عذبتني باسباب فرقاك -54
في المستشفى
السااعة 6:30 الصبح
أمير صحى لقى حبيبته للحين رااقده وهي المفروض الحين تصحى ناادى على الممرضات يساعدونه انه يشيل الاجهزه من عليهاا .. وبعد ما شاالوهم طلعوا من الغرفة وقعد هو يم راسها ورفعه وحطه بحضنه يبي يشبع منها ومن ريحتهاا .. ظل على هالحال أكثر من ربع سااعة يتأمل جمالهاا ويتحسس نعومة بشرتهاا ويتنفس عطر شعرهاا ..
نزل رااسهاا بهدوء وبااس جبينهاا ووقف يمهاا قرب أصابع يده بتردد وحطهم على اصابعها الضعيفة مريم ؟؟ مريم ؟؟
مريم رموشها بدت ترجف بهدوء وعابسة بحواجبها ومنزعجة من اضاءة الغرفة .. فتحت عينهاا بالتدريج وشافته وااقف يطالعها .. غمضت عينها مرة ثاانية ورفعت يدينها وحطتهم على راسها وبنفسها يااريته حلم .. ياريت حلم وانا مو هني ولا على هذا السرير ولا هو اللي واقف جداامي ولا صار اللي صار ..
فتحتها مرة ثانية وشافته واقف مثل ما هو وهم الدنيا كلها فوق راسه حطت راحة يدينها على السرير ورفعت رااسها تبي تقووم ..
هو شاافها جذي رفعهاا يحاول يسااعدهاا وجلس قعدتهاا بالسرير وقعد على الكرسي اللي قبالها الحين بيي دكتور التخدير .. باقي ساعة وتدخلين العملية ..
مريم خلاااص بدى دورهاا بالجفااف والصد لفت ويهها على الجهة الثاانية ما تبي تكلمه ..
هو كان متأكد انهاا ما بتعاملة أحسن من هالمعاملة تنهد وراح وقف قبالها ونزل بجسمه لها وهو متكي على ريله الثنتين وحط يده على يدهاا بس مريم مسرع ما سحبتها ودارت بويهها عنه ..
غمض عينه بألم وزفر بحرارة وقام على طوله وقعد يمها على طرف السرير وهي دايرة ويهها عنه وكأنها منقرفة منه وما طايقة حتى تشوفه مريم ..
مريم الدمعة متحجرة بعيونهاا مقهورة منه ما تبي تسمع حتى صوته
أمير مد أصابعه وحطهم على ذقنهاا يبي يدور ويهها له بس مريم سبقته وشالت أصاابعه عن ويهها بالقوه ..
أمير نزل راسه زين لا تطالعيني مو لازم .. انا تعمدت انومج ما صحيتج ...
مريم ولا كأنها تسمعه عيونها على الجهة الثاانية .. أمير يأس من عنادها ورفع يده على الساعة لقااها 7:10 ودكتور التخدير للحين ما يااهم عشان يفحص مريم تنهد بملل افففففففففففففف .. هذااا شفيييه للحين ما يه ...
مريم كانت تسمعه ومغمضة عيونها تحاول تتماسك ولامة شعرها كله على جهة وحدة وقاعدة تلعب بخصلاتهاا
أمير كان مستمتع بأناملها الناعمة وهي تلف الخصلات بهدوء .. كان يطالعها بحب وعيون فاايضة بالحناان كان وده ياخذها بحضنه ويمسك اصابعها ويبوسهم وحده ورى الثانية ويلعب بشعرها بنفسه .. بس كل شي تغير صح هي قريبة منه وهو قريب منهاا بس بنفس الوقت بعيدين عن بعض كل واحد شايل على الثااني .. هو يلوومهاا على سنين عمرهم اللي رااحت بسبب بنته وهي تحتقره على اللي سوااه في بنتهاا واشلون انتقم منهاا بطريقة قتلت الحب اللي جمع بينها وبينه ..
بعد عشر دقاايق من السكوت بين الطرفين انطق الباب ودخل الدكتور مع الممرضة ..
وأمير ابتسم ووقف يصاافحة هلا دكتور علي ..
دكتور علي هلا دكتور محمد .. مسامحة بس انحشرت بنص الزحمة .. تعرف شوارع البحرين من الصبح ازمة ..
أمير وعيونه على مريم وهي للحين لافه ويهها بس هي لازم تتجهز قبل نص ساعة ..
دكتور علي اهم شي صاايمة ؟؟
أمير هز راسه بالايجاب اي صاايمة .. اصلا هي ما كلت شي من امس ..
دكتور علي فتح ملف مريم وراح وقف ورى طاولة الاكل وبدأ يسألها أسأله روتينية ومريم بالزور يالله ترد ..
دكتور علي دار ويهه لامير دكتور عمليتها الاولى تعرضت لمضااعفاات .. Is exposure to complications during the operation
مريم لا شعوريا لفت وييها بسرعة وطارت عيونها عليه تشوف ردة فعله وهو تذكر اللي صار غمض عيونه بألم وبهدوء هز راسه بالايجااب Yes suffered significant complications .. As her heart had stopped after the birth .. Everything is written in its case .. You can read .. Has suffered from severe reduction in blood pressure and heart rate ..
( نعم تعرضت لمضاعفات كبيرة .. حيث ان قلبها قد توقف بعد الولادة .. كل شي مكتوب في ملفها .. يمكنك قرائته .. فقد عانت من انخفاض شديد في ضغط الدم ودقات القلب ) ..
دكتور علي وهو يراجع ملف مريم على السريع اممممم .. مريم ؟؟؟
مريم طالعته تنتظر منه السؤال .. وهو رفع عينه عليهاا طبعا مستحيل تشربين كحول .. مريم جااوبي بصرااحة دخنتي من قبل ؟؟
أمير فتح عينه مصدووم يبي يجااوب بدالهاا بس هي سبقته اي .. كنت ادخن بس الحين تركت ..
أمير من صدمته رمي بنفسه على الكرسي مو قادر يتنفس ..
مريم شافته شكثر مصدوم نزلت راسهاا ..
الدكتور كان مشغول بالكتاابة متى تركتي ؟؟
مريم سحبت نفس طويل وعيونها على أمير وهو يطالعها بنظرات كأنه ما يعرفها خمس سنين أو أكثر .. بصراحة ما اذكر متى بالضبط ..
دكتور علي بجدية جم سجارة كنتي تدخنين باليوم ؟؟
مريم وعيونهاا تحت مو قادره ترفعها ساعات علبة كاملة وأكثر بعد .. يعني على حسب ..
دكتور علي سجل كلامها بالملف وسكره وحط القلم بجيب الاب كوت ودار ويهه لامير هذا سبب من الاسبااب اللي سببت لهاا مضااعفاات أثناء العملية وانت دكتور قلب وتعرف السموك اشلون يضر بعضلات القلب ويموت الخلايا الحيوية وخصوصا باللي مثل حالتهاا .. أكيد باور البنج كان قوي بعد .. وهي ما تحملت .. خلاص الحين النيرس بتمشي البنج بالمغذي .. والله يقومها بالسلااامة ..
أمير هز راسه بالايجااب ووصل الدكتور لبااب الغرفة وأول ما سكر البااب دار لهاا لقااها قاعده على طرف السرير ومعطته ظهرها
غمض عينه ما يبي يفقد أعصابه وتنهد بنفس طويل ما اقدر اقوللج الا اني للحين ما عرفتج عدل يا مريم .. يعني انتي تعرفين ان قلبج ضعيف وعايشة على شريان وااحد وتسوين جذي .. انا حبيبج هه قصدي اللي كنت حبيبج مصدوم .. مو قاادر اصدق كنتي تنتحرين شوي شوي .. مو قاادر .. مو قااادر ..
طلع من غرفتها وهو لام رااسه بيدينه مو مصدق وماسك دمعته غصب ..
مريم رمت روحها مرة ثاانية على مخدتهاا وصاارت تصييح من قلب .. تصيح على كل شي .. على حبهاا اللي ضااع منهاا .. أكثر من أربع سنين ضاايع منهاا .. تصيح على بنتهاا اللي ضااعت منهاا بعد أربع سنين ..
دخلت عليهاا الممرضة ووقفت معاناتهاا .. سااعدتهاا بلبس ثيااب العملية وعطتها أول جرعة من المخدر .. مريم كانت تسمع كلامها ودمعتهاا ما نشفت وكل شوي تتلقااهاا وتمسحهاا بسرعة ..
أمير طلع من مكتبه وهو جاهز للعملية لبس لبسه الخاص السكرب الاخضر ونعال المستشفى الخاص بالعمليات وفوقه جوارب خاصة ولم شعره بغطى الراس والكمامة منزله على رقبته ولابس قفازاته الشفاف ..
وصل للجناح شااف اهلهاا واهله كلهم ملتمين حتى مي .. بدر جارهاا بالويل جير لانها ما تقدر تمشي على ريلهاا .. وأول ما شاافوه وقفوا يبون يكلمونه بس هو ما عطاهم مجال دخل الجناح بسرعة وهو يكلم نفسه كلهم يوا عشاانج حبيبتي .. يوا يوقفون معااي ومعااج بهالمحنة .. شسوي بقلبي ياااربي اللي متعلق بقلبج يا مريم .. انصدمت فييج حبيبي اشلون تسوين جذي .. اشلون .. انا عارف انج تركتيها قبل لا تعرفيني وتحبيني يا روحي لاني مستحيل اسمحلج .. مستحيل يا قلبي .. مستحيل يا عذااب قلبي انتي .. مستحيل ..
دخل عليهم لقااهم مجهزينهاا على ترولي العملياات بعد ما عطوها الجرعة الثانية وكانت لابس اللبس الاخضر الخاص بالعملية وشعرها مغطى بالكيس الخااص وعيونهاا عليه .. كانت داايخة بس صااحية وفاتحة عينهاا .. وهو من شاافهاا ما قدر حمرت عينه اكثر وهو يسترجع المااضي .. يسترجع قصة حبهم كااامل من شاافته بحديقة بيتهم لحد ما فارقته بعد ما ولدت بنته دمعت عينه ونزل شفاته وطبع قبله طويله على جبينها ومريم غمضت عينها تتألم من داخلهاا وهي الثانية عينها دمعت .. ما قدرت تتحمل قربه منهاا ..
أمير رفع نفسه وتلقى دمعته ما كان يبيها تنزل جدام الموظفين سحب نفس قصير وبنفسه الله يردج حبيبتي حق كل اللي يحبوونج مو بس اناا .. كل اللي تحبينهم ويحبونج ..
جروها وطلعوها بهدوء من جناح العناية وأمير يجرها معااهم وأول ما انفتح البااب واهلهم لمحوهم راحوا لهم ركض حتى مي تسندت على جتوف بدر ورفعت ريلهاا وصارت تنط بهدوء لحد ما وصلت .. أمير من شااف لهفتهم عليهاا أمر النيرسز انهم يوقفون عشان اهلها يشوفونهاا وتشوفهم ..
مي أول ما شافت أختها صااحت مريوووم حبيبتي كلناا هني معااج .. لا تخاافين حبيبتي ..
مريم شافتهم ابتسمت بتعب بنتي راااحت يا مي .. ليلااااه راااحت ...
سااره مدت أصابعها على شفايف مريم تسكتهاا اصصصص .. انتي قومي بالسلااامة وكلنا بندور عليهاا وبنرجعهاا .. هذي بنتنا كلناا ..
أم أمير على الجهة الثاانية ماما لا تخاافين بندور عليهاا هذي بنتي ما بخليهاا .. بس انتي لا تتعبين نفسج .. ابيج تردين لناا .. ليلاااه اذا ردت بتدور عليج .. تبيج .. تبي امهاا ترد لهاا .. انتي يا بنتي فارقتي ريلج اللي تحبينه وتموتين عليه عشاان تحافظين عليهاا وربيتيها بروحج .. الله بيردج لنا وبيردها لحضنج ان شاءالله ..
مريم نزلت دموعهاا أحبكم كلكم .. كلكم .. لا تتخلون عني .. ولا عن بنتي .. بوصيكم على بنتي .. بنتي امانة امنتكم عليهاا .. اذا صاار فيني شي دوروا عليهاا وخلوهاا تربى بينكم .. بوسطكم .. لا تعطونهاا ابوهاا .. ابوهاا ما يحبهاا .. لا تقولون لهاا انه ابوهاا اخاف يأذيهااا .. بنتي بذمتكم كلكم ..
أمير ما قدر يتحمل شكلهاا وهي توصي وكأنها داخلة بريلهاا للموت .. كانت تتكلم وكأنها رايحة مو رااجعة .. نزلت دموعه بس هو تجاهلهاا حتى ما فكر يمسحهاا وجر الترولي بسرعة لحد ما وصلوا المصعد .. مريم كانت تغمض عيونهاا ما تبي تشووفه وهو عيونه عليهاا .. طلعوهاا من المصعد ودخلوها جنااح العملياات بهدوء .. أمير كان وده يهديهاا ويطمنهاا بس هو متأكد انهاا ما تبي تسمع حتى صوته ..
دخلوا الصالة اللي بيسوي لهاا العملية ومريم فتحت عينهاا .. وهو تركهاا ورااح يتعقم بالساائل الخااص ..
دورت عليه بعينهاا ما لقته وقاامت تسولف مع الدكتور المسااعد اللي كاان يبيهاا تناام عشاان يحطون الستار الحااجب بينها وبين أمير عشاان ما يشوف ويهها ولا هي تشووفه .. بس مريم للحين ما ناامت ما تدري ليش وعيونها على البااب .. أكيد تنطره بس ما تبي تقتنع بهالشي انها محتاااج تشووفه هو بعد وتودعه .. كانت تكااابر رغبتها بقوه بس مو قاادره على قلبهاا ..
أمير دخل وهو متلثم بالكمامة ونظارته الشفاف على عيونه مو مبين شي من ويهه ولابس مريله نايلون فوق ثياب العملية .. شاافها للحين فاتحة عينها ابتسم وهو ما كان له نفس يبتسم .. ومحد شااف هالابتساامة لانها متخبية تحت الكمامة .. رااح وقف يمهاا ..
مريم سالت دمعة جديدة ومدت يدهاا له وهو شهق وفتح عينه اللي طاحت على يدها .. فصخ قفاازه بسرعة وتلقى يدها بلهفته .. ما يدري ليش يوم حس بحرارة يدهاا ارتعش جسمه كاااامل ..
مريم حست فيه ابتسمت وعيونها بدت تتسكر شوي شوي أميير ؟؟
أمير خلاص طفرت دمعته من نطقت باسمه يبي ينطق مو قاادر .. اختنق كان فااتح فمه ويحركه بس مو طالع صوته .. مو قاااادر ..
مريم استجمعت آخر قوتهاا بنتي برقبتك انت بعد .. انت بعد يا أمير ..
اختفى صوتهاا وطاحت يدها من يده ..
حطوا الاوكسجين الاسود الخاص بالعملية على فمهاا .. وهو ما قدر يتحمل طلع مرة ثاانية بحجة يتعقم من جديد دخل الحمام واطلق سرااح دموعه ..
طلع بعد خمس دقايق لقى نفسه طبيب بغرفة العملياات حبيبته اللي كان قبل شوي ماسك يدهاا مغطية عنه ومكشوف له الجزء اللي لازم يفتحه عشاان يكمل شغل صارله أكثر من ثلاث سنين وثمان شهور موقف .. يكمل اللي بدأ فيه .. قرب منهاا أكثر وكانت الممرضة معقمه له ناحية القلب عشان يبدأ بالشق ..
هو رفع عينه على ادواته وسحب منه المشرط الحديدي وثبته عدل بيده .. كان مغمض عينه ويحاول يستجمع كل قوته وأول ما فتحها طاحت عينه على مكاان الجرح وانصدم ..
صاارت يده ترجف بقوه .. مو قااادر يثبتهااا لدرجة انه حط يده الثاانية عليهاا بس ما في فايده .. كل اللي حوله انتبهوا له اشلون يشااهق بدون صوت وعيونه مثل الجمر ويصاارع نفسه مو قاااادر .. مو قاااااااااااادر .. ياااربي مو قاااادر ...
لحد ما طااااح المشرط على الارض بقوة ....
توقعاااتكم
؟؟؟؟؟
أمير بيقدر يسوي العملية ؟؟؟ ولا بيترااجع ؟؟
واذا سووى لها العملية مريم بتقوم ولا بتضعف حالتهاا وبتحيشهاا مضااعفات مثل المرة الاولى ؟؟؟
تتوقعون يلقوون ليلاااه ويرجعونهاا ؟؟؟
واذا مريم قاامت بالسلامة بتساامح أمير وبيرجعون لبعض ؟؟ وبتنسى اللي سوااه في بنتهاا وفيهاا ؟؟
الجزء السابع والخمسين
طلع بعد خمس دقايق لقى نفسه طبيب بغرفة العملياات حبيبته اللي كان قبل شوي ماسك يدهاا مغطية عنه ومكشوف له الجزء اللي لازم يفتحه عشاان يكمل شغل صارله أكثر من ثلاث سنين وثمان شهور موقف .. يكمل اللي بدأ فيه .. قرب منهاا أكثر وكانت الممرضة معقمه له ناحية القلب عشان يبدأ بالشق ..
هو رفع عينه على ادواته وسحب منه المشرط الحديدي وثبته عدل بيده .. كان مغمض عينه ويحاول يستجمع كل قوته وأول ما فتحها طاحت عينه على مكاان الجرح وانصدم ..
صاارت يده ترجف بقوه .. مو قااادر يثبتهااا لدرجة انه حط يده الثاانية عليهاا بس ما في فايده .. كل اللي حوله انتبهوا له اشلون يشااهق بدون صوت وعيونه مثل الجمر ويصاارع نفسه مو قاااادر .. مو قاااااااااااادر .. ياااربي مو قاااادر ...
لحد ما طااااح المشرط على الارض بقوة ....
صار يشااهق بقوه وعيونه على الارض ويده للحين ترجف وريله مو شاايلته .. مسكته الممرضة من يده وقعدته على الكرسي والدكتور المسااعد قااعد يضبط الادوات من جديد دكتور ؟؟
أمير رفع عينه
والدكتور المسااعد راح وقف قبااله نأجل العملية ولا نطلب دكتور .......
أمير وقف على طوله وهو منفعل العملية ما تتأجل .. يالله .. افتح الجرح القديم .. انا ما اقدر افتحه ..
الدكتور المسااعد سحب المشرط وبدأ يمشيه براحة على صدر مريم ..
أمير كان وااقف يمه وينطره يخلص عشاان هو يبدأ وبنفسه شسوي بعمري .. شسوي بقلبي ياااربي .. شفتي يا مريم شسوويتي فيني وفي نفسج .. انا عمري ما تعرضت لهالموواقف الا بعمليااتج حبيبي .. ما اقدر اتحمل .. والله ما اقدر .. من يتحمل يشوف حبيبته بهالمكاان اللي انتي ناايمة عليه ..
قام يناظر السرير اللي روحه ممده عليه والستاره اللي مغطية ويهها وفاصلة بينه وبينهاا انولدت دمعة جديدة بعينه بس هو خلاهاا تنزل براحتهاا واستلم مكاانه بعد ما راح الدكتور المساعد وخلص دوره وصاار دور الطبيب المختص ..
سحب نفس طويل واستلم أدواته ونزل عينه على قلبهااا وهو للحين يكلم نفسه شفتي عناااادج لوين وصلنااا .. اففففففف يا مريم .. شووفي اشلوون ضريتي قلبج .. الله يكون بعووني .. اصعب عملية مرت علي بحيااتي كلهاا .. مو بس حيااتي المهنية ..
رفع عينه على فوق ينااجي ربه ياااارب .. يااارب قلبهاا يتحمل .. يااارب نجيهااا رجيتك يااارب .. سااعدني ... يااارب لا تتخلى عني .. وكلت امري لك يااارب ..
سحب نفس طويل ونزل عينه على مكان الجرح واستلم أدواته وبدأ اول خطواات العملية بتوصيل اوردها بالاسلاك الكهربائية عشاان يحاافظ على معدل نبضااتها ..
بعد 8 سااعات
مرت أصعب ثمان سااعات على أبطال قصتناا .. الكل كاان قااعد ينطر على اعصاابه ..
مي بصوووت مخنوق وهي تفرك يدينهاا بقوه على كثر ما هي متوترة افففففففففف .. صااارلهم 8 ساااعااات وللحين ما خلصوااا ؟؟؟ اكيييد صاار فيهاا شي .. اكيد ...
بدر نزل لمستوااها وهي على الويل جير وسحب يدينهاا وتمسك فيهم بقوه يبي يهديهاا حبيبي .. هدي شووي .. لااا تخااافين ... ان شاءالله خير .. وبعدين هذي عملية قلب مفتووح مو لعبة .. اكيد بيتأخروون ..
مي ساالت دموعها وبلعت ريقها بصعوبة بس انااا خااايفة .. خااايفة عليهاا وعلى بنتي ... خاايفة ..
بدر حااول يتلحق دموعهاا لا تخااافين يااا قلبي .. ان شاءالله تقوم بالسلااامة وترد لهاا بنتهاا .. انتي ادعي لهاا .. مريم محتااجة لدعاائج ..
مي غمضت عينهاا واعتصرت دموعهاا ان شاءالله ..
سااره كانت تشوفهم وخوفهاا زااد على خوف مي .. بس مي من سنين ما فاارقتهاا .. دارت عينها على ام حبيبهاا مااماا ما تبين تشربين شي ؟؟
أم أمير بحزن لا ماما .. ما ابي ..
أم أمير دارت ويهها على سااره وشاافت دموعهاا اللي مو رااضية توقف ينزلون بدون احساس وحدة ورى الثاانية .. فتحت ذراعينهاا لهاا
وساره ما حست على نفسها الا وحاطة رااسها في حضنهاا وتصيح بصوت شبه مسموع مــ ـــامــاااا .. مــامــا أكييييد ماااتت بنت عمي .. أكيد ماااتت .. وااايد تأخرووا ..
أم أمير وهي تمسح على شعر ساره بحنان وهي الثاانية عيونها غرقت بالدموع لاااا مااما .. لا تقولين هالحجي .. داام ما في خبر شين .. يعني هي بخير .. لااا تخاافيين ربج كبير ان شاءالله بيحفظهاا وبيردها لنا بالسلااامة .. وبيرد بنتها بعد ..
سااره رفعت نفسهاا وعيونهاا ذاابلة بنتهاا ؟؟ ليش هي وينهاا بنتهاا ؟؟ خساااره على البنت .. ماما .. أمير ضيعهااا .. ليلاااه مو بنت مريم بس .. ليلاااه بنتنا كلنا .. كلناا .. هاهاهئهئهئهئئ ...
يوسف كان قااعد يمها على الكرسي الثااني ما تحمل يشوف حالتها جذي مسكها من جتوفهاا ودارها له وحضنهاا بقووه يهديهاا مريم بترجع لناا ان شاءالله وليلاااه بنرجعهاا بعد .. لاتصيحين حبيبتي شووفي حاالتج من دخلوا مريم العمليات وعيونج ما وقفت دموع .. ذبلتي على كثر ما صحتي ..
ساره ببحة حزن وهي على صدره غصباا عني .. غصباا عني حبيبي .. خاااايفة تموووت .. خااايفة .. هذاا اذا ما مااتت الحين ..
يوسف رفعهاا وحط اصابعه على شفاايفهاا اصصصصص .. خلااااص لا تفااولين بالشر .. خلج متفائله بالخير .. الحين بيطلع أمير وبيطمنا ..
سااره هزت راسها بالطااعه وحطت راسها على جتفه وهو ضمهاا من خصرهاا ..
بعد 20 دقيقة
طلع من جنااح العملياات وكلهم ألتموا عليه وعيونهم ملياانة خووف حتى مي استندت على جتف بدر وقاامت تنط على ريل وحده .. بس محد يتجرأ ويسأله كلهم سااكتين وينطروونه هو اللي يتكلم .. خااايفين يسألوونه .. وخاايفين من اجاابته .. وخااايفين من ملااامحه كان باااين على عيونه انهاا منزلة دمووع لحد ما تورمت
وقف قباالهم ويشووف حالتهم اللي مو احسن من حالته .. كان تعباان بالاصح هلكاان منهده كل قوته وعيونه جمر .. مسح ويهه بيده وتنهد بتعب .. وداار ويهه على الطرف الثااني ..
مي من شاافت سكوته صارت تشااهق بصوت راايح ماااااااااتت .. أكيييد مااااتت .. أكيد .. أكيد ..
وراحت هجمت على أمير تدفعه بيد وحده على ورى بقهر لان يدها الثاانية مستنده فيها على جتف بدر كله منك .. كله منك يا الاناااني .. يالحاااقد .. على الاقل كانت عاايشة بيناا .. بين اهلهاا اللي يحبوونهاا .. انت اللي تسببت عليهااا .. انت اللي موتهاا .. انت اللي ذبحتهاا .. انت .. انت .. احناا كلناا نبيهاا ونحبهاا الا انت .. انت ما تحبهاا ولا تحب بنتهاا .. انت اصلا تكرهها .. تكرهها ما تحبها ..
أمير نزلت دموعه يبي يتكلم مو قااادر لان أصوااات صيااحهم ارتفعت .. سااره ارتمت بحضن خطيبهاا ... ومي تعبت وحملهاا بدر قعدها على الكرسي وقعد يمهاا اخذهاا بحضنه .. وكلهم كاانوا مفجووعين على فراااق مريم ويصيحوون بصوت عاااالي ..
أمه راحت وقفت في ويهه تصييح ليييش ماما ؟؟ ليييش .. لييييييش سووويت جذي .. انا اعرفك قاااسي وقلبك يحقد بس مو على اللي تحبهم .. ضيعت بنتك .. وعجلت بموت مرتك .. لييييش حبيبي ؟؟؟؟ لييييش ... حراااام عليك .. البنت راااحت وأمهااا رااحت بحسرتهاا عليهاا .. والله حراام .. اللي سويته واااايد .. واااايد يا أمير ..
بدر حس بفقد بنت عمه وحس بقهر منه من اللي سوااه فيهاا بعد عن مي وراح له ومسكه من فوق السكرب ومن بين اسنانه قلتلك لا تسويهاا .. ما كاانت رااضية تسويلها العملية .. جريتهاا هني غصب وفرقتهاا عن بنتهاا .. شووف بعناادك .. ذبحتهاا بيدك .. الحين عيش جذي طول عمرك حاامل ذنبهاا برقبتك .. انت .. انت اللي موّتها .. محد فينا بيساامحك يا أمير ..
أمير حط يدينه على يدين بدر وشاالهم بقووه وصوته راااح مختنق بعبرته مو قاادر ينطق مــ ــــريـم ردت .. ردت لناا .. مريم ما اااا مااتت .. مريم بخير ..
سااره صاارت تبتسم وشفاايفهاا يرجفوون وهي تمسح دموعهاا اشلووون بخيير ؟؟؟؟ يعني ما مااااتت ؟؟؟؟ يعني عااايشة ؟؟ بس انت .....
أمير رمى نفسه على الكرسي بقوه لاااااا ما مااااتت .. انتوا اللي قلتواا .. انا ما قلت انهاا مااتت ... مريم بخير .. مريم رجعت لكم .. رجعت للحياة .. حمدلله على سلامتهاا ..
قاام وقف يا لله عن اذنكم ..
وداار بجسمه بيمشي الا واخوه لاحقه أمييير ؟؟
أمير ولا كأنه يسمع مشى بخطواااته وبعد عنهم ويوسف رااح وقف في ويهه ويييين بتروووح ؟؟؟
أمير تعداااه ومشى عنه ..
يوسف صرخ عليه ليلااااه .. وينهااا ليلااااه ؟؟؟ الحين مريم بتصحى وتبي تشووف بنتهاا ... وينهاا واناا بساافر لهاا بنفسي وبرجعهاا لحضن امهاا ..
أمير غمض عينه بألم ووقف فتح فمه بيتكلم ...
الا و ساااره تنااادي على يوسف يوسف .. يوسف ..
يوسف دار ويهه على حبيبته شااف امه حاطه رااسها بحضن ساااره .. زفر بضييق وقط على اخوه نظرة اشمئزااز وكرااهية على تصرفاااته ورااح لامه وحبيبته يهديهم ..
مي مسحت دموعهاا برااحة وصاارت تضحك لييييش تصيحووون ؟؟ مريم ردت لناااا خلااااص .. مريم بخييير .. الحمدلله .. الحمدلله ياااارب ما حرمتني من اختي ..
سااره صاارت تضحك معااهاا اي احناا ليش قاااعدين نصييح .. مريم والله ردهاا لناا .. وليلاااه بنرجعهاا ان شاءالله .. خلااااص لااازم نفرح ما نصييح ..
راحت لام أمير .. نزلت لمستوااها لانها كانت قااعده على الكرسي وساره وااقفة ماما لا تصيحين .. مريم بخييير .. ما سمعتي أمير شقااال .. خلااااص مريم بتعيش .. ما بتموووت ...
أم أمير بضييق افرح على سلااامة مريم وبنت ولدي راااحت .. ما ادري هي وينهاا .. مريم الحين بتصحى تبي تشووف بنتهاا .. ما ادري شقوول لهاا .. اقوول لهاا ولدي اخذ بنتج اللي ربيتيهاا بروحج سنين .. بنتج اللي ماا رضى يعترف فيهاا ونكرهاا .. اقووول لهااا ضيعهاا .. وقطاااهااا بداار أيتاام .. مو قاادره اصدق ان محمد أمير العاقل الفااهم يسوي في ضنااه جذي .. ياااربي في احد يكره بنته .. في احد يقط بنته هالقطه .. ياااربي شسوي .. وين اودي ويهي من البنت اذا صحت وسألت عن بنتهاا ..
كلااام ام أمير قلب عليهم الموااجع ورجعواا يصيحوون البناات كل وحده بحضن حبيبهااا ..
أمير كمل دربه الى مكتبه .. وأول ما دخل المكتب قفل البااب علييه ورمى بنفسه على السرير .. ما كان حااس بتعب جسمه ووقفته أكثر من 8 سااعات على قد ما حاااس بتعب في قلبه .. كان خاايف من ردة فعل مريم اول ما تصحى من البنج .. كان يتذكر كلامهاا " اطلع من المستشفى وتوصلني ورقة طلاااقي " .. يعني مريم خلااااص بترووح منه وهالمرة للابد .. مستحيل تساامحه وترجع له وتنسى اللي سوااه فيهاا .. اطلق سرااح دموعه وونته اللي كان مااسكها من امس العصر .. من اول ماشاافهاا في بيت اهله .. وشاااف حالتهااا وصيااحهاا وحزنهاا على بنتهاا لحد آخر لحظة وهي توصيه على بنتهاا آآآآآآآآآآآآآآآه يااااا مريم ... انتي السبب .. انتي اللي جبرتيني اسوي فيج وفي بنتج جذي .. انا ما لي عيشة من غيرج حبيبتي .. طول السنين اللي فارقتج فيهاا وانا اتعذب .. تعذبت وانتي اللي عذبتيني .. انتي محد غيرج .. عذبتيني بيوم اللي انحشتي فيه مني عشان ما اعرف بحملج .. وعذبتيني بيوم اللي ولدتي فيه ووقف قلبج وكنت بمووت سااعتهاا .. وعذبتيني .. لااا مو بس عذبتيني .. الا ذبحتيني بذااك اليوم .. يوم اللي خذيتي بنتج وانحشتي عني ..يوم اللي تخليتي عني وفضلتيهاا علي .. بنتج نستج حبي .. انتي نسيتيني حبيبتي ورحتي عني .. و انااا لااااازم اروووح ..اي بروح .. ما اقدر اظل هني أكثر .. والله ما اقدر ..
بعد خمس أياام
اليوم يخلص مفعول الدوا .. وحلم أمير قرب ينتهي .. تعود كل ليلة يظل يسوولف معاهاا لحد ما يغفى ويناام وهو ضاام يدهاا ..
من يومين طلعوا مريم من غرفة الانعااش اللي صارلهاا ثلاث ايام فيهاا لان حالتهاا استقرت بس ما صحت أمير كان يتعمد ينومهاا .. و الزيااره ممنوعه عليهاا .. كان متعمد بعد يمنع احد يدخل عليهاا بس هو .. هو اللي كان ملازمهاا طول الوقت .. سريره صاار الكرسي اللي يمهاا ومخدته صاارت فراشها .. كان ينزل رااسه على طرف السرير ويغفى لحظاات رااحته .. كانت يده ما تفارق يدها .. ما يتركهاا .. ويسوولف لهاا ويقول كل اللي بقلبه .. لانه متأكد انها ما تسمعة وناايمة .. كان يتحسس جمالهاا ويدندن تحت اذنهاا بالاغااني اللي كانوا يسمعونهاا مع بعض ومريم تغنيهاا له اذا كان تعباان .. تهدأ فيهاا أعصاابه .. كان يتذكرهاا اذا يرجع من سفرااته اشلوون ترتمي بحضنه وما ترضى تفاارقه دقاااايق طويلة ..
كانت عيونه على اصاابعهاا رفعهم وبااسهم بنعومة وحدة ورى الثاانية وتذكر المسااج اللي كانت تسويه له على رقبته وجتوفه .. كانت تحط رااسه بحجرهاا وتلعب بخصلااات شعره وتمشط حوااجبه بطرف خنصرهاا .. وتدلك جبينه وعيونه .. كل شي كانت تسويه ما يقدر يمحيه من رااسه .. كل شي يتذكره .. حتى لما كانت تلغي حجزه و تاخذ جوازه وتخشه عنه عشان ما يساافر وتسوي روحهاا ما تدري عنه ولا شاافته وهو يصيدهاا في الاخير ويخليهاا تعترف له .. و في النهااية يضطر يبعد عنها ويساافر ..
كان يسوولف معااهاا عن ذكريااتهم .. ويتذكر احلى الموااقف اللي صاارت بينهم .. حتى لما كانوا بلندن زعلت منه وطلعت برى الفندق وقعدت على الكرااسي في الحديقة ببجامة بيت خفيفة والجو كان ثلج ومطر وما اهتمت لشي كانت مادة البرطم وقااعدة رافعة ريلهاا الثنتين وضاامة ذرااعينهاا من البرد
ولما سمعت خبطاات بووته تخبط بوسط المااي اللي على الارض نزلت يدينهاا ودارت بجسمهاا كامل على الجهة الثاانية تكاابر البرد اللي اكتسح عظاامهاا وتحااول تثبت رجفة أسنانها اللي تتطااقق مع بعض ..
راح قعد يمهاا ولبسهاا جااكيتهاا الخااص بالمطر وضمااهاا من ورااها بقوه عشاان يدفيهاا .. وهي كانت تبي تفلت منه وتقوم بس هو شد بضمته أكثر وسجنهاا بحضنه غصب وهي ما قدرت تقااوم وظلت قااعده مكاانهاا ومخااصمته وهو كان يبي يرااضيهاا وألح عليهاا يروحون السويت بس هي عندت لحد ما ناامواا هم الاثنين مكاانهم تحت المطر هو ضامها وهي راسها وظهرهاا على صدره .. كان شكلهم خيالي احلى عااشقين ضاامين بعض بقوة وناايمين تحت المطر .. كل وااحد يمر يشوفهم يبتسم لهم ويمشي .. وهوما قدر يرااضيهاا الا لماا مرضوا اثنينهم وحاشتهم نزلت برد نومتهم اسبوع بالفرااش .. خلتهم يضحكون على نفسكم كلما يتذكرون هالموقف واشلوون مرضوا نفسهم بنفسهم ...
كان يتذكرها ويتذكر دلالهاا عليه حتى لما كانوا بأسباانيا كانت تتعمد تطلب منه اشياء تعجيزية .. بس هو يلبي لهاا كل طلبااتهاا .. كان يسوي المستحيل بس عشاان يسعدها ويشوف ضحكتها .. لدرجة انها مرة طلبت منه انهاا تحلق لحيته وهو ما رفض وبذاك اليوم المسكين صاار ويهه ملياان جروح بالشفرة ولحيته تنتفت .. بس ما كسر بخاطرهاا طهر ويهه ورتب اللي بقى من لحيته وبااس يدينهاا يشكرها ..
كان يتذكر هالموااقف ويبتسم ودموعه تتجمع بعيونه
يتبع
كان يتذكر هالموااقف ويبتسم ودموعه تتجمع بعيونه
ومرة كان ناايم وهي متمللة ما لقت غير تتسلى فيه اخذت الاي لاينر وكحلت عيونه وهو مو حااس على روحه لحد ما صحى من نومه وهي الثاانية كانت ناايمة .. دخل الحمام بغسل اخترع من شكل عيونه الخضره واشلون الكحل معفس فيها وصااير يخرع .. غسلهم وراح لها حملها من بطنهاا على جتفه ودخل فيها الحمام ناوي عليهاا بنية شينة .. فتح الماي البارد وعبى الحوض .. ونزلهاا من فوق جتفه على رااحة وخلاها في حضنه وهي كانت صااحية وتدري انه بينتقم منهاا بس ما قدرت الا تتصنع النوم العميييق وهو شاافها جذي ومد يده يتحسسه الماي لقااه ثلج وشاف شكلهاا اشلون عابسة بملامحها ما قدر ضماها لصدره ورجعها مرة ثانية على السرير وباس جبينها وغطااها وهي نطرته يقوم من فوق السرير وضحكت عليه هههههههههااااااااااييييييي .. قصيت عليييك ..
وقف مكانه وبدون ما يلف علييها ترى الحوض للحين ملياان .. والمااي ثلج ..
مريم غطت ويهها باللحااف انــــــــــااا رااقده ..
أمير داار لها رافع حاجب وااحد ويناظرهاا بخبث وهو عاض على شفته راااقده هاا .. زين انا اوريج ..
مريم خافت انه صج يغطسها بالمااي البارد رفعت اللحااف ونطت من فوق السرير تبي تنحاش منه وهو عرف لها وحاصرها بالجدار وين رااايحة ؟؟؟؟
مريم عيونها في عيونه مدت يدينهاا ومسحت آثاار الكحل اللي نازل على خدوده وحطت راحة يدينهاا على لحيته وقربت شفاايفها من شفاايفه لدرجة انه نسى الساالفه كلها لماا حس بحرارة أنفااسها وبعدت شفاايفهاا قبل ما تلامس شفاايفه وقربتهم من اذنه وهمست له بدلع اهــــــوون عليك ؟؟
أمير دااخ من صوتهاا ودلعها همس لهاا هو الثااني روحي تهون علي .. وانتي يا اغلى من روحي علي ما تهونين ...
حط يدينه على يدينهاا وشالها بنعومة قربهم من فمه وباسهم بنفس طويل وبعدها مسكها بقوه من المعصم تقصين علي هاا .... تكحليني وانا ناايم هااا .. عفستي شكلي .. زين الا ما حطيتي لي روج بعد .. تعاااالي انا اعلمج ...
مريم تسحب يدينها تبي تتحرر منه ههههااااييي .. من قاااال ما حطيت ....
أمير طلعت عينه من مكانها بــــــــــــعـــــدددد ؟؟؟؟؟؟؟؟؟ لااااا جذي انتقااااااامي زااااد ... يعني عقوبتج كبررت ... ما اقووول الا الله يعينج ...
مريم سحبت يدهاا وركضت لبرى الشااليه في الحديقة ههههههههههههااااااااي .. ما تقدر تسوي شي ..
أمير كبرت في رااسه قفل عنهاا البااب وسكر الليتات اللي في الحديقة يالله وريني اشلوون بتقعدين برى بروووحج في الظلااام ..
مريم بغرور وهي وااقفة ورى البااب هه .. اصلا ما يخووف ..
أمير يضحك على صوتهاا واشلوون يرجف وهي لازقة في الباب من الخوف زين .. انا بطلع اتعشى وانتي اخذي رااحتج مع العقااارب والعنااكب اللي بالشتلااات ..
مريم عيونهاا صاارت تتفحص المكاان في الظلام وهي ما تشوف شي .. حطت يدينهاا على البااب تضربه بكل قوووتهااا أمييييييييييييير .. أمييييييييير حبيبي افتح الباااب .. أخاااااااااااف .. الحين بيعضووني وانا ما اشووفهم .. أمير لا تقول طلعت وخليتني هني برووووحي .. أمييييير والله اخاااااف .. زين اسفة .. بس افتح لي الباااب ..
أمير ميت ضحك عليهاا لان ما في حشراات بس هي كل شي تصدقه توج تقولين ما تخااافين .. خلااااص خلج قدهاا عيل .. يالله انا طاالع .. يوعان بروح اكل .. وانتي شوفي لج اي حشرة من الحشرااات واكليهاا .. اكيد يوعاانة ... وانا ما يهون علي حبيبة قلبي تظل طول الليل بدون اكل ..
مريم زادت ضرباااتهاا على البااب وووووعـــــــــــييييييييييييي .. انا اكل حشرااات .. أمير افتح الباااب والله بصيح ..
أمير كل شي ولا تصيح ما يقدر على دموعهااا فتح الليتاات اكااا فتحت الليتاات .. بس الباااب لاااا ما افتحه .. قعدي مع السبااايدر مسااكين برووحهم ونسيهم .. يالله انا طااالع .. بااااااااااااااااي ياا زوجتي الخوااافة ...
مريم صاااحت أمييير لااااا .. لا تروح وتخليني هني بروحي .. أمير أخااااف .. والله اخااااف .. أميييييييير
أمير ما قدر عوره قلبه عليهاا فتح البااب وسحبهاا بقوه وحضنهااا انا اطلع واخلي رووحي هني .. امووت ولا افاارقج .. انتي كل دنيتي وحيااتي بعيد عنج ما تسوى .. خلااااص حبيبتي لا تصيحين .. كنت اطفرج ..
مريم للحين خايفة صاارت تضربة بقبضة يدهاا على صدره بقوة تعرفنيييي اخااااف .. اخااااف .. ليش تقفل عني الباااب وتسكر الليتات .. وتخوفني بعد ... ليييييش .. ليش ..
امير مسك قبضتهاا لانها وجعت صدره عشااان ما تحطين رااسج من راااسي .. داامج مو قدهاا لا تتحديني ..
مريم انقهرت من ثقته الزاايده بنفسه .. سحبت يدهاا بالقوة هه هه هه .. لااا تتحديني ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك