رواية عذبتني باسباب فرقاك -53
ساره راحت تركض لبنت عمهاا اللي كلما لها تتدهور حالتهاا أكثر وصرخت في ويه امير انت ما تخاف من ربك .. احد يسوي في بنته جذي ؟؟ اذا انت ما تبيها احنا كلنا نبيهاااا ..
يوسف عكس ساره لانه يعرف اخوه ويعرف عناده وحقده راح بهدوء أمير ؟؟؟
أمير ما عطااه اهتماام .. ومريم كلما شاافت تصرفااته انقهرت أكثر سحبت يدها بالقوه من يده مو انا اللي حرمتك مني يا أمير انت اللي هجرتني سنين ولا سألت عني وعن بنتك .. انا ما نحشت من المستشفى الا يوم سمعتك تقول لمااما ويوسف انك بتقطها على باب المسيد .. تبي تقط بنتي على باب المسيد .. ليييييش ؟؟؟
وبنظراات ترجي قول لي وينها باليفربول وانا اروح لها بنفسي ..
أمير بدون مقدمات بالهااوس سيتي ..
أم أمير قاطعته شنوو هذاا بعد ؟؟ لا تقول قطتيها بمدرسة داخلية وحرمتنا من شوفتها ..
أمير لف عيونه على امه ولفها مرة ثانية على مريم هذي اخسر عليهاا مدرسة داخلية .. هه مستحيل .. قطيتهاا بالميتم مع عياال الشواارع ..
مريم مو مستوعبة اللي تسمعه صارت أسنانها تتطااقق بقوه وشفاتها ترجف وعيونها تتلفت بكل اتجاااه وتهز راسها بالنفي مو مصدقة الكلااام اللي سمعته ..
تبي تصرخ مو قاادره حطت يدينهاا الثنتين على فمها تكتم صيحتها ودموعها مو قادره تتحكم فيهم تقطر بدون احسااس ..
أمير بدى يخاف عليهاا بس يحاول يمسك نفسه مسكها من ذراعها بالقوه مو قلتلج .. مو قلتلج وانتي اللي ما طعتيني .. انتي أكثر وحده بهذول ..
وصار يأشر بيده الثانية على الموجودين هذول الموجودين ومنهم امي اللي يابتني .. انتي اكثر وحده تعرفيني يا مريم وتعرفين شاللي اقدر اسويه .. قلتلج تعاالي بنفسج لا اييبج غصب .. انتي اللي جبرتيني اسوي كل هذا ..
أم أمير راحت لولدها وصفعته بقوه على ويهه هذي تربية ابوك فيك ... يااحيف بس .. ما تستاهل حتى تعيش بوسطنا ولا يكون عندك بنت مثل بنتك ... خذيت بنت النااس وأذيتها معااك .. يتيمة ما لها احد غيرك .. خاطرت بعمرها ويابت لك بنت تبي تفرحك فيها وانت قطيتها سنين ما سألت عنها وهي ربتها بروحها .. والحين تطلع لها مرة ثانية وتاخذ بنتها من وراهاا وتقطها بدار أيتام .. حفيدة سلمان كراشي تناام بدار أيتام .. الحمدلله انك رحت يا ابو امير ولا شفت ولدك الدكتور محمد أمير العااقل الفااهم اللي تعبت عليه كبرته وعلمته بأحسن المدارس وأكبر الجامعات شقااعد يسوي في بناات الناااس ..
أمير حط يده على ويهه اللي انقلب احمر من الطرااق اللي خذاه من امه وتنرفز من كلامها وجر مريم من ذراع وااحد لجهة البااب بقوه ..
سااره صرخت على يوسف يوسف تصرف .. شووف اخووك شقااعد يسوي في بنت عمي ..
يتبع
سااره صرخت على يوسف يوسف تصرف .. شووف اخووك شقااعد يسوي في بنت عمي ..
يوسف راح ومسك ذراع اخوه يبي يوقفه أمير .. أمير لا تسوي جذي .. شوف البنت بتموت بين يدينك .. خف عليهاا حرااام
بس أمير سحب ذراعه وجر مريم اكثر ..
مريم خلاااص ما عادت تقدر تتحمل كل شي صار اسود بعيونهاا دفعته بكل قوتها الضعيفة بس ما قدرت تفك يده عنها ..
مسحت دموعها وصرخت في ويهه انــــــــــــــــتـــــــــ .. شــــــــــــتـــــــــبـــــــــيييييي ؟؟؟؟؟؟؟
أمير مسك يدها أقوى وهي تحاول تسحبهاا غصب وتوى بيتكلم بس هي قاطعته وصرخت أكثر تــــبـــــيـــــنيييي أســـــوووووي العملية .. تبي تجبرني اسويهاااااااااا .. اوكي .. بسوووويهااا مااا عندي مااانع .. والحين اذاا تبي ..
رفعت سبابتهاا تهدده بس يكوووون بعلمك يا أمير .. وهذااا اناا اقولهاا لك وجداام أهلك خلهم يشهدووون علي .. انت من اليوووم ميت بالنسبة لي .. خلااااص ما عااد في أمير بقلبي ...
امتزج صياحها بصراخ حااد أميري مااات من يوم اللي ساافر وتركني قبل ثلاث سنين وثماان شهوور .. أميري اللي أحبه وأموت عليه وعلى ريحته وعلى الارض اللي يمشي عليهاا راااح وما رد .. لكن انت وااحد غريب عني .. انساان غريب عني .. اناا ما اعرفك ..
سحبت نفس ومسحت دمعتها الجديدة لا ترتجي مني اساامحك بعد اللي سويته فيني وفي بنتي .. اطلع من العملية ترد لي بنتي ومعاها ورقة طلاقي فاااهم ..
راح صوتها اذا الله ردني طبعا وقمت بالسلااامه .. أما اذا ربي اخذ امانته ومت .. بنتي برقبتك يا أمير ..
أمير دمعت عيونه من كلامهاا مسح ويهه وجرااها غصب بنتج ما تلزمني .. تبرعت فيهاا لداار الايتاام خلاااص .. وانا بسوي العملية مو عشاان سوااد عيونج .. هه لااا يا مريم بسوويهاا عشاان أبحااثي اللي مقدمها مع رسالتي .. رسالة الدكتورااه اللي ساافرت عشان اخذها .. يالله جدااامي ..
مريم ما لقت نفسها الا طايحة على ريله ورجعت لنوبة بكاائهاا بليييييييييز امير عشااان خااطر اغلى ما عندك خلني اشووفهاا قبل ما ادخل العملية .. هذااا اخر طلب اطلبه منك بحياااتي .. والله والله بعد ما اخليك تشوف ويههي لا انا ولا بنتي .. اخااف امووت ولا اشوفهاا .. اموت بحسرتي عليهاا .. الله يخليك ..
أمير نزلت دموعه ما قدر يمسكها أكثر نزل لها وحملهاا بيدينه وطلع لبرى بيتهم ..
مريم شبه صااحية على كثر ما صااحت حااسة الدنيا تلف فيهاا تهلوس بكلماات ترجي أأأأمــ ــــ ـــييييير .. أأأأبي أشــ ـــ ـــوووف بــ ـــنــ ـــتــ ـــيييييييي .. لــ ــ ـــيييييلااااااه .. ليــ ــ ـــ ـــلاااه مــ ـــاااامــ ـــااا انتيييي وينج .. اشتقت لريييييحتج .. آآآآآآآآآآآآآآآه .. اشتقت لج حبيبتي .. تــ ــــــــــعااااالي طـــ ــــــــلبيييي منيييي اللي تبينه .. بس تعــ ــــــــــاااالي مامااااا .. هذااا اللي كنتيييي تحلمين فيه حبيبتييييي .. تحلمين بكلمة باباااااا .. تحلمين تقولينهاااا .. شووفي بابا شنوو سوى فيني وفييج .. فرقناا عن بعضناا حبيبتي ..
أمير ما كان حاس على نفسه كانت دموعه تنزل على شفايفه اللي ملازمه جبينهاا ونفسه تصاارعه من داخل ليييييييش يا أميير .. ليش .. شكلك نسيت هذي مريم .. هذي روحك اللي حاملهاا بيدينك .. ياااارب من وين يبت كل هالقسوه .. ساااامحيني يا قلبي والله غصبا عني .. كل اللي سويته في بنتج واللي قااعد اسويه فيج مو بيدي .. مو برضااي .. حبيبي والله مجبور .. انا صبرت عليج أكثر من ثلاث سنين .. خلاااص لاااازم اجبرج يا مريم عشاان صحتج يا نور عيني .. انا صج هجرتج بس الحين رجعت ولازم اكمل اللي بديته ..
باس جبينها وقعدها على السيت اللي يمه سكر الباب ومسح دمعتها وزفر بضييق وبنفسه ســـــــــــــاااامحيني .. سامحيني يا مريم
وراح فتح الباب اللي يمها وقعد مكانه وحرك السيااره وطلع من فيلتهم ...
امه واخوه وحبيبته واخته كانوا واقفيين برى بس مو قاادرين يمنعونه ..
مريم كانت توون بصوت عااالي بــــــنــــتــــييييييي .. لييييييلااااااااه .. ماما انتي وينج .. ليش رحتي وخليتيني .. تعرفيني اموت من غيرج .. بنتي .. ابي بنتيييي .. ابي بنتي .. ابيهاااا .. ابيهاااا ..
أمير يسوي نفسه ما يسمع بس قلبه يتقطع مو قااادر يتحمل وقف السياره بنص الشااارع وصرخ عليهااا بأعلى صوته وكأن يبي يخرسهاا غصب بــــــــــــــــــس .. سكتي .. عورني رااااااااسي ..
مريم دارت ويهها عليه وشكلها كان يصعب على الكاافر حطت يدينها على لحيته أمير اخااف امووت بدون ما اشوفها .. ترضااها علي امووت بحسرتي .. عشاان الاياام اللي بينا .. عشاان الحب اللي كاان يجمعناا ..
أمير لا شعوريا اللي كااان يجمعنااا ؟؟؟؟ !!!!!! ليش انتي الحين تكرهيني ؟؟
مريم حست ان هدأ وفرحت صارت تبتسم وسط دموعها انبعث في نفسها شوية أمل رفعت ريلها الثنتين على الكرسي ودارت جسمها كله انت روحي يا امير .. روحي اللي داخلي اشلون اكرهك .. ياااريتني اقدر اكرهك جان كرهتك ونسيتك من زمان وشفت حيااتي .. بس انت اللي سااكن بروحي ..
ضحكت ضحكة غصب لانها قاعده تشوف طيف ابتسامة مر على شفته حبيبي ؟؟
وهذا اللي صاار امير ابتسم لهاا .. حن قلبه عليهاا .. هي الوحيده اللي تقدر عليه .. تقلب حاله من حال الى حال ..
مريم خايفة تتلاشى هالابتساامة تبي تحاافظ عليهاا أطول وقت ممكن انت حبيبي وروحي وكل دنيتي .. انا ما اقدر على فراقك أكثر .. أمير انا مستعدة انسى اللي صاار واسااامحك على كل شي هجرك وصدك وغيابك وفراقك .. حتى اللي سويته فيني اليوم بنسااه بنسى قسوتك .. مستعدة انسى كل شي حتى لما رفعت يدك علي بذاك اليووم وطقيتني .. ومستعدة اروح معااك الحين المستشفى ونسوي العملية ..
أمير ضحك مو مصدق صج حبيبي ؟؟
مريم ارتاحت لضحكته وهزت راسها بالايجاب اي حبيبي .. بس ابي اشووف ليلاااه اول .. خلناا نروح نشووفهاا هذي بنتنا حبيبي .. ليلاااه بنتي وبنتك .. سميتهاا مثل ما كنت تبي .. الاسم اللي تحبه ليلاااه .. هذي زهرتنا احنا زرعناها مع بعض ..
حط يده على يدها وشالها بنعومة ورفع صوته مرة ثاانية بحده واللــي انــحــشـــتــيييي عنيييي وتميتييي شهوووور تروينهاا بروحج لحد ما قطفتيهاا ورحتي عني ..
مريم خاافت من صوته لانه بدى يعصب أمير انا ما سويت جذي الا عشاانك حبيبي .. ما كنت ابي اموّت اول بيبي الله كان يبيه ايي على هالدنياا .. انا سويت كل اللي أمرتني فيه خذيت كل المواانع بس والله ما كان بيدي ..
أمير مر في ذاكرته شريط المأساه اللي عانت منها حبيبته بسبب بنته غمض عينه وصرخ كاااان بيدج انتي ياااا مـــريييييـــم .. ما كان لااازم تخشين عني حملج وتنحاااشين .. انا ظليت اكثر من اسبوعين اهلوس باسمج مو مصدق انج تخليتي عني .. كنت بستخف مو عاارف شاللي اخطيته .. شسويت عشاان تحرميني منج شهور .. وثقت فيج وما فكرت انج احتماال تخونيني وتحتفظين بالحمل وانا اللي كنت اسوي المستحيل عشاان احافظ على حيااتج ..
مريم كانت تحااول تكلمه بس مو معطيها فرصة رفعت صوتهاا وصرخت هي بعد لااااااا .. مو بيدي يا أمير .. مو بيدي .. بنتك صاارت هني ..
صارت تأشر على رحمهاا بنتك صارت برحمي خلاااص .. ما اقدر اموّتها على حساب حيااتي .. هذي من ريحتك اشلون تبيني أأذيهاا ..
أمير كان يكاابر دمعته عيونه على الشاارع ما يبيها تشوف ضعفه ..
مريم استغلت هدوئه وبتردد أمـــ أميـــر ؟؟؟ بتخليني اشووف بنتنا ؟؟؟
أمير سحب نفس قصير ومسح دمعته بطرف صبعه ودار عيونه عليهاا وابتسم بنتج خلااااص رااحت ما بترجع .. تبرعت فيها لعائلة انجليزية .. والحين نروح المستشفى تتجهزين لان عمليتج الساعة 8 الصبح ..
مريم مو مصدقه اللي يقووله تهز راسها بالنفي ودموعها يخونونها وحده ورى الثانية وبصوت راايح من اثر الصدمة بنتي اناا تبرعت فيهاا ؟؟ بنت مريم أكبري تبرعت فيهااا ؟؟؟ ليييييييش ؟؟؟ ليييييييييش ؟؟؟؟؟
أمير حرك السياره مرة ثانية قلت لج لا تخليني اتصرف من رااسي ... عطيتج فوق العشرة أيام يومين زياادة بس انتي اللي عاندتي ولا ييتي .. والحين خلااااص بنتج ما راح تشوفينهاا ..
مريم ما حست على نفسها الا هااجمة عليه وتطقه بأقوى ما عندها حراااام عليك .. حرااااااااااام .. تحرمني من بنتي والله حرااااااااااام ..
أمير وقف السياره مرة ثاانية ومسك يدينهاا اللي كانت تطقه بطريقة عشوائية على ويهه وصدره وجتوفه انتي اللي حرااام علييج نفسج .. والحين لا تصرخين جذي لان قربنا من المستشفى ..
مريم بعدهاا تصرخ اكـــــررررهــــكككك .. الحين صج اكرهك يا أمييير .. ولا عمري بساامحك ..
مسحت دموعهاا زين يا أمير .. انا للحين عند كلمتي .. بس اطلع من العملية تطلقني .. خلااااص قصتنا انتهت .. انت ما تستااهل ولا دمعة اذرفهاا عشاانك .. ما تستااهل سنين عمري اللي ضيعتهاا في حبك يالحقووود .. سويتهاا قبل فيني والحين في بنتي ..
أمير غمض عيونه بألم ونزل من السياارة ونزلهاا غصب .. وهي تشااهق بصمت ..
مسكها من ذراعها عشاان يمرون الشاارع لان سياارة كان بتمر .. ومريم بدون احسااس كانت تبي تقط عمرهاا عليهاا لكن امير تمسك فيهاا غصب ..
ومرت السيارة ببطء شديد ومريم كانت عيونهاا عليهاا .. ما حست على نفسها الا تبي تروح لهاا بسرعة وتفتح البااب ليلاااااااه .. بنتي ليلاااااااااه ..
أمير مسكهاا من خصرهاا هذي مو بنتج .. بنتج باليفربوول .. لا تصرخين جذي وتخرعين بناات النااس ..
بس مريم كانت تبي تفلت منه غصب وتروح تفتح باب السياارة هذي بنتي انا اعرفهااا .. ماماااا.. مامااا ليلااااه انا مريم .. انا ماما مريم ..
فلتت منه وراحت تبي تفتح البااب بس كان مقفل صاارت تضرب بيدنها على الدريشة بقوه تبي اللي دااخل السيااره ينتبهون لهاا ماما .. ليلااااه فتحي البااب .. ليلااااه سمعيني انا ماما مريم .. نزلي الدريشة .. ابي اكلمج حبيبتي .. انا مريم امج حبيبتي .. شووووفيني .. ليلااااه سمعيني .. ليلاااااااه ..
محد كان يسمعها لان البنت كانت قاعده مع مربية اجنبية وتتفرج على افلام كارتون مندمجة والصووت عاالي ..
أمير شاف حالتهاا انكسر خاطره عليهاا راح حضنهاا من جتووفهاا وبعدها غصب والسيارة مشت عنهم
مريم انهاارت وطاحت على الارض تصييح بصوت عااالي والله .. والله بنتي انا أعرفهاا .. هذي بنتي ليلااااااااه .. أمير انت تجذب علي بنتي هني ما ساافرت .. أمير خلهم يردوون السياارة .. ابي اشووف بنتييي .. ابييييييييي بنتييييييييي .. هئهئئئئ .. هاهئئئئئئئ ...
نزل لهاا وقفهاا بالقووه قلت لج هذي مو بنتج .. يالله جداااامي ..
مريم خلاااص انهاارت قوتهاا مو قادره تقااومة عيونها على الشاارع مكان اللي اختفت فيه السياارة تأشر بإصبعها هنااااك بنتيييي هناااااااك .. انااا اعرفهااا هذي بنتيييي ..
أمير حضنهاا عشاان يهديهاا مريم لا تصرخين بالشاارع .. هذي مو بنتج .. لا تسووين جذي ..
مريم مو قادره حتى تصيح تعبت على كثر ما صااحت .. تعبت على كثر ما صرخت بنتييي رااحت منييي .. بنتيييي راااحت ..
أمير بعد عنهاا ودارها عشاان يمشيهاا الا تفاجئ بشرطي وسكيورتي واقفين في ويهه .. رفع حاجب واحد مستنكر تواجدهم خييير ؟؟؟
الشرطي كل الخير ان شاءالله .. بس موظف الامن خبرنا انك خاطف وحده وطااقها ومصيحهاا ..
أمير فتح عيونه مو مستوعب كلااام الشرطي وضحك بخفة هه .. شنوووو ؟؟؟
مريم ما كان لهاا مزااج لامه رااسها بيدنهاا وقاعده على الرصيف وتصيح بصمت ...
الشرطي بجدية اللي سمعته .. وهذاا اللي انا قااعد اشوفه الحين ..
أمير فتح سيارته بالريموت وطلع عقد زواجهم من الــBT وصار يلوح فيه للشرطي تعرف هذا شنوو ؟؟
السكيورتي فهم ونزل راسه منحرج من أمير ..
أمير كان يطالعه بنص عين شكله السكيورتي ما يعرفني .. انا دكتور محمد أمير كرااشي .. جرّاح داخلية وطبيب قلب استشااري .. وهذا اللي تسأل عنه عقد زواجي ..
نزل لمريم ووقفها من خصرها وهذي اللي خاطفهاا .. هه .. وعلى قولتك طاقهاا .. زوجتي المريضة يبتهاا هني عشاان اسويلهاا عملية قلب مفتووح ..
الشرطي اخذ العقد يقرااه متزوجين في ايراان ؟؟
أمير خلاااص صبره وخلص سحب العقد من يده اظن خلصت اسألتك .. يالله عن اذنك ..
الشرطي وقف أمير لحظة ؟؟
وراحت عيونه على شكل مريم هذا زوجج اختي ؟؟؟
مريم عيونها رااحت في عيوون امير وكأن السؤال اللي سألها اياه الشرطي صعب ومحتااره اشلون تجااوب عليه وبنفسهاا لاااا هذاا مو زووجي .. هذاا مو أميري .. مو حبيبي .. هالانسان انا ما اعرفه .. غريب عن قلبي ..
تنهدت بضييق ورفعت عيونها على الشرطي اي .. زوجي .. ابو بنتي ..
أمير غمض عيونه من قالت مريم ابو بنتي وكأنها مستقصده تحسسه بالذنب ..
الشرطي ابتسم لهم مسااامحة اذا دخلت نفسي بخصوصياتك دكتور .. بس اذا عندك مشااكل مع زوجتك حلوهاا بينكم مو تصرخوون جذي بالشاارع ما يصير ..
أمير مسك مريم من يدها وأظهر ملامح الاستعجاال عشاان يخلص من الشرطي ونصاايحه زين .. يالله عن اذنك ..
ودار عيونه على السكيورتي انت حساابك معااي بعدين ..
ومشى مريم غصب اللي بدت تشااهق مرة ثاانية بس هو ما عطااها اهتماام دخلهاا لدااخل المستشفى أميير .. أميير أبي أشووفها ..
صوتهاا قااعد يختفي تدريجياا وأمير قااعد يمشيهاا بخطوات سريعة يالله .. كااافي الفضاايح اللي سويتيهاا برى ..
مريم دموعها تنزل وحاطة يدها على رقبتهاا تبي تاخذ نفس مو قاادره صارت تزفر هوى على برى بسرعة وتشااهق بصعوبة وعيونهاا صاارت جمر ها .. ها أميير .. أميــــــــــ ....
أختفى صوتها .. أمير توى حاس عليها لف عيونه شاافها طايحة على الارض ويدهاا للحين في يده ..
فتح عينه مو مستوعب شهق بصوت عالي وطاح على ركبه وهو للحين متمسك بيدهاا مـــــــــــــــــــرــــــــــــيـــــــــمــــــ ــ ..
اخذ راسها في حضنه ودمعت عينه وهو يضرب على خدودها اللي ازرقت كامل حتى جسمهاا كله صاار ازرق مريم حبيبتي قووومي .. مريم لا تسووين فيني جذي .. انا غلطاان عاارف اني قسيت عليج واايد بس لا تضعفين الحين .. كل اللي اسووويه عشاانج .. مريم حبيبتي قولي انج تجذبين .. قولي انج تمثلين علي مثل ما قلتي بداية قصتناا .. بس لا تروحين من يديني .. انتي بخيير حبيبتي .. ادري انج بخير ..
رفع عينه وصرخ على المسعفييين بـــــــــــســـــــــــرعـــــــــة .. ايمرجنسييييييي .. ترولييي ....
ما قدر ينطر الترولي حملهاا وصاار يركض فيهاا بنفسه على طول الممر ودموعه تتطاير من عيونه وصل على غرفة الكشف ومددها على السرير وصاار يمسح على شعرهاا بخووف ومو مهتم لدموع عينه انا السبب .. انا اللي زودتهاا علييج حبيبي .. تحملي شووي حبيبتي لا تخليني وترووحين عني .. تعرفيني ما اتحمل ..
نزل شفايفه وبااس جبينهاا الباارد اللي ابتل بدموعه ورفع ويهه وصرخ على الدكتورة المنااوبة اللي قااعده تتفرج عليه Bring a respirator now .. ( أحضري جهااز التنفس الاصطنااعي )
شاافها واقفة مكانها ما اتحركت عصب عليهاا Are you deaf don't hear me? Bring oxygen quickly ( هل انتي صماء ؟ ألا تسمعيني .. أحضري الاوكسجين بسرعة ) ..
الدكتورة المناوبة راحت لامير وصرخت في ويهه Who are you to scream and give us orders
( من انت لكي تصرخ علينا وتعطينا الاوامر )
أمير غمض عينه ما يبي يفقد أعصاابه وهو مو نااقص كاافي عليه حالة مريم عض على اسناانه انتي شفيييييج ما تفهمين ؟؟؟؟؟؟ انا قبل ما أكون زوج المريضة انا دكتورهااا ..
دخل عليهم الطبيب المسؤوول شصااير ؟؟؟ ليييش تصرخوون ؟؟
شاف أمير ابتسم دكتور محمد ؟؟ عسى ما شر ؟؟
أمير ويهه صاار احمر على كثر ما صرخ I want to save the lives of my wife quickly .. Her heart is weak .. Please equipped intensive care unit immediately
(أريد إنقاذ حياة زوجتي بسرعة.. قلبها ضعيف.. يرجى تجهيز وحدة العناية المركزة على الفور)
الدكتور المسؤول Immediately ( على الفور) ..
ودار ويهه وصرخ على الممرضاات والدكتورة Have you heard .. carried out the orders of the competent doctor quickly
(هل سمعتم .. نفذوا أوامر الطبيب المختص بسرعة )
الدكتورة المنااوبة انصدمت ما تعرفة وما توقعت يكون استشاري خافت من عصبيته ان يكتب ضدها تقرير يأثر على مهنتها راحت تتبسم له بخووف دكتور آنا آسفة .. والله ما أعرفك .. أنـــا .........
بس أمير ما عطاها ويهه جر الترولي مع النيرسز متوجهين لغرفة العنااية والنيرس واحد ماسك لهاا الاوكسجين اللاسلكي والثااني ماسك المغذي ..
شفايفه صاارت قطعة دم على كثر ما عض عليها وعيونه جمر لانه ماسك فيها الدمعة غصب وبنفسه ياااارب .. يااارب يرجع تنفسها طبيعي .. انا مستعد ابعد عنهاا بس اتأكد انها بخيير .. يااارب طلبتك هذي حيااتي .. اذا صاار فيهاا شي حيااتي ما لهاا معنى .. اخذني قبلهاا ما اقدر اعيش بدونهاا .. سنين وانا مفارقهاا بس متأكد انها بخير هي وبنتهاا بخير .. أحبج يا مريم .. أحبج مووت يا قلبي انتي كل شي .. كل شي بدنيتي ..
يتبع
دخلوهااا العنااية ودخل معااهاا يشرف على علاجهاا بنفسه .. وبدوا يلفون الاسلاك عليهاا من كل جهة وأصواات الاجهزه ترن بكل زاوية من زواياا الغرفة .. لبس اللبس الخااص بوحدة الانعااش واخذ ربورتهاا يمليه بنفسه ... وهو كل شوي يرفع عينه عليهاا يشوفها اشلون ممده على السرير ومقيدة بالاسلاك يغمض عينه بألم وتعتصر منهم الدموع غصب ..
في فيلا كراشي
ساره كل شوي تلف ويهها وتشوف أم حبيبها اشلون ذابحة عمرهاا من الصيااح وهي تكلم مي بالتلفون اي يا مي .. يقول تبرع فيهاا لملجأ أيتام باليفربول ..
مي بصياااح هذااا اشلووون يسوي جذي ؟؟ ما يدري ان ليلاااه بنتي انا بعد .. انا ربيتهاا مع مريم وما فارقتها الا لما سويت الحادث .. بأي حق يسوي جذي ؟؟ ما كفااه اللي سوااه بمريم دمر حياتها وعذبهاا وقلب حياتها لدموع وحزن .. يخطف بنتها من وراها ويتبرع فيها .. والله حرااااام ..
ساره صارت تشااهق ويا مي لو تشووفينهاا قطعت قلبي وهي تترجااه .. تقوله بس اشوفها .. بس هو ما رضى .. صارت زرقة مو قادره تتنفس وهو ولا هامه ..
مي بصرااخ الحقير .. النذل .. الجبان .. يعني هو غصب تسوي العملية ..
ساره بصوت بااكي ياريت عشاانها بعد .. الا عشاان ابحاثه .. مي قالها في ويهها مو عشاان سواد عيونج عشان رسالتي الدكتوراه .. مي تصدقين ان موضوع رسالته مرض مريم وعمليتهاا ..
مي مقهورة مو قادره تحكم غضبها الساافل .. يعني من البدااية استخدم مرض مريم عشان ياخذ الدكتوراه .. يبي يااخذهاا على حسااب اختي وبنتي .. انا اورييه .. بس اشووفه بوريه الحقود ..
ساره تمسح دموعها شبتسوين يعني يا مي ؟؟ هو زوجها وله الحق يسوي اللي يبيه .. احنا معاهم ما قدرنا نمنعه .. لو تشووفينه اشلون جرهاا بالقوه وهي طايحة على ريله تترجااه ..
مي قاطعتهاا هه .. اي زوج يا ساره .. زوج هاجر زوجته أكثر من ثلاث سنين .. وياريته بعد يبي يعالجها حبا فيهاا .. هذاااا واحد اناني ما يحب الا نفسه اللي مثله ما يعرف يحب اصلا ...
ساره مي انا خاايفة على مريم .. ما ادري وين خذااهاا .. وليلاااه لااازم نتصرف ونرجعهاا ..
مي اي لازم بنتنا ترجع مو بكيفه .. بس اشلووون ؟؟
سااره وعيونها على يوسف كان قاعد يم امه وحاضنهاا يخفف عنها خليناا نتطمن على مريوم اول .. وان شاءالله نعرف نلقى ليلااه .. مي ؟؟ يوسف يقول يمكن خذااها المستشفى اللي انتي فيه لان هو هناك يسوي عمليااته . قولي لبدر يروح يسأل عنهاا .. احنا اهلها لازم ما نتخلى عنها ..
مي مسحت دموعها زين .. بخليه يسأل وبرد لكم خبر .. بااااااااي ..
سكرت التلفون وبدر حضنها بسرعة خلاااص حبيبتي .. هونيهاا .. لاتصيحين جذي ..
مي بصيااح عاالي تبرع في بنتي يا بدر .. قطاها بدار أيتام .. هئهاهئئئئ ..
بدر متنرفز من تصرفات أمير هذاا مو صاااحي احد يقط بنته مع اليتامى وعيال الحراام .. مي لاتصيحين مو زين لج .. نسيتي الجرح اللي بصدرج ..
مي هدأت شوي وصارت تشااهق بصمت سوى كل هذاا عشان يجبرها تسوي العملية .. وياريت عشانها الا عشاان حاجاته الخااصة .. بدر .. أمير ما يحب بنتي .. يكرههاااا .. طول هالسنين وانا اقنع مريم انه مستحيل ابو يكره بنته .. بس اللي قااعد يصير العكس امي تكرهني وأمير يكره بنته .. خلاااص انا ما ابي اييب عيال اخااف اكرههم وأذيهم ..
بدر ضمها أكثر لا حبيبتي .. اللي مثلج ما يعرف يكره .. انتي قلبج كبير ويوسع للكل .. ما ابيج تفكرين جذي .. أمير عنده اسبابه .. وأكيد بيعرف غلطه .. انا اعرفه أمير يحب مريم ..
مي ردت صااحت لا ما يحبهاا .. ما يحبهاا ولا يحب بنتهاا .. هذا ما يحب الا نفسه ..
رفعت نفسهاا وطالعته بنظراات ترجي بدر .. روح اسأل عنهاا .. ساره تقول يمكن يابهاا هني عشاان العملية .. الله يخليك روح دور عليهاا .. مريم وحيدة ما عندهاا غيرنا ..
بدر ابتسم ومسح دموعهاا ان شاءالله حبيبتي .. اصلا بدون ما تطلبين مني انا راايح .. هذي بنت عمي واللي يضرها يضرني انا بعد ..
باس جبينها وقام من فوق السرير بحاول ما اتأخر .. اذا احتجتي شي اتصلي فيني .. او دقي الجرس على النيرس ..
مي هزت راسها بالايجاب وانسدحت تدعي من ربهاا انهم يلقون مريم وبنتها ..
سارة سكرت التلفون وراحت قعدت يم أم أمير تهديهاا بدر راح يسأل عنها ان شاءالله نلقااهاا .. ماما لا تخافين ما بيأذيهاا ..
أم أمير بصيااح أمير مو جذي انا اعرفه .. ولدي حقوود .. ما ينسى .. خساااره على بنتي رااحت من يديني ولا شفتها ..
نور قاعده يم امها على الطرف الثااني من الكرسي يعني ما في امل خلاااص البنت راااحت ؟؟؟
يوسف خزر فيهاا لا ان شاءالله يسوي العملية ويرد البنت لحضن امها ..
نور يوسف ما تسمع يقول تبرع فيها ... يعني خلاااص رااحت ..
يوسف صرخ عليهاا لان امه وحبيبته انهاروا بالصيااح هيييي .. انتي شفيييج .. اذا ما عندج كلمة عدلة .. حطي لساانج في لهااتج وانجبييي ..
نور حطت يدينها الثنتين على فمها زين .. سكتناا ..
يوسف راح قعد يم سااره حبيبتي انا بروح .. لاااازم ندور على مريم حراام نخليه يلعب فيهاا ..
ساره تمسكت بقميصه خذني معااك .. ما اقدر اقعد هني وبنت عمي محتاجتني ...
أم أمير انا بعد بيي معاكم ..
يوسف لا ماما انتي قعدي هني انا باخذ ساره وبطمنج .. يالله حبيبي ..
ساره قامت وباست راس أم أمير وحملت شنطتهاا وطلعت ورى يوسف ..
بدر لف المستشفى طاابق طاابق وجناح جنااح وسأل مكتب التسجيل والاستعلامات مافي مريضة دخلت وتسجلت باسم مريم أكبري .. سأل عن أمير قالوا له بوحدة العناية .. حط يده على قلبه .. وراح وقف قبال باب الجناح يدق الجرس ..
أمير كان قاعد يمهاا ويمسح على شعرهاا مريم .. أنا أحبج حبيبي .. ومتأكد انج تحبيني مستحيل تكرهيني .. حتى شووفي
رفع عينه على الجهااز وابتسم أنفااسج عاايشة على أنفااسي .. مستحيل توقف أنفااسج قبل أنفااسي ..
غص بصوته مو قاادره ينطق راح مع العبرة اللي مااسكها بالزور ادري انج مستحيل تساامحيني .. مستحيل يا مريم ..
مسح ويهه بضييق وقام لانه سمع صوت الجرس فتح باب الغرفة لقى بدر وااقف ومعصب أمير انت شقااعد تسوي ؟؟ عبالك مريم ما عندهاا اهل ؟؟
أمير تنهد بنفس طويل ومقدر حالة بدر بدر لو سمحت انا ما احب احد يتدخل بحياتي الخاصة ..
بدر يحاول يوطي صوته قد ما يقدر أي حياة هذي ؟؟؟ مريم بتموت بين يدينك وانت تقول حيااة ..
غمض عينه يحاول يضبط أعصاابه اوكي .. اذا ما تبي احد يتدخل بحيااتك .. فهمني أسبابك .. علمني اشلون تقط بنتك بالميتم وتجر زوجتك غصب وتجبرها تسوي عملية بالاكراه وهي ما تبي .. أمير هذي بنت عمي وانا ما بسمحلك تعاملها جذي ..
أمير مسك بدر من ذراعه ودخلوا غرفة خاصة باستراحة الموظفين لان صوتهم بدى يعلى والكل انتبه لهم
ترك يده ودار بجسمه عنه بدر انتوا مستحيل تفهموني .. ولا احد فيكم بيفهمني .. انا باجر الصبح بسوي لهاا العملية .. وبعدين كيفكم سوو اللي تبونا ..
بدر حس بتغيير صوت أمير أمير ليش كل هذاا ؟؟ تقدر تعالج مرتك وترجع بنتك وتعيشوون مع بعض ..
أمير متعمد يعطي ظهره بدر عشاان ما يشوف دمعته انت مستعد تسمعني يا بدر ؟؟
بدر حط يده على جتف أمير أكيد .. انت مو بس زوج بنت عمي .. انت رفيجي يا أمير ..
أمير مسح ويهه ودار لبدر زين أقعد خلني اقولك ..
يوسف وساره دوروهم بكل مكان لحد ما يأسوا وراحوا المستشفى لمي وأول ما دخلوا مي انهاارت تبرع في بنتي .. سااره ؟؟؟ ليلاااه بنتنا ضيعها امير بأنانيته ..
سرعت خطواتها وراحت قعدت يمها على السرير وحضنتها بقوه تهديهاا
يوسف قعد على احد الكراسي ونزل راسه متفشل من تصرفاات أخوه تنهد بضييق ورفعه مرة ثانية بدر ما لقااهم ؟؟؟
مي بصيااح ما ادري .. ما اردي .. هئهااهئئئئ .. من رااح ما رجع .. يوسف الله يخليك روح دور عليهم .. ابي اشووف اختي .. ابي اشووف بنتي ..
مسكت يدين ساره بترجي ساره .. سااره .. لا تخلونه يسوي اللي برااسه .. انا بعد ما اقدر اعيش من غير ليلااه ..
ساره طالعت بعيون يوسف فهم منهاا انه لازم يروح ويدور عليهم قاام وطلع من الغرفة وخلاهم يواسون بعضهم بعض ..
بدر وقف ومشط شعره بيده وزفر بضييق خلاااص سوو اللي تبيه يا أمير .. هذي حيااتك وانت أبخص فيهاا .. ما اقدر اقولك شي .. بس مريم مستحيل تسامحك ..
أمير ابتسم بضيق ادري .. مستحيل تسامحني .. عشان جذي انا قررت وخلاااص ..
طلعوا مع بعض من الجناح زين سااعة جم عمليتهاا ؟؟
أمير وهو حاط يدينه الثنتين في جيوب الاب كوت 7 يجهزونهاا ويفحصها دكتور التخدير ويحقنها تدريجيا و8 نبدأ ..
بدر حط يده على جتف أمير الله ينجيهاا ويقومهاا بالسلااامة .. حيااتهاا بين يدينك يا أمير اذا تحبهاا حافظ عليهاا ..
أمير لمح أخوه من بعيد لا توصيني يا بدر .. مريم كل حيااتي بسوي كل اللي يطلع بيدي .. أكا يوسف يااي .. مثل ما وصيتك ياا بدر ...
بدر شااف يوسف قااعد يقرب منهم ابتسم له خلاااص يا أمير انا وعدتك ..
أمير من وصل أخوه دار جسمه عشاان يدخل الجناح مرة ثاانية لانه ما يبي يحتك فيه بس يوسف مسك ذراعه بالقوه امــــــــــيـــــــــــر ؟؟؟؟
أمير سحب ذراعه بالقوه يوسف ما لي خلق منااجر مع احد .. مريم تعباانه ولازم اروح لهاا ..
دخل الجناح وتسكر لانه الكتروني وهو معااه كارته الخاص مع البااس وورد ..
يوسف طاارت عينه على بدر استغرب هدوئه بتخليه يسوي لهاا العملية ؟؟؟
بدر مسك يوسف من جتفه ومشااه غصب لااازم يسويهاا .. مريم واااايد تعباانة ..
يووسف بإنفعال والبنت ياا بدر ؟؟
بدر ما ادري .. خله يخلص من عملية زوجته بعدها يصير خير ..
يوسف هز راسه بضييق وكملوا طريقهم لغرفة مي ...
دخل مرة ثاانية على مريم .. ابتسم وتنهد برااحة الحمدلله .. لونج بدأ يرجع طبيعي ..
قرب منهاا ونزل شفاايفه على جبينهاا وباسه بنفس طويل نااامي حبيبتي .. بااجر يوم صعب علي وعليج ..
بعد عنها وقعد على الكرسي الطويل اللي يمهاا فصخ جوتيه ورفع ريله وتكور على نفسه وتوسد ذرااعه وناام عشاان يكون جااهز لاصعب عملية تمر عليه بحيااته .. ما يبي يتعب او ينهاار وهي محتاجته وهو محتااج لوجودهاا بحيااته ..
مريم كانت ناايمة بمفعول الدوا ولا تدري عن شي من آخر كلمه قالتهاا لما استنجدت فيه ونادته وبعدها فقدت وعيهاا ..
يوسف وهو حامل أغراضه وراح لجهة الباب يا الله سااره .. لااازم نيي بااجر قبل الثمان عشاان العملية ..
يتبع
يوسف وهو حامل أغراضه وراح لجهة الباب يا الله سااره .. لااازم نيي بااجر قبل الثمان عشاان العملية ..
سااره راحت بوست مي وبدر يالله حبيبي .. يااايه .. مي لاتصيحين كل شي بيرجع مثل ما كان وأحسن بعد .. بدر لا تخليهاا خلك معاهاا الليلة ...
بدر عيونه على شكل مي واشلون عينهاا تعباانة وما لهاا نفس حتى تتكلم خلاااص انا ببات معاها .. تصبحون على خير ..
ساره ويوسف مع بعض تلاقون الخير ..
وطلعوا من المستشفى يوسف وصل ساره بيت مريم ورجع بيتهم لقى امه للحين قااعده وتنطر خبر يبرد قلبهاا رااح لها وهداهاا وهي اصرت تروح معاهم بااجر وتنطر معااهم عملية مريم ...
في المستشفى
السااعة 6:30 الصبح
أمير صحى لقى حبيبته للحين رااقده وهي المفروض الحين تصحى ناادى على الممرضات يساعدونه انه يشيل الاجهزه من عليهاا .. وبعد ما شاالوهم طلعوا من الغرفة وقعد هو يم راسها ورفعه وحطه بحضنه يبي يشبع منها ومن ريحتهاا .. ظل على هالحال أكثر من ربع سااعة يتأمل جمالهاا ويتحسس نعومة بشرتهاا ويتنفس عطر شعرهاا ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك