رواية سميتك معشوقي -4
ندى : شوفي انا بكره بروح السوق .. شرايك تروحين معي؟؟
تسنيم : بصراحه... انا مامره دخلت السوق من جيت للرياض
ندى باستغراب : معقوله؟؟... انتي من أي عصر؟؟
تسنيم : ماعليه ندويه ..انا ممنوع علي كل شي .. شغلتي بس اهتم بفهد
ندى : لا حبيبتي من اليوم ورايح راح تروحين معي كل مكان .. الاسواق المجمعات الحدايق المطاعم
كل يوم بوديك مكان
تسنيم : لا ماقدر كل يوم .. راح تعاقبني امك
ندى : اوكي دامك خايفه مو مشلكه .. نخليها كل خميس .. لما يطلعون اخواني للاستراحه ومعاهم فهد نطلع .. اظن ماعندك شي الخميس
تسنيم بابتسامه : اوكي
************
عبد العزيز : منيره الله يعافيك صبي لي مويه
منيره : ان شاء الله
عبد العزيز بعد ماشرب المويه : وش اللي سمعته؟؟
منيره : ؟؟؟؟؟؟
عبد العزيز : شلون ولدك يخطب وانا مادري؟؟... ومين؟؟.. سحر بنت اخوي ... انا هالبنت مو مرتاح لها ابدا
منيره : وش فيها بنت اختي .. مو ناقصها شي .. جمال ودلال واخلاق
عبد العزيز : ممكن فيها جمال ودلال .. بس اخلاق ماظن
منيره : الله يهديك ياعبدالعزيز .. ولدك اختار زوجته وهو حر باختياره
عبد العزيز : حر باختياره بس مو يخطب بدون يقول لنا .. انا لي معاه تصرف ثاني
منيره : عبد العزيز واللي يعافيك .. اترك ولدي يتهنا بحياته لاتقرر مصيره ويلومك لفشل في يوم من الايام
عبد العزيز : انتي تشوفين كذا؟
منيره : ايه .. اتمنى تخليه هو يقرر اللي يختارها تعيش معاه وتكون ام عياله
عبد العزيز : استغفر الله العظيم .. يارب تسامحني وتعيني وتصبرني
**********
فهد : تسنيم تعالي معاي نشوف البركه
تسنيم بخوف : فهد واللي يعافيك مابي اروح جنب البركه
فهد : ليه؟
تسنيم : لاني مره غرقت في البركه ولولا رحمة الله والا كان انا ميته
فهد يضحك عليها : انتي ماتعرفين تسبحين؟
تسنيم تهز راسها بـ لا : لا ماعرف
فهد : يلله نروح نشوف البركه
تسنيم : فهد لاتغصبني مابي
صار فهد يلح عليها لانه غصب يبي يروح عند البركه خاصه يوم عرف ان تسنيم تخاف من البرك
تسنيم بقلة حيله : اوكي خلاص خلاص بروح معاك امري لله.. بس بشرط
فهد بفرحه : هيييييه شنو الشرط
تسنيم : مانقرب عندها اوكي؟
فهد : طيب
كانت البركه مليانه وعميقه .. وكان شكلها مررره يجنن خاصه ان الماي اللي فيها نظيف وشفاف
تسنيم عجبها شكل البركه : الله البركه حلوه
فهد : شفتي؟؟.. انا اقول لك البركه حلوه وانتي تقولين مابي اشوفها
تسنيم : هههههه ... ماعليه انا قلت كذا لاني مامره شفتها من قريب
صارت تسنيم وفهد يتأملون في جمال البركه ونقاوتها ويسولفون
شاف اسم ناصر في شاشة جواله وهو طالع من غرفته ونازل الدرج رد عليه : هلا ناصر
ناصر وكانت معاه ندى بالسياره : هلا فيك .. هاه؟؟.. جاهز امر عليك ؟
سيف : أي جاهز
كان سيف لابس جينز اسود وتي شيرت بيج .. وكاب اسود
ناصر : اوكي انتظرني دقايق اكون عندك.... انزل ندى وتجي انت على طول
سيف : اوكي راح انتظر بحديقة القصر لين تجون.... ولا تتأخرون اوكي؟
ناصر : اوكي باي
سيف : باي
دخل المطبخ وطلب من الخدامه تجهز له كوفي .. خذه معاه لين الحديقه .. اتجه للطاوله اللي مقابلته وكان حواليها عدة كراسي .. جلس وبدا يشرب الكوفي وينتظر وصول ناصر فجأه سمع صرخه ...
حط الكوب اللي بيده على الطاوله واتجه نحو صوت البنت اللي تصرخ
راح اتجاه البركه الا شاف تسنيم وهي بوسط البركه وكانت تغرق لانها مو عارفه تسبح وعباتها بجهه وشيلتها بجهه
سيف على طول رما نفسه بالبركه ومسك تسنيم بسرعه ... ومن حلات الروح .. تسنيم ضمت سيف بقوه وكانت تبكي و تكح لانها شربت كميه من الماي اللي بالبركه
طلعها من البركه وبعدها طلع سيف وكان فهد يبكي لانه هو اللي رماها
سيف بعصبيه : انتي غبيه؟؟؟؟؟
تسنيم مازالت تكح وحاسه انها مو قادره توقف على طولها وكانت جالسه على الارض وترتجف لكن مو من البرد... كانت ترتجف من الخوف وتبكي .. لحظات الا اغمى عليها لانها ماقدرت تتحمل
سيف بخوف : تسنيم
تسنيم :.......
سيف : تسنيم ردي علي
تسنيم : ......
سيف : تسنيم انتي بخير؟؟
تسنيم : ...........
شالها ودخل فيها القصر وبدا ينادي ... طلعت منيره تشوف وش صاير وشافت سيف وهو حامل تسنيم
منيره : سيف وش صاير؟؟؟
سيف معصب : ولدك الغبي رماها بالبركه
منيره : وهي وش وداها هناك؟؟
سيف متنرفز حده : اصلا اثنينهم اغبياء .. دامهم مايعرفون يسبحون ليه يقربون من البركه؟.. صج غباء
بدت تسنيم تستعيد وعيها وسيف مازال حاملها عشان بيوديها غرفتها وفجأه صرخت
تسنيم وهي تتحرك بقوه وترفس على بالها للحين هي غارقه بالبركه : آآآآآآآآآآآآآآآآآآه آآآآآآآآآآآآه آآآآآآآآآآآآآآآآآه
انقهر منها سيف لانه تعب وهو حاملها وهي تتحرك بقوه ورماها بقوه على سريرها وطلع
صحت من كابوسها وشافت سيف وهو يطلع ويقول : مو مصدق وربي .. مزوجين اخوي وحده متوحشه .. حشا مو صاحيه
فهد وهو خايف : تسنيم...انا آسف .. انا العب وياك
تسنيم بعصبيه : وخر عني
فهد وهو يبكي : خلاص انا اتوب وماعيدها مره ثانيه
تسنيم وهي متضايقه : فهد واللي يخليك خلني لحالي
فهد مازال يبكي : تسنيم انتي زعلانه علي؟؟ خلاص انا ماراح اعيدها والله العظيم ماعيدها
تسنيم انكسر خاطرها يوم شافته يبكي قامت ومشت اتجاه فهد وضمته : خلاص فهد انا مسامحتك بس ياويلك ان عدتها مره ثانيه والله ازعل عليك ولا راح اسامحك طيب؟؟؟
فهد وهو يمسح دموعه : ماراح اعيدها .. آخر مره
***********
ندى وهي داخله حديقة القصر وماشافت احد
دخلت داخل القصر شافت الصاله مافيها احد اتجهت لغرفة تسنيم .. دخلت واستغربت المنظر .. شافت ملابس تسنيم وشعرها مبلول
ندى : ههههههههههههههه .. تسنيم وش السالفه ... لايكون تتروشين بملابسك
تسنيم علمت ندى السالفه وجلست تضحك عليهم
ــــــــــــــــــــــــــــــــــــ
: غير ملابسه ولبس جينز وتي شيرت ابيض نشف شعره بالمنشفه وطلع بسرعه لناصر اللي ينتظره
سيف : هلا ناصر
ناصر وهو يطالع في شعر سيف المبلول : هههههه ويقول جاهز بعد.. وهو موسع صدره ويتروش وينعنش وانا لاطعني بره انتظر
سيف : المشكله انك حاسدني على شي ماتدري عنه
ناصر: ؟؟؟؟؟؟؟
سيف : انا صاير هالايام رجل انقاذ
ناصر : ؟؟؟؟؟؟؟
سيف يطالع ناصر بنص عين : مالومك عارف انك مو فاهم شي .... كل البلاوي على راسي .. طف المكيف بس راسي بينفجر
ناصر طفا مكيف السياره : سيف لاتتكلم لي بالاغاز تكلم لي بوضوح .. أي رجل انقاذ واي بلاوي اللي تتكلم عنها؟؟
سيف : ناصر .. انا قبل لاتكون زوج اختي اعتبرك مثل اخوي .. واتمنى كل اللي اقوله لك مايطلع .. تخليه سر بيننا
ناصر : افاااا ياسيف .. وانا من متى صرت افشي اسرارك
سيف : ناصر انا تعبت .. ليتني ماجيت من السفر كان ارحم لي واريح .. من جيت للرياض وانا حامل هم الشركه والقصر والمصايب اللي تصير
ناصر : سيف افتح قلبك لي وانا ماراح اتركك وراح اساعدك
سيف : يوم اقول لك اني عامل انقاذ ( علمه عن سحر وسالفة ابوها اللي يبي يزوجها غصب وسالفة غرق تسنيم )
ناصر : بصراحه سالفة سحر مو متطمن منها .. سيف انتبه لاتورط نفسك
اما بالنسبه لتسنيم ههههههههههههههههههههههههههههههه وربي هالبنت نكته
سيف : ناصر المشكله اني كذا مره اشوفها وبظروف مختلفه ... وكل مره اشوفها احس بشي غريب
ناصر : ؟؟؟؟؟ .... طيب وضح لي اكثر
سيف بتنهيده : اول مره شفتها كنت توني جاي من السفر والبيت مافي الا فهد وهي والخدم... كانت كنها طفله رابطه عيونها وتلعب مع اخوي فهد .. ضمتني تحسبني فهد .. اول ماشفت عيونها سحرتني ماودي انها ابتعدت عني .. لكن يوم عرفت انها زوجة اخوي فهد كرهت نفسي لاني نظرت لها بنظرة اعجاب
ناصر : طيب والمره الثانيه ؟
سيف : كنت بالحديقه الخلفيه لاني متضايق وغارق بتفكيري .. فجأه شفتها طالعه من باب المطبخ الخلفي .. جلست عند النافوره وكانت مغمضه عيونها .. قربت منها لاني ماعرفتها .. ذبحتني بجمالها .. ماقدرت استحمل اكثر وعاملتها بقسوه .. مادري ليه عاملتها كذا بس غصب عني مو قادر املك اعصابي لشفتها
ناصر : اكيد المره الثالثه اللي صار اليوم
سيف : ايه ... هذي المره يوم قربت منها وهي غارقه ... ضمتني بقوه ... حسيت اني ودي اضمها ( صار سيف يهز راسه بقوه يمين ويسار وكأنه يبي ينفض الافكار عن راسه وبعصبيه ) جننتني هالبنت .. هبلت فيني
ناصر : سيف .. حاول انك تكون بعيد عنها
سيف بعصبيه : وهذا اللي انا اسويه .. المشكله ان الظروف تقربنا اكثر
ناصر : طيب ليه ماتتزوج وتبعد تفكيرك عنها
سيف : هذا اللي بسويه .. عشان كذا قررت ..............بتـــــــزوج سحـــــر
**********
بعد اسبوعين
كان فهد نايم وصارت تسنيم تصحيه عشان يفطر وياكل علاجه
تسنيم : فهد
فهد :........
تسنيم : فهد يلله عاد قوم
فهد : .......
تسنيم خافت اول مره فهد ينام هالكثر شالت اللحاف عنه وشافت وجهه ازرق وحرارته مرتفعه
تسنيم : فهد حبيبي شفيك؟؟؟؟.... فهد الله يخليك فتح عيونك ..... فهد
راحت تركض تدور احد عشان يوديه المستشفى ... راحت غرفة عبد العزيز وهي تبكي وقالت له ان فهد تعبان وحرارته مرتفعه وجسمه صار ازرق
قام عبد العزيز بسرعه ووداه المستشفى
الدكتور : استاذ عبد العزيز
عبد العزيز : نعم دكتور
الدكتور: ممكن تجي معاي المكتب؟
عبد العزيز كان خايف من اللي بيقوله الدكتور ومتوقعه : ان شاء الله
الدكتور بعد صمت وهو يقرا نتايج التحليل اللي قدامه : طبعا انت عارف حالة فهد
عبد العزيز بحزن : للأسف ايه
الدكتور : العايله كلها عارفه بمرضه؟
عبد العزيز : الكل عارف بمرض فهد لكن .... ماحد يعرف بالسر الا انا وانت وامه
الدكتور : للأسف ... لازم الكل يعرف السر وهذا هو وقته
- الكتاب واضح من عنوانه .. سيف حس نفسه انه انجذب لتسنيم .. لكن صعب يحط عينه عليها وهي مرت اخوه
عشان كذا قرر انه يتزوج سحر >> السؤال هو .. هل سيف بيتزوج سحر وبيقدر يبعد تفكيره عن تسنيم؟؟
- فهد دايم تجيه نفس الاعراض من كان عمره 35 يتنوم يومين وبالكثير اسبوع ويتحسن حاله ويرجع بكل بهجه... ياترى هالمره بيرجع بكامل عافيته ام بتتدهور صحته اكثر؟؟؟
- وش هو السر اللي مخبيه عبد العزيز ومنيره عن الكل؟
مازالت الاحداث تزداد تعقيدا ولكن انتظرو الاجابه على هذه التساؤلات في البارت المقبل
((البــــارت الســـابع))
لا تبتعد عني يوم وتهجرني وتخليني
طلبتك والله يا أعز انسان
رجيتك لا ترحل عني يا مهنيني
أحبك والله حلفت برب الأكوان
أحبك والله يا نور عيني
عبد العزيز وعيونه تدمع : كيف اقول لهم كييييف؟؟؟؟
الدكتور : عبد العزيز .... فهد راح يقدر يقاوم ثلاث ايام فقط ... وبعده بيتوفى .. الافضل انك تخبر اخوانه وزوجته
عبد العزيز : لا يادكتور .. مابي احد يدري ... الكل بيلومني لاني خبيت عليهم .. ارجوك خل الموضوع قضاء وقدر
الدكتور : دام هذا قرارك انا احترمه وتطمن .. ماراح اقول لاحد شي
عبد العزيز : لاحول ولا قوة الا بالله .. الله يصبرني على مابتلاني
تسنيم : يبا طمني وش قال لك الدكتور ؟؟
عبد العزيز : خير ان شاء الله .. مافيه الا الخير
تسنيم : اقدر اشوفه؟؟
عبد العزيز بحزن : لا يابنتي .. الحين ممنوع .. بس ان شاء الله بعد يومين ثلاثه بيرخصونه
تسنيم : الله يشفيه ويرجعه لنا معافى .. يبا ادعي له ان الله يشفيه
عبد العزيز بحزن : ان شاء الله يابنتي .. ان شاء الله ... يلله نرجع
رجعو القصر .... دخلو الصاله وجلس عبد العزيز في حالة صمت وكان حاط يدينه على راسه
تسنيم : يبه شفيك؟؟؟
عبد العزيز بحزن : لا مافي شي بس راسي يألمني
تسنيم : اجيب لك بنادول؟
عبد العزيز : لا يابنتي .. الحين بروج غرفتي وآكل علاجي وان شاء الله بيخف
راح عبد العزيز غرفته وشاف منيره تسولف مع اختها بالجوال
منيره : اوكي ياختي مضطره اسكر .. مع السلامه ..
عبد العزيز كان متضايق :.....
منيره : وش صار؟.. طمني وش قال لك الدكتور؟؟؟
عبد العزيز بدا يبكي : فهد
منيره بخوف : شفيه فهد؟؟
عبد العزيز : ماراح يعيش اكثر من ثلاث ايام
منيره انصدمت من اللي قاله عبد العزيز وبدت تبكي بجون : يممه وليدي بيروح مني .. عبد العزيز تكفا ابي اروح له .. ابي اشوفه لآخر مره اهئ اهئ اهئ
فجأه سمعو تسنيم وهي تصرخ : لااااااااااااااااااااا وجلست على الارض جنب باب غرفة عبد العزيز وصارت تبكي بجنون
(عبد العزيز راح لغرفته ونسى جواله على الطاوله اللي بالصاله .. رن الجوال وشافته تسنيم .. خذت الجوال عشان بتوديه لعبد العزيز.. وسمعت عبد العزيز يبكي وبعدها قال لمنيره ان فهد ماراح يعيش اكثر من ثلاث ايام)
طلع عبد العزيز ومنيره من الغرفه : تسنيم وش فيك؟؟؟
تسنيم تبكي : يبا ليه تكذب علي؟؟.. لييييه؟؟؟
عبد العزيز والدموع ماليه عيونه (عرف ان تسنيم سمعت كل شي) : يابنتي هذا شي مكتوب .. والدكاتره من زمان عاطيينا خبر انه ماراح يعيش اكثر من اربعين سنه لان حالته الصحيه تسوء للأكثر
تسنيم مازالت تبكي : يبه ابي اروح له .. ابي اشوفه
عبد العزيز : طيب راح نروح له الحين .. جهزو نفسكم وانتظركم بره
منيره وتسنيم لبسو عباياتهم وراحو عالسياره
وصلو المستشفى وشافو فيصل وسيف وناصر وندى
كان شكل فهد يقطع القلب .. والاجهزه ماليه جسمه .. من تخطيط قلب ومغذيات واكسجين وغيرها
تسنيم اول ماشافته انهالت دموعها من المنظر اللي تشوفه راحت له وضمته وهي تبكي ولا اهتمت باللي كانو واقفين جنبها ويشوفون الموقف اللي قطع قلوبهم وخلاهم يبكون بألم
جا الدكتور وشاف الوضع : ياجماعه لو سمحتو ممنوع تتجمهرون على المريض .. وممنوع يدخل عالمريض اكثر من شخصين
طبعا تسنيم رافضه تطلع لانها اكثر وحده تحبه تحسه طفل وتعامله كأنه ولد لها مو زوج
ظلت ندى معها وتحاول تهديها لكن بدون جدوى.. طلعت ندى ودخل عبد العزيز وحاول يهديها ويطلعها من الغرفه ورفضت لكن هو اصر انها تطلع معه وقال لها ان ناصر وسيف يبون يدخلون يشوفون فهد ووافقت لكن بشرط انها ترجع بعدما يطلعون ووافق.. دخل ناصر وسيف ودخل معهم فيصل مسحو على راس فهد وباسوه وطلعو لانهم ماقدرو يشوفونه وهو بهالحاله وكانت عيونهم تدمع ..
دخلت منيره ودخلت معها تسنيم لانها ماقدرت تصبر .... صاح الجهاز حق تخطيط القلب اللي يبين عدم انتظام ضربات قلب فهد وجاو الدكاتره بسرعه وطلعو تسنيم ومنيره فجاه .... طوووووووووووووووووووووووووط
وقفت ضربات قلب فهد وتعالى الصراخ من تسنيم ومنيره وندى .. سيف وفيصل وعبد العزيز وناصر صارو يحاولون يهدونهم وبعدوهم عن الغرفه وودوهم غرفة الانتظار
الدكتور : بسرعه زيدو الشحنات الكهربائيه ( وبدا يحط الشحنات على صدر فهد على امل ترجع دقات قلبه)
الدكتور : عطوه ابره في القلب بسرعه عشان ينشطونه .... ويشحن الجهاز مره ثانيه ويحطها على صدر فهد
لكن بدون جدوى
الممرضه : دكتور
الدكتور وهو يناظر الممرضه : ..
الممرضه تهز راسها بفقدان الامل : فقدناه يادكتور مافي فايده .. شالت الممرضه الاجهزه الموصله بفهد وسحبت الشرشف الابيض وغطت وجهه
الدكتور : لاحول ولا قوة الا بالله
ــــــــــــــــــــــــ
منيره وهي تبكي ورافعه يدينها بترجي : يارب نجي ولدي .. يارب انك تقومه بالسلامه بقدرتك يارحم الراحمين
تسنيم وهي تبكي كنها حاسه انها ماراح تشوفه بعد اليوم : تكفون خلوني اروح له .. بروح اشوفه للمره الاخيره بس ارجوووكم تكفوووون
عبد العزيز بصرخه : تسنيم خلاص يكفي يكفي
سيف وناصر وفيصل كانو جنب غرفة فهد ينتظرون لين يطلع الدكتور
الدكتور وعلى وجهه علامات الحزن وهو طالع من الغرفه ناظرهم وهو يهزراسه بمعنى مافي فايده : .............
سيف : دكتور اخـــ....وي مـــــــــــــــــــــــ...ــات ؟؟؟؟؟؟؟
الدكتور : اخوك تحت رحمة ربه الحين.. ادعي له بالرحمه والمغفره
سيف طاحت رجوله وماعاد تقدر تشيله وانهار وبدا يبكي
عبد العزيز سمع صياح سيف وهو يصارخ لاااااا انتو كذابين اخوي ماماااات وناصر وفيصل ماسكينه ويهدونه راح له عبد العزيز على طول وحاول يهديه بعد وطلب من ناصر انه يوصل سيف وتسنيم وندى ومنيره للقصر
اما تسنيم فكانت ضامتها ندى بعد ماعرفو وكانو يبكون .. تسنيم تبي تروح لغرفة فهد بس ندى ماسكتها لين جا ناصر وهو ماسك سيف اللي منهار وطلب من ندى تطلع ومعاها تسنيم ومنيره ...
وصلهم القصر
سيف جلس بغرفته وقفل الباب على نفسه وجلس يبكي على اخوه
***
عودتني على حسك وضحكتك
وخذيت دنيتي بحبك ولهفتك
يعجبني فيك صبرك وطبعك وذوقك
ويغلبني فيك ردك وطيبك وشورك
يسعدني قولك
وينك؟و؟وشلونك؟ ويحرجني حرصك ووصلك وجودك
توحشني كلك بقلبك وذوقك وحبك...
تسنيم قفلت على نفسها الغرفه وكانت تناظر بسرير فهد اللي يذكرها فيه ومقطعه نفسها من البكي
ندى جلست مع امها تهديها بالصاله وصارت تقرا على امها ايات قرآنيه وتنفخ عليها
فيصل وعبد العزيز ظلو بالمستشفى عشان يكملون باقي الاجراءات
الكل عرف بخبر وفاة فهد والكل حظر العزا ... بعد ماخلص العزا
بعد العزاء باسبوعين
عبد العزيز : سيف .. اخوك والله يرحمه .. كلنا مكتوب علينا هالشي (كل نفس ذائقة الموت) ولا احديعارض حكمة الله في هالدنيا .. انت بحبستك لنفسك بغرفتك كنك تعارض حكمة الله
سيف والدموع بعيونه : استغفر الله العظيم... انا مو معارض كلام ربنا .. بس مو متخيل نفسي يمر يوم وانا ماشوفه تعودت عليه يبا تعودت علييه وحظن ابوه وهو يبكي
عبد العزيز : ياولدي .. كلنا افتقدناه وكلنا نحبه وتعودنا عليه.. تعوذ من ابليس ويلله قوم كل لك لقمه تراك لك فتره ماتاكل زين .. ليمتى على هالحال؟؟
سيف يمسح دموعه : ان شاء الله يبه
عبد العزيز : ترا انا خلاص مليت .. القصر صاير كنه مهجور لاحس ولا حركه
سيف : من وين الحس والحركه واللي مالي البيت بصوته وضحكه راااح
عبد العزيز : البركه فيكم ياعيالي تملون البيت بعيالكم
سيف : .........
**********
منيره وهي تنادي الخدم يفتحون الباب
الخدامه : مين؟؟
........ وهو يطالع في القصر بكل شبر فيه : وين عبد العزيز الـ.......
الخدامه : مين اقول له؟؟
----------: قولي له سالم الـ.... ابو تسنيم
الخدامه : اوكي بابا تفضل ... دخلته المجلس اللي ابهره بكبره وفخامة الاثاث الموجود فيه
سالم بضحكة سخريه : والله ياتسنيم وعايشه عيشة الاغنياء (وبابتسامه خبث ) صرتي احسن من ابوك .. بس ماراح يدوم هالعز اللي انتي فيه >>> حاسد بنته
عبد العزيز دخل المجلس : السلام عليكم
سالم فز من مكانه : وعليكم السلام (وباس راسه ) أنا آسف ماقدرت اجي عشان عزا ولدك وزوج بنتي .. وبحزن مصطنع .. عظم الله اجرك .. لولا ظروفي كان جيت في الوقت المناسب
عبد العزيز : تفضل اجلس
صب الخادم فنجان قهوه لعبد العزيز وبعدها قدم فنجان لسالم
سالم : طال عمرك انا جاي آخذ بنتي للشرقيه .. يعني مالها سنع بوجودها هنا وزوجها ميت
عبد العزيز بعصبيه : انت باي صفه تتكلم جنبي بهالطريقه؟؟... ومن قال لك ان تسنيم مالها سنع بالقصر؟...
عبد العزيز وهو يأشر بصبعه على وجه سالم ويده ترتجف من الغيض : اسمعني زين .... تسنيم راح تبقى هنا بالقصر
سالم : بس هذي بنتي والمفروض بهالوقت تكون بيت ابوها
عبد العزيز : وانا بعد ابوها ومستحيل راح ارضى تكون بره القصر انت فاهم؟؟؟؟؟
سالم وهو بدا يرفع صوته : بس انا ماراح اطلع الا وتسنيم معي ولا بروح اقدم شكوى عليك
عبد العزيز يستغرب من كلام سالم : انا تقدم علي شكوى؟؟؟؟؟
سالم : ايه اقدم عليك شكوى .. هذي بنتي ومن حقي آخذها معاي
عبد العزيز وهو يحاول يهدى : سالم .. البنت للحين في صدمه ... انتظر لين تهدا على الاقل
سالم : يعني لين متى تبقى عندكم ... لالالا انا ماراح اطلع الا بـ بنتي
عبد العزيز : سالم .. مو مشكله انا بخليك تاخذ بنتك بس مو الحين .. على الاقل بعد شهر لين تهدا نفسيتها
سالم وهو يبتسم ابتسامة نصر ويشرب قهوته بكل ثقه : مو مشكله بخليها شهر .. بس بشرط
عبد العزيز : ؟؟؟؟؟؟؟؟؟؟
سالم : انا محتاج مبلغ محترم لاني مفلس .. ياليت تكتب لي شيك بكم ريال عشان ادبر نفسي بهم هذا اذا تبي تبقى تسنيم في بيتك شهر
عبد العزيز وهو معصب : طيب ياحقير .. كم تبي؟؟
سالم وهو يفكر بالمبلغ : امممممم .. مية الف مبلغ حلو
عبد العزيز : انا موافق بس بشرط
سالم : وشو ؟
عبد العزيز : راح احرر لك شيك بمبلغ مية الف لكن راح اكتب عليك ورقه انك استلمتها وبنفس تاريخ اليوم
وراح يكون عليك شهود .. موافق؟؟؟
سالم بعد تفكير : موافق
كتب الشيك وفيه مية الف ريال وكتب ورقه بنفس تاريخ تسليم الشيك ووقع سالم انه استلم المبلغ
اما عبد العزيز خلا اثنين من رجاله يشهدون ان سالم استلم المبلغ .. وطبعا سالم جاهل لايقرا ولا يكتب ولما شاف الشيك فرح فيه ..
عبد العزيز كتب في الورقه انه عطا سالم شيك بمبلغ مية الف ريال وعطاه مبلغ نقدا تسع مية الف ريال يعني يصير المجموع مليون ريال وان هالمبلغ دين عليه بعد شهر
سالم كان متشقق من الفرح وقع على الورقه و قام على طوله وهو طالع من المجلس : المهم بعد شهر اكون على باب القصر وتكون بنتي جاهزه
طلع من القصر حتى مافكر يشوف بنته او يسلم عليها وكل تفكيره كان بالفلوس وبس
عبد العزيز كان معصب من طريقة تصرف سالم : طيب ياسالم اذا ماخليتك تكره الفلوس ماكون عبد العزيز الـ......
*********************
ندى دخلت غرفة تسنيم وتفاجأت بشكلها : تسنيم حرام عليك اللي تسوينه بنفسك .. شوفي شكلك كيف صاير .. وربي شكلك يعور القلب
تسنيم كانت جالسه على سريرها وضامه رجلينها على صدرها وعيونها صار حواليها اسود من الارهاق والبكي وشعرها مو مرتب
ندى : انا لازم اشوف حل وياك .... وهالغرفه من اليوم بتطلعين منها
تسنيم : مستحيل .. مارح اطلع من هالغرفه
ندى : بتطلعين غصب عليك .. اجل عاجبك حالك ومنظرك؟؟؟... راح تكون لك غرفه غير هذي
تسنيم بحزن : ندى
ندى : هلا
تسنيم : ندى مافي داعي تغيرون غرفتي .. ابوي بيجي اليوم ياخذني الشرقيه
ندى بصدمه : وشو؟؟؟... ابوك؟؟؟.... ومن قال انك بتروحين بيت ابوك؟؟
تسنيم : امي كلمتني وقالت لي ان ابوي بيجي اليوم عشان ياخذني وانا جهزت اغراضي
ندى : مو معقوله ... طيب على الاقل لين تخلصين الحداد
تسنيم : أي حداد الله يهديك .. انا للحين بنت .. انتي فاهمه قصدي
ندى بتنهيده : طيب انا راح اعطي ابوي خبر عشان يستعد لمواجهة ابوك الظالم
**********
ناصر : سيف وينك؟؟ ... من اليوم ادور عليك
سيف : يعني وين بروح .. هذاني بالبيت
ناصر : والشركه؟؟.... ماشوفك تروح للشركه
سيف : بكره الصباح ان شاء الله
ناصر : طيب انا بكره بمرك بالشركه
سيف : هاه !! وش عندك؟؟
ناصر : ابد والله بس ودي اتفرج ضيف يعني.. والا في مانع.؟؟
سيف بابتسامه : لا ابد مافي مانع .. الشركه واللي فيها كلها تحت امرك يالنسيب
ناصر: ايه احسب بعد
سيف بابتسامه : ياثقل دمك بس
ناصر : ههههه.. ايه الحين انت سيف اللي اعرفه .. يارب تدوم هالابتسامه ولا تفارق شفاتك
سيف : ............
عبد العزيز : شعندكم جالسين هنا لحالكم .. مسويين اجتماع؟؟؟
ناصر : لا ياعمي كنا نخطط على جريمه
عبد العزيز .. جريمه؟؟؟... الله يستر بس .. اعرفكم تسوونها مشاغبين من صغركم وانتو جرايم
ناصر وسيف : ههههههه
ندى داخله عرض : هاااي
ناصر وسيف وعبد العزيز : هلا
ندى وحاطه يدينها على خصرها : الله الله بس.. على الاقل كان عزمتوني ماراح اقول لا
ناصر : وش نعزمك عليه هاه؟؟؟
ندى : يعني الحين انتو متجمعين وسوالف وشاقين الضحكه .. مستخسرين علي اجلس وياكم؟؟؟
ناصر : ابد ياحبيبتي ودي عزمناك بس مثل مانتي شايفه مافي الا ثلاث كراسي .. وين نحطك فيه؟
ندى بدلع : عادي بجلس على الطاوله
ناصر : معقوله تجلسين على الطااوله وحظن زوجك فاضي؟؟
ندى انحرجت من رد ناصر واحمرت خدودها : ياربي منك ... المهم انا مو جايه اجلس.. ابي اكلم ابوي على انفراد
سيف : توك تقولوين مافيكم خير تعزموني والحين بتكلمين ابوي على انفراد؟؟
ندى بدلع : والله عاد انا بكيفي .. يبا ممكن ؟؟؟
عبد العزيز كان يطالع فيهم وهم يتكلمون وفرحان لان الابتسامه رجعت لهم : خلاص انتي روحي الصاله وانا بلحقك الحين
ندى : ان شاء الله يبا
دخلت ندى داخل القصر ولحقها عبد العزيز
عبد العزيز وهو يجلس : وش كنتي تبين تقولينه؟
ندى بتنهيده : مادري من وين ابتدي .. بس بصراحه تسنيم.......
عبد العزيز بكل برود وهو يسند ظهره على الكنبه : شفيها؟؟
ندى : تقول ان ابوها راح يجي اليوم ياخذها معاه الشرقيه
عبد العزيز بنفس البرود : ابوها جا اليوم ورفضت ياخذها معاه
ندى بفرح : صحيح؟؟؟... وهو وافق؟
عبد العزيز وقف على طوله واتجه للدرج لانه بيروح غرفته : تسنيم راح تبقى بهالقصر على طول..لاتحاتون
ندى راحت تركض لابوها وباست راسه بخبال لدرجة انه بغا يطيح من رجتها : مشكور ياأغلى ابو بالدنيا
عبد العزيز وهو يكمل طريقه : هههههههههه
ندى : تسنيم تسنيم .. عندي لك خبر ينشرى بفلوس
تسنيم :؟؟؟؟؟؟
ندى : راح تضلين عندنا على طول وهالغرفه بتتسكر وبتكون غرفتك هي نفسها غرفتي الاوليه
تسنيم بحزن : ندى ... اول شي من قال لك اني بضل هنا على طول؟
ندى : ابوي قال لي ... وكان ابوك موجود اليوم وكلمه ابوي انك ماراح تطلعين من هنا
تسنيم : بس غريبه .... ابوي انا اعرفه كان مصر انه ياخذني معاه كيف غير رايه بسرعه؟؟؟
ندى : مو مهم كيف غير رايه .. المهم انك راح تكونين معانا على طول .... يلله قومي جهزي اغراضك لان هالغرفه فيها ذكريات حزينه .. ومابي هالجمال يذبل اكثر من كذا ... يلله قومي
تسنيم : لا ... ماراح اطلع من هنا
ندى : شنو لا مو بكيفك .. وبعدين لاتنسين ان ابوي هو اللي يبي هالشي وهو اللي قال لي اني اطلعك من هالجحر اللي حابسه نفسك فيه
تسنيم : ندى الله يخليك مابي
ندى باصرار : مافيه... تطلعين يعني تطلعين يلله قومي
غصبتها ندى وخذتها معها للغرفه ثانيه افخم .. وخلت الخدم ينقلون كل اغراضها بالغرفه الثانيه
ندى : شرايك بهالغرفه؟؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك