رواية عذبتني باسباب فرقاك -45
سااره انا على الاقل انزل مرة كل 3 او اربع شهور .. بس انت ما تنزل كلش .. هالمرة طولت لاني اصفي حساباتي .. تعرف ماما قبل لا تموت كتبت لي كل ممتلكاتها ..
بدر ضحك وقعد مرة ثانية هه .. كل اللي جمعته بهالسنين راح لج ..
ساره مرت عليها ذكرى امها عاشت معاها شهرين لانها كانت تعاني من اللوكيميا حاولت تعوضها لو بجزء صغير انها تورثها كل ممتلكاتها انا والله ما ابي فلوس .. الفلوس شمسوية لنا .. حارمتنا من السعادة .. شوف حالتي وحالتك وحالة مي وأمير ويوسف كلنا عندنا فلوس بس دمعتنا دوم على خدنا .. حتى مريم على كثر الفلوس والملاايين اللي عندهاا بعد مو نافعتها بشي لا صحة وقرب حبيبها .. ليلاااه الصغيرة بعد مو نافعتهاا الفلوس امها بصوب وابوهاا اللي تركهاا وهي بلفتهاا ولا سأل عنهاا حتى اسمه ما عطااها .. نكرها ولا اعترف فيهاا بعد مو نافعتهاا الفلوس مع ان امهاا تحاول تعوضهاا .. وانت تعرف شكثر مريم وأمير عندهم فلوس بس بنتهم مو قاادرين يجتمعون فيهاا .. انا بس ماما كسرت خااطري لما كنت أمر على بيتها ما كنت ألقى أحد كان ظلام مهجور .. ولما سألت عنها قالولي انها مريضة ومحد ظل يمها كل ربعها تخلو عنها .. رحت لازمتها ما كانت مصدقة اني انا ساره اللي قطتها أكثر من عشرين سنة الوحيده اللي بقت معاها لحد ما ماتت .. تصدق أول مره ادخل كنيسة يوم دفانها .. بصرااحة حسيت نفسي بفلم اجنبي ..
بدر وهو سااح نفسه على الكرسي هه .. زين اللي طلعتي من ورااها بشي عدل .. زين صفي حساباتج وردي ..
سااره قعدت يمه على الكرسي الثااني برد بس مو الحين ..
بدر رفع رااسه على ورى وهو عااقد حواجبه شتنطرين ؟؟
سااره تنهدت بضييق يــــوسف .. انطر يوسف يتزوج ..
بدر لف جسمه عليهاا واذا ما اتزوج بظلين هني بروحج لمتى ؟؟ لا يا سااره انتي صارلج أكثر من ثلاث سنين عايشة هني بروحج .. ويوسف لو يبي يتزوج غيرج جان تزوج من زماان ..
ساره ابتسمت لان صورة حبيبهاا في عيونهاا وانت بعد يا بدر لو صج تبي تتزوج بنت خالتك كنت تزوجتها من زمان .. انت للحين تحب مي .. مو قادر تنساها ولا تنسى اللي صاار ..
بدر من ياابت اخته طااري مي جلس قعدته ولمعت عينه بس مسك دمعته خلااااص يا ساره ..
سااره حست بتغيير نبرة صوت اخووهاا تحمست للموضوع وراحت قعدت يمه ومسكت جتووفه مو خلااااص يا بدر .. مو خلاااص .. انا جم مره وريتك التقرير .. مي للحين عذراء .. ما لمسها النذل ..
بدر غمض عينه ما يبي يتكلم بالموضوع خلااااص يا ساااره
سااره تضاايقت على حاال اخووهاا ليييش .. حراام عليك تضيع الباقي من عمرك .. ارجع يا بدر .. لا تظلم عمرك وتظلمها معااك .. مو كفااية دمروكم وخربوا عرسكم .. انت أكثر وااحد تعرف ان مي مظلوومة استدرجها بحجة العلاج وسوى اللي يبي يسويه فيهاا .. حتى بنفسك قلت لي انهم سوو كل هذاا عشان تروح وتشوفها بهالمنظر وتطلق ..
بدر صرخ في ويهها خلااااااص يا ساااره .. قلتلج مو راجع .. خلينيي على راحتي ..
سااره رفعت صوتها قلتلك مو خلاااص .. مو خلاااص .. انت لازم ترد او تروح تتزوج بنت خالتك .. ما يصير تقعد جذي ..
بدر بخنقه خلااااص .. من ارد ايران اتزوج بنت خالتي ..
ساره حزنت على حال اخووها يقوولهاا وكأنه راايح يمووت مو يتزوج منت مجبور يا خووي ...
بدر دمعت عينه خلااص مو قادر يكابر أكثر ساااره ارحميني .. انا ما اقدر ارجع لها وانا اتذكر شكلها وهي على السرير نايمة يم غيري حتى لو ما صار شي بينهم .. مي كانت مسترة نفسها باللحاف .. وانا ما اقدر انسى يا سااره .. ما اقدر .. ما اقدر
سااره انقهرت على رفيجتها حراام هي ما لها ذنب هو خدرها وسوى سوااته فيهاا وفيك ..
بدر متجهة لناحية الباب خلاااص الموضوع انتهى .. وانا من ارد ايران بخطب بنت خالتي وبتزوجها .. وانتي بعد اذا شفتيها اقنعيها تقطع الرجى مني وتشوف حياتها ..
سااره بضييق بس هي ما تبي غيرك يا بدر .. كانت خايفه يكون لمسها .. ما تبي احد يلمسها غيرك .. مي تحبك بجنون .. لاتسوي فيهاا جذي ..
بدر يحاول يتصنع الابتساامة مع ان الحزن غالب على ملامحه انا ماااشي باقي على رحلتي ساعتين يالله ألحق .. واذا رتبت حق زواجي بخبرج عشان تيين وتيبين فطوم معااج ..
وصل البيت ونزل بسرعة دخل الصالة يناادى ماما ااااااااااااااا.. ماما اااااااااااا .. نــــــــــــــور ..
نزلوا بسرعة من فوق الدرج وأمه حاطة يدها على قلبها أول مره يوسف يكلمها من بعد اللي صاار شصااير ماما ؟؟ شفييك ؟؟
يوسف مسك يد امه وجراها قعدها على اقرب كرسي ماما .. ماما اتوقعي من شفت اليووم ؟؟
يتبع
يوسف مسك يد امه وجراها قعدها على اقرب كرسي ماما .. ماما اتوقعي من شفت اليووم ؟؟
أم أمير عيونها تتنقل بينه وبين نور مو فااهمة شي مستغربة سر حماسه وفرحته مــــ ــا ادري ؟؟ من شفت ؟؟
نور نفذ صبرهاا يويو .. لا تسوي جذي قووول بسررعة من شفت .. ما صدقنا على الله تكلمنا وتعطينا ويه .. ياااالله مافيني صبرر ..
يوسف وقف يضحك هه ههههه ..
أم أمير زادت حيرتها ماما شفييك تضحك بروحك ؟؟ قوولنا من شفت وخلصناا ..
يوسف بضحكة شفت ليلااااه ..
نور وهي عااقده حواجبهاا وعيونها على امهاا من ليلاااه ؟؟
يوسف زاد حمااسه بنت أمير .. ماما شفتها كبرت وحلوت ..
وصار يأشر لهم صارت هــــالكبر .. تينن ماما .. لو تشووفينها تقولين أمير ... كل حركاته ونظراته وعنااده .. عيونها مثل عيونه بس شعرها مثل امهاا .. ماما انا شفتها وانهبلت عليهاا ..
أم أمير عيونها غرقت بالدموع بس ما نزلت منهم ولا دمعة كانت تسمع كلام يوسف عن حفيدتها وقلبها متوجع عليها ودها تنطق وتسأل أكثر بس مو قاادره
نور اندمجت معااه اللللاااااااااي .. خاطري اشووفها .. اسمهاا بس ينن .. عيل شكلها اشلوون ..
يوسف ولا الغمازات اللي بخدودها .. كل شي فيها حلوو .. من ورى مريم بحجم صغيير وجدام أمير .. نسخة من أميير
تنهد بضييق بس الزين ما يكمل ..
نطقت أمه ليييش ؟؟ شفييها بنت ولدي ؟؟
يوسف قعد يم أمه ونزل راسه لو سمعتي اللي سمعته جاان تقطع قلبج عليهااا ..
أم أمير لطمت يدها على صدرها شسمعت ؟؟
يوسف زفر من قلب تهاوشت مع امها وصااحت .. ولما امها يت ترااضيها قالت لها اطلبي اي شي تبينه بشتريه لج .. قالت .. اشتري لي ولد كبير يمشي معانا .. طلبت من امها تشتري لها ابوو .. ومريم من سمعتها حملتها وصارت تركض فيهاا حطتها بالسياارة وردتها البيت ..
أم أمير دموعها نزلوا ما قدرت تمسكهم اكثر حطت يدها على فمها وقعدت تصيح بقهر ونور حاضنتها من جتوفهاا تهديهاا
يوسف وقف ومسح ويهه بيده مو على كيفه بيرد وبيعترف بالبنت .. احنا ما تربينا نييب عيال ونقطهم ..
طلع مرة ثانية وهو محتاار اشلون يخلي اخووه يرجع ويعترف ببنته
في بيت مريم
سكرت سستم الصوت بالرموت فطووووم .. بس خربتي بنتي .. شوفيها اشلوون صاارت رقااصه .. مشغل لها الاغاني طول اليوم .. حتى واحناا رااقدين عنبواا ما تشبعين ..
فااطمة وهي تلف الشال على خصر ليلاااه هذاا فن حبيبتي شعرفج انتي ؟؟ .. شنو خربتها ما خربتها .. يالله ليلاااه .. ابيج تسوين هالحركة .. مو تنطين مثل اليهاااال .. لا انتي ستاار .. انتي كبيرة مثلي .. واحناا رفيجاات .. لازم تورينا ابداعاتج ..
سحبت الريموت وشغلت الميوزك مرة ثاانية وصاارت تعلم في ليلاااه اشلون تهز خصرهاا
مريم طفشت منهم وراحت فوق غرفة مي دخلتها بدون ما تطق الباب لانها سمعت صوت ونتهاا فتحت الليتات وراحت قعدت يمهاا على السرير كانت متكورة على نفسها كعادتها وتشكي همها لربها .. قربت منها أكثر وخذتها في حضنها بس يا مي .. ما خلصوا دموعج .. ما تعبتي .. حرااام علييج نفسج .. ذبلتيييي .. كافي عذااب .. بدر راح في حاله انسي ... انسيه يا مي .. وانسي اللي صاار .. ترى والله ما يستااهلج حبيبتي .. بتلقيين اللي احسن منه ..
مي على حالها تشااهق وتصييح بس هو ما كان غلطاان يا مريم .. من حقه يروح وينسااني .. بس انا اللي ذابحني الشووق بمووت مو قاادره اتحمله .. خااطري اشووفه ..
رفعت روحها من حضن مريم ورفعت مخدتها شوفي .. شوفي
رفعت صوره بيدينها حتى صوره ذابت على كثر ما ابتلت بدموعي .. أحبه يا ربي .. احبه بموووت من حبه .. يااريت الله ياخذ روحي وارتااح .. ابي اموت انا ما اتحمل اعيش اكثر .. مريم والله قااعده اختنق والله .. ابي اشوفه لو من بعيد .. أكثر من ثلاث سنين ما شفته .. اشتقت له .. حتى اسمه مو قاادره انطقه ماعندي جرأه .. ما اقدر اقوله .. يعورني قلبي .. والله ما اقدر اقووله والله .. هــــــاهئئئهـــــاهئئئ .. أحبه ياااربي والله أحبه ..
صاارت تشااهق وحاسة نفسها بتختنق مريم خافت عليها ركض لدرج الكميدين وطلعت منه حبوب المهدئ اللي تاخذه وشربتها من حبه وحده وحطت راسها على المخده وقعدت تمسح على شعرها بهدوء
وهي الثانية دموعها خانوها ما تدري على حظ رفيجتها ولا على حظها هي واللي سمعته من بنتها اليوم وقعدت تتألم بنفسهاا ياريت انا عندي صور مثلج ياا مي حتى صوره ما عندي .. اخااف اطلع صورته ما اتجرأ .. اخاف ليلاااه تشوفها .. أمير ليش سويت جذي مروا أكثر من ثلاث سنين ونص ..حتى لو انا اللي انحشت بس مردي بردلك .. ليش ساافرت ولا رديت .. سافرت ولا سألت عني ولا عن بنتك .. بنتك حبيبي اكبرت وصارت تسأل عنك .. يااريتني اقدر انساااك مثل ما نسيتني .. ياريت اقدر افصل روحي عن روحك .. والله تعبت من الصبر ..يااارب عطني القوه والصبر مو عشااني عشان هالبنت المسكينة .. شذنبها يكون مصيرها جذي .. أمير ارجع حبيبي .. ارجع انا بمووت من فراقك .. بموت على شوفتك .. اشتقت لكل شي فيك .. اشتقت لعيونك ونظراتك .. وعصبيتك .. ارجع صرخ علي وبعدها اخذني بحضنك تراضيني مثل كل مره .. أحبك والله أحبك .. تعبت وانا اشوفك في بنتك .. ابي اشوفك انت حبيبي .. انت .. معقولة انا انتهيت من حياتك وما بترجع لي خلااااص ..
طفش من كثر الالحاح خلاااااص انا الصبح كلمت امي وقلت لها اسبوعين بالكثير وبحاول اييكم اجازه ..
يووسف اسبوعين واايد يا خووي .. انا محتاجلك .. ابي اتزوج وما عندي احد يخطب لي ..
أمير زفر بضييق تتزوج من ؟؟ وسااره يا يوسف ؟؟
يوسف سااره راحت وما راح ترجع .. رااحت تبيع نفسها .. وانا مستحيل ارتبط بوحده صاار لها أكثر من ثلاث سنين عايشة برى بروحها ..
أمير استسلم خلاص انا عندي اجازه بنزل يومين وبرد .. عشاان مناقشتي .. بس ما ابي احد يفتح لي ملفاات قديمة انا نسيتها من زماان .. سامعني ..
يوسف تنهد برااحة وابتسم ابتساامة نصر يومين .. يومين .. بس اهم شي تيي .. وعلى امرك محد بيكلمك في شي .. واذا ما تبي تقعد معانا في البيت روح شقتك او بيتك صدقني محد بيزعجك ..
لحظة صمت بين الطرفين
وبنفسه انا اوريك اشلوون ترد .. وما تقدر تسافر ..
أمير بنفسه اي بيت و أي شقة بكل مكان لها ذكرى .. وين ما اروح بلقى شي يذكرني فيهاا ..
أمير زين انا بطلع من هني يوم الخميس يعني بوصل عندكم الجمعة العصر والاثنين راجع ..
يوسف زين .. ما اعطلك عيل .. تحمل بروحك ..
أمير على خير ..
سكر التلفون ورمااه بقوه على فراشه وبعدين معااج يا مريم متى بقدر انسااج واشيلج من قلبي .. صارلي 3 سنين وسبع شهور ما نزلت البحرين بس عشان انسااج .. لكن ما نسيت ..
ضحك على نفسه يتمسخر هه أصلا لو بقدر انسااها ما كنت حاسبها بالسنوات والشهور والايام بعد ..
انسدح على فرااشه ولم رااسه بيدينه شسوي بقلبي ياربي .. شسوي بروحي .. انتي بعتيني وشريتي بثمني بنتج .. انا أمير ارخصتي فيني وفي حبي عشاان هذي ..
قعد نص قعد اخذ نفس يحااول يقنع نفسه يالله مو مشكلة يومين وارد ارجع .. تهوون .. بحاول اشغل نفسي بأي شي .. كلها 48 ساعة يا أمير .. مريم رااحت .. مريم مو موجوده بحيااتك .. انت حيااتك لشغلك ودراساتك وبحوثك ..
نزلت دمعته ما قدر يتحمل أكثر ويهز راسه بهستيريا لااا .. لا تقص على نفسك يا أميير .. مريم كل حياتك .. مريم حبك الاول والاخيير .. ياارب صبرني .. يارب تعدي نزلتي على خير بدون ما اشوفها ولا اسمع عنها شي ..
يوسف بعد ما سكر التلفون وقف السياره في الحديقة ونزل بخطوات واثقة على الباب يطق الجرس
فتحت له الباب هي للحين لافة الشال على خصرها فتحت عينها مو مصدقة يووووووووسف ؟؟!!
يوسف ابتسم لها ودخل
من دخل طارت عينه على بنت اخوه اشلوون قااعده ترقص وتهز على صوت الموسيقى
فاطمة انحرجت وفتحت ربطة الشال اللي على خصرها حيااك .. الحين بناادي مريوم ..
وطارت على الدرج تناادي مريم
وهو تقدم بخطواته وصار واقف ورى ليلاااه وهي ترقص ولا دارية بأحد
فااطمة فتحت غرفة مي بقوه لانها دورت على مريم بغرفتها ما لقتها فقالت أكيد مع مي وأول ما فتحت مريم خزرت فيها لان مي بالغصب ناامت وهي أشرت لها انها تطلع برى عشان تكلمها
مريم طلعت وسكرت الباب بالراحة وتحاول تنزل صوتها على قد ما تقدر ومن بين اسنانها شتبيييييييييين ؟؟؟؟
فاطمة سحبتها من يدها تعااالي شووفي من اللي ياي ..
مريم مستغربة ومن اللي بيينا .. محد يزورنا كلش ..
فاطمة سحبتها على الدرج تعالي وانتي تعرفيين ..
مريم صارت بنص الدرج انصدمت من المشهد اللي جداامها
يوسف قااعد وحاط بنت اخوه على حضنه ويسوولف معااها وهي تضحك زيين كمليي .. بعدهاا شصاار ؟؟
ليلاااه مندمجة بالسالفة وتماايل برااسها يمين ويساار ما صاار ولا شي .. نثنك هاابند .. بس انا ومريووم ......
قاطعها وهو راافع حاجبه ومستعجب منهاا من مريووووم ؟؟
ليلاااه فتحت عينهاا تحاول تفهمه وهي تأشر بيدينها شفييك مريوم رفيجتي ..
قرص خدها توج تقولين مامي .. شلون صارت رفيجتج ..
ليلاااه تنزل صوتها وتحط يدها الصغيرة على فمها هذااا سر .. ذس از ذا سييكرت .. مريوم ماما جست هيّر .. بس هني .. دونت تلل أني وون ذس .. لا تعلم احد .. احنا كلنا ربع .. انا و مريوم و ميوو و فاتييي ووووو سوسو بعد ..
يوسف شهق بقوه من سمعها تقول سوسو وبنفسه سوسو .. ليش وينها سوسو ؟؟؟ وينهاا حبيبتي ... آآآه ياا قلبي اشتقتلج وين ما انتي ..
مريم نزلت بسرعة وسحبت بنتها من فوق حضن عمها يالله ليلاااه .. قوو توو يوور روم .. الحين موعد نومج ..
يتبع
مريم نزلت بسرعة وسحبت بنتها من فوق حضن عمها يالله ليلاااه .. قوو توو يوور روم .. الحين موعد نومج ..
ليلاااه طالعت امها بنظرة مريم حافظتها اذا بنتها تبي شي تطالعها بهالنظرات مااااااااامي .. بلييييييز .. آي ونت ات .. مو انتي قلتي .. يوو سيياد ذاات .. اشتري اللي تبينه .. اكا هذا كبير .. خليه ايي معانا نمشي احنا الثلاث انا وانتي وهو .. بلييييييييز مااامي .. بليييييييييييز ..
يوسف حس بصعوبة موقف مريم وكسرت خااطره بنت اخوه دار بجسمه ما يبي يحرجهم أكثر ..
مريم غمضت عينها وتنهدت بضييق بنتها للحين تلح على نفس السالفة راحت ونزلت جسمها لها روحي غرفتج .. ولا تخليني افقد أعصاابي اكثر ..
يوسف دار لها خلييها يا مريم انا ياي اشووفها هذي بنتــ ..........
قاطعته بحدة هذييي بنتي اناااا .. سمعت يا يوسف بنتي انا بروووحي .. بليييز لا تقوول كلااام غير هذاا جداام بنتي ..
وصرخت على فااطمة فااتي وديها غرفتها ..
فاطمة نزلت لليلاااه وحملتها عشان توديها فوق ومريم ويوسف يتكلمون على راحتهم
في صباح اليوم الثااني
خلصوا من رياضتهم اليومية وكل وحده خذت لها شااور
مريم نزلت وهي لابسة بدلتها الرسمية السوده ماركة شانيل ولافة سكارف خفيف على رقبتها ورافعة شعرها كله بطريقة تسريحة عملية قعدت على الطاولة لقت مي تنطرها ولابسة لبس يشبه لبسها تقريبا صبااح الخيير ؟؟
مي من غير نفس هلا مريم .. صبااح النور ..
مريم بدون مقدمات البارحة يه يوسف ..
مي نزلت كوب الحليب بقوه من اثر صدمتها أي يوسف .. يوسف كراشي .. يوسف أخو أميير ؟؟!!!!
مريم هزت راسها بضييق اي .. يوسف كراشي .. اخو أمير وحبيب ساره ..
مي دارت على مريم وبان عليها الاهتمام شيبي ؟؟!!!!!!!!!!
مريم ضاعت عينها في الفراااغ وهي تتذكر اللي صاار البارحة
يوسف وعيونه على الدرج لحد ما غاابت ليلاااه عن انظااره لا يا مريم مو بنتج بروحج .. هذي بنت كراشي .. بنت محمد أمير أخووي .. واحنا من حقنا نشووفها بعد ..
مريم انفعلت وبدى صووتها يعلى الحين صاارت من حقكم ؟؟ وينكم قبل .. انا من ثلاث سنين ونص رجعت هني ورجعت الشركة .. بس محد فيكم يه وسألني عن البنت .. ما ابي احد يسأل عني .. لاني ما أهمكم بشي .. بس هذي بنت كرااشي على قولتك .. نطرتكم سنين ولا شفت احد فيكم .. توك تذكر ان عندك بنت اخوو .. وين بتسأل عنهاا دام ابوها راح ولا افتكر فيهاا ..
يووسف يحاول يقاااطعها والحين ييت اسأل عنها .. هذي بنت اخوي ..
مريم مسكت دمعتهاا تتصنع القوه من اللي يقوول هالحجي ؟؟ وين الاثباات انها بنت اخووك .. ما في شي يثبت انها بنت اخوك اصلا
.. لا هوية ولا أوراق رسمية .. حتى شهادة ميلاد ما في ..لانه ما تشرفه حتى يعترف فيها ويعطيها اسمه .. ولا مبين انه بيعترف فيها بيووم من الاياام .. بتظل بنتي جذي بدون اسم .. يعني بنتي برووحي فاااهم يا هه .. يا عمهاا
يوسف كسرت خااطره بنت اخوه تنهد بضييق بيي اليووم يا مريم .. صبري .. وهاليوم مو مطول قريب ان شاءالله ..
مريم استغربت اسلووب يوسف بس ما حبت تسأله .. كبريائها وغرورها ما يسمح لها تسأله خلاااص يوسف .. اذا تبي تشوف بنت اخووك على قولتك .. لا تقول لها انك عمها .. وانا ما عندي مانع متى ما بغيت تشوفها تعال حياااك بأي وقت البيت بيتك ..
يوسف ابتسم برااحة انها هدأت وتقبلت زياارته اللي تآمرين فيه يا مرت أخوي . . ما بقول شي .. أهم شي اني اقرب منهاا
مريم ابتسمت واشرت له على الكرسي زين اقعد ..
يوسف وهو يحك شعره باحرااج ما بغيتي تضيفيني .. انا قلت بنطرد ..
مريم ضحكت على اسلوبه هههه .. شدعوه عااد .. زين اقعد وقولي شخباارك .. شسوويت طول هالسنين .. لانك عم بنتي رضيت ولا ما رضيت ..
تنهدت وردت ابتسمت وصدقني انا مو زعلانة منكم لانكم ما سألتوا عن ليلاااه من حقكم تقطعوني وتقطعون بنتي انا اللي انحشت عنكم واختفيت ..
يوسف ما حب يضايقها أكثر غير الموضوع انا فتحت لي شركة في دبي .. وصرت انزل البحرين بس في الويكند .. وعلى حظي الصبح كنت بالمول شفتج وشفت ليلاااه لحقتكم وعرفت انج رديتي هني .. ييت اشووفكم ..
مريم تنهدت برااحة واخيرا احد سأل عنهم ابتسمت تصدقني لو اقولك اني فرحت بشووفتك .. ليلاااه أكبرت وانا ما اقدر اتحكم بتصرفاتها .. شفتها شقالت قبل شوي .. تبيني اشتري لها ابوو .. واسألتها كثرت عنيده واللي براسها تسويه ..
يوسف تذكر تصرفاات بنت اخووه وضحك عليهاا ههههههههه .. انا من شفتها وشفت شسوت بالمحل .. كأني اشوف أمير صغير مثل الحركات .. مثل العنااد مثل النظراات ...
وبجدية اوعدج يا مريم اني ما ابعد عنكم بكون عم ليلااه بدون ما تدري .. ما بقول لها عشاان ما أأذيها ..
مريم صفنت بذكرى حبيبها وردت له الابتسامة بإبتسامة شكر ما تزوجت ؟؟
يوسف بعد صفن بذكرى حبيبته وابتسم انااا ؟؟ اتزوج ؟؟ هه انااا اتزوج وحده غير ساره .. مستحييييل .. بنطرها لو لاخر يوم بعمري .. هذي حبيبتي .. ومهما طال سفرها مردها بترجع لي وانا بنطرها وما بمل من طول الانتظااار ..
مريم حست بتشاابه بين معاناتها ومعانات حماها وبنفسها الله يفرجها عليك وعلي .. انا بسااعدك يا يووسف .. اي لازم اساعدك .. مو عشاانك انت بس عشان بنت عمي بعد .. انت تستاهل يا يوسف على الاقل ييت سألت عني وعن بنتي .. مو مثل أخووك رااح ونسااني
مي بس ؟؟ هذاا اللي صاار ؟؟
مريم وهي قاايمة اي ما تجرأت اسأله عن اخووه .. يالله انا بنطر ليلاااه في السياره ..
مي وقفت معاها وحملت أغراضها هي بعد عشاان تطلع من صجج مريوم .. للحين مصره تودين بنتج هالمدرسة ..
مريم وهي تلبس النظااره شسوي يا مي .. المدرسة الوحيده اللي قبلتها بدون أوراق .. اضطريت ادفع لهم الضعف عشاان يرضون .. ما ابي بنتي تقعد في البيت طول الوقت مع الخدم .. انا مشغولة بدواامي وشركتي وانتي بعد مو فااضية .. وفطووم يوم هني ويوم عند امها .. تروح هنااك تتسلى وتتعلم بنفس الوقت .. زين منهم قبلوها بدت المدارس من شهر ونص وانا توني افكر ..
مي وهي تمشي معاها لسيارتها مريوم ما تخافين تشوف ابو احد من اليهال اللي معاها ويحز بنفسهاا ..
مريم رفعت عينهاا للسما الله يستر ..
طلعت تنطر بنتها وبعد عشر دقايق طلعت الاميرة بلبس المدرسة ومستعدة لاول يوم دراسي كانت لابسة مريول لفوق الركبة لونه رصاصي وقميص وردي ومربيتها مسوية لها ثنتين ذيل حصان رفااع وقدلتها نازلة على عيونها صار شكلها مثل اللعبة ولابسة شنطتها ورى ظهرها
ركبت السياارة وهي تتبسم لامهاا يالله مريوم .. لاتأخريني عن مدرستي .. آآي دونت وونت توو بي ليت ااون مااي فيرست داي آت مااي سكوول .. يالله مااامي كويكلي ..
مريم ما علقت ابتسمت وحركت السياره
ليلاااه ما سكتت طول الطريج تهذر فوق رااس امهاا .. مريم كانت تسمعها وتضحك على سوالفها .. لحد ما وصلوا ونزلت مريم مع بنتها
ليلاااه نفضت يد امها بملل مريوووم .. وااي يوو كراينغ نووو .. ليش تصيحين .. أذيتيني .. انا اللي لازم أصييح مو انتي ..
مريم ابتسمت ومسحت دمعتها ونزلت لبنتها واخذتها في حضنها لاني أم حبيبتي .. اذا صرتي ام بتعرفين ليش اصييح ..
ليلاااه طالعت امها بنظره انها مو فااهمة عليها وكملوا دربهم لداخل المدرسة ..
كان هذا حال مريم وبنتها طول الاسبوع كل يوم الصبح توديها المدرسة وكل يوم نفس الحالة تقعد تصيح وليلااه تعصب عليهاا ...
لحد ما وصل الويكند
اليوم الجمعة موعد وصول أمير
يوسف كان واقف ينطره طيارته تاخرت 45 دقيقة .. كان وااقف في قااعة الوصول .. يوسف كان يفكر اشلون يقنع اخوه ان يعترف ببنته بأي طريقة ..
لمح أخوه ياي وحامل على جتفه شنطة صغيره يا دوب تحمل غيارات ليومين ابتسم وأشر له
أمير انتبه واشر هو بعد ولما قربوا من بعض سلم يوسف على اخوه بحراره وهو الثااني خذااه بالاحضاان كانوا أهله يزورونه بمكان اقامته لانه من يوم ما هاجر وهو رافض ينزل البحرين كان يتلفت بعيونه مو مصدق انه رجع ..وهو كان خاايف من رجعته .. تذكر لما رجع من المؤتمر ومريم كانت تنطره بالفستان الاحمر .. تذكر رجعتهم مع بعض من شهر عسلهم .. ابتسم ببرود ودار جسمه بيمشي ويوسف عيونه على ورى .. يمكن مشتااق لرجعة حبيبته هو الثااني
بالوقت اللي طلعت ساره من داخل القاعة جارة وراها شنطة صغيرة وتمشي بخطوات سريعة وراسها على فوق كالعادة وكعبها يطق بالارض ونظارتها الشمسية على عيونها ..
توقعااااتكم
؟؟؟؟؟
بيلتم الشمل أبطالناا صج ؟؟ ولا بيصير شي يفرقهم من جديد
يوسف بيشوف سارة ؟؟ واشلوون بكون اللقاء بينهم ..
أمير بيقدر يشوف بينه وحبيبته ولا بتعدي هال48 سااعة على خير وبيرجع يساافر مرة ثااانية وينطوي على نفسه في محاولات نسياان حبيبته
تتوقعون مريم تشووف ابو بنتهاا و ترجع علاااقتهم مثل قبل ؟؟
تتوقعون بدر بيتزوج بنت خالته وبيترك مي للابد ؟؟
الجزء الثاني والخمسون
لحد ما وصل الويكند
اليوم الجمعة موعد وصول أمير
يوسف كان واقف ينطره طيارته تاخرت 45 دقيقة .. كان وااقف ينطر في قااعة الوصول .. يوسف كان يفكر اشلون يقنع اخوه ان يعترف ببنته بأي طريقة ..
لمح أخوه ياي وحامل على جتفه شنطة صغيره يا دوب تحمل غيارات ليومين ابتسم وأشر له
أمير انتبه واشر هو بعد ولما قربوا من بعض سلم يوسف على اخوه بحراره وهو الثااني خذااه بالاحضاان كانوا أهله يزورونه بمكان اقامته لانه من يوم ما هاجر وهو رافض ينزل البحرين كان يتلفت بعيونه مو مصدق انه رجع ..وهو كان خاايف من رجعته .. تذكر لما رجع من المؤتمر ومريم كانت تنطره بالفستان الاحمر ابتسم ببرود ودار جسمه بيمشي ويوسف عيونه على ورى .. يمكن مشتااق لرجعة حبيبته هو الثااني
بالوقت اللي طلعت ساره من داخل القاعة جارة وراها شنطة صغيرة وتمشي بخطوات سريعة وراسها على فوق كالعادة وكعبها يطق بالارض ونظارتها الشمسية على عيونها ..
يوسف وأمير طلعوا من باب المطاار ومحد فيهم انتبه لسااره اللي كانت ورااهم تمشي .. حتى يوسف ما شاافها لانه دار ويهه وما قدر حتى يلمحها ...
بس سااره وفقت مكانها مو قاادره تتحرك شافتهم اثنينهم شافت أمير واللي اهم منه شاافت حبيبها معااه حطت يدها على فمها مو مصدقة كانت انفاسها هادية بس ريلها ثقلت مو قادره تتقدم ولا خطوة لجدام لدرجة ان كل المساافرين اللي كانوا وراها عدوها وهي للحين على حالها وبعد ما طالت صدمتها انتبهت على عمرها وصارت تمشي بس ما تدري وين تروح دموعها صارت تنزل من تحت النظاره على شفايفها كانت كاتمة شهقتها طلعت من باب المطاار ما تدري شتسوي .. ما تدري وين ترووح ركبت التااكسي بهدوء والسايق سألها أكثر من مرة عن وجهتها بس هي سااكتة ما تسمع شي .. كل اللي كانت تشووفه ضحكته كان يضحك وباين عليه انه مرتااح ..
صارت تعض شفايفها بقهر وبنفسها معقولة تزوجت يا يوسف ؟؟ معقولة صرت لوحده غيري ؟؟ معقولة نسيتني .. عيل ليش انا مو قاادره انساك .. ليش مو قادره اشيلك من قلبي .. ليش .. ليش .. ياااااربي شسوي بهالحب .. شسوي تغربت سنين ابي انسى وما نسيت ..
مدت أصابعها على خدها ومسحت دموعها بعد ما انتبهت ان سواق التاكسي قااعد يلفلف بدون وجهه عطته العنوان ووصلها لبيت مريم
أول ما نزلت نادت على السكيورتي يشيل عنها الشنطة وفتحت الباب بهدوء ..
كانوا كلهم ملتمين على طاولة الاكل ويتغدون
ليلاااه انتبهت لها وقامت بهدوء والكل استغرب أولهم مريم ماما .. ما خلصتي أكلج ..
بس ليلاااه ركضت لساره ونطت بحضنها سوسو .. واااي يوو آر هيّر ؟؟
ساره ضمتها بقوه وكأنها تبي تحط حرة الشوق اللي بقلبها فيها وصارت تبوسها بكل مكان اروح ما تبيني ؟؟
صارت تعضها في بطنها وليلاااه ميته ضحك ههههههههههههههه .. لااااااااا .. هههههههههههه .. لا تروحين .. آي مس يوو ..
سااره رجعت تبوسها أكثر يا قلبييي انتي .. آي مس يوو تووو .. ولهت عليج انتي وغمازاتج تعالي خليني اعضهم ..
سااره تمثل انها تعض خدود ليلاااه هاممممممم ..
وليلاااه تحاول تتفاداها وهي تضحك من قلبهاا
مريم ومي وفاطمة كانوا واقفين قبالهم
سااره على كثر حبها لليلاااه ما عطتهم ويه
فاطمة راحت حطت يدها على خصر ليلاااه تبي تشيلها بالقوه فاارجي عن اختي ابي اسلم عليهاا .. عنبوا لزقه .. من شفتيها وانتي متعلقة فيهاا ..
مريم انقهرت من فااطمة هييي انتي شوي شوي على بنتي ..
سااره تمسكت بليلاااه أكثر وضمتها خلوووووني اشبع منهااا .. ماما وحشتيني .. انا ييت عشاانج انتي بس .. ولا هذوول كلش ما يهموني ..
ليلاااه غمزت لها آي نووو .. سوسو لا تساافرين قعدي معااي .. ماما ما ترضى تشتري لي اللي ابيه ..
مريم أفأفت بضييق ان بنتها مو راضية تنسى الموضوع وقاامت تطالع مي بضييق لانها تعرف السالفة
ساره حملتها وراحت قعدت على احد الكرااااسي وييييييييييه .. انتي ما تطلبين حبيبتي .. انتي تأشرين .. واذا مريووم الزطية ما تشتري انا اشتري ..
مي خزرت في سااره انها تحقرها وما تسألها بس ساره ما اهتمت شتبين حبيبتي ؟؟
ليلاااه وهي في حضنهاا وتأشر لها أبي ولد كبير يمشي معانا انا وماما .. مثل ذاك اللي شفناهم بالمول واحد معاه مامته ومعاهم واحد مثله بس كبيييير ماسك يده جذييي ..
وصارت تأشر بيدهاا ..
ساره اعتفست ابتسامتها وغصت بريقها وعيونها تتنقل بين مريم وبنتهاا وبنفسهاا أقولج يا مريم .. أقوولج عن ردة أمير ولا ما أقولج ؟؟ ..لا يا سااره لا تقولين حراام تكسرين بخااطرها أكيد مو ياي عشاانها .. ولا عشاان هالمسكينة ..
ضمت ليلاااه بقوه وضحكت لهاا لا .. هذاا مو حلوو .. تعالي معااي غرفتي نفتح الشنطة وأوريج شنو يبتلج ..
ليلاااه تعلقت بسااره أكثر وهي حملتها معاها غرفتها ودارت ويهها على مريم ومي بعطيها هديتها وبييكم ..
في فيلا كراشي
أمير أخذ شااور ونام على طول
يوسف كان قااعد مع امه في مكتب ابووه لا تخاافين .. ان شاءالله بيعترف فيها .. بس خله اليوم يرتااح وباجر يصير خير .. ولا ليش بااجر .. خلهاا حار بحاار احسن ..
أم أمير بخوف بس أخاف يعرف بسالفة خطوبتك ..
يوسف ابتسم لا تخاافين من الليلة ببدي خطتي معااه وأكيد بيعترف فيها وبييبها لج بنفسه تشوفينها ..
أم أمير والله يا يوسف اذا اللي قلته صاار .. لك علي ادور ساره وازوجك ايااها بنفسي ..
يوسف تنهد بضييق سااره رااحت .. خلاااااص انا رضيت بنصيبي ..
أم أمير لا حبيبي .. نصيبك بتااخذ حبيبتك .. انا غلطت .. اللي سوااه اخوك بذاك اليوم ينني .. انا صج ما كنت راضية عليهاا .. بس اذا انت تحبها ومتعلق فيهاا .. انا مستعدة لاي شي .. اهم شي ترجع ضحكتك مثل قبل ..
يوسف ابتسم وبااس راس امه هذاا اذا لقيتهاا .. انا ادري سااره ما بترد الا اذا انا تزوجت .. تبي تتطمن اني اخذ وحده بنت نااس وبنت حلااال مو مثلهاا ..
أم أمير خلاااص دام جذي تزوج ..
يوسف فتح عينه على الاخر مصدوووم شنووو ؟؟؟
أم أمير ضحكت على شكل ولدهاا ومسكت يدها وقعدته اقعد وانا أفهمك ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك