رواية عذبتني باسباب فرقاك -43
مريم من شافتها هلو دموعها حضنتها بقوه وما اهتمت للجرح اللي بصدرها كانت تتأملها بحنان نزلت شفايفها وهي مبتلة بالدموع وباستها بنعومة ما قدرت تبوسها بس مره وحده باستها أكثر وبكل مكان في ويهها كان ودها تلتهمها وهي تبوس فيها كانت وردية فاتحة وبلفتها ويهها صغيير وشعرها كثيف نازل على عيونها كانت مغمضة عيونها غصب ما تبي تفتحها وعابسة بملامحها مريم كانت بتين عليها كانت تتحسس ملامحها باصبعها وخشمها الصغير وشفايفها قطعة حمره صغار ومليانين مثل شفايفها
رفعتها على صدرها وحضنتها وصارت تهزها بحضنها حبيبتي .. وأخيييييرا شفنا بعض .. اشتقتلج .. اشتقتلج ..
صااارت تشمها بنفس طويل آآآآآآآآآه .. ريحتج تينن .. سامحيني حبيبتي .. بس انا كنت مضطره اسوي جذي .. عشان بابا ....
يتبع
صااارت تشمها بنفس طويل آآآآآآآآآه .. ريحتج تينن .. سامحيني حبيبتي .. بس انا كنت مضطره اسوي جذي .. عشان بابا ....
تذكرت أمير وزاد حماار عينها بسبب الدموع اللي تتجدد فيها كل شوي وراح صوتها بابا يحبج حبيبتي .. بس هو عصبي شوي ..
طلعت البدي من ثيابها حتى شووفي يبت لج شي من ريحته ..
ضمتها أكثر وهي تشوف صورة أمير بعيونها حبيبي .. بشتااق لك .. لا تزعل مني .. اكيد الحين بتعصب علي .. يااترى شقااعد تسوي الحين يا أمييير ..
أمير بصرااخ وهو ماسك دكتور شاكر اخصائي الاطفال من قميصة يعني شنووو ؟؟ ضيعتواا البنت ؟؟
دكتور شاكر يحاول يهديه والله ما ادري من خذااها .. أوعدك أدور عليها بكل مكان .. أكيد ما طلعوها من المستشفى .. انا اتصلت بالنيرسز اللي كانوا بالشفت الحين بييون ..
أمير نزل يده بقوه وصار يتهدد في الدكتور المسؤول عن الاطفال حديثي الولاده اللي بالحضانة شووف .. اذا ما تلقون البنت .. اقلب هذاا المستشفى كله فوق رؤوسكم .. ما ابي زوجتي تشم خبر بالموضوع .. تراكم بعدكم ما عرفتوا محمد أمير كراشي .. البنت ترد بأسرع وقت .. فااااهميييييين ..
كان الكل ملتم عليهم والصرااخ لبرى جناح الاطفال
أمير مشى وهو معصب ومحتاار ما يدري شيقول لمريم اذا سألته عن البنت كان يمشي ويفكر ما حس على نفسه الا وصل عند باب الغرفة حط يده على القبضه و غمض عينه وطلب من ربه انها ما تسأله عن البنت فتح الباب لقى الليت مطفي تنهد براحة انها نامت قرب من السرير عشان يبوس جبينها كالعاده .. بس انصدم السرير كان فاضي شغل اللايت اللي فوق السرير شاف قميصها النوم وروبها مرمين على السرير مسكهم يتفحصهم قعد على السرير ببرود ورفع ثيابها لفوق وصار يهز راسها بالنفي لا .. مستحيل .. ما اصدق .. مريم رديتي .. لاااا .. لا تقولين رحتي مرة ثاانية .. ما اصدق ..
مو قادر يصدق ركض على باب الحمام فتحه لقااه فاضي صار يتنفس بصعوبة مستحييل ... لاااا مريم تحبني .. تحبني .. ما بتروح وتخليني .. لاااا .. ما اصدق
فتح باب الغرفة وصار يصرخ على كبر الجناح انتييييييي يا اااااااااااااااا زفت ؟؟
كانت ممرضة بحرينية بالكونتر تتكلم بالتلفون من شافت صراخه سكرته وغصت بريقها وراحت تركض له خييير دكتووور ؟؟ صاااير شي ؟؟
أمير كان الشرار يتطاير من عيونه من بين أسنانه ويييييييين زوجتيييييي ؟؟
الممرضة اختبصت ما عرفت شترد صاروا شفايفها بس يرجفون مو قادره تثبتهم وترد عليه
أمير على صوته صمخة ما تسمعيني .. وين زوجتي ؟؟؟؟؟
الممرضة بخوف زوجتك ؟؟؟
أمير كان ماسك ثياب مريم ويأشر فيهم على الممرضة اي زوجتييييي .. وينها ااااا ؟؟؟
الممرضة مـ .. مـــــا أدري .. مـــــــا شفتهااا ..
أمير فقد أعصابه وكان وده يمد يده بس مسك نفسه شنووو ما تدرين .. أطلع خمس دقايق وأرد ما ألقى زوجتييي .. لييييييييش ؟؟؟
الكل ألتم عليهم وياهم الدكتور المسؤول خييير شصااير ؟؟
أمير هستر خلاص مو قادر يضبط أعصابه زوجتي مو بغرفتهااا ..
الدكتور المسؤول هدي أعصابك يمكن راحت تتمشى وراجعة .. والممرضة ما لها ذنب حتى لو شافتها طالعة ما بتقدر توقفها وتسألها .. مو من حقها ..
أمير كان أكثر واحد متأكد انها ما راحت تتمشى .. وثياابهاا اللي كانوا عليهاا بيدينه .. كان متأكد انها راحت ما بترجع .. تذكر كلامها وضمتها .. تذكر البدي .. دخل الغرفة مره ثانية يدور على البدي بس ما لقااه .. تأكد انها خلاص راحت وتركته .. بس ما حب انه يكون ضعيف وينزل دموعه جدام الدكاترة والممرضات خبر الدكتور ان كلموه من البيت وزوجته خذت البنت وطلعت و حمل أغراضه وطلع من المستشفى
وصل عند أقرب بحر ونزل يطلع كل طاقاته ويحرر دموع عينه لييييييييييييش .. ليييييييييش يا مريم لييش .. انا شسويت لج .. ذبحتيني يا مريم .. اشلوون بتحمل فراقج .. مريم ما بتحمل انا عارف نفسي ..ما بتحمل .. سويت كل اللي طلع بيدي عشان ارجعج للحياة وأنقذج .. عشان تعيشين يمي وبحمايتي .. عشان نكمل حياتنا مع بعض .. ليييش حبيبتي .. انتي للحين تعباانة .. ومحتاجة عملية ثانية .. ليش تسوين فيني جذي .. مو كل مره بتلحقج يا مريم .. يمكن هالمرة تتعبين وانا مو يمج .. مريم انتي ليييييييش انانية جذيييييي .. والله بختنق والله .. انا تعبت يا مريم .. من برى انسان قوي ما يهزه شي .. بس من داخل ضعييف .. ضعييف جدام حبج ..
طاح على ركبه وضرب بقبضة يده على صدره بقوه شسوي بهذاااا .. اشلوووون يعيش وانتي بعيدة عنه .. شسوي بهالروح اللي متعلقة بروحج .. مريم .. رحميني .. رحميني يا مريم .. عذبتيني .. عذبتيني بأسباب فرقاااج .. انحشتي مني للمرة الثالثة وانتي من يومين طالعة من عملية قلب مفتوح .. وييين صاارت ياااربي .. من يتحمل جرح عملية وجرح ولادة .. انا عارف انج كنتي مخططة على هالشي ..
تذكر الاحداث اللي صارت اي انتي اللي خليتيهم ياخذون البنت وينادوني عشان تنحاشين انتي وبنتج .. لييييييييش .. لهدرجة بنتج أهم مني .. تروحين معاها وتخليني بروحي ..
مسح ويهه بيده لكن خلاص دامج اخترتيها وفضلتيها علي .. انا بنسحب من حياتج يا مريم .. خليها تنفعج .. انا من اليوم ورايح دكتور محمد أمير كراشي وبس .. ما لي علاقة بأحد .. علاقتي لمهنتي ومستقبلي ..
وصلت بيت صغير بمنطقة بعيدة من ممتلكاتها ونزلت ونزلوا معاها الممرضات والسكيورتي أول ما شافها ركض فتح لها الباب ودخلت داخل قعدت بالصالة
مريم للحين حاضنه بنتها ومو راضية تنزلها من على حضنها شافت الممرضات واقفين ابتسمت للسكيورتي عطني تلفونك ..
السكيورتي استغرب من جيتها كلها لانها ما تيي هالبيت الا مره كل اربع خمس سنين طلع تلفونه وعطاها اياه
مريم قامت ومشت بعيد عنهم واتصلت على تلفون ساره ساره ..
ساره كانت نايمة استغربت اتصال مريم بهالوقت مريم .. شفيييج ..
مريم عطت بنتها الممرضة ساره تعرفين بيتي اللي في البسيتين ؟؟
ساره وقفت على طولها اي .. لييييييش ؟؟
مريم بصوت بااكي ساره انا اخذت بنتي وانحشت من أميير .. سااره ادري فيج مصدومة .. بس انا سمعته يقول لامه واخوه بيقطها عند باب المسيد .. سااره .. أمير ما يحب بنتي .. ما يبيها .. ماا يبيهاااا
سااره مو قادره ترد بولا كلمة ساكته وتسمع
مريم بصيااح هادئ سااره .. انا محتاجة فلوس واغراض .. ابي دفتر شيكااتي .. تعالي وييبي مي معااج .. انا محتاجتكم .. ساااره .. سااره تسمعيني ؟؟ ساااره ..
سااره توها تستوعب مريوم انتي من صجج .. انتي لازم بعد جم يوم تسوين عملية .. اشلون تنحاشين ..
مريم تشااهق بصمت سااره .. أمير ما يبي بنتي يعني ما يبيني .. وانا ما ابي اسوي عمليات تعبت .. خلااااص .. تعالي بسرعة ..
ساااره عيونها على الساعة زين .. الحين بييج بتصل على مي وبنيي ..
مريم سااره حلفتج بأغلى ما عندج .. لا أمير ولا يوسف ولا بدر .. ما ابي احد يعرف مكاني غيركم .. لا والله وراس بنتي اخذها وانحاش فيها مكان انتوا ما تعرفونه .. وانقطع عنكم ..
سااره خافت من جدية مريم لاااااا .. لاااا تحلفين براس البنت .. خلاص .. بس انتي قوليلي شتبين بالضبط ..
مريم أهم شي يا سااره .. تلفون وشريحة .. انا متصلة من تلفون السكيورتي .. سااره .. يبي غيارات وحليب .. ما اقدر ارضعها .. تعرفين جرح العملية .. وابي ثياب يبي من عندج الحين اي شي ..
سااره بضييق خلاص يا مريم .. بسوي اللي تبينه .. يالله ما بتأخر علييج ..
سكرت مريم وراحت قعدت مع الممرضات اللي ينطرون حقهم ابتسمت للممرضة اللي ساعدتها بأول تقعدين معااي ؟؟ انا بعطيج أضعااف راتبج ..
الممرضة بتردد لا انا يخااف ..
مريم بترجي بعطييج اللي تبينه .. BD monthly 500 يكفي ؟؟؟
الممرضة فتحت عينها مو مصدقة
مريم خافت المبلغ ما يعجبها OK 1000 BD .. 1500 .. هاا شقلتي ؟؟
الممرضة الثانية صرخت I want to stay and work with you
مريم ارتاحت وخصوصا لانها تشتغل بالحضاانة يعني عندها خبرة بالاطفال وبتعرف اشلون تهتم فيها وفي بنتها OK .. I will give you 2000BD monthly
أمير راح بيته ولم كل أوراقه المهمة وجهز شنطته ودفع مستحقاات الخدم وطلع متجه بيت أهله يسلم عليهم أول
مي وساره وصلوا بيت مريم ونزلوا بسرعة وعطوا السكيورتي السويج ينزل الاغراض
مي من شافت مريم صاحت مريوم ليش سويتي جذي والله حراام علييج .. ليش تبعدين البنت عن اهلها ما شفتي عمتج اشلون فرحانة فيها ..
ساره كملت عنها حتى يوسف ونور ما كانوا مصدقين كل شوي يتكلمون عنها .. مريم ردي أميير بيموت حراام علييج .. ما شفتيه اشلون كان منهاار وهو يدورج قبل لا تولدين كان خايف يخسرج ..
مريم وقفت وهي حاملة بنتها وسالت دمعتها على خدها شفتوووا ؟؟ قلتوا اهلها .. يدتها وعمها وعمتها .. بس ما قلتوا ابوها .. انا سمعته بإذني يصرخ ويقول بيقطها عند باب المسيد ... بيقط بنتي انا اللي تعبت فيها وكنت بموت وانا اولدها .. اللي فارقته شهور عشان ما يأذيها وهي في بطني .. اشلون اخليه يقطها بعد ما يت على الدنيا .. مستحيل ..
مي وقفت وحضنتها من جتوفها خلاص لاتصيحين .. انا بقعد معااج ... ما بخليج بروحج ..
ساره وقفت بضييق وانا بعد .. خلاص يا مريم .. بنتج ما عندها ام وحده عندها ثلاث امهات .. صح
مريم ابتسمت من بين دموعها وهزت راسها بالايجاب
ساره مريوم ما سميتيها ؟؟
مريم ابتسمت وضمتها أكثر أبوها سماها قبل لا تنولد ..
مي بحمااس صج والله ؟؟ شنوو سماها ؟؟
مريم وعيونها فايضة حنان ليلاه .. سماها ليلاه
سااره اللاااااااااااااااااااااي .. حلو ..
مي اي يناسبها .. حتى لفظه حلو ونعومي مثلها ..
مريم ابتسمت وضمتها وهم ضموها من وراها ..
وصل بيت أهله ونزل من السيارة
كان يوسف قاعد في الحديقة يكلم ساره وهو للحين ما يدري بشي وساره بعد ما قالت له حبيبي .. أمير داش البيت معصب .. غريبة أول مره من دخلت مريم المستشفى يطلع ويخليها بروحها .. خلج على الخط بروح أشوفه ..
ساره كانت قاعده معاهم غصت بريقها واعتفست ملامح ويهها حطت يدها على السمااعة أمير .. أمير رايح بيت أهله وباين عليه انه معصب ..
يتبع
ساره كانت قاعده معاهم غصت بريقها واعتفست ملامح ويهها حطت يدها على السمااعة أمير .. أمير رايح بيت أهله وباين عليه انه معصب ..
مريم صارت أنفاسها تتسارع مدت يدها ومسكت يد مي وصارت تشاهق بصمت
صوت صرااخ أمير لبرى وااصل انا خلاص رايح مو راجع ..
أم امير تمسك يدينه تحاول تهدئه وين راييح ماما ؟؟ وبنتك ؟؟ وزوجتك ؟؟
أمير وهو داير ظهره ما يبي اهله يشوفون ضعفه وهو مبين العكس انا من اليوم مو متزوج .. وقلتلج من قبل ما عندي بنت .. ما ابيها هالبنت مو غصب .. ما احبها ما اشتيهيها .. مريم اخذت بنتها وانحاشت من المستشفى .. خلاص انا من هاللحظة نسيتها ونسيت كل شي يربطني فيها .. ما لي شغل فيها .. نست كل شي سويته عشانها راحت وخلتني .. وانا ما بظل طول عمري ألحقها وأدور عليها .. ودامها بدت بنتها علي واخذتها وراحت .. انا بعد رايح مو رااجع .. انسووووني ..
مريم كانت حاطة تلفون ساره على اذنها وتسمع كلامه ودموعها مو موقفة ينزلون بدون احكاام لحد ما سمعت صفقة الباب بقوه عرفت انه رااح خلاص طاح التلفون من يدها وراحت بنوبة بكاء وارتمت بحضن مي
ساره اخذت التلفون يوووسف ..
يوسف بضييق هلا سااره ..
ساره شفييه أميير ..
يوسف بدى يعصب تسوين روحج ما تدرين ان مريم اخذت البنت وانحاشت .. بصرراااحة مصختها .. لمتى اخوي بيظل يدور عليها ويراضيهاا .. يعني هي ما تفهم انها مريضة اشلون تطلع من المستشفى جذي ..
سااره زين حبيبي هدي أعصابك كل شي بينحل .. أكيد مريم عندها أسبابها .. أنا سمعت أخوك يقول ما يبي البنت ولا يحبها ولا يبي يشوووفها .. أي أم بتسمع هالحجي وبتقعد .. بصرااحة أخوك خرب عليها فرحتها بالامومة .. هي ضحت بحياتها عشاانه والحين شووف شقااعد يسوي .. أمير ما خرب فرحة مريم بس خرب فرحتنا كلنا ..
يوسف بصرااخ سااره .. سكرري التلفون .. بروح اشوف امي منهااره .. أمير حمل كل أغراضه مسافر ويقول مو راجع ...
ساره زين بسكر لا تصرخ ...
سكرت وهي منقهره منه ومن أخوه راحت لمريم تهديها خلاص يا مريم .. عندج بنتج .. من ريحته .. اذا تحبينه ربي بنته عدل .. وانا متأكده جم يوم بيهدأ وبيرجع .. أمير يموت عليج ما يقدر يبعد عنج واايد ..
مريم مالها نفس لانها عارفة أمير خلاص راح وتركها ما بيرجع ابي اناام .. بروح غرفتي .. عن اذنكم ..
مريم دخلت غرفتها مو عشان تنام لا .. عشان تاخذ راحتها في دموعها وأحزانها اليديده طلعت البدي وقعدت تشمه وتصييح لدرجة انه ابتل بدموعها حبيبي .. ساامحني .. سااامحني .. ياريتني أقدر صج انساك وتنساااني .. أدري ان النسيان أصعب من الحب نفسه .. بس وغلاتك مو بيدي .. كله عشانك وعشان بنتك حبيبي .. أوعدك اني احافظ عليها .. وأربيها وأخاف عليها وأعوضها عن غيابك .. لاني متاكده انه مهما طال غيابك وسفرك مردك بترجع لي يا أمير .. بترجع لي .. وبترجع لبنتك ..
غفت عينها وهي حاضنه البدي تعبت على كثر ما صاحت ..
أمير أول ما طارت فيه الطياره انكب على احزانه وترك دموعه تاخذ مجراها .. حس بوجع كبير في قلبه من ارتفع عن الارض تارك وراه كل شي .. تارك مريم وتارك بنته .. مريم اللي يتنفس من انفاسها .. كل ما يتذكر عمليتها واللي مرت فيه يغمض عيونه بألم .. لازم تسوي العملية الثانية بس مريم تخلت عن كل شي وراحت .. كان على عكس مريم مو حاس انه بيرجع مره ثانية لهالبلد .. غمض عيونه يبي ينام وينسى شوي ...
مي وساره كانوا قاعدين مع الممرضات يعطونهم حقهم مثل ما وصتهم مريم
سااره مريوم تبالغ كل وحده فيهم خمسين ألف .. واااااايد
مي يستاهلون سااره .. خاطروا بكل شي عشان يسااعدونها .. عطيهم خلهم يروحون ...
ساره وهي تمد الشيك لهم Thank you for everything
أشرت على الممرضة اللي بتقعد مع مريم This is your room ..you Can start from now .. All you need to do something .. Attention to the girl child, Mrs. Mariam and the house
الممرضة هزت راسها بالايجاب والموافقة وراحت الغرفة تبدل ثياب البنت وتجهز رضعتها
مي كل شوي تسكر التلفون بملل
ساره انتبهت لها شفييج ؟؟
مي هشاام كل شوي يتصل .. يبيني اروح جلسة علاج الحين ..
ساره الحين ؟؟!!!!
مي اي مو صااحي هذاا .. شيطلعني هالحزه ويوديني المصح .. وانا وعدت مريم اني اقعد معاها ..
ساره بس هذي صحتج يا مي .. روحي وفكي عمرج ..
مي يقول هذي آخر جلسة .. بس انا ما ابي اروح .. ملييت يا ساره ..
ساره عطتها سويج سيارتها يالله حبيبتي .. دامها آخر جلسة قومي روحي وخلصي وارتاحي .. وردي لريلج تزوجوا وارتاحوا ..
مي تذكرت سالفة بدر وقامت اي صح انا بروح .. لازم اعرف كل شي ..
ساره زين حبيبتي .. انا بروح اريح اذا رديتي وقضيني .. تحملي بروحج ولا تاخذين اي دوا منه سامعه .. و لا اي شي ..
باستها في خدها وطلعت من البيت متوجهه للمصح
عدى الليل كله ساره ومريم والبنت الصغييره نايمين صارت الساعة 11 الصبح انفزعوا على صووت صرااخ
مريييييييييييييييييييييييييييم .. ساااااااااااااااااااااااااااااااره .. لحقوا علي ...
مريم وساره انفزعوا من صووت الصرااخ وكل وحده طلعت من غرفتها لقوهاا طاايحة على الارض وتلطم في روحها بقووه لحقوااا علي .. لحقواا علي .. هاهئئئهااائئئئئ .. انا خلاص انتهيت حيااتي راحت .. ضااعت خلاص
ساره ومريم يطالعون بعض وكل وحده حاطة يدها على قلبها
ساره نزلت لها ومسكت يدينها مي .. مي حبيبتي شفييج ؟؟ ليش تصرخين جدذي ؟؟ شصاااير ؟؟
مريم كانت واقفة على راسها مي لاتصرخين .. قولي شصااير ..
دارت ويهها على على الممرضة Bring a glass of water please
يابت الممرضة الماي ومريم عطته ساره شربيها المااي ..
ساره خذت الماي وحطته على شفاايف مي تبي تشربها بس مي كانت ضامة شفايفها وتصرخ بهستيريا ما ابييييي .. ما ابييي
ساره ما اصرت عليها حضنت راسها مي ؟؟ اهدي حبيبتي .. وفهمينا شصاااير ..
مي تون بصوووت عااالي انا انتهيييت .. خلااااااااااص ... بدر رااح .. حبي ضاااع مني .. ضاااع
سااره مو فااهمة شي صارت تهز راس مي وهو في حضنها زين خلااااص .. لا تصيحين اهدي ..
مريم قعدت على الكرسي براحة مي .. قووومي ارتااحي .. بعدين قولي لنا شصاار ...
مي زادت في صيااااحها وييييييييين ارتاااح .. خلاص من بعد اليوم ما في رااحة .. من بعد اليووم انا ميتة .. ميتة يا مريم ..
مريم همومها ما تخلص ورى بعض تنهدت بضيق مي .. قولي حراام عليج .. انا تعباانة كفااية علي فرااق أميير ..
مي وقفت بصيااح راحت تسند على الطوف وصارت تضرب راسها بحسره شتبونيييي أقووووولكم .. شتبوني أقوووول .. أقولكم اني تطلقت .. بدر طلقنييييي من نص سااعة ..
ساره مو مصدقة اللي تسمعه بس تهز راسها بالنفي
مريم راحت ومسكت راسها لانها صارت تضربه بقووه بس يا مي .. لا تسووين جذي ..
مي بهستيريا عيل شسوي .. قولولي يا مريم شسوي .. كل شي بحيااتي رااح .. كل شي .. بدر رااح ..
مريم تعبت منها صفعتها بقوه عشان تسكت وحطت يدها على فكها بسسسسسس .. سكتي ..
مي غمضت عينها واعتصرت منهم الدمووع وصارت تشاهق بهدوء لانها بدت تهدأ
ساره راحت ومسكت مريم من خصرها وبعدتها عن مي خلاص يا مريم انتي بالنفاس لا تسوين بعمرج جذي ..
وبعدها راحت ومسكت مي من يدها وقعدتها على الكرسي يالله يا مي .. فهمينا شصاار ؟؟؟
مي مسحت دموع تتجدد كل شوي بظهر يدها وهي تتنهد زين بقولكم ..
وبدت تروي لهم شصاار بالضبط طلعت من هني على المصح .. كنت أسوق بسرعة ما ادري جم .. بس بسرعة وتهور .. ابي اوصل واخذ آخر جلسة علاج نفسي وافك عمري .. وصلت في أقل من ربع ساعة .. دخلت عاادي كان هشاام ينطرني ومعاه الممرضة كالعاده سلمت وقعدت على الكرسي المعتاد .. وكنت اتكلم عاادي ومرتااحة لاني بفتك منه ومن هالمصح .. كلمته عن بدر .. كانت الجلسة تقريبا كلها عن بدر .. قلتله اني أحبه وابيه بس اللي صار خرب حياتنا .. انا مستعده اسامحه لاني احبه وابيه .. لان حبيبي من لما كنت بالــ ستاعش .. ما اشوف انسان غيره بعيوني .. لو شنو يسوي ببقى أحبه وأموت فيه .. حتى لو خانني ألف مره بعد أبيه ..
مسحت دموعها وكملت بصوت بااكي كان يسمعني عادي مثل كل مره وبعدها ياب لي كوفي بعد مثل كل مره .. وانا شربته .. وبس ..
سااره وقفت تصررررخ بس شنووو ؟؟ تحجي ..
مي رفعت عينها على سااره وطالعتها بنظرة انكساار بس هذا اللي صاار .. صحيت وانا مو حاسة على عمري بفراش وراقده بملابسي الداخلية وشفته رااقد يمي ..
مريم شهقت بصوت عالي وحطت يدها على خدها
سااره بصرااخ شنوووو ؟؟ مي انتي شقاااعده تقولييين
مريم ساااره خليها تكمل .. قولي يا مي ..
مي سالت دموعها من جديد كنت مصدومة .. اشلوون انا هني وليييش .. ابي اتكلم .. ابي اصررخ .. اتفاجأت في بدر فاتح الباب .. كان هادي في البداية صاافن فيني وكأنه في حلم مو مصدق .. انا كنت اهز راسي بلاء .. لا تفهمني غلط .. انطر يا بدر .. بس بدر صار جسمه كله يرجف يده مو قادر يثبتها لم راسه بيدينه وصار يتحرك بالغرفة رايح رااد وكأنه مو قادر يستوعب .. انا كنت بس اصيح مو دارية باللي رااقد يمي .. ابي يطالعني .. بس بدر وصل لمرحلة انه يهلوس ويصررخ بروحه
انا خفت عليه قمت وسترت نفسي باللحاف ورحت له مسكت يده بدر .. بدر اسمعني حبيبي ..
بدر يده كانت ترجف نفضها بسرعة من يدي وطالعني من فوق لتحت ودموعه تنزل بحراره على خدوده شسمع .. كفااية اللي شفته .. وصلت للفراش .. لا .. هذاا واايد علي .. واايد ..
صفعني بكل قوته وأنا طحت على الارض بعدها سحبني من شعري وجرااني لبرى الغرفة .. نزل لي وحط يده على رقبتي ووقفني وصار يسبني كل كلمة اقوى من الثانية وكلها تجرح ومحد يتحملها .. صفعني أكثر من مره .. وبعدها رماني على الجدار بقوه لبسي ثيابج جداامي ..
انا ما اهتميت للطق .. من حقه يطقني ويذبحني بعد .. لبست ثيابي بدون ما اهتم لهشاام حتى .. طلعت ورااه وهو كان يصررخ علي انا .. انا اللي من ملجت علييييج ما فكرت ألمسج يالرخيصة .. وانتي تناميين مع غيري ..
كان يكرر كلمة رخيصة .. خاينة .. وصخة .. نجسة .. والبااقي ما ينقال .. كل شي قال وانا ما ألومه من حقه يقول أكثر من جذي .. جراني من شعري لبرى الشقه ورماني بقوه في السياره .. تفاجأت اشلون ياخذني ويحطني بالسيااره ..
بس بدر كان فاقد أعصاابه ويسوق بتهور تخونيني يا مي .. انا تخونيني .. لما شفتي وحده في بيتي ظلمتيني وما عطيتيني مجال أفهمج طحتي شهور بالمستشفى وانا متحسر علييج وكل يوم ازورج واراقبج من بعيد .. قلبي كان ما كلني عليج .. بجيت مرات مو مره .. جفاااني النووم وانا شوي واستخف وافكر من ممكن يسوي فيني جذي .. بس طلعت غلطااان .. لان اللي حبيتها وتزوجتها طلعت أكبر خاينة وغدارة .. نزلي جداامي .. يالله ..
انصدمت لما رفعت راسي ولقيت نفسي على باب المحكمة
صرخ علي واحنا للحين داخل السياره وكان الصوت عالي لدرجة ان الناس اللي برى انتبهت لنا نزلي بالطبيب لا اجرج غصب ..
وانا قعدت اترجااه واصييح حبيبي ليش يايبني هني ؟؟ انا احبك وابيك .. لا تتسوي فيني وفيك جذي .. انا والله ما ادري عن شي .............
قاطعني بصراااخ شكلج تبيني اجرج جدام العالم وأصرخ واقول هذي الرخيصة كانت نايمة مع واحد غيري وهي على ذمتي .. نزلي خليني اخلص منج ومن وصاختج يالنجسة ..
انا ما يأست سحبت يده وصرت ابوسها بدر .. اذا تبيني ابوس ريلك بعد ما عندي ماانع .. بس تكفى حبيبي لا تحرمني منك .. انا من وعيت على الدنيا وانت حبيبي .. خلني خداامة تحت ريلك بس لا تطلقني ..
بس هو ما عطاني فرصة فتح الباب اللي يمي وجرني من ذراعي وصلنا لعند المكتب اللي زوجنا ونفس الشيخ اللي ملج علينا .. لما شافنا تذكرنا .. حاااول مع بدر .. شافني اشلون اصييح واون على حبي اللي قاعده اخسره .. بس بدر كان مصر ولما ألح عليه الشيخ يقوله السبب .. حط اللوم على نفسه ..
زادت شهقاتها وهي تكمل قال انا شكاك ومريض ما اقدر ارتبط بأحد ..
انا من سمعته جذي انجرحت أكثر .. ما حب يفضحني جداام الشيخ .. واللي ذبحني أكثر ان الشيخ فتح الدفتر وبدى يفرقني عن روحي .. كلها خمس دقايق وهو مخلص وانا ما كنت ابي اوقع بس بدر اجبرني وكل شي انتهى من هاللحظة .. قصتنا انتهت وزواجنا انتهى .. وكل واحد طلع من المكتب بغير اتجاه بس انا ما قدرت مشيت شوي ولفيت ويههي عليه لقيته هو بعد واقف ويطالعني كانوا عيونه مثل الجمر يصيح بقهر ودموعه على خده مو مهتم للناااس والعالم كان الكل يطالعنا .. مو مصدق ان اشكالنا اشكال اثنين توهم منفصلين .. كان ودي ارجع بخطواتي لورى وارتمي بحضنه كنت حاسة ان هو بعد وده بهالشي كان يغمض عيونه ودموعه تنزل بدون احساس .. بس لما حس اني طولت وانا واقفة دار بجسمه عني وراح .. طلع من المحكمة وانا للحين واقفة مكاني .. ظليت على حالي أكثر من خمس دقايق مو مصدقة اني انفصلت عنه .. اني من هاللحظة محرمة عليه .. هو مو لي وانا مو له .. صرنا أغرااب عن بعض .. استوعبت وطلعت ورااه ما لقيته .. اخذت تاكسي وييت هني على طوول ... وانا طول الطريج وانا اصييح مو قادره اصدق ان كل شي انتهى .. ساااعدووني .. قولولي اني احلم واللي صار كابوس ..
قامت تلطم ويهها بقووه وتصرخ بحسرة وقهر قولولي انه جذذذذب .. بدر ما طلقني .. انا ما طلعت .. سااره قوليلي اني البارحة رقدت هني معاااج .. مريم قوليلي اني ييت بيتج وما طلعت .. لا تقولون شي غير لاتقولون بدر راح منييي .. لااااا تقولوووون ..
مريم راحت لها ومسكت يدينها وضمت راسها لحضنها خلاص يا مي .. لا تسووين جذي .. حسبي الله عليه هالهشاام ..يتلقااهاا ان شاءالله .. ربج كبير بيااخذ حقج منه ..
مي تسمعهاا وهي منهاارة بنوبة بكااء
ساره واقفة بعيد مو قاادره تستوعب تهز راسها بالنفي ليش يااا مي .. ليييش سويتي بأخووي جذي .. هو يحبج ومتعلق فييج .. ما عنده احد غييرج .. ليش سويتي فيه جذي .. لييييش ؟؟
مريم رفعت راسها وخزتها بس يا سااره ما تشوفين حالة البنت ..
ساره راحت ومسكتها من يدها ووقفتها غصب مو لاني اشوف حالتها اقوول هالحجي .. ياالله جداااااامي ..
مريم ساااره شفييج .. خلي البنت .. وين بتودينها ؟؟
سااره كان المفروض ما تشرب ولا شي .. انا من شفته وانا مو مرتاحة له .. يالله بوديج لدكتورة تفحصج .. لانه اذا جاسج هالحماااار بفضحه بكل مكاان ..
مي حاسة نفسها بدوامة كبيرة رفيجاتها يجرونها كل وحده بصوب بس هي بحالة مو قااادرة لا تتكلم ولا تتعرض ولا تسوي اي شي .. تتذكر بدر وتزيد ونتهاا ..
مريم زين .. بس تخلصوون طمنوني ..
ساره زين يالله .. بناخذ تاكسي يوصلنا للسيارة وبعدين نروح لاقرب دكتورة ..
يتبع
ساره زين يالله .. بناخذ تاكسي يوصلنا للسيارة وبعدين نروح لاقرب دكتورة ..
طلعت ساارة وهي ماسكة ذراع مي اللي انبهتت كل قوتها على كثر ما صااحت كان ينطرهم تاكسي تحت الطلب .. كانوا قاعدين ورى وكل وحده عيونها على الشاارع
رن تلفون سااره تنهدت بضييق هلا يوسف ..
يوسف كان قااعد في بيتهم لكن بالصاالة الثاانية سااره .. تعالي بيتنا ..
ساره ما كان لها نفس يوسف انت شقااعد تقول .. شيوديني بيتكم ؟؟ واهلك ؟؟
يووسف انا عشاان اهلي ابييج تيين .. ساااره تعالي مو عاارف اتصرف بروحي امي تعباانة ..
ساره دارت ويهها على مي خلاااااص .. الحيين عندي شغله اخلصها واييك ..
يوسف اوكي حبيبي لا تطولييين ..
ساره اوكي .. ان شاءالله مو مطوله ..
سكرت التلفون وطالعت مي كانت بس تشااهق بصمت وعيونها على الشاارع يالله وصلناا نزلي ..
نزلوا وركبوا سيارة سااره .. وهي حركت لاقرب مستشفى ..
مي بصوت رايح ساااره ؟؟
سااره دارت ويهها لها شفيييج ؟؟
مي ردت تصييح احبه يا سااره ..
ساره تنهدت بضييق ادري انج تحبينه .. ابي بس افهم ليش هشاام سووى فيكم جذي .. واللي بينني أكثر ان بالمرة الاولى ما كان في حياتج ..
مي مسحت دموعها يعني شنو ؟؟
ساره يعني وااضحة ياا مي .. في احد غير هشاام هو اللي يبي يفرقكم .. هشاام مجرد اداة يا مي .. في قوه اكبر منه .. هي اللي امرته يسوي كل هذاا ..
مي حطت يدينها على راسها تفكر وارتفع صوت صياااحها ماما .. اصلا ماافي غيرها .. هي اللي كانت تبيني انفصل عن بدر .. لا مستحيييل .. حراااام والله حراااام .. امي تسوي فيني جذي .. امي تسوي فيني كل هذا .. ليش انا مو بنتها .. ياريتني يتيمة .. يااااريت ما عندي ام .. ولا صار اللي صاار .. اذا الام مثل امي .. ما ابيهااا .. ما ابيهااا .. هئهااهئئئ .. شفتي يا ساره حتى امج ارحم من امي ..
ساره كسرت خاطرها رفيجتها قوومي .. وصلنا .. بس نتطمن بنشووف لكم حل .. الله يستر البارحة مريوم والحين انتي .. الله يستر علي انا ..
نزلوا وبعد انتظار نص سااعة دخلت مي وساره ماسكتها سلام عليكم ..
الدكتورة ابتسمت لهم وعليكم السلام .. من المريضة فيكم ؟؟
ساره اشرت على مي هه .. هي بس مو مريضة .. احنا ياين نبييج تفحصينها اذا كانت بنت ولا لاء ؟؟
الدكتورة فتحت عينها مستغربة طلب سااره ممكن اعرف السبب ..
ساره كانت مجهزه كلامها من قبل ما يدخلون على الدكتوره بصرااحة هي متزوجة بس يعني ملجة مو زوااج .. ورافعة قضية على زوجها تبي تنفصل عنه .. وهو قال للشيخ انه داخل عليها وهي تقول لا .. الحين الشيخ يبي تقرير بحالتها بنت ولا لاء عشان يحدد نوع الطلاق قبل الدخول ولا بعده .. تعرفين اذا قبل الدخول يعني ما في عدة ..
الدكتوره اوكي .. اذا جذي ما عندي مانع .. خلها تقوم تتسطح على السرير وانا الحين بكشف عليها ..
مي كانت تطالع سااره بخووف وساره تبتسم لها تحاول تشجعها
مي كانت تراقب الدكتورة وهي تكشف عليها كانت عابسة بملامحها خافت على نفسهاا وخافت من كلام الدكتورة كانت حاطة يدها على قلبها ما تقدر تتخيل ان احد يلمسها قبل ما يلمسها بدر
الدكتورة لفت عن مي تفصخ قفازاتها ومي مسحت دمعتها وقامت لبست ثيابها وطلعت وراها
الدكتورة نزلت راسها تكتب التقرير ومي راحت قعدت يم ساره
سااره بتردد دكتوره ؟؟؟..
الدكتورة رفعت راسها وشافتهم ماسكين بيدين بعضهم وباين عليهم الخوف ابتسمت لاتخافيين .. غشاء البكارة سليم وما فيه اي خدش .. تقدرين تتطمنين .. انتي للحين بنت ومحد دخل علييج ..
مي وساره ابتسموا لبعض واخذوا التقرير وطلعوا من المستشفى ..
مي تتنفس برااحة الحمدلله .. انا بس كنت خايفة انه لمسني قبله .. انا له بروحه يا سااره .. واذا هو ما لمسني .. محد بيحط يده علي .. لو اظل طول عمري جذي بدون زوااج .. ما ابي زوج غيره ما ابي حبيب غيره .. بنطره لاخر يوم بعمري ..
ساره ابتسمت لها ان شاءالله حبيبتي .. بيعرف الصج وبيرجعلج ..
مي بترجي سااره .. الله يخلييج لا تخلينه بروحه .. شوفيه .. كلمييه .. اسألي عنه ..
سااره بضييق بدر ساافر يا مي .. طرش مسج وقال مساافر .. بس يفتح تلفونه اوعدج اكلمه .. والحين نزلي بروح ليوسف يبيني ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك