رواية عذبتني باسباب فرقاك -40
ساره هذي الروح اللي تقولين عنها يا مريم بتذبحج .. تفهمين يعني شنو بتذبحج .. يعني بتموتين .. بالله ما تقولين لي اذا صار فيج شي هالبيبي من بيربيه ؟؟
مريم صارت تشاهق اقوى وتنفسها صار ينقطع ثواني طويله وهي تستجمع قوتهاا وتصيح ساره .. سااااره ..انا امشي بالشوارع ما ادري وين اروح .. ادري انه الحين راح شقتي اللي كنت فيها .. انا ضايعه يا ساره ضايعه .. ما ادري انا ويييين .. ما ادري
أمير دموعه تهل من عيونه مو قادر يتحكم فيها مي قولولها ترد بيتها .. والله ما بسوي شي في البيبي ..
مي سحبت التلفون من ساره تكلمها وأمير على الخط يسمع لان سبيكر مريم انا مي .. تعالي هني بيتج القديم .. وكلنا نوعدج ان أمير ما بيسوي شي بالبيبي ..
مريم انا أكثر وحده تعرف أمير .. انتوا ما تعرفونه كثري .. اعرف انه بيموته .. انا خلاص بعد ما حسيت فيه يتحرك داخلي مستحيل افرط فيه .. ما ابي يا مي .. ما ابي ..
أمير كان يسمعها وهو عاض على قبضة يده لانه عارف انها مستحيل توثق فيه مي واللي يرحم والديج حاولوا معاها .. مي اقنعوها تروح أي مكان وانا ما اعرفه .. ابي اتطمن عليها لو من بعيد
مي تسمع من الجهتين مريم .. مريم الله يخليج .. روحي اي مكان روحي مزرعتج او اي مكان قريب سكني بعمارة من عماراتج اللي ما يدري عنهم أمير .. بس لا تمشين بالشوارع جذي ..
مريم بصيااح هستيري خلاااااص مي انا بسكر .. لا تحاولون تتصلون فيني لانكم ما بتلقون شي .. انا الحين بقط التلفون .. ما ابي تلفون .. ما ابيه يوصل لي .. مي قوليله أحبه .. أحبه أكثر من حياتي .. انا بضحي بحياتي عشان ما يموت اللي في بطني .. قوليله لاني أحبه بسوي بعمري جذي .. قوليله كان ودي ارتمي بحضنه وامسك أصابع يده واحطهم على بطني .. كنت احلم انه يتحسس حركاته ويحس فيهم مثل ما احس انا .. قوليله يا مي انا ولا مره رحت شفت البيبي .. لاني ما كنت ابي اروح اشوفه بدونه .. انا ما ادري اذا فيني بنت ولا ولد .. بس اللي اعرفه من أمير .. حبيبي أمير ..
طوطوووووووطططططططط
انقطع الاتصال وأمير خلاص صار يصرخ بدون احساس مريم .. مريم حبيبي حرااام علييييج .. مستعد لاي شي بس ردي لي .. مريم .. لا تسوين فيني جذي .. والله أموووت
بدر سحب التلفون من يده ألو ..
مي دمعت عينها ما تدري على حالة مريم ولا أمير ولا بدر اللي معاها على الخط هــ هــلا بدر ..
يتبع
مي دمعت عينها ما تدري على حالة مريم ولا أمير ولا بدر اللي معاها على الخط هــ هــلا بدر ..
بدر مي .. حاولوا تتصلون فيها ..
مي رحتوا شقتها ؟؟
بدر اي رحنا .. سلمت مفاتيح الشقة وطلعت بدون ما تاخذ ولا شي .. لمينا أغراضها وراجعين ..
أمير كان يسمعهم وزاد صوته كل ما يتخيل مريم بتروح من يده بسبب هالحمل يجن ويصرخ بدون ما يحس
مي كانت تسمعه وصل لدرجة الصياااح مريم .. انتي وعدتيني ما تخليني وعدتييينييي.. مريم لا تروحين وتخليني .. مريم .. والله قااعد اختنق بدونج حبيبتي .. ياريتني ما شفتج اليوم .. ياريت ما شفتج ولا شفت بطنج يا مريم .. كنت متعود على فراقج ليش طلعتيلي واختفيتي مره ثانية .. ليييييييييييش
مي صارت دموعها مغرقة عيونها يصيح عليها وكأنها ماتت خلاص ما كانت تتخيل أمير يحب مريم ومتعلق فيها لهدرجة دارت ويهها لساره وبدر للحين على الخط ساره اتصلي على تلفونها ..
ساره حالتها مو ارحم من حالة مي اتصلت .. واتصلت .. واتصلت .. مسكر .. خلاص هي قالت بتقط التلفون .. انا اعرف مريم اذا قالت تبي تسوي شي تسويه .. خلاص يا مي مريم راحت .. راحت ما بترد .. راااحت خلاااااص ..
بدر كان ينادي على مي لانه سمع شهقاتها بس مي طاح التلفون من يدها على الارض وحضنت ساره وقعدوا على الارض يصيحون خايفين على مصير رفيجة عمرهم ..
سكر التلفون يوسف رد الخدامة البيت .. خلنا نهديه .. شوف حالته ..
يوسف كان واقف في باركات العماره اللي ساكنة فيها حرك السياره عشان يرد الخدامة بيت مريم
تعبت من المشي في الشوارع لانها كانت تبي توصل مكان ما يخطر على بال أحد وكل ما تمر على مكان ممكن ترتاح فيه تحس انه بسهوله بيحصلونها فيه
وصلت لعند سوبر ماركت ما لقت نفسها الا وداخله تتمشى فيه بدون وجهة ولا غرض معين
كانت تشوف الناس وتحاول تنسى وتبتسم لهم وهم بالمقابل يردون لها الابتسامة
مشت خطوات اضافيه وحست بمغص خلاها تصرخ فجأه وبدون سابق انذار اعتفست كل ملامحها صارت تكلم نفسها وهي ترجف شنوو هذااا ؟؟ أكيد من التعب بالغت وانا أمشي ..
سحبت نفس قصير وغمضت عينها وشرت لها عصير ومشت للكاشير بتدفع وجاها مغص أقوى من اللي قبل وصرخت أقوى لدرجة ان العصير والشنطة طاحوا من يدها نزلت عيونها على بطنها وحطت يدها ورى ظهرها والثانية تبي تنزل تلم أغراضها وقالت بنفسها لازم ارتاح .. ماما آسفه تعبتك معاي ..
كانت وراها وحده أجنبيه مسكتها من خصرها وصرخت على العامل Bring a chair, please
العامل ياب الكرسي ومريم قعدت عليه تاخذ نفسها والاجنبيه كانت تطالعها بحيره Are you Ok ??
وصارت تأشر على نفسها Do you need to help ??
مريم حست نفسها محتاجة لمساعدتها وارتاحت ان الالم خف لانها قعدت ما لقت نفسها الا وتستنجد فيها yes . I need .. please help me
ابتسمت لها How can I help you ??
مريم مسكت يدها بترجي Do you have a car ??
هزت راسها بالايجاب yes .. I have
مريم طلعت من شنطتها كرت مجهزته للضروره I want to go to this address
ابتسمت لها ومدت يدها عشان مريم تستند عيها ok let's go
مريم ارتاحت لانها لقت أحد يساعدها ... ركبت معها بسيارتها وكانت بالنسبة لمريم حبل النجاه حتى لو هي اقل من مستواها وما تعودت تركب بسياره جذي بس كانت مرتاحه ومتسنده على السيت ويدها على بطنها وتكلم جنينها بنفسها مااما .. اللي شافنا اليوم هو بابا .. اي بابا .. ما تدري شكثر اشتقتله .. حتى لما كان يناديني كنت استمتع وانا اسمع صوته .. ترااه يحبك بس هو شوي عصبي .. وأكيد اذا شافك بياخذك بحضنه .. انا اعرفه هذا حبيبي واعرفه ..
وكشرت بملامحها بس يا مريم انتي اللي تعرفينه أمير ما يقبل اثنين بحياته .. اففففففففففف يا ربي ساااااعدني .. لازم ما اخليه يلقااني .. والله اني بموت خوف من ردة فعلك ..
ارتخت ملامحها كان مشتاق لي .. انا اعرفه وحافظة نظراته كان ملهوف علي ما صدق يلقاني .. بس الصدمة كانت كبيرة عليه .. كبيرة واااايد ..
ما حست الا والسيارة واقفة Do you live here ??
مريم صارت تتأمل المكان كانت الباركات خالية ما فيها ولا سياره yes
فتحت شنطتها وطلعت منه مبلغ .. sorry what's your name ?? Thank you for helping me
شهقت في ويهها No thanks
I do not want anything from you
Helped you because you are pregnant and single
ومدت يدها تصافح مريم my name's nilo ??
مريم لما قالت عنها وحيده صفنت وتذكرت أمير بس مسرع ما ابتسمت و بادلتها بالسلام مع انها اول مره تصافح آسيوية nice to meet you .. I'm mariam ..
وأجبرتها تاخذ الفلوس ونزلت من السيارة ومشت لعند البوابة كان السكيورتي واقف ما عطته اهتمام مشت عنه ووصلت لقريب المصعد بس كان مشغول اضطرت توقف وتنطره ..
راح لها السكيورتي وبيده كرسي تفضلي ..
مريم كابرت بغرور ودارت ويهها
السكيورتي عفوا .. انتي يايه تزورين أحد ؟؟ ولا مالكة شقة من هالشقق ..
مريم خافت ترد عليه ويتذكرها حطت يدها ورى ظهرها لانها بتموت تعب ورفعت عينها على ارقام المصعد تبي تشوفه وصل لوين
السكيورتي حط المفتاح يسكر المصعد عشان ينزل أسرع زين على راحتج .. بس اذا احتجتي لاي شي رفعي السماعة اللي يم باب الشقة وطقي على صفر ..
مريم دخلت المصعد بدون ما ترد .. والسكيورتي الفضول ماكل قلبه ..
وصلت لنفس الطابق ومشت بنفس الخطوات بس الفرق انه ما كان يمشي معاها .. صارت تمشي وحيده بدون امانها .. كانت تتلفت على يمينها وتتذكره وتبتسم
وصلت لنفس الباب اللي انفتح لها قبل سنة ونص تقريبا بس هالمره فتحته بنفسها دخلت بهدوء وسكرت الباب وراها كان المكان ظلام فتحت الانارة ومشت لنص الصالة
وقفت بنفس المكان اللي تصالحوا فيه .. صارت تدور على نفسها بنعومة وكأن الذكريات تاخذها لنفس المكان .. حست بلفحة برد مع ان الجو دافي داخل الشقة ضمت ذراعينها مع بعض وكأنها مفتقده لدفى صدره
مسحت دمعتها وراحت فوق .. راحت غرفته فتحت الباب وبعدها تحسست الاناره وضوت الغرفة طارت عيونها على السرير كان معفوس واللحاف مو مرتب ما حست بنفسها الا ورامية نفسها بقلب الفراش كانت ريحته وريحة عطره عالقة بالفراش
صارت تشمه بنفس طويل وتصيح بصوت رايح حبيبييييييييي .. اشتقت لريحتك .. آآآآآآآآآآآآآآه .. اشتقت لكل شي فيك .. ليش يا دنيا انتي قاسية علينا جذي .. ليش لعبتي فيني فرقتيني عن روحي .. انت عايش بروحي يا أمير .. أحبك .. أحبك بجنون حبيبي .. يعني انت كنت راقد هني ؟؟ بس انا متأكده انك ما بتفكر اني موجوده هني ما بيي في بالك اني بيي شقتك .. سامحني حبيبي على كل اللي سويته فيك .. ادري انك قالب الدنيا الحين وتدور علي من مكان لمكان .. أحبك أميري .. أحبك يا أحلى أمير بدنيتي ..
على كثر ما صاحت غفت عينها وهي متمسكة بفراشه
في بيت مريم
يوسف نزل الخدامة ساره حبيبي .. خلوها هني ..
ساره حضنته من خصره وعيونها ذبلت من الصيااح ما لقيتوها ؟؟
يوسف ضماها من جتوفها بقوه وباس جبينها يحاول يهديها ساره .. أمير منهاار يصيح عليها جنها ماتت .. لانه عارف الخطوره اللي مريم حطت حياتها فيها .. حاس بنفسه خسرها خلاص .. احنا بنتم ندور عليها لين نلقاها .. انتو بعد دوروا عليها .. لازم نلقاها بأسرع وقت ويطلعون البيبي قبل لا يقضي عليها .. ما ابيج تصيحين كافي علينا أمير ..
ساره هزت راسها بالايجاب وهو مشى عنها ركب سيارته مره ثانية وحركها
أمير كان منزل راسه وساكت
بدر يوسف وين بنروح ؟؟ ندورها في وين ؟؟ لازم نحدد وجهتنا ما يصير نلف الشوارع جذي ..
يوسف وتركيزه على الشارع امممم .. ما ادري .. نجرب عماراتها يمكن ساكنة بوحده من الشقق .. ولا يمكن في احد بيوتها ولا مزرعتها
أمير بضييق لا .. مستحيل تروح هناك .. انا اعرف زوجتي عدل ما بتسويها لانها تعرف ان احنا بنروح هناك ندور عليها .. مريم قاعده تدور بالشوارع .. جذي راح تتعب أكثر .. يارب بس ما اييها الطلق .. يارب نلحق عليها ..
بدر يعني احتمال اييها وهي توها بالثامن ؟؟
أمير يبتسم بيأس هه .. أكيد .. القلب ما يتحمل .. لان الجنين يسحب الدم والقلب يكون ضعيف ما يقدر يضخه مره ثانية بسهولة ..
يوسف زين واذا لا سمح الله ياها الطلق .......
أمير صرخ عليه بإنفعال الله لاااا يقوله ..
ما طالت غفوتها صحت من النوم على مغص خفيف مسحت ويهها بيدها آآآآي .. شنو هذااا ؟؟ أكيد من التعب أحسن شي انقع جسمي بماي دافي ..
دخلت الحمام وشغلت الماي تعبي الحوض وقعدت على الحوض من برى وصارت تمرر أصابعها داخل الماي وعيونها بالفراغ صافنه وتتذكر اللي صار
صحاها من سرحانها مغص أقوى من اللي قبله قامت نفضت يدها وفصخت ثيابها ونزلت شوي شوي في الماي
خمس دقايق ورجع نفس المغص آآآآآآآي .. شهالعوار .. الحين .. الحين بيروح يا مريم لا تخافين .. ارتاحي بس ..
غمضت عينها تبي تسترخي شوي
في سيارة يوسف
يوسف يطالع في تلفون أمير أمير تلفونك يرن .. رد عليه ..
أمير حتى ما رفع راسه ولا شاف الرقم
يوسف اخذ التلفون أمير رد يمكن أحد مهم ..
بدر اي صح يمكن مريم .. رد
أمير رفع راسه يطالع الرقم وحطاه سايلنت ولف ويهه مره ثانية مو مهم ..
يوسف تعرف الرقم يعني ..
أمير اي هذا مكتب السكيورتي حارس العمارة اللي فيها شقتي ..
بالطرف الثاني هذا شفيه ما يرد.. يالله كيفهم انا بس حبيت اخبره .. عشان اخلي مسؤليتي دام عندها مفتاح انا اطلع منها احسن ..
مريم صارت الالام تييها ورى بعض مو قادره تصلب حتى طولها وقفت ولبست ثيابها اللي يت فيهم ورمت بروحها على السرير وصرخت .. آآآآآآآآآآآآآآآآي يعورني .. ماما باقي على موعدنا 40 يوم .. توى الناس .. معقولة ولادة .. لا .. مستحيل .. أحسن شي احاول انام .. يمكن يخف الوجع ..
قلبت روحها على جنبها اليمين حست بالالام تتضاعف ونفس الشي اليسار بعدها حست بمغص اقوى من شدته خلاها تجلس قعدتها أكيد صار شي في البيبي .. آآآآآآآآآآآآآآآآي يعورني .. بموووت
بدى تنفسها يضيق وما تقدر حتى تسحب منه شوي صارت بس تنافخ ورى بعض وتلوم نفسها كله مني .. كله مني انا قعدت ادور لين ما هلكت نفسي وأذيت البيبي .. شسوي الحين .. اشلون يخف الالم .. أحسن شي اروح ادور شنطة أمير وأطلع منها اي مسكن ..
قامت من فوق السرير ومشت بتعب وهي حانية ظهرها على قدام وحاطة يدها ورى ظهرها تحاول تتصبر على آلامها نزلت تحت وهي مو حاسة بنفسها كانت تمشي حافية نزلت وهي تصيح بصوت عالي يااااااااااربي انا وحيده مالي غيرك .. ساااااعدني .. بمووووووت .. آآآآآآآآآآآآآآآآي ... أحس بألم مو طبيعي .. ياااربيييييييييي عطني قوة مو قادرة حتى اتنفس ...
وصلت لنص الصالة تبي تمشي مو قادره حاسة خلاص بشي ينزل منها
نزلت عيونها على الارض شافت دم وايد بالاحرى مخاض شهقت بخوف وحط يدها على قلبها هذاااااا شنووووو ؟؟ امبيييييييييه أكيد البيبي مااات .. لا حرااام بعد اللي سويته يصير فيه شي والله حرااام ..
رفعت عينها على المكان لقت الارض كلها متوسخة حتى الدرج يعني كان ينزل منها المخاض وهي مو حاسة على روحها امبييييييييييييه .. شكلي بولد ..
اشتد عليها الالم وصارت تصرخ لاااا .. لاااااا .. ما ابي أولد الحين توى النااااس .. آآآآآآآآآآآآآآآي .. آآآآآآآآآآآآآآآآآآآآي ..
قعدت على الارض وصارت تتنفس بسرعة وجسمها كله معرق لازم اتصرف بسرعة ما ابي اولد بنتي ولا ولدي هني ... اتصل بمن يااااااااربي ؟؟؟ سااااااااااااعدني بمووووووووووووت .. انا ما اعرف اتصرف .. شسوووي يااااربي
راحت تزحف لتلفون الشقة الارضي رفعت السماعة ويدينها غرقانة بالدم وهي تشاهق ها .. هااا .. ألو .. اسعاااااف ..
راح صوتها سااااعدوني .. انا بولد بروحي ...
المسعف اختي عطينا العنوان بسرعة .. وحاولي تمسكين نفسج ..
مريم خلاص جسمها ثقل مو قادره تسحب نفس كلش أوكي سجل عندك ..
في بيت مريم
مي اففففففففففف .. تلفت أعصابي .. للحين ما لقوها
ساره على كثر ما اتصلت يوسف بدى يعصب علي .. صبري شوي .. يمكن الحين تيينا الاخبار ..
مي زين شنسوي .. ابي اتطمن عليها .. ان شاءالله راحت وقعدت بمكان .. يااااربي انا مو قادره اصدق ان مريوم تسوي جذي .. خلاص اذا البيبي خطر على حياتها ليش تواصل .. اوكي تعلمنا بمكانها واحنا ما بنقول لامير
يتبع
مي زين شنسوي .. ابي اتطمن عليها .. ان شاءالله راحت وقعدت بمكان .. يااااربي انا مو قادره اصدق ان مريوم تسوي جذي .. خلاص اذا البيبي خطر على حياتها ليش تواصل .. اوكي تعلمنا بمكانها واحنا ما بنقول لامير
ساره يعني انتي ما تعرفين مريم .. سوت كل هذا لانها تحب أمير .. مستحيل تذبح ضناه عشان حياتها .. عادي عندها هي تموت بس البيبي ما يموت .. ما تدري ان امير بيموت وراها ..
مي ساروو خلينا احنا بعد نطلع ندور .. يمكن نلقى شي ..
ساره من صجج ميووو .. اخاف نطلع وتيي ما تدرين .. تعرفين أمير مهدد ما نطلع لان جوازها هني بالتجوري يخاف تيي وتاخذه وتسافر ..
مي قامت وحملت شنطتهاا ومسكت يد ساره وقومتها اي من صجي .. مستحيل مريم تفكر تيي هني .. يالله قومي بنطرج انا بالسياره .. قعدتنا هني ما منها فايده ..
ساره اقتنعت من كلامها زين انا بقفل باب المكتب احتياط وبييب شنطتي وبييج ..
في شقة أمير
سكرت من الاسعاف وانسدحت على الارض ما قدرت تتحمل الالم والتلفون اللاسلكي بيدها تحاول تتذكر الرقم لانه طويل وبعد عدة محاولات ألــــ ــــــ ـــــو ..
اخترعت من صوتها وكأنها خلاص تتلفظ بآخر انفاسها مريم .. مريم ماما شفيييج ؟؟؟
مريم من سمعت صوت امها صارت تزفر ورى بعض تطلع نفسها ومو قاادره تاخذ غيره ماما .. ماما انا اولد ..
أم مريم لطمت صدرها بقوه شنووووو ؟؟؟ ماما انتي توج بالثامن ..
مريم خلاص صوتها صار يروح ويرجع بالغصب ما اااا ادري .. نزل مني دم .. دم واااايد .. واحس روحي بمووت من الالم .. ماما انا اتصلت على الاسعاااف الحين بيون ... ماما انا خايفة البيبي يموووت .. خايفة بروحي .. خاااااايفة .. ما اعرف اتصرررف ..
أم مريم بصياااح شبيدي عليييج يا بنتي ..خايفة على ضنااج ومو خايفة على روحج .. ماما اتصلي لامير .. لا تخليني جذي بمووت وانا على اعصابي ... انا في بلد وانتي في بلد ..
مريم بصوت رايح مااما .. امير بيموته .. وانا ما ابيه يمووووت ما سويت كل هذا عشان يموته بالاخير .. ماما اوعديني اذا صار فيني شي تاخذين ولدي ولا بنتي عندج .. ماما لا تعطينه امير ما يبيه أخاف يسوي فيه شي .. ماما . ماما لا تقولين له اني هني بشقته .. اوعديني ماما ..
بس ام مريم ما ردت عليها سكرت التلفون .. ما تبي توعدها بشي
مريم ما حست بالدنيا اشتد عليها الالم وصارت تصيح أعلى وأعلى وهي تزاحف على ظهرها
في سيارة يوسف
أمير مو قادر يتحكم بأعصابه لمتى بنظل نلف الشوارع .. تعبت أعصابي .. رحنا كل مكان المستشفيات والفنادق والشقق المفروشة المأجره حتى الشرطة رحنا ما لقيناها ..
بدر حتى عماراتها رحناها ..
يوسف مو يمكن للحين تمشي بالشوارع ..
أمير وصل حده مو قاادر يتحمل صار لها 8 ساعات .. مو معقولة للحين تمشي .. ياااااااااااربي ارفق بحالي .. يااااااااااااربي احفظها لي .. يارب ألقاها بسرعة
يوسف يشوف تلفون يولع الليت وينطفى لانه سواه سايلنت أمير تلفونك .. شوف يمكن مريم ..
أمير بصرااخ مااااالي خلق أكيد المستشفى ولا هالغبي السكيورتي اللي كل شوي ويتصل ..
يوسف رفع التلفون هذي عمتك أم مريم ..
أمير نقز وملامحه كلها جمدت عمتي ؟؟ شتبي هالحزه متصلة ؟؟؟؟!!!!!
رد على التلفون بس ما قدر ينطق لان صيااحها ينسمع لبرى أمــــ ــــ ـــ ـييييييييير .. أمــ ـــييير ماما ألحق على مريم .. مريم تولد بروحها ..
أمير يبي ينطق مو قادر يبي يتنفس بعد مو قادر بس يشاهق شفايفه ترجف والدمعة طفرت من وسط عينه شــــ شـــــنوووووو ؟؟؟
أم مريم أمــ ـــييير .. أمير تسمعني ؟؟ هي بشقتك ألحق عليها يا ولدي .. تراااها ما لها غيرك .. أمير هي خايفة اللي في بطنها يموت مو خايفة على روحها .. أمير .. مريم بتمووت مو قادره تتنفس .. كانت تكلمني وهي مرمية على الارض .. ألحق عليها ..
طاح التلفون من يد أمير
يوسف صار يهزه بقوه أمييير ؟؟ شصاااير ؟؟
بدر اخذ التلفون يفهم اللي صاير من ام مريم
أمير صار يتنفس بخنقه ولف ويهه على يوسف وراح صوته مريم تولد .. مريم بتموووت .. خلاص انا بخسرها .. بترووح وبتخليني ..
يوسف زفر بضييق الله لا يقوله يا أمير .. صل على النبي .. زين هي وينها خلنا نروح لها ..
أمير هه .. تخيل في وين .؟؟ في شقتي يا يوسف ..
يوسف فتح عينه شــــــــقــــــــــــتــــــــــــك ؟؟؟؟؟؟؟!!!!!!!!!!!!!
أمير نزل راسه مره ثانية
بدر رمى التلفون على السيت بضييق وتنهد سمعت يا يوسف يالله حرك بسرعة ...
انكسر باب الشقة ودخلوا المسعفين لقو مريم شبه صاحيه بس تهذي البيبي .. البيبي لا يصير فيه شي ..
حطوها على الترولي وطلعوها من الشقه ودخلوها الاسعاف ومشوا فيها والسكيورتي واقف معاهم لحد ما غابوا عن أنظاره
وكلها دقايق وداخلة سيارة يوسف
نزل منها أمير وراح مسك السكيورتي من قميصه وصار يصرخ عليه وكأن ما صدق يلقى احد يفرغ شحنات غضبه فيه انت شفيييك ؟؟ لييييييييييش ما اتصلت علي من اول ..
يوسف راح ومسكه من جتوفه أمير .. اهدأ .. لا تسوي جذي ..
السكيورتي يرتب نفسه والله يا دكتور عيزت وانا اتصل .. بس محد يرد .. كنت ابي اقولك ان فيه وحده حامل يت شقتك وعندها مفتاح وقعدت تصرخ ..
أمير ما كان يدري ان الاسعاف يه وخذ زوجته راح يركض على شقته ويوسف وبدر وراه
أول ما وصل انصدم ان الباب مكسور دخل وهو حاط يده على قلبه ومو قادر حتى يبلع ريقه عيونه صارت مثل الجمر تتلفت يمين ويسار وصل لنص الصالة
طاح على ركبه مفجوع من شاف الدم
بدر نزل لمستوااه قوم يا أمير أكيد نقلوها المستشفى ..
أمير كانت عيونه على الدرج كان كله متوصخ على طوله قام بخطوات سريعة وركض لفوق لقى غرفته مفتوحه دخل بخوف وقرب من سريره لقاه مغرق بالدم انفجع من اللي شافه
حط يدينه الثنتين على راسه وقعد على طرف السرير وصار يون هذااا اللي كنت خايف منه يا أمير .. ليش يا مريم .. ليييش حبيبتي .. انا شسويتلج .. قلتلج ما ابي ياااهل .. ابيج انتي .. مريم ذبحتيني .. ذبحتيني .. خلاص يا مريم انا عارف ان قلبج ما بيتحمل .. بتروحين وبتخليني بروحي ..
يوسف راح ورى اخوه وأول ما دخل الغرفة وشاف شكله مسك ذراعه يبي يقومه قوم يا خوي .. ان شاءالله نلحق عليها .. ما تدري على الله ربك كريم ان شاءالله بيحفظها ..
أمير حاس بالدنيا تلف وتدور فيه ما يدري بأحد حاس بيد يوسف بس مو متأكد هذا يوسف اخووه ولا بدر ولا احد غيرهم .. كان بس يهذي بإسمها وحاس نفسه انه مسير يمشونه مثل الطفل
طلعوه من الشقة وبدر فتح باب السياره وقعده وهو مو حاس على احد واستلم السواقه مكان يوسف وهو انسدح ورى
يوسف طلع تلفونه من جيب جاكيته شاف مسكولات من ساره تذكر انه ما كلمها وقالها شصاار ؟؟
اتصل عليها وهي ردت من أول رنة هلا حبيبي .. وينكم ..
يوسف يتنهد بضييق شقولج حبيبي .. مريم تولد ..
ساره انفجعت من الخبر شنووووو ؟؟ اشلووون ؟؟ مو أمير يقول انها بالثامن اشلون تولد ..
يوسف اي حبيبتي لان قلبها ضعيف ما تتحمل تكمل ..
ساره زين انتوا وينكم الحين .. احنا بنيي ..
يوسف ساره احنا تونا طالعين من شقة أمير .. مريم كانت هناك وخذوها بالاسعااف ..
ساره يعني انتو بتروحون لها الحين ؟؟
يوسف جانزين نعرف بأي مستشفى خذوها عشان نروح لها ..
في المستشفى
وصلت سيارة الاسعاف ونقلوا مريم على غرفة الفحص وهي تون من الالم آآآآآآآآآآآآآآآآه .. لحقوو على ولدي .. طلعوه قبل لا يموت ..
دخلت عليها الدكتوره وهي مصدومة من شكلها اخذي نفس .. اخذي نفس .. شسمج ؟؟
مريم ما ردت استمرت بونتها وصياحها
الدكتوره لفت ويهها على الممرضة اتصلوا بدكتور القلب المناوب .. شكلها مريضة لونها مزرق .. حتى نفس مو قادره تاخذ ..
ونزلت تفحص مريم يالله خليني اشوفج اذا الحين ولاده ولا لاء ؟؟
الدكتوره رفعت روحها وفصخت قفازاتها انتي واصلة للسته سانتي تقريبا .. الحين بنصعدج فوق جناح الولاده .. بس نبي منج بيانات للتسجيل .. انتي بأي اسبوع ؟؟ شنو اسمج ؟؟ وجم عمرج ؟؟
مريم بس تون ما تسمع لاحد
الدكتورة راحت قربت منها أكثر زين انتي مريضة ؟؟ عندج مشاكل بالقلب ؟؟
مريم على حالها ما تبي ترد عليها
الدكتورة يأست منها اتصلتوا بالاخصائي بسرعة ؟؟
الممرضة دكتورة الطبيب المناوب ما داوم اليوم .. والاخصائي نتصل على تلفوناته ما يرد ..
الدكتوره نسويها عمليه احسن
راحت لمريم توقعين على قيصيرية ؟؟؟
مريم صاحت وهزت راسها بالنفي
الدكتورة محتاره ومو عارفة تتصرف خلاص طلعوها جناح المخاض .. وحاولوا مع الاخصائي ..
بدر فتح باب السيارة هذا ثالث مستشفى نييه .. ما يابوا لهم حالة ولادة باسعااف .. ولا في بيانات بإسم مريم أكبري ..
أمير زادت حالته وصار يمشط شعره باصابعه من زود التوتر والخوف اللي ماكل قلبه قلتلكم .. قلتلكم .. ما بنلقاهم ..
يوسف كان قاعد ورى بالنص ومقرب جسمه منهم زين باقي مستشفيات ما رحناها لا تيأس ..
أمير بصراااخ هستيري شنو ما ايأس .. انطر لما يتصلون لي تعال استلم جثة مرتك ... والله تعبت حرااام عليج يا مريم تعبتيني .. تعبتيني ..
بدر الله لا يقوله .. زين انت رد على تلفونك .. ما سكت ..
أمير قلب التلفون هذول المستشفى مالي خلق ...
يوسف رد يا أمير يمكن محتاجينك ضروري ...
أمير قلب التلفون وشافه صار مس كول خلاص سكروا ..
بدر اكا ردوا اتصلوا .. رد يا أمير ..
أمير زفر بحراره ألو ..
الممرضة على الخط دكتور .. دكتورة روان طالبتك ضروري ..
أمير كلش واصله معاه وماله خلق شتبووووون ؟؟؟؟
الممرضة خافت من عصبيته دكتور .. عندها حالة ولادة لمريضة فيها القلب .. تبيك تيي تشوفها
أمير صرخ عليها سوو لها قيصرية .. ما له داعي تتصلون وتزعجوني ..
الممرضة هي رافضة العملية دكتور .. لازم انت تيي وتقرر عليها ..
أمير تنهد بضييق زين ياي ..
يتبع
أمير تنهد بضييق زين ياي ..
وسكر التلفون في ويهها ..
يوسف خييير ؟؟؟
أمير اففففففف .. من وين بييني الخير .. يبوني اروح اوقع على تقرير مريضة رافضة تولد بعملية ..
بدر يعني نروح هناك ؟؟
أمير هه .. لا طبعا مريم أهم .. خلنا نروح هذا المستشفى أول ..
يوسف حرام عليك أمير .. روح شوفها أخذ فيها أجر .. ما تدري على الله يمكن مريم الله يسخر لها دكتور شاطر ينقذها من اللي هي فيه .. روح أدي واجبك وان شاءالله ربك بيفرج كربتك ..
أمير يوسف هذي مريم .. ما اقدر .. ابي اشوفها أول ..
بدر والله كلام يوسف صح .. روح شوف المريضة وان شاءالله ربك يطمنك على زوجتك ..
أمير زين يالله ما نبي نتأخر .. خمس دقايق وانا طالع ..
يوسف تعال صح ليش ما ندور عليها بالمستشفى الحكومي اللي انت تشتغل فيه يمكن هناك ..
أمير هه اتصلت وسالت عنها .. ما ظل مكان ما سألت عنها .. ما راحت هناك .. وهي أكيد ما بتسويها لانها تعرف اني بلقاها هناك بسهولة .. ارحميني يا مريم ..
يوسف والله لو ما انك اتصلت وتأكدت جان بقول احتمال تكون هناك .. درنا عليها البحرين وبالاخير طلعت بشقتك .. والله ما ادري مرتك اشلون تفكر ..
أمير ابتسم لان صورتها طلعت بعيونه وتذكرها تفكر باللي انا ما يخطر على بالي ..
وصلوا المستشفى ونزل أمير وبدر ويوسف راحوا الكافتيريا
اتفاجئوا بالبنات قاعدين هناك
بدر طارت عيونه على زوجته ويوسف ابتسم لحبيبته وراح قعد يمها ليش انتوا هني ؟؟
ساره يينا ندور مريم .. ما لقيناها قلنا نشرب شي .. وانتوا بعد ييتوا تدورن مريم ؟؟
يوسف لا .. يبنا أمير عنده حالة طوارئ ..
مي كانت حاسة نفسها غريبة دايره جسمها عنهم وشاغلة نفسها بتلفونها ما تبي تشوفه وتواجهه قبل ما تعرف اللي صار بالضبط
هو حس بجفاها راح قعد يم ساره وظلوا يسولفون عن اللي صار معاهم
بغرفة الولادة
مريم كانت تصرخ بصوت عالي بمووووت .. مو قاادره اتحمل .. آآآآآآآآآآي .. خلصوني بمووت .. آآآآآآآآآآي
الدكتوره رفعت الغطا تكشف عليها اوووووو .. نزل ماي الراس كله .. يالله ان شاءالله شوي وتولدين .. وتشوفين البيبي بعد ..
مريم صارت تضغط على نفسها أكثر ما اااااااا اقدر اتحمل .. يعورنييييي .. آآآآآآآآآآآآآي .. بموووووت ..
الدكتورة عيونها على ويه مريم الحين ايي الدكتور ويحدد كل شي .. لا تخافيين .. بعطيج مسكن ..
وصل لجناح الولاده وحط كرته على الجهاز يسويله سكان وثواني وانفتح الباب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك