رواية يالبى البرائه يناس -3
ماكانت تبي تشتري شي بس اصرارهم خلاها تشتري فستان كان لونه عنابي كان منفووش
مررة فوق الركبة وكان بدون سيووروشرت صندل لف على الرجول بدون كعب
وكان الفستان منقووش عليه باللون الذهبي من عند الصدر للنهاية ...كان ناعم مرة وعلى
جوان يجنن ..وشرت لها كم بدلة وبيجاما ..وطقم عطور وكريمات ..
وهي ترمي عباتها :آآه توبة بكرة مارح اروح اي مكان لا تحاولين تقنعيني ..
نوارة وهي ترمي نفشها جنبها :والله وانا بعد احس بتعب بس يلا على الأقل اهم شي
الفستان ...
جوان بكآبة :نوارة
نوارة لفت عليها :هلا
جوان قالت اسمه بصعوبة :تتوقعين ســ ..يف يتقبلني
نوارة ابتسمت وجلست جنبها انتي :منو مايتقبلك ها ..
جوان ببتسامه باهته :تتوقعين امي رح تسامحني والله مالي ذنب بكل اللي صار والله
وبدت تبكي ...
نوارة :خلاص حبيبتي جوجو امك رح تتقبل كل شي انشاء الله بس انتي لاتبكين ..
جوان وهي تتممسك في قميص نوارة بقوه وتدفن راسها بحضنها :والله انا مالي ذنب وش
العار اللي انا سويته وش الذنب اللي انا وش سويت قولي لي ..والله مالي دخل والله
نوارة :ادري ياقلبي ان مالك دخل بس وش تسوين الله كاتب لك كذا
((قل لن يصيبنا الاماكتب الله لنا ))
ويمكن تكون خيره لك وله انتي وش دراك ...
جوان :انتي ماتحسين باللي انا فيه انا بموت من القهر خاطري امووت ولا اشوف امي
تطالعني كذا ولا خالد اللي طول عمره معي وعمره ماخانقني او مد ايده علي الحين وبكل برود
مدها علي ...
نوارة ضمت جوان بقووة وجلست تهدي فيها الى مانامت في حظن نوارة
في شقة سعد
كانت على الأرض تبكي وسيف جالس على الكنبة ومعطيها ظهره ..
اما ريم كانت تبكي بكل قهر اهي عارفة ان هشي رح يخرب سمعتها :حرام عليك انا وش ذنبي
سعد وهو يسحب قميصه من على الكنبة :قومي وانتي ساكته ..
ريم خذت شماغ موجود على الكنبة وحطته على كتوفها اللي كانت اصابع سعد موجوده عليهم
لبست عباتها واخذت جوالها وطلعت من البيت وهي تسحب معاها خطاها ودموعها...
ركبت مع السايق اللي من الرنه الأولى جاها ..
راحت البيت وكانت امها واخوها وابوها جالسين بالصاله ..
ريم مسحت دموعها وراحت سلمت على امها وابوها ....
ام عبد العزيزبخووف:يما ريم وش فيك توك باكية ..
ريم بخووف:لالا بس ريناد المسكينه قامت تصيح على امها وابوها انا ماتحملت وبكيت معها
ام عبد العزيز :ايه الله يكون بعونها..قومي يما ارتاحي وغيري ملابسك ونزلي تعشي معنا
ريم بحزن :لا يما انا شبعانه اكلت عند ريناد يلا تصبحون على خير ..
الكل :وانتي بخير ..
صعدت غرفتها وهي تحاول تمسك نفسها .. لا تبكي
رمت نفسها على سريرها وقعدت تبكي وش رح تسوي مع هالمصيبه اللي طاحت على
راسي ..قامت خذت لها ملابس وراحت تاخذ لها دش ينسيها شوي وتمحي اثاره من عليها
((خلاص ياالريم اللي راح راح ماتقدري ترجعي الزمن شوي))
في المستشفى ..
جنى وهي تساعد ابوها على انه يشرب الشوربة ...
فيصل :جنى خذي جوالك شوفي بحطه هنا ..
جنى :لحظ....راح يركض للسرير الثاني ..
ابو هيثم :علامهم اخوانك ..
جنى :ابد بس الظاهر انهم متعرفين على احد هنا او اللي جنبك الظاهر ...
ابو هيثم :ايه الله يهديهم عسى مايزعجون الرجال بس
جنى بمزح :اصبر شوي وتشوفه طاردهم
ابو هيثم :هههههه الله يكون بالعوون
جنى طالعت الساعه :اوبس يبى انا لازم امشي الحين امي وصتني مااخر فيصل وفراس
عن البيت عشان وراهم مدرسة ...
ابو هيثم وهو يطالع الساعه :11ونص ايه يبا تأخرو كثير وانتي بعد ترى وراك مدرسة
لا تنسين عساك ذاكرتي ..
جنى :ايه الحمدالله
ابو هيثم :الحمدالله يلا يبا خذي اخوانك وروحي البيت ..
جنى طيب يبا باست ر اس ابوها وماشافت فراس وفيصل برى سمعت صوتهم بالسرير اللي
جنب سرير ابوها شافت واحد باين عليه انه 30او29كذا يعني كان حلو مرة
وكان فارس جالس على الكرسي اما فيصل فجنبه على السريروكان باين عليه انه مندمج
معهم في سالفه ...
جنى بصوت هادي :فراس فيصل يلا نمشي تأخرنا ..
طلال التفت لمصدر الصوت شاف وحده كانت واقفه بعباتها الكتف وعيونها بنيه وساع وكانت فاتحه وجهها نفس اللي
في الصورة نفسها كان مفهي في شكلها ..
فراس وفهد.:يلا باي عمو
طلال ببتسامه :باي تعالو لي اذا جيتو هنا حق ابوكم ..طيب
فراس :ماتوصي حريص يلا تامر على شي ..
طلال:لا سلامتك ..
جنى مسكة يدين اخوانها وطلعت معهم للسايق وبدى التحقيق معهم
ايش سألكم ؟؟؟
وايش قال..؟؟؟
ايش قلتو له؟؟؟
ايش رديتو عليه؟؟
وعسى ماازعجتو؟؟
والخ والخ والخ
اليوم هذا يوم مايبونه لاجوان ولاسيف
اليوم زواج سيف من جوان كانت جوان طول الوقت بس تصيح ويعدلون المكياج
روان:جوجو حبيبتي لاتبكين
جوان :مااقدر مااقدر روان امي ماتجي تبارك لي شلون ..
روان :بس قلبي خللاص ماله داعي لكل هذا ..وامك شوي وتشوفينها رح تجي تبارك لك
جوان وهي بدت تهدى :شوي مااتوقع خلاص
مارح اصيح علشان شي مايسوى اذا اهي ماتبيني حتى انا ماابيها ..انا قلت لها مالي ذنب بشي بس اهي مو مصدقه
روان ببتسامه :يلا ياعروس انت قومي حبيبتي خلي الكوايرة تعدل مياجك للمرة الأخيرة
جوان :طيب
الكوافير حطت الفاشيون احمر مدخن بالذهبي بس انه ناعم مرة وروج احمر مخملي خمري
مع حبة كرستاله على جنب جفنها كان شكلها يجنن مع لون عدسة عيونها اللي توسعها
اللون الاخضر المايل للبني والرمادي ..
شعرها كانت فالته وحاطه غرتها على وجها الصغير ومسكتها اللي كانت عبارة عن
ورود جوري بالأحمر وينزل منها سلاسل ناعمه باللون الذهبي ..
دخلت خالتها وباركت لها وجات لها سارة اللي
كانت لابسة فستان اصفر للركبة ناعم مرة وبنوتي وشعرها مرفوع شوي منه
ومكياجها ناعم مرة... ..
سارة وهي مفتحه عيونها :انتي متاكده انك جوان ولا انا غلطانه
جوان ببتسامة:لا انا هي جوان بشحمها ولحمها ..
سارة ضمتها :مبروك يقلبي
جوان :الله يبارك فيك عقبالك
سارة :انشاء الله ها رح تجين المدرسة اولا
جوان :الا رح اجي بس متأكده محد درى ابدا
سارة :اي متأكده محد درى ..
جوان :اوكي
دخلت روان اللي كانت لابسة فستان اخضر فاتح على الرقبة وينزل منه قطع بشيفون باللون البرتقالي والتركوازي كان فخم مرة وشعرها مسويته كيرلي وحاطه مكياج اخضر على تركوازي والقلوس برتقالي فاتح محليهاونوارة كانت لابسة فستان ذهبي لحد الركبة ومن ورى ذيل طويل وشعرها مسوية تسريحة كريزي وحاطة لها فاشيون ذهبي مدخن بالبني والقلوس مخملي..كانو جد كيووت:يلا قلبي الحين زفتك
جوان برتباك :الحين
روان :ايه الحين
جوان خذت نفس عميق :طيب يللا
دخلت وقدامها شادن لابسة فستان ابيض منفوش
وكانت تمشي وهي ماسكة دبلتين في علبه صغيره مغلفين بالشرايط
جوان الحين انا رح ابدأ ((حياة جديدة)) لازم انسى كل شي واحاول اني ابدأحياة سعيدة مع سيف
سيف اللي ماادري رح يتقبلني اولاخلاص انسي ياجوان انسي
شافت امها من بعيد كانت تطالع فيها جوان حاولت تفهم نظرات امها بس مافهمت شي
من نظراتها كانت تمشي على اغنية انا انكتب لي عمر حقة شرين..
انا انكتبلى عمر وانت بين ايديا
وحجات كتير كانت بعيده عليا
لاقتها فيك
وانا بين ايديك كل اللى ضاع لاقيته تانى
وهربت ليك من كل حاجه مخوفانى
وجريت عليك
ايامى جبنك عشتها وحياتى بيك كملتها
انا كنت قبلك واحده ناسيه نفسها
قدام عينك انا صعب الاقى كلام اقوله
ده كل حلم زمان كا نفسى اطوله
انا شفته فيك
ازاى اعيش الدنيا لو مكنتش فيها
كلمه حبيبى مش هنادى لحد بيها
غير بس ليك
________________
كانت في هاللحظه تحس انها يمكن تمووت في هاللحظه تتمنى لو انها تشووف كيف رح تعيش
مع سيف وكيف رح يعاملها وكيف رح يكون شكل عيالها وهل رح تكون سعيدة معاه اولا
((ستعرفين كل شي في المستقبل ياجوان))
في بيت ابوعبدالعزيز
كلما تتذكر اللي صار تحس بقرف مووت
جفاها النووم وموقادرة يجيها
قررت تقوم تتمشى برى في الحديقه حقة البيت ..
قعدت تتمشى في الحديقة وهي كل شوي تحس انها تبي تبكي ياترى معقولة ريناد تكوون
متفقة معه لا مااتوقع اهي صديقتي من ايام الأبتدائي ماتوقع تخوني ..ياربي
انا مو ناقصة تجيني مصيبه من ورى سعد جلست تمشي الى ماوصلت جنب العصافير اللي موجودين في
قفص صغير كانت تطالعهم كيف جالسين يأكلون عيالهم وكيف ان كل واحد منهم
قاعد يساعد الثاني ياترى لو صارت حياتي مثل العصافير ولا بصير تعيسة لأني مارح
اكوون بامان ورح يكون في ناس رح تصيدني وتبي تحتفظ فيني ؟؟
شافت قطوتها سنوي تجي قريب منها نزلت في الأرض وحملتها ...وقامت تلعب في فروها
الأبيض الناعم اماسنوي حطت راسها على رقبة ريم اللي بدت تلاعبها شوي
بس ذكرتها هالحركة بسعد رمت سنوي في الأرض لدرجة ان سنوي
خافت وبعدت عنها اما ريم جلست في الأرض وهي ضامة رجولها وحاطه راسها على
ركبتها وهي تبكي ... راحت لها سنوي وجلست تمسح بفروها الناعم على يد ريم..
ريم ((حتى القطوة حست فيني ورحمت حالي بس سعد مارحم حالي..))قامت
تبي تدخل داخل بس على طول استغنت عن هالفكرة وجلست عند نوافير الحديقه وسالي جنبها
في القـــــــــاعة
كانت طول الوقت تشوف الناس اللي بدى يكثر عددهم بعد مدة
شافت روان ونوارة يرقصون على اغنية انا من حقي اغير حولك العالم كثير للراشد
كانت تشوفهم مبسوطين وشادن كانت ترقص مع نيرمين بنت جيرانهم الصغيرة..
كانت تشوف الكل مستانس بس اهي ماتحس بالوناسة ضحكت على نفسها كيف بحس
بالوناسة وانا متزوجه ولد عمي سندي وانا حامل منه قبل مااتزوجه ..
قطع عليها صوت المصورة اللي خذت كم صورة لها وهي بحالتها العادية مالها خلق شي
نوارة جات لها اهي وروان:يلا الحين بيدخل سيف ..
جوان بخوف وتوتر :ليش تو الناس..
نوارة :يرحم امك تو الناس الساعه 2ونص
جوان برتباك :ها مر الوقت بسرعه
روان :وش نسوي يعني هذي الدنيا ولازم تمشي ..
نوارة :يلا شوفي امي تأشر لي رح يدخل سيف وقفي ..
ساعدوها توقف وعدلو فستانها ومسكتها وظلت واقفه وهي تطالع ببرود ..يسري فيه توتر
شافن سيف داخل بروحه وكان لابس بشت اسود مطلع شكله هيبه ورزه وكان رافع حاجب
وشكله معصب من شي دخل وسلم على خالاته وروان اللي جلست تستهبل عليه
سيف شاف جدته واقفه جنب جوان راح سلم عليها طالع جوان اللي كان شكلها
نعوم مرة ورهيب قرب منها وباس راسها قدام الناس بس شافها ارتجفت يوم حط ايده على
كتفها عشان يبوس راسها بعد يده ورسم على شفايفه ابتسامه مصطنعه عشان الناس اللي بدت تطالعه الكل كان خاق
على سيف على شكله وهيبته ... جاتهم المصورة وهي تتميلح جنب سيف وسيف معطيها
طااف ...المصورة:ممكن تحط ايدك على خصرها ..
سيف طالعها بنظرات حقد ولف للوجين اخته :اقوول قلــــعي هالمصورة انا قلت ماابي تصوير
لوجين :بس
سيف :لوجين وش اقووول
لوجين :طيب طيب ..
خذت معها المصورة وطلعتها لبرى ...
جلسو وطول الوقت كانت جوان تطالع في مسكتها اما سيف كان يطالع في كوشة الورد اللي
على الطاولة جاته شادن ومعها علبة الدبل :سوفي هد خامك ابسه
سيف ابتسم واخذ علبة الخاتم وحطها على الطاوله وحمل شادن على رجوله...:هاشدون مين حط لك
مكياج ...شادن تأشر على امها :ماما حتت لي ميازيزنن
سيف يبوسها على خدها:ههههه وس حلاتك والله
شادن :سوفي الهين انت تتزوز زوان
..سيف لف على جوان اللي كانت تسمع كلامهم وهي منزلة راسها:اية ورح تجي بيتنا
شادن وهي تصفق بيدينها ببرائة :والله هلاس انا تل يوم بزي انام عتكم
سيف ضحك :حياك الله كل يوم
شادن وهي تضحك :الله يهيييك ...((البنت تجنن انا خاقه عليها))اوصف لكم شكلها
شعرها اشقر لحد رقبتها وبيضة مثل بياض جوان وعيونها عسليه ناعسين وساع
خدودها وردية وشفايفها حمر صغار وووجها مدور ودبدوبة شوي بس ماتوصل لحد تقوول عنها
متينه كانت لابسة فستان ابيض منفوش ولابسة طرحة بيضة عليها ورورد جوري..
مر الوقــــــــــــــت والكل كان قاعد يطالعهم بعد ماقصو الخاتم ولبسو بعض الدبل مجاملة
للناس وبعدها سيف قرر يطلع الحين مسك يدها عشان الناس وامه وهي تترجاه بنظرها
وطلعوا وركبو سيارته مارضى حد يوصلهم ماله خلق شي ابد ...
جوان طول الوقت ساكته وكانت مرعوبه من داخلها وش رح تسوي الحين ...
وصلو الشقه اللي شراها سيف ...ونزلت بشويش وهدوووء وتنتظر سيف لأنها ماتدري وين تروح
سكر الباب وتقدم بهدووء ودخل الأصنصير ودخلت وراه بهدووء وقف الأصنصير في الطابق
الرابع ولارضى يتحرك طلع سيف وقام يصعد الدرج وجوان تلحقه ماتدري وش تسوي تعبت
من المشي وتكلمت بصعوبة :سيـــ ....سيف
سيف لف عليهاوببرود:نعم
جوان وهي تاخذ نفس :تعبت وقف شوي
سيف رفع حاجب :ليه
جوان وهي تجلس على طرف الدرج :تعبت
سيف رحمها:طيب ..
وقف شوي وظل يتأملها بس لحد الحين مو داخل عقلة ان هي تكون مرته ياخي كأنها بنتي
سيف وهو يرفع نفس من على الجدار اللي كان متسند عليه:يلا مابقى الاطابق واحد
جوان قامت:طيب يلا
وصلو الشقه ودخلوها...
سيف رمى بشته اللي كان على يده وشال شماغه وجلس على الكنبـــهـ
بهدووء اما جوان دخلت على طول الغرفة تغير ملابسها من الفستان الثقيل وتاخذ لها دش
حار يساعدها على انها تسترخي ..
طلعت لها بيجاما وردي بأكمام كان مرسوم عليها سمايلات ملونه واخت منشفتها وراحت
تتحمم ...
اما سيف ماحب يدخل الغرفة ويزعجها ويزعج نفسه اخذ ريموت التلفزيوون وجلس يدور على شي
حلو بس مالقى رجع الريموت محلة وقرر يدخل يغير ملابسه وينام لأن بكرة وراه شغل
دخل شافها تمشط شعرها وهو مبلول بالموية لفت عليه تطالعه كان شكلها بريئ اول مرة
يشوفها على الطبيعه بدون مكياج اهي لفت عنه وكملت تمشيط شعرها خذت من اللوشن بريحة
التفاح وقعدت تحط لها سيف غير ملايع في غرفة الملابس ..
وطلع واخذ له بطانية ومخده وراح ينام في الصالة ..
جوان مااستغربت هالحركة ابدا قررت تروح المطبخ تجيب لها موية ..
وقفها صوت سيف :جوان..
اول مرة ينطق اسمها ..لفت عليه ببتسامه باردة :هلا :سيف ياربي على هذي غصب تبين لي انها بزرة..
سيف:بكرة رح اوديك المدرسة طيب..
جوان ياربي من بكرة قلق:لا مابي اروح بكرة خلها لعقب بكرة عشان اجيب كتبي
سيف تنهد :طيب بس ترى انا بروح الشغل بكرة
جوان وهي متوجهه للغفة :طيب وش اسوي يعني ..
سيف لاحول مع هذي اووووووووووف ..خل انام احسن لي
في صباح جديد على بيت ابو عمـــــاد
حنان وهي تقوم سلطان :سلطان قوووم يلا رح تتاخر
سلطان وهو ينقلب للجهه الثانية :يوووه صبري شوي بس خمس دقايق
حنان بطيبة :طيب خمس دقايق بس
راحت تصحي عماد وابوها للفطور ..
الكل كان جالس على الفطور المتواضع ((خبز وجبن وزيتون وشاي))عماد:صباح الخير
ابو عماد +حنان :صباح النور
حنان وهي تمد كوب الشاي لأخوها:وين سلطان
حنان :مارضى يقوم قال خمس دقايق شوي واقوم اقعده
عماد :ولايكون صدقنيه قاام وراح لسلطان وشال الغطى عنه :سلطان سلطان قوووم
سلطان :اوووووووووووووه حتى النو مانتهنى فيه
عماد :ترى اليوم عليك اختبار كيميا قووم راجع قبل ماتروح.
سلطان :اووووووووف طيب
قام بكسل وتوجه للحمام ويتوضى ويصلي ...وينزل يفطر
في شقة سعــد
كان نايم بالصالة اما ريناد لحد الحين تفكركيف راحت ريم من دون ماتقولها وكيف نامت اهي
متاكده سعد ناداه بس وبعدها ماتذكر شي ...ازززف ضغطت على راسها بس مافي فايده
شافت عبدالله طالع من غرفته ولابس شماغه وماسك كتبة :يلا تبين شي
ريناد:لابس موكأن مبكر
عبدالله وهويلف عليها :سكتي يشيخه اكيد الحين تاخرت على سلطان بيسويلي صاعقه اليوم
ريناد ببتسامه :طيب انتبة لنفسك وانت تسوق ..
عبدالله :اوكيشن باااي
ريناد :باااي \راحت لسعد اللي نايم قررت اليوم تغيب لأنها مارح تقدر تقاوم النوم ماتدري ليش
ريناد بهمس :سعد قوم سعد
سعد وهو يلف لللجهه الثانية :هممممم
ريناد:قوم نام في غرفتك
سعد وهو يقوم بمساعدة ريناد :طيييييي ب
في بيت ابوهيـــثم
ام هيثم :اقول بو هيثم
ابوهيثم :هلا
ام هيثم :امك كلمت البارح وقالت انها تبينا نروح للشاليهات يوووم الأربعاءلأن كل عيال عمانك بكونون هناك
ابو هيثم :ها وش رايكم ياعيال تبون تروحون ولا نروح انا وامكم
جنى وهي توقف وتلبس عباتها :لا انا رح ارووح ماصدق اطلع من جو المدرسة
فارس:وانا بروح بعد
فهد :يعني بظل بروحي مثلا وانا بروح
ابو هيثم :خلاص اجل جهزو نفسكم عشان بكرة الساعه 4العصر نمشي
الكل:طيب
ايش ممكن تشوووف جنى هنــــــــــــــــــــاك؟؟؟
في شقة جوان وسيـــــــــف
طالع الساعه كانت الساعه 10قام يبغى يصلي الفجر لأنها فاتته دخل الغرفة شاف التكييف مرةبارد وجوان مش
متغطية ولامه نفسها وباين عليها بردانه اخذ البطانيه وغطاها بشويش حسها بدت تلف نفسها عدل
بالبطانيه من البرد قرب منها كان يشوف تعابير وجهها مبتسمه كان وجهها طفولي بدرجه وهي
نايمه حتى هيئة جسمها تسمح بهشي ...
راح للحمام ياخذ دش ويصلي ويروح شركته ...
في بيت ابوعبد العزيــــــــــز
الخدامه :ريم قومي ريووم قومي يلا مدرسة
ريم وهي تتغطى بالبطانيه :وجعوو سونيا روحي عن وجهي ان قمت مارح اتركك ..
سونيا :لالا ماما قول لازم روهي مدرسة اليوم وكل يوووم
ريم اوووووف :قلت لك مارح ارووح شتبين
سونيا وهي تمسك رجول ريم :ريووم لازم روهي مدرسة قومي ..
ريم قامت تلوح المخاد اللي على سريرها على سونيا الى ماطلعت من الغرفة ورجعت تنام
بس وهي راجعه تغمض عيونها جاها طيف سعد اللي صار حلم او علم راحت للغرفة الملابس وشافت ملابسها
مرمية في الأرض يعني صحيح اللي صار امس رجعت تفكر في شنو رح تسوي مارح تروح المدرســه
عشــــــان ماتشوف ريناد فجأه انفتح الباب ودخلت امها ...
ام عبد العزيزبحنية :يلا يما قومي للمدرسة
ريم وهي تغطي وجها :ماابغى اروح تعبانه يوما
ام عبد العزيز وهي تجلس جنبها :ليه وش فيك ماتبين تروحين
ريم وهي تدفن راسها في حظن امها وتحاول تكتم دموعها :لا يما بس تعبانه وابغى انام
ام عبد العزيزوهي تمسح على راس بنتها :على راحتك يما بس اذا بغيتي شي ناديني
ريم وهي تبعد عن حظن امها:طيب
ام عبد العزيز غطت بنتها وطلعت من الغرفة...
نسيت اوصف لكم ريم ...
جميلة شعرها اسود لحد رقبتها وناعم مرة مش متينه ولاضعيفة حلو جسمها لونها مايل
للسمورة بس الكل يقول عنها بيضة ولها غمازه في خدها اليســـــــــــاربس تضحك او تعصب
تطلع لها عربجية شوي بس انها طيوبه عمرها 16سنه
عبد العزيز :وسيم دايم السكسوكة ماتفارق وجهه عيونه وساع سوده جذابه مرة
عمرة28سنة
في شقــــــــة جوان وسيف
صحت من النوم فتجت عيونها وشافت المكان اللي اهي فيه عرفت ان اهي ماكانت تحلم
قطع عليها تفكيرها صوت جوالها ابتسمت يوم شافت :سارة اهي اللي تتصل
جوان بفرح :سووري
سارة:هههههههههه جوان قلبي اخبارك
جوان وهي تعتدل في جلستها :انا تمام انتي اخبارك
سارة :اقول بلا رسميات وش صار امس
جوان وهي رافعه حاجب :ولاشي دخلنا الشقة وغيرت ملابسي ونمت
سارة :بس
جوان :يس يس
سارة :والحين سيف وينه
جوان:سيف راح الشركة يقول عنده شغل
سارة :الشغل من اول يوم زواجه
جوان :اي وش فيها
سارة :اها طيب متى رح يجي
جوان :وانا ايش يدريني
سارة :لا حول طيب ابدي معاه حياة جديدة واسعدية وهو يسعدك
جوان :وهذا اللي افكر فيه
سارة :طيب قومي غيرتي ملابسك
جوان تطالع ملابسها :لابعدين ملابسي شحلاتهم مافيهم شي
سارة :لية انتي شنو لابسة
جوان :البيجاما الوردية اللي فيها سمايلات
سارة فتحت عيونها على الأخير: نمتي معه بهلملابس
جوان وهي تحك راسها :وانتي منو قالك نام معي اهو نام بالصاله وانا في الغرفة
سارة بصدمه :من جدك انتي
جوان :لامن عمي ايوه من جدي
سارة :لاحول انتي يبيلك قعده طيب قومي الحين خذي دش وغيري ملابسك لبسي الفستان البنفسجي
اللي اكمامه حايرة وحطي لك مكياج وتعطري على مايجي
جوان وهي ترجع تنبطح :لا مابي ابي اكمل نووم
سارة :لا بديتي حياة سعيدة بجد
جوان :ههههههههههه طيب لاتعصبين بقووم
سارة :اي شاطرة يلا اللبسي واذا خلصتي اتصلي علي
جوان :طيب باي
سارة :باي
قامت جوان واخذت دش وصلت الظهر لأنه اذن ولبست فستان بنفسجي غامق محليها على بياضها
ناعم مرة اكمامه حايرة وفلت شعرها مع شويت رغوة
جات المشكله جوان مو من عادتها تحط مكياج واذا حطت حطت قلووس لأن حتى امها
ماكانت ترضالها تحط مكياج تقول حلاة البنت ناعمه
خذت كريم الأساس وجلست تحط بدوون ماتحس على بياضها صارة مهرج مع كريم الأساس
اللي حاطته اخذت الشدو وحطت في عيونها باللون البنفسجي وفي اللعين الثانية تلخبطت
في اللون وصار عين وعين وحطت قلوس لونه وردي صار شكلها مهرج جد
كان احلى شي فيها الفستان وشفايفها بالقلوس ولاشي عدل غير هذيلا سمعت صوت سيف يناديها
قامت تطالع نفسها خلاص مافي مفر رح اطلع له كذا حاولت انها تمسح اللي في وجهها لكنه
ماراح ..
جوان وش بيقول الرجال لي شافني اكيد بيخترع هذا من ثاني يوم كذا اجل شلون بعدين
خذت علبة المناديل وقامت تحط لها من مزيل المكياج ..وهي تمسح الفاشين دخل في عينها
وقامت تنط من الألم وتصرخ :اووش عييوني اووووف كل من سوير آآي
سيف سمع صراخها ودخل الغرفة وشافها تناقز وهي بالفستان البنفسجي اللي كان لونه رايق عليها..
سيف قرب منها ولفها عليه اخترع من شكلها وكانت ماسكه عينها اليسار ...
سيف وهو كاتم ضحكته على شكلها :وش فيك
جوان وهي تبكي :دخل مزيل المكياج في عيوني
سيف مسك يدها :وريني اشووف
نزلت يدها وفتحت عيونها بألم :اوووش يعور
سيف شاف عيونها الرمادية كان تحت اللون الرمادي احمر مرة ...:دقيقه
راح وجب غسول للعين وخلاها تنبطح وحط في عيونها شوي
جوان وهي تغمض:آآححح حاااار
سيف :معليه تحملي كان يطالع شكلها اللي خربة المكياج ..
جوان وهي ماسكه العين اللي تألمها :وش فيك تطالعني كذا
سيف ببرود :لالا ولاشي بعدين انتي منو قاص عليك وقالك حطي لك مكياج بهطريقه الهمجيه
جوان وهي شبة رايقه :انا مو حلو
سيف :ههه لا يجنن ايوه مو حلو شفتي شكلك كيف كانك مهرج ..
جوان:وش اسوي سارة قالت حطي مكياج ..
سيف :لاحول ولاقوة الابالله طيب
قومي مسحية عشان نطلع نتغدى برا..
جوان :لا اخاف يدخل في عيوني مثل مساعة ..
سيف :يعني بتروحين كذا
جوان ببرائة :لاانت امسحه لي
سيف يالليل :طيب وين المزيل حق المكياج
جوان تأشر على التسريجة جنب المناديل :راح واخذ له كم قطنه عشان يمسح المكياج
وجلس على السرير جنبها وقام يمسح المكياج من وجهها بشويش مسح عيونها اللي صارة نظيفه بس
اللون البنفسجي خفيف عليها قرب من خدودها ومسح كريم الأساس وقرب من شفايفها يمسح
القلوس من عليها كانت مغمضة طول الوقت عشان مايدخل عيونها قرب منها يوم خلص
ماقدر يقاول لون خدودها خاطرة يبوسهاوبس
بس في شي يمنعه من هالشي مسك نفسه لايتهور وقام من جنبها :يلا قومي لبسي
جوان قامت تطالع نفسها في المرايا وببتسامه :شكرا
سيف رد الأبتسامه ببرود :العفو
اتمنى ان البارت مايكون سخيف او قصير وماله معنى ..
تتوقعون وش رح يصير في حياة جوان وسيف ؟؟
وجنى وطلال..؟؟
وريم وسعــــد..؟؟
تابعوني في البارت القادم يوم الأثــــــــــــــــــــــنيـــــــــــــــن
تحياتي ((كحيلة بكاها))احم سلاااام
سلمتـــــــك قليبي بين ايدينك اياني وياك تلعب فيه ترااهــ امانـــــــه في رقبتك
ليووووم البعث تصونه وتسلمني اي ـــــاه بين الخلايق هدية ...
.
الجــــــــزء الثـــــــاني ...
البـــــــــــــــــــــــارت الأول
في بـــــــيــــــت ابوهيثم
جنى جهزت اغراضها عشان روحت الشاليه ...وفهد وفراس متحمسين مرة
جنى وهي واقفه جنب الدرج :يلا بابا رح نتأخر
ابو هيثم وهو يعدل القلم في جيبة : يلا بس وين فهد وفراس
جنى :اووو اهم جالسين في السيارة من زمان..
ابوهيثم :له له زين يلا اجل
جنى وهي تمسك ابوها من يدها :بابي اجل ماما وين
ابو هيثم راحت مع خالك من الصباح
جنى وهي تلوي بوزها :ولية مانتظرتنا
ابو هيثم وهو يقرص خد بنته :تتنتظرك وش تسوي يلا يلا بس ههههه
جنى وهي تمد بوزها :والله هذا انتو بس نقول لكم شي مايعجبكم
ابو هيثم :اقووول ترى ماسوت علي لاتفتحين قضية فلسطين ..
جنى وهي تركب السيارة :طيب
رح تنتظرك احداث كثيرة ياجنى
في شقة جوان وسيف
جوان جالسه تحفظ في النصوص نص ياعذبة الروح وهي تعيد وتزيد بس موراضي يدخل في عقلها
وتحفظه ....
سيف جالس في الصاله على الاب توب حقه يسوي كم شغله في البنك
جوان وهي تجلس جنب سيف ببيجامتها المووف الجبنيز طالعه فيها ملاك صغنووط..
جوان ببرائة:سيف تكفى سمع لي
سيف بدون مايلف عليها :شنو ماسمعت
جوان وهي تمد له الكتاب :بليييييييييييز سمع لي
سيف لا جد انا متزوج بزرة بجدووود :روحي زين ماابغى سمعي لنفسك
جوان وهي تسوي نفسها بتبكي وتعبس بفمها -_-:تكفى اليوم الأبلة قالت اللي مارح تحفظ ابهزئها
سيف عصب :شنو انتي بزرة قلت لك لا انا مشغول
جوان ماملت ورح تخلي يسمع تجمعت الدموع بعيونها:تكفـــى امي اول دايم تسمع لي اهي
وخالي سليمان
سيف ماقدر يوم شاف دموعها في عيونها :طيب طيب هاتيه
اخذ الكتاب منها :يلا قولي
جوان ببتسامة نرسمت على شفايفها المحمرة ...:طيب ذكرني بأول كلمة
سيف تنهد وهو خافي ابتسامته :فداك روحي
جوان تعدلت بجلستها :اي اي تذكرت خلاص ..
وفداك روحي واحشائي وفيض دمي
فداك القلب بنبض الحب موار
امــــــ ـا ه يالحن الهوى بفمي
جوان يوم قالت اسم اماه حست انها مارح تقدر تكمل وسيف انتبه لها بس سوى نفسه يسمع
وقعدت تكمل وتسوي نفسها مطنشة ...
ياعذبة الروح فيك الشعر يحتار
افديك ياامـــــــــــ ــ ـاه يانبض الهوى بدمي
ام كنت لؤلؤة فالقلب محار
يامن سهرتي لترعي انتي وعلى اجفانك الدمع بالآمال موار
ماقدرت تكمل ونزلت راسها تمسك دموعها لاتنزل
سيف جلس يطالعها وده يضمها ويسكتها بس مستحيل يصير هالشي والكل عارف
جوان كانت تبفي اي احد في هاللحظه يضمها حتى لو كان سيف رح تتقبل هاشي قربت من
سيف تطالعه برجاا سيف فتح يدينه وهو يقول في قلبه زين زين لها لأنه ماقاوم رغبته في انه يضمها وشكلها البريئ وهي
تطلب منه قربت منه جوان بهدووء وهو ضمها بشويش وحط ذقنه على شعرها الأشقر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك