رواية عذبتني باسباب فرقاك -3
ابو مريم اي يا يبه .. ويالله يابنات ندخل البيت وما ابي وحدة فيكم تقرب هني مره ثانية .. لين الله يفكنا من هالبلوه
مريم ماردت على ابوها كانت بهاللحظات تسترجع اللي صار وتتذكر حركاته واشلون كان متمسك بيدها وكأن يبي يتمسك بخيط من خيوط النجاة كأن يشوف فيها الحياة كانت تتذكر شكله اول مافتح عيونه واشلون كانت قريبه من انفاسه والله انك أكبر لغز مر علي بحياتي !!!!!!!!!
طلعوا من الملحق ودخلوا البيت وقعدوا البنات في الصالة الصغيرة أما ابو مريم بعد ما نبه على الحراس انهم يشددون الحراسة على الملحق عشان ما يتكرر اللي صار اليوم دخل مكتبه يخلص باقي اشغاله
مريم بصراخ امبييييييييييييييييي .. نسييييييييييت
مي وساره نسيتي شنو ؟؟؟؟؟؟؟؟؟؟
فاطمة كانت تقلب في قوات التلفزيون وميتة طفش ومطنشتنهم
مريم بكرا عندي امتحان ... وانا حتى كتاب ماعندي
مي مريم عبالي عندج سالفة .. اتصلي للدكتور وخلاص
ساره اي صح ..
مريم انتو شفيكم امتحان فاينل هذا
مي مريوم عادي .. واذا ماتبين تكلمينه انا بكلمه
مريم بفرح حللللللللفي .. لان صج مالي مزاج دراسة
ساره مريوم ليش ما تدرسين انتي بجامعة خاصة وباقيلج سنة وتتخرجين .. مع اني متأكده انج مو محتاجة للدراسة شلج بعوار القلب خلي التعب لنا لو ما عمي ما كان بدور خلص دراسته ولا انا وصلت الجامعة
مريم سارو تبيني اقعد بالبيت على الاقل اضيع وقتي بالجامعة بكبري متضايقة مابقى على الا كورسين واتخرج شسوي لان بابا يبيني ادير الشركة وانا توني صغيره على هالحمل ابي اعيش حياتي بصراحة .. يالله ميون اتصلي
مي عطيني الرقم
مريم هاج .. اتصلت انتي ما عليج الا تتكلمين بس
البنات كلهم صخوا عشان يسمعون مكالمة مي مع دكتور مريم بالجامعة وأولهم فاطمة لان تموت على اللقافة
مي بصوت أنثوي آلو
الدكتور حازم أيوه
مي هلا دكتور .. اشلونك ؟؟
الدكتور حازم بخير نحمدو ونشكرو .. مين معايا حضرتك
مي بدلع افااا يا دكتور ما عرفتني
الدكتور حازم لا والله متأسف معرفتكيش
مي انا مريم
الدكتور حازم مريم مين ؟؟؟؟
مي مريم محمد تقي أكبري
الدكتور حازم مــــــــــــريــــــــم .. ازايك يا بنتي .. وازاري باباكي
مي بابا بخير .. بس انا لا
الدكتور حازم لييييييييييه بس .. خير اوعي تكوني خايفة من الامتحان دانتي شطورة اوي
مي اي بس انا مادرست وما اعرف شي دكتور .. اهون عليك ارسب بالمادة وو...............
الدكتور حازم لا طبعا .. والحل .. طيب لو عوزاني ابعتلك على الايميل المذكرات المهمة انا ماعنديش مانع
مي دكتور شنو المذكرات .. كلك نظر دكتور
الدكتور حازم طب اعمل ايييييه ؟
مي طرشلي الامتحان ومعاه الاجابه
الدكتور حازم لا كده حرام وده مش لمصلحتك يابنتي
مي دكتور انا عارفة مصلحتي زييين .. وبعدين تراها مو اول مره .. طرشه الحين بكرا طرش اتعابك للبابا وهو يحاسبك .. كلشي بثمنه يا حازم .. وبعدين اللي انا بعطيك اياه قيمة الامتحان اكثر من معاشك اللي تاخذه في شهرين .. هاااااا شقلت
الدكتور حازم خلاص يا مريم انا هبعتهولك دلوقتي
مي بفرح اي يا دكتور خلك كووووووول جذي .. الحين تعجبني .. يلله باااااااااي
وسكر الدكتور في ويه مي بدون مايسلم وهي عصبت شوفوا الخايس سكرالتلفون بدون ما يسلم
ساره يمكن انبه ضميره فجأه ..
فاطمة ياريت احنا بالمدرسة نقدر نسوي جذي
مي يالغبية بالمدارس الخاصة ما يصير مو بعد الحكومية
فاطمة ياريت غيرت رايي ورحت خاصة ..
ساره وهي ترميها بالتكية مالت عليج عمي اصر عليج بدخلج بس انتي اصريتي على الحكومية .. تبين تظلين مع ربعج .. ولا احد يعوف الراحة
مريم نزلت ومعاها الابتوب الحمدلله .. A صارت بمخباي
مي ويسوى هالامتحان تدفعين له كل هالفلوس
مريم وعيونها في الابتوب يسوى اني اشتري راحتي وراحة بالي .. والخير وايد ألعب فيه انا احسن
مي انا لو اقول لبابا جذي جان علق مشنقتي من زمان
مريم عاد ابوج .. ابو المبادئ اللي ما تأكل عيش
مي اقولج عاد .. محاضراته اللي ما تخلص .. والله يا مريوم ساعات احس ان بدا يصير بخيل على كثر الفلوس اللي عنده .. تخيلي ذاك اليوم يقولي انا من اسبوع معطيج ألف دينار وين وديتيها .. من متى انا تكفيني ألف بأسبوع ولا سيارتي صاير يحسب لي الكيلومتر .. يقولي توها طالعة من شهرين وكأنها ماشية سنة
ساره لا حبيبتي ابوج مو بخيل .. بس يمكن قربتوا تفلسون عشان جذي صار يحاسبكم
فاطمة شيخلص فلوسهم يا حظي تراب ماتاكلها النيران
مي تف تف تف تف .. قل اعوذ برب الفلق .. من شر عيونج يا فطووم .. قولي الله يزيد ويبارك
فاطمة زين زين الله يزيدكم ان شاءالله ورباً عطاكم ورزقكم يرزقنا
ساره ومريم ميتين ضحك على هواش فاطمة ومي هههههههههههههههههههه .. هههههههههههههههههههههه
مي اي خلج جذي شطووووره
طبعا ما قلت لكم عن ابو بدر وسارة وفاطمة والمهم هو ان الاخوان من امهات مختلفة أحمد ابو بدر ضيع فلوسه كلها بالزواج كان كل بين جم شهر يتزوج زواج جديد وكان على طول مسافر من بلد لبلد الوحيدة البحرينية كانت ام فاطمة بس تطلقوا لما كملت السنتين وكل واحد فيهم تزوج مرة ثانية وساره هي اللي ربت اختها اما سارة كانت امها مكسيكية وولدتها بالمكسيك ورمتها على ابوها وسافرت عشان مستقبلها لانها كانت عارضة ازياء مبتدئة وتطمع للشهره وساره كانت بتعييق طموحها وبتخرب جسمها خصوصا انها توقفت اشغالها لما حملت فيها وكانت بالنسبة لها صدمة وخصوصا انها ماعرفت بالحمل الا بالشهر الرابع وكان الوقت متأخر عشان تنزل الحمل فأنجبرت انها تكمل حملها بس تقطع علاقتها ببنتها وابو بنتها وبدر كان البكر ومثل ما قلت بالبداية امه ايرانية وتصير بنت خالة زوجها شهر وهجرها ورجعت لاهلها وعاشت هناك لين توفت ورجع البحرين لان حس ان خواته محتاجين له وابوه يرجع البيت مره بالشهر بس يقعد يومين ويرجع يسافر واخوه ابو مريم هو اللي يصرف عليهم لان ابو بدر خلصت فلوسه على السفر والزواج والبنات ناسي اللي لهم حق عليه
وساره وفاطمة دائما يحسون بالنقص بالرغم ان عمهم مو مقصر عليهم وبيتهم فيلا اشتراها لهم وكتبه باسمهم لان ابوهم مو مضمون ومن يسافر اخوهم او تكون عنده رحلات يجيبهم عنده وابو مريم ما كانت عاجبته شغلة بدر لان ابوه بعد كان طيار قبل لا يتقاعد وتعلم على السفر والزواج من كثرة السفر من بلد لبلد بس بدر كان دائما يطمن عمه انه ما يخاف وانه غير عن ابوه
مريم اقووووول شرايكم نطلع مليت من البيت
فاطمة بحماس اي والله ملل الله يخليكم .. الله يطول بأعماركم .. الله يرزقكم بولاد الحلال اللي يسعدونكم .. الله يعطيكم على قد نيتكم ... الله .................
مريم افف بس بس .. من تفتحين فمج ما تسكرينه
ساره لا فاتي باجر عندج مدرسة
مي اي فاتي اليهال يرقدون من وقت والحين الساعة 11 عليج مدرسة صعدي دارج نامي احسن
مريم يالله فاتووو صعدي داركم نامي وان شاءالله الويك اند بنطلعج معانا
فاطمه وهي حدها معصبة وتصعد الدرج بقهر اففففففففففف .. مالت علي وعلى حظي وعلى المدرسة فوقي .. وعلى الدراسة .. واللي اخترع العلم كله ..
البنات ههههههههههههههههههههههههه
مي وهي تحب تحر فاطمة خيرها بغيرها يا حلو
ساره وهي ترمي مي بعلبة الكلينكس خلي اختي في حالها ..
مريم يالله قوموا قبل لا تيي ماما وماتخلينا نطلع كفاية صارت الساعة 11 ونص
البنات يالله
وطلعوا الكراج واحتارت مريم تطلع بأي سياره
مي مريوم خلينا نطلع بالفيراري
ساره يالهبلة الفراري ماتكفينا احنا 3 وهي بس مقعدين نقعد ثنتينا على كرسي .. اقول نطلع بالهمر احسن
مريم لا ما ابي اطلع بالهمر مو خاطري .. خلونا نطلع بال x6 .. وبعدين الفيراري يديدة لازم اول واحد يركب معاي بابا حبيب قلبي
مي يالله شورج وهداية الله
وطلعوا البنات من البيت والاغاني صوتها لبرى والرقص والهيصه مالين السياره
اما في بيت الخالة نسرين
ام مريم يالله يا بنات اشوفكم على خير
لجين وييي خالتووو توى الناس للحين ما صارت الساعة وحده
ام مريم حبيبتي السواق وصل .. و الحين عمج محمد بيرقد ومريوم عندها امتحانات وانا وايد تأخرت .. المره الياية عليكم بعد ما تخلص مريم امتحانات نسوي حفلة نجاحها وكلكم تشوفونا
لجين افا يا خالتي يعني ما نقدر انييج الا بعد ما تخلص مريم وتنجح
ام مريم وهي عند الباب لا اكيد حبيبتي انتوا مو غرب تشرفونا بأي وقت .. عشان لولو حبيبتي تتعرف على بنت خالتها
نسرين اي والله ياريت .. لجين ماعندها ربع هني .. ولين تتوظف تمل من قعدة البيت
ام مريم ان شاءالله .. يالله مع السلامة
نسرين الله يحفظك
لجين كانت تراقب خالتها وهي تركب السياره واشرت لها وسكرت ماما شفتي سيارتها
ام لجين اي شفتها يا بنتي .. شفتها يا مال الضعفة يايبتلج سويره بس ما تيي حتى بألف دينار
لجين ماما بموت قهر بنتها مو احسن مني .. انا لازم اتقرب منهم عشان احصل فلوس
ام لجين اي والله يا لولو اخوج يبي سيارة وانتي بعد وابوج كثرت ديونه وانا منين لي .. لازم نحصل من وراها جم دينار نعدل فيها حالتنا
لجين اي ماما نبي نعيش حالنا حال العالم .. بنتهم عندها 3 سيارات واحنا كلنا بسيارة وحده ما يصير
ام لجين خلاص خلينا نخطط ونفكر اشلون نحصل من وراهم فلوس
لجين اي ماما الصدقة اللي تعطينا اياه خالتي آخر كل شهر ولا شي من فلوسهم
ام لجين انا في بالي افكار وايد ان شاءالله باجر اقولج عنها الحين بروح ارقد لاني بموت من التعب ما بغت تطلع خالتج عنبوا لزقة .. وانتي تصرين عليها تقعد بعد وانا فيني النوده
لجين ماما لزوم الشغل انتي شدراج
في سيارة مريم والاغاني بأعلى صوت
مريم وهي تغني بأعلى صوت
آهاي خانم خوشگله خوشگله خوشگله
بابا دله بابا دله بابا دله
آهاي آهاي خانم خوشگله
اوني كه زير پات گذاشتي دله
يه يه يه يه يه يه
يه يه يه يه يه يه
آهاي آهاي آهاي خانم خوشگله
اوني كه زير پات گذاشتي دله
آهاي آهاي آهاي خانم خوشگله
اوني كه زير پات گذاشتي دله
وقتي مياي تو شيك و پيك
پاشنه بلند و تيك و تيك
ميشكوني تو دل ما رو
مثل شيشه چيك و چيك
خوشگله انصاف تو كجاست
چشمون تو درد و بلاست
به زير پات نگاهي كن
انگاري كه دل دل ماست
آهاي آهاي آهاي خانم خوشگله
اوني كه زير پات گذاشتي دله
آهاي آهاي آهاي خانم خوشگله
اوني كه زير پات گذاشتي دله
يه يه يه يه يه يه
يه يه يه يه يه يه
وقتي مياي دوون دوون
رد ميشي از توو كوچمون
ميبري تو با عشوه هات
هوش و حواس از سرمون
چه غوغايي بر پا ميشه
سر تا سر محلمون
خوشگل خوشگلا تويي
دوستت دارند پير و جوون
آهاي آهاي آهاي خانم خوشگله
اوني كه زير پات گذاشتي دله
آهاي آهاي آهاي خانم خوشگله
اوني كه زير پات گذاشتي دله
هي ميگم خوشگل بلا
رو دلم براي تو پا ميذارم
هر وقت ميام مي بينمت
ميرم و قلبمو براي تو جا ميذارم
مهره مار داري دل مي بري
تو مثل يك جادوگري
گرد و خاك داشت دل من
اومدي دلمو جارو زدي
تو سبزه و با نمكي
خنده هاي قايمكي
بي چك و چونه بگو نه
آهاي خانم خوشگله
اون دو تا چشم عسلي
با اون نگاه مخملي
دونه به دونه بگو نه
آهاي خانم خوشگله
آهاي آهاي آهاي خانم خوشگله
اوني كه زير پات گذاشتي دله
آهاي آهاي آهاي خانم خوشگله
اوني كه زير پات گذاشتي دله
والبنات يصرخون وراها ويدهم على فوق
يه يه يه يه يه يه
يه يه يه يه يه يه
يه يه يه يه يه يه
يه يه يه يه يه يه
وتلفوناتهم ترقع بس لاحياة لمن ينادي ومكملين تصفق ورقص وفرحانين
ساره وهي تصرخ مريوووم تلفونج
مريم قصرت صوت المسجل ويييييي .. هذا ايوبي .. ألو هلا حبيبي
ايوب بصراخ انتي وينج ؟؟
مريم بدلع انا طالعة مع مي وساره نتمشى بالسياره شوي .. مشتاقة لك حبيبي انت وينك
ايوب اتبهدل لما سألته مريم هالسؤال هااا .. وانتي شعليج انا وين تعرفيني ما احب هالسؤال
مريم زين خلاص لا تعصب
ايوب بعصبيه زين تعالي لي يم القهوة ابي فلوس اللي عندي خلصوا
مريم بتردد لا ما اقدر ايي هذي القهوة هناك يسهرون ربع ابوي انت تعال لنا
ايوب لا والله حلفي ما اقدر اييج انا مو حمار انتي ماعندج شغلة غير الهياته تعالي بلا دلع زايد
مريم ماتحملت صراخه بدت عيونها تدمع وهي تسبقهم وتمسحهم عشان البنات ما ينتبهون لها
البنات بصراااااخ مــــــــــــــــــــــــــــــريـــــــــــــــــ م ...
وفجأه طاح التلفون من يد مريم وايوب للحين على الخط ولا يدري شصار فيهم .....
شنو تتوقعون صااار؟؟؟
انتظر ردودكم
البارت الرابع
ساره وهي تصرخ مريوووم تلفونج
مريم قصرت صوت المسجل ويييييي .. هذا ايوبي .. ألو هلا حبيبي
ايوب بصراخ انتي وينج ؟؟
مريم بدلع انا طالعة مع مي وساره نتمشى بالسياره شوي .. مشتاقة لك حبيبي انت وينك
ايوب اتبهدل لما سألته مريم هالسؤال هااا .. وانتي شعليج انا وين تعرفيني ما احب هالسؤال
مريم زين خلاص لا تعصب
ايوب بعصبيه زين تعالي لي يم القهوة ابي فلوس اللي عندي خلصوا
مريم بتردد لا ما اقدر ايي هذي القهوة هناك يسهرون ربع ابوي انت تعال لنا
ايوب لا والله حلفي ما اقدر اييج انا مو حمار انتي ماعندج شغلة غير الهياته تعالي بلا دلع زايد
مريم ماتحملت صراخه بدت عيونها تدمع وهي تسبقهم وتمسحهم عشان البنات ما ينتبهون لها
البنات بصراااااخ مــــــــــــــــــــــــــــــريـــــــــــــــــ م ...
وفجأه طاح التلفون من يد مريم وايوب للحين على الخط ولا يدري شصار فيهم .....
مريم في حالة صدمة من اللي صار ساكته بس ترجف
ساره بصراخ مـــريــــــم .. انتي ترجفين قومي انا بسوق السياره
مريم مستمرة بسكوتها
بعد لحظات دارت وجهها لساره اللي قاعده يمها بالكرسي اللي قدام وبكل هدوء شــــــــصـــــــــــااااااااار ؟؟؟؟؟
مي بصياح ما صار شي حبيبتي .. بس كنا بنروح فيها بسبب ايوبو التافه .. مريم كنتي بتدعمين في التيلر ( شاحنة كبيرة ) لو ماالله ستر والريال تفادانا كنا بنموت .. وانتي ما هامج الا ايوب
ساره دارت بجسمها كله لورى مكان ما قاعدة مي وهي معصبة عليها بس مي خلاص .. سكتي
مي لا مب ساكته .. ولازم تعرف .. لازم تصحى على نفسها
مريم بصراخ بـــــــــــــــس . بس . بس سكتوا .. خلاص .. سكتوا
وبدت تنزل دموعها خلاص لا تصيرون انتوا والزمن علي ..
سارة نزلت من السيارة وراحت عند مريم وفتحت الباب نزلي مريوم انا بسوق
نزلت مريم وقعدت مكان ساره وهي تمسح دموعها اما مي فسكتت ودارت وجهها للشارع وهي كاتمة غضبها
وبعد لحظات صمت وهدوء دارت ساره وجهها تراقب مي وتراقب تصرفاتها اقووول مي تلفونج يرن
فتحت مي شنطتها وطلعت منه التلفون اففففففففففففف
ساره خييييير .. من اللي متصلج؟؟
مي مدت التلفون على مريم هااااج .. هذا ايوب
مريم وهي تناظر التلفون وكأنها تسأل نفسها ارد ولا لاء
ساره بحمق مريم بعد بتكلمينه .. تركيه خليه يولي
مريم بنبره خوف ساره اخاف يزعل او يعصب وانا مالي خلق مشاكل
ردت عليه بتردد ألــــــــــــ ــــــــــــــــووو
ايوب بصراخ انتي وينج .. ساعة تردين .. وليش كل هالصراخ .. انا صارلي ساعة انطرج
مريم وهي حاطه يدها على جبينها واليد الثانية ماسكة فيها التلفون وباين عليها الكدر خلاص ايوب انا راجعة البيت الوقت تأخر وابوي الحين بيعصب الساعة ثنتين ما يمدي .. تعال يم البيت واخذ اللي تبي
ايوب على صوته اكثر وكان واضح كلامه من كثر صراخه مريم .. انتي تلعبين علي .. صارلي ساعة انطرج والحين تقولين ما اقدر .. عبالج اني محتاج ولا ماعندي فلوس .. لا حبيبتي انا بس نسيت فلوسي بالبيت .. ولا عشان انج حبيبتي وما عندي غيرج وانتي تعرفين اني ما اطلب الا منج لاني انا وانتي واحد بس انتي تبين تذليني .. خلاص لا تيين ما ابي منج شي
مريم خلاص ايوب بييك بس بعيد عن القهوة تعال لي بالسياره على الشارع العام تعرف هناك معارف ابوي والساعة ثنتين......
ايوب بحماس زين يالله انطرج على الشارع .. مو تنسين تعالي لي انتي السياره انا مابي اخذ الفلوس قدام ربعج
مريم بضيييق ان .. انـــــــــ شـــــــ ـــــــ ــاءالــــــــ ــــــــــلــــــ ـــــــه
ساره منصدمة من كلام مريم وهي طول الوقت تأشر لها بلا لا لا لا يا مريم ما عليج منه لا تروحين يا مريم بس مريم كله خايفة على زعل ايوب
عصبت ساره على مريم مريم لا تعطينه ويهه .. يبي شي ايي ياخذه بنفسه .. انتي متبهذله من اللي صار
مريم ويهها على الشارع ومو مهتمة بكلام ساره ساره روحي على شارع مدينة عيسى العام
مي تسمع كلامهم وتبتسم بسخرية
وبعد عشر دقايق وصلوا البنات لقريب من سيارة ايوب البورش نزلت مريم وحامله معاها شنطتها وفتحت باب سيارته وقعدت على الكرسي اللي يمه
اما في سيارة مريم فالحال كما هو مي زعلانة من اللي صار وساكتة
سارة وهي لافة نفسها بالله انتي ما تقوليلي شفيج
مي ساكتة ولا كأن احد يكلمها
ساره اتنرفزت لانها ماتحب احد يسفه لها مي كلنا بغينا نموت مو بس انتي .. ماله داعي اللي تسوينه
مي لفت ويهها وطالعت سارة بحمق ادري .. والسبب ذي التافهه اللي مريم ذابحتنا عليه
ساره شفتي اكا بنفسج قلتيها ذي التافه .. يعني مريوم مسكينة مالها ذنب
مي بلى لها ذنب .. ذنبها غبائها وحبها العمي لهذا الاستغلالي .. ولا الرجولة تقوله يطلب فلوس من بنت ... وووووووع عليه وعلى رجولته .. اصلا هو ما يتقوى الا عليها لان يدري فيها تحبه ومتعلقة فيه
ساره خلاص يا مي حرام نصير احنا وهالسخيف عليها خلينا نوقف معاها ومرده بييها يوم وبتعرفه على حقيقته وبتصحى على نفسها
مي بسخرية هه هه .. صبري يا حريجة سار لين تييج ماي الحنينية
ساره خلاص ميون تفائلي .. انا متأكده ان هاليوم قريب .. خلج واثقة فيني
مي يصير خير
ودارت ويهها مرة ثانية تطالع الشارع
في سيارة ايوب
مريم بدون حتى ما تطالعه فتحت شنطتها وطلعت منه بوكها ( محفظتها ) وتوها بتفتحه الا حط يده على بوكها وعلى يدها ومريم حست بحرارة في كامل جسمها وبدت يدها ترجف سحبتها من يده وحررت نفسها وقلبها يدق بسرعة والمشاعر مختلطة ما تدري هو حب ولا خوف
مريم بدون ما تطالع في عيونه انا مو حاملة الا 400 دينار تكفي
ايوب بخيبة 400 بس .. يالله مو مشكلة اهم شي تمشية حال
مريم وهي ماسكة الباب تبي تفتحة عشان تطلع الا وايوب ماسكها من خصرها حبيبتي ليش مستعيلة .. يعني كلش ماتبين حتى تسلمين علي
مريم تمايل جسمها تبي تفك نفسها من قبضات يده وسيطرته ايوب هدني لو سمحت
قرب منها اكثر وكأنه يبي يحضنها غصبا عنها شدعوه حياتي قعدي شوي خليني اشبع منج
مريم زيدت قوتها عشان تفتح باب السياره وتطلع وبصراااااخ ايــــــــــــــــــووووب
استوعب صرختها وبعد يده عنها هدي حبيبتي .. شفيج انا بس حبيت اسلم عليج
مريم بعصبية تسلم علي جذي .. تعرفني ما احب هالطريقة .. وبعدين انت حتى ما كلفت عمرك تسألني شصار .. وليش صرخت ورميت التلفون .. انا وربعي كنا بنموت .. كنت بدعم في تيلر .. شفت شنو هي اهتماماتك .. انت ما تهتم الا بنفسك
ونزلت رقعت في باب السيارة بعد ما انفجرت في ويه ايوب
ايوب ظل ساكت ومتفاجأ من ردة فعل مريم شغل السياره وهو يضحك بسخرية والله يا مريوم طلع لج لسان بعد .. يالله 400 تسوي شغل
ركبت سيارتها يا الله ساره خلينا نرد البيت أحسن
سارة مريم شفيج؟؟
مريم سارة ولا شي .. سرعي خلينا نرد البيت قبل لا ينتبه البابا اني مو بالبيت
ساره وهي تلف السياره على الشارع العام اوووكي .. بس انتي هدي اعصابج وارتاحي
واصلوا طريقهم للبيت والسكوت سيد الموقف على الثلاث
وصلوا البيت في أقل من 10 دقايق وبركنت ساره في الكراج الخاص بمريم
نزلوا من السيارة بس مريم ما نزلت
مي سبقتهم ودخلت البيت وراحت غرفتها على طول
أما سارة فظلت تراقب بنت عمها من الباب الزجاجي للفيلا تنتظرها تنزل بس مريم طولت وايد فيأست وراحت غرفتها هي الثانية
اما مريم كانت في السيارة زعلانة متضايقة خايفة ما تدري ليش أحاسيسها متداخلة في بعض مو عارفة تحددها في اي اتجاه بالضبط كانت دموعها تنزل على خدها بس ماتعرف شنو سببها هو السبب واضح بس مريم ماتبي يكون هذا السبب هي متعلقة فيه وما تشوف غيره بس ليش هو ما يحافظ على مشاعرها ليش يحاول يعكر حبها الصافي النقي ليش يحاول يقتل احلامها بتصرفاته وياها هي ما يهمها الفلوس والود ودها تعطيه روحها بس مو بالطريقة اللي هو فاهمها ليش مو قادر يفهمها حطت يدينها الثنتين ومسكت راسها وكأنها مو قادرة تفكر كلش
شغلت لها أغاني حزينة ودموعها ما فارقوا عيونها وزادت لما سمعت لماجد المهندس أغنية ليش.. كانت تردد مع كلمات الاغاني ودموعها على خدها وتتذكر كلامه وتصرفاته وياها صراخه وعصبيته مر عليها شريط الهم والنكد مع حبيبها اللي ما شافت غيره وما وعت الا عليه
(لـيــش)
لـيــش من دون البشـر حبيتك
حظي وداني إلك لو أني جيتك
إيش بإيدي حيل القلب كني أول مره أحب
قلبي ينزف وإيدي ترجف لو إيجيتك
ضيعـت بإيـدك حيــاتـي وردت بـس يمـك أكــون
لـو طلبت دمـوع عينـي لأبكـي كـل دمـع العيـون
بيه أحس كل شيء يحبك تعودت أنفاسي عطرك
إيش بإيدي حيل القلب كني أول مره أحب
قلبي ينزف وإيدي ترجف لو إيجيتك
فتحـت عيني عليـك وما شفـت غيـرك حبيـب
وإنته عينـك مو عليه شلون من حبـك أطيـق
صرت أحب حتى عيوبك لو تضيعني بدروبك
إيش بإيدي حيل القلب كني أول مره أحب
قلبي ينزف وإيدي ترجف لو إيجيتك
مريم بصياح آآآآآآآآآه يا قلبي ليش انا .. والله حبيته ليش يعاملني جذي .. ليييييييييش .. ليش .. تعبت وانا احاول ارضيه .. انا .. انا ...
وغاب صوتها بالصياح
فجأه حست في باب السيارة تنفتح ما رفعت راسها
مريم بصوت باكي خلاص سارة خليني في حالي ما ابي ادخل البيت
محد رد عليها بس حست بيد تمسكها من يدها
رفعت راسها وعيونها جمر ومنفخين من الصياح وخدودها شابه وانقلبت بشرتها البيضة الى حمره ورموشها ملتصقة في بعض ومبللة من كثر دموعها وخشمها متوهج وشفايفها متجمع فيها الدمع لانها كانت تعضهم بقهر وحسرة كان شكلها يخبل مع خصلات شعرها الاسود اللي لاصقة على خدودها من الدموع اللي مبللة وجهها بالكامل
مريم مو مستوعبة صارت تتنفس بقوة وفمها مفتوح بس دموعها مو قادرة تتحكم فيهم
مسكها من يدها الثانية ونزلها من السيارة وهي مو حاسة على نفسها ما تدري ليش منصاعة لاوامره هي بس تطالع فيه من غير احساس وكأنها ضايعة وتايهه وهو دليلها
بعد ما نزلها سكر الباب وهي سحبت يدها من يده بكل برود ولا زالت على حالتها
دارت جسمها تبي تمشي عنه وتتركه بس هو سبقها ومسك يدها مره ثانيه حست برعشة وجسمها كله تكهرب وبصراحة هي تفاجأت بهذي الرعشة دارت نص جسمها وطالعته بنظرة استفهام وحيرة
تقدمت بخطواتها مرة ثانية لورى ورجعت مرة ثانية لقريب منه يمكن تبي تسأله شتبي مني ؟؟ ليش ماسك يدي ؟؟
بس صار اللي ما خطر على بالها وقفت قريبه منه لدرجة انها صارت تحس بأنفاسه قريبة لانفاسها بدت تحرك يدها تبي تحررها منه وهو لما حسها تبي تفك نفسها فتح اصابعه ببرود واطلق سراحها
وهي بدون ماتحس رفعت يدينها ورى رقبته ورمت روحها في حضنه وزادت في الصياح وقامت تشاهق اكثر وهو ضغط على نفسه واتحمل كل الالام اللي فيه
وبعد لحظات حست على نفسها وعلى اللي سوته وبعدت عنه ومسحت دموعها بيدها انـ ــــــــ ــــــــ ـــااااا
وبحركة سريعة حط اصبعته على شفايفها بمعنى ان يبي يسكتها وابتسم لها
مسك يدها ودخلها الملحق بس طبعا مو من الباب من الدريشة عشان ما ينتبهون لها الحراس
راحت الحمام على طول وغسلت ويهها ولمت شعرها وخلته على صوب وقعدت على كرسي من كراسي الغرفة اللي نايم فيها واخذت نفس قوي انا آسفة ما كان قصدي اللي صار .. يمكن ما كنت بوعي .. كنت شوي تعبانة مو حاسة على شي
قعد على الكرسي اللي قبالها ورفع شعره اللي نازل على عيونه انتي شنو .. ليش كنتي تصيحين ؟؟
مريم باستفهام انت اشلون عرفت اني اصيح بالسياره
.......... سلامتج انا كنت بروح الحمام وشفتج من الدريشة وانتي تصيحين
مريم وهي تمسح ويهها بيدها وتحاول تهدأ نفسها عادي انا كنت شوي متضايقة
......... بنظرة جريئة متضايقة من شنو ؟؟
مريم وقفت وهي متبهذلة ومسوية روحها معصبة هو تحقيق ولا شنو .. وبعدين من عطاك الحق انك تسألني اصلا .. شكلك نسيت نفسك .. واعرف مكانك انت من وانا من فهمت ولا لاء
.......... وقف وقرب لها ووقف قبالها وناظرها بعيونه الذباحة اذا على نفسي فأنا ما اعرف عنها شي .. وانتي براحتج اذا ماتبين تقولين كيفج .. انا مايهمني اعرف
مريم ما اتعودت احد يرد عليها بهالطريقة الا ايوب والحين تشوف ايوب ثاني قدامها اتحجرت الدموع بعيونها وبدت تشاهق بقهر ورمت بجسمها على الكرسي ونزلت راسها ونزل شعرها وياه ورجعت تصيح مره ثانية
............ دار جسمه عنها وهو يأفأف وحاط يده الثانية على راسه ردينا للصياح .. انتي من مزعلج
مريم رفعت راسها وكأنها تشوف ويهه ايوب انا من مزعلني .. ليش انت تهتم لزعلي .. ولا احد يهتم لزعلي انا محد يحبني كل اللي حولي يجاملوني حتى امي وابوي يحبوني من بعيد حبهم لي بس هدايا وفلوس يبون يشوفوني بخير بس ما يهتمون لمشاعري .. انا تعبانة صدقني محد فاهمني .. انا كل السالفة اني احب .. اي احب بس الانسان اللي احبه مو راحم ضعف قلبي .. حاولت ارضيه واسوي اللي يبيه واسعده عمري ما بخلت عليه بشي .. كل ما يطلب مني اعطيه وتحت امره .. حبيته حب صادق من صغري ما وعييت على هالدنيا الا وانا اشوفه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك