رواية ضمني على صدرك وابعدني عن الناس -3
طلعت شعاع وحبت شمس ترسل رساله لراكان رسايلها الي بجهازها كلها ارسلتها له اخذت جوال شعاع تدور شي جديد وشافت رسايل معاذ وكانت مسجلته حبي
شعاع :هاذا العصير البارد وصل
شمس: وشو هاذا شعاع هاذي اخرت ثقتنا بك
شعاع ارتبكت:شمس خليني افهمك السالفه
شمس رفعت صوتها: وش تفهميني سواد وجهك مايبيله شرح واضح
شعاع: اسكتي لاتسمعك امي واجلسي بلا قل عقل
شمس هدت وجلست وحكت لها من لما راحت مع شذا للسوق الين اخر مكالمه
شمس:بشوف اخرتها معك بس اذا ماخطبك الاسبوع الجاي انا بتصرف
شعاع ارتاحت قدرت تقنع اختها وكملت سوالف مع شمس
خالد طلع من بيت وكان صديقه
حمود: وينك طولت
خالد: حمود عندك كمرا فديو
حمود:لا ليش تبيها
خالد: مفاجأه بس الحين بروح اشتي كمره فديو
حمود: ياخي جوالك به كمرا فديو
خالد: لا تصويرها مو واظح هذيك احسن عشان انسخ على راحتي
حمود: الساتر الله منك
خالد ابتسم بخبث:انت ارتاح بس
دقت شعاع على فاديه وعزمتها بمناسبه عودت شمس
طلعت فاديه بعد ما استأذنت من امها
شافت بندر واقف عند الباب حبت تحرق اعصابه شوي
ركبت مع راجو ورا
وفتحت الشبابيك وكشفت
وجهها وشعرها وبدا يطير من الهوا
بندر لما شافها كذا انجن من الغيره ودق عليها وماردت وارسل
(فاديه سكري شبابيك السياره وراك سياره فيها شباب)
فاديه قرتها وظحكت تحسبه يكذب من الغيره ماردت عليه
السياره الي فيها شابين بدو يتحرشون براجو بالسيارات
راجو ماعرف يتصرف وقف و نزل ومعه عجرته
بس لما نزلو الاول بلش براجو والثاني فتح باب فاديه ومد يده
بس بندر ظربه قبل يلمسها وسكر الباب وبدا فيه ظرب وعشر دقايق الا انهم هجو
وظل بندر مع راجو فتح باب فاديه وماتكلم ولا كلمه
اخذ شيلتها ولفها على شعرها وغطا وجها
وهي تبكي
وقبل يمشي رفع الغطا ومسح دموعها
فاديه وهي تبكي : ب.ن.د.ر انا ك.ن.ت بس
وقاطعها وحط اصبعه على فمها
وقال:اشششش
دموعك غاليه
فاديه لاشعوريا حضنته وزادت بالبكى
بندر صدمته حركتها
بس مسح على ظهرها الين هدت ورجعها للسياره
معاذ: لاتخافين انا ملاكك الحارس
وسكر الشبابيك وراح لسيارته
كمل راجو لبيت عمها
وطبعا بندر وراهم
دخلت فاديه بيت عمها لقت البنات لوحدهم
وقعدت تبكي وهم يسألونها وشفيها وهي تزيد بالبكي
دق راكان على شمس عازمها على العشاء
شمس كانت بترفض بس اشرتلها فاديه عشان تروح معه
قفلت من راكان وقالت: اذا بتقوليلي وش فيك بروح
فاديه كذبت:تهاوشت انا وماما بتزوجني غصب من ولد اختها
شمس:وبس هاذي السالفه انا رايي توافقين ترى الزواج حلو اسأليني
:هههههه انتي كذا شايفه
شمس: كذا ونص
شعاع:طيب روحي راكان يحتريك تحت
نزلت شمس وبقن شعاع وفاديه مع بعض
شعاع: فدو لايكون تحسبيني صدقت كذبتك على شمس انا شعاع افهمك من عيونك
فاديه رجعت تبكي: خلاص انا بقولك الحقيقه
وقالتلها كل شي من سالفه الكلب الى قبل تجيهم
شعاع:هههههه طيب خليني اعترفلك بشي
فاديه: ايش
شعاع قالت السالفه كلها زي ماقالتها لشمس
فاديه: يعني انا وياك ابتلينا بالحب من هذاك المشوار
بيت معاذ
معاذ: يمه انا قررت اتزوج
امه:الساعه المباركه و انا حاطه عيني على وحده
معاذ: لا يمه انا ابي شعاع بنت جيرانا وماراح اخذ غيرها
امه: وليه معصب انا اصلا ابيها لك وانا كنت اقصدها
بصراحه اخلاق وجمال وحسب ونسب
معاذ يرقص: نحمد الله جت على مانتمنى
امه:هههههه وش بلاك انخبلت
للحين ماخطبنا
معاذ:لا بس خفت تطلعينلي ببنت من بنات خواتك
امه :لا بنات خواتي موحلوات
مثل شعاع
معاذ: طيب يله مشينا
امه: وين
معاذ: تخطبين لي شوشو
امه: ههههههه صارت شوشو اصبر لازم ناخذ موعد يمكن مو فاضين لنا
معاذ: يوه سالفه مطوله
مد لها التلفون
يله خوذي موعد منهم
دقت على ام ماجد
ام ماجد: هلا ام معاذ شخبارك
ام معاذ: والله الحمد لله بخير ونعمه انتي اخبارك واخبار البنات
ام ماجد: والله ماعليهن امس رجعت شموسه ومبسوطه
ام معاذ: اقول ام ماجد فاضيه بكره العصر
ام ماجد:لا ماعندي شي واذا عندي افضالك
ام معاذ: تسلمين يام ماجد يله اخليك الحين
ام ماجد: مع السلامه
معاذ: يمه ليش بكره ليه مو اليوم
امه: اثقل ياولدي اثقل
معاذ: اف الله يصبرني لبكره
طلع من البيت للمحل
طلع ابو ماجد من شركته وشاف الناس مجتمعه وقف عندهم لقى ابو لولوه (اخو زوجته ام ماجد) طايح ضاربه واحد بالسياره وهرب
اخذه على المستشفى طلع الدكتور من غرفته
ابو ماجد:بشر يادكتور
الدكتور: لا الحمد لله جت سليمه
ابو ماجد: اقدر اشوفه
الدكتور: طبعا وتقدر تاخذه للبيت بعد
دخل ابو ماجد على ابو لولوه
وقال:السلام عليكم الحمد لله على سلامتك
ابو لولوه: وعليك السلام والله يسلمك يابو ماجد
ابو ماجد: يله يا تركي خلني اوديك للبيت
تركي: قبل لك امانه عندي كنت جاي بعطيك اياها بس صار الحادث ومد له ظرف
فتح ابو ماجد الظرف لقى فيه اعتراف من صديقهم علي انه هو الي سرق الفلوس وحطها براس تركي لانه كان خاطب حصه (ام ماجد) قبل ابو ماجد بس تركي رفضه وفضل ابو ماجد عليه
قعد ابو ماجد على الكرسي ونزلت دموعه مسحها بطرف شماغه
ابو ماجد: سامحني ياتركي سامحني ياخوي
تركي: مسموح ياخوي مسموح
دخل ابو ماجد البيت ومعه تركي
وقالو: السلام عليكم
ماجد شعاع ام ماجد :وعليكم السلام
وقامت ام ماجد حضنت اخوها وبكت وبكت شعاع معها
ماجد كان يدور بعيون ابوه تفسير
ابو ماجد: اقعدو وانا افهمكم السالفه
قالهم السالفه
ماجد:طيب وينه علي الحين ياخالي
تركي: الله يرحمه مات بالسرطان امس بعد ما عطاني الاوراق
الجميع:الله يرحمه
طلع خالد من غرفته ومعه كامرا
نط سور بيت جيرانهم
شاف الملحق فاضي
بس نوره شغال
خالد: اكيد راحت تجهز للسهره مثل كل مره
فعلا جت فاديه ومعها اغراض السهره نزلت الاكياس وعبايتها
ورفعت التلفون ودقت على بلقيس
فاديه:يله بلقيس انا استناك
بلقيس:طيب بس اقول لامي
فاديه: خالتي ماراح ترفض يله استناك وقفلت التلفون
خالد لما سمع المكالمه قال بباله يوه بلقيس بتخرب المخطط
ارسلها
(بلقيس لا تروحين مكان ابغاك بموضوع ضروري)
بلقيس قرت الرساله ودقت على فاديه
بلقيس: فاديه خالد ارسلي يبغاني بموضوع
فاديه: يوه شبغابك يمكن يبيك تجربين نوع جديد من السموم الي عنده
بلقيس: فاديه صدق غاليه بس هاذا اخوي
فاديه: طيب اذا راح تعالي
بلقيس: باي
فاديه سكرت السماعه ورفعت صوت التلفزيون وبدت سهرتها
خالد سمع المكالمه وقال لحاله طيب يابنت الزاهي نوع جديد هاه
وشغلل الكمرا وبدا يصورها ويركز على مناطق معينه(xxمشفره xx)
ولمازهقت طفت كل شي وطلعت
خالد اخذ كمرته وراح للبيت من دخل
بلقيس:خالد طولت وش فيك
خالد: ليش اول مره اطول
بلقيس: لا بس انت ارسلت
خالد :ههههههه كان مقلب
بلقيس بأحباط: مقلب حسبت عندك شي
كانت بتطلع
خالد: اقول بلقيس شسم بنت جيرانا بنت الزاهي
بلقيس ببرود: فاديه
خالد: حلو فاديه محسن الزاهي
طلع غرفته وهو يفكر ايش يكتب (فضيحه فاديه الزاهي)
او(الراقصه فاديه الزاهي)
دق عليه حمود
خالد: هلا حمود
حمود: وين مفاجاتك
خالد: اصبر اصبر بكره اوريك هيا
يوم خطوبه شعاع
خطبت ام معاذ شعاع لمعاذ ووافقو امها وابوها وماجد
شعاع: شفتي ياشموسه طلع صادق مو كذاب مثل ماتوقعتي
شمس:الحمد لله اهم شي انتي مبسوطه
شعاع:كلمت مبسوطه قليله
شمس:الله يهنيك ويسعدك
دقت شعاع على فاديه وعلمتها
فاديه: والله شي يونس انك تحبين وتتزوجين الي يحبك
شعاع:عقبالك انتي وبندر
فاديه: بعد هذاك اليوم مادق ولا ارسل شكله زعل او طحت من عينه جد موقف بايخ
شعاع:طيب دقي انتي يمكن يتغلى عليك
شذا: لا مستحيل كرامتي ماتسمح لي
شعاع:فدو الحب مافيه كرامه
فاديه: حتى لو تربيتي ماتسمح شلون اخون ثقت ابوي فيا انا صدق احبه بس والله غير رسالتين ماشاف مني
شعاع: لاياشيخه والحضن يوم سياره الشباب وراك
فاديه: صدقيني ماكنت بوعيي وانا ندمانه جد ندمانه على تهوري
شعاع: يعني ماراح تكلمينه
فاديه: مستحيل
شعاع: وش رايك اخلي معاذ يكلمه ويفهم السالفه
فاديه: لا انتبهي تسوينها والله ازعل
شعاع: خلاص ولا يهمك
فاديه: احلفك بالله ماتكلمين معاذ وماني مسامحتك اذا سويتيها
شعاع:لا والله ماراح اقوله
فاديه: طيب باي ابلحق بابا قبل يطلع باي
فاديه طلعت تركض تبي تلحقه قبل يطل فتحت باب الشارع شافت ابوها
فاديه: بابا
ابوها التفتلها ومشى لاتجاهها
وجت سياره طايره ظربته
نزلو منها خالد وحمود وهم سكرانين
بعدوه عن الطريق ومشو بسرعه يحسبون محد شافهم
اما فاديه انهبلت لما شافت ابوها ودمه حوله
راحت له تركض بالبجامه وماهتمت لشي
وطلع راجو وراها
راجو :روح جيب عبايه مال انته
وفاديه بسرعه راحت تجيب عبايتها
اما راجو شال ابوها وساعده باشا سواق جيرانهم وحطوه بالسياره
طلعت فاديه وركبت السياره وحطت راس ابوها بحضنها وهي تبكي
وصلو المستشفى ونقلوه بسرعه للعمليات
دقت فاديه على بيت عمها رد ماجد
فاديه: من معي
ماجد: انتي داقه من انتي
فاديه وهي تبكي : ما.جد انا فا.ديه ابوي. صارل.ه حا.دث قدام .الب.اب
تعا.ل المس.تشفى
ماجد :يله انا جاي
دقايق وماجد وابوه جو لها
ابو ماجد:فاديه وش صار يابنتي
فاديه وهي تبكي: خالد خالد ولد جيرانا ضربه وهج
ماجد طلع زي المجنون
ابو ماجد: ماجد ياماجد
ماجد راح لبيت ابو طلال وطلعله طلال
مسكه من ثوبه وين اخوك النذل وينه
طلال: ماجد فهمني وش فيه
ماجد: اخوك ضرب عمي بالسياره فاديه شافته وعرفته
طلال: اهدا والله مو بالبيت مادري وينه
ماجد: ان كنت صادق دق عليه
دق طلال عليه وكان مقفل
طلال:شفت مقفله بس القاه اجيبه لك
ماجد:انا اجيبه بمعرفتي
طلع وهو ناوي عليه
طلال دق على الرقم الثاني ورد عليه
طلال معصب: وينك ياوجه المصايب
خالد بتوتر: وش سويت
طلال:لا ياشيخ ومحسن جارنا من ظربه بالسياره
خالد:وانا اش دراني
طلال : فاديه شافتك وقالت لماجد وهو الحين يدورك
خالد: شافتني فاديه
طلال: ايه شافتك
خالد:ههههههه فاديه خلها علي
وقفل من اخوه ودق على بلقيس
بلقيس: هلا خالد
خالد: بلقيس خمس دقايق اكون عندك لاتطلعين
بلقيس: هه هه هه ادري مقلب
خالد: اطلعي انا تحت عند الباب
طلعت بلقيس واخذ منها جوالها
خالد:برجعه بكره
دق على فاديه من جوال اخته
ماحد يرد وظل يحاول
بالمستشفى
طلعت الممرضه وقفو كلهم وراحو لها
فاديه: ابوي وش صار فيه
الممرضه:ثواني ويكون معكم الدكتور حمدان
طلع الدكتور
ابو ماجد: بشر ياولدي اخوي شخباره
د.حمدان:ابشرك قدرنا نلحقه
الكل: الحمد لله
الشرطي: السلام عليكم
ابو ماجد: وعليكم السلام
الشرطي: ادري مو وقته بس هذي امور امنيه
ابو ماجد:تفضل ياولدي
الشرطي:تتهمون احد بالحادث
فاديه بسرعه:انا شفته خالد ولد جيرانا وكان معه واحد وكانو سكرانين
الشرطي: متأكده ياختي
فاديه: مليون بالميه شفته بعيني
الشرطي: مشكوره اختي بس وقعي على اقوالك واكتبي اسمك بعد
اخذت الدفتر وكتبت اسمها ووقعت وقالت :اهم شي حق بابا مايضيع
الشرطي: ماعليك حنا من الحين
بندور عليه يله انا استأذن ومايشوف شر و انشالله يطلع بالسلامه
تركهم الشرطي وراح
شعاع:فاديه لازم ترتاحين من الصبح وانتي واقفه
فاديه:لا ماراح اترك بابا لحاله
ابو ماجد: افا يافاديه انا مو معبي عينك
فاديه:لا ياعمي لاتفهمني غلط
قاطعها عمها:اجل يله ياماجد ودهم لبيتنا
فاديه طلعت غصب عنها مع شعاع وماجد
بالسياره
فاديه: ماجد اذا ماعليك امر بروح لبيتنا ماما لحالها وماتدري
ماجد: على راحتك
وصلت وراحت لامها
ام فاديه:وينك ياماما ادق عليك ماتردين وابوك جواله مقفل
فاديه قالت لامها السالفه
ام فاديه: وانا اخر من يعلم
انا بروحله وانتي ارتاحي الحين
فاديه: خلاص
طلعت غرفتها هلكانه
ونامت على طول
بغرفه فاديه كانت هاديه وبارده
ازعجها صوت الجوال
ردت من غير ماتشوف الرقم
فاديه: الو
خالد: انا خالد ولد جيرانكم ياحلوه
فاديه صحصحت: لك وجه تدق ياحقير
خالد: هدي اعصابك وخوذي دش وافطري وروحي للملحق حاطلك هديه على الشباك هههههههههههههههههههههههه
قفلت الخط بوجه ونزلت بسرعه لملحق وبالفعل لقت هديه وورده على الشباك
فتحتها ولقت شريط فديو شغلته وكان لها وهي ترقص
شهقت وبكت وفكرت شتسوي
دق عليها خالد
فاديه: المطلوب
خالد:هههههه يعجبني ذكائك ابي تسحبين شهادتك ضدي
وبالاظافه لعشرين الف ريال سعودي فقط لاغير
فاديه:انت تحلم ياحقير وسكرت بوجهه
ارسلها(راح اعتبر حالي ماسمعت شي واعطيك اربعه وعشرين ساعه تفكير بس)
احتارت شتسوي قالت :مافي غيره يربيه
ودورت بجوالها على اسم (ملاكي الحارس) واتصلت فيه
في بيت بندر
كان بندر يلاعب فاديه الصغيره ويبوسها
فاطمه: بندر انا حاسه ورى اسم فاديه سالفه
بندر: آه يافاطمه انا محتاج اسولف لاحد
فاطمه: سولف وانا اختك
بندر:هاذا ياطويله العمر دخلت بيوم المحل وحده
قطعه صوت الجوال
♥♥النجمه البديعه♥♥ يتصل بك
ماصدق حاله عطى فاطمه فاديه الصغيره
وطلع ورد وهو مسوي حاله معصب
بندر: هلا في شي
فاديه: عارفه انك زعلان بس والله لو مااثق فيك (بكت)
مادقيت
بندر بخوف: فاديه وشفيك
فاديه حكت له الحكايه كلها وهي تبكي
بندر:بس يافاديه قلت لك قبل كذا دموعك غاليه اتركيها علي
فاديه : بس يابندر قالي معي اربع وعشرين ساعه
بندر: فاديه انت تثقين فيني
فاديه : اكيد
بندر: خلاص انتي روحي تطمني على ابوك وانا اتصرف
فاديه بتردد:بندر
بندر:لبيه
فاديه:عسى ربي يخليك لعيوني
بندر:وعسى ربي يخليني لعيونك
فاديه:حبيبي دنيتك صعبه بدوني
بندر:ولا شي دنيتي تسوى بدونك
فاديه : الله يحفضك لي انا استأذن
بندر: في حفظ الرحمان
بندر طلع على بيت معاذ اخذه وراحو لبيت ابو طلال
طلال:هلا من بغيتو
بندر: انت طلال
طلال: ايوه
بندر: تفضل معنا
طلال:وش فيه ومن انتو
بندر: حنا من طرف اخوك خالد
طلال: هاه خالد وش فيه
بندر فقد اعصابه تلفت وشاف محد حوله جر طلال ودخله السياره ومعاذ حاط المسدس على رقبت طلال
بندر: بتقول وين خالد بتسلم وصدقني ماراح نذيه بس بناخذ منه شغله
طلال: توعدني ماتذيه
بندر: اوعدك
طلال عطاهم عنوان شقه حمود وراحو لها
بندر: يله طلال بتنزل معنا
نزلو الثلاثه ودقو الباب
حمود:من عند الباب
طلال: انا طلال اخو خالد
حمود فتح الباب
وبندر دف طلال بوجه حمود ورفع المسدس عليهم
بندر: من خالد فيكم
حمود:هو انا حمود
بندر وجه المسدس على خالد وقاله :عطني شريط الفديو حق فاديه بسرعه
خالد: اي فاديه
بندر عشق المسدس(حط الرصاصه فيه) ووجهه على طلال وقال: بتقول ولا افجر مخ اخوك قدامك
خالد خاف على اخوه وطلع الشرطان الي عنده
بندر: هاذي هي كلها
خالد: والله ماكذب هاذي هي كلها
بندر: لو اسمع ان عندك غيرها صدقني بنسفك
خالد: والله مافي غيرها
طلع من عندهم وتوجه للمستشفى ودق على فاديه
فاديه قاعده مع ابوها ومبسوطه
انه صحى ومافيه الا كسور بسيطه
دق جوالها
ملاكي الحارس يتصل بك
استأذنت وطلعت
وردت
فاديه:هلا بندر شصار معك
بندر: فدو قلت لك اتركيها علي
فاديه بكت: مادري شقولك الله يخليك ياملاكي الحارس
جاها بندر من وراها وقال: لا يافاديه دموعك غاليه
لفت عليه بس سكتت لما شافت ماجد جاي يمها
ماجد: فاديه شتسوين معه
فاديه ظلت ساكته ماعندها جواب
بندر: لا تفهمني غلط حسبتها اختي نفس شكلها بالعبايه
ماجد: حصل خير وانتي يله قدامي
معاذ كان واقف بعيد بس لما راح ماجد تقدم من بندر
معاذ: وش قالك ماجد
بندر: وش يطلع ماجد هاذا
معاذ:ولد عمها وزوج المستقبل
بندر: يخسي هالمتخلف ياخذها
معاذ: وش دراك انه متخلف
بندر: من اسلوبه معها وبعدين دامك تعرفه ليه ماعرفتني عليه
معاذ:خفت تتهاوشون وانا ابي اظبط معه عشان شوشو
بندر: طيب خلنا نمشي من هنا
معاذ: اشوف الكيس بيدك ماعطيتها اياه
بندر: ياخي ولد عمها خرب علي
طلع ابوفاديه من المستشفى وتنازل عن خالد
خالد: ليه ياحمود ليه تنازل
انا ظربته وتركته بالشارع
صورت بنته وهددتها
وهو تنازل ليه ليه
حمود: خد هذي شمها وبتهدي اعصابك
اخذ خالد الجرعه وشم اكثر من الازم ومات
حمود لما حس انه مات شاله وحطه بدبه سيارته
مو عارف شيسوي
وقطه بالبر وراح عنه
وبس رجع لبيته اخذ اغراضه وجوازه وسافر
هذولا هم اصدقاء السوء وقت الشر موجودين بن خونه وانانين
سوا ابوماجد عزومه بمناسبه سلامه اخوه
كان موجود تركي ابو لولوه ومعاذ وراكان وطلال وابوه واكيد ابو ماجد وابو فاديه وماجد
ومجموعه كبيره من الرجال
اما ماجد كان كل شوي يدخل يتمنى يشوف او يلمح لولوه
شعاع: والله لك وحشه يالولوه
لولوه: حتى انتو وحشتوني
شعاع: المهم حنا الحين مع بعض
لولوه: وانتي صادقه
مطر اخو لولوه الصغير نام بحضنها وكانت بتنومه بالمجلس بس شعاع قالتلها تنومه بغرفتها
قامن شعاع ولولوه لغرفه شعاع
كان ماجد بيروح للرجال لاكن شده صوتها الي مانساه
تخبأ بغرفه شمس وكانت بجنب غرفه شعاع
دخلت لولوه وهي تسولف مع شعاع عن مطر
شعاع: احسكم حيل مدلعينه
لولوه: امي وابوي دلعوه بما انه ولد على اربع بنات
واختفئ الصوت عن ماجد لانهم دخلو المجلس
ماجد لحاله :يابعد صوتي ياهالصوت ولا الحكي
مو هذيك الدلوعه ماما وبابا (يقصد فاديه) تقل وغده مافي مجال للمقارنه
وطلع للرجال وشاف بندر
قاعد عند معاذ وقرب منه
ماجد: مو انت الي بالمستشفى
بندر: ايوه انت الي ذاك اليوم
وغمز لمعاذ بدون لا ينتبه ماجد
معاذ:ماجد انت تعرف بندر
ماجد: لا بس شفته ذاك اليوم بالمستشفى
معاذ: هاذي صديقي بندر ومنافسي بالسوق
واهاذ ماجد نسيبي
بندر: هلا ماجد
ماجد: هلا بندر
بعد اسبوع
ماجد:يبه انا ابي اعرس
ابو ماجد: الساعه المباركه اليوم انشالله اكلم عمك
ماجد: لا يبه انا مابي فاديه ابي لولوه بنت خالي
ابو ماجد: بس بنت عمك مسمينها لك
ماجد: بس انا غير لو لوه ماراح اتزوج
ابو ماجد: يابوك انا ماني معترض على البنت بس بنت عمك تستناك
ماجد: يعني وش الحل
ابو ماجد: مالك غير تستنا فاديه تتزوج
ماجد: يعني اردد ياليل ماطولك من بياخذ هالدلوعه
ابو ماجد: عاد جاك العلم
ماجد طلع معصب ولقى معاذ عند الباب
ماجد: هلا معاذ جابك الله
معاذ: وش فيه
ماجد قاله السالفه
معاذ: بس هاذي مشكلتك
ماجد: اذا انت شاطر حلها
معاذ: عريس فاديه عندي
ماجد: منو الحقني به
معاذ: بندر
ماجد: من بندر
معاذ: الي طلعت تعرفه من المستشفى
ماجد: اها عرفته
معاذ: وش رايك
ماجد: معاذ انا صدق ابخلص منها بس ماراح اقطها على اي احد كذا
معاذ: الحين بندر خالد الشمالي اي واحد
ماجد: خالد الشمالي السفير الي مات بالطياره ابوه
معاذ: ايوه يعني ولد سفير سابق
ماجد: والله والنعم فيه والله يرحم ابوه
معاذ:الله يرحمه
ماجد: يعني هو كلمك عليها
معاذ:شي من هاذا القبيل
في مكان بعيد عن الناس والمدينه
صحا خالد لقى نفسه بالبر وماحوله احد
حاول يتذكر شي موقادر
ايش جابه هنا وهو كان بشقه حمود
دور جواله يبي يدق على اخوه مالقاه قام يمشي
من غير جهه معينه وظل يمشي ويمشي ويمشي
الين وصل لخيمه مليانه شباب
دخل خالد وطاح على الارض قدامهم
الشباب افتكروه جن انخرعو
وسمو بالله
خالد:انس والله انس موجن
سعد: بسرعه جيبوله مي
اكلوه وشربوه ولما سألوه عن سالفته
وكذب وقالهم كان مع شله شباب وضيعهم
اخذه سعد وكان ملتزم وحبوب ورجعه لاهله بعد ماتبادلو الارقام عشان يتطمن عليه
طلال: خالد وش سوى فيك كذا
خالد: حمود الزفت كنت بشقته اخر شي وصحيت لقيت حالي بالبر
طلال: وش صار بعدين
خالد: ابد ظليت امشي لين وصلت لشله شباب وشفت سعد ولد الحلال ماقصر معي
وصلني
طلال: الحمد لله على سلامتك
ولازم نذبح خروفين على سلامتك
خالد: الله يسلمك ياخوي لا تنسى تعزم سعد وجارنا محسن
طلال: اكيد مايبيلها
خالد: لاتنسى الي اخد شرطان فاديه مدري شسمه وخويه
طلال: بندر ومعاذ منين اجيبهم
خالد: اسأل ماجد اكيد يعرفهم
في محل بندر
معاذ: بندر اقولك ولد عمها يبي
يزوجها اي احد تقولي ماقدر
بندر: صدقني ماقدر
معاذ: عشان الشرطان الي عندك
بندر: لا هي مظلومه بهالسالفه
معاذ: اجل ليش ماتبيها انا ماستبعد يزوجها لمنصور الاحول
بندر: خل يزوجها انا اذا ماتزوجت اختي فاطمه لايمكن اتزوج انا وعدت امي
معاذ: طيب بس علقها احجزها
بندر: سياره هي اهلها ماراح يرضو
معاذ: اللهم بلغت اللهم فشهد
ودق ماجد على معاذ وعزمه وعزم بندر زي ما طلب منه طلال
معاذ: ماجد عازمنا بالاستراحه ويقول لازم نحظر
بندر: وش المناسبه
معاذ: مادري على سلامه ولد جارهم
بندر: خير انشالله
بالاستراحه
المجلس مليان رجال
بعد العشاء
وقف خالد بنص المجلس
خالد: اسمعوني يالربع
التفتوله الرجال
خالد: انا اليوم جامعكم عشان اعتذر من ناس غلطت بحقهم
توجه لابو فاديه وباس راسه
وقال: سامحني ياعمي انا ظربتك بالسياره وتركتك وهربت
ابو فاديه: مسموح ياولدي انا الحين بخير وهاذا المهم
وتوجه لبندر وقال: سامحني على غلطتي اغواني الشيطان
بندر: مسامح اهم شيء تبت توبه نصوحه
خالد: توبه نصوحه والله يشهد
توجه لطلال وقال :سامحني وانا اخوك خليتك تكذب عشاني وسترت علي كثير وحضنه
وتوجه لابوه وباس راسه وقال: اما انت يابو طلال يابوي ياعزوتي لو اعتذر من هنا لسنه مايكفر عن ذنوبي معك
وقعد عند رجلينه وبكى
سامحني يابوي سامحني
رفعه ابوه وحضنه :مسموح ياخالد انت ولدي لو شتسوي مسامحك
توجه للباب وقبل يطلع قال: انا رايح مستشفى الامل وراح ارجع خالد ثاني
في هاذا الوقت البنات متجمعات عند شعاع
شعاع: انا بروح اجيب القهوه لاتحشون فيني
بلقيس: فاديه هاذي الرساله عطانياها خالد يقول لازم تقرينها
فاديه:اخذت الرساله وكان نصها (اختي فاديه
بعد التحيه بصراحه انا ماعرف اصف حكي لان زي مانتي عارفه انا مالي بالبنات بس لي بالمخدرات
المهم هاذي رساله اعتذار من اخوك خالد واتمنى تقبلينه
لاني بجد اسف غلطه وماراح تتكرر لامعك ولامع غيرك
انا عطيت الشاب الي ارسلتيه كل الشرطان
الله يخليه لك لان كان باين الحب والخوف عليك بعيونه
واخيرا
اكرر اسفي واعتذاري
اخوك خالد)
فاديه:بلقيس قوليله انا خلاص سامحته
بلقيس: على ايش انا موفاهمه ومستغربه انك اخذتي الرساله على طول انتي تحبين احوي
فاديه: هههههه لا شنو احبه اخوك زي اخوي بس في شي سر بيننا
بلقيس : اف منكم ماتبردون الكبد
في نفس الوقت
فاطمه مسيره على ام معاذ صديقه امها
فاطمه: والله ياخاله زهقت من حياتي لاوظيفه ولا شي
ام معاذ: ماعليه يابنيتي وهاذي تهاني عندك وبنيتها
فاطمه: يوه ياخاله تهاني من ولدت ماعادت تهاني دايم مشغوله ببنتها
ام معاذ: وش رايك اعرفك على شعاع خطيبه معاذ
فاطمه: ياليت هي جارتكم صح
ام معاذ:ايه جارتنا يله امشي الحين
وراحو لشعاع وكانت فاديه وبلقيس عندها
ام ماجد: ياهلا والله بام معاذ وضيوفها
ام معاذ: ياهلا بك هاذي فاطمه اخت بندر صديق معاذ
فاديه وشعاع يناظرون بعض متفاجأت
شعاع: فاطمه لاتستحين خوذي راحتك اعرفك انا شعاع
وهاذي بنت عمي فاديه
وهاذي بنت جيران بنت عمي وصديقتي بلقيس
فاطمه: تشرفت بمعرفتكم
فاديه: الشرف لنا
فاطمه: فاديه تدرين بنت اخوي اسمها فاديه عمرها شهرين
فاديه مستغربه هي صدفه ولا سماها على اسمها
شعاع: اكيد دلوعتك
فاطمه: لا دلوعه اخوي بندر وهو الي سماها اصلا
هنا فاديه تأكدت انه كان صادق من البدايه بحبه لها وسمها على اسمها
وكانت قعده حلوه
رجعت بلقيس للبيت وكانت تحكي لامها عن ام معاذ وفاطمه
دخلو ابو طلال وطلال وخالد
راح ابو طلال ينام ولحقته ام طلال
بقوا طلال وخالد وبلقيس
خالد: بشري وشقالت فاديه
بلقيس: قالت بالحرف الواحد
قوليله انا خلاص سامحته
بس انا ماني فاهمه
على ايش
خالد: مو لازم تعرفين
بلقيس: احسن اصلا مامنكم فايده
ولفت على طلال وقالت: طلال ابشرك لقيت لك عروس
طلال:من بعد
بلقيس: لاتخاف مو من قرايبنا
طلال : اجل من وين
بلقيس: شفتها اليوم ببيت شعاع بنت عم فاديه بنت جيرانا
واسمها فاطمه واسم اخوها بندر صديق معاذ خطيب شعاع
طلال: بل بالعه راديو
خالد: عطتك الموجز
طلال: كل هاذا موجز
بلقيس: ايوه تبغاني اعطيك النشره
طلال: لا الله يخليك قلتي اخت بندر
خالد: اذا بجمال اخوها اكيد حلوه
بلقيس: لا هي احلى
طلال: وش دراك انتي شفتي اخوها
بلقيس: لا ماشفته بس دايم البنات احلى من اخوانهم وانا اكبر دليل احلى منكم ثنينكم
طلال: العن ام الثقه ياشيخه
خالد: والله بتوحشني رجتك يابلقيس
بلقيس: ليه وين بتروح
طلال :ولا شي بيسافر شهرين دراسه برا
بعد خمس شهور
طلال تزوج فاطمه ولهم اسبوع من رجعو من شهر العسل
خالد تعالج من الادمان والتزم وصار مؤذن مسجد
ماجد خطب لولوه وعرسهم بعد ثلاث شهور
بلقيس تدرس طب بدبي مع خالد
شمس حامل وبشهرها الرابع
يوم عرس
(معاذ وشعاع)&(بندر وفاديه)
حطوه بيوم واحد لانهم زي الاخوان
بغرفت العرايس
فاديه: شوشو توقعتي بيوم من الايام عرسنا يكون بيوم واحد
شعاع: ابدا بس تذكرين لما وعدنا بعض ان كل وحده ترقص بعرس الثانيه
فاديه: ايوه اذكر وش رايك نسويها ونرقص هالحين
شعاع: ممممم هي فكره مجنونه بس موافقه
وقامن وشغلن المسجل وبدن يرقصن
دخلن شمس وامها وشافن خبالهن
شمس: لهدرجه مو مصدقات
شعاع وفاديه:ههههههههه
انزفت شعاع اول بحكم ان معاذ اكبر من بندر بشهور
وانزفت بعدها فاديه
واول ماركبت السياره حضنها بندر وقال
ضمني على صدرك وابعدني عن الناس
والله ياعمري لاسكر بدون الكاس
وكان شهر عسلهم بأيطاليا
(فاديه وبندر&شعاع ومعاذ)
اتمنى تكون عجبتكم
@الين اليوم@
تجميع زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك