رواية عذبتني باسباب فرقاك -38
يوسف قعد على طرف السرير ومسك يدها وهي سحبتها لكنه تمسك فيها أكثر ساره انا أحبج .. والله أحبج .. حبيبتي ارحميني 5 شهور وانا اتعذب .. تعبت فرقاج موتني .. شوفي حالتي ..
ساره ويهها على الجهة الثانية انا ليييش هني ؟؟
يوسف اخذ يدها وضماها لصدره حبيبتي .. انتي كنتي تغرقيين روحج في البحر .. وانا...........
ساره دارت ويهها له وطالعته بنظره كره وقالت من بين اسنانها وانت اللي انقذتني .. ويبتني هني .. وشلت الدمعة من على رقبتي ..
يوسف ابتسم لها بحنان وحط راحة يده على خدها انا ما شالتها انا احتفظت فيها هي طاحت من رقبتج .. انا كنت ألبسها لما أكون محتاجلج .. ساره سامحيني يا روحي .. والله ما اتحمل تبعدين عني .. ساره شوفيني .. شوفي عيوني .. هلكت .. خلاص ما عاد فيني صبر ..
ساره حطت يدها على يده وشالتها بالقوه اطلع برى ..
يوسف مسك يدها اللي شالت فيها يده ساره .. لا تسوين فيني وفي نفسج جذي ..
ساره شالت الغطى اوكي انت لا تطلع .. انا اللي بطلع ..
دارت جسمها على الجهة الثانية وصارت تزاحف عشان تقوم
يوسف مو مصدق اللي تسويه معقولة مو طايقة حتى تقعد معااه قام على طوله وراح لها
ساره شافته وقفت تبي تمشي وتتعداه بس ما قدرت ريلها ما شالتها طاحت على الارض وبصوت رايح ريـ ـــــليييي .. ريلي ما احس فيها ..
يوسف بنفس الوقت اللي طاحت نزل معاها يمسكها بلهفته ريلج تعورج ؟؟
ساره صارت تبعد يدينه عنها بهستيريا وخرررررر عني .. انا معاااااااقه ما اقدر امشي .. وخررررر عني .. خلني في حالي .. انا ما انفع لشي .. خلني بروحــــي ..
يوسف حضنها بقوه لا حبيبتي .. لا تقولين جذي .. انتي بتمشين وبتردين احسن من قبل ..
ساره بصيااح لااااااا .. لااااااااا ما برد .. انــــا خلاااااص انتهيت .. يوسف ليش .. ليش ما خليتني امووووت .. ليش طلعتني من البحر .. ليش .. انا ما ابي اعيش .. ما لي مكان بينكم .. خلوني امووت .. ابي امووت .. هئهاهئئئئئ
يوسف زاد خوفه عليهاا لا يا ساره بتردين احسن من قبل وبنتزوج بعد .......
ساره انتبهت لروحها انها بحضنه رفعت نفسها بسرعة اطلـع بــــررررررى .. ماااااا ابــــــي اشوووفك ..
يوسف طفرت دمعته من وسط عينه وهو ما اهتم لها بس انا ابي اشوفج حبيبي .. ساره لا تسوين فيني جذي والله ما اتحمل ..
ساره قامت تصرخ اطلع برررررى ...
يوسف مسح دمعته وقام حملها غصبا عنها لفوق السرير وباس راسها انا طالع .. طالع يا ساره .. بس صدقيني راجع ..
وطلع من الغرفة ودخلوا عليها اهلها
وأول ما شافت مريم قامت تصرخ مريم اااانــــا ماااااا اقــــدر امشي .. بــــدر انشليييت .. مااااا اقدر احرك ريلي .. ماااااا قاعده احس فيهااااا ....
مريم عيونها على أمير وخاايفة من كلام سااره وكأنها
أمير رفع اللحاف وصار يمرر أصابعه على ريلها تحسين بحركه اصابعي ..
ساره وهي بحضن مريم لا .. ما احس بشي ..
أمير صار يقرصها باصابعه
ساره صرخت آآآآآآآآآي ..
أمير ابتسم وغطى ريلها عن العياره ريلج ما فيها شي .. محتاجة شوية تمارين تحرك الدورة الدموية بجسمج .. صارلج 5 شهور راقده ..
ساره ابتسمت براحة ومسحت دموعها بطرف كمها
مريم وهي تضربها على جتفها يا حماااااااااره خمس الشهور راقده .. عنبوا ما خستي ..
بدر باس راسها يالله حبيبتي .. انا بروح اشوف مي .. حمدلله على سلامتج ..
ساره عيونها على الباب تترقب رجوعه بس ما رجع ابتسمت ابتسامة باهتة ليش تروح لها .. خلها هي تيي .. ادري اني خربت زواجكم ..........
بدر ومريم يطالعون بعض تذكروا ان ساره ما تدري بشي
مريم بدور انت روح .. انا بفهمها كل شي ..
أمير انا حبيبتي بعد بنزل تحت بشوف حددوا موعد فحوصاتج ولا لاء .. اخذي راحتج ..
مريم انصفق ويهها عملية واشلون والبيبي ابتسمت بارتباك هه .. ليش حبيبي ؟؟ توى الناس ..
أمير راح وباسها في خدها لا حبيبتي احنا تأخرنا وايد .. خلاص لازم نحدد الموعد ..
هزت راسها اللي تشوفه حبيبي ..
طلعوا بدر وأمير ومريم قعدت تسولف مع ساره شصار بخمسة الاشهر تبي تنسى موضوع العملية بس هي ما نست كل شوي تتلفت على الباب تنطر رجعته ومعاه اي خبر غير العملية كانت تدعي انها تتأجل شوي يمكن اذا كبر البيبي شوي أمير يغير رايه ...
في المصح
كانت كالعاده قاعد بعيد يتأملها وهي تكتب وتكتب وتكتب كل اللي بخاطرها ودموعها ينزلون على الدفتر اللي بيدها ويبتل كلامها تبي تنطق مو قادره بس تشاهق وهي تكتب
هو يشوفها وقلبه متقطع عليها وكل زفره يزفرها أقوى من الثانية
حس بيد على جتفه دار ويهه لقاه يبتسم له تلحق دمعته قبل ما تنزل هلا دكتور ..
هشام هلا بدر .. شخبارك ؟؟
بدر دار ويهه عليها اخباري عندها ؟؟
هشام وهو يحك ذقنه تصدق يا بدر أول مره تمر علي هالحالة من تخرجت .. مي تحسنت حالتها وايد بس فاقدة النطق .. او يمكن هي رافضة الكلام لانها اذا تكلمت بتقول شي هي بالاساس ما تبي تقوله .. روح لها .. تقدر تكلمها انت .. انا بوقف بعيد اراقب حالتها ..
بدر بفرحة وتردد بنفس الوقت بس اخاف ترفضني ... وتسوء حالتها .. وانا ابيها تطلع من هني .. اشتقتلها ...
هشام يبتسم له يبي يشجعه لا تخاف حالتها ما بتتراجع .. يمكن ترفضك اي .. بس ما بتسوء انا معطيها كورس مضاعف للعلاج .. الحين هي محتاجة طبيب مختص بالنطق يعلمها اشلون تتكلم .. وما في طبيب أحسن منك في هذا الشي و شوفة عينك صارت تعرف تاكل بروحها وتمسك القلم وتكتب .. ما بقى غير تتكلم .. لازم نعطيها وقت .. يالله روح ولا تتردد ..
بدر ابتسم ابتسامة شكر لدكتور هشام وراح لها بخطوات هادية
وهي للحين منزلة راسها وتكتب ودمعتها تنزل على الورقة وما انتبهت ان واقف جدامها
نزل لمستواها متكي على ريله وحط يده على الدفتر اللي بيدها وبصوت مخنوق وغالب عليه بحة حزن وانكساار اشتقتلج يا روحي ..
هاااا شراايكم في الباارت
توقعاااااااااتكم
؟؟؟؟
تتوقعون أمير بيعرف عن حمل مريم ؟؟ قبل العملية ؟؟ وشنو بتكون ردة فعلة ؟؟ معقوولة يجبرهاا تجهض البيبي ؟؟ كل شي جااايز والله ؟؟
سااره بتساامح يوسف وبترجع له ؟؟ ولا عافته للابد ؟ وهل هو بيستسلم ويطيع رغباتهاا ؟؟ ويبعد عنهاا ولا بيحااول معااهااا ؟؟
مي بتنطق ولا الشي صاار مستحيل ؟؟ وبتسمع مبررات بدر ودفااعه عن نفسه ؟؟
الجزء السابع والاربعين
بدر ابتسم ابتسامة شكر لدكتور هشام وراح لها بخطوات هادية
وهي للحين منزلة راسها وتكتب ودمعتها تنزل على الورقة وما انتبهت ان واقف جدامها
نزل لمستواها متكي على ريله وحط يده على الدفتر اللي بيدها وبصوت مخنوق اشتقتلج يا روحي
مي سمعت الصوت بس للحين ما رفعت راسها لانها ما تبي تصدق ان هذا هو تشوف يده على الدفتر صارت دموعها تنزل على يده خايفه ترفع راسها ما تبي تشوفه .. ما تبي المواجهه .. كانت خايفة من هاليوم ..
بدر يسمع صوت شهقاتها كانت فاتحه فمها مو قادره تتكلم حاس انها تبي تقول شي بس مو قادره
قعد يمها ومسك يدينها وصار يشمهم بلهفه ونفس طويل آآآآآآآآآآآآه .. اشتقتلج واشتقت لريحة يدينج ..
مي كانت حاسة نفسها على حافة جبل كبير مو قادره لا ترتمي بحضنه ولا تبعد عنه
بدر كان يتأملها بحنان كانت منزلة راسها وتحاول تبعد نظراتها قد ما تقدر باين عليها الخوف حب انه يهديها مي .. طالعيني حبيبة قلبي .. انا بدر .. ارحميني .. طالعي عيوني ذبلت من فراقج .. الليل ما أقدر أنامه ..
مي خافت أكثر وصارت تون بصوت عالي مو قادره تصرخ وسحبت يدينها وخشتهم ورى شعرها ورفعت ريلها الثنتين على الكرسي ولفت راسها ما تبي تواجهه أكثر
بدر خاف عليها مي اذا ما تبين تكلميني لا تكلميني.. مو لازم .. بس خليني اشوف عيونج حبيبتي ..ياااني مشتاقلها ..
مي ما ردت استمرت في شهقاتها وعيونها ضايعة بالفراغ
بدر سحبها وخذاها بحضنه غصب وبصوت غالب عليه الحزن والبكاء مي .. انا ما خنتج .. وربي اللي خلقني ما خنتج ورحمة امي ما خنتج .. ادري انج مستحيل تصدقيني .. وتجذبين عيونج .. عطيني فرصة حبيبتي افهمج ..
مي كانت مشاعرها بارده حتى ما بادلته حضنته بس دموعها اللي كانت تنزل على قميصه
بدر بترجي خلاص حبيبتي .. والله حرام عليح نفسج .. هلكتي وانتي تصيحين وتذرفين دموع عينج .. مي .. اذا تبيني اروح واخليج .. انا مستعد بس وقفي دموع .. لا تصيحين قلبي ما عاد يتحمل وعيني تعبت .. مي انا أحبج والله أحبج .. علمتيني الحب الحقيقي .. اي انتي حبيبتي .. انتي اللي فهمتيني اشلون احب الحياه واتمسك فيها ...
انسحبت من بين أحضانه مع ان كان يعز عليها هالشي بس ما تقدر تظل أكثر هالحضن مو حضنها مو لها خلاص من بعد ذاك اليوم كل شي صار مو لها .. حتى قلبها مو لها للحين عنده وصعب عليها تطالب فيه وتموت حبه من قلبها
بدر مسح ويهه بيده ما تبين تظلين بحضني ؟؟ ليش يا مي ؟؟ انا بدر .. مي انا انظلمت مثلج .. اذا تبيني افهمج بفهمج بس طالعيني أول .. ابي احس انج تبين تسمعيني .. عذبتيني بأسباب فرقاج يا قلبي ..
بس مي كانت لافه ويهها عنه وكأنها تقوله اسكت ما ابي اسمع صوتك ..
بدر وقف تبيني اروح يا مي ؟؟
مي ساكته وحاطه يدها على فمها وتصيح
بدر تعب وهو يشوف دموعها وقف قبالها وركع على ريله مي .. تعالي معااي حبيبتي .. خلينا ننسى اللي راح ونبدى حياتنا من يديد .. خلينا نتزوج .. ونعيش في بيتنا .. بيتنا يا مي اللي ..................
صرخت في ويهه بكل قوتها اي بيت .. البيت اللي خنتني فيه ؟؟؟ اللي غدرت فيني ويبت وحده غيري ونمت معاها بالفراش اللي كان المفروض يكون فراشي .. ولابسة لبس كان المفروض انا اللي ألبسه لك بأول أيام زواجنا .. وفاتحة الباب اللي المفروض انا افتحه .. وانت كنت نازل بالفوطة وماخذ راحتك والمفروض انك تكون معاي مو مع غيري يا بدر ..
هشام ارتاح لما شافها تصرخ وهذا اللي كان يبيه انها تصرخ وتتكلم وبهذي الخطوه يكون انتهى من مرحلة علاجها
بدر كان واقف مصدوم وفرحان بنفس الوقت انها نطقت ما كان مصدقت شفاايفه ترجف من الفرحة وعيونه تدمع مي .. مي والله ما ادري من هذي ...
مي قاطعته وهي حاطة اصبعها على فمها تبيه يسكت ما تبي تسمع كلامه بس .. ولا كلمة .. روح .. رد من مكان ما ييت .. ما ابي اشوفك ..
بدر يحاول يهديهاا مد يدينه يبي يمسك يدينهاا بس هي دارت جسمها عنه مي لا تسوين جذي انا ييت اخذج حبيبتي .. لا تظلميني .. اسمعيني أول
مي من بين اسنانها انت اللي ظلمت نفسك وظلمتني معااك .. بدر .. أكسر الشر و روح أحسن لك .. ما ابي اقول شي انا قاعده شهور كاتمته بقلبي ..
بدر مو فاهم قصدها شنو ؟؟ قولي يا مي ؟؟؟
بس هالمره مو مي اللي تكلمت صوت ثاني روح يا بدر .. ما سمعتها شقالت ..
بدر انصدم منه اشلون ياي بالنص وحاضن مي من جتوفها انت اللي اشلون تتجرأ وتحط يدك على مرتي ..
كان فاتح عينه ويهز راسه بالنفي مو مصدق اللي قاعد يشوفه
ابتسم وهمس لمي .. ومي انسحبت من مكانها
بدر صرخ عليها مي .. وين رايحة ؟؟؟
مي ولا كأنها تسمع مشت عنه ودخلت داخل وجاره دموعها وراها
بدر وين ويهه بهالوقت سمعت كلام الغريب وخلته هجم عليه وصار يلكمه كل لكمه اقوى من الثانية وكل ما طاح بالارض رفعه بقوه ولكمه لكمة أقوى من اللي قبلها انت شسويت في زوجتي .. عااااالجتها ولا لعبت بعقلها .. اشلون قاعد تتحكم فيها جذي
هشام حط اصابعه على خشمه كان اللي كان ينزف انت اللي سويت في روحك جذي يا بدر .. مو انا .. مي باخذها منك .. انت ما تستاهلها ..
بدر خلاص ثار دمه انا ما استاهلها .. هذي زوجتي .. اشلون تفكر تاخذ زوجتي مني .. يالنذل ..
ألتموا عليه السكيورتيز اللي بالمصح ومسكوا من ذراعينه
هشام وهو قايم من على الارض انا كنت ابيك تخليها تنطق وبس .. خلاص انت مالك شغل فيها .. ومن هاللحظة بعطي أوامري للسكيورتيز انك ما تدخل هني .. يالله قطووووه باااااالشااااارع ..
بدر بصراااخ يحاول يفلت من السكيورتيز ويهجم عليه زين ياااا هشااااام ان ما فضحتك .. انا تحجز زوجتي عندك غصب .. أنا أوريك .. يالحقير ..
هشام يحاول يتلف أعصابه أكثر هه .. هذا اذا ظلت زوجتك ؟؟
بدر خلاااص غلى الدم في راسه وانقلب ويهه احمر على كثر ما صرخ مــــي لي انااااا .. وبتشوووووف .. زوجتي بترد لي .. بترد لحضني ..
طلع من المصح او بالاحرى طلعوه غصب وهو حده معصب ما كفااه اللي صار كل هالشهور .. الحين لما صار قريب منها طلع له هالدكتور يبي ياخذها منه .. حتى ما عطته فرصة يفهمها ويدافع عن نفسه .. بدر حياته انقلبت لجحيم .. مي راحت وكل شي راح .. رجع بيته ولم أغرضه كلها وسافر وترك كل شي وراه ......
مي ظلت بالمصح وتحت عيون هشام كان رافض يخبر أهلها ان حالتها تحسنت عشان ما ياخذونها منه وتغيب عن عيونه كان يقعد معاها بالساعات بحجة جلسات علاج وهي كانت طول الوقت تكلمه عن بدر وحبها لبدر واللي سواه فيها وهو صاير لها احسن صديق وأفضل مستمع والصدر الحنون لكل همومها ومشاكلها
ساره رجعت بيت مريم القديم اللي كانوا ساكنين فيه هي واختها وصارت تروح 3 مرات بالاسبوع تسوي تمارين لريلها وصارت تمشي على عكاز واحيانا ما تحتاجه يوسف كان يروح وراها ويشوفها من بعيد ما كان يبي يضايقها .. كان يتحسر على قربها ويشتاق لريحتها وحضنها بس ما بيده شي هي رافضة تشوفه .. رافضة حتى تسمع اسمه
مريم كانت تحاول تتجنب القعده مع أمير كانت تبي تخلص المرحلة الاولى على خير عشان ما يقدر يجبرها على الاجهاض كانت تدوخ بين الفتره والثانية بس ما تحب تبين هالشي جدامه تحاول تكتمها بنفسها وما تفتح جدامه موضوع الحمل عشان ما يشك وهو الثاني صار يتحرك على موضوع العملية أسرع يبي يسويها بأقرب وقت ومريم كانت خايفة من هالشي وحاطة يدها على قلبها
رن المنبه كالعاده على الساعة 7 الصبح
مد يده وسكر المنبه ونزل راسها من على صدره وخلاه على المخده وغطاها وقام على جهة الدرسنغ روم
مريم صحت عشان تروح دوامها وقامت جلست قعدتها وحست بدوخة قوية و معدتها تقلب عليها قامت بخطوات سريعة للحمام ما تبيه يحس فيها تعدته ودخلت الحمام وسكرته عليها قفلته قفلتين عشاان ما يفكر يفتحه وهي حاطه يدها على فمها مو قادره راحت طاحت على ركبها وصارت ترجع بقوه
أمير شوي ويستخف واقف برى ويطق الباب بقوه .. أول مره من تزوجوا يشوفها على هالحال مريم فتحي الباب .. حبيبتي .. شفيييييج ؟؟؟ لا توقفين قلبي .. مريم ..
مريم غسلت ويهها ومسحت فمها بظهر يدها وقعد على سور الحوض تكح وتمسح ويهها بيدها ويدها الثانية على بطنها صار يألمها على كثر ما رجعت بقوه
أمير بصراااخ مريم .. مريم .. فتحي الباب .. والله بكسره ..
مريم توها تنتبه لصراخ أمير واشلون يضرب باب الحمام بكل قوته وهو صار يهتز بقوة اخذت كيلنكس تنشف الماي اللي على ويهها ورقبتها وفتحت الباب
وهو ما صدق على الله فتحت الباب كان ثاير عليها بس لما شاف ويهها أحمر وعيونها ذبلانه طاح قلبه من الخوف مسكها من خصرها بيدينه .. وبلهفته وخوفه عليهاا حبيبي شفيييييج ؟؟
مريم ارتبكت بس ما كانت قادرة تتصنع ابتسمت بتعب هه .. حبيبي ما فيني شي .. ليش مخترع جذي .. عااادي
أمير مشاها وسدحها على السرير وحط يده على بطنها ومريم حطت يدها على قلبها وملامحها اعتفست أكثر الله يستر .. الله يستر وما ينزل يده ويكتشف .. ياربي استر علي .. يااارب استر علي واحفظ اللي في بطني .. ياربي انت تبيه ايي .. اذا عرفت بيموّته .. يااارب ساااااعدني ...
أمير بجدية وهو يتحسس بطنها وين يعورج هني ؟؟ ولا هني ؟؟
مريم عيونها عليه والخوف ماكل قلبها غصت من خوفها ها اااا .. لا... لا بطني ما يعورني ..
أمير عقد حواجبه عيل وين ؟؟ مريم فيج دوخة ؟؟؟..
وصار يتحسس جسمها وحط ظهر يده على جبينها غريب حتى حراره مافي !!! .. وبطنج ما يعورج !!! .. خليني افحص بطنج عدل ...
مريم تحاول تقوم وبنفسها تدعي ربهاا انه ما يعرف ياااربي ساااعدني .. هو دكتور واكيد بيعرف .. ياااربي ما لي غيرك سااعدني .. ياااااربي شسوي ؟؟؟ أمير مو غبي أكيد بيعرف .. قرب الحلم ينتهي .. قربت اصحى منه ..
كانت تبتسم تحااول تطمنه لا ما يحتاج والله مافيني شي عادي ..
أمير بإصرار وهو يسدحها غصب مريم قعدي منتي ياهل ..
صار يلمس بطنها ويضغط عليه برقه لحد ما نزلت أصابعه لنهاية بطنها وحس بشي غريب رفع عينه عليهاا وبدى صوته يتغير مريم ؟؟ اليوم تاريخ جم ؟؟
مريم صارت تعرق من الخوف اليــ اليــوم ؟؟ ما ادري ؟؟
أمير للحين ضاغط على بطن مريم أخذ تلفونه يشوف التاريخ اليوم تاريخ 20 وانتي المفروض موعدج تاريخ 8 ؟؟!!
غمض عيونه يبي يهدي نفسه وهو عاض على اسنانه وعينه بدت تتوهج مريم واللي يرحم واااالديج .. يتج الدوره ولا لاء ؟؟
مريم صفنت فيه ما تدري شتقوله وما انبهت الا على صرخته اللي خلتها تنقز وتنفزع جاااااااااااااوبيني ؟؟
مريم دمعت عينها من صرخته وحطت يدها على يده وشالتها بهدوء وقامت قعدت على طرف السرير وعطته ظهرها امبله .. يتني وخلصت .. انت كنت مسافر ..
أمير تنهد براحة وقام حضنها من جتوفها زين ليش تصيحين ؟؟؟!!!..
مريم وهي تمسح دموعها وتحاول تبعد نظارتها عنه وبصوت باكي ما فيني شي .. ما تشوف روحك اشلون تصرخ علي ..
حضنها وباس جبينها يهديها حقج علي حبيبتي .. انا آسف .. بس حسيت ان برحمج شي غريب .. عموما انا اليوم بمرج الساعة 12 باخذج المستشفى نسوي كل الفحوصات حق العملية واخليهم يسون لج الترساوند واشوف شسالفه بطنج ... لان العملية بعد 3 أيام ..
مريم دموعها يهلون من عينها وحده ورى الثانية تسمع كلامه مو مصدقة انه حدد وقرر وخلاااص وهي عليها تتنازل عن هالروح اللي الله وهبهاا ايااها وقااعده تكبر في بطنها يوم عن يوم ..
أمير كان مستغرب من صياحها ودموعها مريوم حبيبي .. كل هذا عشان صرخت عليج ؟؟ خلاص انا آسف .. ولا تبين اراضيج بطريقتي ..
مريم مالها مزاج وكلما تمسح دموعها تنزل غيرهم قامت مشت عنه لجهة الدرسنغ روم تبي تاخذ شاور
أمير أول مره يشوفها جذي كان مستغرب من زعلها راح لها وضمها من وراها وهمس بإذنها حبيبي .. زعلانة مني ؟؟؟؟..
مريم ما عندها جواب ساكته وتتطعم بدموعها ما تدري بشنو ترد عليه
أمير لفها بهدوء ومسح دموعها بيدينه خلاص يا قلبي .. بس نخلص المستشفى انا عازمج على الغدى ..
مريم خلاص ما بيدها شي تنهدت بصوت رايح أمير ممكن اطلب منك طلب ؟؟ ممكن تاخذني بحضنك ؟؟
أمير مستغرب نبرتها ابتسم وضمها بحنان
مريم دفنت روحها بين ضلوعه واختنقت بعبرتها أقوى يا أمير .. أقوى ..
وبنفسها آآآآآآآآآآآآآآآه .. حبيبي .. لو تدري باللي داخل رحمي يكبر .. لو تدري اني عشانك بضحي بحياتي عشان بس اييب لك بيبي صغير يكون مني ومنك .. مستعده اسوي المستحيل بس ما يموت البيبي .. يبقى بداخلي ويكبر في بطني .. سامحني على اللي بسويه .. بس صدقني مو بيدي .. شي فوق ارادتي ..
أمير شد في ضمته واستمروا على هالحال أكثر من عشر دقايق
بعدها رفعها لقاها ذابله اخترع عليهاا أكثر حبيبتي اذا ما تبيني اروح المستشفى مو رايح .. اقعد معااج .. انتي بعد لا تروحين الشركة ارتاحي ..
مريم ابتسمت بحزن لا حبيبي انا ما فيني شي .. روح شغلك وانا بعد بروح شغلي .. لا تخاف .. مو تقول الظهر بنتلاقى هه .. خلاص لا تخاف علي .. انا زينة طول ما انا يمك انا بخير .. ما ابيك تزعل مني .. تذكر انك حبيبي وعلى طول بقلبي .. اهتم بنفسك وبأكلك وبلبسك خلك دوم أحلى دكتور وين ما تروح الناس تقول هذا دكتور محمد أمير كراشي .. ابي هالضحكة الحلوه ما تفارق شفاتك ..
باسته بنعومه على شفايفه وهو بادلها البوسه حبيبتي ليش تقولين هالحجي ؟؟ ليش احسج بتروحين عني ؟؟ جنج تبين تودعيني ؟
مريم حاوطت رقبته وشبكت اصابعها وراها وحطت راسها على صدره لاني احبك .. ولانك احلى شي مر علي بحياتي ..
أمير كان يحس ان كلامها غريب ومو فاهم منه شي بس ما يقدر غير يردلها الابتسامة ويبوس جبينها ويروح شغله ..
مريم حملت أغراضها المهمة وطلعت من البيت ما تدري وين تروح تبي تتكلم وتفضفض مالها غيرها لازم تروحلها وتقولها عن كل شي
بعد طول مشوار الطريق وصلت ونزلت من السياره راحت شافتها في مكانها المعتاد
مشت لمكان ما هي قاعده فصخت نظارتها وباستها في خدها مي حبيبتي شلونج ؟؟
مي ابتسمت لها بس ما ردت لانها ما تبي احد يعرف انها نطقت لكن هي ما تنكر انها من شافت مريم كأنها تشوف بدر ودها تنطق وتسأل عنه بس ما تجرأت
مريم وعيونها على الورد المزروع والشجر الصغار مي انا ييت بس عشان أودعج .. انا خلاص رايحة ما لي مكان بينكم ..
مي تجمعت الدموع بعيونها مصدومة حتى لو بتنطق ما بتقدر انربط لسانها
يتبع
مي تجمعت الدموع بعيونها مصدومة حتى لو بتنطق ما بتقدر انربط لسانها
مريم بدت دموعها تنزل وبدون ما تهتم لهم انا ييت اقولج انتي لاني عارفة انج ما بتقولين لاحد وخصوصا امير .. مي انا أحبج انتي مو بس رفيجتي انتي اختي .. اختي اللي ما ولدتها امي ..
مي كانت تطالعها ودموعها هي الثانية على خدها .ومريم ماسكه يدها انا من وعيت على هالدنيا وانتي رفيجتي .. مي انا اختج وابي انصحج .. ترى حراام اللي تسوينه بعمرج .. انا اعرف ولد عمي سنين وهو طيار لو كان يبي يلعب ما كان ارتبط فيج من اساس .. لا تضيعين سنين من عمرج وعمره بالفراق .. ترى والله حرام .. مي اسمعيه .. عطيه فرصة يفهمج اللي صار .. تذكرين شكثر سمعت لامير وسامحته .. عشان حبي يا مي .. ما كنت ابي اخسره .. بدر لما قالنا عن اللي صار والله يامي دموعه كانت تقطر من عيونه بدون ما يحس فيها .. وباين عليه انه صادق .. لا تسمحين لاحد يفهمج العكس .. بدر طول هالاشهر وهو يدور على اللي كان السبب في فراقكم .. ويبي ينتقم منه ويقلب حياته مثل ما قلب حياتكم .. قوليلي يا مي لو كان صج يخونج ما بسوي جذي ..
مي كانت عيونها بس تدمع وتشاهق بدون صوت
مريم حطت يدها على بطنها وابتسمت بين دموعها مي انا حامل .. وأمير اذا عرف بيموّت البيبي .. مي انا انتهت حياتي مع أمير خلاص وبدت حياتي مع البيبي .. أحلى شهور عمري قضيتها معاه .. بس انا حالي صار مو احسن من حالج انتي وساره .. انا بعد تحددت ساعة الفراق عندي ولازم ابتعد ...
حضنتها بقوه وصاروا الثنتين يصيحون من قلب
مريم وهي تشاهق امانه يا مي لا تنسوني .. انا تراني موجوده بس استقر بتصل فيكم انتي وساره .. لا تنسوني ترااني وحيده وما عندي غيركم .. أحبكم انتوا أهلي .. ههاهئئئئ
مي ما قدرت تتحمل صارت تشاهق بصوت أعلى من مريم لا تقولين جذي يا مريم .. انا احبج .. والله احبج .. اخذيني معااج .. لاتخليني هني .. بروح معاج اي مكان انتي بتروحينه .. بس لا تخليني .. هاههئئئ .. لا تخليني ..
مريم رفعت روحها تضحك متفاجئة ومو مصدقة انها سمعت صوت رفيجتها مي انتي تتحجين حبيبتي .. مي انتي صرتي زينة اكا تتحجين .. حبيبتي ..
وتحاضنوا مره ثانية ومي انهارت في الصياح اي حبيبتي انا اتحجى صرت أحسن .. بس اخذيني معاج هشام قالي اني اقدر اطلع .. ابي ايي معاج ما اقدر على فراقج .. خلينا ننطر البيبي مع بعض ..انا ابي اصير خاله .. لا لا لا .. ابي اصير امه الثاانية .. انا ما ابي اقعد هني ولا ابي ارد لبدر ..
مريم رفعت روحها لا يا مي .. ما ابيج تيين معااي .. انتي لازم تسمعين بدر وتعرفين الصج .. حرام تضيعين حياتج معااي .. انا انطر ولدي ولا بنتي من حبيبي اللي حبيته .. لكن انتي يا مي اذا ييتي معاي شتنطرين عمرج اللي بيضييع بعيد عن بدر .. لا يا مي .. بدر وارث ملايين من ابوي مو راضي ياخذ نصيبه لانه ما يبي شي من الدنيا غيرج .. خايف اذا رضى بالفلوس وخذاها تكونين انتي بالمقابل ويخسرج ..
مي وهي تشاهق خلاص يا مريم انا وبدر انتهينا .. من يوم اللي زارني ما عاد شفته راح ونساني .. وانا بعد تعودت على غيابه .. اذا تحبيني اخذيني معااج ..
مريم وقفت بجدية وانتي اذا تحبيني ردي لحياتج واطلعي من هني .. خلاص كفاية عيشي يومج ولاتخلين احد يسيطر عليج .. واذا تحسنتي لا تاخذين ادوية وبس ..
مريم كانت عيونها على هشام واقف بعيد ويناظرهم
نزلت لمي وباستها في خدها مي .. اوعديني انج ما تقولين لجنس مخلوق عن حملي .. ولا احد .. اعتبري نفسج ما تعرفين شي .. حتى اذا ياج أمير وترجاج .. لاتعلمينه .. اذا صج تحبيني لا تعلمينه ..استودعج بالله يا مي .. اطلعي من هالمكان ودوري على بدر من سافر واخباره مقطوعة .. دوري على حياتج يا مي ..
مي وقفت وتمسكت بيد مريم مريم انتي متأكده من اللي بتسوينه ؟؟ يعني مستحيل تتراجعين عن قرارج ؟؟ وتصارحين أمير ..
مريم بهم كبير وحزن الدنيا كلها اي انا خلاص مقتنعة .. وأمير مستحيل يعرف .. اذا عرف يعني البيبي بيموت .. هو مصر يجهضه ما يبيني احمل .. وانا صارحتج لاني عارفة انج مستحيل تعلمين احد
مي بخوف بتكلميني صح ؟؟
مريم ابتسمت وسط دموعها أكيد حبيبتي .. يالله مع السلامة ..
مي وهي تمسح دموعها الله يحفظج حبيبتي .. ويحفظ اللي في بطنج ..
مريم ابتسمت لها واشرت من بعيد وهي راكبة سيارتها وطلعت من المصح
بالوقت اللي هشام استلم مي بالتحقيق بس طبعا ما قدر ياخذ منها لا حق ولا باطل
أول ما حركت مريم السياره كانت ناسية تلفونها في السياره ورن للمره العاشره شافت المتصل ابتسمت وردت بسرعة ألو .. هلا حبيبي ..
أمير وهو طالع للسياره مريمي وينج حبيبتي .. عيزت وانا اتصل ..
مريم بهدوء على غير طبيعتها عادي أمير .. كنت نازلة شوي من السياره .. نسيت التلفون فيها ..
أمير مستغرب نبرة صوتها مريم انتي وينج ؟؟ لا تقولين طلعتي من البيت وانتي تعبانة .؟؟
مريم بنفس طويل اي طلعت شوي .. خير حبيبي شفييك ؟؟
أمير سلامتج حبيبتي بس الحين الساعة 11 ونص وانا قايللج 12 بمرج ... وانتي برى البيت ..
مريم غمضت عينها وتنهدت بضييق لا تخاف انت بس توصل البيت .. بتلقىـــــــ .............
قاطعها بلقاج صح حبيبي ؟؟
مريم ان شاءالله .. يالله حبيبي استودعك بالله ..
وسكرت التلفون وفتحته واخذت الشريحة وقطتها في الشارع ورمت التلفون ورى السياره وقعدت تصيح بصوت عالي
أمير استغرب استعجالها في تسكير الخط بس فهمها انها تسوق ومشغولة في الشارع ..
اما مريم فكانت تصيح بقهر حبيبي ساااااامحني ..
وغاب صوتها هذيييييي آخر مره اسمع صوتك فيها .. أحبك وربي أحبك .. بس اللي صار غصبا عني وعنك .. الله يبي يعطينا بيبي .. انا جاريتك واخذت كل شي امرتني اخذه عشان ما احمل .. بس مو بيدي .. والله مو بيدي .. هئهائئئ .. ياااااارب صبرنييييييي .. صبرنيييييي على فراقه .. ههاههئئئئئئ ههااههئئئئئئ ...
ونزلت يدها على بطنها ودموعها معاها ماما حبيبي .. خلاص ما في غيرنا انا وانت .. من اليوم مااااافي بابا .. ما في بابا بحياتنا .. ساااامحني حبيبي هاهئئهائئئ .. بس الله ما اراد يجمعنا احنا الثلاثة .. اوعدك اني ما احسسك بغيابه .. احاول اكون ماما وبابا بوقت واحد .. بحاول أوعدك اني احاول ..
أمير وصل البيت وتلقته الهاوس كيبر وقالتله ان مريم تركت له شي بالغرفة وهو ركض فوق لان ما شاف سيارتها واول ما دخل لقى الغرفة فاضية ومريم مو فيها بس لقى صندوق صغير أحمر مخمل على السرير راح وفتحه انصدم لقى دبلة مريم وخاتم الخطوبة ومعاهم ورده مقطفة وكرت صغير مكتوب فيه انا من اليوم محللتك من اي وعد قطعته لي .. انا ما استحق اني اكون زوجتك و لا اعيش معاك في بيت واحد ولا انام على فراشك وأقضي معاك الباقي من عمرك .. أمير انا ما أحبك .. انساني خلاص .. مريم أكبري ..
أمير قرى الكرت أكثر من عشر مرات مو مصدق وبكل مره يشهق شهقة اقوى من الثانية ويحس بنار شابه بصدره طاح على ركبه والدمعة اللي كانت صامده بعيونه طفرت
زادت صوت شهقاته والكرت تكرفس بيده مو مصدق صار يهز راسه بهستيريا مو معقوله هذي مريم .. أكيد في شي غلط .. أكيد أحد مسوي فيه مقلب .. مو قادر يستوعب حجم المصيبة
لم راسه بيدينه وقام على طوله اخذ تلفونه يتصل لها .. اتصل على كل ارقامها حتى اللي قبل نص ساعة كلمها منه بعد مسكر .. كل تلفوناتها مسكره ..
مو قادر يستوعب كسر التلفون وهو يتصل ما يبي يصدق ان مريم هي اللي كاتبه هالحجي .. حتى لو عقله قبل قلبه مستحيل يقبل .. الخط خط مريم .. بس هي مستحيل تسوي جذي ..
ما حس بنفسه الا يصرخ من كل قلبه مــــــــــــــــــــــــريـــــــــــــــــــــــ م ... ليش يا مريم لييييييييييش ؟؟؟ تبيني اموووت ما اقدر يا مريم ما اقدر .. اختنق ..اشلون اعيش بدونج حبيبتي .. اشلوووون .. انتي جذااااااااااااااابة تحبيني .. وتحبيني موووووت .. ليش رحتي حبيبتي .. ليش رحتي وخليتيني ..
بعد أربع شهور
أخيرا قدر يتأقلم على حياته ويرجع لشغله بعد اللي شافه من فراقها بعده مو مصدق اللي صار واشلون تركته واختفت فجأه .. دور عليها بكل مكان .. سأل عليها بكل مكان ما لقاها يأس من كل حياته وانطوى على نفسه لحد ما قرر يرجع لحياته ويشتغل .. ما قدر يعيش في بيته وهي مو موجوده فيه راح سكن مع اهله حتى شقته راح ليلة وحده ما قدر يرقد فيها كان يتخيلها تمشي بكل مكان .. ونايمة على نفس الفراش اللي كانت تنام فيه ..
ساره صارت تمشي عدل وأحسن من قبل بعد ردت تشتغل بالشركة مكان مريم وابتعدت عن يوسف وهو ما يأس بس اضطر يسافر يشتغل بصفقات برى البحرين وعطى ساره فرصة يمكن تغير رايها وترجع له ..
بدر رجع وصار يداوم بالشركة ويطلع رحلاته من البحرين بس ما احتك بمي وخصوصا بعد ما طلعت من المستشفى محد كان يدري انها تتكلم غيره هو وهشام ومريم كانت تتجنب القعده مع اهلها وتشوف نظرة الشفقة بعيونهم وهشام لازال يحاول معاها ويبعدها عن بدر
مريم للحين مفقوده محد يعرف عنها شي وأمير أقتنع انها ما تحبه وتركته خلاص بس كان سبب اختفائها ماكل قلبه تركت كل شي وراحت مالها وحلالها وشركتها واختفت بدون سابق انذار ..
في بيت ابو مي
كانت قاعده يم امها وتطالع التلفزيون بدون ما تنطق كعادتها
دخل عليهم ابوها وهاني السلام عليكم ..
أم مي وعليكم السلام ..
ابو مي راح قعد يمها وحضن بنته من جتوفها شلونج بابا ؟؟
مي ابتسمت بحزن وهزت راسها انها بخير
هاني راح قعد على الطرف الثاني وباسها في خدها ميووو ؟؟
مي دارت ويهها له بمعنى شنو ؟؟
هاني وهو حاط يده على يدها من باجر تردين دوامج ؟؟؟
مي فتحت عينها وهزت راسها بالنفي
هاني وعيونه في عيون ابوه اي انا لازم ارد اشوف حلالي هناك ... صارلي سنة تقريبا تارك كل شي وقاعد معاكم ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك