رواية عذبتني باسباب فرقاك -34
وبعد ساعات صحوا على صوت الجرس اعلان للجلوس على المقاعد وربط الاحزمة
أمير باس مريم في جبينها مريمي .. حبيبي .. يالله الحين بننزل ..
مريم طبعا على صدره كالعاده فتحت عيونها وابتسمت وصلنا ؟؟
أمير حمدلله على السلامة ..
مريم الله يسلمك حبيبي ..
أمير يالله قومي لازم نقعد على مقاعدنا
مريم طاعته وراحوا قعدوا ينطرون الهبوط وتوقف الطائرة
يتبع
في صالة الوصول
انصدمت لما شافت ياي مع امه واخته يستقبلون مريم وأمير .. هي يت لانهم قالو لها انه مسافر بس شكله اليوم وصل لان شنطته يمه ..
وهو بعد لما شافها ما قدر يمسك نفسه راح لها ساره شلونج ؟؟
ساره كانت معطته ظهرها ما تبي تكلمه بس مضطره ترد بخير ..
حس بجفاها وبعد عنها ما حب يضايقها أكثر هو بعد من وجهة نظره انها نسته خلاص
ساره دمعت عينها بس تداركتها بسرعة وحطت يدها على صديقتها اللي ما تفارقها وراحت لبدر بدر .. ما وصلوا ؟؟
بدر كان ماسك يد مي شفييج مليتي ؟؟ تونا واصليين ؟؟ مو انتي اللي كنتي تبين تفاجئينها .. خلاص نطري شوي .. هذي طياره خاصة ما اقدر استعلم عنها ..
مي كانت عارفة كل شي حزنت على شكل ساره وهي طول الوقت ماسكة هالدمعه وين ما تروح خلاص حبيبتي اذا متضايقة نروح السياره ..
ساره لا مو لازم بنطرهم هني ..
لفت ويهها لقته واقف يكلم أخته وعيونه عليها
وهو الثاني لمح الدمعة على رقبتها زفر بضييق وبنفسه ليش يا ساره .. ليش حبيبتي ..
ساره كانت ماسكة نفسها ودها تنزل دمعتها بس ما تقدر ضامة شفايفها بقوه تحاول تكابر ويدها كالمعتاد على دمعتها
بالجهة الثانية كان أمير يجر ترولي الشنط ومريم ضامة ذراعة وما يبين من ويهم الا ابتسامتهم ووفرحتهم برجعتهم كانوا لابسين نظاراتهم الشمسية
ومريم أول ما شافت أهلها رفعت النظاره على فوق شعرها وصار تأشر عليهم وسرعت خطواتها وأمير لحقها
وصلت مريم وأول وحده حضنتها ساره لانها كانت تركض لها وكأنها تقولها ضميني محتاجتج يا مريم
ساره نزلت دموعها بحجة فرحتها بشوفة مريم بس سبب هالدموع شي أمر من شوقها لمريم شوفتها حبيبها اللي انحرمت منه شهرين بالزعل والمكابر ..
مي كانت تهز ساره تبي تبعد عن مريم عشان هي تسلم عليها بس ساره ما كانت تسمع .. كانت متعلقة فيها أكثر
مريم حست بساره ساره حبيبتي .. شفييج ..
ساره انتبهت على عمرها ورفعت نفسها وابتسمت اشتقت لج ..
وشافت أمير وابتسمت اشتقنا لكم .. طولتوا وااايد ..
مريم تعرف ساره ومتأكده انها تعبانة وعيونها منزلة دموع لحد ما ذبلت جذي ابتسمت لها بضيق وراحت حضنت مي
مي بصرااااخ 3 شهور يا حماره ما شفتج .. وحشتيني من 17 سنة ما تفارقنا ولا نص يوم ..
مريم رفعت روحها وغمزت لبدر عندج اللي يغنيج عني وعندي اللي يغنيني عنج .. صح يا بدر ؟؟
بدر بادلها بالغمزه وسلم عليها سلام أخوي من اخ لاخته صح يا بنت عمي .. بشرينا ان شاءالله تونستوا ..
مريم وعيونها على ساااره بس تونسنا الا كان حلم .. يااااااااااااي يبيله قعده ؟؟
أمير بالجهة الثانية سلم على امه واخته وما بقى غير يوسف
ابتسم بحزن حمدلله على سلامتك يا خووي ..
أمير ضم أخووه الله يسلمك .. يوسف ؟؟
يوسف رفع عينه هلا ..
أمير فيك شي يا خووي ؟؟
يوسف بخنقه ما فيني شي .. أهم شي رديتوا بالسلامة ..
أمير ما حب يضغط عليه وخصوصا جدام امه واخته اي الحمدلله ..
نور أمووري .. شيبتوا لي ؟؟
أم أمير وانتي هذاا اللي هامج ؟؟ انا ما صدقت على الله يردلي ولدي بالسلامة .. توى ما نورت البحرين ماما ...
أمير منور بشعبها الغالي .. يالله خلونا نمشي
وراحت لجهة مريم وهي راحت لعمتها وحضنتها اشتقنالكم ماما ..
أم أمير انا أكثر حبيبتي .. طولتي علي واايد ..
مريم اي أمير ما كان يبي يرد .. بس انا اشتقت لكم ..
دارت عينها على نور وسلمت عليها وبعدها مررتها على الحزن اللي شايله يوسف بعينه يوسف اشلوونك ؟
يوسف ابتسم لها هلا .. هلا مرت اخوي .. حمدلله على سلامتكم ..
مريم وعيونها تتنقل بينه وبين ساره هاا بشر .. شخبار الشركة ؟؟ شسويتوا من ورااي وانا غايبة عنكم .. ان شاءالله ما اكلتوا بعض ؟؟
يوسف كلشي ماشي تمام وأحسن من قبل ..
مريم ادري اني سافرت وانا مرتاحه ... انت وساره ما قصرتوا .. مشيتوا الشغل أحسن من قبل ..
يوسف وساره تبادلوا نظرات الحزن والشوق وداروا عيونهم لها وابتسموا ابتسامة شكر وهم كل واحد واقف بطرف
أمير يالله .. مشينا ..
مريم نروح بيتي ؟؟
أمير لا حبيبتي بنروح بيتنا انا وانتي .. ذاك بيتج انتي مو بيتي ..
مريم لبست نظارتها وحطت يدها ورى ظهره وهو بعد حط يده على خصرها وطلعوا واهلهم طلعوا وراهم
أمير ركب مع يوسف ومريم معاهم وراهم السواق ومعاه امه واخته ووراهم سياره بدر ومعاه مي وساره والشنط توزعت على السيارات الثلاث
امير ما حب يلح على اخوه أكثر ويسأله جدام مريم بس كان يراقبه ويراقب حركاته كان كل شوي يطالع على ورى على سياره بدر .. يبي يشوفها ما شبع من شوفتها وده ياخذها بحضنه اشتاق حتى لصوت انفاسها .. لمعت عينه بدمعته بس حاول يمسكها وأمير كان يشوف هالشي وساكت ..
ساره بالجهة الثانية لافه ويهها على الشارع وكلما نزلت دمعة تلحقتها بسرعة ومسحتها ومتحسفه انها راحت المطار وألتقت فيه .. كانت حاسه انها خلاص بدت تتعودت على فراقه وانها قربت تنساه وتشيله من قلبها .. بس اللي صار كان العكس من شافته خفق قلبها وكان ودها ترتمي بأحضانه .. كل شي صار بالعكس
وصلوا فيلا مريم وأمير كانت قريبة من فيلتها البيت اللي انولدت فيه وعاشت كل أيام عمرها قبل ما ترتبط بحبيبها
دخلوا من باب الحديقة كانت كبيرة وواسعة وفي ممرات حجرية مزروعة بحشيش والورد الطبيعي بينهم بمختلف ألوانه .. وبالنص حوض صغيير وبنصه نافوره صغيره والماي يوصل لفوق وينقطع ويرد يتجدد مره ثانية
كان الحوض مشكل دوار بالنص لفوا عليه بسياراتهم ووقفوا عند الباب
كانوا الخدم والسكيوريتيز واقفين ينطرونهم على الباب ومن وقفت السيارات ركضوا ينزلون الشنط ويفتحون الابواب
أم أمير طبعا سبقتهم عشان تبخر المكان وتجهزه وأول ما وصلوا طلعت وقفت عند المدخل الداخلي للبيت
مريم نزلت وهي تتفحص المكان وعيونها على أمير وكأنها فرحانه مو مصدقة ان هالقصر بيتها مشاها لداخل البيت والخدم يبتسمون لها
أم أمير ونور استقبولها من عند الباب ألف الصلاة والسلام عليك يا حبيب الله محمد .. كلللللللللللللووووووووووششششششششششش
مريم استحت ولزقت في أمير
وهو باسها في خدها : نورتي بيتج يا عروس .. دخلي بريلج اليمين ..
مريم ابتسمت له ودخلت وبعدها تتفحص المكان كأن قصر ديكورها من داخل مثل قصر علاء الدين مكون من صالتين كبار مفتوحين على بعض وصاير الديزاين على شكل قبب مختلفة الاحجام ومنارات بألوان خيال تركواز وبنفسجي وفيروزي وذهبي .. الجدران مزخرفه بالفيسفاء على أشكال لوحات عالمية وزخارف دقيقة
مريم كانت تتحسس التحف الثمينة والفخارات والكرستالات اللي على اشكال دروع بآيات قرآنية هذا بيتي آنا ؟؟
أمير وهو حاضنها من وراها اي بيتج وبيتي ..
وسكت شوي وكمل وبيت عيالناا ان شاءالله ..
مي مريوم تتهنين فيه ان شاءالله بيتج وايد حلو .. صح ساروو ..
ساره كانت شارده وانتبهت لهم وابتسمت اي صح .. عليج بالعافية حبيبتي تستاهلين أكثر من جذي ..
بدر ان شاءالله نشوف عيالكم ماليين عليكم البيت ..
أمير اي بس مو الحين ..
مريم طالعته وكأنها مو فاهمته وابتسمت له اذا الله كتب ان شاءالله ..
يوسف عيونه على ساره الله يبارك لكم بهالبيت ويعطيكم خيره ويكفيكم شره..
أم أمير ان شاءالله تفرحونا بسلمان واخوانه يارب .. واشوفهم يلعبون فيه ويكسرون اللي فيه يفداهم ..
مريم ابتسمت لعمتها ان شاءالله ..
امير مو عاجبته هالسالفه اللي كل شوي يفتحونها حاول يغير السالفه ودار عينه على بدر هااا .. متى بتفرحونا فيكم انتو بعد ..
بدر ما صدق على الله تيي من أمير الحين عااد مي ماعندج حجة .. اكا مريم وردت لنا بالسلامة .. العرس أسبوع الياي .. شقلتي حبيبتي ..
مريم دارت لهم وفتحت عيونها بتتزوجون .. واااااو .. ونااااااسه .. اليوم وصلت وأسبوع الياي عرس رفيجتي وولد عمي .. الله يتمم لكم على خير ..
في بيت ابو مي
كانت تتكلم مع اختها بدور بالتلفون ان شاءالله ما يتم هالزواج على خيير .. وراسي يشم الهوا انا ما سكت لله .. كنت انطر يحددون العرس واسوي اللي براسي .. اي مو اليوم موعد ردة مريم من شهر العسل .. ما شاءالله عرفت من تختار .. هو دكتور هو ولد عز .. مو هذي الغبية .. لكن انا اوريها .. شهرين ما تسأل عني وماشية وراه ..
بدور زين هو دخل عليها ولا للحين ؟؟؟
أم مي لا ما دخل ..
بدور وانتي شدراج ؟؟
أم مي انا عرفت انها ساكنه مع خواته في بيت مريم .. وهو مستحيل يدخل عليها بدون عرس .. هو قايل هالحجي لابوها واخوها ..
بدور اخاف ما تضبط معاج يا منى ..
أم مي لا .. انا صارلي شهرين ادرس واقولب الموضوع براسي وان شاءالله نخلص على خير .. وافركش هالزواج وارتاح وارد بنتي عندي .. وازوجها اللي ابيه ..
شنو تتوقعون نية أم مي
؟؟؟؟
بتقدر تفرق بين مي وبدر ومحاولاتها بتفشل والحب هو اللي بينتصر
يتبع
تجميع زهور حسين
منتديات غرام | أقلام لا تتوقف عن الإبداع
تابع
رواية عذبتني بأسباب فرقاك
الكاتبه : اميرة القصر العالي
منتديات غرام | أقلام لا تتوقف عن الإبداع
الجزء الرابع والاربعين
في بيت ابو مي
كانت تتكلم مع اختها بدور بالتلفون ان شاءالله ما يتم هالزواج على خيير .. وراسي يشم الهوا انا ما سكت لله .. كنت انطر يحددون العرس واسوي اللي براسي .. اي مو اليوم موعد ردة مريم من شهر العسل .. ما شاءالله عرفت من تختار .. هو دكتور ..هو ولد عز .. مو هذي الغبية .. لكن انا اوريها .. شهرين ما تسأل عني وماشية وراه ..
بدور زين هو دخل عليها ولا للحين ؟؟؟
أم مي لا ما دخل ..
بدور وانتي شدراج ؟؟
أم مي انا عرفت انها ساكنه مع خواته في بيت مريم .. وهو مستحيل يدخل عليها بدون عرس .. هو قايل هالحجي لابوها واخوها ..
بدور اخاف ما تضبط معاج يا منى ..
أم مي لا .. انا صارلي شهرين ادرس واقولب الموضوع براسي وان شاءالله نخلص على خير .. وافركش هالزواج وارتاح وارد بنتي عندي .. وازوجها اللي ابيه ..
بدور اي .. وانا اللي بتصيد لها ذاك المعرس اللي يعيشها احسن من عيشة مريم ..
أم مي زين .. انا بروح السوق الحين .. السواق ينطرني اكلمج بعدين .. خدا حافظ
بدور خدا حافظ
بعد ما مشى الكل مريم وأمير صعدوا جناحهم بالمصعد والخدم وراهم على الدرج وصلوا الطابق الثاني ودخلوا بممر طويل ديزاينه على شكل منارات ملونه ومزينة بالفيسفاء المذهب والارضية كانت رخام مسور بذهبي وتركواز وصلوا لنهاية الممر وكانت أبواب الغرف كبيرة مكونة من بابين خشب مزينين بالذهبي
وصلوا لاخر الممر كان باب ذهبي ضخم مد يده أمير وفتحه حيااج حبيبتي .. هذي غرفتنا ..
مريم شهقت مبهوره كأنها صالة مو غرفة مكونة من ثلاث طبقات جزء رخام وجزء خشب وجزء سجاد مريش ومسور بالخشب الساج وبنص سقف الغرفة فيه تجويف كبير مكون من قبب متفاوتة الاحجام والاناره نازله منها على شكل ثريات صغيره واضائتها خافته وبكل زوايا الغرفة أعمده مضيئة بإضاءه حمره كان جدرانها مغطى بورق أحمر جزء منه مخملي والجزء الثاني ساده والجزء الثالث جلد وكلهم بدرجات الاحمر كان سريرهم ستايل ياباني على شكل أخشاب أشجار عريضه ومربطة بحبال ليفي وباب سحاب ياخذهم على الدرسنغ روم والحمام الملكي ..
كان باين عليه الفخامة والاصاله بالصنع وخصوصا مع الفراش الاحمر بحمار الدم ومزين بكرستالات كبيرة ومنتفخ ونازل على الارض بكراكيش من المخمل
مريم راحت قعدت على سريرها هذا سريري ؟؟
أمير راح قعد يمها يفصخ الجوتي اي .. سريرنا ..
مريم رمت روحها على ورى وانسدحت وااااااااو .. كل شي جنااان ..
أمير سدح روحه يمها تستاهلين اكثر يا روحي .. والله انه مو مقامج .. بس هذا اللي قدرت اجهزه ..
مريم تكأت على يدها ودارت له ومتى جهزته بعد ؟؟
أمير من أول ما تصالحنا .. ما كان هذا ستايله .. بس انا اللي غيرت فيه كل شي .. الدزاين حبيت اسويه مثل قصر علاء الدين .. شفتي هذول اللي بالسقف .. انا يبت لهم مهندس ديكور صيني هو اللي غير الفيشن كامل .. أهم شي انه عجبج .. والله كان ودي اعيشج بقصر ..
مريم وكل هذا مو قصر ؟؟ هذا احلى من القصر ..
أمير قام متوجه لباب الدرسنغ روم حبيبتي انا باخذلي شاور .. تعبان ابي ارقد .. اتصلي لساره خلها تيي الليلة وعزميها على العشى
مريم الليلة ؟؟!!
أمير اي .. الليلة ..
مريم راحت وراه وفتحت الدرسنغ روم وطارت عيونها على رفوف الجواتي والصنادل نازلين من فوق السقف لتحت وأقسام ثيابها وثيابه معلقين بطريقة متناسقة قسم فساتين ما شافتهم من قبل وقسم بدلات رسمية لها وبماركات عالمية وقسم ثياب سبورت وقسم لثيابها ولوكها الطبيعي تنانير وجنزات وبديات وقسم لقمصان نومها وبجاماتها وقسم للاكسسريز
مريم وقفت صافنه ولفت على الجهة الثانية كان أمير يطلع له ثياب يبي ينام فيهم وشافت ثيابه قسم كبير للبدلات الرسمية واغلبها بالوان قاتمة وسوده وقسم لثياب السبورت وقسم لثياب البيت والنوم
راحت وراه حضنته من خصره أمير ؟؟
أمير كان ماسك ثيابه طاحوا من يده ابتسم ورفع يدينها ولفها واخذها بحضنه يا روح أمير ..
مريم كل هذول شريتهم لي ؟؟
أمير عجبوج ؟؟
مريم هه .. بس عجبوني ؟؟ انت ما خليت شي الا وسويته لي .. انا خاااايفه ..
أمير تنهد بضييق ورفعها تخافيين من شنو حبيبتي .. انتي مرتي يا مريم ومستحيل احد يفرق بيني وبين مرتي .. شوفي كل هذا .. نقطة ببحر من اللي لازم اسويه لج .. مريم انا ما عندي اعز منج .. انا لازم اعيشج مثل الاميرة .. تدرين ليش ؟؟
مريم ليش ؟؟ لاني مرتك ؟؟
أمير ضمها لصدره لانج حبيبتي قبل لا تصيرين مرتي ..
مريم الله لا يحرمني منك ولا من حبك ..
أمير باس جبينها ودخل الحمام
مريم فصخت جوتيها ولبست نعال خفيف وراحت لتلفون غرفتهم واتصلت على المطبخ خلتهم يسوون لها عصير فرش
وبعدها اتصلت على تلفون ساره ألو ..
ساره بابتسامتها الباهته هلا مريوم ..
مريم تعالي الليلة .. عازمتج على العشى ..
ساره وريلج ؟؟
مريم هو اللي قالي اعزمج ..
ساره زين ومي وفطوم ..
مريم قالي بس ساره ..
ساره حست ان الموضوع فيه يوسف لا مريوم سوري ما اقدر ..
مريم لا والله .. وليش ان شاءالله شعندج ما تقدرين ..
ساره تورطت ما تدري تتعذر لها بشنو مريوم فشلة الظهر انتوا واصلين .. تبيني اطب عليكم الليل .. استحي .. وبعدين فشلة جدام مي .. اقولها بروح بيت مريم وانتي لا تيين معااي ..
مريم يبيها معااج ..
ساره وفطووم .......
مريم عااد فطوم وزعيها نبي نسولف ونستانس ..
ساره ضحكت بصوت عالي هااا .. بتعلمينا شسويتوا هنااااك ؟؟
مريم لا شعلمكم بعدكم يهال .. ما ابي افتح عينكم على هالسوالف واخربكم .. زين تعالوا الساعة 9 زين مو تيون قبل لان بنرقد .. عن الازعاج لو سمحتوا ؟؟
ساره عزيمه وطرده .. زين يالله روحي لريلج .. باي
مريم ههه .. زين .. بااي ..
مريم راحت طلعت لها قميص نوم أسود حرير ساتن قصير لنص فخذها وغيرت ثيابها ولبست الروب فوقه وهو أطول شوي من القميص يعني لفوق الركبة راحت طلعت من غرفتها وصارت تتمشى بالممرات وتفتح الغرف انصدمت أغلبهم مفروشين فتحت آخر غرفة كانت مليانة صورها بأحجام ولقطات مختلفة من لما كانت صغيره .. استغربت من وين حصلها .. بس أكيد من بيتها وفي لقطات وهم مع بعض بشهر العسل اكيد دزهم بالايميل وركن خاص بصور زواجهم وصورهم مع الاهل منسقين بطريقة خيال
تنهدت بخاطرها كل هذا عشاني .. اخاف اموت من زود فرحتي فيك يا أمير .. اخاف ما اتحمل ..
راحت تتحسس صورتهم مع بعض لما كان يراقصها سلو بحفلة زواجهم كانت كبيره على طول الجدار ابتسمت وطلعت من الغرفة ولقته بويهها امير ..
شبك أصابع يدها يا عيون أمير ..
مريم ابتسمت له ومشت معاه عبالي انك رقدت ..
أمير ارقد وانتي مو يمي .. من وين اييني النوم وانتي مو على صدري ..
مريم حبيبي المكان كان حلو .. الله لا يحرمني منك ..
أمير عجبوج الصور ؟؟
مريم كل شي انت تسويه أحبه .. أحب كل شي .. كل شي ..
أمير الحمدلله .. اتصلتي بساره ؟؟
مريم اي قلتلها تيي الساعة تسع ..
أمير زين يالله حبيبتي ..
دخلوا غرفتهم ودقايق طويلة يالله مريم سكتت عن الهذره فوق راس أمير وناموا .. بيني وبينكم تعود على هالشي ما يعرف ينام الا لما تنام على صدره ويمسح على شعرها ..
على الساعة 8 ساره قاعده في غرفتها تتجهز للعشى
فاطمة كانت تحن على راسها سارووو ... خاطري اشوف مريوم .. وديني معااج ..
ساره مشغولة بتضبيط الاي لاينر فاتي لا تعورين راسي .. مو اليوم .. قالت لي تعالي انتي ومي .. فشلة ريلها أكيد تعبان ..
فاطمة ملت من كثر ما حنت على راس ساره وشالت عمرها وطلعت من الغرفة
ودخلت مي كانت جاهزه ما خلصتي ؟؟
ساره يالله .. شوي واخلص .. وين بدر ؟؟
مي راح بيتنا .. بيي المهندس عشان يعلق اللوحات ..
ساره يعني البيت كله تغير ؟؟
مي والله ما ادري ما شفته .. بدر مو راضي يقول خليها مفاجئة ..
ساره حملت شنطتها زين يالله .. نمر نشتري شي في طريجنا .. فشلة نروح ويدنا خالية ..
وطلعوا ثنتينهم من البيت بسياره ساره
مريم تجهزت لبست لها فستان شيفون أحمر كلوش وحزام عريض أسود على خصرها ولبست صندل بكعب عالي لونه أسود وحطت لها اي لاينر وروج أحمر
وتحاول تتفادى القعده مع أمير لان طفشها وهو يلاحقها مريوم تعاااااااااالي ..
يتبع
وتحاول تتفادى القعده مع أمير لان طفشها وهو يلاحقها مريوم تعاااااااااالي ..
مريم لا أمير .. يووز عني .. الحين بييون .. أمير لا تسوي جذي
سكتها بطريقته ..............
مريم بعدت عنه بالقوه هههه .. حبيبي اكا الخدامة تطق الباب اكيد وصلوا .. شوف ويهك .. هههههههه
أمير مد أصابعه على شفايفه وطبع الروج فيهم شافها وضحك على روحه هههه .. شسوي مطيره عقلي لا تحطين روج ما اتحمل ..
راح وقف قبال التسريحة ومسحه بالكلنكس
مريم راحت لكورنر المكياج اللي صممه لها على شكل قصر صغير لازق بالطوف وفيه أبواب صغيره تفتحها وتطلع منها اللي تبي
ضبطت شكلها وحطت الروج مره ثانية وتعطرت ونزلت ورااه
أمير انصدم لان شاف مي وهو ما قال لمريم تعزمها بس حيا فيها ورحب وقعدوا يسولفون وينطرون مريم تنزل
أمير يعني يوم الخميس هذا ؟؟ زين وين بيصير العرس ..
مي في حدائقنا اللي بسار ..
أمير الله يتمم لكم على خير ان شاءالله ..
نزلت مريم هلا .. شلونكم وحشتووني ..
وقفوا لها وسلموا عليها
مريم قعدت بالنص ميووو .. شريتي فستانج ؟؟
مي وعيونها كل شوي على تلفونها تنطر بدر يتصل هاا .. اي باجر يوصل على الشحن ..
مريم زين من وين شريتيه ؟؟
مي فرنساا .. شريته من شهر ونص وللحين ما وصل الله يستر .. اخاف يوهقوني ..
مريم لا ان شاءالله يوصل .. بعدين انتي ليش طالبته من برى جان شريتيه من هني اضمن لج ..
مي اي انتي حبيبتي شورااج .. رقدتي الليل وصحيتي الصبح لقيتي روحج عروس ومجهزه أحسن جهااز .. وفستانج يااج بلا شحن بلا هم ..
مريم قامت قعدت تحت أمير وهو حط يده على جتفها وقربها أكثر شعبالج .. الناس مقامات ..
أمير كان يبتسم لهم وهو يهمس بإذن مريم عشان البنات ما يسمعونه يعني ما صار الا وحطيتي هالروج .. زين انا اوريج بس يطلعون .. حسابج عندي
مريم زين بس يطلعون سوو اللي تبي ..
فتحت الخدامة الباب ودخل عليهم وهو حامل بوكيه ورد كبير والكل انتبه له سلام ..
عطى الخدامة البوكيه اللي كان ساد عنه الرؤيا وانصدم ما كان يتوقع ان اليوم يشوفها مرتين .. اخوه لما اتصل له ما قاله ان ساره بتكون موجوده ..
وهي الثانية صفنت فيه لثواني طويله .. هي كانت حاسة بس لما راحت وما شافته ارتاحت وخذت على الوضع انها ما بتشوفه وبتعرض نفسها لشوفته مره ثانية
أمير قام لما شاف أخوه يالله خلونا نتعشى دام يوسف وصل ..
ساره للحين مصدومة ماتبي تواجهه ما تبي تقعد معاه ماتبي تكلمه ما تبي تحتك فيه حاسه بضييق واحراج وهم كبير بقلبها
يوسف تغير من ذاك الشاب الطايش المزوح الى واحد ثاني انسان هادي نظراته مليانه حزن قليل الكلام يجاوب على قد السؤال ونادرا ما يضحك
كلهم ألتموا على طاولة الاكل كانت على شكل معين أمير بطرف ومريم بالطرف الثاني ومي وساره على اليمين ويوسف على اليسار
ساره زادت ضيقتها بعد قاعد قبالها ما توقعت انها تتعرض لكل هذا
ويوسف كان مشتاق لصوتها يبي يسمعها بس ساره طول الوقت ساكته ومنزلة راسها
أمير كان يراقبهم ويكلم مريم باشارات العيون ومريم تحاول تلطف الجو بينهم بس الطرفين ساكتين ..
مي ما كانت تدري عن شي عيونها بالمسج اللي وصلها من رقم غريب قامت من على الطاوله واثارت انتباه الجميع راحت باست مريم في خدها سوري مريوم .. انا مضطره امشي .. امرج وقت ثاني ..
مريم كانت تبي توقفها بس هي كانت مستعيله راحت لساره وباستها ساروو ابي سويج سيارتج ..
ساره واخيرا تكلمت وانا اشلون ارد ؟؟
مي دبري عمرج .. انا لازم اروح ..
مريم زين شصااير ؟؟ ليش بتمشين ؟؟
أمير حتى ما كليتي ؟؟
مي فتحت شنطة ساره تدور السويج وطلعت الاغراض اللي فيهم وطاحت صورته على الطاوله وقدام الكل انتبهوا لها اللي على الطاوله وساره نزلت راسها لان شاف صورته بشنطتها يعني للحين محتفظة فيها .. للحين تحبه .. للحين تشتاق له انحرجت وحطت يدها على دمعتها كالمعتاد وضمت شفايفها ما تبي احد يشوف دمعتها اللي لمعت بعيونها
على عكسه كانت عيونه تلمع بالفرحه طول الوقت وهو عباله انها نسته خلاص
مي خذت السويج وحملت أغراضها
ساره وقفتها مي نطري بيي معااج ...
مي زين يالله ..
يوسف شهق لما قامت بتمشي وناظرها بنظرات ترجي يعني لا تروحين قعدي انا ابيج مشتاق لج
مريم بصراااخ ميووو روحي .. ما عليج منها ..
مي اوكي بااااي ..
وطلعت من البيت وساره عيونها عليها معصبة بس ما تبي تبين ..
أمير قعدي يا ساره ..
ساره قامت بضييق ودارت جسمها الحمدلله شبعت ..
أمير بس انتي ما كليتي شي .. شدعوه عااد اول مره تييون بيتنا وما تاكلون .. ما يصير جذي ..
يوسف وقف اذا انتي متضايقة مني انا بمشي ..
ساره بصوت مخنوق خلاص انتوا كملوا اكلكم انا بروح اقعد هناك ..
يوسف انا اللي بروح عن اذنكم ..
مريم اوووهووو .. شفييكم اليوم .. شصاااير علمونا .. فهمونا .. ما يصير جذي ..
ساره كانت دايره ويهها وكاتمة صرختها .. دموعها تنزل بدون احساس
يوسف كان يبي يسمع منها كلمة بس ساره مشغولة بدموعها حس بضييقه وراح لجهة الباب عشان يطلع
ساره انفجرت بصياااااحها خلاص ما قدرت تكتم صيحتها دارت جسمها والكل انصدم بشكلها خصوصا مريم وأمير ما كانوا متوقعين ان الموضوع كبير لهدرجة
علت صوتها أكثر قوليله يا مريم .. علميييييييييه .. قوليله انا بنت من ؟؟ وامي بنت من ؟؟
مشت بخطوات سريعة لمريم وسحبتها من يدها ووقفتها قبال يوسف مريم .. علمييه انا بنت من ؟؟
مريم كانت مصدومة ما توقعت ان هذا يكون السبب تغيرت ملامحها وعيونها طارت على أمير
أمير مو فاهم شي لانه ما يدري عن شي
ساره بصرااخ انا اقولك .. مو انت تبي تعرف .. انا اقولك انت تبي تعرف مني انا .. عشان تذلني .. خلاص بقولك وبريحك .. مع انك تقدر تعرف من اي مكان لان هذاا الشي بالذاااااات مو سر ..
وصارت تأشر على نفسها بقوه انا بنت واحد اسمه أحمد تقي اكبري .. واحد مزوااااج .. تعرف يعني شنو مزواج .. كل شهر متزوج وحده شكل .. انا بنته اشوفه 3 او اربع مرات بالسنة .. ما يدري عني .. ما عمري سألني عن اللي بخاطري .. ما عمره وقف معااي بأبسط المواقف اللي كنت احتاجه فيها .. حتى شكله قربت انساااه ..
راحت وقفت في ويهه وشدت جاكيته تبي تعرف من امي .. انا اقولك ولا تحط بخااطرك .. انا امي اسمها جيسيكا فرناندا ماركيز .. مكسيكية بجنسية اميركية .. بعطيك نبذه عنها .. عشان تعرفها عدل .. كانت مودل بعز شبابها قطتني انا ...
قامت تصرخ وهي تضرب على صدرها قطتني وانا عمري ساعات .. ما كانت تبي حتى تشوفني .. ما رضت تاخذني بحضنها مثل باقي الامهات والسبب كان اني خربت حياتها .. خربت جسمها .. ما كانت تبيني .. انجبرت تكمل حملها فيني مو عشان خايفه علي ..
ابتسمت بسخريه لااااااااااااا .. عشان خافت على روحها تموت اذا نزلت الحمل وانا خلاص كبرت برحمها اصلا .. انجبرت فيني .. انا انفرضت عليها .. ما رضت تشوفني .. ما رضت ترضعني .. ما رضت تاخذني بحضنها وتدفيني وانا بنت حديثة الولاده بردانة محتاجة دفا صدرها .. قطتني على ابوي لانها بتكمل حياتها .. وبتسافر تعالج التشوه اللي انا تسببت فيه .. لازم ترد لحياتها .. قطتني على ابوي وسافر فيني وانا عمري 3 ايام .. يابني ورماني هو الثاني على عمي يربيني ويصرف علي .. لان هو الثاني ما عنده وقت يبي يسافر يدورله على عروس يديده .. في بلد يديد ..
راحت قعدت على الدرج اللي يوصل بين المدخل والقاعة طول عمري وانا احسد اخواني .. صج ابونا واحد وعشنا نفس المعاناه بس هم احسن مني .. بدر عاش مع امه بايران ربته وحس بدفاها وحنانها .. وفاطمة عاشت مع امها سنتين .. رضعتها سنتين ..تصدق بهالسنتين ابوي تزوج جم مره .. ما بتصدق لو قلتلك أكثر من 12 مره طفشت منه وتركتها علي .. انا كان عمري 6 سنين وانا اسبحها وأأكلها وأنومها .. لحد ما تشفق علينا المرحوم وياب لنا مربية ..
مريم كانت متأثره من حالة ساره دموعها على خدها خلاص يا ساره ذبحتي عمرج ..
ساره زادت لما شافت سكوته لا يا مريم .. خليني اصدمه بحقيقتي أكثر .. تصدق عااد ان امي رفعت دعوى قضائية على ابوي تبي تاخذني يوم صرت بالاربعتش .. المسكينة حنت علي لما شافت صوري .. هه ..
وارتفع صوتها بالصراخ لانهاااااا ...........
مريم قاطعتها بس يا ساره خلاص ..
ساره راحت لمريم مو خلاص يا مريم هو يبي يعرف كل شي .. انا اعلمه كل شي .. كانت تبي تبيعني .. ركز في الكلمة شوي تبي تبيعني .. حسيت فيها .. امي اللي ما تعرفني .. تبيني لاني يايبه لها سعر خيالي .. يشيلها بكبرها .. تضمن فيه باقي حياتها .. والمصيبه ابوووووووووي .. ابوووووي كان يبي يجبرني على السفر .. يبيني اروح لها ... ما يبي يشوف نظره اللوم اللي بعيون الناس .. يبيني اروح هناك وينسااني .. ويرتاح مني .. الله يحبني ان كان عندي عم مليونير .. دفع لها أضعاف المبلغ اللي كانت تبيه .. بدل النص مليون دولار دفع مليونين دولار .. ومن استلمت الفلوس قالت لعمي .. اذا تبيني انساها خلاص .. انا ناسيتها اصلا من لحظة اللي ولدتها ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك