رواية ياليتك ما كنت أخوي -33
محمد:ماما ليه ماأروح لخوالي بأبها؟؟
أم معاذ:هو عادي بس مافي أحد يروح معك..محد فاضي لك
محمد:بروح لوحدي أنا مو بيبي
أم معاذ:قوم عن وجهي..إذا أنت مو بيبي..يمكن انا البيبي
مشاعل ومريم:ههههههههههاي
مشاعل:مو بيبي..هههههه
محمد{رمى المخده على مشاعل}:مالت{وطلع}
مريم:وين بيروح ذا؟؟
مشاعل:يعني وين..بيداور بالدباب حقه..يرفه عن نفسه..وعلى قولت أخوانا السوريين..يفش خلقه
مريم:هههههههه
في بيت أبو ماجد
أبو ماجد:اليوم بتروحين بيت اختي؟؟
أم ماجد:أي أخت؟؟
أبو ماجد:أم وليد
أم ماجد:ليه..وش صاير؟؟
أبو ماجد:ما قلت لك انها مسويه عزيمه؟؟
أم ماجد:لا ماقلت شيء
أبو ماجد:مسويه عزيمه..وقالت لي أعزمك ونسيت
أم ماجد:اممم..وبأي مناسبه؟؟
أبو ماجد:كذا بس تجمع العيله
أم ماجد:امممم..مدري أنا متواعده مع أم سالم وأم ريان نروح السوق..بشوف
أبو ماجد:أممم..دقيت على نوف؟؟
أم ماجد:لا
أبو ماجد:بدق عليها
ودق
عند نوف ماطلعت في الرقم على طول ردت
نوف:ألوو
أبو ماجد:ألوو..هلا نوف..وشلونك؟؟
نوف ماعرفت وش تقول تلعثمت وعطت ياسر الجوال
ياسر:وشو..مين؟؟
نوف:مدري
ياسر:ألوو
أبو ماجد:ألوو..مين علي؟؟
ياسر:لا..عفواً مين أنت؟؟
أبو ماجد:انت اللي مين..وكيف نوف وصلت عندك؟؟
ياسر:وشو..أنت الظاهر غلطان ياعم
أبو ماجد:مو غلطان..أنا متاكد من الرقم..مو هذا جوال نوف؟؟
أبو ماجد:اجل وين نوف..أنا متأكد انها اللي ردت عليّ قبل شوي
ياسر:بس نوف تقول ماتعرفك
أبو ماجد:لا تعرفني..بس ماتبي تكلمني..انت مين ياولدي؟؟
ياسر:انا ياسر صديق علي..أنت مين؟؟
أبو ماجد:انا أبو نوف
ياسر:أبوها!!بس نوف وعلي ماعندهم أبو
أبو ماجد:أيوا..أنا اللي متبني نوف..ممكن اكلمها
ياسر:أيه لحظه{ورفع السماعه من اذنه}نوف امسكي ذا ابوك
نوف:لا ياسر أنا ماأبي اكلمه
ياسر:ليه؟؟
نوف:يمكن علي مايبيني أكلمه
ياسر:لا عادي..وبعدين مارح نقول له انك كلمتيه
نوف:طيب{واخذت الجوال من عنده}ألوو
أبو ماجد:نوف وشلونك؟؟
نوف:الحمد لله
أبو ماجد:ليه يابنتي ماتبين تكلميني؟؟
نوف:هاا..لا بس انا ماعرفتك
أبو ماجد:اممم..وش مسويه؟؟
نوف:كل شيء تمام
أبو ماجد:نوف أنا بالغلط سمعتك تقولين لهذا ياسر..أنك ماتبين تكلميني عشان علي..نوف علي مضايقك بشيء..يمد يده عليك
نوف:لالا..مو مقصر معاي بشيء..وعمره ما مد يده عليّ..أنا قصدي يمكن يزعل يعني لأنه قال لي لا تكلمين احد
أبو ماجد:نوف..أنتي متاكده انك تبين تظلين مع علي؟؟
نوف:أيوا
أبو ماجد:أمك تبي تكلمك
نوف:طيب..وينها؟؟
وعطاها السماعه
أم ماجد:الوو نوف..وشلونك حبيبتي؟؟
نوف:الحمد لله بخير..وشلونك انتي؟؟
أم ماجد:بخير..بس مشتاقه لك
نوف:مارح نطول رح نرجع قريب
أم ماجد:الله يرجعك بالسلامه حبيبتي
نوف:الله يسلمك
أم ماجد:مستانسه في الأمارات
نوف:أيوا الحمد لله
أم ماجد:الحمد لله..يلا نوف أنتبهي لنفسك طيب
نوف:طيب
أم ماجد:يلا فمان الله
نوف:فمان الكريم
وسكروا
...............................
{{الجزء الثامن والعشرون}}
وسكروا
ياسر:نوف
نوف:هلا
ياسر:أنتي ليه ماتروحين تجلسين معاهم؟؟
نوف:لأن علي يبي كذا
ياسر:احسك مرره..كل شيء يبيه علي تسوينه..وين رايك أنتي؟؟
نوف:أنا رايي موجود بس في أشياء وأشياء..وبعدين علي الكبير ولازم كل شيء يبيه يصير..ياسر أنا احب علي وماأبي أخسره
ياسر:أممم..ألحين عرفت..يعني كنتي تحبينه قبل لا تعرفي أنه اخوك؟؟
نوف:ايوا
ياسر:واهو كان يدري؟؟
نوف:لا
ياسر:أمممم..المهم خلصتي؟؟
نوف:لسا شوي..مو لاقيه بلونات
ياسر:تعالي نشوف هناك
نوف:يلا
وراحوا
ياسر:طيب والكيكه..ماشريتي
نوف:أووه..نسيت..لكن من وين بنشتري؟؟
ياسر:أنتي خلصي ألحين وبعدين بنروح نشتري كيكه
نوف:أوكي
عند طلال وليلى
في السياره
ليلى:ان شاء الله بتوديني محل الأثاث وإلا محل أدوات التجمل؟؟
طلال:كان ودي بس غيرت رايي..ههههه
ليلى:سخيف..المهم وين بنروح؟؟
طلال:مدري..وش رايك نروح الراشد ونفطر هناك
ليلى:عادي
طلال:ندق على بيت عمي عشان يجون معانا؟؟
ليلى:مدري بكيفك
ودق
ديما:ألوو
طلال{يغير صوته}:هلا والله بالحلوو..وشلونك بعد قلبي؟؟
ديما قفلت الخط بوجهه
طلال:ههههه..والله وطلعت بنت عمك ماعندها هالسوالف
ليلى:ههههههه
ودق مرره ثانيه
طلال{يغير صوته}:وش دعوه..ليه تقفل الخط بوجي ياقمر أنت
ديما:أقول..إذا أنت فاضي ترى أنا وحده مو فاضيه..روح دور لك وحده فاضيه مثلك{وقفلت الخط بوجهه}
ليلى:ههههه..خلاص مسكينه..زين إذا ماوقف قلبها ألحين
طلال:هههههههههه..لا خليني أدق أذا قامت تصرخ او جابت عمي او نواف ونايف بعدل صوتي
ليلى:طيب
ودق
ديما:اووف وبعدين..قلت لك أنا وحده مو فاضيه لأشكالك ماتفهم أنت
طلال:ديما..وش فيك؟؟
ديما:طلال..سوري..بس في واحد أذاني كل شوي ومتصل
طلال:ماصارت ذي كلها مرتين
ديما:يعني ذا انت يابقره!!
طلال:أيه..هههههه
ديما:حيوان صحيح..احمد ربك ماقلت لأبوي..أخلص وش تبي؟؟
طلال:عطيني واحد من اخوانك
ديما:عندهم أجتماع توأمي
طلال:لا احلفي عاد..أقول أخلصي نادي لي على واحد
ديما:لحظه
وراحت تنادي عليهم
نايف:نعم
ديما:طلال يبي واحد منكم في التلفون
وطلع نايف وأخذ السماعه
نايف:هلا طلال
طلال:أهلين..هلا نايف..وشلونك؟؟
نايف:تمام..ماكأنك البارحه شايفني
طلال:وش مدريني يمكن اليوم مو بخير..المهم بتطلعوا؟؟
نايف:لحد ألحين..لا
طلال:اجل تعالوا الراشد..أنت ونواف وديما..أنا وليلى رايحين بالطريق
نايف:أوكي
طلال:يلا باي
نايف:بايات
وسكروا
ديما:وش يبي البقره ذا؟؟
نايف:بقره..ليه وش مسوي لك؟؟
ديما:قول وش ماسوا لي
نايف:وش صاير..وش مسوي؟؟
ديما قالت له اللي صار
نايف:هههههههههههه..أحسن..خساره ماكمل لعبته
ديما:أقول..أخلص وش قال يبي؟؟
نايف:والله توني مكتشف انك ملقوفه..بنت ماينشره عليك
ديما:انا ملقوفه..هيّن
وتوها بتقوم ومسكها
نايف:يلا أجهزي رح نطلع
ديما:لوين؟؟
نايف:بنروح الراشد لطلال وليلى
ديما:أممم..طيب
وراحت غرفتها وراح نايف لنواف
نايف:هات البشاره
نواف:أخلص وش صاير؟؟
نايف:مارح اقول..ألا بـ500 ريال
نواف:بل..بل عليك..خلاص ماأبي لا البشاره ولا أختها
نايف:خلاص بقول..طلال توه كلمني وقال تعال أنت وديما ونواف الراشد..اهو مع ليلى هناك
نواف:ويعني؟؟
نايف:أنا قلت مع ليلى
نواف:أممم..بس انا ماأبي أروح
نايف:ماتبي تروح!!..ليه؟؟
نواف:أقول لك شيء
نايف:قول
نواف:ماأبي اشوف ليلى
نايف:ليه!!
نواف:عشان..عشان..
نايف{يقاطعه}:عشان وشو؟؟
نواف:عشان تفج عليّ..هههههههههه
نايف:سخيف..يلا يلا قوم..أكيد الأخت مشتاقه
نواف:أحم أحم..لي طبعاً
نايف:وأنا قلت لي..أكيد لك
نواف:هههههه{وضم نايف}أحبك..ماتوقعت أنك بتفهمني هالكثر
نايف{شاله من عليه}:لا تصغر نفسك قدامي تراك اكبر مني بدقيتين
نواف ونايف:هههههههههه يلا نلبس..يلا
عند ندى وبندر في الأمارات
ندى{في نفسها}:معقوله بندر ماذكرت عيد ميلادي..أووف وأنا اللي أحسبك مطلعني عشان هالمناسبه..لالا يمكن مسوي لك مفاجأه
بندر:وين مسافره ياقمر؟؟
ندى:معاك
وسكتوا شوي
ندى:بندر..ماتحس إن اليوم في شيء مختلف؟؟
بندر:أيه إن بالأمارات مع بعض لاول مرره
ندى:لالا..شيء ثاني
بندر:مدري..ماأحس..عندك شيء..انا مذكر بصراحه
ندى:لالا..مافي شيء
بندر:متأكده؟؟
ندى:أيوا
نروح عند ياسر ونوف
خلصوا من السوبر ماركت وراحوا محل الحلويات
نوف:أنا مدري وش النوع اللي تحبه
ياسر:يعني أنا اللي أدري..تدري دقي على بندر وأسأليه
نوف:طيب
ودقت
نوف:هلا بندر
بندر:أهلين..صاير شيء؟؟
نوف:لالا..بس كنت بسألك وش نوع الكيكه اللي تحبها ندى؟؟
بندر:اممم..يمكن شوكولاته
نوف:أممم..طيب يلا باي
بندر:باي
وسكروا
نوف:شوكولاته
ياسر:طيب تعالي نشوف لها وحده
نوف:لحظه..لحظه
ياسر:وشو؟؟
نوف:شوف ذي..تهبل
ياسر:بايخه..بناتيه
نوف:ليه ندى ولد على غفله؟؟
ياسر:اووه..أووه..حسبتها لي
نوف:هههه..أقول يلا أخلص وخذها
ياسر:طيب..يالعجوله
نوف:عجوله هاا..وش خليت لنفسك
ياسر:البرود كله عندي
نوف:أيه مبين..بنظل إلى خمس قرون قدام وحنا لسا هنا..من برودك
ياسر:ماسمعتي اللي يقول..في التاني السلامه وفي العجله الندامه
نوف:ألا سمعت..يلا امشي يافيلسوف زمانك
ياسر:هاا..مشينا
وشروها وطلعوا
ياسر:بعد ماتبين نروح مكان ثاني..يابرنسيسه نوف
نوف:لا شكراً
وسكتوا شوي
نوف:أووه
ياسر:وشو{ويقلد عليها}اووه
نوف{بتمسكن}:نسيت ماأشتري هديه لندى
ياسر:مو ضروري
نوف:إذا هذا مو ضروري..أجل وشو الضروري..أكيد الضروري كف على وجهك
ياسر:أيه ذا ضروري
نوف:احلف
ياسر:والله..وبعدين حتى الكف ضروري في حياة الأنسان لانه يخليك تكره الشخص اللي عطاك الكف
نوف:ياحبك حق الفلسفه..ياخي خلاص مانبي نشتري شيء
ياسر:وهذا اللي ابيه
نوف:سوق وانت سا..{وسكتت}
ياسر:وش فيك؟؟
نوف:هاا..لالا..ولاشيء
ياسر:وشو..ولا شيء..قولي وش صاير..وش فيك؟؟
نوف:لا بس كأني ويمكن اتوهم لمحت خالد
ياسر:خالد اللي خطفك؟؟
نوف:أيوا
ياسر:لا..لاتخافي ماأتوقع
نوف:لا..أنا مو خايفه
وسكتوا
ياسر{في نفسه}:ياالله..معقوله..معقوله يكون لحقها لهنا..مدري أخبر علي وإلا أسكت..وإلا وش أسوي..أحسن شيء أخبره عشان ينتبه على نوف اكثر
نوف:ياسر..ياسر..يسوور..ياسر..يـــاسر
ياسر:هلا..هلا
نوف:حسبالي صمخت
ياسر:هههههه..لا بس كنت افكر في شيء وشغل بالي
نوف:أيه..مين هي؟؟
ياسر:وشو اللي مين هي؟؟
نوف:مين اللي تفكر فيها؟؟
ياسر:ماأفكر في احد
نوف:كذاب
ياسر:قسم بالله..ماأفكر في بنت
نوف:أممم..المهم إذا بتظل على هالسرعه مابنوصل إلا إذا جت الطامه الكبرى
ياسر:هههههه{وزاد السرعه كثير}ألحين وش رايك؟؟
نوف:قلت اسرع بس مو بسرعة البرق اخاف تقدم الزمن عشر سنوات قدام
ياسر:ههههههههه{وخفف السرعه شوي}وكذا؟؟
نوف:أيوا كذا تعجبني
وبعد شوي وصلوا ودخلوا الشقه
وصار مو بس علي اللي مندمج مع الفلم لا وجواد معاه
نوف:بل..بل{ونطت في وسطتهم}وش صار وش فاتني؟؟
علي:راح عليك اشياء كثيره
ياسر{راح جلس معاهم}:والله..عيده من البدايه
جواد:روح..مارضى يعيده لي بيعيده لك مرره بعد
نوف:معذرةً{وقامت طفت الدي في دي}
علي وجواد:لا
وقامو يلحقونها وتخبت وراء ياسر
ياسر:هدوا..هدوا شباب ماصار شيء
علي:الا صار..يلا هات أختي
جواد:بذبحك
ياسر:خلاص..بعدين كملوه ألحين يلا نشتغل
علي:طيب هات نوف
ياسر:لا ماأعطيك إيها
علي:قلت لك هاتها
ياسر:لا..أخاف تذبحها
علي:وش قالوا لك عني..أكبر مجرم على وجه الكره الأرضيه؟؟
ياسر:لا خويه
علي:أقول ياسر يلا هات نوف{ومسك يد نوف وسحبها}
نوف:يمه..بيذبحني..أهىء أهىء
علي{باسها وضمها}:شكراً لأنك طفيتي عني الفلم البايخ
جواد وياسر:هههههههههههاي
نوف{لسا مو مستوعبه}:وشو..وش صاير؟؟
وتركوها ومشوا
نوف:هيء أنتوا..ترى أكلمكم أنا
أكيد كلكم مثلها مو فاهمين وش صاير..السالفه ومافيها إن علي لزق لها ورقه في عباتها من وراء كاتب فيها"مجرمه لا تقربوا منها"..وهاذي كل السالفه..هههههههه
وراحت نوف عندهم
نوف:أبي أعرف وش صاير..وألحين
جواد:كل اللي صار يااخت العرب{وشال الورقه من عباتها وعطاها إيها}هذا..هذا هو كل اللي صار
نوف:أنا مجرمه..هيّن أوريكم الاجرام على أصول..هيّن
وراحت عنهم
جواد:أتحدها تسوي شيء هالجبانه
علي:بتسوي{وقال لهم لما تحداها على أنها تثبت إن البنات أقوى من الشباب وش سوت}
جواد وياسر:بل
ياسر:على طاري خالد
علي:وشو..شفتوه؟؟
ياسر:نوف تقول لمحته وأحنا بالسياره..وقلت انّي لازم اخبرك عشان تنتبه لنوف أكثر
علي:أووف ياربي..تدرون إن لما رحنا الحديقه ذاك اليوم شفناه..وتخيلوا إن أخته تصير صاحبت نوف
جواد وياسر:صاحبتها!!
علي:أيوا..تخيلوا
جواد:ياالله..وأهي قالت لصاحبتها عن اللي سواه أخوها؟؟
علي:لا..أخته صغيره يمكن عمرها 9 أو 10..ماحبت تخبرها
ياسر:طيب ليه ماسألتوه وش يبي؟؟
علي:ألا سالناه..وتخيلوا وش قال{وقال لهم اللي قاله}
جواد:قتلت أخوه!!
علي:مو بقصدي لكن خالد كان السبب في كل اللي صار{وجلس على الأرض..لأنهم كانوا يركبوا الزينه}ضميري يأنبني في دم في رقبتي و الله بيعاقبني عليه
ياسر وجواد جلسوا جنبه
جواد:لا تخاف اللي صار بدون قصد
ياسر:أيوا..وأستغفر ربك..إن الله تواب رحيم
علي:أستغفر الله ربي واتوب إليه{ونزلت منه دمعه}
ياسر{يمسح دمعته}:ماله داعي البكي..لا تشوفك نوف..تراك ألحين قدوتها..وإذا شافتك ضعيف بتضعف
علي{تنهد}:مو عايش إلا عشان هالنوف
جواد:خلاص ياخوي..هونها وتهون
علي:أحمد ربي أنكم جنبي..لولاكم مدري وش بسوي
جواد وياسر:وش دعوه
علي:يلا نكمل الزينه
عند طلال وليلى وصلوا المجمع وبعد شوي وصلوا نواف ونايف وديما
نواف ونايف:السلام عليكم
ليلى وطلال:وعليكم السلام
طلال:هلا والله..أجلسوا
وجلسوا
نواف:وشلونك ليلى؟؟
ليلى:الحمد لله..ديما وشلونك؟؟
ديما:بخير
نروح شوي عند واحد من زمان عنه..واللي هو وليد
وليد:أووف
أحمد{صاحب وليد بلندن}:وش فيك؟؟
وليد{يغني}:
**
أنا ضايق..وبالي ضايق..وجوي ضايق..ضيقاً كايد
نفسي ملت..وروحي ولت..وعيني هلت..دمعاً وايد
أنا الوافي..وهو الجافي..حبي صافي..وجرحه سايب
أنا ضايق..والله ضايق..أنا ضايق..وبالي ضايق
يدري حبي..ولاهو ذنبي..لأن قلبي ماهو محايد
ماأبغا غيره..شره وخيره..ياهي حيره..قلبه خاين
أنا الوافي..وهو الجافي..حبي صافي..وجرحه سايب
أنا ضايق..والله ضايق..أنا ضايق..وبالي ضايق
فيني ونه..كله منه..بصبر عنه..شوقي زايد
يكفي بعده..وقلة وده..كيف أرده..ابغا عايد
أنا الوافي..وهو الجافي..حبي صافي..وجرحه سايب
أنا ضايق..والله ضايق..أنا ضايق..وبالي ضايق
***
وبعد ماخلص
أحمد:الله يفك ضيقك
وليد:هذا اللي قدرت عليه..ألحين متعب حالي وأغني واخر شيء{ويقلد عليه}الله يفك ضيقك
أحمد:وش أسوي لك يعني؟؟
وليد:ضمني وخفف عني
أحمد:أقول ضف وجهك بس..من حلاوة صوتك اللي يشوف ألحين
ودخل صاحبهم عمر
عمر:حلاوة صوت مين؟؟
أحمد:ذا خويك
عمر:وش فيه صوته أحلى من راشد بكثير
وليد:أحم..أحم
أحمد:مالت
وليد:عليك
عمر:وش رايكم نتعشى في مطعم؟؟
وصحا صاحبهم بدر من النوم
بدر:كأني سمعت أحد يقول نروح المطعم..يلا قوموا تراني جوعان حيل
أحمد:ماتشبع أنت
وليد:لا والمشكله ياكل ولا يمتن
بدر:جوعان..حرام عليكم..ترى ببكي
عمر:لالا واللي يعافيك..يلا قوموا
وليد:بشرط على حساب بدروه
بدر:أفا عليك بس..لا ماأخليك تدفع بحسابك ماأكون أنا بدر ولد أبو بدر
أحمد{يضربه على ظهره}:يلا أمشي..أمشي بس
وطلعوا المطعم
نرجع عند طلال والباقي
خلصوا فطور
ديما:ليلى وش رايك نقوم نتسوق شوي
ليلى:طيب
نايف:ولا يملون من السوق
ليلى:بسألك سؤال
نايف:أسألي
ليلى:وش كان صار لو سكرت حلقك؟؟
نايف:مدري..بوجه السؤال لنواف
ليلى:والله{ومسكت ديما ومشوا}
طلال:أحبطتك تماماً
نايف:مسكين أنا
نواف:هههههه..أقول قوموا نتمشى شوي
طلال:يلا
وقاموا
عند ديما وليلى
ديما:ياالله فجت عليً
ليلى:مين؟؟
ديما:نوف
ليلى:إذا أنتي فجت عليك وش أقول أنا
ديما:الله يرجعها بالسلامه
ليلى:أن شاء الله..خلينا ندق عليها
ديما:يلا
ودقت ليلى على نوف
نوف:هلا والله
ليلى:هلا وغلا فيك..وشلونك؟؟
نوف:الحمد لله بخير..وانتي أخبارك وش مسويه بدوني؟؟
ليلى:للحين عايشه
نوف:هههههه..فجيتي عليّ
ليلى:حتى انتي..ديما تبي تكلمك
نوف:وينها
وعطت ديما الجوال
ديما:ألوو..هلا نوف
نوف:أهلين
ديما:اخبارك؟؟
نوف:تمام..وأنتي وش علومك؟؟
ديما:بخير..أشتقت لك
نوف:ههههه..وأنا بعد أشتقت للكل
ديما:متى رح ترجعون
نوف:مدري بس أكيد قبل عرس ريم
ديما:أهاا..ليلى معاك
وعطت ليلى السماعه
نوف:ليول وش مسويه مع نواف؟؟
ليلى:كل شيء تمام
نوف:الحمد لله..يعني ما حن قلبك لجواد
ليلى:هههههه..لا للحين
نوف:تراه يحبك بس حتى اهو مايدري
ليلى:ولا تقولين له حتى لأن خلاص الوضع عاجبني كذا
نوف:لا مارح أقول مجنونه أنا أرمي ولد عمي على العذاب
ليلى:مسكين هالجواد
نوف:حده..أيه اتركينا منه..وين جالسه انتي المكان عندك ازعاج؟؟
ليلى:في الراشد
نوف:أمممم..يعني طالعه أنتي وديما؟؟
ليلى:أيوا معانا طلال ونواف ونايف
نوف:اهاا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك