رواية ياليتك ما كنت أخوي -32
المهم وبعد ساعه ونصف وصلوا ياسر وجواد الامارات..ودقوا على علي وقالوا له في أي فندق ساكنين انتوا ودلهم على الفندق وبعد نصف ساعه وصلوا
...
...
...
{{الجزء السابع والعشرون}}
المهم وبعد ساعه ونصف وصلوا ياسر وجواد الامارات..ودقوا على علي وقالوا له في أي فندق ساكنين انتوا ودلهم على الفندق وبعد نصف ساعه وصلوا
علي:الحمد لله على السلامه
ياسر:الله يسلمك..خشمك
جواد:لالا ماعليك منه..أخاف ينكسر خشمه زياده
علي:هههههه
ياسر:ذكرتني أذبحكم والله
علي:أدخلوا..أدخلوا بس
ودخلوا وركبوا الشقه
وسلموا على الكل
جواد:ألا وين نوف؟؟
علي:نايمه
جواد:ألحين!!
علي:تعبانه شوي
جواد:وش مسوي لها؟؟
علي:مو مسوي شيء..بس اهي خايفه شوي
جواد:منك..مشكلتك ماتفهم إن اللي تسويه غلط
علي:اسكت واللي يرحم والديك
ياسر:والحين وين بنام حنا؟؟
علي:مدري..أخذوا لكم شقه وأنقلعوا
ياسر وجواد:قول والله
علي:هههههه..أمزح..مدري عنكم حنا شقتنا فل
ضاري:خلاص أنا مشيل وعبد العزيز ناخذ شقه وهم ينامون بغرفتنا
علي:لا..أهم اللي ينقلعوا مو انتوا
مشيل:لا عايدي<<<عادي
علي:براحتكم اجل
مشيل:أنا رايح اكلم الاستئبال مشان يعطونا شئه<<<انا رايح اكلم الاستقبال عشان يعطونا شقه
عبد العزيز:وانا وضاري بنشير الأغراض..عن اذنكم
الكل:أذنك معك
وبعد شوي اخذوا أغراضهم وأخذوا لهم شقه قريبه من شقتهم
عند الاهل في بيت ابو ماجد
طلع الكل
أم ماجد:ماكلمت نوف؟؟
أبو ماجد:لا..خليها براحتها..بيرجعوا قريب أن شاء الله
أم ماجد:أشتقت لها..مو متعوده أجلس في البيت بدونها
أبو ماجد:حاولي تعودي نفسك من ألحين
أم ماجد:لا أن شاء الله مابتطول بترجع
أبو ماجد:أن شاء الله..ألا وين ماجد وساره؟؟
ام ماجد:نيمتهم
أبو ماجد:امممم
في بيت أبو نواف
نايف{يغني أغنيه مخرفنها من عنده..ويلحنها ومسوي فيها راب ألحين}:أنا نايف..وأخوي نواف..أختنا ديما..على طول نايمه..أحبهم كثير..وبقلبهم أطير..نواف مخبي عني سر أكيد..مو راضي يقوله لي هالعنيد..شكله يحب ليلى بنت عمي وليد<<<أسم ابو طلال وليد>>>..مادرى أني اعرف عنه كل شيء..لانه توأمي وأنا لسا حي..مدري ليه يخبي عليّ هالمغرور..لكن أنا بلف عناد وبدور{ووقف}مدري وش الباقي..عقلي صار فاضي..ومو راضي يفكر مو راضي..الله يخلف على أنسان مثلي فاضي..ههههههههههه<<<يضحك على نفسه الله يخلف هههه
ودخلت ديما واهي ترقص راب
ديما:الله يخلف على نايف..شكل الأهبل من شيء خايف..وشو يااخوي اللي بالخاطر؟؟
نايف:مادخلك..وبعدين ليه تدخلي بدون ماتطقي الباب؟؟
ديما:نسيت..أندمجت مع الاغنيه..بس تعال صحيح نواف يحب ليلى؟؟
نايف:هااا..مين قال؟؟
ديما:أنا سمعتك تقول
نايف:لا بس عشان اوزن مع الأغنيه
ديما:عليّ
نايف:أنا مدري بس أشك
ديما:خلينا نروح ونساله
نايف:يلا
وراحوا عنده
طقوا الباب ودخلوا
نواف:خير..خير لوين..هاذي ممتلكاتي الخاصة
نايف:أقول انطم بس
ديما:حنا جاين نتعافى للمجنون نواف وينه؟؟
نايف:هههههه..حلوه
نواف:أقول..يلا يلا مو فاضي لكم
نايف:وش دعوه ياخوي جايين زياره
نواف:ماتشوفون الساعه أنتوا..أنا بنام
ديما:من متى وانت تنام هالوقت؟؟
نواف:من اليوم
نايف:هو كله سؤال اللي بنسألك إياه
نواف:أخلصوا
ديما:321 يلا
نايف وديما:أنت تحب ليلى بنت عمي صح؟؟
%
نواف:مين اللي قال؟؟
نايف:أحس كذا..وألا نسيت أنّي توأمك؟؟
نواف:مانسيت..بس ياتوأمي العزيز أحساسك خاطىء
ديما:كذاب..يبين عليك
نواف:ولو أحبها وش دخلكم أنتوا؟؟
نايف وديما:يعني تحبها!!
نواف:ماقلت كذا..بس أسأل
ديما:الكذب الزايد
نواف:أوووف..أيه أحبها عندكم مانع..!؟
نايف:أنا قلت
نواف:الحين أرتحتوا..يلا تفضلوا لبره
ديما:بعد بنجلس شوي..غرفتك مرتبه تفتح النفس
نواف:لا تحلفي عاد..يلا..يلا..قلت لكم بنام
نايف وديما:طيب
وطلعوا
نايف:مغرور
ديما:حده
عند نواف
نواف:اوووف بقر..أنا اهبل ليه قلت لهم..يلا بس خليني أنام
في الامارات وفي شقC9 علي والباقي
جلسوا شوي وبعدها ناموا
في غرفة نوف وندى
ندى كانت جالسه تتصفح النت
وبعد شوي جلست نوف
ندى:سووري..أزعجتك؟؟
نوف{بصوت نعسان}:لا..لا عادي..ندى كم الساعه ألحين
ندى:وحده
نوف:أممم
ندى:كملي نومك إذا تبي
نوف:طيب..وصلوا ياسر وجواد؟؟
ندى:أيوا
نوف:أمممم..يلا تصبحين على خير
ندى:وانتي من اهله حبيبتي
وعلى الساعه 2 نامت ندى
ونام الكل
اليوم اللي بعده
في بيت أبو طلال
طلال جلس بدري وراح لغرفة ليلى طق الباب ودخل
طلال:نايمه..خساره
ليلى{بصوت نعسان}:طلال!!..وش تبي؟؟
طلال:أوبس جلستي
ليلى:عادي..وش تبي؟؟
طلال:ملان قومي نطلع
ليلى:ألحين!!
طلال:أيوا ألحين..وش يصير يعني؟؟
ليلى:طلال..وش فيك يا ماتبي تطلعني أو تبي تطلع معاي من فجر الله
طلال:هااا بتقومي وإلا لا
ليلى:طيب..ساعه وأكون جاهزه
طلال:بل ساعه!!
ليلى:باخذ شور..وبجهز
طلال:ربع ساعه زين
ليلى:أقول..إذا مو عاجبك أنقلع مارح أطلع
طلال:لالا..عاجبني..يلا انتظرك في غرفتي..مو تسوين أزعاج لا يجلسوا
ليلى:طيب
وطلع طلال وراح غرفته
نروح الامارات
جلس الكل ماعدا ندى لانها نامت متأخر
نوف:هلا ياسر وجواد الحمد لله على السلامه
جواد وياسر:الله يسلمك
نوف:خساره ماصار لكم شيء
جواد:وش قصدك؟؟
نوف:يعني مثلاً حادث..نفتك منكم شوي
ياسر وجواد ناظروا فيها بنصف عين
نوف:والله خساره
ياسر:علي..أسمع أختك وش تقول
علي مو معاهم مع الفلم
ياسر:علي
علي:هلا
ياسر:أختك..تدعي علينا يصير لنا حادث
علي:براحتها
جواد:بقوم أذبحها
علي:براحتك
نوف:لا والله
علي:أوووه أنا قصدي خلك تسويها بتشوف
جواد:عادي..مو خايف
وسوا نفسه بيقوم
علي{وهو يطلع الفلم مندمج..مسكه}:أجلس..وخلني أتابع الفلم وبعدين أذبحها..ماأبي ابكي ألحين مالي خلق
نوف:نعم..نعم
علي:أوووف خلاص خلوني أشاهد..بسكم هواش..شاهدوا معاي وش هحلاوة هالفلم
جواد وياسر ونوف:أنطم
علي:يكون احسن
نوف:بندر أنت خذ ندى وأطلع معاها وحنا بنجهز كل شيء
بندر:طيب..بس غريبه ماصحت للحين
نوف:انا جلست الساعه 1 ولقيتها جالسه
بندر:أممممم
نوف:أنا رايحه أصحيها..عن اذنكم
الكل ماعدا علي:أذنك معك
نوف لعلي:وانت؟؟
علي:وشو وانا؟؟
نوف:خلاص..خلاص..أنسى
وراحت
نوف:ندى..ندووي..ندند
ندى{بصوت خفيف}:وشو؟؟
نوف:يلا أجلسي
ندى:يلا
وقامت
نوف:يقول لك بندر..أجهزي بيطلع معك
ندى:طيب
وقامت بتاخذ لها شور
نوف:ندى
ندى:هلا
نوف:ألبسي ذا{وعطتها الثوب اللي شروه اللي مثل بعض}
ندى:طيب
وراحت تاخذ لها شور
بعد نصف ساعه
في بيت أبو طلال
عند طلال
طلال{يكلم نفسه}:ماصارت ساعه تجهز فيها..خليني أروح أحن فوق راسها
وراح لها وكانت تسوي شعرها
طلال:ماخلصتي؟؟
ليلى:لا لسا..انا قلت لك ساعه..لسا باقي نصف ساعه تقريباً
طلال:طيب بجلس معك
ليلى:طيب
وسكتوا شوي
ليلى:طلال..وش عندك..أكيد تبي شيء
طلال:ماأبي شيء
ليلى:كذاب
طلال:ماعندي شيء والله
ليلى:طيب صدقتك
طلال{مسك شعرها}:الله ياحلوو شعرك..طالع على شعر أخوك
ليلى:أقول أترك شعري..وبعدين من حلاوة شعرك اللي شعري طالع عليه
طلال:والله..وش فيه شعري يهبل
ليلى:اقول أجلس وأنت ساكت أحسن لك
طلال:طيب
ليلى{في نفسها}:مدري وش طاري عليك..لا ويسمع الكلام بعد
وبعد عشر دقائق خلصت
ليلى:يلا خلصت
طلال:يلا
وطلعوا
في الأمارات
ندى طلعت مع بندر
نوف:علي
علي:هلا
نوف:ماخلص فلمك؟؟
علي:لسا شوي..ليه؟؟
نوف:أبي أروح السوبر ماركت
علي:روحي مع جواد
نوف:طيب
وراحت
نوف{في نفسها}:وش فيه ذا..كل ذا عشان فلم
وراحت عند جواد
نوف:جواد مشغول؟؟
جواد:يعني..ليه؟؟
نوف:أبي أروح السوبر ماركت..قلت لعلي بس تعرف جالس مع الفلم حقه..قال لي روحي مع جواد
جواد:ياسر فاضي خليه يروح معك
نوف:أوكي
وراحت عند ياسر
نوف:ياسر
ياسر:هلا نوف..وش بغيتي؟؟
نوف:تروح معاي السوبر ماركت
ياسر:أوكي..بروح أطلع السياره من الباركن وبجي باخذك
نوف:طيب
وطلع..وطلع السياره وركب لنوف وطلعوا وركبوا السياره
في السياره
ياسر:ليه مارحتي مع علي؟؟
نوف:لسا الفلم حقه ماخلص
ياسر:مين قايل له على هالفلم؟؟
نوف:مدري عنه..أشك انه انت
ياسر:والله..ماتدري
نوف:هههههه
وسكتوا شوي
نوف:يألمك؟؟
ياسر:وشو؟؟
نوف:أقصد خشمك
ياسر:قليل
نوف:ياالله..كيف صار الحادث؟؟
ياسر:هذا كله من أخوك
نوف:ياسر بسألك سؤال..بس تجاوبني بصراحه
ياسر:طيب..أسالي
نوف:أنت صحيح تحب علي؟؟
ياسر:أكيد..وذي يبي لها سؤال
نوف:طيب ليه؟؟
ياسر:مدري..بس أحبه
نوف:ياسر أنا خايفه أنك تكون تلعب على علي بكل حركه تسويها
ياسر:لا مو تخافي..أنا مو هالشباب اللي تعتقدينهم..وإذا مارجعتك لعلي بخير ساعتها قولي عني اللي بتقوليه
نوف:زعلت؟؟
ياسر:لا..قولي ليه
نوف:ليه؟؟
ياسر:لأنك أخت علي الحلووه..وبعد قولي وليه بعد
نوف:وليه بعد؟؟
ياسر:لأني مقدر أزعل منك..تدري ليه؟؟
نوف:ليه؟؟
ياسر:لأني أحسك مو ناقصه أحد يزعل منك..يمكن زعلتي ناس كثير من قبل؟؟
نوف:أنا..لا مو مزعله أحد
ياسر:فكري زين..انا متاكد إن الحين في واحد زعلان منك كثير..تذكريه زين
وطارت نوف بتفكيرها وتقول في نفسها:ياترى مين..مين اللي أنا مزعلته..مذكر أنّي مزعله أحد..مين انت..مين
بس صحيح ياسر ماكذب في أحد زعلان من نوف..وزعلان منها كثير..تبون تعرفون مين..بس يمكن يكون مو بقصدها يمكن أعتذرت منه بس ماوافق يسمعها وهالشخص اهو..ريان..أيه اهو زعلان منها لانها تركته وراحت معنها اعتذرت منه..لكن كلنا نعرف إن الحب مو بيدي ولا بيد ريان ولا بيدك..يمكن ريان غلطان لما زعل منها..وغلطان كثير
ياسر:نوف..نوافه
نوف:هلا
ياسر:يلا ماودك تنزلين
نوف:لا..كيف
ونزلوا
نروح بيت أبو نواف
ديما:وش فيه ذا ماجلس..معنه نايم مبكر البارحه
نايف:توأمي هذا في شيء..صدقيني..مخطط على شيء
ديما:تقرب منه ياأخ..أعرف وش عنده..خلينا نساعده
نايف:مصدقه حالك..اخوك ذا مغرور وشايف حاله..على البطيخ اللي في وجهه
ديما:ههههه..حلوه ذي البطيخ اللي في وجهه..غبي انت..لا تنسى أنك نفس وجهه
نايف:أووه..نسيت..هههههه
ديما:أهبل أنت ههههههههه
وطلع نواف من غرفته
ديما:شرف King<<<الملك>>>نواف
نواف:أيه ملك وغصباً عنك
نايف:بتطلع؟؟
نواف:أيوا..تفضلوا بس لحد يجي
ديما:لوين؟؟
نواف:بطلع أفحط شوي..وش رايك يعني..بطلع مع اصحابي
نايف:نواف ممكن شوي..بس شوي..عندي موضوع أبيك تساعدني فيه
نواف:مو فاضي بطلع
نايف:نواف..قسم بس شوي
نواف:أووف..طيب
وبعدوا عن ديما
نايف:مو قلت لي انك تحب ليلى..وأنا بقول لك انّي أحبها بعد
نواف:وشو..تحبها!!
نايف:أيوا..ليه حرام؟؟
نواف:أيه حرام..وبعدين مين قال أنها تحبك..ليلى تحبني وأهي اللي قالت لي بعد
نايف:أنا ادري انها قالت لك..بس بقول لك انها قالت لي بعد
نواف:نعم..نعم!!
نايف:بس هذا اللي صار
نواف:كذاب
نايف:وليه أكذب عليك يعني؟؟
نواف:يعني تلعب على الحبلين؟؟
نايف:لا
نواف:كيف؟؟
نايف:أجلس معي ولو يوم واحد وبقول لك كل شيء
نواف:طيب
نايف:يلا دق على اصحابك وكنسل الطلعه
نواف:مافي داعي
نايف:ليه؟؟
نواف:لاني مارح أطلع مع أحد
نايف:يعني كنت رايح تفحط مثل ماقلت؟؟
نواف:ههه..في عينك..أخلص قول لي كل شيء
نايف:تعال معاي الغرفة
نواف:طيب
وراحوا غرفة نايف
ودخلوا وقفل نايف الباب وشال المفتاح عنده
نواف:ليه تشيله؟؟
نايف:لأني بقول لك..إن ليلى ماقالت لي أحبك ولا هم يحزنون..وأنا كنت اكذب..بس انا عندي موضوع وأبي أقوله لك
نواف:كذاب..حقير
نايف:نواف..بليزز بدون سب..لاتنسى تراني توأمك
نواف سكت عنه وقام يبكي
نايف:نواف..وش فيك..أنا ماقصدي شيء..نواف
نواف{واهو يبكي}:أدري وش تبي تقول..انّي هالأيام متغير وصاير مغرور وشايف حالي بزياده..معنك أحسن مني بكل شيء..تدري ليه..تبي تعرف السبب..تبي تعرف ليه؟؟
نايف:ياريت..بس أمسح دموعك اول
نواف{يبكي}:أنا أغار منك..لأنك جبت الأول على فصلنا..ولأن أمي وأبوي يحبونك أكثر مني لأنك شاطر..وأغار منك لأنك تعرف تتصرف وأنا لا..والكل يحبك اكثر مني..أنا أصلاً ماصدقت لما ليلى قالت لي أحبك..كنت احسبها تمزح..لأن مافي أحد حبني من قبل..الكل يحبك أكثر مني{وزاد في البكي}
نايف{ضمه}:ههههه..مين قال محد يحبك..أصلاً الكل يحبك..أنت أحلى مني..بس أنت لو مايجي الواحد يقول لك أحبك..يعني ذا يكرهك ولا يحبك..ذا طبعك من وأحنا صغار..لو ماقال لك الشخص أحبك يعني يكرهك..خلاص نواف أمسح دموعك..وبعدين إذا هالسنه ماجبت نسبه عادي المهم نجحت بس شد حيلك السنه الجايه ثاني..والمهم ثالث..خلاص بسك عاد..والله العظيم أحبك..بس أسكت
نواف{يمسح دموعه}:يعني مو زعلان؟؟
نايف:لا..وبعدين كذا سويتني الكبير..وأنت أكبر مني بدقيقتين
نواف:ههههههه
نايف:أيه كذا أضحك
في بيت أبو حمد
ريم:ياربي
نور:وشو؟؟
ريم:ماباقي شيء على العرس..احس نفسي متوتره
نور:لا تتوترين ولا شيء..عادي خلك ريلكس
ريم:أقول..أنت ليه ماصرت طبيب نفسي أحسن لك ترى
نور:فكرت..بس قلك طبيب جراحه أحلى..وبعدين غيرت رايي..
ريم{تقاطعه}:محد طلب منك تقول قصة حياتك
نور:مدري ليه أنا سعودي وع
ريم:وليه ان شاء الله؟؟
نور:ماعندكم لباقه في الكلام
ريم:مخليه اللباقه لك{وقامت عنه}
نور:ليه محد يحب يسمعني؟؟
ريم{وأهي تركب الدرج}:لأن كلامك مثل خشتك
نور:والله
وقام يلحقها بس ماقدر يصيدها لأنها دخلت غرفتها وقفلت الباب
نور:هيّن ريووم أجل أنا كلامي مثل خشتي..وبعدين وش فيها خشتي تهبل
ريم{تكلمه من وراء الباب}:خشتك تهبل وش خليت لي أجل..ههههههه
نور:بوريك..خلك تطلعي بس
وأجت ام حمد
ام حمد:وش صاير؟؟
نور:هاذي بنتك..
أم حمد{تقاطعه}:أيه المهم وين حمد؟؟
حمد:هههههه..هنا
نور وأم حمد:ليه تضحك؟؟
حمد:أضحك على نور..محد يسمعه مسكين الكل يقاطعه هههههههه
نور:وش مدريني عنكم..
حمد وام حمد{يقاطعوه}:أسكت..أسكت
نور:هيّن إلا أهج لكن
حمد:أحسن..يمه وش بغيتي مني؟؟
أم حمد:أبيك توصلني بيت خالتك أم وليد مسويه عزيمه
نور:وانا ليه ماقلتي لي اوصلك؟؟
أم حمد:لأن سواقتك مثل وجهك
حمد:هههههههه
أم حمد:هاا وشو بتوصلني وإلا أروح مع السايق؟؟
حمد:طيب..متى تبي تروحي؟؟
أم حمد:الساعه 9{{الصبح}}
حمد:أوكي
أم حمد{تطق باب غرفة ريم}:ريم..ريم
وفتحت ريم الباب
ريم:هلا يمه
أم حمد:تروحين معاي بيت خالتك؟؟
ريم:لا..لا روحي أنتي
أم حمد:طيب
في بيت أبو معاذ
أم معاذ:مريم مشاعل..تروحون معي بيت عمتكم أم وليد؟؟
مريم ومشاعل:ليه؟؟
أم معاذ:مسويه عزيمه
مشاعل:ليه؟؟
أم معاذ:بس كذا..هاا وش قلتوا؟؟
مريم:أنا عليّ عادي
مشاعل:وأنا بعد
أم معاذ:خلاص أجهزوا الساعه 12 لازم نكون هناك
مريم ومشاعل:طيب
وأجا محمد
محمد:وين بتروحون؟؟
أم معاذ:بيت عمتك أم وليد
محمد:وأنا؟؟
أم معاذ:روح لدانيال
محمد:كل يوم وناط عندهم وش بيقولون عني؟؟
أم معاذ:عادي غير بيت عمك
محمد:ماأبي..مادخلني تشوفين لي حل
أم معاذ:تدري وش رايك تروح بيت واحد من اخوتك
محمد:أيه لان فاضين لي هم مرره
أم معاذ:خلاص ما لك إلا تروح مع ابوك
محمد:أبوي معزوم على عرس..وع ماأبي
مريم:روح ياغبي عشان يخطبوك
محمد:أنقلعي..قالت وشو قالت عشان يخطبوك..أنتوا اللي تروحوا عشان يخطبوكم لكن حنا نأشر بس
مشاعل:شوف ذا..صحيح انك واحد ماتستحي
محمد:تعليمك
مشاعل:قول والله..هيّن الحين أقوم لك
أم معاذ:أجلسي..أجلسي..وأنت أسمع ما لك إلا حلين ياتروح مع ابوك أو تروح بيت عمك فهمت
محمد:طيب
وقام وبعد شوي رجع
أم معاذ:وشو بعد؟؟
محمد:ماما ليه ماأروح لخوالي بأبها؟؟
أم معاذ:هو عادي بس مافي أحد يروح معك..محد فاضي لك
محمد:بروح لوحدي أنا مو بيبي
أم معاذ:قوم عن وجهي..إذا أنت مو بيبي..يمكن انا البيبي
مشاعل ومريم:ههههههههههاي
مشاعل:مو بيبي..هههههه
محمد{رمى المخده على مشاعل}:مالت{وطلع}
مريم:وين بيروح ذا؟؟
مشاعل:يعني وين..بيداور بالدباب حقه..يرفه عن نفسه..وعلى قولت أخوانا السوريين..يفش خلقه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك