رواية عذبتني باسباب فرقاك -31
مريم قاطعته بهمس اسم الله عليك من الموت .. يعل يومي قبل يومك ان شاءالله .. يا بوسلمان ..
أمير ضحك بخفة .عجبج الاسم ؟؟
مريم وااااايد .. الله لا يحرمني منك يا بوسلمان ..
أمير تذكر مرضها بس ما حب يكدر نفسه ولا منج يا أمسلمان ..
Tonight
Oooooh oh
Na na na na na
SO beautiful in white
مريم اموت واعرف اشلون سويت كل هذا بيومين .. واشلون دخلت الاغراض غرفتي وانا راقده .. انت مينون مي كانت راقده معااي ..
أمير عشانج يا روحي اولع اصابع يدي العشره شموع .. بس اشوف هالضحكة يعلها دوم مو يوم
Tonight
And if our daughter's what our future holds
I hope she has you're eyes
finds love like you and I did
Yeah, I wish she falls in love
and I will let her go
I'll walk her down the aisle
She'll look so beautiful in white.....
You look so beautiful
In white
كان يرقصها ويلف فيها على هدوء وهي تتمايل معاه بكل نعومه وفجأه تفاجئوا بأوراق الزينة والقصدير الملون تتطاير عليهم من فوق الفيلا
كان شكلهم خيال مثل العصافير والزينة على كل مكان تتطاير عليهم
So as long as I live I love you
will heaven hold you
You look so beautiful in white
And from now to my very last breath
This day I'll cherish
You look so beautiful in white
أمير مريم .. انتي حلوه .. جمالج وحلاااااج طيروا عقلي مني .. ما تخافين ريلج يستخف .. .. قربي .. قربي شعرج ابي اتنفس منه ..
مريم قربت أكثر وخلته يسوي اللي يبيه
أمير غمض عينه وسحب نفس طويل على شعرها آآآآآآآآآآآآآآآه يمااا .. قلبي بيوقف .. حرام عليج يا مريم .. ما اتحمل .. رحميني يا بنت الناس ..
مريم بدلع وانا من يرحمني اذا رحمتك .. خلك جذي طاااير فيني .. مو احسن من تطير بغيري ..
أمير يتهدد مريوووم يوووزي عني احسنلج .. ولا تخليني اتهور واشيلج وامشي ولا اهتم بأحد ..
مريم ضحكت أموووري يوووز .. مو جدام الناس .. امبيييييييه فشله ..
أمير خلاص عيل عقلي ..
مريم ههه ههههه .. زين
Tonight
"You look so beautiful in white tonight"
خلصت الاغنية وأميرحضنها مو راضي يرفع نفسه عنها والكل يصفق لهم يبيهم يبعدون عن بعض
مريم بترجي حبيبي .. خلاص خلصت الاغنية .. الناس تطالع ..
أمير ما ابي كيفي ومرتي ..
مريم أميييير بعدين .. مو الحين .. عشاني حبيبي ..
أمير ما يقدر يسمعها تترجى أكثر بعد عنها بعد ما بوسها في خدودها وهي الثانية تأبطت ذراعه ولفوا مواجهيين الناس والمصوررين يصورونهم
بعد دقيقه دخلت عليهم قطوه شيرازية بيضة كبيره ومريشة وعيونها زرق برقبتها شريطة فضية صارت تلف عليهم وصوت يطقطق برقبتها
مريم انتبهت لها وابتسمت يا عمري تينن ..
الكل انتبه لها وصخ المكان
أمير نزل لها وفتح الشريطه وطلع منها المحابس وحطاهم براحة يده
ووقف ورفعهم يوريهم المعازيم
بعدها اخذ الالماس اللي صايره على شكل ورد صغار صغار من الفصوص وعريضه لان الورد مبروز بخطين واحد فوق وواحد تحت ومسك يدها اليسار ودخل المحبس شوي شوي في بنصرها اليسار وحط شفايفه على الخاتم وباسها بكل نعومه وأنتبه لخاتم الخطوبه لابسته بيدها اليمين مثل ما لبسها اياه ما فصخته
مد لها محبسه الفضه ومريم اخذته ولسبته اياه في بنصره اليسار
يت بتنزل يدها تلقاها
ابتسمت وتأبطت ذراعه مره ثانيه وهو رد لها الابتسامه ومشاها للكوشه ..
كانت عباره عن مسرح فخم نازل بالارض على شكل قصر ملكي من الكرستال والفضة والكوشه كرسي واحد طويل مخمل لونه فضي يلمع والورد الطبيعي منتشر بكل مكان ..
يتبع
قعدوا والكل ألتم عليهم يبارك لهم والفرقه بدت تغني ويوسف معاهم والمعازيم اللي يرقص واللي ياكل واللي يسولف .. كان الجو هادي ولا احلى
ساره كانت قاعد على طاولة ومعاها مي وبدر وابو مي واخوها
بعد لحظات دخلت فرقة فارسية تعزف الليوه وتغني أغاني ايرانية قديمة
طلعت أم حميد من باب الفيلا وبيدها سله كبيرة كلها قطع اورجنزا مزينة بالفولك بجميع الالوان الفوشي والفلاش ووزعتها على كل الحضور حتى مريم وأمير كل واحد اخذ قطعتين ..
أمير ما كان يبي بس أمه أجبرتهم يقومون يرقصون .. لان الكل وقف رقص وصار يلوح بالالوان
كانت الفرقة بالنص والعروسين والاهل محااوطيهم ومسوين حلقة كبيرة ويلفون الالوان بحركة بطيئة .. كانت مريم بداية الحلقة ووراها أمير وعلى الجهة الثاانية مي وراها بدر واخوها جدامها وابوها جدام اخوها ساره وفاطمة كانوا بالنص جدامهم ووراهم صبياان من اهلهم يرقصون ويدورون على نفسهم بنعومة .. يوسف وربعه كانوا مواجهينهم وعيونه عليهاا وهي تشوفه بس تحاول ما تبين له ولاهية نفسها بالضحك مع ربعها ..
ارتفع صوتهم وصااروا يغنون مع الفرقة أغنية آيار آيار
كل الحضور كانوا يرقصون من صغيرهم الى كبيرهم ماعدا ام مريم كانت قاعده بعيد شوي على الويل جير وتلوح بيدينها معااهم وتغني معاهم طبعا
مريم كانت تتدلل على أمير وهي ترقص وهو طاير فيهاا مو مقصر معاها كل شوي يهمس باذنها وهي تضحك .. السعااده كانت وااضحة عليهم
قبل ما تخلص الفرقة يت أم أمير وبيدها رزم فلوس نوط بو عشرين ونقطت العروسين .. مريم وأمير كانوا يشوفون الفلوس تنزل على راسهم مثل المطر والنااس تلمهم من على الارض .. يضحكون ويغنون مع البااقي والدنيا مو سايعتهم من الفرحة ...
الكل كان فرحان ويرقص واللي يبارك وااللي ياكل واللي يغني .. مريم ضامة ذراع حبيبها اللي صارت من هاللحظة ملكه وحلاله وهو عيونه تلمع مو مصدق انه شاافها مو تزوجها بعد ..
يوسف بعد انشغل بالرقص مع بنات من اهلهم شبكوا يدينه وصار يرقصهم .. ساره صارت كل شوي تتلفت عليه وهو يردها لهاا ولا كأن يشوف ..
اشتغلت اغنية اجنبية وكل واحد شبك يدين وحده اختارها ورقص معاها حتى مريم وأمير وقف معاهم ..
مي وبدر كانوا أحلى اثنين .. مي مو مصدقة كل شوي تلمسه خايفة تكون للحين تحلم .. هو كان حاس بهالشي يبتسم لها وياخذها بحضنه ..
حرب النظرات بين يوسف وساره مستمره وكل واحد يتهدد بالثااني .. بس ما يدرون ليش .. كل واحد حاس نفسه مقهور على الثااني ..
يوسف ما يدري شصاار فيه فجاه كل ما شاف عبدالله يقرب من سااره أكثر ويهمس لها وهي تضحك راح مسك يدها واخذها منه غصب ..
عبدالله مو فااهم شي بس ساره ابتسمت له ورقصت مع يوسف .. طول الوقت ساكتين بس هو كان مبين عليه ان متنرفز منهاا وماسك غضبه بالغصب .. هي كانت تبتسم له تبي يهدأ .. بس هو ما هدأ ..
لحد ما خلصت الاغنية وسااره حررت نفسها منه لان عصبيته خوفتها .. تذكرت يوم يعصب عليها لما سكرت التلفون في ويهه ..
وهو رااح لجهة الفرقة مكان ما ربعه قااعدين .. قعد معااهم .. وبدى يغني معاهم
مي كانت تبي تنرفز ساره لان عيونها على الفرقه اقول سوييييييييير ..
ساره بدون ما تلف لها قووولي ؟؟
مي صوته يهبلللل .. ما توقعت انه هو اللي يزف مريووم بنفسه ..
ساره كانت عيونها عليه وتبي تسكت مي بس مو قادره لان كلامها اصلا عاجبها
مي ساروو قومي نرقص .. هذاا عرس مريوم .. ويوسف يغني .. اكا بينزل من فوق الستيج .. يالله قووومي ..
ساره تحمست ووقفت ومي وقفت معاها
بدر مسك يد مي وين حبيبي ؟؟؟
مي بنرقص شوي .. تعاااااااال ارقص معاااي ..
بدر فتح عينه ترقصييييييييييين ؟؟ اقول قعدوا انتوا الثنتين .. هذا اللي قاصر بعد ..
ابو مي سمع النقاش وابتسم خلهم يا بدر عرس رفيجتهم .. خلهم يفرحون ..
مي كانت عيونها على بدر كانت نظراته توحي بعدم الرضى بس ماحب يكسر كلام عمه ويحرج حبيبته واخته هز راسه بضييق
وساره ما صدقت على الله سحبت مي وراحوا بالنص يرقصون على أغاني بندري كانوا يغنونها الفرقة ويوسف يساعدهم
لمح ساره صارت بالنص ترقص مع مي وفاطمة ونور وأبرار والشباب حواليهم محمود وعبدالله ورحيم والباقي محاوطيهم يعني البنات بالنص والشباب وراهم نزل وهو حامل المايك ودخل بوسط البنات وكل شوي يلف وحده وهو يغني ويوم وصل لساره تعداها وجنه ما يشوفها .. هي ما كانت ناطره منه حركة احسن بس تفشلت جدام البنات لكن كبريائها ما حاولت تبين له هالشي راحت لواحد من الشباب وصارت ترقص معااه مو مهتمه له ولا كأنها تشوفه
يوسف تغيرت ملامحه ما تعود احد يرد له الحركة بس قاوم ما يبي يبين لها هالشي .. غروره وكبريائه ما يسمحون له بس منقهر منها اشلون تحدته وراحت لغيره حاول يمسك نفسه لحد ما خلصت الاغنيه ورجع الستيج عطاهم المايك وقف يتأملها وهي للحين ترقص بس على أغنية ثانية
مي طول الوقت عيونها على بدر خايفه ان يكون زعل منها بس هو كان يبتسم لها
اشتغلت أغنية ثالثة ومي وساره ركضوا لمريم اللي كانت كل شوي تتهامس هي وأمير ويضحكون مع بعض
مي وهي تسحبها يالله مريوم قوومي نرقص ..
مريم شأرقص انتي .. لا ما ابي ..
ساره تسحبها من يدها الثانية بس على هذي يالله مريووم ..
مريم مسكت فستانها بيدينها مثل البنوتات الصغار وصارت تتمايل يمين ويسار وتمايل براسها وتضحك لامير وهو يأشر لها على الكوشه
الكل ألتم عليها وصاروا يلفون ويدورن عليها وهم يصفقون ويوسف لما شاف مرت أخوه راح يرقص معاها ويلفها بهدوء وعيون ساره عليه وهو يسوي روحه ما يشوف حركاتها
خلصت الاغنية ومريم تعبت وحطت يدها على صدرها تبي تاخذ نفس
أمير اختبصت ألوانه من شافها جذي قام بنفسه وراح لها مسكها ورجعها على الكوشه حبيبتي .. تعبتي ..
مريم لا ما تعبت بالعكس تونست .. ياريتك ييت معااي ..
يت أم أمير وعمتهم سعاد وأم مريم وأم حميد والكل ألتم عليهم قربت أم أمير وبيدها ملة العسل لمريم
مريم ابتسمت وغمرت خنصرها بالعسل ورفعتها والعسل صار يقطر من اصبعها وأمير عيونه على اصبعها والود وده يلتهمه
مريم قربت صبعتها من فمه وهو ما صدق ولحسها براحه مو راضي يطلعها من فمه
الكل محتار ومتعجب منه وينطرونه يفرج عن صبعها بس هو اصلا صافن فيها ومريم تسحب صبعها من فمه غصب وبعد طول محاولات افرج عنها وموت الكل عليه من الضحك ..
بعدها قربت منه أمه العسل وسوى مثل الحركه بس مريم افرجت عنها بسرعة لانها منحرجة من اللي واقفين حواليها
ابتعدوا عنهم الناس بس ساره كان واقفه يم مريم وتصور معاها
شافها واستغل الفرصه وراح وقف بالنص بين مريم وأمير
ساره ارتفع ضغطها من ضحكته الساخره اقووول مريووم .. انا بروح لا اختنق .. شافوني يايه ما قدروا ما اييون ويرزون الويه .. يموتهم على التلزق ..
يوسف أقووول أمير .. انت قبل ما تملج على مريم ليش ما سويت دليت لهذي الدفش وفكيتنا منها .. يا خوووي شكلنا تدبسنا لا مفر ..
ساره شوي وتنفجر بس ما حبت تبين ضعفها وهم توهم في بداية المعركة مريم .. تصدقيين انا تعرفت على كل الكراشيه اللي هني .. ما شاءالله .. جمال وأخلاق وشخصية .. بس هذا اللي لازق فيكم .. شكله مو منهم .. يمكن ياي لازق مع الفرقه عشان يحضر العرس ..
مريم وأمير ساكتين ومتفرجيين
يوسف هه .. أقول مريم .. هذي الخدامه اللي واقفه يمج .. تبي تصور معاج وتدز صورتها لاهلها في الصومال..
خلاص ساره أعلنت الحرب ودارت له وهيي متخصره صومال بعينك .. يعل عزرائييل ايي ياخذك ويفك العالم من شرك .. نفس مريضة وأخلاق صفر ..
يوسف عرف انه بيقدر عليها ابتسم بخبث يعل عزرائييل ياخذج انتي ويفك العالم منج وأولهم انا برتاح من رقعة ويهج يالشيفه ..
ساره وهي عاضه على شفايفها انا شيفه ؟؟ زين اوريك يا يوسف ..
ومشت راحت داخل الصاله لانها ما تبي تنزل دموعها جدامه
وهو بعد لانه تضايق من شده الصراع بينهم وحس انه زودها عليها شوي
أمير مصدوم منهم هذوووول شفيييهم ؟؟ انا ملاحظ عليهم من الطياره وهم على هالحال ؟؟
مريم ابتسمت هه من الطيااره ؟؟!! صارلهم أكثر من سنة على هالحال .. وصلت لطق بعد ..
أمير فتح عينه تطاققوا ؟؟ ميانين ذيله ؟؟ وحده من الثنتين يا انهم يكرهون بعض وااايد .. او يحبون بعض وااايد ..
مريم يكرهون بعض جايز .. بس يحبون بعض مستحيل ..
مسحت دموعها وضبطت مكياجها وطلعت مره ثانيه وراحت تتمشى بين الممرات المزروعة بالورد لانها متضايقة وماتبي تكلم احد ولا تشوف احد
شافها ولحقها على أطراف أصابعه
يتبع
مسحت دموعها وضبطت مكياجها وطلعت مره ثانيه وراحت تتمشى بين الممرات المزروعة بالورد لانها متضايقة وماتبي تكلم احد ولا تشوف احد
شافها ولحقها على أطراف أصابعه
ساره حست ان احد يمشي وراها بس ما اهتمت وصلت لمكان بعيد عن الناس وطريق مسدود ولفت وتفاجئت فيه بويهها وقريب منها تذكرت كلامه وانقهرت وترطبت عيونها بالدمعة المحبوسة
هو كان على عكس كل مره كان هادي
ساره عصبت ودارت ويهها عشان تتعداه وتمشي عنه
بس هو اتنرفز ومسكها من معصمها بكل يد معصم ودفعها على الجدار ورفع يدها على فوق وكأنه آسرها ومقيدها وجسمه كان قريب من جسمها وبصوت مخنووق وهو يشاهق أنا تعبت .. انتي ما تعبتي ؟؟
ساره سالت دمعتها يمكن خوف منه لانه مو اول مره يسوي لها جذي شتبييييييييي ؟؟
يوسف قرب منها أكثر وكأنه بيحضنها ونزل فمه على رقبتها وهمس انا تعبت يا ساره .. حسي فيني ..
ساره أول مره تسمع هالنبره بصوته زاد من خوفها يوسف .. شفيييك ..
بس يوسف ما كان يرد حست بشي ينزل على جتفها شهقت هذي دمعة يوسف أول مره تحس فيها .. يوسف نزل دمعة من عيونه .. المتكبر المغرور .. دمعت عينه وعلى من على جتف عدوته
ساره خافت لان ما يتحرك ويدينه طاحت وافلتت يدها
ساره انصدمت ومسكته من جتوفها تهزه يوسف .. يوسف حبيبي شفييييييييك ؟؟ .. يوسف أنا أحبك .. رد علي لا توقف قلبي ..
يوسف كان مسند راسه على جتفها وما يتحرك
ساره تبي ترفعه بس ثقيل ما قدرت وبدى يغلب على صوتها نبرة الصياح والله أحبك .. وراضية بكل كلامك وتجريحك لي .. بس رد علي .. يوسف .. يوسف لا تسكت ..
ابتسم ورفع يدينه وضمها بقوه وانا أحبج موووت ... أحبج يا ساره ..
ساره كانت تحس نفسها بحلم ومو مصدقه اللي تسمعه كل شهقه تشهقها أقوى من الثانيه
يوسف كان غامرها بقوه ويهمس بهدوء في اذنها تحبيني يا ساره ؟؟
ساره بإحساس أول مره تحسه أحبك ؟؟ هه أحبك فوق ما تتصور ..
يوسف للحين على وضعيته علميني .. فهميني .. اشلون فوق ما اتصور ..
ساره أحب كلامك وهواشك وغرورك .. أحبك لما تزعلني وتجرحني بالكلام .. انا متأكده انك من داخلك انسان ثاني حنون وهادي وروحك حلوه .. بس انت تتعمد تعاملني بالعكس .. وانا كنت ازعل واتضايق اذا اشوفك لاني ما كنت متقبله فكره انك حبيبي .. اشلون عدوي يصير حبيبي .. اشلون أحبك وانا أكرهك ..
يوسف صار يمسح على ظهرها ليش أنا تعلقت فيج وحبيتج .. انا ما ادري اشلون انقلبت موازييني .. كل اللي اعرفه انج عدوتي .. أحب أقهرج وأحب اتلذذ بدموعج .. أحب اجرحج وانتصر عليج .. شصار فينا .. ليش تغيرت مشاعرنا .. فهميني يا ساره انا بين .. أحبج .. ما ادري متى حبيتج ..
ساره لا تسألني .. انا محتاااره .. هه يمكن هذي المحبه اللي تيي بعد العداوه
يوسف معقوله ؟؟؟
ساره رفعت نفسها كل شي جااااااايز ..
يوسف قعد يتحسس بشرتها بظهر يده سااره ؟؟
ساره كانت عيونها في عيونه هممممم ..
يوسف اشلووون تخليني وتروحين لغيري ؟؟ اهوون عليج ..
ساره مو انت قلت عني شيفه .. اشلون تبيني اوقف معااك ..
يوسف وانا للحين عند كلمتي شيفه ..
ساره ضمت شفايفها وحطت يدها على يده ورفعتها عن ويهها بقوه زين دامني شيفه .. شله تكلمني
وتعدته تبي تمشي عنه
بس هو ما قدر يخليها تمشي جذي هه .. تعالي ليكون صدقتي روحج اني انا يوسف سلمان كراشي أحبج انتي ..لا يا بابا اصحي على عمرج انا كنت اسوي جذي لاني ابي اعرف اللي في قلبج ..
ساره خلاص ما قدرت تمسك نفسها دموعها صاروا ينهالون عى خدها وحده ورى الثانيه .. ما توقعت ان يوصل لهدرجة .. ما توقعت انه يهين مشاعرها بهالطريقة البشعه .. وقفت مكانها مو قادره ترد عليه .. خلاص انفضحت جدامه وانفضحت كل مشاعرها معاها ما تقدر ترد الزمن لورى وتغير كلامها .. ما تقدر تعكس كلمتها من أحبك لاكرهك .. ما تقدر خلاص فاات الفوت بهاللحظه ..
راح ومشى لها ووقف وراها وحط يده على جتوفها ودار جسمها وانصدم بدموعها وعيونها اللي صارت مثل الجمر ..
مسك يدها وضحك بصدمة هه ساره .. ليييييش تصيحين ؟؟ ليش هالدموع حبيبتي ؟؟
بس ساره ما عطته فرصه سحبت يدها بالقوه ومشت عنه وباين عليها الزعل والانكسار
يوسف سرع خطواته يبي يلحق عليها ساااره .. كنت امزح حبيبتي .. ساره .. شسوي انا بلسااااني ياااربي اللي يبيله قص .. ساره سمعيني ..
ساره ركضت ودخلت الفيلا من ورى جهة المطبخ وركبت فوق على الدرج ودخلت الغرفة الثانية اللي يم غرفة مريم
قفلت الباب وقعدت على الارض تشاهق لييييش ؟؟ لييييش يا يوسف .. انا حبيتك .. والله حبيتك .. مو كافي علي امي وابوي .. والله حراااام ..
شافت نفسها بالمنظره الكبيره كانت عاكسة معاناتها واشلون اعتفست واختربت كشختها وامتزج مكياجها بالدموع
قامت على طولها وراحت قربت من المنظره امبيييييييييه .. شنوو هذا .. كله منك يا يوسف .. صج ما تستاهل .. انا اوريك يا حمااااااار
فتحت بوكس مكياجها وطلعت عدتها ترقع ويهها وعيونها
يوسف كان قاعد مع اهله وعيونه على الباب خايف انها ما تطلع وحاس باللي سواه فيها نفسه قاعده تعذبه وحواسه هناك على بلكونه الغرفة المضوية
بعد ربع ساعة
وصلوا خدم الضيافة وهم جارين طاولة عليها كيكه من 6 طوابق أول طابق كان طويل وضعيف وفوقه كانت المفاجئة قفص سلفر مزين بالورد الطبيعي الابيض والاحمر والزهري وداخله حمامتين بيض مقفل عليهم بقفل كبير والمفتاح داخل القفل كانت الكيكة بيضه ومزينة بخرز حلاوه طبعا باللون الفضي منتشر عليها بطريقة متناسقة وفيها بنص كل طابق شريطة فضية عريضة وبكل طابق كان طالع منها شمعه شرارية كبيره بلون السلفر
والطاولة الثانية كانت فيها صينيه فضة وفوقها قماش ابيض حرير وفوقه سيف كبير فاخر والغطى ماله من الفضة الفارسي ومزكش بنقوش دقيقة ومتقنه بمهاره وبمقبض السيف كان مزين بشرايط فضية وكرستالات ناعمة
وقفوهم بالنص وبعدوا عنهم
مريم للحين متفاجئة .. اللي يسويه أمير عشانها مو شوي .. وقفت وضحكتله بدلع كأنها تشكره وضمت ذراعه وهو مشاها للكيكه
الكل ألتم عليهم
أمير أخذ المايك من يوسف وقال في خمس شرايط نازله من الكيكه حق البنات الل ما ياهم الدور .. يالله كل وحده تمسك شريطة وبعد ما نقطع الكيكه تسحبها وتشوف حظها .. هم خمس مفاجآت أول شي خاتم ألماس اللي تحصلها ان شاءالله تتزوج بعد مريم على طول .. والثانية عين بخرزة زرقة تحفظ صاحبتها من الحسد .. والثالثة قلب يعني حب جديد .. والرابعة نجمة ألماس واللي تحصلها راح تكون بكل مكان نجمة ومحط اهتمام الكل .. والاخيره كرستاله على شكل دمعة .. اللي بتحصلها بتعيش في حزن ودموع بسبب الحب طبعا ..
مريم تحمست وعجبتها انا بختار البنات .. ساره
الكل يتلفت براسه يدور على ساره وأولهم يوسف
فاطمة لمحتها واقفه عند المدخل تضبط شعرها سااااااااااااارو تعالي بسرعة ..
ساره سمعتها وابتسمت وسرعت خطواتها لحد ما وصلت شافت يوسف وغاورت عنه
مريم امسكي الشريطة .. وشوفي حظج ..
ساره ابتسمت وحاولت تتجاهله ومسكت الشريطة
مريم فاطمة ...
فاطمة ما صدقت على الله فتحت عيونها وابتسمت ومسكت خيط
مريم وبعد .. أبرار ..
أبرار هوت جتوفها بفرح ومسكت الشريطة الثالثة
مريم امممممم .. لجين ..
لجين صارت تطالع في امها مو مصدقة ان مريم اختارتها وراحت مسكت الشريطة الرابعة
مريم ما بقيتي الا انتي يا نور ..
نور كانت شوي وتصييح .. معقوله مريم ما تختارها ومسكت الشريطة الخامسة
يوسف من شاف ساره تبتسم تنهد براحة وراح وقف وراها
يتبع
يوسف من شاف ساره تبتسم تنهد براحة وراح وقف وراها
هي ما شافته بس ريحة عطره المميز دخلت رئتينها مع أنفاسها غمضت عينها بضييق وردت لطبيعتها كانت ماسكه الشريطة بيدها اليمين وحاطة يدها اليسار ورى ظهرها
هو ما صدق يشوف أصابع يدها مد أصابعه بتردد وشبكهم بأصابعها
ساره حست برعشتها المعتاده من يقرب منها جسمها كله يتكهرب
قرب من اذنها وهمس ما كنت اقصد .. حبيبتي كنت امزح معاج ..
ساره سحبت يدها غصب ولا ردت عليه
وبالجهة المقابلة أمير ومريم حملوا السيف وبدوا يقطعون في الكيكة طابق ورى طابق
السيف كان ثقيل وأمير هو اللي ماسكة ومريم حاطه يدها على يده
وصلوا الى آخر طابق بنفس الوقت اللي طفت فيه الشموع الشرارية
أمير أخذ المايك مره ثانية يالله يا بنات كل وحده تقول لنا شنو تتمنى يطلع لها واحنا نشوف تتحقق أمنيتها ولا لاء .. يالله يا نور
نور بحالمية ابي القلب .. ابي الحب ....
أمير هه زين وانتي يا فاطمة شتبين يطلع لج ..
فاطمة ابي النجمة .. احب اكون مهمة بكل مكان ...
أمير يالله نور تبي القلب وفاطمة تبي النجمة .. زين وانتي يا أبرار ..
أبرار انا ابي العين ..
أمير لجين .. انتي شنو تبين يطلعلج ..
لجين ابتسمت انا ابي القلب .. لاني محتاجته
أمير زين عندنا ثنتين يبون القلب .. ما بقى عندنا الا ساره ..
ساره تعرف ان واقف وراها اخترعت لما سمعت اسمها لانها كانت شارده عنهم شوي
ابتسمت ها .. ما ادري .. بس اذا بختار ابي اختار النجمة مثل اختي ..
أمير يالله يا نور اسحبي الشريطة
نور سحبتها وانصدمت عييييين .. ليش انا ما ابي عيين ..
أمير هذا حظج .. يالله يا فاطمة دورج ..
فاطمة سحبتها وصرخت من فرحتها وقامت تنطط اللللللللللاي النجمه .. النجمه .. النجمه .. تحققت امنيتي
أمير مبروك عليج النجمة يا فاطمة .. يالله عندنا وحده ضبطت معاها ..
ساره كشرت لان اللي تبيه ما صار
أمير بقى القلب والخاتم والدمعة وبقوا عندنا ثلاث يالله يا أبرار دورج ..
أبرار غمضت عينها وسحبت الشريطة
الكل صار يصرخ ويصفر لها وهي فتحت عينها ولقت قلب !!!!!!! يعني انا ناطري حب .. معقولة
أمير هذا نصيبج يا ابرار .. بقوا ثنتين ساره ولجين .. بنشوف كل وحده وحظها .. عندنا الخاتم وعندنا الدمعة يعني يا زواج او عذاب .. سحبوا ثنتيكم مع بعض .. يالله واحد .. اثنين .. ثلاث ..
سحبوا الشراايط وكل وحده صدمتها أكبر من الثانية
ساره شهقت مو متقبله الشي اللي طلع لها ويوسف كان وراها ومصدوم مثلها
لجين عيونها تتنقل بين اللي طلع لها وبين امها مو مصدقة معقوله
ساره دفنت حظها بيدها ونزلت راسها
أمير عقبالج يا لجين ان شاءالله الدور عليج انتي ونفرح فييج .. وانتي يا ساره لا تزعلين نفسج مو شرط يصدق يمكن تكون دموع الفرح .. صح
ساره ردت على كلامه بابتسامه
لجين لبست الخاتم وهي مو مصدقه صارت تقلب يدها فرحانه معقولة بتتزوج .. الله العالم
أما ساره كتمت دمعتها وقالت بنفسها هذي أولها يا ساره ..
وطارت عينها على رفيجاتها مريم ومي وكل وحده شابكه يد زوجها الظاهر انتوا انتهى عذابكم وانا ابتديت ..
يوسف حس بغصه وبعد عنها
بعدها أمير فتح قفل القفص وطلع الحمامتين عطى وحده مريم والثانية مسكها بيده يالله حبيبتي طيريها
فرحت ورفعت روحها على أطراف أصابعها وطيرتها وهي تضحك من كل قلبها وأمير طير حمامته وراها
وبعدها أخذ عقد زواجهم ودخله داخل القفص وقفل عليه بالمفتاح
مسك يد مريم خلاص دخلنا القفص
مريم وما يطلعونا منه الا اذا الموت اخذنا ..
أمير يومي قبل يومج .. حبيبة قلبي
الكل ألتم على الطاولات لانهم وزعوا العشى على الطاولات
حتى مريم وأمير قعدوا على طاولة خاصة فيهم وكل واحد يأكل الثاني
ساره قعدت مع اختها واخوها ومرت اخوها بس مالها نفس تاكل
وهو بعد كان بعيد عن طاولات الاكل قاعد فوق الستيج ويعزف على القيتار ويغني اغنية ايرانية كلماتها كلها طالعة من قلبه وعيونه عليها وكأن يقولها لها بروحها كانت عيونه تلمع بحزن
أما ساره كانت تسمع كلمات الاغنية وهي مو قادره تمسك دمعتها اللي نزلت على خدها وهي مسحتها بسرعة ولفت ويهها عن اللي كانت قاعده معاهم ما تبي احد ينتبه لها
كانت تحس ان الاغنية بصوته وتحس ببروده بكل جسمها
كان صادق بإحساسه يبي يشوفها تبتسم بس ساره كانت في بداية معاناتها ما تقدر تنسى كلامه لها .. الوضع تغير الحين ما تقدر ترد عليه .. ما تقدر تواجهه لان كل أوراقها انكشفت خلاص .. هي تحبه ما تقدر تغير هالواقع .. حتى لما تاسف لها ما غير شي .. بعد ما كسر فرحتها
مي انتبهت لها لان دموعها صاروا ينزلون بدون احساس وحده ورى الثانية سوسو شفييج ؟؟ ليش تصيحين ..
ساره مسحت دمعتها بسرعة وسحبت نفس قصير وابتسمت ما فيني شي بس شوفة مريم وهي عروس مفرحتني .. شوفيها اشلوون فرحانه يعلها دوم يارب
مي تعرف ساره عدل مو بسهولة تنزل دموع عشان هذا السبب وبنبره عدم التصديق اي .. بس شوفتها عروس تفرح ما تزعل ..
ساره متبهذله هاا .. اي صح بس انا فرحانه لها جذي
مي ساره من مزعلج قولي .. يوسف قال لج شي .. زعلج بشي ؟؟
ساره وقفت معصبة اووووو ميووو .. خلاص
وركضت بخطوات سريعة داخل الفيلا لانها ما تبي تنفضح جدام أحد بدموعها اللي مو قادره تتحكم فيها
مرت ساره جدام أمير وهو من شافها جذي طارت عيونه على اخوه لان حس انه السبب وانصدم بشكله اول مره يشوف يوسف منزل راسه وشايل هموم الدنيا كلها
ابتسم وعرف ان شكوكه كانت في محلها
صارت الساعة 3
خلص العرس ومريم ركبت غرفتها تبدل ثيابها عشان طيارتهم بعد ساعة ونص
أمير راح ليوسف لانه للحين قاعد مكانه
حط يده على جتفه شفيييك ؟؟
يوسف ابتسم بضييق وما رد
أمير تحبها ؟؟
يوسف فتح عيونه مصدوم هااا
أمير يقولون 3 الانسان ما يقدر يخفيهم الحب والحمل والركوب فوق الجمل .. يبين يا يوسف انا من الطياره وانا ملاحظ عليكم ..
يوسف لا انا ما احبها .. انا اكرهها .. احب احرق دمها واعصبها .. احب اتهاوش معاها ..
أمير بس ما تحب تشوف دمعتها .. ولا تحب تشوفها زعلانة .. تحب تشوفها تراددك وتتحداك ..
يوسف اي صح ..
أمير وهذا شيسمونه ..
يوسف وقف ما ادري .. ما ادري .. اي شي غير الحب .. انا ما احبها ..
أمير انت تقص علي ولا على نفسك .. تقولها وانت عيونك تدمع ..
يوسف انتبه لروحه ومسح ويهه كامل أمير انت شتبي ؟؟
أمير لاتكابر وتضييع البنت من يدك .. مو كفاية الدمعة اللي طلعت لها عورت قلبي .. حسيت بتنهار حزتها ..
يوسف بس هي ما تبي مني شي .. ما تبي حتى تكلمني ..
أمير شسويت بالبنت يا يوسف ؟؟؟
يوسف ما سويت شي .. خليتها تعترف بحبها لي وقلت لها انا سويت جذي عشان اطلع اللي بقلبج .. ولاتصدقين نفسج اني ممكن احب وحده مثلج ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك