رواية قتلهن الطيش وأحياهن الحب -30
نور وماجد راحوا للبيت ومعهم ضي .. ونور طول الطريق تبكي
ماجد : خلاص يانور يعني هي وين رايحه رايحه تستانس مع زوجها
نور : ادري بس بشتاق لهم
ماجد : كلنا بنشتاق لهم ..
وصلوا ودخلوا البيت وهند وسعاد جالسين بالصاله ..
سعاد : هاا لحقتوا عليهم
ماجد : ايه
يدخلون يجلسون ...
سعاد : زين منك جبتي ضي معك .. ضيو حبيبتي الهنوف فوق اطلعي لها بتستانس لا شافتك
ضي: طيب وتروح ...
هند : شفتيها يانونو؟!
نور وعيونها منفخه من البكى : ايه وتسلم عليك كثير وقالت لي ابوسك بدالها ..
هند دمعت عينها : يارب يرجعون بالسلامه
الجميع : يارب
,,,,,,,,,,,,,,,,,,,,,,,,,,,,,,
بعد ساعات عبدالرحمن ولوجين على مقاعد الطياره .. والطياره بالجو .. والرحله لسه مطوووله ... لوجين بكت كثير وتعبت وغفت على كتف عبدالرحمن اللي ماغفت عينه .. ماسك ايدها ويلمس عليها .. رفعت راسها لوجين : عبدالرحمن
عبدالرحمن ناظرها : هلا عيوني
لوجين : كم باقي ونوصل ؟!
عبدالرحمن : لسه ياقلبي مطووولين ..
لوجين عبست : اوووف .. مليت وتعبت
عبدالرحمن يبتسم لها :مليتي وانا معك ؟1
لوجين : لا موقصدي .. بس تعبت
عبدالرحمن : سلامتك ياقلبي ..
لوجين : الله يسلمك .. وتسند ظهرها على المقعد
عبدالرحمن : لولو ..
لوجين : هلا عيوني
عبدالرحمن : ماقلتي لي وش هوايتك ؟؟
لوجين استغربت السؤال : احب ارسم ..
عبدالرحمن : والله
لوجين : ايه .. وعندي رسمات كثيره انا اللي راسمتها
عبدالرحمن : ماعمرك قتيلي عن هالشي .. ولا وريتيني أي رسمه منها
لوجين : ماجات فرصه اقولك ..
عبدالرحمن : موب لازم تجي الفرصه انت لازم تقوليلي كل شي يخصك ..
لوجين : اسفه .. وان شالله لا رجعنا بوريك كل رسوماتي
عبدالرحمن : ان شالله
لوجين : وانت وش هوايتك ؟1
عبدالرحمن : امممم .. ماعندي هوايه محدده .. كثير اشياء احبها ..
لوجين : مثل ايش ؟!
عبدالرحمن : السباحه .. متابعه المباريات .. يعني اشياء مثل كذا ..سكت وقال : ايه وفي شي بعد
لوجين : وشو؟
عبدالرحمن : في شي احبه كثيييير
لوجين : وش هو ؟
عبدالرحمن : لامابقولك عليه
لوجين ناظرته : لييش ؟!
عبدالرحمن : بس كذا .. احب احتفظ فيه لنفسي
لوجين بتوسل : تكفى وشو ؟! قولي ..
عبدالرحمن يناظرها ويضحك : لا مابقوله ..
لوجين كشرت : براحتك
عبدالرحمن يضحك عجبته وهي زعلانه : تدرين
لوجين بدون لا تطالعه : ايش ؟!
عبدالرحمن : شكلك رووووعه وانت زعلانه
لوجين : شكرا
عبدالرحمن : عفوا .. وسكت وهو يضحك عليها ,,,,
شوي وقالها : ماتبين تعرفين وش الشي اللي احبه موت
لوجين : لا ماابي اعرف ..
عبدالرحمن ابتسم : بكيفك
لوجين ناظرته : الا ابي اعرف
عبدالرحمن : توك ماتبين .. والحين تبين ..
لوجين ضحكت : يالله عاد .. قولي
عبدالرحمن : بشرط
لوجين : أيش ؟!
عبدالرحمن : بوسيني
لوجين : بلا جنان .. حنا مو في البيت
عبدالرحمن : اولا محد له شغل .. وثانيا الانوار مقفله .. يعني محد بينتبه
لوجين ردت جلست زين : لااااا دحومي .. اشرط غير هالشرط
عبدالرحمن : اممممم ... خلاص اجل قولي احبك بصوت عالي
لوجين كشرت : والله انت موب صاحي
عبدالرحمن يضحك : عاد انت اختاري .. انا بقوم دوره المياه وانت فكري اللين ارجع .. هذا اذا تبين تعرفين .. وقام
لوجين : ياويل قلبي موب صاحي والله
دقايق ورجع عبدالرحمن جلس: هااا فكرتي
لوجين : ايه
عبدالرحمن مبتسم : وش اخترتي ؟!
لوجين : ابوسك
عبدالرحمن يقرب وجهه منها : يالله
لوجين متردده شلون بتسوي هالحركه والناس ماليه الطياره ..
عبدالرحمن على نفس الحركه : يالله بوسي بسرعه
لوجين : دحوم بلا هبال ...
عبدالرحمن يضحك : يالله بسرعه قلت
لوجين تقرب وتبوسه بوسه سريعه وتبعد : خلاص يالله قول
عبدالرحمن قرب وجهه بوجهها : لا ماحسيت فيها .. ابي وحده قويه شوي
لوجين انحرجت : دحوووووم
عبدالرحمن يضحك: يالله .. انا بغمض عيوني .. وغمض
لوجين تناظره ولا سوت شي
عبدالرحمن لازال مغمض : يالله
لوجين قربت وباسته بهدوووء... وبعدت عنه : خلاص
عبدالرحمن لازال مغمض عينه ... ولا رد عليها
لوجين ابتسمت : خلاص فتح
عبدالرحمن يفتح عينه بشويش : الللللله .. يازينها تهبل .. بوسيني على الخد الثاني
لوجين : لا خلاص
عبدالرحمن : بيزعل الخد الثاني منك
لوجين : كيفه خليه يزعل ..
ضحك عبدالرحمن ..
لوجين : يالله عاد قول وش اللي تحبه مووت
عبدالرحمن : الشي .. اللي .. احبه .. موت .. هو ..وسكت
لوجين تناظره : ايه وش هو
عبدالرحمن وعينه بعينها : انت ..
في ارض المدينه بالليل في بيت ابو ماجد .. نور بغرفتها ومعها هند وطبعا ماجد موب موجود قال لهم انه رايح مشوار قريب وراجع ..
نور: هاا هنوده كيف ؟!
هند : الحركه تجنن .. يخس والله عندك حركات حلوه
نور تغمز لها : ايه وش على بالك ..
هند اجل بروح غرفتي اكيد ماجد على وصول ..
نور: اوكي وانا بدخل اللبس ..
هند : اوكي .. يالله تصبحين على خير .. وقفت وناظرت نور بنظره ماتتفسر هي حزن ولا فرح
نور ناظرتها : وش فيك ؟!
هند قربت وضمتها : مااتخيل اني افقدك .. احبك يانور والله احبك وصاحت
نور دمعت عينها : حبيبتي هنو وش فيك .. ليش تقولين كذا ؟1
هند : لأني بديت احس اني وحيده بالدنيا ..
نوربعدت عنها : ومن قال هالكلام
هند : احساسي
نور: لا احساسك موب مكانه .. ان شالله مابنفقد بعض وبنكون ثلاثتنا مع بعض مثل ماحنا دايم
هند تصيح : مااظن .. كل شي بعد الزواج يختلف
نور: لا ياقلبي انا اوعدك ان كل شي بيكون مثل ماكان .. مو يعني تزوجنا يعني ننساك ..
هند : تدرين وش احسن شي صار بحياتي ؟!
نور : ايش؟!
هند : انك صرتي معي بنفس البيت
نور ترجع وتضمها : ياااقلبي انت ..
هند ضلت بحضن نور شوي وبعدها تركتها وطلعت ...
نور دخلت الحمام تلبس وتتجهز ..
بعد اقل من ساعه .. دخل ماجد للغرفه اللي مافيها غير نور الابجوره .. ماشاف نور فيها : ناداها يمكن تكون بالحمام او غرفه الملابس بس محد رد عليه ..
فصخ ثوبه وعلقه وانتبه ان على الطاوله علبه كبيره شوي مغلفه بغلاف احمر وعليها شرايط احمر بذهبي .. مربوطه بشكل فيونكه ... قرب للطاوله وشال الهديه .. ابتسم لأنه عرف انها هديه من نور .. اخذها وجلس على السرير يبي يفكها ..
الا هذي نور طالعه له من غرفه الملابس .. ناظرها مو مصدق اللي يشوفه اول مره من بعد زواجهم تكون نور بهالشكل الرهيب .. هي صحيح حلوه بس هالمره غير.. وقفت نور على طرف الباب .. كانت لابسه فستان احمر قصير لفوق الركب بدون اكمام .. تحت الصدر فيه شريطه ذهبيه ناعمه مربوطه على شكل ورده .. وتعمدت تلبس هالفستان عشان يكون نفس لون الهديه .. مستشوره شعرها هلى طوله واللي صار يغطي نص ظهرها وغرتها قصيره على جنب .. ولبست برجولها صندل احمر فيه فيونكه ذهبيه من الجنب موب عالي بالحيل وخلخال ذهبي .. ومكياجها خفيف كحل ومسكرا وبلشر وردي وروج احمر عليه قلوز .. ومتعطره .. وطالع شكلهاااا واااااااااااو
ماجد ظل مفهي فيها نص ساعه وتأمل كل شي فيها من راسها لين رجولها ...
ماجد : لا اله الا الله .. شكلك رووعه
نور تقرب له : شكرا ... ناظرت الهديه .. شفتها ؟!
ماجد : لا مابعد .. وانا اقدر اشوف شي وانت قدامي ..
نور حمر وجهها : طيب فكها
ماجد : اجلسي جنبي نفكها سوا ..
نور : طيب .. وجلست على طرف السرير وهي ماسكه الهديه من جهه وماجد من الجهه الثانيه .. ويفكون الشريط اللي عليها بشويش وعيونهم على بعض ... فكوا الغلاف ..وشافها ماجد علبه حمرا فتح غطاها .. لقى داخلها عليه ثانيه وفتحها وبعد لاقى داخلها علبه اصغر وفتحها .. وصار يناظرها ويضحك : كنز ؟!
نور ناظرته ولا ردت بس ابتسمت .. وفك العلبه الاخيره ولقى جوال من احدث الانواع طلعه وشافه ... قام من علىالسرير وقرب لها وسحبها من ايدينها قومها وصار واقف قدامها بالضبط : تسلمين ياقلبي .. اغلى هديه تجيني اليوم ..
نور: ان شالله عجبتك ..
ماجد : اكيد عجبتني .. دام انها منك .. بتعجبني ... المفروض انا اللي اجيب لك هديه جوال
نور: انا ولا انت كلنا واحد .. وبعدين انا جوالي جديد ..
ماجد يضحك : متى سويتي الهديه وانت ماطلعتي من البيت .؟!
نور: قبل العرس بكم يوم شريته .. واليوم وصيت هنوده توديه وتغلفه
ماجد : اهاا عشان كذا هند ماراحت معنا تسلم على لوجين .. كنتو مخططين كل شي
نور تبتسم : ايه .. بس حنا كنا متوقعين لوجين بتمر علينا ..وانقهرت هنو انها ماراحت معنا .. كان ودها تشوفها قبل تسافر
ماجد : كلها شهر وبيرجعون ان شالله
نور : ان شالله ..
ماجد ناظر عيونها و لمها لحظنه : الله لايحرمني منك
نور : ولا منك
,,,,,,,,,,,,,,,,,,,,,,,,,,,,,,,
في جهه ثانيه من بيت صالح .. هند بغرفتها جالسه على سريرها .. والدنيا ضايقه فيها ... اتصلت على لوجين بتشوف اذا وصلوا ولا لأ .. بس لقته مقفل معناه مابعد وصلوا .. حطت جوالها جنبها .. وسحبت اللاب حاست فيه شوي وقفلته .. قامت طلعت من الغرفه لفت في البيت شوي ومالقت احد صاحي .. جلست على التلفزيون شوي وردت قفلته وطلعت للغرفه مره ثانيه .. وقفت قدام المرايا .. تناظر شكلها شلون صايروجهها اصفر .. رجعت وجلست على السرير : يااااربي وش هالملل ..
مسكت جوالها وفتحت الرسايل ( افا ياجرح لا تبكي .. ترى كل الجروح تطيب.. ترى كل البشر يخطون .. ونتحمل خطاياهم .. بكينا وندفن فينا .. حزن اصدق من التكذيب.. بكينا بكل مافينا .. وفينا والغدر منهم ..لقينا ناس فيهم قلب.. وناس فنونها التعذيب .. ولكن مانقول الا..آآآآه وسمعنا مسامعهم .. سافرنا بحور الهم .. لقينا الهم فينا عيب.. وواصلنا مسيرتنا ..وكل قلوبنا معهم .. نخبي اجمل الاهات ... ولا نرتب لها ترتيب.. وتاخذنا سنين العمر .. ونتحمل مطامعهم .. كذا تجرح هالدنيا .. بسهوله مع التعذيب ..حلاوتها في قساوتها.. ولكن عيب نظلمهم .. صحيح قلوبنا تعبت .. ولكن اجمل التعذيب .. عذاب اغلى البشر لا صرنا .. نتعذب لراحتهم ).. قرأتها هند وبكت غصب عنها .. عمرها ماتخيلت انها بتعيش بهالوحده .. لا نور ولا لوجين ولا حتى حسن ... كلن لاهي بدنيته .. وهي بقت لحالها .. النوم سيطر عليها ونامت وهي في حاله يرثى لها ........
,,,,,,,,,,,,,,,,,
عبدالرحمن ولوجين صاروا في ارض فرنسا .. وصلت الطياره للمطار وهم تعبانين من الرحله الطويله .. وطبعا كانت السياره بالسواق تبع الفندق اللي حاجزين فيه تنتظرهم عند باب المطار .. ركبوا وتوجهوا للفندق .. دخل عبدالرحمن وماسك بيده لوجين ووراهم المستخدم اللي يسحب العربيه اللي فيها الشنط دخلها لجوا وطلع .. واقفين ويتفرجون على السويت اللي هم فيه ... حلو وراقي اعجبهم حيل بس التعب مسيطر عليهم عشان كذا ماكان في أي مجال للكلام بينهم توجهوا لغرفه النوم بدلوا ملابسهم وناموا على طول ..
لوجين صحت مالقت عبالرحمن جنبها ناظرت ساعتها ماعرفت لأنها على توقيت السعوديه .. قامت جلست بثقل .. نزلت من السرير وطلعت مالقته خافت : وين راح ؟!
نادت عليه بس محد رد .. اتصلت عليه ..
عبدالرحمن : هلا قلبي
لوجين : وينك .. ليش خليتني لحالي ورحت
عبدالرحمن : انا راجع لك .. بس رحت جبت شوي اغراض وجاي ..
لوجين : طيب ... قفلت منه وفتحت شنطتها وشنطه عبدالرحمن ورتبت ملابسهم في الدولاب وبعد ماخلصت جهزت لها ملابس لأنها بتدخل تاخذ لها دش ينعنشها بعد التعب ..ولاحظت ان عبدالرحمن قبلها اخذ له دش ..بس ماحست فيه من التعب ..
دخلت الحمام ...
شوي ويفتح عبدالرحمن باب السويت ويدخل .. حط الاغراض اللي جابهم في المطبخ .. كان جايب حلاو وشبسات .. دخل للغرفه مالقها بس سمع صوت المويه بالحمام ..
جلس على السيرير ...
لوجين خلصت ووطلعت من الحمام كانت بس لابسه ديشمبر ولافه شعرها بالمنشفه ..شافها عبدالرحمن : نعيما
لوجين انحرجت موت : الله ينعم عليك
ضلت واقفه شوي وبعدها توجهت للتسريحه وفكت المنشفه وصارت تنشف شعرها فيها .. وتنتظر عبدالرحمن يطلع عشان تلبس .. بس الظاهر ماعنده نيه ابد .. ناظرت عبدالرحمن : وش تسوي
عبدالرحمن : طلعت شريحتين عشان نستخدها هنا .. بدل ارقامنا ..
لوجين : اللحين كم الساعه
عبدالرحمن : مدري والله .. ساعتي لسه على توقيتنا .. بس الوقت قريب المغرب
لوجين : يالله نايمين من امس احنا
عبدالرحمن : ايه تعب الرحله ..
لوجين : دحوم ماكلمنا اهلنا نقولهم وصلنا
عبدالرحمن : اوووه والله نسيت .. يالله الحين نكلمهم ...ويشبك الشريحه ويتصل على بيتهم محد رد ..
عبدالرحمن : بيتنا محد يرد
لوجين : طيب دق على بيتنا
عبدالرحمن : اوكي ويتصل ... الا عبدالله : نعم
عبدالرحمن : السلام عليكم عمي .. انا عبدالرحمن
عبدالله وهدى جنبه : هلا هلا ياوليدي .. وصلتوا ؟؟
عبدالرحمن : ايه الحمدلله .. شخبارك عمي
عبدالله : بخير انتو شخباركم .. شخبار لوجين
عبدالرحمن : الحمدلله بخير ..
لوجين تقرب لعبدالرحمن : عطني اكلمه
عبدالرحمن : يالله عمي خذ لوجين معك .. ويعطيها الجوا ل : الوو بابا شلونك
عبدالله : هلا يابنيتي شلونك انت طيبه بخير ومستانسه
لوجين : ايه الحمدلله
هدى شاغلت عبدالله : عطني اياها .. بكلمها
عبدالله : خذي امك تبي تسلم عليك
هدى تاخذ السماعه : لولو حبيبتي شلونك
لوجين بكت : الحمدلله ماما انتو كيفكم .. طيبين .. شلون فهد
هدى : الحمدلله بخير كلنا بخير..
لوجين : يالله ماما سلمي على فهد مااقدر اطول
هدى : الله يسلمك .. خلاص يالله مع السلامه وانتبهي لنفسك ولزوجك .. سامعتني يابنتي
لوجين : ان شالله .. يالله مع السلامه
هدى: مع السلامه
لوجين قفلت .. وقالت : ابي اتصل على نور وهند
عبدالرحمن : اتصلي يالله .. حتى انا ابي اكلم نور
اتصلت لوجين على جوال نور بس ماردت .. واتصلت على هند ..
وطبعا اختلاف الوقت كان بالسعوديه صبح .. ردت هند : الوو
لوجين : الوو هنوده انا لوجين .. كيفك
هند تقوم تجلس : هلا والله .. الحمدلله على السلامه
لوجين : الله يسلمك ..
هند فرحانه : شلونك وشلون عبدالرحمن ..
لوجين : بخير الحمدلله .. انت كيفك وكيف نور واهلك كلهم
هند : الحمدلله كلنا بخير ...
لوجين : سلمي عليهم انا اتصلت على نور بس ماردت ..
عبدالرحمن : سلميلي عليهم
لوجين : يسلم عليكم دحوم
هند : الله يسلمك .. يالله اقفلي لا تطولين
لوجين : يالله ياقلبي مع السلامه
هند : مع السلامه ..
لوجين قفلت .. واعطت عبدالرحمن الجوال : شكرا
عبدالرحمن : عفوا ..
لوجين : عبدالرحمن .. ابي البس .. ممكن تتطلع برا
عبدالرحمن رفع حاجبه : عادي البسي قدامي ..
لوجين : لا .. ولا اقول خلاص خلك انا بدخل الحمام البس
عبدالرحمن يضحك : لا لا خلاص انا بطلع الصاله .. انت البسي .. عشان نبي نطلع نتمشى ..
لوجين ضحكت : اوكي
شوي الا لوجين تطلع له .. كانت لا بسه بنطلون جنز كحلي وفيه شهاب رصاصي وبلوزه بما ان الجو شوي بارد كانت صوف بس من الخفيف لونها رصاصي حد البطن والاكتاف برا واكمامها طويله وحزام على الخصر رصاصي عريض وبوت رصاصي موب عالي عليه بوما من الجنب كحليه والبوت مزموم من فوق ومدخله البنطلون داخله عشان يبان موديله .. استشورت شعرها .. وحطت كحل وقلوز وبلشر خفيف عشان يعطي وجهها نظاره اكثر .. ولبست اكسسوار ناعم بنفس الوان لبسها .. وسحبت شنطتها .. وطلعت من الغرفه .. وعبدالرحمن كان جالس على الكنب وياكل شبس وحاط رجل على رجل ويقلب بالقنوات .. :
لوجين : انا خلصت .. نطلع ؟!
ناظرها عبدالرحمن وابتسم شكلها حلو : وااو .. وش هاللبس الحلو
لوجين ابتسمت له : عيونك الحلوه
عبدالرحمن : يالله
لوجين : يالله ...
عبدالرحمن : ماتبين تاكلين شي قبل نطلع
لوجين : لا .. ناكل برا شرايك ؟!
عبدالرحمن : مثل ماتبين يالله توكلنا على الله
وطلعوا ...
,,,,,,,,,,,,,,,,,,,,,,,,,,,,,
بعد يومين..الوقت المغرب في السعوديه ... في بيت ابو ماجد .. سعاد وهند والهنوف وماجد ونور جالسين يشربون شاهي .. ويسولفون
ماجد : يالله نور اجهزي بعد العشا بنطلع
نور : طيب ..
ماجد يناظر خواته وامه : تروحون معنا ؟
سعاد : لا انتوا روحوا استانسوا وتعالوا
نور : تعالوا معنا
سعاد : لا والله انا اصلا بطلع وباخذ الهنوف معي
نور تناظر هند : هنوده روحي معنا
هند : لا لا انتو روحوا
نور : وش بتجلسين تسوين لحالك بالبيت ..
ماجد : اجهزي عشان تروحين معنا
هند : لا ماابي اروح .. روحوا لحالكم .. عشان تاخذون راحتكم
نور : لا عادي حتى لوكنت معنا انت مو غريبه
هند تقوم والضيقه باينه على وجهها : لا ماابي اطلع مالي نفس .. وراحت
نور انقهرت ... جلست شوي وقامت طلعت لها .. طقت الباب .. هند : منو
نور تفتح الباب وتدخل : انا
هند كانت جالسه على الكرسي : هلا نونو تعالي اجلسي
نور : هنوده الله يخليك قومي روحي معنا
هند : لا حبيبتي انتو روحوا ..
نور : لا مبنرح الا وانت معنا
هند : انا اصلا بروح لنادي
نور : تروحين لحالك؟
هند : ايه عادي
نور : اعرفك مابتنبسطين لحالك
هند : ليش ماانبسط .. بالعكس
نور تقرب لها : والله مابروح ان مارحتي والنادي اجليه بكره وانا برح معك
هند : نور تكفين لا تضغطين علي
نور : خلاص اجل ماني برايحه .. وتتوجه للباب تبي تتطلع
هند تناديها : نور
نور لفت : هلا
هند تبتسم لها : خلاص بروح ..
نور ضحكت والله
هند : أيه
نور تروح تبوسها : ايه كذا هند اللي اعرفها .. يالله انا بروح اجهز وانت بعد تجهزي
هند : اوكي
بعد العشا كان ماجد ونور وهند بالمطعم الصيني .. يتعشون ..
هند " طيب اسمعوا هذي
ماجد قولي..
هند : في واحد توه متعلم كلمه فجئه .. راح للبقاله قال للبياع ..لوسمحت عطني واحد ببسي وفجئه سفن
ماجد ونور ماتوا ضحك ..
ماجد : طيب خذو هذي
نور:قول
ماجد : في كلب جاه انهيار عصبي ليش؟
هند ونور: ليش؟
ماجد: جالس ينبح على واحد ميت
هند ونور ضحكواا ..
وكملوا جلستهم على هذا الوضع سوالف وضحك .. وهند استانست كثير وغيرت جوها الممل .. رجعوا البيت ..
وبعد يومين صار وقت سفره نور وماجد .. كلهم تحت عند الباب يودعوهم .. هند ضمت نور وصارت تبكي .. مع السلامه ياقلبي
نور تبكي : مع السلامه
سعاد : انتبهوا لبعضكم زين
ماجد : ان شالله
صالح :كلمونا لا وصلتوا
ماجد : ان شالله
طبعا ضي والهنوف يصيحون وودعدت نور ابوها واخوها اللي كانوا موجودين معهم وراحوا للمطار .. وسافروا ..
وطبعا بعد يوم كامل بالطياره وصلوا تعبانين ..والجو هناك كان شتاااا والبرد يكسر العظام .. كان الوقت صبح..
وصلوا للفندق ودخلوا اغراضهم .. نور متكتفه وترجف
ماجد : وش فيك نوري
نور: برد موووت هنا .. ماتوقعت الجو كذا
ماجد يمسك ايدينها: وش ذا ايدينك مثل الثلج
نور: مرره بردانه
ماجد يالله تعالي للغرفه .. خذي لك دش دافي ونامي .. وانا بعد ابي انام
نور: طيب ..
ماجد : قبل كل شي خلينا نتصل على السعوديه نطمنهم
نور: اوكي ..
كلموهم وطبعا الوقت كان ليل وطمنوهم بالوصول ودخلوا....
الوقت بالليل الساعه 3ونص الفجر .. نور تتحرك بثقل من السرير وتشوف كم صارت الساعه .. تشد عيونها وتفركها بيدها ..
قامت جلست ولفت تبي تشوف ماجد ولقته غاطس بالنومه .. ماحبت تصحيه .. نزلت من السرير ودخلت الحمام توضت وطلعت صلت كل الفروض اللي ماصلوها .. نور ابد مو متحمله البرد .. كانت لابسه بجامه حرير لبست فوقها بلوزه قطن وشال صوف لفت فيه نفسها وجرابات .. وطلعت بهدوء من الغرفه .. وقفت بالسيب .. تفكر تاكل ولا تفتح التلفزيون .. هي جيعانه موت بس قررت تنتظر ماجد اللين يقوم ويفطرون سوا .. وبكذا راحت جلست على الكنب وشغلت التلفزيون ..
ماجد بعد ساعتين يفتح عيونه .. ويتمغط على السرير .. ويشوف الساعه : اوووف راح علينا يوم بالنوم .. انتبه ان نور موب جنبه .. قال اكيد انها قامت قبله .. نزل من السرير ماراح للحمام طلع للصاله بيتأكد اذا نور برا ولا لأ .. وبالفعل نور جالسه على الكنبه الطويله ورافعه رجولها بعد على الكنب ولا متهم لها وسانده راسها على الكنب وتتابع فلم.. ناظرها ماجد وابتسم ودخل الغرفه جاب ورده من الباقه اللي الفندق حاطها لهم وطلع لها مره ثانيه وجى من وراها بدون لا تحس .. وحرك الورده على خدها : صباح الخير ياحبي ..
نور خافت وصرخت وقامت من الكنبه وتنفض الشال على بالها شي يمشي عليها ..
ماجد خاف عليها وركض لها وضمها : حبي شفيك هذا انا
نور تتنفس بسرعه : خوووفتني .. حسبت صرصور ولا دوده
ماجد يبعدها عنه ويناظرها : بسم الله عليك ..
نور ابتسمت له : بايخ .. بغيت اموت من الخوف
ماجد يضحك لها : اسف قلبي.. متى قمتي ؟!
نور: ثلاث ونص ..
ماجد : من بدري .. ليش ماقومتيني معك
نور: شفتك غاطس بالنومه قلت مابزعجك .. والوقت بدري على القومه
ماجد يرفع خصلها اللي طايحه على وجهها بيده ويناظرها ويبي يقرب يبوسها الا رن الجرس ..
نور ابتسمت .. وماجد كشر: من جاي لنا الحين
نور تبعد عنه : ماادري رح شف منو؟
ماجد يروح يفتح الباب .. النادل .. اكس كيوزمي ..ويدخل عربيه الفطور .. ويطلع
ماجد : حبي ماافطرتي ؟!
نور: لا انتظرك
ماجد : اوكي يالله دقايق بروح للحمام وارجع نفطر سوا .. وبعدها نطلع يكفينا يوم واحد راح علينا نوم
نور : اوكي
خلصوا فطور وبدوا يتجهزون للطلعه .. نور لبست بنطلون جنز واسع شيرلستون لونه موف غامق ( باذنجاني ) وبلوزه هاي نك بنفس لون البنطلون اكمامها طويله تغطي نص الكف وفوقه جاكيت اوكسجين وردي مقفلته ولافه على رقبتها شال صوف بالاوان الموف والوردي بدرجاتها ,, وجزمه سبور ورديه برباطات .. ولمت شعرها المستشور ببكله ورديه مثل ذيل الحصان ونزلت غرتها .. وحطت كحل وماسكرا وبلشر وردي ووروج وردي عليه قلوز .. وطلع شكلها حلووو .. اما ماجد كان لابس بنطلون جنز اسود وبلوزه صوفيه لونها احمر عليها رسمه نمر باللون الاسود مغطيه اغلب البلوزه وفيها قبوع ..وجزمه كوتش سودا .. ومع شعره الطويل شوي على الرقبه طالع شكله بعد جنان .. ماجد طلع من الغرفه شوي ورجع وكانت نور مخلصه لبس وواقفه تشوف شكلها الاخير على المرايا .. وقف عند الباب يناظرها ..
نور ناظرته : خلاص انا خلصت ..وانت باقي لك شي
ماجد : لا خلصت .. وتأملها وقال : كأنك ورده
نور ابتسمت : شكرا .. بس ليش تقول كذا ؟1
ماجد : لأن اللون الوردي عليك يجنن ..
نور انحرجت : انت بعد شكلك حلو .. اول مره اشوفك لابس كذا
ماجد : طالع شكلي كول صح ؟!
نور: ايه ..
ماجد : يالله حياتي .. نروح
نور: يالله .. وراحوا
تبع ...
عدت اسابيع على سفرعبدالرحمن ولوجين... ونور وماجد بعد..
عبدالرحمن ولوجين يتمشون بشوارع فرنسا وماخلو مكان مازاروه ... ماشيين على رجولهم ..
عبدالرحمن : حبي
لوجين : عيون حبك
عبدالرحمن : اجلسي هنا شوي واجيك
لوجين : وين بتروح
عبدالرحمن : قريب هنا .. بس لا تتحركين .. سامعه
لوجين : اوكي .. وجلست على الكرسي .. وعبدالرحمن دخل محل من المحلات اللي بالمكان اللي هم فيه ..
عبدالرحمن طول بالمحل يدور ويتفرج ... اختار بروش ذهبي حجمه متوسط بكلمه love u لكن مكتوبه بطريقه غريبه وحلوه الحروف متداخله ببعضها .. راح حاسب عليه وطلع .. من اول ماطلع من المحل ناظر الكرسي اللي لوجين عليه بس مالقى احد صار يتلفت يمين ويسار موب شايفها ابدا طلع جواله بيتصل عليها لقاه مقفل البطاريه فاضيه حاول يشغله بس مافي امل وغير كذا موب حافظ رقمها يعني لو حاول يتصل من مكان ثاني مابيقدر .. صار يركض وينادي عليها ويسأل اللي يقابلونه اذا شافوها او لأ بس الكل يرد عليه بأنه ماشافها .. انجن عبدالرحمن موب عارف وش يسوي .. وصار يلوم نفسه ليش انه تركها لحالها الحين وينها لاتكون انخطفت .. لا بس شلون تنخطف قدام هالناس كلها .. طيب وين بتروح ... مرت ساعه وعبدالرحمن يدورها وصار عقله بكفه .. والحل القبل الاخير ..وقبل يبلغ الشرطه انه يروح المكان اللي كانوا فيه يمكن رجعت له .. وبالعفل راح ولقى لوجين جالسه وجنبها اكياس وميته صياح .. وبيدها جوالها .. راح لها ركض وسحبها من ايدينها وقفها : وين رحتي ؟!
هي شافته : عبدالرحمن وينك؟!
عبدالرحمن : انت اللي وين كنت قلبت عليك الدنيا ماخليت مكان مارحت له .. وين كنت
لوجين وهي تبكي : يوم تأخرت قلت بدخل السوق اشتري اغراض .. ويوم طلعت مالقيتك وانتظرتك ماجيت
عبدالرحمن عصب: انا قايل لك لا تتحركين من مكانك وانت تقومين للسوق .. وانا ماخليت مكان ادور عليك فيه ,, وانت حضرتك تتمشين هنا
لوجين : انا اسفه
عبدالرحمن مشى : اسفه .. اقول يالله وراي للبيت
مشت لوجين وراه وهي تبكي .. اللين وصلوا للفندق فتح لها الباب ودخلت وهو بعدها وصقع الباب بقوه ويدخل يرمي نفسه علىالكنب : استغفر الله العظيم
اما لوجين ماقالت شي دخلت الغرفه وقفلت الباب .. ورمت الاكياس على السرير وجلست تبكي .. شوي عبدالرحمن يدق باب الغرفه ويفتحه لوجين كانت جالسه على طرف السرير بحيث تكون معطيه ظهرها للي عند الباب .. دخل وشافها تبكي .. قرب لها ومسكها من كتوفها : حبيبتي
لوجين ماردت عليه ..
عبدالرحمن : لوجين حبيبتي .. انا اسف .. اسف حبيبتي بس من خوفي عليك والله بغيت انجن يوم مالقيتك
لوجين دارت عليه وهي تبكي : بس انا مارحت بعيد .. انت طولت وانا دخلت المحل اللي جنبي يوم طلعت مالقيتك .. اتصلت عليك جوالك مقفل .. وصرت ادور عليك ..
عبدالرحمن يدخل يده بجيب البنطلون اللي كان لابسه ويطلع علبه صغيره فيها البروش .. : تفضلي .. انا اسف انا قمت اشتري احلى هديه لأحلى زوجه بالدنيا
لوجين تفاجئت ماعرفت وش تقول ولا وش تسوي .. مااخذت منه الهديه وراحت من قدامه ..
عبدالرحمن استغرب .. لاردت ولا اخذتها .. الظاهر زعلها جامد
لوجين راحت فتحت الاكياس اللي معها وطلعت علبه صغيره.. رجعت لعبدالرحمن : وانا بعد قمت
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك