رواية عذبتني باسباب فرقاك -2
حملها ابوها وركض فيها داخل البيت وسدحها على الكرسي مي ييبي ماي بسرعة .. بابا خلاص ما بتصل بالشرطة .. اوعدج انتي بس اصحي
يابت مي الماي وشربها ابوها شوي ورش على ويها خفيف وهو يضرب على خدودها بالراحة
فتحت عيونها مريم شصااااار .. بابا
وصرخت مفزوعة يوا الشرطة .. بابا شصار ..
ابو مريم ما صار شي حبيبتي .. قومي غسلي ويهج ورقدي انا بتصل بالطبيب ايي يشوفه
مريم وعد بابا ؟؟
ابو مريم وعد يا بابا جم مريومة عندي ؟؟
ابتسمت ابتسامة رضى وصعدت دراها مع مي ودخلت على طول الحمام واتسبحت وطلعت بروب الحمام والفوطة مغطية شعها بطريقة معفسة
مي مندهشة مريوم .. امداج تسبحتي ما صارلج حتى 10 دقايق
مريم تكلمها وهي تلبس بالدرسنغ روم اهم شي اني تسبحت انت شعليج مني .. يه الدكتور ولا للحين ؟؟
مي وهي داخلة الحمام خلاص لا تعصبين .. بس مستغربة اول مرة تتسبحين بهالسرعة انتي عبال ما يشغلون لج الميوزك والشموع والماي صارت نص ساعة اول مرة تتسبحين بدون هالاشياء
مريم وهي تأفأف خلاص مي .. ماعندي وقت بكمل لبس بجامتي وبنزل اشوف شصار
لبست مريم بيجامة من لاسنزا برموا سوده ضاغطة ومرسوم عليها قطط بالوردي وبدي لنص ذراعها اسود وفيها صورة قطو وردي كبير مثل اللي بالبرموا ولبست جوراب وردي وجوتي رياضة اسود وتركت شعرها مفرود وهو للحين مبلل على طول ظهرها وكانت بشرتها صافية بدون مكياج بس بعيونها آثار الكحل مبين جمالها ووسعها كالعادة وقفت قدام المنظرة وحاولت تنشف شعرها باصابعها وهي تفرك فيه من داخل
مي فاتحة عيونها وفمها وكأنها مو مصدقة تصرفات مريم بس ما لحقت تنطق بولا كلمة لان مريم سبقتها ونزلت بسرعة لما نزلت راحت الصالة الخارجية لانها شافت بابها مفتوح وعرفت ان الكل هناك
دخلت وقربت بهدوء ووقفت ورى ابوها بــ ــابــ ــا .. شصار؟؟
ابو مريم هلا بمريومه .. شوفة عينج الدكتور للحين يفحصه
مريم دكتور ما خلصت
الدكتور عادل هلا بشيخة البنات .. هلا ببنيتي مريومة .. شخبارج ان شاءالله نفسيتج احسن الحين
مريم من غير نفس انا زينة مافيني الا العافية بس هالعلة شفيه
ولما قربت منه صفنت مكانها لما شافته وخصوصا بعد ما مسحو الدم اللي كان مغطي ويهه بالكامل كان نازل خصلات من شعره على جبينه كان شعره متوصخ بالدم بس مو مأثر على جماله كان كثيف بشكل مو طبيعي وشعراته حريرية وفيها لمعة خيال كانت الضربات على وجهه عنيفة حواجبة مرسومين وغلاظ وصايرين شبك مع بعضهم وعيونه مريوشه كان مسلم امره ومغمضهم وخشمة طويل وضعيف وشفايفه كانوا صغار مو مليانة والدم يتصبب منهم كانت لحيته خفيفة بس الدم منتشر فيها بكل مكان نزلت نظراتها لتحت كانت آثار ضرب مبرح على كل جسمه قميص مفتوح وكانت عضلات صدره بارزة بشكل ملفت والباين عليه ان رياضي ويشيل حديد كان طويل لدرجة ان راسه فوق التكية اللي على الكرسي وريله نازلة على الارض كان شكله يقطع القلب بنطلونه مشقق ومليان دم راحت قربت منه وقعد على الارض وكأنها ما تسمع احد ولا تدري باللي حولها مدت يدها وحطتها على يده تشوف الجروح اللي فيها وكانت بشرته البيضا كلها متورمة وصايره حمره من الدم المجمع فيها
مريم قلبها حساس ما قدرت نزلت دموعها وحدة ورى الثانية
ابوها ماقدر يشوفها اخذها وحضنها من جتوفها وأأشر على الدكتور عادل عشان يفحصها لانها تعبت وايد وبصراحة ما ينلام هذي وحيدته ماعنده غيرها
ابتسم الدكتور لمريم اقول يالاميرة ممكن اشوف ضغطج
مريم ولا كأنها تسمع بابا .. بيعيش ؟؟
ابو مريم حبيبتي .. الولد باين ان بغيبوبة .. وانا عشان خاطرج بس خليت الدكتور يفحصه ..
مريم اي وبعدين .. حرام بابا ساعدووه سووله اي شي ..
ابو مريم خلاص بابا انا بخليه بالملحق الخارجي وان شالله يتحسن .. بس اللي مو قادر افهمه شمييبه بيتي .. ومن اللي مأذيه بهالشكل
مريم الا ما عرفتوا من اهله ؟؟.. وين بيتهم ؟؟ .. ولد من؟؟ .. جم عمره؟؟ .. عنده عيال متزوج ولا لاء؟؟
ابو مريم لا يا مريم ما عندي اي هوية ولا شي بجيوبة
مريم بارتياح خلاص بابا انا بروح ارقد .. بس لا تنسى انت وعدتني تساعده
ابو مريم خلاص يا مريم انا متى وعدتج وخلفت بوعدي .. انا بخلي دكتور عادل يتابع حالته .. بس هذا مو معناه اني بخليه على طول في بيتي .. من يصحى يرجع لاهله
مريم بابا اذا صحى سوو اللي تبيه ما بقول شي .. حتى لو بتقطه السجن ما يهمني .. اهم شي يصحى ويكون بخير
الدكتور وهو يلم اغراضه مريم يا بنتي ما تبيني افحصج أحسن
مريم لا عموا مشكور .. يالله اشوفكم على خير
صعدت مريم غرفتها ومرت على غرفة مي لقتها نايمة
طبعا في بيت مريم في غرفة لمي وغرفة لسارة وفاطمة
راحت بعدها غرفتها ونامت للمغرب
في بيت عم مريم
سارة زين يا بدر اقعد لباجر انت عندك اسبوع اجازة
بدر ما اقدر يا سارة الشغل طلبوني ولازم اروح
ساره زين يا بدر خلك جذي .. اهرب من حالك .. صدقني الهروب مو حل
بدر اي شتبيني اسوي .. مريم ما تبيني وانا متعلق بوهم وهالوهم هو مريم .. انا شفتها البارحة هي حتى مو شايفتني حتى الغريب تقابله احسن مني
ساره خلاص يا بدر .. صدقني مريم تعتبرك اخوها وبس .. انا قلتلك لاتتأمل على الفاضي .. والله ياخوي لاتلعب بنفسك بتلقى اللي احسن واحلى منها .. مريم مو لك .. مريم مو لك
ظلت هالكلمات تترد في عقل بدر مو قادر يقتنع يمكن صح مريم ماتحبه بس هو بعد قلبه مو له ولا بيده يمكن يجي اليوم اللي يحن قلب مريم عليه وتعرف قيمته او تصدق اخته ساره يلقى اللي احسن منها بس متى بعد ما يضيع العمر وهو يركض ورى وهم مريم ولا يبقى وفي لحب من طرف واحد والبطلة هم مريم
في بيت ابو مريم
صحت على ازعاج ساره وفاطمة
فاطمة وهي تسحب اللحاف من على مريم قوووووووومي .. مريوم نبي نفتح الهدايا ... يمكن شي ما يعجبج وتتصدقين علينا فيه
مريم تصارخ وهي مغمضة عيونها من ضوى الليتات وتحاول تاخذ اللحاف يا حماااااره خليني ارقد شوي .. توى الناس
سارة وهي طالعة من غرفة مريم فاتوو انتي وقضي مريوم وانا بروح اووقض ميوو
فاطمة بخبث افاااا عليج لاتوصين بس روحي وانتي مرتاحة الحين بوقضها ما طلبتي شي
وراحت الدرسنغ روم وطلعت منها الطبل اللي يابوه لها من مصر لما سافروا مع اخوهم بدر في اجازة الربيع وبدت تشتغل عند راسها وتبدع وبصراحة فاطمة فنانة في دق الطبلة والرقص الشرقي وخصوصا ان جسمها يساعدها وايد
فاطمة وهي مهيصة وتغني
فكهاني وبحب الفاكهة وبموت بالموز والمنجا
بصراحة على الفاكهة بغيروببيع وبشتري بضمير
هو ايه؟
العنب العنب العنب العنب العنب العنب
احمر واصفر احمر واصفر احمر واصفر
هو ايه؟
احمر وزي اللوزواطعم يا ناس من الموز
العنب العنب العنب
واواواوا
البلحالبلح البلح البلح البلح البلح
احمر واسمر احمر واسمر زغلول زغلول زغلول
هو ايه؟
احمر وطعمو خطير صغير يا ناس وكبير
البلح البلحالبلح
1
2
3
4
ولا واحد ولا مية ولا الف وتلتوميه ولا كل الدنيا دى ولا مليون
ده حبيب القلب هوواللى ساكن قلبى جوه ولا غير الواد ده هو ولا مليون
ياما ياما قالوا عليهغاروا من سحر عنية
قولوا قولوا قولوا عليه برضو انا روحى فيه
ياما ياماقالوا عليه غاروا من سحر عنية
قولوا قولوا قولوا عليه برضو انا روحىفيه
ان مشى مشى انا حمشى وراه
وان نسى نسى مقدرش انساه
ان مشىمشى انا حمشى وراه
وان نسى نسى مقدرش انساه
ده قلبى يابا يابا بيه مجنون
ولا واحد ولا مية ولا الف وتلتوميه ولا كل الدنيا دى ولا مليون
دهحبيب القلب هو واللى ساكن قلبى جوه ولا غير الواد ده هو ولا مليون
سيبهيبوا قلبى معاه شوقى شوقى داب فى هواه
عينى دانا عينى رايداه يانا من حلاوتهياه
سيبه يبوا قلبى معاه شوقى شوقى داب فى هواه
عينى دانا عينى رايداه يانامن حلاوته ياه
سيبونا بقى نفرح ونعيش كفاية شقى ده انا غيره ماليش
ولاغيرة يملى عينى مهما يكون
سيبونا بقى نفرح ونعيش كفاية شقى ده انا غيرهماليش
ولا غيرة يملى عينى مهما يكون
ولا واحد ولا مية ولا الف وتلتوميهولا كل الدنيا دى ولا مليون
ده حبيب القلب هو واللى ساكن قلبى جوه ولا غير الوادده هو ولا مليون
مريم قامت ووقفت على طولها مفزوعة بسسسسسسسسسسس .. بس .. بس ذبحتيني .. تعرفين تطبلين بس صوتج وووووووووع .. يلوع الجبد .. عورتي راسي
فاطمة وهي مستمرة اكمل ولا بتقومين
مي يت تركض وهي ميتة ضحك عقب اللي سويته تبينها تنام أصلا هي ما رقدت الا الصبح
ساره افااا .. بس افااا تسهرون عني يالخاينات
مي والله محد قالكم تروحون ..
فاطمة وهي فاتحة فمها يعني فتحتوا الهدايا وانا موهني .....
مريم هدايا شنو اللي نفتحهم ... لو تدرون شيلي صار فيني امس جان ما تحجيتوا من اساس
ساره بخوف يا قلبي شصار فيج امس .. تعبتي اكيد .. ولا يمكن صابتج عين .. ولا يمكن .....
مريم بس خلاص شفيج سوسو جنج بالعة راديو .. ميون خبريهم باللي صار انا بقوم اغسل وبيي
مي انا بكبري ما ادري شصار بعدها انتي تأخرتي وانا رقدت
مريم خبريهم نص السالفة وانا بكمل الباقي
دخلت مريم الحمام وضلت واقفة قدام المنظره تسترجع الاحداث اللي صارت دخلت أصابعها بين خصلات شعرها المنثورة وهي على خدودها وهي تحاول تمشطه باصابعها وتكلم نفسها
هذا من .. واشلون صار بحديقتنا .. اففففففف شي يحير بصراحة .. المسكين طاقينه طق مو مخلين فيه عظمة صاحية .. والله العالم متى بيصحى من غيبوبته .. كسر خاطري والله حتى هوية ما عنده .. بس انا ليش افكر فيه .. ان شاءالله باجر يصحى وياخذه البابا لاهله او حتى الشرطة انا شعلي منه ... افففففف افففف
وشغلت الماي وبدت ترشح على وجهها بقوة لان شكله وهو غرقان في دمه مو مفارقة خيالها
طلعت من الحمام بابتسامة باهته قوموا نتغدى
مي اي والله طلعت روحي من اليوع
ساره بالعافيه احنا تغدينا مع بدر قبل ما يسافر
مي بعفوية بدر سافر ؟؟ توى راد امس العصر
فاطمة اي المسكين امس كان تعبان وزعلان لان الحبايب ماعطوه ويه
مريم ولا جنه صاير شي قاعده تبدل بجامتها مطلع لها فستان ابيض وفيه ورود حمره صغيره ولمة شعرها كامل ولبست نعال ابيض خفيف لانهم قاعدين بالبيت
مي تحاول تغيير الموضوع يالله مريوم انا بموت يوع
سارة وفاطمة سكتوا لان مريم ماتحب بدر وحتى ما تعتبره ولد عمها حتى الغريب تبتسم في ويهه لكن بدر علاقتها معاه سطحية وهي تخاف تسوي اي حركة يفهمها غلط
نزلت تحت شافت امها تطالع التلفزيون ماما .. وين البابا ؟؟
ام مريم في الشركة حبيبتي .. تبين شي ؟؟
مريم حست ان امها تعرف السالفة لان ابوها ما يخش عنها شي لا ماما سلامتج
ام مريم زين اكا غداكم على الطاولة جهزته ام حميد خليتهم يسوون لج الاكل اللي تحبينه
مريم راحت وحضنت امها من وراها الله لا يحرمني منج
ام مريم ولا يحرمني منج .. اقول ماما .. لا تقربون من الملحق زين
مريم لاتخافين ماما مب رايحة
ام مريم زين حبيبتي انا طالعة بروح بيت خالتج نسرين مسوية حفلة استقبال لبنتها لجين تخرجت ورجعت من ألمانيا .. انا ما قلتلج لان شفت بنات عمج ورفيجتج هني
مريم خلاص مامي انا ما احب اروح بيت خالتي نسرين وخصوصا هاللجين ما احبها
ام مريم بس يا مريم عيب
مريم خلاص ماما انا بروح اكل .. خدا حافظ
ام مريم خدا حافظ .. ومثل ما وصيتج زين
مريم وهي رايحة اوكي ماما لاتخافين
راحت وقعدت على الطاولة وكانوا البنات قاعدين ينطرونها
مريم الا قعدتوا مو توكم متغديين
فاطمة بصراحة ما اتحملت اشوف هالاخضر والاحمر والاصفر وما اكل
ساره اي وهي الصادقة اكل نانا ام حميد بيخرب اجسامنا لا يقاوم
مريم زين .. زين اكلوا بالعافية
فاطمة وهي تسحب صحن مريم لا والله حشى .. ما تاكلين قبل ما تكملين لنا السالفة
مريم ويييييييييييي .. يبي أكلي .. ولا مو قايلتلكم شي
مي وهي تسحب الصحن من يد فاطمة خلاص .. اكا صحنج اكلي بس قولي لنا
مريم ايييييييييييي
سارة + فاطمة + مي ايييييييييييييييييييييييييييييييييييي
مريم بسم الله الرحمن .. خلونا ناكل بأول بعدين اقوللكم
مي الله يهداج قولي وانتي تاكلين .. ما عاد فينا صبر
مريم زين .. زين ................ وقالت لهم اللي صار بالتفصيل وهم ياكلون
ساره والحين هو برى بالملحق
مريم اي
فاطمة ابي اشوفه .. حلو ؟؟
مريم وهي تاكل بدون ماتهتم عادي شكله .. مو لهناك ..
ساره وهي متشوقة زين وصفيه لنا .. شكله ، لونه ، جسمه ، اسمه
مي اي والله ياريت .. انا شفته بس ما كان يبين منه شي كله دم مسكين
مريم عادي شكله وطويل شوي .. بس نخلص من فتح الهدايا بنروح نشوووفه بس لا حد يسمع امي مهدده علي ما اقرب من الملحق
سارة + فاطمة + مي بفرحة كبيرة حلللللللللللللللللللللفي
مريم وهي تشرب الكوكتيل والله
وبعد ما خلصوا البنات من غداهم راحو الصالة الثانية اللي مليانة هدايا من اللي حضرو الحفلة واللي ما حضروا حتى بعض الهدايا يتها على شكل طرود من الخارج لاهلهم وربع ابوها كونه من كبار رجال الاعمال ومعارف بكل انحاء العالم
فاطمة بحماس مريوم خليني اشفي غليلي خاطري اشقق هذي الهدية
مريم بدون ما تطالع حتى ومشغولة بالهدايا فاتي سووي اللي تبينه
مي مريوم شوفي هذي ألماس تجنن .. اقري الكرت اللي عليها
اخذت مريم الكرت
كل عام وإنت ياعمري بخير
كل عام وإنت طيب ياغلاي
شمعة أعيادك عسى دايمتنير
مثل مانورت بوجودك سماي
إيه أحبك حب ياعمري كثير
صعب أوصفلك شعوريياهواي
كل مافيني غدا لحبك أسير
أدعي الله فيك لايخيب رجاي
كل عام وإنتياعمري بخير
كل عام وإنت ياقلبي معاي
المرسل : ولد عمج بدر يالغالية
مي كانت تقرى الكرت ويا مريم بس في قلبها وسالت دموعها من الكلام اللي فيه كل هذا حب لمريم يا بدر يابختج يا مريوم عندج اللي يحبج ويموت فيج وانتي ولا على بالج
مريم خلصت من الكرت ورمته في الصندوق الخاص بالكروت حال حال اي كرت عادي والكلام اللي فيه ما حرك فيها ولا احساس بدر كان هادنها سلسلة ألماس مكتوب فيها المعوذات عشان الله يحرسها من العين كان خايف حتى من نفسه من كثر اعجابه فيها يحسدها او حبه المجنون لها يأذيها بيوم من الايام
فاطمة مريوم شوفي هذي هدية ايوب
والكل اتفاجأ من حركة مريم تركت كل اللي عندنا وسحبت الهدية من يد فاطمة
مريم وهي طايرة من الفرحة وتقرى الكرت الى حبيبتي الحلوة مريوم .. كل عام وانتي بألف خير وعقبال ما اشوفج عروس
فتحت الهدية كانت عطر فرنسي بس ماركته مو معروفة
سارة وهي تغمز لمي اقول مريومه شكله العطر رخيص وحده جييييب وانتي ما بتستخدمينه عطيني اياه
مريم وهي تفكر صج يبين عليه رخيص بس ابيه بحتفظ فيه حتى لو مابستخدمه .. لاني بصراحة ما اظن اني بستخدمه .. وانتي اشري على اي شي من الموجود واخذيه وانتي مغمضة بعد وبدون ما تسألين
مي بفرح عيل انا باخذ السلسلة الالماس اللي عليها المعوذات
سارة وفاطمة ما اهتموا لانهم ماعرفوا انها من اخوهم ومي اخذت السلسلة لانها تعرف اذا هي ما اخذتها مريم بتعطيها احد ثاني
اخذت مريم اللي عجبها والباقي وزعته على البنات
وساره طول الوقت وهي تفكر بالملحق واللي في الملحق ومتشوقة تبي تشووفه وماتدري ليش يمكن فضول بس او مجرد احساس يحتويها
ساره بحماس يالله مريوم خلينا نروح نشوف اللي بالملحق خلصنا الهدايا كلهم
مريم تصدقين نسيت
فاطمة مريوم لا تذلينا عاد
مي يالله مريوم .. قومي الهدايا وخلصناهم .. تنطرين ابوج ولا امج اييون ويخربون علينا
ساره لكن انا شفت واحد من الحراس واقف على باب الملحق .. يمكن مايرضى يخلينا ندخل
مريم بلا مبالاه عشتو .. انتي ما تحاتين الا الحارس هذا اسهل شي
ساره اي اشلون ؟؟؟؟؟؟
مريم انا اقولج اشلون تعالو وراي وبتعرفون
وطلعوا البنات ورى مريم برى الحديقة وقربوا من الملحق
مريم بحزم اقول عيسى
الحارس عيسى نعم عمتى ..
مريم انت ما رجعت علي سويج سيارتي
عيسى اشلون .. انا اذكر اني رديتلج لج بعد ما خلصت من غسال السيارة
مريم لا ما عطيتني وانا اذكر انك خليته بالدرج بالمكتب .. روح غسل السيارة لاني بطلع فيها بعد نص ساعة وشفت الغبار يتطاير عليها ما عجبني غسالك
عيسى مو مستوعب عمتي العصر مغسلها
مريم غسلها مرة ثانية وانت تعرف انا ما احب راج يغسلها اخاف يشمخها لي
عيسى بتردد بس .. عمي محمد قالي ما اتحرك من مكاني
مريم بنفاذ صبر وبعدين معاك عيسى ... اذا ما بتغسل السيارة بخبر ابوي الحين .. وبعدين ما تقولي من اللي بيدخل هني ..
وطالعة الملحق بقرف مكان يلوع الجبد
ومشيت شوي سوت روحها رايحة جهة البيت والبنات وراها وعيسى بهالوقت تأكد انها تبيه يغسل السيارة وما تبي تدخل الملحق لانها راحت البيت فراح على كراج السيارات وطلع سويج السيارة لان مريم هي اللي حطته بالدرج وبدأ يغسل السيارة
والبنات لما تأكدوا انه انشغل عنهم راحو جري على الملحق
دخلت مريم اول وحدة وفتحت الاضاءة
مي بصوت واطي هذااااااااااااااا ؟؟؟؟
سارة .................................
فاطمة يهبلللللللللللللللللللللل .. كل هذا وتقولين عادي ومولهناك عيل من اللي لهناك ايوبوووو .. هذا حتى احلى من اخوي بدور
مريم تخسين والله احلى من ايوب
مي صج مريم وايد حلو شوفي جسمه وسييييييييييييييم ولا شعره حريييييييييييييير وغليظ
فاطمة ولا عيونه هذا وهو مغمض تجنن عيل لو يفتحها اشلون بصير شكلهم ... أأأأأأأأأخ ما اقدر موتني ميون شوفي بشرته يا قلبي كلها متورمة يعل يده الكسر اللي طاقك
مي اي حرام والله حتى خشمه مو موقف منه النزيف شوفي حاطين فيه قطن يا حرام
فاطمة بهيام ولا شفايفة عذاااااااااااااااااب .. سوسو زوجوني اياه
ساره بعدها في حالة صدمة هااااااااااااا
فاطمة سارو شفيج مو معانا خير شر
مي من حقها تنهبل مثل ما انا انهبلت .. اينن
فاطمة سارة يناسبج طويل ووسيم وانتي طويلة ورشيقة
مريم ما عجبتها السالفة بسكم عااااد .. نيشنتوا على الولد يالله قبل لا ننصاد
طلعوا البنات بس مريم ما طلعت راحت قربت منه تبي تشوف اذا في اي تحسن ولا لاء
المهم وصلت للسرير اللي نايم عليه ونزلت لقريب انفاسه تبي تحس انه عايش ولا لاء وبحركة عفوية نزل شعرها على ويهه وشم ريحته وصحى اي صحى بس ما فتح عيونه وهي بهالوقت ماتدري باللي سوته رجعة شعرها بحركة سريعة ونزلت عيونها على يده كانت طالعة برى اللحاف مسكتها عشان تغطيها وتبي تمشي الا حست بيده تضغط على يدها بقوة
مريم مو مستوعبة اللي صار اشلون يمسك يدها اكيد صحى كانت تحاول تخلص نفسها منه تبي تسحب يدها بس مو قادرة قوته اكبر من قوتها تبي تنادي البنات بس مو قادرة ما تدري ليش عيونها تتنقل بين الباب وبينه تبي تشوفه يفتح وبين الباب لانها بدت تخاف منه لان صوت البنات اختفى اكيد دخلو البيت وهي متورطة مو عارفة شتسوي وتحس ان يده بتكسر يدها تبي احد ينجدها منه بس للاسف حتى الحارس مو موجود والبنات راحوا
انتظر ردودكم حبايبي
وتوقعاتكم
واتمنى يعجبكم البارت
البارت الثالث
طلعوا البنات بس مريم ما طلعت راحت قربت منه تبي تشوف اذا في اي تحسن ولا لاء
المهم وصلت للسرير اللي نايم عليه ونزلت لقريب انفاسه تبي تحس انه عايش ولا لاء وبحركة عفوية نزل شعرها على ويهه وشم ريحته وصحى اي صحى بس ما فتح عيونه وهي بهالوقت ماتدري باللي سوته رجعت شعرها بحركة سريعة ونزلت عيونها على يده كانت طالعة برى اللحاف مسكتها عشان تغطيها وتبي تقوم الا حست بيده تضغط على يدها بقوة
مريم مو مستوعبة اللي صار اشلون يمسك يدها اكيد صحى كانت تحاول تخلص نفسها منه تبي تسحب يدها بس مو قادرة قوته اكبر من قوتها تبي تنادي البنات بس مو قادرة ما تدري ليش عيونها تتنقل بين الباب وبينه تبي تشوفه يفتح وبين الباب لانها بدت تخاف منه لان صوت البنات اختفى اكيد دخلو البيت وهي متورطة مو عارفة شتسوي وتحس ان يده بتكسر يدها تبي احد ينجدها منه بس للاسف حتى الحارس مو موجود والبنات راحوا
زاد خوف مريم وبدت أطراف اصابعها تبرد و انخطف لونها ورجفتها زادت لما حست ان يشد على ايدها بقوة
مريم مرعوبة ياااااااربي .. هذا شيبي مني ؟؟؟ هذولا وين راحوا عني وخلوني بروحي ... افففففففف حتى عيسى الغبي للحين مايه ...
تجمعت الدموع بعيونها وهي تحاول تفلت من يده بس قوته اقوى من ضعف بدنها حطت يدها الثانية على يده تحاول تسحب يده ولو بالقوة عشان تخلص نفسها
مريم بصوت يرجف اتـ ــرك يدي .. عـــ ـــورتــ ـــها .. آآآآآآي
وبدأ يعلى صوتها عـ ــــيـ ــــ ــســـ ــــــ ـــى .. ســ ــــاره .. مــــ ــــــي .. فـــــاطــــــ ــمــة .. ويـــ ـــنكم
سكتت فجأه لانها مو مستوعبة اللي صار سحبها بقوة لدرجة انها طاحت على صدره لسانها انربط مو قادرة تنطق كانت عيونه ترمش بسرعة وكأن جفونه تبدأ ترتفع وتبان عيونه وفعلا فتح عيونه ومريم بعدها في حالة ذعر مو قادرة حتى تشيل عمرها زادت رجفتها وطاحت دمعتها على ويهه وشهق بقوه وكأن اخترع من دمعتها وبانت عيونه كان لونها خيال زيتي مايل للرمادي وعيونه مكحلة برموشه الكثيفة
مريم للحين على صدره وتسمع منه كلمات وايد ما فهمت منها الا بعض الكلمات انـــااا .. من انتي ؟؟ آآآآآه راسي
حط يده على راسه وبهالوقت فك يد مريم وهي شالت روحها بسرعه وقامت تبي تطلع بسرعه بس قلبها ما طاعها وقفت مكانها لانها سمعت صوت شهقاته رجعت له اي ما قدرت مريم على قد ماهي مغرورة على قد ما قلبها حساس خير .. فيك شي ؟؟
.......... انا من ؟؟ انا وووين ؟؟ رااااسي مو قادر
مريم مصدومة انت ماتعرف انت من ؟؟ ولا اسمك ولا شي ؟؟
.......... لا ما اعرف شي .. انتي من ؟؟ انا اول مرة اشوفج ؟؟
مريم محتارة مو عارفة تتصرف انــ ـــــااا .........
وفجأه انفتحت الباب مريم انتي ينيتي .. ليش تيين هني .. ومن سمحلج .. هذي آخرة الثقة
مريم وهي تعدل شعرها بابا .. انا ما كنت ...
ابو مريم ما كنتي شنو .. انا منبه على امج ما تخليج تقربين هني .. الله ستر لو ما انا راجع وشفت البنات بالصالة وسألتهم عنج ..
مريم بابا انا كنت بطلع الا سمعته ينادي ويصيح و......
ابو مريم وانتي شدخلج فيه .. مريم يا بابا انا هالولد ما ادري من وين ياي ولا من اهله .. وشكله ما يوحي بالثقة .. وانا ماعندي غيرج .. شفناه الفجر بحالة ما يعلم فيها الا الله ومو عارفين حتى شنو قصته .. يا بابا هذا محاولين يقتلونه ما شفتي شكله البارحة اشلون غرقان بدمه
مريم ما قدرت تتحمل وبدت دموعها تنزل وخصوصا ان ابوها ولا مرة كلمها بهالاسلوب وهي مو متعودة منه هالمعاملة ولا ان يلومها او يزفها على اي شي كانت هذي اول مرة في حياتها ودائما لكل شي بالحياة اول مرة ونقطة البداية وهذا اول موقف تنحط فيه مريم بسبب هالغريب اللي اقتحم حياتهم فجأه
ابو مريم وهو حاضن بنته خلاص يا بابا لا تصيحين .. حصل خير .. روحي غسلي ويهج .. أوعديني ما تيين هني مرة ثانية ....
مريم .......................
........... آآآآآآآآآآه .. راااااااااااسي ..
مريم ما امداها ترد وتعطي ابوها الوعد لان صرخات الالم اللي كان يصرخها ذاك الغريب كانت اعظم من كل الصرخات راح ابومريم ومريم وقربوا لعنده
ابو مريم شفيييك ؟؟؟؟؟
مريم بخوف بابا اتصل للدكتور
ابو مريم اي بابا خبري ام حميد تتصل بسرعة
ابو مريم يبي يفهم شي منه بس مو قادر لانه كان يون بصوت عالي ويتكلم بكلمات غريبة صعب الواحد يفهمها
رجعت مريم والبنات معاها بابا دكتور عادل يبيك على التلفون
ابو مريم اوكي الحين برفع التلفون اللي هني
راح ابو مريم والبنات ألتموا عليه
فاطمة ميووون .. شوفيه قطع قلبي .. حرااام
مي اي والله شكله راسه وايد يعوره ..
ساره .................................
فاطمة ســــــــــــــــــاره ..
ساره اخترعت : يما ااا .. شفيج
مي بحيرة انتي اللي شفيج .. كله ساكته وساهده ..
مريم تضحك بسخرية يمكن حبته
كلمت مريم طاحت على راس ساره مثل الصاعقة اتغييرت ملامحها هاااا .. انتي شتقولين انا توني من ساعة شايفته شهالحجي الله يهداج .. هههههههه
مريم كانت واقفة تسولف مع البنات لكن عيونها ما رفعتها عنه تشوف حركاته وتسمع وناته وفي عقلها مئة سؤال و سؤال ياربي انت من ؟؟؟؟ ومن اللي سوو فيك جذي ؟؟
حست بيد على جتفها بابا ؟؟
ابو مريم حبيبتي روحي مع البنات داخل البيت عشان الدكتور بيفحصه
مريم اي بس بابا انا والبنات نبي نطمن عليه وبعدها بنروح بدون مشاكل ولا انتوا شرايكم يا بنات
ساره بعفويه اي عمي الله يخليك ما بنسوي ازعاج وما بنطلع اي صوت
مريم تطالع ساره بحيره اي بابا مثل ما قالت ساره
وصل الدكتور وبدأ يفحص فيه ويسأله بعض الاسئلة طبعا كل هذا بعد ما عطاه الدكتور مسكن
خلص الدكتور وبدأ يلم أغراضه والله يا ابو مريم ما انصحك كلش
ابو مريم ومو متكتف ويفكر اي بس يا عادل ما اقدر اخليه في بيتي اكثر .. من راي نوديه لاقرب مستشفى وهم يتصرفون معاه
الدكتور عادل تبي رايي كدكتور ولا كصديق
ابو مريم الاثنين يا عادل بس يهمني رايك كصديق
الدكتور عادل كدكتور وده اقرب مستشفى لان الولد فيه كسور واحد بجتفه والثاني بضلعه اليمين والاثنين تلزمه ان ينام على ظهره ولا يتحرك من مده 10 أيام الى اسبوعين وكصديق اقولك دام مافيه نزيف داخلي اعمل خير وقطه بحر انت رجل اعمال معروف وعيال ابليس وايد اخاف احد يعرف ويفضحك ويمكن يتبلى عليك بعد خله هني مدة اسبوعين بعدين لكل حادث حديث لان حتى الشرطة ما بتسوي شي الولد فاقد الذاكره والحمدلله ما صاده كسر بالجمجمة لان اللي مبين انه مضروب على راسه لين ما فقد الوعي
ابو مريم شهالبلشه ياربي .. من ويين يتني هالبلوه
الدكتور عادل وسع الصدر يا خوي .. المشكلة ان مو عارف حتى يتحجى عدل .. وما يذكر شي
ابوم مريم خلاص خله هني لين يتعافى شوي يمكن يتذكر شي ولا انت شرايك
الدكتور عادل ان يتعافى وترجع له صحته ان شاءالله ما يطول اكثر من 10 ايام وخصوصا لان بنيته قوية ما شاءالله وشاب ما اتوقع يتعدى 27 سنة اما بالنسبة للذاكره ما اعرف بصراحة لان ناس ترجع لهم بنفس اليوم وناس تطول معاهم شهور وناس سنين وناس ماترجعلهم خير شر
ابو مريم الله يجدم اللي فيه خير .. ويصحى وترجعله ذاكرته ونفتك من هالورطة
الدكتور وهو حامل شنطته ان شاءالله يا محمد خلك جذي متفائل احسن .. اهم شي احد يعطيه الادوية بانتظام .. يالله في امان الله
ابو مريم في امان الكريم يا عادل
طلع الدكتور ودخلوا البنات الغرفة اللي فيها الغريب وكل وحدة مرسومة على وجهها علامة استفهام تبي تعرف شصار
مريم بابا شصار ؟؟؟؟
ابو مريم حبيبتي الولد فاقد الذاكره وما يعرف شي .. ومحصل ضرب وايد على راسه وعنده اضلاع مكسره وما بيقدر يتحرك من فراشه في اقل من 10 ايام
مريم بابا يعني بيظل هني في بيتنا ؟؟
ابو مريم اي يا يبه .. ويالله يابنات ندخل البيت وما ابي وحدة فيكم تقرب هني مره ثانية .. لين الله يفكنا من هالبلوه
مريم ماردت على ابوها كانت بهاللحظات تسترجع اللي صار وتتذكر حركاته واشلون كان
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك