رواية قتلهن الطيش وأحياهن الحب -29
بعد مرور اسابيع .. تطلع سعاد لغرفه هند تطق الباب وتدخل لقت هند منسدحه على سريرها وكانت تفكر وش كثر فاقده حسن وحاااسه بفراغ كبير ..
سعاد: سلام
تجلس هند: هلا ماما
سعاد : في ناس بيجونا ابيك تطلعين لهم سامعه مو مثل كل مره
هند : منهم
سعا د : خطااب
هند انصدمت : وشو ... خطاب ؟؟
سعاد : ايه
هند: اسفه ماما
سعاد : وش يعني اسفه
هند : يعني مابطلع ولا ابي اتزوج اصلا
سعاد : لا بتطلعين غصب عليك
هند: اسفه
سعاد : بلا اسفه بلا خرابيط زايده اللين متى هذا ثالث واحد يتقدم لك الاثنين اللي راحوا قلنا بكيفك .. اللين متى ناويه تعنسين
هند:هالشي راجع لي
سعاد : لما تكونين على كيفك قولي هالكلام .. اللي يبي يتقدم لك من عيله زينه بالمدينه .. ومنصبه كويس وامه بتجي تشوفك ..وبتنزلين لها .. وغير هالكلام ماعندي
هند عصبت : ماااااماااا
سعاد : شرايك تجين تعطيني كف احسن
هند : اسفه .. مو قصدي ... بس زواج مابتزوج
سعاد : وليش ان شالله
هند : كذا مزاجي .. ومن هو ان شالله هذا اللي جاي يخطب
سعاد : والله مااعرفهم بس من عيله معروفه وطيبه
هند : وعشان معروفه اوافق عليه واتزوجه
سعاد : انا ماقلت توافقين عليه .. امه اللي تبي تشوفك بس وبعدين يصير خير
هند بتأفف : متى بتجي
سعاد : الاسبوع الجا ي
طلعت سعاد وقفلت الباب ..وهند ردت ورمت نفسها على السرير: اوووف ياااربي
ذ... زواج مابتزوج .. وتشوفين ياماما ..
عدا الاسبوع لكن الناس اللي بيجون ويشوفون هند اعتذوا واجلوا جيتهم لوقت ثاني ..
,,,,,,,,,,,,,,,,,,,,,,,,
قربت الاجازه تنتهي وقرب موعد زواج نور ولوجين .. وهم حايسين بالاسواق يجهزون وسافروا لجده والرياض بعد وردوا .. وصار يوم الزواج .. في قاعه قمه المدينه للأفراح والمناسبات
نور بالفستان الابيض .. وكان موديله يختلف عن حق لوجين.. بس اشكالهم من جد روووعه مع المكياج والتساريح .. هند عندهم بالغرفه اللي بالقاعه ...
نور : هنوده : كيف شكلي ؟!
هند : تجنينين بينهبل مجود اليوم ..
نور: صدق هنوده لاتجاملين
هند : والله العظيم ..
لوجين جالسه وخااايفه .. يعني اليوم بتكون مع عبدالرحمن لحالهم ..
هند تناظرها : وش فيك لولو
لوجين : خاااايفه .. والله خايفه
هند تضحك : عادي زي يوم الشبكه
لوجين : لا الشبكه مافي ناس كثير زي اليوم .. وبعدين اليوم مابنام في بيتنا
نور: لولو واللي يخليك .. اسكتي تراني جالسه اصبر نفسي
هند : يالله انا بطلع وارجع لكم شوي .. وبعد شوي بتجي المصوره استعدوا
نور ولوجين : طيب
طلعت هند من عندهم وراحت للقاعه ... هند كانت لابسه فستان فوشي طويل مفتوح من قدام فتحه كبيره فوق الركب بشوي .. وتحت الصدر بروش ذهبي على شكل فراشه ومسويه تسريحه حلوه ومتمكيجه طبعا... قابلت امها
سعاد: كنت عند البنات ؟!
هند : ايه
سعاد: جهزوا ولا باقي ؟!
هند : ايه بس ينتظرون المصوره ..
القاعه كانت مليانه حريم والطقاقه ماوقفت طق والكوشه مافضت من البنات والحريم اللي يرقصون ...
في قسم الرجال المكان بعد مليان بالرجال ,, وعبدالرحمن وماجد لابسين البشوت السودا والغتر ..وطالعه اشكالهم جنان .. وحتى عند الرجال فيه فرقه طق ,, وسعود وصالح وعبدالله الدنيا مو سايعتهم من الفرحه ...
سعود نادا على عبدالعزيز
عبدالعزيز: هلا يبه وش بغيت
سعود شفلي طريق بروح لأختك اشوفها
عبدالعزيز: ليش
سعود : بس .. انت رح شفلي طريق
,,,,,,,,,,,,,,,,
نور ولوجين بالغرفه خلصوا تصوير وجالسين ينتظرون وقت الزفه .. انطق الباب . . الخادمه اللي عند الباب قالت لنور ان ابوها يبي يشوفها .. وبما ان لوجين مرت ولده قدر يدخل عليهم
قامت له نور وانثنت وحبت راسه .. شافها سعود بفستانها ودمعت عينه : مبروووك يابنتي
نور دمعت عيونها : الله يبارك فيك
سعود ماسك بيده علبتين.. فتح الاولى وطلع منها طقم الماس .. : قربي لي .. باسها من راسها ولبسها اياه ...مبروك .. الله يوفقك ان شالله
نور بكت وضمته : الله يخليك لي ولا يحرمني منك
سعود : قربي يالوجين يابنتي
قامت له لوجين وحبته من راسه ..
سعود يفتح العلبه الثانيه ويلبسها طقم ثاني الماس بعد .. مبروك الله يوفقكم ان شالله
لوجين منحرجه : الله يسلمك
وطلع من عندهم ...
,,,,,,,,,,,,,,,,,,,,,,,,,,,,,
طفت انوار القاعه وانفتحت انوار الزفه .. ومن اعلى القاعه من الباب اليمين واقفه نور والباب اليسار واقف ماجد .. نور مرتبكه والطقم اللي عليها يطلع وينزل من قوه نفسها ... اشتغل الشعر اللي معاه اصوات العصافيراللي طلقوا سراحها في القاعه ( طيور في سما الدنيا .. ترفرف فوق احلى اثنين .. نور اللي بدت قمرا .. وماجد هو اساس الزين ..عسى الله يتمم الفرحه .. ويحميهم من كل عين ) ضلوا واقفين عليه اللين انتهى الشعر ..وبعدها اجتمعوا بالنص ومسكت نور سله الورد وبدت ترمي على المعازيم .. بعدها نزلو من الدرج ومشوا اللين الكوشه على اغنيه كانت كلماتها ( هلا ياللي تمنيتك نصيبي .. هلا يافرحي وسعدي وطيبي .. هلا يانصفي الثاني هلابك .. هلا باللي اناديه بحبيبي.. جمعنا ربي العالم بحالي .. جمعنا الخير ودعوات الاهالي .. وانا والله ياام العيالي ..شكرت الله بأنك لي نصيبي.. انا كملت نص ديني ياحبي.. لقيت اللي يماشيني بدربي.. لقيت الطيب واخلاص وتفاني .. لقيت اللي بدا دائي وطبيبي.. عليم الله يااجمل واطهر.. واشرف حب يحيى بي ويكبر.. بأنك في وجودي شي اكبر.. من اني اخذ انفاسي وريقي ) ... وصولوا للكوشه وقطعوا التورته .. ورقصوا شوي ..وطلعوا لأن زفه لوجين وعبدالرحمن بعدهم ..
بنفس الطريقه الاولى .. من اعلى القاعه لوجين عند الباب اليمين وعبدالرحمن الباب اليساره.. لوجين بعد كان باين عليها الارتباك وايدينها ترجف .. اجتعوا بالنص وبدى الشعر اللي يصاحبه اصوات مويه وشلالات ( ماتوا العواذل قهر الليله ليلتهم .. لوجين وعبدالرحمن الفرحه عمتهم ..كلن تجمع كلن يبارك لهم .. يالله تحرسهم ويكبر حبهم .. سعادة العالم كلها بقلبهم .. يارب تحرسهم ويكبر حبهم ) عبدالرحمن ماسك ايد لوجين اللي ترجف ويهمس لها : وش فيك ترجفين
لوجين : ماادري ..
لوجين مسكت سله الورد وعطت الحضور ظهرها والبنات اللي مجتمعين اسفلهم وصارت ترمي الورد ,,
نزلوا على اغنيه مصريه رووومنسه..(لمستك نسيت الحياه ..وانت اللي بحلم اعيش يوم معاه .. والليله هيا البدايه .. وخليك معايا دا عمري الليله دي ابتدا .. ولازم نعيش يالله قرب كمان .. تعالا حبيبي لأبعد مكان ... ننسى اللي ضاع من ايدينا .. نعيش بس لينا .. خلاص اللي جوانا بان ... سرحت بعيونك لفين .. ايوه انتا جنبي وحعيش لك سنين .. وحياتي قرب عليا ياعمري وعنيا نعيش الحياه لو يومين .. ولازم نعيش يالله قرب كمان .. تعالا حبيبي لأبعد مكان .. ننسى اللي ضاع من ايدينا نعيش بس لينا .. خلاص اللي جوانا بان )..ووصلوا للكوشه .. وقطعوا الكيك ورقصوا شوي وبعدها طلعوا من القاعه ..
بعد وقت قصير توجهو المعازيم للبوفيه .. وبقى بالصاله بس اهل المعاريس ..
هند جالسه على الكرسي بالكوشه وتبكي من قلبها ..
عبير: وش فيك ؟!
هند ترفع راسها وتبتسم : مااتخيلت هاليوم ابدا
عبير تضحك: عقبالك يارب
وتناظر وتشوف ضي تبكي ومعها الهنوف .. راحت لها هي وهند : ضيوو وش فيك تبكين .. دموع فرح هذي ولا شو؟
ضي: فرح وحزن
هند تمسح دموعها : افاا ليش
ضي وترجع تبكي بصوت عالي : نور بتروح من البيت وببقى لحالي ..
عبير دمعت عينها : لا تخافين .. اكيد نور رح تجيك كل يوم
سعاد وهدى جاين لمهم ... سعاد تجلس : خلاااص رجولي ماعادت تشيلني
هدى : الله يوفقهم يارب
الكل : امين
هدى : عقبالك ياهند
هند ابتسمت ابتسامه صفرا : تسلمي ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
في الفندق ... نور جالسه بفستانها على السرير .. وماجد واقف يفصخ بشته وشماغه .. نور ميب قادره تجلس على بعضها من الخوف ..
ماجد قرب لها وسحبها من ايدها وقفها : مبروووك
نور بصوت يرجف: الله يبارك فيك
ماجد : واخيرا صرتي زوجتي يانور
نور ماترد عليه ..
ماجد يبتسم : طالعيني..
نور رفعت عينها له ... ضلوا يناظرون بعض ...
ماجد : مابتفضخين فستانك ؟!
نور: الا
ماجد : طيب انا بطلع برا وانت خذي راحتك ...
,,,,,,,,,,,,,,,,,,,,,,,,,,,
عبدالرحمن جالسه على السرير وجنبه لوجين بفستانها ..
عبدالرحمن : هذا احلى يوم بحياتي
لوجين تناظر الارض وماردت عليه ...
عبدالرحمن : انا مبسوووط حيل وانت ؟!
لوجين بعد ماردت عليه
عبدالرحمن ضحك : وين لسانك اكلته القطوه
لوجين ابتسمت
عبدالرحمن : ايه كذا .. اضحكي حسيسيني انك فرحانه مثلي
لوجين : اكيد بكون فرحانه
عبدالرحمن : انا بقوم افصخ
لوجين وقفت ..
عبدالرحمن وين رايحه
لوجين : بطلع عشان تفصخ ثوبك وتلبس البجامه
عبدالرحمن يضحك : عادي خليك ..
لوجين حست وجهها بوخ ومشت : لا بطلع برا واذا خلصت بجي
عبدالرحمن : وانت مابتبدلين ..
لوجين : الا
عبدالرحمن : تبين اساعدك
لوجين : لا شكرا ...
عبدالرحمن : مابتقدرين لحالك ..
لوجين : لا تشيل هم
,,,,,,,,,,,,,,,,,,,,,,,,,,,,,,,,,,,,,,,,
نور بالغرفه بعد مافصخت فستانها ولبست قميص اول يوم كان من نعومي طويل عريان وعليه بالطو من فوقه .. وجالسه على طرف السرير .. ماجد كان برا الغرفه ,, سحبت جوالها بسرعه فتحته واتصلت على هند ...
هند ترد وهي تضحك : هلا بالعروسه ليش متصله الحين
نور صوتها خايف : هنوده انا خايفه وش اسوي
هند تضحك : تعالي عندي
نور: بلا استهبال .. امانه هنوده ..
هند : انت اللي بلا استهبال .. خلاص خليك عادي .. طبيعي بتكونين خايفه .. اسمعي لبستي قميصك
نور: ايه
هند : زين .. ووينه الحين
نور: ماادري طلع من الغرفه
هند : طيب يالله اقفلي .. مو حلوه يجي وانت تكلمين جوال
نور : طيب .. ادعيلي
هند تضحك: طيب
وتقفل منها ....
شوي ويدخل ماجد بيده صينيه صغيره عليها كاستين عصير
راح لها وقدم لها العصير .. : تفضلي يانور دنيتي
نور تاخذ واحد: شكرا
ماجد : العفو ..وياخذ كاسه العصير ويجلس جنبها على طرف السرير ...
ضلوا ساكتين شوي .. ماجد موب عارف وش يقول ونور طبعا ماخطر على بالها تقول كلمه وحده ..
,,,,,,,,,,,,,,,,,,,,
لوجين فصخت فستانها بعد حرب وضرب ... ولبست قميصها وجلست على الكرسي وميب عارفه وش تسوي ..
عبدالرحمن يطق الباب
لوجين : تفضل
عبدالرحمن يفتح الباب : خلصتي ؟!
لوجين : ايه
دخل عبدالرحمن وجلس على الكرسي الثاني ... يناظرها ويبتسم
لوجين ناظرته : وش فيك
عبدالرحمن : ولا شي بس احسك ضايعه
لوجين ارتبكت : لا عادي
عبدالرحمن : تعالي نتعشى
لوجين : لا ماابي شبعانه
عبدالرحمن : وش اكلتي ؟!
لوجين : ولا شي
عبدالرحمن يضحك : ادري انك مستحيه .. قومي خلينا نتعشى سوا
لوجين : لا والله شبعانه
عبدالرحمن : طيب تعالي نتفرج تلفزيون
لوجين : طيب
وقاموا...
,,,,,,,,,,,,,,,,,,,,,,,,,,
ماجد منسدح نص سدحه على السرير .. ونور بالجهه الثانيه جالسه ..
ماجد : ماتبين تنامين ؟!
نور: هااه .. لا مافيني نوم
ماجد : طيب انا ابي انام نعسان
نور تنزل من السرير : طيب بقفل النور واطلع برا
ماجد : وش تسوين برا لحالك
نور: بشغل التلفزيون اللين انعس وانام
ماجد : وانا انام لحالي ؟!
نور ارتبكت : ايه انت نام وانا اذا نعست بنام
ماجد يضحك : لا مااقدر .. لازم تكونين جنبي ..
نور تقول بنفسها ياربي وش هالبلوه اللي انا فيها : بس انا مافيني نوم
ماجد : طيب .. اذا نعستي تعالي الغرفه
نور: طيب .. وطلعت وتقفل النور والباب
,,,,,,,,,,,,,,,,,,,,,,,,
عبدالرحمن ولوجين جالسين على نفس الكنبه .. يتابعون التلفزيون ..
عبدالرحمن يضمها من كتوفها ويقربها له : تعالي جنبي ليش بعيده
لوجين خافت : طيب
كملوا متابعه وهم بجنب بعض وعبدالرحمن لامها لصدره اللين غفت و نامت .. ناظرها وهي نايمه وباسها بوسه خفيفه ومسح على وجهها : لولو .. لولو حبيبتي ..
لوجين تنبهت وصحت : هلا
عبدالرحمن : نمتي .. خلينا ندخل الغرفه
لوجين تقوم تجلس زين .. ايه بدخل
عبدالرحمن وقف .. وشالها : انا اللي بدخلك ...
لوجين تصرخ : عبدالرحمن وش تسويي .. اناادخل بنفسي
عبدالرحمن يضحك: اششش ولا كلمه
ودخلوا وقفلوا الباب وراهم
...........................
نور جالسه على الكنب تقلب القنوات وطفشت .. ياربي مليت .. قامت قفلت التلفزيون وراحت للغرفه .. فتحت الباب بشويش .. ودخلت للغرفه وردت الباب وراها ..وقفت بنص الغرفه وتقول بنفسها : شلون ياااربي .. وين انام .. وبعد ماطفشت من الوقفه راحت للسرير جلست على طرفه وصارت تناظر ماجد وتتأمله ,,تأملت كل ملامحه .. مدت ايدها بتردد و لمست شعره الناعم .. ونزلت ايدها على خده ومررتها على وجهه وشالتها بس ماامداها تشيلها الا مسكها ماجد ..
صرخت نور.. بسم الله انت صاحي
ماجد يضحك : ايه .. وش تسوين
نور بارتباك : ولا شي
ماجد يسحبها : طيب تعالي بحضني
,,,,,,,,,,,,,,,,,,,,,,,,,,,
اما هند كانت بغرفتها منسدحه على سريرها وتبكي .. ميب عارفه ليش يمكن فرحانه لصديقاتها واخوها .. ويمكن زعلانه على نفسها ... نبهها رنه جوالها .. فزت وسحبته وناظرته .. لقته حسن ...
هند ردت : نعم
حسن : هنوده حبيبتي .. شلونك
هند : بخير
حسن : وحشتيني ...
هند : مايوحشك غالي
حسن : انت كل الغوالي
هند : وش تبي متصل ؟!
حسن : مشتاق لك ...
هند : تسلم .. وغيرو
حسن : حبيبتي .. وش فيه صوتك .. تبكين صح ؟!
هند : لا
حسن : الا اعرف صوتك لا بكيتي .. وش فيك ياروح حسونه
هند وزادت بكي : اليوم كان زواج نور ولوجين
حسن : والله
هند : ايه ....
حسن : مبروووك
هند : الله يبارك فيك .. عقبالك
حسن : وعقبالك
هند : العقبه لك انت بروحك .. اما انا لا ماابي اتزوج
حسن : ليش ياقلبي
هند : قلت لك مابوافق على غيرك ...
حسن تنهد : ياليتك يالهنا بيدي .. واطوق صاحبي بأفراح .. واخلي هالعمر روووعه ..على قلبه واحلامه ..ابيه يكون مستانس .. وباله دايم مرتاح .. من قلبي ابي له الخير وتسلم كل ايامه
هند : تسلم
حسن : الله يسلملي قلبك
هند : ممكن اقفل
حسن : ليش
هند : عشان لو انا مكان بنت خالتك مابرضى على نفسي زوجي يكلم غيري
حسن سكت شوي وقال ..: اوكي .. انتبهي لنفسك
هند : مع السلامه
حسن : مع السلامه ..ويقفل ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
انتــــــــــــهى الجزء الرابع عشر...
ترقبوا الجــــزء الخــــامس عشــــر والاخير ...
الـــــجزء الخامس عشــر والأخيــــــر ,,,,
..............
مدخل
ابتسم..
وإن مزقتك الجراح ..
وتحولت حياتك إلى أحزان وأتراح ..
ابتسم..
وإن جار الزمان ..
وتخلى عنك الصحب والخلان ..
ابتسم ..
وإن سقطت من العين دمعه ..
وضاق الصدر بغصة ..
فربما يأتي الغد الذي تنتظره ..
ربما ..
الكاتب * رائع*
..........................
ثاني يوم من العرس كان العشا في بيت ابو فهد ... كل العوايل مجتمعه ..
سعاد : هاا متى سفرتكم يانور
نور: ان شالله نهايه الاسبوع
هند : من قدك يانونو بتروحين تركيا .. عاد ماوصيك كثري من الهدايا سامعه ...
نور تضحك: ان شالله
سعاد : وانت لوجين متى بتسافرون ؟!
لوجين : بعد بكره ان شالله
هند : وانت بعد جيبيلي هدايا معك موب هديه وحده بس
لوجين تضحك لها : من عيوني ...
سعاد : وين رايحين انتو .. نسيت
لوجين : فرنسا .. ويقول عبدالرحمن يمكن نمر على سويسرا ..
هند : اكشخ اكشخ ..
هند جالسه بين نور ولوجين .. وتقرب لنور : هاابشري صرتي حرمه ولا باقي
نور تلون وجهها : هند بلا قلة ادب
هند تضحك : اقول اخلصي من متى الحيا
نور : ايه خلاص
هند تضحك : وكيف بالله ؟!
نور : عمى هنوده .. خلاص عاد
هند تلف على لوجين .. وتسألها نفس السؤال
لوجين ضحكت : تم بحمد لله
هند : والله
لوجين منحرجه : ايه والله
هند: وكيف ؟!
لوجين : مايخصك لما تكبرين تعرفين
هند : خييير انت وهيا .. يالله انقلعوا
نور ولوجين ضحكو
هدى : وش فيكم
لوجين : لا ماما ولا شي
عبير: هااا يانور كيف الفندق
نور استحت : حلو وراقي
جنان تجيها : عمه
نور تجلسها على رجلها : نعم
جنان : انت امث تنتي علوثه .. حلوه مله ذي ثندليلا ( انت امس كنت عروسه .. حلوه زي سندريلا )
نور تبوسها : وانت بعد كنت لابسه فسان حلووو زي العرايس
جنان : ماما ذابت الفثتان .. دالت عثان علثك ( ماما جابت الفستان قالت عشان عرسك )
نور : والله
جنان : ايوه
هدى : والله الطقم حق لوجين اللي من ابو عبدالعزيز حلو
سعاد : تستاهله مرت ولده
هند تقرب لنور: امس كلمني حسن
نور : والله
هند : ايه والله
نور: ووش قال
هند دمعت عينها : يقول مشتاق لي
نور: ياقلبي ..
,,,,,,,,,,,,,,,,,,,,,,,,,,
الرجال بالمجلس ..
عبدالعزيز : هاا ياماجد كيف الزواج
ماجد يضحك : يازينه ..
الرجال يضحكون ...
سعود : الله يوفقكم
الكل : امين
عبدالعزيز : وانت يادحيم
عبدالرحمن يبتسم : انت مجربه مايحتاج اقولك
عبدالله : يالله عاد عجلوا ابي اشوف عيال بنتي
فهد : ايه ابي ارجع من السفر اللاقي معكم طفل
عبدالرحمن : ان شالله
صالح : متى مسافرين ياماجد
ماجد : نهايه الاسبوع ان شالله
,,,,,,,,,,,,,,,,,,,,,,,,,,,,,,,,,,,
مرت يومين .. عبدالرحمن بغرفته مع لوجين .. : هاا لوجين خلصتي .. يادوبنا نمر اهلك تسلمين عليهم قبل السفر
لوجين : يالله جهزت بس بقى شوي
عبدالرحمن يقرب لها ويضمها من ظهرها : بونسك وناااسه هناك لا صارت ولا استوت
لوجين تضحك له : ان شالله ...
عبدالرحمن يحبها من خدها : يالله انا باخذ الشنط وانزل تحت ..
لوجين : يالله دقايق وجايتك
نزل عبدالرحمن وبيده الشنط .. طلع وركبها السياره .. الا هذي سياره ماجد توقف ..
نزل ماجد ونور ...
دخلوا الحوش مع عبدالرحمن
ماجد : زين لحقنا عليكم
عبدالرحمن : ايه والله تونا كنا بنروح بس انتظر لوجين تنزل
نور: وينها لولو
عبدالرحمن فوق بالغرفه
طلعت لها نور .. وطقت الباب : مرحبااا
لوجين كانت جالسه تلبس عباتها لفت وشافتها وضحكت : هلاااا والله ... زين جيتي قبل اروح
نور: ايه غثيت ماجد بسرعه بسرعه عشان نلحق عليكم
لوجين يالله تعالي ننزل تحت ..
نزلوا وكانت ضي جالسه حزينه ..
نور: حبيبتي ضي .. وتسلم عليها
ضي شافتها وابتسمت : نووور .. متى جيتي
نور: توني
يجلسون شوي.. الا يطلع سعود من غرفته .. : هااا نور عندنا
نور تقوم تسلم عليه : كيفك بابا
سعود : الحمدلله .. ويناظر لوجين : هاا بتروحون الحين
لوجين : ايه ان شالله
سعود : يالله عاد استانسوا بسفرتكم
لوجين : ان شالله
عبدالرحمن يدخل البيت ..
عبدالرحمن : يالله مشينا لولو
لوجين تقوم توقف ويوقفون معهم : يالله
لوجين تلف على نور وتناظرها .. قربت لها وضمتها : بتوحشيني
نور ضمتها بقوه وبكت : وانت بعد .. بتوحشيني موت
ضي راحت لعبدالرحمن ووقفت قدامه .. وعيونها فيها الدموع واضحه ..
مسك ذقنها : وش فيك ياحلوه
ضي صاحت : لا تطولون هناك
عبدالرحمن يضمها : ما بنطول وبنجيب لك هدايا من هناك .. ويبعدها عنه ويسمح دموعها : خلاص لاتصيحين .. غمضي عين وفتحي عين وبتلاقينا رجعنا
نور ولوجين يبكون ...
سعود : قلبتوها مناحه
لوجين تناظر نور: اماااانه سلمي على هند وبوسيها عني ..
نور تمسح دموعها : ان شالله
عبدالرحمن : يالله لوجين مانبي نتأخر اكثر
لوجين تصلح غطاها : طيب.. ويسلمون عليهم..
ويطلعون من البيت .. ويدخل ماجد .. يشوف ضي تبكي ونور بعد : هااه وش فيكم ؟!
سعود يضحك : حريم دمعتهم عند الباب
,,,,,,,,,,,,,,,,,,,
عبدالرحمن ولوجين في بيت ابو فهد ويودعونهم ...
هدى تصيحح وهي لامه لوجين ولوجين ميته صياح هي بعد..
فهد : خلاااص ياجماعه ماصار شهر عسل
لوجين : ماما .. بشتاق لك
هدى : وانت بعد .. بيفضى علينا البيت .. يومين وماتحملها بدونك شلون لا غبتي عني اكثر وتصيح
عبدالله : يالله يالله لا تفوتهم الرحله ..
فهد يقرب لوجين : ويسلم عليها : لا رجعتوا بكون مسافر
لوجين وزادت بكى : ترجع لنا سالم يارب
فهد : ان شالله
عبدالله : ماوصيك على بنتي يا دحيم
عبدالرحمن : اكيد مايبغالها كلام .. بعيوني من جوا ..
ويسلمون عليهم ... ويتوجهون للمطار
,,,,,,,,,,,,,,,,,,,,,,
نور وماجد راحوا للبيت ومعهم ضي .. ونور طول الطريق تبكي
ماجد : خلاص يانور يعني هي وين رايحه رايحه تستانس مع زوجها
نور : ادري بس بشتاق لهم
ماجد : كلنا بنشتاق لهم ..
وصلوا ودخلوا البيت وهند وسعاد جالسين بالصاله ..
سعاد : هاا لحقتوا عليهم
ماجد : ايه
يدخلون يجلسون ...
سعاد : زين منك جبتي ضي معك .. ضيو حبيبتي الهنوف فوق اطلعي لها بتستانس لا شافتك
ضي: طيب وتروح ...
هند : شفتيها يانونو؟!
نور وعيونها منفخه من البكى : ايه وتسلم عليك كثير وقالت لي ابوسك بدالها ..
هند دمعت عينها : يارب يرجعون بالسلامه
الجميع : يارب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك