رواية عذبتني باسباب فرقاك -28
ابرار اي نبي عرس ما صار مثله بتاريخ عائلة كراشي كلها ...
أمير ابتسم هه .. خل نلقى العروس أول ..
الا وتلفونه يرن قام مشى عنهم هلا .. هلا بدر .. بشر ؟؟
بدر ايران .. سافروا ايران ونزلوا بمطار شيراز ..
أمير بدون تفكير وانت اشلون عرفت ..
بدر أمير شفييك ؟؟ انا دخلت على المدير العام وبالغصب رضى يساعدني ..
أمير زين متى سافروا ؟؟
بدر بنفس اليوم اللي انا سافرت فيه ومريم اطلعت من بيتكم بس كانت رحلتهم الفجر ووصلوا الساعة 7 الصبح .. انا خذيت اجازه مفتوحه بروح ادور مرتي .. انت بعد قدم على اجازه
أمير لحظه .. لحظة يا بدر ما يصير نروح على عمانا .. انا الحين بروح بيت مريم نلتقي هناك .. واجازه انا ما يحتاج اخذ .. اداوم بار تايم ..
سكر التلفون ودار لاهله ادعوا لي ألقاها ...
أمه راحت له وابتسمت بويهه ان شاءالله يارب تلقاها ..
عمته مسافره مع احد ..
أمير ابتسم هه هالبنات ما ادري من مدعي عليهم مكتوب عليهم العذاب والحزن وفرحتهم دوم ناقصة .. رفيجتها أكثر من 6 سنين تحب بدر ولد عم مريم ويوم حس فيها وملج عليها تقوم امها تجبره يطلقها .. نحشت بنتها من البيت غصب ..
نور وطلقها ؟؟؟
أمير لا انحاشت هي ومريم .. راحوا شيراز .. بس وين بشيراز الله العالم ..
أبرار يارب تلقاها وترجعها ونسوي العرس ونستانس
أمير ابتسم لها انا مرتاح انج فهمتيني ومو زعلانة مني .. الله يرزقج ويعوضج باللي أحسن مني ..
أبرار كل شي كان واضح جدامي .. وانت يا ولد خالي ما قصرت أكثر من مره تفهمني بس انا اللي ما كنت ابي افهم .. الله يوفقك ويسعدك .. روح ألقاها لا تتأخر أكثر من جذي ..
أمير سحب أغراضه وطلع متوجهه لبيت حبيبته
وصل بسرعة قياسية ودخل عليهم سلام ..
بدر هلا .. عليكم السلام .. تأخرت يا خوووي
أمير لاني عرفت ليش مريم اطلعت من بيتنا زعلانة ..
ساره لييش ؟؟
أمير ابتسم وقالها السالفه
ساره صفقت روحها يا حسرتي عليج يا مريوم .. مسكينة ..
بدر ساره .. طلعي كل وثائق أملاك مريم اللي بشيرااز ..
ساره اووووو .. بدور والله تعبت .. حرااااااام عليكم من امس ما رقدت وانا ادور ..
أمير اي .. صح .. وانت بعد يا بدر ابيك تتصل بأخوها وتسأله اذا عندهم هناك شي يمكن راحوا له ..
ساره اي مو بدور صار يرضع مع هاني طول اليوم .. مالت على حظي ناشره العده من البارحة للحين وانا ادور .. انتوا عبالكم أملاك مريم بايران شوي .. نص ايران باسمها ..
أمير هههههه .. مو لهدرجة عااد ..
ساره اي انت شعليك مالك النص الثاني .. اللهم لاحسد .. اللهم لا حسد
أمير بطلتي عينج وقلتي اللهم لا حسد .. زين خليني اساعدج ..
بدر على التلفون يعني ما عندكم بيت .. شقه ..
هاني عدنا عمارتين بس كلهم مأجرين ومي ما تعرفهم والباقي أراضي ما تصلح للسكن ..
بدر بغصه والله تعبت يا هاني .. ابي اشوفها .. لو أدري اني اذا تزوجتها بفقدها ما فكرت اني اتزوجها .. بس تبقى تحت عيني اشوفها وقلبي يرتاح .. حاس نفسي خلاص حتى نفس مو قادر اتنفس ....
هاااني وسع الصدر يالنسيب .. كل هذا عشان ميووو النتفه .. والله وكبرت اختي ..
بدر ابتسم حبيبتي .. لو تطلب عيوني ارخصتها وهديتها اياها .. بس وينهي .. والله بموووت ..
هااني سلامتك من الموت .. من يصير معانا شي بخبرك .. وانت بعد ابوي بيموت وهو يدورها اتصل بكل معارفنا هناك ما لقاها ..
بدر ان شاءالله .. انا اليوم العصر رايح هناك .. بروح ادور عليها بنفسي .. في أمان الله
هاااني في أمان الكريم
سكر هاني التلفون وراح قعد مع امه وابوه في الصاله
ابو هاني ما صار معاه شي ؟؟
هاني لا .. المسكين تعبان صارله 3 ايام مو نايم .. لو تسمع صوته والله عور قلبي .. يقول لو يدري اني اذا تزوجتها بخسرها ما كنت تزوجتها على الاقل قبل كانت تحت عيني واشوفها وقت ما ابي ..
ام هاني كله منه .. نحش بنتي من البيت
ابو هاني هو اللي نحش البنت .. يعني مو انتي كسرتي فرحتها وطقيتيها ..
ام هاني بنتي وكيفي ان شاءالله اكسر راسها .. بس هذا لا .. ما اخليه يتهنى فيها .. تخلي كريم وتاخذه من وراي
هاني الله يهديج ماما .. انتي من صجج .. البنت راشده والحين شورها بيد ريلها .. ما يصير هالحجي .. اول مره اشوف ام ما تحب سعاده بنتها ..
أم هاني اي انا السعاده اللي مع هالاشكال ما نبيها .. مو لازم تتهنى ..
ابو هاااني انا بروح ادور بنتي بنفسي .. وبردها لزوجها .. وانتي رفعي يدج عنها لو سمحتي ..
هاااني انا بعد بروح معاك بابا .. انا وعدتها اني اوقف معاها .. وانا مارديت الا عشان خاطرها ..
أم هاني ردوها وانا اذبحها .. والله اذا ردت وهي مو بنت .. حسابكم معااي .. ما ابيه يجيسها .. ابي الطلاق قبل الدخول .. عشان ما نتوهق بالعده ..
هاني ماما .. انتي صاحية .. اشلون نيود الريال نقوله لا تلمس حرمتك امها مو راضيه تبيك تطلقها .. الله ما شفناه بس بالعقل عرفنااه ..
ابو هاني اي تبي تموت بنتي .. مو كافي انها نحشتها من البيت ..
ام هاني انا قلتلكم اللي عندي .. خل تموت احسن من هالزواج لاني مو راضية عليه ...
وتركتهم وراحت فوق
ابو هاني اتصل بالسكرتيره تحجز لنا على شيراز اليوم العصر مع بدر ..
هاني ان شاءالله بابا ..
ساره هذا صك ملكية أرض وهذا فيلا بس مأجره وهذا بستان وهذول 3 عمارات مأجره مكاتب يعني مو لسكن وهذول أراضي زراعية ...
أمير البستان .. رحتيه من قبل ؟؟
ساره اي مره وحده .. اول ما شراه عموا وكانت مريم ومي معانا ..
أمير وصفيه .. وصفيه لي ..
ساره صاير يم جبل كبير ومن داخل فيلا صغيره دورين أربع غرف وحديقة كبيره فيها ممرات مزروعه تفاح ورمان وذره وعنب .. اي .. اي وورد بكل مكان بعد .. وشلال صناعي كبير بالنص ..
أمير هذا مأجر ؟؟
ساره لا .. مو مأجره .. خالتو كبرى كانت تروحها وايد .. من شراه المرحوم سجله باسم مريم ..
دخل عليهم بدر وصلتوا لشي ..
ساره لا .. بس أمير قاعد يسألني عن بستان مريم اللي بشيراز .. انا اقول يمكن نازلين بفندق ..
بدر مستحييييل .. دورت بكل الفنادق اللي بشيراز واللي على الحدود ما في ..
أمير انا حاس انهم بهذا البستان .. ساره عطيه العنوان خل يسبقنا هناك ..
بدر ما في حجز اليوم الرحلة ألتغت ..
أمير ليش انت مو حاجز ..
بدر اي بس ألتغت الرحلة .. ما في الا باجر في الليل ..
أمير لا الليلة لازم كلنا نكون هناك ..
ساره لييييييش ؟؟
أمير لان باجر زواجي .. انا قلت الجمعه يعني الجمعه ..
بدر زين .. حددت زواجك حضرتك اشلون بنروح هناك ..
أمير هذا اسهل شي .. بستأجر طياره ..
بدر طياره خاصه بتكلفك وايد ..
أمير يتنهد بحزن أدفع عمري كله وأشوفها مو اروح واتزوجها بعد .. هذا حلم وارتجي من ربي يحققه لي .. ما في شي يغلى على حبيبتي ..
ساره تروح وتخسر بالله ما تقولي .. يمكن ما يكونون هناك .. وبعدين مريم ما جهزت شي ..
أمير لا تخافين انا مرتب كل شي .. و بنتأكد أول .. وانت بتحرك الطياره يا بدر ..
بدر اوكي اسافر فيكم .. بس اشلووون نتأكد ..
أمير أخذ تلفونه واتصل بالرقم اللي بالصك يالله نبي شطارتك حاول تغيير لغتلك تحجى ايراني على فارسي انا غيرت الصوت ..
بدر كلمهم انت .. ما تعرف تخلط ؟؟
أمير اعرف بس مو مثلك .. انت عشت عمرك هناك ..
بدر اخذ التلفون ينطرهم يردون عليه بس محد رد اكيد غيروا الرقم محد يرد
ساره حاول مره ثانية
بدر رد مره ثانية اتصل وبعد طول انتظار ردوا
بدر اتفاجئ وسكت مو عارف يتحجى
ساره ضربته على خفيف قام عنهم وتكلم عشان ما يرتبك
أمير وساره كانوا يراقبون ملامح ويهه لحد ما خلص من المكالمة ودخل لهم بملامح جامده
ساره شصااار ؟؟
بدر قعد على الكرسي مصدووم تعرفووون من اللي ردت عليّ ؟؟؟؟؟؟؟؟؟؟؟؟
تتوقعون بيلقوون مريم ومي .. وبيصير هالزوااج ولا لاء ؟؟
من تتوقعون اللي ردت على بدر ؟؟
ياالله ابي راايكم عشاان ما اطول في البارت الجااي اذا عجبكم هذاا طبعا
اتمنى انكم استمتعوا بقراءة هذا البارت
الجزء التاسع والثلاثين
أمير أخذ تلفونه واتصل بالرقم اللي بالصك يالله نبي شطارتك حاول تغيير لغتلك تحجى ايراني على فارسي انا غيرت الصوت ..
بدر كلمهم انت .. ما تعرف تخلط ؟؟
أمير اعرف بس مو مثلك .. انت عشت عمرك هناك ..
بدر اخذ التلفون ينطرهم يردون عليه بس محد رد اكيد غيروا الرقم محد يرد
ساره حاول مره ثانية
بدر رد مره ثانية اتصل وبعد طول انتظار ردوا
بدر اتفاجئ وسكت مو عارف يتحجى
ساره ضربته على خفيف قام عنهم وتكلم عشان ما يرتبك
أمير وساره كانوا يراقبون ملامح ويهه لحد ما خلص من المكالمة ودخل لهم بملامح جامده
ساره شصااار ؟؟
بدر قعد على الكرسي مصدووم تعرفووون من اللي ردت عليّ ؟؟؟؟؟؟؟؟؟؟؟؟
أمير صار يترقب الاجابة وحاس بخوف
أما ساره ما فيها صبر من ؟؟ وقفت قلوبنا ؟؟
بدر صار يمسح ويهه بيده ويمسح شعره بالثانيه شقولكم .. شي ما يتصدق .. حاس اني كنت اسمع غلط .. مو معقوله ..
ساره بدر انت قول واحنا بنقولك اذا معقولة ولا ولاء .......
بدر مستحيل ... مستحيل ..
أمير بنفاذ صبر ترااااك أذيتنا .. بتقول ولا شنو ؟؟
بدر خاله كبرى ..
ساره الله يرحمها ..
بدر عيونه في الفراغ وفمه مفتوح وللحين تحت تأثير الصدمة هي اللي كلمتني ..
ساره هههههههههههههههههههههههههه .. بدور شفيك .. كل هذا من فراق ميووو .. قمت تتخيل الاموات .. اخاف شوي وتقولي عموا محمد قاعد معانا ..
أمير هه .. بدر الله يهديك قول حجي يدش المخ ..
بدر وبعده تحت تأثير الصدمه اقولكم كلمتها ..
ساره سكتت لان أمير اشر على فمه خلينا نفهم يا ساره .. بدر قول شقالت لك بالضبط
بدر بلع ريقه وهو يتكلم انا كلمتها مثل ما قلت ..
وقعد يروي لهم المكالمة
بدر سلام ..
كبرى وعليكم السلام ..
بدر اختي ممكن أكلم المالك ...
كبرى انا ام صاحبة البستان .. خيير ممكن اساعدك بشي
بدر وهو يروي اللي صار لامير وساره هذي كانت اول صدمة لي .. انربط لساني .. سكتت وهي ظلت تناديني ..
كبرى اغاااا ..
بدر هلا ..
كبرى تبي شي ؟؟
بدر اي ابي اكلم صاحبة البستان اذا ما عليج أمر ..
كبرى والله صاحبة البستان محد راحت تتمشى مع رفيجتها برى .. عطني رقم تلفونك انا اخليها تكلمك .. مع انها ما تعرف احد هني ..
بدر ما يحتاج انا اكلمها وقت ثاني ..
كبرى تبي منها شي ..
بدر احتار ما يدري شيقول لها اي .. اي انا ابي اشتري منكم البستان بالسعر اللي تبونه ..
كبرى ومن قالك ان احنا نبي نبيع البستان ..
بدر عطوني هذا الرقم وقالو لي انكم عارضينه للبيع ..
كبرى لا بنتي ما تبي تبيعه .. هذا هديه من ابوها الله يرحمه ..
بدر كان مصدوم
أمير كان متفاجئ وفاتح عيونه وفمه على الاخر
أما ساره كانت في عالم ثاني مو مستوعبة الكلام اللي تسمعه من اخوها
بدر وهو يكمل كلامه المهم .. انا قلتلها
بدر مواصل عشان ما تنتبه له ليييش .. محمد أكبري مات ..
كبرى بضييق انت تعرفه ؟؟ اي عطاك عمره من سنة .. الحمدلله على كل حال
بدر الله يرحمه .. زين بنته لمتى بتقعد هني بشيراز .. عشان ايي اعزيكم بنفسي ..
كبرى والله ما ادري .. بنتي مطوله هني .. ما تدري لمتى بتقعد .. توها واصله هي ومي من اربعة أيام .. بس ما قلتلي انت من ؟؟ شكلك تعرف المرحوم ؟؟
بدر من سمع اسم مي شهق ودمعت عينه وما كأنه يسمعها
كبرى صارت تناديه وهو ما يسمع
وصلوا البنات وكالعاده كل وحده تبوسها من جهة
مي سلام خالتوا .. شدعوه تلفونات من ورانا ..
كبرى وهي ما سكة السماعة وبدر للحين على الخط والله ما ادري .. واحد يقول يبي يشتري البستان ..
مريم نطت ومن قال اني ابي ابيعه ؟؟
مي سحبت السماعه عطيني انا بتفاهم معااه ..
بدر صار قلبه يدق مو مصدق
مي مسويه روحها معصبه ألو .. من معاااااي ؟؟
بدر للحظة كان بيناديها وبيقول انا بدر بس مسك نفسه بالغصب انتي مريم أكبري ؟؟
مي لا .. رفيجتها .. مريم راقده ..
بدر خلاص عيل انا امركم وقت ثاني ..
مي اي بس احنا ما نستقبل زوار ؟؟ والبستان ما نبي نبيعه .. لا تيي ولا تكلف على عمرك .. عزاك واصل .. مع السلامة
وسكرت التلفون في ويهه
وقعدت على الكرسي وحطت راسها على حضن خالتها من جهة اليمين ومريم جهة اليسار وهي فرحانة فيهم والله مو مصدقة ان بناتي بحضني ...
مريم ماما أحبج ..
كبرى وانا احبج مريومة قلبي ..
وباستها في جبينها
مريم ميووو .. ما قالج هذا من ؟؟
مي لا .. يقول يبي ايي يعزينا .. قلتله عزاك واصل ..
مريم ويييه طردتي الريال فشله .. يمكن رفيج بابا الله يرحمه ..
كبرى لا ما اظن .. لهجته مخلطة انا بالزور فهمت عليه .. يمكن يعرفه من بعيد
مريم كل شي جايز ..
أم مريم وهي تقرص خد مي عيل ميوو المفعوصة تزوجت بدر ولد حمااي ..
مي تذكرت بدر وابتسمت بضييق ليش هو وينه ؟؟ خلف الله علي وعلى حظي .. لو ما انحشت جان من زمان وانا مطلقه ..
أم مريم ضمتها أكثر لا حبيبتي .. محد يقدر يجبره يطلقج ...
مي دمعت عينها شفتي خالتو اشلون ماما ما تحبني .. ياريتج انتي امي مو هي ..
أم مريم لا حبيبتي .. تحبج ما في ام ما تحب ضناها .. بس معذوره انتي بنتها الوحيده وخايفه عليج .. يمكن لانها ما تعرف بدر عدل ..
مريم انتي بتطلقيين وانا تزوج غيري .. مالت على حظي وحظج .. المفروض باجر يكون زوااجي .. شكلي بصير عانس وانتي مطلقة ..
أم مريم رفعتهم من حضنها مريوووم شهالفال .. لا حبيبتي .. ان شاءالله اشوفكم عرايس ومتهنين مع اللي قلبكم اختاره لكم .. يالله ساعدوني ابي اروح غرفتي اتمدد شوي تعبت ..
مي قامت وفتحت الويل جير ومريم ساعدتها وقعدوها على الكرسي المتحرك وجروها لغرفتها ..
بدر كلمتها .. كلمت مي وكانت معصبة علي .. اشتقت لها ..
ساره يعني اهم هناك .. وخاله كبرى عايشه .. اشلون عيل قالوا لنا انها مدفونه هناك ..
أمير هذا سر بنعرفه اذا وصلنا .. يالله يا ساره قومي تجهزوا عشان الليلة مسافرين ..
بدر يعني مصر على زواجك باجر .. يا اخي يمكن ما تلقى طياره هالحزه صرنا الظهر وانت تبي الرحلة في الليل ..
أمير انا مضبط اموري .. ساره .. عزمي كل اللي يعزون على قلبج .. واللي مريم تبيهم يحضرون زواجها .. بليغهم يتواجدون بالمطار على الساعة 7 المغرب ...
ساره حدد جم العدد ؟؟
أمير اللي مريم تبيهم انا مستأجر أكبر طياره ..
ساره وااااااو .. وناااااسه .. اعزم بيت خالتها ..
أمير خبريهم اذا بييون حيااهم .. يالله انا ماشي .. نتلاقي المغرب في المطار ..
بدر انا بعد ماشي .. بعزم عمي وهاني خلهم اييون بس عمتي لاء .. وبشتري لمرتي اغراض ..
ساره اي لا تقولها .. ما فينا شده تخرب العرس علينا .. لكن هالحميير انا اوريهم .. يسافرون هناك يستانسون وانا لي الشغل هني .. افففففففففففففف ..
أمير وبدر ضحكوا عليها وطلعوا من البيت وهي راحت سحبت اختها من المدرسة يتشرون لهم فساتين وأغراض
في بيت خالة مريم
محمود يصرخ ونااااااااااااااااااااااااسه ..
لجين طلعت تركض شصاااير ؟؟؟؟؟؟؟؟ ونسنا معااااك ..
محمود معزووومين كلنا على عرس بشيرااز ..
امه طلعت من المطبخ عرس بشيرااز .. عرس من ؟؟
يتبع
امه طلعت من المطبخ عرس بشيرااز .. عرس من ؟؟
محمود عرس مريوم بنت خالتي على دكتور محمد أمير ..
قعدت امه على الكرسي الله يبارك لهم .. لكن من وين لنا يا ولدي ما عندنا فلوس للتذاكر .. ولا لفندق ولا شي .. تونا نص الشهر والرواتب للحين ما طلعت ..
لجين انا عندي .. بنروح ونستانس .. باخذ اجازه وبنقعد هناك اسبوع بعد .. هذا عرس بنت خالتي ابي اغير جو ..
نسرين لجين تعرفين ابوج ما بيرضى ياخذ منج ..
محمود هيييييي .. انتو شفييكم ؟؟ الريال مستأجر طياره خاصه حق كل اللي يعزون على مريم هو بيتكفل بكل المصاريف والاقامه ..
لجين فرحانة عيل .. قومي ماما .. خلينا نروح نشتري ثياب .. حتى انت يا محمود تعال بشتري لك بدله ..
نسرين والغدا ماما .. تبين ابوج يرد من المدرسة ويعصب علينا ..
لجين الغدا قطيه .. بنتغدى برى .. وبابا بعد بيي معانا ..
دخل عليهم وين ايي معاكم ..
محمود لولو بتشتري لنا ثيااب .. عشان بنسافر كلنا ..
ابو محمود نسافر ويييييييين ؟؟
نسرين شيراز .. عرس مريم بنت أختي .. اتصلوا وعزمونا خطيبها مستأجر طياره حق كل اللي يعزون على مريم ..
ابو محمود قعد على الكرسي مسكينه تبي اهلها حولينها بعرسها .. وانتو بشنو يازيتوها ..
نسرين خلاص يا جمال والله تعبت وانت كل يوم تلومني وتعاتبني .. خلاص عرفت غلطتي .. وبروح عرسها وبوقف معاها ..
لجين اي بابا بنروح نشتري لنا ثياب للعرس تعال معانا ..
ابو محمود كان فرحان لفرح بنته ويحس فعلا بتغييرها وحب يشجعهم يالله بس نطروني اتسبح واغير ثيابي ..
محمود بابا لا تتأخر .. انا متحمس للسفره ..
لجيين احد يعوف شيرااز .. شيرااز ترد الروح ..
ابو محمود زين ما بتأخر .. الا الساعة جم لازم نروح المطار ؟؟
محمود 7 الكل بيكون هناك لان بااجر العرس ...
ابو محمود يالله 10 دقايق وانا جاهز .. اشوى ان اليوم الخميس وباجر اجازه ..
نسرين يالله انا بقوم ألبس .. يالله لجون ..
فيلا كراشي
دخل أمير البيت بصراااخه مـــــــــــــــــااامـــــــــــــاا .. نـــــــــــــــــــــــوووووور .. يوووووووووووووسف ..
ألتموا عليه من كل جهة نور من فوق الدرج وامه من جهة المطبخ ويوسف طلع من المكتب وعلى ويههم علامة الخوف والتساؤؤل
أم أمير خير ماما .. شفيييييك ..
أمير الساعة 7 كلنا بالمطار .. باجر زواجي .. جهزوا روحكم ..
نور ليش مو العرس هني في البحرين ؟؟
يوسف لقييت مريم ؟؟؟
أمير بفرحه اي لقييتها .. في شيرااز .. والعرس بيصير هناك ..
أم أمير ما يصير يا ولدي .. اشلون نسافر والناس اللي بنعزمهم ..
أمير ماما عزمي اللي تبين .. انا حاجز طياره كلها ..
نور زين ما يمدينا .. ابي اشتري لي فستان .. و ابي ...
يوسف اشتري المهم الحين ظهر .. يمدي تخلصون من الحين للمغرب ..
أم أمير زين بتصل على الاهل وبعزمهم .. جم العدد ماما ؟؟
أمير اللي يعزون عليكم .. اعزموا اللي تبون ..
نور يعني اعزم فطوم ومنور وحناني و.....
يوسف بس .. بس .. بتلمين البحرين كلها .. حشى ما صارت .. كلها يومين
أمير ماما جهزوا شنطتي ..
أم أمير شنطة صغيرة تبي ؟؟
أمير لا كبيره .. باخذها من هناك وبلف فيها العالم ..
يوسف وهو يصفر فيييييييوففففففف .. آاااااااا يــــــــــــــــاااا باااااااااااااااا .. بتلف العالم فيها مره وحده .. والله ومحد قدج يا مريوم ..
أمير تستاهل عمري كله .. لو تآمر على عيوني خذيتها و هديتها اياه .. يالله انا بروح اخلص باقي اشغالي .. نلتقي في المطار ..
يوسف تعال والفرقة ؟؟ من بيغني بالعرس ؟؟
أمير هذي مهمتك .. تصرف .. يالله فمان الله ..
يوسف زين اللي قلتلي .. في أمان الكريم ..
على الساعة 7 الكل صار بالمطار وحاملين معاهم كل تجهيزاتهم واستعدادتهم لزواج مريم وأمير ..
بدر وصل أول واحد لانه الكابتن وخواته معااه طبعا وأمير وكل أهله وربع مريم كلهم ومعارفها بس اللي تأخر يوسف والفرقه اللي معااه ركبوا الطياره
ساره وفاطمة وبيت خالة مريم وأمير وأهله بالفيرست كلاس والباقي بالاكونومكز
بأول صف كان على جهة اليمين فاطمة عند الدريشة وساره يمها وبالصف اللي يمهم على الجهة اليسار كان قاعد أمير يم الدريشة ويوسف يمه ووراهم أم أمير والعمه سعاد ووراهم نور وريم وأبرار قاعده مع وحده من أهلهم
ساره كانت قاعده ومعطته ظهرها تفاديا للمشاكل والفشله جدام اهله
يوسف كان يشوفها وهو كاتم ضحكته وده يتعلف بس ما في شي يتحجج فيه اخوه قاعد يمه ونايم مسكين هلك جم يوم مو نايم وأمه وراه يعني اي شي بيقوله او بسويه بتشوفه
بعد ساعة ونص الكل كان نايم
ساره تكورت على نفسها وضمت يدينها وكان باين عليها انها بردانه ومالت براسها وشعرها تبعثر على ويهها وبعض الخصلات طالعين لبرى الكرسي وكانت فاطمه نايمة بحضنها المسكينة يومين مو نايمة هي بعد هلكانة
ضوت الطياره ورنت الاجراس
أعلن بدر بالهبوط وتحذير ربط الاحزمة بس خواته ما قعدوا رايحه عليهم
يوسف كان يتأملها ويبتسم انتبه له أخوه المسكينة يومين ما رقدت هلكت وهي تدور بنت عمها ومرت اخوها
يوسف أهااا .. يعني هي اللي لقت لك مريم ..
أمير ابتسم بالايجاب صحها خل تربط الحزام هي واختها ..
يوسف ما صدق على الله قام من مكانه وراح قعد على ركبه قبالها ومد يده يبعد شعرها عن ويهها ويبتسم على ملامحها العابسه كانت ضامة على عيونها بقوه وكأنها ما تبي تصحى وفاتحه فمها شوي
كان وده يظل أكثر بس اذا هو ما صحاها راح تيي المضيفة وتصحيها غصب
مد اصابعه بهدوء وسحب شفايفها بالقوه
ساره قعدت مفزوعه وحطت يدها على شفايفها لان عورها وشافته في ويهها واخترعت أكثر وتحاول تكتم صرختها لان اختها للحين نايمه هيييييييييي .. انت شتسوي ؟؟
يوسف غمز لها واخذ خصلات من شعرها ورماهم على ويهها وقام أصحييج .. بننزل الحين .. وقضي اختج وربطوا الحزام ..
ساره انقهرت وعضت على اسنانها تحاول توطي صوتها احد يصحي الناس جذي .. جلعت براطمي الله يجلع عمرك قول آمين ..
أمير سمعها وفتح عيونه مستغرب أول مره يشوف النزاع بينهم شفييكم ؟؟
ساره شافت تساؤلات أمير وانحرجت ولفت ويهها على فاطمة تصحيها
يوسف ضحك بخبث ورمى عليها كره من الورق كان يكورها بأصابعه طول الرحلة
انقهرت ولفت راسها بحركة سريعة وناظرته بغضب بس ما قدرت تتكلم لان لف ويهه عنها
حطت حرتها بفاطمة قووومي لا بارك الله فيييج .. كسرتيني ..
فاطمه فاتحه عين ومغمضة عين وهي تحك شعرها وتتثاوب شفيييييج ؟؟؟ ليش معصبة ..
ساره عدلت قعدتها وصارت تمشط شعرها لورى بأصابعها تحاول تهدأ نفسها ما فيني شي .. ربطيه الحين بننزل ..
وبنفسها مردوده لك يا يوسف .. انا اوريك ؟؟
هبطوا الطياره بمطار شيراز على الساعة 10 الا ربع ونزلوا وكان في باص سفر ينطرهم نقلهم أكبر فنادق شيرااز
ساره كانت تحاول تتجاهله ما تبي المشاكل وخصوصا ان بدر صار معاهم وهي كانت متمسكة فيه أكثر
في غرفة مريم
كانوا ثنتينهم نايمين بسرير واحد
مريم دايره ويهها على الجهة مي .. رقدتي ؟؟
مي كانت فاتحه تلفونها على الصور وتشوف صوره وتمسح دمعتها لا .. للحين .. ما فيني نوم ..
مريم ولا انا .. مو قادره انسى اللي صار بذاك اليوم ..
طلعت من بيته وهي تصييح طلعت كل حرتها بالصياح والصرااخ ليييييييييش ؟؟ لييش يا أمييير .. تتزوج غيري ؟؟ !! هذي وصية بابا ... هاهئئهاائئئئ ... وين اروح .. انا اعرف وين ما بروح بتلقااني .. انا ما ابي اشوفك .. ما ابي اسمعك .. ما ابي اتزوجك .. ما ابي .. ما ابي .. يااااااربي ليش حظي جذي ؟؟ ليييييش كلما قربت افرح .. تجيني مصيبة وكل مصيبة أكبر من الثانية ... ليييش ؟؟ ليييييييش ؟؟
أخذت تلفونها واتصلت على تلفون مي بس مي كانت ما ترد
يتبع
أخذت تلفونها واتصلت على تلفون مي بس مي كانت ما ترد
زادت بصيحتها مي ردي علي .. لاتسووين فيني جذي ..
وقفت سيارتها على اليمين وطرشت لها مسج مي .. لحقيني يا مي .. انا في مصيبة ..
مي انتبهت على صوت المسج ونقزت مرعوبة واتصلت بسرعة وردت عليها مريم من اول رنه ألو .. ههااهئئئ .. مي أمير طلع متزوج بنت عمته من 6 شهور .. مي أمير ما يحبني .. بيتزوجني عشان ينفذ وصية ابوووي .. مي بمووت مو قادره اتنفس ..
مي وقفت وضمت أصابع يدها مريم .. لا تسويين جذي .. لا تصيحين .. فهميني السالفة عدل ..
مريم علت صوتها أكثر مي شفييج ؟؟ ما تفهميين أقولج متزوج تقولين فهميني .. وانا الغبية اللي صدقته .. مي تعالي ابيييج .. زين الحين بروح بيتج ..
مريم بصراااااخ بيتي لا .. اكييد بيروح هناك .. انا لازم اروح ..
مي تروحين وين يا مريم ؟؟
مريم بابا وصااني اروح ازور ماما بقبرها .. بروح شيرااز .. تعالي معااي ..
مي يبتيها .. انا ابي انحاش ماما مصره تبي بدر يطلقني اول ما يرد من السفر .. تكفيين مريوم اخذيني معااج ..
مريم زين جهزي لي ولج ثياب لاني مو ناوية ارد البيت ..
مي زين وجوازج ..
مريم جوازي عندي بالسياره .. كنت مجهزته لانه يبيه عشان الملجة ... اشوى ان عندي .. بروح اسحب فلوس نتلاقى بالمطار زين هناك بحجز ..
مي وهي تطلع كل ثيابها زين ..
وسكروا
مريم المكان اللي ما بتلقونا فيه هو المطار .. يارب نلقى رحله اليوم .. ابي اسافر وارتاح ..
مريم سبقت مي على المطار وحصلت حجز الفجر وقعدت تنطر مي
مي بالغصب قدرت تشرد الشنط من البيت حاولت تلم الاغراض المهمة وفتحت باب البلكونه ورمتهم برى البيت ودخلت التجوري اللي بمكتب ابوها وخذت منه رزم فلوس ما تدري
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك