رواية قتلهن الطيش وأحياهن الحب -27
تابع الجزء الثالث عشر
فهد بالسياره وبالمرتبه اللي ورى امه ولوجين مغمى عليها .. وهدى تصيح : يااارب استر ...
وصلو المستشفى ودخلوها طواري ...
,,,,,,,,,,,,,,,
نور دايره بالبيت وماتردي وش بيدها تسوي ..
قابلتها ضي : وش فيك ؟!
نور: مافيني شي ... نزلت للصاله .. ولقت ابوها ..جلست وردت قامت وردت جلست ..
سعود: وش بلاك يانور ياما قمتي وياما جلستي ..
نور: هاااه ..لا ولا شي
سعود: وين عبدالرحمن ؟!
نور: هااه ..ز ايه عبدالرحمن طلع قبل ساعه يمكن
سعود: نور وش فيك ..
نور: ولا شي بابا .. وراحت غرفتها ...
نزلت ضي جلست ..
سعود: وش بها نور
ضي: والله ماادري سألتها ماردت علي ..
,,,,,,,,,,,,,,,,,,,,
هند تتصل على جوال لوجين بس محد يرد ... اتصلت على البيت ردت عليها خديجه : الووو
هند: السلام عليكم
خديجه : وأليكم سلام ( وعليكم السلام)
هند: وين لولو
خديجه : هادا لوزين روح مستشفى .. ( هذي لوجين راحت المستشفى)
هند شهقت : ليش؟؟
خديجه : انا مااأرف .. بس اجي زوز هيا .. كان صير ماادري يمكن مسكله ..يأدين هيا دوك ..كان روه مستشفى مأ ماما سوا سوا فهد ( انا مااعرف بس جى زوجها وصارت مشكله وداخت وراحت المستشفى مع ماما وماجد)
هند خافت : طيب مع السلامه
وتقفل منها وتتصل على نور وتقول لها ...
نور: ياااويلي .. الله يستر ..
هند يالله امرك ونروح لها
نور: بس بأي مستشفى ..
هند : ماادري بتصل اسأل خاله هدى..
نور قفلت منها وصارت تتصل على عبدالرحمن وهي نازله للصاله ويوم مرت من عند غرفته سمعت صوت الجوال يرن .. فرحت تحسبه بالغرفه بس دخلت مالقت احد والجوال على الكومدينا ... : يااااااااربي شالحل الحين
نزلت للصاله : بابا انا بروح مع هند ..لوجين بالمستشفى
سعود: خير وش فيها ؟!
نور بكت : والله ماادري
سعود: وعبدالرحمن يدري؟؟
نور: لا مااظن
,,,,,,,,,,,,,,,,,,,,,,,,,,,,
هند : ماما وين السواق ؟!
سعاد : ليش ان شالله على وين العزم ؟!
هند : ماما لوجين بالمستشفى بروح لها انا ونور
سعاد خافت : ليش وش فيها
هند : والله مااادري .. اتصلت عليها وقالت لي الخدامه انها داخت عليهم ..
سعاد : اجل بقوم اجي معكم
هند: لا ماما .. انا بروح اول واذا في شي اكلمك ..
سعاد: طيب بس كلميني على طول ..
هند: طيب بس وين السواق
سعاد : موجود
,,,,,,,,,,,,,,,,,,,,,,
الدكتور طالع من غرفه لوجين ..قام له فهد وهدى بسرعه
فهد: خير يادكتور وش فيها
الدكتور: صدمه عصبيه .. وانهيار حاد ..
هدى بكت ... فهد : لا حول ولا قوه الا بالله ...
الدكتور : لا تشيلون هم ان شالله بتتحسن ..
فهد : نقدر ندخل نشوفها ؟!
الدكتور : تقدرون ... بس رجاء هي تحتاج راااحه لا تحاولون تصحونها واو تكلمونها .. هي مازالت في اغماء ..
فهد: ان شالله ...
هند تتصل على هدى ماترد لأن جوالها بالبيت ...
اتصلت على ماجد : الووو
ماجد : هلاا
هند : ماجد وينك انت ؟!
ماجد : طلعت يعني ماشفتيني وانا طالع
هند : طيب الله يخليك نبي رقم فهد العالي
ماجد : ليش ؟
هند : بسرعه لوجين بالمستشفى ولا حنا عارفين بأي مستشفى ..
ماجد يديور السياره طيب انا بكلمه وجايك الحين
هند : اوكي .
ماجد اتصل على فهد لكنه مارد الا بعد عناء .. وسأله عن اسم المستشفى ومر اخذ هند وتوجه لبيت ابو عبدالعزيز عشان ياخذ نور .
وصلوا للمستشفى وسألوا عن غرفتها ...
نور وهند ماشيين بسرعه شافوا هدى جالسه على الكرسي ..
نور : خلاه هدى .. وش فيها لوجين ؟!
هدى تبكي : معها انهيار عصبي حاد
هند ونور شهقوا .. لااااا
هدى تصيح : ياااربي يستر ياربي .. توني طالعه من عندها وباقي في الاغماء والحين عندها فهد
نور تبكي: يالله يقومها بالسلامه
هند : نقدر نشوفها ؟!
هدى : الطبيب يقول عادي بس محد يكلمها
نور تجلس على الكرسي وهي تصيح : ياااربي لا يصير فيها شي
هند تجلس جنبها : ان شالله موب صاير لها شي وبتقوم ان شالله
ماجد راح لنور وقومها : ان شالله مايصير شي .. انت اهدي ...
نور تبكي : وعبدالرحمن بعد تارك جواله ولا ادري وينه
ماجد يضمها : ان شالله خير .. بيرجع .. هو وين راح ..
نور: ماادري
,,,,,,,,,,,,,,,,,,,,,
بعد ساعات عبدالرحمن وصل جده .. وموقف سيارته قدام البحر وواقف على الكبوت حق السياره .. ويفكر باللي صار كله .. دخل يده بالثوب يبي الجوال : يووووه نسيت الجوال .. الحين اكيد نور قالبه الدنيا
,,,,,,,,,,,,,,,,,,,,,,
نور وهند عند لوجين بالغرفه .. لوجين على السرير .. يناظرونا ويصيحون ويدعون انها تقوم سالمه ... لوجين بدت تحرك راسها وتفتح عيونها بالقوه .. انتبهت لها هند : لولو حبيبتي
لوجين تناظرها .. وماترد
نور: واقفه عند راسها : لولو تسمعينا
لوجين : تهز راسها بمعني ايه
هند : تبين شي .. اجيب لك شي ..
لوجين تهز راسها بمعني لأ.. وبصوت مو مسموع تسأل عن امها
نور: برا الحين اناديها
طلعت نور تنادي هدى وشافت عبدالله واقف مع فهد على جنب ويتكلمون بأنفعال ..
فهد : يبه السالفه قديمه ... خلاص مابينفع تحاسبها على شي الحين وبعدين حالتها ماتسح
عبدالله : كل هالامور تصير من ورا ظهري وانا ماني بداري عن شي
فهد : خلاص يبه صار اللي صار .. وانتهى الموضوع ... وياليت ماتكلمها باللي صار لأنه انتهى .. لكن والله مابتلاقي خير مني ياوليد
عبدالله : ماني قايل لها شي سالفه وانتهت .. طيب انت اتصلت على عبدالرحمن ؟!
فهد: ماجد قالي انه تارك البيت وجواله موب معه
عبدالله : لا حول ولا قوه الا بالله ..
هدى دخلت على لوجين : هااا يمه .. تحسين بشي
لوجين بصوت مو واضح : تعبااانه ..
هدى ونور وهند يصيحون ...
هدى : بتقومين ان شالله طيب .. بس انت ارتاحي ولا تفكرين كثير
النيرسز تدخل : لا ياجماعه مابيصير هيك .. المريضه حالتها مابتسمح .. اذا بتسمحو اطلعو لبرا
طلعوا من عندها ..
عبدالله : هاا شلونها
هدى : صحت .. وتقول انها تعبانه ... وتصيح هدى
عبدالله : الله يقومها بالسلامه يااارب
,,,,,,,,,,,,,,,,,,,
فهد يطق الباب ...
ام وليد : منو ؟؟
فهد : وليد موجود ؟!
ام وليد : لا والله ياوليدي ...طلع
فهد : تعرفين وين راح ؟!
ا وليد : يقول انه بالاستراحه .. عاد ماادري اذا انه هناك ولا لأ
فهد : طيب يعطيك العافيه ..
وراح للأستراحه .. دخل لقى وليد جالس يضحك مع خالد ... وتوجه لخ كأنه بركان ثاير وسحبه من بلوزته اللين رفعه .. : ياااااحقييييييييير
وليد يدفه : اقووول ضف وجهك ازين لك .. لا اطلع فضايحك على اللي جالسين كلهم
فهد : اذا فيك خير سوها ... ويضربه .. ويحاولن الشباب يفكونه بس غضب فهد كان مسيطر عليه اكثر .. واللي قرب اخذ نصيبه من الضرب .. وقاله بصوت عالي : ان صااار فيها والله نهايتك على يدي يازباااله ..وطلع وتركه
,,,,,,,,,,,,,,,,,,
عبدالرحمن وقف عند بقاله واتصل على نور ..
نور لازالت بالمستشفى ..شافت رقم غريب .. ترددت انها ترد .. اتصل كذا مره ..
نور: نعم
عبدالرحمن : نور انا عبدالرحمن ..
نور : عبدالرحمن انت وينك ..؟!
عبدالرحمن : بجده .. اتصلت اقولكم عشان ماتقلقون علي
نور: بجده ليش .. بسرعه ترجع الحين ..لوجين بالمستشفى مرقده
عبدالرحمن خاف : ليش وش فيها
نور تبكي : جاها انهيار عصبي ... عبدالرحمن تكفى ارجع ..
عبدالرحمن ضل ساكت شوي ..
نور : عبدالرحمن .. رد علي ,, بتجي ولا لأ
عبدالرحمن : خلاص انا طلقتها .. ولا تهمني الحين .. وقفل الخط
نور شهقت .. وش قلت ..لكنها مالقت منه رد
.......................
طبعا ماجد نزلهم للمستشفى جلس شوي وتركهم وقال للبنات اذا بيردون البيت يكلمونه ..
دخل البيت لقى امه وابوه جالسين ومعهم الهنوف ...: السلام عليكم
الكل: وعليكم السلام ورحمه الله
سعاد: هاا ياوليدي وش صاير معهم ؟!
ماجد : يقول الدكتور انهيار عصبي حاد
الكل تفاجئ...
صالح : من وش ؟!
ماجد : والله ماادري .. ماسألت
سعاد : قوم قوم ودني لهم ..
ماجد : مايحتاج يمه كلميهم وخلاص مابتقدرين تتدخلين لها
سعاد : ماعرفت من وش هالانهيار؟!
ماجد: لأ يايمه مادريت ..موب وقته الواحد يسأل من وش
سعاد: عين ماصلت على النبي ..
,,,,,,,,,,,,,,,,,,,,
ردو البنات للبيت ومابقى بالمستشفى احد .. واتفقوا انهم بكره الصبح يكونون عندها بالمستشفى ...
,,,,,,,,,,,,,,,,,,,,,,,,,,
ماجد بالليل يكلم نور: شخبارك حبيبتي ؟!
نور: ماني بخير
ماجد : ليش ياحبي .. ادري انت خايفه على لوجين ..بس ان شالله بقوم بالسلامه اكيد اذا رحتوا لها الصبح بتكون احسن من اليوم
نور: ان شالله يارب .. تعرف
ماجد: وشو؟؟
نور: هند ولوجين اكثر من اخواتي .. ولا اتخيل ان وحده منهم يصير فيها شي .. لو لاسمح الله افقد وحده منهم بموت
ماجد : ياااحياااتي عليك .. يانوري انت .. تعرفي بعد انت ؟؟
نور: ايش؟؟
ماجد : انك احن وحده بالدنيا .. قلبك طيب وحنون .. عرفت هالشي من اول مره ناظرت فيها عيونك ..
نور: تسلم
ماجد : ياترى انت تخافين علي كثر ماتخفين عليهم وتحبيهم .. ولا هم اكثر ؟!
نور ابتسمت : اكيد .. اخاف عليك مثلهم واكثر
ماجد : تدرين اليوم وش كنت نفسي اسوي لك وانت تبكين على لوجين ؟!
نور: ايش ؟!
ماجد : كان نفسي اضمك لصدري واقولك ابكي هنا بصدري وفضفضي كل اللي فيك ..عشان مااشوف دموعك .. مااشوف عيونك الحلوه تصيح .. كان ودي المك وامسح دمعه عيونك .. بس ماقدرت
نور تنهدت : ياحياتي انت
ماجد : انت اللي حياتي كلها .. ودنيتي بكبرها .. نور تحبيني ؟؟
نور ساكته
ماجد : تكفين قولي لي احبك
نور: موب لازم اقولها ..
ماجد : وش هي
نور: هيا اللي تبيني اقولها لك
ماجد يضحك : ايه وش هي
نور: انت عارفها .. مابقولها الا بوقتها ...
ماجد: ومتى وقتها ؟!
نور: الله اعلم
,,,,,,,,,,,,,,,,,,,,,,,,
الفجر.. لوجين بغرفه المستشفى منومه.. الغرفه ضلام ومافي غير أضاءه بسيطه فوق راسها .. ماكانت نايمه لكنها تفكر باللي صار وتذكر كلمه طالق من عبدالرحمن .. وتنزل دموعها على المخده اللي ماوقفت من لحظه ماراحوا من عندها اهلها .. واللي كل ماتدخل عليها وحده من النيرسز عشان تشوف وضعها تحاول تهديها عشان تتحسن ... بس القهر اللي بقلبها والزعل اكبر من انها تحبس دموعها لأنها الوحيده اللي بتقدر تتطلع شوي من اللي داخلها .. تنبهت على فتحت الباب ..لفت وناظرت ..شافت زول عبدالرحمن واقف عند الباب صارت تطالعه مومصدقه .. دخل لها ووقف عند راسها ... ناظرته وعيونها ماليتها الدموع ... رفع ايده ومسد على شعرها .. ومسك ايدها : لوجين حبيبتي ..سلامتك ..
لوجين بصوت واطي ودموعها على خدها تنزل بغزاره : انا اسفه ..
عبدالرحمن يحط ايده على فمها : اشششش .. لاتتكلمين ..
لوجين تبكي بهدوء وعبدالرحمن يراقب دمعتها وهي تنزل .. جلس على ركبه وهو ماسك يدها ويضغط عليها وبيده الثانيه يمسح دموعها : خلاص ياقلبي لا تبكين
لوجين بصوت مبحوح : زمان .. والله زمان قبل اعرفك
عبدالرحمن رد ايده على فمها : انسي الموضوع .. وانا بعد بضغط على نفسي وانساه .. بس لاتتعبين انا انجن لو يصير فيك شي يالوجين .. اموت لو افقدك ..
لوجين بعدت يده عن فمها .. قالت .. والدمعه تنزل بحرقه : والطلاق؟!
عبدالرحمن : لحظه غضب ..
,,,,,,,,,,,,,,,,,,,
الصبح الساعه تسعه توصل هدى مع عبدالله وفهد للمستشفى .. دخلوا للوجين بعد مامر عبدالله وفهد على الطبيب وتطمنو على حالتها ..وقال انها تحسن كثير عن امس .. دخلوا عليها الغرفه وشافوها نايمه وعبدالرحمن جنبها على الكرسي وماسك ايدها وحتى هو راسها عندها ونايم ...
كلهم انبسطوا يوم شافوه ..
فهد يمسكه من كتفه : عبدالرحمن
عبدالرحمن فز: هااه .. ويتلفت ..ركز وقال: هلا فهد ..جيتوا
فهد : قوم قوم ..انت من متى هنا
عبدالرحمن : من الفجر ...
عبدالله : الله يهداك .. وشوله مارحت ريحت بالبيت وجيت اليوم
عبدالرحمن : ماقدرت اروح البيت وانا ماادري وش حالتها ..
فهد : تكلمتو بشي ؟!
عبدالرحمن : ايه ..وتفاهمنا على كل شي ..
هدى تقرب للوجين وتمسك راسها تمسد عليه .. الا لوجين تفتح عيونها : ماما
هدى : ايه ياقلبي .. هاا شلونك اليوم .. الدكتور قال انك احسن
لوجين : الحمدلله احسن .. متى بطلع من هنا
عبدالله : اليوم كله اذا كانت حالتك متحسنه بتنامين بغرفتك الليله
هدى تناظر عبدالرحمن : روح ياوليدي ريح ... خلاص حنا عندها
فهد : ايه روح .. وجهك صاير اسود من التعب
عبدالرحمن : ان شالله .. ويروح للوجين ويحب راسها .. بالسلامه
لوجين ناظرته وابتسمت : الله يسلمك
طلع عبدالرحمن ولحقه فهد ..عبدالرحمن
عبدالرحمن وقف : هلا
فهد : مدري وش اقولك .. بس ابيك تسامحها ..تدري صغيره ..قاطعه عبدالرحمن : فهد خلاص انا نسيت الموضوع وسامحتها .. وتفاهمنا على كل شي ..
فهد ابتسم : يعني خلاص المياه رجعت لمجاريها ؟!
عبدالرحمن يضربه على كتفه : اكيد .. لاتشيل هم كل الامور تمام
فهد : والنذل وليد كسرته البارح
عبدالرحمن : زين سويت الله لايرده ...
الا هذي نور وهند جايين من اول السيب ... نور شافت عبدالرحمن وفرحت ..هند دحوم جى
هند تناظره : زين .. يالله بسرعه خلينا نشوف وش صار معه
عبدالرحمن يناظرهم ... وصلت لهم نور: دحوم وينك ..
عبدالرحمن : ويني ..هذا انا قدامك
نور: متى جيت ؟!
عبدالرحمن : الفجر
نور: ومن الفجر انت بالمستشفى ... ؟!
عبدالرحمن : ايه
نور: شفت لوجين تكلمتوا .. قلتوا شي
عبدالرحمن : ايه وانتهى الموضوع على خير الحمدلله ..
نور وهند بضحكه : صدق؟!
عبدالرحمن يضحك: ايه ... وخلاااص لاعاد تفتحون هالموضوع لا معاي ولا معها ..
نور: ابشر .. يالله تعالي هند خلينا نشوفها ...
وتسحبها على غرفه لوجين .. يطقون الباب.. مرحبا
لوجين تلف تناظرهم وابتسمت : اهلين
هند:كيف الحلوه اليوم ..
لوجين : الحمدلله احسن ..
نور تروح لها : مبروك صلح الحديبيه ..وتضحك
لوجين ضحكت : الله يبارك فيك ....
كلهم مبسوطين عشان لوجين قامت سالمه ...وطبعا عبدالله ماكلم لوجين بأي شي .. واعتبر الموضوع منتهي بما ان عبدالرحمن قال هالكلمه بلحظه غضب.. اما سعود ماعرف وش اساس السالفه وكل اللي في باله انها تعبت شوي .. ماحبو يقولون له عشان صحته .. وبكذا محد درا عن السالفه الصدقيه غير اصحابها ..
,,,,,,,,,,,,,,,,,,,,,,,,,,,,,,,,
هند ونور راجعين مع ماجد بالسياره للبيت وصاروا قريبين من بيت نور... رن جوال ماجد ..شاف الرقم كانت ود .. مابغى يرد عليها قدامهم ...
اول مره وثاني مره وثالث مره ....نور لاحظت ارتباكه ولاحظت نظرات هند له .. ماحبت تتلقف وتسأل من .. ولو انها جلست قدام جنبه مثل مااقترحوا عليها كان شافت الرقم ووفرت على نفسها هالتسائل .. بس نور استحت و رفضت وجلست ورا .. في المره الرابعه رد ماجد : نعم
ود: ماجد شخبارك ؟!
ماجد : بخير... وش بغيت ؟!
ود: شلون وش بغيت .. ابي اكلمك .. وبعدين ليش تكلمني بصيغه رجال .. خطيبتك معك؟! صح؟؟
ماجد : ايه ... خلاص اكلمك بعدين ... مع السلامه ...
ماجد جى يقفل الخط بالغلط ضغط اسبيكر ..وود كانت تقول: حبيبي تكفى لاتطنشني .. انتظرك
هند ناظرت ماجد .. وماجد صار يضغط كل الازارير اللي بالجوال يبي يقفل الخط ..ونور مصدومه وتتردد الكلمه بمسامعها ( حبيبي ..حبيبي..حبيبي..)
,,,,,,,,,,,,,,,,,,,,,,,,
انتـــــــــــهى الجزء الثالث عشر..
في الجزء الرابع عشر..
وش رح يصير مع نور وماجد ؟؟!
الجــــزء الــرابع عشــــر,,,
.............
مدخل/
آموآج عآتيه تلآطم بعضهآ البعض ..
تعلو الى الشآطئ تآرهـ لتضع بصمتها عليه ..
وتقنع من حولهآ بقوتهآ وعنفوآنهآ ..
ثم تعود ..!
لتتعآرك في ميآدين القوة والشجآعه ..
غآب تفكيري .. وجآل خيآلي وصآل .. وآنآ ارمق ذلك المنظر ..
وعآدت بي الذآكرهـ الى ذلك اليوم الحزين ..
الذي وعدتيني فيه بالحضور للقآئي ..
وكتبت في دفآتري وعدا ً لقلبي بيوم حبور ..
انتظرت وفي قلبي نبضآت وخفقآت تزدآد كلمآ اقترب الموعد ..!
موعد مجيئكـ ِ ولحظآت قربكـ ِ وهي تمر كالسآعآت ..!
طآل انتظآري حتى ملني صبري ..
ذبلت ورودي ..!
وتغلل الحزن الى ذآتي وآنآ انتظرك وآسلي قلبي بوعدكـ ِ ..
مرت السآعآت .. ولم تحضر لم ارى وجهكـ ِ ..!
افقت من غفلتي ومآزآلت تلك الاموآج تلآطم بعضهآ البعض ..!
..............
( لازاد فيني الحزن ..اكتم دموعي و أون .. واقول ابد ماابيك .. واذكر هوانا واحن .. وين انتا عني انا .. وكلتني للعنا.. ماكني اللي هويت .. ولا كننا نفسنا.. عيشتني بالوهم .. قتلتني بالالم ..عودتني عـالدموع .. عرفتني عـالندم ..قلبي معاك رجعه .. كلامك بيسمعه .. قله يشوف الحياة .. وان انت ماتنفعه .. ) نور بعد مانزلت للبيت ..كانت بغرفتها جالسه بنص السرير ولامه رجولها لصدرها ومتكتفه وراسه على ايدينها وتسمع هالاغنيه وتصيح .. ميب متخيله اللي صار ولا الصوت الانوثي اللي سمعته .. والاكثر كلمه حبيبي من هالصوت .. يعني معقوله ماجد لعاب ولازال يعرف بنات حتى بعد خطوبتهم .. طيب ليش انا انهيت علاقتي بآهات وهي علاقه صداقه لا اكثر .. ولا عرفت غير هالشخص ومن لحظه خطوبتها وصلت لآهات هالخبر عشان مايكون بينهم أي شي .. بكت نور من قلب كانت قافله جوالها وطبعا ماجد وهند كسروا الجوالات من الاتصالات عليها .. حتى على البيت قالت للي يرد عليهم يصرفونهم .. هند صح ان مالها ذنب بشي بس نفسيه نور تعبانه ومالها خلق تكلم احد ..
عدا على نور اسبوع وهي بنفس الحاله .. وهند جاتها مرتين حاولت تكلمها بس نور رافضه تسمع أي شي ..
,,,,,,,,,,,,,,,,,,,,,,,,,,,
عبدالرحمن عند لوجين بالبيت وينتظرها تدخل له ..
فهد : هههههههههههه والله وكثرت جياتك لنا .. لو درينا كان زوجناك بنتنا من زمان
عبدالله : الله يحيه ..
فهد : ايه الله يحيه ماقلنا شي .. بس نبي جيات خاصه لنا عشان لاسافرت ما اشتاق له
عبدالرحمن : ليه وين بتسافر ؟!
فهد : ان شالله بروح بريطانيا على نهايه الاجازه .. تدري بكمل دراسه هناك واخذ ماجستير ..
عبدالرحمن : ماشالله .. وورتبت وضعك ...؟
فهد : ارسلت اوراقي وشهاداتي وانتظر الرد .. عاد لاوصلني الرد والموافقه ان شالله بسافر
عبدالرحمن : ان شالله .. يالله الله يوفقك يارب .. وترجع لنا مهندس قد الدنيا .. ويضحك ... سكت يوم شاف لوجين داخله عليهم .. وتنح فيها ...
كانت لابسه بنطلون لونه خربزي ماسك .. وبلوزه عودي مشجره بألوان البنطلون وموديلها مرد صدرها مفتوح سبعه ولابسه التعليقه اللي جابها لها في الشبكه .. وطبعا صندل بنفس الالوان واطي .. ومكياج خفيف .. وشعرها مسويته كيرلي وحاطه عليه وردات صغيره من قدام ... دخلت : السلام عليكم
الكل وعليكم السلام ..
توجهت لعبدالرحمن وسلمت عليه مصافحه ..بس عبدالرحمن سحبها وباسها من خدها ...لوجين ماتت من الاحراج لأن ابوها وفهد موجودين ...
جلست ... وعبدالله وفهد طلعوا ..
عبدالرحمن : شلونك حبيبتي؟؟
لوجين تناظره : بخير الحمدلله .. انت كيفك ..
عبدالرحمن : بخير دامني معك ..
لوجين : ان شالله على طول ...
عبدالرحمن : ان شالله ... سكت وصار يناظرها ... وقال : شكلك اليوووم مووووت .. يجنن
لوجين حمر وجهها : عيونك اللي تجنن .. سكتت وقالت .. بس اليوم اجنن ؟!
عبدالرحمن يضحك : لا كل يوم وانت في عيوني حلوه
,,,,,,,,,,,,,,,,,,,,,,,,,
ماجد جالس بالصاله وخلقه ضااايق .. نازله سعاد من فوق وتدخل الصاله ..: انت بالبيت .. غريبه
ماجد : لا غريبه ولا شي .. عادي
سعاد : وين خواتك ؟!
ماجد : الهنوف كانت هنا وطلعت قبل شوي وهند الظاهر بغرفتها ..
سعاد : شلون حبايب القلب ..؟!
ماجد : أي حبايب ؟!
سعاد تغمز له: أي حبايب ..
ماجد مارد عليها وقام ..
سعاد استغربت : وش فيك ؟!
ماجد ماشي : ولا شي
سعاد : وقف هنا انا جالسه اكلمك ..
ماجد وقف : نعم يمه
سعاد : صاير شي بينك وبين نور ؟!
ماجد : لا يمه موصاير شي بس انا اخلاقي قافله شوي .. ومابي اتكلم .. وراح ..
طلع ماجد لغرفته وقابلته هند طالعه من غرفتها ..
هند : ماجد ..
ماجد وقف: نعم
هند: نور ردت عليك
ماجد : لأ ..
هند : طيب وش بتسوي الحين ؟!
ماجد مسك راسه ورد شعره على ورا : ماادري والله ماادري ..
هند : طيب تعال غرفتي خلنا نشوف حل لهالسالفه ..
ماجد يروح وراها للغرفه وهو يقول: وش الحل اللي بنلاقيه
دخلوا وصكو الباب .. جلست هند على السرير وماجد على كرسي المكتب .. ويفكرون وش الحل
,,,,,,,,,,,,,,,,,,,,
بعد ايام ... نور تتصل على هند ..
هند ردت بسرعه : هلا نونو .. واخيرا تنازلتي ورديتي علينا
نور: اهلين ..كيفك
هند : طيبه .. انت كيفك ؟!
نور: ماشي الحال عايشين .. هنوده تقدرين تجين عندي اليوم
هند : ليش خير وش فيك
نور: مافيني شي لازم يكون في شي عشان تجين عندي .. ولا انت بعد زعلانه مع اخوك
هند : احنا الزعلانين ولا انت الزعلانه ..
نور بتأفف : هند الله يخليك من غير كلام كثير تبين تجين ولا لأ؟!
هند : اوكي اوكي .. بجي ..
نور: كلمي لوجين معك .
هند : طيب ..
قفلت هند واتصلت على لوجين ..
لوجين : هلا والله .. بهنوده
هند تضحك: هلابك اكثر .. اخبارك ؟!
لوجين : الحمدلله .. بخير .. وانت
هند : تماموو .. ايش اخبار زوج المستقبل ؟!
لوجين تبتسم : اخباره حلوه مثل خطيبته الحلوه
هند: ياشين الثقه الزايده ..
لوجين : المهم شخبار حسونه التونه
هند : وجع وشو تونه ماتونه ..
لوجين تضحك : كذا بس تونه وحسونه نفس القافيه
هند : المهم اسمعي نور اتصلت علي تبغانا نجيها .. شرايك تجين
لوجين " اوكي ابتصل على دحوم اقوله وارد لك
هند رفعت حواجبها : خييير ان شالله من متى ..وبعدين تراك منت رايحه مكان غريب رايحه بيتهم ..يعني جايته برجولك .. عشان كذا تعالي ولاتقولين له ..خليها مفاجئه
لوجين : والله فكره .. بس مااضمن انه يكون بالبيت
هند : يالله مايبيلها شي اتصلي واسأليه اذا بالبيت ولا لأ
لوجين : خلاص صار ... بس متى بتروحين لها ؟!
هند : بعد المغرب ...
,,,,,,,,,,,,,,,,,,,,,
نور كانت بغرفتها لبست بنطلون وبلوزه ونزلت الصاله .. لقت عبدالرحمن وضي وابوها ... دخلت جلست: السلام عليكم
الكل وعليكم السلام
سعود : انت وراك مختفيه ماتنشافين .. اقوم وارد انام ولا اشوفك
نور: تعبانه شوي احس جسمي طايح هالايام
سعود : رحتي المستشفى ؟!
نور: لا مايحتاج
جات رساله على جوال نور من لوجين :: مرحبا نونو .. بغيت اسألك دحوم بالبيت ولا لأ عشان انا ابي اجي وماابيه يعرف
ردت لها برساله انه موجود
ضي قامت للمطبخ ..
عبدالرحمن : ضي جيبي لي معك مويه
ضي: طيب
رن جواله : الووو
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك